Blog

Në Komisionin Parlamentar per Stabilizim Asociimin, mbështetur nga deputetja e Partisë Demokratike Jorida Tabaku, përfaqësuesi i Delegacionit të Parlamentit Europian , Eurodeputeti irlandez Z. Ciaran Cuffe në fjalën e tij mbi çështjet e mjedisit dhe potencialin e tranzicionit në ekonomi të gjelbërt theksoi qëndrimin e BE-së se “Incenerimi duhet të mbetet zgjidhja e fundit në menaxhimin e qëndrueshëm të mbetjeve në vendet e Bashkimit Europian dhe sipas acquis të BE, sepse tranzicioni për ekonomi të gjelbërt prioritizon një qasje ndaj riciklimit dhe ripërdorimit”

Ai u shpreh se “Shqipëria do të duhet të bëj më shumë për çështjet e ndotjes mjedisore për shkak të të shqetëzsime rreth cilësisë së ajrit dhe emetimit të CO2 në ajër e cila është në shifra të mëdha.

Kështu ai theksoi se do të të bëhej më shumë në diversifikimin e transportit, ku në veçanti ai publik urban, aksesi për këmbësor dhe transporti multi-modal kryesisht hekurudhor. “

Ndërkaq Znj. Tabaku ndër të tjera tha se: Ndërtimi i një inceneratori të ri, përveç dy atyre ekzistues në Elbasan dhe Fier, paraqet shqetësime në rritje për sa i përket përputhshmërisë me acquis të BE-së për mbetjet, duke përfshirë parimin e hierarkisë së mbetjeve dhe objektivave të riciklimit. Ajo theksoi se incenerimi është aferë korruptive bazuar në proçedura pa garë dhe pa konkurencë.

“Në këtë kontekst, politika e qeverisë bazuar tek inceneratorët, nisur nga përvoja e deritanishme ka patur  mungesë të transparencës dhe llogaridhënies. Kjo ka  cuar në shndërrimin e një afere të vërtetë korruptive, e cila kërkon zbardhje nga ana e drejtësisë para opinionit publik por dhe vetë partnerëve tanë europianë. Incenerarorët  nuk kanë zgjidhur në mënyrë të qëndrueshme problemin e menaxhimit të mbetjeve. Qartësisht kjo politikë nuk ka adresuar dhe prioritizuar rekomandimet e vazhdueshme nga Komisioni Europian mbi nevojën e një strategjie të qëndrueshme që garanton ndarjen e mbetjeve në burim, reduktimin e varësisë së landfilleve, riciklimin dhe ripërdorimin ku mundet.

Shqipëria duhet të promovojë ekonominë qarkulluese dhe duhet të stimulojë parandalimin, reduktimin dhe riciklimin e mbetjeve për të reduktuar depozitimin e mbetjeve.

Duhet të përshpejtojë zbatimi i legjislacionit për mbetjet e papërpunueshme” tha Tabaku.

Ne @pdshqiperi dënojmë ashpër agresionin ushtarak të Rusisë kundër Ukrainës, një shkelje e rëndë e ligjit ndërkombëtar. Ne qëndrojmë pranë popullit të Ukrainës ndërsa ata përballen me kërcënime për jetën e tyre nga agresioni i paprovokuar rus.Ne bëjmë thirrje dhe mbështesim një reagim të shpejtë, të bashkuar dhe të fortë nga OKB, NATO dhe BE kundër ndaj akti lufte kundër lirisë dhe sovranitetit të Ukrainës dhe kundër paqes dhe stabilitetit në Evropë dhe më gjerë.

We @pdshqiperi harshly condemn Russia's military aggression against Ukraine, a grave violation of international law. We stand by the people of Ukraine as they face threats to their lives from the unprovoked Russian aggression.

