Demokratët Euroatlantikë - Partia Demokratike

03 Tet

0

Basha me banorët e Bregut të Lumit në Tiranë: Situata e vështirë ekonomike ka detyruar të rinjtë të emigrojnë masivish

by PD in Lajmi fundit

Kryetari i PD, Lulzim Basha, ishte sot në një nga lagjet më të varfër të Tiranës, në Bregun e Lumit, ku u ndal tek situata e vështirë ekonomike. Kjo situatë sipas Bashës, ka detyruar të rinjtë të emigrojnë masivisht, ndërsa qeveria vazhdon të çojë paratë e shqiptarëve të koncesionet korruptive, siç janë inceneratorët, strelizimi etj, para që përfundojnë në xhepat e pushtetarëve.

Postimi i plotë:

“Me banorët e Bregut të Lumit diskutuam për situatën e vështirë ekonomike që po kalon vendi. Shqipëria renditet e fundit në Europë për të ardhurat për frymë dhe me fuqinë më të ulët blerëse. Gati 1/3 e shqiptarëve jetojnë me rreth 5 dollarë në ditë. Në kushtet e një rritje të madhe të çmimeve përfshirë dhe ushqimet bazë, këto familje nuk sigurojnë as ushqimin bazë për mbijetesë.

Kjo situatë ka detyruar të rinjtë të emigrojnë masivish, ndërsa qeveria vazhdon të çojë paratë e shqiptarëve të koncesionet korruptive, siç janë inceneratorët, strelizimi etj, para që përfundojnë në xhepat e pushtetarëve.

Praktikat e deritanishne që pasuritë e shumta të vendit, që sot kthehen në të mira materiale për një grup njerëzish në lidhje me qeverinë. Shqipëria ka mundësi pa fund, thjesht duhet që ato të shndërrohen në mirqënie për qytetarët tanë. Ky është synimi i PD, për këtë në po diskutojmë dhe bashkëpunojmë me ekspertë të njohur dhe qytetarët shqiptarë”.

03 Tet

0

Basha në familjen me 10 pjesëtarë të pushkatuar nga regjimi komunist: Të persekutuarit politikë të diktaturës, janë ashti i Partisë Demokratike

by PD in Lajmi fundit

Kreu i Partisë Demokratike, ishte sot në familjen Selman Menës, më Laprakë, familje e cila numëron 10 pjestarë të pushkatuar nga regjimi komunist. Basha shkruan se të persekutuarit politikë të diktaturës komuniste janë ashti i Partisë Demokratike.

Ai gjithashtu shprehet se është përgjegjësia e Partisë Demokratike të përfaqësojë të përndjekurit, me programin dhe ekipin e saj, duke qenë instrumenti i tyre për të çuar përpara amanetin e atyre që sakrifikuan çdo gjë për demokratizimin dhe zhvillimin e Shqipërisë europiane

“I nderuar të isha për vizitë në familjen e Selman Mena, të cilit regjimi komunist i pushkatoi 10 pjestarë të familjes, por ata prapë nuk ju dorëzuan. Të persekutuarit politikë të diktaturës komuniste janë ashti i Partisë Demokratike. Qëndresa dhe sakrificat e tyre në ditët më të errëta të historisë sonë, mbizotërojnë mbi harresën më të cilën herë pas here politikat e gabuara kanë lënë këtë shtresë të shoqërisë sonë. Mirënjoja jonë e pakufishme ndaj çdo të përndjekuri, familjari dhe çdo pasardhësi, do të përcillet në aksionin tonë politik përmes akteve konkrete që mbyllin hendekun e madh mes fjalës dhe veprave, që për shumë gjatë kanë mbizotëruar ndaj të persekutuarve. Është përgjegjësia e Partisë Demokratike të përfaqësojë të përndjekurit, me programin dhe ekipin tonë, duke qenë instrumenti i tyre për të çuar përpara amanetin e atyre që sakrifikuan çdo gjë për demokratizimin dhe zhvillimin e Shqipërisë europiane”, – postoi Basha në Facebook

03 Tet

0

Protesta në Zall Herr, Pampuri: Sot vijon ende të protestohet për mungesë infrastrukture në zona fare pranë Tiranës

by PD in Lajmi fundit

Deputetja e Partisë Demokratike, Oriola Pampuri, ka mbështetur protestën e banorëve të Zall Herrit për mungesën e infrastrukturës rrugore. Në një postim në Facebook, Pampuri shprehet se rruga është pengesë për të dërguar fëmijët në shkollë, për të marrë shërbime shëndetësore, për të udhëtuar në punë dhe se dalja e saj jashtë funksionit e paralizon këtë zonë të Zall Herrit.

