Blog

Dy javë përpara i kërkova qeverisë shqiptare t’i dalë përpara pasojave të paevitueshme të rritjes së çmimeve, duke filluar me rritjen e çmimeve përdorur ato mekanizma të cilat në fakt jo vetëm lehtësojnë qytetarët, por zhbëjnë edhe padrejtësie e kësaj qeverie të këtyre 8 viteve.

Kërkova eliminimin e menjëhershëm të taksës së qarkullimit me vlerë 240 lekë që njihet nga populli si taksa “Rama”; si fillim dhe konsiderimin e lehtësimit të përkohshëm të disa prej taksave të tjera si akcizës së karburantit apo taksave të tjera mbi naftën. Kërkova po kështu rikonsiderimin e paketës tonë për TVSH 6% për ushqimet duke qenë se çmimi i naftës nuk ka të bëjë vetëm me ata që kanë automjete apo varen nga automjetet, por ka të bëjë me gjithçka që varet nga transporti, pra gjithçka që ka të bëjë me bukën e përditshme dhe shërbimet ndaj qytetarëve.

E kam përsëritur si sot një javë si kërkesë kur karburantet shkuan 2300 lekë. Ndërkohë që ka nisur reagimi qytetar që ka mbështetjen tonë të plotë dhe ndaj këtij reagimi qytetar qeveria ka bërë veshin e shurdhër, kryeministri është tallur. Jo vetëm kaq por i është përgjigjur me dhunë policore, të cilën PD e ka dënuar me forcë, teksa deputetët tanë janë gjendur pranë protestuesve të keqtrajtuar dhe të arrestuar në komisariate e cila është një praktikë e tmerrshme, abuzive dhe fytyra e vërtetë e një regjimi, një qeverie, një kryeministri të shkëputur nga realiteti, shkëputur nga dhimbja e përditshme e shqiptarëve.

Sot dua të vendos edhe një herë theksin tek nevoja imediate për t’i ardhur në ndihmë njerëzve, që njerëzit të paguajnë më pak dhe që çmimet të mbahen nën kontroll nuk mjaftojnë fjalët, as premtimet boshe por duhet hedhur direkt në veprim, as nuk mjafton që topin t’ia kalosh një faktori tjetër, kushdo qoftë ky dhe çfarëdo pjesë të përgjegjësisë apo të fajit të ketë.

E lehtë t’i vesh fajin Autoritetit të Konkurrencës, e lehtë të bësh sikur zihesh me ata që deri dje i ke patur ortakë në krah, tani është momenti të veprosh. Është akoma më e dhimbshme po të kujtosh se  ndërkohë që çmimi i naftës rritet, rriten të ardhurat e qeverisë.

Them qeverisë sepse prej kohësh nuk janë të ardhurat e qytetarëve sepse nuk kthehen tek qytetarët. Skandali i inceneratorëve tregoi se 430 mln euro  u përvetësuan nga një grup qeveritarësh, një grup i strukturuar kriminal për të cilin ne do të çojmë shume shpejt padi. Ndaj po ua them paraprakisht, që pavarësisht situatës së brendshëm që po kalon PD, subjekt i cili është mbledhja e sotme dhe procesi i reflektimit që ne kemi nisur, ne në asnjë moment nuk harrojmë detyrën tonë para njerëzve. Dhe demokratët janë dhe do të jenë në krye të kësaj beteje për jetën e përditshme të qytetarëve, për krizën e tmerrshme që po kalojmë, aq më shumë ku ndërkohë që çmimet rriten për shkak të sistemit të taksave, qeveria shton të ardhurat dhe në vend që të shtojë ndihmën ndaj qytetarëve, shton retorikën dhe shton dhunën ndaj qytetarëve. Kjo është e papranueshme.

Kjo do të thotë që të gjithë ata të ardhura të shtesë që ka marrë gjatë kohës që është rritur çmimi i naftës, urgjentisht t’i dedikojë urgjentisht për familjet në nevojë, në radhë të parë.

Ka dy mënyra për t’i administruar situata të tilla të vështira, jo se janë përjashtuese nga njëra tjera por varet nga buxheti i shtetit.

Njëra është subvencionimi, por që të mund të jetë pre shumë lehtë e praktikave korruptive, diskriminuese ose të padrejta.

Tjetra është përpjekja për të mbajtur nën fre çmimin.

Kjo nuk mund të ndodhë me metoda të tjera përveçse duke eliminuar, siç e thashë, taksën “Rama”, qoftë edhe përkohësisht taksa të të tjera.

Le të mësojmë nga vendet e rajonit.

Shikoni, Maqedonia e Veriut, Greqia, urgjentisht po veprojnë.

Dakord, Greqia ka një standard tjetër. Por Maqedonia e Veriut është e krahasueshme si në forma, edhe në mjete me krizën që po përballet.

Kosova po konsideron po kështu masat e saj.

Qeveria e Shqipërisë, kryeministri shqiptar të kapur ne flagrancën e 430 mln eurove nuk mund ta kalojë lumin me dhunë policore, me censure apo me premtime boshe.

Dy javë më parë i kam bërë thirrje. Tani jem në mes të kësaj krize e  cila nuk dihet se çfarë pasojash të tjera mund të ketë.

Ndaj një nga propozimet që do t’i parashtroj grupit parlamentar është që të kërkoj mocion me debat, në momentin më të parë të mundshëm në Parlament, për të vënë para presionit maksimal qeverinë që të lërë llafet, të lërë fjalët dhe të fillojë me veprat.

Për çështjet e tjera pas mbledhjes së grupit parlamentar.

Falemnderit!

Read More

Kryetari i PD, Lulzim Basha foli për median në dalje të parlamentit, ku akuzoi qeverinë se nuk ka marrë asnjë masë për lehtësimin e krizës së çmimeve, veçanërisht të karburanteve. Basha tha se duhet hequr sa më shpejt taksa Rama.

“Vetëm këtu qeveria nuk do t’ia dijë, por Edi Rama ia mbath në Dubai, dhe porosit që në media të dalë përgjigja arrogante kundër qytetarëve. Këtu s’ka asnjë masë. Është ndër vendet më të pakta në botë, ku në raport me çmimin e naftës, ajo që merr qeveria është nga 45-65%. Kjo është arsyeja se pse çmimi është kaq i lartë. Nuk bëhet fjalë vetëm për automjetet, pasi karburanti është gjaku i ekonomisë, reflektohet te ekonomia. Pranvera po vjen, por po vjen një dimër i acarët ekonomik. Është qeveria që do shqiptarët e varfër. Do që në zgjedhjet e ardhshme, 20 mijë lekshi ti duket 200 mijë lekë. Eleminimi i taksës Rama dhe konsolidimi i ngrirjes apo reduktimit të taksave dhe akcizave të tjera të naftës dhe njësoj si në kohën e pandemisë që çdo hap që do të hidhet në këtë drejtim, që njerëzit të kenë më shumë mundësi që të blejnë më shumë ushqime. Nuk ka më kohë për të pritur. Është një popull i vjedhur. Unë e di që në sinkron, faktorë të ndryshëm kanë për interes ta përqëndrojnë kamerën në atë çfarë po ndodh brenda familjes tonë. Do ta bëjmë atë duke nxjerrë në pah vlerat njerëzore. Do e bëjmë me një dialog më të hapur me njëri-tjetrin. Nuk do i iki këtij debati. Sot është dita e konkludimit të inceneratorëve”.

