Blog

Në emisionin “Shqipëria Live”, kreu i Demokratët Euroatlantikë, Lulzim Basha, tha se mandati i Edi Ramës në Durrës është prodhim i votave të bandave të krimit dhe këtë sipas tij e tregoi arrestimi i ish-deputetit Jurgis Çyrbja.

Basha më tej tha se me gjasë edhe krzebashkiaku i Tiranës, Erion Veliaj, është në hapat e tij të fundit dhe se ka zero shanse t’i shpëtojë drejtësisë.

Pjesë nga fjala e Bashës:

Mandati i Edi Ramës është prodhim i krimit, i votave të krimit. Tashmë është një fakt gjyqësor, fakt i hetimit gjyqësor që mandate i Edi Ramës, vet mandati i Edi Ramës në Durrës është prodhim i votave të krimit, të bandave të krimit.

Faktin që sot e kemi me shumë gjasa Erion Veliajn në hapat e tij të fundit para masave që duhen marrë. Nuk pretendoj të flas në emër të organeve të drejtësisë, por një gjë që dua t’jua them, zero shanse që Erion Veliaj t’i shpëtojë drejtësisë. Të gjitha këto, nga njëra anë na bëjnë të reflektojmë për ta çuar përpara Reformën në Drejtësi, për të mbështetur SPAK-un, për të mbështetur Altin Dumanin dhe ekipin e tij dhe jo për t’ju kundërvënë.

Kryetari i PD-Demokratët Euroatlantikë, Lulzim Basha, në emisionin “Shqipëria Live” është shprehur se mënyra e arrestimit të Ilir Metës, ishte e qëllimshme për të bërë pis SPAK-un. Sipas tij, arrestimin e bëri policia që është nën varësinë e qeverisë dhe bëri atë shfaqje për të devijuar lajmin kryesor që ishte një ish-presidenti, ish-kryeministri dhe ish-kryetar Kuvendi, një nga politikanët më prominent të 34 viteve të fundit u arrestua nga SPAK për akuza të korrupsionit.

Basha më tej tha se drejtësia e re ka mbështetjen e demokratëve euroatlantikë dhe të qytetarëve të vendit, për faktin se po godet murin e pandëshkueshmërisë.

Pjesë nga fjala e Bashës:

Nuk është SPAK që e ka bërë arrestimi, e ka bërë policia, e cila siç dihet kontrollohet nga ekzekutivi, pra nga qeveria e Edi Ramës. Dhe fakti që diçka e till ndodhi, u filmua, u përhap i shërbeu në radhë të parë krijimit të një opinioni negative i cili u faturua fillimisht SPAK-ut. Dhe së dyti u bë një pjesë e barabartë me vet lajmin që është arrestimi i një ish-presidenti, ish-kryeministri dhe ish-kryetari Kuvendi mbi akuzat për korrupsion. Lajmi duhej të ishte që një ish-presidenti, ish-kryeministri dhe ish-kryetar Kuvendi, një nga politikanët më prominent të 34 viteve të fundit u arrestua nga SPAK për akuza të korrupsionit. Ndërsa kjo forma e arrestimit, kjo forma e shëmtuar e arrestimit e devijoi lajmin pikërisht tek forma e arrestimit të Ilir Metës. Dhe për më shumë përpjekja për t’ia faturuar këtë SPAK-ut. Qyetarët duhet ta dinë që nuk është SPAK-u që kryen arrestimin, nuk është as Byroja Kombëtare e Hetimit që kryen arrestimin, është policia. E cila dihet se kush e kontrollon dhe këtu padiskutim ngrihet pyetja kush përfiton.

Sot ka shpresë, ka një segment të rëndësishëm të drejtësisë që është SPAK, GJKKO dhe BKH, të cilët të trajnuar në mënyrën më profesionale nga partnerët tanë strategjikë, të mandatuar për fat të mirë në votimin unanim të vitit 2016 për të luftuar krimin e organizuar dhe korrupsionin, për herë të parë në 34 vite po tregojnë diçka ndryshe. Për herë të parë në 34 vite ka prokurorë dhe gjyqtarë të cilët deri tani kanë provuar se nuk janë në xhepin e asnjë politikani, asnjë drejtuesi dhe ish-drejtuesi të lartë të vendit. Por pritshmëritë e njerëzve janë shumë, unë kam bindjen se me mbështetjen pa kushte që ne demokratët euroatlantikë i japim SPAK dhe me besimin e madh të qytetarëve, gjërat do të vazhdojnë të duken edhe më mirë dhe mund të jetë çështje ditës, orësh kur të marrim të tjera lajme që rrënojnë një nga një murin e pandëshkueshmërisë.

