Demokratët Euroatlantikë - Partia Demokratike

10 Gus

0

Dashnor Sula: “Armiqësia” e pandalur e qeverisë me fshatin dhe fermerët, do taksojë edhe kasollet

by PD in Lajmi fundit

Deputeti i Ptisë Demokatike, Dashnor Sula, shprehet se armiqësia e qeverisë me fermerët dhe fshatin ka arritur deri në taksimin e kasolleve. Sula shprehet se Inflacioni për muajin Korrik të këtij viti ra, duke shkuar në nivelet e para nisjes së luftës në Ukrainë ndërsa kjo sipas tij do të thotë që në treg ka një balancë mes produkteve dhe dhe nevojës për të blerë nga qytetarët.

Postimi i plotë:

“Armiqësia” e pandalur e qeverisë me fshatin dhe fermerët, do taksojë edhe kasollet.

Inflacioni për muajin Korrik të këtij viti ra, duke shkuar në nivelet e para nisjes së luftës në Ukrainë. Kjo do të thotë që në treg ka një balancë mes produkteve dhe dhe nevojës për të blerë nga qytetarët.

Por çmimet në Shqipëri nuk ranë siç do ta kërkonte logjika e tregut.

-Gama e produkteve që mbajnë flamurin e nivelit të çmimeve më të larta në Shqipëri sipas INSTAT, janë qumështi dhe nënproduktet e tij dhe vezët, me 13.6%.

Fal kontributit të përvitshëm të qeverisë, numri krerëve të lopëve dhe të imtave ka ardhur në rënie. Mungesa e mbështetjes së qeverisë për fermerët vendas dhe stimulimi i produkteve te importit ka bërë që fermerët ta braktisin fshatin dhe tani një kg djathë të kushtojë sa një kg kanabis që është ilegal.

Pasi pa këto te dhëna nga INSTAT, qeveria u angazhua dhe mori masa për tu ardhur në ndihmë blegtorëve

-Masa ishte që këtyre oligarkëve (fermerëve) që janë pasuruar shumë, shteti tu marrë edhe taksën e

pasurisë për kasollet ku strehohen lopet e delet. Ky është vizioni dhe zgjidhja e kësaj qeverie për të stimuluar fermerët.

– Por jo vetëm kaq, me vendimin e qeverisë, ndryshohen edhe çmimet e referencës që taksa e pasurisë për kasollet të jetë sa më e lartë.

-Të marrim sa më shumë para nga këta fermerët që e shkatërruan Shqipërinë dhe tja japim paratë atyre që aplikojnë te IPARDI për bujqësinë por lekët i bëjnë beton në bregdetin e jugut. Dhe këtyre të fundit u heqim edhe taksat dhe ulim edhe dividentin.

10 Gus

0

Zgjatja e koncesionit të markimit të karburanteve, Agalliu: Shtyrja e tij edhe për një vit do të rëndojë xhepat qytetarëve

by PD in Lajmi fundit

Deputeti i Patisë Demokratike, Arbi Agalliu, ka reaguar pas vendimit të qeverisë për zgjatjen e afatit të koncesionit të marketimit të karburanteve. Agalliu shprehet se shoqata e Shoqërive të Hidrokarbureve ka qenë kundër kësaj shtyrje, madje shoqatat kanë kërkuar shpjegime nga istitucionet se përse duhet të shtyhet afati i markimit ndërsa nuk kanë marrë asnjë përgjigje zyrtare.

Deputeti demokrat gjithashtu shprehet se shtyrja e tij edhe për një vit do të rëndojë në çmimin e naftës ku do të merren 7-8 milionë euro të tjera nga xhepat qytetarëve.

Reagimi i plotë:

Kontrata e Koncensionarit të Markimit duhet të përfundonte më 01.08.2023, por edhe pas kësaj date kompanitë kanë vijuar të paguajnë, përndryshe nuk u bëhej zhdoganimi.

