Blog

Mirë se iu gjej të rinj dhe të reja të Durrësit në këtë ditë të mrekullueshme, në këtë sfond të mrekullueshëm të Adriatikut, të cilit i jepni hijeshi me praninë tuaj këtu, edhe me besimin që rrezaton në sytë tuaj edhe më fort se dielli që shndrin në kokat tona. Faleminderit që jeni të gjithë këtu për të mbështetur Luan Hotin, kandidatin e vetëm të Partisë Demokratike për kryebashkiak të Durrësit. Kam një mirënjohje të veçantë për punën tuaj në këto javë të shkurtra të një fushate të shkurtër për zgjedhjet e pjesshme lokale, këto që do të zhvillohen, do zhvillohen sot një javë. Sepse siç më kanë treguar edhe Grida që është bashkëqytetarja juaj e vjetër, nënkryetarja e partisë, drejtuesja politike e kësaj fushate, por edhe Agroni i cili është fatlum dhe i mahnitur me mikpritjen e rinisë durrsake dhe durrsakëve në tërësi gjatë kohës që po jep kontributin e tij në këtë fushatë, rinia ka qenë prej ditës së parë një nga faktorët më të fuqishëm të fushatës dhe një nga frymëzuesit kryesor të kandidatit tonë dhe kryebashkiakut të Durrësit Luan Hotit. Ndaj dua ta nis me një falënderim për ju. Ta nis me një falënderim të dyfishtë. Së pari do iu falënderoja që jeni angazhuar në fushatë, kjo është fare normale. Çdokush, çdo demokratë, aq më shumë si kryetar i Partisë Demokratike kam detyrimin t’iu falënderoj dhe e bëj këtë edhe në emër të të gjithë shtabit të fushatës, të degës të Partisë Demokratike të Durrësit, të Partisë Demokratike kudo ku ndodhen. Por dua ta bëjë dyfish në rrethanat ku ndodhet Shqipëria dhe në veçanti Durrësi. Siç e thanë, Sardi, Osmani, Arbi, Rena, këto janë kohë të vështira, janë kohë të vështira për shpresën. Rinia dhe shpresa janë të pandashme nga njëra-tjetra. Ku ka rini, ka shpresë, në qoftë se nuk ka shpresë, rinia ikën dhe gjen shpresën diku tjetër. Sot këtu ka shpresë, ka shpresë sepse ka rini. Dhe është kjo shpresë që na mbush me besim se e diela e ardhshme nuk do të jetë një e diel e zezë për Durrësin. Por do të jetë një e diel plotë me diell, plotë me ndriçim. Jeni këtu, por jemi po kështu të vetëdijshëm që shumë prej jush nuk janë këtu. Nuk janë në Durrës, nuk janë. Ndonëse mund të kenë qenë vitin e kaluar apo para dy vitesh, apo tre vitesh, në gjimnazet dhe Universitetin “Aleksandër Moisiu. Janë jashtë një pjesë e madhe përtej Adriatikut, të Itali. Një pjesë tjetër në vendet e tjera të Evropës. Në Britani, deri në Shtetet e Bashkuara të Amerikës. Largimi masiv i rinisë shqiptare, është treguesi më i qartë i dështimit të plotë të modelit që na ka qeverisur. E kam fjalën për modelin e dështimeve dhe të korrupsionit që ne kemi 8 vite që e luftojmë si Parti Demokratike ditë për ditë. E luftojmë me fakte, me denoncime të bazuara mbi hallet dhe problemet e përditshme të qytetarëve mbi shpresat, mbi ëndrrat dhe projektet e rinisë shqiptare. Këto janë dy modele krejt të ndryshme nga njëri-tjetri. Modeli i dështimeve të njëpasnjëshme, modeli i korrupsionit, modeli i monopolizimit të gjithçkaje të kapjes së çdo gjëje në një dorë të pushtetit, të pasurive, të Durrësit, modeli i politikës së vjetër që pushtetin e shikon si privilegj, si pronë private. S’ka rëndësi nëse është pushtet brenda partisë, apo pushtet shtetëror, e shikojnë si çifligun e tyre. E ndërsa e shikojnë pushtetin si çiflig, ndërsa e shikojnë shtetin si pronë e tyre, natyrisht të gjithë shqiptarët dhe rininë, i shohin si shërbëtorët e tyre. Në rastin më të mirë, in shohin si figurina për t’i lëvizur sa andej këtej, në qoftë se u prishin punë. E kemi parë këtë në sjelljen e Edi Ramës dhe qeverisë së tij kur studentët u ngritën në protesta në dhjetorin e 2018-ës. E pamë se si u dridh, se si i mbushi poturet kur thotë populli, por pastaj filloi me propagandë, me përçarje, me premtime të rreme. Dhe ja ku jemi sot, dy vite e ca muaj pas rebelimit studentor të 2018-ës dhe asgjë nuk ka ndryshuar dhe nuk ka si të dyshojë. Modeli i vjetër nuk ndryshon dot. Modeli vjetër e ka mendjen vetëm këtu, tek karrigia. Këtu e ka mendjen dhe për hir të kësaj, është gati t’i vërë kazmën gjithçkaje e të djeg gjithçka. Ka frikë më shumë se të gjithë e mbi të gjitha rininë. A e dini pse? E di çfarë i bën rinia në çdo vend, edhe në Shqipëri atyre që e kanë mendjen mos t’i lëshojnë karriget? Iu bën këtë. Dhe këtë do t’iu bëj atyre që kanë 22 vite që nuk e lëshojnë karrigen e kryebashkiakun të Durrësit dhe e kanë katandisur Durrësin, perlën e Adriatikut. Simbolin e krenarisë tonë, si shqiptarë dhe pasardhës të Ilirëve, në një qytet të pajtueshëm për rininë e për durrsakët. Pse, sepse kanë instaluar një model tjetër, modelin e vesit, modelin e korrupsionit. Këto nuk janë akuza. Dhe ky është ndryshimi me modelin tonë. 6 vite përpara, kur ngritën zërin për inceneratorët, na thanë filloi politika e baltës, e mashtrimeve, çfarë nuk thanë. Futuni pak në youtube, gjejeni pak atë premtimin e Edi Ramës “po qenë 400 milionë euro Lulzim, unë jap dorëheqjen” – 10 herë ma përsëriti, “unë jap dorëheqjen” – tani që i dolën 430 milionë euro, e ka futur kokën poshtë në minder, siç thonë nga Shqipëria e mesme. Pse se jep dorëheqjen? 430 milionë euro, inceneratorët nuk janë më akuza boshe, janë prova të faktuara nga komisioni hetimor parlamentar që Partia Demokratike ngriti dhe të cilit i qëndruam deri sa zbardhi ditë për ditë e orë për orë aferën më të madhe korruptive. Tangentopolin e Shqipërisë, i cili patjetër duhet të çohet në një maksiproces njësoj si para 30 vitesh në anën tjetër të Adriatikut. Ta mbush atë kafazin e SPAK-ut plotë me politikanë të korruptuar dhe me të tjerët që jo thjesht e kanë ngjyer gishtin, por kanë grabitur të ardhmen e rinisë shqiptare, bukën e fëmijëve shqiptarë, shpresat e prindërve për një jetë më të mirë. Ky pra është modeli ynë, me prova, me fakte, jo me hedhje balte, shpifje, gënjeshtra e lloj lloj marifetesh vetëm e vetëm për çfarë? Për karrigen e tyre. Që të mos lëshojnë karrigen e tyre. Kanë 30 vjet që nuk lëshojnë karriget. I kanë salduar këto pas karrigeve që mos t’i hapin rrugë rinisë, mos  t’i hapin rrugë të ardhmes. Janë gati të bëjnë gjithçka për këtë. Kujtojnë se do ta kenë të lehtë. Ju shohin të rinj, na shohin të rinj dhe kujtojnë se këta mund t’i shtyjnë.

E kanë gabim! E kanë gabim apo jo? Ju shtyjnë dot ju? Ju hedhin dot ju në det? E kundërta do të ndodhë. Jemi bashkë këtu ne për ta hedhur këtë model 30-vjeçar në det.  Ashtu siç bëmë me aferën e inceneratorëve e cila tashmë është e faktuar, nuk është politikë e baltosjes, nuk janë llafe në erë, nuk janë gënjeshtra dhe shpifje siç shpif politika 30-vjeçare, modeli i vjetër me në krye Edi Ramën dhe regjimin e tij, por edhe kambalecat e tij.

Të njëjtën taktikë ka , e njëjta shkollë është për fat të keq. Ne po i ofrojmë Shqipërisë një model të ri. Unë jam i vendosur siç ju kam thënë prej kohësh jo thjesht në prag të një fushate siç është kjo që kulmon të dielën e ardhshme. Jam i vendosur dhe e konsideroj misionin e jetës time politike që t’i hap rrugën rinisë, që Shqipëria të jetë në duart e rinisë, që rinia të marrë në dorë fatin e Shqipërisë. Ky është misioni më i lartë që më frymëzon ditë për ditë në veprimtarinë time politike, në çdo kuptim. Të marrë në dorë në kuptimin e fateve ekonomike, shoqërore dhe politike. Po a është kjo një betejë e lehtë?

Ju po e shikoni vetë se sa e vështirë është. Nuk është aspak e lehtë. Dhe unë e di këtë fare mirë. Edhe ju besoj e dini se sa e vështirë është. Por nuk ka rrugë tjetër për Shqipërinë për të ecur përpara.

A ka  rrugë tjetër për të ecur drejt të ardhmes përveçse të ecësh me rininë dhe për rininë duke e promovuar rininë?

Çdo rrugë tjetër të çon mbrapsht. E dimë se ku na çon. Na çon në greminë. Ndaj modeli i ri duhet konsoliduar në çdo aspekt. Në aspektin e kthimit të politikës tek hallet dhe problemet e njerëzve, qoftë me platforma, propozime dhe me veshët dhe sytë e hapura për hallet dhe problemet e njerëzve, qoftë me njerëz që janë njerëz, që jetojnë mes njerëzve, nuk e shohin veten as si zotër, as si gjysmë zotër, as si aktorë Hollywood-i për të bërë spektakël me rastin më të parë, por me njerëz që jetojnë me problemet e përditshme të komunitetit të tyre, sakrifikojnë për ta, janë gati të sakrifikojnë për ta, bëjnë gjithçka, nuk i zë gjumi për të zgjidhur problemet e tyre dhe i tillë është Luan Hoti, bashkëqytetari juaj prind dhe një njeri që ka kaluar gjithë jetën e tij në Durrës, që në moshën e më të riut mes jush që e njeh qytetin, që e do qytetin dhe që është gati të bëjë çdo gjë për qytetin.

