Demokratët Euroatlantikë - Partia Demokratike

26 Gus

0

Deputeti Dashnor Sula reagon për djegien e mbetjeve në Elbasan: Janë shpenzuar 30 milionë euro nga lekët e qytetarëve për ta ndërtuar gjasme inceneratorin

by PD in Lajmi fundit

Deputeti i PD, Dashnor Sula ka reaguar për djegien e mbetjeve në ambient të hapur në Elbasan dhe për ndotjen që është shkaktuar në këtë qytet.

Sula shorehet se ajo që ka ndodhur është kriminale, pasi janë shpenzuar 30 milionë euro nga lekët e qytetarëve për ta ndërtuar gjasme inceneratorin.

Ai gjithashtu thotë se Prokuroria duhet të çojë para përgjegjësisë autorët e këtij krimi mjedisor dhe financiar.

Postimi i plotë i deputetit Dashnor Sula:

Kriminale ajo që po ndodh në malin me plehra të Elbasanit.

-Mbi 30 milionë euro të shpenzuara nga lekët e qytetarëve për ta ndërtuar gjasme inceneratorin.

-Miliona euro të tjera të marra nga bashkitë e Elbasanit për të inceneruar plehrat por në fakt thjesht grumbulloheshin për të bërë malin me plehra që po ndot gjithë qarkun dhe Shqipërinë.

-Kur e denoncova herën e fundit në Parlament këtë skandal, Ministri i Brendshëm aktuali më sfidoi të shkonim bashkë për të parë inceneratorin që punonte. Koha eshtë ilaçi më i mirë i përgënjeshtrimeve.

-Sot Prokuroria duhet të çojë para përgjegjësisë autorët e këtij krimi mjedisor dhe financiar.

26 Gus

0

Djegia në ambient e mbetjeve në Elbasan, deputeti Lefter Gështenja ironizon: Më në fund inceneratori u ndez!

by PD in Lajmi fundit

Për djegien e mbetjeve në fushë të hapur në Elbasan ka reaguar edhe deputeti i PD, Lefter Gështenja.

Në një postim në Facebook, Gështenja shkruan me ironi se “inceneratori më në fund u ndez”. Ai më tej thotë se Inceneratori i Elbasanit nuk është gjë tjetër por vetëm një pirg i madh plehrash që u vihet flaka, ndërsa dhjetëra miliona euro u zhvatën dhe banorët e këtij qyteti tani kanë një tjetër ndotës përveç metalurgjikut.

Postimi i plotë:

Më në fund inceneratori u ndez!!!

Inceneratori i Elbasanit nuk është gjë tjetër por vetëm një pirg i madh plehrash që u vihet flaka.

Dhjetëra miliona euro u zhvatën ndërsa banorët e këtij qyteti tani kanë një tjetër ndotës përveç metalurgjikut.

Foto nga dita e sotme në Elbasan!

26 Gus

0

Djegia e mbetjeve në fushën e grumbullimit pranë Inceneratorit të Elbasanit, reagon deputetja Zheni Gjergji: Kriminale, përgjegjësit të vihen përpara drejtësisë. Paguam miliona euro për inceneratorët që nuk punojnë

by PD in Lajmi fundit

Deputetja e Partisë Demokratike, Zheni Gjerigji në një postim në facebook shkruan se në fushën e mbetjeve në qytetin e Elbasanit po digjen mbeturinat.

Gjergji shprehet se qeveria shpenzoi miliona euro për ndërtimin e Inceneratorit, një vepër monument i korrupsionit të qeverisë së Edi Ramës, që është më shumë jashtë funksionit, ndërsa sot kanë kaluar çdo limit, duke kryer një akt kriminal duke djegur mbetjet në fushë të hapur dhe duke i shkaktuar qytetit një bombë mjedisore, në dëm të jetës dhe shëndetit të qytetarëve.

Deputetja demokrate u bën thirrje autoriteteve të marrin masat menjëherë për të izoluar pasojat, si dhe për të vënë përpara përgjegjësisë të gjithë personat përgjegjës.

Reagimi i plotë i deputetes, Zheni Gjergji:

E paimagjinueshme ajo që po ndodh në fushën e mbetjeve pranë Inceneratorit të Elbasanit. Shpenzuan miliona euro për ndërtimin e Inceneratorit, një vepër monument i korrupsionit të qeverisë së Edi Ramës, që është më shumë jashtë funksionit, sesa në shërbim të qytetarëve. Sot kanë kaluar çdo limit, duke kryer një akt kriminal, të djegies me paramendim të mbetjeve në fushë të hapur, duke i shkaktuar qytetit një bombë mjedisore, në dëm të jetës dhe shëndetit të qytetarëve.

