Blog

Pyetje: Arsyeja juaj këtu është sepse patët një vizitë me sekretarin e selisë së shenjtë për marrëdhëniet e shtetin, kryepeshkop Imzot Pon Galleger, si kaloi takimi?

Lulzim Basha: Së pari dua të shpreh kënaqësinë që ndodhem sërish në shtetin e Vatikanit, në selinë e shenjtë, kësaj radhe me ftesë të ministrit të jashtëm të Vatikanit, Imzot Pol Galleger, me të cilin kemi zhvilluar një bisedë të gjatë dhe shumë të frytshme mbi zhvillimet në Shqipëri, mbi zhvillimet në Ballkan, me theks të veçantë sigurisht Kosovën, dhe mbi marrëdhëniet midis Shqipërisë dhe selisë së shenjtë. Jemi fokusuar në çështjet e bashkëpunimit dypalësh, kemi prekur edhe historikun e këtyre marrëdhënieve në veçanti pas rënies së komunizmit, por me kënaqësi mund të them që kemi folur dhe për të ardhmen e marrëdhënieve midis Shqipërisë, shqiptarëve dhe selisë së shenjtë që ka një kuptim të veçantë për çdo shqiptar pavarësisht prej besimit fetar, për rolin që ka luajtur në shembjen e diktaturës dhe në emancipimin e shoqërisë shqiptare dhe për mbështetjen që m’u konfirmua sot nga ministri i jashtëm i Vatikanit, për rrugëtimin Evropian të Shqipërisë për anëtarësimin e Shqipërisë në Bashkimin Evropian.

Pyetje: Pra, vlerësimi juaj i marrëdhënieve dypalëshe mes selisë së shenjtë dhe Shqipërisë në kontekstin aktual të sfidave aktuale që ka Shqipëria dhe si e shikoni mbështetjen e një shteti të veçantë siç është ai i Vatikanit, për një shtet po aq i veçantë në kontinentin Evropian siç është Shqipëria?

Lulzim Basha: Së pari, dua edhe një herë të ritheksoj edhe njëherë tjetër mirënjohjen e madhe për ftesën që më është bërë. Prania ime si kryetar i opozitës në selinë e shenjtë, në ambientet e ministrit të jashtëm të shtetit të Vatikanit, është jo vetëm një vlerësim dhe një besim në kursin, në rrugën ku Partia Demokratike, si partin e qendrës së djathtë, si parti e vlerave konservatore, ka zgjedhur por edhe për betejat që po zhvillojmë në emër të shqiptarëve dhe për shqiptarët. Kauza të cilat selia e shenjtë i përkrah jo vetëm në Shqipëri dhe në Ballkan, por edhe anembanë botës. Lufta kundër varfërisë, lufta kundër padrejtësisë, lufta për një shtet të barazisë para ligjit, të drejtësisë dhe të trajtimit me një standard para ligjit, pra të ndëshkimit në veçanti të korrupsionit si një armik i mirëqenies së qytetarëve dhe jo mbrojtjes të të pushtetshmëve dhe ndëshkimit të atyre që nuk kanë akses në institucione, nuk kanë akses në drejtësi të të vobektëve dhe kështu me radhë. Pra, kemi një konvergjencë të vlerave që vet Vatikani, selia e shenjtë i mbron dhe i promovon kudo në botë. Pra, mbështetja nga Vatikani është shumë e rëndësishme, duhet t’i jemi mirënjohës të gjithë, jo vetëm ne opozita, demokratët, por të gjithë shqiptarët. Nga ana tjetër mund të bëjmë shumë më shumë si Shqipëri për të forcuar këtë marrëdhënie kaq domethënëse për ne. Mos të harrojmë se ishte kjo marrëdhënie dhe në fakt dua ta them sot sepse është mundësia e parë që më jepet. Ishin valët e radio Vatikanit, një nga armët e vetme, një nga rrezet e vetme të dritës që çante errësirën e diktaturës dhe vazhdojnë të mbeten të rëndësishme për të gjithë shqiptarët që kërkojnë të ecin në rrugën e drejtë, drejt zhvillimit dhe përparimit.

Pyetje: Ju falënderoj! Folët për sfidat që ka shoqëria në Shqipëri, në mënyrë të veçantë politika si drejtuese e shoqërisë në Shqipëri. Në këtë aspekt, ato që janë më urgjente, më të domosdoshme që nuk mund të shtyhen më, cilat janë?

Lulzim Basha: Padiskutim ajo që shqiptarët meritojnë, presin me padurim, është një ndryshim rrënjësor i kulturës politike në vend. Që nga koha kur valët e radio Vatikanit ia dolën pas 4, 5 dekadash, së bashku me valët e Zërit të Amerikës, të radio Londrës, të radios Europa e Lirë, të ndihmonin shqiptarët, të çanin perden e hekurt, e të hiqnin zgjedhën e diktaturës, çka e kremtuam edhe dje, e përkujtuam edhe dje me rastin e 31 vjetorit të rënies të shtatores së diktatorit, rrëzimit të shtatores së diktatorit në Tiranë, Shqipëria ndodhet përsëri në udhëkryq.

Pyetje: Pse është në udhëkryq?

Lulzim Basha: Sepse kemi më shumë se 8 vite, që nuk hedhim hapa përpara atij që e kemi shpallur, pavarësisht bindjeve politike apo krahëve politik, të cilëve u përkasim, si një destin dhe qëllim të përbashkët. Integrimin e vendit në Bashkimin Europian. Anëtarësimi i vendit në BE, nuk është një proces firmosje letrash, as një proces burokratik, është një proces arritje që kryhet përmes reformave. Reforma të cilat kanë mbetur në vend numëro dhe nuk kanë prodhuat rezultatet e duhura. Në veçanti do të theksoja 25 prillin, si një moment shumë problematik, i cili ka asgjësuar përkohësisht mekanizmin e ndryshimit në demokraci, që është vota e lirë dhe përkushtimin e partise demokratike që ditën e parë në parlament ndaj kauzës së rikthimit të legjitimitetit dhe demokracisë të institicioneve shqipëtare. Duke nisur me parlamentin shqipëtar e pastaj me gjithë institucionet e tjera. Në kuadrin e , sigurisht zhvillimeve të fundit, hapi i parë që është hedhur me rikrijimin e komisionit për reformën zgjedhore, është një hap që kërkon vëmendje dhe përkushtim nga gjithë aleatët tanë, përfshirë dhe selinë e shenjtë. Por nga ana tjetër jemi përpara hapave të parë të një drejtësie, e cila i është nënshtruar një reforme kushtetuese, që para pothuajse 6 vjet. Sigurisht këtu, në Vatikan, është nga vendet që mund ta shohim gotën gjysëm bosh ose gjysëm plot, dhe kjo vendoset nga perspektiva e gjithësecilit. Nga njëra anë nuk jemi aty ku shqipëtarët prisnin, nga ana tjetër siç e dëshmon dhe aktualiteti politikë , afera e incenertorëve, denoncimet tona, qëndrimi ynë besnikë ndaj kauzave tona, lufta pa kompromis kundër korrupsionit, mund të themi se ka filluar të japë shenjat e para të rezultateve.

Pyetje: Diçka që desha tiu pyesja. Të ndalemi pa hyrë në hollësirat e politikës. Ju si lider i opozitës, sigurisht Shqipëria si gjithë vendet, ka pasur pandeminë, kanë pasur vështirësi që kanë ndikuar ndjeshëm edhe në klasën politike e udhëheqësit të vendit. Si lider i opozitës, çfarë pranoni si ndërmarrje të qeverisë në këtë periudhë?Përgjigje: Shikoni! Është brenda shtetit të Vatikanit, por në fakt para çdo radio, detyra e një politikani është që ti qëndrojë etikës dhe moralit. Të të them se ka diçka të veçantë, për të vlerësuar dhe vetëm për hir të të vlerësuarit, kam frikë do shkel atë pjesë të etikës që më dikton të mos jetë pjesë, të jem hipokrit. Problematikat e pandemisë vetëm kanë nxjerrë në pah dobësinë e institucioneve shqipëtare. Kanë nxjerrë në pah egoizmin e politikanëve shqipëtarë, të pushtetarëve shqipëtarë. Sepse në fund të fundit, çfarë po tregon afera e inceneratorëve që po hetohet në këto momente në Tiranë, që dhe në kohën kur njerëzit kishin më shumë nevojë se kurrë për ndihmën e shtetit, takstat që ata i paguanin shtetit, përfundonin në duart e një grushti njerëzish të korruptuarish, pushtetarësh dhe aksesorësh tyre. Ajo që mund të them është se, kemi shumë shumë punë për të bërë. Në raport me luftën kunër korrupsionit,

Pyetje: E cila është puna që duhet të bëjë opozita apo cilat janë ato mangësi që ndoshta opozita në këto vite nuk i është përgjigjur në mënyrën më të duhur?

Përgjigje; Mendoj se kthimi i besimit te politika është sfida më e madhe që kemi. Formimi i besimit te politika si instrument ndryshimi, është e keqja më djallëzore që ka ndodhur në veçanti në dekadën e fundit. Politika nuk është e keqe. Të keqe e bëjnë njerëzit. Të mirë po kështu, e kanë në dorë ta bëjnë njerëzit. Ndaj me vendinet qe kemi marrë, janë vendime të marra nga një trupë e madhe politike e demokrateve, për të ecur përpara drejt së ardhmes. Gjithashtu me disa parime bazë. E para, ti rikthejmë politikës fytyrën njerëzore. Një fytyrë njerëzore, nuk do të thotë thjesht një shprehje figurative, nuk do të thotë thjesht një performancë para mediave, por do të thotë të zgjedhim të promovojmë në lidership, njerëzit që me të vërtetë ndjejnë, përfaqësojnë dhe mbrojnë hallet dhe problemet e njerëzve të thjeshtë. I dyti, ti kthejmë institucionet shqipëtarëve.

Pyetje: Sigurisht jemi tek vizioni qe ju keni si lider i opozites. Keni përpara një takim të rëndësishëm që janë zgjedhjet lokale të pjesshme natyrisht, në disa qytete pak më të medha, tjerat gjithsesi të rëndesishme. Çfare ju keni propozuar në këto zgjedhje si lider i opozitës?

Përgjigje: Pavarsisht se ndodhi për një kohë shumë të shkurtër dhe kanë shumë pak vëmendje, ajo që kemi vendosur dhe që tregon dhe fillesat e këtij ndryshimi kulturor politik, që do të thote është një kulture e re politike që po mundohemi ti japim vendit, na takon sepse jemi një brez i dyte pas 31 viteve , pas rënies se shtatores se diktatorit, filloi brezi i ri politik. Na takon te behemi pjese e kesaj kulture te re politike, e kesaj mendësie te re politike. Ne rastin e 6 marsit, kjo ka marre forme, pikerisht mundesine e demokrateve, e ketyre 6 bashkive , ku ndodhin keto zgjedhje lokale, qe te propozojne dhe sjellin njerëzit që ata mendojne se i mirëpërfaqësojnë ata, hallet dhe problemet e tyre, dhe me se miri do i japin ze shqetesimeve te tyre, neser si kryetar te bashkive. Sigurisht sfida shtrihet tej kësaj, shtrihet tek rikthimi i instrumentave demokratike.

Pyetje: Po kthehemi te një koncept që Papa Françsku e ka shumë për zemer, në këtë rast për klerit, por për cdokend që drejton një komunitet te fushave të jetes. Afërsia me njeriun. Afersia me popullsinë. Kuptimi i sfidave që kanë, mbeshtetja e njerzve te ben nje hap perpara, ne te gjitha fushat. Ju keni nje like motiv per cdo politikan?

Përgjigje: Ky duhet te jete like motiv. Ky do jete motivi per cdokend qe i futet politikes dhe do ta shoqeroje deri ne momentin që del nga politika sepse sigurisht politika nuk mund te jete e perjetshme dhe kete kisha parasysh kur fola per nje politike me fytyre njerezore, për një kulture të re politike, të cilen po e leme ne rradhe te pare brenda familjes tone, pa dhimbje, sepse ju e dini qe brenda familjes tone ka nje situate aspak te lehte, por , tani per të cituar edhe une Papa Françeskun, e ardhmja lind mes sakrificave.

Kryedemokrati Lulzim Basha ka reaguar lidhur me debatet e zhvilluara sot në mbledhjen e Komisionit Hetimor për inceneratorët!

Edi Rama dhe PS po bëjnë gjithçka për t’i ikur drejtësisë. Ata po përpiqen ta pengojnë dhe të largojnë vëmendjen nga puna e madhe që ka kryer Jorida Tabaku me Komisionin Hetimor për inceneratorët.
Ne nuk do të tërhiqemi, por do të vazhdojmë të vendosur, punën, për të zbuluar gjithçka, deri në fund.

Shqiptarët e dinë që qeveria ka shumë për të fshehur, dhe që ky komision po i zbulon dita ditës se si ata kanë vjedhur 430 milion euro.

Ne inkurajojmë prokurorët të bëjnë punën e tyre dhe i bëjmë thirrje Ramës dhe PS që të mos nervozohen, ndonëse duket qartë se pse kanë gjithë arsyet e botës për tu frikësuar.

