Demokratët Euroatlantikë - Partia Demokratike

17 Gus

0

Arrestimet për sterilizimin, Sula: Vizioni kësaj qeverie ka qenë zhvatja e taksave të qytetarëve

by PD in Lajmi fundit

Deputeti i Partisë Demokratike, Dashnor Sula, ka reaguar në lidhje me arrestimet e SPAK për koncesionin e sterilizimit.

Sula shprehet se vizioni kësaj qeverie ka qenë zhvatja e taksave të qytetarëve për punë që nuk bëhen asnjëherë.

Postimi i plotë:

Vizioni i kësaj qeverie, që në startin e saj ka qenë zhvatja e taksave të qytetarëve për punë që nuk bëhen asnjëherë. Por babëzia ka qenë aq e madhe saqë nuk kanë kursyer as shëndetësinë sektorët më jetikë.

Arroganca e madhe ia ka pas mbyllur sytë dhe kanë harruar se një ditë do të kishte drejtësi dhe do vendoseshin para përgjegjësisë.

Puna e SPAK duke goditur dosje të ashtë quajtuara ‘me imunitet’ meriton përgëzime dhe si ish-prokuror i inkurajojë që të veprojnë me barazi për të gjithë pavarësisht sa lartë, sa pushtet ka personi i cili nuk ka zbatuar ligjin.

– Rasti i Koncesionit të Sterilizimit, ashtu si edhe inceneratorët pasqyrojnë frymën e të vepruarit të kësaj qeverie dhe japin indicje për filtrimin e çdo koncesioni të dhënë. I bindur se me të njëjtin ritëm që po vazhdohet, kjo mazhorancë do jetë me dy qeveri dhe dy grupe parlamentare, një në parlament dhe një prapa hekurave.

17 Gus

0

Arrestimet për sterilizimin, Tabaku: Pronari i koncesionit është i lidhur me qeveritarë

by PD in Lajmi fundit

Në lidhje me arrestimet e sotme për koncesionin e sterilizimit, ka reaguar edhe deputetja e Partisë Demokratike, Jorida Tabaku.

Me anë të një statusi në Facebook, Tabaku ka përshëndetur veprimin e SPAK, ndërsa thekson se persona të lidhur me pushtetin dhe pa asnjë eksperiencë fitojnë tendera me vlerë miliona euro.

Sipas deputetes demokrate, SPAK duhet të vazhdojë ndëshkimin dhe nxjerrjen para përgjegjësisë të korrupsionit të niveleve të larta të çdo epoke.

Postimi i plotë:

Historia e koncesioneve shqiptare që individë me duar në xhepa, pa asnjë kapital, pa asnjë eksperiencë në këtë fushë me plusin e vetëm se kanë lidhje me qeveritarë dhe kështu arrijnë të fitojnë koncesione multimilionë euro është e vërteta e korrupsionit!

Inceneratorët, kontratat e koncesioneve të rrugëve të florinjta apo dhe koncesionet e shëndetësisë ku më e “shkëlqyera” ndër to është sterilizimi. Si shembull më i mirë që nga llaçi dhe tullat shkon tek shëndetësia sepse pronari i koncesionit është i lidhur me qeveritarë. Kështu u fituan 100 milion euro nga buxheti shtetit dhe kështu vidhen sistematikisht taksat në rritje të shqiptarëve!

Arrestimet e sotme nga SPAK që lidhen me koncesionin e Sterilizimit janë realisht një tjetër goditje që e përshëndes dhe mbështes pasi krimi dhe korrupsioni duhen ndëshkuar. SPAK duhet të vazhdojë ndëshkimin dhe nxjerrjen para përgjegjësisë të korrupsionit të niveleve të larta të çdo epoke.

Detyra tjetër bie mbi politikën që duhet të qeverisë me shembullin e mirë. Kjo mazhorancë nuk ka më shembull të mirë.

