Demokratët Euroatlantikë

11 Dhj

0

FJALA E PLOTË E KRYETARIT TË PARTISË DEMOKRATIKE, LULZIM BASHA, NË AKTIVITETIN PËR 33 VJETORIN E PD

by PD in Fjalime, Lajmi fundit

FJALA E PLOTË E KRYETARIT TË PARTISË DEMOKRATIKE, LULZIM BASHA, NË AKTIVITETIN PËR 33 VJETORIN E PD

Të nderuar demokrate dhe demokratë,
Të nderuar të ftuar, miq të çmuar të Partisë Demokratike,
Të nderuar qytetarë shqiptarë,
Jemi mbledhur sot bashkë për të kujtuar një ditë të shënuar jo vetëm për ne, demokratët, por për të gjithë qytetarët shqiptarë.
33 vite me parë, në 11 dhjetor 1990, 343 firmëtarë dorëzuan në minsitrinë e drejtësisë së asaj kohe peticionin për të regjistruar themelimin e Partisë Demokratike të Shqipërisë. Partinë e parë që shënoi ardhjen e demokracisë dhe pluralizmit shqiptar, që çoi drejt përmbysjes së regjimit 45 vjeçar komunist në Shqipëri.
Ata 343 firmëtare të parë të themelimit të Partisë Demokratike, pedagogë, studentë intelektualë dhe qytetarë të thjeshtë, nuk përfaqësonin vetëm kurajon e tyre, nuk përfaqësonin vetëm maturinë dhe inteligjencën e tyre; ata përfaqësonin aspiratën e një shoqërie të tërë, aspiratën e të rinjve shqiptare për liri dhe demokraci.
Pikërisht për këtë arësye, Partia Demokratike e Shqipërisë, 11 dhjetori si dita e themelimit të saj, është një nga ngjarjet më të bukura dhe me domethënese në historinë e popullit tonë.

Askush, asnjëherë, nuk do të mund të bëjë pis ngjarjen historike të themelimit të Partisë Demokratike të Shqipërisë.
Askush dhe asnjëherë, nuk do të mund ta fshijë sakrificën e themeluesve të saj që nga Tirana e deri në skajin më të largët të Shqipërisë.
Askush dhe asnjëherë, nuk do të mund ta përvetësojë historinë e saj.
Sepse Partia Demokratike e Shqipërisë, është partia e shoqërisë së lirë shqiptare, është partia e studentëve të dhjetorit, është partia e ëndrrës së madhe të një kombi të tërë për liri.
11 dhjetori i viti 1990 do të jetë gjithmonë data e lirisë shqiptare, data e demokracisë së saj.
Ndaj sot, në 11 dhjetor, është dita për të nderuar dhe për të falenderuar gjithë themeluesit e Partisë Demokratike, gjithë ata njerëz të lirë që donin zhvillimin e Shqipërisë dhe prosperitetin e saj. Partia Demokratike ishte lëvizja e parë politike që kishte në vizionin e saj liritë politike, civile dhe ekonomike të shqiptarëve, ishte drita e parë e shpresës për një Shqipëri të hapur, për një Shqipëri demokratike.

Të dashur motra dhe vellëzër demokratë,
E di që në këtë përvjetor nuk jemi aty ku do të donim të ishim!
E di që në këtë përvjetor nuk i kemi në krah të gjithë!
E di që në këtë përvjetor shumë nga njerëzit që punuan dhe kontribuan për partinë, nuk janë këtu me ne.
E di që në këtë përvjetor jemi zhgënjyer nga shumë për të cilët vetëm kemi dhënë këto vite.
E di që në këtë përvjetor një pjesë e jona sillet akoma rrugëve,
e verbuar nga interesi personal
e frikësuar nga gjykimi i historisë
e trembur nga dora e drejtësisë!
E di që sot shumë qytetare pyesin: e kujt ËshtË Partia Demokratike?
Partia Demokratike është partia e shoqërisë shqiptare,
Është partia e vlerave euro-atlantike
është partia e Shqipërisë pluraliste
është partia e rinisë europiane shqiptare.

Në këtë datë të shënuar të përvjetorit të themelimit,
Pesha e ngjarjeve që kemi përjetuar ka lënë gjurmë tek ne!

Ngjarje me ngarkesa dhe sfida të mëdha për të gjithë ne këtu,
Por që në peshoren e kohës janë vetëm një çast;
Vetëm një çast në historinë tonë 33 vjeçare si demokratë
Vetëm një çast në historinë tonë 33 vjeçare si njerëz të lirë,
Vetëm nje çast në historinë tonë 33 vjeçare si pro-perëndimore
vetëm nje çast në historinë tonë qindra-vjeçare si shqiptarë patriotë që mbi Shqipërinë nuk vendosim asgjë dhe askënd!

PO, ne kemi bërë zgjedhjen tonë:
NE KEMI ZGJEDHUR SHQIPËRINË!
NDAJ SOT, NË 33 VJETORIN E SAJ, NE DEKLAROJMË ME KOKËN LART PARA ÇDOKUJT QË PYET: e kujt ËshtË Partia Demokratike?
Partia Demokratike ËSHTË E SHQIPËRISË!!

Çdo gjë që bëjmë si parti politike, çdo objektiv që i vendosim vetes, çdo qëllim që duam të realizojmë: është për Shqipërinë dhe për shqiptarët. Është për të mirën e tyre dhe të familjeve të tyre!
Sot ju themi shqiptarëve se po përfundojmë programin tonë qe ta çlirojmë dhe ta forcojmë ekonominë tonë
që t’ju japim më shumë mundësi për punësim
që ta rrisim mirëqenien tuaj personale dhe familjare
që të krijojmë kushte për ta mbajtur këtu rininë tonë të talentuar!