Read More

Të dashur bashkëqytetarë, për dy javë me radhë, javë para agresionit rus mbi Ukrainën, ju keni dëgjuar me fakte, me prova, me dëshmi, atë që Partia Demokratike dhe përfaqësuesit e Partisë Demokratike kanë thënë tash e 6 vite. Tani e 6 vite keni dëgjuar me dokumentet që ne kemi disponuar edhe nga punonjës të ndershëm të administratës duke marrë edhe nga mediat investigative të financuara nga aleatët euroatlantik, siç është BIRN, por edhe nga dokumentet e tjera të rrjeteve të hapura, duke përfshirë këtu dokumente financiare të parajsave fiskale, një fabul të thjesht që sot po mundohen ta mbulojnë me fjalime 2 orë e 10 minuta përpara apo me një tjetër fjalim zbukurues tani. Dhe e vërteta është kjo: janë mbledhur 3 shokë, njëri ish anëtarë i bandës së Lushnjës që quhet Mirel Mërtiri, tjetri Klodian Zoto, tjetri parafolësi. Kanë shkuar tek kryeministri, tek Edi Rama dhe i kanë thënë 2ore është ky biznesi i plehrave, është me fitim, si ta bëjmë?”, – po i ka thënë ai, ecni! Siç e ka zakon, pastaj atë e ka mbajtur për dreka për darka në kryeministri, këta të tjerët i ka nxjerrë pak në qoshe, ka ndërtuar një skemë, i ka dhënë urdhër ministrit të parë, ai se ka zbatuar urdhrin, e ka hequr. Ka ardhur ministri i dytë dhe pastaj gjërat kanë shkuar fjollë. Si kanë shkuar fjollë? Kanë shkuar fjollë që duke hedhur poshtë investimin e qeverisë gjermane dhe Bankës Botërore që sugjeronte vazhdimin e trajtimit të mbetjeve urbane jo me incenerator, si zgjidhje jo e preferuar, por sipas strategjisë të të miratuar dhe të paguar nga Banka Botërore dhe nga qeveria gjermane, këta ndërtojnë incenerator për të djegur me kapacitete të tilla të projektuara fillimisht jo thjesht plehrat e Shqipërisë por edhe të Italisë. E kanë parë në fillim reagimin publik të Partisë Demokratike dhe pastaj kanë proceduar me fshehtësi siç e tregon fakti që brenda një dite, kanë miratuar 17 vendime. Tani të nderuar qytetarë nga Saranda në Tropojë, nga Korça në Durrës. 17 vendime brenda 18 orëve, në mënyrë që t’i jepet dikujt pa garë, brenda ditës mundësia të garojë dhe pasi ka garuar të shpallet fituesi dhe pas ca ditësh të jepen 20 milionë euro nga taksat tuaja parapagesë dhe të thuash që këtu nuk ka asgjë jo normale dhe pastaj me një skemë krejt tjetër i njëjti person të përfitojë 23 milionë euro në inceneratorin e Fierit dhe të thuash edhe këtu s’ka gjë jo normale dhe pastaj i njëjti person pas dhjetëra kompanive guackë të jetë i përfshirë tek landfilli i Tiranës dhe të thuash edhe këtu s’ka asgjë jo normale. Dhe të gënjesh dhe të thuash që studimi i Bankës Botërore kur bashkinë e drejtoja unë, kishte çmim më të lartë është gënjeshtër. Ai çmimi që këta përmendin, është çmimi i plotë edhe i mbledhjes, edhe i pastrimit të qytetit që bëhet sot nga 5 kompani që paguhen shtesë, edhe i futjes në faza të kontejnerëve nën tokë, duke filluar me unazën e vogël, e kam shpjeguar dhjetëra herë, e tjerë e tjerë, po pak rëndësi ka sepse e vërteta për këta nuk ka asnjë pikë rëndësie. Këta mendojnë që duke pasur në krah heshtjen e gjatë të shumë mediave që për fat të keq për një kohë shumë të gjatë nuk ishin në krahun e të vërtetës dhe të publikut, por ishin në krah të kësaj afere mafioze. Dhe fakti që kanë menduar kaq gjatë se do ishin përtej krahut të ligjit, tani mund t’ia hedhin duke bërë sikur komisioni nuk ka ekzistuar, sikur nuk kanë qenë duke qarë burra 60-vjeçarë, sepse nuk e shpjegonin dot pse kanë hedhur firmën në dokumentet e paligjshme. Sikur nuk është fakt që kryetari i bashkisë, ka kaluar me firmën e vet diçka që nuk ishte kompetencë e tij vetëm për t’i hapur rrugë vjedhjes së miliona e miliona eurove përditë që vazhdojnë edhe sot që flasim, jo vetëm me depozitimin e mbetjeve, por edhe me depozitimin e dherave. Ku një ndërtues që gërmon, është i detyruar në radhë të parë duhet të marrë leje të lidh kontratën për t’i çuar dherat atje dhe në qoftë se i duhen dherat për të mbushur një gropë duhet të shkojë prapë t’i blej dherat atje. Një aferë pra që në tërësi përfshin atë shifër që është gdhendur në kokën e çdo shqiptari, demokratë apo socialistë qoftë, 430 milionë euro këtu e kanë merakun këta. Sepse shqiptarët e kanë kuptuar që 430 milionë euro, afërsisht 10% e buxhetit të shtetit është gllabëruar përmes një individi të vetëm, Mirel Mërtirit. Tani a ka mendje që mos ta kuptojë çfarëdo shkalle shkollimi apo interesi të ketë në këtë çështje që është e pamundur që një njeri i vetëm pa asnjë përvojë përveç asaj që ka pasur kur ka qenë anëtarë i bandës së Lushnjës, i cili sigurisht pastaj lavdërohej si gjeni nga kryeministri. A ka mundësi që ky njeri papritur na u bë zgjidhësi i madh i problemeve të plehrave në Shqipëri. Në radhë të parë, problemi i plehrave nuk është zgjidhur dhe për këtë mjafton të bëjmë një shëtitje në secilin prej qyteteve. Dhe në radhë të dytë, të gjithë e mbajnë mend se si i mbytën qytetarët e Fierit, Shijakut, Durrësit me tym në mes të verës vetëm për të justifikuar që grantin e lekëve të qytetarëve, që qeveria ia çon bashkive këta t’ia paguanin Mirel Mertirti.
Pse ka krijuar dhjetëra kompani, shumicën prej tyre në parajsa fiskale?
Sa karta krediti janë lëshuar në emër të këtyre kompanive?
Kush i përdor këto karta krediti?
Si ka mundësi që administratori merr në dorëzim një kompani që ka marrë 20 mln euro, ka bërë 2 apo 3 mln eruo punë dhe ka 5 mln euro në sirtar apo në konto? Ku janë paratë e tjera?
Ndiq paranë!
Ndiq paranë është ftesë që i është bërë SPAK-ut. Por ne nuk jemi mjaftuar me kaq.
Unë dua të përgëzoj anëtaret e Partia Demokratike në Komisionin Hetimor, duke nisur me kryetaren Jorida Tabaku e cila nuk ka nevojë për përgëzimet e mia sot, sepse ka marrë dhe vazhdon të marrë dhe bekimet e çdo nëne dhe babai, e çdo prindi, e çdo fëmije për qëndrimet që ka bërë ndaj ortekut të mashtrimeve dhe presioneve ndaj kryeministrit, por edhe për mënyrën njerëzore se si ka ditur t’i trajtoj ata që qanin kur ballafaqoheshin me të vërtetën sepse kishin qenë aksesore në vjedhjen e bukës së vogëlushëve të shqiptarëve.
Dua po kështu të falënderoj të gjithë ekipin e punës që mbështeti punën e anëtarëve të komisionit dhe përgatiti paralelisht me raportin, raportin e të vërtetës dhe jo atë të rrenës, edhe paditë penale për 6 përgjegjësit kryesorë; 3 për kryetarët e bashkive, deputeti Bllako që paguanin me rrogën e 5 deputetëve babain e tij dhe ministrat Ahmetaj, ish ministrin Gjiknuri dhe sekretarin e Përgjithshëm të Kryeministrisë, Engjëll Agaçi.
Ajo që është e rëndësishme duhet të kuptoni që kjo nuk është një neglizhencë apo një gabim i njërit apo tjetrit. Këta të gjithë janë të lidhur bashkë dhe kjo është arsyeja se përse bëhet fjalë për një grup të struktura kriminal, në kuptimin penal të fjalës dhe jo në kuptimin politik të fjalës. Dhe kjo është arsyeja përse kreu i kësaj është kryeminsitri i cili nuk mund të thotë që di çdo gjë që bëhet në këtë vend por nuk e di që vidhen 430 mln euro pas shpinës së tij, që ndërsen kryetarin e Bashkisë së Tiranës kundër Federatës dhe pastaj bën pazare që të mbyllë gojën kushërinjve të federatës.
Pra, grupi i strukturuar kriminal është i plotë, kallëzimet janë para SPAK-ut. Tani jemi të qartë.
Fakti që pjesa e PS në komisionin hetimor u përpoq, tre prej tyre në konflikt interesi, u përpoqën për të mbuluar të vërtetën është evidente.
Fakti që këta sot vijnë me një raport që fsheh të vërtetën është evidente.
Por diçka po këtu është e vërtetë dhe nuk e luan as topi, denoncimet tona, kauza jonë ishte e drejtë.
U deshën 6 vjet, sulme, censurë. Kujtoni se u detyronim të rrinim me javë të tëra, ditë për ditë dhe t’i bënim thirrje ta kthenin live sepse nuk guxonin ta jepnin kronikat e lajmit.
Tani shqiptarët e dinë të vërtetën.
Tani pas kësaj seance, ku sërish do të jenë në mbrojtje të krimit dhe skenës së krimit, sepse janë disa të përfshirë dhe detyrohen sepse kanë humbur koshiencën dhe pavarësinë për të votuar ndryshe.
Nuk do të mbarojë me kaq, këmbëngulja jonë do të vazhdoj deri më fund. Shumë shpejt topi do të jetë tek SPAK. A do ta pranojë karremi që këta janë individ tek e tek që bëri një gabim dhe tjetrit i shkau këmba, e tjetrit goja, ndërkohë që kryeministri nuk e kishte mendjen se kush e ngjyente gishtin apo do t’i japë provën e parë para se cilës gjenden: para shqiptarëve dhe faktorit ndërkombëtar në aferën e shekullit, aferën e inceneratorëve që iu ka vjedhur shqiptarëve 430 mln euro.
Ne do të jemi këtu. Ne do të jemi kudo për të ushtruar presionin maksimal dhe përgjegjësit të shkojnë para ligjit si grupi i strukturuar kriminal me vjedhjen më të madhe në histori.
Ju faleminderit!

Read More

Të nderuar bashkëqyetarë, të nderuar kolegë.

 

Në shkurtin e vitit 2018 në këtë sallë do të ftoja në një interpelancë plenare  ish ministrin e Infrastrukturës dhe Energjitikës, Damian Gjiknurin. Do ta ftoja për të debatuar mbi atë që sot njihet si “Afera e Inceneratorëve” që buxhetit të shtetit dhe taksave të shqiptarëve i kushton 430 mln euro.

Katër vite më pas jemi në këtë sallë parlamentare duke diskutuar një Raport të Komisionit Hetimor të Inceneratorëve. Një pikë e rëndësishme e një denoncimi që Partia Demokratike e ka bërë vazhdimisht që nga dita e parë ku u mësua për inceneratorin e Elbasanit e deri më sot.

Një provë e pakontestueshme e një angazhimi serioz që ne si opozitë kemi ndaj kauzave, çështjeve dhe se nuk trembemi as kur kërcënohemi apo sulmohemi publikisht nga qeveria dhe padyshim tentakulat e saj në media.

Që nga tetori 2021 në Kryesinë e Kuvendit të Shqipërisë janë zhvilluar mbi 20 seanca mbledhjesh përfshirë edhe seancat dëgjimore të 41 dëshmitarëve për t’i ofruar shqiptarëve një panoramë të qartë se si kjo mazhorancë dhe qeveria Rama ka operuar me paratë e buxhetit të shtetit nga viti 2014 e në vijim.

Sot, në një raport të plotë të shkruar nga ekspertë ligjorë, të ekonomisë, të mjedisit dhe të fushës së energjisë elektrike të gjatë 120 faqe drejtuar SPAK e mbi të gjitha qytetarëve të këtij vendi do të mund të shohim se si është zbatuar një aferë financiare korruptive në kurriz të shqiptarëve me taksat e tyre që pasurojnë 3 individë me lidhje të ngushta në qeveri.

Kjo është me pak fjalë historia që ndodh thuajse në çdo koncesion/PPP korruptive, të panjohur që me duar në xhepa vijnë për të marrë 430 mln euro nga taksat e shqiptarëve. Thjesht, kësaj radhe opozita mundi ta faktojë edhe nga dëshmitë e nëpunësve civilë, qytetarëve të thjeshtë, sipërmarrësve por edhe nga padija e rigjetur e ish ministrave, sekretarit organizativ të PS, sekretarit të përgjithshëm të kryeministrisë e kështu me radhë.

Mbi 60 orë dëgjesa publike, me qindra dokumente janë një pasuri e madhe jo vetëm për prokurorët e SPAK por edhe për këdo që dëshiron të kuptojë sadopak përfshirjen e Këshillit të Ministrave në një aferë që e bënë shkel e shko sepse menduan, siç edhe mendojnë, se nuk do t’i kapë drejtësia. Se janë të paprekshëm! Të pamposhtur!

Qëllimi ynë kryesor me krijimin e këtij Komisioni Hetimor ishte të bënim të qartë me prova e fakte për qytetarët e Shqipërisë, atë që kemi denoncuar prej vitesh;  Kryerjen e krimit shtetëror të vjedhjes së parave të Shqiptarëve me anë të vënies në dispozicion të institucioneve qeveritare në nivel qendror dhe lokal, një grupi individësh që me duar në xhepa dhe pa asnjë eksperiencë iu dhuruan tre projekte me vlerë mbi 430 mln euro.

Këta individë kishin për detyre të zbatonin vetëm një detyrë, të merrnin përsipër arkëtimin e parave nga buxheti i shtetit për vete, në kompanitë e tyre dhe më tej këto para t’ia shpërndanin përfaqësuesive të qeverisë. Këta ishin ata që mundësuan Krijimin e Skemës më të madhe Mashtruese dhe Korruptive të zbuluar ndonjëherë në Shqipëri. Kjo skemë kishte si qëllim vetëm marrjen e fondeve publike, mosndërtimin e Inceneratorëve në mënyrë që të mundësohej vjedhja galopante e parave të shqiptarëve!

Qëllimi primar i këtij grupi të struktuar kriminal i përbërë nga përfaqësues të niveleve më të larta të qeverisjes qendrore së bashku me stafet në varësi të tyre, dhe padyshim edhe qeveria lokale  Nga kryetarët e bashkive të përfshirë dhe institucionet që kanë lehtësuar procedurat, mundësuar eficencën e skemës dhe mbylljen e syve për atë që ka ndodhur.

Afera masive financiare rezulton se është mbështetur në dy shtylla kryesore:

 

1. Përfitimi i kontratave koncensionare nga kompani, të lidhura ngushtësisht me njëra-tjetrën, pa përvojë dhe pa aftësi financiare; në shkelje të procedurave në hartimin, miratimin dhe zbatimin e kontratave koncensionare
2. Përdorimi i fondeve publike përmes një skeme pastrimi parash për t’i nxjerrë këto fonde jashtë vendit apo duke kryer pagesa me kompani fiktive si dhe kompani që zotërohen nga të kërkuarit në arrati Zoto-Gugallja-Mërtiri.

 

Zanafilla e aferës së inceneratorëve do të ngjante e pakuptueshme nëse në këtë pjesë të parë të analizës nuk do të ndaleshim tek kush ishin tre kompanitë që iniciuan tre projektet në Elbasan, Fier dhe Tiranë, dhe mbi të gjitha kush ishin pronarët e këtyre tre kompanive. Faktet, dokumentet, dëshmitë tregojnë se në fakt janë gjithmonë të njëjtin njerëz, të njëjtat mekanizma, të njëjta lidhje korruptive dhe praktika të paligjshme. Formalisht, pronarët e inceneratorëve janë tre: Mirel Mërtiri, Klodian Zoto dhe Stela Gugallja. Por, e vërteta është se kryepronari i inceneratorëve është vetëm shtetasi Mirel Mërtiri, ndërsa shtetasi Klodian Zoto është vartësi i tij, dhe shtetasja Stela Gugallja, është bashkëjetuesja e tij. Megjithëse pra, ky shtetas herë përpiqet të fshihet pas një kompanie holandeze, herë pas dy kompanive italiane, e hërë pas një kompanie malteze, ai është gjithmonë i njëjti dhe shfaqet kudo sa herë që flitet për destinin e miliona eurove të përfituara nga afera e inceneratorëve.

