Blog

Dje, në ekrane të ndryshme, u shfaq një tjetër episod haluçinant i dy njerëzve që përdorin të njëjtën gjuhë, për të mbrojtur të njëjtat interesa.
Rama dhe Berisha janë njësoj! Dëgjon Ramën dhe kujton Berishën. Dëgjon Berishën dhe kujton Ramën.

Sali Berisha gënjen pa u skuqur e pa u zverdhur. Kur deputetët e PD ishin pranë banorëve kur iu shembën shtëpitë, ku ishte Sali Berisha? Pse Sali Berisha po mbron përmes mashtrimit ndërtuesit e “5 Majit”? Pse ky njeri që merr nëpër gojë këdo nuk guxon as ti përmendë emrin atij që po ndërton vërtet atje? Pse mashtron shqiptarët duke gënjyer për anëtarin e kryesisë së PD Agron Kapllanaj? Sali Berisha mashtron dhe gënjen për të fshehur lidhjet e familjarëve të tij me trafikantin ndërtues.

PD ka bërë kallzim penal për të çuar para drejtësisë Erjon Veliajn për këtë aferë korruptivo-kriminale dhe ju kërkon organeve përkatësee të ndalin menjëherë projektin e pastrimit të parave të pista tek “5 maji”.

Kushdo me sy në ballë e mend në kokë e kupton tashmë se në Shqipëri ka vetëm një opozitë, që është PD. Rama dhe Berisha janë njësoj. Zgjidh Ramën dhe merr edhe Berishën. Zgjidh Berishën dhe merr Ramën.

 https://fb.watch/aOFjtWPQxT/

PD: Shpifjet e Berishës kundër demokratëve për të mbuluar lidhjet e trafikantit të drogës me familjarët e tij.

Partia Demokratike ka kallëzuar sot në SPAK Kryetarin e Bashkisë Tiranë Erjon Veliaj dhe zyrtarë të tjerë të Bashkisë Tiranë për shpërdorim detyre dhe shkelje e barazisë së pjesëmarrësve në tendera. Në kallëzim evidentohet se Bashkia Tiranë si autoritet kontraktor ka kualifikuar dhe shpallur fitues në tenderat e rindërtimit në lagjen 5 Maj në Tiranë, me vlerë më shumë se 10 milion euro, kompaninë në pronësi të shtetasit Anton Gjinaj alias Pashk Rapi, person me rekorde të rënda kriminale.

Pronari i kompanisë është një person i dënuar për trafik droge në Itali dhe Spanjë, zotërues i shoqërisë Alesio 2014 sh.p.k. Sipas Ministrisë së Brendshme të Malit të Zi, Anton Gjini është anëtar i një organizate kriminale, e cila në vitin 2006 organizoi dhe koordinoi importimin, magazinimin dhe shitjen e mëtejshme të 50 kilogramëve heroinë në territorin e Spanjës dhe për këtë rezulton të jetë i dënuar me 8 vite e 9 muaj burg.

“Sipas ligjit për prokurimet publike autoriteti kontraktor ka detyrimin për të skualifikuar një operator ekonomik, kur anëtari i një organi administrativ, drejtues ose mbikëqyrës i atij, aksionar ose ortak i kompanisë është i dënuar për organizim, drejtim ose financim i veprimtarisë së prodhimit dhe shitjes së narkotikëve, si dhe i veprimtarisë së trafikimit të narkotikëve. Kryetari i Bashkisë së Tiranës, në cilësinë e tij si titullar i autoritetit kontraktor, duke shpërdoruar detyrën dhe duke shkelur ligjin e prokurimeve publike, ka injoruar këtë detyrim, duke konsumuar veprat penale të sipërcituara”- thuhet në kallëzimin e firmosur nga Sekretari i Përgjithshëm i PD Gazment Bardhi.

Gjithashtu në kallëzim kërkohet nga SPAK që të kryhet një hetim i plotë dhe i gjithëanshëm për aferën e projektit zhvillimor në njësitë administrative 4 dhe 8, zona “5 Maji”, dhe paraqitjen e kërkesës në gjykatë për vendosjen e sekuestros preventive ndaj projektit, sipas nenit 274 e vijues të Kodit të Procedurës Penale, për të pezulluar këtë projekt deri në përfundim të hetimeve.

Një ditë më parë, Sekretari i Përgjithshëm i PD, Gazment Bardhi akuzoi Sali Berishën se po shpif ndaj demokratëve për të mbuluar skandalin e ndërtimit në lagjen 5 maji nga një trafikant droge i lidhur me familjarë të tij dhe me Kryetarin e Bashkisë së Tiranës Erjon Veliaj.

Të nderuar qytetarë!

Përgjithësisht unë në fakt, përpiqem që debatin që kemi në familjen tonë politike ta mbajmë brenda familjes tonë politike. Por të dëgjosh Elisën që të jep mend se çfarë duhet të bëjnë demokratët, në fakt nuk mundem të mos flas.Sigurisht, ka një debat në PD, ka zgjedhje, ka në PD diskutime, ka mendime ndryshe. Por me kokën ulur si ju, nuk janë njerëzit, ashtu në rresht pas njëri tjetrit, me një kryetar që keni 15 vite që nuk e votoni. Dhe këtu vjen dhe mbrohesh me suksese imagjinare. Dhe flet për ligje imagjinare që ndoshta zbatohen vetëm në mendjen tuaj, se në realitetin e shqiptarëve, sigurisht që nuk janë.

U diskutua këtu ligji për pronarët përfitues si një ligj për pastrimin e parave. E di ministrja se çfarë ndryshimesh sjell ligji?! Është shtyrje afati. Nuk zbatohet herën e parë. Shtyhet afati. E sillni herën e dytë. Është arritje shumë e madhe.
Në fakt është arritje shumë e madhe. Me kokën lart duhet të jemi sepse e futën Shqipërinë në listën gri të pastrimit të parave. Prandaj po miratohen këto ligje.Sepse e kthyen Shqipërinë në qendrën e pastrimit të parave, duke pastruar 3.2 mld euro ndërtimi këtu në Tiranë me kulla, të bizneseve që janë me zero kapital. Biznese të regjistruara me zero kapital, sot po ndërtojnë ndërtesa miliarda euro.

E futën Shqipërinë në listën gri të pastrimit të parave me drogën dhe kanabisin që trafikohej zyrtarisht me leje shtetërore dhe me lojërat e fatit që i certifikuan. Hoqën bizneset e vogla se do t’i luftojnë dhe i kthyen vetëm bizneset e mëdha.
Se çdo biznes këtu duhet të komandohet nga qeveria, nuk ka më treg të lirë.

Këto janë sukseset imagjinare.
Në fakt, raporti i dalë dje nga Transparency International tregoi situatën reale që ne e kemi thënë për vit. Unë ndihem shumë e lodhur që të them edhe një herë që ra edhe një herë indeksi, që ra edhe një herë indeksi; që ra 6 vende Shqipëria dje.
Në vend të vijmë këtu, me kokën ulur e të shohim se çfarë mund të bëjmë që ta ndryshojmë këtë situatë, vijnë dhe “krekosen këtu si gjeli majë plehut!”. Se në fakt plehu është plehu i inceneratorëve në Tiranë, në Elbasan, në Fier.
Vetëm për këtë mburren, për gjëra të tjera nuk besoj se mburren. Sot banorët e “5 Majit” po protestojnë. Kam një vit që e kam denoncuar atë aferë. Po protestojnë se do të prishen shtëpitë e tyre, një pjesë janë prishur e do ndërtohet për rindërtimin, thuhet. 5 godina për rindërtimin atje janë ndërtesa shtetërore, nuk janë banesa qytetarësh. Nuk janë banesa qytetarësh. Do të bëhet edhe një ndërtesë e re për Drejtorinë e Tatimeve ose Doganash; për kolegen e znj. Spiropali që do shkojë atje me zyra të reja, për të prishur shtëpitë e banorëve që sot po protestojnë përjashta. Kjo është qeveria e Edi Ramës. Unë jam lodhur duke përsëritur raportet ndërkombëtare vit pas viti; duke thënë se si përkeqësohet, se si rritet borxhi, se si varfërohen shqiptarët. Më mirë këtë na e thonë qytetarët sa herë që i takojmë.

