Blog

Kandidati për deputet i Koalicionit Euroatlantik, Gjergji Nika, ka reaguar në lidhje me deklaratën e kryeministrit Edi Rama që tha se nuk po ua heq ujin fshatit Tragjas. Në një reagim në facebook, Nika thotë se Rama përveçse nuk ka mbajtur premtimin për ujë 24 orë edhe në mandatin e tretë të tij, tani del dhe gënjen publikisht banorët e fshatit.

Sipas tij, kryeministri gënjen duke thënë se uji nuk do t’u hiqet tragjasiotëve për investitorët strategjik, pasi vendimi i kryetarit të bashkisë Vlorë e thotë qartë se uji do të merret për investimet strategjike në zonat Draleos-Drimadhes-Dhërmi.

Ai më tej thotë se një kryeministër që mashtron “sy më sy” duhet shkarkuar me votë më 11 maj.

Reagimi i plotë i Gjergji Nika:

Kryeministri i vendit po e mbyll mandatin e tretë me mashtrime, ashtu siç nisi të parin.
Premtimi për ujë të pijshëm 24 orë, nuk u mbajt kurrë, ndërsa atyre që ujin e kanë, ua heq për t’i shërbyer klientëve të tij, në kurriz të komunitetit të Tragjasit.
Sot deklaron se nuk po ua heq ujin tragjasiotëve, për t’ua dhënë investitorëve strategjik, por kjo gënjeshtër hidhet poshtë nga kryetari i bashkisë Vlorë, pasi në lejen e ndërtimit shkruhet e zeza mbi të bardhë: “FURNIZIM ME UJË TË ZONAVE BREGDETARE ZONAT E INVESTIMIT STRATEGJIK DRALEOS-DRIMADHES-DHËRMI.”
Një kryeministër që mashtron “sy më sy” duhet shkarkuar me votë më 11 maj.
Vlora meriton më shumë
Shqipëria meriton më shumë

Kandidatja për deputete e Koalicionit Euroatlantik, Oriola Pampuri, ka theksuar nevojën urgjente për mbështetje më të madhe ndaj personave me aftësi të ndryshme, duke e cilësuar si një prioritet për çdo qeveri që vendos qytetarët mbi korrupsionin dhe abuzimin me taksat.

Sipas saj, shteti duhet të fokusohet në rritjen e ndihmës financiare për familjet, garantimin e punësimit dhe përmirësimin e infrastrukturës për të lehtësuar aksesin në jetën e përditshme. Pampuri gjithashtu thekson rëndësinë e subvencionimit të terapive, të cilat janë jetike për rehabilitimin dhe integrimin e këtyre individëve në shoqëri.

Ajo ka bërë thirrje për krijimin e politikave gjithëpërfshirëse dhe financimin e qendrave rehabilituese në të gjitha qytetet, duke argumentuar se mungesa e mbështetjes shtetërore rëndon familjet dhe shoqërinë në tërësi.

Postimi i plotë i Oriola Pampuri:

•Personat me aftësi të ndryshe sot përballen me sfida të mëdha si papunësia, varfëria dhe mungesa e mbështetjes nga shteti.

•Për të siguruar një jetë dinjitoze për ta, është thelbësore që mbështetja ekonomike të jetë një prioritet.

Prioritet per cdo qeveri qe nuk ka ne fokus korrupsionin dhe abuzimin me taksat e qytetareve, dhe nuk ka me vete njerez te korruptuar, duhet te jete:

1. Rritja e ndihmës financiare për ta dhe familjet e tyre.

2. Punësimi i garantuar si dhe mundësi profesionale. Nxitja e kompanive për të punësuar persona me aftësi të ndryshme përmes subvencioneve dhe stimujve fiskalë.

4. Përmirësimi i infrastrukturës – Sigurimi i aksesit të lehtë në hapësira publike, shkolla, spitale dhe vende pune.

•Gjithashtu shpesh ne degjesat me grupe te ndryshme te PAK, eshte ngritur dhe problemi i terapive, si pamundesi qe kane shume prej tyre per tu perfshire, perpos domosdoshmerise. Nevoja per subvencionim nga shteti i terapive me imediate dhe te domosdoshme eshte prioritet, por ne keto 12 vite kane qene totalisht te lene pas dore dhe te neperkembur.

•Terapite janë jetike për përmirësimin e cilësisë së jetës dhe integrimin e tyre në shoqëri.

Pse duhet të subvencionohen terapitë?
1. Rëndësia mjekësore dhe rehabilituese

• Terapitë fizike, logopedike, psikologjike dhe të tjera ndihmojnë në zhvillimin dhe mirëmbajtjen e aftësive jetike.
• Mungesa e tyre çon në përkeqësim të shëndetit dhe rritjen e varësisë nga kujdesi i familjes ose institucioneve.

