Blog

01 Tet

Sulmi në Turqi, reagon Sekretari për Sigurinë Kombëtare dhe Koordinimin Euro-Atlantik në PD, Xhemal Gjunkshi: Dënojmë me ashpërsinë më të madhe këtë ngjarje të rëndë

by PD in Lajmi fundit

Sekretari për Sigurinë Kombëtare dhe Koordinimin Euro-Atlantik, Xhemal Gjunkshi dënon aktin terrorist të ndodhur ditën e sotme në zemër të institucioneve më të rëndësishme të Turqisë.

Në reagimin e tij, Gjunkshi shkruan se Turqia, është një ndër aleatët më potencialë në NATO dhe do të dijë edhe kësaj here të tejkalojë pengesat që terrorizmi synon të ngjallë mes shteteve.

Reagimi i plotë:

Akti terrorist në zemër të institucioneve më të rëndësishme të Turqisë është një sulm kundër demokracisë dhe stabilitetit të vendit tonë mik.

Dënojmë me ashpërsinë më të madhe këtë ngjarje të rëndë dhe përcjell ngushëllimet më të thella dhe të sinqerta për humbjen e jetëve të efektivëve të rendit. Shpreh bindjen se presidenti Erdogan dhe strukturat shtetërore janë të angazhuar plotësisht të vendosin para drejtësisë autorët e vërtetë të atentatit.

Turqia, një ndër aleatët më potencialë në NATO do të dijë dhe kësaj here të tejkalojë pengesat që terrorizmi synon të ngjallë.mes shteteve. Liria dhe demokracia janë standarde të pakthyeshme dhe armiqësia ndaj tyre do të ketë gjithmonë dështim të sigurt.

01 Tet

U caktua si raporter nga KiE për sekuestrimin e aseteve ruse/ Basha: Për mua është një përgjegjësi e madhe dhe një besim i madh, hera e parë që Shqipëria ka një raporter për një çështje kaq të rëndësishme

by PD in Lajmi fundit

Basha: Agresioni i papaprovokuar, krimi që Putin ka lryer dhe po kryen ka një faturë të jashtëzakonshme mbi Ukrainën në dëmin e pallogaritur të jetëve njerëzore të humbura të plagosura, të gjymtuara nga lufta, në dëmin e pronës publike e private. I njëjti agressor ka një rrjet të aseteve të veta, në vendet e G7 me një vlerë mbi 300 miliardë dollar, janë asete të Shtetit rus. Detyra ime si raporter i Këshillit të Europës është hartimi i një kuadri që do t’I propzohet vendeve anëtare por dhe vendeve jo-anëtare të Këshillit të Europës, me anë të cilit këto fonde të vihen në dispozicion të rindërtimit të Ukrainës. Për mua është një përgjegjësi e madhe dhe një besim i madh dhe është hera e parë që Shqipëria ka një raporter për një çështje kaq të rëndësishme. Dëmet duhen filluar nga ai që ka shkaktuar këtë dëm. Është një punë voluminoze dhe e komplikuar, por mendoj se do ja dalë me sukses kësaj pune. SHBA dhe BE paguajnë 1 miliardë euro në ditë për Ukrainën. Është një përgjegjësi që e marrë me kënaqësi dhe si një shenjë besimi ndaj PD të Shqipërisë.

01 Tet

Deklaratat e Ramës për KFOR/Basha: E rrezikshme dhe e dënueshme, PD do të depozitojë nesër kërkesë për interperlancë me Ranën për këtë deklaratë

by PD in Lajmi fundit

Kryetari i PD, Lulzim Basha, gjatë një interviste në Euronews Albania, ka lajmëruar se PD do të kërkojë interpelancë me kryeministrin Rama që të sqarojë deklaratën e tij për largimin e policisë së Kosovës nga veriu.

Basha: Serbia është delja e zezë e Ballkanit është një vend i dyzuar dhe gjithmonë përdorin mjete të tjera për të zgjidhur problemet politike. Aleati më i ngushtë i Vuçiç është shpallur “Non Grata”. Moska nuk e bën këtë për interesat serbe . Interesi i Moskës është të hap një front të dytë. Në këtë front të dytë po përdor qytetarët e një vendi tjetër.

