Demokratët Euroatlantikë - Partia Demokratike

30 Gus

0

“Kjo qeveri për 8 vite ka vjedhur 430 mln euro”, Tabaku: Duan t’ia hedhin lumit me një kredi nga GIZ dhe me projekte të BE

by PD in Lajmi fundit

Deputetja e Partisë Demokratike, Jorida Tabaku, thotë se qeveria, sipas saj, për tetë vjet ka gënjyer shqiptarët, ka vjedhur 430 milion euro dhe ka mbrojtur bashkëfajtorët.

Në një postim në Facebook, Tabaku shprehet se qeveria pasi i ka bërë avokatinë publike inceneratorëve dhe dhuruar 430 milion euro nga taksat e qytetarëve, ka vendosur të rikthehet pikërisht në ato projekte dhe ato politika që Partia Demokratike ua ofroi si një alternativë në vend të koncesionit 430 milion euro.

Deputetja demokrate shprehet se këto janë shenjat e një qeverie në krizë identiteti dhe një mazhorance që nuk e di ku e ka kokën.

Postimi i plotë:

Tetë vjet pasi i kanë dhuruar tre personave me duar në xhepa që kishin njohje qeveritare , copën e parë të 430 milion eurove në Elbasan, qeveria shqiptare nënshkruan një kontratë huamarrje me GIZ për të njëjtin subjekt.

Shtatë vjet pasi i dhuruan po të njëjtëve njerëz kontratën e koncesionit të inceneratorit të Fierit, 30 milion euro, qeveria shqiptare që shpërfilli gjithë këshillat e ambientalistëve dhe Bashkimit Europian kundër incenerimit, ka marrë një kredi nga GIZ për landfill.

Gjashtë vite pasi në bashkë-ortakëri me kryebashkiakun Veliaj e njëjta qeveri i dhuroi të njëjtëve njerëz monopolin e mbetjeve dhe dherave në gjithë qarkun e Tiranës me vetëm një firmë të kryebashkiakut Veliaj, qeveria pranon të marrë një kredi nga GIZ po për të njëjtën punë që ka nënkontraktuar edhe paguajnë Mërtirin-Zoton-Gugalljan.

Pasi i kanë bërë avokatinë publike inceneratorëve, duke i mbrojtur personalisht dhe politikisht të gjithë ata që sot janë në kërkim dhe mbi të gjitha ata që sot fshihen pas karriges të pushtetit, pasi kanë dhuruar 430 milion euro nga taksat e qytetarëve. Kjo mazhorancë ka vendosur të rikthehet pikërisht në ato projekte dhe ato politika që Partia Demokratike ua ofroi si një alternativë në vend të koncesionit 430 milion euro.

Për tetë vjet i kanë gënjyer shqiptarët, kanë vjedhur 430 milion euro, kanë mbrojtur bashkëfajtorët në vjedhje dhe tani duan t’ia hedhin lumit me një kredi nga GIZ dhe me projekte të BE që lidhen me politikat që i përbuzën. Shenjat e një qeverie në krizë identiteti dhe një mazhorance që nuk e di ku e ka kokën.

P.s. Diskutim në komisionin e ekonomisë në qershor kur ky projekt kaloi për miratim.

30 Gus

0

“SPAK të veprojë”, Oriola Pampuri: Rama po i del në mbrojtje koncesionit të sterilizimit

by PD in Lajmi fundit

Zëdhënësja e Grupit Parlamentar të Partisë Demokratike, Orjola Pampuri akuzoi kryeministrin Edi Rama se po i del në mbrojtje koncesionit të sterilizimit, duke shtuar se kjo është një aferë që është denoncuar prej vitesh nga PD.

Pampuri gjithashtu shton se SPAK dhe sistemi i ri i drejtësisë duhet të hetojnë dhe të vendosen para drejtësisë të gjitha ata që kanë abuzuar me pushtetin.