Ndaj siç e thatë me Luan Hotin, me votën për Luan Hotin, po kryeni një akt të madh besimi, nuk po vini një bast, or po bëni një akt të madh besimi për të ofruar këtë model të ri politik. Modelin e politikanit që ju sheh në sy dhe  është gati të marrë çdo pyetje de t’ju japë përgjigje, përgjigje të vërteta jo llafe kot më kot. E vërteta dhe e gënjeshtërta, janë dy çatitë e këtyre dy modeleve. Modeli i vjetër ka të gënjeshtërtën për çati. Sa herë që s’ia del dot, i fut një tjegull çatisë së gënjeshtrës. Ashtu siç u zbardh afera e inceneratorëve, tani është në dorë të SPAK-ut mos ta lërë te Koka që në fakt është bishti, por ta çojë tek koka e vërtetë që është i pari i qeverisë, bashkë me ministrat dhe kryebashkiakët duke përfshirë kryebashkiakun real këtu se  të gjithë e dimë që kryebashkiaku  këtu është Dako dhe ndryshimi midis tij dhe asaj që sillet si kryebashkiake nuk është as  një gërmë, D-ja me S-në, nuk ka asnjë ndryshim, reali është ai. Por duke bërë të mundur ,pra që të gjithë këtë njerëz të shkojnë dhe të japin llogari para drejtësisë, siç jep llogari çdokush. Siç kapin një të ri për një cigare marjuane dhe e mbajnë 72 orë dhe e çojnë para gjyqtarit dhe të dënojnë, i gjejnë ato fletët, sa mirë i gjejnë ato fletët për t’i dënuar kur s’ka një mik, kur s’ka një shok, kush s’ka akses, kur s’paguan ryshfetin. Ndërkohë  politikanët jo, edhe kur janë kapur duke vjedhur 430 milionë euro.

Asgjë s’ndodh!

Gënjeshtra tjetër është mashtrimi publik që po bëhet me  Portin e Durrësit. Dhe këtë do ta çmontojmë. Po ua them sot këtu para gjithsecilit prej jush dhe para gjithë shqiptarëve që na ndjekin. Gjashtë vjet më parë nisëm denoncimet dhe mund të ishte parandaluar afera e inceneratorëve, sot  po dridhen nga i pari tek i fundit sepse e dinë se çfarë do t’i gjejë eventualisht nga drejtësia. Tani po ju them aferën e Portit të Durrësit që e kemi denoncuar që prej ditës së parë do t’i shkojmë deri në fund me të gjitha format dhe mjetet. Ne  nuk do ta lëmë Durrësin pa zhvillim. Kemi disa ustallarë tek karakatina e vjetër, disa ustallarë të gënjeshtrave e mashtrimeve te modeli i vjetër.

Njëra palë ndryshon ligjin në kundërshtim me Kushtetutën dhe Marrëveshjen e Satabilizim Asocimit që t’i hapi rrugë dhënies së Portit të Durrësit pa garë një arabi i cili në fakt është vetëm një prestanome për disa oligarkë dhe disa politikanë që duan të pastrojnë paratë e drogës dhe paratë e korrupsionit duke zhvatur të ardhmen e Durrësit.

Pala tjetër thotë ky është projekti Rama-Basha ndërkohë që natën takohet me Dakon. Sigurisht është e njëjta shkollë. Unë nuk kam ndërmend siç nuk kam bërë kurrë në asnjë çast të merrem me baltën që hedh modeli I vjetër. Ne do të merremi me fakte. Dhe faktet janë këto.

Pa transparencë nuk ka zhvillim dhe nuk mund të ketë zhvillim me një projekt që s’e di askush si lindi, ku u konsultua, sa toka publike që i takojnë qytetit do t’i jepen, sa toka publike që i takojnë republikës do të jepen, cila është vlera e këtyre tokave, me çfarë çmimi po jepet, çfarë po marrim në këmbim, kujt i takon kjo, sa do të fitojnë qytetarët durrsakë, sa do të fitojnë familjet durrsakë, sa do të fitojë rinia durrsakë, universiteti I Durrësit, kampusi që ju kërkoni, familjet në nevojë, ata që u dëmtuan nga tërmeti, sa do të fitojë republika. S’e di askush. Pse?

Se modeli I vjetër I mban të kyçura këto në kasafortë. Janë mjeshtra të kasafortës. Këtë e keni marrë vesh apo jo? Nuk kanë për ta mbajtur dot mbyllur kasafortën, do t’ua çajmë siç ua çajmë siç ua çamë kasafortën e inceneratorëve dhe sot gjysma prej tyre janë në kërmim ndërkombëtar. Për Portin e Durrësit dhe për zhvillimin e Durrësit padiskutim që ka nevojë për zhvillim, ka nevojë për investime, por ato mund dhe duhet të kryhen në përfitim të qytetarëve dhe rinisë durrsakë dhe të  gjithë Shqipërisë vetëm në kushtet e transparencës, vetëm në kushtet e garës, vetëm në kushtet e konsultimit. Vetëm atëherë kur të parët, të zotët e këtij qyteti, kësaj bashkie, durrsakët të jenë konsultuar, të kenë pasur mundësi zgjedhjeje, të  kenë vendosur pse jo me referendum lokal cili nga modelet e zhvillimit kërkojnë dhe zhvilluesit po kështu të jenë nënshtruar garës që mos ta blejnë për dy lekë pasurinë e Durrësit dhe ta shesin si frëngu pulën burimin e aferës së tyre. Por të ndodhë e kundërta, pasuritë e durrsakëve, pasuritë e Durrësit që janë pasuri kombëtare të marrin vlerën që u takon dhe kjo vlerë të shkojë tek i zoti.

U ndala tek kjo pjesë për të bërë një diferencë media asaj që po vlon sot në të gjithë Durrësin dhe në të gjithë Shqipërinë dhe asaj që mund të ndodhë nesër. Që kjo të ndodhë nesër na duhet që  ndryshimi të mos ndalet asnjë çast. Përpara kemi forca që duan ta ndalin dhe ta kthejnë mbrapsht. Modeli I vjetër do të vazhdojë të dominojë mundësisht edhe 30 vjet të tjera ku të gjithë ku këtu të jeni midis 50 dhe 60 vjeç apo 55 nëse ka ndonjë 15 vjeçar mes jush, duan edhe 30 vjet të tjera të qeverisin Shqipërinë. E duan pa ekonomi tregu, e duan pa konkurrencë, e duan pa gjykata, pa media të lira pa universitete evropiane e duan mundësisht pari rini ose me rini kokëulur të zemëruar me politikën dhe që nuk voton.

Modeli jonë është modeli tjetër, modeli tjetër e do rinin në ballë punëve, e do në krye të angazhimit politikë, e do të arsimuar këtu me vende pune këtu, pranë familjeve tyre, me rrogat dinjitoze me mundësin për të planifikuar ndërtimin e një familje këtu me njëri tjetrin, për të blerë një banesë këtu, për të vjele frytet pasurit që na ka falur zoti gjithsecili prej jush jo vetëm një grusht politikanesh, një grusht oligarkësh, një grusht bandash ndaj për të bërë këtë të mundur na duhet të investojmë ditë për ditë në këtë mode të rinj. Unë sa më takon si person në radhë të parë por edhe si kryetar i Partisë Demokratike jam i vendosur mos ta lëshoje asnjë çast këtë kauze se nuk ka kauz më të rëndësishme sesa modeli i ri i politikës, që do të thotë promovimi i rinisë në të gjitha fushat e jetës. Dhe e di se për Luan Hotin memurin e halleve dhe problemeve që ka qyteti i Durrësit dhe Bashkia e Durrësit që janë bëre kapicë për fat të keq edhe për shkak tërmetit edhe pandemisë, të dyja keqmenaxhuar në mënyrë më të tmerrshme dhe propagandën më të tmerrshme nga qeveria prapë se prapë, në të gjithë këtë mori problemesh spikat problem numër 1, i Durrësit dhe i Shqipërisë problemi numër një i familjeve Shqiptarë është ta mbajmë rininë këtu duke i dhënë mundësi, mundësi për arsimim me cilësi, mundësi për investime, të sigurojmë punësim me rroga dinjitoze që të jemi këtu bashkë me njeri tjetrin dhe mundësisht të vijnë dhe ato që janë larguar, të jene këtu me ju në këtë perlë të Ballkanit, në këtë perlë të Evropës, me një ekonomi të zhvilluar me transparencë, me konkurrence dhe që ofron mundësi për të gjithë të rinjtë e të reja. Sigurisht që në kohën e shkurtër të këtij mandate nuk mund të ndërtohet kampusi Universitar dhe sigurisht ndërtimi i një kampusi kërkon patjetër një kryetar bashkiak që ta ketë mendjen dhe tek arsimi i Durrësit jo vetëm tek betoni. Padyshim që vota për Luan Hotin është një investim i rinisë Durrsake, i nënave dhe i baballarëve Durrësit për fëmijët e tyre, por është radhë të parë prova për tu shkëputur nga modeli i vjetër. A ka kohë më të mirë se sa kjo për tu shkëputur nga ky model? Ndaj vlerësojeni 6 Marsin, dilni masivisht për ta shembur modelin e vjetër, dilni masivisht për ta shembur modelin që është ngjitur pas karriges dhe nuk i hap rrugën rinisë. Merri shokët dhe shoqet tuaja, merreni prindërit kokë poshtë e të shkurajuar ndaj 30 viteve tranzicion dhe i thoni që në qoftë se s’keni fuqi të vini në kutin e votimit dhe të votoni për vetën tuaj, ejani për në, për rininë e Durrësit, për të rinjtë e të rejat e Durrësit, ejani për të ardhmen e Durrësit dhe votoni këtë të diele, të dielën e ardhshme me 6 Mars, numrin 3, Luan Hotin – Partin Demokratike. Faleminderit!

Shqiptarët kanë parë me zë dhe figurë se si janë vjedhur parate e tyre.

Afera e inceneratorëve shpalosi përpara qytetarëve se si korrupsioni i përhapur në çdo nivel të qeverisjes, ka shkaktuar një dëm prej 430 milionë eurosh, familjeve shqiptare.

Qytetarët e Durrësit e shohin çdo ditë se si qyteti i tyre është i mbytur nga plehrat, ndërsa paratë e tyre përfundojnë në  xhepat e pushtetarëve të korruptuar, mes të cilëve është kryetarja në detyrë dhe kandidatja për bashkinë e Durrësit.

