Blog

Me dhjetëra orë dëshmi në komisionin hetimor për incineratorët nxorën para shqiptarëve të vërtetën e vjedhjes nga qeveria të 430 milionë eurove nga taksat tona.

Përfshirja në këtë superaferë e drejtuesve më të lartë te qeverisë dhe të disa kryebashkiakëve tani është përtej çdo dyshimi.

Fakteve nuk mund t’u shpëtojë askush!
Letrat flasin dhe ato tregojnë që një nga personat me përgjegjësi penale në këtë aferë është kryetari i Bashkisë së Fierit, Armando Subashi.

Kryebashkiaku i Fierit, me disa shkelje të rënda të ligjit ka shkaktuar miliona euro dëm ekonomik, duke favorizuar në disa forma kontratën korruptive koncesionare për ndërtimin e incineratorit të Fierit.

Ky është një nga rastet më flagrante, pasi incineratori i Fierit nisi të merrte pagesa nga qeveria akoma pa nisur ndërtimin dhe akoma pa u përcaktuar se ku do të ndërtohej.

Kryebashkiku i Fierit ka përgjegjësi direkte për ndryshimin 3 herë të vendit për ndërtimin e incineratorit:

Nga fshati Plyk, pastaj në Mbyet dhe më pas në Mbrostar, është një vendim i pajustifikuar që u kushtoi qytetarëve 460 milionë lekë.
Në vend që të zgjidhte një pronë shtetërore, pa kosto, Armando Subashi e vuri gishtin tek një tokë private me pronar, shpronësimi i të cilës kushtoi 460 milionë lek.

Armando Subashi nuk u dha dot përgjigje disa pyetjeve thelbësore:

Përse u perzgjodh një tokë private, duke ndikuar për keq ne buxhetin e shqiptarëve?
Perse nuk zbatoi ligjjin për konsultimin publik?
Kush ndryshoi destinacionin e tokës finale për ndërtimin e incineratorit, nga tokë arë në tokë truall për t’i rritur çmimin në mënyrë fiktive?
Asnjë nga këto veprime nuk bëhet dot pa miratimin e kryetarit të Bashkisë. Është Armando Subashi që ka drejtuar këtë operacion me abuzim 460 milionë lek.
Është Armando Subashi që ka lejuar që pasuria publike të jetë si garanci bankare në favor të koncesionarit.

Është koha që drejtësia të bëhet e plotë. Nuk mundet që të kalojë në heshtje përgjegjësia e Kryetarit të Bashksië së Fierit për mospërmbushjen e kushteve të kontratës nga incineratori i Fierit.

Bashkia e Fierit ka përfaqësuesit e vet në njësinë e zbatimit të projektit, por kryetari Subashi nuk kreu detyrën e vet funksionale për të kërkuar respektimin e kontratës koncesionare sipas ligjit.

Për këto dhe shkelje të tjera të ligjit, Partia Demokratike ka depozituar sot në SPAK një kallëzim të ri penal për kryetarin e Bashkisë së Fierit, Armando Subashi.

SPAK duhet të veprojë shpejt!

Aktet janë aty!

Provat flasin për një bashkëveprim të koordinuar për t’u grabitur shqiptarëve 430 milionë euro me incineratorët.

Sa më shpejt të çohen para drejtësisë të gjithë përgjegjësit e superaferës, aq më i fortë do të jetë mesazhi se pandëshkueshmërisë po i jepet fund dhe se askush nuk është i paprekshëm!

• Basha në takimin përmbyllës të fushatës për kandidatin e PD: Ti japim fund izolimit të Dibrës. Është koha që qindra milionë euro të zhvatura të qytetarëve shqiptarë të taksave të tyre të kthehen tek shqiptarët, e të kthehen në veçanti tek njerëzit në nevojë. Kjo është beteja jonë, dhe kjo është beteja që ne zhvillojmë ditë për ditë ky është modeli ynë.

• Basha: Rinia dibrane të mos largohet, por të qëndrojë e të luftojë, të rezistojë dhe të votojë për ndryshimin. Më 6 mars, ju vëllezër e motra dibranë, keni mundësinë ta ktheni bashkinë e Dibrës në shërbimin tuaj e jo të një grupi njerëzish që e kanë marrë peng tash sa vite. Bastin e kanë vënën që te vijojne ta marrin peng me marifete e intriga, ndaj votoni Luan Hakën

• Thirrja ime i drejtohet rinisë dibrane anembanë Dibrës: këtë të dielë votoni për Luan Hakën. Thirrja ime po ashtu i drejtohet të gjithë atyre që nuk e kane marrë vendimin, mendoni e gjykoni me mend, si jeni qeverisur këto kohë nëse mund të quhet qeverisje e votoni duke përdoerur mençurinë tuaj, që haka të shkojë të i zoti e bashkia tu kthehet qytetarëve

FJALA E KRYETARIT TË PD, LULZIM BASHA, NË TAKIMIN PËRMBYLLËS TË FUSHATËS PËR KANDIDATIN E PD PËR BASHKINË DIBËR, LUAN HAKA

