• Enkelejd Alibeaj publikon foton e cila fakton alkoolin e konsumuar në krye të detyrës nga drejtuesit më të lartë të Policisë dhe prokurorit Kol Hysenaj natën e16 Shkurtit, kur agresuan dhunshëm deputetët e opozitës.

 

  • 6 përfaqësuesit e PD iu drejtuan Prokurorisë së Tiranës në respekt të ligjit, edhe përse ndaj tyre nuk është ngritur asnjë akuzë të vlefshme ligjërisht nga ana e Prokurorisë.

 

DEKLARATË, ENKELEJD ALIBEAJ NGA PROKURORIA E TIRANËS

 

Pyetje : Zoti Alibeaj ishit thirrur sot në Prokurori për t’u marrë në pyetje apo për t’u njohur me akuzat dolët shume shpejtë, çfarë ndodhi?

 

Enkelejd Alibeaj: Për të sqaruar juve, për të sqaruar dhe opinionin publik, sot në orën e caktuar bashkë me të gjithë kolegët, sipas një njoftimi të Prokurorit të çështjes duhet të paraqiteshim nën cilësinë e personit nën hetim.

Për dijeninë tuaj e për dijeninë e kujtdo tjetër, personi nën hetim në fakt, është i njëjti me të pandehurin, që do të thotë ka të drejtë edhe të mos vijë, mjafton të çojë vetëm avokatin e vetë në zyrën e Prokurorit.

E megjithatë në respekt të ligjit jo të këtyre njerëzve, të ligjit, si qytetarë mbi të gjitha, por si njerëz të politikës, e ndjejmë të nevojshme që në respekt të ligjit të vijmë për të respektuar ligjin në zyrat e shtetit, këtë bëmë në fakt sot.

I bëra të ditur për të thënë të drejtën edhe Prokurorit të çështjes që minimalisht aktet kur vijnë të mos kalojnë nëpërmjet medias deri sa të vinë në dorën tonë, por të vinë në rrugë zyrtare dhe përveç kësaj të jenë akte të vlefshme.

Çfarë do te thotë?

Ju e morët vesh më përpara, më pas e morëm vesh ne që ishim në procedim, ndërkohë që nuk dimë asgjë se çfarë matrialesh ka mbledhur Prokuroria.

I kam kërkuar prokurorit që atë aktin e thirrjes, e besoj e kuptoni që është absolutisht i pavlershëm,  ta rikorigjojë, të lexojë ligjin.

Dhe ne jemi pjesë jemi të angazhuar për të kontribuar për të dalë e vërteta.

E për të dalë të vërtetat sot ia çova prokurorit përsëri kallzimin penal.

Është ky kallëzim penal në fakt akti i vetëm i depozituar prej nesh , në datë 19 shkurt.

Këtu janë të gjitha deklarimet , të pastra, të sakta, shqip, pa gabime drejtshkrimore.

E jo vetem kaq.

I thash, do të gjesh çdo lloj deklarimi, do të gjesh të vërtetën.

Me më politesë i kërkova që ky akt që është kallëzimi penal i bërë nga ne, do të duhet të avancohet, të hetohet.

Nuk kanë bërë asgjë.

Zero veprim hetimor.

E jo vetëm kaq, por edhe për të treguar sinergjinë që ka midis policisë dhe Prokurorisë po ju tregoj edhe disa prova të tjera.

Ja cila është sinergjia midis Prokurorise dhe Policisë.

Ja kjo është prova që po të donin mund t’i kishin marrë, po të donin mund t’i kishin analizuar, po të donin mund të kishin nxjerrë edhe konkluzione mbi hetimin.

Ne kemi bërë një kallëzim penal i cili do duhej të hetohej një orë e më parë, të merreshin edhe këto dokumenta.

S’duan t’i hetojnë?

Ishin nën avujt e alkoolit?

Ishin nën avujt e euforisë për të ngopur epshet atij që ka dhënë urdhër për të rrëmbyer qytetarët që protestonin.

Kjo është tjetër gjë , është detyra jonë të respektojmë ligjin, të kountribojmë për të dhënë akte, prova, fakte për të dalë e vërteta.

Dhe këto janë, ja kjo është situata, kjo është gjendja, midis prokurorirsë së re të Rlindur dhe Policisë së vjetër të diktaturës.

Pyetje: Ju është komunikuar akuzë nga ana e Prokurorit?

Enkelejd Alibeaj: Jo. Sot, aktin që ka bërë prokurori para dy ditësh është absolutisht i pavlefshëm, e pranoi edhe vetë dhe me shumë politesë i kërkova, lexoje edhe një herë Ligjin. Ribëje aktin. Na njofto çfarë aktesh, dokumentash në provash ke mbledhur, dhe pastaj jemi të gatshëm.

Midis protestave këtu jemi gjithë kohës.

Në mënyrë që kjo të mos jetë fytyra e vërtetë e Shqipërisë. (Shfaq foton e tavolinës së mbushur me pije alkoolike të konsumuara në Drejtorinë e Policisë së Tiranës)… që s’është aspak fytyra e vërtetë e Shqipërisë, që s’është aspak si ajo e Europës, fytyra e vërtetë e shtetit, sot shqiptarët do të duhej të marrin fatin e tyre në dorë.

Dy duar për një kokë, për të shpëtuar familjen, për të shpëtuar vebdin.

Për të qenë patriotë, pse jo?

Në 2 qershor, të dielën, në orën 19.00 përpara kryeministrisë, janë të thirrur të gjithë për të nxjerrë një ditë të bardhë dhe për të nxjerrë diellin për të gjithë shqiptarët.