Demokratët Euroatlantikë - Partia Demokratike

13 Sht

0

Anëtari i Kryesisë së PD, Endri Hasa: Marionetat e Berishës nëpër media kanë 24 orë që shpifin dhe sajojnë lloj e soj marrëzirash për detyrën me të cilën e ngarkoi Bashën Këshilli i Europës

by PD in Lajmi fundit

Anëtari i Kryesisë së Partisë Demokratike, Endri Hasa shprehet se marionetat e Berishës nëpër media kanë 24 orë që shpifin dhe sajojnë lloj e soj marrëzirash për detyrën me të cilën e ngarkoi Bashën Këshilli i Europës, që tregon edhe njeherë se non grata mendon vetëm për veten dhe dëmton këdo që e kërcënon.

Me anë të një postimi në Facebook, Hasa shkruan se Lulzim Basha nuk ka nevojë për duartrokitjet e askujt, ndërsa po bën vetëm detyrën e tij.

Sipas tij, më e pakta që mund të bëjnë është që të gëzohen sepse ai që po e çon përpara këtë punë të rëndësishme është pikërisht një shqiptar, që po vendos në dritë të mirë Shqipërinë në çështjen më të rëndësishme të momentit në rrafshin ndërkombëtar.

Postimi i plotë:

Marionetat e Berishës nëpër media kanë 24 orë që shpifin dhe sajojnë lloj e soj marrëzirash për detyrën me të cilën e ngarkoi Bashën Këshilli i Europës, që tregon edhe njeherë se non grata mendon vetëm për veten dhe dëmton këdo që e kërcënon.

Lulzim Basha nuk ka nevojë për duartrokitjet e askujt, ai po bën vetëm detyrën e tij, por nëse e kanë të pamundur të gëzohen për një lajm të mirë, vetëm sepse atë detyrë po e kryen Basha, të paktën të gëzohen sepse ai që po e çon përpara këtë punë të rëndësishme është pikërisht një shqiptar, që po vendos në dritë të mirë Shqipërinë në çështjen më të rëndësishme të momentit në rrafshin ndërkombëtar.

Tam tamet le të vazhdojnë, nga zëdhënësit e vjetër dhe të rinj të bunkerit sepse ata kanë hallet e tyre.

Lulzim Basha dhe Partia Demokratike do punojnë çdo ditë për Shqiptarët duke i ofruar alternativën dhe profesionistët më të mirë që do ta pozicionojnë Shqipërinë atje ku e meriton.

12 Sht

0

Lufta në Ukrainë, Këshilli i Europës cakton Lulzim Bashën raporter për konfiskimin e aseteve ruse

by PD in Lajmi fundit

Kryetari i Partisë Demokratike, Lulzim Basha është emëruar reporter për konfiskimin e aseteve ruse dhe përdorimin e tyre për riparimin e dëmeve të shkaktuara nga lufta në Ukrainë. Komiteti për Çështje Politike dhe Demokracinë në Asamblenë Parlamentare të Këshillit të Europës ka votuar sot me unanimitet për të emëruar kreun e PD.

Më herët, Basha paraqiti një projekt rezolutë në Këshillin e Europës që bën thirrje për konfiskimin e aseteve ruse, krijimin e një fondi ndërkombëtar ku të depozitohen asetet e konfiskuara dhe vendosjen e këtyre fondeve në dispozicion të financimit për projektet e rindërtimit të Ukrainës.

Një propozim i ngjashëm po diskutohet edhe në Kongresin Amerikan ndërkohë që edhe Presidentja e Komisionit Europian Ursula von der Leyen ka kërkuar që Rusia dhe oligarkët e saj duhet të kompensojnë Ukrainën për dëmin dhe të mbulojnë kostot për rindërtimin e vendit.

Projekt-rezoluta e paraqitur nga kryetari i Partisë Demokratike Lulzim Basha:

Përgjegjësia për krimet dhe demet e shkaktuara në Ukrainë nga agresioni i paprovokuar i Rusisë është i presidentit të Rusisë Vladimir Putin dhe duhet te paguajë për të.

