Demokratët Euroatlantikë - Partia Demokratike

07 Tet

0

Basha, takim me fermerët e Dimalit: Rritja e çmimeve dhe mungesa e mbështetjes i ka bërë ata të dalin me humbje

by PD in Lajmi fundit

Në Dimal, ku ndodhet sot në kuadër të turit në të gjithë vendin, kryetari i Partisë Demokratike, Lulzim Basha, bisedoi me fermerët të cilët po vuajnë pothuajse plotësisht mungesën e vëmendjes së qeverisë. Fermerët i shprehen kreut të PD, shqetësimet e tyre, ndërsa Basha nga ana e tij tha se PD ka si prioritet të programit të saj luftën e pakompromis ndaj korrupsionit dhe fundi i pandëshkueshmërisë në nivelet e larta të politikës.

“Fermerët shqiptarë vazhdojnë të vuajnë nga mungesa e vëmendjes së qeverisë. Rritja e çmimeve dhe mungesa e mbështetjes i ka bërë ata të dalin me humbje dhe shpesh herë prodhimet e tyre të kalben.

Vendimi i Brukselit për pezullimin e granteve të programit IPARD tregon makutërinë e kësaj qeverie, që abuzon edhe me fondet e BE-së, duke lënë në mëshirë të fatit fermerët e ndershëm të këtij vendi, për të favorizuar klientët e zakonshëm që më këto fonde ndërtojnë restorante e vila në komplekset luksoze. Lufta e pakompromis ndaj korrupsionit dhe fundi i pandëshkueshmërisë në nivelet e larta të politikës, janë prioritete të Partisë Demokratike, arritja e të cilave garanton ndryshimin që shqiptarët presin, mbështetje për bujqësinë dhe zhvillim ekonomik”.

07 Tet

0

Turi i takimeve nëpër Shqipëri, Basha ndalet sot në Dimal

by PD in Lajmi fundit

Kryetari i Partisë Demokratike, Lulzim Basha, zgjodhi Dimalin këtë të shtunë, për të vijuar turin e tij. Me një postim në rrjetet sociale Basha është shfaqur në një kafe mëngjesi me disa banorë të kësaj bashkie, nga ku më pas do të vazhdojë takimet derë më derë, ku sot fokusin kryesor në këtë Njësi vendore do ta ketë bujqësia dhe fermerët.

“Mirëmëngjes nga Dimali ☕️☀️“, – shkruan Basha në Facebook.

06 Tet

0

Basha takohet me fermerët e fshatit Stropckë: Me keqardhje dëgjova se puna e palodhur e fermerëve, shkon shpesh herë në plehra për shkak të mungesës së mbështetjes

by PD in Lajmi fundit

Gjatë turit të tij, kryetari i Partisë Demokratike, Lulzim Basha, i ka kushtuar vëmendje edhe bujqësisë. Sot ai ishte në fshatin Stropckë të Pogradecit, ku bisedoi me shumë fermerë të kësaj zone. Basha dëgjoi problemet e shumta që fermerët kanë për shkak të korrupsionit siç është rasti i fondeve të IPARD-it.

“Me fermerët e Stropckës, diskutuam për potencialin e jashtëzakonshëm të bujqësisë dhe për problemet e tyre, të cilat kërkojnë zgjidhje serioze dhe afatgjata.

Me keqardhje dëgjova se puna e palodhur e fermerëve të këtij fshati, shkon shpesh herë në plehra për shkak të mungesës së mbështetjes, sikurse ndodh me fermerët anembanë vendit.

Ata janë njerëz të punës dhe kanë nevojë, që politika të jetë në shërbim të tyre dhe jo të klientëve të zakonshëm të qeverisë, siç dëshmoi skandali me fondet e IPARD-it.

Korrupsioni i përhapur në çdo degë të qeverisjes ka goditur edhe bujqësinë, duke bërë që ndihma e partnerëve europianë të mos shkojë tek fermerët, ndaj dhe ata sot ndihen të braktisur dhe kërkojnë një ndryshim të vërtetë.

Dëgjova me vëmendje sugjerimet e tyre për t’i dhënë fund kësaj situate dhe për të ndërtuar alternativën që presin shqiptarët”, – shkruan Basha në postimin e tij në Facebook.