Mirel Mërtiri pra, një person me të shkuar të dyshimtë dhe pa ndonjë sukses të madh në sipërmarrjet e tij, papritur u bë personi kyc në një nga bizneset më fitimprurëse kudo në botë. Ai “pati idenë brilante” për t’i propozuar ministrit të Mjedisit, Lefter Koka ndërtimin e tre inceneratorëve, dhe ideja e tij jo vetëm u gjet “shumë interesante” për interesin publik, por të gjitha institucionet qëndrore dhe vendore u vunë në dispozicion të tij, për të implementuar “gjetjen e shekullit”, të cilën shumë vende e kishin refuzuar me vendosmëri për shkak të pasojave që prodhonte në mjedis dhe shëndetin e njerëzve. Kushdo tashmë mund të ketë ngritur pyetjen se si ka mundësi që gjithë shteti vihet në funksion të një njeriu. Dhe në fakt kjo është një pyetje e drejtë sepse kur lexon aktet, dokumentet dhe dëshmitë, shikon se si funksionarë publikë që kishin refuzuar me vendosmëri projektin, papritur “reflektojnë” dhe e miratojnë.

Përgjigja në fakt e Komisionit Hetimor, Prokurorisë Kundër Korrupsionit dhe Krimit të Organizuar, medias dhe qytetarëve, duhet kërkuar në fakt të lidhjet e këtij shtetasi me persona që mbajnë funksione të larta qeveritare, njëri prej të cilave rezulton të jetë deputeti, ish-ministri i Ekonomisë, ish-ministri i Financave, ministrit i Shtetit për Rindërtimin dhe zëvëndëskryeministri Arben Ahmetaj. Faktet që do të paraqesim në vijim dëshmojnë për njohjen e vjetër dhe marrëdhënien e konsoliduar të këtyre dy shtetasve me njëri-tjetrin, cka në fakt edhe publikisht nuk është mohuar asnjëherë nga ministri Ahmetaj. Një lidhje tjetër dhe njohje e vjetër e shtetasit Mërtiri, por vecanërisht e shtetasit Klodian Zoto është edhe ish-ministri i Infrastrukturës dhe Energjisë, deputeti dhe sekretari i përgjithshëm i Partisë Socialiste, Damian Gjiknuri.

Dyshja Ahmetaj – Gjiknuri duken pra, të jenë mrekullibërësit e transformimit të Mërtirit në një nga biznesmenët më të mëdhenj dhe të fuqishëm në vend. Dhe kjo jo për zemërgjërësi apo bujari, por për shkak të interesave të pastra korruptive dhe financiare që i lidhin këta shtetas me njëri-tjetrin. Mundësitë e Komisionit Hetimor për t’i shkuar më tej kësaj të vërtete të madhe, ishin të kufizuara dhe u penguan vecanërisht nga avokatët e aferës së inceneratorëve në Komision, institucione publike dhe bankat e nivelit të dytë. Megjithatë, një hetim i plotë dhe i gjithanshëm i organit të akuzës, SPAK mund të zbardhë të plotë interesat që i lidhin fort me njëri-tjetrin Mirel Mërtirin, Klodian Zoton, Arben Ahmetaj dhe Damian Gjinkurin. Një ndihmë vecanërisht e madhe mund t’i vijë SPAK-ut nëse do të fokusohet te hetimi i udhëtimeve të përbashkëta që kanë realizuar këta shtetas, vendeve ku kanë qëndruar dhe aktivitetet që kanë kryer.

Kompanitë që kanë fituar kontratat koncensionare për ndërtimin e landfill+incenerator në Elbasan, Fier dhe Tiranë, nuk kanë pasur asnjë përvojë në fushën e përpunimit dhe incenerimit të mbetjeve urbane.

Kompanitë koncensionare, siç rezultojnë nga dokumentet zyrtare, nuk kanë pasur as kapacitetete financiare për ndërtimin e tre landfilleve dhe inceneratorëve, vlera operacionale e të cilave përllogaritet në rreth 150 milionë euro, pa përfshirë përfitimet e tjera nga shërbimi i depozitimit dhe incenerimit të mbetjeve urbane, prodhimin dhe shitjen e energjisë si dhe depozitimin e dherave të sigurara si një monopol përmes veprimeve dhe mosveprimeve të qeverisë qendrore dhe asaj lokale..

Në dhjetorin 2013 një vendim i qeverisë krijoi një komitet Ndërministror të përbërë nga zëvendës ministra që do të ishte hapi i parë për krijimin e terrenit për veprimtarinë e këtij grupi të strukturuar kriminal që si qëllim kishte vetëm që me anë të mashtrimit,  duke krijuar situata të pavërteta, duke shfaqur shenja të qarta të korrupsionit në cdo strukturë qeverisëse të përfshirë, abuzimit me detyrën dhe pastrimit të parave që i janë marrë padrejtësisht  taksapagueseve shqiptarë shumën e 430  mln euro

Disa javë më pas nga dita e krijmit të këtij komiteti, kryeministri Rama do të mblidhte 5 nga 11 anëtarët e këtij komitetit dhe tërësisht jashtë kuorumit të domosdoshëm do të merrte një vendim që nuk ka asnjë efekt vetëm me 3 firma të zv ministrave. Kjo në fakt ka qenë e gjithë alibia e mazhorancës që pas dëgjesave të 41 dëshmitarëve u mjaftua në një raport as 40 faqe.

E gjithë alibia që nisi nga kryeministri që nën tagrin e dëshmitarit në Komision e përdori këtë vendim si alibi e deri tek kryebashkiaku Elbasanit rrotullohet rreth një vendimi që është nul.

Nën këtë frymë dhe këtë logjikë operimi duke shkelur ligjin dhe duke shpikur procedura inekzistente, nisi dhe procedura e Inceneratorit të Elbasanit. Një procedurë që sipas fjalëve të vetë seketarit të përgjithshëm të kryeministrisë, z. Agaçi, do të niste në korrikun e vitit 2014 dhe do të vazhdonte me shpalljen e një procedure të pabazuar në ligjin e Koncesioneve/PPP. Ministri që sot ndodhet në qeli dhe pret gjykimin nisi një Koncesion të formës “Negocim pa shpallje” e cila është një procedurë që nuk ekziston në ligj.

Pikërisht edhe për këtë procedurë ai gjendet sot në arrest. Pikërisht për këtë procedurë ish dejtuesi i Agjencisë së Pokurorimit Publik, Eduart Ahmeti, do ta këshillonte ministrin Koka që të mos e vazhdonte. Pikërisht për këtë procedurë edhe ministri Cani do ta këshillonte ministrin Koka që mos ta vazhdonte.

Por, ironikisht për këtë procedurë do ta këshillonin ministrin Koka për ta vazhduar Damian Gjiknuri dhe Arben Ahmetaj. I pari madje duke këmbëngulur edhe se procedura ligjore është shumë e saktë dhe e rregullt.

Më tej, minutat e mbajtura shënim të procesverbalit të mbledhje të Komisionit të Koncesioneve vazhdojnë të rrëzojnë alibinë e qeverisë se kjo procedurë nuk vazhdoi më tej.

Një shtet i tërë, i ngritur në këmbë sajon një procedurë pa bazë ligjore, në kundërshtim me çdo ligj dhe e çon atë në Këshillin e Ministrave. Aty gardiani i Këshillit të Ministrave e lejon këtë procedurë, edhe ndonëse në komisionin hetimor premtoi dërgimin e relacionit mbi të cilin është miratuar VKM-ja emblematike 907 sërishmi nuk solli gjë.

17 procedura ndërministrore, brenda 8 orëve të datës 16 dhjetor 2014 do të hyjnë në historinë e shetit modern shqiptar. 17 procedura që sot kanë pas hekurave një ministër të qeverisë Rama.

Pyetja që shumëkush prej qytetarëve dhe deputetëve të interesuar për këtë çështje mund të bëjë është e thjeshtë; pse duhej kaq nxitim? Pse duhej kaq shpejtësi? Për t’iu përgjigjur kësaj pyetje duhet të ndjekim ato miliona euro që taksat e çdo shqiptari kanë paguar për tre inceneratorët.

 

Skema e “Tre Kovave”

 

Kompanitë koncensionare, me mbështetjen e plotë të autoriteteve shtetërore, kanë aplikuar një lloj skeme të ngjashme me atë që në Ekonomik njihet me termin “Tre kovat”.

Skema ka rezultuar e tillë. Kompania “Albtek Energy” shpk, e cila ka fituar kontratën koncensionare për ndërtimin e landfillit+inceneratorit të Elbasanit.

Kompania nuk ka pasur mundësi financiare për projektin me kosto ndërtimi rreth 3 miliardë lekë të reja pa TVSH.

Pasi ka siguruar kontratën koncensionare, kompania “Albtek Energy” ka aplikuar për kredi financiare, duke përdorur si kolateral pikërisht kontratën koncensionare.

Paratë e marra me kredi, si edhe pagesat e kryera nga Qeveria, janë përdorur nga kompania për ndërtimin e landfillit+inceneratorit të Elbasanit, ndërkohë që kontrata koncensionare parashikonte që ndërtimi do të kryhej me shpenzimet e kompanisë private.

Një pjesë e parave të përfituara nëpërmjet kësaj skeme, kompania “Albtek Energy” i ka shpërndarë për konsulencë tek dy kompani të tjera, njëra e zotëruar prej pronares së “Albtek Energy”, shtetasja Stela Gugallja dhe kompania tjetër konsulente nga Klodian Zoto, një personazh që shfaqet gjerësisht në skemën e tri inceneratorëve. Pjesa tjetër e parave publike janë shpërndarë për kompaninë tjetër të Klodian Zotos, Integrated Technology Services.

Sakaq, vërehet një diferencë e qartë mes vlerës së zhdoganimeve për impiantin e inceneratorit në kontratën e nënshkruar me furnizuesin italian, ku vlera e impiantit ishte 15 mln euro me vlerën e zhdoganimeve 7.7 mln euro.

Në Elbasan është ndërtuar i vetmi incenerator i mbetjeve, një impiant i cili aktualisht nuk po funksionon. Autoritetet qeveritare rezulton se nuk kanë kryer inspektim mbi realizimin dhe cilësinë e punimeve.

Rolin e supervizorit për punimet në impiantin e përpunimit të mbetjeve në Elbasan, ashtu si edhe për punimet e ngjashme në Fier dhe Tiranë, e kanë kryer kompani të të njëjtit “rrjet biznesesh”.

Në dokumentat zyrtare rezulton se asnjë autoritet shtetëror nuk ka mbikëqyrur cilësinë e pajisjeve të përdorura për ndërtimin e impiantit dhe përputhshmërinë e tyre me standartet e nevojshme.

****

E njëjta skemë dublikohet me kontratën koncensionare për ndërtimin e landfill+incenerator në Fier.

Të njëjtët persona, me të njëjtat kompani, pa përvojë dhe, mbi të gjitha, pa kapacitetete financiare, me mbështetjen e pakursyer të zyrtarëve të lartë qeveritarë, marrin përsipër ndërtimin e vend-depozitimit dhe incenerimit të mbetjeve urbane në Fier, me vlerë 3.7 miliardë lekë të reja pa TVSH.

Sërish, kompania koncensionare, “Integrated Technology Ëaste Treatment, Fier”, e drejtuar në maxhorancë nga shtetasi Klodian Zoto, merr kredi financiare, duke vendosur si kolateral kontratën koncensionare.

Po sërish, e njëjta skemë, ku kompania koncensionare, e cila kishte marrë përsipër të kryente vetë investimin, nuk kryen pagesa nga buxheti i saj, por përdor shumat e parave që ka marrë si kredi dhe pagesa periodike nga buxheti i shtetit.

Po njëlloj, një pjesë e parave që përfiton kompania nga Buxheti i Shtetit, i ndan në formën e konsulencës dhe nënkontraktimeve tek shoqëri që janë “pjesë e rrjetit”, si edhe tek shoqëri fiktive, të cilat ngarkojnë koncensionarin me fatura financiare fiktive.