Ndërkohë që Gjykata Penale Ndërkombëtare ka lëshuar urdhër arresti për Putin, duke e akuzuar për krime lufte, tashmë Rusia duhet të paguaj për rindërtimin e Ukrainës së shkatërruar nga bombardimet ruse.

lg.php.gif Sipas të drejtës ndërkombëtare, Federata Ruse ka detyrimin për të kompensuar Ukrainën, qytetarët, sipërmarrjet dhe qeverinë e saj, për dëmet e shkaktuara nga aktet e paligjshme të Federatës Ruse. Këto detyrime përcaktojnë detyrën e vendeve të treta për të garantuar që asetet sovrane të Federatës Ruse që ndodhen nën juridiksionet e tyre të vendosen në dobi të Ukrainës si dhe për të krijuar një tribunal ndërkombëtar kompensimi për të siguruar që dëmet e shkaktuara nga Rusia të dëmshpërblehen në përputhje me normat ndërkombëtare, jurisprudencën dhe parimet e vendosura të kontabilitetit.

lg.php.gif Përmes kësaj rezolute të publikuar në faqen zyrtare të Këshillit te Europës, e cila është e mbështetur nga përfaqësues të të gjitha grupeve parlamentare kërkohet:

lg.php.gif Krijimin e një fondi ndërkombëtar ku të depozitohen asetet e Federatës Ruse për të paguar projektet e infrastrukturës në Ukrainë; Transferimin e kapitaleve të ngrira të Federatës Ruse në fondin ndërkombëtar;

Krijimin e një tribunali kompensimi për të gjykuar, në përputhje me normat e vendosura gjyqësore, kërkesat e paraqitura nga Ukraina në emër të individëve, subjekteve dhe instancave qeveritare, ose drejtpërdrejt nga individët dhe subjektet e saj, siç do të parashikohet nga rregullat e tribunalit.

12 Sht

0

Lulzim Basha kujton liderin e Lëvizjes Studentore: Azem Hajdari u angazhua për t’i shërbyer njerëzve, jo për pushtet personal

by PD in Lajmi fundit

Kryetari i Partisë Demokratike, Lulzim Basha ka kujtuar ka përkujtuar liderin e Lëvizjes Studentore, Azem Hajdarin, në 25 vjetorin e vrasjes së tij. Me anë të një postimi në Facebook, Basha shkruan se ai u vra pabesisht, ndërsa thekson se u bë simbol i vullnetit të shqiptarëve në përballjen me regjimin komunist.

Kreu i PD shprehet me tej se angazhimi politik për Azem Hajdarin ishte një instrument për t’i shërbyer njerëzve dhe jo vetes, për të përmirësuar dhe ndryshuar jetët e shqiptarëve të etur për ndryshim dhe jo për të ringritur sarajet e reja të luksit dhe pushtetit personal mbi muret e vjetra të arrogancës, korrupsionit dhe hipokrizisë së regjimit komunist.

Kryedemokrati thekson se kontributi i tij në altarin e lirisë dhe demokracisë do të nderohet përherë.

Postimi i plotë:

25 vite më parë u vra pabesisht Azem Hajdari, lideri i Lëvizjes Studentore që me veprën e tij të pavdekshme u bë simboli i vullnetit të shqiptarëve në përballjen me regjimin komunist dhe ngadhnjimin e lirisë mbi diktaturën.

Kurajo, antikonformizimi dhe vendosmëria përkundër fuqive në dukje më të mëdha janë testamenti politik i jetës politike të shkurtër por të pashoq të Azem Hajdarit. Angazhimi politik për Azem Hajdarin ishte një instrument për ti shërbyer njerëzve dhe jo vetes, për të përmirësuar dhe ndryshuar jetët e shqiptarëve të etur për ndryshim dhe jo për të ringritur sarajet e reja të luksit dhe pushtetit personal mbi muret e vjetra të arrogancës, korrupsionit dhe hipokrizisë së regjimit komunist.