06 Tet

0

Basha nga Pogradeci: Shqipëria ka plot matrapazë e politikanë që shkelin mbi të. Ajo që i mungon është një alternativë e përgjegjshme

by PD in Lajmi fundit

Pas Linit, kryetari i PD, Lulzim Basha, u ndal në Pogradec ku u foli qytetarëve për alternativën për të cilën po punon Partia Demokratike.

Sipas Bashës ajo që i mungon vendit sot është një alternativë e përgjegjshme, që e çliron potencialin e jashtëzakonshëm të vendit dhe që shkon përtej fasadave, një alternativë e vërtetë për njerëzit.

“Një ditë e bukur sot mes qytetarëve të Pogradecit, pranë njerëzve, për të dëgjuar problemet me të cilat ata ndeshen përditë.

Per ne, lufta ndaj krimit dhe korrupsionit është pa kompromis, si një nga shkaktarët kryesorë të situatës së rëndë ekonomike që po kalon vëndi sot. Shqipëria ka plot matrapazë që abuzojnë përditë me pasuritë e saj, siç ka dhe politikanë që shkelin mbi interesin e njerëzve për hallet e tyre personale.

Ajo që i mungon vendit sot është një alternativë e përgjegjshme, që e çliron potencialin e jashtëzakonshëm të vendit dhe që shkon përtej fasadave, një alternativë e vërtetë për njerëzit.

Për këtë po punojmë, për këtë është angazhuar dhe do ta bejë realitet Partia Demokratike”

https://www.facebook.com/100044557144125/posts/pfbid0B3efKN52HxPqQQd5W9MakkQee37FTpn7GtdDLcN5jAsQ2RfQXsXVs82wnthQqFELl/?d=w&mibextid=hubsqH

06 Tet

0

“Derë më derë, qytet më qytet e fshat më fshat, pranë njerëzve”, Basha poston videon nga takimet në fshatin Lin në Pogradec

by PD in Lajmi fundit

Kryetari i PD, Lulzim Basha, me një video të shkurtër ka sjellë në Facebook momente nga takimet me banorët e fshatit Lin.

“Derë më derë, qytet më qytet e fshat më fshat, pranë njerëzve, për të dëgjuar ata e për të gjetur zgjidhjet më të mira për problemet e tyre të vogla e të mëdha. Kjo është politika që ne duam t’u ofrojmë qytetarëve, në shërbim të tyre, e jo të karrigeve”, – shkruan kreu i PD

https://www.facebook.com/reel/2776130649219937?fs=e&s=TIeQ9V&mibextid=0NULKw

06 Tet

0

Kreu i PD, bashkëbisedim me banorë të Linit: Shqipëria ka nevojë për ndryshim për ta bërë jetën e qytetarëve më të mirë

by PD in Lajmi fundit

Kryetari i PD, Lulzim Basha, bisedoi gjatë paradites së sotme me banorë të Linit në Pogradec, me të cilët ndau shqetësimet dhe problemet e tyre.

Sipas Bashës, Shqipëria ka nevojë për ndryshim për ta bërë jetën e shqiptarëve më të mirë, për të hapur vende të reja pune, për t’u dhënë të rinjve tanë një të ardhme më të mirë këtu në vendin tonë të mrekullueshëm.

“Kënaqësi të takoja dhe bisedoja me banorë të fshatit të bukur të Linit. I dëgjova me vëmendje shqetësimet dhe problemet e tyre.

Sot, të ardhurat e shumicës së shqiptarëve janë më të ulëtat në Europë, sepse fatkeqësisht korrupsioni në Shqipëri është në nivelet më të larta.

Shqipëria ka nevojë për ndryshim për ta bërë jetën e shqiptarëve më të mirë, për të hapur vende të reja pune, për t’u dhënë të rinjve tanë një të ardhme më të mirë këtu në vendin tonë të mrekullueshëm.

Por Shqipëria e standarteve europiane bie ndesh me ambiciet e politikës së vjetër që do të sundojë për vete, dhe jo të qeverisë për njerëzit. Kjo politikë e vjetër po e mban peng vendin.

Shqipëria ka një potencial të jashtëzakonshëm, dhe ne duhet ta shndërrojmë atë në të mirë të qytetarëve dhe jo të një grupi njerëzish të lidhur me pushtetarët”, – shprehet Basha në Facebook pas takimit me banorët.