1️⃣ Sako, tender me “negocim-pa shpallje”, me operator të vetëm, pa garë, për 10 milionë euro për Inceneratorin e Tiranës. Ndërsa 15 milionë euro shtesë transporti;

2️⃣ Ka shtuar sasinë e mbetjeve të Durrësit duke fryre faturën financiare nga 38.146 ton në vit, në 80.000 ton në vit;

Tashmë është e qartë për të gjithë se organizmi dhe zbatimi i kësaj afere kriminale, nuk mund të ndodhte pa mbështetjen dhe miratimin e Edi Ramës. Ai është koka e korrupsionit të qeverisë.

https://fb.watch/bpGhB77GSu/

Sot në datën 25 shkurt është mbledhja e fundit e Komisionit Hetimor për Inceneratorët e cila shënon edhe fundin e hetimeve.

Dëshira e përfaqësuesve të Partisë Demokratike ka qenë që ky Komision t’i vazhdonte hetimet, të kishim më shumë kohë në dispozicion, por ne fatkeqësisht nuk arritëm dot që të gjejmë dakordësi për këtë çështje.

Java e fundit me shumë dëshmitarë, e ngjeshur me shumë informacione por njëkohësisht me dosje voluminoze të cilat i kanë ardhur këtij Komisioni, besoj janë lexuar nga të gjitha palët.

Unë dje bëra një thirrje të fundit për z. Gledis Nano, Drejtor i Përgjithshëm i Policisë së Shtetit për të cilin ne jemi akoma në pritje për të marrë të dhënat TIMS të personave të përfshirë në hetim, të cilat i kemi kërkuar që në datën 4 shkurt.

Zonjës Brunilda Lilo, Avokate e përgjithshme e Avokaturës së Shtetit.

z. Erjon veliaj i cili nuk ka sjellë procedurat e komunikimit ndërmjet institucioneve, përsa i përker vendimmarrjes për inceneratorin e Tiranës. Megjithëse, ne patëm një dëshmi shumë të rëndësishme dhe ai pjesën më të madhe të elementëve sigurisht, i pranoi këtu.

Bankës së nivelit të dytë, Credins, për të dhënat e kompanisë.

Z. Petrit Vasili, për të cilin jemi  akoma në pritje.

Ndërkohë, në mbledhjen e ditës së artë, Sekretari i Përgjithshëm i Kryeministrisdë premtoi përpara këtij Komisioni, që përpara fundit të ditës së martë, ose përpara dëshmisë së kryeministrit ditën e mërkurë, do të sillte procesverbalet e mbledhjes së Këshillit të Ministrave kur ishin diskutuar kontratat konçesionare, do të sillte Relacionin e vendimit të Këshillit të Ministrave 907, që është baza, që i hap rrugë financimit të Inceneratorit të Elbasanit por njëkohësisht dhe kërkesën e Ministrisë dhe autoritetit kontraktues për këtë vendim Këshilli Ministrash, por njëkohësisht do të interesohej për raportin e inspektimit financiar për të cilin siç dukej nuk kishte dijeni askush.

Këto elementë nuk kanë ardhur akoma në Komisionin Hetimor dhe unë pres brenda ditës së sotme që ne ti administrojmë këto dokumenta.

Ndërkohë që në mbledhjen e fundit të Komisionit Hetimor unë dua të bëj shkurt një përmbledhje të asaj që ka ndodhur në katër muajt e fundit dhe jo vetëm.

Çështja e incenertorëve është ngritur si një aferë korruptive e supozuiar nga Partia Demokratike në vitin 2016.

Pas denoncimeve të shumta të kontratave konçesionare të Elbasanit të cilat nisën nga disa media kryesisht sporadike, të vogla. Më pas kjo çështje filloi të bëhej publike nga gazetari Artan Rama me denoncimet e tij e më pas nga mediat, Monitor dhe BIRN.

Denoncimi i parë për kontratën e Elbasanit nxori në dritë procedurat korruptive të kësaj kontrate të cilat ne i diskutuam gjatë në këtë Komision. Në vitin 2017 denoncimet vazhduan sepse përveç  kontratës së Elbasanit vazhdonte njëkohësisht procesi për kontratën e Impiantit të trajtimit të mbetjeve në Fier.

Ndërkohë që nisi edhe procedura e Impiantit të trajtimit të mbetjeve në qytetin e Tiranës.

Në shkurt të vitit 2018 Partia Demokratike ka bërë një interperlancë me ish-Ministrin Gjiknuri për këtë çështje.

Të gjithë ju kujtohet se si i gjithë Parlamenti u ngrit në këmbë për të mbrojtur këto tre kontrata konçesionare me vlerë 430 milionë euro.

Të tre kontratat konçesionare duke përfshirë edhe atë të Tiranës, që nga formula, mënyra e hartimit të kontratës, por edhe zbatimi është më korruptivja, përbëjnë atë që, besoj për të gjithë qytetarët, gjatë këtyre tre muajve, është bërë e qartë si afera më korruptive e firmosur nga qeveria Rama gjatë 8 viteve të fundit.

Partia Demokratike në mënyrë konstante, pothuajse të përditshme, ka denoncuar pagesat që i shkonin këtyre kontratave, personat e përfshirë në këto kontrata.

Media ka ndihmuar për të zbuluar lidhjet e ministrave me personat, tre kompanitë, të cilët kanë marrë tre kontrata abuzive pa pasur asnjë ditë ekspriencë në fushën e trajtimit të mbetjeve.

Tre kompani të cilat nuk kishin kapitalin për t’i zbatuar këto projekte, të cilat menjëherë morën kredi bankare për t’i zbatuar këto projekte, por nga ana tjetër ngritën në këmbë një qeveri të tërë, duke krijuar proçedurën ekstraligjore më korruptive të njohur ndonjëherë në Republikën e Shqipërisë.

Që të gjithë këtu kemi parë se si dëshmitarët një nga jë kanë dhënë dëshminë e tyre dhe pjesa më e madhe e tyre kanë treguar të paktën, deri në nivelin politik, përfshirjen e tyre.

Faktin se askush nuk mban mend se si këto tre kontrata janë hartuar dhe zbatuar.

Se si askush nuk mban përgjegjësi për kontrollin financiar, auditin e këtyre kontratave. Se si të gjithë kanë harruar, nuk dinë, nuk kanë parë, nuk mbajnë mend se çfarë ka ndodhur gjatë procesit të hartimit dhe zbatimit të këtyre kontratave. Por më e rëndësishmja gjatë këtyre tre muajve dhe sidomos javën e fundit ne kemi parë mbrojtjen politike që i është bërë tre kontratave konçesionare me vlerë 430 milionë euro e cila kulmoi ditën e mërkurë me kryeministrin e vendit, z. Edi Rama, dëshmitarin e fundit.

Unë besoj se në sytë e të gjithë shqiptarëve sot është e qartë se çfarë ka ndodhur.

Në sytë e të gjithë shqiptarëve sot të gjithë e kanë të qartë që mbrojtja politike e dhënë, justifikimet, shfajësimet, mënyra se si është proceduar, lidhja e këtyre kontratave, njohjet me ministrat, kontratat shtesë që kanë marrë këto kompani, favoret që kanë marrë këta persona dhe fakti që sot këto tre persona janë në kërkim, tregojnë lidhjen e drejpërdrejt, implikimin e shtetit dhe mbështetjen e shtetit .

Nuk ndodh siç tha Edi Rama, ai i cili ndjek punët nga mëngjesi në mëngjesin tjetër, ditë e natë që t’i shpëtojë gjë atij.

Nuk ndodh kurrë në Republikën e Shqipërisë që të firmoset diçka pa e ditur stafi i tyre, pa analizuar stafi i tyre, pa ia çuar në tavolinë stafi.

Nuk ndodh në Republikën e Shqipërisë që askush të mos ketë parë, mos ketë dëgjuar, mos dijë se çfarë ndodh.

Ne këtu morëm dëshmi shumë të rëndësishme dhe unë dua të veçoj atë të Kryetarit të Bashkisë Tiranë.

z. Erjon Veliaj këtu në betim tha që ka marrë një angazhim pa pasur një vendim të Këshillit Bashkiak.

Ka nënshkruar një kontratë me pjesën takuese të Bashkisë Tiranë, 91 milionë pa pasur një vendim të Këshillit Bashkiak dhe kjo është shkelja më e rëndë, arroganca më e rëndë që i është bërë ndonjëherë pushtetit lokal në këto vite.

Ashtu siç tha edhe vetë Kryeministri i vendit, kam qenë Kryetar Bashkie tha se sa herë lindte nevoja shkoja në Këshill Bashkiak. Por këtë arrogancë në 30 vite pushtet lokal ka arritur vetëm Erjon Veliaj, të shpërfillë Këshillin Bashkiak, të shkelë ligjin, të injorojë institucionet dhe të marrë një përgjegjësi financiare prej 91 milionë Euro.

Ndërkohë që Kryetari i Bashkisë këtu pranoi edhe një monopol, një konçesionqë është dhënë për dherat, 45 milionë euro konçesionarit të Tiranës.

Ne nuk arritëm dot që të marrim dëshminë e rëndësishme të z. Alqi Bllako sepse ai erdhi të dëshmonte por sigurisht preferoi të mos përgjigjej për të mos cënuar personin e tij nën hetim, që organi i akuzës ka hapru, por z. Bllako në gjykimin tonë është i përfshirë në dhënien e kësaj kontrate konçesionare me kryetarin e Bashkisë së Tiranës, por njëkohësisht në mbështetjen që i është dhënë kësaj firme konçesionare të Tiranës për të marrë njëkohësisht dhe projektin e Porto Romanos, dokumente të cilat ne ia treguam Kryetares së Bashkisë, zonjës Emiriana Sako, e cila me arrogancë u largua nga ky Komision.

Unë besoj që ky Komision ka pasur shumë pengesa.

Ka pasur pengesat e mossjelljes së materialeve dhe dokumentave.

Ka pasur pengesat e moslënies së dëshmitarëve për të ardhur deri këtu.

Pengesat e mosdërgimit edhe të shkresave

Shumë shkresa janë refuzuar për t’u dërguar. Pengesa të gjata proceduriale edhe gjatë dëshmive. Pengesa që i kemi hasur deri ditën e fundit. Por unë nuk besoj se i ka mbetur diçka për të bërë në këtë komision sepse ka bërë maksimumin. Për këtë arsye dua t’i falënderoj kolegët për punën, për angazhimin, për vigjilencën, për durimin edhe për faktin se u bëmë ne tabelë qitje, ndërkohë që duhej të ishte qeveria tabelë qitje. Kemi ruajtur etikën, kemi ruajtur komunikimin dhe asnjë rast nuk besoj se kjo është çeduar.