Kontributi i tij në altarin e lirisë dhe demokracisë do të nderohet përherë, si dëshmia më domethënëse e forcës së një populli të shtypur dhe nëpërkëmbur për të sfiduar frikën dhe apatinë, për të triumfuar mbi të keqen dhe për të ndërtuar përmes lirisë një të ardhme të denjë për çdo shqiptar.

I paharruar kujtimi i tij!

11 Sht

0

Sulmet terroriste, Basha: 11 shtatori 2001 nuk përkuli kombin amerikan përballë terrorit, duke prirë edhe njëherë në mbrojtje të vlerave themelore të lirisë dhe demokracisë

by PD in Lajmi fundit

Kreu i Partisë Demokratike, Lulzim Basha ka kujtuar viktimat e sulmeve terroriste të 11 shtatorit në SHBA.

Në një postim në Facebook, Basha shprehet se sulmi terrorist nuk përkuli kombin amerikan përballë dhunës, duke prirë edhe njëherë në mbrojtje të vlerave themelore të lirisë dhe demokracisë.

Postimi i plotë:

Sot kujtojmë me dhimbje, ditën që në hyrje të shekullit të ri ndryshoi përgjithmonë historinë. Ne i bashkohemi nderimit të jetëve të humbura më 11 Shtator 2001, duke u solidarizuar me familjarët e tyre dhe kombin amerikan, i cili nuk u përkul përballë terrorit dhe dhunës, duke prirë edhe njëherë në mbrojtje të vlerave themelore të lirisë dhe demokracisë, që ne i bashkëndajmë krenarisht me aleatin tonë strategjik, sot e përgjithmonë.

11 Sht

0

Denoncimi i deputetes, Merita Bakiu: Viti i ri shkollor nis me shumë problematika në shumë qytete

by PD in Lajmi fundit

DEKLARATË E PARTISË DEMOKRATIKE, DEPUTETJA MERITA BAKIU

Në këtë prag fillimi të vitit të ri shkollor 2023-2024, si një mësuese me përvojë afro 30 vjeçare, si deputete e Kuvendit të Shqipërisë,

anëtare e Komisionit të Edukimit,

në emrin tim dhe të forcës politike që unë përfaqësoj,

ju përcjell urimet më të mira, mësuesve, nxënësve, vëçanërisht atyre që fillojnë klasën e parë në arsimin bazë dhe prindërve të tyre

Duke shpresuar për një vit të mbarë e të suksesshëm, tërheqim vëmendjen për një sërë problematikash, të cilat mund të pengojnë mbarëvajtjen e procesit mësimor dhe edukativ në arsimin parauniversuitar.

ndaj ju siguroj qe perpjekia e partise demokratike do te fokusohet ne te gjitha ceshtjet e problematikat qe lidhen me arsimin.

Ndër më të spikaturat nga këto problematika do të veçoja:

Infrastrukura shkollore:

Sot pas 4 vitesh nga tërmeti i nëntorit 2019, ende nuk janë rindërtuar shkollat e dëmtuara prej këtyre fatkeqësive natyrore. Më e rëndë situata është në qarkun e Durrësit.

Vetëm Bashkia Durrës, raporton për 14 shkolla e kopshte, që ende nuk do të çelin dyert e tyre ne vitin shkollor 2023-2024 dhe se më shumë se 7200 nxënës, do të bëjnë mësim me dy turne

Në qytetin e Durrësit, gjimnazet ikone, “Gj. K. Skënderbeu” dhe “Naim Frashëri”, presin ende të jenë funksionale Është rasti të sjellim në vëmendjen e opinionit publik, deklaratën eKryeministri Edi Rama në dhjetorin e 2019-s, në lidhje me rindërtimin e shkollave pas tërmetit. I cili ka deklaruar se“Shkollat, kopshtet, spitalet, qendrat shëndetësore të dala jashtë funksionit, do të rindërtohen nga e para deri në shtatorin e ardhshëm (të vitit 2020

.