06 Tet

0

Basha, vizitë në familjen e Filip Petres në Lin: Kemi detyrën të shlyejmë borxhin moral dhe material ndaj të përndjekurve dhe pasardhësve të tyre

by PD in Lajmi fundit

Kryetari i PD, Lulzim Basha, gjatë ndalesës së tij në Lin, vizitoi familjen e Filip Petre, familje që ka vuajtur përndjekjen dhe ndëshkimin nga diktatura komuniste.
Sipas Bashës në mënyra që e shkuara të mos harrohet dhe shërimi i plagëve ende të hapura të regjimit komunist të jetë përfundimtar, kemi detyrën të shlyejmë borxhin moral dhe material ndaj të përndjekurve dhe pasardhësve të tyre.

“Sot në Lin, pata kënaqësinë e veçantë të vizitoja familjen e Filip Petre, i përndjekur politik.
Bashkëbiseduam për problemet dhe harresën me të cilën kjo shtresë e shoqërisë është përballur ndër vite, paçka se sakrificat e tyre dhe familjarëve të tyre kanë merituar dhe meritojnë mirënjohjen dhe nderimin më të lartë nga të gjithë ne. Që e shkuara të mos harrohet dhe shërimi i plagëve ende të hapura të regjimit komunist të jetë përfundimtar, kemi detyrën të shlyejmë borxhin moral dhe material ndaj të përndjekurve dhe pasardhësve të tyre”, – shkruan Basha pas takimit.

06 Tet

0

Basha i kthehet turit të takimeve, shfaqet buzë liqenit me banorë të Linit

by PD in Lajmi fundit

Kryetari i Partisë Demokratike, Lulzim Basha, i është rikthyer turit të takimeve me qytetarët në të gjithë vendin.

Basha me një postim në Facebook, është shfaqur në Lin të Pigradecit në një takim me banorë të zonës buzë liqenit.

“Përshëndetje të gjithëve nga Lini”, – shkruan Basha krahas fotos.

Kreu demokrat do të jetë sot në disa zona të Pogradecit ku do të zhvillojë takime e biseda me qytetarë e sipërmarrës, në kuadër të turit të tij në të gjithë Shqipërinë.

05 Tet

0

Basha i përgjigjet akuzave: As nuk kam porositur kulla dhe as nuk kam marrë kate. Gënjeshtrat janë pjesë e lojës së vjetër të baltosjes

by PD in Lajmi fundit

Kreu i Partisë Demokratike, Lulzim Basha ka hedhur poshtë akuzat se ka marrë dy kate në një nga kullat e ndërtuara në Tiranë.

Në një postim në Facebook, Basha thotë se këto janë mashtrime të dëshpëruara, pjesë e lojës së pisët dhe të vjetër të baltosjes.

Sa i takon çështjes së McGonigal, Basha u shpreh se kjo është kthyer në aktakuzën më të rëndë ndaj sulmeve të ulëta kundër meje prej Edi Ramës e Sali Berishë, si edhe prej kujtdo tjetër që po përdoret prej tyre

Postimi i plotë:

Aleanca e kullave dhe e non gratave nuk do ta bëjë pis e as do ta mbajë peng Partinë Demokratike. Njerëzit e dinë mirë çfarë përfaqësojnë këta individë dhe interesave të kujt i shërbejnë. Janë të njëjtët që sot flirtojnë me atë të cilit dje i thoshin vrasës.

Sa për gënjeshtrat e fundit: Unë as nuk kam porositur kulla dhe as nuk kam marrë kate në asnjë kullë. Këto janë mashtrime të dëshpëruara, pjesë e lojës së pisët dhe të vjetër të baltosjes.

Ndërsa çështja McGonigal është kthyer në aktakuzën më të rëndë ndaj sulmeve të ulëta kundër meje prej Edi Ramës e Sali Berishë, si edhe prej kujtdo tjetër që po përdoret prej tyre. Se kush e shpëtoi Edi Ramën nga llogaridhënia për Kosovën, e pamë mirë në konferencën e djeshme të kryetarëve dhe në konsensusin për të ruajtur imazhin e Ramës.

Kaq në respekt të qytetarëve, sepse asgjë nuk pres nga ata që për hallet dhe karriket e tyre, duan të na shfokusojnë nga problemet e Shqipërisë dhe të shqiptarëve.