Këto nuk janë premtime të mëdha:
këto janë PLANET TONA KONKRETE!
NE DUAM T’I BËJMË ATO REALITET PËR JU!
NE E DIMË SHUMË MIRË SESI ATO BËHEN REALITET!

Në këto 33 vite, ne kemi arritur shumë por kemi bërë edhe shumë gabime.
Ne kemi pësuar shumë, por edhe kemi mësuar shumë!

Logon dhe firmën e partisë sonë e mbajnë mbi ngjarjet të rëndësishme për Shqipërinë:
E mban anëtarësimi në NATO, prej të cilit të gjithe ju bashkëqytetarë ndiheni sot më të sigurt
E mban levizja e lirë pa viza kudo në Europë, një ëndërr e bërë realitet për miliona shqiptarë
E mbajnë projekte të mëdha infrastrukturore anembanë vendit, të cilat ju të dashur qytetarë i përdorni përditë.

Të dashur motra dhe vellëzër,
Sot, në 33 vjetorin e themelimit tonë, duhet ta themi pa asnjë ndrojtje që Partia Demokratike e Shqipërisë në këto 33 vite nuk e përmbushi detyrën e saj ndaj pronarëve,
nuk e permbushi detyrën e saj ndaj të përndjekurve,
nuk e përmbushi detyrën e saj për vlerësimin e kontributeve historike.
Prandaj shumë prej tyre, që ndoshta janë edhe në këtë sallë, me të drejtë janë ndjerë të nëpërkëmbur, janë ndjerë të ofenduar, janë ndjerë të tradhtuar në kauzat e tyre për të cilat kjo parti u formua.
Në emrin tim, në emrin të gjithë anëtarëve të saj sot kam një thirrje për të gjithë ata që në këto 33 vite janë larguar nga Partia Demokratike:

Për të gjitha ata kontributorë themelues të saj dhe çdo person që të djathtën shqiptare e ndjen familjen e tij politike, që për arsye të ndryshme në këto vitë nuk janë ndjerë në shtëpinë e tyre, bashkohuni me Partinë Demokratike të Shqipërisë,
Ejani jepni kontributin tuaj të çmuar ashtu sikurse e keni dhënë në vitet e para të pluralizmit dhe në këto 33 vite.
Partia Demokratike e Shqipërisë është partia e themeluesve të saj,
është partia e studentëve të dhjetorit,
është partia e të përndjekurve dhe e pronarëve,
është partia partia e njerezve të lirë
është partia e vlerave euro-atlantike
është partia e interesit kombëtar te shqiptarëve.
Partia Demokratike është familja juaj
ne ju mirëpresim të gjithëve!

Të dashur qytetarë shqiptare,
Kush mendon se Partia Demokratike e ka mbaruar misonin e saj, gabon rëndë!
Misioni ynë është misioni i shqiptarëve:
Ata sot kërkojnë një alternativë ndaj këtij pushteti të kalbur nga korrupsioni.
Ata sot kërkojnë të marrë fund teatri 30 vjeçar i tranzicionit, ku sa më shumë që bëjnë sikur inatosen, aq më të mëdha i kanë hallet,
Sa më shumë bëjnë sikur janë kundërshtarë, aq më të larta i qepin pazaret.
Shqiptarët i kanë kuptuar. I kanë kuptuar se çdo gjë që bëjnë e kanë për veten e tyre dhe asgjë në interes të Shqipërisë.
Shqiptarët i njohin mirë kush janë. Prandaj po i braktisin përditë e më shumë.

Dhe prandaj perditë e më shumë i kanë sytë nga ne.
Shqiptarët po na presin.
KY ESHTE MOMENTI YNË I VËRTETË:
Partia Demokratike e Shqipërisë, PARTIA JONË, do të bëhet partia e së ardhmes së shqiptarëve, partia e interesit kombëtar, partia e ekonomisë së lirë, partia e mirëqenies së shqiptarëve, partia e partneritetit të ngushtë dhe te përjetshëm me SHBA dhe BE.

Të dashur demokratë të rinj,
Muajt e fundit kam takuar shumë prej jush në çdo cep të Shqipërisë.
Pjesëmarrja, angazhimi dhe interesimi juaj është garancia më e bukur e së ardhmes tonë!
Sepse Partia Demokratike është shpresa e vetme e shqiptarëve për ndryshim!
Sepse Partia jonë është e vetmja alternativë europiane ndaj kësaj kaste politike të rrënuar nga korrupsioni dhe të vjetëruar nga pushteti!
Unë e di qe sot SHQIPËRIA ka nevojë për ne: ajo po na thërret, njësoj si para 33 vjetëve:
T’i japim fund tranzicionit shqiptar
T’i japim duart klasës politike 33 vjeçare
Të hapim një faqe të re për Shqipërinë dhe për shqiptarët!
Dhe Ne, Partia Demokratike, do ta bëjmë këtë!
Sepse ShqipËria do tË bËhet!