Shpjegimi që ka dhënë koncesionari për shtyrje lidhet me mosmarkimin e naftës bruto, e cila sipas tyre është e pamundur që të kryhet nga operatorët e tregut.

Shoqata e Shoqërive të Hidrokarbureve ka qenë kundër kësaj shtyrje. Madje shoqatat kanë kërkuar shpjegime nga istitucionet se përse duhet të shtyhet afati i markimit. Gjë për të cilën ata nuk kanë marrë asnjë përgjigje zyrtare.

Sipas tyre ky koncesion nuk ka dhënë rezultate për të luftuar kontrabandën, pasi preket nafta që del në treg dhe ajo që nuk paguan akcizë.

Gati për 9 vite janë marrë në çmimin e naftës 30 mln euro. Tarifën e markimit e kanë paguar konsumatorët pasi në çdo litër naftë qytetarëve u merret 1 lekë për litër.

Shtyrja e tij edhe për një vit do të rëndojë në çmimin e naftës ku do të merren 7-8 milionë euro të tjera nga xhepat qytetarëve. Ja pra pse kemi çmimet më të larta në rajon, sepse për çdo litër naftë rreth 130 lekë shkojnë vetëm taksa.

10 Gus

0

Basha për Inceneratorin e Tiranës: Të Zbardhet afera e plotë! Janë grabitur miliona euro të taksapaguesve

by PD in Lajmi fundit

Kryetari i Partisë demokratike, Lulzim Basha ka komentuar sekuestrimin e inceneratorit të Tiranës nga SPAK ku shprehet se kjo është një aferë korruptive dhe opozita kërkon zbardhjen e plotë.

Në një postim në Facebook, Basha shkruan se kjo aferë është denoncuar edhe nga grupi bashkiak i PD pasi në këtë të fundit janë grabitur miliona euro nga xhepat e taksapaguesve shqiptar, dhe këto para sipas tij pastrohen përmes skemave të ndërtimit në Tiranë.

Postimi i plotë:

Inceneratorët dhe “Mali i Tiranës” janë dy faqe të së njëjtës monedhë!

Afera korruptive e Inceneratorëve, për zbardhjen e të cilës Partia Demokratike ka bërë një betejë të gjatë publike, tashmë e faktuar si e drejtë nga arrestimet dhe sekuestrimet e SPAK, dhe pastrimi i parave përmes ndërtimit të kullave me bilance të padeklaruara dhe të falsifikuara, siç është rasti i fundit në zemër të Tiranës i kallëzuar në SPAK nga grupi i këshilltarëve bashkiakë të PD, janë dy faqe të së njëjtës monedhë.

Me aferën e inceneratorëve janë grabitur miliona euro nga xhepat e taksapaguesve shqiptarë. Këto para të korrupsionit qeveritar në bashkëpunim me krimin e organizuar dhe krimin ekonomik më pas pastrohen nëpërmjet skemave të ndërtimit të kullave luksoze në mes të Tiranës.

Korrupsioni i’u vjedh qytetarëve të ardhmen, varfëron familjet shqiptare, vret konkurrencën e ndershme, pengon rritjen ekonomike, cënon demokracinë dhe besimin tek institucionet. Raportet ndërkombëtare evidentojnë qartë se korrupsioni në qeverinë Rama ka arritur nivelin e kapjes së shtetit, ku qeveritarët dhe klientela politike e përdorin shtetin për interesat e tyre private në dëm të qytetarëve.

Lufta pa kompromis kundër korrupsionit është emergjencë kombëtare, prandaj Partia Demokratike është e vendosur në mbështetjen tonë ndaj SPAK dhe e përkushtuar për miratimin dhe zbatimin e vetting-ut të politikanëve, sepse vetëm një politikë e pastër mund të sigurojë një ekonomi të fortë me mirëqenie dhe siguri për familjet shqiptare.