2. Kostoja e lartë për familjet
• Shumë familje nuk mund të përballojnë shpenzimet për terapi të vazhdueshme, duke bërë që personat me aftësi ndryshe të mos marrin kujdesin e nevojshëm.
• Shteti duhet të sigurojë shërbime falas ose me kosto të subvencionuar, në mënyrë që të gjithë të kenë akses të barabartë.

3. Rritja e pavarësisë dhe përfshirjes sociale
• Terapitë ndihmojnë individët të bëhen më të pavarur dhe të integrohen më lehtë në shoqëri, punë dhe edukim.
• Një individ i trajtuar mirë mund të kontribuojë në shoqëri dhe të mos mbetet i izoluar.
4. Zhvillimi i politikave gjithëpërfshirëse

• Shteti duhet të krijojë qendra rehabilitimi me shërbime të specializuara në të gjitha qytetet për të garantuar mbështetje për çdo individ.
• Duhet të ketë programe financimi për terapitë që mbulojnë të gjitha moshat dhe nevojat e ndryshme.

5. Përfitimet ekonomike dhe sociale

• Subvencionimi i terapive nuk është vetëm një detyrim moral, por edhe një investim për të ulur varësinë ekonomike të këtyre personave dhe për t’i bërë më aktivë në shoqëri.
• Mungesa e mbështetjes nga shteti mund të çojë në një barrë më të madhe për sistemin shëndetësor dhe ekonomik.

Nje qeveri e pergjegjshme di te vendose prioritete, di tu vije ne ndihme shtresave me vulnerabel, dhe cdo takse te qytetareve e perkthen ne sherbim te qytetareve.

#ShqiperiaMeritonMeShume

Me 11 Maj vota e secilit prej jush do te mund te beje ndryshimin.

Kryetari i Partisë Demokratike-Demokratët Euroatlantikë, Lulzim Basha, në datën 23 mars do të zhvillojë një takim me shqiptarët në Athinë.

Njoftimin e ka bërë të ditur kryetari i degës së Athinës, Fatmir Gjoci, me anë të një postimi në facebook. Takmi pritet të mbahet në orën 17:00, ndërsa adresa është “Divani Caravel 2 Vassileos Alexandou ave”.

REAGIM I PD-DEMOKRATËT EUROATLANTIKË:

Partia Demokratike/ Demokratët Euroatlantikë, nuk kanë hequr dorë nga shqyrtimi i rekursit në Gjykatën e Lartë. Çdo kërkesë e depozituar sot, nga individë që nuk janë pjesë e Partisë Demokratike/ Demokratët Euroatlantikë, ka zero efekt në këtë proces.

Ata që kanë shpallur sot tërheqjen janë vetëdemaskuar, si autorët e një shantazhi politik për interesa të ngushta personale. Vetëm dy ditë më parë drejtues të Koalicionit Euroatlantik /PD – Demokratët Euroatlantikë, janë kërcënuar, se nëse Koalicioni Euroatlantik, nuk do t’ju nënshtrohej kushteve për bashkëpunim, duke hequr dorë nga identiteti ynë politik, do të përballeshin me tërheqjen nga rekursi në Gjykatën e Lartë.

Demokratët Euroatlantikë e kanë provuar me vepra, se nuk ka forcë të na shantazhojë dhe se, nuk biem pre e asnjë presioni. Ne kemi qëndruar dhe qëndrojmë për parime dhe vlera. Duhet të marrë fund koha kur interesat politike i mbivendosen të drejtës në këtë vend.

Ne do ta vazhdojmë pa u ndalur, betejën ligjore dhe i kërkojmë Gjykatës së Lartë të marrë një vendim sa më shpejt, bazuar në ligj, pa u ndikuar nga presioni, shantazhet apo lojërat politike që synojnë të marrin peng Partinë Demokratike për tu mbrojtur nga drejtësia.

Kryetari i Partisë Demokratike-Demokratët Euroatlantikë, Lulzim Basha, ka uruar besimtarët myslimanë me rastin e fillimit të muajit të shenjtë të Ramazanit.

Në një postim në facebook, Basha shprehu urimet e tij për një agjërim plot paqe, urtësi dhe begati, duke theksuar rëndësinë e durimit, forcës dhe shpresës në këtë periudhë të shenjtë.

Ai uron që ky muaj të shërbejë si një mundësi reflektimi për vlerat më të larta njerëzore, si mirësia, dhembshuria dhe dashuria vëllazërore.

Postimi i plotë i Bashës:

Gëzuar muajin e bekuar të Ramazanit!

Me nisjen e këtij muaji të shenjtë, uroj nga zemra çdo besimtar mysliman, kudo që ndodhet, për një agjërim plot paqe, urtësi dhe begati!

