Demokratët Euroatlantikë - Partia Demokratike

27 Sht

0

Basha nis ditën nga Shkodra. Takim me pedagogët, në fokus lufta kundër korrupsionit dhe reforma zgjedhore

by PD in Lajmi fundit

Kryetari i Partisë Demokratike, Lulzim Basha, e nisi mëngjesin sot në Shkodër ku do të zhvillojë takime me qytetarë gjatë gjithë ditës së sotme.

Në kuadër të turit të tij në gjithë vendin, kreu demokrat këtë herë është ndalur në kryeqendrën e veriut për të biseduar me shkodranët lidhur me problematikat që ata kanë por edhe për të njohur ata me prioritetet e PD që nga reforna zgjedhore deri tek lufta ndaj korrupsionit ne nivele të larta.

Pas kafes së mëngjesit, busedën e parë në Shkodër, Basha e pati me një grup pedagësh të rinj të Universitetit “Luigj Gurakuqi”, me të cilët diskutoi për problemet e mëdha me të cilët përballet sot arsimi shqiptar e në veçanti Universiteti.

“Këtë mëngjes në Shkodër, në takim me pedagogë të rinj, për të diskutuar sfidat e mëdha që ka arsimi shqiptar. Edukimi i brezit të ri, modernizimi i tij, rishikimi i teksteve shkollore, në përmbajtje edhe në formë, është një nga prioritetet më të mëdha të Partia Demokratike e Shqipërisë për të ndërtuar dhe garantuar një të ardhme më të mirë”, – shkruan kreu i PD në postimin e tij në Facebook

26 Sht

0

Mesazhet kryesore të kryetarit të PD, Lulzim Basha, gjatë intervistës për emisionin Open

by PD in Lajmi fundit

Kryetari i Partisë Demokratike, Lulzim Basha, foli për ngjarjet e fundit në Kosovë gjatë një interviste në emisionin “Open” në News 24.

Sipas Bashës kjo ngjarje e rëndë është skenar i Serbisë për të marrë nën kontroll veriun e Kosovës.

“Kjo ngjarje është shpalosje e një skenari sekret, për të bërë ndarjen defacto të Kosovës, për të pushtuar Veriun e Kosovës. Skenari është i qartë, ndarje defacto e Kosovës, përmes paramilitarëve. Është fillimi i lancimit të skenarit të botës serbe. Synimi është të bëhet lëvizja e parë kundër konjukturës së NATO-s në Ballkan.

Plan dhe strategji e hartuar prej shumë kohësh nga Kremlinin. Skenari është në shpalosje prej kohësh, por akti i parë ishte marrja me forcë e Veriut. Dështimi i këtij skenari, meritë e faktorit euroatlantik dhe policisë së Kosovës, që iu përgjigj me efektivitet.

Çdokush e kupton se kjo është marrje e autorësisë nga Beogradi. Kërkohej dënim i prerë dhe distancim nga kjo ngjarje, por ndodh nderimi më i lartë shtetëror për individët e ekzekutuar në një operacion të ligjshëm policor, që janë akuzuar si terroriste ndaj një territori të pavarur. Beogradi zyrtar, Vuçiç, po merr autorësinë, po i nderon agresorët.

Përsa kohë Serbia nuk heq dorë nga strategjia e ashtuquajtur ‘bota serbe, e marrjes nën kontroll të vendeve të Ballkanit, siç është veriu i Kosovës, apo rasti i zaptimit të Malit të Zi, duke penguar formimin e qeverisë, bëhet fjalë për një skenar. Ngjarja e ditës së diel është nxitja dhe sponsorizim nga Serbia. Ndoshta kërkohet vënia nën kontroll të dhunshëm të veriut të Kosovës. Në këtë kuadër e shoh si shfaqjen e plotë të qëllimeve të Serbisë.

Duhet t’i jepet përgjigje e merituar këtij skenari”, – tha kreu i PD, Basha në intervistën për OPEN në News 24.

