Fillimisht, kam disa pyetje për Ministrin Beqaj:
-Cili ishte kriteri që znj. Bello u emërua si kryemafmaciste në Ministrinë e Shëndetësisë në kohën që ajo nuk ka kaluar asnjë provim shteti dhe nuk e ushtron dot profesionin e farmacistit??
-Cili ishte kriteri dhe arësyeja që z. LEvani emërohet nga ju Drejtor I PËrgjithshëm I Agjensisë Kombëtare të Kontrollit të barnave e pasi e hoqët që ndej se u zhut ën afera dhe abuzime, e thirrët më një sms nga Amerika për ta emeruar Drejtor të Rimbursimeve në Fondit e Detyrueshëm te Sigurimeve Shëndetësore, në qendrën e abuzimit, korrupsionit vjedhjes së fondeve publike??
-A e keni lexuar shkresën qe Glaxo ka dërguar në Ministrinë e Mirëqenies që lajmëron pushim kolektiv të punonjësve të tij? Pushoi të gjithë punonjësit dhe mbajti vetëm një pafëqësi të vogël. NË nuk kemi thënë asnjëherë që barnat e Glaxo nuk qarkullojnë në tregun Shqipëtar. A e dini që arësyeja pse Glaxo ka ikur është pikërisht situata ekonomike dhe politikat që ju keni ndërmarrë këto dy vitet e fundit??
-A I këni bërë ju telefon përsonalisht disa depove farmaceutike duke ju lutur që të futeshin në tenderin e barnave spitalore, pasi dështoi 3 herë pprej mungesës së interest?? Sepse ju cmimet e ilaceve I keni ulur ne mënyrë abuzive, pa I negociuar me kompanitë. A I keni premtuar atyre favour të tjera në këmbim të kësaj??
-Meqenëse jeni krejt të paaftë për atë që ju është caktuar të bëni, nuk merrni mundimin të bëni as ca llogari të thjeshta fare që nxjerrin zbuluar mashtrimin tuaj të madh me kursimin prej 70 mln dollarësh prej ilaceve. A e dini ju që xhiroja totale vjetore e qarkullimit të barnave është rreth 150 milion dollar.  Vetëm barnat që rimbursohen kushtojnë rreth 80 milione dollarë në vit. 70 mln dollar enkan kursyer sipas Ramës dhe Beqes. Pra, I bie që e gjithe vlera e qarkulluar në një vit ka shkuar për të mbuluar listën e barnave, me këtë llogjikë qeveria ka harxhuar 0 lekë për barnat spitalore, dhe farmacitë kanë tregëtuar 0 lekë barna.
Të nderuar kolegë,
Asgjë nuk e vë në pikëpyetje historike, jashtë shinave të ligjit dhe kushtetutës një parlament, sesa një ligj i rrezikshëm për interesin kombëtar.
Sot, si kryetare e komisionit të cështjeve sociale dhe shëndetësisë, por më së shumti si nënë e dy vajzave të vogla e kam shumë të vështirë dhe të trishtueshme përballjen me këtë ligj.
Si qytetare nuk besoj më prej dy vitesh tek shteti dhe ky parlament që nuk mbron asnjë interes timin dhe të asnjë qytetari tjetër të kësaj republike.
Sot, ju po bëheni firmëtarë të rrezikut që i kanos për vdekje qytetarët shqiptarë. Ligjin që keni sjellë nuk e keni dokumentin e mbrojtjes së jetës, por të kërcënimit të saj; nuk e keni ligjin e të mirës publike por të mirëqënies vetjake. Ky nuk është i tregut të lirë por i monopoleve që mbron klanet dhe interesat e KM, ministrit dhe të qeverisë.
Ky nuk është ligj që reformon por deformon dhe cënon rëndë sistemin.
Me këtë ligj ju vulosni përfundimisht me damkën e turpit te megakorrupsionit dhe të antligjshmërisë të kësaj maxhorance që punon për pushtetin e krimit dhe jo shtetin e qytetarëve. Ndaj, ju kërkoj që ta tërhiqni atë.
Sot shëndetësia është në ditën e saj më të zezë, në një agoni gati pa kthim për vetë pasojat e pariparueshme që po sillni për këtë sektor jetik të vendit. Ministri flet për reforma, por shifrat dhe faktet flasin për korrupsione dhe monopole të rrezikshme, flet për dixhitalizim kur cdo gje shkruhet e preket me dorë e diagnostifikohet me sy e veshë, flet për shmangie radhash e procedurash por shkoni një ditë në QSUT dhe radhat e kohës së Enverit do ju duken hicgjë. Spitalet të vijnë si dezha vy skenash të filmave në luftën e parë dhe të dytë botërore.