Po ashtu në Tiranë duke filluar nga shkolla “Emin Duraku”, “Musine Kokalari” dhe një seri shkollash të tjera do të jenë në rikonstruksion. Ndërkohë që edhe në shkolla të propaganduara si të gatshme për të filluar procesin mësimor, sikundër është rasti i gjimnazit “Partizani” ende nuk jane vene ne funksion

Çdo vit të ri shkollor syri dhe mendja të shkon tek regjistrimet e nxënësve në të gjtiha nivelet e arismit parauniversitar.

Të dhënat e marra deri sot tregojnë një panoramë mjaft të zymtë pothuaj në gjtihë Shqipërinë. Le të flasim më konkretisht. Sipas të dhënave të marra deri në datën 8 shtator 2023, rezultonte se “27 mijë nxënës , të regjistruar në klasat e dhjeta dhe krahasuar me një vit rezulton të jenë i 1000 nxënës më pak. Shifrat zyrtare pitet të bëhen publike sot

por deri më tani rezulton se do te mungojnë 33 klasa me 30 nxënës ose dy shkolla me 500 nxënës në arsimin mesëm të lartë.

Situata është alarmante në Bashki të vogla e të mëdha të Shqipërisë. Sipas raportimeve në Bashkinë Kukës, këtë vit shkollor do të ketë 225 nxënës më pak në të gjtihë arsimin 9 vjeçar ose gati 8 klasa që nuk do të hapen më.

Në bashkinë e Librazhdit për vitin shkollor 2023-2024 do të ulen 421 nxënës më pak se viti paraardhës

Në Korçë raportohet për 5 klasa të para më pak të hapura në qytet, stiuatë është e njëjtë në Vlorë e në shumë rrethe të tjera.

Nje problematike tjeter eshte

Rritja e barrës së prindërve për kostot e shkollimit të nxënëssve

Ndërsa flitet për tekste falas e kushte më të mira për shkollim, e vërteta është krejt ndryshe. Ndërsa në arsimin fillor dhe pjesërisht në atë 9 vjeçar librat jepen falas ose dhurohen nga vitet parardhëse, në arsimin e mesëm kosto e teksteve shkollore shkon nga 100-140 euro, pa mjetet ndihmëse, .

Duhet të sjellim në kujtesën e qeverisë dhe publikut se gati 40% e popullsisë në vendin tonë marrin pagën minimale prej 40 mijë lekësh të reja,

Prindërit paguajnë transportin e fëmijëve që varion 3500-5000 lek të reja në muaj, qëndrimin e fëmijve të tyre në qendrat e private të stuidimit, pasi shkolle (e cila përfundon që në orën 12.00 për arsimin fillor) kosto e të cilave shkon nga 12 mijë deri 14 mijë lek të reja në muaj,

Qeveria ka hedhur poshtë propozimet tona per keto problematika

Së fundmi dhe jo pa rëndësi janë planet, kurrikulat dhe mënyra e mësimmdhënies, që janë paralajmëruar se do të ndryshojnë gjatë kërij viti shkollor.

Kjo tregon se dështimet në arsim, kërkohen të mbulohen me të ashtuquatjurat reformat të reja, të cilat sjellin pështjellim në radhët e mësuesve, hutim në radhët e nxënësve dhe më pak mundësi për sukses në procesin e mësimdhënies dhe mësimnxënies.

Partia Demokratike ka tërhqeur vëmendjen dhe ka dhënë propozimet e saj konkrete, që arsimi të vihet në shinat e duhura.

Ne kërkojmë sërish që qeveria të refletoje dhe të marri në konsideratë propozimet tona konkrete siç janë:

Rritja e financimit të arsimit, qe duhet të jetë jo më pak se 5% në raport me PPB;

Rritja e pagave të mësueve në nivelet e premtuar dhe të barazvlefshme me rajonin e më gjerë;

Krijimi i kushteve më të mira të punës për mësuesit dhe kushteve për nxënësit;

Rritja e sigurisë së shkollave

Krijimi i një infrastrukture (ndërtesa shkollore, laboratore, mjedise rekreative etj), për të siguruar një proces mësimor edukativ në nivelet bashkëkohore.