Ajo gjithashtu shprehet se protesta do të vazhdojë deri në zgjidhjen e plotë të këtij problem.

Reagimi i deputetes Oriola Pampuri:

Banorët e Zall Herrit, sot në protestë, për të disatën herë, për një problem, që sot mund të duket i çuditshëm përballë halleve të tjera me të cilat përballen shqiptarët, siç janë çmimet e larta, kosto e lartë e jetesës, pagat ekstrem të ulëta krahasuar me vendet fqinjë, mungesë e përllogaritjes së minimumit jetik, si baza për vlerësimin dhe përllogaritjen e rritjes së pagave, pensioneve apo mbështetjes sociale, sot vijon ende të protestohet për mungesë infrastrukture në zona fare pranë Tiranës dhe mungesë furnizimi me ujë për shkak të rrjeteve të amortizuara, për të cilat nuk mendon askush.

Rruga eshte pengese per te derguar femijet ne shkolle, per te marre sherbime shendetesore, per te udhetuar per ne pune, pa rruge jeta ne ate zone te Zall Herrit eshte totalisht e paralizuar.

Sot banorët e Zall Herrit, protestojnë e nuk do të ndalen deri sa halli i tyre jetësor të zgjidhet.

03 Tet

0

Basha në Laprakë: Mbështetje biznesit për të krijuar alternativen e re ekonomike për Shqipërinë

by PD in Lajmi fundit

Gjatë paradites, kryetari i Partisë Demokratike, Lulzim Basha, në ndalesën e tij në Laprakë, u takua me sipërmarrës të vegjël e të mesëm me të cilët ndau shqetësimet e tyre, por edhe programin e PD për të ndihmuar biznesin. Basha tha se PD mbështet biznesin për të krijuar alternativen e re ekonomike për Shqipërinë

“Dëgjova me vëmendje sipërmarrësit e vegjël të Laprakës. Ata ka nevojë për një politikë që është në shërbim të tyre, kanë nevojë për një qeverisje që jua lehtëson punën, si me lehtësira në infrastrukturë ashtu edhe me politika fiskale.

Ne jemi në krah të çdo sipërmarrësi të ndershmëm dhe po punojme intensivisht për programin e Partisë Demokratike në mbështetje të biznesit, për të krijuar alternativën e re ekonomike për Shqiperine. Ne jemi të bindur se lufta kunder monopoleve dhe korrupsionit do të çlirojë energji pozitive në ekonomi dhe do ti japë biznesit frymëmarrjen për të cilën ka nevojë dhe mundësi të jashtëzakonshme për zhvillim. Ne do të jemi përditë me qytetarët dhe sipërmarrësit, sa më pranë shqetësimeve të tyre, për tju ofruar atyre zgjidhjet qe presin nga ne, për të ndërtuar bashkë një të ardhme më të mire per gjithe shqiptaret”, – shkruan Basha

03 Tet

0

Denoncimi i PD: Qeveria po i rrit çmimin i ujit qytetarëve dhe e gjitha po kalon në heshtje

by PD in Lajmi fundit

Partia Demokratike ka denoncuar rritjen e tarifave nga ana e ujësjellësave në të ashtuquajturën reformimi i tyre. Nw njw deklaratw pwr mediat, inxhinieri Azmer Duleviç, shprehet se reforma nënkupton që një shoqëri, tashmë përfshin disa bashki ku aktualisht aplikohen tarifa të ndryshme të ujit, por që do të shkojnë gradualisht drejt unifikimit. Thwnw mw thjesht ai shprehet se për keqaministrimin e ujësjellësit të Korçës, do u rritet çmimi qytetarëve të Devollit, një absurd llogjikë!

Denoncimi i inxhinierit Azmer Duleviç:

Si po i rritet çmimi i ujit qytetarëve dhe e gjitha po kalon në heshtje?!

Partia Demokratike denoncon rritjen e tarifave nga ana e ujësjellësave në të ashtuquajturën reformimi i tyre!

