Basha: Dokumentari i Rai 3, “Narcotica”, një pasqyrë e rëndë e gjendjes së trafikut të drogës dhe lidhjeve të krimit të organizuar me qeverinë në Shqipëri

• Dokumentari i Rai 3, “Narcotica”, është një pasqyrë e rëndë e gjendjes së trafikut të drogës dhe lidhjeve të krimit të organizuar me qeverinë në Shqipëri.

• Kanabisi po kultivohet në 1/3-ën e territorit dhe sasia këtë vit është 5 herë më e lartë se vjet Krimi i organizuar shqiptar kontrollon trafikun e heroinës afgane dhe është lojtar ndërkombëtar në trafikun e kokainës.

• Prokurori i Antimafias pohoi se krimi ka kapur të gjitha nvielet e qeverisjes dhe ka mbështetje nga të gjitha nivelet e qeverisjes. Kiminelët e kërkuar në Europë shëtisin të lirë në Shqipëri dhe paratë e krimit pastrohen haptazi në Tiranë.

• Sektori bankar, ndërtimi, turizmi po kapen nga krimi, duke kthyer Shqipërinë në një shtet të falimentuar, që kontrollohet tërësisht nga krimi. Bumi i ndërtimeve në Tiranë, projektet e resorteve, një pjesë e mirë e koncesioneve janë financuar nga krimi dhe riciklimi I parave të drogës.

• Prioriteti kryesor i PD dhe opozitës së bashkuar është ndalimi i kapjes totale të ekonomsë dhe të politikës nga krimi. Zbulimi dhe rikuperimi i parave të vjedhura shqiptarëve është prioriteti absolut në luftën kundër krimit të organizuar dhe pastrimit të parave.

• Në muajin shtator, PD do të bëjë të ditur planin kombëtar kundër krimit dhe pastrimit të parave. Hapi i parë do të jetë auditim dhe hetim pa përjashtim për çdo ndërtim dhe vepër publike.

• Paratë që u janë vjedhur shqiptarëve dhe kanë përfunduar në pasuri private të zyrtarëve, oligarkëve dhe kriminelëve do të zbulohen dhe do t’u kthehen shqiptarëve.

• Paketa ligjore qe po hartohet synon ndalimin e investimeve të parave të pista në ekonomi. Ne do të bëjmë detyrim ligjor verifikimin e origjinës së të gjitha parave të investuara në ndërtim, në koncesione dhe në PPP.

• Paketa parashikon detyrimin e zyrtarëve për të paguar për vendimet korruptive që marrin. Milionat e Beketit duhet të paguhen nga Edi Rama, jo nga qytetarët.

• PD ka marrë ekspertizë të huaj për një program të posaçëm për hetimin dhe rikuperimin e pasurive të tjerërsuara dhe të vjedhura të shqiptarëve.

• Ky operacion me shtrirje ndërkombëtare është prioritet i të gjithë prioriteteve, që ditën e parë të qeverisjes me një qëllim: hetimin, zbulimin, gjurmimin dhe ndëshkimin e vjedhjeve dhe grabitjeve të Shqipërisë.

• Hetimi i i korrupsionit të nivelit të lartë dhe mashtrimeve me kontratat dhe fondet publike dhe rikthimi i pasurive të vjedhura janë prioritet në këtë operacion.

• “Ndiq paranë” do të jetë parimi i këtij operacioni në rrafshin e ligjeve të reja, në rrafshin e auditimit dhe kontrollit dhe në rrafshin e gjurmimit dhe rikuperimit kudo që ato të ndodhen.

• Kushdo që është i përfshirë, qofshin zyrtarë apo ish-zyrtarë, juristë, ministra apo kryeministra, shqiptarë apo të huaj do të jenë subjekt i auditimit dhe i kontrollit të pasurive të tyre private.

• Shqipëria nuk do të jetë tokë e djegur për ekonominë e investitorët dhe parajsë për krimin e organizuar dhe zyrtarët e korruptuar. Shqipëria do të kthehet në tokën e djegur dhe ferrin e organizatave kriminale të trafikimit të drogës, pastrimit të parave dhe të zyrtarëve të korruptuar.

• Kriza politike shqiptare do të përfundojë me politikanë me pranga në duar. Kjo do të jetë garancia që kriza të mos përsëritet dhe Shqipëria t’i ofrojë çdo shqiptari mundësitë, lirinë dhe dinjitetin për të jetuar me punë të ndershme.

DEKLARATA E PLOTË E KRYETARIT LULZIM BASHA

Të dashur bashkëqytetarë!