Ju falënderoj nga zemra vëllezër dhe motra, vëllezër dhe motra dhe shpreh kënaqësinë e dyfishtë që ndodhemi brenda një harku kohor të shkurtër përsëri këtu në zemër të Dibrës, në qendër të Peshkopisë, në një ditë ku dielli shndrinë edhe më fortë, po shkëlqimi i tij na duket edhe më i madh sepse sheshi është mbushur plotë e përplot jo vetëm me nëna dhe baballarë dibranë, por dhe me rininë dibrane. Të cilën e paskeni zgjedhur sot në këtë takim përmbyllës të kësaj fushate të shkurtër, por kaq të rëndësishme për shpresën dhe zemrat e dibranëve, të jetë zëdhënësja e Dibrës dhe dibranëve. E kjo në një trevë ku mençuria është legjendare. E ku mençuria padiskutim, vjen jo vetëm nga geni dibran, por edhe nga përvoja e gjatë jetësore që e pajis dibranen dhe dibranin në një zgjuarsi të rrallë, për të ndarë të mirën nga e keqja, të shkuarën nga e ardhmja, pesimizmin nga optimizmi, ndarje e cila nuk ndodh thjeshtë sot, por ka ndodhur mot së moti, edhe në kohët më të vështira ku nuk e bënin fjalët, por e bënte pushka, e bënte topi, e bënte mençuria dhe trimëria, pena dhe pushka e dibranit. E pra sot ja tek jemi mbledhur për një vendim që do të merret të dielën, Siç e thash, pak kohë na ndajnë nga takimi ynë i fundit, por ndërkohë shumë gjëra kanë ndodhur. Dibra me të vërtetë ka dekada që mbahet e izoluar, pa infrastrukturë, por dibranët e ndodhur kudo anembanë botës dhe këtu në djepin e mençurisë së tyre legjendare, kurrë nuk kanë qenë të izoluar nga ngjarjet që ndodhin anembanë botës. Dhe një nga këto ngjarje padiskutim, e cila po gdhend me shpejtësi atë që do të ndodh në javët, në muajt, në vitet në vazhdim, një nga këto momente të rëndësishme është pushtimi që po i bën Rusia Ukrainës. Ky është një kërcënim për mbarë botën demokratike. Është një betejë midis të keqes dhe të mirës. Është një betejë që Dibra e njeh shumë mirë, sepse ashtu me numra përherë më të vegjël se ushtritë pushtuese, është gjendur gjithmonë në luftërat të pabarabarta. Siç e thonë edhe këngët tona, me dekada duke luftuar në të njëjtën kohë kundër shumë krajlive, por të bashkuar në zemrat tona ia kemi dal të mbrojmë Dibrën, krenarinë e dykrenores kuqezi, të mbrojmë sinoret e kombit tonë. E pra momenti i sotëm është një moment i rëndësishëm edhe për sakrificat e stërgjyshërve tanë, e gjyshërve tanë, sepse ngjarjet që po ndodhin në Ukrainën e largët, faktikisht mund dhe kërkojnë të destabilizojnë edhe rajonin përmes aleatit dhe agresorit të Ukrainës, përmes atyre që siç e thotë kënga, i kanë lënë shapkat shpesh në pyjet e Lurës e në brigjet e Drinit. Aleatit të tyre që u nda nga bota demokratike dhe refuzoi ta dënonte agresionin serb. Por sot, sot ka një dallim të madh, sepse ka vite që shqiptarët në Shqipëri dhe në Kosovë janë të bekuar me një aleat si Shtetet e Bashkuara të Amerikës. Shqipëria sot është pjesë e NATO-s, ndaj askush nuk ka guximin të na kërcënojë, askush nuk ka guximin të na mësyjë, sinoret tona, kullat tona, shtëpitë tona, fëmijët tanë, krenarinë tonë, qytetet tona, sepse çdo sulm kundër Shqipërisë, është sot sulm kundër NATO-s, është sulm kundër Shteteve të Bashkuara të Amerikës dhe 29 vendeve të tjera anëtare. Ne kemi në krah Shtetet e Bashkuara të Amerikës dhe sa kohë që kjo të ndodhë e sa kohë që kjo të jetë e vërtetë jemi të mbrojtur në çdo rast. Ndaj është detyra jonë si Parti Demokratike që të qëndrojmë ashtu siç kemi lindur, partnere e Shteteve të Bashkuara të Amerikës, parti pro-perëndimore, parti e vlerave. Të tillë kemi lindur, të tillë do të vazhdojmë e të tillë dol të ecim përpara edhe me zgjedhjet që dol të bëjmë këtë të diel. Por, vëllezër dhe motra kjo situatë e krijuar me sulmin e Rusisë mbi Ukrainën do të ndikojë në ekonominë tonë. Siç e shikoni çmimi i karburantit që ka qenë në stratosferë po vazhdon të rritet prandaj siç e keni dëgjuar edhe disa ditë më parë, thirrje ime ndaj kësaj qeverie është të marrë masa të menjëhershme. Të ndalë pagesat korruptive të inceneratorëve që vazhdojnë ti bëjnë edhe sot e kësaj dite që siç e patë ishte një aferë e pastër korruptive. Siç e kishim denoncuar prej 6 vitesh, siç u faktua tashmë edhe në Komisionin Hetimor që është një tjetër ngjarje madhore e cila u zhvillua në harkun kohor pas takimit tonë të fundit dhe takimit tonë të sotëm. Para të shqiptarëve, plot 430 milionë euro që kanë shkuar në xhepat e qeveritarëve. Çdo qeveri sot në botë po merr masa për t’i ndihmuar qytetarët, po siguron rezerva të mjaftueshme karburanti dhe ushqimore, në veçanti po shënjestrën ato familje dhe ato zona që janë në nevojë ekonomike. Dibra, në këtë dekadë është katandisur në një nga zonat me nevojat më të larta ekonomike.
Ndaj në Dibër e kudo në Shqipëri, është koha që këto qindra milionë euro të zhvatura të qytetarëve shqiptarë të taksave të tyre të kthehen tek shqiptarët, e të kthehen në veçanti tek njerëzit në nevojë. Kjo është beteja jonë, dhe kjo është beteja që ne zhvillojmë ditë për ditë ky është modeli ynë.