Arsimi është në rrezik dhe ne të gjithë duhet ta kthejmë atë në priotitetin e debateve, masave dhe veprimeve konkrete për të dalë nga gjendja tejet e vështirë në të cilën ndodhet sot

Duke uruar sërsih një vit të mbarë shkollor, mbetemi të përkushtuar për të ngritur zërin, për një sisitem arsimor bashkëkohor por jo të këtij niveli që këmi sot.

Ju faleminderit

11 Sht

0

Tabaku në Komisionin e Ekonomisë: Pensionet në nivelin më të ulët, më pak se 50% e rrogës

by PD in Lajmi fundit

Fjala e deputetes së PD, Jorida Tabaku në Komisionin e Ekonomisë:

Ne jemi mësuar që kur bëhet diskutimi relatorit diskutimi bëhet në parim. Ndërkohë që prezantimi që bëri z. Xhafaj janë ndryshime specifike që do ishin të kuptueshme kur miratojmë ligjin “nen për nen”.

Kam dy pyetje që dua t’i diskutoj me përfaqësuesit e qeverisë. Në lidhje me kohën e disponueshme për përdoruesit e institucioneve private për ta provuar skemën në një institucion bankar, ne diskutuam gjatë për praktikën Europiane në draftin e aprë të ligjit ishte propozimi për 30 ditë kohë për ta provuar. Nga iskutimet u vërejt që tridhjetë ditë kohë nuk është e mjaftueshme për ta provuar, zoti Krashi tha në komision që kjo është e pmajftueshme dhe se praktika në vende të tjera e tregon se duhen të paktën 6 muaj. A është rregulluar ky ndryshim?

Megjithëse Drejtori i ISSH u largua do doja ta nismin e ta përfundonim këtë diskutim deri në fund. Si është raporti i shpenzimeve dhe të ardhurave në sigurimet shoqërore? Sipas të dhënave që kemi marrë dhe nga raporti i fundit i KLSH, numri i përfituesve është rritur me 15 mijë në çdo vit dhe kjo po shkon drejt barazimit të përfituesve me kontribuesit. Së pari emigracioni i lartë, së dyti informaliteti dhe skema e dështuar në 2014 që ishte një reformë shumë larg asaj që pritej të ndodhte në vend.

Shumë larg mesatares normale pensioni mesatar në fshat dhe më tej ai në qytet. Po ashtu në total pensioni është më i ulët se sa mesatarja e pagës, siç edhe është përllogaritja sipas formulës së INSTAT< ndërsa aktualisht është sa 40% e pagës si pension mesatar. Ku do të investojë fondi i ISSH? Si ka menduar ta kompensojë fondi mungesën në të ardhmen për shkak të situatës që ne po përballojmë?

11 Sht

0

Basha uron nxënësit dhe mësuesit për nisjen e vitit të ri shkollor

by PD in Lajmi fundit

Kryetari i Partisë Demokratike, Lulzim Basha ka uruar nxënësit dhe mësuesit që nisin sot vitin e ri shkollor.

Me anë të një postimi në Facebook, Basha ka uruar edhe prindërit shqiptarë për sakrificën që bëjnë për të ardhmen e fëmijëve të tyre dhe dashurinë për dijen.

Postimi i plotë:

Ju uroj nga zemra mbarësi të gjithë nxënësve dhe mësuesve që nisin sot vitin e ri shkollor. Urime për prindërit shqiptarë, që me punë e sakrifica ushqejnë ëndrrat për të ardhmen e fëmijëve të tyre dhe dashurinë për dijen.

09 Sht

0

Zgjidhen forumet e larta drejtuese në Partinë Demokratike

by PD in Lajmi fundit

(më tepër…)

09 Sht

0

“Vjedhje me stil”, Jorida Tabaku: Qeveria do të krijojë një kompani anonime për të komplikuar letrat e tenderave që ushtarët e korrupsionit të mos bien në rrjetën e SPAK

by PD in Lajmi fundit

Deputetja e Partisë Demokratike, Jorida Tabaku shprehet se qeveria ka vendosur të sajojë një kompani me titullin shoqëri anonime për t’u përpjekur që të fshehur korrupsionin.