Sipas Entit Rregullator të Ujit, një unifikim i sforcuar i tarifave në të gjithë zonën e shërbimit, që sjell më pas një rritje të menjëhershme të tyre në njësitë me tarifa relativisht të ulta, mund të sjellë reaksione të forta nga konsumatorët me pasojë ulje të normës së arkëtimit dhe ulje të aftësive likuiduese financiare të shoqërisë.

Agjencia Kombëtare e Ujësjellës Kanalizimeve dhe Infrastrukturës së Mbetjeve (AKUM) pas rakordimit të të dhënave me OSHEE Group Sh.a, raportonte se detyrimet e akumuluara (principal pa kamata) të ndërmarrjeve të ujësjellës-kanalizimeve rezultojnë të jenë në vlerën 14.01 miliardë Lekë. Nga totali i detyrimeve principal pa kamata të raportuara, vetëm ndërmarrja e UK Sh.a Durrës ka 4.93 miliard Lekë detyrime të akumuluara në vite.

Në total janë të paktën 5 ndërmarrje ujësjellës-kanalizimesh që kanë detyrimet më të mëdha të energjisë në raport me borxhin total.

Pas Durrësit e dyta vjen Vlora me 1.44 miliardë lekë, Patosi me 860 milionë lekë, Fieri me 770 milionë lekë dhe Kavaja me 760 milionë lekë. Sektori i ujësjellës-kanalizimeve është një ndër ata që shfaqin performancë më të dobët dhe që mbështetet vazhdimit nga buxheti i shtetit.

Pas dështimit spektakolar me Ujësjellësat, Qeveria ka vendosur të bëj një reformim ku nga 58 shoqëri do të krijohen 15 të tilla që do të rezultojnë nga bashkimet.

Reforma do të finalizohet me krijimin e 15 shoqërive, nga 58 që ishin deri vitin që shkoi, teksa aktualisht janë krijuar 12 prej tyre. Kjo nënkupton se një shoqëri, tashmë përfshin disa bashki ku aktualisht apikohen tarifa të ndryshme të ujit, por që do të shkojnë gradualisht drejt unifikimit. Përshembull ujësjellësi i Durrësit, tashmë përfshin edhe Shijakun, Krujën, Kavajën dhe Rrogozhinën, ndërsa ujësjellësi i Korçës, ka në përbërje edhe Devollin, Ersekën, Maliqin dhe Pustecin. Për keqaministrimin e ujësjellësit të Korçës do u rritet çmimi qytetarëve të Devollit, një absurd llogjikë!

Sipas metodologjisë së re të përllogaritjes të çmimeve nga pagesat e ujit, duhet të mbulohen jo vetëm nevojat për të ardhura të shoqërisë, për mbulimin e kostove të operimit, por edhe mbulimin e kostove të investimeve që kryhen nga ujësjellësit, çka rrjedhimisht sjell rritjen e tyre. Ndërkaq, vetë Enti Rregullator i Ujit ka parashikuar vështirësi në unifikimin e tarifave, duke qenë se diferencat e tarifave aktuale ndërmjet zonave janë të mëdha, për shkak të kostove mjaft të ndryshme të operimit dhe të cilësisë së shërbimit në njësitë përbërëse të tyre.

Parimi i qeverisë së Edi Ramës tashmë është: vidhja dhe qindarkën e fundit qytetarëve dhe jepja oligarkëve!

Problemin e ujit të pijshëm e ngriti edhe zëdhënësja e PD-së, Mirela Karabina e cila shprehet se qytetarët jo vetëm paguajnë dy herë për ujin, njërin të papijshëm që i vjen në çezma dhe tjetrin të pijshëm që e blejnë, por përballen dhe me rritjen abuzive të çmimit të tij.

“Abuzimi dhe vjedhja e qytetarëve nga kjo qeveri nuk ka të sosur.

Edhe pse jemi një vend me burime ujore të konsiderueshme, ende sot uji në çezmat tona vjen me orar dhe nuk është i pijshëm, madje dhe i dëmshëm për shëndetin tonë.

Uji është reflektimi më i mirë i keqadministrimit, abuzimit dhe korrupsionit të politikëbërjes.

Qytetarët jo vetëm paguajnë dy herë për ujin, njërin të papijshëm që i vjen në çezma dhe tjetrin të pijshëm që e blejnë, por përballen dhe me rritjen abuzive të çmimit të tij.