Detyra numër një është ajo që i kemi vënë vetes që prej ditës së parë. Që prej asaj dite ku një pjesë jo e vogël e shqiptarëve kishin një fije besimi tek Edi Rama. Detyra e parë e çdo demokrati është të bëjë gjithçka që kemi në dorë për ta larguar Edi Ramën dhe bandën e tij një orë e më parë. Dhe për ta bërë këtë, kemi një sërë detyrash përpara të cilat do të kishin qenë të vështira në çdo rast. E në veçanti, do të kishin qenë të vështira duke pasur parasysh që nuk jemi në një gjendje normale, në një vend normal as me standardet e Ballkanit. Jemi larg standardeve të Kosovës. Edhe sa i takon pluralizmit, edhe sa i takon

demokracisë, edhe sa i takon sundimit të ligjit, luftës kundër korrupsionit, rolit të krimit dhe ndëshkimit të krimit. Na duket Kosova si me qenë një vend i Bashkimit Evropian, krahasuar me standardet ku ja përfunduar Shqipëria me Edi Ramën. Por, përveç kësaj kemi dhe një çështje tjetër e cila ka nisur të zhvillohet në gjirin e familjes tonë. Ka nisur të zhvillohet as për vullnetin tim, as për vullnetin tuaj, as për fajin tim as për fajin tuaj, as për ndikimin tim, as për ndikimin tuaj.

Ju e dini fare mirë që ne si demokratë në çdo betejë që kemi zhvilluar, në çdo arritje që kemi shënuar, kemi kërkuar dhe kemi marrë në masë të madhe mbështetjen e dy partnerëve strategjik pa të cilët ky vend zor do ta kishte të shkëputeshte qoftë dhe formalisht nga

zgjedha e diktaturës komuniste dhe këto janë Shtetet e Bashkuara dhe Bashkimi Evropian.

Dhe me anë të këtyre aleatëve dhe këtij standardi, kemi arritur t’i largojmë jo pak por 300 zyrtarë, duke përfshirë deputet të Kuvendit e kryetar bashkish. Dekriminalizimi, e bënim dot pa atë? Faktor të rëndësishëm, partnerë, jo vetëm politikë, por edhe personal të Edi Ramës nga Tom Doshi tek Vangjush Dako.

Shikoni si ka shpërthyer ujërat e zeza të kësaj qeverie. Të gjithë kauzat tona janë vërtetuar. Drejtësia e tyre, është vërtetuar. Sakrifica juaj për t’i dalë në ballë këtyre kauzave krah për krah njëri-tjetrit, në beteja pafund në këto vite, është vërtetuar. Ku e keni sot yllin në ngjitje Saimir Tahirin? Autorin e

kriminalizimit të Policisë së Shtetit, të dhunës barbare të njerëzve të pafajshëm dhe të kanabizmit të Shqipërisë. Ku është? Tek 313-ta. Prit, se është vetëm fillimi. Ky tjetri që e ka mbiemrin Koka, por është bishti. Bishti i çfarë? I aferës më të madhe korruptive jo të Shqipërisë, po të Ballkanit në 30 vite. Kush prej jush nuk e di që këtu në këtë Ballkanin tonë, që nuk shquhet për integritet të administratave, që ka problem të madh korrupsioni. Kush prej jush nuk e di që ka pasur kryeministra që janë dënuar dhe sot mund të jenë dhe në azil politik se kanë blerë një benz 600 mijë euro, apo se kanë pasur një orë dorë të shtrenjtë që nuk e justifikonin dot. Gjithë ju e dini apo jo?

Po kjo, 430 milionë euro. Kur filluam të flisnim për  aferën, a kurset e opozitës,

kështu e ka opozita, shikoni si ditë për ditë po dalin faktet. Besoj e keni ndjekur komisionin e inceneratorëve, punën e jashtëzakonshme, që po bëjnë përfaqësuesit tanë në atë komision nga drejtuesja e komisionit nënkryetarja e partisë Jorida Tabaku, e cila në mënyrë të patrembur i ka vënë para përgjegjësisë nga i pari të i fundit deri te dita e fundit e kësaj jave, dhe javës tjetër fillojmë me politikanët, të mërkurën e ka radhën Edi Rama të vijë para komisionit. A e dëgjuat atë personin, që ishte administratori i Fierit dje, kishte firmosur për të marrë 23 milionë euro, jo thoshte nuk është firma ime, po ku janë 23 milionë euro, nuk e di, se mbaj mend, s’më kujtohet

23 milionë euro pa një copë letër, pa procedura, pa ligj, paratë e shqiptarëve,

paratë e buxhetit të shtetit, edhe borxh po të ishin prap paratë e shqiptarëve janë, se borxhi në emër të shqiptarët merret. Kishin paguar babain e njërit prej deputetëve 5 herë rrogën e deputetit. Administratori tjetër nuk e dinte që e kishte rrogën 9 milionë lekë në muaj, e mbani mend atë dëshminë apo jo? Një tjetër filloi duke qarë në sallë, dy janë në kërkim, këta dy që janë në kërkim, këta kanë faturuar 28 milionë euro punë të pakryera, 28 milionë euro punë të pa kryera ja kanë faturuar dhe ja kanë marrë lekët dhe kur Farudin Harrapi i famshëm morri në dorëzim, mori në dorëzim, siç mori firmat piramidale, mori në dorëzim inceneratorët, që tani janë skena krimi. Sa lekë gjeti? 5000 euro! Ku kanë shkuar paratë? Se punime nuk janë bërë. Paratë janë marrë para dy vjetësh.

Janë marrë në kundërshtim me ligjin. Ku kanë shkuar paratë? Kush i ka marrë këto para? Tani ne të gjithë e dimë se kush është i pari i qeverisë. Ne të gjithë e dimë që, sensi i tij i hakmarrjes politike, e kush më shumë se ju këtu në Kamëz, a në Paskuqan, nuk e di, që sensi i tij i hakmarrjes politike e shtyn deri në detajet, që është e turpshme të merret dhe një gjimnazist, jo më një kryeministër. Është kështu apo jo? Që kundërshtari politik shkon edhe kundër ligjit, ti prishë shtëpinë apo ta nxjerre nga puna, apo ta nxjerrë mes katër rrugëve. A ka mundësi një njeri, që merret me detaje të tilla, një njeri që, siç i ka dalë nami, nuk ka tender mbi 1 milion, që nuk merret vetë personalisht, t’ia kenë ngjyer gishtin ministrat prapa shpine me 430 milionë euro? Si ua ha

mendja ju? A ka mundësi që kjo aferë të zhvilloheshe pa dijeninë dhe pa bekimin e tij? A ka mundësi një qeveri, edhe qeveria më e zhvilluar e botës, brenda 8 orëve, të nxjerrë 17 vendime? Të hapi garën, të vlerësojë ofertën, të mbylli garën, të shpalli fituesin, të mbylli kontratën dhe pastaj të bëjë pagesën, për një punë që kishte dy vjet pastaj që nuk kishte filluar?

Kush janë këta njerëz? Kush është administratori i inceneratorit të Fierit? A e patë dje që kishte harruar , që ishte bashkë-aksionar me Arben Ahmetaj tek kompania e famshme “Hermes”? E mbani mend  “Hermes apo jo? Unë e mbaj mend mirë, se kam kandiduar përballë tij në 2005, në Tiranë. As ai se mbante mend. I kanë harruar të gjitha. Amnezi totale!

Tani me logjikë të ftohtë më thoni:  a ka vend ku vepron drejtësia, ku drejtësia i ka duart e lira, ndërkohë që kryeministri i vendit është kapur vetë në krye të një afere 430 milionë euro? A mundet drejtësia ta bëjë punën e saj? A mundet prokuroria, policia gjyqësore ta bëjë punën e saj? A munden hetuesit ta bëjnë punën e tyre? Si ua ha mendja? Po të ishte e pavarur?

Sigurisht që ne do të shtyjmë dhe do të mbështesim çdo hap që godet korrupsionin, për këtë s’ka asnjë diskutim. Por çfarëdo drejtësie të ishte, më besoni, edhe në vendin më të zhvilluar të botës,  e ka të pamundur të veprojë , kur një njeri me kaq shumë pushtet, siç është kryeministri i vendit, është në mes të aferës? Dhe çfarë ka ndodhur?  Kryeministrat kanë dhënë

dorëheqjen me më pak se aq, për ti hapur rrugë hetimit. Aq më shumë ata që e deklarojnë veten të pafajshëm! Aq më shumë ata që thonë nuk e dija unë që gjysma kabinetit paska ngjyer gishtin prapa shpinës time! Sikur për asgjë tjetër, vetëm për faktin që njëri pas tjetrit, ministrat e tij, sekretari i tij i përgjithshëm, si i partisë, edhe i kryeministrisë, të dy, drejtorët e përgjithshëm, po dalin të përfshirë në këtë aferë. Vetë qenia e Edi Ramës në krye të qeverisë, përbën një pengesë për një hetim serioz dhe të besueshëm. Edhe sikur ky të ishte duar-jashtë. Edhe sikur ne ta donim fort. Thjesht dhe vetëm për parimin më të shenjtë të drejtësisë, që nuk mund të veprojë, dhe nuk po vepron. E kundërta po ndodh. Dhe dua ti bëj sonte, dua ti bëj sot një

thirrje, këtu nga Kamza; hiq dorë nga kërcënimi i prokurorëve të SPAK-ut! Ta dëgjojë mirë këtë mesazh, dhe ta kuptojë që nuk ka gjë që s’merret vesh. Hiq dorë nga kërcënimi i prokurorëve të SPAK-ut! Por kjo është një arsye më shumë, se pse Edi Rama nuk mund të jetë më asnjë orë të vetme, kryeministër  i Shqipërisë. Se dhe vetë procesi,  i hetimit të vjedhjes së shekullit, nuk mund të shkojë në përfundimin që duhet të shkojë, për hir të atyre parave që  janë buka e fëmijëve të shqiptarëve. Janë pensionet e gjyshërve dhe gjysheve tona, janë spitalet e rrënuara, është sistemi arsimor në kolaps, është shpresa që vritet përditë, është Shqipëria që zbrazet. Pa largimin e këtij kryeministri, nuk mund të ketë sukses hetimi, nuk mund të shkojë deri në fund,

nuk mund të shkojë deri aty ku duhet të shkojë. Pse? Sepse të gjitha provat faktojnë, që ky jo vetëm po e pengon hetimin, për të mbrojtur ata që tanimë kanë rënë në rrjetën e hetimit parlamentar të partisë demokratike. Por ky vetë po provohet si koka e aferës.

Sa sulme kanë kryer dhe vazhdojnë të kryejnë përditë, kundër nesh, kundër partisë demokratike, kundër demokratëve, kundër drejtuesve tanë, kundër përfaqësuesve dhe drejtuesve tanë në atë komision? Kujtdo që ka hapur gojën kundër kësaj afere! Këto 6 vite, e mbani mend apo jo? Kanë qenë 6 vite të mbushura me ngjarje. Sa para kanë paguar! Po iu dalin tani sa para kanë paguar! Sa para kanë paguar me konto, pa lëre KESH-in, për mediat. E kam thënë edhe një herë tjetër. Ç ‘punë

ka një djegës plehrash të bëjë reklamë?! Njësoj sikur një banjo publike të bëjë reklamë. Ç ‘punë ka të bëjë reklamë?! Reklama ishte mjet për ti mbyllur gojën medias, dhe jo vetëm kaq, por edhe për të censuruar opozitën.

Gjithë këto sulme që kemi mbajtur në raport me inceneratorët, në raport me kanalizimin dhe kriminalizmin e Policisë së Shtetit, të shtetit, të Shqipërisë.

Të gjitha këto po provohen kauza të drejta, jo për hirin tonë, jo për të mirën tonë, sepse përkundrazi gjithsecili prej nesh këtu ka paguar një faturë kush më të lartë e kush më të ulët, për një kauzë shumë më të madhe, për kauzat e shqiptarëve.

Sepse kjo është detyra jonë. Kjo është ajo që na ka mbledh këtu së bashku sonte e na mbledh bashkë kudo nga

Shkodra në Vlorë, nga Durrësi në Korçë. Na mbledh vetëdija se shqiptarët nuk kanë asnjë mburojë tjetër përveç Partisë Demokratike të Shqipërisë.

Dhe mu në mes të kësaj beteje, në vend që çdo energji dhe fuqi e jona të fokusohet ndaj armikut numër 1 të mirëqenies së shqiptarëve, që po I gërryen vatrat e shqiptarëve, po I zbraz shtëpitë e tyre dhe tavolinat. Në mes të kësaj beteje duhet të durojmë edhe disa që vijnë vërdallë dhe nga mëngjesi deri në darkë vetëm shpifin dhe gënjejnë.

Shpifin dhe gënjejnë, sulmojnë dhe denigrojnë këdo që nuk mendon si ata. Janë një grusht I vogël njerëzish I cili përbëhet nga dy pjesë.

Një pjesë të cilët unë do ta quaja më të vogël, janë njerëz që kanë përfituar sa herë PD ka qenë në pushtet. Kanë

përfituar nga sakrificat e demokratëve dhe këtë unë e kam thënë përpara, e kam thënë që në Kuvendin e parë të PD, ju e mbani mend shumë mirë, por duhet ta kisha thënë shumë më qartë. Se atëherë fola për drejtorët që shikonin nga xhamat e zinj me arrogancë, por nuk ishin vetëm drejtorët.

Dhe nuk është se vetëm shikonin me arrogancë përtej xhamave të zinj, bënin shumë më shumë se aq. Abuzonin me pushtetin në emër të PD. Ndërkohë që demokratët vuanin për një vend pune, për një bursë studimi, për legalizimin që vetë e premtuam, e bëmë ligj dhe papritur ligji u fut në vitrinë në vend që të zbatohej.

Dhe një pjesë tjetër njerëzish të cilët nuk mund ti ngarkoj me mëkate të tilla por që janë tërësisht të manipuluar sepse

nuk mendojnë me mendje por manipulohen në emocion.

Dhe kjo është një kohë shumë bujare për tu manipuluar me emocionet.

Pse?!

Masakra e 25 prillit është një padrejtësi kombëtare jo vetëm ndaj demokratëve por ndaj gjithë shqiptarëve.

Revanshi I Edi Ramës dhe I klikës së tij pas 25 prillit, të gjitha bashkë pa diskutim që krijojnë një gjendje emocionale.