Deklarata e plotë:

Afera e koncesionit te sterilizimit e denoncuar nga Partia Demokratike prej disa vitesh, si dhe arrestimet për kete mega afere korruptive ne shendetesi, ishin goditja e dytë, per kryeministrin, pas hetimeve për inceneratorët në Elbasan, Fier e Tiranë.

Edi Rama doli dje, dhe me viziten e tij, ne njeren prej qendrave te sterilizimit te instrumentave kirurgjikale, zhvilloi show’n e radhes, duke u munduar per te disaten here tu hedhe hi syve shqiptareve, e nderkohe pak dite me pare theksoi, qe nese do te kthehej ne kohe ai do ti mbeshteste serisht keto partneritete publike private, duke harruar se pikerisht per keto, jane nen hetim disa zyrtare, e vete ish ministri eshte thirrur disa here nga SPAK.

Nese Edi Rama, kerkon te anashkaloje te verteten, ne po ia rikujtojme;

Kontrata fillestare, per koncensionin e sterilizimit, ishte parashikuar që për 10 vite të kushtonte 100 milionë euro, por ne fakt, pritet të rritet me afro 50 për qind.

Prokuroria ka vënë në dukje kosto të fryra artificialisht, dhe një studim fizibiliteti po ashtu të manipuluar.

E gjitha për të favorizuar kompaninë që sipas hetimeve dyshohet se ishte paracaktuar për shkak të lidhjeve mes sipërmarrësit shqiptar Rrapaj dhe drejtuesve të atërhershëm të ministrisë së Shëndetësisë.

Kryeministri, jo vetëm që nuk shfaq pendesë, reflektim, pranim të përgjegjësive politike dhe individuale, por në fakt është duke bërë krejtësisht të kundërtën.

Edi Rama dhe një herë po i del në mbrotje kokës së korrupsionit të konçesionit të sterilizimit,

Tashmë është bere e qartë, Rama do të mbrojë me çdo kusht tentakulën e rradhës, Ilir Beqajn, ashtu siç u përpoq të mbronte Tahirin, Kokën, Ahmetajn e të tjerë,

Partia Demokratike, shpreh besimin e plotë dhe inkurajon organet hetimore, përfshirë SPAK, të çojë deri në fund hetimin ndaj konçesionit të sterilizimit duke shkuar deri tek përgjegjësi kryesor i kësaj afere korruptive, ish ministri i Shëndetësisë Ilir Beqaj.

SPAK dhe sistemi i ri i Drejtësisë duhet të vijojë të veprojë me lartësinë e duhur të pritshmërive që kanë dhe meritojnë qytetarët shqiptarë, duke bërë Drejtësi ndaj kujtdo qe ka abuzuar me pushtetin.

Çdo para nga buxheti I shtetit, nga taksat e qytetarëve shqiptarë që është tjetërsuar nëpërmejt aferave korruptive të qeverisjes si në nivel qëndor dhe atë lokal do të duhet ti rikthehet qytetarëve.

Pandëshkueshmëria sduhet të kursejë askënd pavarësisht rolit apo pozicionit politik apo publik qe ka.

30 Gus

0

PD zbulon vendin ku do të mbahet Kuvendi Kombëtar

by PD in Lajmi fundit

Të shtunën, 2 shtator, ora 10:00 në Pallatin e Sportit “Asllan Rusi”, mblidhet Kuvendi Kombëtar i Partisë Demokratike.

Në një moment vendimtar për të ardhmen e vendit, ne zgjedhim reformimin dhe modernizimin e forcës sonë politike, për t’ju përgjigjur sfidave të kohës dhe pritshmërive të qytetarëve për një ndryshim të vërtetë, për një politikë të pastër, propozuese, që lufton korrupsionin, ofron alternativën e duhur ekonomike dhe fuqizon përfaqësimin e qytetarëve.

Guximi ynë për të ndryshuar, duke pranuar gabimet e të shkuarës dhe duke mësuar prej tyre, është provë e vullnetit tonë për të kthyer Partinë Demokratike në alternativën që shqiptarët meritojnë.

