Blog

DEKLARATE E PARTISE DEMOKRATIKE, DEPUTETI ARBI AGALLIU

Raporti i organizatës prestigjoze Transparency International konfirmoi atë që cdo shqiptar di dhe ndjen në jetën e përditshme: që korrupsioni i përhapru në cdo nivel të qeverisë Rama është armiku numër një i mirëqënies së qytetarëve të vendit tonë.

Përkeqësimi i Shqipërisë në indeksin e korrupsionit tregon pse Shqipëria ka kaq pak investime të huaja, pse sipërmarrësit e ndershëm nuk konkurojnë dot në ekonominë putiniste të ndërtuar nga Edi Rama, pse qytetarët paguajnë më shumë taksa se kurrë më parë dhe marrin më pak shërbime, pse borxhi rritet përtej cdo kufiri të përballueshëm dhe pse ky borxh i marr në emër të shqiptarëve nuk kthehet në mirëqeine dhe investime në dobi të taksapaguesve të këtij vendi.

Ky përkeqësim i përvitshëm dhe alarmues i korrupsionit, është arsyeja pse shqiptarët e bekuar me burime të shumta natyrore, mbeten qytetarët me të ardhurat më të ulëta në Rajon dhe azilkërkuesit më të shumtë në dyert e Europës.

Korrupsioni, si armiku i mirëqenies së shqiptarëve, e ka kthyer Shqipërinë në një vend të pajetueshëm.

Përgjegjësi i kësaj gjendje, i ngecjes së Shqipërisë në vendnumëro nën morsën e korrupsionit, është pushteti absolut dhe antidemokratik i Edi Ramës, i cili mban i vetëm frerët e një qeverie që tregohet me gisht në raportet ndërkombëtare dhe në ato të organizatave prestigjoze si më e korruptuara në Europë.

Një nga shembujt më flagrant të korrupsionit qeveritar, është afera e inceneratorëve, për të cilën qytetarët vijojnë të paguajnë me taksat e tyre pronarët në kërkim ndërkombëtar të impianteve, që sot janë skenë krimi.

Kjo gjenjde paligjshmërie dhe pandershmërie duhet të marr fund.

Për Partinë Demokratike lufta kundër korrupsionit është interes kombëtar.

Ne jemi të vendosur t’i japim fund pandëshkueshmërisë, për të çliruar vendin dhe institucionet e tij nga të korruptuarit.

Vullneti ynë politik është i qartë dhe nismat tona ligjore për t’u përballur me këtë armik të mirëqenies së shqiptarëve nuk do të pengohen nga një grup i vogël njerëzish që do ta mbaj Shqipërinë kështu sic është, dhe jo sic e do shumica dërrmuese e shqiptarëve që kërkon një të ardhme më të mirë.

Dita ka filluar me një axhendë të ngjeshur për mua, por në çdo moment të agjendës e dija që në orën 5 kisha takim me të rinjtë e Forumit Rinor të Partisë Demokratike. Dhe me çdo orë që i afrohesha këtij takimi, me zi më zinte vendi.

Kur u futa në këtë sallë, e kuptova se ndjesia që kisha është mëse e përligjur dhe shkëlqimi në sytë e mi, Marsid, është për dy arsye: e para e punës kur shoh shkëlqimin në sytë tuaj që rrezaton shpresën për këtë vend, përmes rinisë, përmes demokracisë, që do të thotë përmes Partisë Demokratike dhe Forumit Rinor, të gjithsecilit prej jush këtu në këtë sallë dhe ata jashtë kësaj salle që përfaqësoni.

Dhe e dyta, e kam thënë dhe në takimet e tjera, ta përsëris dhe në këtë takim: Si do të jetë Partia Demokratike sot, do të jetë Shqipëria nesër. Shikojeni Partinë Demokratike, shikojeni Forumin Rinor të Partisë Demokratike, Në një nga ditët më të shkurtra të vitit, në një nga ditët më të ftohta të vitit, në një nga ditët më të vështira për Shqipërinë në këto 30 vite, kohë të vështira ekonomike, kohë të vështira sociale, kohë të turbulluara politike dhe shikoni pastaj këtë sallë plotë me shpresë, plotë me entuziazëm, plotë me besim, plotë me vendosmëri, për të mos e dorëzuar Shqipërinë tek e nesërmja.