Ngjarja ne Kosove Basha: SKENARI SEKRET: NDARJA DE FAKTO E KOSOVËS

Basha: Serbia ka nisur LANCIMIN E PLANIT PER “BOTEN SERBE”: Permes SITUATës NËBiH tentatives për te ndikuar në përberjen e qeverise në MALI I ZI dhe përdorimit te struktueave paramilitare tw armatosura ne Kosove

Basha: PLAN DHE STRATEGJI E KREMLINIT: DESTABILIZIMI DHE FUTJA NË KAOS E BALLKANIT PERNDIMOR – MINON KRAHUN JUGLINDOR TË NATO-S

Serbia shpall ditë zie, Basha: MARRJE E AUTORËSISË, DUHEJ DISTANCIM I PRERË DHE DËNIM

NDODH E KUNDËRTA

Ngjarjet ne Kosovë, Basha:

SKENAR I MIRËPLANIFIKUAR

NUK MUND TË NDODHË PA PËRFSHIRJE TËSEGMENTEVE SHTETËRORE DHE TË SIGURISË SËSERBISË

Basha: KA INDIKACIONE PËR PËRFSHIRJE EDHE TËINFRASTRUKTURËS SË SHËRBIMEVE RUSE

Basha: STRATEGJIA E VUCIC; ZVARRITJE

NUK E NËNSHKROI OHRIN

PRET TË NDRYSHOJË KONJUKTURA nga

ZGJEDHJET E ARDHSHME NË SHBA

dhe NË BASHKIMIN EUROPIAN

Qendrimi SHBA, Basha:

QËNDRIMET JANË BRENDA ZOTIMEVE TË MARRA KARSHI KOSOVËS

SERBIA KLIENT I VËSHTIRË – AFËR RUSISË

Akuzat e Kurtit nfaj SHBA dhe BE, Bashw:

NUK KOMENTOJ KM E KOSOVËS. CFARË KAM I PËRCJELL VETË.

Basha: 4 VENDET E NATOS duhet ta njohin Kosoven, kobtribut per paqe ne Eurooe

Basha: DETYRA E SHQIPËRISË : TË JETË NË DISPOZICION DHE MBËSHTETJE TË KOSOVËS

ME CFARË TË KETË NEVOJË KOSOVA

ASGJË PA KOORDINIM ME KOSOVËN

Deklarata e Rames, Basha: PROTAGONIZËM PERSONAL NË ARENËN NDËRKOMBËTAR, VETËM E KA DËMTUAR KOSOVËN

Basha: situate teper delikate,

NUK DUA QË KOSOVA TË KTHEHET NË NJË CËSHTJE TË BETEJËS TONË TË BRENDSHME POLITIKE

26 Sht

0

Basha me reporterët e KiE: Reforma zgjedhore tu japë qytetarëve të drejtën ta zgjedhin deputetin dhe presidentin

by PD in Lajmi fundit

Kryetari i Partisë Demokratike, Lulzim Basha, së bashku me nenkryetarët Flutura Açka dhe Kreshnik Çollaku, pritën raporterët e Këshillit të Europës të cilët ndodhën më Tiranë.

Zoti Basha i njohu me paketën e hartuar nga ekspertët e PD, për t’i kthyer shqiptarëve besimin tek vota dhe politika duke u dhënë fuqi vendimarrëse dhe një politikë te pastër.

Postimi i kryetarit të PD, Lulzim Basha :

“Pritëm sot në PD reporterët e Këshillit të Europës. I njoha me paketën e hartuar nga ekspertët e PD për t’i kthyer shqiptarëve besimin tek vota dhe politika, duke u dhënë fuqi vendimarrëse dhe një politikë te pastër.

1️⃣ LISTA TË HAPURA
Votuesit të kenë mundësi të zgjedhin vetë deputetin, jo kryetari.

2️⃣ BARAZIA E VOTËS
Numri i votuesve për mandat deputeti të jetë i njëjtë në të gjithë vendin

3️⃣ VOTA E DIASPORËS
Shqiptarët që jetojnë jashtë vendit, të kenë mundësi të votojnë në zgjedhje nga aty ku jetojnë.

4️⃣ PRESIDENT NGA POPULLI
Presidenti të zgjidhet drejtpërdrejt nga populli

Një nga shqetësimet kryesore në Shqipëri është shitblerja e votës dhe korrupsioni i përhapur kudo që ndikon edhe në deformimin e vullnetit të zgjedhësve. Ligji për dekriminalizimin i iniciuar nga PD, tregoi se sa thellë kishte depërtuar krimi në qeverisje. Tashmë prioritet për PD-në për të luftuar korrupsionin në nivele te larta është:

1️⃣ VETTING PËR POLITIKANËT
Pastrim i politikës nga të korruptuarit dhe personat me lidhje kriminale lidhje të cilat i përdorin për të bletë vota dhe shantazhuar votuesit.

2️⃣ FUND IMUNITETIT NGA NDJEKJA PENALE
Asnjë imunitet për parlamentarët dhe qeveritarët që hetohen nga SPAK.