10 Gus

0

Basha përkujton Havzi Nelën: Lavdi përjetë! Sfidoi dhe ngriti zërin kundër çdo krimi të diktaturës

by PD in Lajmi fundit

Kreu i Partisë Demokratike, Lulzim Basha ka përkujtuar poetin Havzi Nela në përvjetorin e vrasjes së tij.cBasha shkruan se 35 vjet më parë regjimi gjakatar vari në litar në mes të Kukësit poetin që i këndoi lirisë.

Kryedemokrati mw tej shprehet se pas 21 vitesh burg, tortura dhe internime, diktatura humbi çdo shpresë që ta mposhte shpirtin e tij kryelartë, që sfidoi dhe ngriti zërin kundër çdo krimi të saj, ndaj regjimi vendosi ta vrasë në mes të Kukësit për ta bërë shembull.

Postimi i plotë:

35 vjet më parë regjimi gjakatar vari në litar në mes të Kukësit Havzi Nelën, poetin që i këndoi lirisë. Pas 21 vitesh burg, tortura dhe internime, diktatura humbi çdo shpresë që ta mposhte shpirtin e tij kryelartë, që sfidoi dhe ngriti zërin kundër çdo krimi të saj, ndaj regjimi vendosi ta vrasë në mes të Kukësit për ta bërë shembull. Por vetëm e përjetësoi guximin, atdhedashurinë dhe poezinë e Havzi Nelës, martirin e lirisë.

Në këtë 35 vjetor përulemi dhe nderojmë poetin martir që me sakrificën e tij frymëzon në qëndresën ndaj të keqes dhe padrejtësisë, dhe me mesazhet e tij të pavdekshme ndriçon rrugëtimin e pandalshëm drejt vlerave më të larta njerëzore, për liri, për demokraci, për Zot, Atdhe dhe familje.

Lavdi përjetë Havzi Nelës!

09 Gus

0

Dashnor Sula: Qeveria ka futur thellë duart në xhepat e fermerëve

by PD in Lajmi fundit

Deputeti i Partisë Demokratike, Dashnor Sula, ka reaguar në lidhje me postimin në Facebook të ministres së Bujqësisë, ku sipas tij ishte mahnitur me plantacionet me pjeshkë në fshatin Gjocaj në Peqin. Sula shprehet se merita u takon fermerëve, pasi qeveria nuk i ka mbështetur dhe i ka lënë në harresë.

Deputeti demokrat më tej shkruan se fermerët janë në pikë të hallit sepse për ta nuk ka para, ndërsa lekët e taksapaguesve shqiptarë i marrin pushtetarët në ministri e drejtori me korrupsion.

Postimi i plotë:

Qeveria ka futur thellë duart në xhepat e fermerëve.

Në rrjete sociale, pashë sot që Ministrja e Bujqësisë ishte mahnitur nga plantacionet me Pjeshkë në fshatin Gjocaj në Peqin. Për t’u mahnitur është në fakt. Por jo për ndonjë meritë të qeverisë, por falë punës së njerëzve të thjeshtë në Gjocaj, Shezë, Vashaj, Rrumbullak, Celhake, Selime, Bardhas, Asmashaj, Kurtaj, Sallbegaj dhe Blinas zona ka marrë namin e mirë për cilësinë pjeshkëve dhe nektarinave. Theksoj, kjo për shkak të punës së tyre, pasi nga qeveria janë harruar totalisht.

Më 6 qershor, në Sallën e Parlamentit i kërkova zonjës Ministre të Bujqësisë ti vinte në ndihmë fermerëve në këto fshatra pasi plantacionet që mahnitën znj. Ministre u dëmtuan nga breshëri i pazakontë dhe 70-80% e prodhimit të tyre shkoi dëm.

Thirrja ime por edhe e vetë fermerëve ra në veshin e shurdhët të kësaj qeverie.

