Blog

Kreu i Demokratëve Euroatlantikë, Lulzim Basha ka uruar presidenten e Parlamentit Europian, Roberta Metsola.

Basha shkruan se rizgjedhja e saj është një ogur i mirë për Rajonin dhe Shqipërinë, me shpresën e madhe që me një angazhim të përbashkët t’i bashkohemi familjes evropiane brenda këtij mandati.

Postimi i Bashës në “X”:

Urime Roberta Metsola për rizgjedhjen e saj si Presidente e Parlamentit Evropian. Shumica dërrmuese e votave që ajo mori është tregues i lidershipit dhe punës së shkëlqyer që ka bërë më parë, si dhe besimit që ajo frymëzon për këtë mandat të ri plot sfida dhe pritshmëri të mëdha. Rizgjedhja e saj është një ogur i mirë për Rajonin dhe Shqipërinë, me shpresën e madhe që me një angazhim të përbashkët t’i bashkohemi familjes evropiane brenda këtij mandati.

Kreu i Demokratëve Euroatlantikë, Lulzim Basha, u shpreh ditën e sotme në konferencën për mediat se shumica e shqiptarëve duan ndryshim dhe se grupimi që ai drejton nukd o të heq dorë për të ofruar alternativën. Sipas tij, kjo do të arrihet me aleancë me të gjitha forcat politike që duan t’i japin fund tranzicionit dhe nuk pranojnë Katovicën 2.

Pjesë nga fjala e Bashës:

Dua të përshëndes po kështu edhe vendimin e kreut të SPAK-ut për të krijuar seksionet e veçanta për krimet elektorale në pararendje të zgjedhjeve të ardhshme parlamentare.

Ndonse dihet, që Edi Rama dhe qeveria e tij e korruptuar i kanë këto zgjedhje jetë a vdekje, jo thjesht për pushtetin, por për të mbrojtur veten e tyre nga ndjekja penale dhe fundi i merituar para Drejtësisë.
Ndonse dihet, se e kanë shndërruar shtetin shqiptar në një makineri gjigande, një pronë private, që me taksat e shqiptarëve ndërton pushtetin okult më të korruptuar në Europë.
Ndonse dihet se aseti më i madh i Edi Ramës është Sali Berisha dhe përpjekja e tij për ta marrë peng opozitën, në diskursin tribal: Kush është më pak i korruptuar, Edi Rama, apo Sali Berisha?

Shumica e shqiptarëve duan ndryshim. Nuk do të heqin dorë nga të kërkuarit të këtij ndryshimi. Siç ne nuk do të heqim dorë për t’i ofruar alternativën. Për t’i ofruar listën e kandidatëve, programin dhe aleancën e gjithë forcave, të cilat duan t’i japin fund tranzicionit dhe nuk mund të pranojnë një Katovicë të dytë, për 30 vitet e ardhshme në Shqipëri.

Kreu i Demokratëve Euroatlantikë, Lulzim Basha, ka publikuar një video nga konferenca e sotme për mediat, ku ka komentuar deklaratat e bëra ditën e djeshme në Parlament kreu i SPAK, Altin Dumani.

Sipas Bashës, Dumani ndodhet në syrin e ciklonit për shkak të interesave të përbashkëta të kastës së vjetër politike.

Pjesë nga fjala e Bashës:

Altin Dumani dhe SPAK-u janë vënë në syrin e ciklonit të interesave të përbashkëta të kastës së vjetër politike. Kjo u duk edhe dje. Me sulmet e orkestruara, kundër SPAK-ut, me qesëndisjet e një mazhorance të kapur në flagrance në pasuritë e shqiptarëve, që bën sikur është në mbështetje të atyre që i lufton ditë për ditë dhe po krijon edhe aleanca fluide me teatrin opozitar.

Është e qartë se ajo që kemi denoncuar prej fillimit u vërtetua me shifra konkrete edhe nga
raportimi i Altin Dumanit. Pakti midis Edi Ramës dhe Sali Berishës çoi në lirimin e 117 personave të akuzuar, gjykuar, në proces hetimi, apo të dënuar nga SPAK dhe GJKKO për korrupsion, për vjedhje fondesh publike, madje edhe për futje duarsh në vjedhjen e votave të Partisë Demokratike, nga të cilët 40 persona u liruan, 65 persona të dënuar për korrupsion përfituan zbritje dënimi dhe 12 të tjerëve i’u ndal ndjekja penale.

Kjo është ajo që kemi denoncuar prej fillimit. Një pakt kundër interesave të shqiptarëve, për interesat e të korruptuarëve.

Kreu i Demokratëve Euroatlantikë, Lulzim Basha, është pyetur për dosjen 21 janari e regjistruar tashmë në SPAK. Në konferencën për mediat, Basha tha se mesazhi i tij është që dosja të hetohet plotësisht në mënyrë të paanshme dhe profesionale, si dhe përsëriti gadishmërinë për të ndihmuar për zbardhjen e plotë të kësja ngjarjeje.