Prandaj i kam sytë e qeshur dhe plotë shpresë Marsild. Ermal, kur iu drejtove dhe i pyete të rinjtë a mund të ecim përpara me të vjetrën, përgjigjja që oshëtiu nga salla, është përgjigjja që jep çdo i ri, çdo e re. Edhe ata që nuk janë anëtarë të Forumit, nuk janë të angazhuar politikisht, apo ndoshta janë angazhuar në anën tjetër, në anën e kundërshtarit tonë politik. Ka ardhur koha t’i ndajmë fjalët nga veprat. Fjalë thotë çdokush, veprat na diferencojnë. Me fjalë, gjithsecili është më i miri i botës ose më e mira e botës, por janë veprat ato që përcaktojnë se sa të vërtetë jemi. Dhe fjala e parë është t’i bëjmë vend rinisë. Si do t’i bëjmë vend rinisë, pa më thoni pak. Në qoftë se dikush që ka gjithë jetën në politikë  nuk e lëshon karrigen, përkundrazi, mbahet me thonj. Në qoftë se e mbajnë në rreshtin e parë të salduar pas vetes, po edhe në rreshtin e dytë, edhe rreshtin e tretë, edhe rreshtin e katërt me fije të dukshme e të padukshme. Ata që nuk bien  dakord për asnjë gjë, për një gjë bien  dakord, mos të lëshojnë karriget.

Nuk bien  dakord për asgjë, për një gjë bien dakord, mos të bëjmë vetting të politikanëve. Pse? Sepse po u bë vettingu i politikanëve, e sigurt është që shumë karrige do të zbrazen. Dhe në ato karrige, duhet e do të vijnë politikanë të rinj, rinia shqiptare që do t’i dalë për zot vendit. Dhe efekti i kësaj që do të vij dhe do të vij patjetër dhe ju e dini që do të vij, prandaj jeni këtu sonte apo jo? Nuk jemi sonte këtu thjesht për të mbajtur fjalime apo për të parë njëri-tjetrin, megjithëse edhe kjo do të mjaftonte për të më kënaqur e për t’i bërë sytë e mi të qeshur, por nuk jemi këtu vetëm për këtë. Jemi sepse ju besoni. Besoni që në atë moment, në ato karrige që i takojnë rinisë. Dhe karrige e kam fjalën për vendimmarrje. Vendimmarrje politike që i takon rinisë. Atëherë 10, 100, 1000 herë më shumë seç jeni në këtë sallë, nuk do të mendojnë të ikin, por do të mendojnë të qëndrojnë e të përfaqësohen nga më të mirët e brezit tuaj. Që forca juaj ka ndryshuar Shqipërinë, për këtë dëshmia e parë është vet Partia Demokratike. Ne, demokratët, partia jonë, familja jonë, është vepër e rinisë studentore dhe e rinisë shqiptare.

32 vite më parë, ishte rinia shqiptare e vetmja që pati guximin. Në një kohë që nuk i përngjante asnjë kohe që mund të imagjinoni, në një vend që nuk i përngjante asnjë vendi në Evropë, edhe atyre që ishin komunist, për nga frika që u kishte futur njerëzve, për nga dëshpërimi që i kishte futur njerëzve. Të vetmit që patën guximin të ngrihen ishin të rinjtë, po pastaj iu bashkuan dhe të tjerë dhe u kthyen në një lëvizje të pandalshme. U kthyen në një lëvizje që shndërroi diktaturën në një tigër prej letre dhe brenda muajsh e detyroi jo vetëm të pranonte pluralizmin, por dhe të dorëzonte pushtetin e marrë dhe të mbajtur me anë të frikës dhe të terrorit. Ëndrrat e asnjë rinie nuk janë realizuar. Shumë prej tyre nuk i kemi në Shqipëri, por i kemi në emigracion. Të njëjtin fat e presin shumë prej shokëve, bashkëmoshatarëve tuaj. Nëse

Shqipëria vazhdon të qëndrojë kështu siç është sot, me premtime të pambajtura prej 31 vitesh. Me politikanë që u plakën e duan të vdesin në karrigen e pushtetit. Duke filluar nga ky. Ka 6 vite që thotë do ta lë politikën, do ta lë politikën dhe çdo vit shpik marifete, truke dhe bën krime elektorale për të marrë më shumë pushtet, për të gllabëruar çdo pushtet. Pse? Sepse pushteti pa masë, pushteti pa kufij, korrupton pa kufij. Është natyra e pushtetit dhe është natyra e njeriut. Jo më kot vendet më demokratike të botës, kanë vendosur kufij. SHBA-të, kushdo qoftë individi, thonë jo më shumë se dy mandate. Dhe këtë kam propozuar dhe unë, këtë propozon dhe Partia Demokratike. Më i zoti në botë të jesh, dy mandate. Po nuk realizove dot për dy mandate, atë që ke pasur si vizion, atë që ke premtuar ti dhe ekipi yt, atëherë ka ardhur koha t’i lësh vendin dikujt tjetër.