— Lulzim Basha (@lulzimbasha_al) February 24, 2022

Sot ishte dëshmia e fundit e komisionit hetimor për inceneratorët, për tre impiantin e mbetjeve në Elbasan, Tiranë dhe Fier që i kushtojnë buxhetit të shtetit 430 milion Euro. Ajo që dëgjuam për 10 orët e fundit ishte sigurisht dëshmitari që e mbronte korrupsionin, e justifikonte korrupsionin, hiqte përgjegjësin e tij nga korrupsioni, ia linte të tjerëve korrupsionin, por ajo që nuk arritën Shqiptarët të dëgjonin ishte se si ka mundësi që tre persona në kërkim janë sot duke marrë edhe sot e kësaj dite para nga buxheti i shtetit. Unë besoj që komisioni hetimor i ka bëre një nder të madh publikut duke bëre transparente faktet duke vendosur përpara gjithë qytetarëve me zë dhe me figurë, me zërin e Administratorëve të kompanisë por edhe përfaqësues zyrtar, ministrave, dhe kujtdo tjetër atë që ka ndodhur me aferën e tre inceneratorëve. Sot z. Rama dështoj të thoshte se ku kanë shkuar 100milion që janë paguar këto iniciator. Sot z. Rama dështoj që të thoshte se si ka mundësi që një kontratë ti jepet një kompanie pa asnjë eksperiencë, me persona që nuk kanë lidhje me fushën e menaxhimit të mbetjeve, me asnjë kapital bankar, me lidhje me të paktën me dy prej ministrave të tij. Në shkelje të ligjit të këtij shtetit duke injoruar me një arrogancë të plotë çdo ligj, kushtetutën dhe çdo procedurë zyrtare dhe sigurisht refuzoj si gjithmonë të thotë të vërteten, bëri mbrojtjen më të mirë politike, publike, për ato që sot janë në kërkim. Unë nuk kisha asnjë pritshmëri tjetër. Komisioni provat i ka, i ka administruar, dëshmitë i ka administruar, e ka parë se si janë përdorur fondet e buxhetit të shtetit. E ka parë që këto inceneratorë dhe sot që flasim nuk funksionojnë, por çudia më e madhe është se si mundet një kryeministër i një vendi që ka dy ministra sot përpara drejtësisë, të vazhdojë e të jetë krenar për çdo vepër korruptive. Unë nuk arrita dot që të marrë përgjigje për këtë. Në çdo vend normal kryeministri duhej të ishte dorëhequr.

Pyetje: Po SPAK-ut i besoni zonja Tabaku?
Jorida Tabaku: Unë nuk dua të paragjykoj punën e askujt. Nuk dua të paragjykoj rezultatet e askujt. Ne do të bëjmë punën tonë aq sa ne kemi mundësi për të çuar SPAK-ut dosjen e plotë të kësaj afere. Por iu siguroj që dosja do të jetë me përgjegjësitë e secilit. Me përgjegjësitë ligjore të secilit. Aty ku është shkelur ligji nga secili. Sigurisht që dëshmia e sotme ne na shërbeu për të kuptuar që Edi Rama si gjithmonë do i shes të gjithë vartësit e tij. Nuk do të mbrojë askënd përveç vetes së tij. Por mbrojtja politike që i ofroi kësaj afere sot, ka qenë e paprecedentë. Janë 430 milionë euro dhe të vërtetën nuk e mbulon dot askush, sado i zoti të jetë, sado të aktrojë dhe sado propagandë që të ketë.
Pyetje: Zonja Tabaku a doli në pah ndonjë provë apo element i ri gjatë dëshmisë së zotit Rama, të cilën komisioni nuk e dinte më parë?
Jorida Tabaku: Unë besoj që komisioni i kishte të qarta faktet. Për sot doli në pah fakti që firma e kryeministrit është hedhur me vetëdije. Mbrojtja që ai bëri sot nuk ishte mbrojte e rastësishme. Ai ka pasur qëllimin për t’ia dhënë këtë kontratë koncesionare tre kompanive pa asnjë eksperiencë, pa asnjë kapital në bankë. Ai ka pasur dijeni që ka firmosur, ka besim të plotë tek ato që i kanë çuar Vendimet e Këshillit të Ministrave. Ai e di se çfarë ka ndodhur, e di se nuk incenerohet, e di që nuk kryhet procesi, e di që janë projekte në letër, e di që po përdoren për pastrim parash. Besoj se ky konfirmim, për gjithë shqiptarët, është më shumë se çdo fjalë që unë të them. Dhe një fjali të fundit për çështjen e 430 milion Eurove. Sot e gjithë propaganda e tij, besoj dhe e ministrave të tij gjatë dy ditëve të fundit ishte si i keni mbushur mendjen shqiptarëve që janë 430 milion Euro? Dhe këtë nuk arriti dot ta zhbëjë sado që aktroi. Aktroi nga fillimi deri në fund. Sepse e vërteta është shume e vështirë për tu mbuluar. E vërteta gjithmonë del dhe sot përpara gjithë shqiptareve, nuk ka shqiptare qe te mos e besoje qe janë dhënë tre koncesionet personave ne kërkim, 430 mln euro, me mbështetjen, njohurinë dhe dijeninë e plote te Edi Ramës, edhe me krenarinë e tij për te mbrojtur këtë afere korruptive. Por ajo qe është me e rëndësishme për shqiptaret është te kuptojnë qe jemi te vendosur për te çuar përpara ketë dosje përpara organeve te drejtësisë.
Faleminderit për durimin te gjithë kolegeve gazetare sepse kane qene dite te gjata dëshmish, kujtdo qe i ka transmetuar mbledhjet e komisionit hetimor, por edhe gjithë kolegeve ne Komisionin Parlamentar te maxhorancës dhe te opozitës.
Falënderoj te gjithë koleget e opozitës për një pune dinjitoze qe kane bere!
Falënderoj PD që nga dita e pare 6 vite me pare, me insistim, pa rreshtuar asnjë dite ka denoncuar ketë afere, deri kur erdhëm sot qe Kryeministri i vendit pranoi përpara gjithë shqiptareve qe kishte dijeni.
Faleminderit!