Por të mburresh këtu me rezultatet e 25 prillit; se ke blerë vota me 120 mln euro para të rindërtimit, se ke përdor patronazhistët, se ke nxjerrë të dhënat personale të mijëra bizneseve, se sot po përdoren pagat e çdo e dhënë tjetër financiare e bizneseve në treg, unë nuk e di se si duhet të krenohesh?! Nuk e di se si mund të krenohesh!

Për të ardhur tek ligji që po diskutohet tani, sepse zonja nuk e di se për çfarë po diskutohet tani.
Në fakt jemi duke diskutuar ligin “Për procedurat tatimore” i cili ka lidhje me fiskalizimin. Fiskalizimin këtu e 4 vite më parë unë e kam denoncuar si një proces korruptiv. Një tender 16 mln euro. Një vit përpara se të jepej tenderi, thasë  që do ta marrë një kompani kroate, sepse kompania kroate po shkruante termat e referencës. E njëjta kompani kroate që ne denoncuam e mori tenderin.
Çfarë ka ndodhur me fiskalizimin?
Në skandalin ku ndodhet sot qeveria me publikimin e pagave të punonjësve, të dhënave personale, duhet ta mendonte dy herë zbatimin e fiskalizimit se sot nuk ka më siguri të dhënave. Sot të gjitha të dhënat e bizneseve janë në  treg. Të gjithë të dhënat e bizneseve i përdorin për zgjedhje, ua japin konkurentëve.
Sot ka vetëm shtet-parti, siç thotë raporti i OSBE/ODIHR-it; reflektohet në zgjedhje, reflektohet në ekonomi, reflektohet në çdo fushë e në çdo sektor.

Projekti i fiskalizimit sot është duke falimentuar masivisht bizneset e vogla. Me kosto të cilat në fillim ishin 200 euro, një biznes i vogël duhet të blejë kompjuterin, duhet të ketë lidhje me internetin, duhet të ketë punonjës.
Kur blihet një shishe ujë në një cep të rrugës duhet të miratohet nga Drejtoria e Tatimeve, të vijë “ok”-i në kompjuterin e biznesit të vogël dhe më pas të miratohet blerja. Pra, një procedurë e jashtëzakonshme që nuk i duhet shtetit.

Sistemi i mëparshëm kishte një mënyrë raportimi, nuk janë përdorur asnjëherë ato të dhëna të cilat i kishte sistemi i mëparshëm; që e sulmuan, e anatemuan, thanë që do ta anulojnë dhe asgjë nuk ndohdi. Në fakt kjo propaganda është bërë normale për çdo procedurë të mëparshme, në vitin e 9-të në pushtet, se të ishin në vitin e 1 sigurisht që mund të duroja që të flisnin ndryshe.

Procedura e fiskalizimit sot është duke dështuar, me tarifa jashtëzakonisht të larta. E kanë hapur tregun, janë ulur pak tarifat, por pak rëndësi ka sepse për një biznes të vogël është shumë e lartë ajo tarifë.Ndërkohë që e shikojnë se nuk zbatohet, vendosin gjobat. Kalojnë ligj për t’i shtyrë gjobat. Nuk është mënyra dhe presioni se si duhet të funksionojë një biznes i vogël. Biznesin e vogël e kanë bërë si kavie; e kanë futur tek TVSH-ja, e hoqën nga TVSH-ja; i ulën xhiron, i rritën xhiron. Në eksperimente pafund. Ndërkohë që bizneset mbyllen masivisht. Sigurisht që unë e kuptoj se kjo është një mënyrë e qartë se si funksionohet, një mënyrë e qartë me tendencën për të forcuar disa biznese të mëdhaja pranë qeverisë, për t’i nxjerrë nga tregu gjithë të vegjlit. Kush shkon dhe bën Pazar në lagje e shikon se nuk ka më biznese të vogla, duhet patjetër të shkosh në supermarkete të mëdhaja. Kush shkon nëpër qytete e shikon se masivisht janë mbyllur bizneset e vogla. Dhe kjo është drama më e madhe e ekonomisë shqiptare dhe me çengelin e fiskalizimit po i vendoset edhe një kosto shtesë bizneseve të vogla.
Për mua nuk ka asnjë kuptim kjo që duan të bëjnë dhe kjo që janë duke bërë; me vendosjen e gjobave, me shtyrjen e gjobave.
Fiskalizimi edhe në kushtet kur kanë dalë të dhënat e qytetarëve shqiptarë, edhe në kushtet kur janë publikuar të dhënat e pagave nuk duhet të ekzistojnë më se nuk ka siguri të dhënash me Edi Ramën për sa kohë që është Edi Rama në pushtet, për sa i përket bizneseve dhe qytetarëve shqiptarë.
Çdo gjë do të përdoret për zgjedhje, siç u përdor në 25 prill, çdo gjë do të përdoret për presion për biznesin.
Kam takuar biznese gjatë zgjedhjeve të pranverës të vitit të shkuar që më thonin se tatimorët që i shkonin në dyert e tyre bënin presion me gjoba për të votuar PS, i bënin presion me mbylljen e biznesit për të votuar PS.

Çfarë do të ndodhë sot me procesin e fiskalizimit?
Nuk kam qenë dhe nuk jam kundër asnjëherë procedurave që shërbejnë për formalizinin. Por në këtë rast ne po flasim për procedura tërësisht korruptive të paguara 16 mln euro nga buxheti i shtetit dhe po i marrin edhe një tarifë të dytë bizneseve. Është një koncension që po e paguajmë dy herë me taksat tona.
Taksapaguesit praktikisht po paguajnë dy herë; një herë nga buxheti i shtetit, një herë me tarifën që bizneset sot paguajnë.

Për sa i përket komisioneve hetimore do të flas tek pika tjetër e rendit të ditës, por nuk mund të lë sot pa thënë që është ndonjë krenari e madhe t’i dalësh për zot inceneratorëve, koncensionit të laboratorëve, t’i dalësh për zot koncensionit të check-up-it, t’i dalësh për zot 12 koncensioneve që janë të gjitha korruptive. Flejnë dosjet sot në SPAK.
Fatkeqësisht unë SPAK-un, nuk e kam qen sulmi siç e ka Erion Veliaj. Nuk e urdhëroj dot të bëjë gjë. Aq sa ka bërë mirë e ka bërë, megjithëse ka bërë shumë pak. Sepse në qoftë se i shkohet deri në fund aferës së inceneratorëve, përgjegjësit sot janë akoma në qeveri; tre ministra, sekretari i Përgjithshëm i Kryeministrit, tre kryetarë bashkish janë sot akoma vendimmarrës. Pa i shkuar deri në fund gjithë zinxhirit, rrjetit të strukturuar kriminal unë nuk besoj se do të ketë drejtësi.
Por unë e them përsëri, qen sulmi SPAK-un unë s’e kam, s’e ka PD, se ka përdorur ndonjëherë.
Ai që sot kërcënon me SPAK-un, me drejtësinë, që fatkeqësisht është edhe pastruesi i parave këtu në Tiranë, që para pak ditësh kërcënoi edhe figurat më të nderuara të këtij qyteti. Që unë ndjeva turp kur i dëgjova, ndjeva turp që s’i mundet që Sulejman Mema dhe Krenar Alimehmeti t’i drejtohesh me ato fjalë. Ai duhet të japë përgjigje përpara drejtësisë. Ai mban përgjegjësi. Dhe deri kur t’i shkohet deri në fund aferës së inceneratorëve, çdo afere tjetër, unë besoj se nuk kam për të pushuar së foluri për këtë e për shumë të tjera siç kam bërë këto 8 vite. Por unë nuk mund të dal këtu e të them se jam krenare pse kemi vjedhur; se jam krenare që ka rënë Shqipëria me 6 pikë në indeksin e TI; jam krenare se shteti u shtri bashkë me qeverinë në një për të vjedhur zgjedhjet e 25 prillit. Se u ngritën në këmbë të gjithë me kriminele e bënë të gjithë bashkë kundër PD.