Vetëm vendosja e rregullave të tilla, do të mundësojë të kalojmë nga fjalët tek veprat. Dhe ne e kemi një plan i cili të kalojmë nga fjalët tek veprat, i cili përbëhet nga shumë komponent dhe nuk kam ndërmend të zgjatem më shumë. Me disa prej tyre ju jeni njohur gjatë fushatës së 25 prillit. Dhe në qoftë se disa prej tyre do kishin qenë, nuk do ishte bërë masakra zgjedhore e 25 prillit. J’ua thashë në fillimi, vettingu i politikanëve. Çfarë do të thotë kjo? Kjo do të thotë që ata 200, apo 220 njerëz kryesorë politikë, në mënyrë të detyrueshme t’iu bëhet vetingun i pasurisë dhe i lidhjeve me botën e nëndheshme. Atë që kërkojnë për gjyqtarët, prokurorët, policinë, noterët, marangozët, çiklistët, bletarët, peshkatarët, po e bëj për të qeshur, por nuk është për të qeshur, e kërkojnë për të gjithë vetëm për veten e tyre nuk e pranojnë. Nuk e pranojnë, pse? Sepse për atë që u thashë: Sepse sot në politikë nuk numërohen me gishtat e një dore, por janë shumë, shumë ata të cilët nuk përfaqësojnë interesin e njerëzve. Ata që nuk justifikojnë pasurinë apo burimet e pasurisë së tyre. Ata që kanë ardhur aty si vullnet i botës së nëndheshme të krimit dhe jo si vullnet i qytetarëve.

Dhe kur të bjerë “ding dongu” i vettingut në politikë, të gjithë ata detyrojnë të lirojnë karriget e tyre, të cilat iu kthehen qytetarëve. Së dyti, kufizimi i fatit të të qëndruarit në pushtet. 2 mandate për kryeministrin, meqë është edhe zyra më e fuqishme e shtetit. Dy mandate dhe pas kësaj të ketë një qarkullim. Mund të jetë e njëjta parti të cilës i besohet vota, mund të mos jetë e njëjta parti, s’ka rëndësi, dy mandate. Atë që se ke bërë dot realitet për 2 mandate, për 8 vite, nuk e bën dot realitet për më shumë. Përkundrazi, degradon. Ja ku i keni provat. Një qeveri, e cila mbahej pas pushtetit dhe që sillte kosto të jashtëzakonshme tek njerëzit, duke përfshirë tek rinia, tek rinia studentore dhe jo vetëm, shikoni si ka humbur çdo lidhje me realitetin. Çdo tipar të dhembshurisë njerëzore. Çfarë mund të presësh? Pushteti korrupton, pushteti absolut korrupton në mënyrë absolute. Kufizimi i mandateve, vettingu në politikë, janë instrumente për ta pastruar politikën, për ta bërë atë më llogaridhënëse, por edhe për ta hapur vendin për të rinjtë. Si ndryshe mund të vij rinia dhe të marrë përgjegjësitë që kërkon dhe që i takojnë? Si ndryshe mund të eci vendi përpara? Po cila është themeli i të gjitha këtyre? Pse na ndodhin të këqijat që na ndodhin? Themeli janë zgjedhjet. Themeli është vota. Ndaj kemi propozuar që, edhe sanksionet për shkatërrimin e zgjedhjeve në Shqipëri të bëhen të paktën po kaq të forta sa në Itali. Një vend që është anëtarë i Bashkimit Europian. Ku cilësia e jetës është ku e ku krahasuar me Shqipërinë. E kanë pasur atë problem dhe si e kanë zgjidhur. Nuk dënohesh me gjobë, jo. Në qoftë se një politikan kapet duke blerë vota, duke bashkëpunuar me mafien, duke blerë vota, duke blerë mandatin, dënohet deri në 20 e ca vite burg, 21 apo 22 vite burg. Pse? Pse një dënim kaq i rëndë, pothuajse sa një vrasje. Sepse vret shpresën. Kur vret zgjedhjet, vret votën, vret shpresën. Si e vret? Ja pra duke kapur pushtetin. Një politikë që kap pushtetin me mjete të tilla, nuk ka fytyrë njerëzore. Sado që të trukohet, çfarëdo që të bëjë, sido që të vishet, sado bukur të aktrojë, të recitojë, të ngërdheshet, nuk ka fytyrë njerëzore. Dhe Shqipërisë i duhet një politikë me fytyrë njerëzore dhe kjo është një nga arsyet kryesore pse i duhet rinia. Sepse i duhet kjo që po ndodh tani që mund të duket për disa një përplasje politike. Jo, jo. Kjo është një përplasje brezash dhe një përplasje kulturash.  Rinia nuk di të flasë me gjuhen e shpifjes, të gënjeshtrës, të përçmimit. Nuk di të linçojë, ka një tjetër kulturë. Di edhe kur është e zemëruar ta shprehë atë siç e shprehën studentët edhe në dhjetorin e 90’ës edhe në dhetorin e 2018-ës,  di ta mbledhë zemërimin, por di ta mbledhë atë me një forcë të papërfytyrueshmë, por edhe të bukur në të njëjtën kohë.  Nuk ka zemërim më të bukur e ai i rinisë, është ai që ka ndryshuar Shqipërinë, është ai që do ta ndryshojë Shqipërinë.