Në një postim në Facebook, Tabaku thotë se kjo formulë është menduar nga qeveria për të mbrojtur dhe “komplikuar” letrat e tenderave ashtu që ushtarët e korrupsionit të mos bien lehtësisht në rrjetën e SPAK.

Reagimi i plotë i Jorida Tabakut:

Syfaqësia e luftës kundër korrupsionit!

Në vrullin e fillimit të luftës kundër korrupsionit që SPAK po zbaton, qeveria që e ka të qartë se ministrat e saj kanë abuzuar me tenderat publikë (abuzimi shkon sa dy buxhete të marra së bashku) ka vendosur të sajojë një kompani me titullin shoqëri anonime (sh.a) për t’u përpjekur që të anonimizojë korrupsionin.

Kjo formulë është menduar nga qeveria për të mbrojtur dhe “komplikuar” letrat e tenderave ashtu që ushtarët e korrupsionit të mos bien lehtësisht në rrjetën e SPAK. Me pak fjalë po përpiqen të “vjedhin me stil”!

Në këto dhjetë vite, sipas KLSH, abuzimi me tenderat publik është sa dy buxhete të marra së bashku. Kjo do të thotë që sektori i Prokurimeve Publike (PP) ka nevojë për një reformë të thellë që nis nga hapja e garës për të gjithë konkurrentët tek ngritja e rregullave që nuk favorizojnë sistemin e manipuluar.

Mbi të gjitha PP kanë nevojë për transparencë në vendimmarrje, pasi transparenca përkthehet në llogaridhënie. Mjafton të shohim buletinin e Prokurimeve Publike që zbardhet tek faqe si Open Data për të kuptuar se si janë lidhjet e shkurtra mes kompanive dhe burokratëve të qeverisë. Garat ku kanë vetëm emrin e tillë pasi në të vërtetë tenderat jepen me 99% të rasteve tek kompania që ka mbyllur pazarin dhe jep 99% të vlerës. Për të shmangur këtë formulën e 99-ave duhet të vendoset një sistem kontrolli i tillë që ato kompani që nuk zbatojnë kontratat të evidentohen dhe të mos përfitojnë kontrata të tjera pa përfunduar ato që kanë marrë.

Por, qeveria nuk ka stomak për reforma të tilla që godasin korrupsionin dhe padyshim skemën e 99-ave. Prandaj ajo nuk merret me hënën por rri e merret me gishtin që tregon atë! Për rrjedhojë prodhon “reforma” që nuk merren me thelbin e problemit, as që godasin sistemin e korruptuar të Prokurimeve Publike por vazhdon me nisma fasadë siç ka bërë këto dhjetë vite. Dhe sa më shumë ajo rreh gjoksin për reforma aq më të shumtë janë zyrtarët e lartë që shkojnë përpara drejtësisë.

Sistemi i korrupsionit është një sistem ku ortakët e oligarkisë në sektorin privat bashkëpunojnë ngushtë për të prodhuar reforma që dalin nga zyrat e tyre, ligje që shkruhen nga përfituesit e VKM që mund ta dallosh qartë se kush përfiton. Ndërsa pjesa tjetër e kësaj ortakërie, pra qeveria, aprovon çdo ndryshim që ato kërkojnë dhe kështu korrupsioni është i mbyllur mes tyre. Të dyja palët përfitojnë duke prodhuar një sistem ku qytetari nuk fiton kurrgjë, por në fund të vitit paguan nga taksat e tij mekanizmin që mban në jetë oligarkinë ekonomike dhe padyshim atë politike. Në një ortakëri të suksesshme që ka varfëruar shtresën e mesme dhe ka shpopulluar Shqipërinë.

Prandaj edhe kjo agjenci e krijuar në formatin e shoqërisë anonime është një mbulesë burokratike që në të vërtetë ka për synim të mbulojë ortakërinë e këtij sistemi dhe që zhduk meritokracinë, konkurrencën dhe ekonominë e tregut.