Partia Demokratike është këtu, është në këmbë dhe do të jetë më e fortë se kurrë dhe e dimë se kush është kundërshtari jonë. Sot fatkeqësisht e qeverisni, nesër jo!
Faleminderit!

REPLIKA E NËNKRYETARES SË PD, JORIDA TABAKU ME ELISA SPIROPALIN DHE ANILA DENAJ

Në fakt për t’iu përgjigjur të dyja zonjave, për t’i përmbledhur në pak fjali.
Në qoftë se nuk e dinë në Laç, nuk ka njerëz akoma nëpër banesa, as tek “5 Maji”. E dhanë edhe mediat. Janë  të inauguruara por pa njerëz, nuk banojnë akoma qytetarë. Në fakt është çdo gjë fake, propagandë, siç e kanë patur këto 8 vite, siç do  të vazhdojnë ta kenë për sa kohë qeverisin sepse nuk kanë mënyrë tjetër të të bërit propagandë.

Për çështjen e komisionit hetimor.
Unë doja të flisja në pikën tjetër për komision hetimor, por dy fjali mund t’i them edhe tani. Grup të bashkuar rreth partisë ishin të gjithë anëtarët e Komisionit Hetimor të PS, në këmbë për të mbrojtur, për të folur për rregulla, për procedura. Edhe sot që flasim, kam një javë që i lutem sekretares për të nisur një shkresë. E votuan kundër planin e hetimit dhe thonë tani “pse nuk thërrisni dëshmitar?” Kjo është ironia më e madhe.
Të ngresh dorën dhe të votosh kundër për të vazhduar hetimin dhe të thuash që sot nuk kanë thërritur dëshmitar.
Unë do t’i çoj të gjitha në SPAK ato që kam mbledhur; edhe pamjet filmike brenda inceneratorëve që nuk ekzistojnë, edhe pagesat që janë bërë nga vendet e krimit.  Komisioni hetimor me aq pak sa u mblodh e çoi Lefter Kokën në burg. Imagjinoni se çfarë do të bëhet me këto prova që ne kemi mbledhur dhe do vazhdojmë të çojmë?!
Besoj se të gjithë ato që mbrojtën dhe çuan dorën për të votuar kundër, nesër ndoshta mund të kenë një keqardhje. Mbrojtja politike e ka një fund e ka një limit dhe nuk mund të vazhdojë përjetësisht.
Faleminderit!

Komisioni Hetimor për pastrimin e parave është i domosdoshëm. Rasti i një magjistari të pasurive të paluajtshme, që merr kredi, ble prona, i shet brenda vitit me dyfishin e çmimit, është ulëritës. Aq më shumë kur ka trafikantë droge si palë!

Zonja kryetare e Kuvendit, dua ta nis me një pyetje retorike sepse në fakt përgjigjja nuk ju takon ju. Si ka mundësi që në seancën e javës të ngarkuar me vendime të sjell nga vet qeveria, në një javë të mbushur me skandale dhe do të tronditin dhe madje do të rrëzonin qeveri normale në vende normale, këtu nuk ndodhet as 1/3 e kabinetit. Ku është kryeministri?
E dimë që para dy ditësh shkoi dhe erdhi me charter privat diku dhe spati as deçencën të njoftonte shqiptarët se për çfarë po i harxhonte ato 120 apo 150 mijë euro karburant që kushton një fluturim me charterin privat. Ky që e nisi qeverisjen duke premtuar se do të udhëtonte vetëm me bileta ekonomi, tani niset për në Paris, për në Mynih, shkon e vjen me një charter luksoz, ku siç e thashë, vetëm karburanti kushton 120 mijë euro minimumi dhe kur vjen puna për t’u përballur me shqiptarët, me përfaqësuesit e shqiptarëve, nuk e dimë ku është. Me siguri do vij përgjigjja misterioze, është në takime të rëndësishme. Çfarë takimesh?! Me cilin vend të Evropës, mos të them të botës, në 2022 mungon transparenca minimale për shpenzimet marramendëse qeveritare të një populli që është në varfërinë më të thellë.
Në cilin vend të botës kryeministri ka çarter privat, shkon drejt qyteteve, kryeqyteteve luksoze të Evropës, ndërkohë që qeveria e tij, pa asnjë mandat dhe në kundërshtim me ligjin, shemb çatitë e banorëve të kryeqytetit, siç ndodhi me lagjen tek “5 Maji”, banorët e të cilit një pjesë prej të cilëve po protestojnë para Kuvendit, por pjesa dërrmuese e të cilëve janë në një gjendje lufte, sikur i ka bombarduar një armik. Por jo një armik i dukshëm, me artileri, tanke dhe aviacion ushtarak, por armiku i padukshëm, por po kaq i tmerrshëm i korrupsionit qeveritar. Mjaftojnë këto fakte, për të kuptuar se pse dy ditë më parë, Transparency International, që është barometri i korrupsionit  konfirmoi në anglisht atë që në shqip e di çdo shqiptarë, e dini dhe ju. Kanë filluar ta thonë edhe ndonjë zë i izoluar brenda jush: që qeveria e masakrës zgjedhore të 25 prillit, është qeveria më e korruptuar e Evropës, më e korruptuara e Ballkanit.
Pandershmëria, paligjshmëria, në institucione në qeverisje deri në majën e qeverisjes, largimi i çdo shërbimi nga qytetarët, ç’vashja e institucioneve nga arsyeja që ekzistojnë, për t’i shërbyer qytetarëve dhe kthimit të tyre në shërbim të një grushti njerëzish që përfitojnë me çdo mjet në kurriz të mirëqenies së çdo shqiptari.
Këto nuk janë fjalë e kundërshtarit politik, këto nuk janë fjalët e opozitës, as shpikje dhe sajesa, as baltëhedhje, por janë të vërteta të pamohueshme me të cilat çdo njeri në marrëdhënie pune, çdo i papunë, kryefamiljarë, familjarë apo i ri, çdo sipërmarrës, çdo fermerë, student, pensionistë, përballet çdo ditë, korrupsioni është armiku i përditshëm dhe provat e tij nuk kanë nevojë t’i lexojmë në raportin e fundit të Transparency International. Korrupsioni ka shkatërruar institucionet, ka deformuar vendimmarrjen, ka shkatërruar dhe dëmtuar palcërisht tregun, ka penguar avancimin në rrugën drejt Bashkimit Evropian dhe nuk kemi nevojë të rrëmojmë në kujtesën e harraqit në këtë sallë.
Shikoni vetëm ngjarjet e javëve të fundit. Shfletoni vetëm ato pak media që kanë akoma guximin t’i pasqyrojnë këto të vërteta, shikoni investigimin e BIRN-it mbi korrupsionin në shëndetësi, për PPP-të. Fakt për të cilin Partia Demokratike ka depozituar një kallëzim penal, që pret të shpluroset  për Check Ap-in e famshëm që vazhdon si një hemorragji e përditshme e parave të shqiptarëve, e nuk ndalet as në kohë pandemie, as në kohë tërmeti, as në kohë fatkeqësie.
Në vend që të shkojnë për të përmirësuar shëndetësinë, që ka nevojë më shumë se kurrë për këto para. Apo shikoni raportimin e djeshëm të tenderëve të ARRSH-së, ku prapë është përzgjedhur një ofertë që do t’u kushtojë qytetarëve 2 milionë euro më shumë se oferta tjetër më e ulët. Pa asnjë shpjegim, 2 milionë euro.
Për të ardhur pastaj tek afera e shekullit, tek inceneratorët që kanë shkrumbuar dhe shkrumbojnë vetëm paratë e shqiptarëve. Ndërkohë që dje janë shpallur në kërkim ndërkombëtar dy nga prestanomet e kësaj afere, prej minimalisht 430 milionë eurosh. 1 vit më parë e kam lajmëruar disa herë që do të zhduken, do të shkojnë në arrati, në mos i gjet diçka më e keqe, se dinë shumë, dhe dinë ato që s’duan t’i dinë ata që duhet të ishin këtu. Ai që duhej të ishte këtu mbrapa. Tani janë në kërkim ndërkombëtar. Ndërkohë që ata janë në kërkim ndërkombëtar, kjo qeveri vazhdon të paguaj skenat e krimit që janë rrethuar me shirit të verdh.