E gjithë Italia dhe Europa, sikundër Shqipëria, mbrëmë, është tronditur nga dëshmitë që kanë sjellë Prokurorët dhe oficerët italianë në një reportazh dje të televizionit shtetëror Italian, Rai 3, një pasqyrë e rëndë të gjendjes së trafikut të drogës.

Dëshmitë e Antimafias Italiane janë se:

1. Këtë vit kanabisi po kultivohet në 1/3-ën e territorit të Shqipërisë.
2. Sasia e kanabisit këtë vit është 5 herë më e lartë se vitin e kaluar.
3. Krimi shqiptar ka ndërtuar celula në të gjithë Europën dhe në Amerikën Latine.
4. Organizatat kriminale shqiptare kontrollojnë në mënyrë ekskluzive gjithë trafikun e heroinës afgane, që kalon përmes rrugës ballkanike.
5. Organizatat kriminale shqiptare janë kthyer në lojtarë të mëdhenj ndërkombëtarë në trafikun e kokainës, që e marrin nga Amerika Latine dhe e fusin në Europë, shpesh, përmes Shqipërisë.
6. Krimi shqiptar është zhvilluar për shkak të pandëshkushmërisë dhe lirisë absolute që i është dhënë krimit në Shqipëri.
7. Krimi ka kapur të gjitha nvielet e qeverisjes dhe ka mbështetje nga të gjitha nivelet e qeverisjes, nga me i ulëti tek më i larti. Këtë të fundit e dëgjuam me zë dhe me figurë nga Prokurori i Antimafias.
8. Kriminelët e kërkaur në Europë shëtisin të lirë në Shqipëri.
9. Paratë e krimit pastrohen haptazi në Tiranë.

Këto janë gjetjet e dokumentarit bombë, kësaj pasqyre, e cila konfirmohet nga të gjitha raportet ndërkombëtare mbi Shqipërinë.

Droga dhe krimi në Shqipëri kanë një përhapje të tillë ku, tashmë, rrezikohet seriozisht siguria kombëtare dhe e ardhmja politike dhe ekonomike e vendit.

Sektori bankar, sektori i ndërtimit, sektori i turizmit janë ndër sektorët kryesorë që po kapen nga krimi dhe kjo po e kthen Shqipërinë në një shtet të falimentuar, që kontrollohet tërësisht nga krimi.

• Bumi i ndërtimeve në Tiranë është i financuar nga krimi.

Nga ndërtimet që Edi Rama kërkon të bëjë në truallin e Teatrit, 6 kullat 200 milionë euro, në bashkëpunim me mafian shqiptare-spanjolle- kolumbiane, tek ndërtimet e tjera në qendër të Tiranës, janë të financuara direkt apo indirekt nga paratë e drogës.

Një sërë ndërtimesh të mëdha, të planifikuara në Tiranë që nuk janë bërë ende të njohura për qytetarët, janë planifikuar me para të ardhura nga droga.

• Projektet e resorteve turistike në bregdet, mbi pasuritë e vjedhura publike dhe private, janë, gjithashtu, projekte me financim të drogës.

• Një pjesë e mirë e koncesioneve, që po jep Edi Rama janë, gjithashtu, mekanzima për riciklimin e parave të drogës.

Këto përmasa të kapjes së shtetit dhe të ekonomisë janë të paprecedenta dhe ndodhin vetëm në zona të caktuara, të kontrolluara tërësisht nga droga dhe jashtë kontrollit qeveritar, në vende si Kolumbia apo Afganistani.

Prioriteti kryesori PD, prioriteti kryesor i Opozitës së Bashkuar, prioriteti ynë kombëtar është ndalimi i kapjes totale të ekonomsë dhe të politikës nga krimi.

Shqipëria ka nevojë për një program radikal kundër krimit dhe drogës, dhe një program special për ndalimin e futjes së parasë së krimit në ekonomi.

Pak javë më parë kam folur në këtë sallë për këtë çështje me rëndësi për sigurinë kombëtare dhe për të ardhmen e vendit.

Në muajin shtator do të bëj të ditur në detaje planin tonë kombëtar kundër krimit dhe pastrimit të parave, i cili parashion si hap të parë auditimin dhe hetimin e menjëhershëm pa asnjë përjashtim të të gjitha ndërtimeve dhe veprave publike të mbaruara, në proces apo të planifikuara.

Ndërkohë, ka nisur hartimi i disa ligjeve për luftën kundër krimit dhe pastrimit të parave të krimit.

