Demokratët Euroatlantikë - Partia Demokratike

04 Kor

0

“Koka është Edi Rama”, Basha reagon pas arrestimit të Beqajt: Mbështesim SPAK. Fundi i pandëshkueshmërisë është fundi i tranzicionit

by PD in Lajmi fundit

Kryetari i Demokratëve Euroatlantik, Lulzim Basha, ka reaguar në lidhje me arrestimin e ish ministrit të Shëndetësisë, Ilir Beqaj. Me anë të një postimi në Facebook, Basha ka përshëndetur vendosmërinë e SPAK për hetimin e thelluar të aferave korruptive të qeverisë Rama, arroganca dhe babëzia e së cilës nuk kursen as fondet e BE-së.

Ai më tej shpreh mbështetje për SPAK dhe e inkurajon të veprojë kundër korrupsionit në nivelet e larta, i cili është një kërcënim për integrimin e vendit në BE, mirëqenien, sigurinë tonë kombëtare, për zhvillimin ekonomik, social dhe demokratik të Shqipërisë.

Reagimi i Bashës:

Fillimi i fundit të pandëshkueshmërisë shënon fillimin e fundit të tranzicionit.

Përshëndes vendosmërinë e SPAK për hetimin e thelluar të aferave korruptive të qeverisë Rama, arroganca dhe babëzia e së cilës nuk kursen as fondet e BE-së.

Shpreh mbështetjen e plotë për SPAK dhe e inkurajoj të veprojë pa asnjë hezitim kundër korrupsionit në nivelet e larta, i cili është një kërcënim për integrimin e vendit në BE, mirëqenien, sigurinë tonë kombëtare, për zhvillimin ekonomik, social dhe demokratik të Shqipërisë.

Qytetarët shqiptarë presin drejtësi, qytetarët shqiptarë meritojnë që drejtësia t’i shkojë deri në fund aferave korruptive, pasi të gjithë e dinë që peshku është qelbur nga koka. Dhe koka dihet që është Edi Rama!

04 Kor

0

Lulzim Basha uron SHBA për Ditën e Pavarësisë: Mirënjoje për ndihmën bujare për të siguruar mirëqeverisjen dhe drejtësinë që shqiptarët presin

by PD in Lajmi fundit

Kryetari i Demokratëve Euroatlantik, Lulzim Basha, ka uruar pavarësinë e Shteteve të Bashkuara të Amerikës, që sipas tij shënoi një nga ngjarjet më domethënëse të historisë botërore, duke frymëzuar përmes vlerave të lirisë, demokracisë, të drejtave themelore, të qeverisjes për njerëzit.

Në postimin e tij në Facebook, Basha shkruan se Shqiptarët anembanë botës e kremtojnë këtë ditë historike me mirënjohje të thellë për ndihmën dhe mbështetjen e jashtëzakonshme që kombi amerikan na ka dhënë përgjatë gjithë rrugëtimit tonë plot sprova si shtet dhe si komb.

Ai më tej thotë se jemi fatlumë që i kemi pasur në krah kur ekzistenca jonë u vendos në pikëpyetje, por edhe pas daljes nga makthi i diktaturës komuniste dhe SHBA zgjati dorën për të na nxjerrë nga ai skëterr, duke na mirëpritur në bashkësinë e shteteve demokratike.

Postimi i plotë i Lulzim Bashës:

Gëzuar 4 Korrikun
Pavarësia e Shteteve të Bashkuara të Amerikës shënon një nga ngjarjet më domethënëse të historisë botërore, duke frymëzuar përmes vlerave të lirisë, demokracisë, të drejtave themelore, të qeverisjes të njerëzve dhe për njerëzit.

Shqiptarët anembanë botës e kremtojnë këtë ditë historike me mirënjohje të thellë për ndihmën dhe mbështetjen e jashtëzakonshme që kombi amerikan na ka dhënë përgjatë gjithë rrugëtimit tonë plot sprova si shtet dhe si komb.

Jemi fatlumë që i kemi pasur në krah kur ekzistenca jonë u vendos në pikëpyetje, por edhe pas daljes nga makthi i diktaturës komuniste, kur SHBA zgjati dorën për të na nxjerrë nga ai skëterr, duke na mirëpritur në bashkësinë e shteteve demokratike.

Ishte vendosmëria e këtij kombi të madh që i dha fund masakrave mbi shqiptarët e Kosovës, i dha jetë çlrimit dhe pavarësisë së saj. E kishim në krah kur çelën dyert e NATO-s për Shqipërinë, e kemi në krah në hapat që hedhim së bashku në përballimin e sfidave të sigurisë dhe në rrugëtimin tonë drejt BE-së, me ndihmën bujare për të siguruar mirëqeverisjen dhe drejtësinë që shqiptarët presin.