Koha na dha të drejtë, ndërsa mbrojta e paprecedent që ju i bëtë kësaj afere, madje duke çuar edhe grupin parlamentar në atë landfilli që sot është një skenë krimi, është barra e përgjegjësisë që ata që i kanë bërë avokatinë mafies së plehrave kanë përballë shqiptarëve. Dhe qytetarët po shohin përherë e më qartë se kush janë abuzuesit të taksave të tyre. Nuk është ndonjë kënaqësi të themi që koha na dha të drejtë dhe që mbrojtja e paprecedentë që ju i bëtë kësaj vepre të tmerrshme penale, duke e çuar grupin parlamentar të Partisë socialiste si mburojë tek inceneratori i Elbasanit, që sot është një skenë krimi, është në fakt prova më e qartë e avokatisë që i bëni mafies së plehrave që kanë përballë shqiptarët. Është aleanca e qartë që bëni me njëri-tjetrin, për pushtet dhe para. Kështu që për shqiptarët nuk ka asnjë dyshim më se pse janë në këtë gjendje, kush janë abuzuesit me taksat e tyre. Natyra e vërtetë e kësaj qeverisjeje shpaloset në aferën skandaloze të inceneratorëve. Ju kemi kërkuar t’i ndërprisni pagesat, i vazhdoni pagesat, jo vetëm për inceneratorët, për çdo aferë që kemi denoncuar ju e bëni veshin e shurdhët. Prandaj, për këtë arsye jemi vendi me të ardhurat më të ulëta për frymë, për arsye jemi vendi me varfërinë më të madhe në rajon, për këtë arsye jemi vendi me azilkërkuesit me numrin më të lartë në rajon, për këtë arsye fermerët shqiptarë janë me zero mbështetje aq sa në media ndërkombëtare është raportuar kthimin e fermerëve shqiptarë tek parmenda. Apo s’doni t’i shihni këto.
Miliarda euro në këto vite. Miliarda euro borxh, më shumë borxh se të gjitha qeveritë e mara së bashku që nga 91-shi deri në 2013-ën, skema mafioze se ku kanë shkuar këto miliarda euro të inceneratorëve, tregon pse asgjë nuk ka kontribuar për rritjen e mirëqenies së qytetarëve. Pse  shumicës së shqiptarëve u mbetet vetëm dopjogjashta e korrupsionit së qeverisë Rama, aq më shumë këto projekte që nuk i ndalet as në kohë pandemie as në kohë tërmeti. Fatkeqësisht kjo është e vërteta. Akoma më fatkeqësisht kjo e vërtetë, që e keni shitur Shqipërinë te ofertuesi më i mire, madje tek ofertuesi më i lartë, as ju skuq, as ju bën me turp
Asnjë reagim.
Çmimin e kësaj makutërie, si përherë, e paguajnë qytetarët e këtij vendi. Ndaj dua të pyes ata pak që ndodhen në këtë sallë, kur do të vijë dita të ballafaqoheni me të vërtetën? Kur do të ballafaqoheni me fëmijët tuaj, me komshinjtë tuaj, me ata që u keni kërkuar votën dhe s’ua keni marrë përmes krimit dhe parave?
Kur do të vijë dita ta ngrini zërin? Dhe nëse jo, trupi është i juaji dhe koha është që ato institucione që janë ngritur me taksat e shqiptarëve dhe të Evropianëve, dhe të amerikanëve të bëjnë punën e tyre. Ndaj nuk do të resht që nga kjo foltore t’i kërkoj që atë që e ndalën paturpësisht në këtë parlament, hetim in për inceneratorët, atë që ka bllokuar hetimin për Bechettin, atë që e zvarrisin hetimin për masakrën zgjedhore, të mos e ndalin. Do të maten jo me konferencat për shtyp, as me arrestimin e bishtit, por me hetimin dhe vënien para përgjegjësisë penale të kokës së korrupsionit në Shqipëri, që është koka e qeverisë, koka e regjimit të masakrës zgjedhore të 25 prillit.

Pushteti që vjen nga krimi dhe korrupsioni nuk prodhon asgjë të mirë për shqiptarët, ata po e shohin këtë çdo ditë. Edi Rama është njeriu që përdori bandat kriminale, fondet e rindërtimit nga tërmeti, korrupsionin e inceneratorëve dhe patronazhistët për masakrën elektorale të 25 prillit. Është ai që përzgjodhi dhe kandidoi të dënuar për krime dhe të korruptuar në krye të bashkive të cilët u denoncuan që në fillim nga PD.

Kjo është e qartë si drita e diellit për shqiptarët dhe për këdo se Rama nuk fiton dot pa kriminelët dhe paratë e pista, prandaj ai ka nisur te mobilizojë sërish krimin dhe non-gratat për të vjedhur votat.

Ne do ta vazhdojmë të vendosur betejën tonë kundër kriminelëve dhe korrupsionit që po e mbajnë peng të ardhmen e shqiptarëve. Shqiptarët meritojnë një qeverisje më të mirë si lokale ashtu edhe qendrore.