Do ta bëjmë, ashtu sikurse kemi filluar, me sinqeritet dhe modesti me njerëzit, duke i afruar ata që kanë përzemër fatet e shqiptarëve dhe Shqipërisë.
Duke folur përditë me njerëzit, duke i takuar ata nga afër dhe duke biseduar sy më sy, më këdo që është zhgënjyer me sistemin politik 33 vjeçar.
Duke e forcuar bashkëpunimin tonë të ngushtë me aleatët tanë ndërkombëtarë dhe partnerët tanë strategjikë, të cilët kanë dhënë një kontribut të paçmueshëm në këto 33 vite tranzicion për demokracinë dhe shtetin shqiptar, dhe të cilët i falenderoj nga kjo sallë në emër të të gjithë anëtarëve të Partisë Demokratike.

Të dashur motra dhe vellëzer demokratë,
Të dashur qytetarë,
Fatkeqësisht, as Shqipëria jonë nuk është sot aty ku duhet te ishte.
Pas 33 viteteve pluralizëm, shumica e bashkëqytetarëve tanë janë në një gjendje të mjerueshme ekonomike.
Krimi duket se ka pushtuar gjithë vendin.
Korrupsioni ka arritur nivele të panjohura më parë.
Integrimi europian i Shqipërisë ka 10 vite që ecën me hapin e breshkës.
Shqiptarët kanë lënë shtëpitë dhe familjet e tyre dhe kanë emigruar si kurrë më parë.
Arsimi dhe shëndetësia janë në degradim të plotë.

Përgjegjësi kryesor për këtë gjendje është Edi Rama dhe qeveria e tij.
Kjo qeveri nuk prodhon mirëqenie, dije, vende pune dhe siguri! Ajo prodhon vetëm korrupsion, regres, arrogancë, drogë dhe krim.
Prandaj SOT nga kjo sallë, dua të theksoj edhe njëherë mbështetjen e plotë të Partisë Demokratike për SPAK, të përgëzoj hetimet e saj ndaj krimit dhe pushtetarëve të korruptuar.
Shqiptarët mezi e kanë pritur këtë ditë!
Ata kanë 33 vite që presin drejtësi të barabartë, një drejtësi ku askush nuk është mbi ligjin.
Sepse vetëm kështu mund të ngrejmë shtetin e së drejtës dhe të forcojmë demokracinë në Shqipëri.
Sepse fatkeqësisht sistemi ynë politik ka dështuar.

Ketu tek ne, një person i vetëm, kryeministri, është mbi gjithçka. Sot, pushteti i tij është absolut. Ai vetë zgjedh, vetë vendos, vetë zbaton!
Sot deputetët janë kukulla të Kryeministrit që përdhosin Kuvendin e Shqipërisë duke shkelur kështu me këmbë zgjedhësit e tyre, qytetarët shqiptarë!
Kështu parlamenti çnderohet përditë, i tëri në dispozicion të interesave të Edi Ramës dhe klientëve të tij ekonomikë.
KY MODEL ËSHTË I GABUAR!
KY MODEL ËSHTË I VJETËR!
KY MODEL NUK I ÇON DOT SHQIPTARËT NË EUROPË!
KY MODEL DUHET DHE DO TË NDRYSHOJË!

Te dashur qytetare,
Ne jemi këtu sepse besojmë tek një model ndryshe. Besojmë tek demokracia dhe politika normale në shërbim të njerëzve.
Prandaj kemi propozuar listat e hapura për zgjedhjet e ardhshme, që ju japin mundësi qytetarëve të zgjedhin vetë kush do t’i përfaqesojë.
Prandaj duam t’i japim mundësinë diasporës shqiptare të votojë si një garanci e madhe për demokracinë shqiptare.
Prandaj kemi propozuar në Kuvend vetingun për politikanët, në mënyrë që të kalojmë në sitë të gjithë ata që do t’ju përfaqësojnë juve!
Prandaj duam të zgjedhim presidentin nga populli, që institucionet tona publike të mos bëhen vartëse të njëri-tjetrit në kurrizin tuaj,
Prandaj kemi hapur partinë tonë në garën e brendshme për të afruar sa më shumë të rinj, gra dhe intelektualëve,
Prandaj kemi vendosur t’jua prezantojmë 140 kandidatët tanë për deputetë një 1 vit para zgjedhjeve!
Sot besoj më shumë se asnjëherë që kjo politikë,
politika që ndërton dhe nuk shkatërron,
politika e ideve dhe jo politika e dhunës,
është politika që i duhet Shqipërisë dhe shqiptarëve.
Dhe këtë do të bëjmë NE.
Ky është misioni i Partisë Demokatike të Shqipërisë
për një Shqipëri të zhvilluar
për një Shqipëri europiane.

Ndaj me mirënjohjen me të thellë për sakrificat, kurajon dhe qëndrueshmërinë e themeluesve të Partisë Demokratike.
Me mirënjohjen më të thellë për të gjithë ata që na kanë besuar dhe na kanë votuar ndër vite.
Me mirënjohjen më të thellë për të gjithë drejtuesit dhe drejtueset e degëve dhe strukturave tona, për të gjithë anëtarët e anëtaret e Partisë Demokratike dhe për të rejat dhe të rinjtë e mrekullueshëm demokratë,
Ju uroj të gjithëve: Gezuar 33 vjetorin!
Rroftë Partia Demokratike e Shqipërisë!
Rroftë Shqipëria!