Gëzuar 4 Korrikun! Zoti e bekoftë miqësinë mes dy kombeve tona.

03 Kor

0

Izolimi i Krujës nga rruga Thumanë-Kashar/ Sabah Sheta: Qeveria të gjejë zgjidhje ose do përballet me rebelimin e qytetarëve krutanë

by PD in Lajmi fundit

Kreu i Demokratëve Euroatlantikë dega Krujë, Sabah Sheta, në një reagim të gjatë në facebook, shprehet se izolimi prej rrugës Thumanë-Kashar nga koncensionari Gener 2 dhe miratimin nga qeveria, do të detyrojë krutanët të bëjnë vetëgjyqësi dhe rebelim më të madh.

Sheta shprehet se qytetarët e Krujës dhe përfaqësuesit opozitar në Kuvend kanë konsumuar çdo akt demokratik që nga sensibilizimi, protestat dhe komunikimi me institucionet përkatëse, sërish nuk kanë ghetur zgjudhje. Sipas tij, koncensionarit i fillon rrhga që nga rrethrrotullimi i Thumanës deri në Qafë Kadhar, ndërsa deri aty rruga është ndërtuar me taksat e qytetarëve dhe nuk kishte arsye të prishte daljen për në Krujë.

Për këtë, kreu u Demokratëve Euroatlantikë të Krujës, i bën thirrje qeverisë për kthimin e rrethrrotullimit pasi është e padrejtë që të izolohet Kruja edhe në akset e ndërtuara nga taksat e qytetarëve, ose përndryshe reagimi do të vijë i fortë i pakompromisë në mbrojtje të dinjitetit dhe padrejtësisë që vret dhe rrënon krutanët!

Reagimi i plotë i Sabah Sheta:

https://www.facebook.com/share/p/7xGanFi4wFYSBEaT/?mibextid=WC7FNe

Izolimi prej rrugës Thumanë-Kashar, krutanët gati për vetëgjyqësi dhe rebelim ndaj qeverisë!

Në këto ditë të nxehta vere, kur dhe fluksi i lëvizjeve është rritur dhe fal lëvizjes së turistëve dhe bashkatdhetarëve tanë që vijnë për pushime pranë familjeve të tyre, 85 mijë banorët e Krujës gjenden të izoluar nga rruga e re Thumanë-Kashar dhe askush nuk po i përgjigjet shqetësimit të tyre.

Është kjo një situatë skandaloze e papranueshme për demokratët dega Krujë si dhe bashkëqytetarët tanë, aq me tepër që këtu kemi të bëjmë dhe me një akt korruptiv, shkelje të ligjit nga koncensionari Gener 2 e lejuar dhe bekuar nga qeveria.

Gjendur përballë kësaj situate izoluese ku në shkelje të plotë të së drejtës qytetare për të patur dalje të automjeteve nga autostrada për në Fushë-Krujë, Krujë dhe zonat përreth qytetarët paralajmërojnë koncesionarin, autoritetet vendore dhe qendrore që të reagojnë pro interesit të krutanëve me një të drejtë të mohuar, pasi në të kundërt reagimi do të jetë i ashpër si e vetmja rrugë demokratike përballë kokëfortësisë, arrogancës dhe veshit të shurdhër të autoriteteve shtetërore.

Krutanet dhe të zgjedhurit e tyre në Kuvend kanë konsumuar çdo akt demokratik që nga sensibilizimi, protestat, marrja e informacionit ende pa mbaruar investimi nga ARRSH dhe Ministria e Transporteve ku konfirmonte se koncesionari e ka pjesen e tij deri te rrethrrotullimi Thumane e jo izolimin e krutanëve! Ndaj sot apelojmë fortë të gjendet zgjidhje pasi në të kundërt qytetarët do të detyrohen ta gjejnë vet atë përmes rrugëve demokratike deri në vetëgjyqësi ndaj konçesionarit dhe rebelim ndaj qeverisë.
Kjo është e vetmja rrugë që na ka mbetur. E pse e themi këtë?

E themi sepse padrejtësia është e dukshme për faktin sepse mosdalja nga aksi i rrugës është evident edhe në pjesën e rrugës deri tek rrethrrotullimi i Thumanës ku rruga është bërë me paratë e taksave të shqiptarëve. E përse atëherë të mos ketë dalje në këtë destinacion?
E themi këtë fakt sepse firmës Gener 2 i nis koncesioni nga ish-rrethrrotullim i Thumanës deri në Qafë Kashar, por përse duhet të prishej rrethrrotullimi dhe rruga e cila ishte e aksesueshme për qytetarët krutanë sepse dhe është ndërtuar me taksat e qytetarëve shqiptarë dhe jo konçesionari.