Si deputete dhe qytetare e Elbasanit i bëj thirrje autoriteteve të marrin masat menjëherë për të izoluar pasojat, si dhe për të vënë përpara përgjegjësisë të gjithë personat përgjegjës. Mali me mbetje që mbahen në pritje të vënies në punë të Inceneratorit, janë një rrezik permanent për shëndetin e qytetarëve. Sot ky rrezik u bë fakt, duke i shkaktuar një tjetër ndotje me pasoja të rënda për qytetin. Kjo kërkon përgjegjës dhe përgjegjësit duhet të vihen para drejtësisë!

26 Gus

0

Denoncimi i Xhemal Gjunkshit: Qyteti i Dibrës po e vuan tmerrësisht mungesën e ujit të pijshëm

by PD in Lajmi fundit

Anëtari i Kryesisë së Partisë Demokratike, Xhemal Gjunkshi ka denoncuar ditën e sotme mungesën e ujit të pijshëm në qytetin e Dibrës.

Në një postim në Facebook, Gjunkshi shkruan se janë afro dhjetra milion Euro të investuara në total në projektin e Ujësjellësit të Peshkopisë, që kur qeveria Rama mori pushtetin dhe në disa faza investimet kanë dështuar dhe askush nuk ka mbajtur përgjegjësi.

Ai gjithashtu i ka bërë thirrje ministres Belinda Balluku dhe institucioneve përgjegjëse që të zgjidhin krizën e ujit, pasi sipas tij furnizimi me ujë është standardi më minimal dhe nuk mund të konsiderohet kurrsesi si devotshmëri e qeverisjes ndaj komunitetit.

Postimi i plotë:

Dibranët po e vuajnë tmerrësisht mungesën e ujit të pijshëm.

Qeverisja lokale dhe qendrore e Ramës po ia vështirëson çdo ditë e më shumë jetën qytetarëve me grabitjet e rënda me investimet publike.

Me anë të këtij statusi dua të denoncoj ashpër mungesën skandaloze të ujit në Dibër prej më shumë se 23 orë në ditë.

Janë afro dhjetra milion Euro të investuara në total në projektin e Ujësjellësit të Peshkopisë, që kur qeveria Rama mori pushtetin prej një dekade. Disa faza investimesh kanë dështuar ndër vite dhe askush nuk ka mbajtur përgjegjësi ndërkohë që dhe besimi para investitorëve të huaj është cenuar rëndë.

Nuk është dhënë llogari as edhe për vjedhjen pa nam e nishan të një pjese të mirë të fondeve publike që janë dhënë për Ujësjellësin dhe që kanë kaluar për llogari të xhepave të pushtetarëve.

Investimi më i fundit i përket muajit Tetor të vitit të kaluar kur Rama në spektaklin e radhës, inspektoi punimet në ujësjellës ne Gramë, që kanë kushtuar rreth 7 milion Euro. Prej asaj periudhe Dibranët po vuajnë prej muajsh thatësirën ku në rubinetet e shtëpive uji nuk rrjedh me orë të tëra.

Dibranët u manipuluan rëndë në zgjedhjet e 15 Majit dhe këtë e dëshmuan shkeljet e shumta ku ndër të tjera ishte dhe premtimi për furnizimin me ujë të pijshëm 24 orë.

Tashmë që mandati i radhës për bashki u sigurua, deputetët dhe ministrat nuk duan t’ia dinë për Dibrën. Janë banorët që në këtë vapë të nxehtë po përballen me mungesën e theksuar të ujit dhe askush nuk ndërhyn për të zgjidhur këtë skandal që kushtëzon normalitetin e përditshmërisë të çdo familje Dibrane. Të mohosh ujin njerëzve, është shkelje e rëndë si në pikëpamjen e moralit shoqëror, fetar, por dhe si një e drejtë bazë kushtetuese.

Si njeri publik që i përkas këtij komuniteti dhe e kam përfaqësuar atë në parlament dhe instanca të tjera politike, apeloj për t’i dhënë fund sa më parë kësaj arrogance të heshtur dhe shpërfillëse. I bëj thirrje zonjës ministre Balluku, zyrtarëve ekzekutivë, atyre lokalë të ndërpresin menjëherë pushimet dhe t’i përvishen punës për të zgjidhur krizën e ujit.