11 Dhj

0

FJALA E DEPUTETES ANDIA ULLIRI NË AKTIVITETIN PËR 33 VJETORIN E PD

by PD in Lajmi fundit

FJALA E DEPUTETES ANDIA ULLIRI NË AKTIVITETIN PËR 33 VJETORIN E PD

Zonja dhe zoterinj,
Në këtë ditë të rëndësishme, ndërsa jemi mbledhur për të festuar ditëlindjen e 33-të të themelimit të partisë sonë, është një privilegj t’ju drejtohem mbi një temë që është jo vetëm në kohën e duhur, por edhe thelbësore në rrugëtimin tonë të përbashkët – rolin e pazëvendësueshëm të të rinjve shqiptarë në formësimin e fatit të partisë sonë dhe të kombit tonë të dashur.
Ndërsa përkujtojmë momentet historike që na kanë sjellë në këtë çast, le të reflektojmë mbi bazat e hedhura nga themeluesit e partisë sonë. Në gjenezë të pluralizmit shqiptar por edhe në rrugëtimin deri ditën e sotme, Partia Demokratike ishte forca politike që bashkoi forcat dhe shpresën e të rinjve për të ardhmen. Ishte rinia shqiptare që solli një frymë të re për demokracinë. Sot, është detyra jonë ta çojmë përpara këtë pishtar dhe duke e bërë këtë, duhet të njohim dhe të forcojmë zërin e tyre.
Rinia jonë, duke qëndruar në kryqëzimin e historisë me të ardhmen, mishëron thelbin e idealeve të forcës tonë politike. Në ëndrrat, energjinë dhe angazhimin e tyre të palëkundur ndaj kombit tonë, ne gjejmë trashëgiminë e gjallë të idealeve tona themeluese. Le të mos njohim vetëm potencialin e tyre, por le të integrojmë në mënyrë aktive perspektivat e tyre në Partinë Demokratike.
Ndërsa shënojmë këtë ditëlindje të themelimit, ne duhet të sigurohemi që parimet që ndezën lindjen e partisë sonë të vazhdojnë të udhëheqin veprimet tona. Duke përqafuar rininë shqiptare, ne forcojmë vetë thelbin që na bashkoi – angazhimin e palëkundur për përparimin, bashkimin dhe mirëqenien e shqiptarëve.
Të rinjtë me energjinë e pashtershme, me besimin për të ndërtuar sëbashku Shqipërinë europiane dhe kthimin e shpresës për të krijuar familjet e tyre këtu duhet të jetë sfida jonë. Së bashku, duhet të krijojmë një mjedis që inkurajon kreativitetin dhe vendosmërinë e tyre. Duke i fuqizuar ata, ne jo vetëm sigurojmë suksesin e vazhdueshëm të PD-së, por kontribuojmë në prosperitetin dhe unitetin e Shqipërisë.
Në këtë ditë të veçantë për të gjithë demokratët, angazhimi ynë ndaj rinisë le të jetë dëshmi e përkushtimit tonë ndaj idealeve dhe parimeve që na lidhin.
Unë vetë dua të përmend në këtë fjalë timen së pari kënaqësinë dhe vlerësimin e treguar për të dhënë sot një mesazh bashkëmoshatarëve të mi, e duke përfitur nga rasti të ndaj me ju shkurtimisht edhe eksperincën time në politike. Prej vitesh jam angazhuar në PD, duke ndjekur organizimet politike fillimisht në zonën time në Fushë-Krujë. Falë mundësisë, promovimit dhe besimit që më është dhënë në vitin 2021 jam zgjedhur deputetja më e re në Kuvendin e Shqipërisë. Për mua përveçse privilegj, ka qenë dhe është përgjegjësi dyfishe për të përfaqësuar siç duhet të rinjtë shqiptarë, e më tej për të ndërmarrë nisma e iniciative në të mirë të tyre. Rrugëtimi politik patjetër që është sfidues, por unë mund ti them me bindje çdo të riu se në Partinë Demokratike do të gjejnë një derë të hapur dhe një dorë të shtrirë për bashkëpunin dhe mbështetje. PD është alternativa ku të rinjtë duhet të gjejnë vetveten.
Së bashku, ju ftoj të jemi modeli për të kultivuar një mjedis që nxit angazhimin, pjesëmarrjen aktive në proceset vendimarrëse politike dhe sociale për të rinjtë tanë. Duke i fuqizuar ata, ne hapim rrugën për një të ardhme ku Partia Demokratike do të vazhdojë të jetë sinonim i progresit, vlerave demokratike dhe prosperitetit të qëndrueshëm të Shqipërisë. Gëzuar PD!
Faleminderit .

11 Dhj

0

Hetimet për Inceneratorin e Tiranës/ Sekretari për Marrëdhëniet me Publikun në PD, Edvin Kulluri: Përgëzojmë SPAK-un! Të nxirren përgjegjësitë ligjore për Erion Veliajn

by PD in Lajmi fundit

Sekretari për Marrëdhëniet me Publikun, Edvin Kulluri, në një deklaratë për mediat ka vlerësuar hetimet e kryera nga SPAK lidhur me rolin e Bashkisë Tiranë në skandalin e Inceneratorëve.

Kulluri shprehet se opinion public pret nxjerrjen e përgjegjësisë ligjore të funksionarëve më të lartë të Bashkisë së Tiranës dhe Administratorin e Përgjithshëm.

DEKLARATË E PARTISË DEMOKRATIKE TË SHQIPËRISË, SEKRETARI PËR MARRËDHËNIET ME PUBLIKUN, EDVIN KULLURI

Partia Demokratike e Shqipërisë vlerëson thellimin e hetimeve nga SPAK, lidhur me rolin e Bashkisë Tiranë në skandalin e Inceneratorëve.