Ju i dëgjuat Emadën, Kastriotin, Esmeraldën, përfaqësues të denjë, bija dhe bijë të Dibrës, fjalët e tyre rridhnin nga zemra, hallet që përshkruanin janë ulur këmbëkryq në çdo familje dibrane. Thirrja që i drejtojnë bashkëmoshatarëve të tyre, rinisë dibrane është të mos largohet, por të qëndrojë të luftojë, të rezistojë dhe të votojë për ndryshimin.
Por vëllezër dhe motra që kjo të ndodhë duhet që të hedhim hapat e duhur çdo ditë që të shkojmë drejt të ardhmes siç kemi vendosur bashkërisht, të gjithë.
Demokratë dhe shqiptarë duhet çdo ditë që të ecim përpara dhe asnjë ditë të qëndrojmë në vend apo akoma më keq të ecim prapa, ndaj me 6 mars të nderuar dibranë keni mundësinë ta ktheni bashkinë e Dibrës në shërbimin tuaj dhe jo në shërbimin e një grushti njerëzish që e kanë marrë peng tash sa vite.
Tash sa vite e kanë marrë peng dhe bastin e kanë vënë që të vazhdojnë ta marrin peng me marifete dhe me intriga. Dy gjëra dua të ndaj sot me ju.
E para një bisedë midis dikujt, një protagonisti të 2016-ës të masakrës zgjedhore këtu dhe të parit të qeverisë ku i thotë “Si t’ia bëj se po bie telefoni tani duhet të bëj nderet meqë ju kërkova votën. Ky i thotë “Ndërro numrin e telefonin”. Si ta ndërroj numrin e telefonit? Vitin tjetër kemi prapë zgjedhje”. Mos e ki merak thotë Edi Rama se vitin tjetër 20 mijë lekëshi do t’u duket 500 euro shqiptarëve”.
Kjo është filozofia e një qeverie të mbrapshtë, varfëro shqiptarët që t’ua blesh sa më lirë votën, zbraze Shqipërinë nga rinia siç tha Emada që mos të ketë vitalitetin, fuqinë dhe zërin shoqëria për të reaguar. Sepse të gjithë e dimë që çdo lëvizje popullore që rrëzon dhe largon qeveritë e korruptuar si e Edi Ramës, në Shqipëri që prej fillimit në Shqipëri, por edhe anë e mbanë botës rinia ka një vend të veçantë.
Ndaj thirrja ime e parë i drejtohet rinisë dibrane anë e mbanë Peshkopisë dhe komunave të Dibrës dhe atyre që regjistrimin si votues e kanë në Dibër, por jetojnë në Tiranë, Durrës apo kudo tjetër, ejani këtë të diel në Dibrën tonë dhe votoni për Luan Hakën, kandidatin e Partisë Demokratike.
Thirrja ime i drejtohet po kështu të gjithë atyre që nuk e kanë marrë vendimin, mendoni me mend dhe gjykoni me mend.
Shikoni si jeni qeverisur këto kohë nëse mund ta quajmë qeverisje këtë që po ndodh nga Tirana drejt Dibrës, nga Peshkopia drejt Bashkisë dhe votoni duke përdorur mençurinë tuaj, votoni që haka të shkojë tek i zoti, që bashkia tu kthehet qytetarëve dhe për këtë zgjidhja e vetme ka vetëm një emër dhe ky është Luan Haka, kandidati i Partisë Demokratike, numri 2.
Të dashur demokratë, ju drejtohem të gjithëve ju që jeni në këtë shesh dhe kudo që ndodheni.
Disa i përshëndeta gjatë rrugës, disa duke hyrë në qytet tek po punonin, disa të tjerë se kanë marrë akoma vendimin se janë trazuar nga zhvillimet në familjen tonë, dua të ju them se gjatë historisë tonë kemi parë vazhdimisht njerëz që janë larguar, njerëz që e kanë sulmuar Partinë Demokratike, njerëz që e kanë dëmtuar Partinë Demokratike kjo është e vërtetë por po kaq e vërtetë është që Partia Demokratike ka mbijetuar, Partia Demokratike është rritur, Partia Demokratike është forcuar edhe sot kjo parti po rritet, po forcohet.
Mund ta dëmtojnë por askush nuk e ndal dot se ka me vete shpresën, rininë, të vërtetën.
Ne jemi Partia Demokratike e Shqipërisë, kemi lindur si partia e rinisë dhe nga rinia parti pro Evropiane, pro Amerikane dhe pa diskutim do të mbetet e tillë.
Shikojeni këtë shesh, u bëj thirrje të gjithë atyre që na shohin nga media, shikojeni këtë shesh, shikojini sheshet në gjithë Shqipërinë, me kandidatët e Partisë Demokratike si mbushen nga të rinj në një kohë që plaga më e madhe është largimi i të rinjve, kjo është garancia që Partia Demokratike po ripërtërihet, po rritet dhe po shndërrohet në shpresën për çdo shqiptarë.
E patë, e patë Komisionin e Inceneratorëve, e patë se si u zbulua afera e shekullit nga zonja Tabaku dhe anëtarët tanë të komisionit të Partisë Demokratike, ky është modeli ynë i politikes për njerëzit bazuar mbi fakte dhe argumente, larg gjuhës së urrejtjes, fyerjeve, shpotitjeve, sharjeve, a dëgjuat ndonjë sharje apo shpotitje nga brezi I ri? A dëgjuat fyerje, shpifje, sulme? Sigurisht që jo.
E vërteta vonon por nuk harron thotë Dibra, e vërteta dhe e drejta është rruga më e vështirë por është rruga që triumfon, le të triumfojë dhe këtë të diel, le të shkojë haka tek I zoti dhe Luan Haka në bashkinë e Dibrës në emër të gjithë qytetarëve dibranë.
Zonja dhe zotërinj, ju ftoj masivisht të dilni e të votoni për kandidatin e Partisë Demokratike Luan Haka.
Zonja dhe zotërinj kam privilegjin ti jap fjalën birit tuaj, kryetarit të ardhshëm të bashkisë Luan Haka.