Ai më tej tha se roli i tij është të jetë 100% në dispozicion të drejtësisë për gjithçka që kërkohet, ndërsa u shpreh se ky është standarti perëndimor.

Basha më tej tha se kjo ngjarje ka tre dimensione që janë njerëzor për faktin janë vrarë tre njerëz të pafajshëm dhe dimension ligjor që duhet të hetohet gjithçka. E treta dimensioni politik, ku pushkatarët që akuzoi Edi Rama i bëri kryetar PS-je, kryetar Bashkie dhe personin për të cilën i çoi njerëzit të vriten, e bëri aleat, kryetar Kuvendi dhe President të Republikës.

Pjesë nga fjala e Bashës:

Pyetje: Ditën e sotme Prokuroria e Posaçme ka njoftuar zyrtarisht që ka regjistruar procedimin penal për ngjarjet e 21 janarit. Zoti Basha cili është mesazhi juaj që i jepni qytetarëve shqiptarë por edhe kësaj Strukture, pasi Gjykata e Lartë e ka orientuar hetimin. Pra, duhet të hetohet roli i ministrit të Brendshëm të asaj kohe që keni qenë ju në detyrë atë ditë.

Lulzim Basha: Të hetojë gjithçka, plotësisht në mënyrë të paanshme dhe profesionale. Ky ka qenë mesazhi im në këto 13 vite dhe ky mbetet mesazhi im dhe natyrisht në funksion të këtij mesazhi, kam qenë dhe mbetem në dispozicion të çdo akti të drejtësisë për të bërë zbardhjen e plotë dhe drejtësinë e plotë për 21 janarin.

Nuk është roli im të komentojë akte të cilat janë nën hetim penal. Roli im si qytetarë dhe si politikan, është të vendosemi 100% në dispozicion të drejtësisë për gjithçka që drejtësia kërkon, Ky është standarti perëndimor. Kush nuk është mësuar me këtë standart perëndimor nuk i vë faj, se 34 vite këtu ka dominuar standarti lindor, le të mësohet.

Në këto 13 vite janë graduar pushkatarët, e kam thënë dhe një herë tjetër. Ka tre dimensione: dimensioni njerëzor, 4 jetë njerëzisht të pafajshëm, një tragjedi e cila duhet të marrë një përgjigje ligjore. Dimension ligjor të hetohet gjithçka nga fillimi deri në fund. Dimensioni politik, pushkatarët që akuzoi Edi Rama i bëri kryetar PS-je, kryetar Bashkie i pasuroi. Personin për të cilin e bëri e bëri President. Në fillim e bëri aleat, kryetar Kuvendi, President. Shqiptarët e kuptojnë që 21 janari ka dhe dimensionin e dhimbshëm të manipulimit politik. Këtë e kam thënë dhe po ua them përsëri dhe sot pas 13 vitesh, sikundër e kam thënë në çdo program dhe në çdo emision në të cilin jam ftuar. Kështu që për 21 janarin keni njerëz të pafytyrë dhe të dyfytyrë sa të duash dhe keni një person që ka folur me koherencë nga fillimi deri në fund dhe ky jam unë dhe kësaj koherence i qëndrojë dhe sot.

Në konferencën për mediat, kreu i Demokratëve Euroatlantikë, Lulzim Basha, është shprehur në mbështetje të planit të SPAK për ngritjen e strukturave rajonale për krimin zgjedhor. Basha shtoi se Kryesia e Demokratëve Euroatlantikë ka vendosur përshpejtimin e procesit të evidentimit të kandidaturave për deputet dhe ecjen përpara me ngritjen e aleancave parazgjedhore me forcat e tjera politike.

Pjesë nga fjala e Bashës:

Ne qëndrojmë fuqimisht kundër kësaj. Nëse ka një nga tiparet dalluese që na ndajnë me këtë kastë tribale të korruptuar, është mbështetja pa kushte për SPAK. Dua të përshëndes vendimin e SPAK për të krijuar në nivel qarku seksione të veçanta për krimet elektorale në pararendje të zgjedhjeve të ardhshme parlamentare.

Ndonëse dihet që Edi Rama dhe qeveria e tij e korruptuar i kanë këto zgjedhje jetë a vdekje, jo thjeshtë për pushtetin, por për të mbrojtur veten e tyre nga ndjekja penale dhe fundi i merituar para drejtësisë, ndonëse dihet se kanë shndërruar shtetin shqiptar në një makineri gjigande, një pronë private, që me taksat e shqiptarëve ndërton pushtetin okult më të korruptuar në Europë, ndonëse dihet se aseti më i madh i Edi Ramës është Sali Berisha dhe përpjekja e tij për ta marrë peng opozitën në diskursin tribal: Kush është më pak i korruptuar Edi Rama apo Sali Berisha, shumica e shqiptarëve duan ndryshim. Nuk do të heqin dorë nga të kërkuarit e këtij ndryshimi, siç ne nuk do të heqim dorë për t’iu ofruar alternativën. Për t’iu ofruar listën e kandidatëve, programin dhe aleancën e gjithë forcave që duan t’i japin fund tranzicionit dhe nuk mund të pranojnë një Katovicë të dytë për 30 vitet e ardhshme në Shqipëri.