Shqetësimi kryesor që kam ngritur në këtë komision që nga dita e parë lidhej me procedurat. Me procedurat të cilat sot kemi një pamje të qartë, kemi dokumentet, kemi dosjet dhe e dimë që ishin procedurat korruptive është e provuar dhe e faktuar, pavarësisht se shumë dokumente shtetërore nuk na janë vënë në dispozicion. Ashtu siç e kam thënë dhe e them, e përsëris përsëri ka pasur zyrtarë të guximshëm të shtetit shqiptar të cilët na i kanë sjellë këto informacione.

Ashtu siç kemi pasur zyrtarë të përgjegjshëm të shtetit shqiptar të cilët na kanë sjellë informacione edhe për kontrata, leje, favore, koncesione të tjera të këtyre tre kompanive.

Unë besoj se në përfundim të këtij hetimi, ky komision hetimor pavarësisht vështirësive, pengesa, sulmeve, pavarësisht çdo gjëje që ka ndodhur ka arritur të bëjë maksimumin. I ka kthyer parlamentit rëndësinë e komisioneve hetimore. I ka kthyer parlamentit përgjegjësinë e tij me rolin e kontrollit dhe të monitorimit. I ka kthyer parlamentit llogaridhënien. Por ajo që është më e rëndësishme i ka dhënë qytetarëve transparencën për 430 mln euro.

Sot nuk ka të madh e të vogël në Republikën e Shqipërisë që nuk e di që Edi Rama me Engjëll Agaçin kanë bërë 17 procedura brenda ditës për të dhënë kontratën e koncensionit të Elbasanit, ndërkohë që janë dhënë tre koncensione me 460 mln euro.

Sot nuk ka shqiptarë që nuk e ka kuptuar që të gjithë njerëzit politikë që erdhën në këtë komision kishin vetëm një qëllim, të shpëtonin veten, të mos përfshinin veten.

Nuk ia arritën dot. Ishte shumë e vështirë ta bëjë këtë krahas provave dhe fakteve.

Ndjejmë keqardhje të vogël që ndoshta nuk arritëm të shfaqnim të gjitha provat dhe dokumentet që kemi patur këtu për arsye se disa nga dëshmitarët nuk dëshmuan, p.sh z.Alqi Bllako, anëtarët e komisionit të koncensionit, por janë të gjitha dokumente që do të jenë pjesë e raportit final por edhe dosjes dhe informacioneve që ne do t’i dërgojmë organit të akuzës.

Unë besoj se në fund të këtij komision hetimor arritëm të tregojmë diçka:

Që mbrojtja politike që ofroi qeveria,

Mbrojtja politike që ofroi kushdo që ishte i përfshirë në këtë proces,

Mbrojtja politike që i është bërë tre kompanive dhe pronarëve të kompanive që sot janë persona në kërkim.

Është asgjë kur ofrohet transparenca dhe llogaridhënia për publikun.

Falënderoj të gjithë qytetarët që kanë ndjekur komisionin hetimor të cilët kanë bërë pyetje pa fund, të cilët na kanë dhënë informacione pafund, të cilat nuk kemi arritur t’i transmetojmë të gjitha por do të jenë pjesë e dosjes hetimore.

Ajo që është më e rëndësishmja falënderoj çdo punonjës përgjegjës të administratës publike që ka refuzuar të firmosë.

Më lejoni të them që ka shumë të tillë, që nuk kanë firmosur, që janë larguar, që kanë dhënë dorëheqjen nga komisioni i koncensionit, që kanë refuzuar të firmosin vendime korruptive dhe qeveria është detyruar të ndryshojë rrugë dhe të marrë vendime të tjera, të ndryshojë formën dhe mënyrën e këtyre koncensioneve.

Sot në fund të ditës, pasi këto koncensione kanë filluar të zbatohen në mënyrë abuzive. Pasi 430 mln euro janë tenderuar, koncensiuonuar dhe dhënë nga shtetit shqiptar, inceneratorët nuk ekzistojnë.

Ne e pamë me sytë tanë dhe e vërtetuam që pas gjithë këtyre procedurave korruptive, kësaj mbrojtje politike, këtyre sulmeve që i bëjnë anëtarëve të komisionit hetimor veçanërisht opozitës për guximin që kanë treguar për të folur me fakte, me prova dhe me argumente por njëkohësisht zbatimit të kësaj kontrate në mënyrë abuzive, pagesave të jashtëzakonshme abuzive që ka patur kjo kontratë, ne pamë që nuk ka incenerim, që inceneratorët e Tiranës, Elbasanit dhe Fierit nuk punojnë, që nuk justifikon asgjë, as foto me ngjyra, as bojë, asgjë nuk e justifikon vjedhjen. Sepse qëllimi i ligjit pavarësisht asaj që duan të mbulojnë është një dhe vetëm një, zbatimi i ligjit. Qëllimi i këtij komisioni hetimor ka qenë dhe kjo ka dalë, me shumë maturi dhe guxim, që këto tre afera korruptive, këto tre afera koncensionare prej 430 mln eurosh sot kanë përfshirë nga punonjësi më i thjeshtë që ka firmosur deri tek Kryeministri i vendit.

Seanca e ditës së mërkurë ishte ndriçuese në shumë aspekte për qytetarët, sepse kushdo që e pyeste Kryeministrin, ai e sulmonte. Unë dua t’i kërkoj ndjesë zonjave në këtë komision, edhe në emrin tim si kryetare e komisionit që ndoshta nuk kam bërë maksimumin për ta ndaluar Kryeminsitrin e vendit që të mos sulmonte anëtarët e këtij komisioni. Por dua t’i falënderoj që i patën guximin t’i thonë të vërtetën në sy Kryeministrit të vendit dhe kjo nuk është pak; t’i thuash atij që ka shkelur ligjin, ka bërë korrupsionin e ka abuzuar me 430 mln euro që je personi përgjegjës, sigurisht që nuk është pak.

Ka shumë njerëz, shumë qytetarë, politikanë që thonë sikur të ishim ne komisionin hetimor; kushdo do kish bërë punën e vet, kushdo do kish mënyrën e vet. Unë jam e sigurt që opozita ka bërë maksimumin, dha maksimumin, zbuloi një nga aferat më të mëdha, që jam e sigurt që nuk ka filluar dhe nuk mbaron me Lefter Kokën.

Lefter Koka është vetëm një, mban përgjegjësi individuale.

Sot kushdo që ka firmosur në këtë proces, çdo ministër që është përfshirë, çdo ministër ka dhënë firmën, çdo ministër që ka dështuar të kontrollojë, çdo ministër që ka dështuar të zbatojë ligjin, që ka dhënë para e që po vazhdon të japë para për tre kriminelë në kërkim, çdo ministër është përgjegjës.

Ne në raportin përfundimtar do t’i tregojmë shqiptarëve çdo provë, çdo argument që kemi mbledhur.

Sot kemi disa vendime për të njoftuar, përveç përfundimit të hetimit, njoftojmë që në datën 7 Mars do  të sjellë raportin përfundimtar. Raporti përfundimtar, ashtu siç e përcakton edhe ligji për komisionet hetimore, duhet të jetë i përbashkët dhe të miratohet bashkërisht në këtë komision. Unë nuk do ta paragjykoj që ne do të kemi dy raporte të ndara. Por jam e sigurt që ato mendime që ne ndajmë nuk do të konvergojnë në një raport për faktin se kurrë s’kemi për t’i dhënë dot mbrojtje politike tre kriminelëve që sot janë në kërkim dhe që marrin fonde nga buxheti i shtetit edhe ndërkohë që flasim.

Kandidati Bushati tha bashkia do ketë bashkëpunim të afërt me universitetin e Shkodrës në takimin e zhvilluar me pedagogët.

“Me pedagogët e Shkodrës duke folur për shqetësimet dhe problematikat e universitetit. Një ndër takimet më të vecanta për mua. Themelet për një qytet të fortë duhet të jene tek dija.

Boshatisja e universitetit të Shkodrës, është këmbanë alarmi. Ata që kanë mbyllur sytë dhe veshët e kanë gabim. Nuk kam ndërmend të përsëris gabimet e të tjerëve. Madje, edhe në këtë fushatë, jam munduar t’i jap hapësirën e duhur më të mirëve. Pjesë e ekipit tim janë të rinj dhe të reja të mirëshkolluar. Këtë model do e ndjek edhe te punësimi i të diplomuarve të universitetit të Shkodrës: mundësi dhe meritokraci”.

Non grata me Dakon e Durrësit po përpiqen të përfitojnë në kurriz të demokratëve. Të korruptuarit dhe non-gratat po mbajnë njëri-tjetrin kundër PD, kundër shqiptarëve.
Këta nuk duan që Shqipëria të ndryshojë!

Brenda parlamentit shqiptar nuk po ndiqet rendi i ditës, se s’ka si të ndiqet rendi i ditës. Në rendin e ditës janë dy marrëveshje ndërkombëtare të cilat kanë të bëjnë me ambientin, kanë të bëjnë me lundrimin detar, por në fakt sigurisht ka një ngjarje madhore për të cilën një qëndrim i qartë dhe i paekuivok i imi dhe Partisë Demokratike është shprehur tashmë. Dënimi i agresionit Rus në termat më të ashpra dhe një thirrje NATO-s, BE-së dhe OKB-së për një veprim të shpejt të bashkuar dhe rezultzativ kundër këtij agresioni. Por ndërkohë kemi këto ngjarje, nuk mund të harrojmë se për më shumë se dy javë, në mënyrën më të paprecedentë në 30 vite pluralizëm, opozita, Partia Demokratike, Komisioni Tabaku, ia ka dalë të zbardh të vërtetën e aferës më të madhe korruptive në këto 30 vite, që është afera e inceneratorëve. 430 milionë euro të cilat i janë zhvatur qytetarëve shqiptarë në një mënyrë dhe në një formë nga Edi Rama, nga të paktën 3 ministra të tij, të paktën 3 kryebashkiak të tij dhe nga 2 sekretarët e tij të përgjithshëm. Ai i kryeministrisë dhe ai i partisë në rolin e tij si ministër, pra, Ëngjëll Agaçi dhe Damian Gjiknuri, nuk mund të futen në thes aq saç mund të futen këto katër minare të xhamisë së Namazgjasë, aq mund të futet në thes kjo e vërtetë. Është e turpshme se si sot përpiqet të zhbëhet ajo që të gjithë shqiptarët e kanë ndjekur ditë pas ditë, me orë të tëra, ju e keni parë Komisionet kanë filluar në orën 9 të mëngjesit, kanë mbaruar në orën 1 apo 2 të natës.