Endri Hasa: Sot koka i aferës së Inceneratorëve tha vetëm: S’dua, S’di dhe S’mund. Por një ministër është në burg, shpejt do t’i çojnë paketa edhe Ramës. ⛔

Mirë se ju gjej vëllezër dhe motra!
Faleminderit për këtë mikpritje, faleminderit Zotit për këtë ditë kaq të bukur që e bëri edhe më të bukur me praninë tuaj, të rinisë dibrane, të vajzave dhe djemve të Dibrës, e zonjave dibrane, të zotërinjve dibranë që janë mbledhur në një takim shumë të veçantë. Në një ditë si kjo nuk mund të them se nuk më mbushet zemra sërish me emocionin që ndiej sa herë që kthehem në mesin tuaj.
Sepse kudo që shkoj dhe këdo që takoj e konsideroj jo vetëm një bashkëqytetar, një pjesëtar të shoqërisë, të kombit por edhe të familjes tonë të madhe si shqiptarë. Por të gjithë e dinë që këtu jam bashkë me familjen time, vëllezër dhe motrat dibranë. Tek po vija këtu kam pasur disa shkëmbime, njëri mesazh nga një mik, nga një mik i cili vjen nga Tropoja i cili më shkruan “Tungjatjeta kryetar, ju përshëndes përzemërsisht në Dibrën tënde, kam ardhur edhe unë me të pritur. Në Dibrane vogël me histori të madhe që ka dalë rremi me sulltanët e Turqisë në kuvendin e Dibrës.
Është një referencë e qartë e një miku dhe një demokrati tropojan për atë çfarë Shqipëria dhe shqiptarët kudo ku ndodhen thonë për Dibrën dhe dibranët. Gojëdhënat e trimërisë, patriotizmit, të qëndresës që nisin me heroin tonë kombëtar që krenarisht na vështron nga kjo shëtitore Gjergj Kastriot Skënderbeun. Por, rikthehem po kështu në një tryezë e cila me krenari të madhe na jep anë e mbanë Shqipërisë, anë e mbanë botës kudo ku ka shqiptarë përgjegjësinë dhe simbolin e mençurisë kombëtare. Në Dibrën e mençurisë për të cilën dikush tjetër që është jashtë konfliktit të interesit që nuk ishte dibran, por një njeri i shquar i kombit Fan Noli do ë thoshte “ Njerëz të zgjuar me lezet që i gjen në çdo anë, që të bëjnë muhabet këta janë mjeshtrit dibranë”. E kush më mirë se një mjeshtër dibran, djali juaj Luan Haka mund të punojë më mirë për Dibrën dhe për dibranët dhe bashkë me ju t’i japë vlerën që meriton. Luan Haka është biri juaj, Luan Haka është kandidati më i mirë për Dibrën, është pjesë e Dibrës dhe jam krenar që është kandidat i Partisë Demokratike për bashkinë e Dibrës.
Ju e keni takuar me dhjetëra herë, me qindra herë jo vetëm tani që vjen të kërkojë besimin tuaj, votën tuaj, por vite me radhë ka qenë pranë jush e me ju për t’ju shërbyer me gjithçka që mundet nga shpirti i tij i bardhë, nga përkushtimi
i tij i palodhur në ditë të vështira për demokracinë ku ka qenë në ballin tuaj, ku i ka vënë gjoksin fëmijëve de rinisë dibrane për t’i mbrojtur ata me përkushtimin e tij të palëkundur si demokrat, si dibran, si patriot, si prind dhe si qytetar. Ndaj sot ai vjen para jush si një njeri i sprovuar në kohë të vështira, i panjollë në përkushtimin ndaj demokratëve dhe pa asnjë kompleks e me çdo gatishmëri për t’i shërbyer çdo dibrani pavarësisht bindjeve politike. Dhe jam i bindur se me Luan