Mirëmbrëma, mirë se ju gjej! Mirë se ju gjej zonja dhe zotërinj, vëllezër dhe motra, demokrate dhe demokratë dhe faleminderit për këtë pritje të jashtëzakonshme! Jam i lumtur sa herë që ndodhem në mes jush, ndonëse kjo është hera e parë që jam vërtetë fizikisht mes jush, se zakonisht më ulin në radhën e parë. Por ja ku jam, mu në mesin tuaj, edhe më i lumtur se herën e fundit që kam qenë këtu, sepse shoh në sytë tuaj vendosmërinë, shpresën, besimin për të ecur përpara drejtë të ardhmes që kemi zgjedhur jo vetëm për Partinë Demokratike, jo vetëm për demokratët, por për Korçën dhe për mbarë Shqipërinë, ndaj ju faleminderit për praninë tuaj! Prania juaj në këtë mbrëmje të ftohtë të janarit, në Korçë, një nga trevat ku dimri është edhe më i ftohti, flet kaq shumë. Prania që e ka mbushur plotë e përplot këtë sallë, me njerëz përfaqësues të sakrificës së demokratëve ndër vite, si themeluesit dhe qëndrestarët mes jush. Përfaqësues të demokratëve të sakfrificës që nuk e mendojnë Partinë Demokratike si një biznes për t’u mjel në favorin e tyre apo familjes së tyre. Por i japin për idealin me të cilin kjo familje politike u mbrojt në dhjetorin e vitit 90-të. Japin e vetëm japin, sakrifikojnë gjithë kohën dhe nuk kujtohen të kërkojnë asgjë atëherë kur Partia demokratike është në pushtet, por vazhdojnë punën e tyre, sipas aksiomës që tha një nga të nderuarit themelues të Partisë Demokratike, profesor Llambi, që i zoti bën përpara në ekonominë e tregut. Dhe është e vërtetë. Kjo është një nga aksiomat e të djathtëve kudo. Ky është misioni ynë, jo të ndërtojmë një shtet që paguhet nga taksat që u merren shqiptarëve por një shtet funksional. Mjaftueshëm për t’i shërbyer njerëzve në mënyrë pastaj që ata vet të ndërtojnë jetën e tyre. Po a është e tillë Shqipëria sot? Që nga momenti që kam hyrë në sinorët e qarkut tuaj dhe tani që ndodhem në qendër të qarkut dhe faleminderit zonja kryetare, zotërinj deputet, po dhe kryetarëve dhe përfaqësuesve të kryesive, të grupseksioneve, të seksioneve, të LDG-së, të Forumit Rinor, të të gjithë degëve të Korçës që jeni mbledhur këtu, në kryeqendrën e qarkut tuaj. Disa prej jush kanë ardhur nga larg. Kanë ardhur që nga Leskoviku, ku unë nuk do të shkoj sonte, as në Ersekë, por kalova përmes Pogradecit, nuk u ktheva dot në Devoll kësaj radhe. Pashë një pjesë të Maliqit dhe e di që kjo është një orë ku shumë prej fermerëve kthehen në shtëpi, pasi kanë bërë punët e ditës dhe kthehen jo si fermerët e Kosovës as ata disa dhjetëra kilometra më tej Maqedonisë së Veriut. Kthehen me kokën e ulur, jo se lodhe. Nuk lodhet fermeri shqiptarë, nuk lodhet fermeri korçar i Devollit, i Maliqit, i Pogradecit, i Kolonjës, janë ndër më të palodhurit që ka Ballkani, Europa dhe bota. Dhe këtë e kanë faktuar sepse punojnë në kushtet më të vështira në Ballkan dhe në Europë. Por sepse nuk kanë në krah asgjë përveç punës së tyre, familjes së tyre dhe Zotit. Nuk e kanë në krah qeverinë. Gjysma e të keqes nëse do të kishin një qeveri që nuk kujdesej për ta. Është njësoj sikur s’do të kishte qeveri, jo ka një qeveri që është kundër tyre. Që siç u zbulua dhe nuk e mbajnë dot gojën të mbyllur as vet deputetët e Partisë Socialiste, ndërton skema për të shkatërruar bujqësinë dhe blegtorinë shqiptare. Për ta derdhur rrëke djersën e fermerit dhe blektorit shqiptar në kanal dhe jo në treg. Për ta mbushur tregun me prodhime të favorizuara e të kamufluara përmes iniciativave e marrëveshjeve tregtare që u hapin dyert prodhimeve të subvencionuara. Të subvencionuara rëndshëm nga qeveri që kujdesen për fermerët e tyre. Pse? Vetëm që një grusht njerëzish të pasurohet, ndërkohë që fermat e shqiptarëve shkretohen. Dhe impakti më i parë, është në treg. Është në prodhimet bazë të ushqimit për familjet shqiptare. 1 në 2 prej të cilave nuk siguron dot më shumë se një vakt të ngrohtë në ditë. Në një vend të begatë, në një qark të begatë si Korça. Nuk sigurojnë dot më shumë se një vakt të ngrohtë në ditë, sepse fermerët kokëposhtë shkojnë në shtëpitë e tyre edhe kur puna, djersa ua bën mbarë produktin, nuk ua bën mbarë tregu. Sepse nuk ka treg. Njësoj si para 32 vitesh, nuk ka treg. Para 32 vitesh me ligj, e tani me Maliq, tregu i takon 5 vetave, 5 oligarkëve. Nuk ka ekonomi dhe kur nuk ka ekonomi, nuk ka punësim dhe kur nuk ka punësim, s’ka shpresë as për kryefamiljarët, as për fëmijët e tyre. E pse ka ardhur e gjitha kjo? E para, dhe ky është vendi për ta thënë, kjo Korçë. Korça e qytetarisë, Korça e kulturës, ku edhe një herë dua ta them faleminderit që për herë të parë edhe fizikisht më keni vendosur në mesin tuaj, e ndjej ngrohtësinë e mikpritjes tuaj, e ndjej të vibrojë në këtë sallë edhe përmes fjalëve të penalistëve, të moshave të ndryshme, profesioneve të ndryshme, të gjeneratave të ndryshme, e ndjej mençurinë dhe kulturën e civilizimit korçar, të cilit i thurin këngë, i thurin vargje, por me të cilin në borxh dhe kemi bërë gabime edhe ne si Parti Demokratike, duke mos e hapur trasenë që qytetaria korçare të japi kontributin e saj të plotë në shtëpinë e lirisë, se ku tjetër do ta japi përveçse në familjen tona për të ndryshuar për mirë jetën e njerëzve. E pra, këtu është vendi për të thënë, në mes të kësaj qytetarie dhe kësaj qytetarie që është sonte mikpritësja ime nga Tirana, po edhe e miqve të tjerë që kanë ardhur, ndoshta e quani veten të njëjtë. Që nga Pogradeci në Kolonjë, që nga Maliqi në Devoll. Se të gjitha vijnë si pasojë e një shfytyrimi të politikës, shfytyrimit të politikës. Një politikë që ka humbur tiparet njerëzore. Një politikë që ka humbur ndjeshmërinë ndaj njerëzve, një politikë që ka humbur fytyrën njerëzore. Shikoni, mjafton të hapni mediat dhe shikoni se si ka një garë të shfrenuar për protagonizëm, me një gjuhë të shfrenuar. Tre njerëz që kanë 30 vite që nuk i ndahen karrigeve të pushtetit. Por për asnjë çast, as gjuha nuk reflekton kulturën, ndriçimin, vlerat e qytetarëve shqiptarë, popullsisë, as nuk ka të bëjë me hallet e shqiptarëve, janë kthyer në tre aktorë, në një film, në një tragjikomedi, po në fakt është më shumë një dramë, e cila rëndon mbi kurrizin e shqiptarëve. Pse bëhet gjithë ky teatër? Aty qeshin aty qajnë, aty lavdërojnë aty shajnë, aty godasin, aty shkalin syrin njëri tjetrit. Pse bëhet e gjitha kjo? Për të maskuar një tjetër dramë të madhe që Korça e di fare mirë, një dramë tjetër kombëtare që është produkt i politikës që ka humbur fytyrën njerëzore, që janë institucionet e kapura. Institucionet e shqiptarëve janë të kapura dhe janë në shërbim të një grushti njerëzish, jo në shërbim të ligjit apo përmes ligjit në shërbim të qytetarëve. Përjetësimi përmes mënyrave të ndryshme të pushtetit. Shtimi dhe ruajtja e pasurive të vëna në mënyrë korruptive nga një grusht pushtetarësh dhe frika që ka një pushtetar i korruptuar për të lënë pushtetin. Këto të treja bashkë, kanë sjell asgjësimin e të gjithë institucioneve të vendit, jo vetëm të drejtësisë, të çdo institucioni. Nuk i takojnë më njerëzve, nuk i takojnë më qytetarëve. As nuk hapin më dyert.

Sa prej jush nuk dinë më se ku ta qajnë hallin, se edhe zyrat që kanë qenë në nivel rajonal i kanë bashkuar dhe duhet të bësh 100 km rrugë për një formalitet. Një bujk, një fermer, një zejtar, një sipërmarrës i vogël apo një i punësuar i një sipërmarrësi të madhe të punëdhënësit të madh duhet të themi, duhet të dedikoje një ditë të tëre për te shkuar e për te ardhur si para 100 vitesh, më keq akoma si ne mesjete, më keq akoma se dhe atëherë kishte rregulla, që shërbimi nuk duhej të ishte me larg se sa të hipje kalit dhe të ktheheshe prap pa rëne muzgu. Mesjete institucionesh që nuk i takojnë njerëzve, politike pa fytyre njerëzore, sepse këto institucione tashme janë kalbëzuar dhe janë kthyer në shërbim të këtij grushti njerëzish, të vijmë tek e treta.