Sot shqiptarët po e kuptojnë që duhet të kenë frikë nga ligji; se sado pushtet të kesh; sado arrogant të jesh në sjellje; sado të akumulosh pasuri ligji është i barabartë per te gjithë!

17 Gus

0

Arrestimet për koncensionet në shëndetësi, reagon kryetari i PD, Lulzim Basha

by PD in Lajmi fundit

Kryetari i Partisë Demokratike, Lulzim Basha, ka reaguar pas lëshimit të 8 urdhër arresteve të SPAK për koncesionin e sterilizimit.

Në një postim në Facebook, Basha shprehet se koncesionet në shëndetësi janë vepra korruptive të qeverisë Rama dhe se janë denoncuar publikisht dhe janë kallëzuar penalisht në SPAK.

Postimi i plotë:

Koncesionet në shëndetësi janë vepra korruptive të qeverisë Rama, të cilat janë denoncuar publikisht dhe janë kallëzuar penalisht në SPAK nga Partia Demokratike. Për vite me radhë paratë e shqiptarëve nuk janë vendosur në shërbim të pacientëve, por të politikanëve të korruptuar dhe klientëve të tyre. Kjo lojë e paskrupullt me shëndetin e njerëzve, është dëshmi e makutërisë primitive të kësaj qeverie, e cila duhet hetuar në thellësi, duke shkuar deri tek burimi i kësaj filozofie korruptive dhe rrënuese për interesin publik, e cila nuk u ndal as gjatë kohës së vështirë të pandemisë. Përshëndes veprimet hetimore të SPAK dhe e inkurajoj t’i shkojnë deri në fund zinxhirit të përgjegjësive që kanë shkaktuar dëme të parikuperueshme për qytetarët shqiptarë, të cilët presin dhe meritojnë drejtësi!

16 Gus

0

”Standardet e NATO-s në rrezik nga korrupsioni“, Gjunkshi: Krahas kanabizimit të repartit ushtarak, bëhen me dije afera me tendera dhe në tjetërsimin e pronave të ushtrisë

by PD in Lajmi fundit

DEKLARATË E KËSHILLTARIT PËR SIGURINË KOMBËTARE PRANË PD, XHEMAL GJUNKSHI

Standardet e Natos në rrezik nga korrupsioni dhe skandalet me pronat në sistemin e mbrojtjes!

Prej kohësh sistemi i mbrojtjes po tronditet rëndë nga skandale dhe abuzime të papranueshme për një vend anëtar të Natos. Krahas kanabizimit të repartit ushtarak në Zallherr, gazetarë kurajozë investigues bëjnë me dije për afera koŕrupsioni të një niveli të lartë në kryerjen e tenderave dhe në tjetërsimin e pronave të ushtrisë me qëliim përfitimi. Ka një zinxhir të tërë përgjegjësish në këto afera përfshirë kupolën drejtuese të forcave të armatosura, por mbi të gjitha barra e akuzave për dirigjueset kryesore të skandaleve u përket ish ministreve Olta Xhaçka, dhe Mimi Kodheli.
– Kjo e fundit (Mimi Kodheli) do të mbahet vecanërisht mend për fikjen e radarëve me qëllim kalimin pa eksese të drogës në Adriatik e Jon.
Nga ana tjetër bëmat e pasardhëses Xhaçka që gjendet ende në qeveri, përfshijnë ndër të tjera:
– përdorimin e helikopterit te FA si taksi për takime elektorale,
– shfrytëzimi i mjeteve të forcave te armatosura për interesat e pushtetit,
– tendera sekrete për blerje logjistike të mbrojtjes duke favorizuar klientelen e vet,
– privatizimin e territoreve të bazave detare për përfitimin e statusit te investitorit strategjik etj etj.
Në këtë pikë apeloj drejtësine dhe strukturat funksionale për hetime të plota, të pavarura dhe të gjithanshme për zbardhjen dhe vënien para përgjegjësisë ligjore të përfituesve që abuzojnë në mënyrë flagrante me pronat dhe pasuritë e mbrojtjes. Ky sektor strategjik i përket gjithë shqiptarëve që paguajnë taksat që ushtria jonë të renditet me dinjitet dhe krenari krahas aleatëve gjeostrategjike dhe jo të jetë precedent për historitë ogurzeza të pushteteve oligarke.