Furnizimi me ujë është standardi më minimal dhe nuk mund të konsiderohet kurrsesi si devotshmëri e qeverisjes qendrore apo lokale ndaj komunitetit.

Mos u kujtoni për Dibrën vetëm kur ka zgjedhje, sepse dibranët nuk mashtrohen dhe aq më pak të përkulen.

25 Gus

0

Zgjedhjet në bashkinë e Kukësit, Bejko: Bashkëpunimi Berisha-Rama nuk është vetëm tek lejet e ndërtimit, por dhe në garantimin pushtetit. Refuzimi për të dalë me një kandidat në dëm të demokratëve

by PD in Lajmi fundit

Sekretari i Pushtetit Vendor në Partinë Demokratike, Roland Bejko ka reaguar për zgjedhjet e pjesshme vendore në bashkinë Kukës. Në një postim në Facebook, Bejko shprehet se demokratët dhe qytetarët e Kukësit, prej disa ditësh po u bënin thirrje gjithë partive opozitare që të dilnin me një kandidat të përbashkët, por kjo sipas tij u refuzua nga Sali Berisha.

Bejko shkruan se Berisha kështu ia jep në dorë fitoren kandidatit të Ramës dhe kjo është në kuadër të bashkëpunimit që kanë me njëri-tjetrin. Sipas Bejkos, bashkëpunimi Berisha-Rama nuk shtrihet vetëm tek lejet e ndërtimit që ky i fundit u jep familjarëve dhe ortakëve të familjes së tij, por edhe në garantimin e një pushteti të përjetshëm duke e mbajtur opozitën të ndarë.

Bejko më tej shkruan se “e vetmja zgjidhje nga kjo situatë për demokratët dhe opozitën shqiptare, është ndarja përfundimtare nga Sali Kulla, dhe bashkimi një orë e më parë nën siglën e Partisë Demokratike”.

Reagim i Sekretarit të Pushtetit Vendor të Partisë Demokratike:

Demokratët dhe qytetarët e Kukësit, prej disa ditësh po u bënin thirrje gjithë partive opozitare që nëqoftë se donin vërtet t’a fitonin bashkinë e Kukësit në zgjedhjet e pjesshme lokale, ata duhet të bashkoheshin rreth një kandidati të vetëm, duke ofruar si zgjidhje z. Arif Rexhmati, kryetarin në detyrë të Partisë Demokratike, si figurën më potenciale që mund ta çonte opozitën në një fitore të sigurt. Por, ata u refuzuan sot në këtë ide e në këtë dëshirë, nga Sali Kulla.

Non Grata, e ka ndarë mendjen. Ai, si zakonosht, në një monolog me gazetarët, përsëriti refrenin e vjetër se më mirë bashkëpunon me Ramën se me këdo që mbështet, sipas tij, “Lul-Bravën”.

Dhe në këtë që thotë, ne e besojmë. Sali Berisha është i sinqertë. Bashkëpunimi i tij me Ramën nuk shtrihet vetëm tek lejet e ndërtimit që ky i fundit u jep familjarëve dhe ortakëve të familjes së tij, apo dhe oligarkëve që i kanë si bankomatë të përbashkët, por edhe në garantimin e një pushteti të përjetshëm duke e mbajtur opozitën në një gjendje armiqësore e të ndarë midis tyre.

Në deklaratën e sotme Sali Berisha, bëri të paditurin se z. Rexhmataj, një demokrat me vlera të larta qytetare, është drejtuesi lokal i Partisë Demokratike. Me këtë rast, ai u shoi çdo shpresë bashkëpunimi në nivel vendor faktorëve opozitarë të Kukësit, duke u hequr kështu mëndësinë atyre të ishin fitues në garën për kryetarin e bashkisë .

Kështu, midis Arif Rexhmatajt e demokratëve të Kuksit, Sali Kulla zgjodhi bashkëpunimin me Edi Ramën duke i garantuar kandidatit të tij sërish, fitoren në tavolinë.

Sot është rasti që demokratët ta kuptojnë se hallet e Sali Kollës janë krejt të ndryshme nga hallet e tyre. Shqetësimet e Sali Nongratës, janë krejt të kundërta nga shqetësimet e atyre që vuajnë në kurriz padrejtësitë dhe abuzimet nga pushteti i Edi Ramës, ortaku i Sali Kullës.