29 Gus

0

Tabaku i përgjigjet Ramës: 100 herë pas të kthehesha, 100 herë do ta bëja

by PD in Lajmi fundit

Deputetja e Partisë Demokratike, Jorida Tabaku, ka vijuar me akuzat ndaj qeverisë lidhur me aferat e inceneratorëve dhe sterilizimit.

Në një postim në Facebook, Tabaku shprehet se bëhet fjalë për individë që nuk kishin asnjë kapital dhe që erdhën me “duar në xhepa”, duke pasur lidhje me qeveritarë të ndryshëm.

Ajo thotë se tashmë është e faktuar që këta individë i kanë bërë vetë dokumentat e tenderit.

Sipas saj, koncesionet në shëndetësi, përfshi edhe sterilizimin, janë 30% e gjithë buxhetit të shëndetësisë.

Postimi i plotë:

Njëqind herë pas të kthehesha, njëqind herë do ta denoncoja. Sepse këtu bëhet fjalë për një filozofi dhe një metodë pune. Bëhet fjalë për individë që ishin pa asnjë kapital, pa asnjë aset që erdhën me duar në xhepa, që kishin lidhje me qeveritarë. Që janë faktuar që i kanë bërë vetë dokumentet e tenderit, që në mënyrë abuzive kanë ngjitur një shtet në këmbë dhe nuk po bëj ndarje se janë njësoj si sterilizimi dhe inceneratorët. Edhe që e kanë gërryer buxhetin e shtetit. Koncesionet në shëndetësi, përfshirë dhe sterilizimin janë 30% e buxhetit të shëndetësisë dhe ti të heqësh me një të prerë të sëpatës, 30% të buxhetit nuk është gjë e vogël. Edhe këtu duhet mbajtur si përgjegjësia ligjore dhe përgjegjësia politike

28 Gus

0

Takimi me të zgjedhurit e PD në këshillat bashkiak, Basha: 120 zëra nëse do të kumbojnë për interesat e qytetarëve, nuk janë pak

by PD in Lajmi fundit

Kryetari i Partisë Demokratike, Lulzim Basha, ka zhvilluar një takim më të zgjedhurit e PD në këshillat bashkiakë.

Në fjalën e tij, Basha është shprehur se mbi 120 zëra nëse do të kumbojnë për interesat e qytetarëve, nuk janë pak, por shumë.

Kreu i PD gjithashtu tha se qytetarët nuk duhet të bien në kurthin e numrave dhe shtoi se të gjithë janë fajtorë për mjedisin politik shqiptar.

Pjesë nga fjala e kryetarit të PD, Lulzim Basha:

Në zgjedhjet e 14 majit, si rezultat i atyre shkaqeve që i dinë gjithë qytetarët, PD ishte larg rezultatit dhe përfaqësimit tradicional në Këshillat Bashkiakë në 61 bashkitë e vendit. Por pavarësisht luftës nga të gjitha drejtimet të atyre që duan të ruajnë këtë gjendje, nuk ia dolën ta pengojnë përfaqësimin e PD në çdo këshill bashkiak. Është gabimi më i madh të biem në kurthin e numrave.

Diskutimi sot është mbyllur në një dhomë dhjetëra herë më të vogël se kjo, është mbyllur në numra, në pushtetin e pak njerëzve. Edhe numrat e mëdhenj jo gjithmonë i shërbejnë interesave të mëdha. Asgjë që nuk është e mirë për qytetarët tanë, nuk mund të jetë e mirë për PD-në. Ata që ulen për herë të parë si përfaqësues të votuesve, atëherë në këtë sallë gjendet jo vetëm opozitarizëm i vërtetë, por më shumë.