16 Gus

0

Djali i saj vrau inxhinierin në Vlorë/ PD sërish thirrje ILD: Anëtarja e KLD të japë dorëheqjen dhe të hetohet

by PD in Lajmi fundit

DEKLARATË E PARTISË DEMOKRATIKE, ZËDHËNËSJA MIRELA KARABINA

Partia Demokratike para disa ditësh i ka bërë kërkesë publike znj. Nurihan Meta, si anëtare e Këshillit të Lartë të Drejtësisë dhe detyrës së lartë që mbulon në këtë institucion të japë dorëheqjen pasi djali i saj, Rei Meta, në rolin e sekserit, ushtroi dhunë fizike mbi të ndjerin z.Ardian Meshau i cili humbi jetën.

Faktet e bëra publike në media mbi lidhjen nepotike me organet e drejtësisë të Familjes Meta, dhe burime nga grupi hetimor që dëshmojnë se Rei Meta ka ndërhyrë si sekser për të zgjidhur një pronë të të ndjerit duke përdorur emrin e të ëmës dhe duke i premtuar garanci zgjidhjeje, rëndojnë më shumë gjendjen e znj. Nurihan Meta.
Dorëheqja e saj dhe largimi i saj nga kjo detyrë është domosdoshmëri me qëllim lejimin e organeve të drejtësisë të zbardhjes sa më të plotë të kësaj ngjarje kriminale dhe vendosjen e drejtësisë në vend.
Praktika e Gjykatës Europian për të Drejtat e Njeriut ka krijuar parimin se drejtësia e pavarur jo vetëm duhet të jetë e tillë, por dhe duhet të duket. Qëndrimi i Zonjës Meta në detyrë është një shkelje e këtij parimi dhe cënon perceptimin e publikut për një Prokurori dhe hetim të pavarur.

Zonjës Nurihan Meta i mbaron mandati si anëtare e KLD-së më 18.12.2023, pra është në këtë detyrë dhe për tri muaj.

Akuzat publike të ngritura në lidhje me përfshirjen e saj në hetime penale për të favorizuar palë në procese penale janë një ogur i keq dhe tregojnë qartësisht arsyen pse kjo zonjë vazhdon detyrën dhe pse për tri muaj.

Partia Demokratike i bën thirrje Inspektoriatit të Lartë të Drejtësisë që të bëj hetim sa më të shpejtë për këtë cështje pasi dhe ndjeshmëria e publikut është shumë e lartë mbi zbardhjen e të vërtetës dhe vendosjen para përgjegjësisë të të gjithë atyre që shkelin ligjin, aq më tepër kur kemi të bejmë me fatalitete.

Partia Demokratike mbështet pa asnjë rezervë hetimin e plotë nga organet e drejtësisë të kesaj ngjarje kriminale.
Faleminderit!

16 Gus

0

Jorida Tabaku përshëndet qëndrimin për zgjedhjet në Kukës: Të kërkosh që opozita të jetë e bashkuar nuk të bën as të shitur dhe as të blerë, por të përgjegjshëm ndaj qytetarëve

by PD in Lajmi fundit

Deputetja e Partisë Demokratike, Jorida Tabaku ka reaguar pas deklaratës së PD në Kukës, e cila bën thirrje për një kandidat të së djathtës në zgjedhjet e parakohshme për bashkinë Kukës.

Në një postim në Facebook, deputetja demokrate thotë se të kërkosh që opozita të jetë e bashkuar nuk të bën as të shitur dhe as të blerë, por të përgjegjshëm ndaj qytetarëve.