Detyra kryesore e këtyre institucioneve, çfarë është ? Të garantojë ekonominë e vendit, të garantojë punësimin, të garantojë mirëqenien, sepse pa to nuk ka shpresë, pa to nuk mund të ketë as gëzim as besim tek e nesërmja as harmoni mes njerëzve as harmoni brenda familjes dhe gjithë këtë depresion shoqërore është pasojë e një ekonomie te rrënuar për shkake të institucioneve te kapura nga një politike e pa fytyre njerëzore. Ju e dini këto fare mirë por këto plagë të cilat janë bëre kaq të thella ne trupin e Korçës qytetare, në trupin e gjithë Shqipërisë, nuk mund të luftohen me fjale. Këto duhen veprim urgjent dhe ky ishte thelbi i programit tonë që u ndal dhunshëm me 25 prill, institucionin dhe mekanizmin e parë që i kthen politikes fytyrën njerëzore dhe qytetareve institucioneve. Dhe kjo është përmes pastrimit te politikes, vetingut të politikaneve, largimit të politikës atyre që nuk justifikojnë dot pasurinë e tyre apo të familjareve tyre. Se qartazi ata kanë abuzuar me besimin e qytetareve dhe nuk meritojnë me as një minute të përfaqësojnë ata. Se dyti duke garantuar që gjithë politikanet dhe çdo politikan që vene në shërbim te tjetërsimit të vullnetit të Shqiptareve, krimin e organizuar mos dënohet me gjobë por të dënohet siç ju thash dje të rinjve në Tiranë me të paktën saç dënohen aq sa dënohen ne Itali 22 vite burg, pse? Italia me të drejte e ka kategorizuar prekjen e votës si kërcenim të sigurisë kombëtare, Pse? Njësoje si nga një sulm, nga një armik i huaj që mund të të pushtojë territorin, të të djeg shtëpinë, të të shkatërroje qytetet, të të skllavërojë rininë, të të vras. Po kështu edhe vrasja e votës, vrasja e zgjedhjeve, vret shpresën, vret ekonominë, vret besimin, vret mirëqenien, vret harmoninë, I fut në depresion, prindërit, familjet, dhe largon masivisht të rinjtë dhe shqiptaret nga vendi. Aty ku ka filluar e keqja aty duhet të filloje kura. Ndaj beteja jone që është dhe arsyeja e vetme pse ndodhim në atë parlament i cili nuk përfaqëson vullnetin e shqiptarëve sepse e kam thënë nga kjo sallë dhe do ti qëndrojë deri sa ta përmbyllim me sukses betejën tone 25 Prill nuk përfaqëson vullnetin e shumicës dërrmuese të Shqiptarëve.

Aty dhe kudo, kështu siç jemi sot, sonte në ketë salle e kudo tjetër në salle më të mëdha dhe më të vogla, beteja jone nuk bëhet për veten tonë, nuk bëhet as thjeshtë për familjet tone politike bëhet për shqiptaret dhe fillon nga garantimi i zgjedhjeve të lira dhe të ndershme, nga ndarja politikes me krimin. Ky është parakushti qe te kemi politikan qe te votohen dhe te hiqen nga qytetaret, sa janë gjithsej? 140 Parlamentar, aktualisht 61 bashkiak ndonëse ne duam dhe do të bëjmë gjithçka për një reforme territoriale qe ta kthejmë edhe njëherë pushtetin vendore jo ne luks për pushtetarët, por shërbim për qytetaret dhe kryerjen e disa institucioneve kushtetuese të gjithë këta duhet ti nënshtrohen një kontrolli të imtësishëm , të gjitha këta duhet të justifikojnë pasuritë e tyre secili prej tyre duhet të jete jo i paprekshëm, por i prekshëm i largueshëm nga zyra dhe i dënueshëm me burg në qoftë se vërtetohet se në atë zyrë e ka marrë me vendimin e krimit.

Dhe në këtë mënyre pastrohen ato rreshtat e parë e të dytë e te tretë, e të katërt e të pestë, të institucioneve që jenë zaptuar nga njerëz që nuk përfaqësojnë qytetaret e nuk kanë si ti shërbejnë qytetareve, qytetaria, shqiptaria, patriotizmi dashuria për vendin nuk janë vargje për tu recituar. Politikanet nuk janë poet as aktore qe te kalojnë me shume kohe ne facebook e ne TV, e ne tik tok.

Ata janë dhe duhet të jenë shërbëtor, misionarë. Diçka midis shërbëtorëve të Zotit, që sigurisht kanë punën e tyre dhe kanë respektin e pandashëm timin dhe jam i sigurt të të gjithë demokrateve dhe njerëzve të tjerë qe shërbejnë e duhet të shërbejnë, si; shëndetësia, arsimi, forcat e armatosura, rendi. Kush futet ne politikë, duhet të ketë minimalisht moralin e njërës prej këtyre kategorive, apo të gjitha të përmbledhura bashkë. Epo që të ndodhë kjo, gjëja e parë qe duhet të rregullojmë është; ata që iu përfaqësojnë të jenë të votuarit tuaj! Ku e ndjeni që s’iu përfaqësojnë më, ti shkarkoni me votën tuaj! Të rikthejmë votën e lirë në këtë vend! Të bëjmë të mundur që pushteti të shërbejë afër njerëzve! Pra, e para është reforma e sistemit zgjedhor, përfshirë vettingun e politikanëve! E dyta është reforma territoriale! Kudo ku shkoj, po dhe këtu në Korçë, sa herë kemi biseduar për efektet kolaterale shkatërrimtare që ka sjellë përqendrimi i pushtetit në pak duar, dhe përqendrimi i pushtetit vendor në tre-katër bashki.

E kuptoni se përse e bën? E bën gjoja se do prisnin me 60 milionë euro shpenzimet, se paguheshin shumë, merrnin shumë njerëz rroga. Sot harxhojnë 180 milionë më shumë për rroga, sepse paguhen 4-5 herë më shumë të punësuar, se përpara të ashtuquajturës reformë. Sepse nuk është reformë! Nuk është për ti shërbyer njerëzve, por është për të rrëmbyer nga njerëzit! Së pari pushtetin, dhe përmes pushtetit, paratë e tyre. Dhe kështu vjen hap pas hapi skllavërimi!

Në vend që liria e fituar, në 1990, nga sakrifica e rinisë, të fillojë të zgjerojë hapësirat, ajo i tkurr ato. Dalëngadalë. Njëra pas tjetrës bien institucionet, bien zërat e lirë, shtypen intelektualët dhe elita, sepse mendojnë të pavarur. Zvogëlohet dhe goditet shtresa e mesme me taksa të larta, sepse dhe ajo ka shanse të jetë e pavarur ekonomikisht. Goditet fermeri, i cili po kështu, njësoj si në kohën kur i thërrisnin kulak, ka mundësinë të krijojë pavarësi ekonomike. Asfiksohet rinia, përzihet rinia, largohet nga vendi, sepse regjimet autokratike e kanë frikë rininë, energjinë e rinisë, pasionin e rinisë për liri, për demokraci, për të vërtetën. Dhe pastaj goditet opozita! Si goditet? Duke bërë pakte të hapura dhe të nëndheshme. Pakte të cilat i kanë rrënjët te një e shkuar. E shkuar, dua ti them unë, por ja që e kemi akoma mes nesh. Një kulturë e linçimit, e urrejtjes, e intrigës, ndaj çdokujt që i bie ndesh këtij plani, për ta mbajtur Korçën dhe Shqipërinë, në duart të një grushti njerëzish. Plani është i qarte! Kapim pushtetin politik! Përmes pushtetit politik, pushtetin ekonomik, përmes tij diktojmë mediat për tru-shpëlarje. Është pak më i komplikuar se përpara, kur kishte një komision të planifikimit qendror te ekonomisë, një televizion që transmetonte katër orë propagandën e partisë dhe një parti-shtet. Por nuk është kaq e ndryshme praktika. Sot është një ditë e vështirë për ne, sepse edhe brenda familjes tonë, kanë dalë një pakicë, siç u tha këtu disa herë, e tha Mustafai më duket, përfituesish. Përfituesish, mbi sakrificat e demokratëve, të cilët për hir të interesit të tyre personal, duan të shkelin mbi sakrificat e demokratëve dhe të shkelin mbi vendimin tuaj të madh; “ Zgjedhim të ardhmen”.

