Blog

Partia Demokratike nuk do të jetë kurrë e hapur për trafikantët e drogës që shoqërojnë Sali Berishën në sulmin që po përgatit kundër Partisë Demokratike për të vendosur hallin e tij mbi të ardhmen e gjithë demokratëve. Çdokush e ka të qartë se gjuha dhe aktet e tij kanë qëllim të nxisin dhunë, si opsionin e vetëm që i ka mbetur. Sali Berisha mund të shoqërohet me trafikant droge të shpallur non-grata në Mbretërinë e Bashkuar, pjesë e organizatës kriminale B9. Mund t’i ftojë në shtëpi, familjarët e tij mund të bëjnë edhe biznes me pasuri të paluajtshme me ta në një skemë të pastër pastrimi parash, si dhe mund të ndajnë edhe fitimet nga bizneset me lojrat e fatit, por kurrë nuk kanë për t’u lejuar më të bëjnë biznes me sakrificën e demokratëve. Kurrë më!

Shumica dërrmuese e anëtarëve të Kryesisë së Partisë, Këshillit Kombëtar dhe 5004 delegatë të Kuvendit Kombëtar, më 18 Dhjetor zgjodhën të ardhmen, zgjodhën t’i shërbejnë interesit të demokratëve, zgjodhën t’i shërbejnë vetëm interesit të Shqipërisë. Ne jemi krenarë që jemi partia e parë politike në Shqipëri dhe Rajon që i bashkohet nismës botërore të SHBA për të mbajtur jashtë vendimmarrjes në institucionet e partisë personat e shpallur non-grata për korrupsion, abuzim me pushtetin apo përfshirje në krimin e organizuar.

Kasafortizimi dhe bunkerizimi nuk janë metoda të Partisë Demokratike, por të celulave ilegale që të vetmin merak kanë karriket dhe zyrat e tyre. Punimet dhe mirëmbajtja në seli këtë fillimviti bëhen në funksion të riorganizimit dhe rifreskimit të strukturave qendrore të partisë. Selia qendrore e Partisë Demokratike ka qenë dhe do të jetë gjithmonë e hapur për demokratët e sakrificave dhe kontributeve, por e mbyllur për ata që e kanë mbajtur peng Partinë Demokratike gjatë gjithë këtyre viteve me shpresën se mund ta përdorin për t’u fshehur, mbrojtur apo rregulluar punët e tyre të pista.

Faleminderit dhe mirë se ju gjej vëllezër dhe motra, dibrane dhe dibran, të rinj dhe të reja!
Zoti kryetar i degës së Dibrës, të nderuar drejtues të strukturës së degës së Dibrës, drejtues të strukturave të qarkut të Dibrës, zoti drejtues politik, zoti këshilltar i sigurisë Kombëtare, anëtarë i Kryesisë, gjeneral Gjunkshi, të nderuar vëllezër dhe motra, themelues dhe qëndrestarë, zonja dibrane, vajza dibrane, të rinj dibranë,
Së pari, dua t’u falënderojë nga zemra për pritjen në këtë ditë të ftohtë dhe me shi. Të ftohtë dhe me shi për ata që janë larg Dibrës, sepse për mua që në momentin e futjes në këtë trevë që ka kaq shumë kuptim për mua personalisht, familjarisht por edhe për të gjithë shqiptarët, ndjej nxehtësinë e mikpritjes dibrane për të cilën iu falënderoj nga zemra!
E ndjej këtë ngrohtësi, jo vetëm në shtrëngimin e duarve, e shoh këtë mikpritje jo vetëm në sytë tuaj, por mbi të gjitha në shpresën që rezëtin edhe në këto orë, në këto orë të vështira për Dibrën, Në këto orë të vështira për Shqipërinë, në këto orë të vështira për kombin shqiptar, natyrisht në këto orë të vështira për demokratët dhe Partinë Demokratike. E pra, dua t’iu falënderoj, sepse si përherë keni ditur që në ditët më të vështira të kombit, në orët më të vështira të fatit, t’i prini me zjarrin e patriotizmit në zemër, me besnikërinë ndaj vlerave më të larta kombëtare, flamurit të Kastriotit dhe mbi të gjitha me vendosmërinë dhe qëndresën për demokraci, për liri dhe për dinjitet njerëzor. Këto janë vlerat me të cilat krenohet Dibra, këto janë vlerat me të cilat Shqipëria krenohet për Dibrën dhe dibranët.