Kryetari i PD-Demokratët Euroatlantikë, Lulzim Basha, ka reaguar për atentatin e fundit në Shkodër, duke e cilësuar situatën si një alarm për qytetarët.

Në një postim në facebook, Basha shprehet se krimi, i cili sipas tij është bërë njësh me shtetin, po godet i pandëshkuar, duke sjellë vdekje dhe terror. Ai thekson se ngjarja e Shkodrës tregon dorëzimin e shtetit para bandave kriminale dhe akuzon kryeministrin Edi Rama se është nën kontrollin e krimit.

Kjo situatë, sipas tij, kërkon një reagim të menjëhershëm nga institucionet për të rikthyer rendin dhe sigurinë në vend.

Reagimi i plotë i Bashës:

Sot Shkodra është tronditur nga dora e krimit. Krimi i bërë njësh me shtetin godet i pandëshkuar, duke sjellë vdekje, terror dhe dhimbje. Ngjarja e Shkodrës është një kambanë e fortë alarmi, që tregon dorëzimin e shtetit para bandave kriminale.
Krimi e solli në pushtet Edi Ramën, sot ai i është dorëzuar pushtetit të krimit.

Kreu i PD-Demokratët Euroatlantikë, Lulzim Basha, shprehet se aleanca kundër SPAK është në veprim me kohë të plotë. Në një reagim në facebook, Basha i referohet daljeve për mediat të Sli Berishës dhe Fatmir Xhafajt ditën e sotme, që sipas tij janë të koordinuara ku njëri sulmonte hapur institucionin e drejtësisë, ndërsa tjetri kërkonte reformimin e tij, çka synojnë kontrollin e saj.

Basha gjithashtu shkruan se pasi amnistuan “bishtat” e korrupsionit, tani po përpiqen të amnistojnë “kokat” e pandëshkuara të 34 viteve të fundit, duke theksuar se frika nga rënia e sistemeve të kalbura ka nxitur një krizë artificiale për të mbuluar korrupsionin.

Ai më tej shprehet se muaj më parë u faktua denoncimi i demokratëve euroatlantikë për komplot ndaj drejtësisë të Edi Ramës dhe Sali Berishës. Për këtë kërkon nga institucionet e drejtësisë të mos shantazhohen dhe të veprojnë sipas misionit të tyre historik. Basha theksoi se shqiptarët meritojnë një sistem drejtësie që garanton mirëqeverisje dhe një jetë më të mirë për familjet e tyre.

Postimi i plotë i Bashës:

Aleanca kundër SPAK është në veprim me kohë të plotë. Sot pamë dy shfaqje të koordinuara: në njërën sulmohej hapur SPAK dhe shantazhohej drejtësia, ndërsa në tjetrën, me një gjuhë më të moderuar, kërkohej reformimi i saj, që në realitet do të thotë vendosje nën kontroll.
Pasi amnistuan “bishtat” e korrupsionit, tani po përgatiten të amnistojnë “kokat” e pandëshkuara të 34 viteve të fundit. Frika nga një fund i padenjë për një sistem të kalbur në zemër, sidomos pas rënies së dy prej tre shtyllave të “Trekëndëshit të Bermudës”, ka intensifikuar përpjekjet për të nxitur një krizë të re artificiale, objektivi final i së cilës është një amnisti e re për të mbuluar korrupsionin e kaluar.
Shfaqja e mosbindjes civile, që është risjellë në skenë, ka vetëm një qëllim: të godasë drejtësinë për të shpëtuar ata që duan të mbajnë peng Shqipërinë.
Muaj më parë u faktua denoncimi ynë për komplotin kundër SPAK dhe GJKKO, kur me votën e Ramës dhe Berishës u liruan të korruptuarit, ndërsa opozitarët mbetën në burg, u vërtetua plotësisht.
Bashkimi i votave vijoi më pas për mbylljen e listave, në vend që të kërkohej një Reformë e plotë Zgjedhore.
Tani vazhdojnë përpjekjet e përbashkëta për të vënë drejtësinë nën kontroll dhe për të amnistuar ata që, nga majat më të larta të shtetit shqiptar, kanë abuzuar me besimin, pronat dhe taksat e qytetarëve.
Pas marrëveshjeve për amnistinë, vulën dhe listat, vijojnë përpjekjet e Sali Berishës dhe Edi Ramës për të kontrolluar drejtësinë dhe për të shpëtuar veten nga përgjegjësia.
Kjo është një lojë e ndyrë për të mbajtur në fuqi pandëshkueshmërinë dhe për të mbajtur peng Shqipërinë.
Thirrja ime për drejtësinë, në të gjitha nivelet e saj, është të mos shantazhohet dhe të mos bjerë pre e presionit politik. Misioni i saj historik është të bëjë drejtësi, të çojë para ligjit politikanët e korruptuar dhe të lidhur me krimin, që kanë përdhosur besimin dhe vullnetin e shqiptarëve dhe jo të garantojë pushtetin e tyre.
Shqiptarët meritojnë një drejtësi që garanton mirëqeverisje dhe një jetë më të mirë për familjet shqiptare. Shqipëria meriton më shumë!

Kreu i PD-Demokratëve Euroatlantikë, Lulzim Basha, shprehet se kryeministri Edi Rama, sillet si “turist” në krye të një prej vendeve më të varfra dhe më të korruptuara të Europës. Sipas Bashës, Rama po përpiqet të mashtrojë qytetarët me sukseset imagjinare të qeverisë së tij, ndërkohë që realiteti tregon një situatë të përkeqësuar.

Në postimin e tij, Basha thotë se kryeministri është rikthyer tek vendi i krimit, aty ku korruptoi Charles McGonigal, agjentin e kundërzbulimit të partnerëve tanë strategjikë, duke dëshmuar se nuk respekton vlerat e vendit që bujarisht na ka ndihmuar dhe mbështetur.

Basha thotë se imazhi i suksesit të Ramës janë ish-ministrin e Brendshëm, Saimir Tahiri, zv/kryeministri Arben Ahmetaj, si dhe figura të tjera të cilat, sipas tij, janë përgjegjëse për keqpërdorimin e fondeve publike dhe kriminalizimin e institucioneve.

Ai më tej thotë se qytetarët shqiptarë kanë nevojë për një udhëheqje të re që të punojë për të përmirësuar jetën e tyre dhe për t’i dhënë fund korrupsionit që ka përkeqësuar varfërinë dhe ka nxitur shpopullimin masiv të vendit.

Postimi i plotë i Bashës:

Kryeministri turist i vendit më të varfër dhe me të korruptuar në Europë, mund të gënjejë veten, por jo qytetarët.

Sot është kthyer në vendin e krimit, aty ku korruptoi Charles McGonigal, agjentin e kundërzbulimit të partnerëve tanë strategjikë, duke dëshmuar se nuk respekton vlerat e vendit që bujarisht na ka ndihmuar dhe mbështetur, por ato të autokratëve lindorë.

Sukseset imagjinare të qeverisë së tij kanë imazhin e Saimir Tahirit si ministër të Brendshëm i kriminalizimit të institucioneve, e Arben Ahmetaj si zv. kryeminsitër i korrupsionit masiv, e Beqaj të Shëndetësisë së vjedhur, e Kokës së bandës së inceneratorëve, e Krifcës së fondeve të zhvatura të BE-së, e Çyrbes si ura e Ramës me botën e krimit dhe vjedhjes së zgjedhjeve, e Veliaj të 5D-së, e Xhaçkës për të cilën grisi Kushtetutën, dhe dhjetra emra e zullume që Rama i ka mbrojtur dhe inkurajuar, ndërsa bashkëqytetarët tanë anembanë botës nuk kanë për t’i harruar.