Hakën çdo dibran që ia do të mirën Dibrës, çdo dibran që nuk mund të pranojë skllavërinë e varfërisë, tiraninë e korrupsionit ka të gjitha arsyet të votojë të diel e 6 marsit numrin 2, Luan Hakën, Partinë Demokratike të Shqipërisë. Edhe për një arsye tjetër sepse kudo ku po zhvillohen këto zgjedhje të pjesshme që nga Shkodra, në Lushnje, në Rrogozhinë, në Vorë, në Durrës e në veçanti në Dibër askush nuk po bie pre e marifeteve të vjetra apo të reja. Dhe dibranët me mençurinë e tyre, dibranët e zgjuar nuk janë në shitje, as nuk gënjehen, as nuk mashtrohen, Luan Haka është kandidat i Partisë Demokratike, ka një Parti Demokratike dhe do të jetë me besimin dhe votën e dibranëve kryetari i bashkisë. Vëllezër dhe motra e vërteta shpesh vonon, njësoj ditë për ditë të vërtetat po dalin në pah. Dielli që shkëlqen sot pak skuta të errëta lë. Ai shkëlqen mbi fytyrat që janë plot pritshmëri këtu në këtë shesh dhe qindra mijëra të tjerë anë e mbanë qytetit të Peshkopisë dhe fshatrave të Dibrës, kudo anë e mbanë kësaj bashkie ku ka njerëz që duan një jetë normale për fëmijët e tyre, ku të rinj në emër të të cilëve foli edhe Lindi i cili para se të jetë djali i një familje është një njeri dibran, një 18 vjeçar, plot me shpresa dhe me dashuri për këtë tokë, për familjen e tij me dëshirën për të dhënë gjithçka në këtë trevë stërgjyshërore që Zoti ia ka dhënë mundësitë, por kur ka keqdashësi dhe korrupsioni po i mbyt njerëzit dhe po iu heq edhe fijen më të vogël të dinjitetit. Shpresa po kështu foli për atë që ndjejnë gratë, zonjat, nënat, gjyshet dibrane. Për besimin e madh se një bashkim i vullneteve të Dibrës që e kanë nxjerr në selamet edhe Kombin në ditë të vështira, nuk ka si ta lë në baltë Dibrën sot. Ndaj, jam i bindur se në këtë dritë të të vërtetës që po përcëllon dhe djeg të gjitha gënjeshtrat dhe mashtrimet, nuk do ta ketë të lehtë edhe shkaktari i emigracionit të të rinjve dibranë, i varfërisë që është ulur këmbëkryq kudo, i atij që para 8 vitesh erdhi në pushtet të jashtëzakonshme, por sot është në histori si kryeministri i qeverisë më hajdute, më keqbërëse, siç po vërteton ditë për ditë para syve të botës komisioni hetimor i inceneratorëve, i aferës së shekullit, por që të gjithë e dimë, është një nga aferat korruptive me të cilat janë marrë paratë e shqiptarëve, janë zhdukur nga xhepat e baballarëve dhe nënave, janë hequr nga tryezat e vogëlushëve shqiptarë, nga shkollat dhe spitalet për të pasuruar në mënyrë marramendëse një grusht njerëzish. Ndaj sot më shumë se kurrë e vërteta po del në shesh, por jo thjesht dhe vetëm sepse dielli lindi, dielli lindi e do të lind prapë nesër, por ishte Partia Demokratike, ishit ju, ishin demokratët, ishte qëndresa jonë, kauzat tona që i luftuam pareshtur, pa kompromis me të keqen të cilat e bënë të mundur daljen në pah të të vërtetës e së shpejti drejtësia do të fillojë të veprojë. Do të fillojë të veprojë sepse shqiptarët nuk e kanë hak këtë keqqeverisje, shqiptarët nuk e kanë hak këtë