Në këtë muaj të bekuar të Ramazanit, lutemi për durim dhe forcë. Kur sprovat na sfidojnë, lutemi që Zoti të na falë dhuratën e shpresës e të na udhëheqë drejt rrugës së drejtë, ku të shohim dritën hyjnore edhe në ditët më të vështira e në sfidat më të mëdha.

Le të na shërbejë ky muaj si reflektim për vlerat më të larta njerëzore: mirësinë, dhembshurinë dhe dashurinë vëllazërore për njëri-tjetrin.

Agjërim të pranuar!
Paqja dhe mëshira e Zotit qoftë mbi ju!

Kryetari i Partisë Demokratike-Demokratët Euroatlantikë, Lulzim Basha, ka reaguar për sulmet e njëpasnjëshme ndaj drejtësisë.

Në një postim në facebook, Basha shprehet se dosja e politikanëve dhe kriminelëve të lidhur me njëri-tjetrin dhe të përfshirë në afera ndodhen në Francë, Belgjikë, Gjermani, Britani dhe SHBA.

Sipas tij, shërbimet sekrete të këtyre vendeve janë në Shqipëri pasi hetojnë grupet kriminale që kërcënojnë interesat e tyre. Për këtë arsye, Basha thotë se SPAK-ut nuk ka çfarë t’i bëjnë as Rama, as Berisha, madje edhe Enveri po të ringjallej.

Ai më tej thotë se qëllimi i Ramës është që të mbajë me gajret ata që janë frikësuar nga goditja e ligjit dhe po distancohen prej tij.

“Është në dorë të qytetarëve të vendosin, nëse duan t’i japin një shans drejtësisë për t’i dhënë fund pandëshkueshmërisë ose të kthehet pas tek të paprekshmit, që abuzojnë me fondet dhe pronat e tyre” – shprehet më tej Basha.

Postimi i plotë i Bashës:

Dosjet e politikanëve dhe kriminelëve të lidhur me njëri-tjetrin dhe të përfshirë në afera, ndodhen në Francë, Belgjikë, Gjermani, Britani dhe SHBA.

Shërbimet e tyre sekrete janë të pranishme kudo në Shqipëri, pasi ata hetojnë grupet kriminale që përbëjnë kërcënim për vetë interesat e tyre.

As Rama, as Berisha, madje as Enveri po të ringjallej, nuk do të mund t’i bënte gjë SPAK-ut.

Për ta thënë me fjalët që hallexhiu i kupton mirë, SPAK-ut i hanë atë që nuk thuhet.

Mesazhi i Ramës është të mbajë me gajret ata që janë frikësuar nga forca goditëse e ligjit dhe po distancohen prej tij, dhe për këtë i sjell në kujtesë Berishën, që premton shkrirje të SPAK-ut.

Është në dorë të qytetarëve të vendosin, nëse duan t’i japin një shans drejtësisë për t’i dhënë fund pandëshkueshmërisë ose të kthehet pas tek të paprekshmit, që abuzojnë me fondet dhe pronat e tyre.

Shqipëria meriton më shumë

Kreu i Demokratëve Euroatlantikë, Lulzim Basha, ka përsëritur angazhimin e tij për liberalizimin e vizave mes Shqipërisë dhe Shteteve të Bashkuara të Amerikës. Në një video-mesazh nga Uashingtoni, ai kujtoi rolin e tij në heqjen e vizave me BE-në dhe theksoi se objektivi i radhës është sigurimi i lëvizjes së lirë të shqiptarëve në SHBA.

Basha u shpreh se Shqipëria ka mbetur mbrapa në krahasim me Kroacinë, e cila tashmë ka përfituar lëvizjen pa viza drejt SHBA-së. Ai premtoi gjithashtu tërheqjen e investimeve amerikane për krijimin e vendeve të reja të punës me paga dinjitoze në Shqipëri.

Postimi i plotë i Bashës:

15 vite më parë mundësuam lëvizjen e lirë të shqiptarëve në Europë. Asokohe në krah të Kroacisë, u anëtarësuam në NATO dhe vijuam anëtarësimin në Bashkimin Europian. Fatmirësisht Kroacia u bë anëtare e Bashkimit Europian dhe mundësoi lëvizjen pa viza edhe në Shtetet e Bashkuara të Amerikës për qytetarët e saj, Shqipëria mbeti mbrapa. Sot nga Uashingtoni, dua të rikonfirmoj zotimin tim se ashtu siç hoqëm vizat me Bashkimin Europian, do të heqim vizat dhe do të mundësojmë lëvizjen e lirë të qytetarëve shqiptarë në Shtetet e Bashkuara të Amerikës. Do të thithim investime madhore të kompanive amerikane, për të krijuar vende të reja pune me paga dinjitoze për qytetarët e Shqipërisë. Ju përshëndes nga Uashingtoni.