Një ligj për ndalimin e legalizimit në ekonomi të produkteve të krimit, që do të parandalojë investimin e parave të krimit në ekonomi, përmes çdo forme, nga veprimet financiare tek ndërtimet dhe çdo lloj aktiviteti tjetër. Kjo, si paratë e trafiqeve, edhe paratë e korrupsionit apo krimeve të tjera ekonomike.

Një ligj për përgjegjësinë civile të personave private dhe bizneseve për dëmet nga korrupsioni. Nga Teatri, tek Unaza e Re, në Shkozë, tek Bulevardi i Ri, në Himarë dhe kudo ku aferat korruptive të Edi Ramës me kompani kliente të Edi Ramës kanë shkaktuar dëme, qytetarët do të kenë mundësinë të hedhin në gjyq civil për kompensim çdo zyrtar që i ka shkaktuar dëm buxhetit të shtetit dhe çdo kompani të përfshirë në akte të tilla. Milionat e Beketit, për t’i marrë si shembull më i dhimbshëm dhe i patolerueshëm i papërgjegjshmërisë korruptive të Edi Ramës duhet dhe do të paguhen nga Edi Rama dhe jo nga qytetarët. Paratë dhe asetet e kompanive do të paguajnë për dëmet pasurore të shkakuara shqiptarëve dhe arkës së shtetit.

Një paketë të tërë ligjore për deklarimin dhe kontrollin e aseteve të politikanëve dhe punonjësve publikë, e cila do të forcojë rregullat e deritanishme, e cila synon të pamundësojë investimin e të ardhurave nga krimi dhe korrupsioni në Shqipëri dhe jashtë Shqipërisë pa u hyrë gjemb në këmbë.

Hetimi dhe auditimi do të ndjekë origjinën e parave të investuara si për ndërtimin e objekteve private, ashtu edhe për PPP-të apo koncesionet korruptive apo për blerjen e  pasurive brenda dhe jashtë Shqipërisë.

Ky hetim do të bëhet në bashkëpunim me shërbimet e specializuara ndërkomëbtare.

Në këtë kuadër, Partia Demokratike ka marrë ekspertizë të huaj, të specializuar për hartimin e një programi të posaçëm për hetimin dhe rikuperimin e pasurive të tjerërsuara dhe të vjedhura te Shqiptarëve.  Ne jemi në kontakt me agjensitë kryesore në botë për luftën kundër krimit ndërkombëtar nga Europoli tek Interpoli, nga agjencitë e vendeve kryesore të BE, tek agjencitë e specializuara amerikane. Të gjitha kanë shprehur gatishmërinë të ndihmojnë.

Që ditën e parë në pushtet, qeveria e re do të nxjerrë një fond të konsiderueshëm për të mundësuar hetimet dhe auditimet e thelluara dhe gjurmimin e parasë si në Shqipëri, edhe në çdo vend të botës.

Ne do të bëjmë detyrim ligjor verifikimin e origjinës së të gjitha parave të investuara në ndërtim, në koncesione dhe në PPP.

Ne do ta bëjmë detyrim ligjor që, për blerjen e çdo lloj pasurie të patundshme, të tregohet burimi i parave dhe pagesa e taksave në mënyrë që të regjitrohet pasuria e patundhsme në hipotekë apo regjsitrat e tjerë shtetërore.

Ne do të shpallim një regjim të veçantë të kontrollit të pasurive publike dhe të të ardhurave për të gjithë punonjësit shtetërore që punojnë në dhënien e lejeve dhe licensave në sektorët startegjikë të vendit, përfshirë atë financiar, të energjisë, dhe në veçanti, atë të infrastrukturës.

Ne do të fusim inspektimin e detyrueshëm fizik të pasurive të drejtuesve të lartë të vendit si pjesë e deklarimit të të ardhurave dhe pasurive të tyre.

Pra, prioritet i të gjithë prioriteteve, që ditën e parë të qeverisjes, është ndërmarrja e këtij operacioni të gjerë, të paparë dhe të padëgjuar më parë në Shqipëri, i cili do të shtrihet edhe në vendet e tjera me një qëllim: hetimin, zbulimin, gjurmimin dhe ndëshkimin e të gjithë vjedhjeve dhe grabitjeve që i janë bërë Shqipërisë.

Në mënyrë të veçantë, operacioni do të përfshijë:

1. Hetimin dhe ndëshkimin e të gjithë veprimtarisë kriminale të qeverisë në fushën e prokurimeve dhe licensimeve publike.