E, nëse demokratët varfërohen përditë e më shumë, përditë e më shumë pasurohet Sali Kulla e familja e tij.

Ndaj e vetmja zgjidhje në këtë situatë të vështirë për demokratët dhe Partinë Demokratike dhe opozitën shqiptare, është ndarja përfundimtare nga Sali Kulla, dhe bashkimi një orë e më parë nën siglën e Partisë Demokratike, si e vetmja mundësi reale për t’u rikthyer në alternativë pushteti duke u çliruar nga barra e një udhëheqësi të refuzuar nga Perëndimi që e ka cilësuar si minues të demokracësë, pengues të drejtësisë së pavarur dhe të korruptuar familjarisht.

Demokratët nuk meritojnë të jenë pengje të Sali Kullës, ata janë aq inteligjentë sa ta gjejnë vet rrugën e tyre të së ardhmes.

Roland Bejko

Sekretari i Pushtetit Vendor pranë PDSH

24 Gus

0

Mirela Karabina: Përveç inceneratorëve dhe sterilizimit, një tjetër aferë po lind nga duart e Beqajt dhe Ramës

by PD in Lajmi fundit

Zëdhënësja e Partisë Demokratike, Mirela Karabina thotë se për 8 vite, kryeministri Edi Rama dhe qeveria e tij kanë mbrojtur me pathos politikën e incenerimit të mbetjeve dhe projektet e qeverisë.

Karabina është ndalur në dy çështjet më të nxehta, atë të inceneratorëve, por edhe koncesionin e sterilizimit, ku u shpreh se kryeministri duhet të mbajë përgjegjësi për të gjithë strukturën shtetërore të vjedhjes dhe korrupsionit.

Ajo gjithashtu tha se një skemë e re vjedhje po lind nga dora e personit të dyshuar për korrupsionin me sterilizimin dhe check up, Ilir Beqja. Sipas Karabinës, Beqaj përpara se të futet në kategorinë e atyre që mbajnë “përgjegjësi personale”, po i jep Edi Ramës mundësinë e ndërtimit të projekteve të reja, të cilat sipas standardit të kësaj qeverie do të jenë vjedhje të reja mbi rrënojat e vjedhjeve të vjetra.

DEKLARATË E PARTISË DEMOKRATIKE TË SHQIPËRISË, ZËDHËNËSJA MIRELA KARABINA

Për 8 vjet rrjesht, Kryeministri Rama dhe qeveria e drejtuar prej tij kane mbrojtur me pathos politikën e incenerimit të mbetjeve dhe projektet e “mëdha” të kësaj qeverie në këtë sektor.

Këto projekte, që u provuan nëpërmjet hetimeve të SPAK se, janë skema korrupsioni të ideuara, drejtuara dhe administruara nga nivelet më të larta të hierkisë qeveritare, i kanë kushtuar shtetasve shqiptarë 450 milion euro.

Me dështimin e skemës së korrupsionit të inceneratorëve, qeverisë së “përgjegjësive personale”, i ka lindur nevoja për një skemë të re të zhvatjes së parave të taksapaguesve shqiptarë.

Sipas të dhënave të disponuara nga Partia Demokratike, e të bëra publike edhe nga BIRN rezulton se Ilir Beqja, një tjetër zyrtar i lartë i qeverisjes që pritet se shpejti të mbajë përgjegjësi personale, në drejtimin e Agjencisë Shteterore të Programimit Strategjik dhe Koordinimit te Ndihmës (SASPAC) e cila është në varësi të drejtpërdrejtë të Kryeministrit Rama, i ka propozuar Qeverisë dy projekte për Qarqet Elbasan dhe Fier.

Këto dy projekte të cilësuara si “Unike me rëndësi kombëtare” parashikojnë të vjelin nga buxheti i shtetit shumën prej 113 milion eurosh, shumë e cila ndahet në 50 milion euro për qarkun Elbasan dhe 63 milion euro për Qarkun Fier.

Për të dy këto qarqe nga Qeveria e “përgjegjësisë personale”vetëm për projektet e inceneratorëve janë shpenzuar rreth 60 milionë euro.

Nga vjedhja tashmë e provuar e këtyre shumave kanë përfunduar në dyert e drejtëisë zëvendëskryeministra, ministra, deputet e funksionarë të tjerë të administratës shtetërore.