Është e turpshme se si përpiqet të mbulohet dielli me shosh. Për herë të parë në këto 6 vite e vërteta ka dalë në shesh sepse komisioni hetimor parlamentar nuk është censuruar nga shumica e mediave dhe e vërteta është faktuar në mënyrë institucionale. Ajo që ne kemi denoncuar me fakte, me prova nga selia e Partisë Demokratike që para 6 vitesh. Sot u provua përmes institucioneve zyrtare të shtetit, përmes komisionit parlamentar të Parlamentit të Shqipërisë, fal insistimit dhe profesionalizmit të Partisë Demokratike. Sidoqoftë, ky është vetëm fillimi. Ndërkohë që përgatitet raporti përfundimtar i këtij komisioni, që është edhe testi i lakmusit për moralin e disa prej anëtarëve të grupit parlamentar të Partisë Socialiste se të tjerët janë zhytur deri në fyt. Ndonjëri është edhe vet i çuditur që s’është nën pranga tani, që është akoma në atë sallë kur duhej të ishte bashkë me Lefter Kokën dhe Saimir Tahirin tek 313-ta. Ndërkohë që po përgatitet ky raport, unë i drejtoj një thirrje të përsëritur Strukturës së Posaçme Anti-Korrupsion, në veçanti byrosë kombëtare të hetimeve dhe prokurorëve të SPAK-ut. Magnituda, domethënë përmasat e këtij skandali, janë zbuluar dhe zbërthyer në fakte konkrete.

Do të mjaftonte pohimi i Erion Veliajt që të gjitha veprimet janë bërë pa një vendim të këshillit bashkiak dhe VKB-ja fallco, apo tjetër për tjetër e paraqitur para komisionit hetimor si një dëshmi e rreme e ndëshkueshme penalisht si një indicie për të nisur menjëherë procedimin penal të tij. Do të mjaftonin gënjeshtrat e Arben Ahmetajt në raport me njohjet e tij personale me Mirel Mërtirin, siç u zbulua me profesionalizëm nga komisioni dhe u raportua nga rrjeti i pavarur investigativ i gazetarëve të Ballkanit, BIRN që në Shqipëri njihet si Reporter.al, që e njëjta gjë të kishte ndodhur me zëvendëskryeministrin aktual. Do të mjaftonte fakti që 17 akte zyrtare u ndërmorën brenda 8 orëve për t’i hapur rrugë një procedure e cila brenda ditës u hap oferta, u shpall fituesi dhe u lidh kontrata dhe pastaj pak ditë më vonë iu dhanë parapagesë 20 milionë euro të shqiptarëve që Ëngjëll Agaçi të ishte sot në ndalim qoftë për arsyet që parashikon ligji për mos prishjen e provave, qoftë për mos largim nga vendi, mos arratisjes si dy të arratisurit tashmë Gugallja dhe Zoto. Do të mjaftonte fakti që i pari i kësaj pune Edi Rama, nuk arriti t’i jap përgjigje asnjë prej pyetjeve, por po veçoj një nga pyetjet.

Si ka mundësi që bëhen tre procedura të ndryshme, Elbasani me 17 vendime brenda ditës, Fieri me një prokurim teatral, ku nga njëra anë është i njëjti person, Mirel Mërtiri dhe nga ana tjetër është punonjësja e Mirel Mërtirit dhe Klodian Zotos, që janë e njëjta gjë që themelon një kompani për t’u futur gjoja në tender, që e fiton pastaj një kompani hije italiane dhe pastaj aksionet prej 28 milionë eurosh shiten për 200 mijë euro për të kuptuar se çfarë ndodhi me prokurimin e Fierit. Për të arritur pastaj tek ai i Tiranës, ku siç e thash, vet kryetari aktual i bashkisë të dëshmojë duke u vetdemaskuar për përmes VKB-së tjetër për tjetër që solli se është bërë jo vetëm kundër ligjit, por pa asnjë mbështetje ligjore. Këto nuk janë më denoncime. Ajo që dua të bëjë të qartë për qytetarët, të cilët e kanë kuptuar se nuk ka shqiptar që nuk e ka kuptuar që kjo është vjedhja e shekullit, 430 milionë euro të shqiptarëve janë marrë nga një grup i strukturuar kriminal i përbërë nga politikanët e nivelit të lartë nga kryeministri, ministrat, kryebashkiak dhe nga një grup personash që kanë funksionuar edhe si fasadë dhe si prestanome, por edhe si përfitues indirekt të thirremeve të kësaj afere, por bëhet fjalë për fakte objektive të cilat përbëjnë indice për veprim nga SPAK-u. Ndërkohë që aktualisht kemi vetëm një të ndaluar dhe i vetmi i ndaluar është Lefter Koka, siç e kam thënë prej fillimit është bishti i kësaj afere.

Çdo moment që kalon është i çmuar për hetimin, çdo moment që kalon keqbërësit të cilët u vetdenoncuan përmes dëshmive të tyre para komisionit hetimor sikur flisnin, sikur nuk flisnin apo gënjenin, apo refuzonin të jepnin dëshmi, shkatërrojnë prova. Potencialisht shkatërrojnë prova. Intimidojnë dëshmitarë. Komisioni ka ecur me një rritëm të jashtëzakonshëm, a ka ecur me një shpejtësi të rrufeshme dhe shumë detaje kanë humbur, kanë humbur në kuptimin e raportimit se janë aty, janë të regjistruara. Por kanë humbur në kuptimin e raportimit dhe këtu nuk është faji i juaji, sepse faktikisht ka qenë një maratonë me shpejtësi sprinti nga fillimi deri në fund. Një nga faktet që ka humbur, në mënyrë të suksesshme por të turpshme socialistët kanë bllokuar, anëtarët socialist të komisionit kanë bllokuar disa dëshmi të rëndësishme, duke filluar me dëshminë e një prej kolegëve tuaj, Artan Ramës, i cili ishte një nga denoncuesit e hershëm para shumë vitesh të këtij koncesioni korruptiv dhe për të cilin humbi vendin e punës.

U largua nga vendi i punës. Dëshmitë e  punonjësve të cilët janë detyruar nën presion të nënshkruajnë akte korruptive për të cilat mbajnë përgjegjësi penale dhe e vetmja mënyrë për t’i shpëtuar përgjegjësisë penale, burgut është të tregojnë të vërtetën, që i detyruan të firmosnin, të tregojnë emrat e atyre që i detyruan të firmosnin. E pra, anëtarët e Partisë Socialiste në Komisionin për inceneratorët kanë ndaluar dëshminë e tyre, kanë ndaluar sepse e dinë fare mirë që nëse këta specialistë, punonjës të administratës, të cilët aktualisht kanë bërë këto shkelje ligjore dalin para Komisionit dhe tregojnë fare qartë që janë detyruar të hedhin firmën përkundër kërcënimeve, apo qoftë edhe premtimeve atëherë e gjitha kalaja e rërës e gënjeshtrave të Edi Ramës dhe ministrave dhe kryebashkiakëve të tij bie.

Ajo që nuk kanë përllogaritur, sot janë në një ofensivë për të zhbërë të vërtetën që nuk kanë shans ta zhbëjnë, ajo që nuk kanë llogaritur është që secili prej këtyre fakteve të aferës 430 milionë tashmë përbën indice ligjore, objektive për SPAK-un për të vepruar.

Nuk janë më denoncime.

Janë fakte të një Komisioni Hetimor Parlamentar.

Së pari unë dua të përgëzoj dhe të falënderoj zonjën Tabaku dhe anëtarët e Partisë Demokratike në këtë komision dhe besoj se shpreh sentimentin jo vetëm të demokratëve, por të  gjithë shqiptarëve të ndershëm nga të cilët kam marrë me mijëra mesazhe në celular, në Facebook, në mbështetje të punës së Komisionit Tabaku, mesazhe shumica prej të cilave sigurisht jepnin mbështetje, por po kështu kërkonin që puna të shkojë përpara.

Pra nuk ia kanë dalë dot të hedhin perden e propagandës në punën e kryer dhe për këtë padiskutim që meritojnë në falënderim dhe një përgëzim si kryetarja e këtij komisioni dhe  anëtarët e Partisë Demokratike, anëtarët e këtij komisioni.

Së dyti, në këto momente që flasim ata po përgatisin apo kane nisur shume shpejte përgatitjen e raportit, siç ju thashë ky është dhe testi do të kemi një raport apo do të kemi dy raport. Një raport do të dëshmonte se ka një fije ndërgjegje të këtyre deputeteve socialiste që nuk janë pjesë e kësaj afere. Ka një fije ndërgjegje në raport me ata që kanë shkuar dhe kanë kërkuar votën dhe i kanë thirrur nëpër kafet e Fierit, Elbasanit, të Durrësit apo i janë futur në shtëpi, në oborre, në apartament, dhe i kanë thënë votoni për mua votoni për partine socialiste . Ka një fije ndërgjegje që paratë që i janë vjedhur ju te dashur pension, vogëlush shqiptar, prindër, familjar, infermier, mësues, gazetar, punonjës policie, forcat të armatosura, sipërmarrës, punëmarrës, punëdhënës, këto para që iu janë vjedhur ju nuk do të mund ti gëzojnë në çfarë do parajse fiskale ti kenë çuar përkundrazi ne do të bëjmë gjithçka që ata që kanë qenë pjesë e kësaj skeme kriminale të shkojnë para drejtësisë dhe prapa hekurave dhe ligji Shqiptarë që mundëson gjurmimin e këtyre parave në çdo cep të botës.

Të mundësojnë rikuperimin e këtyre parave dhe tua ktheje pensionistëve, fëmijë shqiptarë, familjeve në nevoje, sipërmarrjes Shqiptare, punonjësit e sektorit publike pra janë paratë e shqiptarëve janë marrë nga xhepat e shqiptareve, janë marrë nga xhepat tuaj.  Të dashur qytetar dhe ky është një test dhe jo i parëndësishëm për fat të keq natyra konflikt tualet e politikes këto vite na ka bërë qe të paragjykojmë se asnjëri nga këto nuk do ta votoj raportin, dhe mund të ndodh kështu sepse ndodhemi ne kulmin e Tiranës se korrupsionit, por për fat te mire ajo që po kërkojmë nuk është te rreshtohen me partin demokratike apo për partine demokratike, po i kërkojmë për ti kthyer Shqiptarëve hakën, bukën e gojës, që ju kanë marrë një grusht njerëzish dhe për të vërtetuar me këtë votë dy gjëra. E para që nuk jam pjese e kësaj afere as materialisht e as moralisht dhe e dyta qe kam guximin si qytetar si asgjë tjetër.