Në Fier, impianti i incenerimit të mbetjeve ishte parashikuar të përfundonte ndërtimin në Tetor 2019. Deri në mbylljen e punimeve të Komisionit Hetimor Parlamentar, në Mars 2022, impianti i përpunimit të mbetjeve në Fier nuk është në funksionim, ndërkohë që Buxheti i Shtetit rezulton se ka kryer të gjithë pagesat e parashikuara në kontratën koncensionare.

 

***

Në Tiranë, “skema” ka një modifikim, megjithëse rezultati është i ngjashëm. Kontrata koncensionare parashikon të paguhet jo drejtë për drejtë nga buxheti i ministrive por përmes Transfertës së Pakushtëzuar prej Bashkive të Tiranës dhe Durrësit për ndërtimin e landfillit+inceneratorit.

Kompania fituese e kontratës koncensionare, ‘Integrated Energy BV”, njëlloj si simotrat e saj në Elbasan dhe Fier, rezulton që të jetë pa përvojë në fushën e mbetjeve dhe pa mundësi financiare.

Ajo përdor kontratën koncensionare si kolateral për të marrë kredi bankare, të cilën e përdor për fillimin e punimeve. Megjithëse kompania nuk ka nisur punimet ajo ka marrë fonde nga buxheti i shtetit përmes Bashkisë Tiranë.

Kompania koncensionare, “Integrated Energy BV”, e regjistruar në Amsterdam të Hollandës, kishte përfaqësues në kohën e nënshkrimit të kontratës shtetasin Klodian Zoto, i njëjti që shfaqet në koncensionet e ngjashme në Elbasan dhe Fier.

Tarifa 29/euro për ton mbeturina është përcaktuar për shërbimin e plotë “depozitim+incenerim” të mbetjeve urbane. Mirëpo sipas përllograritjeve rezulton që kostoja reale për ton është 40.61 euro/ton.

Impianti i incenerimit të mbetjeve në Tiranë nuk është ndërtuar dhe, siç rezultoi gjatë punimeve të Komisionit Hetimor Parlament, ai pritet të ndërtohet në vitin 2025.

Ndërkohë, nga Buxheti i Shtetit, nëpërmjet Bashkisë së Tiranës, paguhet e plotë tarifa prej 40.61 euro për ton mbeturina, pavarësisht se kompania koncensionare nuk ofron shërbimin e incenerimit. Në total kompania e incenerimit ka përfituar nga buxheti i shtetit vlerën e mbi 35 mln eurove.

Sakaq, qeveria qendrore dhe ajo lokale e Bashkisë Tiranë kanë ndikuar që kompania që zotëron inceneratorin e Tiranës të përfitojë një të ardhur ekstra në formën e një monopoli. Bashkia Tiranë ka detyruar të gjithë bizneset e ndërtimit që të nënshkruajnë një kontratë me kompaninë në zotërim të inceneratorit të Tiranës. Të ardhurat që Integrated Energy BV përfiton nga ky monopol i legalizuar nga shteti kap vlerën e 48.9 mln euro.

Një tjetër e ardhur e përfituar nga kompania në pronësi të inceneratorit të Tiranës, është ajo nga Bashkia e Durrësit. Përmes veprimeve të AKUM, nën drejtimin e Alqi Bllakos, u vendos mbyllja e venddepozitimit të Porto Romanos pa u gjetur një zgjedhje alternative. Kështu Bashkia Durrës nisi të negocionte një kontratë me inceneratorin e Tiranës aq sa në fund përmes një tenderi publik me vlerë 10 milionë euro në formën e “Negocimit pa Shpallje” i dorëzoi 10 mln euro kompanisë koncesionare të inceneratorit të Tiranës.

Këto të ardhura kompania konceionare e inceneratorit të Tiranës i shpërndan jo vetëm në tre kompanitë e sipërcituara më sipër (ITS dhe Zoto Consulting në pronësi të Klodian Zotos si dhe SE Consulting në pronësi të Stela Gugalljas). Një tjetër metodë se si kompanitë kanë  perdorur per transferimin e kapitaleve është ajo transferimit te tyre jashte vendit.

Ky proces nënkupton që një kompani të marrë shërbime nga kompani të saja “guackë ” e të rregjistruara në vendet të njohura si parajsa fiskale. Kjo është zakonisht një mënyrë se si kompanitë që kanë bija në një vend përdorin për të kryer transferime të kapitalit apo parave në kompanitë mëma jashtë vendit. informacionet në lidhje me këto lëvizje janë shumë të qartë për tu gjetur nga përpunimi i të dhënave të marra nga Drejtoria. Përgjitjshme e Tatimeve.

Në total, prej analizës së kryer, kompanitë koncesionare kanë deklaruar të paktën 94 fatura të tilla sherbimesh në Librat e tyre  me një vlerë totale prej 24.48 mln euro, apo mesatarisht 260 mijë euro për një faturë.

 

****

Pra, tre kompani, pa kapacitet financiar, marrin në seri tre kontrata koncensionare, duke aplikuar skemën e “Tre kovave”, nëpërmjet të cilës, një pjesë të shumës financiare të marrë nga Buxheti i Shtetit për inceneratorin e Elbasanit, e kanë kaluar në llogaritë e koncensionarit të Fierit dhe shumat e përbashkëta i kanë kaluar më tej tek koncensionari i Tiranës.

Kompanitë koncensionare kanë qarkulluar paratë e shtetit nga njëri projekt tek tjetri dhe, në përfundim, siç rezultoi nga dokumentat e administruar nga Komisioni Hetimor Parlamentar, nuk gjenden në llogaritë bankare të shoqërive.

Të paktën për koncensionet e impiantit të mbetjeve në Elbasan dhe Tiranë, kompanitë koncensionare kishin detyrimin që të kryenin punimet nga buxhetet e tyre financiare.

Ndërkohë, asnjë prej tre impianteve të incenerimit nuk është funksional, siç rezultoi gjatë verifikimeve të kryera nga Komisioni Hetimor Parlamentar.

 

1. Kompanitë e inceneratorëve kanë përdorur shuma të fryra të kontratave për impiantin duke zhdoganuar një vlerë shumë herë më të vogël se sa ajo e deklaruar në kontratë. E kanë kryer këtë akt në kontratën e koncesionit të Elbasanit kur kanë premtuar një impaint me vlerë 15 mln euro duke zhdoganuar vetëm 4.5 mln euro.
2. Kanë operuar përmes transferimit të kapitalit financiar të kompanive bija në kompanitë e tyre mëmë. Vlera totale e kësaj transferte nga të tre kompanitë është ajo e 24.3 mln euro një shumë e cila duhet të ndiqet nga SPAK dhe duhet kuptuar ku ka shkuar dhe si është përdorur.
3. Rruga e tretë është ajo e krijimit të kompanive fiktive që kanë mashtruar me TVSH-në. Por, më e rëndësishmja është edhe rruga përmes së cilës kompanitë që kanë qenë aksionere apo të lidhura me inceneratorët kanë përfituar punë si nënkontraktorë me një vlerë totale prej 37.8 mln euro.

 

Nga e gjithë kjo shuma totale që tre kompanitë e inceneratorëve, që janë fare mirë një, kanë dërguar në rrugë të ndryshme para tek pronaët realë të tyre deri më tani 70 mln euro apo thuajse 80% të parave nga buxheti i shtetit që kanë marrë nga dita e parë e deri në vitin 2021.

Me të drejtë çdo qytetar duhet të pyesë tani se si ka mundësi që një biznesmen i panjohur si Mirel Mërtiri shndërrohet në milioner? Me të drejtë një sipërmarrës i vogël apo i mesëm që punon 12 orë në ditë në punën e tij pyet veten se çfarë aftësish të jashtëzakonshme ka Klodian Zoto që merr 36 mln euro nga të tre incenertorët në kompaninë e tij?

Siç e përmenda më sipër, kjo është një skemë reale se si funksionon korrupsioni në këtë vend. Groposon miliona euro taksa shqiptarësh, më tej një pjesë e tyre incenerohen për të prodhuar propagandën mediatike. Pikërisht këtu duhet të qendrojmë. Arsyeja përse shqiptarët dëgjuan dhe mësuan dhe ngulitën në mendje 430 mln euro nuk është sepse opozita është e zonja në propagandë. Jo!

Arsyeja se përse shqiptarët mësuan sot për 430 mln euro është sepse komisioni hetimor për inceneratorët çliroi median shqiptare nga kompania e inceneratorëve që ka paguar gati 1 mln euro për të blerë heshtjen e tyre, përpos të atyre pak që me guxim kanë vazhduar të flasin për të vërtetën e 430 mln eurove.

E gjithë kjo skemë më pas shtyu serinë e veprimeve të institucioneve lokale dhe qendrore për të ndërtuar një skemë korruptive.

Ajo që konsiderohet si “aferë masive financiare” është realizuar me mbështetjen e zyrtarëve të lartë shtetërorë dhe drejtues lokalë, të cilët renditen sipas rendit kronologjik telegrafikisht më poshtë por që përfshijnë të paktën 50 zyrtarë (në vijim të Raportit janë të detajuara shkeljet e konstatuara).

 

• Qazim Sejdini, kryetar i Bashkisë së Elbasanit në kohën e procedurave për koncensionin e landfillit+inceneratorit të Elbasanit.

 

1. Sejdini ka ndërmarrë hapat administrativë për shpalljen e “gjendjes së emergjencës mjedisore” në Elbasan, mbështetur në vendimin e Komitetit Ndërministror të Menaxhimit të Integruar të Mbetjeve për “Shpalljen e fillimit të emergjencës mjedisore në Territorin e Republikës së Shqipërisë”.

 

Komiteti Ndërministror i Menaxhimit të Integruar të Mbetjeve është organ këshillimor dhe nuk ka fuqi vendimmarrëse, referuar ligjit “Për menaxhimin e mbetjeve urbane”. Për këtë arsye, procedura administrative e nisur nga kryetari i Bashkisë Elbasan, Qazim Sejdini, për “shpalljen e emergjencës mjedisore në Elbasan” është në kundërshtim me ligjin, të cilat u vijuan me pasoja të rënda financiare për Buxhetin e Shtetit.

 

• Lefter Koka, ministër i Mjedisit në periudhën 2013-2017, në kohën që janë nënshkruar kontratat koncensionare për landfill+incenerator në Elbasan, Fier dhe Tiranë.

Dokumentat e siguruara nga Komisioni Hetimor Parlamentar dhe deklarimet e dëshmitarëve e cilësojnë si “personazhin kyç” në zhvillimin e procedurave në kundërshtim me ligjin, për procedurat për dhënien me koncension të impianteve të përpunimit të mbetjeve në Elbasan, Fier dhe Tiranë.

 

• Arben Ahmetaj, Ministër i Zhvillimit Ekonomik dhe më tej Ministër i Financave gjatë kohës që janë zhvilluar procedurat për dhënien me koncension të ndërtimit të impianteve të përpunimit të mbetjeve në Elbasan, Fier dhe Tiranë.

 

1. Ahmetaj ka mbështetur zyrtarisht procedurën e paligjshme për kontratën koncensionare të Elbasanit, si edhe ka lejuar shpenzime mbi tavanin buxhetor për pagesat ndaj kompanive koncensionare, në kundërshtim me kuadrin ligjor.

 

1. Ahmetaj rezulton lidhje miqësore me shtetasin Mirel Mërtiri, i cili shfaqet si lidhje e fortë me të gjithë personazhet e prezantuar si pronarë e administratorë të kompanive koncensionare.

 

• Damian Gjiknuri, Ministër i Infrastrukturës në kohën e dhënies së koncensioneve për ndërtimin e impianteve të përpunimit të mbetjeve në Elbasan, Fier dhe Tiranë.

 

1. Gjiknuri ka mbështetur procedurat e paligjshme për ndërtimin e inceneratorit të Elbasanit, si edhe ka dështuar në mbikëqyrjen e situacioneve të punimeve të kryera nga kompanitë koncensionare, për të cilat janë lëshuar faturat financiare të paguara nga Buxheti i Shtetit.

 

• Engjëll Agaçi, Sekretar i Përgjithshëm i Këshillit të Ministrave.

 

1. Agaçi ka një rol thelbësor në shkeljet e procedurave ligjore në rastin e miratimit të kontratës koncensionare për ndërtimin e landfill+incenerator në Elbasan. Ai është përgjegjës për tolerimin dhe futjen e një projektvendimi për financimin e një kontrate e cila ishte firmosur pas një procedure të pabazuar në ligj dhe për të cilën ai ishte në dijeni.