Një skemë e re vjedhje po lind nga dora e personit të dyshuar për korrupsionin me sterilizimin dhe check up, Ilir Beqja përpara se të futet në kategorinë e atyre që mbajnë përgjegjësi personale, po i jep Edi Ramës mundësinë e ndërtimit të projekteve të reja, të cilat sipas standartit të kësaj qeverie do të jenë vjedhje të reja mbi rrënojat e vjedhjeve të vjetra.

Edi Rama sot duhet të mbajë përgjegjësi për të gjithë strukturën shtetërore të vjedhjes dhe korrupsionit të ngritur mbi inceneratorët, duhet të mbajë përgjegjësi për promovimin e politikave të dështuara që nuk kishin për qëllim përmirësimin e jetës së qytetarëve por veshjen dhe justifikimin politik të një skeme të pastër shpërdorimi të fondeve të shtetit shqiptar.

Sot është më i domosdoshëm se kurrë miratimin i ligjit për vettingun e politikanëve, si dhe miratimi i një pakete ligjore kundër krimit dhe korrupsionit qeveritar, duke i hequr çdo pengesë dhe dhënë mbështetje të pakushtëzuar SPAK dhe organeve të drejtësisë për dënimin e korrupsionit edhe për sekuestrimin e pasurive që vijnë prej tij.

24 Gus

0

Dashnor Sula: Qeveria do të mbulojë skandalin e sterilizimit dhe vjedhjen e të dhënave me naftë imagjinare

by PD in Lajmi fundit

Deputeti i PD, Dashnor Sula shprehet se qeveria shqiptare do të mbulojë skandalin e sterilizimit dhe vjedhjen e të dhënave me lajmin e naftës në shpirag.

Me anë të një postimi në Facebook, Sula shprehet se vetëm në vendin tonë të vogël ndodh që nga xhepat e shqiptarëve merren miliona euro për të siguruar informacionet e tyre, por të besuarit e pushtetarëve të caktuar i vjedhin nga brenda.

Postimi i plotë:

Të mbulosh skandalin e sterilizimit dhe vjedhjen e të dhënave me naftë imagjinare.

Se ka dëgjuar historia jo vetëm e Shqipërisë por edhe vendeve më periferike si ne që organit te akuzës të mos i vendoset në dispozicion një kontratë kur ajo është në hetim. Ka ndodh në Shqipëri, SPAK nuk ka siguruar kontratën origjinale të koncesionit të sterilizimit. Ky lloj skandali vetëm në vendin tonë ndodh.

Po në Shqipërinë tonë të vogël ndodh që nga xhepat e shqiptarëve merren miliona euro për të siguruar informacionet e tyre, por të besuarit e pushtetarëve të caktuar i vjedhin nga brenda. Kjo alarmoi edhe miqtë nga Shtetet e Bashkuara të Amerikës. Dyshimet janë për një grup të strukturuar brenda policisë që kanë vjedhur të dhënat sensitive.

Përball këtyre skandaleve që e bërën edhe më të nxehtë gushtin, çfarë mund ta shtensiononte pak situatën, çfarë mund ta ulte pak presionin ndaj kësaj qeverinë.

Gatuesit e propagandës së qeverisë e kanë një as nën mëng cdo vit; Nafta në Shpirag. Ka dy ditë që kryeministri i krijon iluzione qytetarëve se nesër do të “hanë me lugë ari” fal parave që do fitohen nga nafta që do nxjerrë SHELL në Shpirag.

-Për ta kuptuar nëse ka dicka të vërtet dhe nëse situata është aq optimiste sa thotë çdo verë kryeministri mjafton të futemi te faqja xyrtare e SHELL. Njoftimi i fundit lër kërkimet në Shqipëri janë që në vitin 2019.

Nëse do ishin të vërteta ato që thot kryeministri atëherë vet kompanisë do i interesonte më shumë që të dilte ne një komunikatë zyrtare. SHELL është kompani që del në bursë dhe çdo lajm i vërtet i tillë do i rriste aksionet e sajë në shumë sesa pretendon vet kryeministri.

Por edhe sikur pas disa viteve të nxirret naftë aty, ne sërish do të kemi çmimin më të lartë të naftës sepse pjesën më të madhe të çmimit e zënë taksat që kjo qeveri na merr ndonëse nëntokën e kemi të pasur me arin e zi.