Por detyra jonë është që këtë emocion, këtë zemërim ta kthejmë në kapital politik për të  marrë shumicën dërrmuese të shqiptarëve dhe për të përmbushur atë mision që deklarova në fillim të këtij takimi, për të hapur rrugë demokracisë, legjitimitetit, duke larguar këtë regjim, duke pasur zgjedhje të lira

dhe të ndershme, jo duke manipuluar ti për hallin personal, kujtdo qoftë.

Këtu duhet të jemi të qartë. Këtu nuk ka vend për paqartësi. Kush është I paqartë për këtë ose s’bën për politikë ose I djeg miza nën kësulë.

Ka një PS, ka një LSI.

Ka një dhe vetëm një PD.

Dhe kjo PD ka marrë vendime të mëdha, me legjitimitet të plotë në Kuvendin Kombëtar të 18 Dhjetorit: Vendim për tu ndarë  nga hijet e të shkuarës,

Vendim për të zgjedhur të ardhmen,

Vendim që edhe para 30 vitesh ishte e pakëndueshme pa aleancën me SHBA dhe BE,

Vendim për të dekomunistizuar një herë e përgjithmonë shoqërinë shqiptarë, duke nisur nga vetja jonë si detyrim

madhor ndaj të përndjekurve dhe pasardhësve të tyre, si një detyrim madhor ndaj shoqërisë shqiptare.

20 Shkurti, dita simbol e rënies së shtatores së diktatorit është dita për ta rinovuar, ndonëse kanë kaluar 31 vjet e gjysma e të pranishmeve në këtë sallë ndoshta nuk kishin lindur atë ditë, por gjithë të tjerët që kemi qenë, unë 16 vjeç e kusur, e disa prej jush sa ç’jam unë sot, e kemi për detyrim jo thjesht ta rinovojmë si zotim por t’ja ngarkojmë grupit parlamentar të PD, detyrën që të paraqesë të gjitha masat parlamentare për demokunistizimin e plotë të shoqërisë shqiptare.

Duke përfshirë vetingun e politikanëve dhe funksionarëve në të gjitha aspektet, të pasurisë, të dekriminalizimit dhe të rolit të tyre gjatë diktaturës. Pra, miqtë e

mi jemi në një agjendë të shumëfishtë, por çdo aspekt e kësaj agjendë e këtij programi politik ka të bëjë me fatet e Shqipërisë dhe fatet e shqiptarëve, me fatet e komshinjve tuaj dhe familjarëve tuaj në Kamzë, Paskuqan, në Tiranë e kudo.

Thelbi i kësaj agjende politike është ky aksion i cili ka marrë një dimension të plotë e po shtrihet kudo, ti rikthejmë politikës fytyrën njerëzore, t’ia rikthejmë politikën qytetarëve dhe vetëm kështu mund të rikthejmë ligjin, barazinë para ligjit, fundin e pandëshkueshmërisë politikanëve të pandëshkuar. Vetëm kështu mund ti japim fund horrorit të një vendi që në vitin 2022 Kryeministri dhe një grusht ministrash vjedhin 1/10 e buxhetit të shtetit dhe bëjnë sikur nuk kanë bërë asgjë.

Dy nga zotimet tona të para disa muajve kanë hedhur hapin e parë.

Në parlament janë detyruar, ndryshe nga sa thonë, të pranojnë komisionin parlamentar për reformën zgjedhore dhe komisionin parlamentar për reformën territoriale.

Njësoj si në komisionin e inceneratorëve ne do të luftojmë fuqishëm për shqiptarët, do të luftojmë fuqishëm që shqiptarëve tu mundësohet një sistem zgjedhor që iu garanton dinjitetin, lirinë, fshehtësinë e votës, të paktën si në Kosovë, ku siç e shikoni brenda një jave janë në gjendje të organizojnë zgjedhje të parakohshme parlamentare.

Nuk do të lejojmë ne as LSI-në, as bishtat e tjerë të përfitojnë, ndërkohë që ne jemi në betejë me Edi Ramën, në betejë me korrupsionin më të madh në

Ballkan në 30 vite, të rrimë duke gërryer me njerëz që kanë humbur çdo vetëdije demokrati dhe që shërbejnë pa pikë dinjiteti, shpeshherë edhe të paguar njësoj siç bën kundërshtari politik.

Tani ta mbyll me diçka që ma mbush zemrën plotë, jo vetëm mu, or besoj dhe ju. Gjysmën e sallës e shoh me rini. Faleminderit që jeni këtu! Kjo është Partia Demokratike me vetëdijen që një forcë politike e ka të domosdoshme të ripërtërij vetveten, ja ku i kemi, keni mbajtur prej dore një pjesë prej tyre, janë bijtë dhe bijat tuaja në këto vite, vite suksesesh, vite sfidash, vite dështimesh. Tani janë rritur, janë anëtarët të Forumit, janë anëtarë të Partisë Demokratike, janë në mesin tonë, janë treguesi se Partia

Demokratike jo vetëm që nuk do të tkurret, por do të bëhet më e madhe, më e fortë dhe më rinore. E madhe ka lindur, më e madhe do bëhet. Rinore ka lindur, edhe më rinore do të bëhet. Kjo sigurisht nuk do të thotë që ne do të harrojmë kontributet, sepse betejat e zhvilluara nga themeluesit, nga qëndrestarët, nga njerëzit e përvojave, përfshirë këtë përvojë 8-vjeçare, janë një thesar i vërtetë, i cili i duhet shkëmbyer, i duhet dhënë, është një udhërrëfyes, nuk është diçka që jepet brenda natës, as brenda javës. Por iu ftoj që të bëni një bashkëudhëtim. Siç e bëni bashkëudhëtimin si prindi me fëmijën, bëjeni dhe bashkëudhëtimin mes themeluesve, qëndrestarëve dhe të rinjve të Partisë Demokratike.