Edi Rama e bëri Shqipërinë vendin më të korruptuar në Europë.Ka vetëm një forcë që mund të luftojë për të mirën e shqiptarëve dhe jo të baronëve të drogës, kjo forcë është Partia Demokratike.

DEKLARATË E PARTISË DEMOKRATIKE, ERVIN SALIANJI

Shqipëria është një vend burim i kanabisit dhe një bazë lokale për grupet e krimit të organizuar që lëvizin drogat e paligjshme nga vendet e origjinës në tregjet evropiane.

Për fat të keq për Shqipërinë ky është vlerësimi në Raportin vjetor të Departamentit amerikan të Shtetit mbi Strategjinë e Kontrollit të trafikut ndërkombëtar të lëndëve narkotike!

“Kanabisi shqiptar dërgohet në Turqi dhe këmbehet me heroinë dhe kokainë, të cilat kontrabandohen nëpër Evropë nga trafikantët kombëtarë shqiptarë”, të cilët “ luajnë një rol të madh në trafikun ndërkombëtar të narkotikëve dhe rrjetet e krimit të organizuar”.

Shqipëria konsiderohet si “një element kyç i rrugës ballkanike të trafikut të drogës në Evropën Perëndimore dhe në Mbretërinë e Bashkuar”,
Grupet shqiptare të krimit të organizuar janë të pranishme në Shtetet e Bashkuara, Britaninë e Madhe dhe në të gjithë Evropën, si dhe në Amerikën e Jugut, duke përfshirë Ekuadorin, Kolumbinë dhe Perunë”.

Grupet shqiptare vlerësohet të kenë shtrirë praninë e tyre në të gjitha hallkat e trafikut që nga blerja, transporti, shpërndarja deri te zinxhiri i shitjeve kudo nëpër botë.

E kemi paralajmëruar dhe kemi ngritur shqetësimin përhershëm se bashkëpunimi i qeverisë me grupet kriminale do të pillte krim dhe do të dobësonte sundimin e ligjit.

Në raportin e Departamentit Amerikan të Shtetit thuhet se “sundimi relativisht i dobët i ligjit, korrupsioni dhe niveli i lartë i papunësisë janë nxitësit kryesorë” të fenomenit të drogës në Shqipëri. Krimi i dhunshëm në Shqipëri është shpesh i lidhur me krimin e organizuar dhe, gjyqtarë, prokurorë, policë dhe gazetarë kanë qenë subjekt i kërcënimeve”.