Kështu që njësoj si vitin e kaluar, njësoj si edhe dy vite më parë, lajmet me naftë të qeverisë janë për të mbush propagandën e verës së qeverisë ndërsa ne, nëse nuk reagojmë do jemi akoma ndër vendet e para në botë me naftën më të shtrenjtë.

24 Gus

0

Nafta në Shpirag, Tabaku: Të shpresojmë që renta të mos ketë fatin e kromit që nuk sjell asgjë as në buxhetin e shtetit as atë lokal

by PD in Lajmi fundit

Deputetja e Partisë Demokratike, Jorida Tabaku thotë se lajmi për naftë në Shpirag është shpresëdhënës.

Në një postim në Facebook, Tabaku shkruan se kjo mundësi prej dekadash mban shpresat e Shqipërisë varur.

Tabaku thotë se Shqipëria është shumë e bekuar nga pasuri të shumëllojshme por fatkeqësisht nuk ka përfitime ekonomike, teksa shton se tani është koha për veprim dhe jo për premtime boshe.

Postimi i plotë:

Lajmi aq shumë shpresëdhënës për ekonominë tonë është mundësia e një rezerve nafte në zonën e Shpiragut. Një oportunitet që prej dekadash a më shumë mban shpresat e Shqipërisë varur, sidomos duke pasur parasysh mundësitë dhe përfitimet ekonomike për vendin.

Lajm të cilin vit pas viti e kemi festuar e gëzuar po aq sa dhe hapja e negociatave, po përtej ironisë e gëzimit besoj do jetë një mundësi e mirë dhe për të parë se si mund të kemi një model ndryshe të manaxhimit të burimeve natyrore e pasurive kombëtare.

Duke pasur parasysh se si është keqmanaxhuar, vjedhur dhe zaptuar pasuria e një prej burimeve më të mëdha të Europës Kontinentale në Patoz Marinzë, secili ka të drejtë të pyesë se si do menaxhohet zbulimi i pritshëm?

Shqipëria e bekuar nga Zoti me pasuri të shumëllojshme nuk ka pasur asnjë përfitim në kuptimin material dhe mbi të gjitha ekonomik. Premtime ka pasur pa fund!

Zotime politike padyshim pafund! Por realiteti gjithnjë ka çeduar e asnjë përfitim nga porte e aeroporte të përqendruara në pak duar, as nga karburanti e minerale.

Prandaj shpresojmë që renta të mos ketë fatin e kromit që është përjashtuar e shfrytëzimi i asaj pasurie kombëtare nuk sjell asgjë as në buxhetin e shtetit as atë lokal.

Nuk ka nevojë për ligjërime me patos e pasion për Shqipërinë, po kushdo që ka privilegjin e vendimmarrjes ta tregojë me shembuj dashurinë për vendin.

23 Gus

0

Zgjedhjet për Bashkinë e Kukësit, Pampuri: Thirrja e demokratëve kuksianë është për fitore, dhe fitorja arrihet vetëm të bashkuar

by PD in Lajmi fundit

Deputetja e PD, Oriola Pampuri ka reaguar pas propozimit të Arif Rexhmatit si kandidat i të dhathtës për Bashkinë e Kukësit, në zgjedhjet e pjesëshme që so të mbahen më 24 shtator.

Në një postim në facebook, Pampuri shprehet se pa votat e demokratëve ndër vite askush s’do kishte pushtetin dhe karrigen që ka patur.

Më tej ajo thotë se thirrja e demokratëve të Kukësit është për fitore, dhe fitorja arrihet vetëm të bashkuar.

Reagimi i plotë:

Një e vërtetë e madhe dhe një mesazh i qartë i Z. Arif Rexhmati.

Koha vërtetoi dështimin e cdo tentative përçarëse, për të ç’bërë Partinë më të madhe opozitare ndër vite të mbështetur nga aleatët tanë strategjikë SHBA, BE dhe UK.

Ka një Parti Demokratike që qëndroi në këmbë nga votat e shqiptarëve ndër vite, duke besuar në seriozitetin dhe angazhimin real të gjithkujt të përfshirë në të, me detyra të rëndësishme ndër vite. Askush nuk mund ta besonte që interesat personalë do të çonin në linçime, përçarje, për këdo që mendon ndryshe, dhe tek e fundit të gjithë ata që mbajtën një qëndrim në krah të Partisë Demokratike zyrtare, prej fillimit të kësaj beteje mes vedit, bënë gjënë më njerëzore i qëndruan parimeve dhe bindjeve në partinë që prej 30 vitesh votojnë brez pas brezi.