Vlerat e burrërisë, vlerat e familjes, të besimit në Zot dhe të patriotizmit, janë vlerat që kullojnë pastërtish nga kjo trevë e bekuar nga Zoti, nga kjo trevë e larë me gjakun e bijve dhe bijve dibranë ndër shekuj, madje siç u përmend edhe më parë, edhe në këtë 100 vjetor të kryengritjes dibrane, e cila është një tjetër gur kilometrik në historinë e sakrificave të kombit tonë. Por vëllezër dhe motra, arsyeja e kësaj mbledhje sot, nuk është thjesht dhe vetëm të shihemi e të takohemi me njëri-tjetrin, ndonëse kjo në vetvete më jep një kënaqësi të jashtëzakonshme dhe të dyfishtë. Arsyeja është që së bashku me të gjithë dibranët demokrat, votues të demokratëve, apo dhe vëllezërit dhe motrat tanë socialistë të zhgënjyer në palcë nga regjimi i Edi Ramës, të shqyrtojmë rrugët e daljes nga kjo gjendje, të vendosim kursin për të ecur përpara dhe të gjithë bashkë ta nxjerrim Dibrën dhe Shqipërinë nga humnera ku e ka katandisur regjimi 8-vjeçar i Edi Ramës.
Ky takim zhvillohet në kushte shumë të vështira, kudo anembanë Shqipërisë e në veçanti në treva të varfëruara me qëllim nga ky regjim siç është Dibra, siç është Bulqiza, siç është Mati, siç është Verilindja dhe Veriu në tërësi, por anembanë Shqipërisë edhe në Tiranë, 40% e familjeve nuk arrijnë dot të ngrohin shtëpitë e tyre. Ndërkohë që dimri jo vetëm ka trokitur, por po fillon me temperaturat nën 0.
50% e familjeve shqiptare, 1 në 2 familje shqiptare nuk arrijnë të paguajnë dot më shumë se një vakt të plotë për familjet dhe fëmijët e tyre. 90% e familjeve shqiptare, e shpenzojnë të gjithë buxhetin e tyre, pavarësisht se nga vjen, të ardhura për ata pak njerëz që janë në punë, apo fermerë, pensionist plus ndihmën që mund të marrin nga fëmijët në emigracion, punonjës të administratës apo të sektorit privat, s’ka rëndësi se nga i vijnë të ardhurat, 90% e të ardhurave shkojnë për nevojat bazë. Jo sikur të ishim në zemër të Europës, po sikur të ishim në një cep të harruar të Afrikës. Standardi i jetës ka rënë kokëposhtë, fuqia blerëse është më e ulëta krahasuar me të ardhurat në të paktën 2 dekada. Bashkë me konsumin që bie ditë për ditë, mbyllen qepenat e bizneseve, shkatërrohet tregu i punës, shtohet numri i të papunëve, e bashkë me ta edhe numri i atyre që duan të largohen dhe që largohen nga vendi i tyre.
Të gjitha këto halle, probleme, dhimbje të përditshme të shqiptarëve, janë bërë edhe më të rënda nga pandemia, e cila na ka marrë nga gjiri familjeve tona dhjetëra, mijëra prindër dhe të afërm. Shumë më shumë sesa vendet fqinje. Ka goditur dhe ka futur në borxh qindra, mijëra familje shqiptare. Sepse ky vend nuk ka qeveri. Sepse ky vend nuk qeveriset. Ky vend nuk ka qeveri sepse në krye ka një bandë e cila paktin nuk e ka me qytetarët. Ka një njeri të ulur në karrigen e kryeministrit që nuk ka hallin e njerëzve. Nuk qeveriset sepse anembanë vendit, nuk ka shtet. Nuk është një shtet i korruptuar dhe i kapur, por është një shtet i kapur nga të korruptuarit. Një shtet që siç e pamë javët e fundit është rrënuar deri ën tullën e fundit. Zbulimi i të dhënave personale të qytetarëve, na tregoi në disa rrafshe se ku është katandisur Shqipëria nën sundimin e paligjshëm të Edi Ramës dhe një grushti pushtetarësh e oligarkësh, e kriminelësh me të cilën mban paligjshmërisht pushtetin e shqiptarëve. Por tregon po kështu pabarazitë e thella që janë krijuar midis njerëzve të punës dhe atyre që përmes marrëdhënies së tyre me pushtetin, vetëm vjedhin, marrin, pinë nga djersa, sakrifica e nënave dhe baballarëve shqiptarë.