Gjithë shqiptarët kanë parë javën e kaluar, sipas planit hetimor të komisionit të hetimit të inceneratorëve, dëshmitë tronditëse të një numri zyrtarësh dhe përfaqësuesish të kësaj afere. Zyrtarë shtetëror dhe përfaqësues të ashtuquajturave kompani. Kanë parë faktet se si është ndërtuar afera. Shqiptarët e dinë fare mirë që këtu të marrësh një vulë apo një firmë, apo një copë letër nga ky shtet të vërdallisin jo me orë, por me ditë e me javë për gjënë më të thjesht, më ordinere. Por po kështu kanë parë gjatë gjithë javës së kaluar, fal insistimit profesionalizmit të anëtarëve tanë të Partisë Demokratike dhe të kryetares së komisionit Jorida Tabaku, se si zyrtarë të shtetit nuk japin dot shpjegim se pse 23 milionë euro të këtij shteti janë dhënë sipas një procedure. Unë e di që shumica dërrmuese e shqiptarëve nuk merren me biznes, janë punëmarrës, nuk janë punëdhënës. Po dje në një takim me punëdhënës, m’u kujtua gjatë bashkëbisedimit, me një nga bashkëbiseduesit që një kompani private hap tender, merr të paktën 3 oferta para se të vendosi fituesin. Por dhe një kryefamiljar, para se të vendosi se ku do i blejë tullat dhe llaçin, shikon 2, 3 vende. Se ndoshta diku është më lirë se diku tjetër për të ndërtuar një mur. Po dhe një amvisë, një kryefamiljare, një nënë për të blerë një tenxhere, shikon 2, 3 rafte ose 2, 3 dyqane. Ose në shumicën e rasteve shkon te tregu i hapur për të parë se mos është pak më lirë. Këta me paratë tuaja të dashur shqiptarë, brenda një dite kanë bërë 17 akte shtetërore. Këta që për t’iu dhënë një letër me një firmë të një zyrtari kot, iu sjellin vërdallë një javë, një muaj e s’jua japin, ose duan prapë se prapë atë që quhet kafja, dhe varësisht nga rëndësia e letrës është edhe çmimi i ryshfetit. Këta për 1 ditë, kanë bërë 17 akte zyrtare. Kanë hapur ofertën, kanë përcaktuar fituesin, i kanë lidhur kontratën, kanë bërë gati paratë, i kanë dhënë 23 milionë euro paradhënie me një ofertues të vetëm me zero përvojë në atë punë.
Tani ne e shohim njëri-tjetrin përmes ekranit dhe e dëgjojmë njëri-tjetrin përmes ekranit dhe sigurisht ekrani akoma nuk ofron mundësinë e nuhatjes. Por dhe po ta ofronte, nuk e kam fjalën për atë nuhatje. Të dashur shqiptarë që na ndiqni në këto momente, kur dëgjoni këto fakte, çfarë ere iu vjen? Çfarë ere qelbet? Për një copë letër ju sjellin vërdallë me ditë, me javë, me muaj, ju kërkojnë dhe kafen. Ndërsa këta për një ditë kalojnë 17 akte zyrtare dhe një VKM një personi që s’ka asgjë, asnjë përvojë paraprake, asnjë garanci, asgjë fare, E shpallin fitues në të njëjtën ditë që ka bërë ofertën dhe japin 23 milionë euro paratë tuaja, paratë tuaja. Çfarë ere vjen kjo? Kjo vjen era vjedhje. Vjedhje e pastër! Duket pothuajse sikur e nderon kur e thua korrupsion, është vjedhje. Tani pyetja e dytë që kam, se të gjitha këto kanë dalë me dëshmi. Doli drejtoresha e Prokurimeve Publike dhe tha: Unë s’kam asnjë dokument për Prokurimin e inceneratorit të Elbasanit. Asnjë! Zero dokument. Ndërkohë si është Prokuruar? Me firmë. Me firmë të kujt? Kush ka firmosur, kush ka firmosur? Ëngjëll Agaçi, Sekretari i Përgjithshëm i Kryeministrit. Tani pyetja e dytë: A ka mundësi në këtë Shqipëri, me këtë njeri që kemi të ulur në karrigen e kryeministrit, që të bëhen 17 akte në brenda ditës, që të ketë mendime kundër nga institucionet kryesore, se e kanë parë që është në shkelje të ligjit dhe ka thënë s’duam të shkojmë në burg, që Agjencia e Prokurimeve Publike që është agjencia që prokuron gjithçka në shtetin shqiptarë mos të di asgjë. Që Sekretari i Përgjithshëm të firmos diçka që rezulton 23 milionë euro pagesa nga shteti pa e ditur Edi Rama, po kjo a ka mundësi?
Si ua pret mendja bashkëqytetarët e mi të dashur nga Saranda në Malësi të Madhe? Nga Kepi i Rodonit tek dogana e Bilishtit? Në katër anët e vendit, si ua pret mendja, a ka mundësi të ndodh kjo pa e ditur Edi Rama? Dhe kjo është arsyeja kryesore pse shumicës prej tyre që u thirrën javën e kaluar u dridhej buza dhe disa prej tyre filluan të lëshonin lot. Ju e dini që Komisioni ynë përbëhet nga njerëz me integritet dhe profesionist. Kryesohet nga një zonjë e nderuar e cila para përfshirjes në politikë nuk njihet si ushtarake e nivelit të lartë apo prokurore e hekurt, është doktorësh shkencash në ekonomi dhe pedagoge e ekonomisë. Si kemi trembur, as i kemi trysnuar, thjesht u kemi kërkuar faktet. Pse frikësohen këta zyrtarë? Pse iu dridhet buza? Pse qajnë? Para një komisioni të përbërë nga personalitete civile, qytetare me përgjegjësi politike për të mbrojtur interesin publik, paratë publike, pse? Çfarë tregojnë këto lot? Asnjëri prej përfaqësuesve tanë aty, aq më pak kryetarja e komisionit s’iu ka drejtuar ndonjë armë, larg qoftë, pyetje po u drejton. Pse? Sepse kanë frikë nga e vërteta. Kanë frikë nga ajo që kanë bërë. Dhe një pjesë e mirë e tyre po thonë që e kanë bërë, por nuk e dinë që e kanë bërë. Po thonë që paratë të cilat me letrat e shtetit thuhet se i kanë marrë ata, nuk i kanë marrë ata. Që nga ajo që thoshte 9 milionë lekë unë s’i kam parë me sy, e deri tek këta të tjerët, në mes të lotëve filluan të belbëzojnë gjëra që as nuk kishin kuptim. Kjo është dhe arsyeja kryesore pse u urdhërua mbyllja e Komisionit para dy javësh, kjo është arsyeja kryesore pse gjatë gjithë kësaj jave anëtaret e komisionit të Partisë Socialiste kanë bërë zhurmuesin dhe kanë penguar ardhjen në Komisionin Hetimor të anëtarëve të komisioneve për inceneratorët. Se janë njerëz relativisht të thjeshtë le të themi, nuk janë ministra e drejtorë të mëdhenj, me makina luksi e me fuqi politike, janë njerëz të thjeshtë të cilët të vënë para të vërtetës se dhimbshme, kanë rrezik të tregojnë të vërtetën para të gjithë shqiptarëve. E vërteta e dhimbshme është se të gjithë shqiptarëve ju janë vjedhur 430 milionë euro në vitet e pandemisë, të tërmetit dhe të fatkeqësive me të mëdha ekonomike. Dhe të vërtetat që këta dinë është se këta janë detyruar të firmosin letra kundër ligjit, disa kanë ikur skenë pranuar dhe disa të tjerë janë detyruar dhe që mos ti tregojnë këto fakte kolegët socialistë të anëtareve të Partisë Demokratike në këtë komision kanë marrë përsipër: 1-Të vonojnë apo të pengojnë ardhjen e tyre në komision siç kanë bërë gjatë gjithë javës që shkoi dhe 2- kur vjen ndokush të bëjnë zhurmuesin, ndërkohë që të paktën tre nga anëtaret socialistë të komisionit janë në konflikt interesi. Çfarë do të thotë konflikt interesi?! Janë përfshirë vetë në etapa të ndryshme të aferës së inceneratorëve. Pra edhe njëherë, kjo edhe sikur të ishte një aferë 100% private, mos të kishte asnjë lek të shtetit brenda, privati do të kërkonte të paktën tre oferta para se të vendoste. Është një proces që do merrte kohë, po e them edhe njëherë, për një orendi shtëpiake. Për një tenxhere po them gatimi, një tigan për të gatuar, mund te gjesh një harmoni midis cilësisë që kërkon dhe çmimit dhe këta brenda një dite hapën oferta, gjetëm fituesin, lidhen kontratën dhe benë gati 23 milionë euro për dikë që se kishte haberin dhe se kishte bërë asnjëherë këtë pune. Këto kanë dalë me fakte sot, deri para dy vjetësh, apo deri vitin e kaluar kur ishim ulur ndryshe, ishim ulur me shpinë tek dritaret, ishin denoncimet tona, tani komisioni hetimor që e penguan, e çuan në arrest kardiak, pastaj u detyruan ta rifillojnë si rezultat i qëndresës tonë, por edhe i vullnetit të hekurt të Partisë Demokratike në radhë të parë dhe partnerëve tanë për të bërë gjithçka për të luftuar korrupsionin, armikun e mirëqenies së shqiptarëve, këta sillen sikur nuk ka ndodhur asgjë. Shikoni se çfarë ju thonë shqiptarëve, është përgjegjësi personale. Në qoftë se dikush ka ngjyer gishtin pas shpinës time thoshte Rama nga Washingtoni, le të mbajë përgjegjësi. Po si u ngjyeka gishti pas shpinës së Kryeministrit?! I drejtohem gazetarëve në salle, por në fakt i drejtohem çdo qytetari. Çfarë kryeministri është ky që ministri ngjyen gishtin pas shpinës së tij, se asgjë s’ka ndodhur pas shpinës së tij, se këto akte kanë ndodhur para syve të tij, se vendimi i Këshillit të Ministrave është marrë nga Këshilli i ministrave dhe kryetari i Këshillit të Ministrave njihet si kryeministri. Faktet janë në dritë të diellit, java parë i ka provuar të vërteta të gjitha denoncimet e Partisë Demokratike dhe thelbi është 430 milionë euro iu janë vjedhur shqiptarëve përmes një afere mafioze, ku koka e grupit që e ka bërë këtë të mundur është ai që thotë ka ngjyer gishtin pas shpinës time, është Edi Rama vetë, është Erion Veliaj i cili pa asnjë akt ligjor i mbivendos korrupsionit të inceneratorit të Tiranës, themi incenerator se aty s’ka incenerator, landfill është, edhe depozitimin e dherave pa të cilin nuk jep lejet e ndërtimit. E denoncoi kryetari i Shoqatës së Ndërtuesve para komisionit, nuk jepet leja e ndërtimit po nuk pagove ti atë tarifën, edhe kur gërmon gropën për të ndërtuar dhe duhet të çosh dherat dhe duhet të paguash tarifën, edhe kur të duhet dhe për te mbushur gropën, rrezik merr dheun tënd duhet të paguash prapë për ta marrë. E po kështu Arben Ahmetaj, Damian Gjiknuri, Ëngjëll Agaçi. Dhe pastaj vijmë tek pjesa e të ashtuquajturit private, një pjesë e të cilëve tani është futur në shtet. Alqi Bllako ka kaluar nga këtej andej, një herë merrej me anën private, tani është me anën shtetërore, është deputet tani, për atëherë kishte të tjera detyra. I ati merr rrogë sa pesë deputetë. E pra para se ti jap fjalën kryetares së komisionit dhe dy prej anëtareve të Partisë Demokratike në atë komision, dua edhe njëherë të shtroj pyetjen: A ka mundësi vjedhja e shekullit të bëhet pa e ditur kryeministri i vendit?! Vidhen dy lopë, apo qoftë edhe një dhe e merr vesh gjithë bashkia akoma pa i kapur policia, si u vidhkan 430 milionë euro shqiptarëve, 1/10 e buxhetit të shtetit, pothuajse e barabartë me buxhetin total të pensionistëve nëse s gabohem. Aq sa ju japin pensionistëve dhe Edi Rama nuk e dinte. A ka shqiptarë që nuk e di këtë? Zhvishuni një moment nga ndjesitë politike. Demokratë unë e di që ju kurrë nuk e keni besuar Edi Ramën, kurrë prej ditës së parë nuk e keni besuar dhe koha po e tregon sepse, por për një moment zhvishuni nga ndjesitë politike, ti japim atë që quhet përfitimi i dyshimit. Socialistë për një moment harroni hendekun, polarizimin politik. Bëhet fjalë për lekët tuaja, s’ia kanë marrë vetëm demokratëve ato lekë, ja u kanë marrë edhe ju me TVSH, me fatura, me gjoba, me çmime të rritura me të gjitha, janë dhe leket tuaj, janë lekët e shqiptarëve. Nuk janë as vetëm të demokratëve, as vetëm të socialistëve. A ka ndonjëri prej jush që beson se 430 milionë euro të zhvatura në këtë aferë janë bërë pa dijeninë e të parit të qeverisë. Mjaftoi java e pare me këtë nivel dëshmitaresh, kjo pyetje besoj e ka përgjigjen. Të shohim javën e ardhshme kur janë thirrur ministrat të dëshmojnë.
Është thirrur Edi Rama të dëshmojë. Ka disa ditë që gazetarë, opinionistë, përfaqësues të nderuar të qeverisë, intelektualë thonë do vij do bëjë karagjozin atje me megafon, siç ka bërë herën e fundit në Komisionin Hetimor. Edhe mund ta bëjë, por prapë nuk i jep dot me megafon, me tallje, me hapjen e lloj lloj fronteve të reja për ekranet e televizioneve, vetëm apo në bashkëpunim me të tjerët, nuk jep dot përgjigje, si u vodhën 430 milionë euro të shqiptarëve dhe ti se dije?! Ku ishe ti o Edi Rama kur u vodhën 430 milionë euro të shqiptarëve me firmën e ministrave të tu, të sekretarit tënd të përgjithshëm, të krye bashkiakeve të tu, të të dy sekretareve të përgjithshëm, edhe atë që ka sekretar partie, e ka pasur ministër atë kohë, ku ishe?! Ku ishe kur vazhdojnë të paguajmë paratë e shqiptarëve, vazhdojnë edhe sot e kësaj dite për tre veprat penale apo veprën penale të ndarë në tre pjesë që është inceneratori i Elbasanit dhe dy, gropa e Tiranës dhe godina bosh e Fierit. Nuk kthen dot përgjigje dhe duke ditur që nuk i kthen dot përgjigje po i bën presion SPAK-ut dhe thirrja qe dua ti bej Edi Ramës këtë të diel, është hiq dorë nga presioni që po i bën SPAK. Lejo SPAK dhe Byronë Kombëtare të Hetimeve, përfshirë policinë gjyqësore të kryejë të gjitha veprimet hetimore përfshirë prangosjen, ndalimin pra të atyre të cilët në gjendje te lire shkatërrojnë prova, apo janë në rrezik arratie siç janë arratisur Stela Gugallja me Klod Zoton, sikundër i bëj thirrje SPAK mos u intimidoni nga presioni i Edi Ramës. Paguhesh nga taksat e shqiptarëve, mbështetesh nga taksat e amerikanëve dhe evropianeve dhe ke mbështetje të plotë nga shqiptarët për të zbatuar ligjin dhe për të çuar para ligjit politikanët e korruptuar dhe krimin e organizuar, prandaj je krijuar. Po i drejtohem si një qenie e gjallë, por në fakt përbehet nga disa qenie të gjalla, të cilët janë qytetare, prindër, ju bëhet presion, ju bëhet shantazh nga një grup i strukturuar kriminal, mos e hani këtë presion. Prandaj republika kështu siç është me ndihmën e amerikanëve, me ndihmën e evropianeve dhe me ndihmën e taksave të shqiptarëve ju ka dhënë mbrojtje speciale, roje speciale, makina speciale, rroga speciale, dieta speciale. Vëruni prangat mos e hani presionin, mos i ktheni mbrpasht skuadrat e arrestimit nga presioni politik i Edi Ramës, mos lejoni te prishin prova, mos lejoni të ikin në drejtim të paditur, pastaj të shpallen në kërkim kombëtar apo ndërkombëtar.