Ndërsa kjo tjetra nuk është zemërim, është hidhësi, është përçmim, është mungesë respekti për njëri-tjetrin. Por ti mund të mos jesh dakord me njëri-tjetrin, por duhet  ta respektosh njëri-tjetrin, kjo është shoqëria, kjo është  qytetaria, ky është  komuniteti, kjo është shoqnia. Po pse të gjithë dakord me njëri-tjetrin jeni ju kur  jeni si shokë apo si shoqe në grupe? Sigurisht që jo. Po çfarë do të thotë kjo? Ku dikush shpreh një mendim ndryshe i suleni me fjalët më të ndryra që ka fjalori? Jo, absolutisht. Rinia shqiptare, kudo ku është, para kamerave, në media, jashtë medias, në sport e kudo ka një tjetër mënyrë komunikimi që e ruan edhe kur ka ndryshim mendimi respektin për njëri-tjetrin, dinjitetin e njëri-tjetrit. Prandaj ardhja e rinisë është domosdoshmëri sepse është pjeë e kësaj që po ndodh që është pjesë e një ndryshimi të thellë kulturor, është ndryshim midis një kulture të kaluar ku po s’mendove si unë nuk vlen 2 lek, je tradhtar, je i shitur, je i marrë peng, je serb, je grek, je i pabesë, besëprerë, besësharruar, besëngjitur, besëthyer. Pse? Pse s’mendoj si ty? Ne maksimumi mund t’i pranojmë këto sloganet në statium nëpërmjet tifozëve, por në jetën e përditshme a mund të bëhet përpara pa pranuar mendimin ndryshe? Po pse u ngrit rinia para 30-vitesh? Pikërisht për mendimin ndryshe, përndryshe rrinim me një parti, me një mendim dhe e pamë se ku shkuam. Sa mirë ju që nuk e mbani mend. E dini ku shkuam apo jo? Me keq se Afrika, as bukë nuk kishte për të ushqyer popullsinë. Pyesni prindërit se ku përfunduam. Aty do të shkojmë prapë? Në një Shqipëri  që është në grupin e 5 njerëzve? Një politikë me fytyrë njerëzore mund të burojë vetëm nga vota e lirë. Vota e lirë mund të garantohet vetëm atëherë kur drejtësia dhe ligji të bëjnë të mundur që politikanët që  prekin votën të mos kapërdisen që e morën votën në emrin e tyre të shkojnë atje ku e kanë vendin dhe jo për 6 muaj, por për aq sa i çon Italia, për 22 vjet.