26 Sht

0

“Çdo ditë pranë njerëzve”/ Basha vijon turin e takimeve në Tiranë: Të vendosim interesat e njerëzve në qendër të politikëbërjes

by PD in Lajmi fundit

Kryetari i Partisë Demokratike, Lulzim Basha, në vijim të turit të tij të takimeve, është ndalur paraditen e sotme në njësinë administrative numër 8 në Tiranë, në lagjen e tij të vjetër. Pas kafes se mëngjesit me dashamirës dhe simpatizantë të lagjes, Basha ka zhvilluar biseda të shumta me qytetarë, tregtarë dhe sipërmarrës të kësaj zone, me të cilët ka diskutuar mbi gjendjen ekonomike dhe politike të vendit. Basha është interesuar të dëgjojë prej tyre për hallet dhe problemet me të cilat njerëzit përballen përditë, larg politikës së kotë të zhurmës dhe të përbaltjes, me qëllim që të gjejë format dhe mënyrat për të forcuar rolin e qytetarëve në vendimmarrje dhe për ta vendosur politikën në shërbim të njerëzve.

Ne postimin e tij Basha shkruan:

“Çdo ditë pranë njerëzve, për t’i dëgjuar ata nga afër, për ta vënë politikën në shërbim të tyre. Qytetarët, tregtarët, sipërmarrësit në zemër të Tiranës, më thonë atë që çdo shqiptar di dhe ndjen në xhepin e tij, se ekonomia është e kapur nga interesat e një grupi te ngushtë, dhe se ajo fatkeqesisht nuk ju ofron atyre mundësitë që meritojnë.
Ekonomia jonë duhet të hapet dhe të bëhet konkurruese. Në funksion të saj është edhe hapja e garës në sistemin politik përmes propozimeve tona për Reformën Zgjedhore. Një parlament përfaqësues i vullnetit të qytetarëve dhe një qeveri e vogël në shërbim të tyre janë kushte të domosdoshme për të vendosur interesat e qytetarëve në qendër të politikëbërjes, duke u dhënë atyre te gjitha mundësitë për të ndërtuar të ardhmen me të mirë për familjet e tyre.”

26 Sht

0

Basha nis ditën në zemër të Tiranës, takime me qytetarë në degën 8

by PD in Lajmi fundit

Kryetari i Partisë Demokratike, Lulzim Basha, në vijim të turit të tij të takimeve, e ka nisur ditën sot sot në lagjen e tij të vjetër në Tiranë, tek lagjja 8, aty ku ka lindur dhe është rritur.

Me një postim në faqen e tij ne facebook ai ju uron të gjithë ndjekësve të tij një ditë të mbarë.

“Një ditë të mbarë të gjithëve nga lagjja ime e vjetër, zemra e Tiranës!”, shkruan Basha në faqen e tij në Facebook.

25 Sht

0

Kryetari i PD, Lulzim Basha, nderon ditën e zisë për policin e vrarë në Kosovë

by PD in Lajmi fundit

Kryetari i Partisë Demokratike, Lulzim Basha ka nderuar ditën e zisë për vrasjen e policit Afrim Bunjaku, teksa sot Kosova ka shpallur ditë zie.

Basha thekson se çdo shqiptar sot është në zi.

Ai ka shprehur nderim për jetën e Afrim Bunjakut, duke e quajtur si dëshmorin më të ri në altarin e heronjve të Kosovës së lirë.

Postimi i plotë:

Jo vetëm Kosova por çdo shqiptar sot është në zi për vrasjen në krye të detyrës së rreshterit të Policisë së Kosovës Afrim Bunjaku.

Nderim për jetë Afrim Bunjakut, dëshmorit më të ri në altarin e heronjve të Kosovës së lirë dhe sovrane në të cilën askush nuk mundet më të luajë me jetën, dinjitetin dhe sigurinë e qytetarëve të saj.

24 Sht

0

Basha mbyll turin e takimeve të sotme me qytetarët e Qesarakës në Tiranë

by PD in Lajmi fundit

Kryetari i Partisë Demokratike, Lulzim Basha, ka zgjedhur që këtë të dielë të jetë pranë njerëzve, pranë shqetësimeve të tyre të përditshme, që nuk janë ato të politikanëve, por të familjeve shqiptare, të cilat kërkojnë një ekonomi të fortë, përmes të cilës t’u garnatohet një e ardhme e sigurt për ta dhe fëmijët e tyre.