Kemi dëgjuar ditët e fundit deklaratat mjerane të Ministrisë së Shëndetësisë në përgjigje të dekaratave denoncuese të PD për aferat korruptive në shëndetësi. Kemi folur me fakte të cilat I kemi bërë publike dhe I kemi kërkuar në cdo rast prokurorisë të hetojë.
Thoni në deklaratat tuaja që ju keni prishur klientelizmin dhe monopolet e dikurshme. BRAVO nëse e keni bërë këtë. Por pse nuk I denonconi?? Cojini në prokurori. Atëherë po do na tregoni që nuk është sulmi mbrojtja më e mire për ju, por që juve vërtetë po bëni atë që duhet e për të cilën ju u votuat.
Thatë dje se në ju paskemi inat se po bëni reformat në shëndetësi…Në mos qesharake, kjo është deklaratë e turpshme ardhur pikërisht prej jush… Nuk besoj se ka një familje shqiptare që nuk e ka provuar mbi supe apo edhe me jetë reformën e zhvatjes kudo e me sa të munden në cdo fushë të shëndetësisë.
S’ka familje në shqipëri që të mos jetë rropatur spitaleve, qëndrave shëndetësore e s’ka mundur të marrë shërbimin e mjekimin që I takon e kanë nevojë. Ka nga ata që në dëshpërim për të siguruar ilace edhe janë larguar nga kjo jetë pa munduar ta marrin atë, pikërisht prej babëzisë dhe makutërisë skandaloze Ministrit Beqaj.
  • Po për cilën reformë flisni ju Z. Beqaj?? Për check up falas??? 120 mln euro në xhepat e klientes suaj, sigurisht transit për në xhepat tuaja e të shefit tuaj??? Pse nuk keni pasur guximin ti shpjegoni shqiptarëve pse në abuzim total me procedurat e tenderit ju zgjodhët pikërisht atë që tregëton duhan e alkool që të bëjë check up për parandalimin e sëmundjeve që shkaktohen nga duhani dhe alkooli?? Cilin kriter plotësonte për ju??? Sigurisht jo mbrojtjen e shëndetit të qytetarëve. Por jam ë sigurt që lidhet me pjesën e këtij fondi që kalon direct për kompaninë tuaj INTECH+ si nënkontraktor për informatizimin e procesit…
  • Për cilën reformë flisni kur me check up tuaj të famshëm të shëndoshët po I nxirrni të sëmurë dhe anasjelltas???
  • Për cilën reformë flisni ju z Beqaj kur Fondin Sigurimeve të Detyrueshme Shëndetësore e keni shndërruar në agjensinë e më të korruptuar ku vidhen miliona e askujt nuk I hyn gjemb në këmbë se kanë mbrojtjen tuaj direkte a[p të disa deputetëve të tjerë?? Pse ende sot nuk ka asnjë të dënuar dhe asnjë masë administrative për 7 mln euro rimbursim recetash fictive???
  • Për cilën reformë flisni ju apo për skandalin e insulinave apo ilaceve të tjera të shtrenjta të cilat ja rimbursoni një depoje të vetme e cila paguan haracin tek ju??? Fiktiviteti i faturave të lëshuara prej kësaj depoje, (jo vetëm për Insulinat), rezulton të jetë një shifër e frikshme, të cilën do jau bëjmë publike shumë shpejt, por sot po sjell në vëmendjen e publikut shqiptar presionin e e madh të strukturave shtetërore ndaj prokurorisë për mbulimin e kësaj megavjedhje.
  • Për cilën reformë flisni ju kur I keni rimbursuar të njëjtës depo vetëm për një bar Ketosteril në një shumë prej 2 mln dollarësh kur në 18 muaj asnjë kuti KEtosteril nuk ka hyrë në këtë depo???
  • Për cilën reformë flisni ju kur të gjitha tenderat për barnat spitalore, shumica me prokurim të drejtpërdrejtë zhvilluar nga Ministria e Shëndetësisë, janë fituar nga sponsorët e pastisë klientët apo miqtë?? Po si e paskeni hequr ju monopolin dhe klientelizmin në farmaceutikë??
  • Për cilën reformë flisni ju? Për laboratoret që po ja jepni klientit të rradhës pas pazarit të rradhës?? Duke shkatërruar kështu zinxhirin e proceseve shëndetësore e duke cënuar edhe sigurinë kombëtare??