Pjesë e reformës tonë politike është kjo, vetingu në politikë, forcimi i sanksione për ata që vënë dorë mbi votën e shqiptarëve. Kush prek votën e shqiptarëve, ka prekur fëmijët e shqiptarëve, ka prekur ardhmen e shqiptarëve. Dhe ja ku i kemi provat sot, ja ku e kanë katandisur vendin dhe këtu duan ta mbajnë. Kështu e duan Shqipërinë , jo kështu siç jemi këtu ne sonte. Ky është tmerri i tyre, ky është ankthi i tyre. Një sallë e mbushur me të rinj jo për koncert, as për zbavitje, por me plane politike, me plane politike për Partinë Demokratike, me vizion  politik personal, me vendosmëri për të mos u dorëzuar, por për të qëndruar, për të luftuar dhe për të fituar

Ne këtë do bëjmë, ky është plani ynë. Le ta shpallim para të gjithëve, nuk e kemi plan sekret S’mbajmë ne sekrete. Le t’ia themi çdo shqiptari e në veçanti të rinjve shqiptarë, t’i kthejmë politikës fytyrën njerëzore, duke nisur me fytyrën e rinisë shqiptare. Politika me fytyrë njerëzore do t’ia kthejë institucionet e shtetit shqiptarëve se sot vetëm të shqiptarëve nuk janë. Dhe kur institucionet nuk janë të shqiptarëve, ku institucionet i ka kapur një grusht njerëzish çfarë ekonomie mund të kesh në këtë vend. Nuk ka ekonomi dhe kur s’ka ekonomi xhepat janë bosh, tavolinat janë bosh, shtëpitë janë bosh, zemrat janë bosh. Nuk mund të ketë ekonomi të zhvilluar me institucione që nuk ju takojnë qytetarëve dhe  ky është një tjetër element pjesë e rëndësishme e vizionit politik të Partisë Demokratike, politikë me fytyrë njerëzore, çlirimi i votës përmes sanksioneve  ndaj politikanëve, vetingu i politiknëve, afatet jo më shumë se 2 mandate. Këto do të ndihmojnë që institucionet t’u kthehen shqiptarëve e në veçanti rinisë shqiptare. Dhe vetëm kjo do të bëjë të mundur sigurisht përmes vizioneve të ndryshme që Shqipëria të kenë një ekonomi që t’i mbajë të rinjtë këtu. Këtu nuk i mbajnë llafet, por këtu i mbajnë veprat, këtu mund t’i mbajë vetëm një sistem arsimor i cili i përgjigjet kërkesave të kohës. Çfarë na mungon ne? Arsimi ka diçka ndryshe, edhe po të kesh arsimin më të mirë në botë në qoftë se studenti nuk do të mësojë, s’do të mësojë e s’ke çfarë të bësh, hidh miliarda ti po nuk ke çfarë të bësh. Dhe ka vende, pa e thënë se cilat që e kanë këtë. Hedhin miliarda dhe produkti është mediokër. Shiko shqiptarët, kur jepet mundësia nga familje të shtresës së mesme apo edhe të varfëra se si shkëlqejnë në universitetet më konkurruese të botës. Kjo do të thotë që ne duhet të investojmë tek arsimi si një urgjencë kombëtare. Është po aq e rëndësishme sa mbrojtja kombëtare. Siç është mbrojtja për të mos u pushtuar nga një armik, që sot është edhe më e sigurtë se kurrë falë faktit se jemi anëtarë të NATO-s, falë Partisë Demokratike që mos pushtohemi përfundimisht nga depresioni ekonomik që sjell shkatërrimin e vendeve të punës, papunësinë dhe largimin e  e rinisë, na duhet investimi tek arsimi sepse kemi një rini të mrekullueshme e cila me një investim të duhur në arsim është e gatshme për sfidat dhe mundësitë që ofron shekulli 21, për një punësim dinjitoz këtu në vendin e tyre , me të ardhura të mjaftueshme për të menduar themelimin e familjeve, blerjen e një shtëpie, e një apartamenti, një jetë normale në vendin tënd, afër familjes tënde, prindërve, vëllezërve, motrave, shokëve tuaja. Këto janë objektiva plotësisht të mundura. Mjafton që t’i kthejmë politikës fytyrën njerëzor dhe kështu t’ia kthejmë institucioneve shqiptarëve dhe jo jë grushti njerëzish. Ne do ta bëjmë. Marsidi tha do ta bëjë Lulzim Basha, unë kam nderin dhe privilegjin t’i prij kësaj sakrifice sepse ma keni ngarkuar ju dhe nuk tërhiqem asnjë hap prapa.

Por unë vetëm nuk e bëj dot. Askush nuk e bën dot vetëm. Ky është një mision i madh, është një ndryshm që ndodh njëherë në brez. Nuk është thjeshtë ndryshim politik, po jua them edhe njëherë, është ndryshim kulturor. Kultura e brezit tuaj bëhet gati të marrë në dorë fatet e Shqipërisë.