Njëkohësisht opnioni publik pret nxjerrjen e përgjegjësive ligjore të funskionarëve më të lartë të Bashkisë, si Kryetarin dhe Administratorin e Përgjithshëm për këto arsye:

1) Kryetari i Bashkisë Tiranë është angazhuar personalisht me shkrim përmes anekseve të marrëveshjes me Ministrinë e Mjedisit, se merr përgjegjësinë e plotë për detyrimet financiare sipas kontratës për Landifilin e Sharrës, për një shërbim që nuk u ofrua kurrë;

2) Kryetari i Bashkisë Tiranë përfaqëson autoritetin më të lartë ligjor në marrëdhënie më palët e treta, konkretisht kompaninë që nuk e ofroi as edhe një ditë djegien e mbetjeve;

3) Menaxhimi I Mbetjeve Urbane është kompetncë eksluzive e njësive të qeverisjes vendore, konkretisht Bashkisë Tiranë;

4) Administratori I Përgjithshëm është përsoni përgjegjës sipas ligjit për Buxhetin e Shtetit për të ardhurat dhe shpenzimet e institucionit.

Sa më lart, inkurajojmë SPAK dhe GJKKO që të vijojnë dhe thellojnë hetimet jo vetëm për Bashkinë Tiranë, por të gjitha bashkitë që kanë ekzekutuar këtë grabitje të parave të taksave të shqiptarëve.

Partia Demokratike përsërit përpjekjet e institucioneve të drejtësisë për hetim dhe gjykim të paanshëm dhe barazi para ligjit për cdo zyrtar dhe qytetar të Repubklikës së Shqipërisë.

09 Dhj

0

Kreu i PD, Lulzim Basha, takim me profesionistë të rinj: Në vënd që qeveria t’i mbështesë dhe të stimulojë profesionistët e rinj, ajo po i shtyn drejt emigrimit

by PD in Lajmi fundit

Kryetari i Partisë Demokratike, Lulzim Basha, ka zhvilluar njё takim me profesionistë të rinj.

“Në vënd që qeveria të mbështesë dhe të stimulojë profesionistët bizneset e të rinjëve ajo po i shtyn drejt emigrimit”, – theksoi kryetari i PD.

Zoti Basha theksoi se “sikur të mos mjaftonte situata e rëndë ekonomike e pamundësia, së fundmi kjo qeveri ka vendosur që më shumë se 30 mijë profesionistë të lirë të paguajnë tatim mbi të ardhurat e tyre vjetore në të njëjtat fasha si një biznes i madh. Nga njëra anë kjo qëvëri kërkon të pengojë në mënyrë antikushtetuese studentët e mjeksisë të zgjedhin vetë të ardhmen e tyre, nga ana tjetër po përze profesionistët me rritje taksash dhe korrupsionin që ka përpirë zë gjithë këtë qeverisje”.

Zoti Basha u ndal dhe tek vendimi i fundit i spak për inceneratorin e Tiranës. Duke vleresuar punën e SPAK, Basha tha se “ai nuk duhet të ndalet, por duhet t’i shkojë deri në fund aferës prej 430 milionë euro të Inceneratorëve, sepse njeriu që mban bashkë fijet e krimit dhe korrupsionit është Edi Rama. SPAK nuk duhet të hezitojë të çojë para drejtësisë këdo që ka abuzuar me besimin e shqiptarëve me paratë e tyre”.
Basha tha se kush ka abuzuar me fondet dhe me pasuritë e shqiptarëve, me besimin e shqiptarëve, të shkojë para drejtësisë. Dhe për këtë, Partia Demokratike i jep mbështetje të pakushtëzuar SPAK-ut.

Basha theksoi se krahas inkurajimit dhe mbështetjes së SPAK, PD ka çuar në parlament dhe projktligjin për vetingun e politikanëve, përmes të cilit synon të largojë politikanët e korruptuar dhe të lidhur me krimin nga politika.
“Kush e justifikon pasurinë e vet dhe të familjes së vet, të vazhdojë. Kush nuk e justifikon, nuk mund të vazhdojë më të jetë përfaqësues i interesave të qytetarëve”,- theksoi Basha

Ai shtoi se “përballja pa kompromis me korrupsionin, pastrimi i politikës, dhënia fuqi qytetarëve të zgjedhin me votë përfaqësuesit e tyre në Parlament, vota e emigrantëve janë udhërrëfyesi i PD në rrugën që kemi nisur për çlirimin e politikës dhe ekonomisë”, – tha kryetari i PD.

09 Dhj

0

Sekretarja për gruan në PD, Taulanda Jupi: Dita Ndërkombëtare kundër Korrupsionit e gjen Shqipërinë të renditur si një nga shtetet më të korruptuara në Europë

by PD in Lajmi fundit

Postimi i plotë i sekretares për gruan në PD, Taulanda Jupi:

