Deputetja dhe nënkryetarja e Partisë Demokratike, Oriola Pampuri ka reaguar për deklaratat e Sali Berishës se Rama kërkon të emërojë përfaqësuesit e opozitës në Kuvend. Pampuri shprehet se natën marrin leje ndërtimi nga Edi Rama për kullën 64 kate, dhe ditën dalin e sulmojnë PD për llogari të Edi Ramës.
Ajo gjithashtu shprehet se opozita e vërtetë janë ata që çdo ditë janë pranë qytetarëve dhe jo opozita e kullave dhe e marrëveshjeve të fshehta!
Reagimi i plotë:
Natën marrin leje ndërtimi nga Edi Rama për kullën 64 kate, dhe ditën dalin e sulmojnë PD për llogari të Edi Ramës.
Opozita e vërtetê është ajo që lufton për hallet e qytetarëve dhe jo ajo e oligarkeve të përbashkët që i mban dhe i financon!
Opozita e vërtetë janë ata që çdo ditë janë pranë qytetarëve, dhe jo opozita e kullave dhe e marrëveshjeve të fshehta!
Opozita e vërtetë është ajo e njerëzve të pastër, që të vetmin pakt e kanë me qytetarët, të tjerët që kalkulojnë se ku do të jenë në 2025, le të marrin përsipër dhe kusuret.
Aleanca e kullave dhe e non gratave nuk do ta mbajë dot peng PD dhe demokratët.