Teksa po vija këtu, një e dhënë tjetër dramatike është shpalosur në media. 300 mijë euro për 25 këshilltarë paguan Edi Rama nga taksat që iu merr shqiptarëve. Para të mjaftueshme për të futur në skemën e ndihmës ekonomike 500 familje. Në vend të 500 familjeve në ndihmë ekonomike, kemi 25 këshilltar dhe e kuptoni vet se çfarë këshillash i japin Edi Ramës, sepse e shikojmë se si është Dibra, e shikojmë se si është Shqipëria në ditën e saj më të zezë. Të gjithë këta njerëz paguhen me paratë të cilat merren nga xhepat tuaj. Merren përmes TVSH-së, merren përmes çmimit më të lartë të naftës, merren përmes faturave arbitrare të dritës e të ujit, merren përmes taksave që janë më të lartat në rajon, merren përmes gjobave që nuk kanë të përfunduar. Asnjë prej këtyre të ardhurave që shteti grumbullon, nuk kthehen siç kthehen në vendet fqinje në përfitime për qytetarët. Shumica dërrmuese e shqiptarëve, është zhytur në varfëri. Vetëm një pakicë e vogël, aq e vogël sa e zë një avion i vetëm që është nisur ditën e avion privat sheikësh drejt Dubait, vetëm ata përfitojnë nga regjimi i Edi Ramës. Vetëm ata pasurohen në një kohë që i gjithë populli varfërohet. Vetëm Ata gëzojnë dhe fërkojnë duart për të mbajtur paligjshmërisht, me çdo kusht e me çdo mjet në këmbë këtë regjim.
Në fakt, ky regjim është në koma. Ndonëse ka 4 muaj që është betuar se do të qeveris Shqipërinë, ka katër muaj që jo vetëm nuk bën asgjë, por po rrënon edhe ato pak tulla që i kanë mbetur ngrehinës së shtetit. Dhe kjo për një arsye të thjesht, Edi Rama nuk ka më çfarë të ofrojë. I shteruar në fushatë para shqiptarëve, pa bilanc, sepse bilanci i tij i vërtet ishte pandemia, ku pasi i mbylli dy muaj shqiptarët në shtëpitë e tyre duke i frikësuar deri me autoblinda e me gjoba, iu dha paketën më të ulët ekonomike. Bilanci i tij i vërtet janë tenderët sekret të cilat vodhi edhe në kohë pandemie. Bilanci i tij i vërtet janë mbi 16 mijë nëna dhe baballarë, bijë dhe bija që na mungojnë në familjet tona, vdekje të shtuara nga COVID-i për shkak të keqmenaxhimit. Bilanci i tij i vërtet janë ato mijëra familje që edhe në këto ditë të ftohta dimri, dy vite pas tërmetit vazhdojnë të qëndrojnë në çadra, pavarësisht se ai del si aktor dhe shpërndan çelësat e ndërtesave të ndërtuara po kështu me tendera korruptive e të dhëna një grushti oligarkësh. Pra, pa bilanc doli në fushatë, pa plan, pa vizion për Shqipërinë. Është një kryeministër i mbaruar, është një qeveri në koma. Nuk ka asnjë vizion, asnjë alternativë, asnjë zgjidhje për Shqipërinë dhe shqiptarët. Nuk ka skrupull, nuk ka erz, nuk ka nder. Kapet si hajduti me presh në duar në aferën e inceneratorëve. Burgoset një nga ministrat që mbiemrin e ka Koka, por në fakt është bishti i kësaj afere. Në çdo rrethanë tjetër, çdo kryeministër sado pak normal do të ishte dorëhequr. Do ishte vënë në dispozicion të drejtësisë.