 

• Edi Rama, Kryeministër i Shqipërisë.

 

1. Rama, në cilësinë e Kreut të Qeverisë, është përgjegjës i drejtëpërdrejtë për shkeljen e procedurave nga ana e vartësve të tij, ministra, në procedurat për dhënien me koncension të landfill+incenerator në Elbasan, Fier dhe Tiranë.

 

• Armando Subashi, Kryetar i Bashkisë së Fierit.

 

1. Subashi ka përgjegjësi për ndryshimin e vendit të ndërtimit të landfill+incenerator në Fier, duke i shkaktuar dëm të konsiderueshëm ekonomik Buxhetit të Shtetit.

 

• Alqi Bllako, Sekretar i Përgjithshëm i Ministrisë së Mjedisit në kohën e procedurave për dhënien me koncension të ndërtimit të impianteve në Fier dhe Tiranë.

 

1. Bllako është përgjegjës për ndjekjen e procedurave në kundërshtim me ligjin, si edhe për lejimin e “aferës masive financiare” që lidhet me landfill+incenerator në Fier dhe Elbasan.

 

• Erion Veliaj, kryetar i Bashkisë së Tiranës.

 

1. Veliaj shmangu Këshillin Bashkiak dhe dha miratimin për dhënien me koncension për ndërtimin e impiantit të përpunimit të mbetjeve në Sharrë, Tiranë, në tejkalim flagrante të kompetencave të tij.

 

40. Veliaj vijon të paguajë tarifën 40.61 euro/ton për shërbimin depozitim+incenerim të mbetjeve urbane të Tiranës, ndërkohë që procesi i incenerimit nuk kryhet për mungesë të impiantit, duke i shkaktuar në këtë mënyrë një dëm kolosal Buxhetit të Shtetit.

 

1. Veliaj ka siguruar një monopol kompanisë koncesionare përmes një tarife të pamiratuar nga Këshilli Bashkiak në kundërshtim të plotë me Ligjin për Pushettin Vendor dhe gjithashtu Ligjin për Manaxhimin e Financave Vendore.

 

• Emirjana Sako, kryetare e Bashkisë Durrës.

 

Znj. Sako përmes akteve të saj ka kryer një procedurë të dyshimtë të dhënies me Tender Publik të formës “Negociim pa shpallje” me vlerë fillestare të shpallur pre 2 mln eurosh dhe më pas të shndërruar në një tender publik me vlerë 10 mln euro. Ky tender publik u publikua në formatin e negocimit pa shpallje duke favorizuar kompaninë e Inceneratorit Tiranë në një prokurim publik në kundërshtim me ligjin e prokurimeve publike.

 

Lista e zyrtarëve shtetërorë që vlerëson përgjegjës për “aferën masive financiare” vijon me persona që kanë pasur poste dytësore apo pjesëmarrës në komisionet e procedurave koncensionare për ndërtimin e impiantit të përpunimit të mbetjeve në Elbasan, Fier dhe Tiranë.

 

 

Përfituesit e kontratave koncensionare

Emrat dhe kompanitë

 

ELBASAN

Ministria e Mjedisit dhe shoqëria “Albtek Energy” shpk nënshkruajnë draft-kontratë:  “Koncesioni i formës “BOT” (ndërtim – operim – transferim) për ndërtimin dhe administrimin e impiantit të përpunimit të mbetjeve urbane të qarkut të Elbasanit”, miratuar me Vendimin e Këshillit të Ministrave (VKM) nr. 907, dt. 17.11.2014, me kosto koncensionare 2,968,257,207.00 lekë pa TVSH.

 

Procedura e ndjekur ishte: Negociim, pa shpallje paraprake dhe afati i koncensionit ishte 7 vjet.

 

Kompania “Albtek Energy” është regjistruar në 10.07.2014, në pronësi të shtetases Stela Gugallja. Në datë 11.08.2014, “Albtek Energy”, pa asnjë përvojë në fushën e trajtimit dhe incenerimit të mbetjeve, i paraqet Ministrisë së Mjedisit “Kërkesë për shprehje interesi për koncesion/ppp”, shoqëruar me një projekt paraprak prej vetëm 4 fletësh, të hartuar nga shoqëria “Integrated Technology Service”, në pronësi 100 përqind të Klodian Zotos.

 

Në kërkesën për shprehje interesi për koncesion/ppp, shoqëria me kapital themeltar 100.000 lekë, angazhohej për investim 22 milionë euro dhe për ndërtim impianti që do të përballonte 120 – 140 ton mbetje në ditë.

 

Në datën 27.10.2014, shoqëria Albtek Energy sh.p.k i paraqet Ministrisë së Mjedisit studimin teknik i impiantit, përgatur nga Ernesto Granelli, i cili shfaqet si përfaqësues i shoqërisë italiane “Energy Recuperator” spa.

 

Znj. Stela Gugallja, z. Ernesto Granelli si përfaqësues i “Energy Recuperator” srl, si edhe z. Mirel Mërtiri, themelojnë në 29.04.2016 shoqërinë “E.R One” shpk.

 

Shoqëria Albtek Energy sh.p.k ka lidhur kontrata nënkontraktimi me shoqëritë “Consulting SE Partners” sh.p.k, “Zoto Consulting” sh.p.k dhe “Integrated Technology Services” sh.p.k.

 

“Consulting SE Partners” shpk është themeluar në Tetor 2017 dhe zotërohet në masën 80 përqind nga Stela Gugallja, njëkohësisht pronare e “Albtek Energy” që ka fituar kontratën koncensionare për landfill+incenerator në Elbasan.

 

Pjesa tjetër e aksioneve, 20 përqind, zotëroheshin nga z. Erton Karteshi. Z. Karteshi largohet nga kompania në dt. 30.01.2019, pasi emërohet Këshilltar i Ministrit të Financave të asaj kohe, Arben Ahmetaj dhe më tej ka vijuar funksionet edhe nën administratën e ish-ministres Anila Denaj.

 

“Zoto Consulting” shpk dhe “Integrated Technology Service” shpk janë në pronësi të shtetasit Klodian Zoto dhe janë themeluar konkretisht në 14.09.2017 dhe dt.02.11.2020.

 

Të njëjtët emra, si edhe të tjerë, gjenden edhe në procedurat e dhënies me koncension të landfill+incenerator në Fier dhe në Tiranë.

___________________________________

 

FIER

Në datë 15.09.2016, Ministria e Mjedisit kualifikon bashkimin e operatorëve “Integrated Technology Services” shpk & “Energy 2” srl, si fituese e procedurës “Dhënia me koncesion e ndërtimit dhe administrimit të impiantit të trajtimit të mbetjeve urbane të Qarkut Fier dhe prodhim energjie”, me ofertë 3,763,850,000 lekë pa TVSH.

 

Procedura e ndjekur ishte e llojit: Procedurë e Hapur dhe afati i koncensionit ishte 6 vjet

 

Kompania “Integrated Technology Service” shpk është në pronësi të z. Klodian Zoto. Ndërsa “Energy 2” srl është kompani italiane, me përfaqësues Ernesto Granelli.

 

Emrat “Klodian Zoto” dhe “Ernesto Granelli” ishin shfaqur më herët në procedurën koncensionare të landfill+incenerator të Elbasanit.

 

Para nënshkrimit të kontratës koncensionare për landfill+incenerator në Fier, ka pasur disa veprime paraprake mes kompanive private.

 

Këshilli i Ministrave, me vendimi-VKM nr.341, dt.04.05.2016, miraton bonusin prej 10 përqind të pikëve shoqërinë “Building Construction & Green Energy” shpk, për propozimin e pakërkuar dorëzuar Ministrisë së Mjedisit, “Për dhënien me koncesion të ndërtimit e administrimit të impiantit të trajtimit të mbetjeve urbane të Qarkut Fier dhe prodhimin e energjisë”.

 

Kompania “Building Construction & Green Energy” është themeluar në 25.11.2015, ishte në pronësi të tre ortakëve, njëri prej të cilëve, “EcoAlb Fr” zotëronte 50 përqind të aksioneve dhe “Building Construction” shpk zotëronte 30 përqind. Pjesa tjetër, 20 përqind, zotërohej nga “Devolli Group”.

 

“EcoAlb FR” shpk, me është themeluar në 27.10.2015, me kapital themeltar 100.000 lekë, me administrator dhe pronar shtetasen Sevi Zani, punonjëse e shoqërisë “Integrated Technology Services” sh.p.k në pronësi të Klodian Zotos.

 

Tre muaj më pas, në 25.01.2016, znj. Sevi Zani i shet 100 përqind të kuotave të kompanisë “EcoAlb FR” tek shoqëria “Integrated Technology Service” shpk e Klodian Zotos.

 

Në këtë mënyrë, Klodian Zoto zotëron edhe 50 përqind të aksioneve tek “Building Construction & Green Energy shpk, kur kjo e fundit përfiton bonusin prej 10% të pikëve për procedurën e landfill+incenerator të Fierit, në maj të vitit 2016.

 

Në datën 04.08.2016, “Integrated Technology Services” sh.p.k, në pronësi të shtetasit Klodian Zoto,i shet 100% të kuotave të shoqërisë shtetasit Loran Dusha (administrator aktual i Inceneratorit të Fierit).

 

Në 18.07.2016, publikohet shpallja e kontratës në Buletinin e Njoftimeve Publike nr. 28, por pa publikuar datën e hapjes së garës.

 

Pavarësisht kësaj, shoqëria “Building Construction & Green Energy” shpk, e cila kishte fituar bonusin prej 10 përqind të pikëve, nuk paraqitet në garë.

 

Në datën 15.09.2016, Ministria e Mjedisit kualifikon si fituese të koncesionit/ppp me objekt “Dhënie me koncesion e ndërtimit e administrimit te impiantit të trajtimit të mbetjeve urbane të Qarkut Fier dhe prodhim energjie” bashkimin e operatorëve “Integrated Technology Services” shpk (90%) dhe “Energy 2” SRL (10%). Formulari i njoftimit të fituesit publikohet në Buletinin e Njoftimeve Publike Nr. 38, datë 26.09.2016.

 

Në datë 24.10.2016, lidhet konrata midis Ministrisë së Mjedisit dhe SPV “Integrated Technology Ëaste Treatment Fier” sh.p.k (është Joint Venture i formuar në Subjekt për Qëllim të Veçantë), me adresë fizike Rr. “Ibrahim Rrugova”, Sky Toëer, kati 13, zyra 13/2 Tiranë, e njëjta adresë me “Albtek Energy” shpk që fitoi më herët koncensionin për Landfill+Incenerator në Elbasan.

 

Shoqëria “Integrated Technology Ëaste Treatment Fier” ka si administrator shtetasin Loran Dusha, i cili shfaqej tek shoqëria “EcoAlb FR” shpk, pasi ia bleu shoqërinë Klodian Zotos, i cili më herët ia ka blerë ish-punonjëses së tij, Sevi Zani.

 

Pesë ditë pas lidhjes së kontratës koncesionare, shoqëria “Energy 2” srl i shet kuotat (10 përqind) shoqërisë Ndërtim Montim Patosi sh.p.k e cila bleu gjithashtu edhe 20% të kuotave të shoqërisë “Integrated Technology Services” sh.p.k, për vlerën 30.000 lekë

 

Shoqëria përfituese e Inceneratorit të Fierit është SPV në pronësi 70% Integrated Technology Services sh.p.k dhe 30% “Ndërtim Montim Patos” sh.p.k

 

_________________________________________

TIRANA

 

Në 28.08.2017, Ministria e Mjedisit njoftoi se shoqëria “Integrated Energy BV”, me seli në Hollandë, ishte fituese e procedurës “Dhënia Me Koncesion e Ndërtimit të Landfillit, Inceneratorit dhe Rehabilitimi i Venddepozitimeve Ekzistuese Tiranë” dhe kohëzgjatja e kontratës 30 vjet.

 

Vlera e koncensionit ishte 128.3 milionë euro pa TVSH.