Shikoni, vetëm 10 ditët e fundit aferën më mafian kroate, e lidhur drejtpërdrejtë me familjarët e hajdutit psiqik. 15 milion është vetëm kësti i parë dhe 10 milion çdo vit do t’i vidhen biznesit të vogël, të cilit do t’i shtohet një tarifë nga 50 deri në 100 euro, përveç tarifave dhe gjobave që paguajnë sot. Apo aferën tjetër që sapo është publikuar, të PPP-së në Kepin e Rodonit, një nga pasuritë e rralla që po bëhet gati në një tjetër proces të paracaktuar dhe të dyshuar për përfshirje të krimit të organizuar shqiptar dhe ndërkombëtar.

2. Hetimi i korrupsionit të nivelit të lartë.

3. Hetimi i mashtrimeve me kontratat dhe fondet publike dhe rikthimi i pasurive të vjedhura, janë objekti dhe prioriteti ynë kryesor në këtë operacion.

Edhe njëherë: përqendrimi do të jetë te paraja.

“Ndiq paranë” do të jetë parimi i këtij operacioni në rrafshin e ligjeve të reja, në rrafshin e auditimit dhe kontrollit dhe në rrafshin e gjurmimit dhe rikuperimit kudo që ato të ndodhen.

Kushdo që është i përfshirë, kushdo, pa asnjë paragjykim, qofshin këta zyrtarë apo ish-zyrtarë, qofshin këta juristë, ministra apo kryeministra, qofshin shqiptarë apo të huaj, si kompanitë daneze dhe italiane të përfshira në aferat korruptive, nga Teatri Kombëtar tek projekti i kullave tek Liqeni, do të jenë subjekt i legjislacionit, auditimit dhe i kontrollit të pasurive të tyre private, kudo që ato të ndodhen.

Zonja dhe zotërinj!

Zbulimi dhe rikuperimi i parave të vjedhura shqiptarëve është prioriteti absolut në luftën kundër krimit të organizuar dhe pastrimit të parave. Paratë që u janë vjedhur shqiptarëve dhe kanë përfunduar në pasuri private të zyrtarëve, oligarkëve dhe kriminelëve do të zbulohen dhe do t’u kthehen shqiptarëve.

Shqipëria nuk do të jetë tokë e djegur për ekonominë e investitorët dhe parajsë për krimin e organizuar dhe zyrtarët e korruptuar.

Shqipëria do të kthehet në parajsë lokale, me ambicie europiane për investitorët e huaj në sektorët prioritarë të zhvillimit, nga teknologjia e informacionit tek turizmi, për të prodhuar vende pune me paga dinjitoze për shqiptarët.

Shqipëria do të kthehet në tokën e djegur dhe ferrin e organizatave kriminale të trafikimit të drogës, pastrimit të parave dhe të zyrtarëve të korruptuar, që e kanë trajtuar Shqipërinë si çifligun e tyre këto 6 vite.

Kriza politike shqiptare do të përfundojë me politikanë me pranga në duar.

Kjo do të jetë garancia që kriza të mos përsëritet dhe Shqipëria të dalë nga kriza ekonomike dhe t’i ofrojë çdo shqiptari mundësitë, lirinë dhe dinjitetin për të jetuar me punë të ndershme në vendin tonë të bekuar nga Zoti.

Faleminderit!

Ky operacion do të përfshijë hetimin dhe dnërshkimi i gjithë veprimtarisë kriminale të qeverisë në fushën e prokurimeve dhe licensimeve publike

Prioriteti ynë do të jetë:

• Hetimi i korrupsionit të niveleve të larta
• Hetimi i mashtrimeve me kontratat dhe fondet publike
• Rikuperimi i pasurive të vjedhura përmes kontratave dhe koncesioneve publike

Hetimi ynë do të përqendrohet te paraja.

• Do të ndjekë, gjurmojë dhe zbulojë origjinën e parave të përdorura.
• Do të zbulojë destinacionin e parave të marra nga buxheti.

Ne do të hetojmë paratë dhe pasurinë e të gjithë atyre që janë përfshirë në një mënyrë apo tjetër në këto koncesione kriminale.

Hetimi do të përfshijë pasurinë e të gjithë ish-zyrtarëve dhe zyrtarëve të tanishëm.

Ata ish-ministra, ish-sekretaë të përgjithshëm, ish-drejtorë etj, që janë larguar mbasi mbushën xhepat nuk kanë për të shpëtuar.

Zbulimi dhe rikuperimi i aseteve të vjedhura do të jetë prioritet absolut.

Paratë që u janë vjedhur shqiptarëve dhe kanë përfunduar do të zbulohen dhe do t’u kthehen shqiptarëve.