Pa votat e demokratëve ndër vite askush s’do kishte pushtetin dhe karrigen që ka patur. Ndaj është detyrim për çdo demokrat që të respektojë partinë që gjyshërit, prindërit tanë, ne votuam, si simbol i luftës kundër komunizmit, për ekonominë e tregut tregut, fjalën dhe votën e lirë, si simbol i parimeve të djathta, dhe askush për asnjë arsye nuk mund të na detyrojë të votojmë nën strehën e një partie që nuk ka lidhje me këto parime. Thirrja e demokratëve të Kukësit është për fitore, dhe fitorja arrihet vetëm të bashkuar. Mos lejojmë më askënd të luajë me demokratët e ndershëm.

Le t’i lëmë retorikat boshe, ku nën strehën e bashkimit u tentua që demokratët t’i drejtoheshin një sigle tjetër pa lidhje me të djathtën, frytet e të cilave u panë më 14 Maj. Nuk jemi në garë për vend të dytë apo tretë, por në betejë me të keqen. Dhe mbi të keqen fitojmë të bashkuar me një kandidat, nën Partinë Demokratike.

23 Gus

0

Zgjedhjet për Bashkinë e Kukësit, anëtarësia e degës së PD propozon për kandidat Arif Rexhmatin

by PD in Lajmi fundit

Kryetari i degës së Partisë Demokratike, Arif Rexhmati është emri i propozuar nga anëtarësia e degës për kandidat të Bashkisë së Kukësit, në zgjedhjet që pritet të mbahen në shtator.

Në një deklaratë për mediat, Rexhmati ka falënderuar antarësinë e PD-së së Kukësit për mbështetjen.

Ai apelon për evidentimin e një kandidati të vetëm, që është rezident në Kukës dhe që përfaqëson interesat e qytetarëve.

Deklarata e kryetarit të degës së PD në Kukës, Arif Rexhmati:

Te nderuar demokratë,

Fillimisht dua te shpreh konsideraten me te larte per anetaresine e PD Kukes. Ndihem thellesisht i perulur nga vleresimi dhe besimi juaj duke me propozuar per kandidat per zgjedhjet e jashtezakonshme per Bashkine Kukes.

Mirenjohja ime eshte per gjithesecilin prej demokrateve qe me sakrifica te patregueshme kane qendruar dhe qendrojne perballe imoralitetit dhe antivlerave qe i jane imponuar padrejtesisht Kukesit dhe kuksianeve. Shpreh vleresimin me te thelle dhe falenderimet per kedo qe eshte investuar sinqerisht per nje proces gjithperfshires dhe perbashkues per nje kandidat konsensual duke perfshire deputetet e Qarkut Kukes, z. Flamur Hoxha dhe z. Isuf Çela.

Ne situaten qe po kalon PD, kam shprehur gatishmerine per te qene pjese e nje zgiidhje perbashkuese, qe do te conte ne perfaqesimin me nje kandidat te vetem rezident ne Kukes sipas kerkeses se demokrateve te Kukesit. Ndonese mbeshtes parimin e konkurences, gjykoj ashtu si shume prej demokrateve, se futja ne nje proces primaresh kur ka mbetur vetem nje muaj nga zgjedhjet dhe kur situata e brendshme e demokrateve vazhdon te vuaje pasojat e konfliktualitetit dhe te fajesimit, me gjithe qellimin e mire ne vetvete, nuk i sherben konsolidimit te strukturave dhe gatishmerise se tyre per fushaten. Hatermbetjet e pas votimit krijojne perçarje dhe jo bashkim te anetaresise, ndersa besueshmeria e procesit jo vetem qe nuk jep garanci per bashkim por mund te jete burim konflikti gjate dhe pas procesit, me deme te pariparueshme per rezultatin ne zgjedhje.

Duke vene interesat e demokrateve dhe te mbare familjeve kuksiane te parat, perseris apelin tim dhe te shume demokrateve ne Kukes per te evidentuar nje kandidat rezident ne Kukes, gjithperfshires, konsensual, perbashkues me qellimin e vetem te fitores mbi kandidatin e rilindjes dhe te oligarkeve te Rames.

Me konsiderate,

Arif Rexhmati

Blog