Dita Ndërkombëtare kundër Korrupsionit e gjen Shqipërinë të renditur si një nga shtetet më të korruptuara në Europë në Indeksin e Perceptimit të Korrupsionit të Transparency International.
Korrupsioni është një ndër faktorët kryesorë që kërcënojnë demokracinë, një ndër shkaktarët e situatës së vështirë ekonomike, paqendrueshmërisë social -politike në vend, është shkaktari kryesor i mungesës së shpresës, prespektivës së qartë për të ardhmen dhe më e rënda i largimit masiv të të rinjve.
Lufta e pakompromis ndaj korrupsionit,
mbështetje ndaj organeve të drejtësisë, mbështetje ndaj SPAK-ut, ndëshkimi i kujtdo që ka abuzuar me pushtetin dhe besimin e qytetarëve duke i dhënë fund pandëshkueshmërisë për ndërtimin e shtetit të së drejtës, është sfida më e madhe kemi sot.
Shqipëria mund të bëhet dhe do të bëhet!
Kjo kërkon forcë dhe vullnet.Për fat të keq ky vullnet nuk gjendet tek ata që korrupsionin dhe krimin e kanë kthyer në mjetin e vetëm me të cilin dominojnë apo sundojnë realitetin politik në Shqipëri.
E pikërisht për të dalë nga ky rreth vicioz ku rrotullohemi pambarimisht prej 32 vitesh, krahas mbështetjes pa kushte ndaj SPAK-ut, VETTING-u i politikanëve është domosdoshmëri SOT, për të ardhmen që duam nesër! VETTING!

08 Dhj

0

VIDEOMESAZHI/ Basha uron ditën e rinisi nga Senati Amerikan

by PD in Lajmi fundit

Kryetari i PD, Lulzim Basha, nga SHBA, ku ndodhet në vizitë zyrtare ka uruar ditën e rinisë përmes një videomesazhi nga Senati Amerikan.

Zbardhja e videos:

Të dashur miq, ju përshëndes nga ndërtesa e Senatit të Shteteve të Bashkuara të Amerikës, në këtë ditë të veçantë për çdo shqiptar e në veçanti për rininë shqiptare, me një citim nga një nga figurat më frymëzuese të politikës amerikane, nga Presidenti John F. Kennedy, i cili në mënyrë kuptimplotë për çdo komb na ka lënë trashëgim thënien se: “Pasuria më e madhe e njerëzimit është rinia e tij”. Pasuria më e madhe e Shqipërisë janë të rinjtë dhe të rejat e Shqipërisë.ë rinjtë dhe të rejat e Shqipërisë kanë bërë gjithmonë diferencën midis të mirës dhe të keqes, midis tiranisë dhe lirisë dhe do ta bëjnë sërish. Do ta bëjnë për Shqipërinë europiane, për Shqipërinë e lirisë, për Shqipërinë e demokracisë. Sepse ndryshe nga ç’mendojnë pesimistët, skeptikët, apo ata që gjithmonë kanë vënë interesin e tyre mbi interesin e shqiptarëve, Shqipëria do të bëhet! Gëzuar Ditën e Rinisë!

08 Dhj

0

Thumanë-Kashar/ PD Krujë: Projekti nuk parashikon dalje nga rruga, izolon 85 mijë banorë te Bashkise Kruje, kthehet në kosto për qytetarët dhe bizneset

by PD in Lajmi fundit

REAGIMI I DEGËS SË PARTISË DEMOKRATIKE, KRUJË:

Projekti i autostradës Thumanë-Kashar veç shifrës së madhe të atakueshme nga ekspertët e ekonomisë si koncesion, protestave të banorëve për shpronësimet, rrezikohet nga një tjetër skandal, atë të izolimit të 85 mijë banorëve të Bashkise Krujë dhe gjithe bizneseve perreth.

Partia Demokratike Krujë, duke marrë shkas nga shqetësimi i banorëve dhe ankesat e tyre ngritur pranë nesh për izolim të tyre si pasojë e mungesës së daljeve nga rruga, apelon për transparencë dhe kërkon nga strukturat shtetërore, firma që po kryen punimet, që të bëjnë publike projektin final të këtij investimi.

Eshtë fakt tashmë, që sipas informacioneve se kjo problematikë kthehet në kosto jo vetëm për banorët e zonës, por edhe qytetarët që vijnë nga veriu i Shqipërisë, Kosova sepse nuk ka dalje nga Thumana deri në Rinas dhe për të mbërritur në Krujë do të duhet të shkohet njëherë në Qafë Kashar e më pas të kthehesh për në qytetin historik dhe kulturor të Krujës të cilin e vizitojnë me dhjetëra mijëra turistë. Mungesa e parashikimit të daljeve nga autostrada nxjerr jashtë funksionit mijëra biznese të vogla dhe të mëdha duke iu dhënë atyre kosto.

Partia Demokratike Krujë, i kërkon Autoritetit Rrugor Shqiptar, Ministrisë së Infrastrukturës dhe Energjisë, Kryeministrit Edi Rama që të ngrihen në përgjegjësinë e detyrës, të ushtrojnë funksonet e tyre për të bërë transparencë projektin për qytetarët të cilët janë të shqetësuar, por edhe si detyrim ligjor në kuadër të informimit. Reagimi i institucioneve sot do të sqaronte dhe qetësonte 85 mijë banorët e zonës, qytetarët që vijnë nga rrugët e veriut, madje dhe Kosova dhe Mali i Zi për atë çfarë i pret pas përfundimit të investimit.

Sipas PD dega Krujë, transparenca është jetike kjo transaprencë. Ne apelojmë dhe presim të ketë reagim të institucioneve shtetërore sepse në të kundërt do të ketë natyrshëm reagim qytetar ndaj këtij skandali nëse është e vërtetë sikurse flitet. I bej thirrje dhe institucionit Bashkise Kruje qe ketu nuk behet fjale per Politike po per interesin e 85 mij banoreve e mijera bizneseve qe dalin jashte funksioni.