Rama duhet të sqaroj nëse është i painformuar apo nëse po kërkon largimin e policisë së Kosovës nga Veriu. Të kërkosh që KFOR të vendoset në Veri të Kosovës nëse je i informuar do të thotë të largohet policia e Kosovës. Një deklaratë e tillë është e rrezikshme dhe e dënueshme dhe kur vjen nga një autoritet i Serbisë e jo më të vijë nga cilido person me përgjegjësi publike në Shqipëri e aq më pak nga Shefi i qeverisë shqiptare. Nëse Rama ka kërkuar largimin e policisë së Kosovës, Rama urgjentisht duhet të merret nën mbikëqyrje politike dhe të gjithë-anshme. PD do të depozitojë një kërkesë nesër për interperlancë me Ramën për këtë deklaratë

01 Tet

Reagimi i kryetarit të Partisë Demokratike, Lulzim Basha, për sulmin në Turqi

by PD in Lajmi fundit

Në emrin tim dhe të PD dënoj ashpërsisht sulmin terrorist në Ankara. Jemi pranë popullit dhe qeverisë turke në këto momente dhe mbeshtesim luftë e saj kundër terrorizmit që është një kërcënim për mbarë botën. Uroj shërim të shpejtë policëve të plagosur nga sulmet e sotme.

01 Tet

Basha: Qeveria e ka lënë fshatin në mjerim, banorët në vështirësi të shumta ekonomike

by PD in Lajmi fundit

Në Pezë Helmes, kreu i PD, u takua dhe bisedoi me një prej aktivistëve të kësaj zone, Qani Memën.

Në bisedën me zotin Mema, Basha u interesua për situatën ekonomike e sociale të kësaj zone, ndërsa vlerësoi zërin e fortë të Qaniut për të mbrojtur të drejtat e fermerëve të varfëruar nga keqqeverisja.

“Pata kënaqësinë të vizitoja familjen e Qani Memës, në Pezë Helmes.

Qaniu është një zë i fortë në mbrojtje të të drejtave të banorëve te zonës, të cilët janë

lënë në harresë nga pushtetarët vendorë dhe qendrorë.

Ai denoncon çdo ditë padrejtësitë që u bëhen banorëve të zonës nga pushteti lokal. Qaniu na tregoi të gjitha problemet, se si ai ka shkuar shumë herë te administratori i zonës, por situata mbetet e njëjtë. Gjendja ekonomike është e vështirë dhe banorët e kanë gjithnjë e më të pamundur të përballojnë jetesën në këto kushte, kur të gjitha çmimet janë rritur dhe mbeshtetja nga qeveria mungon plotësisht”, – shkruan Basha.

01 Tet

Basha: Mirëpresim të gjithë ata duan një PD europiane, partnere me aleatët strategjikë. Kontributi i qëndrestarëve do të vlerësohet

by PD in Lajmi fundit

Kënaqësi të takohem me Xhelal Merepezën, një kontributor i palodhur i PD. Idetë dhe sygjerimet e tij janë shumë të vlefshme për ringritjen e modernizimin e PD.

Në PD janë të mirëpritur të gjithë ata që duan një parti modern europiane në partneritet të ngushtë me aleatët tanë strategjik. Kontributi i qëndrestarëve nuk do të harrohet por do të vlerësohet dhe nderohet gjithmonë.

01 Tet

Turi i Bashës nëpër Shqipëri nuk ndalon as të dielën: Kreu i PD e nis ditën me takime në Ndroq

by PD in Lajmi fundit

Kryetari i Partisë Demokratike, Lulzim Basha, këtë të dielë e nisi me një kafe në njësinë Administrative, Ndroq. Në kuadër të turit të tij në të gjithë Shqipërinë, Basha sot do ta kalojë ditën pikërisht me banorët e kësaj zone rurale të Tiranës, për të folur e ndarë problemet e zgjidhjet që duhen ofruar për fshatin e bujqësinë në për përgjithësi.

“Përshëndetje të gjithëve këtë mëngjes plot diell nga Ndroqi”, – shkruan Basha në Facebook

30 Sht

Basha mbyll takimet në njësinë 4 me një vizitë tek familja e mësuesit të tij, Ramiz Halili

by PD in Lajmi fundit

Kryetari i PD, Lulzim Basha, ditën e tij në njësinë 4 në Tiranë, e mbylli me një bisedë në familjen e mësuesit të fizkulturës, Ramiz Halili, me të cilin ndau shqetësimet dhe problematikat me të cilat përballen mësuesit e arsimi shqiptar.

“Në mbyllje të kësaj dite, pata kënaqësinë të ndalem në familjen e mesuesit tim të fiskulturës në shkollën “Skender Çaçi” – Ramiz Halili.

Gjithmonë është bukur të takosh, të kujtosh, nderosh dhe respektosh mësuesit, ata që kanë një kontribut të rëndësishëm në formimin e gjithësecilit prej nesh.