Si prindër në qofte se i kanë fëmijë, si bijë nënash dhe baballarësh në qofte se i kanë prindërit në jetë dhe jetojnë me pensionet mizerabël që kjo qeveri nuk i ka rritur as me inflacionin. Që ka një përgjegjësi që shkon përtej qenit socialist apo demokrat. Ka një përgjegjësi qe ka të beje me qenien njeri, me të pasurit një shpirt, një mendje, një fytyre njerëzore që bashkëndjen me qytetarët që ky nuk është një ishull nga vuajtjet e Shqiptarëve anë e mbanë Shqipërisë nga qendra e Tiranës deri në cepat më të largët të Shqipërisë. Ky është testi i parë mesa di unë vjen te enjten e ardhshëm, a do ketë ndonjë socialist kurajën ta pohoj me votë atë që thotë nën dhëmb, iu thotë dhe ju siç na thonë dhe ne, kjo është një vjedhje e paimagjinueshme. Dhe kjo na bën me turp sikundër shumë prej tyre kanë bashkëpunuar deri në nivele të larta duke furnizuar me dokumente zyrtare që vërtetojnë korrupsionin, komisionin hetimore.

Unë dua ti shpreh mirënjohjen çdo socialisti dhe socialistë qe e ka bëre këtë, mund të mos jemi dakord me mijëra gjëra, mundet për disa me ta, disa prej tyre të si kryetar i partisë demokratike disa çështje fondamentalë që mund të na ndajnë përjetë sepse kanë të bëjnë me pikëpamjet tona për qytetarët, për demokracinë, për mëkatet që rendojnë mbi ta por për këtë aspekt pavarësisht se cili ka qene motivi por shpresoje qe motivi të ketë qene ky pra të jemi njerëz radhë të parë, para se të jemi politikan e deputet e ta kuptojmë si njerëz çfarë i kemi bere këtij vendi. T’i marrësh 430milion Euro përmes një anëtari i bandës Lushnjës se kemi harruar ta themi, Mirel Mërtiri ka qene anëtar i bandës Aldo Bares, ai që thoshte atje në kuvend që nuk e kam takuar, sipas raportimeve të vetë ministrave të tij, është ulur me të në kryeministri, ka darkuar me të në kryeministri, e ka shpallur gjeni para ministrave të tij, është ulur me të në kryeministri, ka darkuar me të në kryeministri, e ka shpallur gjeni para ministrave të tij, Mirel Mërtirin, anëtarin e bandës së Lushnjës. Dhe sot i jep imunitet. Sot njerëzit më të afërt të tij janë në arrati ndërkombëtare, prej Edi Ramës, siç i jep imunitet edhe disa prej faktorëve të lidhur me Lefter Kokën. Pse? Sepse Edi Rama e di fare mirë se në qoftë se drejtësia e merr këtë punë kolosale të komisionit, të Tabakut dhe e kthen në një ndjekje shembullore penale, kjo do të shembë nga themelet ngrehinën e korrupsionit 30 vjeçar Shqiptar.

Gazetarja: Socialistët vazhdimisht përmendin besimin tek SPAK-u.

Lulzim Basha: Më falni, të përmendësh besimin tek SPAK-u e të thërrasësh prokurorët e ti bësh presion, të kthesh mbrapsht makinat që nisen për të arrestuar zyrtarë të lartë të kryeministrisë në mes të natës, ky është një problem i jashtëzakonshëm. Apo ti thuash po bëtë këtë e keni personale, keni luftë me mua, kjo është e papranueshme. Prandaj thirrja që bëra nga foltorja e kuvendit sot, ishte e qartë dhe përbëhet nga dy pjesë. Pjesa e parë, siç e kam ndarë me disa prej jush, korrespodentë të Partisë Demokratike, por tani jeni edhe të tjerë këtu, është kjo: kemi nevojë të jemi njerëz në radhë të parë pastaj politikanë. Si njerëz e kuptojmë që edhe politikanë të SPAK-ut, dhe hetuesit e SPAK-ut janë prindër, disa prej tyre. Kështu? Janë bashkëshortë, janë qytetarë dhe të gjendur nën presion nga njeriu më i pushtetshëm, edhe me pushtete që si takojnë, drejtpërdrejt nga ai apo nga të dërguarit e tij, padiskutim që janë në pozita të pabarabarta. Një prokuror i kërcënuar drejtpërdrejt, apo prokurorët e kërcënuar, apo hetuesit e kërcënuar drejtpërdrejt nga një qeveri e kapur në vjedhje, nga një kryeministër i kapur në vjedhje, sigurisht që kanë dhe duhet të kenë  mbështetjen e plotë të çdo qytetari të republikës. Si qytetarë në radhë të parë duhet ti themi keni mbështetjen tonë, aq sa jemi, 4.2 milion qytetarë të Republikës së Shqipërisë me gjendje civile, e nuk e di se sa jemi këtu, ndërkohë që vendi vazhdon zbrazet për shkak të këtij korrupsioni. Ti themi keni mbështetjen tonë si qytetarë. Sigurisht, mbështetja ime nuk është thjesht si qytetar, është si kryetar i Partisë Demokratike, si kryetar i opozitës dhe shpresoj të njëjtën gjë të bëjnë edhe gazetarët, edhe mediat, edhe organizatat joqeveritare, siç po e bën faktori ndërkombëtar, që i thotë çdo prokurori dhe hetuesi të SPAK-ut dhe BKH-së, keni mbështetjen tonë, mos u tutni, mos u impresiononi, mos u përzjenë në këtë aferë, bëni detyrën për të cilën paguheni. Dhe keni mbështetjen tonë të plotë, politike të Partisë Demokratike, morale si qytetarë. T’ia përsërisim kudo, ky është momenti i testit për ju, ky është momenti i testit. Prandaj u ndërtua kjo strukturë, nuk u ndërtua për të kapur një dikë që mund të ketë vjedhur një dyqan buke, por për të kapur politikanët e korruptuar dhe komisioni hetimor parlamentar iu ka dhënë faktet se si ka ndodhur ky korrupsion. Ju keni kodin e procedurës penale, keni kodin penal, keni ligjet e tjera, që ju detyrojnë të veproni për të mos prishur provat, për të mos u larguar në drejtim të paditur. Para një viti kam paralajmëruar largimin në drejtim të paditur dhe ata dy për të cilin paralajmërova sot janë në kërkim ndërkombëtar. Pse duhet të ndodhte kjo? Sepse SPAK-u është nën presion nga Edi Rama, nën presion politik. E pra gjëja e parë, se është e kollajtë të themi këtë, të themi SPAK-u është nën kontroll të Ramës, sigurisht mund ta themi dhe këtë, por le të bëjmë një përpjekje të gjithë bashkë si shoqëri, me këta instrumente që kemi, me këta punonjës police, me këta punonjës të SPAK-ut e të BKH-së, e tu themi hiqeni për një moment uniformën e policisë, hiqeni për një moment uniformën, togën e prokurorit të SPAK-ut, apo atë stemën e BKH-së, mendoni si prindër, mendoni si qytetarë, mendoni që gjithë këta shqiptarë të varfëruar në palcë, të vjedhur, sepse vendi nuk është i varfër, është i vjedhur nga kjo qeveri, nga ky kryeministër, i kanë sytë nga ju. Për hir të fëmijëve tuaj dhe të gjithë shqiptarëve, zbatoni ligjin, nuk po iu kërkojmë asgjë më shumë. Zbatoni ligjin! Momenti që janë kapur në flagrancë në komisioni hetimor, në atë moment BKH-ja duhet t’ia behte në sallën e komisionit hetimor, ti kërkonte kryetares të ndërpriste sesionin, ti komunikonte marrjen të pandehur të paktën 3 apo 4 zyrtarëve dhe pastaj të vazhdonte. Disa prej tyre duhet të ishin sot në qeli, duhet të ishin shoqëruar. Pse? Sepse mund të prishin provat. Në këtë moment që flasim, mund të jenë duke intimiduar dëshmitarët, mund të jenë duke larguar dëshmitarët, ata punonjësit që nuk pranuan ti sillnin në komision. Një zot e di se çfarë mekanizmash përdorin për ti intimiduar, por e dinë fare mirë si vepron mafia dhe e dimë si vepron mafia politike. Këta janë të gjithë të pushtetshëm dhe e vetmja frenë, e vetmja mundësi për ti frenuar është që pasi ne kemi bërë punën tonë, ashtu siç premtuar para qytetarëve, drejtësia të bëjë punën e vet. Pra sot është një ditë për të thënë 3 gjëra. Vjedhja 430 milion nuk ka shqiptar më, s’ka nevojë të merremi çfarë do që të thonë në atë sallë, sikur të montohet, të bëjnë një operacion dhe ta montojnë mikrofonin të goja, të flasë 24 orë në ditë Edi Rama, në facebook e në çdo  media tjetër, nuk ka shqiptar që nuk e ka kuptuar vjedhjen 430 milion Euro të shqiptareve. Doli me fakte nga komisioni hetimor. Disa qanë, disa gënjyen, disa nuk erdhën, disa u spërdrodhën, por vjedhja e shekullit u dokumentua në kuptimin e hetimit parlamentar. Kjo është e para. E dyta, mbështetje totale për SPAK-un. Veproni! Sytë janë nga ju. Keni mbështetjen e plotë të Partisë Demokratike. Jam i bindur, keni mbështetjen e çdo qytetari, të djathtë e të majtë. Janë paratë e të gjithë shqiptarëve, edhe të socialistëve, të të gjithëve, që janë vjedhur nga një grusht njerëzish. në mënyrën më të përbindshme. Pse e them këtë? Kanë vepruar sikur kanë qenë në një monarki absolute, kanë vepruar si hajduti që mendon se nuk do kapet kurrë. Dhe të gjitha këto kanë ndodhur pa dijeninë e Edi Ramës?! Këtij njeriu që nuk i shpëton asgjë, i paska shpëtuar fakti që në Elbasan u bënë 17 akte zyrtare brenda ditës, fakti që në Fier u bë një procedurë teatrale, fakti që në Tiranë edhe bashkia edhe qeveria bashkëpunuan për një projekt jo pa leje mjedisore por pa leje fare dhe fakti që të tre projektet me procedura të ndryshme i ka një njeri, ai që sipas raportimeve të  vetë ministrave të Edi Ramës, Edi Rama e ka quajtur para tyre gjeni, një ish anëtar i bandës së Lushnjës, do të mjaftonin këto fakte të provuara tashmë në komisionin hetimor që SPAK-u të procedojë, të kishte proceduar, por të procedojë se asnjë moment nuk është vonë. Ne kemi raportime të pakonfirmuara, se të enjten e kaluar është nisur procesi i arrestimit të një prej zyrtarëve më të lartë të qeverisë dhe është kthyer mbrapsht. Ne kemi fakte të pa konfirmuara

Gazetarja: Kush është ky?