08 Dhj

0

Anëtarja e Kryesisë së PD, Andia Ulliri: Sfida e të djathës dhe PD është të kthejmë vëmendjen tek rinia, që Shqipëria të mos jetë bosh nesër

by PD in Lajmi fundit

Anëtarja e Kryesisë së Partisë Demokratike, Andia Ulliri, shprehet se rinia, rrahja e zemrës së çdo kombi, janë arkitektët e fatit të shoqërisë tonë.
Në një postim në facebook, deputetja demokrate ka shpërndarë foto nga aktiviteti i PD në Hotel Tirana, ku shkruan se në kohë të trazuara e të vështira, të rinjtë kanë gjetur shpresën për të përmbysur sistemin më të ashpër diktatorial e na takon të jemi sërish sot shpresa për Shqipërinë Europiane.

Postimi i plotë:

Dita e Rinisë
Sot, u mblodhëm për të festuar Ditën e Rinisë, në nder të të gjithë studentëve të dhjetorit 1990 dhe gjithë rinisë shqiptare, iniciatorë e protagonistë të një momenti që i bën jehonë frymës së ndryshimit, e në fakt të një date që përcakton një rrjedhojë të rëndësishme të historisë së kombit tonë, rënien e komunizmit dhe lindjen e demokracisë.
Rinia, rrahja e zemrës së çdo kombi, janë arkitektët e fatit të shoqërisë tonë. Ata kanë dëshmuar vazhdimisht përkushtimin e tyre për të formuar një të nesërme më të mirë. Jehona e zërave të tyre në dhjetorin e 90-ës kumbonte nëpër rrugë, duke thyer prangat e së kaluarës dhe duke hapur rrugën për një shoqëri të lirë, demokratike, më gjithëpërfshirëse dhe dinamike.
Në kohë të trazuara e të vështira, të rinjtë kanë gjetur shpresën për të përmbysur sistemin më të ashpër diktatorial e na takon të jemi sërish sot shpresa për Shqipërinë Europiane.
Kjo është sfida jonë, kjo është sfida e të djathës dhe Partisë Demokratike, të kthejmë vëmendjen tek rinia, të kthejmë vëmendjen tek qytetarët dhe familjet, të punojmë dhe të motivojmë sot, që Shqipëria të mos jetë bosh nesër.
Kjo duhet të jetë rruga e PD, të kthejë shpresën tek të rinjtë, të kthejë shpresën tek shqiptarët.
Falenderoj të gjithë të rinjtë, anëtarët e Kryesisë dhe mediat që u bëtë pjesë e takimit dhe diskutimeve.

08 Dhj

0

Dita e rinisë/ Deputetja e PD, Andia Ulliri: Në kohë aspak të lehta, PD ka treguar se ka qenë busulla e orientimit euro-atlantik dhe pro-perëndimor, e tillë duhet të jetë dhe vazhdimësia

by PD in Lajmi fundit

FJALA E DEPUTETES DHE ANËTARES SË KRYESISË SË PD, ANDIA ULLIRI, NË AKTIVITETIN PËR 8 DHJETORIN ORGANIZUAR NGA PD

Përshëndetje te gjithe, faleminderit qe gjetet kohe dhe mundesi te jeni pjese e ketij takimi ose me sakte bashkebisedimi ne kete dite te vecante.

Kam kënaqësinë të jem e shoqëruar në panel nga Z. Kreshnik Collaku- Nenkryetar i PD, Znj. Enriketa Papa- Kryetare Fondacioni per Liri dhe Demokraci, Z. Geni Qendro- Anetar i Keshillit Bashkiak Sarande dhe Znj. Dorilda Kaculi- Studente e protestes studentore 2018/ aktiviste PD

Sot, ne mblidhemi për të festuar Ditën e Rinisë, në nder të të gjithë studentëve të dhjetorit 1990 dhe gjithë rinisë shqiptare, iniciatorë e protagonistë te një momenti që i bën jehonë frymës së ndryshimit, e ne fakt te nje date që përcakton nje rrjedhoje te rendesishme te historise se kombit tonë, rënien e komunizmit dhe lindjen e demokracisë.

Më 8 dhjetor 1990, studentet, të rinjtë shqiptarë qëndruan të bashkuar, duke kërkuar një të ardhme që përqafonte lirinë, demokracinë dhe mundësitë. Ishte një moment kyç që transformoi shoqërinë tonë dhe na vendosi në rrugën e përparimit, per te ndertuar “Shqiperine si gjithe Europa”
Rinia, rrahja e zemrës së çdo kombi, janë arkitektët e fatit te shoqerise tone. Ata kanë dëshmuar vazhdimisht përkushtimin e tyre për të formuar një të nesërme më të mirë. Jehona e zërave të tyre ne dhjetorin e 90-es kumbonte nëpër rrugë, duke thyer prangat e së kaluarës dhe duke hapur rrugën për një shoqëri te lire, demokratike, më gjithëpërfshirëse dhe dinamike.

E ne gjeneze te pluralizmit shqiptar por edhe ne rrugetimin deri diten e sotme, Partia Demokratike ishte forca politike qe bashkoi forcat dhe shpresen e te rinjve per te ardhmen. E ne fakt nuk mund te jemi vecse krenar per rolin qe Partia Demokratike ka patur, por sot jemi edhe me shume pergjegjes per ate se cfare roli do kete serish Partia Demokratike ne te ardhmen e vendit. Ne kohe te trazuara e te veshtira, te rinjte kane gjetur shpresen per te permbysur sistemin me te ashper diktatorial e na takon te jemi serish sot shpresa per Shqiperine Europiane.