Fermerët janë në pikë të hallit sepse për ta nuk ka para. Lekët e taksapaguesve shqiptarë i marrin pushtetarët në ministri e drejtori me korrupsion.

Për ta, ministrja e cila mahnitet nuk ka para sepse ato shkojnë për bosët e inceneratorëve që gjasme ndërtojnë serë te vendi ku trajtohen plehrat.

310 mijë euro nga taksat e qytetarëve evropianë i morën për ndertimin e nje sere plastmasi te inceneratori i Tiranes, ndersa per fermeret e ndershem në Gjocaj ka vetëm një postim në facebook.

Në fakt fermerët e fshatit Gjocaj jo vetëm që nuk janë ndihmuar, por qeveria u ka futur atyre dorën në xhep.

Heqja e përjashtimeve fiskale në sektorin e bujqësisë vitin e kaluar çoi në buxhetin e shtetit rreth 1, 7 miliardë (16 mln euro të ardhura shtesë).

Sipas të dhënave nga Ministria e Financave 0,9 miliardë lekë u arkëtuan nga eliminimi i skemës së kompensimit të prodhuesit bujqësor nga 6 % në 0%, ndërsa 0,8 miliardë lekë u arkëtuan nga rikthimi i TVSH në inputet bujqësore.

Bujqësia zë 20% të Prodhimit të Brendshëm Bruto, por për bujqësinë jepen vetëm 35 milionë euro për subvencione. Sa 1/3 e Kosovës, shumë herë më pak se Maqedonia e Veriut. 100 milionë euro jep Kosova subvencione për vitin 2023, rreth 200 milionë jep Maqedonia e Veriut. Ndërsa Shqipëria jep shumë propagandë dhe vetëm 35 milionë euro subvencione.

Kështu dekurajohet puna e ndershme në Shqipëri dhe kështu nxitet shpopullimi i vendit.

09 Gus

0

PD thirrje SPAK: Heto deri në fund aferën e inceneratorëve dhe kullat e Tiranës

by PD in Lajmi fundit

Zëdhënësja e Partisë Demokratike, Mirela Çërraga Karabina thotë se PD shpreh shqetësimin e saj në lidhje me përfshirjen e qeverisë Rama në aferat korruptive, siç është rastit i inceneratorëve, por edhe projekti për ndërtimin e një kulle në qendër të Tiranës.

Karabina shprehet se PD dhe kryetari Basha, i bëjnë thirrje SPAK që të vijojë punën në hetimin deri në fund të incerenatorëve dhe çdo politikani apo individi të implikuar në të.

DEKLARATË E ZËDHËNËSES SË PARTISË DEMOKRATIKE, MIRELA KARABINA

Partia Demokratike edhe njëherë shpreh shqetësimin e saj për përfshirjen e Qeverisë Rama në aferat korruptive ku qartas evidentohet lidhja e politikës me krimin e organizuar.

Si në rastin e incerenatorëve, ku hetimet e deri më tanishme të SPAK kanë vërtetuar lidhjet direkte të ministrave të Ramës me vjedhjen e shekullit, edhe në rastin e ndërtimeve në Tiranë duket qartazi se paratë e botës së krimit po pastrohen në kulla dhe beton.

Partia Demokratike dhe Kryetari i saj z.Lulzim Basha i bëjnë thirrje Strukturës së Posaçme Antikorrupsion (SPAK) që të vijojë punën në hetimin deri në fund të incerenatorëve dhe çdo politikani apo individi të implikuar në të.

Sikundër e ftojmë SPAK të hetojë me seriozitet dhe çdo ndërtim, përfshirë dhe kullën më të re në mes të Tiranës (Mali i Tiranës).

Fijet e dukshme dhe të padukshme të politikës dhe pastrimit të parave të botës së krimit janë baza mbi të cilën është ndërtuar dhe qëndron në këmbë pushteti i Edi Ramës.