Rama që flet për drejtësinë si drejtuesi i qeverisë më të korruptuar në Europë, në fakt, është arkitekti i vonesave të saj, të cilat u dekonspiruan dhe bllokuan nga partnerët strategjikë kur kërkoi të fuste duart e tij të pista në garën për drejtuesin e SPAK dhe në hetimet për inceneratorët.

Teksa vendi i afrohet zgjedhjeve dhe Rama ka më shumë bashkëpunëtorë në burg sesa në krah, duhet të kujtojmë se për 12 vjet ai kishte të gjithë pushtetin për të bërë mirë, por zgjodhi të punojë për interesat e tij, jo të familjeve shqiptare, që gjatë qeverisjes së tij janë varfëruar e përgjysmuar nga shpopullimi masiv.

Shqipëria meriton më shumë!

Kryetari i PD-Demokratëve Euroatlantikë, Lulzim Basha, shprehet shqiptarët janë më të varfërit në Europë, sepse me këtë qeveri Shqipëria renditet si vendi më i korruptuar i Europës. Ai thekson se kjo situatë ka çuar në largimin e të rinjve dhe krizë në arsimin dhe shëndetësinë.

Basha bën thirrje për një ndryshim në zgjedhjet e ardhshme, duke propozuar masa të menjëhershme për luftimin e korrupsionit, përfshirë krijimin e një njësie për rikuperimin e pasurive të vjedhura dhe forcimin e Kontrollit të Lartë të Shtetit.

Ai thekson se vetëm duke luftuar korrupsionin, Shqipëria mund të sigurojë investime dhe shërbime më të mira për qytetarët.

Postimi i plotë i Bashës:

Shqiptarët janë më të varfërit në Europë, sepse me këtë qeveri Shqipëria renditet si vendi më i korruptuar i Europës.
Prandaj të rinjtë largohen, pensionet indeksohen në mënyrë qesharake, arsimi është në krizë dhe shërbimet shëndetësore janë të papërballueshme për familjet shqiptare.

Çdo studim ndërkombëtar dëshmon se kjo qeveri nuk i shërben qytetarëve, por vetes dhe klientelës së saj.

Këto të dhëna alarmuese janë një thirrje për të lënë pas dështimet e kësaj qeverie dhe për të hapur një kapitull të ri për Shqipërinë në zgjedhjet e ardhshme.

Programi i Demokratëve Euroatlantikë parashikon ndërhyrje të shpejta dhe konkrete për të luftuar korrupsionin dhe siguruar qeverisjen e mirë, si:

✅ Themelimi i “Njësisë së Zbulimit dhe Rikuperimit të Pasurive të Vjedhura”, për të gjurmuar kudo pasuritë e vjedhura të shqiptarëve dhe për t’ia kthyer ato arkës publike;

✅ Shndërrimi i Kontrollit të Lartë të Shtetit, që sot ka fuqi rekomanduese, në një Gjykatë të Kontrollit të Shtetit, me fuqi ekzekutive, vendimet e të cilit do të zbatohen menjëherë dhe pa asnjë pikëpyetje nga qeveria e ardhshme dhe nga çdo instancë e shtetit shqiptar;

✅ Mbështetje e plotë dhe e gjithanshme si dhe bashkëpunim me SPAK dhe GJKKO.

Duke luftuar korrupsionin, ne garantojmë më shumë investime, më shumë punësim, paga më të mira, pensione më të larta dhe shërbime cilësore për familjet shqiptare.

Shqipëria meriton më shumë.

Kreu i PD-Demokratët Euroatlantikë, Lulzim Basha, ka reaguar në lidhje me raportin e “World Justice”, i cili shprehej se Shqipëria është vendi me korrupsionin më të madh në Europë.

Në reagimin e tij në facebook, Basha shkruan se shqiptarët janë më të varfërit në Europë, sepse kemi qeverinë më të korruptuar të Europës.

Postimi i plotë i Bashës:

Shqiptarët janë më të varfërit në Europë, sepse me këtë qeveri Shqipëria renditet si vendi më i korruptuar i Europës.
Shqipëria meriton më shumë.