Ne kërkojmë të rikthehet rrethrrotullimi që shërbente si dalje për në Krujë dhe Njësitë e saj Administrative! Ne nuk jemi kundra zhvillimit, por qytetarët e zonave ku ndërtohet duhen pyetur dhe nuk duhen dënuar si në këtë rast! Kujt i intereson dhe kë pasuron kjo taksë dhe ky skandal i dukshëm në sytë e qytetarëve? A është e drejtë të izolohet Kruja dhe në rrugë të mos ketë dalje edhe në akset e ndërtuara me taksat tona?
A është e lejueshme dhe e pranueshme kjo tallje me ne?

Pa dashur të merrem dhe më taksën e rritur, pasi më këtë duhet të merret drejtësia dhe SPAK ku nga 2.1 euro e çuan në mbi 2.7 euro, por krutanët nuk do të lejojnë talljen e qeverisë dhe pasurimin në kurriz të tyre duke iu dhënë kosto qytetarëve të Krujës, Fushë-Krujës dhe njësive të tjera administrative, turistëve bizneseve ne kete aks rrugor ku për të ardhur në Krujë iu duhet të shkojë deri në Kashar.
Për ne kjo është e papranueshme dhe reagimi do të vijë i fortë i pakompromisë në mbrojtje të dinjitetit dhe padrejtësisë që vret dhe rrënon krutanët!

03 Kor

0

Homazh në nder të Ismail Kadare, Basha: Është ngjitur në panteonin e përjetësisë si njeriu që i tregoi botës perëndimore se jemi pjesë e identitetit Europian

by PD in Lajmi fundit

Kryetari i Demokratëve Euroatlantik, Lulzim Basha, mori pjesë sot në homazhet e shkrimtarit të ndjerë, Ismail Kadare. Në një prononcim për mediat, Basha tha se Kadare është ngjitur në panteonin e përjetësisë si njeriu që në kohën më të vështirë për Kombin, i tregoi botës perëndimore se jemi pjesë e identitetit Europian. Ai më tej tha se gjatë kohës së diktaturës Kadare u shndërrua në psikoanalistin kolektiv të shqiptarëve dhe në disektuesin më të talentuar të instrumenteve të diktaturës.

Basha gjithashtu u bëri thirrje të rinjve që të lexojnë poezitë apo romanet e Kadaresë, pasi do t’i bëjë të kuptojnë edhe më shumë vlerën e tyre si shqiptarë dhe vlerën e tyre si individë në këtë botë të madhe dhe të komplikuar.

Prononcimi i Bashës:

Ismail Kadare është ngjitur në panteonin e përjetësisë si njeriu në kohën më të vështirë për Kombin shqiptar, i kujtoi në rradhë të parë bashkëkombasve dhe më pas të gjithë botës, në veçanti gjithë bozës perëndimore, se ne jemi një ndër kombet e identitetit europian dhe e formimit të identitetit europian. Dhe kjo në një kohë kur u bë çdo përpjekje për të fshirë, zhdukur dhe shkatërruar në mënyrën më barbare lidhjen e shqiptarëve me habitatin e tyre natyror, kulturor që është Europa, është perëndimi. Së dyti, sepse gjatë kohës së diktaturës ai u shndërrua pa pikë dyshimi psikoanalisti kolektiv të shqiptarëve dhe në disektuesin më të talentuar të instrumenteve të diktaturës. Dhe së treti, sepse shumë prej mekanizmave të diktaturës për fat të keq vazhdojnë t’i mbijetojnë shembjes së diktaturës, siç është deformimi i karakterit nga pushteti, siç është yshtja e meskinitetit njerëzor nga pushteti për të luftuar të mirën, të denjën, të bukurën. Dhe për këtë do të thoja, do kisha një mesazh në veçanti për të rinjtë, për të gjithë të rinjtë, gjimnazistët, studentët, rininë shqiptare, pikërisht duke marrë shkak nga kjo ngjarje Kombëtare, është ndarja nga jeta e shkrimtarit tonë të madh që të përpiqen të lexojnë qoftë dhe një poezi apo një roman të Ismail Kadaresë, sepse do t’i shndërrojë përgjithmonë dhe do t’i bëjë të kuptojnë edhe më shumë vlerën e tyre si shqiptarë dhe vlerën e tyre si individë në këtë botë të madhe dhe të komplikuar.

02 Kor

0

Basha përkujton ditën kur shqiptarët hynë në ambasada: Korrupsioni po shpopullon vendin. Demokratët euroatlantikë gati për koalicion vlerash për Shqipërinë si Europa

by PD in Lajmi fundit

Kryetari i Demokratëve Euroatlantik, Lulzim Basha, ka përkujtuar ditën kur shqiptarët për herë të parë rrëzuan murin e izolimit dhe u futën nëpër ambasada, me shpresën e vetëdijen se meritonin një jetë më të mirë.