Në procedurat paraprake, para shpalljes së fituesit, shfaqen sërish të njëjtët emra dhe kompani, si në koncensionet e ngjashme në Elbasan dhe Fier.

 

Këshilli i Ministrave, nëpërmjet Vendimi-VKM nr. 855, datë 07.12.2016, i jep Bonus prej 8%, shoqërisë “Integrated Energy BV”.

 

Nga relacioni i Ministrisë së Mjedisit rezulton se shoqëria përfituese e bonusit është e përbërë nga “Integrated Technology Services” sh.p.k, në pronësi të Klodian Zoto; “Energy Recuperator” spa ne pronësi të Ernesto Granelli dhe “Paul Ëurth Italia” spa.

 

Ortakja e kësaj shoqërie, “Energy Recuperator” spa, me administrator Ernesto Granelli (i) është njëkohësisht ortake me Stela Gugallja dhe me administrator Mirel Mërtirin tek shoqëria E.R One Albania sh.p.k; (ii) ka degë të saj në të njëjtën seli me “E.R.One Albania” sh.p.k.

 

*  *  *

 

 

 

 

Të nderuar qytetarë

 

Ju falenderoj përzemërsisht që keni ndjekur komisionin hetimor pasi keni kuptuar se qëllimi i këtij komisioni nuk ka qenë vetëm se zbardhja dhe evidentimi i asaj që qeveria Rama ka bërë me taksat tuaja.

 

Ju falenderoj që ndonëse me orë të tëra keni dëgjuar, më keni dërguar mesazhe mua dhe kolegëve të mi, emaile dhe thirrje duke na inkurajuar.

 

E vërteta nuk ka nevojë për ndonjë megafon të madh! E vërteta ndonjëherë nuk ka nevojë as për një mikrofon dhe sado e vogël qoftë ajo, sado e brishtë, sado e pafuqishme në dukje e shemb dhe gjithë artilierinë e propagandës. Madje është aq e fortë saqë edhe kollosin e oratorisë, propagandës dhe dizinformimit e rrëzon aty në tokë duke i treguar të gjithëve yllin e gënjeshtrës që shkëlqen në ballin e tij. Si një simbol të fundëm të asaj që është në të vërtetë.

 

Tani në emrin tuaj, në emrin e atyre qytetarëve që kanë parë me sytë e tyre aferën më korruptive, më kriminale dhe më të paligjshme në 30 vite: vjedhjen e 430 milionë euro nga një grusht njerëzish, pushtetarë dhe me lidhje të forta korruptive.

 

Grupi strukturuar kriminal 430 mln euro nuk mund të ishte kaq i suksesshëm nëse në mesin e tyre nuk do të kishte të përfshirë nivelet më të larta të politikës dhe shtetit, duke filluar nga kryeministri Edi Rama, ministrat Ahmetaj, Gjiknuri dhe Koka, sekretarët e përgjithshëm Agaci dhe Bllako, kryebashkiakët Veliaj, Sejdini dhe Subashi, dhe një zinxhir të tërë zyrtarësh publikë, që me veprimet dhe mosveprimet e tyre kanë lejuar vjedhjen galopante të parave të shqiptarëve.

 

Nga sot, SPAK ka përpara tij një raport mbi 100 faqe, mbi 60 orë dëgjesa publike të këtyre funksionarëve të lartë dhe jo vetëm. Prej kohësh, shqiptarët presin drejtësi që në një farë mënyre iu është mohuar, prej kohësh qytetarët presin të shohin nga ju rezultat për atë që u është premtuar.

 

Tani është koha juaj të na jepni rezultatet për të cilat shqiptarët por edhe partnerët tanë strategjikë ju kanë krijuar dhe ju sponsorizojnë. Çështja e inceneratorëve nuk është një çështje jashtëzakonisht e vështirë, por dhe në qoftë e tillë falë këtij Komisioni Hetimor që kam drejtuar me gjithë energjinë dhe seriozitetin që i takon Parlamentit është thjeshtuar aq shumë saqë shumë shqiptarë e kanë të qartë.

 

Sytë janë nga ju! Jeni ju tanimë në sitën e provës jo për t’i provuar opozitës të drejtën apo mazhorancës gabimin! Nuk është kjo arsyeja përse jeni krijuar! Ju duhet t’i tregoni shqiptarëve që të gjithë janë të barabartë përpara ligjit dhe mos të shndërroheni si gardiani i portës së ligjit në tregimet e Kafkës.

 

Ka ardhur koha të na tregoni se nga çfarë stofi jeni! Shqiptarët po presin!

 

Faleminderit.

Read More

Lulzim Basha: Ka patur një mbledhje të grupit të deputetëve që një ditë më pas, një mbledhje të grupit të kryetarëve, Kolegjin e Kryetarëve, do të vazhdojë me mbledhjen e Kryesisë. Pra jemi në një proces të thellë reflektimi pas të cilit padiskutim do të marrim përgjegjësitë nga unë i pari.
Pyetje: Do të ketë garë për kryetar?
Nëse unë tani paragjykoj se çfarë do të ndodhë pa folur me bashkëpunëtorët, me njerëzit. Aktualisht që flasim kryetarët e degëve kanë kontakt me strukturat në bazë, edhe deputetët po kështu. Pra, ne jemi në një proces reflektimi dhe që reflektimi të bëhet ashtu siç duhet duhet në radhë të parë të respektojmë ata njerëz të cilët kanë mendimet e tyre, sjellin mendimet e të tjerëve. Prandaj jemi në një proces që nisi që ditën pas 6 marsit, një proces që vazhdoi ditën tjetër dhe do të vazhdojë në ditët e ardhshme. Pra, është një proces i thellë reflektimi me një synim: Interesin më të mirë të demokratëve. Pra dalim, sepse duket qartë që një nga arsyet kryesore është përçarja dhe konflikti mes nesh. Unë jam gati të bëj çdo gjë në interesin më të mirë të Partisë Demokratike. Por, duhet të keni pak durim se t’i paraprijmë gjërave kur jemi në një proces reflektimi nuk është as e mençur..
Siç ua thashë që ditën pas 6 marsit ne kemi mbledhur strukturën e parë sepse ndodhi që e hëna ishte ditë parlamenti, mblodha të nesërmen Kolegjin e Kryetarëve, do të mbledhim edhe Kryesinë ndërkohë vetë Kolegji i Kryetarëve ka dashur të jetë në kontakt me strukturat, deputetët kanë kërkuar të jenë në kontakt me strukturat. Pra, jemi në një proces reflektimi të brendshëm, disa prej tyre kanë kërkuar edhe analizë specifike për 6 bashkitë. Ju siguroj që demokratët do të marrin në dorë fatet e tyre, Partia Demokratike do të dalë nga ky proces e fortë dhe e bashkuar. Ky është synimi dhe në funksion të saj që padiskutim që detyra dhe përgjegjësia e parë është e imja dhe unë jam i gatshëm të ndërmarr çdo hap që Partia Demokratike të jetë e fortë, e bashkuar dhe të dali nga 6 marsi, nga humbja e 6 marsit të mos humbi mësimin e madh të 6 marsit që është domosdoshmëria për të qenë sa më të fortë dhe sa më të bashkuar përballë këtij regjimi.
Sot po diskutohet për Komisionin e Inceneratorëve, shpresoj t’i japin një vëmendje se është bërë gjithë ajo punë dhe e meriton, Partia Demokratike, anëtarët tanë të komisionit, qytetarët e meritojnë transparencën në Komisionin e Inceneratorëve. Ndërkohë po bëhet nami me naftën dhe i pari i qeverisë ia ka mbathur për në Dubai.. Të merremi me këto.
Procesi i reflektimit nisi dhe do të vazhdojë.

Read More

Të dashur bashkëqytetarë, i nderuar shkëlqesia juaj Ambasadori i Ukrainës në Shqipëri. Jemi mbledhur sot këtu në një ngjarje të rrallë, ndoshta unike për Kuvendin e Shqipërisë për ti dhënë mbështetjen e plotë dhe të pa kusht popullit të Ukrainës që gjenden përballë agresionit më të pashembullt që nga fundi i luftës së dytë botërore. Relatori që i përket Partisë Demokratike e shpjegoj fare qartë kontekstin se si nisi kjo iniciativë, se si pavarësisht prej konfliktit dhe polarizimit ekstrem politik  në të cilin ndodhet aktualisht vendi ynë mbështetja për të nuk ka munguar.

Është urimi im, I Partisë Demokratike, opozitës shqiptare ,jam I bindur i gjithë bashkatdhetarëve tani pa dallime politike që populli i Ukrainës të vazhdojë të përballet me guxim heroik me agresorët rus dhe që ta shohë këtë akt mbështetjeje nga parlamenti shqiptar si një shprehje të vullnetit të gjithë kombit shqiptarë sepse ashtu siç kam thënë vetëm orë pas agresionit të 24 Shkurtit, ne shqiptarët jemi kombi I fundit para kombit tuaj që e kemi ndjerë në palcë dhimbjet dhe vuajtjet, shkatërrimin dhe vdekjet, masakrat, gjenocidin që janë bërë nga makineria e luftës së Sllobodan Milloshevicit. Mbi bashkëkombësit tanë në Kosovë.

Po ne e dimë po kështu që qëndresa, rezistenca, flijimi I më të mirëve në mesin e një kombi që lufton për liri me ndihmën e zotit dhe kombeve të lira e demokratike gjithmonë shpërblen. Këto janë ditë të errëta për Ukrainën dhe banorët e saj, janë ditë të errëta për Evropën dhe mbarë boten demokratike e çdo komb që kërkon e Lufton që të jetojë në paqe.

Ndaj ajo që po ndodh sot në territorin e Ukrainës dhe kundër qytetarëve të pafajshëm të Ukrainës është në fakt një luftë që na përfshin të gjithëve, viktimat nuk janë thjeshtë qytetarë të Ukrainës, ata janë familjarë, prindër, fëmijë, të moshuar që na takojnë të gjithëve dhe për të cilët të gjithë jemi bashkë përgjegjës ndaj përmes kësaj rezolutë u japim jo vetëm mbështetjen e plotë morale por u japim edhe përfaqësisë tonë në Këshillin e Sigurimit shtysën më të pakufizuar për të bërë gjithçka krah për krah me aleatët tanë perëndimorë në mënyrë që të merret çdo masë dhe të mos kursehet asnjë përpjekje për ti dhënë fund kësaj çmendurie.

Thënë kjo askush nuk duhet të ketë dyshimin më të vogël mes nesh në këtë sallë se çmenduria e Vladimir Putinit është një akt i beftë, i papritur dhe i pa planifikuar. Që ta kuptojmë më mirë gjithë këtë mjafton ti referohemi retorikes së tij, propagandës së tij e cila agresionin dhe masakrat mbi civilët  ukrainas i justifikon me gjuhen identikë të misioneve humanitare që shpëtuan shqiptarët e Kosovës nga spastrimi etnik i hordhive gjakatare të  Sllobodan Milloshevicit.

Ironia është e qartë, krahasimi midis një operacioni unik humanitar siç ishte ndërhyrja në Kosovë për të shpëtuar fëmijët, gratë, familjet e pambrojtura nga makineria gjakatare e Millosheviçit, nga masakrat që u shpalosen para syve të gjithë botes si një justifikim për të rikthyer Bashkimin Sovjetik tashmë të ri emërtuar dhe të ri armatosur me të njëjtën fuqi për të projektuar një balancë pushtetesh duke sulmuar një vend Sovran I cili përpiqet si anëtarë i Këshillit të Evropës dhe si aspirant për anëtarësimin në organizata të tjera të sigurisë dhe Bashkimit Evropian të respektojë të drejtat e çdo qytetari të Ukrainës, të heqë paralele të paqena. Akti i ndërhyrjes  dhe luftës së NATO-s krah për krah ishte një akt humanitar i cili hapi rrugë përfundimit të një procesi, shpërbërjes së Federatës Jugosllave ndërsa Ukraina është një vend me integritet territorial të pacenueshme ndonëse nga Krimea tek rajonet më lindore të saj. Për Shqipërinë ka një dhe vetëm një Ukrainë dhe kjo rezolutë i drejtohet popullit të Ukrainës kudo ndodhet, thënë kjo ky është një moment të nderuar parlamentarë që me të njëjtën përgjegjësi të miratojmë sa më parë projekt rezolutën tjetër që Partia Demokratike i ka propozuar këtij kuvendi.

