Kandidati për kryebashkiak, Halim Kosova, nis shpjegimin e programit të tij në lagjet e Tiranës.

Kandidati për Kryetar Bashkie në Tiranë, Halim Kosova ka nisur të shpjegojë programin nëpër lagje dhe komunitet. Kosova u takua me punonjës të një rrobaqepësie në rrugën “Siri Kodra”, ku shpjegoi efektet e programit të tij për uljen e taksave, çka do të sjellë më shumë para për biznesin, pra paga më të mira për të punësuarit dhe vende të reja pune.

“Kam ardh për ti mbështet ato që krijojnë vende pune për ju dhe e dyta do të jem përkrah tyre për të bërë më të mirën për to sepse duke bërë më të mirën për biznesin, biznesi e kthen këtë në vende pune ose dhe pse jo në të ardhura më shumë për ju. Ideja e bashkisë është që të ulë 30% taksat lokale që i ka në dorë dhe të ofrojë pastaj vende me qira zero”, tha Kosova.

“Kjo është interesante në fakt, kjo e lokaleve. Unë kam bërë çdo gjë 100% të  rregullt sepse njerëzit shikojnë se çfarë bën dhe nuk kam asnjë mundësi për t’u përgjigj jashtë kësaj pike kupton? Nga ana tjeter, unë kërkoj një shërbim të qartë. Shif procedurën, sa rri çfarë dokumenti ka dërguar a, b, c, d”, shprehet qytetari.

“Punë e pastër. Ne i themi në Shqipëri punë e pastër mbi tavolinë, absolutisht”, thotë Kosova.

Duke u ndalur tek stimulimi i biznesit që krijon vende pune, Kosova shtoi se:

“Çdo njeri i di hallet e veta mirëpo nëqoftëse bashkia, nëqoftëse unë në krye të bashkisë zgjidh problemet e Ilirit dhe shumë të tjerëve që në këtë egërsi tregu ju mbajnë me punë, unë them që kam bërë gjënë më të mirë edhe për ju. Se s’bën do të përkthehet në kushte më të mira për ju ose në mundësira më shumë për ju. Kushdo njeri që do me bë diçka të mirë në qytet apo në ndonjë vend, puna e parë duhet të ketë një klimë miqësore me biznesin me atë që prodhon vende pune që i mban njerëzit me bukë kështu që bashkia do jetë si rregullatore, harmonizuese e gjithë mundësive që ka qyteti”, tha Kosova.

Kandidati për Kryetar Bashkie në Tiranë foli edhe për projektet e infrastrukturës.

“Jo këtu por deri në 4 vjet do të jenë edhe fshatrat me rrugë sepse i kemi mundësitë se janë lekët janë të gjitha janë projektet ajo nuk diskutohet. Tashi ne do dalim lagje më lagje, fillojmë sot për herë të parë  ku çdo lagje do merret kshu si kuadrat jo një rrugë këtu një rrugë  andej do merren  kështu si kuadrat do mbarohen të gjitha, kanalizime, ujë. Mbaroi kjo, dhe jo njëherë këtej, njëherë këtej, secili pjesën e vet që të bashkohen të gjitha” , tha Halim Kosova.

Njoftim për shtyp i Partisë Demokratike, 3 Qershor 2015