Me anë të një postimi në Facebook, Basha shkruan se 34 vite më vonë, ndërsa përkujtojmë këtë moment të rëndësishëm të kujtesës sonë historike, shqiptarët janë sërish me sytë drejt emigrimit. Kjo sipas ti, për shkak se korrupsioni i përhapur në çdo degë të qeverisjes është diktatura e që po shpopullon Shqipërinë dhe po varfëron familjet shqiptare.

Ai më tej shprehet se këtë tregoi edhe censusi i vonuar dhe i tjetërsuar i qeverisë, i cili nuk fsheh dot mpakjen dhe plakjen e Shqipërisë.

Basha shkruan se demokratët euroatlantikë janë e vetmja alternativë për ndryshim, pasi janë të bindur se Shqipëria meriton më shumë dhe të bashkuar kundër aleancave të errëta që duan të na mbajnë në vendnumëro.

Postimi i plotë i Bashës:

Si sot 34 vite më parë shqiptarët rrëzuan murin e izolimit dhe u futën nëpër ambasada, me shpresën e vetëdijen se meritonin një jetë më të mirë, më të denjë për vete dhe fëmijët e tyre.

34 vite më vonë, ndërsa përkujtojmë këtë moment të rëndësishëm të kujtesës sonë historike, shqiptarët janë sërish me sytë drejt emigrimit.

Korrupsioni i përhapur në çdo degë të qeverisjes është diktatura e re që po shpopullon Shqipërinë, po varfëron familjet shqiptare dhe vret shpresën e të rinjve për të ndërtuar të ardhmen e tyre në vendin e tyre.

Edhe censusi i vonuar dhe i tjetërsuar i qeverisë, nuk fsheh dot mpakjen dhe plakjen e Shqipërisë.

Ky eksod i dytë kërkon një reflektim të thellë shoqëror dhe politik.
Rrugët e vjetra po japin zgjidhje të vjetra, nga të cilat shqiptarët po ikin nga sytë këmbët.

Kriza e demokracisë, ngecja e ekonomisë dhe dimri demografik, kërkojnë modele dhe mendësi të re politike, për të luftuar korrupsionin dhe siguruar mirëqeverisjen.

Demokratët euroatlantikë janë gati për këtë ndryshim dhe do të bashkëpunojmë me të gjitha shtresat shoqërore dhe forcat politike që ndajnë me ne vlerat për të cilat guximtarët e 2 Korrikut 1990 rrëzuan muret e diktaturës. Të bindur se Shqipëria meriton më shumë, të bashkuar kundër aleancave të errëta që duan të na mbajnë në vendnumëro, mund t’ia kthejmë shqiptarëve shpresën e humbur të Shqipërisë si Europa.

01 Kor

0

“Jemi e djathta e çliruar nga Katovica”, Basha: Kemi filluar bisedimet për koalicion me partitë e tjera, përballë kemi aleancën kundër SPAK

by PD in Lajmi fundit

I fuar në Euronews, kreu i demokratëve euroatlantik, Lulzim Basha, deklaroi se ka nisur bisedimet me partitë që bashkohen rreth propozimeve për ndryshime zgjedhore dhe në mbështetje të qartë për SPAK. Sipas Bashës, Rama dhe Berisha janë në një pazar për të penguar listat e hapura dhe votën e diasporës me anë të sabototimit të reformës zgjedhore, duke i cilësuar si hallexhinjtë e SPAK të cilin duan ta paralizojnë. Basha theksoi se hallin më të madh përballë SPAK e ka kryeministri Rama, i cili sipas tij i frikësohet ndjekjes penale për shkak të aferave të shumta korruptive.

Pjesë nga fjala e Lulzim Bashës:

Kur vjen fjala tek kodi zgjedhor, besoj që aleanca është shumë më e gjerë, sepse mendoj që përfshihen edhe shumë prej partive të tjera. Sepse te kodi zgjedhor ne kemi qëndruar prej fillimi për ato që i interesojnë qytetarëve, jo për ato që i interesojnë partisë. Kemi qëndruar dhe qëndrojmë për listat e hapura, ndërkoh është e qartë që Edi Rama dhe Sali Berishës pazarin tjetër duan ta bëjnë për të rimbyllur listat. Aktualisht për shkak të vendimit të Gjykatës Kushtetuese, lista është e hapur. Dhe po të shikoni sycshkeljen midis kasnecëve ndaj njëri-tjetrit, janë kërcënimi që u bën Damian Gjiknuri, Oerd Bylykbashit kur i thotë shiko, se lista do mbetet e hapur po nuk re dakord me ne të bëjmë 1, 2, 3. Pra, është e qartë që pas pazarit për amnistinë, pas shkatërrimit të komisionit për Reformën Zgjedhore, pas pazarit për vulën, janë dy pazare të tjera që priten të vijnë njëri pas tjetrit. Pazari i parë është t’i rimbyllin listat që të vendosin Sali Berisha dhe Edi Rama se kush do të jetë kandidat për dëputet, që shpjegon dhe marrëzinë kolektive të hipokritëve që janë tubuar posht ballkonit. Dhe pakti tjetër është për hallin më të madh që kanë bashkërisht, madje do të thoja që halli në rastin e Ramës, ndonëse akoma i pashpërfaqur është disa herë më i madh që është SPAK-u dhe ndjekja penale për afera të shumta korruptive që janë bërë skandale me jehonë botërore, që nga ato të inceneratorëve të shëndetësisë dhe pasidkutim skandali i korruptimit të kreut të kundërinteligjencës amerikane Mcgonigal.

Pra në këtë kuptim këta janë hallexhinjtë e SPAK-ut, prandaj i bashkon nevoja, domosdoshmëria jetike për të paralizuar SPAK-un. Ndaj dhe sot nga studioja juaj dua të jap këtë paralajmërim publik, po, dy stacionet e ardhshme janë: të rimbyllin listat zgjedhore, pra mos të kenë lista të hapura, sot janë të hapura për shkak të vendimit të Gjykatës Kushtetuese. Njëkohësisht të mos lejojnë që shqiptarët jashtë Shqipërisë të votojnë përveçse me ndonjë kanal të ngusht dhe të pisët dhe të cekët që i intereson qeverisë për të mbledhur disa militantë. Dhe natyrisht em ato truket e veta, t’ia lënë përgjegjësinë për këtë rithemelimit duke u thënë ja ku janë listat e mbyllura, nuk duan votimin elektronik. Pra, gjuha është e qartë, është gjuha e dikujt që ka kapur dikë tjetër dhe e mban fortë prej bluzeje. E dyta është SPAK-u.

Kemi filluar tratativat për koalicion me partitë e tjera të vogla. Dua t’i them çdokujt që nuk ka qenë pjesë e këtyre bisedimeve që nuk e kemi strukturuar. Do strukturohet shumë shpejt. Aktualisht ka formën e një koalicioni për kodin zgjedhor, por do të shtrihet padiskutrim shumë shpejt në në një koalicion substantiv në të cilat do të merren parasysh interesat më themelore të vendit, por pa humbur identitetin tonë si e djathta e vërtetë dhe e munguar e Shqipërisë në këto 34 vite. E djathta e çliruar nga Katovica

01 Kor

0

“Nuk ka shëndetësi falas, por vdekje me pagesë”, Basha: Sa më e korruptuar qeverisja, aq më tallës bëhet Rama. Shqiptarët meritojnë një alternativë

by PD in Lajmi fundit

Kreu i Demokratëve Euroatlantik, Lulzim Basha, në intervistën me gazetaren Mirela Milori në Euronews Albania, tha se kryeministri Rama duhet të kishte dhënë dorëheqjen pas skandalit të Onkologjikut. Por sa më e korruptuar qeverisja, aq më tallës bëhet kryeministri, shtoi Basha, teska theksoi se forca politike që ai drejton do t’i qëndorojë larg debtateve që nuk kanë interes për shqiptarët, por do të përqëndrohen të shpalosja e programit dhe alternativës.

Pjesë nga fjala e Lulzim Bashës:

Kjo që shpreha pak a shumë tani, është në fakt produkt, dhe në fakt më vjen mirë që është reflektim i le të themi i ndjesive dhe mendimeve të para në këto 2 javë, 3 javë të drejtuesve të strukturave. Por bashkë me to ka dhe një ndjeshmëri tjetër, ndjeshmëria që ky është një debat që realizohet në një grup shumë të ngusht njerëzish.

Shumica e shqiptarëve duan të dinë se çfarë do bëhet me koston e jetës, me çmimet e shportës, me shëndetësinë që është kthyer në mënyrën më makabre në qendër të vëmendjes. Shëndetësia falas, nuk është as shëndetësi dhe as falas, është vdekje me pagesë. Me arsimin dhe të ardhmen e fëmijëve të shqiptarëve, luftën kundër korrupsionit që nuk ka pasur kurrë dhe ka qenë gjithonë bashkëudhëtar i çdo qeverie, por kurrë nuk ka pasur një përshkallëzim të tillë si me qeverisjen e Edi Ramës dhe kurrë nuk ka pasur një tallje të tillë. Sa më e korruptuar bëhet qeverisja, aq më tallës bëhet kryeministri. E patë sot, shkoi tek Onkologjiku dhe jepte leksione mjekëve. Papritur përgjegjësia është individuale, papritur nuk ka më përgjegjësi. Ka 12 vite që qeveris dhe ai s’ka asnjë përgjegjësi që aty shitej vdekja me çmime të larta, ku në fakt për gjysmën e një skandali të till, kryeministri duhet të kishte dhënë dorëheqjen.