Vetëm këputja e këtyre fijeve do të mund ta çlirojë politikën nga pengmarrja e krimit dhe t’i krijojë shqiptarëvë hapsirë për të përmirësuar jetën e tyre.

Për këtë, Partia Demokratike ka prezantuar dhe inisiativat e saj:

-VETTINGU i politikanë, “Ndiq paranë dhe lidhjet me krimin”, do të pastrojë politikën nga të korruptuarit për t’i dhënë fund epokës së korrupsionit në mënyrë që politikanët mos jenë më në shërbim të oligarkëve dhe interesave kriminalë të tyre, por në shërbim të interesit publik;

-Miratimi i një pakete ligjore radikale kundër krimit dhe korrupsionit në nivele të larta, jo vetëm për DENIMIN e korrupsionit, por dhe SEKUESTRIMIN e pasurive që vijnë nga këto afera që fshihen pas oligarkëve.

Partia Demokratike është në betejë të papajtueshme me korrupsionin!

09 Gus

0

Basha: PD do kërkojë ngritjen e Komisioni Hetimor për korrupsionin me fondet IPARD, paratë nuk shkuan te fermerët por për vila luksoze për klientët e qeverisë

by PD in Lajmi fundit

Kryetari i Patisë Demokrtike, Lulzim Basha ka kërkuar ngritjen e Komisionit Hetimor për korrupsionin me fondet IPARD për fermerët, pasi BE pezulloi këto të fundit.

Në një postim në “Facebook”, Basha shkruan se qeveria e Edi Ramës ka ndërtuar një shtet të korruptuar dhe kjo po ndodh me fondet e Bashkimit Evropian për bujqësinë, pasi vendimi për t’i pezulluar tregon sipas tij abuzimet e bëra për të favorizuar klientët që ndërtojnë vila luksoze.

Kryedemokrati gjithashtu thekson se ky skandal ia ka nxirë faqen vendit përpara partnerëve evropianë dhe kjo pengon rrugëtimin e Shqipërisë drejt BE-së.

Postimi i plotë:

Nuk është hera e parë që propagandës dhe retorikës shtinjake i del boja. Kur arritjet imagjinare ndeshen me faktet, duket qartë se e vetmja gjë që ka ndërtuar Edi Rama është një shtet i të korruptuarve.

Kështu ka ndodhur me mega-aferën e Inceneratorëve, kështu po ndodh me fondet e Bashkimit Europian për bujqësinë.

Vendimi i Brukselit për pezullimin e granteve të programit IPARD tregon makutërinë e kësaj qeverie, që abuzon edhe me fondet e BE-së, duke lënë në mëshirë të fatit fermerët e ndershëm të këtij vendi, për të favorizuar klientët e zakonshëm që me këto fonde ndërtojnë vila në komplekset luksoze të bregdetit.

Për këtë skandal që nxiu faqen e Shqipërisë përpara partnerëve europianë dhe që pengon rrugëtimin tonë drejt BE-së, Partia Demokratike do të kërkojë ngritjen e një Komisioni Hetimor Parlamentar për të zbardhur shpërdorimin e fondeve për bujqësinë dhe për të garantuar transparencën që qytetarët meritojnë.

Lufta e pakompromis ndaj korrupsionit dhe fundi i pandëshkueshmërisë në nivelet e larta të politikës janë prioritete të Partisë Demokratike, arritja e të cilave garanton ndryshimin që shqiptarët presin.

09 Gus

0

Gazment Bardhi: Qeveri—bashki-trafikantë, koha që SPAK të hetojë lejet për kullat dhe resortet!

by PD in Lajmi fundit

Kryetari i Grupit Parlamentar të PD, Gazment Bardhi, është shprehur se ka ardhur koha që Prokuroria e Posaçme Anti-Korrupsion të hetojë lejet e kullave.

Në një postim në Facebook, Bardhi shkruan se në 2 vite në Shqipëri u pastruan 1.6 miliard euro.