Shoqëria jonë u ka një borxh të madh brezave të tërë të mësuesve që sot me pensionet e tyre nuk mbyllin muajin. Ne duhet të bëjmë më shumë për mësuesit sot dhe nesër që të kenë paga me dinjitoze, kushte më të mira për mësimdhënie dhe trajtim dinjitoz. Mësuesit janë garancia për cilësinë dhe formimin e brezave të ardhshëm”, – shkruan Basha në Facebook.

30 Sht

Basha me të rinjtë në njësinë 4 në Tiranë: U kërkova që të mos e shohin politikën si spektatorë, por të bëhen pjese e saj

by PD in Lajmi fundit

Kryedemokrati, Lulzim Basha, ka zhvilluar një bashkëbisedim me të rinjtë e njësisë 4 në Tiranë.

Gjatë këtij takimi, zoti Basha u njoh me shqetësimit e tyre por dhe mendimet se si mund të dilet nga kjo situatë, e cila po i detyron të rinjtë të braktisin vendin e tyre, shpesh herë duke zgjedhur edhe rrugë që vënë në rrezik jetën e tyre.

“Një takim frymëzues me të rinj te njësia 4 në kryeqytetit, për shqetësimet e tyre por dhe mendimet se si mund të dilet nga kjo situatë që po i detyron të rinjtë të braktisin vendin.

Të rinjtë nuk mund të mbahen në Shqipëri me forcë duke synuar ta shndërrosh atë në një “ burg” siç po bën qeveria me studentët e mjekësisë. Ata mbahen këtu duke ju siguruar kushtet dhe mbështetje financiare që të ndërtojnë familjen e tyre të re në vendin e tyre.

Është e domosdoshme për të pasur politika të qarta për të rinjtë, për ti mbështetur ata në iniciativat e tyre sipërmarrëse, në idete inovatore, për ti orintuar drejt studimeve në degët që kanë treg të sigurt pune, për tu mundësuar stazhe të paguara nga qeveria, në menyre që të integrohen sa më shpejt në tregun e punës.

U kerkova të rinjve që të nxisin edhe bashkëmoshatarët e tyre të mos e shohin si spektatorë politikën, por të bëhen pjese e saj. I garantova se Partia Demokratike e Shqipërisë është e hapur dhe mirëpret rolin e tyre aktiv dhe përfshirjen e tyre në të gjithë strukturat e saj”, – tha Basha.

30 Sht

Basha, bisedë me banorë pranë shkollës “Bajram Curri” në Tiranë: Të ardhurat e shumicës së shqiptarëve në raport me çmimet, janë më të ulëtat në Europë

by PD in Lajmi fundit

Kryetari i Partisë Demokratike, Lulzim Basha, gjatë takimeve në degën 4 në Tiranë, pati një ndalesë në zonën pranë shkollës “Bajram Curri”, ku bisedoi me banorë të kësaj lagje.

“Me banorët pranë shkollës “Bajram Curri”, për të dëgjuar zërin e tyre, shqetësimet por dhe idetë që ata kanë për te dalë nga kjo situatë e vështirë ekonomike.

Sot, të ardhurat e shumicës së shqiptarëve në raport me çmimet, janë më të ulëtat në Europë, sepse fatkeqësisht korrupsioni në Shqipëri është në nivelet më të larta.

Shqipëria ka një potencial të jashtëzakonshëm, thjesht duhet ta shndërrojmë në të mirë të qytetarëve dhe jo të një grupi njerëzish të lidhur me pushtetarët”, – shkruan kreu demokrat.

111 112 113…114 117 120 123 126 129 132 135 138 141 144 147 150 153 156 159 162 165 168 171 174 177 180 183 186 189 192 195 198 201 204 207 210 213 216 219 222 225 228 231 234 237 240 243 246 249 252 255 258 261 264 267 270 273 276 279 282 285 288 291 294 297 300 303 306 309 312 315 318 321 324 327 330 333 336 339 342 345 348 351 354 357 360 363 366 369 372 375 378 381 384 387 390 393 396 399 402 405 408 411 414 417 420 423 426 429 432 435 438 441 444 447 450 453 456 459 462 465 468 471 474 477 480 483 486 489 492 495 498 501 504 507 510 513 516 519 522 525 528 531 534 537 540 543 546 549 552 555 558 561 564 567 570 573 576 579 582 585 588 591 594 597 600 603 606 609 612 615 618 621 624 627 630 633 636 639 642 645 648 651 654 657 660 663 666 669 672 675 678 681 684 687 690 693 696 699 702 705 708 711 714 717 720 723 726 729 732 735 738 741 744 747 750 753 756 759