Ashtu si padrinoja non grata e humbi luftën e shpifjeve disa vjeçare, pasi koha e nxorri të vërtetën në dritë, edhe zëdhënësin e tij të radhës e pret i njëjti fat.

05 Tet

0

“Kuvendi duhej të mbante qëndrim për Kosovën”, Basha: E turpshme! Parlamenti Europian e gjeti kohën, ndërsa parlamenti shqiptar jo

by PD in Lajmi fundit

FJALA E KRYETARIT LULZIM BASHA, ME GAZETARËT JASHTË PARLAMENTIT

E sotmja është një ditë turpi tjetër për Kuvendin e Shqipërisë. Sot parlamenti shqiptar, me vonesë në krahasim me parlamentin europian, duhej të kishte mbajtur një qëndrim për Kosovën. Por nuk po e mban këtë qëndrim, ndonëse ka dy orë që diskuton nën prtkun e procedurës, nuk arrin dot të formulojë një qëndrim të përbashkët për Kosovën. Dhe ky do të jetë një moment I turpshëm që është kthyer në neverinë e shqiptarëve. Një nga arsyet se pse ne ndodhemi këtu është se Partisë Demokratike I mohoet në mënyrë të vazhdueshme zëri I vet në institucionet e parlamentit. Nëse Partia Demokratike do të kishte qenë e përfaqësuar në mënyrë zyrtare në Konferencën e Kryetarëve, nuk do të kishte rënë dakord me një seancë të shtyrë për datën 12. Padiskutim Partia Socialiste do të kishte përdorur kartonat e vet, por do të kishte marrë dhe turpin para shqiptarëve për shtyrjen me një javë të një çështje për të cilën Parlamenti Europian e gjeti kohën dhe parlamenti shqiptar nuk e gjen kohën. Ndaj, e para dhe më e rëndësishmja, t’I japim fund këtij turpi. Natyrisht kjo sallë është jashtë kontrollit tonë, është në kontrollin e përbvashkët të atyre që duan ta mbajnë Shqipërinë kështu, pa parlament funksional, pa opozitë funksionale, pa respekt për të drejtën e fjalës, pa respekt për ligjin dhe ndërkohë shumica dërrmuese të qytetarëve që kërkojnë një ndryshim dhe me të cilët jemi dhe do të jemi çdo ditë për ta ndryshuar një orë e më parë këtë parlament. Ky parlament ka rënë akoma pa ardhur data e zgjedhjeve të ardhshme. Por ne do të jemi me njerëzit që parlamenti I ardhshëm të ketë fytryrat e tyre, zërat e tyrem çështjet e tyre dhe jo një maskaradë të shpifur si kjo që shohim në mënyrë të vayhdueshme në këtë parlament.

Pyetje: Zoti Basha, keni përjashtuar nga Partia Demokratike 11 deputetët të cilët sipas jush kanë qenë në krah të zotit Berisha. A do të kenë të njëjtin fat edhe deputetët e tjerë që janë reshtuar krah zotit Bardhi dhe nuk ju pranojnë juve si kryetar të Partisë Demokratike dhe vendimet e tjera që ju keni marrë me parlamentin?

Lulzim Basha: Partia Demokratike do të veprojë siç vepron çdo parti në Partinë Popullore Europiane. Do të kërkojë që cdo deputet të bëjë detyrën e vet dhe do të masë çdo deputetë nga detyra që ka karshi demokratëve dhe karshi qytetarëve.

Pyetje: Zoti Basha si do t’I përgjigjeni akuzave të zotit Bardhi se keni marrë dy kate në një kullë? Janë akuza në fakt që janë bërë nga zoti Bardhi në seancat plenare, por nuk kemi parë një përgjigje nga ana juaj.

Lulzim Basha: Përgjigjja ime ishte aty dhe do t’ua them fare qartë. E para e punës është një shpifje e pastër e shkollës Berishiste. Vjen nga një njeri I cili deri dje sulmonte babin e Zenit dhe sot është bërë avokati I babit të Zenit dhe I kullave 64 katëshe. Dhe e treat, familjarët e mi çdo transaksion e kanë të deklaruar, paguajnë cent më cent taksat, e kanë transparentm ndryshe nga aleanca e kullave dhe avokati I tyre më I ri Gazment Bardhi. Ju faleminderit!

Blog