varfëri dhe mjerim. Nuk vjen prej tyre, vjen prej një bande në krye të qeverisë. Nuk e kanë hak dhe meritojnë diçka tjetër, meritojnë diçka më të mirë. Askush prej nesh nuk vjen këtu me iluzione, por me shpresë dhe besim se njësoj si vëllezërit tanë përtej kufirit apo në Kosovë, mundet me punën dhe djersën e tyre dhe me qeverinë të paktën, jo kundër por në krah të tyre, të ndërtojnë një jetë normale, qofshin fermerë apo blegtorë, qofshin sipërmarrës apo punëmarrës. Se gjithkush mund ta ketë shpresën që të ndërtojë një të ardhme për fëmijët e tyre duke i arsimuar në institucione që nga ato parauniversitare e deri në degët universitare si ato që kishim e do t’i kemi së shpejti edhe në Peshkopi, sepse i ka pasur që në kohën e internatit të Kastriotit e nuk mund t’i mungojnë në 2022-shin. Mençuria dibrane ndonëse është derdhur dhe frymëzon anembanë Shqipërisë nga Tirana në Durrës e kudo, e anembanë Evropës e në SHBA, nuk ka për ta harruar djepin e vet, këtu në djepin e vet do ta ketë institucionin e shpresës dhe përgatitjes rinore për të nesërmen. Këto nuk janë ëndrra, këto janë aspirata dhe shpresa të cilat politika ka për detyrë t’i kthejë në realitet. Politika nuk është e keqe në vetvete, të keqe e bëjnë njerëzit. Ata që i kanë hyrë në hak shqiptarëve. Të mirë po kështu e bëjnë njerëzit, ata që do të bëjnë që Haka të shkojë tek i zoti dhe ky është Luan Haka, kandidati i Partisë Demokratike për Bashkinë e Dibrës, biri juaj i cili me përkushtim, me vendosmëri, me besimin tuaj, do të punojë ditë pas dite për rikthimin e besimit në çdo familje dhe votër dibrane. Do të luftojë për rikthimin e besimit tek të rinjtë dibranë. Dhe dua ta mbyll me takimin e fundit që pata, pak para se të hyja në qytet, me një të ri dibran, si qindra në fakt, mijëra të tillë emigrantë, emigrant në Greqi në këtë rast, i cili më tha se ishte kthyer për të parë familjen e tij, se duhet të kthehej dy ditë më parë përsëri në Greqi për të punuar, por se kishte mësuar se do të zhvillohej ky takim dhe kishte vendosur të qëndronte dhe me siguri është në mesin tonë tani dhe dua ta përshëndes, sikundër dua ti përshëndes gjithë bijtë dhe bijat e Dibrës në emigracion. Dhe më tha se ka shpresë dhe besim se gjërat do të ndryshojnë. Duken fjalë të thjeshta, por nuk janë të tilla. 30 vjet pas rënies së komunizmit një nga dëmet më të mëdha është vrasja e shpresës se gjërat mund të ndryshojnë. Sot jam këtu, për tu zotuar para jush, dibranëve të mençur, të zotë, të fortë e patriotë, që nuk e keni lëshuar Dibrën edhe në këto ditë të vështira, por edhe para gjithë shqiptarëve, se ndryshimi është dhe mbetet misioni numër 1 i Partisë Demokratike, misioni numër 1 i imi. Ndaj në krah të Luan Hakës, sot kandidat dhe nesër kryetar i bashkisë së Dibrës dhe me gjithë shqiptarët le ta bëjmë ndryshimin të mundur hap pas hapi, ditë pas dite, duke nisur me votën masive të dibranëve, më 6 Mars, për Luan Hakën. Zoti ju bekoftë ju, zoti e bekoftë Dibrën, zoti e bekoftë Shqipërinë.