Pra, lufta kundër korrupsionit, dhënia fund e shpopullimit të Shqipërisë përmes shpresës për fëmijët e shqiptarëve dhe natyrisht aspekte të tjera që kanë të bëjnë me krizën ekonomike që ndoshta nuk e ndjejnë një grusht njerëzish të pushtetuar dhe të pasuruar, por e ndjen pjesa më e madhe e popullësisë që po kështu jeton me pasigurinë për të nesërmen. Këto janë hallet e shqiptarëve, këtyre halleve dhe brengave të shqiptarëve por dhe shpresave për të dalë nga kjo gjendje, programi ynë politik i jep përgjigje shteruese. Dhe siç e kemi parë ngjarje pas ngjarje është gjithçka që këtë program ta shtynë jashtë vëmendjes së publikut, beteja është që ne mos të pranojmë asnjë çastë teatrin e vjetër politik të kryeministrit dhe ish kryeministrit, por shqiptarëve ditë për ditë deri deri ditën e zgjedhjeve t’iu flasim për hallet e tyre dhe programin tonë për t’i zgjidhur këto.

01 Kor

0

“Mëtojmë të jemi alternativa ndaj një qeverie që Shqipërinë e ka shpopulluar”, Basha: Berisha po sillet si Faraoni që po kyç ushtrinë në piramidë. E patolerueshme idhujtaria

by PD in Lajmi fundit

Kreu i Demokratëve Euroatlantik, Lulzim Basha, në intervistën me gazetaren Mirela Milori në Euronews Albania, është shprehur se sot Partia Demokratike që vazhdon të mbetet e zhveshur nga çdo sens misioni, përveç misionit që ka ndaj liderit të vet historik i cili për fat të keq demostron një vullnet prej Faraoni. Ai tha se pas vendimit të 11 qershorit, hipokrizia është tipari dallues tek grupi i tij, pasi thonë gjëra që as vet nuk i besojnë dhe se entuziazmi nuk ekziston.

“Kemi një Parti Demokratike që është bërë me letra në 11 qershor, por që vazhdon të mbetet e zhveshur nga çdo sens misioni, përveç misionit që ka ndaj liderit të vet historik i cili për fat të keq, meqë jemi akoma tek Kadareja, tek vazhdimësia, tek jehona e veprës së tij, po demostron një vullnet prej Faraoni për ta kyçur ushtrinë në piramidë. Dhe kjo sigurisht është e patolerueshme, është diçka që edhe diktatura ndonëse mund ta ketë ësndërruar, mund ta ketë dëshiruar nuk arriti dot ta bënte as me Partinë e Punës së Shqipërisë, e jo më ata që PD i ka bashkuar si një ëndërr për Shqipërinë si gjithë Europa, ta pranojnë të kthehet në një tempull idhujtarie të rreme. Kriza që kjo shkakton, dallohet qartë. Ata që ndjekin Faraonin në piramidë, tipar kryesor kanë depersonalizimin. Ata thonë gjëra që vet nuk i besojnë. Hipokrizia është tipari dallues dhe kjo natyrisht shoqëron edhe javët që kanë rrjedhur që prej 11 qershorit ku nuk ka as entuziazëm, as gëzim dhe asnjë moment të ri bashkimi apo ribashkimi energjish për misionin që duhet të ketë normalisht partia më e madhe në opozitë, që është të bëjë gjithçka për të larguar një qeverisje tashmë të vet të 12 dhe zullume rekord në këto 34 vite” – tha Basha.

Basha më tej është shprehur se të cilët kemi një mision për të përmbushur nevojën e shqiptarëve për një alternativë politike.

“Nga ana tjetër jemi ne, sigurisht të deprivuar në mënyrë të paligjshme dhe për këtë do të bëjmë rekurs jo vetëm për paligjshmërinë që prek dhe cënon drejtpërdrejtë Partinë Demokratike të Shqipërisë, por edhe për paligjshmërinë si një sëmundje në vazhdim të një sistemi drejtësie që është futur në repartin e emergjencës, por akoma nuk ka dalë plotësisht e shëruar nga sëmundja 34 vjeçare e korrupsionit. Por veç nga kjo, ne kemi një sens misioni dhe është ky sens misioni që na ka bërë bashkë në kohë shumë të vështira. Që na ka bërë të dallojmë simpatinë personale, apo qoftë dhe bindjen personale nga kotësia e idhujtarisë dhe nga nevoja për t’iu dhënë shqiptarëve një alternativë politike. Sepse ne nuk kemi një klub tifozësh. Ne mëtojmë të jemi alternativa ndaj një qeverie që Shqipërinë e ka shpopulluar” – tha Basha.