Në fakt ai ka bërë të kundërtën, ka marrë grupin e tij parlamentar dhe e ka çuar tek skena e krimit. E ka çuar tek inceneratorët për t’u bërë mburojë e një afere që i ka kushtuar dhe iu kushton shqiptarëve 430 milionë euro. Para të cilat vidhen, ndërkohë që qytetet tona mbulohen nga smogu, mbushen me plehra, sepse e gjitha nuk është veçse një skemë mashtrimi, vjedhje dhe shfrytëzimi. Skandali i inceneratorëve, varfëria që ka pllakosur anembanë vendit, ekonomia në kolaps dhe së fundmi rënia e çdo institucioni janë shkaqe të mjaftueshme për t’i kërkuar çdo shqiptari pavarësisht bindjeve politike që të bashkohemi, të ngrihemi në këmbë dhe të kërkojmë atë që do të kërkonte çdo popull me një fije dinjitet: Largimin një orë e më parë të kësaj qeverie. Largimin një orë e më parë dhe vënien e saj para drejtësisë. Por, fatkeqësisht ndërsa opozita dhe Partia Demokratike nisën në shtator detyrën që premtova para jush për të çmontuar regjimin e masakrës zgjedhore, detyrë të cilën po e kryejmë në të gjitha rrafshet, duke përfshirë hetimin e masakrës zgjedhore, vënien para përgjegjësisë penale të atyre që vodhën vullnetin e shqiptarëve, vettingun e politikanëve nga i pari tek i fundit. Luftën kundër korrupsionit si armiku i mirëqenies të shqiptarëve, ndërkohë pra ne shpalosim një front të gjerë beteje, interesa të ngushta personale brenda familjes tonë krijuan një miniciklon në gjirin e familjes tonë.
Miqtë e mi dua ta them fare qartë, e vetmja shpresë që ka Edi Rama për të mbajtur pushtetin, është të krijojë bindjen se në Shqipëri nuk ka alternativ përveçse Edi Ramës. E vetmja mburojë që i ka mbetur Edi Ramës për të mbajtur pushtetin, është të investojë fuqishëm në përçarjen e të vetmes forcë politike, e të vetmes familje politike që e ka fuqinë të mobilizojë shqiptarët dhe të rrëzojë regjimin e tij. E vetmja shpresë e Edi Ramës për të servirur shqiptarëve të cilëve jua ka boshatisur tavolinat, jua ka zbrazur xhepat, jua ka kalbur produktet fermerëve, jua ka mbyllur qepenat biznesit të vogël dhe iu ka nxjerrë mijëra njerëz të punësuar në rrugë biznesit të madh dhe prodhues, është t’iu shërbejë një spektakël të shëmtuar brenda familjes tonë. Ne nuk kishim në dorë asgjë, në vendimin e aleatit tonë strategjik. As mund ta ndikonim, as mund ta ndalonim. Shpallja non grata e Sali Berishës, është një vendim që është marrë nga aleati jonë strategjik Shtetet e Bashkuara të Amerikës. Ju e dini se për muaj me radhë unë kam punuar me të dhe me partnerët tanë strategjik për të gjetur një zgjidhje pikërisht, për t’ia hequr këtë luks Edi Ramës. Por në fund, njeriu që me të vërtet ka bërë shumë për këtë parti, por dhe ka marrë shumë nga kjo parti, vendosi interesin e tij personal mbi interesat e demokratëve dhe ç’është më e keqja mbi interesat e të gjithë shqiptarëve.
Kjo është e vërteta e qartë dhe e qëruar, gjithçka tjetër është gënjeshtër e sido që të serviret, prapë gënjeshtër ngelet. Ndaj, dhe Partia Demokratike në këto ditë të vështira u vendos përpara dy mundësive: Të mbetemi peng i një lufte të brendshme të nisu nga një njeri për interesat e tij personale. Një lufte që do të sakrifikohej interesat e të gjithë demokratëve, që do të zëroj 31 vite sakrificë që nga dita e parë e themelimit, të themeluesve, qëndrestarëve, që do të vërë në rrezik të ardhmen e forcës tonë politike, të familjes tonë politike. Që do të zhbëjë projektet, vizionin, ëndrrën tonë për rininë demokratë dhe rininë shqiptare, apo të zgjedhim të ardhmen?