Praktikisht qeveria shqiptare ja ka dorëzuar sovranitetin dhe kontrollin në territor bandave të krimit të organizuar, për fat të keq pasi përdoren në zgjedhje për të grumbulluar vota duke kërcënuar, intimiduar dhe blerë vota për rilindjen ata shpërblehen me emërime në postet kyçe qeveritare, me kontrollin e emërimeve në administrate dhe ju ofrohet paprekshmëri në aktivitetin e tyre kriminal!

Aktiviteti kriminal shkon më tej duke pastruar dhe paratë e pista “Shqipëria mbetet e pambrojtur ndaj Pastrimit të Parave për shkak të korrupsionit, pranisë së rrjeteve të krimit të organizuar dhe boshllëqeve në legjislacion dhe mbikëqyrje” thotë DASH.

Pavarësisht kambanave të forta të alarmit dhe reagimeve të përvitshme të DASH qeveria shqiptare nuk bën asnjë përpjekje serioze për luftën ndaj krimit të organizuar dhe korrupsionit.

Sepse për këtë qeveri interesi i një grushti njerëzish prevalon ndaj interesit të shtetit dhe qytetarëve, për këtë qeveri prodhimi i parave të pista për organizatën e saj vlen më shumë se shkretimi i përditshëm qe po i behet Shqipërisë për shkak te pabarazisë, papunësisë dhe varfërisë.

Partia Demokratike e vlerëson raportin e DASH dhe do të bëjmë përpjekje maksimale që qytetarët të vendosin dhe jo krimi, që politika të jetë instrumenti i zgjidhjes dhe jo krijimit të problemeve. Me forcën e ligjit ne do të shtypim kriminelët dhe të korruptuarit.

Është për të ardhur keq, që edhe pse vitet kalojnë vlerësimi sa i përket Shqipërisë si vend prodhues dhe tranzit i lëndëve narkotike, mbetet i njëjti.

Edi Rama e bëri Shqipërinë vendin më të korruptuar në Europë.

Ka vetëm një forcë që mund të luftojë për të mirën e shqiptarëve dhe jo të baronëve të drogës, kjo forcë është Partia Demokratike.

Kryetari i Partisë Demokratike, Lulzim Basha, bashkë me kandidatin e Lushnjës, Indrit Sefa, kanë takuar qytetarë dhe biznese të këtij qyteti ku kanë dëgjuar shqetësimet e tyre dhe kanë kërkuar mbështetjen në zgjedhjet e ditë së diel. Qytetarët vlerësuan kandidaturën e Sefës dhe shumë prej tyre shprehën mbështetjen për të dhe Partinë Demokratike.

Lulzim Basha: Ja duke takuar njerëzit, duke kërkuar veten për Indrit Sefën, djalin tuaj
Qytetari: Me gjithë qejf!
Lulzim Basha: Faleminderit për mbështetjen

Lulzim Basha: Përshëndetje u lodhet?
Qytetari: Mirë, si je ti?
Lulzim Basha: Ditën e diel keni zgjedhje për kryebashkiak, ju ftoj të zgjidhni këtë djalin e ri, e keni djalin tuaj Indrit Sefen.
Qytetari: E kam porosi nga çuni.

Lulzim Basha: Kam ardhur të ju kërkoj mbështetje për Indritin, djalin tuaj.
Qytetari: Ishallah fitoftë!
Lulzim Basha: Faleminderit për mbështetjen

Lulzim Basha: Ka nevojë për prezantim?
Qytetari: Është çuni i Lushnjës.
Lulzim Basha: Ju ftoj ta votoni ditën e diel.
Qytetari: Normale!

Lulzim Basha: Kohë të vështira janë por është më mirë të keni djalin tuaj në krah në krye të bashkisë.
Qytetari: Ti bëje tëndin atë.

Lulzim Basha: Unë timin e kam, krahun tim të djathtë e kam. Faleminderit!

Qytetari: Unë me Indritin jam.

Mbështetjen për Indrit Sefën e kanë shprehur edhe qytetarë votues të të majtës, që kësaj radhe kanë vendosur të shkojnë përtej bindjeve politike.

Lulzim Basha: Me Indritin je, shumë mirë. Faleminderit nga zemra!
Qytetari: Jam i majtë unë, jam me Indritin.
Lulzim Basha: Të falënderoj dyfish që e vendos besimin tek një I ri dhe të jesh i sigurt që nuk do të të zhgënjej as ty dhe askënd tjetër nga e majta që do ti besojë me votë. Nuk je i pari që më thua jam i majtë por do të votoj për Indritin.
Qytetari: Jam i majtë i betuar, por do të ja jap Indritit.

Lulzim Basha: Indriti nuk ka nevojë për prezantim.
Qytetari: Kemi fatin qe e kemi ne lushnjarët duhen të ndihen shumë me fat që kanë pas shumë vitesh që ta votojnë, duhet të jenë shumë të lumtur dhe i ftoj që ta votojnë.