Jorida Tabaku: Faleminderit zoti Basha! Unë dua të falënderoj të gjithë gazetarët, por njëkohësisht dhe mediat për interesin që kanë shfaqur për komisionin hetimor. Diçka të mirë e kemi arritur në fakt, se kemi thyer atë frikën që kanë pasur televizionet edhe hezitimin për të dhënë informacione për këtë çështje dhe për të folur për këtë çështje. Sot përpara syve të gjithë shqiptarëve është bërë fakt korrupsioni galopant dhe afera korruptive më e rëndë e këtyre 30 viteve, çfarë është zbuluar në komisionin hetimor gjatë kësaj jave, po njëkohësisht edhe si një përmbledhje dhe çfarë presim neve në vijim. Përkundër të gjithë strategjive të shtetit Shqiptar, përkundër rekomandimeve të Komisionit Europian, përkundër investimit të vite të shtetit Shqiptar, qeveria Shqiptare vendosi, papritur, një ditë, të zgjohet dhe të vendosë, që incenerimi është forma që ne do të zgjedhim përsa i përket menaxhimit të mbetjeve. Ishin financur para donatorësh, ekspertësh, para buxheti shteti për një strategji e cila shkonte për një strategji e cila shkonte për landfillet rajonale dhe ata e ndryshuan këtë. Raporti i komisionit Evropian, thotë qartë, në 3 vite më pas, ndërtimi i një inceneratori të ri përveç atyre dy ekzistues, në Elbasan dhe në Fier, vendos shqetësime shumë të mëdha në lidhje me zbatimin e legjislacionit të BE-së, po njëkohësisht me hierarkinë e menaxhimit të mbetjeve. Është përsëritur në dy, tre vite me radhë i njëjti shqetësim edhe nga Banka Botërore. Shqipëria nuk i ka kapacitetet për 3 inceneratorë, në kapacitetet që janë ngritur këtu. Inceneratori i Elbasanit edhe kur ka punuar, sot nuk punon, edhe kur ka punuar, ka punuar me 11% të kapacitetit. Kjo është arsyeja që kushdo që ka marrë vendimin për ti financuar këto inceneratorë, e ka vendosur buxhetin e shtetit në një rrezik të jashtëzakonshëm. Kush është përgjegjësi, kush është gardiani i financave publike? Kush e rruan buxhetin e shteti nga risku që ti hapesh kontratave publike në nivel qendror por dhe në nivel lokal? Sot prandaj kanë detyruar të gjithë bashkitë e vendit ti çojnë mbetjet atje, sot prandaj kanë detyruar të gjithë bashkitë e vendit të rrisin tarifat e pastrimit, në rastin e Durrësit deri në 65%. Inceneratori i Fierit nuk punon, nuk ka punuar kurrë, asnjë ditë. Nuk ekziston, nuk është atje, ju e keni parë. Për Tiranën po e njëjta gjë. 100 milion Euro për të mos bërë asgjë. Ky është rezultati i informacioneve që ne kemi pasur. Në qoftë se grafika më ndihmon me skemën e pagesave. Çfarë ka ndodhur me pagesat? Këto janë 3 inceneratorët dhe pagesat që ne kemi marrë nga librat e blerjeve të kompanive. Çfarë tregojnë? Që të tre inceneratorët, të tre inceneratorët kanë paguar veten, kanë paguar një grup kompanish që zotërohen po nga Klodian Zoto, po nga Stela Gugallja, po nga Mirel Mërtiri. 51% në rastin e Elbasanit, 31% deri më sot në rastin e Fierit dhe 50% në rastin e Tiranës. Pra kanë paguar po veten. Kjo është një skemë piramidale për të mbuluar, për të fshehur se ku shkojnë realisht paratë. Lefter Koka, në fakt, ishte po them koka e turkut, se ia çonte lekët drejtpërdrejt vetes, ndërkohë që këta të tjerët janë treguar pak më të zotët, ia kanë çuar Klodian Zotos dhe Mirel Mërtirit, që pastaj ato paguanin zyrtarët e tjerë qeveritarë. Kjo e tregon, kjo skemë e tregon qartësisht. Po çfarë tregon kjo skemë tjetër, ashtu siç ne do të provojmë nesër kur të vijë ministri Ahmetaj. Sa ka qenë kostoja reale e inceneratorëve? Sa është kosto reale? A është 23 milion e Elbasanit? A është 28 milion e Fierit? Se në Tiranë s’ka filluar akoma impianti. Nesër me shifra dhe me fakte do të tregojmë që vlera e tyre është të paktën 1/3 e atyre që deklarojnë. Kjo skemë piramidale, pastrimi parash, është duke marrë sot mbrojtje politike. Çfarë ka ndodhur gjatë javës në komision? Ne kuptuam që shteti financon, por nuk kontrollon. E dini kush i miraton faturat e pagesave të koncesionarit? Po vetë koncesionari. Kompania e auditit zotërohet nga Stela Gugallia. Shteti lan duart, thotë unë nuk e di. Kompania e mbikëqyrjes është zgjedhur po nga Klodian Zoto. Nuk e di, nuk e njoh fare kush është, por është propozuar nga vetë ai. Dhe këtë procedurë e ka miratuar shteti. Kush zyrtarët shqiptar mban përgjegjësi që dhe sot e kësaj dite paguan fatura të miratuara po nga këta vetë persona dhe këto janë 430 milion Euro dhe kjo është një shkelje e jashtëzakonshme. Çfarë kemi provuar me dëshmitarët, të cilët kanë qenë në grupin e administratorëve? Është një grup prej 10 personash, që njihen që në vitin 2010-të me kompaninë H-Communication dhe ky grup 10 personash të punësuar në kompani të ndryshme Klodian Zotos, Mirel Mërtirit dhe Stelia Gugallias, kanë marrë përsipër, kanë krijuar kompani njëra pas tjetrës, kanë fshehur pronësinë e vërtetë të aksioneve dhe kanë marrë përsipër që të marrin këtë koncesion 430 milion Euro. Po çfarë i pengonte ato që të aplikonin me emrat e vërtetë të kompanive, të mos krijonin këtë mekanizëm ku aksionarët fshiheshin njëri pas tjetrit. I pengonte fakti ë ky është një monopol, është dhënë një monopol në emër të një individi të vetëm, Mirel Mërtiri, Klodian Zoto dhe Sela Gugalljas, se një individ janë për ne, kushdo që fshihet pas tyre. 430 milion Euro, për mbetjet, për dherat dhe për trajtimin e çdo lloj gjëje tjetër në Republikën e Shqipërisë. Kush ishte ministër i Ekonomisë? Kush ka përgjegjës për të ruajtur konkurrencën, monopolet? Çfarë bëri Sekretari i Përgjithshëm i Kryeministrisë, kur pa që kemi një monopol prej 430 milion Eurosh që as kontrollohet, që financohet me buxhetin e shteti, që paguan po veten dhe nuk e dimë ku shkojnë paratë?! Nuk e kanë ato zyrtarët e komisionit të koncesioneve. Ato po, ato mbajnë përgjegjësi që kanë hedhur firmën, por ato thjesht janë përdorur në këtë proces. Së fundmi, ajo që është e rëndësishme për tu përmendur gjatë dëshmive të javës së kaluar, ka lidhje me përgjegjësinë që kanë disa prej zyrtarëve. Ne provuam që autoriteti i konkurrencës deklaroi që procedura negocim pa shpallje nuk ekziston në Republikën e Shqipërisë. Por këtë gabim nuk e ka bërë vetë Ëngjëll Agaçi dhe them gabim, këtë shkelje ligjore. Ëngjëll Agaçi e ka bekuar, por ok për të njëjtën procedurë ka dhënë edhe Arben Ahmetaj. Po për të njëjtën procedurë jo ligjore. Si mundet të thonë që mban përgjegjësi Këshilli i Ministrave kolektive dhe asnjë nga ministrat nuk mban përgjegjësi individuale? Si mundet të thonë që e kanë hapur buxhetin e shtetit përballë riskut më të jashtëzakonshëm financiar që ne kemi pasur këto 30 vite dhe nuk mban përgjegjësi askush? A e dini që Edi Rama ka frikë ti firmosë vendimet e Këshillit të Ministrave? I firmos gjithmonë zëvendës kryeministri. Po sigurisht, te vendimet e KKT-së është firma e tij. Te vendimet e financimit është firma e tij. Te ligjet që kalojnë në parlament është firma e tij. Nuk fshihet dot. Diku është firma e tij! Por edhe në qoftë se nuk ka përgjegjësi ligjore, mban ai përgjegjësi morale, etike, përgjegjësi para qytetarëve shqiptarë, që ai ka dalë në mbrojtje publike të këtyre kriminelëve sot në kërkim? A mbajnë përgjegjësi kolegët e partisë socialiste dhe i drejtohem sit atyre që janë të ndershëm dhe që janë në interesin publik, që të mbrojnë tre kriminelë në kërkim? Ne gjatë kësaj jave, me dëshmitarët politik, zyrtarë, do të tregojmë me shkresa, me fakte, me prova, përgjegjësinë e tyre individuale. Këtu nuk bëhet fjalë për përgjegjësi kolektive. Këtu bëhet fjalë për përgjegjësi individuale. Se si , secili, me firmën e tij, me vullnetin e tij, me përgjegjësinë që i ka caktuar ligji, ose e ka lejuar, ose i ka hapur rrugën, një procedure korruptive. Në të gjitha rastet, dëmi është për buxhetin e shtetit. Unë dua të falënderoj një grup zyrtarësh publik, që kanë refuzuar të firmosin. Që na kanë sjellë dhe ne informacione dhe shkresa, që nuk i kam marrë dot në komisionin hetimor. Zyrtarisht, i kanë hequr disa shkresa nga dosjet, por i kemi marrë këto, pa merak. Ka zyrtarë kurajoz plot administrata publike. Do ti shikojnë ministrat nesër, kur të vijnë në komision. Dua të falënderoj dhe një grup gazetarësh, që janë përballur edhe me padi për këtë çështje. E kemi thyer frikën, pak nga pak, për çështjen e inceneratorëve, por frikën më të madhe do ta thyejmë këto ditë. Do flasim edhe kundër Erion Veliajt. Mediat tuaja do shkruajnë diçka edhe kundër Erion Veliajt besoj. Se sa herë që unë e sulmoj, nuk jam nëpër media, dhe pastaj disa media thonë; po pse nuk flisni për Erion Veliaj? Por po nuk më nxore ti kur unë flas, si do ta marrin vesh qytetarët, që ne kemi thënë që Erion Veliaj e ka përgjegjësi ligjore, të paktën 5 procedura? E para, si kryetar i bashkisë Tiranë, ka marrë përsipër buxhetin e gjithë bashkive të qarkut Tiranë. Së dyti, ka marrë përgjegjësi, që duhet ti kishte këshilli bashkiak i Tiranës dhe ka angazhuar buxhetin e bashkisë së Tiranës për 30 vite. Nuk i takon Erion Veliajt kjo! Së treti, ka shkelur një kontratë koncesionare dhe ka dhënë një monopol për dherat dhe i detyron bizneset në mënyrë korruptive, që të shkojnë dhe depozitojnë mbetjet atje. Ne nuk na intereson fare se çfarë bën biznesi, apo se çfarë bën kompania e ndërtimit. Ne na intereson për buxhetin e shtetit. Na intereson se si, ky vendim i tij ndikon në buxhetin e shtetit. Dhe këto të treja, i ka bërë Erion Veliaj. Të treja mban përgjegjësi Erion Veliaj. Ta them dhe njëherë, për të gjithë kolegët këtu, që mban përgjegjësi Erion Veliaj dhe shpresoj të ma reflektoni në mediat tuaja, për të gjithë qytetarët! Në këtë proces, sigurisht ka pasur shumë akuza. Ne jemi përpjekur që të lëvizim në ato drejtime ku ka fakte. Kjo nuk është një listë dëshirash, që nuk më pëlqen mua një X ministër, apo një ministër tjetër dhe hajde ta fusim këtu në këtë listë. Jo! Të gjithë zyrtarët që janë thirrur atje, në 80% të rasteve, janë të përfshirë në procedura. Kemi thirrur dhe njerëz që na kanë ndihmuar për të kuptuar të vërtetën. Por në 80% të rasteve, të gjithë ata që janë atje për të dëshmuar, janë përgjegjës për vendimmarrje, për shpërdorim të fondeve publike, për korrupsion të nivelit të lartë dhe për pjesëmarrje në grup të strukturuar kriminal. Dhe të gjitha këto janë të bazuara në shkresa dhe në fakte, siç e kemi bërë dhe do vazhdojmë ta bëjmë dhe në ditët në vijim. Faleminderit!

Dhurata Çupi: Faleminderit zoti kryetar! Faleminderit mediave! Ka qenë një javë në fakt shumë e angazhuar me Komisionin Hetimor dhe jo vetëm me Komisionin Hetimor, por dua ta them edhe një mbështetje e vazhdueshme e zotit Basha në komunikime të vazhdueshme, si po ecën dhe sa efektive është puna gjatë gjithë dëshmive të javës që kaloi. Juve e keni ndjekur, padyshim që është afera më korruptive e 30 viteve të një qeverie. Konsiderohet korruptive për shkak të abuzimit të tmerrshëm të 430 milionë eurove, por edhe faktit që deri më sot ka arritur të detajohet korrupsioni. Shqiptarët sot kuptojnë që janë përgjegjës kryeministri, janë përgjegjës ministrat, janë përgjegjës kryetarët e bashkive Tiranë, Elbasan dhe Fier. Respektivisht për tre procedurat koncensionare, janë përgjegjës komisionit e koncensionit, janë përgjegjës njësitë e zbatimit të kontratave. Pra, ka një përgjegjësi hierarkie nga kryeministri deri në nivelin më të ulët dhe këtë besoj shqiptarët e kanë parë, e kanë dëgjuar nëpërmjet dëshmive, pyetjeve të deputetëve të opozitës ndaj çdo dëshmitari dhe përfaqësuesi të këtyre institucioeneve. Ka pasur tendencë dikush të thotë nuk kuptoj, nuk dëgjoj, nuk shikoj. Ashtu siç ka pasur zyrtarë të përgjegjshëm të cilët kanë dhënë prova dhe fakte të themi tronditëse për mënyrën si ka funksionuar. Domethënë është një procedurë korruptive që të themi jo në kuptimin pozitiv. Të themi ka funksionuar me saktësinë e mekanizmit të orës zvicerane. Domethënë, sikur në një muaj kjo qeveri të funksiononte me këtë mekanizëm të paktën me ndihmë ekonomike, do të ishte më mirë ky vend. Ka, siç e thash, ka një përgjegjësi hierarkike të provuar me fakte, me prova, me dëshmi, ka një përgjegjësi me firma, ka një mekanizëm që ka funksionuar me një strukturë. Kam përshtypjen që edhe është e bërë si strukturë. Mjafton t’iu përmend rastin e Fierit, në 25.11.2015 i është drejtuar me ofertë të pakërkuar koncensionari me një kërkesë, ku sigurisht dosja e studimit e ofertës së pa kërkuar përmban studimin ekonomiko-financiar, studimin e fizibilitetit, eksperiencën, referencat, vlerësimin e ndikimit në mjedis e të tjerë, Dhe po më 25.11.2015, Ministri i Mjedisit ka ngritur procedurën për ngritjen e Komisionit për t’i dhënë rrugë procedurës koncensionare me këtë subjekt. Gjithashtu, sapo shpallet procedura, është përzgjedhur një procedurë jo ligjore, procedurë e hapur kombëtare, ndërkohë që duhet të jetë procedurë e hapur ndërkombëtare, për një fond prej 28 milionë eurosh, e ka ligji për Prokurimin, por dhe neni 42 i ligjit të koncensionit që kërkon përveçse procedurën ndërkombëtare, përpara se të shpallen procedurat, duhet të miratimi i Ministrisë së Financave për ndikimin financiar. Kjo nuk ka ardhur në kohë dhe gjatë përgatitjes së dokumenteve, për shpalljen e procedurës , por ka ardhur dy muaj pasi është shpallur procedura konkurruese, pra miratimi i Ministrisë së Financave. 30.8.2016 kemi ok e Ministrisë së Financave, ndërkohë që praktika ishte shpallur më 18.7.2016. Nuk ka pasur negocim gjatë nënshkrimit të kontratës. Nuk ka pasur, pasuria shtetërore e vendosur në dispozicion nga autoriteti nga Bashkia Fier, është vendosur si garanci në kontratë për koncensionarin. Ka pasur direkt sapo është lidhur kontrata, janë disbursuar nga Buxheti i Shtetit 20 milionë euro, për të cilin administratori në atë kohë në dëshmi, ju e ndoqët që tha nuk mbaj mend dhe nuk e di. 20 milionë euro me shpejtësinë e dritës, themi sapo është nënshkruar kontrata. Nuk ka pasur asnjë kërkesë, asnjë penalitet, asnjë masë administrative, asnjë vendim, asnjë akt administrativ për përgjegjësinë të njësisë së zbatimit të koncesioneve. Ka afate, të paktën koncesioni i Fierit duhet të dorëzohej deri në fund të vitit 2018-të dhe sot ju e patë ne ishim në Fier dhe atje nuk funksionon inceneratori. Ka shtyrje të afatit të kontratës pa asnjë lloj argumenti. U pyet nga ne administratori dhe deklaroi që nuk mbante mend. Pra, ka një abuzim nga fillimi i procedurës deri sot që flasim. Ka një abuzim nga Bashkia Fier sa i përketë trajtimit të pasurive shtetërore. Ka një vendim në 2015-ën, ku studimi i fizibilitetit dhe të gjitha raportet mjedisore për qëndrueshmërinë e pasurisë shtetërore. Pra, asnjë efekt financiar nga buxheti i shtetit duke qenë se kishte pasuri shtetërore në dispozicion. Dhe përkundrazi me kërkesë të koncensionarit, kjo ka kaluar në një pronë në Mbrostar duke shpronësuar 400 milionë lekë të tjera shtesë një ish-pronari dhe kjo ka ardhur pasi nuk është marrë miratimi nga Ministria e Financave për shkak të ndryshimit të efektit financiar. Ka pasur një shkresë të ZRPP-së i cili i vë në dispozicion Bashkisë Fier 10 pasuri të ndryshme, nga të cilat 8 janë pasuri shtetërore dhe pasuri në pronësi të Bashkisë Fier. Por kryetari i Bashkisë Fier zgjedh atë që impakton buxhetin e shtetit me 400 milionë të tjera shtesë, pa marrë akoma miratimin e Ministrisë së Financave. Vendimi i Këshillit Bashkiak është marrë më vonë, pasi është lidhur kontrata për pasurinë e tretë. Pra, ka procedura nga A deri në ZH të paktën për inceneratorin e Fierit, por edhe për inceneratorët e tjerë janë të njëjtat procedura. Pra, ka një mekanizëm që funksionon me dije të plotë dhe që ka shkelje të procedurave ligjore dhe në fakt është e qartë korrupsioni i kryer në këto procedura. Ne do të kemi kryetarin e Bashkisë Fier si dëshmitar, duke filluar nga nesër. Sigurisht do të ketë prova të tjera, fakte të tjera të implikimit të të gjithë institucioneve shtetërore ashtu siç e përmenda, duke filluar nga Kryeministri, deri në njësinë e zbatimit të kontratave, deri tek punonjësi më i thjesht që ka firmosur. Faleminderit!