Tabaku gjithashtu shkruan se degradimi i qeverisjes lokale sidomos asaj në Kukës është një mundësi reale për një kandidat që përfaqëson më së miri vlerat e së djathtës.

Reagimi i plotë i Jorida Tabakut:

Partia Demokratike Dega Kukes është treguar largëpamëse edhe përbashkuese duke kërkuar vetëm një kandidat të së djathtës në zgjedhjet e parakohshme për bashkinë Kukës!

Të kërkosh që opozita të jetë e bashkuar nuk të bën as të shitur dhe as të blerë diku, thjesht tregon përgjegjshmëri politike përballë qytetarëve. Për demokratët ajo do të thotë oferta më e mirë opozitare dhe jo një opozitë me copa!

Që në shtator 2022 kam kërkuar përgjegjshmëri dhe kam diskutuar mundësinë për të menduar për qytetarët dhe jo për ofiqarët. Kjo mund të arrijë vetëm duke qenë një alternativë!

Sot, këtë na e kërkojnë edhe njerëzit! Gabimet e së shkuarës duhet të na bëjnë të mësojmë! Degradimi i qeverisjes lokale sidomos asaj në Kukës është një mundësi reale për një kandidat që përfaqëson më së miri vlerat e së djathtës.

16 Gus

0

Zgjedhjet e 24 shtatorit, PD Kukës:Të gjejmë një zgjidhje gjithëpërfshirëse për demokratët, bashkimin për të garuar me një kandidaturë të gjithëpranuar

by PD in Lajmi fundit

Dega e PD Kukës bën apel për gjetjen e një zgjidhjeje gjithëpërfshirëse për të gjithë demokratët, bashkimin e tyre në një përfaqësim dinjitoz, për të garuar me një kandidaturë të gjithëpranuar në zgjedhjet e pjesshme lokale në bashkinë e Kukësit me 24 shtator.

PD thotë se koha për të sjellë ndryshimin në Kukës ka ardhur, ndërsa fton të gjithë anëtarët, simpatizantët dhe votuesit ‘të bashkojmë energjitë dhe vullnetet për ta bërë realitet këtë ndryshim të shumëpritur.

DEKLARATË E PARTISË DEMOKRATIKE

DEGA KUKËS

Partia Demokratike Dega Kukës siguron të gjithë anëtarët dhe simpatizantët e saj për angazhimin e plotë dhe të vazhdueshëm në funksion të interesit më të mirë të të gjithë qytetarëve të Bashkisë Kukës. Pas një kohe të gjatë përballje me antivlerat dhe imoralitetin nëpërmjet zaptimit të institucioneve shtetërore, Kukësit dhe familjeve kuksiane duhet ti kthehet shpresa dhe dinjiteti.

Në kuadër të zgjedhjeve të datës 24 Shtator 2023 për kryetar bashkie, Partia Demokratike apelon për gjetjen e një zgjidhjeje gjithëpërfshirëse për të gjithë demokratët, bashkimin e tyre në një përfaqësim dinjitoz, për të garuar me një kandidaturë të gjithëpranuar.

Koha për të sjellë ndryshimin në Kukës ka ardhur. Ne ftojmë të gjithë anëtarët, simpatizantët dhe votuesit tanë të bashkojmë energjitë dhe vullnetet tona për ta bërë realitet këtë ndryshim të shumëpritur.

Partia Demokratike është e përkushtuar pa asnjë rezervë dhe paragjykim për të mundësuar përfaqësimin dinjitoz të së djathtës shqiptare në garën për Bashkinë e Kukësit me një kandidat fitues dhe e hapur për bashkëpunim me të gjithë ata që duan një kandidat të denjë për Kukësin dhe një Parti Demokratike fituese, si e vetmja shpresë për kthimin e pushtetit në duart e qytetarëve.