Lulzim Basha: Indrit Sefën e njihni. Djalin tuaj e keni. Ditën e diel keni mundësinë te keni një kryebashkiak, djalin e Lushnjës, te kulturuar, te zotin, te palodhur, ka luftuar kundrejt padrejtësive ne gjykata, për njerëzit. Tani është gati te luftoje për çdo qytetar te Lushnjës dhe për familjet tuaja. Kështu qe dhe unë kam ardhur tua kërkoj votën ne emër te partisë demokratike për Indrit Safën.

Indrit Sefa: Unë jam shume mirënjohës dhe do iu jem shume mirënjohës. Do jem ne shërbimin tuaj, dhe bashkinë do e keni ne shërbimin tuaj.

Kryetari i Partisë Demokratike, Lulzim Basha, është takuar me qytetarë të Rrogozhinës për t’i kërkuar mbështetjen për kandidatin e PD-së në këtë bashki, Ferdinant Saraçi. Gjatë takimit të tyre me Bashën, qytetarët shprehen problemet e ndryshme të ndryshme që përballen çdo ditë dhe në mungesë të zgjidhjes e vetmja shpresë është largimi nga vendi.

“E mendoj edhe unë personalisht të iki jashtë. Bashkë me nusen të iki. Të mundohem të iki sa më shpejt. E shoh që nuk ka asnjë lloj të ardhme. Biznesi ka një lloj stresi të paparë” – u shpreh një nga qytetarët.

Ndërsa një tjetër qytetar thotë se në Rrogozhinë vetëm pleq e plaka kanë ngelur, ndërsa në punën e tij shqetësim është edhe rritja e çmimit të naftës.

“Këtu dobët shumë. Vetëm pleq e plaka kanë ngelur. Unë merrem me linjën Rrogozhinë-Kavajë, dhe me tre ikim e me katër vijmë. Nuk ka! Vetëm paguajmë taksa. Nafta pritet pas ca ditësh të ngrihet prapë” – u shpreh qytetari.

Ndërsa ka dhe nga ata qytetarë që mbështesin kandidatin e PD-së përtej bindjeve politike.

“Gëzohem që jeni mirë! Se unë jam i majtë, por ke ardhur me një burrë të nderuar” – u shpreh një tjetër qytetar.

Pasi u njoh me shqetësimet e banorëve, kryedemokrati Basha u shpreh se beteja kryesore e PD-së është për fëmijët dhe familjet shqiptare. Për këtë ai kërkoi mbështetjen e qytetarëve rrogozhinas që ditën e diel të votojnë kandidatin e Partisë Demokratike, Ferdinad Saraçi, në mënyrë që të fillojë ndryshimi i vërtetë.

“Motivi jonë kryesor për këtë beteje, jeni ju dhe fëmijët. Të gjithë këta burra që sheh këtu, shumë janë të rinj prej tyre, falë zotit. Dhe ma mbush zemrën që ka të rinj që mbështesin luftën për ndryshim, por gjithë këta të tjerët që janë prindër, këtë betejë nuk e bëjnë për vete, e bëjnë për fëmijët, për të rinjtë. Kështu që mos e dorëzoni shpresën, na u bashkoni të dielën, edhe në rrugë derisa të fillojë ndryshimi i vërtetë. Këtë të diel të bëjmë zgjedhjen e duhur për Rrogozhinën. Dhe do jem nen shërbimin tuaj siç do keni Ferdinand Saraçin” – u shpreh Basha.

Kryetari i Partisë Demokratike, Lulzim Basha ka qenë sot në Vorë në mbështetje të kandidatit Ymer Marku ku është takuar me qytetarët, të cilët shprehën problematikat mbi rindërtimin e shtëpive të dëmtuara nga tërmeti si dhe vështirësitë ekonomike.
Biznesmenet e zonës shprehen se vështirësitë ekonomike janë nga më të ndryshmet

Tregtari: Nuk kemi fjalë që t’i përshkruajmë. Shpresojmë që ndryshimi duhet të vij me patjetër sepse në këtë formë dhe në këtë mënyrë është shumë e vështirë qoftë nga ana psikologjike, qoftë nga ana ekonomike, nga të gjitha anët, ne po shkojmë drejt një kolapsi.
Procesin e rindërtimit qytetarët e Vorës e quajnë masakër

Qytetari: Ne s’kemi drita. Këtu është bërë masakër. Këtu kanë rindërtuar shtëpitë e braktisura. Janë njerëzit në Itali, kanë marrë gjithë këstet, marrin dhe shtëpi. Të gjithë shtëpitë e braktisura janë rindërtuar, asnjë shtëpi tërmeti nuk është bërë këtu. Hajde të çoj me fakte të t’i tregoj ku janë.