Ndaj e përshëndes këtë akt të SPAK-ut, shpreh mirënjohjen dhe mbështetjen, sikundër do të përgatisimi të gjitha aspektet organizative, në mënyrë që seksionet kundër krimit elektroal të kenë vëmendjen e qytetarëve, denoncimet e tyre, jo vetëm ditën e votimit apo muajin e zgjedhjeve, por në gjithë këtë periudhë para-elektorale, ku nisin abuzimet e rënda me pushtetin, blerja e votave, presioni ndaj votuesve, dhe të tjera dallavere tashmë të njohura të Edi Ramës dhe pushtetit të tij të korruptiv.

Në funksion të përgatitjes së fushatës zgjedhore, Kryesia e Partisë Demokratike – Demokratët Euroatlantikë, dje ka vendosur përshpejtimin e procesit të evidentimit të kandidaturave për deputetë, si dhe ecjen përpara me aleancën parazgjedhore.
Në mënyrë që aseti më i çmuar që kemi para zgjedhjeve, që është koha, të mos shpërdorohet në debatet boshe të imponuar nga anxhenda e përbashkët e kryeministrit të korruptuar dhe ish-kryeministrit, por t’i shërbej qytetarëve. Në mënyrë që programi ynë qeveritar, programi ynë zgjedhor, i shpalosur më 1 qershor, të shkojë të çdo grup interesi, te çdo qytetar, dhe të përbëj bazën e debatit publik mbi atë se çfarë meritojnë shqiptarët, mbi atë që meriton Shqipëria.

Në konferencën për mediat, kreu i Demokratëve Euroatlantikë, Lulzim Basha, ka denoncuar marrëveshjen mes Ramës dhe Berishës për amnistinë e të dënuarve nga GJKKO, sikurse u provua nga raportimi i kreut të SPAK, Altin Dumani.

Sipas Bashës marrëveshja për amnistinë u ndoq nga ajo për sabotimin e komisionit të Reformës Zgjedhore dhe pazari për vulën, përmes të cilit Rama siguron një mandat tjetër, ndërsa Berisha monopolin e teatrit opozitar.

Fjala e Bashës:

Akti i amnistisë, i provuar katërcipërisht edhe nga raportimi zyrtar i kreut të SPAK, provon paktin midis qeverisë dhe teatër opozitës. Teatër opozita në këtë pakt ka liruar të korruptuarit, ka liruar vjedhësit e votave, ka liruar vjedhësit e fondeve të shqiptarëve, ndërkohë që ka pranuar të vazhdojë ndjekja penale për protestuesit që u ngritën kundër korrupsionit, të Partisë Demokratike, të opozitës, dhe në tërësi protestuesit kundër padrejtësive dhe korrupsionit të qeverisë të Edi Ramës. Pakti vazhdoi me prishjen e komisionit për Reformën Zgjedhore, dhe krijimin e një celule okulte të cilës i është dhënë detyra nga kryeministri dhe ish-kryeministri të mbyllin listat, që janë hapur me vendimin e Gjykatës Kushtetuese, në mënyrë që edhe zgjedhjet e ardhshme dy dinosaurët e tranzicionit të mund të kontrollojnë votën e shqiptarëve.
Pakti vazhdon me lëvizjet e përgatitura për të goditur SPAK, për të eliminuar shpërdorimin e detyrës si vepër penale nga kodi penal, për t’i mohuar SPAK mbështetjen financiare, burimet njerëzore dhe ndryshimet legjislative, me qëllim që ky kërcënim jetik ndaj të korruptuarve, siç është SPAK, dalëngadalë të zvogëlohet, të mpaket e të mos kryej misionin nga i cili i kanë sytë gjithë shqiptarët, që është vënia para drejtësisë e të korruptuarve pa dallime politike dhe dhënia fund e tranzicionit.

Tjetër plan kanë Edi Rama dhe Sali Berisha, Katovica 2, do të ribashkojë ato pjesë të ndara të PPSH-së që u nisën me misionin jo për të sjellë demokraci, liri tregu, barazi para ligjit, por për të rivendosur klika të reja të pushtetit e për t’i përjetësuar ato në formën e klaneve apo pushtetit familjar. Ky është mirëkputimi që vjen me një kosto të lartë për shqiptarët në tërësi dhe demokratët në veçanti, sepse pjesë e këtij pakti është që t’i hapet rruga Edi Ramës që të qeverisë edhe 4 vite të tjera Shqipërinë, në këmbim të vulës së opozitë dhe të përpjekjeve për t’i dhënë fund çdo akti të vendosjes para drejtësisë të të korruptuarve të kësaj qeverie dhe të korruptuarve në tërësi.