Ndaj ju ftoj, ju lus, ju pyes: A do ta bëjmë së bashku Shqipërinë ndryshe? Bashkë në këtë udhëtim për të ardhmen e rinisë, për të ardhmen e Shqipërisë.

Zoti e bekoftë rininë shqiptare.

Zoti e bekoftë Shqipërinë.

Suksese dhe evidentoni më të mirët dhe zgjidhni më të mirë për Forumin Rinor të PD, sepse sic është PD sot, siç është rinia demokratike sot, do të jetë Shqipëria nesër.

Zoti ju bekoftë!

Një sulm më shumë, një sulm më pak nga Ilir Meta nuk ndryshon asgjë në raport me të vërtetën. Presidenti nuk e mbajti premtimin për t’i shkuar deri në fund të vërtetëcs kushtetuese për zgjedhjet lokale të 30 Qershorit 2019. Ai nuk iu drejtua Gjykatës Kushtetuese për të provuar se kishte të drejtë për shtyrjen e zgjedhjeve.

Gjuha e Foltores nuk mund të jetë kurrë gjuhë e institucionit të Presidentit, pavarësisht halleve të përbashkëta të Ilir Metës, Edi Ramës dhe Sali Berishës.

Duke i uruar punë të mbarë Presidentit të Republikës, i sugjeroj lexim të kujdesshëm të vendimit të Gjykatës Kushtetuese. 👇

NË PËRKËQËSIM !

Kështu na përkufizojnë institucionet ndërkombëtare nën qeverisjen e Edi Ramës.
Në përkeqësim korrupsioni. Në përkeqësim transparenca. Në perkeqësim liria e shprehjes. Në përkeqësim liria për të protestuar.

Organizata më prestigjioze që mat korrupsionin në botë, Transparency International thotë se qeveria në Shqipëri përdori pandeminë për të përkeqësuar gjendjen në të gjitha këto fusha, që lidhen direkt me të drejtat e njeriut, me lirinë, me mirëqenien dhe zhvillimin. Prej nisjes së pandemisë, Partia Demokratike ka bërë disa kallëzime konkrete për korrupsion domethënës të qeverisë me tenderat anticovid. Hetimet provuan gjthçka, por nuk goditën kokën. Prandaj gjendja përkeqësohet, sepse kryeministri, ministrat, kryebashkiakët e ndiejnë veten të paprekshëm.

Më shumë sesa tek drejtësia, shqiptarët i kanë sytë sërish nga Amerika. Shpallja nongrata e qeveritarëve të korruptuar, duke nisur nga Edi Rama, është një mekanizëm i mirëpritur, që mund të funksionojë për të ndalur përkeqësimin.

Aty ku nuk ka vullnet politik për të luftuar korrupsionin dhe për të respektuar liritë dhe të drejtat themelore të njeriut, siç vëren Transparency International për Shqipërinë, aty duhet ndryshim!

Raporti i fundit i “Transparency International” konfirmon se armiku i mirëqenies së shqiptarëve është korrupsioni. Përhapja e tij në çdo nivel të qeverisë Rama po e mban Shqipërinë në vendnumëro. Lufta kundër korrupsionit është sot interesi ynë kombëtar, për të çliruar vendin dhe institucionet e tij nga të korruptuarit. Ndonëse një grusht i vogël njerëzish po mundohen ta mbajnë peng të ardhmen, ajo tashmë ju përket shqiptarëve!

https://twitter.com/lulzimbasha_al/status/1485910423971024902?s=21

Sot, një pjesë e mediave bënë publik presionin e Erion Veliaj ndaj mësuesve dhe futbollistëve që janë në Shoqatën Tirana ku me një fjalor të denjë për një ordiner dhe me banalitetin që karakterizon tërësisht atë si individ ai shpërfaqi fytyrën e vërtetë që fshihet pas maskës prej aktori që vesh sa herë del në publik.

Ajo është fytyra e vërtetë e Erion Veliaj, e kushdo që I ka dalë kundër e ka provuar.

Në atë material audio që dëgjohet nga të gjithë njeriu më i korruptuar në kryeqytet, Erion Veliaj, përdor fyerjet dhe shantazhet e ulëta karshi figurave të ndritura dhe me peshë të sportit dhe qytetit të Tiranës.

Është tronditëse ndërsa dëgjon se si një kryetar bashkie kërcënon me forcën e SPAK, a thua se kjo është një nga drejtoritë që ai manaxhon. E gjithë arsyeja e sulmeve të tij të ulëta dhe padyshim kriminale bëhet e qartë nga vetë ai. Shqetësimi i Rilindjes është se ende nuk kanë mundur të zaptojnë FSHF dhe për këtë ai do të përdorë çdo mjet të paligjshëm për ta zaptuar.