Kreu PD, Lulzim Basha i siguroi se gjëja e parë që do të bëj është një një audit
Si kanë shkuar lekët e njerëzve? Se lekët tuaja janë ato, të taksave janë. Duke nisur nga ankesat dhe denoncimet e banorëve e deri tek librat, se në shtet çdo gjë le gjurmë, siç e keni parë dhe me këtë të inceneratorëve. Këta kujtuan se do merrnin 430 mln euro shqiptarëve , e do zhdukeshin pa lënë gjurmë. Gjëja e parë me vendos drejtësi, se nuk është fillimi i një rruge. Prandaj e diela ka kete rëndësi, është një hap i parë për të treguar, që shqiptarët e kanë forcën, banorët e Vorës e kanë forcën për ti dhënë një shenjë, një sinjal të fortë të keqes. Të paktën keni njeriun tuaj që jua njeh hallet, jua qan hallet, e keni derën e hapur, e dini që është një njeri që nuk përkulet para presionit të askujt dhe të paktën ato taksat e bashkisë që ju I paguani njësoj siç paguani e qeverisë të mos shkojnë për këto 700 veta që nuk merret vesh se çfarë pune por të shkojnë tek hallexhinjtë, të shkojnë tek familjet në nevojë dhe për të riparuar këto banesat që kanë dy vite e tre muaj që nuk preken ndërkohë që njerëzit jetojnë akoma në çadra, se kur ju thua që njerëzit jetojnë në çadra e kyçin gojën, bëjnë sikur nuk dëgjojnë. Nuk është zgjidhja përfundimtare por e keni një njeri tuajin aty që do të ketë hallet tuaja në mendje e në zemër edhe forcën për të ngrit zërin për ju.Do e keni sikur të ishte vetja juaj, por e keni në bashki.

PD ka nisur denoncimin e kesaj afere prej vitesh. Komisioni i Inceneratoreve vërtetoi ate qe ka thënë PD, qe qeveria “Rama” vodhi 430 mln euro.
Ne fund te konferencës do dorëzojmë padi penale ne SPAK.
Sot do shpjegoj skemën korruptive, mafioze te mbetjeve ne qytetit te Durrësit qe ka përgjegjës direkt znj.Emirianoa Sako, pjese e kësaj skeme kriminale eshte edhe z.Alqi Bllako qe është gjithashtu edhe ne këtë skeme te mbetjeve te qytetit të Durre3sit.
Znj.Sako u paraqit ne komisionin hetimor per inceneratoret dhe nuk arriti dot qe ti përgjigjej pyetjeve te komisionit dhe u largua pa dhene përgjigjet, qe kishin nevojat qytetarët e Durrësit dhe gjithë shqiptareve. Sigurosht qe edhe refuzimi per t’iu përgjigjur pyetje edhe kjo është pjese e padisë penale. Skema mafioze e menaxhimit te mbetjeve ne qytetin e Durr3esit ka nisur ne datën 10.07.2018 me vendim numër 537 te Këshilli Bashkiak te Durrësit, i cili i drejtohej Komitetit te AKUM PER shpalljen e gjendjes se emergjencës dhe gjetjen e zgjidhjes per sa i përket mbetjeve me qytetin e Durresit.
10.07.2018 ku ishte evidentuar dhe me pas mbyllja e Porto Romanos dhe nevojës per te depozituar mbetjet e qytetit te Durresit ne nje qytet tjeter, deri në 10.06.2019, nuk është bere asgjë. nje vit e gjysem qe Emiriano Sako me veprimet dhe mosveprimet e saj, ka çuar Durresin drejt nje katastrofe mejdisore, duke mirë menduar qe kjo t’i shërbejë aferës se inceneratoreve.

Pasi emëroi kandidaten për kryebashkiake ne Shkodër, Tom Doshi rikthen në detyrë edhe Serdar Hoxhën, në postin e kryeinspektorit për Veriun në Inspektoratin e Ndërtimit. Riemërimi i tij në këtë post ka për qëllim blerjen e votave në zonën e Velipojë gjë të cilën ai e bëri dhe në zgjedhjet e përgjithshme.

Ushtari i Tom Doshit ka akoma në prokurori një dosje të paverifikuar për të shkuarën e tij kriminale, por kjo nuk e ka penguar qeverinë ta emërojë atë në një detyrë të rëndësishme. Qëllimi është i qartë. Paratë e krimit dhe të drogës, postet e shtetit t’i përdorin për të blerë vota. Skema tashmë është e qartë, Tom Doshi njeriu që vendos për gjithçka në Shkodër në emër të Edi Ramës, emëron persona të inkriminuar për të përfituar vota. Duke i lënë sërish në dorë Tom Doshit, përzgjedhjen e kandidates për kryetare Bashkie, emërimet në administratë, Edi Rama ka konfirmuar sërish marrëdhënien e tij të ngushtë me personin që SHBA e shpallën non grata për shkak të së kaluarës së tij kriminale, dhunimin e të drejtave të njeriut dhe përfshirjen në korrupsion.

Aleanca e tyre nuk është ndalur asnjëherë. Tom Doshi ka përfituar miliona euro nga qeveria e Edi Ramës, për t’i përdorur ato për blerjen e votave ashtu siç bëri në masakrën e zgjedhjeve të 25 Prillit, me të njëjtën skemë po vepron dhe sot së bashku me non gratën tjetër. Emërimi i njerëzve të Tom Doshit në qeverisjen e vendit është një nga treguesit se nën drejtimin e Edi Ramës, interesat e shqiptarëve mbeten të pambrojtura, vota e socialistëve përdoret për pushtetin e Tom Doshit.