01 Kor

0

Denoncimi i Eriselda Çelaj: Ndotja e rezervuarit në fshatin Patov të Fierit, nxjerr në sipërfaqe peshqit dhe rrezikon jetën e banorëve. Bashkia nuk merr asnjë masë

by PD in Lajmi fundit

Kryetarja e degës së Demokratëve Euroatlantik në Fier, Eriselda Çelaj, shprehet se rezervuari në fshazin Petovë është mbushur me peshq të ngordhur dhe se aroma e rëndë që kutërbon aty rrezikon jetën e banorëve.

Në postimin e saj në Facebook, Çelaj shprehet se shkaqet e kësaj ndotjeje nuk dihen ende, ndërsa bashkia jo vetëm nuk jep asnjë shpjegim, por edhe peshqit e ngordhur i ka lënë në rezervuar duke lejuar kalbjen e tyre në këto temperatura të larta.

Denoncimi i Eriselda Çelaj:

Vijon indiferentizmi i Rilindjes!

Prej tre ditesh tonelata me peshq të ngordhur në rezervuarin e fshatit Petovë janë kthyer në shqetësim për aromën e rëndë që kutërbon dhe rrezikun që ju kanoset banorëve të zonës.

Tre dite që autoritetet nuk kanë identifikuar faktorët që kanë shkaktuar këtë situatë, madje I kanë lënë peshqit pa mbledhur duke lejuar kalbjen e tyre nën temperaturat e larta.

Ministria e Bujqësisë me Drejtorinë e Peshkimit dhe bashkia e Fierit po pasojnë përgjegjësinë, se cili institucion duhet të mbledhë peshqit e ngordhur.

Nuk është dhënë asnjë shpjegim.

Shkaqet mbeten mister ndërsa përgjegjësinë për menaxhimin e situatës nuk po e merr përsipër askush.

Praktikë tipike e Rilindasve, që pasi dështojnë ta fshehin një ngjarje, fshihen pas burokracive e kompetencave duke mos marrë përgjegjësitë për zgjidhjen e problemit.

I bëj thirrje Bashkisë Fier dhe Drejtorisë Rajonale të Mjedisit Fier të veprojnë menjëherë, të zbulojnë shkakun dhe të merren masa për pastrimin e hapsirës së ndotur.

01 Kor

0

“Rama u kthye te vendi i krimit”, Basha: Kryeministri është maja e piramidës korruptive. Shqiptarët paguajnë 60% të shërbimeve shëndetësore nga xhepi. SPAK të hetojë

by PD in Lajmi fundit

Kryetari i Demokratëve Euroatlantik, Lulzim Basha, e ka konsideruar si kthim në vendin e krimit takimin e sotëm të kryeministrit Edi Rama në QSUT. Me anë të një postimi në Facebook, Basha shprehet se kryeTixhja e pandemisë me tenderat sekretë është maja e piramidës së korrupsionit. Ai shkruan se Rama u shfajësua siç bëri me zv. kryeministrin në arrati për korrupsion, me ministra, ish-ministra dhe ish-kryebshkiakët, me parrullën “përgjegjësia është individuale”.

Në reagimin e tij, Basha gjithashtu thotë se ishte Rama që premtoi shëndetësi falas dhe sot shqiptarët paguajnë nga xhepi 60% të sherbimeve për shendetësinë. Ai sjell në vëmendje konkluzionet e OBSH se shpenzimet e shqiptarëve për shëndetësinë u rritën me 82%.

Sipas tij, problemet e sistemit shëndetësor dhe ndalja e abuzimit kërkojnë zgjidhje urgjente, të cilat nuk mund të vijnë nga ai që ka 11 vite që abuzon me shëndetin e familjeve shqiptare. Dhe për këtë si zgjidhje Basha sheh inkurajimin e SPAK në luftën kundër korrupsionit në çdo apekt dhe alternativën e demokratëve euroatlantik që qytetarëve të mos u shkojnë dëm paratë e sigurimit shëndetësor, por të marrin sherbim në çdo spital që ofrohet shërbimi i nevojshëm.

Reagimi i plotë i Lulzim Bashës:

Pas skandalit çnjerëzor të Onkologjikut, Edi Rama u kthye sot te vendi i krimit.