Partia Demokratike

Dega Kukës

15 Gus

0

“PD është kundër zgjatjes së koncesionit të markimit të karburanteve”, Agalliu: Afera ka dështuar dhe bie mbi kurrizin e konsumatorëve

by PD in Lajmi fundit

DEKLARATË E PARTISË DEMOKRATIKE, SEKRETARI I GRUPIT PARLAMENTAR, DEPUTETI ARBI AGALLIU

Partia Demokratike është qartësisht kundër vendimit të qeverisë për të shtyrë koncesionin e markimit të karburanteve, pasi ka dështuar tërësisht në përpjekjen për të luftuar kontrabandën.

Për PD, kjo është një aferë që bie në kurrizin e konsumatorëve që gjatë gjithë këtyre viteve kanë paguar përmes çmimit të rritur të karburantit.

Normalisht Kontrata e Koncensionarit të Markimit duhet të përfundonte më 01.08.2023, por edhe pas kësaj date kompanitë kanë vijuar të paguajnë, përndryshe nuk u bëhej zhdoganimi.

Shpjegimi që ka dhënë koncesionari për shtyrje lidhet me mosmarkimin e naftës bruto, e cila sipas tyre është e pamundur që të kryhet nga operatorët e tregut.

Shoqata e Shoqërive të Hidrokarbureve ka qenë kundër kësaj shtyrje. Madje shoqatat kanë kërkuar shpjegime nga istitucionet se përse duhet të shtyhet afati i markimit. Gjë për të cilën ata nuk kanë marrë asnjë përgjigje zyrtare.

Sipas tyre ky koncesion nuk ka dhënë rezultate për të luftuar kontrabandën, pasi preket nafta që del në treg dhe ajo që nuk paguan akcizë.

Gati për 9 vite janë marrë në çmimin e naftës 30 mln euro. Tarifën e markimit e kanë paguar konsumatorët pasi në çdo litër naftë qytetarëve u merret 1 lekë për litër.

Për Partinë Demokratike është e qartë se shtyrja e tij edhe për një vit do të rëndojë në çmimin e naftës ku do të merren 7-8 milionë euro të tjera nga xhepat qytetarëve. Ja pra pse kemi çmimet më të larta në rajon, sepse për çdo litër naftë rreth 130 lekë shkojnë vetëm taksa.

PD ka bërë dhe bën thirrje për uljen e barrës fiskale apo taksave që ngarkojnë dhe rrisin artificialisht çmimet e produkteve dhe shërbimeve bazë.

Tregu vetfubksionon nëse lihet i lirë dhe në konkurrencë, por fatkeqësisht në Shqipëri ndodh e kundërta.

PD do të vijojë denoncimet publikisht dhe në organet përkatëse për çdo rast abuzimi, vjedhje dhe korrupsioni.

14 Gus

0

Basha: Sado baltë të hedhë, Sali Berisha nuk e fsheh dot bashkëpunimin me Edi Ramën për kullat; as faktin se aty pastrohen para krimi dhe korrupsioni

by PD in Lajmi fundit

Reagimi i plotë i Kryetarit të Partisë Demokratike, Lulzim Basha:

Pengjet fshihen sot pas kullës së Tiranës, pas “Malit të Korrupsionit” që po mban peng zhvillimin dhe mirëqenien e shqiptarëve.

Sado baltë të hedhë, Sali Berisha nuk e fsheh dot bashkëpunimin me Edi Ramën për kullat; as faktin se aty pastrohen para krimi dhe korrupsioni. Prandaj SPAK duhet të hetojë pa humbur kohë.

Rasti i kullës, e tregoi qartë para shqiptarëve se kush është pengu, por çfarë halli e shtyn Sali Berishën, që merr në mbrojtje çdo ditë simbolin e korrupsionit, jo vetëm në dosjen e Inceneratorëve? Sepse Dosja e Inceneratorëve është afera korruptive ku i gjithë pushteti i Edi Ramës, me dijeninë dhe bekimin e tij, është zhytur në korrupsion dhe abuzim me pushtetin.