Shkodranët në 6 mars do të vendosin nëse do ta lënë bashkinë në administrim të TOM DOSHIT apo do të refuzojnë non gratat.

Demokratët në 6 mars do të vendosi nëse do ta kenë bashkinë në administrim të LSI, mafies siç e quan zonja që sot urren PD.

Zgjedhja s’ka qenë kurrë më e qartë:

Kandidatët e non gratave apo birin e tyre Xhemal Bushatin!

Partinë e non-gratave, apo Partine Demokratike të Shqipërisë!

Aleancën me SHBA, apo aleancën e non gratave?

Kush zgjedh partinë e re të Metës dhe Berishës, mban Ramën.

Në një situatë të rritjes së pritshme të cmimeve si pasoje e agresionit rus ndaj Ukrainës, vështirësitë ku ndodhen familjet shqiptare do të thellohen edhe më shumë.

Prandaj duhet që menjëherë qeveria të ketë gati një plan masash që të mundësojnë sigurimin e rezervave të mjaftueshme ushqimore, si dhe të përcaktojë mënyrat për t’u ardhur në ndihmë familjeve në nevojë.

Për të kompensuar dhe lehtësuar familjet shqiptare në këto kushte, qeveria duhet të rimarrë në shqyrtim dy masa të propozuara nga Partia Demokratike:

1. Uljen e TVSH për ushqimet e shportës nga 20 në 6 % dhe

2. Heqjen e menjëhershme të taksës rama mbi Karburantin prej 240 lekësh për litër.

Të dashur bashkëqytetarë,

Ndërsa ndjekim me shqetësim sulmin brutal dhe të paprovokuar të Rusisë mbi Ukrainën dhe qëndrojmë të vendosur pranë popullit të Ukrainës në këto ditë të vështira, me shpresën që ky agresion kundër një shteti sovran, në shkelje të së drejtës ndërkombëtare do të ndalojë sa më parë,

Këtu, në vendin tonë, na lind detyra që të minimizojmë sa më parë pasojat e kësaj lufte.

Sot siguria jonë nuk është në rrezik të drejtpërdrejtë, edhe falë faktit se Shqipëria është anëtare e NATO-s.

Por është e qartë për të gjithë, se agresioni rus ndaj Ukrainës pritet të ndikojë negativisht në ekonomi, nga çmimet e drithërave dhe vështirësimi i sigurimit të tyre, tek cmimi i karburanteve, dhe për rrjedhojë edhe i produkteve dhe shërbimeve të tjera.

Për këtë arsye sot i bëj thirrje qeverisë shqiptare të bëjë transparencë mbi gjendjen e rezervave të shtetit, mbi planin e masave apo për masat që ka ndërmarrë për t’u ardhur në ndihmë familjeve në nevojë, të cilat edhe ne kushtet aktuale e kanë të vështirë të përballojnë nevojat bazë.

Gjendja ekonomike e shqiptarëve, edhe përpara zhvillimeve të fundit është e qartë për të gjithë. Sipas të dhënave, më shumë se gjysma e popullsisë ne vend sot e kanë të vështirë të sigurojnë ushqim të mjaftueshëm për fëmijët e tyre.

Në një situatë të rritjes së pritshme të cmimeve, ndodhemi përballë kërcënimit që vështirësitë në të cilën familjet shqiptare ndodhen, të thellohen edhe më shumë.

Prandaj është parësore dhe duhet që menjëherë qeveria të ketë gati një plan masash që të mundësojnë sigurimin e rezervave të mjaftueshme ushqimore dhe të karburanteve, si dhe të përcaktojë mënyrat për t’u ardhur në ndihmë familjeve në nevojë.

Rritja e mëtejshme e cmimit të karburanteve, që prej kohësh është bërë i papërballueshëm, do të ketë po ashtu pasoja të menjëhershme te cdo familje dhe sipermarrës.

Prandaj duhet menjehere marrja e masave për të lehtësuar kostot shtesë.

Për këtë arsye i bëj thirrje qeverisë të rimarrë në shqyrtim dy masa të propozuara nga Partia Demokratike:

1. Uljen e TVSH për ushqimet e shportës nga 20 në 6 % dhe

2. Heqjen e menjëhershme të taksës rama mbi Karburantin prej 240 lekësh për litër.

Ndonëse kjo situatë vjen prej zhvillimeve jashtë vendit, është detyrë e menjëhershme e qeverisë të marrë masa, dhe të bëjë transparencë duke informuar qytetarët, pa asnjë vonesë, sepse ndërkohë mediat kanë nisur të raportojnë blerjet masive të produkteve bazë nga qytetarët.

Paniku nuk ndihmon në këtë situatë, e vështirëson atë. Prandaj duhet menjëherë, veprim, transparencë dhe informacion nga qeveria.