Lulzim Basha: Kur i them nuk i luan as topi. Raportime të pakonfirmuara, për sjellje të njëjtë në raport të paktën me një anëtar të grupit parlamentar të Partisë Socialiste

Gazetarja: Deputet? Ministër?

Lulzim Basha: Anëtar të grupit parlamentar të Partisë Socialiste dhe deputet, përndryshe do e thoja ministër. Ndërkohë që komisioni hetimor ka nxjerrë në pah përgjegjësitë e kryebashkiakëve dhe të ministrave. Çfarë prisni më? Edhe një herë. Të flasim njëherë si njerëz me njëri tjetrin. Bëhet fjalë për bukën e fëmijëve shqiptarë, bëhet fjalë për bukën e prindërve, pensionistëve shqiptarë, bëhet fjalë për shkollat, spitalet, përditshmërinë e shqiptarëve. Imagjinoni se çfarë mund të ishte bërë me këtë shumë, është një shumë që shumica e shqiptarëve nuk e kuptojnë. 430 milion Euro nuk e kuptojnë. Është 1\10 e buxhetit të shtetit e përvetësuar nga 3, 4 njerëz. E dyta që dua të them, pasi i kam shprehur këtë mbështetje në mënyrë të përsëritur, mbështetje që e kanë dhe nga partnerët ndërkombëtarë, që kanë investuar dhe ata. Kollaj të thuash partnerë ndërkombëtarë, kane paguar taksat e tyre, taksa të amerikanëve, taksa të gjermanëve, taksa të italianëve, të francezëve, të grekëve, të gjithë anëtarëve të Bashkimit Europian, të britanikëve, edhe të britanikëve, kanë paguar taksat e qytetarëve të tyre për të ngritur këtë strukturë të drejtësisë për këtë ditë. Për këtë ditë prokurorët e SPAK-ut janë pajisur me një mbështetje financiare më të lartën në republikë. Nuk ka zyrtarë në Republikën e Shqipërisë që të paguhen më shumë sesa zyrtarët e SPAK-ut dhe të BKH-së. Mesatarisht dy herë më shumë sesa paga më e lartë. E kuptoni apo jo? Që mbrohen më mirë dhe më shumë. Tani po ju jap, sot, qartë në dritën e diellit, mbështetje të plotë politike. Mos prisni raportin. Faktet janë evidente, duhet të kishit vepruar që në fillim, por nuk është kurrë vonë. Nisni të veproni menjëherë! Ndërkohë Partia Demokratike po bën gati, përveç raportit edhe dy hapa të tjerë, sepse siç e thashë zhvillimet kanë qenë shumë intensive, por kanë ndodhur në një hark kohor shumë të shkurtër. Njerëzit mbajnë mend disa gjëra që kanë kërcitur, kanë bërë lajm, por shumë të tjera kanë humbur në intensitetin e ngjarjeve, të paktën për këtë s’mund tua vë fajin mediave. Sepse të tillë e ngushtuan kohën. Në fakt se donin fare, e ndërprenë njëherë. Tani koha u ngushtua, por faktet janë të regjistruara. Ndaj Partia Demokratike do të ecë përpara me dy hapa të tjerë. Hapi i pari do të jetë, që nisur nga këto fakte zyrtare, të komisionit parlamentar për inceneratorët, ku është vërtetuar vjedhja e shekullit, 430 milion Euro, nisur nga provimi përtej i çdo dyshimi, i përfshirjes në këtë vjedhje të shekullit i zyrtarëve më të lartë, nga Edi Rama, tek ministrat e tij dhe kryebashkiakët, do të kalojmë nga plani i  kallëzimeve për tre inceneratorët që u bënë shkak për nisjen hetimit, ju e dini, SPAK-u në komunikatën ku ka njoftuar nisjen e hetimit, i referohet kallëzimit të Partisë Demokratike. Ne tani do të procedojmë edhe në nivelet e tjera të kallëzimeve penale, jo se kjo është e domosdoshme, sepse siç e thash, SPAK-u dhe siç e di çdokush, s’ka nevojë të jesh jurist, SPAK-u vepron me iniciativë kur sheh një krim dhe një qytetar duhet të veprojë me iniciativë për ta parandaluar ose për ta denoncuar. Ndërsa, në këtë rast, ky është si me thënë një provë më shumë që nuk janë vetëm fjalë, por kalojnë edhe në veprime konkrete për t’i kërkuar SPAK-ut të veprojë për çdo individ që është pjesëmarrës në këtë aferë korruptive.

Dhe padiskutim, pjesa politike se ka edhe një pjesë politike lidhet me faktin që komisioni hetimor ka provuar, ka nxjerr dukshëm mbi ujë se pengesa kryesore për zbardhjen  e kësaj afere, është qeveria dhe kryeministri. Se me këtë qeveri dhe me këtë kryeministër, hetimet nuk nisnin deri sa presioni i Partisë Demokratike, presioni i aleatëve, detyrojnë SPAK-un të nis hetimet. Se nuk donin as komisionin për inceneratorët se u munduan ta sabotonin, ta mbyllnin. U rihap fal ë insistimit tonë dhe të aleatëve. Por nuk mund të vazhdohet më tej kështu. Ose drejtësia do të marrë masat duke larguar nga pozicionet drejtuese dhe duke marrë të pandehur të gjithë ata që komisioni hetimor i ka nxjerr si pjesëmarrës në këtë aferë 430 milionë euro, ose ndryshe nëse drejtësia nuk e bën këtë punë dhe unë shpesh sot gjithë mbështetjen dhe shpresën që do ta bëjë, atëherë padiskutim që është koha për të ndërmarrë hapa të tjerë për të cilët padiskutim ne do t’iu mbajmë azhurnuar.

Pyetje: Z.Basha i keni çuar këto dosje edhe selive diplomatike?

Lulzim Basha: Selitë diplomatike, komuniteti ndërkombëtar kanë qenë gjatë gjithë kohës jo vetëm duke e ndjekur këtë proces nga afër, por një pjesë prej tyre janë shprehur publikisht për korrupsionin në tërësi dhe këtë aferë në veçanti. Ndaj unë nuk kam ndërmend të bëj as zëdhënësin e selive diplomatike dhe as të futem në detaje të bashkëpunimit shumë të ngushtë që PD dhe unë kemi me aleatët euroatlantikë.

Pyetje: Z.Basha një ditë më parë, z.Rama në mbledhjen e komisionit hetimor për inceneratorët deklaroi se “kur të shkoni ju në burg, nuk do t’ju përmend”. Keni një koment për deklaratën e tij?

Lulzin Basha:  Unë nuk kam ndërmend të bie në nivelin e batutave të Edi Ramës, se po të bija do t’i thoja “në burg mund të shkoj për t’i çuar cigare ose ndonjë gjë tjetër që mund të ketë nevojë ai”. Por unë nuk do ta bëj, por ja që rashë në kurthin e batutës.

Kjo nuk është çështje batutash. Edi Rama për 10 orë është përpjekur t’ia hedhë me batuta. Popullit nuk ia hidhet me batuta janë 430 mln euro  që mungojnë nga xhepat e tyre; nga çerdhet, nga kopshtet, nga shkollat, nga rrogat, nga pensionet, nga siguria ushqimore, nga shëndetësia, në një vend ku gjysma e familjeve paguajnë një vakt në ditë. Qeveria ia vjedh 430 mln euro. Ka 4 vjet që e denoncon opozita. Kapet me presh në duar në një institucion zyrtar sepse komisioni hetimor është institucion zyrtar dhe tani bëjnë sikur nuk ka ndodhur asgjë!

Ndaj edhe një herë dua t’i kthehem asaj që thash. Dëshmia e djeshme e Edi Ramës ishte vula e zezë e turpit mbi këtë aferë korruptive. Çfarëdo që tha, sido që u mundua të dilte nga situata, sado herë që u mundua duke i rënë ballit me dorë; një gjë mbeti pa përgjigje. Si ka mundësi që ky që i di të gjitha, lideri global që di të gjitha, nuk dha përgjigje që një individ i vetëm, që tha “nuk mbaj mend që ta kem takuar”. Por për çudi gjithë Tirana e di, sepse njerëzit flasin, që hynte e dilte në Kryeministri si në shtëpi të vet. Një njeri i vetëm qëndronte prapa tre skemave njëra më ndryshe se tjetra.

Elbasani me 17 procedura në një ditë.

Fieri me prokurim teatral. Dhe Tirane  kapur në vepër penale, pa VKM dhe me kryetarin e Bashkisë Tiranë dje, nën kryerjen e veprës penale nën betim ku shfaqi një VKM tjetër për tjetër, kur u pyet nga kryetarja e komisionit Tabaku.

Pyetje: Zoti Rama tha që s’mban përgjegjësi për procedurat?

Basha: Po sigurisht që nuk mbajnë përgjegjësi këta se po të mbanin përgjegjësi këta kjo nuk do të kishte ndodhur. Momenti që ndodhi këta duhet të kishin dhënë dorëheqjen, duhet të kishin shkuar përpara drejtësisë. Po këtu nuk jemi në një vend normal. S’jemi në një vend normal pikërisht prej këtyre, pikërisht prej kësaj sjellje. E vetmja shpresë për t’u kthyer në normalitete është pasi ne, PD kemi bërë punën tonë për 6 vite me radhë, edhe kur jemi censuruar, edhe kur jemi sulmuar, e kemi kthyer këtë pastaj një proces zyrtar përmes komisionit hetimor parlamentar. Edhe aty jemi sulmuar, për fat të keq nga qeveria. Tani gjithçka është gati për drejtësinë që të veprojë. Ndaj sot është dita që drejtësia të veprojë.

PD, znj.Tabaku do të procedojnë me hartimin e raportit përfundimtar. Ndërkohë që ne do të procedojmë edhe me hapat e tjerë.