  • Apo për dializën dhe sterilizimin (rreth 200 mln euro të tjera) që sigurisht shkojnë te ata që ju japin pjesën më të madhe ju, pazarin e rradhës. E vërtetë që ne e nisëm dializën, dhe e bëmë shumë mirë. Por ne ja dhamë spitaleve dhe ata vetë e bënin pagesën për dializën sipas nevojave. Ndërsa ju, me oreksin tuaj të pafre e centralizuar dhe e morët vetë të gjithë tenderin, për tja dhënë një klienti të vetëm…
  • Apo e quani reformë mamografitë e levizshme, me të cilat u tallët dhe mashtruar për një vit gratë që qëndruan në rradhë për një mamografi “falas”por që kurrë nuk morën asnjë përgjigje…ende pas një viti ato nuk dinë nëse janë të sëmura apo jo? Nëse kanë kancer gjiri apo jo??
  • Apo për listën e barnave të rimbusrueshme e tëra dhe e bëra në shërbim të lobeve pranë qeverisë??
  • E kështu mund të vazhdoja shumë gjatë….me aferat dhe skandalet në ministrinë tuaj të drejtuara dhe dirigjuara prej jush…
Të nderuaur kolegë,
Para disa ditësh një grua humbi jetën pasi ju refuzua shërbimi në QSUT me preteksin që nuk kishte mjekë në ëeekend…Humbja e kësaj jete është përgjegjësi direkte e juaja z. Ministër, e për këtë ju bëjmë fajtor!!
Dje mora mesazh nga një mikeshë e cila më njoftonte me shqetësim që mungojnë insulinat në Durrës. Të tjerë qytetarë ankohen se insulinat nuk ju bëjnë asnjë efekt.
Para pak ditësh një nënë që e kishte të pamundur pagesën e ilaceve të shëndetit mendor për bijën e vet më tha “A kanë shpirt këta qeveritarë, a kanë fëmijë këta burra dhe gra të qeverisë dhe parlamentit??
Këto janë pyetje që të sjellin menjëherë në mend pyetjen që e ke të pamundur ti përgjïgjesh me të shpejtë: “a ia vlen të merresh me politikë në këtë Parlament, ku ka humbur cdo funksion dhe orientim cdo ndjesi të përfaqësimit të shqiptarëve?? Për cfarë jemi ne sot këtu, për cfarë duheni ju zotërinj ministra, ti ministër i shëndetësisë kur ilacet për jetën nuk arrijnë të merrën se mungojnë në treg apo nuk I paguajnë dot, kur ilacet nuk bën efekt sepse janë fallco e të skaduara.
A ka parime, a ka norma në fund të fundit morale, mbi të cilat duhet të udhëhiqet diskutimi ynë??
Ku përfundoi shëndetësia falas kolegë të mazhorancës me të cilën ju manipuluat edhe votuesit pse jo të PD, pasi kur vjen puna tek shëndetësia kurimi falas bëhet një joshje e parezistueshme sociale e jo më politike.
Të nderuar kolegë të maxhorancës, ju kërkoj të mos e votoni ndryshimin në ligjin e barnave që banda e tenderave publikë e risolli me urgjencë në Kuvend, për të pastruar me paratë e shqiptarëve bodrumet e Ballkanit, të mbushura me ilace false dhe të skaduara.
Vetëm para një muaji Komisioni Europian me kërkesë të Agjencisë Europiane të Medikamenteve (EMA) ndaloi tregtimin në Evropë të afro 700 medikamenteve të skaduara, pas hulumtimit se një kompani farmaceutike në Indi kishte manipuluar  të dhënat e tyre klinike.
Por çfarë ndodh në Shqipëri, në vendin kandidat për në Bashkimin Europian ?!
Një pjesë e 700 barnave të ndaluara nga Komisioni Europian, tregtohen ende në farmacitë e vendit, dhe Ministri nuk bën asgjë se merret me rrëmbimin e tenderave… S’janë pak, 28 tendera në 22 muaj… Por ëshët alarmante që ende qarkullojnë në treg barna fallco dhe Ministri thotë që nuk qrkullojnë. Ja ku është lista e barnave fallco që janë ndaluar të futen në BE. Ne si opozitë kemi bërë edhe punën tuaj. Merre listën z. Ministër dhe jep urdhër që ato të ndaalohen në treg. Janë barna që përdoren për hypertension, epilepsy, alergji, antibiotikë etj. Pra shumë të nevojshëm për qytetarët. Këto barna, nëse vazhdojnë të qarkullojnë, rrezikojnë shendetin e popullatës.
Mendoni pak të nderuar kolegë kur 700 barna kalojnë edhe filtrate e vendeve më të zhvilluara të BE, si mund të futen ato fare lirshëm në Shqipëri ku nuk ka asnjë filter, s’ka kapacitete e nuk ka dëshirë dhe vullnet për ta bërë.
Të nderuar kolegë,
Qeveria e Tiranës nuk ndalet në praktikat korruptive. Nën ndikimin e sponsorëve të saj, kërkon të heqë tani, me këtë ndryshim çdo element sigurie të medikamenteve, duke lejuar tashmë me ligj tregtimin e barnave false dhe të skaduara.