Lefter Geshtenja: Mora shkas nga zonja Çupi. Mjafton t’iu tregoj një shkelje shumë e thjesht për t’u kuptuar nga publiku. Koncensionarët në të dyja rastet, nuk po flas për Tiranën pasi nuk e kemi të pasqyruar në dokumentacion, po marr rastin për Elbasanin dhe për Tiranën. Është parashikuar në kontratë por edhe në plan biznes dhe me ofertën e dhënë nga kompanitë koncensionare që për çdo muaj do të marrin një tarifë fikse pagesë. Për njërin rast është 370 e ca mijë euro dhe për Elbasanin nuk e di ekzakt sa është. Pra, për çdo muaj do të paguhen për punë të kryera. Ndërkohë për Elbasanin e dimë mirë, edhe për fierin që nuk ka përfunduar, edhe pse është shtyrë afati i kontratës, edhe pse s’ka filluar punë koncensionari, për muaj të tërë me radhë ka marrë pagesa sipas parashikimit që ka pasur në kontratë. Ndërkohë që këto pagesa, në kushte normale, për një shtet normal ligjor, për njerëz të përgjegjshëm, duhej të spostoheshin në kohë. Pra, për sa kohë inceneratori nuk po punonte, nuk mund të paguhej. Ka ndodhur e kundërta. Edhe pse nuk është punuar, nuk është ndërtuar, nuk ka pasur asnjë ditë punë, koncensionari është paguar muaj për muaj sipas tarifës që ka pasur fikse në kontratë. Faleminderit!

Lulzim Basha: Domethënë me dy fjalë, është njësoj sikur mos të shkoni në punë dhe të vazhdojnë t’iu paguajnë. 400 e ca mijë euro në muaj. Nuk shkon një muaj në punë, prapë paratë në bankë. Këto janë fakte, nuk janë denoncime. Nuk janë thjesht fakte, në kuptimin publik të fjalës, janë fakte ligjore të denoncuara, të faktuara dhe të dokumentuara nga Komisioni Hetimor për Inceneratorët i ngritur nga Partia Demokratike. Nesër është dita e pestë e këtij komisioni dhe nis pyetja me zyrtarë të lartë politikë, siç është Emirjana Sako e Dakos së Durrësit, Belinda Balluku pasardhësja e Damian Gjiknurit, Armando Subashi i Fierit dhe Arben Ahmetaj.

Është kënaqësi që ndodhem këtu bashkë me deputetët e Partisë Demokratike, me drejtuesit e Partisë Demokratike, me rininë e Partisë Demokratike dhe me qytetarë të Partisë Demokratike, shumicën morale e cila e konsideron këtë ditë, një ditë shumë të veçantë edhe për historikun e forcës sonë politkike.

Ditën kur u ngritën bashkë qytetarët, intelektualët, studentët dhe rrëzuan simbolin e diktaturës, rrëzuan simbolin e Enver Hoxhës që ndodhej pak metra më tutje, pavarësisht prej një kohe të shumë të vështirë dhe një terrori që ushtrohej kudo, por ajom që kemi arritur më 20 shkurt është e pjesshme.

Dhe sot para se të nënshkruaj peticionin për dekomunistizimin, dua të ndaj tre mesazhe me rastin që na jepni si institucion dhe me ndihmën e miqve tanë të dashur gjerman, ku gjysma e tyre kanë kaluar përmes të njëjtit proçes, ish-Gjermania Lindore, proçesin e dekomunistizimit që së pari duke qenë se kjo ditë e veçantë i takon të gjithë shqiuptarëve dhe është një ditë kremtimi e rrëzimit të dikaturës, shtatores së Enver Hoxhës.

Nuk duhet të harrojmë të themi; Gëzuar këtë ditë! Gëzuar 20 Shkurtin, si ditën e largimit nga sheshi të hijes së rëndë të dikatorit.

Së dyti, përveç përshëndetjes për të gjithë qytetarët shqiptarë, në këtë 20 Shkurt, një falenderim për të gjithë protagonistët, për të gjithë ata që e frymëzuan këtë akt që bëri lajmin e parë  në çdo edicion të çdo televizioni të botës më 20 Shkurt.

E gjithë bota, kajmin e parë më 20 shkurt 91 ishte rrëzimi i simbolit të Diktaturës të doktatorit Enver Hoxha më të përgjakshëm të individit në emër të të cilit u kryen krimet nga më monstruozet mbi shqiptarët.

Mbi 6 mijë të ekzekutuar nga regjimi komunist. Dhjetëra mijëra të tjerë të dergjur në burgje e në internime.

Pothuajse gjysma e popullsisë drejtpërdrejt osë indirekt kanë vuajtur pasojat e këtij regjimi.

Regjim i cili u fur brenda familjeve shqiptare. I shkuli ato me rrënjë nga shtëpitë e tyre, i ndau përgjysëm, I hodhi kundër njëri-tjetrit, në emër të kultit të individit.

Megjithatë, nuk e harroj atë ditë kam qenë këtu në këtë shesh, kam mbërritur në një rrethanë shumë të çuditshme, por edhe domethënëse. Dita ka filluar siç e dinë protagonistët që i shoh këtu mes nesh, me një takim të madh tek Qyteti Studenti, ku ndodhej ngjarja kryesore, greva e studentëve për të hequr emrin e diktatorit nga Universiteti dhe erdhi duke u bërë gjithnjë e më e madhe me pjesmarrjen e qytetarëve të Tiranës, minatorëve të Valiasit, e shumë e shumë të tjerë. Pati edhe një thirrje nga një protagoniste e kohës, protagoniste edhe e Partisë Demokratike, Rajmonda Bulku që me yonjat dhe vajzat në krye t#i drejtoheshin presidencës për t’i kërkuar presidentit të fundit komunist heqjen e emrin e Universitetit, në mënyrë që të përfundonte greva e urisë e cila kishte hyrë në një fazë kritike.

Kam mbërritur këtu rreth orës 13.30 apo pak më vonë, pak para se shtatorja të binte, dhe shumë më vonë kam kuptuar se familja ime biologjike ishte këtu dhe ishim këtu të shpërndarë, në katër të ndryshme të sheshit. Asnjëri prej nesh nuk e dinim se ndodheshim këtu sepse kishim ardhur secili nga një kënd. Im atë kishte ardhur nga puna, ndodhej pikërisht tek shkallët e Muzeut.

Unë vetë erdha nga Qyteti Studenti pasi patëm një bllokadë fillimisht tek Rruga e Televizionit, pasi janë edhe pamjet e filmuara.

Si familje biologjike ishim të shpërndarë. Nuk e dinim që ishim këtu.

Por që nga moment i nisjes dhe intestifikimi i protestës, tek rënia e shtatores dhe tek festimi I këtij moment dhe çuarja e shtatores së diktatorit  si shenjë triumfi para studentëve, ne të gjithë ishim bërë një familje.

Ne mund të e dinim se ku i kishim në atë çast vëlleyërit, prindërit, në atë grupim të madh shqiptarësh.

Po gjithë ai grupim i madh shqiptarësh që ndodheshin në këtë shesh, pastaj përmes rrugës që na çon tek Qyteti Studenti ishin një familje, ishin familja e lirsë, familja e demokracisë që ishte mbledhur bashkë për të rrëzuar diktaturën.
Tani nuk jemi tamam në moshë për të treguar gjëra që shumë prej jush nuk i mbajnë mend, por të rinjtë diçka duhet ta dinë: Kulti i individit shkatërron.
Kulti i individit ngre një njeri të zakonshëm, një njeri si çdo njeri tjetër bir nëne dhe babai dhe e bën Zot apo gysëm Zot, Perëndi apo gjysëm Perëndi. Ky është fillimi i shkatërrimit të çdo shoqërie. Çdo shoqëri që mendon se dikush nga ne, sado i talentuar, sado i aftë apo sado i djallëzuar të jetë është Zot apo gjysëm Zot, përfundon shumë keq, siç përfunduam ne para 31 vitesh.
Ndaj, mesazhi i dytë që kam është mesazh ndjesë që kam në emër të PD, partis që lindi si aspirata për liri dhe demokraci, drejtuar në radhgë të parë të përndjekurve politikë, pasardhësve të tyre, për proceset e papërmbushura që nga eshtrat e pagjetura tek mungesa e dëmshpërblimit të potë dhe kompensimit të plotë moral dhe material.
Në veçanti sa i takon të parit, mungesës së monumenteve të kujtesës, mungesës së kujtesës historike e cila është kaq e rrezikshme për një shoqëri që ka kaluar trauma si kjo e jona sepse na rrezikon të na e rikthejë prapë.
Kush harron historinë e përsërit prapë.
Kush harron se çcfarë kemi hequr kur ngritëm nëj njeri si perëndi, shtatorja e tij ishte 8-9 m e lartë apo më lartë?
5 metër në mes të kryeqytetit. Rrezikon që përsëri të vuajë të njejtat vuajtje.
Prandaj jemi këtu të firmosim këtë peticion I cili në fakt na detyron ne si parti politike, PD, që t’i çojmë Kuvendit të Shqipërisë iniciativën ligjore:
Për të ndaluar propagandën e regjimit komunist në programet e partive politike,
Për të ndaluar lavdërimin ligjërues dhe përdorimin e simboleve të regjimit komunist në hapsirat publike, duke ndërhyrë në të gjithë legjislacianon sipas modeleve të shteteve të BE, ndaj dhe e përmenda Gjermaninë. E falenderoj fondacionin “Konrad Adenhauer” që ka dhënë një ndihmë shumë të çmuar për dekomunistizimin e Gjermanisë Lindore.
Së dyti, vetingun e funksionarëve politikë dhe drejtuesve të institucioneve në raport me të shkuarën e tyre gjatë regjimit komunist, si kusht I domosdoshëm për pastrimin e institucioneve të sotëm të shtetit. Që në fakt duke nënshkruar këtë pikë të peticionit nuk bëjmë gjë tjetër veçse rikonfirmojmë vendimin e Kuvendit Kombëtar të PD, në 18 Dhjetor për dekomunistizimin e PD. Pra, që askush që ka luajtur një rol gjatë diktaturës të mos ketë pozita drejtuese në PD.
Së treti, zbardhje e plotë e aktivitetit kriminal të instrumentave të diktaturës dhe aksesin e pakufizuar të shqiptarëve në kenë informacion në mënyrë që e errëta e kobshme e këtyre institucioneve, e vuajtjeve të shqiptarëe të mos mbetet e kyçur as në arkiva, as në dosje por të ekspozohet e dhimshme siç është. E dhimbshmja është terapia më e mirë që të mos përsërisim të keqen.
Rishikimi I gjithë objekteve publike, shkolla, sheshe, institucione.
Muzealizimi i vendeve ku kanë vuajtur njerëzit, kampeve të përqëndrimit, si dhe rishikimi I kurrikulave mësimore në mënyrë që brezi I ri të rritet jo duke e glorifikuar por duke kuptuar fare mirë traumën që ka kaluar ky vend.
Ndaj le të jemi edhe sot një familje e përbashkët, siç ishim 31 vite më parë, jo vetëm e demokratëve sepse ky shesh ishte i mbushur me demokratë. Por nuk ishin vetëm demokratë, ishin të gjithë, kishte madje edhe ish anëtar të PPSH, të cilët nuk e donin simbolin e diktaturës, kishin hequr dorë nga kulti i individit dhe u bashkuan me demokratët, u bashkuan me qytetarët për ta shembur kultin e individit.
Dhe po kështu të zotohemi që përmes qëndrimeve tona, permes veprimeve tona të mos lejojmë më kurrë kultin e individit as në mesin tonë, as në mesin e shoqërisë shqiptare.
Zoti na ka bërë të barabartë! Detyra jonë është t’i japim mundësinë çdokujt të ecë përpara sipas aftësive të veta. Por askush mes nesh nuk mund të jetë më Zot me fatet e shqiptarëve.
Kjo është domethënia sa më takon mua dhe nënshkrimit tim me gjithë zemër të këtij peticioni dhe përkushtim që bëj si kryetar i PD, në emër të PD, në emër të opozites për të ecur perpara dhe per te shtyrë përpara në parlamentin shqiptar me ndihmën e deputetëve tanë dhe me ndihmën e gjithë qytetarëve, me ndihëm edhe të partnerëve tanë ndërkombëtar në procesin e dekomunistizimit.
Gëzuar 20 Shkurtin, ditën e rënies së kultit të individit, ditën e triumfit të qytetarëve, ditën e triumfit të lirisë!

(pas nenshkrimit te peticionit)
Nderkohe qe deputetet e PD nenshkruajne dhe nenshkrimi tyre sigurisht eshte nje nenshkrim si qytetar por eshte edhe nje zotim per te ecur perpara me axhenden parlamentare.
Mendoj ti leme pak hapsire edhe ketyre te rinjve qe na nderojne me pranine e tyre dhe na japin shprese dhe besim qe e nesermja do te jete e ndritur dhe e djeshmja e hidhur nuk do te perseritet sepse brezi I ri eshte me ne, ne krahun tone per tee cur perpara drejt te ardhmes!
Faleminderit!