E gjithë kjo betejë po bëhet për drejtësi padiskutim, që në qoftë se beteja do të ishte bërë me shpejtësi parafolësi do të ishte para dejtësisë për dosjen 184 dhe masakrën zgjedhore që i hapi rrugën asaj të 2017-ës dhe 2021-it edhe për këtë pakkush ka dyshim. Askush nuk ka dyshim që ju keni vjedhur 430 milionë euro popullit më të varfëruar nga keqqeverisja juaj me aferën e shekullit, me vjedhjen më të madhe të 30-viteve, me korrupsionin më të rëndë që ka përjetuar ndonjë vend në këto 30 vite në Ballkan dhe më gjerë. Dhe këto fakte sot nuk janë më denoncimet e para 6 apo 7 vjetëve të opozitës, por janë fakte të zbuluar nga Komisioni Hetimor Parlamentar i cili para syve të gjithë shqiptarëve u bllokua me urdhër të Edi Ramës dhe u zhbllokua si rezultat i qëndresës të Partisë Demokratike dhe I qëndresës së aleatëve tanë investimi I të cilëve për të kapur drejtësinë i keni futur shkopa nën rrota dhe vazhdoni ta bëni. Ndaj paradoksi i dikujt që duhej të ishte para drejtësisë është është mbi drejtësinë do të zgjasë edhe pak, por qëndrimi ynë është i qartë. Nga njëra anë çdo punonjës i SPAK dhe i BKH-së që është në presion direkt nga Edi Rama dhe të pandehurit potencialë të tjerë të aferës së inceneratorëve duhet ta dijë se ka mbështetjen e Partisë Demokratike dhe të opozitës në shkuarjen deri në fund të kësaj afere, se ka mbështetjen dhe kërkesën e taksapaguesve shqiptarë për investimin që kanë bërë në mbrojtjen e tyre bashkë me aleatët tanë euroatlantikë dhe ngritjen e tyre në nivelin e paketës financiare dhe paketës së mbështetjes në nivele të panjohura për Ballkanin.
Zonja dhe zotërinj të SPAK-ut bëni detyrën e tuaj. Komisioni Parlamentar i ka nxjerre hapur fajtorët e vjedhjes së shekullit mos i lini makinat e policisë të kthehen në mes të natës bosh, por kthejini me zyrtarët me pranga në duar nga i pari tek i fundit!

Të dashur bashkëqytetarë, zonja dhe zotërinj, punimet e seancës të të enjtes kanë në rendin e ditës dy marrëveshje ndërkombëtare që kanë të bëjnë me ambientin dhe me lundrimin, Ndërkohë që në komisionin përbashkët parlamentar Shqipëri-BE që po përfundon, po shkon drejt përfundimit ngrihen çështje të rëndësishme të Shqipërisë dhe të shqiptarëve që nga lufta kundër korrupsionit, sundimi i ligjit, zgjedhjet, masakra zgjedhore dhe gjithçka tjetër. Por ndërsa ne ndodhemi këtu në këtë sallë dhe patjetër që koha në vijim do të përdoret për të mos i ikur gjëmës më të madhe që ka dominuar edhe vëmendjen e opinionit publik, skandalit më të madh të këtyre 30 viteve atë të iceneratorëve, kemi detyrimin ton moral së pari në raport me aleatët tanë në NATO dhe me një vend që është zgjuar nën agresionin Rus. Dhe së dyti në raport me aspiratat tona kombëtare dhe me detyrimet tona karshi partnerëve tanë të mbajmë një qëndrim të qartë e të paekuivok për agresionin e Rusisë kundër sovranitetit, lirisë dhe integritetit territorial të Ukrainës. Ndaj, ndërkohë që do të kemi mjaftueshëm kohë për përballjen e të vërtetave të dhimbshme që kanë dalë tashmë hapur e nuk mund të mbulohet nga recitimet e askujt siç nuk mbuluan dot as dje nga recitimet e kryeministrit. Padiskutim që do t’i dëgjojmë këto recitime, por nga ana tjetër tashmë kemi fakte, fakte me vlerë, provash për SPAK-un dhe drejtësinë shqiptare në rastin e inceneratorëve, dua për një moment të shkëputemi qoftë nga pika e rendi të ditës për të cilën ka nisur diskutimi, qoftë nga i pashmangshmi debat këtu për aferën e shekullit dhe të shpreh në emër të Partisë Demokratike të Shqipërisë, në emër të opozitës shqiptare, jam i bindur në emër të çdo shqiptare dhe shqiptari, e madje edhe në emër të mbarë kombit shqiptar dënimin paekuivok në termat më të ashpra, të agresionit të Vladimir Putin dhe regjimit të tij kundër sovranitetit, lirisë dhe integritetit territorial të Ukrainës. Njëkohësisht i bëjmë thirrje për një qëndrim të shpejt, të paekuivok, të vendosur kundër këtij agresioni nga organizata e kombeve të bashkuara, nga aleanca e Atlantikut të Veriut, NATO dhe nga Bashkimi Europian. Në dy organizatat e para, Shqipëria ka tashmë një zë të veçantë, si anëtare e Këshillit të Sigurimit, si anëtare e përkohshme e Këshillit të Sigurimit dhe si anëtare e NATO-s, Shqipëria duhet ta thotë fortë zërin e saj. Ajo para së cilës ndodhemi, ndonëse në një gjeografi tjetër dhe jo me paralele të ngjashme, nuk ndryshon në dramën njerëzore që po përjeton populli i Ukrainës nga ajo që ne përjetuam në vitet 98-99, agresionin e makinerisë ushtarake genocidale të Millosheviçit kundër shqiptarëve në Kosovë, futjen e ushtrisë dhe formacioneve paraushtarake, masakrat mbi civilët, pushtimin me forcë, zhvendosjen, spastrimin etnik dhe gjenocidin. Por akti i mbrëmjes së djeshme dhe mëngjesit të sotëm i kapërcen këto kufij në një aspekt. Ky është akti i parë i plotë dhe i mirëfilltë i një invazioni, i një pushtimi të mirëfilltë të një vendi sovran dhe të lirë nga një vend tjetër në thyerje të parimeve bazë të rendit ndërkombëtar të ndërtuar pas tragjedisë më të madhe që njerëzimi ka njohur gjatë luftës së dytë botërore. Luftë e cila përfundoi me krijimin e Organizatës së Kombeve të Bashkuara dhe kartës themeluese të kësaj organizate e cila sot ka mundësinë të tregohet edhe një herë si gardiane e lirisë dhe sovranitetit të kombeve, vetëm duke qëndruar në krah të popullit të Ukrainës, të autoriteteve të Ukrainës me të gjitha format dhe mënyrat. Ndaj Partia Demokratike dhe opozita në mënyrë të paekuivoke autoriteteve shqiptare të marrin të gjithë masat jo vetëm për bashkërendimin e plotë diplomatik në Këshillin e Sigurimit, në NATO dhe çdo masë tjetër për t’u gjendur pranë autoriteteve dhe qytetarëve ukrainas brenda mundësive tona në këtë akt të pashembullt agresioni si dhe për një qëndrim pa asnjë ekuivok koherent dhe jo në funksion të agjendës së përditshme politike ë gjithsecilit që ka përgjegjësitë aktuale dhe përfaqësimit aktual në këtë vend pavarësisht pre legjitimitetit apo kontestimeve të legjitimitetit që ne tashmë i dimë. Në emër të Partisë Demokratike, në emër të opozitës shqiptare jam i bindur në emër të çdo shqiptari dënoj edhe njëherë me forcë agresionin rus mbështesim një reagim të shpejtë dhe të vendosur të paekuivok të Organizatës së Kombeve të Bashkuara, të NATO-s të Bashkimit Europian dhe qëndrojmë me solidaritet dhe mbështetje të qytetarëve ukrainas, jetët e të cilëve ndodhen aktualisht në rrezik për shkak të paprovokuar të Rusisë nën drejtimin e Vladimir Putin.

NDËRHYRJA E DYTË E KRYETARIT TË PD, LULZIM BASHA, NË PARLAMENT

Duke qenë se kjo është një çështje shumë e rëndësishme, paavrësisht se nuk ka të bëjë me aktualitetin e përditshëm shqiptar që është i rënduar siç është nga mjerimi ekonomik, buron nga korrupsioni, dua ta vlerësoni qëndrimin tim në emër të opozitës, në emër të Partisë Demokratike dhe kërkesën time për një qëndrim të paekuivok, padiskutim jam apo s’jam në këtë sallë Partia Demokratike, opozita dhe unë personalisht ndjekim çdo qëndrim dhe sigurisht vlerësojmë çdo qëndrim që vjen nga deputetë të cilësdo forcë politike. Thirrja ime është e qartë dhe e paekuivok ndaj strukturave përgjegjëse të ekzekutivit, veçanërisht duke patur parasysh rolin tonë dy-vjeçar që sapo ka nisur në Këshillin e Sigurimit, i drejtohet kreut të qeverisë, i drejtohet të gjithë institucioneve, pra nuk iu drejtohet ju si kryetare e Parlamentit dhe nuk i drejtohet deputetëve të veçantë në këtë sallë.
Duke shprehur qëndrimin të paekuivok të Partisë Demokratike dhe të opzitës për këtë tragjedi që ndërkohë po ndodh teksa ne ndodhemi në këtë sallë, ne nuk po bëjmë asnjë përpjekje për të polarizuar apo politizuar këtë çështje, por po shprehim atë që mund të shërbejë si një fondament për një reagim të fuqishëm, aspak rutinor ndaj një akti të pashembullt agresioni i cili kercenon rendin botëor, paqen dhe stabilitetin në Europë dhe më gjerë dhe pë më tepër ndodh në një kontekst aspak të qetë dhe për rajonin tonë e në veçanti për interesat tona kombëtare edhe në raport me Republikën e Kosovës, por edhe kudo ku jetojnë shqiptarët jashtë Republikës së Shqipërisë.

Dyshja Sako-Dako kanë një vit që i sorollasin tregtarët e ndershëm të Durrësit.

Me premtimin “tani shpejt do bëjmë tregun e ri” ka shkuar plot 1 vit.

Isha në lagjen 18 dhe fola vetë me tregtarët që kanë ndenjur në shi e në vapë duke pritur.

Më 6 mars do bëhemi bashkë për t’u thënë “Jo” mashtrimeve elektorale e për t’i thënë “Po” vendimarrjes së qytetarëve.

Në shërbim të qytetarëve. Bashkë për Durrësin!

Voto Luan Hoti
Voto Partia Demokratike
Voto Nr.3

#bashkeperdurresin #luanhoti #voto3 #luanhotiperkryetar #partiademokratikedurres #partiademokratike #pd

Lideri ynë i madh global nuk është veçse një mizogjin i vogël endemik

Shqiptarët e panë dje me zë e figurë se sa i dashur, sa i qetë, sa i durueshëm ishte në përgjigjjet e tij ndaj deputetëve burra.

Dhe

Sa agresiv, sa fyes, sa sulmues ishte me përgjigjjet ndaj deputeteve femra, të cilave u kujtonte zërin, shkollën, moshën e gjithfarë.

Ky është Edi Rama. Le të bëjë kabinet me zonja si të dojë, le të ndërrojë sa të dojë zonja në jetën e tij, ai është një mizogjin vulgar endemik. Madje nga sekti më i neveritshëm, ai me pushtet.

https://m.facebook.com/story.php?story_fbid=321586130023257&id=100065156184435