Është detyra jonë t’i kërkojmë autoriteve shqiptare të mobilizojnë gjithçka në këtë situatë për ti shërbyer paqes dhe sigurisë rajon duke miratuar draft rezolutën e parashtruar në komisionin e jashtme që ashtu siç raportohet në parim do të kalojë në ditët e ardhshme ku duke marrë shkas nga agresioni Rus kundër Ukrainës. Duke theksuar nevojën për të forcuar sigurinë rajon dhe perëndimor e sidomos në Kosovë, duke vlerësuar faktin që jemi anëtarë të përkohshëm të këshillit të sigurimit ti kërkojmë qeverisë të përdor gjitha mjetet dhe mundësitë në dispozicion që Kosova të anëtarësohet sa me parë në organizatat partnere të kombeve të bashkuara dhe anëtare e Kombeve Bashkuara duke pasur parasysh rolin e veçantë si një nga dy vendet evropiane në këshillin e sigurimit, duke marr parasysh vendimet e gjykatës ndërkombëtare të Hagës si një nga organet më të rëndësishme të organizatës të kombeve të bashkuara, të ndërmarrin një diplomaci më aktive për të bindur katër vendet anëtare të NATO-s që akoma nuk e kanë hedhur këtë hap, se njohja e Kosovës është aktualisht një kontribut i rëndësishëm për paqen dhe stabilitetin në rajon me ndikim të drejtë për drejtë jo vetëm në sigurinë e Kosovës dhe Shqipërisë por edhe në sigurinë e anëtareve të NATO-s dhe Bashkimit Evropian. Ti influencojë përmes anëtarësisë tonë në NATO që të forcohet bashkëpunimi ushtarak dhe politikë mes Kosovës dhe NATO-s, duke ndërmarrë çdo hap të nevojshëm që Kosova të bëhet vend anëtar në partneritetin për paqe dhe të hapet rruga për anëtarësimin e saj të plotë në NATO. Edhe njëherë shpreh mbështetjen e plotë dhe solidaritetin e plotë në emër të partisë demokratike për popullin ukrainas dhe autoriteteve Ukrainës duke dënuar ashpërsisht agresionin Rus dhe duke uruar që me bashkimin dhe vullnetin e kombeve të lira ky agresioni të zbrazet dhe Ukraina dhe populli Ukrainas të vazhdojë të gëzojë në paqe dhe prosperitet lirinë, sovranitetin të integritetit territorial. Faleminderit

Read More

PD ka propozuar sot Rezolutë për Kosovën ku i kërkon qeverisë shqiptare të përdorë të gjithë mjetet dhe mundësitë në dispozicion që Kosova të anëtarësohet sa më parë në organizatat partnere të Kombeve të Bashkuara dhe të bëhet anëtare e Kombeve të Bashkuara.

Të ushtrojë gjithë influencën e saj që Bashkimi Europian të finalizojë marrëveshjen e liberalizimit të vizave për Kosovën.

Të ndermarrë një diplomaci më aktive për të bindur vendet anëtare të BE-së të njohin Kosovën.

Njohja e Kosovës është sot nje kontribut i rëndësishëm për paqen dhe stabilitetin në rajon dhe me ndikim të drejtpërdrejtë në sigurinë e vendeve anëtare të BE

Të influencojë nëpërmjet anëtarësisë sonë në NATO që të forcohet bashkëpunimi ushtarak dhe politik midis Kosovës dhe NATOs duke ndërmarrë çdo hap të nevojshëm që Kosova të bëhet vend anëtar në Partneritetin Për Paqen dhe të hapet rruga për anëtarësi,im e saj të plotë në NATO.

Read More

Nga analizimi i të dhënave rezulton që kompanitë koncesionare të inceneratorëve kanë përdorur tre mënyra për të qarkulluar paratë e buxhetit të shtetit duke krijuar një skemë të madhe piramidale dhe evazioni fiskal me qëllim përfitime të paligjshme.
1. Së pari kompanitë e inceneratorëve kanë përdorur buxhetin e shtetit për të tërhequr paradhënie shumicën e shumës së premtuar në formën e paradhënies dhe më tej ato kanë zhdoganuar mallra më pak se sa ajo e zotuar në kontrata.
2. Së dyti eshtë mënyra përmes së cilës ato kanë vepruar është ajo e krijimit të transfertave të parave jashtë vendit. duke krijuar kështu mundësinë që paratë e buxhetit shqiptar të dalin jashtë territorit të vendit pa përfunduar punën.
3. Së treti është mënyra e krijimit të një miksi mes sajimit të kompanive fiktive me fatura të TVSH dhe gjithashtu transferimi i parave në kompaninë ITS, e cila është përdorur si një kompani guaskë përmes së cilës janë shpërndarë paratë në të tjera kompani.
Fillesë e kësaj ndihme ndodh me krijimin e një Komitetit Ndërministror për Manaxhimin e Mbetjeve në fund të vitit 2013 që më tej u shoqërua me një mbledhje me mungesë kuorumi ku u miratua një dokument pa asnjë vlerë që u konsiderua si Vendim i Komitetit teknik. Ky komitet u mblodh në 5 shkurt pa pasur kuorumin e nevojshëm prej më së paku 11 anëtarëve dhe më tej u firmos nga 3 nga 5 anëtarët e pranishëm.

E gjithë kjo skemë më pas shtyu serinë e veprimeve të institucioneve lokale dhe qendrore për të ndërtuar një skemë korruptive.

Në mbledhjen e komisionit hetimor të inceneratorëve kryetarja e Komisionit u shpreh se kompanitë e inceneratorëve kanë operuar edhe përmes trasnfertave të kapitalit jashtë vendit.

Një tjetër metodë se si kompanitë kanë perdorur per transferimin e kapitaleve është ajo transferimit te tyre jashte vendit.

Ky proces nënkupton që një kompani të marrë shërbime nga kompani të saja “guackë ” e të rregjistruara në vendet të njohura si parajsa fiskale. Kjo është zakonisht një mënyrë se si kompanitë që kanë bija në një vend përdorin për të kryer transferime të kapitalit apo parave në kompanitë mëma jashtë vendit. informacionet në lidhje me këto lëvizje janë shumë të qartë për tu gjetur nga përpunimi i të dhënave të marra nga Drejtoria. Përgjitjshme e Tatimeve.

Në total, prej analizës së kryer, kompanitë koncesionare kanë deklaruar të paktën 94 fatura të tilla sherbimesh në Librat e tyre me një vlerë totale prej 24.48 mln euro, apo mesatarisht 260 mijë euro për një faturë.

Read More

Ja shtyllat si kanë operuar inceneratorët

Raporti i PD prej 120 faqesh

Afera masive financiare rezulton se është mbështetur në dy shtylla kryesore:

1. Përfitimi i kontratave koncensionare nga kompani, të lidhura ngushtësisht me njëra-tjetrën, pa përvojë dhe pa aftësi financiare; në shkelje të procedurave në hartimin, miratimin dhe zbatimin e kontratave koncensionare

2. Përdorimi i fondeve publike përmes një skeme pastrimi parash për t’i nxjerrë këto fonde jashtë vendit apo duke kryer pagesa me kompani fiktive si dhe kompani që zotërohen nga të kërkuarit në arrati Zoto-Gugallja-Mërtiri.

Në qendër të skemës janë disa kompani private, të përfaqësuara nga një grup i vogël personash me lidhje të ngushta me njëri-tjetrin, të cilat kanë përfituar kontrata koncensionare, nëpërmjet veprimeve anti-ligjore të zyrtarëve më të lartë shqiptarë.

Disa prej këtyre zyrtarëve, siç ka rezultuar nga të dhënat e siguruara, rezultojnë që janë lidhje shoqërore e miqësore me personazhet-biznesmenë, përfitues të “aferës së inceneratorëve”.

Kompanitë që kanë fituar kontratat koncensionare për ndërtimin e landfill+incenerator në Elbasan, Fier dhe Tiranë, nuk kanë pasur asnjë përvojë në fushën e përpunimit dhe incenerimit të mbetjeve urbane.

Kompanitë koncensionare, siç rezultojnë nga dokumentet zyrtare, nuk kanë pasur as kapacitetete financiare për ndërtimin e tre landfilleve dhe inceneratorëve, vlera operacionale e të cilave përllogaritet në rreth 150 milionë euro, pa përfshirë përfitimet e tjera nga shërbimi i depozitimit dhe incenerimit të mbetjeve urbane, prodhimin dhe shitjen e energjisë si dhe depozitimin e dherave të sigurara si një monopol përmes veprimeve dhe mosveprimeve të qeverisë qendroe dhe asaj lokale.

Read More

Jam në një aktivitet me mësues dhe me pedagog të cilët u kam uruar drejtpërsëdrejti dhe përmes tyre gjithë mësuesve shqiptarë, gëzuar 7 Marsin! Ditë e vështirë, vite të vështira, por mirënjohja në zemrat tona për gjithçka keni bërë për ne, vetëdija që jemi kaq që jemi për shkak të prindërve tanë dhe ju prindërve tanë të dytë mësuesve tanë, nuk shuhen kurrë, bashkë me përkushtimin tim dhe të Partisë Demokratike për të bërë gjithçka që ditë më të mira të vijnë për arsimin shqiptarë, për mësuesit shqiptarë dhe domosdoshmërisht kështu edhe për fëmijët shqiptarë.

Pyetje: Zoti Basha e pranoni rezultatin e zgjedhjeve. Keni dal partia e tretë në 5 bashki të vendit, a do të mbani përgjegjësi politike se është humbja juaj e 6-të në zgjedhje.

