Partia Demokratike ndihmoi sot disa familje në Bishan të Novoselës duke shpërndarë 25 dyshekë, 50 batanije, 200 bidona me ujë të pishëm, 500 kg oriz, vaj, sheqer dhe detergjentë. Sekretarja për Organizatat Partnere në PD, Mezini dhe kryetari i degës së PD-së së Vlorës, Meminaj u takuan me banorët të cilët ndihen të braktisur dhe pa vëmendjen e duhur nga strukturat e qeverisë.
Thirrja e Partisë Demokratike për ndihma dhe solidaritet ka angazhuar shumë qytetarë, sdipërmarrës e anëtarë të opozitës që po kontribuojnë çdo ditë me mundësitë që kanë.
Kjo është dita e 9-të që përfaqësues të Partisë Demokratike janë çdo ditë në terren me banorët e përmbytur të zonave të Fierit e Vlorës, duke dëgjuar shqetësimet e tyre dhe duke dhënë ndihmesë për nevojat e tyre bazike në ushqime, veshje e ushqime për gjënë e gjallë.