Kjo është mënyra kriminale se si vepron Rilindja e Edi Ramës dhe Erion Veliajt, mënyra e shëmtuar se si shantazhojnë jo vetëm në zgjedhjet për FSHF por edhe në zgjedhjet e qendrore dhe lokale. E gjithë mendja e tyre është si ajo e sovjetëve të dikurshëm, pra kërkojnë që të marrin çdo pushtet në duart e tyre.

Larg duart nga futbolli sepse ai është sporti i qytetarëve dhe Veliaj në fakt është përfaqësuesi i Ndraghetës sikundër dhe PS!

I ftoj anëtarët e shoqatës Tirona që të distancohen nga një njeri i lidhur me Ndraghetën dhe po aq dhe me mafien e plehrave pasi njerëz si ai e bëjnë pis këdo që i qëndron afër.

Veliaj dhe kushdo tjetër ta harrojnë që ne si qytetarë dhe si politikanë do ta falim atë dhe sërën e tij për këto sjellje të ulëta dhe të ndyra karshi Tiranës dhe figurave të nderuara të saj.

Sot është Dita Ndërkombëtare e Arsimit, si Dita Ndërkombëtare e Arsimit unë ndjehem keq që na gjej me shkolla të mbyllura.

Unë ndihem keq që sot në Dita Ndërkombëtare e Arsimit ne ju themi shqiptarëvë që i kemi shkollat të cilat nuk garantojnë dot ngrohje, që i mbyllim shkollat dhe nuk dimë arsyen reale përse i mbyllem, i mbyllem për ngrohje, për ftohje, për Omicronin, për dushet, për mungese mesuesish, për largësine apo morëm një informacion meterologjik të një temperature te ulët -17 gradë dhe e barazuam si Tiranën si Tropojen si Sarandën ndërkohë që temperaturat mesa di unë dhe mesa shohim në parashikim e motit janë të ndryshme në zonat e vendit.

Pra duhet të kuptojmë cfarë ndodh në këtë vend dhe ajo që ne na karakterizon që ju në fakt ju karakterizon po qeverinë është mungesa totale e llogaridhënjës dhe mungesa e transparencës dhe ky është nje model si qeveritar që merret dhe në këto vendimet që merrni për të mbyllur 3 ditë shkollat sipas qejfit duke mos marrë as përgjegjësin për të kuptuar dhe qaytetarë shqiptarë se pse po merret ky vendim dhe kush janë pasojat dhe si mund të bëhet vendimi sa më I plotë dhe I drejtë duke parashikuar edhe lejet për prindërit që unë e thash dje dhe Ministrja pastaj reagoj po do t`I japim lejet por se si dhe kur se dimë, se sot duhet të ishin në punë ata ndërkohë asnjë vendim s`ka dal thjeshtë e ka thënë në një status në Facebook Ministrja.

Pra kjo është mënyra se si funksionon qeverisja Juaj por ne nuk do të ju bëhemi shtojcë, pra komisioni nuk do funksionoj njësoj sic funksionon qeveria që vjen atje thotë cfarë të dojë, miratojnë pa transparencë dhe llogaridhënje dhe pastaj themi që kemi bërë për të mirën e studentëve ndërkohë që studentët sot në konviktet shqiptare vec paguajnë më shumë, paguajnë nga 5000 lekë që paguanin tani paguajnë 6000 lekë, por jetojnë në të njejtat kushte se ju e thoni vetë se tani duhet të bëhet rehabilitimi me eficence energjie po të shkojnë mediat dhe kanë vajt disa nga mediat dhe I kanë nxjerrë, ata ngrohen me një rezistencë që e sjellin vetë nga shpia dhe janë mbi 4-5 veta në një dhomë, të gjitha gjërat i sjellin vetë pra atje paguajnë vetëm një godinë e cila quhet godina e qytetit student.

Ndërkohë që paratë dhe unë do të kem mundësinë që kur të vijnë persona konkret do jua them qe paratë janë dhënë, janë dhënë më shumë se c`jane parashikuar dhe janë dhënë pa kufij nga buxheti I shqiptarëvë dhe studentët shqiptarë nuk kanë marrë asgjë mbrapsht.