Duan të na mbajnë këtu, duan të na çojnë pas, duan të asgjësojnë të vetmen shpresë për shqiptarët ndryshim. Dhe për të bëre këtë nuk kursejnë asgjë kundër demokrateve madje kanë shkuar edhe me teje se kundërshtari politike, në sulmet që bëjnë, virtuale, fizike, në çdo formë me gënjeshtra, me shpifje, sot fokusi duhet të ishte tjetër kund. Kujt i shërbehet në këtë mënyrë? A i shërbehet Shqipërisë në një kohë kur ne jemi mes të denoncimit të aferës shekullit, siç është ajo iniciatorëve? A nuk duhet të flisnim sot dhe të ngriheshim, të bujqësitë Shqipëria nga zemërimi që vetëm para dy ditësh, i pari i qeverise ka marrë charterin dhe ka shkuar e ka ardhur me charter diku dhe i kushtonte minimumi 120.000 Euro një fluturim. A e dini ju këtë? A e dini apo jo? Jo, s’keni nga ta dini sepse TV i mbushin me propagande kundër familjes sonë politike. Duan të harrohet afera e inciniatoreve, a e dini ju se sot 2 prej personazheve incenatoreve, 2 dëshmitar kyç që potencialisht mund te çojnë prapa hekurave gjysmën e qeverise janë në kërkim ndërkombëtarë, janë shpallur sot në kërkim ndërkombëtare ,a e dini? S’keni nga ta dini. Sepse trekëndëshi i Bermudës bën teatër, shpif dhe shpik nga mëngjesi deri në darkë, që të mos merremi me skandale e korrupsionit, mos ti tregojmë të vërtetat Shqiptarëve, mos ti tregojmë se ku zhduken milionat qe ju marrin nga xhepat, që nuk kthehen as në subvencione për fermerët as taksa të ulëta për biznesin , as për mbështetje për eksportin as në mbështetje për arsimin.

Sa here kam qenë këtu ne Universitetin e Korçës, ku bukuria e rinise korçare është e pranishme sa here kam qene. Jam i lumtur shumë që kam mbështetjen tuaj. Është një frymëzim i jashtëzakonshëm për mua, mos kujtoni se nuk e vlerësojë por kështu ju garantojë se nuk tërhiqem as një hap pas sepse sharjet, fryrjet , shpifjet qe bëjnë ndaj jush, ndaj demokrateve të thjeshte, ndaj demokrateve te sakrificës, qe i bëjnë për të na ulur kokat për të vjedhur shqiptareve dhe pastaj për ti gënjyer ata le ti bëjnë 10-fish, 100 – fish ndaje meje ja ku jam asgjë s’me bëjnë. Me te forte me bëjnë, me te vendosur, me bëjnë,  i pranoje me kënaqësi me te madhe si peshën e sakrificës dhe pesha e sakrificës qe duhet marrë çdo kush që merr përsipër atë që ka marrë përsipër me votën tuaj, ta çojë PD-ne dhe Shqipërinë atje ku e meriton drejt Evropës.

Dhe ky është momenti ku dua ti kërkoj falje atyre që na ndjekin përmes medias dhe t’ju shpjegoje qe nuk ka arsye tjetër për ngritjen e zërit përveç faktit që shpesh here ky entuziazëm me rrëmben dhe mua dhe mendoj se nuk dëgjohem, e di qe dëgjohem e di që mesazhi përcillet në TV apo ne radiot qe na ndiqni ndaj këtë shpjegim kisha. Ky entuziazëm më rrëmben dhe mua dhe rrëmben sytë dhe veshët e mi ndonjëherë ngrejë dhe zërin para TV, por dua t’jua them me një zë të qartë dhe të prerë. Nuk ka asnjë hap pas në këtë mision për të zgjedhur të ardhmen sepse një hap pas do të thotë ti biesh ndesh vullnetit demokrate dhe për të zgjedhur të ardhmen, ti biesh ndesh shpresës se vetëm Shqiptareve që është PD. Një hap pas do të thotë të shkosh në të shkuarën ndaj është kjo detyrë që e kam pranuar dhe e pranojë me përulje por edhe me vetëdije se më takon të sakrifikojë më shumë se të gjithë, por se të gjithë bashkë këtë sakrificë nuk e bëjmë për asnjë njëri të vetëm por për Shqipërinë dhe fëmijët e Shqiptareve.

Ndaj, të dashur miq, në mes të kësaj tollovie ku përpiqen të fusin partin demokratike qe ta zgjasin edhe më shume zgjedhjen mbi Shqipërinë ne kemi një detyre te jemi me të qartë, më të kthjellet më të vendosur se kurrë. Dhe planet tona ti bëjmë dite për dite realitet. Ata kane për arme gjithë të ligat e botës, gënjeshtrat, shpifjet, mashtrimet , urrejtjen, linçimin. Ata kane për mjete gjithçka që të ofron pushteti apo kur je paterice apo kur je tub oksigjeni pushteti. Gjithçka, institucionet, mediat e kapura por ata nuk kanë diçka dhe nuk do ta kenë kurrë. Nuk kane zemrat e shumicës shqiptareve sepse e vërteta është me ta, e vërteta është me ne, e vërteta është me shumicën e shqiptareve dhe e vetmja gjë qe duhet te bëjmë është ta flasim këtë të vërtete ashtu siç është. Shikoni si i ndryshojnë historitë sa njeri sa tjetri, çfarë thonë ne mëngjes nuk thonë në darke. Pse? Se të mbash një gënjeshtër në këmbe nuk është e lehtë ndërsa ne ja ku jemi shihemi sy nder sy. Jam i hapur dhe i gatshëm ti përgjigjem çdo pyetje, çdo ballafaqimi sepse në partinë tonë do të ketë gjithmonë vend për mendimin. Në partinë tonë  ka, duhet të ketë  dhe do të ketë gjithmonë vend për mendimin ndryshe, po, për mendimin kundërshtues, po, për debatin po, madje sa më të zjarrtë se nga debati lindin dhe idetë më të mira për të nesërmen , për garën po, por kurrë për dhunën , kurrë për shpifjen, kurrë për linçimin, jo brenda demokratëve, jo brenda njëri tjetrit dhe jo mes shqiptarëve. Kjo është kultura politike evropiane, që rrezaton e ka rrezatuar Korça me qytetarinë e saj dhe dega e Partisë Demokratike të Korçës, si në ditët e saj më të mira edhe në ditë të vështira. Dhe unë e di që po e gjeni brenda vetes tuaj prerë forcën, vlerat për të rrezatuar përsëri këtë  kulturë qytetare, evropiane, shqiptare, kombëtare të debatit, të dialogut, të përballjes, të vendosjes me garë, me votë dhe të besimit që jepet dhe merret në bazë të veprave dhe jo të fjalëve. Veprat që ne mund të bëjmë në këtë vend  janë përtej imagjinatës të të dëshpëruarve  që janë sot shumica në Shqipëritë atyre që u kthyen në muzg nga puna nëpër ara , të atyre mijëra qytetarëve  korçarë që kanë vite që nuk i gjej rrugëve të qytetit, as në verë , as në dimër, pas orës 6, 7 apo 8 të darkës pavarësisht nga sezoni. Po Shqipëria është një vend i mrekullueshëm  me potenciale të jashtëzakonshme. Kaq bukur e thanë të rinjtë, nuk jemi një vend i varfër, por jemi një vend i vjedhur. Hapat që duhet të hedhim janë të dhimbshëm, kërkojnë vendime te forta, por ne jemi njerëzit e vendimeve te mëdha.