I nderuar kryetar i PD

Të nderuar deputetë, zyrtarë demokratë, pjesëmarrës

Ju falenderoj për pjesëmarrjen dhe për të gjithë mbështetjen respektin që po më jepni cdo ditë në terren dhe në çdo takim.

Në 6 Mars zgjedhjet janë lokale dhe të pjesshme, por neve besimin dhe energjinë e kemi më të.plotë dhe më të fort se kurrë. Si demokratë jemi të gjithë të bashkuar me një qëllim  për të fituar,  për të hapur një faqe të re dhe plot shpresë për Dibrën tonë. Ne nuk kemi kundërshtar njëri tjetrin, ne kemi vwtëm një kundërshtar atë që kanë të gjithë shqiptarët, dhe ai është Edi Rama

Prej gjithë këto vitesh në keqqeverisjen e Ramës dhe bashkisë së Rilindjes , Peshkopia dhe njësitë vendore, fshatrat dhe banorët  janë lënë në mëshirë të fatit, Asnjë investim në infrastrukturë, në arsim,shëndetësi ,sistemi energjetik ujësjellës,  asnjë subvecionim për bujqësinë, fermerët duke bërë kështu që jeta e banorëve të vështirësohet tej mase  nga kriza e thellë ekonomike dhe papunësia e lartë. Bizneset e vogla po mbyllin qepenin dhe po ikin të dëshpëruar. Dibranët dhe veçanërisht të rinjtë ikin pse nuk gjejnë.as edhe një mundësi shkollimi e punësimi

Të nderuar pjesëmarrës

Unë ju premtoj me përgjegjësi të.plotë , në besë dhe zemër prej dibrani -me mbështesni, më votoni mua dhe programin e zhvillimit të PD dhe ne të gjithë do e kthejmë bashkinë, institucionin publik

më të përgjegjshëm, më mikpritës e  transparent që ka njohur ndonjeherë Dibra. Do kthejmë vëmendjen, përkushtimin merituar  dhe punën e shërbimeve të harruara ndaj dibranëve..

Në.mënyrë të përmbledhur do theksoj prioritetet e punës sime pas 6 Marsit
↔️Do kthejmë vëmendjen nga zhvillimi i bujqësisë përmes ngritjes së tregut të shitjes së produkteve dhe ndërtimit të magazinave mbledhëse dhe frigoriferëve  për të depozituar produktet.
↔️ do të bashkëpunojmë dhe me projekte ndërkombëtare për të sjellë subvencione për fermerët si dhe do të ndikojmë.për uljen e.çmimeve të imputeve dhe karburantit për bujqësinë
↔️Do punojmë fort të sjellim investime për rrugët që të lidhen me qytetin si dhe të kryhen ndërhyrje për funksionalitetin e sistemit të vaditjes së tokave.
↔️do të sjellim investime për ndryshimin e mjediseve të shkollave dhe qendrave shëndetësore si dhe pajisjes së tyre me ngrohje dhe aparatura mjekësore moderne
Do nxisim bashkëunimet me projekte të huaja për zhvillimin e bujtinave agrobiznesnit në mënyrë që ta kthejmë Dibrën në një destinacion kyç të turizmit malor
Partia Demokratike ka një program të detajuar dhe ambicioz për ta nxjerrë Dibrën nga kriza, për të gjallëruar biznesin dhe për të zhvilluar bujqësinë.
Në 6 Mars, të gjithë bashkë për ndryshimin e madh!
Votoni Partinë Demokratike

DEKLARATË E PARTISË DEMOKRATIKE, ERVIN SALIANJI

Pa miratimin e Tomës asgjë nuk mund të ndodhë në Shkodër.
Edi Rama i ka dorëzuar Tom Doshit çelësat e qeverisjes së Shkodrës.
Tom Doshi vendos, kush hyn në punë, kush bëhet shef dhe drejtor, kush merr tendera, kush bëhet deputet e së fundmi siç e thotë dhe vetë kush kandidon për kryetare bashkie.