Me propagandën e tij bajate, u përpoq të lajë duart me përgjegjësitë, për t’ia lënë ato vetëm mjekëve.

Kujtonte me paturpësinë më të madhe Tixhen, ndërkohë që kryeTixhja e pandemisë ishte vetë ai me tenderat sekretë.

Me parrulla të lodhura dhe kundërthënëse, ku sipas interesit të tij një herë e ka fajin individi, një herë sistemi, ndërsa koka, maja e kësaj piramide korruptive, fletë sikur ka ardhur sot në pushtet.

Siç ka berë me zv. kryeministrin në arrati për korrupsion, me ministra, ish-ministra, kryebashkiake e ish-kryebashkiakë, edhe këtu u shfajësua me frazën “përgjegjësia është individuale”.

Nuk është aspak i shqetësuar për paragjykimin që në raste të tilla bie mbi mjekë e infermierë, që në kushte jo normale përpiqen me gjithçka për t’u dhënë ndihmë pacientëve. Për ta kemi dhe do të kemi mirënjohje për jetë. Por Rama ka hallin e tij, sepse ai është arkitekti që qëndron në majë të piramidës së korrupsionit.

Rasti i Onkologjikut, ku bëhet pazar me jetën e pacientëve, është vetëm dëshmia më e fundit e degradimit të një sistemi korruptiv, që si në çdo hallkë të zinxhirit drejtues të Ramës, prodhon dhimbje dhe kosto për familjet shqiptare.

Sot për t’u hedhur hi syve shqiptarëve ka shpikur menaxherë të huaj. Siç është dëshmuar edhe më parë, pas çdo skemë të tillë është një tjetër plan abuzimi me paratë e shqiptarëve dhe më pak shërbim për ta.

A thua se nuk është ky që u premtoi shqiptarëve shëndetësi falas, e sot shqiptarët paguajnë nga xhepi 60% të shërbimeve për shëndetësinë.

Me qeverisjen e Edi Ramës, Organizata Botërore e Shëndetësisë llogarit se shpenzimet e shqiptarëve për shëndetësinë u rritën me 82 për qind.

Shqipëria mban rekord për shpenzimet nga xhepi në krahasim me çdo vend tjetër në Europë.

Po aq kriminale është skema korruptive e barnave, që lejon futjen në treg të ilaçeve me origjinë jo të sigurtë, me cilësi të ulët dhe pa efekt, duke mos përfshirë në listën e rimbursimit barna për sëmundjet e rënda.

E si të harrojmë milionat e eurove që vidhen në tendera e koncesione korruptive, të cilave u doli zot me pafytyrësi. Miliona që do të mjaftonin për t’u ofruar qytetarëve shërbim shëndetësor cilësor për të gjithë.

Për vite me radhë paratë e shqiptarëve nuk janë vendosur në shërbim të pacientëve, por të politikanëve të korruptuar dhe klientëve të tyre.

Kjo lojë e paskrupullt me shëndetin e njerëzve, është dëshmi e makutërisë primitive të kësaj qeverie, e cila duhet hetuar në thellësi, duke shkuar deri tek burimi i kësaj skeme korruptive dhe rrënuese për interesin publik, e cila nuk u ndal as gjatë kohës së vështirë të pandemisë.

Prandaj rasti i Onkologjikut, që fatkeqësisht nuk është i vetmi, është një metastazë e tumorit të korrupsionit që ka instaluar kjo qeveri në sistemin e shëndetësisë.

Problemet e sistemit shëndetësor dhe ndalja e abuzimit kërkojnë zgjidhje urgjente, të cilat nuk mund të vijnë nga ai që ka 11 vite që abuzon me shëndetin e familjeve shqiptare, ndërsa ata ikin dhe për shkak të sistemit shëndetësor që është pasqyrë e qeverisë më të korruptuar në Europë.

Prandaj së pari gjithçka duhet të nisë me luftë pa kompromis kundër korrupsionit.

Inkurajoj SPAK të ecë përpara me vendosmëri në luftën e korrupsionit, kudo që ai shpërfaqet dhe në çdo nivel të pushtetit.

Së dyti, ne kemi ofruar alterantivën tonë. Modelin që qytetarët të cilët paguajnë sigurimet shëndetësore të mos u shkojnë dëm paratë, por të marrin shërbim në çdo spital që ofrohet shërbimi i nevojshëm.

Shqipëria meriton më shumë se gjendja në të cilën e ka futur korrupsioni i Edi Ramës, familjet shqiptarë meritojnë një qeveri që kujdeset për ta, e jo një qeveri që i trajton jetët e tyre si plaçk për të mbushur xhepat e saj.

Blog