Duhet ta kuptojmë që Komisioni Parlamentar nuk është në rolin e noterit që do të thotë jo cdo gjë që sjell qeveria këtu ne do i vëmë vulën dhe firmen sic e sjellin ata tekstin ne as mos ta diskutojmë thjeshtë e kalojmë.

Ne këtu jemi dhe kemi një përgjegjësi para qytetarëve që të pakten aq sa na takon ne në rolin e Komisionit për Edukimin ta diskutojmë me gjithë aktorët dhe gjithë faktorët që kanë vendimarrje në këtë marrëveshje huaje

Aq më tepër që nuk është një marrveshje fillestare që hajt ta miratojmë të shikojmë si do eci, t`I japim pra bonusin e mirëbesimit qeverisë, por është në fakt faza 4 kur ndërkohë ne kishim nevojë sot dhe kemi nevojë dhe duhet ta bëjmë.
Prandaj duhet dhe përfaqësuesit politik që të kuptojmë ku kanë shkuar granti 9 milion Euro për rehabilitimin e godinave? Cfarë është bërë me grupin e punës që ka ngritur Kryeministri në nivel qendror për ndërtimin e kampusit universitar?

Duhet të kuptojmë që marrëveshjet e huasë janë marrëveshje të parave të qytetarëve shqiptar, me të vertetë ne sot do të marrim disa para borxh por këto para do të kthehen pra në fund të ditës ne po flasim për paratë e buxhetit të shtetit po flasim për paratë e qytetarëve shqiptarë dhe duhet të jemi të përgjegjshëm që të japim gjithë arsyetimin të bëjm transparenc përpara qytetarëve se pse janë të nevojshme këto para dhe ku kanë shkuar edhe paratë e tjera që janë marrë dhe a kemi garanci sepse nuk ka nivel politik.

Është drejtori këtu por nuk është nivel politik n.q.s Ju drejtorët i keni nivel politik hajde pranojeni këtu që ke shkelur ligjin dhe ne vazhdojmë se nuk është asnjë problem.

https://fb.watch/aKr-6DtX7y/

Nënkryetarja e Padtisë Demokratike, Jorida Tabaku ngriti në komisionin e ekonomisë një nga shqetësimet kryesire të qytetarëve, rritjen e çmimeve. Ajo tha se rritja e çmimeve dhe e inflacionit po varfërojnë më shumë njerëzit dhe se përgjegjëse kryesore është qeveria me politikat e saj të gabuara.

Jorida Tabaku solli si shembull taksat e rritura ketë vit për fermerët. “Rritja e taksave për fermerët në fund të 2021 ka sjellë dhe rritjen e çmimeve të produkteve bujqësore!

Sot fermerët janë duke dështuar dhe duke hedhur produktin e tyre sepse rritja e taksave po ndikon drejtë për drejtë në punën e tyre!”

Nënkryetarja e PD kërkoi një dëgjesë me Ministrinë e Financave për situatën e rritjes së çmimeve dhe efektin e politikave fiskale tek qytetarët, të cilat ndjojnë në varfërimin e mëtejshëm. Së fundi, llogaritet se 51% e popullsisë në Shqipëri është në rrezik varfërie dhe përjashtimi social.

Ditë pas dite shqiptarët po binden se demokratët janë të bashkuar në qëllimin e tyre për të ndërtuar një të ardhme më të mirë. Mënyra si ne shpalosim me qytetari vizionin që kemi për politikën, për luftën kundër korrupsionit, për zhvillimin e vendit, duke reflektuar me sinqeritet mbi të shkuarën tonë, për të davaritur hijet që na kanë ndarë nga pjesa më e shëndetshme e shoqërisë shqiptare. Ky ndryshim që kemi nisur nga vetja është përcaktues për fatet e vendit sepse si do të jetë Partia Demokratike sot, do të jetë Shqipëria nesër.

https://fb.watch/aIUTjVxh0y/

Demokratët e Durrësit kanë zgjedhur të ardhmen, kanë zgjedhur shpresën sepse vetëm kështu mund t’i shërbejmë Shqipërisë dhe shqiptarëve, duke i dhënë fund tranzicionit, korrupsionit endemik dhe kulturës përçarëse, që synon ta mbajë këtë vend, peng të një grushti të vogël njerëzish. Partia Demokratike është e fortë dhe e vendosur për të hapur një kapitull të ri në përfaqësimin dhe kulturën politike. Në aleancë me qytetarët, do të sjellim ndryshimin që për shumë gjatë është mohuar dhe një të ardhme më të mirë për të gjithë.