Arsyetimi i Qeverisë se ligji duhet të ndryshohet sepse bie ndesh me marrëveshjen e CEFTA-s është thjesht mashtrim i pastër, aq më tepër kur paaftësia bashkohet më servilizmin e tepruar që edhe justifikimet I sjellin madje pa lexuar farë dokumentat të cilave ju referohen. MEqenëse zotërinj të ministrisë se ekonomisë, ju na sollët si referencë CEFTAn, po ju lexoj nenin 17 të kësaj marrëveshjeje që thotë:
“This Agreement shall not preclude the prohibition or restriction on imports, exports, or goods in transit justified on grounds of public morality, public policy or public security, the protection of health and life of humans, animal or plants, the protection of national treasures possessing artistic, historic or archaeological value, protection of intellectual property or rules relating to gold or silver or the conservation of exhaustible natural resources, if such measures are made effective in conjunction ëith restrictions on domestic production or consumption. Such prohibitions or restrictions shall not, hoëever, constitute a means of arbitrary discrimination or a disgui sed restriction on trade betëeen the Parties”
Pra Neni 17 I marreveshjes shpreh qarte ‎që CEFTA nuk tejkalon ligjet e nje vendi kur behet fjalë për mbrojtjen e shëndetit publik.
Propozimi I PD është që barnat që prodhohen apo që hyjnë në Shqipëri (nga cdo vend I botës), të certifikohen në bazë të standarteve ndërkombëtare (EMA, FDA) dhe kjo s’do të sillte asnjë pengesë që ato te qarkullojne ne Shqiperi, pra nuk bije ndesh aspak me CEFTAn.
Në kushtet kur në Shqipëri Agjencia Kombëtare e Barnave dhe Paisjeve Mjekësore, nuk ka as teknologjinë as kapacitetet njerëzor për të bërë kontrollin dhe analizën e cilësisë, sigurisë dhe efikasitetit të barnave, ligji ekzistues është një filter i domosdoshëm për barnat që importohen nga Ballkani.
Unë ju kërkoj që ta tërhiqni e të mos e votoni këtë ndryshim.
Të nderuar kolegë,
Vjedhja miliona euro me recetat e rimbursueshme, dosja “insulina” abuzimi çnjerëzor me të sëmurët kronikë dhe tenderi “si je”…janë vetëm një pjesë e bilancit korruptiv në kabinetin “shëndetësia”
Falas,  Shëndetësia dhe fondi i saj i është dhënë vetëm Ministrit të Shëndetësisë. 28 tendera janë marrë nga kompania e ministrit në 22 muaj, 14 tendera në 7 muajt e 2015, 2 tendera në muaj.
Po a e dini se për cfarë mund të kishin shërbyer 11 mln dollarët që në fakt kanë shkuar direct në llogarinë përsonalë të Beqajt??? (dhe këtu pa llogaritur rastet kua INTECH+ është nënkontraktor)
  • 11 mln dollarë të Beqajt do mjaftonin për të ushqyer rreth 184 mijë familje në një muaj nëse ju japim një pension social të Veliajt (6700 lekë).
  • 11 mln dollarë të Beqajt do mjaftonin për të ushqyer mbi 15 mijë familje në një vit duke marrë një pension social të Veliajt.
  • Mendoni sa pensionistë, persona me aftësi ndryshe, fëmijë, romë etj mund të kishin një jetë më të mire
  • Me 11 mln dollarë Beqajt mund të ishin ndërtuar 8 shkolla shumë të mira, disa katëshe me standartet e Bankës Botërore;
  • Me 11 mln dollar që mori Beqaj mund të ishin ndërtuar 15 shkolla me standartin shqiptar
  • Me 11 mln dollar të Beqajt mund të ishin ndërtuar plot 450 qendra shëndetësore, pra anekënd Shqipërisë.
  • Me 11 mln dollar të Beqajt mund të ishin furnizuar të gjitha spitalet dhe qendrat shëndetësore për një vit të tërë e asnjë qytetar nuk do vuante për mungesë barnash apo pajisjesh.
Por me qeverisjen tuaj po ngrini një histori të re të pushtetit që mund ta quajmë fare mirë TENDERokracia. Dhe në krye të listës së arritjeve historike me reformat e tenderokracisë padyshim qëndron ministri Beqja.
 
Kam një këshillë për ju z. Ministër:
Jepni dorëheqjen sa me parë para se tju heqin me turp!!!
Nga Lista e 700 barnave ne tabelë dhe në Shqipëri  pdf

Fjala në kuvend e deputetes të PD, Albana Vokshi, 15 Tetor 2015