Mbi 120 zëra, nëse kumbojnë për interesat e qytetarëve që ju kanë votuar, nuk janë pak, por janë shumë. Bëhen edhe më shumë po të kemi parasysh se në këtë situatë ku ndodhet vendi, të paktë janë zërat mes 140 deputetëve që flasin për hallet e njerëzve. Ne të gjithë jemi dëshmitarë dhe fajtorë që sot në debatin politik shqiptar, politikanët e zgjedhur apo të emëruar, flasin për lloj lloj gjërash, por pak ose aspak për ato që kanë rëndësi për njerëzit.

Nëse gjithsecili e përjeton këtë përgjegjësi, atëherë jo vetëm parlamentet vendore që keni nderin ti përfaqësoni por anembanë vendit do t’ju shtojë një tjetër rritëm dhe përfaqësim qytetar. Aty tek pushteti lokal, ku hallet e vërteta të shqiptarëve braktisen dhe përkeqësohen ditë për ditë, aty ku për çdo kompromise qeveria vendore thotë se e ka pushteti vendor. Aty ku në kundërshtim me çdo gjë tjetër, ku përqendrimi i pushteti është theksuar nga ujësjellësi tek administrimit dhe një zot e di ku shtihet babëzia për kontroll të çdo hallke qeverisje. Investime dhjetëra mijëra euro për ujësjellës që nuk sjellin pikë ujë, mungesë totale për zhvillim ekonomik, zero vëmendje për të rinjtë, shifra rekord me çdo vend tjetër të rajonit. Shumë probleme janë të një natyre lokale dhe vlera juaj është të prekni këto probleme. Vetëm një njohje reale e problemeve do t’ju pajisë me pasionin për të mbrojtur interesat e vendit. Nuk bëhet fjalë për numra kur ngrini zërin për padrejtësinë, llogaridhënie, ju do të jeni zëri i tyre, është çështje morali dhe mos bërit kompromis dhe pazaresh, t’i jepni fund kësaj shurdhërie politike.

28 Gus

0

“U përball me dhunën e egër të diktaturës”, Basha shpreh ngushëllime për shkrimtarin Ahmet Bushati: Shkodra dhe mbarë vendi humbën një fisnik dhe intelektual të rrallë

by PD in Lajmi fundit

Kryetari i Partisë Demokratike, Lulzim Basha, ka shorehur ngushëllime për shkrimtarin dhe përkthyesin Ahmet Bushati, i cili u nda nga jeta ditën e djeshme.

Me anë të një statusi në Facebook, Basha shprehet se Ahmet Bushati ishte edhe një hero i qëndresës antikomuniste pasi u përball me dhunën e egër e gjakatare të diktaturës, me hetuesit dhe burgjet e saj, duke mos çeduar aspak ndaj frikës dhe torturave.

Kreu i PD më tej thotë se me largimin e tij nga kjo jetë, Shkodra dhe mbarë vendi humbën një fisnik dhe intelektual të rrallë, një simbol të vërtetë të vlerave demokratike.

Postimi i plotë:

Dje u nda nga kjo jetë Ahmet Bushati, një hero i qëndresës antikomuniste, shkrimtar, përkthyes e veprimtar politik.

Si një ndër të rinjtë e brezit të tij që sfidoi me kurajo që në ditët e para, regjimin e sapo instaluar komunist, Ahmet Bushati u përball me dhunën e egër e gjakatare të diktaturës, me hetuesit dhe burgjet e saj, duke mos çeduar aspak ndaj frikës dhe torturave. Si njeriu i idealeve zgjodhi qëndresën dhe sakrificën përballë të keqes. Libri i tij i çmueshëm “Në gjurmët e një ditari” është një afresk i rrëqethës i kalvarit të vuajtjeve të Shkodrës nën thundrën e diktaturës.

Ahmet Bushati u angazhua që në fillim me Partinë Demokratike, si i pari kryetar i Këshillit Bashkiak të qytetit dalë nga zgjedhjet e korrikut të vitit 1992. Me largimin e tij nga kjo jetë, Shkodra dhe mbarë vendi humbën një fisnik dhe intelektual të rrallë, një simbol të vërtetë të vlerave demokratike.

