Basha për BBC: Largimi nga Shqipëria pasojë e pakënaqësisë së thellë me politikat e qeverisë aktuale. Kanë frikë nga vota e diasporës prandaj e kanë bërë të vështirë

Në radio debatin e “World Questions” e organizuar nga BBC, kreu i PD-Demokratët Euroatlantikë, Lulzim Basha, duke folur për votën e disporës ëhstë shprehur se kjo iniciativë është konsoliduar që në vitin 2016 dhe do ta bënte efektive. Ai tha se propozimi që tashmë është kthyr në ligj nuk e siguron këtë, pasi është e kontrolluar nga qeveria.

Sipas Bashës ligji ka dhe shumë burokraci dhe shumica e qytetarëve që jeton jashtë vendit nuk janë pajisur me dokumente dhe nuk mund të votojnë. Gjithashtu nuk ka besim që vota e tij do të sillet nga shërbimi postar dhe të numërohet në mënyrën e duhur, apo

Pjesë nga intervista:

Basha për BBC: Propozimin për votën e diasporës e kemi konsoliduar prej 2016-ës, që do ta bënte votën e diasporës efektive, që çdo qytetar shqiptar me të drejtë vote mund të ushtronte të drejtën e tij pa ndërhyrjen e qeverisë. Ndërsa propozimi që tani është kthyer në ligj, nuk e siguron këtë.
Shikoni, qeveria aktuale është e fiksuar pas kontrollit, do të çmendeshin nëse vota e diasporës do të zhvillohej jashtë kotrollit qeveritar. Prandaj dhe propozimi i tyre parashikon regjistrimin në një regjistër të veçantë, ç’regjistrim nga gjendja civile. Dhe, të jemi të sinqertë e të drejtëpërdrejtë, pjesa dërrmuese e shqiptarëve janë larguar nga vendi drejt Mbretërisë së Bashkuar e në vende të tjera për shkak të pakënaqësisë së thellë me politikat e qeverisë aktuale.
Shumë prej tyre nuk kanë dokumentat e vendeve ku kanë emigruar, si do të jenë në gjendje të zbatojnë këto procedura ligjore për të marrë pjesë në zgjedhjet e ardhshme?
Përgjigjja është e thjeshtë, ata nuk do të marrin dot pjesë.

Gazetari: Më falni, me sistemin e ri do jenë në gjendje qytetarët jashte vendit të marrin pjesë në zgjedhjet parlamentare?

Lulzim Basha: Nëse ç’regjistrohen nga regjistri i gjendjes civile në Shqipëri, nëse regjistrohen në regjistrin e posaçëm, nëse kanë besim te shërbimi postar shqiptar që do të sjellë votën e tyre dhe që ajo do të numërohet në mënyrën e duhur, po. Por këto janë tre “nëse”, në të cilat qeveria ka dështuar masivisht në zgjedhjet e mëparshme.