Ju jeni njerëzit e vendimeve të forta, që e kanë çuar Shqipërinë përpara. Dhe së bashku kemi zgjedhur ta çojmë këtë rrugë deri në fund, deri në realizimin e misionit me te cilin kemi lindur, apo jo?! Që nuk është thjesht një fjalë. “Shqipëria si gjithë Europa” është shumë më shumë se sa një fjalë. Është cilësi evropiane e jetës, është sistem arsimor nga parashkollori tek universitari evropian, që e përgatit rininë, për tu futur në një treg pune normal. Është një trajtim të paktën njësoj si Kosova dhe Maqedonia e Veriut i fermerëve. Është një shëndetësi, që nuk i le njerëzit për një shiringë. Sepse qeveria e ka lënë në nivele mesjetare dhe afrikane. Të gjitha këto janë të mundura, por asgjë nuk është e mundur pa ndryshuar politika. Dhe politika mundet dhe do të ndryshojë, atëherë kur ti zbrazim karriget nga politikanët e korruptuar. Atëherë kur ti mbushim këto karrige me djem dhe vajzat e Korçës e mbarë Shqipërisë, që nuk vijnë për të marrë, por vijnë për të dhënë e për të shërbyer. Ky është misioni i familjes tonë politike! Ky është misioni që kemi marrë të gjithë së bashku mbi supe. Dhe këtij misioni i qëndrojmë nga kjo sallë. Me këtë mision shpërndahemi sonte, në lagjet e bukura të Korçës, në shtëpitë tuaja sonte dhe nesër, në takimet me miqtë, komshinjtë, bashkëqytetarët tuaj, e po kështu, siç e thashë nga sinori i parë i hyrjes në qark, nga Lini i Pogradecit deri në Leskovik, nga Bilishti e deri në fshatrat  më të thella të Mokrës, e në Pogradec sigurisht. Për t’iu thënë shqiptarëve, ajo që na ka mbledhur këtu, është jo thjesht shpresa, por besimi tek Shqipëria, besimi tek shqiptarët. Askush nuk ka ardhur këtu për hallin e vetë. Është kështu apo jo? Ka ardhur njeri këtu për hallin e vetë? Jemi këtu për hallin e shqiptarëve.

Nuk luftojmë për hallin e askujt, por jemi gati të bëjmë çdo sakrificë për hallet, shpresat, aspiratat e shqiptarëve. Ndaj, siç më jepni frymëzim dhe forcë në salla të mbushura si këto nga Fieri në Kurbin, Durrësi në Korçë, në takime të tjera, në formate edhe më bashkëbiseduese, që shpresoj së shpejti do t’i kemi, le ta shpërndajmë këtë frymë kudo. Frymën e ndryshimit që nuk mund të ndalet, vizionin. Si do ta bëjmë këtë ndryshim? Përmes reformave elektorale, territoriale, vettingut të politikanëve, garantimit të pastrimit të politikës nga ata që se kanë vendin aty, politikës me fytyrë njerëzore që komunikon me njerëzit, që i njeh dhe i prek hallet e tyre dhe jep zgjidhje të vërteta, jo përrallat e sezonit. Dhe përmes tyre një ekonomi që garanton mirëqenien, duke luftuar armikun numër një të mirëqenies, korrupsionin. Që siç e patë dhe sot në raportin botëror, e rendiste Shqipërinë keq e mos më keq. Ky është misioni, kjo është rruga, kjo është domethënia e asaj që votuam në Kuvendin tonë Kombëtar, Zgjedhim të Ardhmen. Për këtë jemi mbledhur sot këtu, po apo jo? Ndaj ju ftoj ta vazhdojmë hap pas hapi, krah më krah njëri-tjetrit, me zemrat e çliruara nga dufi, nga inati. S’kemi ne inate, s’kemi ne dufe. Ne kemi dashuri për Shqipërinë dhe shqiptarët, zemrat tona janë të hapura për këdo që do t’i bashkohet rrugës tonë, edhe ata që nuk e kanë kartën e Partisë Demokratike pas vendimit të Kuvendit. Profesor, intelektual, sportistë, sipërmarrës, të rinj, të reja, njerëz, qytetarë që duan të vijnë dhe të kontribuojnë në këtë rrugë, janë të mirëseardhur, e në veçanti janë të mirëseardhur demokratët e sakrificave që mund ta kenë humbur rrugën për pak kohë për shkak të interesave personale të një njeriu të vetëm. Atyre edhe nga Korça le t’iu themi, dora jonë është e shtrirë, zemrat tona janë të hapura për të ecur bashkë në rrugën drejt të ardhmes! Mund të futesha edhe në disa çështje të tjera, por ky nuk është takimi ynë i parë dhe me ndihmën e Zotit dhe me vullnetin e demokratëve, nuk është as takimi ynë i fundit. Ndaj më lejoni edhe një herë nga zemra t’iu falënderoj që në këtë ditë të acartë të janarit në Korçë, keni ngritur peshë zemrat e shqiptarëve nga Vermoshi në Konispol, siç ka ditur t’i ngrejë përherë Korça e qytetarisë, Korça e kulturës, Korça e begatisë intelektuale dhe e bukurisë estetike dhe shpirtërore, e elitës së mendjes dhe shpirtit të shqiptarëve ku jam i nderuar dhe mirënjohës për pritjen tuaj, për besimin tuaj dhe për shpresën tonë të përbashkët, për të ecur përpara drejt të ardhmes. Zoti ju bekoftë ju dhe familjet tuaja, Zoti e bekoftë Shqipërinë! Faleminderit!

Sulmet e Sali Berishës kundër demokratëve janë të padenja, por fatmirësisht, të padëmshme. Ato mbeten mashtrime të një politikani me karrierë të mbaruar dhe të mbyllur me turp! Agron Kapllanaj është një nga demokratët më të votuar dhe më të respektuar në zonën e Fierit.

Agron Kapllanaj ka zgjedhur PD dhe demokratët, prandaj sulmohet paturpësisht nga Sali Berisha. Asnjë mashtrim i Sali Berishës nuk e ndryshon dot faktin se demorkatët kanë zgjedhur të ardhmen, jo hallin e tij personal. Demokratët po e braktisin dita ditës.

Se me kë po i ndërton pallatet Edi Rama dhe Erion Veliaj tek 5 Maji, Sali Berisha duhet të pyesë familjarët e tij. Kush është miku trafikant droge në Spanjë që në kundërshtim me ligjin ka fituar tenderin e rindërtimit nga Erjon Veliaj? Pse e fsheh Sali Berisha me mashtrime?

E vërteta që do të dal shumë shpejtë është aq e dukshme, sa shpifjet e Sali Berishës nuk e mbulojnë dot. ✌️🇦🇱

Duke e konsideruar qarkun Shkodër si një nga qarqet më të rëndësishme për Partinë Demokratike, Kryetari i Partisë Demokratike ka vlerësuar se qarku Shkodër ka të domosdoshme drejtimin nga një funksionar i lartë i PD dhe ka zgjedhur si Drejtues Politik të qarkut Shkodër, Nënkryetarin e PD dhe Kryetarin e Grupit Parlamentar z. Enkelejd Alibeaj.

Duke falenderuar z. Helidon Bushati për rolin dhe përgjegjësinë e marrë në drejtimin e qarkut gjatë betejës elektorale të 25 Prillit dhe fokusimin e tij aktual tek beteja parlamentare kundër regjimit të korruptuar të Edi Ramës, Kryetari i PD shpreh bindjen se me drejtimin e ri politik, Partia Demokratike në Qarkun e Shkodrës do të jetë bastion i fuqishëm i PD dhe në krye të fitores së PD në gjithë Shqipërinë.