Edhe pse i shpallur non grata nga SHBA, Edi Rama e ka emëruar Tom Doshin si drejtues politik dhe shef të fushatës së kandidates së PS në Shkodër. Edi Rama bëri sikur e largoi Tom Doshin pas shpalljes non grata, po çdo shqiptar e di, e më shumë se kushdo tjetër socialistët shkodranë, e dinë se pa miratimin e Tom
Doshit asnjl vendim nuk merret në Shkodër.
Pyetja që shtohet para socialistëve dhe qytetarëve shkodranë është;
A janë ata të gatshëm ti dorëzojnë bashkinë Tom Doshit?

A e pranojnë ata që çdo vendim në bashki të merret për llogari të një non grate të SHBA?

A ka turp më të madh për socilistët që gjithçka në emër të tyre ta vendosë Tom Doshi?

Krahas Tom Doshit në Shkodër, Edi Rama ka aktivizuar edhe Vangjush Dakon në Durrës. Çdo durrsak e di që kandidatja është vegla e Dakos. Socialistëve durrsakë ua zgjedh kandidaten një tjetër non grata nga SHBA.

Edi Rama nuk ndahet nga Non-gratat. Sepse pa ta, ai, asnjë dite nuk do të qëndronte në pushtet.
Dhe sot gjithë pushtetin ua ka dorëzuar atyre në këmbim të shitblerjes së votave.
Sepse këta nuk duan që Shqipëria të ndryshojë!

DEKLARATË E PARTISË DEMOKRATIKE, ORJOLA PAMPURI

Mirel Mertiri, Klodian Zoto dhe Stela Gugallja nuk ishin të panjohur për qeveritarët dhe ardhja e tyre nuk ishte rastësi. Mjafton të shikoni historinë e udhëtimeve të Ahmetajt dhe Gjiknurit për të kuptuar se ata njiheshin, udhëtonin bashkë me letra që prej 2012, por të dhënat flasin për një njohje më të hershme mes tyre. Gjithçka për aferën e inceneratorëve ka qenë e planifikuar.
Po të hedhim një sy të historikut i udhëtimeve TË ISH-MINISTRAVE AHMETAJ DHE GJIKNURI rezulton se;
📍 Nga 27 janari 2012 deri më 16 tetor 2019, Arben Ahmetaj ka udhëtuar 12 herë me dy pronarët e kompanive të inceneratorëve Mirel Mërtiri dhe Klodian Zoto.
📍 Nga 27 janari 2012 deri më 23 korrik 2019, Damian Gjinkuri ka udhëtuar 6 herë me dy pronarët e kompanive të inceneratorëve Mirel Mërtiri dhe Klodian Zoto .
📍 Mirel Mërtiri dhe Klodian Zoto janë sot në kërkim ndërkombëtar për korrupsion aktiv, pastrim të produkteve të veprës penale, të kryera në bashkëpunim, për aferën korruptive të inceneratorëve. Ndërsa, miqtë e tyre politikanë, të veshur njëri me kostumin e zëvendëskryeministrit dhe tjetri me atë të sekretarit të përgjithshëm të PS-së, vazhdojnë vjedhjet të pashqetësuar.
430 milionë euro janë vjedhur shqiptarëve me dijeni te plotë të Arben Ahmetajt, Damian Gjiknurit, Ëngjëll Agaçit, Erjon Veliaj, Lefter Koka.
Natyrisht asgjë nuk do të ishte e mundur pa dijeninë dhe miratimin e Edi Ramës.
Shqiptarët e kanë parë se si janë vjedhur paratë e shqiptarëve.
Ne inkurajojmë SPAK të ndalojë vazhdimin e vjedhjes dhe të çojë para drejtësisë çdo përgjegjës për këtë vjedhje të shekullit.
Edi Rama është i korruptuar.
Qeveria e tij është e korruptuar.
Me këta në krye, Shqipëria nuk mund të ketë zhvillim.
Shqiptarët duhet ta braktisin të shkuarën dhe të korruptuarit!