Kryeministri, ministra, dhe kryetarë bashkish kanë vepruar si një organizatë kriminale dhe SPAK duhet ta procedojë si të tillë pa përjashtuar askënd, duke filluar nga: Kryeministri, ministra, ish-ministra, kryetarin e Bashkisë së Tiranës e me radhë të gjthë ata që me paratë e shqiptarëve kanë ushqyer inceneratorët e korrupsionit.

Kush amniston njërën palë apo tjetrën në përgjegjësinë ndaj inceneratorëve, qartas tregon bashkëpunimin që ka patur dhe vazhdon të ketë me ideatorët dhe zbatuesit e kësaj mega afere.

Partia Demokratike do të vijojë të mbështesë çdo hetim të SPAK-ut për këto afera dhe e inkurajon atë të vijojë pa u ndalur nxjerrien para drejtësisë të personave të tjera zyrtarë e ish-zyrtarë të përfshirë në afera korrupsioni që janë kallëzuar në prokurorinë e posaçme.

14 Gus

0

Partia Demokratike i kërkon dhe njëherë SPAK që të nisë hetimet mbi kullën pas TOB dhe ndërtimet e tjera në kryeqytetit

by PD in Lajmi fundit

Zëdhënësja Partisë Demokratike, Mirela Karabina, në një deklaratë për mediat i ka kërkuar edhe një herë SPAK-ut që të hetojë kullën që do të ndërtohet në qendër të Tiranës pas TOB.

Karabina shprehet se të gjjthë raportet ndërkombëtare vitet e fundit e përshkruajnë sektorin e ndërtimeve në Tiranë si lavatriçen e madhe të parave të krimit të organizuar.

Zëdhënësja e PD gjithashtu shprehet se vettingu në politikë dhe miratimi i një pakete agresive kundër krimit dhe korrupsionit të politikanëvë të lartë, janë domosdoshmëri jetike për fatet e zhvillimit të vendit.

DEKLARATË E PARTISË DEMOKRATIKE TË SHQIPËRISË

Partia Demokratike ka dorëzuar javën e kaluar në SPAK një kërkesë për të hetuar lidhur me financimet e kullës pas Teatrit të Operas dhe Baletit (TOB).

Të gjjthë raportet ndërkombëtare vitet e fundit e përshkruajnë sektorin e ndërtimeve në Tiranë si lavatriçen e madhe të parave të krimit të organizuar.

Nuk është e rastësishme që një kompani në dukje modeste ka marrë pjesën e luanit në ndërtimet që janë bërë pjesë dhe po zhvillohen në kryeqytet.

Partia Demokratike i kërkon dhe njëherë SPAK që të nisë hetimet për të nxjerrë të vërtetën mbi këtë investim gjigand, por dhe për të tjera anekënd kryeqytetit.

Dhe në këtë betejë kundër korrupsionit, Partia Demokratike mbështet pa asnjë rezervë hetimin nga SPAK të ndërtimeve me paratë e pista të krimit dhe korrupsionit në hallkat kryesore të qeverisjes.

“Ndiq paranë” është skema më e mirë për të demontuar paratë e pista me të cilat financohen ndërtimet, politika, blerja e votës e shumë shërbime të tjera që tashmë janë në dispozicion të Qeverisë Rama.

Ndaj, Vetting në politikë dhe miratimi i një pakete agresive kundër krimit dhe korrupsionit të politikanëvë të lartë, dënimi i tyre për korrupsion dhe sekuestrimi i pasurive është domosdoshmëri jetike për fatet e zhvillimit të vendit.

Zbardhja dhe çuarja para përgjegjësisë e ideatorëve dhe zbatuesve të skemave të pastrimit të parave është një shërbimi i madh që i bëhet qytetarëve shqiptare.

Faleminderit!

Blog