Reagimi i plotë:

Ka një llogari të institucioneve të specializuara se në një periudhë 2 vjeçare, në Shqipëri pastrohen 1.6 miliard euro në sektorin e ndërtimit. A mund të ndodhë kjo pa dijeninë e 2 njerëzve që japin lejet kryesore të ndërtimit, Edi Ramës dhe Erion Veliajt? Përgjigja është: Jo, kurrë! Kushdo që orienton debatin, duke anashkaluar këtë fakt, i shërben parasë së pistë.

Këtë qendrim kemi mbajtur si grup parlamentar, edhe në korrik, kur u diskutua nisma e koleges Jorida Tabakut për të përmirësuar ligjin kundër pastrimit të parave. Nuk ka asnjë dyshim, se ata që janë ortakë në pastrimin e parave të krimit dhe korrupsionit, nuk mund të pranojnë veprimin e ligjit kundër tyre. Prandaj, jemi sot vendi ku qeveria, bashkia, të korruptuarit dhe trafikantët e drogës janë ortakë mes tyre me leje ndërtimi dhe pastrimi parash.

Si një nga deputetët që kam ngritur

vazhdimisht zërin dhe kam sjellë fakte për denoncimin e përfshirjes së qeverisë dhe bashkisë në biznesin e pastrimit të parave përmes kullave shumëkatëshe ripërsëris thirrjen për SPAK-un që të tregojë se është më i fuqishëm se korrupsioni politik dhe se krimi i organizuar.

2 vjet më parë, SPAK-u hapi një hetim, pasi në përgjimet e Antimafias italiane u zbulua se lejet e ndërtimit në Tiranë jo vetëm blihen me para të pista, por ndërtimi i kullave, me firmën e Ramës dhe Veliajt, shërben për pastrimin e parave të krimit të organizuar.

Qytetarët shqiptarë kanë të drejtë të dinë çfarë po bëhet me këtë hetim. Heshtja e Prokurorit të Përgjithshëm dhe e SPAK-ut nuk i shërben interesit publik.

Nisja për ndërtimin e kullës më të lartë në Ballkan në qendër të Tiranës, duke zaptuar një tjetër hapësirë zë gjelbër, ka bërë të domosdoshëm ndërhyrjen e drejtësisë për të hetuar procedurat e marrjes së lejes, pronarët reale, si dhe burimet e financimit. Dhe jo vetëm për këtë rast. Duhet hetuar çdo leje e ngjashme në Tiranë dhe në Bregdetin e Shqipërisë, ku korrupsioni dhe krimi i organizuar kanë veshur kostumin e investitorit strategjik.

08 Gus

0

“Ministri i mbrojtjes të jap dorëheqjen”, Bardhi: Përdorimin e pronave të ushtrisë nga grupet kriminale për mbjelljen e hashashit e paralajmëruam

by PD in Lajmi fundit

Kryetari i Grupit Parlamentar të Partisë Demokratike, Gazment Bardhi, ka reaguar në lidhje me sekuestrimin e bimëve narkotike në territorin e repartit ushtarak në Zall Herr.

Bardhi ka publikuar një video në komisionin parlamentar një vit më parë, ku ka deklaruar se ka prona të ushtrisë që mbillet hashash.

Deputeti demokrat shprehet se ministri i Mbrojtjes, Niko Peleshi duhet të japë dorëheqjen, sepse ai e dinte që në repartet ushtarake mbillej drogë.

Reagimi i plotë:

Një vit më parë, në parlament u diskutuan disa ndryshime në ligjin për Policinë Ushtarake. Ishin ditët, kur autoritetet hollandeze zbuluan përfshirjen e një majori të ushtrisë shqiptare në ndërtimin e një shtëpie hashashi në Hollandë, ndërkohë që ishte aty me mision në kuadër të NATO-s.