Po e nis me një selfi se kam iluzionin që selfi, fotografia, do ta kujtoj e do ta ruaj, do ta përjetësoj këtë moment mahnitës, këtë moment të mrekullueshëm këtu në këtë kryeqendër që gjithkush, çdo shqiptar, çdokush që flet shqip, i thotë kryeqendra e veriut. Por në fakt është kryeqendra e kombit sa i takon qytetarisë, sa i takon vlerave, sa i takon spirancës së kombit, udhëtimit tonë qindravjeçar dhe shekullorë drejt destinit tonë perëndimor.
Ndaj dua t’iu falënderoj për këtë atmosferë të mrekullueshme që dinë ta falin vetëm shkodranët. Vëllezër dhe motra, zonja dhe zotërinj, dy dashni kanë shkodranët: Partinë Demokratike dhe Vllazninë. Them që nuk iu njoh pak, duke iu njohur mirë, duke parë si keni votuar, zgjedhje pas zgjedhjesh që kur kam qenë fëmijë, si keni zgjedhur në kohë të vështira, mund ta them me gojën plotë para jush, para gjithë shkodranëve, para gjithë Shqipërisë që askush nuk i rren dot shkodranët. Nuk i ka rrejt Enver Hoxha për 50 vite , e nuk mundet me i rrejt askush me asnjë marifet.
Është kështu apo jo? Xhemali, në një nga bisedat kohë më përpara, kur nuk e dinte që do t’i propozohej sakrifica e përfaqësimit të shkodranëve në një moment si ky, më ka thënë tre fjalë që i kam dëgjuar edhe nga shkodran të tjerë, kështu që besoj që është një fjalë e gjithë qytetit, e gjithë bashkisë, nga Dukagjini në Velipojë, Shkodra është dashni. Dhe e shoh që e ka dhe në sloganin e tij “me dashni për Shkodrën”, por e vërteta është që Shkodra është dashni, e vërteta është që Xhemal Bushati është kandidati më i mirë për Shkodrën. Ai është pjesë e Shkodrës, e tha një nga parafolësit. Është pjesë e Shkodrës jo vetëm në ditë të bukura si kjo ku jemi mbledhur bashkë për të festuar në zemrat tona besimin e pathyer se bashkë nuk ka forcë të na mposht po edhe në ditë të vështira, edhe në ditë të errëta, jo vetëm në ditë me diell, edhe në ditë me shi.
Xhemal Bushati ka qenë përherë këtu, në mesin tuaj, si për familjen e vet, për çdo shkodrane dhe për çdo shkodran. Ai është pjesë e Shkodrës, ndaj e them me zemrën plotë e duke iu parë në sy, jam krenar që është kandidati i Partisë Demokratike për Shkodrën. Është njeriu që është kujdesur me zemër dhe me shpirt për qytetarët e Shkodrës, për hallet dhe problemet e tyre nga çdo pozitë, nga ajo e bashkëqytetarët, e kryetarit të Këshillit Bashkiak për një kohë të shkurtër por të vështirë, e bamirësit, e punëdhënësit. E njoh nga afër që nga ditët e vështira të përmbytjeve, ku pavarësisht se nuk kishte asnjë rol dhe përgjegjësi shtetërore, me zemërgjerësinë e tij, braktisi gjithçka dhe u bë njësh me përpjekjet e shtetit për t’i ardhur në ndihmë njerëzve në vështirësi. E di dhe e njoh nga afër pasionin e tij, e di se do ta bëjë Shkodrën më të mirë, më të jetueshme për të gjithë qytetarët e saj, e di se në zemër ka dëshirën për t’i shërbyer çdokujt, pa dallim.
Megjithëse Partia Demokratike ka një borxh të madh ndaj Shkodrës, ka një borxh të madh që nuk ia ka shlyer Shkodrës për aq sa Shkodra i ka dhënë, unë jam i bindur se Shkodra do të votojë Partinë Demokratike të Shqipërisë, sepse siç iu thashë, shkodranët që nuk i gënjeu dot as Enver Hoxha, nuk i gënjen dot askush tjetër me asnjë marifet. Xhemal Bushati është kandidati i Partisë Demokratike. Dhe nga unë i pari, zotohem që këtë besim të madh të shkodranëve, këtë borxh të pashlyer, ta kthejmë në një politikë së pari me një fytyrë njerëzore, si fytyra, si shpirti i Xhemal Bushatit, me një fytyrë të pastër.
Vëllezër dhe motra, zonja dhe zotërinj, ka vetëm një rrugë që shkodranët mos të kenë për kryebashkiak modelin e Edi Ramës, modelin e inceneratorëve, modelin e korrupsionit që shkatërron ekonominë, vret shpresën dhe zbraz Shkodrën e Shqipërinë nga rinia drita e syrit tonë. Ka vetëm një mënyrë, vota për Xhemal Bushatin.
A doni një Shkodër me kryebashkiak të kontrolluar nga Edi Rama dhe Tom Doshi? Doni një kryebashkiak, i cili vendos në bashkinë e Shkodrës, modelin e Edi Ramës dhe Tom Doshit? A doni një kryebashkiak, i cili ta vendosë Shkodrën në funksion të agjendave personale dhe pazareve personale të Edi Ramës dhe Tom Doshit? Nuk iu dëgjoj! Edhe njëherë! Atëherë votoni partinë demokratike! Votoni Xhemal Bushatin! Shkodra asht dashni! Shkodrës i duhet një kryebashkiak, i cili ka dashni e dhembshuri për qytetarët e vet dhe që ka forcë e drejtësi, për të luftuar, për çdo banor të bashkisë së Shkodrës.
Shkodrës i duhet një kryebashkiak, jo me dashni për vete, por me dashni për Shkodrën dhe shkodranët. Zonja dhe zotërinj, kandidati i partisë demokratike dhe kryetari i ardhshëm i bashkisë së Shkodrës, Xhemal Bushati!

Në Komsionin Hetimor të Inceneratorëve ishte i pranishëm përmes platformës online, administratori i kompanisë së Inceneratorit të Fierit Loran Dusha. Ai paraqiti disa ditë më parë një test Covid-19 ku rezultonte pozitiv por këmbëngulja e opozitës për ta pasur dëshminë e tij vuri në lëvizje Kuvendin për të ofruar një dëshmi përmes platformës online.

“Intervistuam edhe z. Loran Dusha, pas një jave që përpiqeshim që të kishim kontakt me të. Nga informacioni dhe intervista e tij përveç fakteve që nuk di, nuk kam dëgjuar, nuk kam parë, mgjse ka rreth 10 vite që është përfaqësues i kompanive që zotëron Klodian Zoto, Loran Dusha çuditërisht del edhe punonjës dhe përfaqësues ligjor i Kompanisë “Hermes Communication”. Të gjithëve ju kujtohet Kompania “Hermes Communication” është kompania ku ka qenë aksioner Ministri i sotëm Rindërtimit, z. Arben Ahmetaj”, u shpreh kryetarja e Komisionit Tabaku në konferencë.

Sipas Tabakut kjo provë e re që u zbulua në dëgjesat e komisonit tregon se skema e pastrimit të parave dhe grupit të strukturuar criminal zbatohet nga 10 individë që kanë qenë bashkëpunëtorë të hershëm. Ajo vuri në dukje se “Janë 10 individë që punojnë në po të njëjtën kompani, për Klodian Zoton, Mirel Mërtirin dhe Stela Gugalljan. Që hapin kompani të reja, që regjistrohet si asministratorë në kompani të reja, të cilët marrin kontrata të ndryshme konçesionare.”

Partia Demokratike thekson se Arben Ahmetaj është një nga përfituesit e aferës së inceneratorëve, pasi është faktuar se Ahmetaj ka qenë i përfshirë në aksident automobilistik ndërsa udhëtonte me makinën e Mirel Mërtirit në Maqedoninë e Veriut. 

Tabaku bëri publike dokumenta ku faktohet përfshirja e Administratorit Loran Dusha në kompaninë e themeluar dhe me aksione të Arben Ahmetaj, “Hermes Communication”, ndonëse Dusha e mohoi këtë.

Po kështu Tabaku bëri publike dokumente që flasin për lidhjen e ngushtë të Dushës dhe Gugalljas pasi të dy kanë punuar për vite tek kompania C.G.C që administrohet nga Mirel Mërtiri.

Tabaku vuri në pah faktin se kompania e inceneratorëve ndonëse është paguar dhe në kohën e pandemisë për shpenzime luksi ka mundur të përfitojë edhe 69 mln lekë nga fondi i garancisë sovrane.

“A i kujtohet të gjithë shqiptarëve se si u mbyll e gjithë Shqipëria se si bizneset e vogla falimentuan, se si mijëra qytetarë dolën pa punë, se si thonin se nuk kemi mundësi t’i paguajmë dot me buxhetin e shtetit, ndërkohë që inceneratori ka marrë kredi me garanci sovrane për paga 4 mijë euro.

Të vetmet të ardhura ishin nga buxheti i shtetit të cilat nuk ndaluan asnjëherë, dhe ata përsëri marrin lek nga shteti për të paguar pagat.

A e kuptoni përmasën e këtij skandali përmasën e kësaj afere të jashtëzakonshme”, tha Tabaku.

Kryetarja e Komisionit Hetimor të Inceneratorëve Jorida Tabaku në konferencën për shtyp dhënë menjëherë pas mbledhjes së Komisionit Hetimor, u shpreh se arsyet se përse kryetati i Bashkisë së Fierit Armando Subashi ka shkuar në SPAK, lidhen posaçërisht me tokën në të cilën është ndërtuar inceneratori i Fierit.

Çështja e pronësisë së inceneratorit të Fierit u trajtua nga PD gjatë prezantimit të fakteve fhe dhënies së dëshmisë së administratorit të inceneratorit të Fierit, Loran Dusha dhe anëtarëtit të Komisionit të Vlerësimit të Ofertave.

Dokumentat tregojnë se prona e vendosur fillimisht nga vendimi i Këshillit Bashkiak Fier në vitin 2015 ishte në fshatin Plyk pa pasur në plan ndërtimin e një incineratori.

Një vit më pas bashkia Fier informohet se ka nisur një praktikë për dhënie me koncesion për incinerator.

Dokumentet që paraqiti në Konferencën për shtyp nënkryetarja e PD Tabaku treguan se pak kohë pasi kompania në pronësi të Klodian Zotos kishte fituar koncesionin me vlerë 28 mln euro, propozoi ndryshimin e vendndodhjes.

“Në vitin 2016 ndryshohet dhe shkohet në fshatin Mbyet, përsëri me firmë të Bashkisë Fier. Dhe 1 vit më pas përsëris ndryshohet dhe shkohet në fshatin Mbrostar, njësia administrative Mbrostar; përsëri me firmë të kryetarit të Bashkisë Fier, z.Armando Subashi”, u shpreh Tabaku në konferencën e saj për shtyp.

Ajo evidentoi gjithashtu se përzgjedhja e truallit nuk ishte aspak rastësore pasi ndonëse në hartë ishin 6 mundësi shtetëtore u zgjodh një tokë private e cila u konpensua jo sipas procedurave ligjore dhe në një vlerë prej 460 milionë lek.

Kujtojmë që Subashi është një nga dëshmitarët që pritet të dëshmojë në Komisionin Hetimor të Inceneratorëve javën e ardhshme.

Të nderuar kolegë,

Të nderuar qytetarë!

Pas një mbledhje përsëri të gjatë të Komisionit Hetimor, kemi nisur në orën 10.00 të mëngjesit bëmë publike fakte për qytetarët që lidhen në mënyrë specifike me inceneratorin e Fierit. Sot u fokusuam tek inceneratori i Fierit, por njëkohësisht tek komisioni i koncesionit dhe hartimin e kontratës për inceneratorin e Fierit.

Unë besoj se sot për publikun u bënë publike fakte shumë të rëndësishme për sa i përket procedurës së dhënies me koncesion e cila është e gjitha në shkelje, por unë do të ndaloj këtu në dy elementë të rëndësishëm.

Zotëria Florian Muçaj që erdhi këtu për të dëshmuar ish administratori i Bashkisë Fier, por njëkohësisht sot drejtor i Albpetrolit, si anëtar i Komisionit të Koncesionit ka qenë përgjegjës, sigurisht individualisht, por ne kemi një përgjegjësi shumë të rëndësishme këtu për kryetarin e Bashkisë Fier.

Komisioni i Koncensionit dhe pjesë e kontratës për inceneratorin e Fierit ka qenë fillimisht njësia administrative Portëz, fshati Plyk; i dorëzuar kjo nga kompania koncensionare.

Dua t’ju kujtoj të gjithëve se kompania koncensionare ka marrë bonus për këtë propozim, ka marrë një vlerësim pozitiv se ka bërë këtë propozim; ka studiuar vetë, ka propozuar vetë dhe thuhet “pa asnjë kosto për buxhetin e shtetit”.

Në vitin 2016 ndryshohet dhe shkohet në fshatin Mbyet, përsëri me firmë të bashkisë Fier. Dhe 1 vit më pas përsëris ndryshohet dhe shkohet në fshatin Mbrostar, njësia administrative Mbrostar; përsëri me firmë të kryetarit të Bashkisë Fier, z.Armando Subashi.

Por ajo që është më e rënda dhe më e rëndësishmja në këtë procedurë është që këto kërkesa vijnë nga kompania koncencionare.

Të nderuar qytetarë unë dua t’ju bëj me dije se kompania koncensionare ka miratuar një kontratë, ka firmosur një kontratë me shtetin shqiptar ku i thuhet që “unë do zbatoj këtë projekt, me X kosto”, dhe e ka fituar si ofertë e pakërkuar. Ndërkohë që i ka shkelur të gjitha kushtet e kësaj kontrate.

Po kush e mban barrën e kësaj kontrate të zbatuar keq?!

Sigurisht qytetarët shqiptarë dhe buxheti i shtetit.

Dhe çfarë bën kryetari i Bashkisë Fier, z.Armando Subashi?!