Kreu i Partisë Demokratike, Lulzim Basha, ka zhvilluar një takim me ministrinë e Jashtëm të Vatikanit, Kryeipeshkvi Paul Richard Gallagher.

Në një postim në “Facebook”, shoqëruar dhe me foto nga takimi në Vatikan, kryedemokrati Basha thekson se ka diskutuar me ministrin Gallagher “për sfidat me të cilat po përballet Shqipëria, nga situata e vështirë ekonomike tek korrupsioni që jua bën më të vështirë jetën shqiptarëve”.

Mesazhi i Bashës:

Kënaqësi dhe privilegj të pritesha në Romë në Shtetin e Vatikanit, nga ministri i Jashtëm, Kryeipeshkvi Paul Richard Gallagher. Mirënjohje për rolin dhe kontributin që Vatikani ka luajtur në momente vendimtare për shqiptarët në Shqipëri dhe në Kosovë.
Diskutuam për sfidat me të cilat po përballet Shqipëria, nga situata e vështirë ekonomike tek korrupsioni që jua bën më të vështirë jetën shqiptarëve. Të dhënat e fundit tregojnë se është thelluar pabarazia dhe shumica dërrmuese e qytetarëve shqiptarë janë zhytur në varfëri.
Shpreha vullnetin tim dhe të PD për të bërë gjithçka në luftën kundër korrupsionit, një betejë jo e lehtë, por rruga e vetme për të kthyer shpresën, zhvillimin dhe mirëqenien për qytetarët tanë.
Një vend të rëndësishëm në këtë takim zuri dhe Kosova dhe zhvillimet në rajon. Sot po bëhet gjithnjë dhe më e domosdoshme përmbyllja e marrëveshjes me njohje reciproke, për ti mbyllur rrugë çdo mundësie për destabilizim në rajon. Për këtë kam kërkuar ndihmën dhe mbështetjen e Vatikanit. Duke e falenderuar shkelqësine e tij për mikpritjen, e ftova dhe shpreha urimin për ta mirëpritur në një kohë të përshtatshme në Shqipëri.

Kreu i PD-së Lulzim Basha është takuar gjatë vizitës së tij në Itali me kryetarin e Komisionit për Marrëdhëniet me Jashtë në parlamentin italian, Piero Fassino. Basha deklaron se Italia ka qenë dhe vazhdon të mbetet mbështetësja kryesore e anëtarësimit të Shqipërisë në BE dhe shpreh angazhimin maksimal të PD për t’iu siguruar shqiptarëve standardet europiane.

“Në Parlamentin Italin u takova me kryetarin e Komisionit për Marrëdhëniet me Jashtë në parlamentin italian, Piero Fassino. Italia ka qenë dhe vazhdon të mbetet mbështetësja kryesore e anëtarësimit të Shqipërisë në BE. Diskutuam për procesin e integrimit europian, proces i cili ka mbështetjen e plotë të PD. Pa integrimin në BE, nuk do mund të sigurojmë standardet europiane të jetesës. E njoha zotin Fassino me prioritet e PD, që nga lufta kundër korrupsionin që po gërryen ekonominë dhe mirëqenien tonë, si dhe krijimi i kushteve për zgjedhje të lira dhe të ndershme, për të cilën është ngritur me kërkesën e PD komisioni për reformën Zgjedhore. Po ashtu për një shërbim sa më të mirë për qytetarët, ne kemi mundësuar ngritjen e një komisioni për reformën territoriale dhe një ndarje të re administrative.

Diskutuam edhe për zhvillimet në rajon. Situata në Bosnjë Hercegovinë kërkon një reagim të shpejtë, të vendosur dhe të koordinuar të vendeve anëtare të BE, për ti mbyllur të gjitha çështjet e mbetura pezull në rajon, siç është dhe marrëveshja me njohje reciproke mes Kosovës dhe Serbisë. Është në interesin më të mirë të çdo vendi të rajonit, të lërë pas të shkuarën dhe të bashkëpunojmë për një të ardhme më të mirë për të gjithë”, deklaron kreu i PD.