Në Qesarkë të Tiranës, gjatë takimeve rastësore por edhe bisedave në një prej lokaleve të lagjes, kreu demokrat e fokusoi bisedën me qytetarët pikërisht për atë që duhet bërë të gjithë sëbashku për të patur një zhvillim të qëndrueshëm, një ekonomi të hapur dhe konkuruese.

“Kjo sipërmarrje e vështirë dhe jetike nis nga çlirimi i sistemit politik, që zëri i qytetarëve të dëgjohet, e që institucionet dhe të zgjedhurit të jenë në shërbim të qytetarëve”, – u shpreh Basha gjetë bisedave ne qytetarët.

24 Sht

0

Basha nga Zall-Herri: Ndëshkimi i korrupsionit në nivelet e larta, fillimi i ndryshimt të vërtetë që presin shqiptarët

by PD in Lajmi fundit

Kryetari i PD, Lulzim Basha, në vijim të takimeve bisedoi sot me fermerët e zonës së Zall Herrit në Tiranë, ku dëgjoi prej tyre problematikat me të cilat ata përballen çdo ditë. Mungesa e mbështetjes nga fondet e bujqësisë, mungesa e tregut dhe rënia e fuqisë blerëse, janë shqetësimet bazë të fermerëve për të cila kreu demokrat tha se marrin zgjidhje kur ti jepet fund pandëshkueshmërisë së korrupsionit në nivelet e larta.

“Kënaqësi të bashkëbisedoja me banorë të Zall Herrit në Tiranë. Ata përballen sot me vështirësi të shumta që nga mungesa e mbështetjes për bujqësinë, mungesa e tregut dhe vendeve të punës, rënia e fuqisë blerëse etj.

Edhe fondet që akordonte BE për bujqësinë u pezulluan sepse babëzia e kësaj qeverie, nuk ndalet para abuzimit edhe me lekët që jep Europa.

Qytetarë të varfër, korrupsion i lartë. Ky është realiteti sot në Shqipëri.

Fundi i pandëshkueshmërisë së korrupsionit në nivelet e larta, është fillimi i fundit të tranzicionit dhe ndryshimi i vërtetë që shqiptarët presin”, – shkruan Basha në postimin e tij.

24 Sht

0

Turi i takimeve me qytetarë, Basha konsumon kafen e mëngjesit me banorët e Tufinës

by PD in Lajmi fundit

Kryetari i Partisë Demokratike, Lulzim Basha ka vijuar turin e tij të takimeve me qytetarët dhe këtë mëngjes është ndalur në zonën e Tufinës në Tiranë.

Ditën e ka nisur me një kafe mëngjesi me banorë të lagjes Tufinë të kryeqytetit.

Me një foto të postuar në FB, kreu demokrat ka përshëndetur ndjekësit e tij duke u uruar një të dielë të bukur.

24 Sht

0

Vrasja e policit në Kosovë, reagon Basha: I tronditur nga kjo ngjarje! Jemi në krah të Policisë së Kosovës, Beogradi të distancohet prerazi nga sulmi

by PD in Lajmi fundit

Kryetari i Partisë Demokratike, Lulzim Basha ka reaguar për sulmin ndaj policisë dhe vrasjen e policit në Kosovë.

Basha thotë se ndihet i tronditur nga kjo ngjarje ndërsa lutjet shkojnë për familjarët dhe kolegët e punonjësit që humbi jetën në krye të detyrës.

Ai gjithashtu shpreh mbështetje për punonjësit e Policisë së Kosovës në betejën kundër krimit dhe u bën thirrje autoriteteve të Beogradit të distancohen prerazi ka kjo ngjarje.

Reagimi i plotë:

I tronditur nga vrasja e punonjësit të Policisë së Kosovës dhe plagosja e një tjetër punonjësi ne Leposaviq. Mendimet dhe lutjet e mija janë me familjarët dhe kolegët e punonjësit që humbi jetën në krye të detyrës si dhe për daljen nga rreziku e shërimin e kolegut të tij të plagosur.

Në këtë çast kritik të betejës kundër krimit jemi në krah të punonjësve të Policisë së Kosovës dhe autoriteteve të vendit teksa punojnë për vënien e autorëve të kësaj ngjarje të rëndë para ligjit.

Ju bëj thirrje autoriteteve të Beogradit të dënojnë dhe të distancohen prerazi nga kjo ngjarje e rëndë dhe nga gjuha e aktet destabilizuese.

Blog