Në fjalën time në Komisionin e Ligjeve, e përmenda këtë rast për të kuptuar si i kishin kryer detyrat Policia Ushtarake dhe Shërbimi Informativ i Ushtrisë, pasi ky nuk ishte një rast i izoluar. Nuk prisja të merrja përgjigje as nga përfaqësuesi i ushtrisë, as nga përfaqësuesja e qeverisë. Ata ekzistojnë vetëm për të mbuluar gjurmët e krimit të organizuar që ka depërtuar tani edhe në ushtrinë e vendit anëtar të NATO-s. E di që kjo është një akuzë e rëndë, por faktet janë kokëforta.

Një vit më parë, kam deklaruar me zë të lartë se rasti i oficerit të lartë shqiotar në Hollandë nuk është i izoluar, pasi në repartet ushtarake mbillet kanabis për llogari të organizatave kriminale . Deputetët e dëgjuan. Qeveria e dëgjoi. Ushtria e dëgjoi. Shërbimi Informativ i Ushtrisë dhe Shërbimi Informativ Shtetëror e dëgjoi. Cili ishte reagimi? Zero! U fshehën pas frazës së preferuar të kryeministrit “përgjegjësia është personale”. Që në fakt, është një thirrje nxitëse “bravo çuna, jepini derisa t’ju kapin”!

Dita erdhi që t’i kapin, sërish, partnerët e NATO-s, se po të ishte për Edi Ramën apo Niko Peleshin, kanabisi do të mbillej edhe në taracën e Kuvendit të Shqipërisë dhe të Kryeministrisë. Sot është dita që Niko Peleshi të japë dorëheqjen, sepse ai e dinte që në repartet ushtarake mbillej drogë. Ia thamë ne në parlament, siç thamë disa vite më parë se nga repartet ushtarake ngriheshin avionë që transportinin drogë. Edhe atëherë rezultoi e vërtetë! Zoti Ministër i Mbrojtjes, përgjegjësia është personale e juaja! Jep dorëheqjen!

08 Gus

0

Krimi pranë Gjykatës së Vlorës, PD kërkon largimin e anëtares së KLP-së: Është pengesë për hetimin për shkak të konfliktit të interesit, të dorëhiqet!

by PD in Lajmi fundit

DEKLARATË E PARTISË DEMOKRATIKE, ZËDHËNËSJA MIRELA KARABINA

Për shkak të dhunës të ushtruar nga shtetasi Rei Meta, djali i anëtares së Këshillit të Lartë të Prokurorisë, Nurihan Meta, humbi jetën shtetasi Armando Meshau; si dhe faktet e bëra publike nga hetimet paraprake, të cilat dëshmojnë se djali i anëtares së KLP-së vepronte si sekser duke përdorur emrin dhe prestigjin e postit të së ëmës,

kërkojnë një hetim të thelluar jo vetëm të krimit të kryer nga Rei Meta, por edhe të këtyre akuzave publike që sot rëndojnë mbi znj. Nurihan Meta.

Prandaj, në respekt të ligjit dhe për shkak të detyrës të lartë që mbulon, Partia Demokratike i bën thirrje znj. Nurihan Meta të japë dorheqjen për t’i hapur rrugën drejtësisë.

Çdo ditë që zj.Nurihan Meta mban detyrën e anëtares së KLP-së, përbën një cënim të rëndë të integritetit të KLP-së, si edhe bëhet pengesë për hetimin dhe zbardhjen e shpejtë dhe të plotë nga ana e prokurorisë, të kësaj ngjarje kriminale.

Prokuroria nuk mund të jetë nën presion për shkak të konfliktit të interesit që rëndon mbi të nga ana e anëtarëvë të KLP-së.

Partia Demokratike mbështet prokurorinë për një hetim të gjithëanshëm të kësaj ngjarje të rëndë në të cilën humbi jetën z. Armando Meshau, dhe në këto orë të trishta, ne shprehim ngushëllimet tona për familjen e të ndjerit.

Blog