Partia Demokratike për qyetarët dhe në shërbim të tyre do të denoncojë çdo akt korruptiv dhe inkurajon dhe mbështet pa asnjë rezerve organet e drejtësisë të veprojnë mbi këdo që shpërdoron detyrën përmes korrupsionit.

Inxhinier Duleviç do të denoncojë sot abuzimin përmes korrupsionit të rritjes së çmimit të ujit” – u shpreh Karabina.

03 Tet

0

Takimet me qytetarët, Basha nis ditën në zonën e Laprakës në Tiranë

by PD in Lajmi fundit

Kryetari i Partisë Demokratike, Lulzim Basha, ka vijuar takimet me qytetarët, ndërsa sot është ndalur në zonën e Laprakës në Tiranë.

Kreu i PD ka shpërndarë disa foto në Facebook, ku shihet duke bashkëbiseduar me banorë të zonës.

02 Tet

0

Deklaratat për Veriun e Kosovës/ PD kërkon interpelancë me Kryeministrin: Rama të japë shpjegime për qëndrimet e tij

by PD in Lajmi fundit

Partia Demokratike kërkon zyrtarisht interpelancë me kryeministrin Edi Rama, në lidhje me deklaratat për largimin e Policisë së Kosovës nga veriu i Kosovës dhe .”.marrjen e Veriut të Kosovës nën kontroll nga KFOR”. Në shkresën drejtuar Kuvendit, deputeti Kreshnik Çollaku kërkon që kryeministri të japë shpjegime nga zoti Rama në lidhje me këto qëndrime të tij.

Më poshtë kërkesa:

E Nderuar Znj. Nikolla.

Në datë 24 shtator 2023 në orët e para të mëngjesit një grup terrorist, në formacion dhe i uniformuar ushtarakisht, në Zveçan pranë Manastirit të Banjskës, sulmoi një patrulle policore të policisë së Kosovës duke vrarë një oficer policie, rreshterin Afrim Bunjaku, dhe plagosur dy të tjerë.

Pas përgjigjes së policisë së Kosovës grupi strehohet në Manastirin e Zveçanit dhe prej aty pozicionohet në pozicion luftimi së bashku me një arsenal të konsiderueshëm armatimi, përfshirë mjete motorike e autoblinda ushtarake.

Pas nderhyrjes së nivelit të larte profesional dhe në koordinim me KFOR dhe Eulex, policia e Kosovës asgjësoi disa antarë të grupit terrorist, arrestoi disa të tjerë dhe detyroi pjesën tjetër të kthehet duke kaluar kufirin e duke u futur në territorin e Republikës së Serbisë.

Me hyrjen dhe kontrollet e policisë së Kosovës në Manastirin e Zveçanit, u zbulua një arsenal i jashtëzakonshëm armatimi të nivelit të lartë, sipas referimit nga Policia e Kosoves, me vlerë prej afro 5 milion euro.

Prej një jave Ministria e Brendshme e Kosovës ka bërë publike, bazuar në prova të pakundërshtueshme, faktin se sulmi i komandos mbi Policinë e Kosovës në datë 24 shtator në Zveçan, nuk ishte një incident i shkëputur apo një akt terrorist i kufizuar, por pjesë e një strategjie të qartë për të zgjeruar aktivitetin diversionist në Zveçan e në komuna të tjera me synim aneksimin e një pjese të territorit të Kosovës të përbërë nga katër Komunat Veriore të Mitrovicës.

Jo vetëm pjesmarrja e një eksponenti të larte politik, numrit dy të Listës Serbe, Radojçiç, në komandën e këtij grupi, as vetëm shpallja e zisë kombëtare nga Republika e Serbisë në nderim të terroristëve të asgjësuar, por dhe materiale e fakte, pamje filmike e dokumenta mbi stërvitjen, pajisjen me armatim, mbështetjen logjistike dhe politike, tregojnë qarte se pas këtij akti qëndron Beogradi.

Aneksimi de facto me dhunë i një pjese të territorit të Republikës së Kosovës, me proxi apo duke detyruar nën dhunë pjesë të popullatës apo institucione fetare në Veri të Kosovës, është një akt agresioni me pasoja shumë të rënda për paqen e stabilitetin e rajonit.

Në mënyrë të njëzëshme ishte i menjëherëshëm reagimi nderkombetar në dënim të këtij akti, dhe në kërkesën për mbajtjen e përgjegjësisë së autoreve dhe nxitesve të kësaj ngjarjeje.