U prehtë në paqe!

28 Gus

0

PD njoftim AMA-s dhe AKEP: Po na keqpërdorin logon dhe emrin e partisë, ndërhyni ose do ndërmarrim hapa ligjor!

by PD in Lajmi fundit

Partia Demokratike i ka çuar njoftim Autoritetit të Mediave Audiovizive dhe Autoritetit të Komunikimeve Elektronike dhe Postare që të ndërhynë pasi po keqpërdoret emri, logoja dhe kryetari i partisë.

Në të thuhet se njoftimet zyrtare të Partisë Demokratike vijnë vetëm nga Zyra e Shtypit të PD dhe konkretisht nga z. Patrik Sadikaj dhe zëdhënësja Mirela Karabina.

PD paralajmëron se do të marrë të gjitha hapat ligjor për të mbrojtur dhe për të mos lejuar që asnjë operator audioviziv dhe elektronik të dëmtojë identitetin e saj politik.

28 Gus

0

Kthimi i eshtrave të Qazim Mulletit, Basha: Propaganda komuniste njollosi figurën e tij. Kërkoj ndjesë në emër të PD që nuk kemi nderuar figura të tilla

by PD in Lajmi fundit

Kryetari i Partisë Demokratike, Lulzim Basha së bashku me deputetet Flutur Açka dhe Merita Bakiu si dhe me kryetarn e degës nr. 8 në Tiranë, Pëllumb Seferi morën pjesë në homazhet për ish – prefektin e Tiranës, Qazim Mulleti, eshtrat e të cilit u sollën në atdhe.

Në komunikimin me gazetarët, Basha kërkoi ndjesë në emër të PD, që nuk kanë mundur të nderojnë figura të tilla politike.

Kryedemokrati vlerësoi Qazim Mulletin, ndërsa theksoi se propaganda komuniste njollosi figurën e tij.

Prononcimi i plotë:

Pavarësisht kësaj, propaganda komuniste njollosi figurën e tij, duke kujtuar me propagandën që denigron figurën e tij. Edhe pse zgjati më shumë se gjysmë shekulli kjo gënjeshtër është e shpërberë. Eshtrat e Qazim Mulletit do të prehen në vendlindjen e tij. Shpreh vlerësimin për organizatorët që bënë të mundur këtë, por edhe të shpreh ndjesën e thellë të PD që në këtë rast dhe në raste të tjera ne nuk mundën ti qëndrojmë fjalëve dhe pozicioneve tona politike për nderimin e atyre figurave politike që i dhanë kaq shumë kombit por u denigruan dhe mbetën në errësirën e krijuar me kast nga regjimi komunist.

Nuk është kurrë vonë të korrigjosh gabim. Prania ime dhe e dy zonjave anëtarë të është shenjë e qartë e kësaj pendese dhe këtij korrigjimi”, u shpreh Basha.

lg.php.gif Ai tha se angazhimi i PD është që historia të tregohet me objektivitet dhe jo me arkivat e propagandës komuniste.

“Ndaj dhënia fund e kësaj propagande, hedhja e dritës shkencore mbi figurat publike dhe kombëtare duke përfshire edhe Qazim Mulletin është një angazhim politik i PD duke filluar me tekstet shkollore dhe duke vazhduar me institucionet.

28 Gus

0

Jorida Tabaku i dërgon kërkesë për informacion OLAF: Na jepni një kopje të raportit në lidhje me abuzimet e Ministrisë së Bujqësisë me fondet e IPARD

by PD in Lajmi fundit

Deputetja e Partisë Demokratike, Jorida Tabaku në cilësinë e Kryetares së Komisionit të Çështjeve Evropiane, i është drejtuar me një kërkesë, Zyrës së Kundërmashtrimit për Evropan (OLAF), duke i kërkuar informacion në lidhje me shkeljet e fondeve IPARD nga Ministria e Bujqësisë.