Shqipëria më shumë se kurrë ka etje dhe uri për një ekonomi që ngrihet mbi frymën e konkurrencës, meritokracisë dhe taksimit të drejtë. Shqiptarët janë përditë e më të etur për një politikë që nuk operon si zëdhënësi i oligarkisë apo interesave specialë.

Sot ka nevojë për një politikë që operon si zëri munguar që kërkon shpëtim përmes një qeverie për shumicën e jo për pakicën. Nuk ka nevojë për reforma syfaqësore por ka nevojë për të rikthyer besimin e institucioneve dhe për të ringjallur ekonominë. Ne duhet të bëjmë gjithçka për ta kërkuar atë!

09 Sht

0

Basha përkujton Kryengritjen e Postribës: Lëvizja e parë anti-komuniste në Shqipëri që na udhëheq për t’u përballur me padrejtësitë

by PD in Lajmi fundit

Kryetari i Partisë Demokratike, Lulzim Basha ka kujtuar ditën e sotme lëvizjen e parë anti-komuniste në Shqipëri, në kohën kur ajo sapo ishte vendosur nën regjimin komunist.

Në një postim në Facebook, Basha shprehet i përulur para atdhedashësve të cilët u ngritën me guxim në të parën lëvizje për liri në Europën komuniste, e cila tronditi nga themelet regjimin çnjerëzor, duke shënuar edhe një plagë të dhimbshme në kujtesën tonë të përbashkët.

Kryedemokrati gjithashtu thotë se Kryengritja e Postribës është një model që udhëheq edhe sot qytetarët për tu përballur me guxim ndaj cdo padrejtësie.

Postimi i plotë:

Kryengritja e Postribës është një ndër aktet e para madhore në Shqipëri dhe në Europën e pushtuar nga komunizmi për t’iu bashkuar familjes së kombeve të lira europiane.

Ne përkulemi me nderim para qindra atdhedashësve dhe intelektualëve, malësorë e klerikë, që frymëzuan e ngritën me guxim krye në të parën lëvizje për liri në Europën komuniste, e cila tronditi nga themelet regjimin çnjerëzor, duke shënuar edhe një plagë të dhimbshme në kujtesën tonë të përbashkët.

Shtypja e saj e përgjakshme nga makineria terroriste e regjimit të Enver Hoxhës, do të mbahet mend gjatë për shkretimin e familjeve të rëndësishme të elitës shoqërore, intelektuale e morale të Shqipërisë, si familjet e Jup Kazazit, Osman Haxhisë, Idriz Tahirit e Abdullah Sahitit.

Në orët dhe ditët e para të kryengritjes, komunistët pushkatuan pa gjyq 28 vetë në Postribë. Ploja dhe përndjekjet u shtrinë edhe në Shkodër, Mirditë, Pukë dhe Malësi të Madhe. Mbi 60 patriotë u vranë nga regjimi komunist. Dhjetëra të tjerë u dergjën burgjeve dhe lanë eshtrat në qelitë e errëta, ku u shtrënguan të punojnë në kushte poshtëruese për dinjitetin njerëzor. Mijëra të tjerë vuajtën dënime me burgim, tortura në hetuesitë e regjimit, dhimbje për vitet e rrëmbyera dhunshëm dhe familjet e humbura përgjithmonë.

Vetëmohimi dhe sakrifica e malësorëve martirë për lirinë e Shqipërisë, që sapo kishte hyrë në orën më të errët të historisë së saj, është sot një prej altarëve më të lartë mbi të cilin janë ngritur përpjekjet e shqiptarëve për të qenë pjesë e pandarë e qytetërimit europian të vlerave më të çmueshme, ato të demokracisë dhe lirisë.

Një model që na udhëheq dhe frymëzon brez pas brezi, për të qëndruar për vlerat, për t’u përballur me guxim dhe me përgjegjshmëri të lartë qytetare me çdo padrejtësi që bëhet kërcënuese për lirinë, të drejtat dhe vlerat demokratike që janë në themel të Shqipërisë Europiane për të cilën patriotët e Postribës kryen sakrificën e tyre më sublime.

Lavdi përjetë heronjve të Postribës!

Blog