Klasa politike në Kosovë reagoi e unifikuar, sikurse edhe mbarë opinioni publik në hapsirën shqiptare në Ballkan.

Nga qeveria shqiptare reagimet erdhen kontradiktore.

Ndërsa nga një anë dënohej akti, nga ana tjetër hezitohej të thirrej në përgjegjësi për këtë akt Beogradi dhe Presidenti Vuçiç. Postimet në rrjetet sociale të Kryeministrit, në të cilat cilësohej ngjarja e ndodhur si një “tragjedi” krijuar konfuzion në lidhje me qëndimin e parë të Kreut të Qeverisë në lidhje me ngjarjen. Sikur kjo të mos mjaftonte në konferencën për shtyp Kryeministri Rama, i fundit nga radha i drejtuesve politik të shumë vendeve fqinje dhe partnere, me se fundmi deklaroi përgjegjësinë e Serbisë mbi ngjarjen.

Në të njëjtën konferencë Kryeministri, në mënyrë të cuditshme dhe të papranueshme kërkoi “…marrjen e Veriut të Kosovës nën kontroll nga KFOR”. Të njëjtën kërkesë ditë më parë e kishte bërë po ashtu në një konferencë për shtyp presidenti Serb Vuçiç.

Kerkesa u refuzua publikisht dhe unanimisht nga institucionet e Kosovës, në të gjitha nivelet, dhe u deklarua si e pakonsultuar me Qeverinë e Kosovës, madje një propozim që cënon interesat dhe sovranitetin e Kosovës.

Kërkesa për marrje nën kontroll nga KFOR të veriut të Kosovës është një shpallje de facto e protektoratit ndërkombëtar mbi një pjesë të territorit të shtetit sovran të Kosovës. Kërkesa cënon sovranitetin e Kosovës mbi atë pjesë të territorit të saj, si dhe kompromenton autoritetin e Policisë së Kosovës dhe Forcave të Sigurisë së Kosovës. Kërkesa injoron thelbin e prezencës dhe mandatit të KFOR, si dhe raportin e saj me Policinë e institucionet e Republikës së Kosovës. Kërkesa e Kryeminsitrit Rama injoron faktin se NATO e KFOR janë në Kosovë për të mbështetur pavarësinë e sovranitetin e saj dhe jo për t’a dëmtuar apo asgjësuar atë.

Bazuar në sa më sipër me qëllim dhënien e informacioneve dhe shpjegimeve lidhur me qëndimin zyrtar të qeverisë së Republikës së Shqipërisë, hapat që parashikohen të ndërmerren dhe qëndrimet në raport me zhvillimet e pritshme në marrdhëniet ndërshtetërore në Ballkan, në cilësinë e deputetit të Kuvendit të Republikës së Shqipërisë, në mbështetje të nenit 80, pika 1 të Kushtetutës dhe të nenit 96 pika 1 dhe 2 të Rregullores së Kuvendit, kërkoj zhvillimin e një interpelancë me Kryeministrin Edi Rama.

Deputeti

Kreshnik Çollaku

02 Tet

0

Basha uron studentët: Shqipëria do të bëhet më mirë jo duke ndëshkuar ata që largohen prej kushteve skandaloze në arsim, por duke investuar dhe…

by PD in Lajmi fundit

Kreu i Partisë Demokratike, Lulzim Basha, ka uruar studentët dhe pedagogët për vitin e ri akademik. Në një postim në Facebook, Basha shkruan se në takime me studentë e pedagogë është njohur me probleme themelore të cilat përballen çdo ditë.

Ai gjithashtu thotë se ky vit akademik po nis me bojkot të mësimit nga studentët e Mjekësisë, të cilët me të drejtë kundërshtojnë ligjin anti-kushtetues dhe anti-demokratik të ndalimit të dhënies së diplomës së mjekut me kushtin e punësimit prej disa vitesh brenda vendit.

Sipas kreut të PD, Shqipëria do të bëhet një vend më i mirë jo duke ndëshkuar ata që kërkojnë të largohen për shkak të kushteve ku është katandisur arsimi universitar, por duke investuar në arsim dhe kërkim shkencor.

Postimi i plotë:

Sot në nisje të vitit të ri akademik i uroj studentëve dhe pedagogëve një vit të mbarë dhe të suksesshëm. Në takime me studentë e pedagogë jam njohur me probleme themelore të cilat përballen çdo ditë: mungesa e mbështetjes për mirëkualifikimin e stafit akademik, arsimim jo cilësor e bashkëkohor, mungesë të infrastrukturës fizike e dixhitale, tarifa studimi të larta, politika jo mbështetëse për karrierë e punësim.