Në letrën e Tabakut, shkruhet se brenda rregullave kërkon nga OLAF një kopje të raportit me shkeljet e gjetura.

Deputetja demokrate reagimin e saj thotë se korrupsioni nuk la pa përfshirë as këtë sektor, duke shtuar se Shqipëria ka pasur një rrugëtim ta vështirë në procesin e përthithjes së fondeve ta BE, në shumë raste institucionet shqiptare kanë qenë të paafta për të përgatitur e zbatuar projekte të qëndrueshme.

Postimi i plotë i deputetes Jorida Tabaku:

Në vapën e korrikut mes lajmeve që vinin nga SPAK për vërtetësinë e aferave të denoncuara në vite u njoftuam dhe me “akuzat” për korrupsion me fondet e bujqësisë dhe hetimin e OLAF (zyrës së hetimit të fondeve të BE).

Shqipëria ka pasur një rrugëtim ta vështirë në procesin e përthithjes së fondeve ta BE, në shumë raste institucionet shqiptare kanë qenë të paafta për të përgatitur e zbatuar projekte të qëndrueshme, një pjesë e madhe e fondeve ka shkuar për asistencë teknike, të tjera janë dhe keqpërdorur apo dhe projekte që janë tërhequr zvarra më vite kurrë nuk kish ndodhur që të kishte një hetim për fonde dhe pezullim te programit me akuza për korrupsion.

Në pak fjalë pazotësia jonë ishte shndërruar në një korrupsion duke e përkeqësuar situatën.

Strukturat e AZHBR janë akredituar në vite për të përfituar nga fondet e IPARD, me qindra punonjës të trajnuar e certifikuar nga 2018 kanë filluar të punojnë në mënyrë të decentralizuar, pra të pavarur nga institucionet e BE, në marrjen e vendimeve për projektet dhe në zbatimin e tyre.

Në dhjetor të vitit të kaluar pata një diskutim me përfaqësues të qeverisë në parlament pikërisht për këtë temë ku kërkova informacion për fondet e bujqësisë: çfarë po ndodh dhe si ka mundësi këto fonde janë të pamundura të përfitohen nga fermerë individualë por shkojnë ose te grumbullues të mëdhenj në rastin më të mirë, ose në përfitues abuzivë në rastin më të keq.

Letra e dërguar institucioneve shqiptare ku akuzat për korrupsion, ngritja e kompanive përfituese abuzive, rritja e kostove, lidhjet nepotike në projektet me fondet e IPARD ishte e paprecedentë dhe në vend të ofronte informacion e transparencë qeveria përsëri hodhi baltën e sulmin kundër kujtdo që fliste për këtë.

Unë jam mësuar këto vite ta duroj dhe sulmin e padrejtë vetëm pse kam denoncuar korrupsion, dhe baltën e qeverisë sa herë kam folur të vërteta dhe mos reflektimin në portale, dhe lukuninë e komentuesve në kanalet digjitale, sa here kam denoncuar korrupsionin e rrugëve a lojërat e fatit ose sa herë kam folur për inceneratorët në një betejë të gjatë prej 7 vitesh ku pak flisnin, por të dëgjoja në parlament që duhet të më vinte turp mua për korrupsionin e faktuar të qeverisë se kisha hasur ndonjëherë.

Njolla ndaj AZHBR nuk është veç njollë për qeverinë apo për këdo që ka qenë në postin drejtues të këtij institucioni. Ajo është një njollë ndaj Shqipërisë, përpjekjes së çdo shqiptari të ndershëm që punon në këto institucioneve. Ajo është një njollë që mbështet padrejtësinë ndaj bujqve dhe fermerëve të këtij vendi që rropaten përditë dhe nuk përfitojnë nga fondet e BE-së që vijnë për to. Mbi të gjitha është një njollë që e mbart si kusur mbi shpinë Shqipëria që sot ka marrë një paralajmërim me pezullim projektesh dhe fondesh duke iu hequr mundësia për disbursimit e fondit prej 148 mln euro dhe sigurisht dhe përfitimit të fondeve në të ardhmen.