Kam këtu komunikimin nga ZRPP-ja, nga Zyrat e Regjistrimit të Pasurive të Paluajtshme Fier që i vendos në dispozicion 10 troje publike.

Dhe e dini çfarë bën z.Armando Subashi?!

Zgjedh të vetmin truall i cili është privat. Një tokë arë të cilën e shpronëson me vlerën 460 mln lekë shtesë kostos koncensionare, ndryshe nga sa thuhet në kontratën koncensionare, që thanë se nuk ka absolutisht asnjë kosto dhe e shpronëson në çmimin dyfish, duke e kthyer edhe në tokë industriale.

Ne gjykojmë se kjo është një shkelje shumë e rëndë për sa i përket çështjes së pronës. Në diskutimin që bëmë me përfaqësuesin e

Në diskutimin që bëmë me përfaqësuesin e Komisionit të Konçesionit dolën fakte të rënda përsa i përket kontratës konçesionare dhe dhënies së kontratës konçesionare. Gjatë procesit të dhënies së kontratës konçesionare kompania që ka bërë ofertën e pakërkuar, kompania BCG, e cila ishte në pronësi të zonjës Sevi Zani, bë një ofertë të pakërkuar dhe largohet.

Dhe e blen kompaninë, z. Klodian Zoto. Zonja Sevi Zani është punonjëse edhe në Tiranë si edhe në Inceneratorin e Elbasanit. Ndërkohë që kontrata konçesionare fitohet nga Klodian Zoto, në shkelje të ligjit dhe të procedurave, një dosje të tërë që unë ia lexova sot në Komision, por pjesë e saj edhe një kompani italiane e cila quhet “Energy Recuperator”.

Një javë pasi fitohet koncesioni, “Energy Recuperator” shet aksionet me një vlerë prej 200 eurosh për një kontratë konçesionare 28 milionë euro që i merr një shoqëri anonime që nuk ka asnjë bilanc, asnjë projekt, asnjë punë.

Shkelje përsëri e Komisionit të Konçesionit, shkelje shumë e rëndë e proçedurave që në gjykimin tonë të gjithë anëtarët e Komisionit të konçesionit dhe të hartimit të kontratës duhet të jenë përpara drejtësisë.

Sot intervistuam edhe z. Loran Dusha, pas një jave që përpiqeshim që të kishim kontakt me të. Nëpërmjet teknologjisë së informacionit kishim një kontakt me të. Nga informacioni dhe intervista e tij përveç fakteve që nuk di, nuk kam dëgjuar, nuk kam parë, mgjse ka rreth 10 vite që është përfaqësues i kompanive që zotëron Klodian Zoto, Loran Dusha çuditërisht del edhe punonjës dhe përfaqësues ligjor i Kompanisë “Hermes Communication”. Të gjithëve ju kujtohet Kompania “Hermes Communication” është kompania ku ka qenë aksioner Ministri i sotëm Rindërtimit, z. Arben Ahmetaj.

Çfarë ndodh me pronësinë e këtyre kompanive.

Janë 10 individë që punojnë në po të njëjtën kompani, për Klodian Zoton, Mirel Mërtirin dhe Stela Gugalljan. Që hapin kompani të reja, që regjistrohet si asministratorë në kompani të reja, të cilët marrin kontrata të ndryshme konçesionare. Po, kur s’kishte asgjë për t’i fshehur shtetit, përse detyrohen që të krijojnë një rrjet kompanishë guackë me njëra – tjetrën, me pronësi aksionesh, por i fshehin emrat e tyre, indentitetin e tyre, fshehin veprimet e tyre pas këtyre kompanive?

Kjo është një pikëpyetje shumë e madhe dhe përgjigjia është për të indentifikuar pronarët përfitues.

Ajo që ndodhi sot me dëshminë e administratorit të Fierit. Ai nuk e mban mend se si i ka paguar 23 milionë euro dhe unë këtu kam librat e Drejtorisë së Tatimeve, 23 milionë euro i ka marrë po Klodian Zoto.

Ai nuk e mban se si ka bërë pagesa fiktive për kompani që janë dënuar për pagesa për punë të pakryera.

Ai nuk kujton dot se si kanë marrë pagat, kur nuk kanë punuar. Se si kanë blerë pajisje kur nuk kanë punuar, se si kanë pasur 20 milionë euro paradhënie deri në vitin 2019 kur nuk kanë punuar. Ai nuk e kujton dot megjithëse ka më shumë se 10 vite, që në vitin 2010 që është i lidhur me këto kompani.

Po në dëshminë e tij, ne përsëri vumë re një fakt tjetër të rëndësishëm.

Përveç inceneratorit të Elbasanit i cili kishte marrë kredi me garanci sovrane dhe inceneratori i Fierit kishte marrë kredi me garanci sovrane.

A i kujtohet të gjithë shqiptarëve se si u mbyll e gjithë Shqipëria se si bizneset e vogla falimentuan, se si mijëra qytetarë dolën pa punë, se si thonin se nuk kemi mundësi t’i paguajmë dot me buxhetin e shtetit, ndërkohë që inceneratori ka marrë kredi me garanci sovrane për paga 4 mijë euro.

Të vetmet të ardhura ishin nga buxheti i shtetit të cilat nuk ndaluan asnjëherë, dhe ata përsëri marrin lek nga shteti për të paguar pagat.

A e kuptoni përmasën e këtij skandali përmasën e kësaj afere të jashtëzakonshme.

Ndërkohë që sot kishim për të dëshmuar edhe përfaqësuesen, sekretaren e përgjithshme të Ministrisë së Energjitikës dhe Infrastrukturës të cilët paralelisht më dëshminë e administratorit të Fierit arritëm që të kuptojmë disa gjëra shumë të rëndësishme. Shteti financon, por nuk kontrollon. Shteti nuk mban përgjegjësi fare se çfarë ndodh me paratë. Askush nuk ka përgjegjësi se çfarë ndodh me paratë. Ka ndodhur diçka shumë e çuditshme, kompania e auditimit zotërohet nga Stela Gugallja, bën auditin.

Supervizorin e ka propozuar vetë kompania dhe është zgjedhur supervizor ai që donte kompania. Jo nga qeveria siç e ka ligji, i ka zgjedhur të dy kompania. Këto tani dorëzojnë raporte në ministri dhe ministria megjithëse ka shkelje të kontrollit të lartë të shtetit, shkelje të raporteve të monitorimit. Shkelje që evidentohen dhe nga zbatimi i kontratës, thotë që unë s’bej asgjë, vetëm paguaj lekët. As kontrolloj dhe asgjë, Klodian Zoto, Mirel Mertiri dhe Stela Gugallja vetë bëjnë abuzimin me buxhetin e shtetit, vetë miratojnë bilancet, vetë i çojnë faturat dhe s’është askush në këtë qeveri, nuk mban përgjegjësi që kjo ka ndodhur me financat publike dhe me fondet e shtetit. Kjo në gjykimin tonë është një shkelje shumë e rëndë, kjo është një shkelje jashtëzakonisht e rëndë. Dhe ministritë, askush në qeveri nuk ka marrë asnjë masë, asnjë gjobë, asnjë penalitet megjithëse këto kontrata ishin në shkelje. Këto ishin 3 dëshmitë kryesore që ne morëm sot. Elementët që prezantuam sot, që unë besoj nisur dhe nga fakti i interesit shumë të madh publik tregojnë që jemi duke bërë punën e duhur që jemi në rrugën e duhur, që po shkelim ato këmbët që duhet edhe po themi ato emrat që duhet duke pasur parasysh edhe sulmet e ditëve të fundit ndaj Partisë Demokratike dhe në mënyrë të veçantë sigurisht ndaj atyre që denoncojnë këtë aferë.

Në qoftë se ka pyetje?

Pyetje: Është marrë në pyetje nga SPAK kryetari i bashkisë së Fierit, Armando Subashi është marrë po ashtu në pyetje dhe deputeti i PS Alqi Bllako. Ju jeni në dijeni të faktit se mund të ketë arrestime të tjera në rradhët e socialistëve?

Jorida Tabaku: Une nuk jam absolutisht në dijeni të asaj që bën SPAK-u ose të proceseve që kryen SPAK-u. E inkurajoj që ta vazhdojë punën krahas edhe komisionit tonë parlamentar. Unë besoj që gjithë këto të dhëna që po bëhen publike po vendosin një presion publik edhe mbi SPAK-un për ta kryer punën. Po vendosin një presion publik për këdo që sot ka vendimmarrje për të marrë masa. Unë nuk besoj që do të ketë më mundësi dikush nga përfaqësuesit zyrtarë që të justifikohet që të vazhdojë që të paguaj Fierin kur janë paguar 23 milion euro pa i ditur kush se ku kanë shkuar. Se po kryen vepër penale. Prandaj i jam drejtuar shpesh herë punonjësve të shtetit, shpëtoni veten, bashkëpunoni, deklaroni kush iu ka detyruar të firmosni. E inkurajoj SPAK-un të vazhdojë hetimet ashtu siç po vazhdojmë ne. E them dhe një herë, të gjithë dosjen hetimore unë do ta dorëzoj përpara SPAK-ut menjëherë sapo ky hetim të përfundojë.

Pyetje: Gjatë ditës së sotme i bëtë thirrje SPAK të marrë masa sepse Arjola Kodra mund të largohet dhe mund të ketë një tjetër person që shpallet në kërkim përveç 3 të shpallurve tashmë atyre që janë në kërkim ndërkombëtar. Keni informacione se zonja Kodra ka tentuar të largohet apo implikimi I saj e detyron të marrë një masë të tillë?

Jorida Tabaku: Zonja Kodra bëri një dëshmi, ishte e para në fakt që na hapi siparin e dëshmitarëve, bëri një dëshmi e cila e ekspozoi këtë aferë në kompleksitetin e saj, sepse ajo u gjend pa asnjë justifikim për atë që kishte ndodhur. Zonja Kodra më tepër dhe më rëndë, në fakt bëri një dëshmi të rreme përpara komisionit hetimor, duke deklaruar që kishte filluar marrëdhëniet në vitin 2019. Zonja Kodra, ashtu si zoti Loran Dusha, janë në 10 të preferuarit e Klodian Zotos, Mirel Mërtirit dhe Stela Gugalljas, sepse kanë lëvizur në të gjitha kompanitë e tyre. Sot stafi i Kuvendit shkoi që ti çonte një njoftim të dytë për tu paraqitur në komision. Ka shkuar ditën e mërkurë, unë e njoftova publikisht ditën e hënë që duhet të jeni përsëri të premten, të mërkurën i nisëm shkresën e dytë, sot i nisëm shkresën e tretë, punonjësi i Kuvendit që nuk është punonjës I PD, por I zyrave të këtij institucioni ku ne jemi sot, ka gjetur derën e mbyllur dhe kanë thënë që askush nga përfaqësuesit e kompanisë nuk është sot këtu. Nuk e kanë lejuar që të futet brenda. Punonjësit të Kuvendit I kanë thënë që kompania nuk ka asnjë zyrtar dhe përfaqësues sot dhe kanë mbyllur derën. Dhe ne zbatuam atë që na thotë ligji: dërguam një kërkesë të tretë dhe deri ditën e hënë, ka 48 orë afat që të paraqitet pranë këtij komisioni. Ndërkohë që na ka sjellë disa nga kërkesat që ne i bëmë në seancë ditën e hënë, jo të gjitha por disa prej tyre.

Pyetje: Zoti Shalsi tha se ka anëtarë komisioni që përpiqen të intimidojnë disa prej dëshmitarëve, duke dalë nga roli I tyre e duke u vënë në rolin e prokurorit. Jeni ju njëri prej anëtarëve të komisionit që I referohet zoti Shalsi dhe a i keni tejkaluar kompetencat tuaja?

Jorida Tabaku: Jo. Nëse do mund të përgjigjem edhe më gjatë. Zoti Shalsi vjen nga një parti që në fakt e kanë veneruar atë sistem, Enver Hoxhën, prokurorët e komunizmit e me rradhë. Është I fundit që mund ti bëjë akuzat dikujt që është nga familje e persekutuar për krime që lidhen pikërisht me hetimin e krimeve të komunizmit. Kështu që herë tjetër unë do ti kërkoja etikë, moral, përpara se të flasi me mua dhe me këdo tjetër nga Partia Demnokratike. Së dyti, ne kemi përdorur të gjithë autoritetin që na jep ligji, të gjkithë përgjegjësinë që na jep ligji, të gjithë forcën që na jep ligji. Unë i kam kërkuar kolegëve socialistë bashkë me zotin Shalsi të mos bëhen mburojë politike. Mos ta justifikojnë korrupsionin. Nuk ka absolutisht asgjë më të rëndësishme se sa të çojmë para drejtësisë ata që kanë vjedhur 430 milionë euro. 430 milionë euro nuk janë pak. Ne kemi pyetur ashtu siç e thashë dje, ndoshta ndonjëherë pak tgë lodhur edhe mund ta kemi ngritur pak tonin, por asnjë herë duke shkelur ligjin. Sot ata që kanë shkelur ligjin janë duke u pyetur në SPAK. Sot ata që kanë shkelur ligjin janë në qeveri.

Pyetje: Ju thatë se inkurajoni SPAK që të hetojë mbi këtë çështje, a e inkurajoni SPAK për çështjen e Çez, privatizimin e kompleksit Partizani?

Jorida Tabaku: Për ato duhet të pyesësh Partinë Socialiste, se nuk bën dot lajm me mua sot. Komisioni I inceneratorëve, e përsëris edhe njëherë: Komisioni i Inceneratorëve, e dashur Rovena se ti ishe atje dhe e pe që nuk kishte inceneratorë, kjo më takon mua. Për të tjerat fol me Taulant Ballën.
Ju faleminderit për vëmendjen.