Të dashur demokratë,

Shqipëria ka nevojë në rradhë të parë të ndryshojë mentalitetin e qeverisjes: shërbim ndaj interesit publik ne vend te grabitjes për pasurim vetjak. Shqipëria ka nevojë për një qeverisje të ndershme, transparente, demokratike dhe në interes të popullit.
Për këtë duhet jo vetëm të çrrënjosim regjimin e Edi Ramës, tTë çrrënjosim strukturat e mbyllura dhe të kriminalizuara politike, qeverisëse, ekonomike e shoqërore të krijuara prej shumë dekadash dhe të kulmuara më Edi Ramën.
Beteja jonë politike nuk mund të jetë siç e quante një nga intelektualët më të shquar shqiptarë të viteve 1930-të: “zbrit ti, të hypi unë”. Kjo duhet të jetë një betejë që të bjerë autokracia, pushteti i pakufizuar, korrupsioni, krimi, dhe të ngrihet shteti i së drejtës, demokracia.
Çdo lloj përpjekje që reduktohet dhe kanalizohet vetëm në rrëzim nga pushteti të Edi Ramës dhe bandës së tij, por nuk sjell çrrënjosjen e të gjithë politikës së deritanishme, nuk do të sjellë asnjë rezultat, vetëm një iluzion fillestar.
Përpara se të besoni tek Lulzim Basha, duhet të besoni tek ligjet që e ndalojnë Lulzim Bashën dhe këdo që të abuzoje me liritë, të drejtat, pronën, sipërmarrjen, aktivitetin e çdo kujt në favor të vetes dhe pushtetit të tij.
Sot beteja jonë duhet jo thjesht për të larguar Edi Ramën dhe regjimin e tij shkatërrues nga pushteti, por për të zhdukur bashkë me të edhe këtë sistem të ndryshkur në qeverisje, në politikë dhe në ekonomi.
Nisur nga gjendja ku ne gjendemi është e qartë se vendi ka nevojë për një program emergjence, për PLAN PËR TRANSFORMIN thelbësor te vendit mbi të cilin të ngrihet shtrati për zhvillimin e vendit dhe mirëqenien e njerëzve.
Programi ynë qeverisës do te synojë në rradhë të parë ndryshimin e kursit të vendit dhe reformat e mëdha institucionale dhe strukturore.
Plani do të synojë ndaljen e thellimit të krizës së vendit dhe zhdukjen e kushteve që kanë çuar në kriminalizimin e vendit, korrupsionin epidemik, autokracinë e vazhdueshme dhe ekonominë e mjeruar.
Qëllimi kryesor i programit tonë është fuqizimi dhe shtrirjes në çdo fushë të kushteve themelore për një shoqëri demokratike të ekonomisë të tregut ku askush nuk mbetet prapa, përmes:

  1.  Politikë të lirë, të hapur dhe konkurente:
    Dekriminalizimi të politikës
    Dekriminalizimi të zgjedhjeve
    Kufizimi i pushteteve
    Transparencë totale të qeverisë
    Shteti i së drejtës
  2. Ekonomi të lirë të hapur dhe konkurente
    Dekriminalizim të ekonomisë dhe aktiviteteve sipërmarrëse
    Clirimi të ekonomisë nga oligarkët
    Çmontim të sistemit të favoreve dhe rentave ekonomike, mundësuar nga politikat korruptive e klienteliste të koncesioneve dhe PPP-ve,
    Cmontim të sistemit tërësisht klientelist të prokurimeve publike, dhe të vendm-marrjes pa transparencë dhe të mbyllur
    Ulje të taksave, tarifave dhe çmimit të energjisë dhe naftës, dhe mirëadministrim fiskal
  3. Shoqëri të lirë, të hapur dhe konkurente dhe krijimit të mundësive për të gjithë, pa lënë asnjë prapa. Tre prioritetet kryesore:
    Arsim masiv perëndimor, si fuqizues i burimeve njerëzore dhe çlirues i njerëzve!
    Teknologji e informacionit si fuqizues, mundësues dhe çlirues i potencialeve të njerëzve
    Kujdes social, që asnje shqiptar te mos mbetet pa buke uje dhe drita dhe që kosto e jetes te jete e perballueshme.