Për këtë arsye nga mesi i muajit korrikut kur kjo aferë u bë publike kam nisur kërkesa për informacion në institucioneve shqiptare nga të cilat po pres përgjigje nga dita në ditë. Sikundër jam drejtuar dhe zyrës së OLAF dhe Komisionerit për Bujqësinë për të marrë më shumë i formacion në lidhje me këtë hetim. Jam në kontakt me komitetin për buxhetin në parlamentin Europian si dhe me nën-komisionin për kontrollin e financave po në PE.

Raporti me gjasë nuk do të jetë publik, do t’i vendoset në dispozicion shtetit shqiptar dhe SPAK i redaktuar duke ruajtur dhe privatësinë e të dhënave (se BE ndryshe nga ne ka ligje që sigurojnë privatësi, ndërkohë që institucionet tona i kanë varur në tel të gjitha të dhënat e shqiptarëve), por unë jam e vendosur që të bëj transparencë për këtë çështje me aq informacion sa do të marr. Një transparencë që ka për synim për të dëshmuar se si këneta e korrupsionit progresiv të kësaj mazhorance operon me çdolloj fondi.

Kjo nuk është një çështje e qeverisë shqiptare, kjo është një çështje e Shqipërisë! Fermerët shqiptarë nuk janë njerëzit më të pasur në Shqipëri, madje nuk janë as më pak të pasurit. Ata janë më të varfrit dhe më të lënët pasdore. Ndjehem ligsht sa herë që Shqipëria përmendet për keq e sa herë fonde abuzohen me papërgjegjshmërinë më të madhe e me arrogancën maksimale.

Më poshtë letra dërguar OLAF dhe Komisionerit të Bujqësisë!

27 Gus

0

Basha shpreh ngushëllime për ndarjen nga jeta të Baki Shehit: PD humbi një prej kontribuesve të saj të vyer

by PD in Lajmi fundit

Kryetari i Partisë Demokratike, Lulzim Basha ka shprehur ngushëllime për ndarjen nga jeta të ish Gjeneralit të Forcave të Armatosura dhe ish deputetit të PD, Baki Shehi.

Me anë të një statusi në Facebook, Basha shkruan se Baki Shehi gjithashtu ishte edhe një pasionant i historisë i cili hulumtoi me kërshëri të shkuarën e lashtë të Ndroqit, duke i dhënë jetë një libri që do të mbetet testament i lidhjes së tij të ngushtë me këtë komunitet, të cilit i shërbeu me devocion dhe dashuri.

Kryedemokrati më tej shkruan se Partia Demokratike humbi një prej kontribuesve të saj të vyer.

Postimi i plotë:

Mësova me hidhërim ndarjen nga jeta të Baki Shehit, deputet i Partisë Demokratike, gjeneral i Forcave të Armatosura dhe studiues i apasionuar i historisë. I dashuruar pas vendlindjes së tij, të cilës i përkushtoi me pasion dhe humanizëm aktivitetin e tij politik, përmes një pune të gjatë e të palodhur, Baki Shehi hulumtoi me kërshëri të shkuarën e lashtë të Ndroqit, duke i dhënë jetë një libri që do të mbetet testament i lidhjes së tij të ngushtë me këtë komunitet, të cilit i shërbeu me devocion dhe dashuri. Ndonëse i sfiduar dhimbshëm nga dallgët e jetës, gjeneral Baki Shehi ruajti përherë zemërgjerësinë dhe fisnikërinë me të cilën do të kujtohet nga miqtë dhe kolegët e tij. Me ndarjen e tij nga kjo jetë Partia Demokratike humbi një prej kontribuesve të saj të vyer.

Mendimet dhe lutjet e mija janë me familjen, të afërmit dhe miqtë e dashamirët e tij të shumtë.

U prehtë në paqe!

Blog