Ne kohe aspak te lehta, PD ka treguar se ka qene busulla e orientimit euro-atlantik dhe pro-perendimor, e tille duhet te jete dhe vazhdimesia. PD eshte ngritur mbi bazen e vlerave e duhet te jete gjeneza e meritokracise, e drejtesise, e te drejtave dhe me se shumti e kthimit te besimit tek Shqiperia europiane.Jam e bindur se cdo brez ka sfidat e tij, e ndoshta sfida jone eshte te qendrojme te palekunder perkrah aleateve tane, perkrah vlerave, perkrah qytetareve. Ndoshta eshte rruga me e veshtire, por ne duhet te punojme te ndertojme rrugen e drejte.

Te jesh nje i ri sot ne Shqiperi ka nje botekuptim do thoja ndryshe dhe secili nga ne e ka perjetuar qofte prane familjeve tona, prane te afermve tane apo miqve. Të rinjtë sot ndihen dhe janë të pa vlerësuar, ndihen dhe jane të demotivuar per te ardhmen e tyre e akoma me keq jane te pashprese per te ndertuar familjen e tyre ketu ne Shqiperi.

Kjo eshte sfida jone, kjo eshte sfida e te djathes dhe Partise Demokratike, te kthejme vemendjen tek rinia, te kthejme vemendjen tek qytetaret dhe familjet, te punojme dhe te motivojme sot, qe Shqiperia te mos jete bosh neser. Kjo duhet te jete rruga e PD, te ktheje shpresen tek te rinjte, te ktheje shpresen tek shqiptaret.

Politika e ndermarra nder vite, jo per te mbajtur sot ne kete bashkebisedim krejt miqesor nje qendrim tipik opozitar, por si nje e re e Shqiperise, pergjigja e te rinjveie ka treguar vete rezultatin, Te rinj qe kane zgjedhur te refuzojne duke mos marre pjese ne zgjedhje, duke mos qene aktive ne jeten aktive politike e socilae dhe me e dhimbshmja duke rrezikuar edhe jeten per tu larguar nje ore e me pare nga ketu. Nuk ka nevoje per asnje statistike per te vertetuar kete plage qe po perballemi pergjate ketyre viteve, eshte nje realitet qe po e shohim cdo dite.

Une besoj se eshte koha qe politika nuk mund te qendroje vetem e shkruar në letra e raporte, politika jone sot duhet te jete sa me prane qytetarit, prane te rinjve, per tju dhene ze problemeve dhe sfidave te jeteses se perditshme. Te rinjte jane thesari me i vyer i shoqerise se neserme, te rinj qe luftojne per nje jete me te mire, te rinjte qe kane besim se e ardhmja e shqiperise eshte e ardhmja europiane jane modeli qe ne duhet te promovojme, eshte modeli qe PD ashtu si ne vitet 90 ka ne gjenezen e saj.

Une jam besimplote se edhe pse na pret nje rruge e gjate, aspak e lehte, eshte rruga e duhur, eshte rruga e drejte, eshte rruga e vetme per Shqiperine europiane. Ndaj uroj qe ky takim sot te sherbeje edhe si nje moment reflektimi por edhe si pergjegjesi e secilit nga ne per te vene “gurin tone” ne kete rrugetim.
Me shume kenaqesi dua qe te degjojme edhe komente e kendveshtrime nga paneli, per tju kaluar ne nje bashkebisedim.

08 Dhj

0

Flutura Açka uron ditën e rinisë: Ka ardhur ora për një nisje të re, tashmë me frymēn e përgjegjësisë për rolin e pazëvendëshueshëm të të rinjve

by PD in Lajmi fundit

Nënkryetarja e Partisë Demokratike, Flutura Açka, ka uruar ditën e rinisë. Açka shprehet se 33 vite më pas demokratët por edhe shqiptarët me të drejtë pyesin se çfarë e korruptoi demokracinë shqiptare, se përse jemi ende shumë larg Europës dhe standardet e saj duken si mish i huaj për ne.
Deputetja demokrate gjithashtu thotë se ka ardhur ora për një nisje të re, por tashmë me frymēn e përgjegjësisë për rolin e pazëvendëshueshëm të të rinjve.

Postimi i plotë i nënkryetares dhe deputetes së PD, Flutura Açka:

Gëzuar Ditën e Rinisë

Tani, 33 vite më pas, ne demokratët, por edhe shqiptarët e ndjeshëm me fatin e atdheut të tyre, më të drejtë pyesin se çfarë e korruptoi demokracinë shqiptare, se përse jemi ende shumë larg asaj pritshmërie që kishim ditën që é nisëm betejën për pluralizmin, pse Europa dhe standardet e saj duken si mish i huaj për ne?

Duhet një analizë é gjatë për ta shpjeguar këtë, por një përgjigjje të vjen në mend shumë shpejt:

Po, sepse ëndrrat e vajzave dhe djemve studentë, dhe jo vetëm, të lëvizjes së vitit 1990, u uzurpua padrejtësisht nga të korruptuar, të shitur, të dobët, servilët dhe kriminelë të veshur me pushtet, duke i shmangur nga fusha politike é atyre që duhet ta çonin deri në fund misioni e tyre të lartë.

Ka ardhur ora për një nisje e re, por tashmë me frymēn e përgjegjësisë për rolin e pazëvendëshueshëm të të rinjve. Rinia është aty, në na duhet ta mbështesim, ta besojmë, ta promovojmë dhe t’i japim vendin që i takon.

Blog