Fatkeqësisht, ky vit akademik po nis me bojkot të mësimit nga studentët e Mjekësisë, të cilët me të drejtë kundërshtojnë ligjin anti-kushtetues dhe anti-demokratik të ndalimit të dhënies së diplomës së mjekut me kushtin e punësimit prej disa vitesh brenda vendit.

Studentët largohen nga vendi jo nga dëshira por sepse nuk kanë mundësi, nuk kanë kushte, nuk kanë punë e pagë dinjitoze për të ndërtuar një jetë të mirë në vend, largohen nga shpërfillja e një qeverie që nuk i dëgjon dhe nuk i ofron siguri për të nesërmen.

Shqipëria do të bëhet një vend më i mirë dhe dëshirueshëm për studentët dhe pedagogët jo duke ndëshkuar ata që kërkojnë të largohen për shkak të kushteve ku është katandisur arsimi universitar, por duke investuar në arsim dhe kërkim shkencor, duke rishikuar tarifat studimore, duke ofruar mbështetje konkrete për arsimimin dhe punësimin e studentëve me paga dinjitoze.

#ndërtojmëtëardhmen #partiademokratike

01 Tet

0

Basha: Me politikat e qeverisë, të pasurit po pasurohen më shumë e të varfrit po varfërohen më shumë

by PD in Lajmi fundit

Kryetari i Partisë Demokratike, Lulzim Basha gjatë pasdites ka vazhduar takimet me banorë në zonën e Pezë Helmësit dhe të Vaqarrit.

“Gjatë pasdites vijova takimet me banorë në zonën e Pezë Helmësit dhe të Vaqarrit. Varfëria mbetet një realitet i dhimbshëm për një pjesë të konsiderueshme të Shqipërisë, ku shumica e vendeve të punës në dispozicion, ofrojnë paga të ulëta që nuk përballojnë as minimunin jetik të nevojave për një familje, ndërsa mbështetja për bujqësinë nuk egziston në shumicën e fshatrave” – u shpreh Basha.

Sipas kreut të PD, Shqipëria është ndër vendet me nivelin më të lartë të pabarazisë në Rajon, ndërsa thekson se “të pasurit po bëhen më të pasur dhe të varfërit me të varfër”.

“Shqipëria është ndër vendet me nivelin më të lartë të pabarazisë në Rajon. Të pasurit po bëhen më të pasur dhe të varfërit me të varfër. Kjo ka sjellë rritje të emugrimit. Të rinjtë po largohen dhe ata që mbeten mezi ia dalin të përmbushin nevojat bazike. Shqipëria ka nevojë për një plan urgjent për t’u krijuar të rinjve kushte të mos largohen dhe pasuritë e shumta që ka Shqipëria t’i shndërrojë në mundësi për një jetë më të mirë për qytetarët e saj” – tha më tej Basha.

01 Tet

0

Kreu i Partisë Demokratike, Lulzim Basha, ka shprehur mbështetjen e tij ndaj SPAK në luftën e këtij institucioni kundër krimit të organizuar

by PD in Lajmi fundit

Në postimin e tij në rrjetet sociale, Basha shprehet se çdo përpjekje e krimit të organizuar me mbështetje apo syshkelje politike për të intimiduar apo shënjestruar SPAK është destinuar të dështojë. Ai shton se kushdo që luan pisët me qëllim njollosjen e SPAK është i paralajmëruar se PD në krah të aleatëve strategjikë është në mbështetje të këtij institucioni.

REAGIM I KRYETARIT TË PD, LULZIM BASHA

Partia Demokratike mbështet fuqimisht dhe pa asnjë rezervë luftën kundër krimit të organizuar dhe korrupsionit në nivele të larta. Fundi i pandëshkueshmërisë është fillimi i ndryshimit të vërtetë për shqiptarët.

Çdo përpjekje e krimit të organizuar me mbështetje apo syshkelje politike për të intimiduar apo shënjestruar SPAK është destinuar të dështojë. Kushdo që luan pisët me qëllim njollosjen e SPAK është i paralajmëruar: PD në krah të aleatëve strategjikë është në mbështetje të SPAK.

Blog