Lulzim Basha: Së pari, dua që procesi të përfundojë dhe në këtë kuadër i bëj thirrje të gjithë numëruesve, komisionerëve, vëzhguesve të vazhdojnë deri në fund procesin e numërimit. Së dyti, e kam bërë të qartë dhe s’ka qytetar që nuk e di që procesi i 6 Marsit ishte një anomali i një anomalie. Anomalia e parë që ndodhi, ishin zgjedhjet, votimet moniste të 30 qershorit 2019-të. Anomalia e dytë ishte që 4 nga kryebashkiakët monist dolën me rekorde kriminale, njëri ndërroi jetë dhe tjetri vendosi të kandidonte. Në këto kushte dhe në kushtet kur s’ka asnjë reflektim për anomalitë e tjera të 25 prillit që çuan në deformimin e vullnetit të zgjedhësve, mendoj se shumica dërrmuese e shqiptarëve e kanë kuptuar edhe më qartë nevojën për një reformë të thellë. Një reformë zgjedhore për të cilën jemi përkushtuar prej fillimit dhe që është arsyeja kryesore pse ndodhemi në atë parlament dhe për të cilin fillimisht kemi marrë 2 javë më parë një hap përpara duke detyruar krimin e komisionit të reformës zgjedhore, bashkë me komisionin për reformën territoriale dhe mbi të gjitha një reformë zgjedhore që t’i japi shqiptarëve një sistem politik që i përfaqëson ata, i mbron ata dhe që jep llogari para tyre. Ky nuk është rasti sot. Sot kemi një sistem politik i cili është vënë në shërbim të politikanëve. Të një grushti politikanësh të cilët e kanë kthyer atë në një pushtet që i pasuron, që i bën gjithmonë e më sundimtarë, ndërkohë që varfëron qytetarët dhe i në gjithmonë e më të papushtetshëm ata për t’i mbajtur politikanët përgjegjës para tyre. Kjo është njëra anë. Nuk ka shqiptarë që nuk e kupton që 6 Marsi nuk është një normalitet, por është një anormalitet i një anormaliteti. Asgjë s’ka ndryshuar në raport me krimet zgjedhore të 25 prillit tashmë të dokumentuara nga raporti i OSBE-OHDIR-it, jo thjesht nga denoncimet e opozitës, përkundrazi problemet janë thelluar. Me mospjesëmarrje të madhe, me një numër do të thoja rekord të ulët votuesish, ky është tashmë një fakt që qytetarët që këto 6 bashki e braktisën procesin zgjedhor. E braktisën sepse nuk kishte asnjë garanci shtesë. Në disa raste siç e pamë, ikën edhe garancitë formale ku Partisë Demokratike iu mohuan komisionerët. E ka sqaruar zonja Tabaku dje që aleanca e non grata-ve, kërcënoi bashkë me bandat në Vorë komisionerët vendas dhe sa për dijeninë tuaj edhe një herë, ne kemi dërguar në SPAK 3 denoncime, për Shkodrën, për Dibrën dhe për Rrogozhinën dhe kemi kallëzuar po kështu edhe KZAZ-n e Vorës për mospërmbushje të detyrave. Po besoj se këtu jemi për diçka që shkon përtej këtyre detajeve. Pra, njerëzit e kuptojnë fare e mirë që Republika e Shqipërisë ka arritur në një pikë të pa pranueshme sa i takon zgjedhjeve dhe përfaqësimit demokratikë, këtë e tregojë me jo pjesëmarrje edhe elektorati i këtyre 6 bashkive sigurisht një pjesë e jo pjesëmarrjes i takon opozitës i takon partisë demokratike, na takon ne të bëjmë kështu një reflektim të thellë sa i takon reformimit tonë të brendshëm që ka nisur nevojës për tu shkëputur plotësisht nga ato pjesë të problematikës së të shkuarës, nevojës për ti folur njerëzve, për ti dëgjuar njerëzit, për ti përfaqësuar njerëzit sepse në qoftë se e gjithë beteja jonë këto tetë vite ndaj regjimit të Edi Ramës ka qenë për ato fenomene që e kanë shkëputur politikën nga njerëzit, që nga dekriminalizimi, luftën kundër korrupsionit, beteja kundër inceneratorët që do të zhvillohet përsëri sot në komisionin hetimor të inceneratorëve atëherë kemi detyrë paqësore që edhe ne si parti të bëjmë reflektim të brendshëm, mos ta trajtojmë partine demokratike dhe opozitën thjeshtë dhe vetëm si një qëllim në vetvete por si një instrument në duart e njerëzve. Pra nuk është koha as për ti ikur përgjegjësive por as për të bërë sikur jetojmë me një planet tjetër, jetojmë me një Shqipëri ku janë asgjësuar zgjedhjet me 25 Prill dhe në këto kushte me një krizë të brendshme të partisë demokratike provokuar nga ngjarjet që ju i dini fare mirë partia demokratike është vendosur në një sulm të shumëfishtë për nevoja personale dhe jo për nevoja të qytetarëve. Cila është përgjigja jonë? Përgjigja jonë është një reformë edhe më ë thellë, përshpejtimi i hapave që kemi nisur ju e dini fare mirë se në dhjetor kuvendi i partisë demokratike ka vendosur të krijojë dhe instrumente meqë folëm dhe për procedura, instrumente që edhe ata që s’janë anëtar të partisë demokratike të kenë mundësi të jenë pjesë e vendimmarrjes së partisë demokratike dhe në këtë mënyrë duke hapur hapësira për mendimin e lirë qoftë anëtarësisë së partisë demokratike, qoftë dhe qytetarëve ti ofrojmë njerëzve shpresën, një platformë, një vizion për ta nxjerr vendin nga kjo krizë. Ky nuk do të jetë një proces i lehtë e kam thënë prej fillimit, beteja që kemi është shumë e vështirë, ishte e vështirë kur kishim përballë regjimin e Edi Ramës e jo më tani që kemi shumë faktorë që kanë vendosur të investojnë për veten e tyre kundër interesit publik. Por një gjë duhet të garantojë të gjithë demokratët dhe gjithë qytetarët Shqiptarë asgjë nuk na lëviz nga vendosmëria jonë që partia demokratike të vazhdojë të mbetet, një parti politike në shërbim të shqiptarëve. Padiskutim, kemi gabimet tona, kemi mëkatet tona, kemi pjesën tonë të përgjegjësive që pse vendi është në këtë situatë. Ndonëse kemi 8 vite që ofrojmë opozitë ballore dhe pa kompromis qeverisë por ajo që ka ndodhur ditën e djeshme ku njerëzit kanë folur qartë me jo pjesëmarrje kërkon një reflektim të thellë brenda partisë demokratike, një reformim të thellë që të mundësojë partia demokratike të jetë më shumë se kurrë vendi, hapësira ku qytetarët të gjejnë vetën e tyre, të shprehin mendimin e tyre, të gjejnë zgjidhje për hallet dhe problemet e tyre dhe këtë do të bëjmë. Do të dëgjojmë njerëzit, do të riformohemi duke dëgjuar dëshirat, kritikat dhe aspiratat e tyre, do të ngrijmë problemet e tyre kudo që janë pa asnjë kompromis me të keqën, do të ofrojmë zgjidhje për këto probleme dhe do të bëjmë gjithçka që të jemi një orë e më parë përmes një procesi të lirë dhe të ndershëm zgjedhor në gjendje që këto zgjidhje ti kthejmë në realitet. Jemi në një situatë anormale pjelle e një anormalitetit të shumëfishtë së pari siç e thashë në bashkitë të cilat në katër prej tyre vendet kanë mbetur vakante siç ishte Shkodra për shkak të dekriminalizimit, për shkak se edhe në votimet moniste të 30 Qershorit Edi Rama zgjodhi të kandidonte persona me rekorde kriminale dhe së dyti siç e shikojmë nga pjesëmarrja e ulët kemi një situatë anormale për shkak të humbjes së besimit të shqiptarëve tek vota dhe ky është një problem shumë më i madh se çdo gjë tjetër. Pra ndenia në shtëpi e 70% të votuesve është një mesazh shumë i fortë dhe ne mund të merremi sa të duash me individë, me individë që edhe e kanë dëmtuar Partinë Demokratike, me ngjarje që kanë ndodhur jo më pak se dy muaj përpara.

Partia Demokratike është dhe mbetet shpresa e shqiptarëve, askush, askush që me ndihmën e krimit të organizuar, parave të korrupsionit largon shqiptarët nga procesi i votimit, ju largon shpresën, e çon pjesëmarrjen në 30% nuk mund të jetë e ardhmja e vendit, ajo që unë kam për detyrë, Partia Demokratike kemi për detyrë është të lexojmë mirë çfarë do të thotë pjesëmarrja 30% edhe për Partinë Demokratike.
Ajo që unë lexoj sot ndërkohë që po vazhdon procesi i numërimit dhe po jua them me shumë durim se do flasim përsëri, do jemi në parlament sot pasdite, nesër përsëri, do kemi kohë, nuk ka nevojë as të bërtasim, as të arrijmë në konkluzione të paqena apo të para fabrikuara sepse gjithçka që është para fabrikim dhe paragjykim nuk çon drejt përmirësimit por çon drejt përkeqësimit. Le ti shohim gjërat ashtu siç janë, siç i shikon çdo qytetar në rrugë, shqiptarët e kanë humbur besimin tek demokracia, e kanë humbur besimin tek vota, ka kohë që ne e kemi konstatuar këtë problem, ka kohë që ne e luftojmë këtë betejë, për këtë arsye dy janë drejtimet kryesore tek të cilat do të ecim dhe dua ti them qartë dhe shkurt. Drejtimi i parë është ai që kemi nisur, një reformë zgjedhore që ti ofrojë shqiptarëve politikanë të zgjedhur nga vota e tyre, që tu shërbejnë atyre dhe përgjigjen para tyre. Reflektimi i dytë është një reflektim i brendshëm që Partia Demokratike të jetë hapësira ku shqiptarët të thonë mendimin e tyre, të gjejnë veten e tyre, te gjejnë zgjidhje për problemin e tyre. Të jetë forca politike që përmes një procesi zgjedhorë të lirë e të ndershëm pastaj këto zgjidhje ti ktheje në realitet.
Fakte janë këto: 30% e shqiptarëve kanë marrë pjesë në votime, administrate shtetërore është detyruar të marrë pjesë, qoftë në nivel qendror, qoftë në nivel lokal dhe nëse dëshironi ti bëni analizën fakteve këto janë faktet.
Bandat janë përfshirë po kështu, ndërkohë të paktën një rast të Partisë Demokratike në bashkëpunim me dy polet e tjera i janë mohuar komisionarët siç ishte rasti i Vorës, pot ë gjitha këto zbehen para mesazhit që jep braktisja e procesit të 6 Marsit, pse? Sepse shqiptarët e kanë kuptuar që asgjë nuk ka ndryshuar në të mirë pas 25 Prillit dhe pjesë e përgjegjësisë për këtë sigurisht është edhe lufta, edhe sulmet, edhe denigrimi që i është bërë Partisë Demokratike megjithatë unë jam i vendosur dhe e di që këtë duan jo vetëm demokratët dhe mbështetësit tanë por dhe gjithë shqiptarët që Partia Demokratike ta kthejë këtë situatë

Pyetje: Mbështetjen tuaj në cilat shifra e bazoni? Se demokratët ju kanë dhënë 700 vota në Vorë dhe gjithashtu keni humbur bastion tuaj, Shkodrën, shifrat? Mund të na thoni mbështetjen e demokratëve ku e shihni sot?

Lulzim Basha: 30 % që t’ua them fare qartë, ta kuptoni se nuk po i iki asnjë pyetje tuajës por dhe ju nuk duhet t’i ikni logjikës. 30% flet qartë, 70 % e kanë braktisur, 30% mund të jetë administrate shtetërore e Shkodrës, administrate lokale e Shkodrës, ku janë qytetarët e Shkodrës? Koha për konkluzione nuk është sot. Një nga gabimet që bëjmë shpesh dhe që uroj që brezi i ri që janë shumë prej jush mos ta bëni është të kapërceni konkluzionin. Bëni analizën në fillim. Dëgjoni analizën që ju them. Faktet janë kokëforta, 30% është një pjesëmarrje që tregon bjerrjen totale të besimit tek procesi zgjedhor. Dy janë rrugët përpara:
Reformë e thellë zgjedhore për të cilën kemi arritur 2 javë më parë të sigurojmë hapin e parë Komisionin e Reformës Zgjedhore dhe së dyti vazhdimi dhe përshpejtimi i reformës në Partinë Demokratike pa e kthyer kokën pas, por duke ecur përpara në luftë kundër korrupsionit që është shkaktari kryesor edhe i këtyre rezultateve të trishtueshme për një vend në vitin 2022 në zemër të Evropës, 30%marrin pjesë në votime. Reformimi ka filluar dhe do të përshpejtohet në çdo nivel. Për këtë të jeni të sigurt. Nëse do të pyesni për vendosmërinë time për të bërë gjithçka për ta çuar këtë reformim përpara mbetet i palëkundur. Jam i gatshëm të jap siç kam dhënë gjithçka për të udhëhequr reformimin e Partisë Demokratike dhe për të mos plotësuar asnjë skenar të regjimit apo të patericave të regjimit që Partia Demokratike të mbetet peng i dëshirave dhe planeve personale. Partia Demokratike nuk është pronë personale.

Pyetje: Pse insistoni të rrini pas 6 humbjeve?

Lulzim Basha: E para e punës propagandës dua t’i them se unë nuk kam humbur asnjë garë në jetën time. Po, jam përballur me masakra zgjedhore, por s’kam humbur asnjë garë në jetën time. Sot nuk po flasim për mua. Unë e kuptoj shqetësim personal të atyre që gjithçka në Shqipëri e bëjnë për interesat e tyre personale. Trekëndëshi i Bermudës çdo gjë e ka për interesa personale dhe do ta kthejë edhe këtë në interesin e vet personal dhe do ta kthejë në luftë personale. Lufta ime nuk është për fatin tim personal, është për fatin e shqiptarëve, për fatin e Shqipërisë dhe kushdo që më kërkon të braktis në veçanti në këtë betejë detyrën time në këto dy plane kryesore të betejave që janë t’ju ofrojmë shqiptarëve rikthimin e besimit te vota e lirë, te demokracia përmes një reforme të thellë të sistemit zgjedhor dhe të zgjedhjeve, dhe përshpejtimit të reformimit të Partisë Demokratike për t’u bërë partia e hapësirës dhe mendimit të lirë, partia e qytetarisë, partia e shpresave të shqiptarëve, do të zhgënjehet.
Faleminderit!

Read More