E pra, ne jemi mbledhur sot vetëm pak ditë pasi Kuvendi Kombëtar i Partisë Demokratike u mblodh në tiranë dhe foli qartë përmes delegatëve të Dibrës dhe mbarë Shqipërisë dhe vendosi atë që do të vendoste çdokush, çdo prind për fëmijën e vet, çdo familje për veten e saj dhe familja jonë politike vendosi në këtë Kuvend të Zgjedh Ardhmen. Të zgjedhim të ardhmen do të thotë të shkëputemi nga tranzicioni, të lëmë pas hijet e të shkuarës, të bashkohemi në betejën me armikun e përditshëm të mirëqenies së shqiptarëve, korrupsionin dhe shkaktarin e këtij korrupsioni Edi Ramën dhe qeverisjen e tij. Askush nuk është habitur, ndonëse të gjithë shqiptarët e kanë mirëpritur zgjedhjen që ne kemi bërë në 18 dhjetor. Askush nuk ka pse të habitet, sepse ne jemi Partia Demokratike e Shqipërisë. Ne kemi lindur për shkak të shpresës dhe dëshirës së shqiptarëve për ndryshim, për ta shkëputur Shqipërinë e klonuar, e rrethuar nga kloni komunist, e izoluar, e të varfëruar dhe për ta bashkuar atë me familjet e kombeve të lira. Për t’i dhënë shqiptarëve mundësitë, liritë, punësimin, dinjitetin që për 50 vite me radhë jua shkeli me këmbë, jua mori, jua përdhosi dhe jua burgosi regjimi komunist. Sot i njëjti mision është para nesh si 31 vite më parë. Sepse i njëjtë është ky regjim, ndonëse të ndryshme janë mekanizmat e tij. Para 31 vitesh kishim Byronë Politike, 13 njerëz që kishin marrë peng Shqipërinë. Sot kemi Edi Ramën me 6 oligark dhe 6 kriminel që kanë marrë peng Shqipërinë. Ndaj, jemi dhe duhet të jemi përsëri në lartësinë e vokacionit tonë historik si partia, si familja politike që ka vizionin, forcën dhe mundësitë, potencialin njerëzor për ta shkëputur Shqipërinë nga ky stanjacion dhe për ta drejtuar drejt zhvillimit.
Ky rrugëtim që nisim së bashku, nuk është pa vështirësi. Ka tre PPP e famshme, Partneriteti Publik Privat, që është shndërruar në një fjalë të keqe, sepse nënkupton korrupsionin qeveritar. Ka dhe tre P të tjera, Pushteti, Paraja dhe Populli. Si rregull këto të treja duhen të jenë të lidhura me njëra-tjetrën. Pushteti duhet të burojë nga populli, paraja që pushteti administron duhet të jetë në dispozicion të popullit. Po a është sot kështu? A është ky realiteti i Dibrës sot? Sigurisht që jo! Nuk kishim nevojë të shohim bazën e të dhënave të rrogave që është publikuar, në vetvete një vepër penale, për të parë se e kundërta është e vërteta. Se pushteti nuk buron nga populli, se paratë që i merren popullit nuk i kthehen as me pensione, as me rroga, as me investime, as me subvencione. E vërteta është krejt ndryshe, e vërteta është se pushteti është një grabitqar i xhepave të popullit, e vërteta është se pushteti nuk buron nga populli, e vërteta është që pushteti është i përqendruar në pak duar. Në duart e Edi Ramës, i cili është gati që të bëjë gjithçka që ta mbaj këtë pushtet.
Për fat të keq, me vendosjen e interesave personale, mbi interesat e demokratëve dhe mbi interesat e shqiptarëve, ajo që ka ndodhur këto tre muaj dhe ai që e ka shkaktuar po i shërbejnë pikërisht kësaj. E ku ka luks më të madh për Edi Ramën, sesa në një kohë që duhet të shpalosim një betejë frontale kundër tij dhe qeverisë së tij, demokratët të merren me njëri-tjetrin. Ku ka luks më të madh për Edi Ramën sesa në vend që të ushtojë Shqipëria nga protestat për skandalin e inceneratorëve, lartë e poshtë dëgjohen zëra të atyre që vetëm kanë përfituar në kurriz të demokratëve, vetëm kanë përfituar mbi sakrificat e demokratëve dhe pushtetin e marrë mbi sakrificat e tyre dhe që sot janë gati të bëjnë gjithçka për karrige. Ku ka luks më të madh për Edi Ramën, sesa nga mëngjesi deri në darkë si një telenovelë turke pa fund e pa fillim, në vend që të flitet për problemet e shqiptarëve, në vend që t’i mobilizojmë dibranët dhe gjithë shqiptarët në betejë, të dëgjojmë të njëjtat gënjeshtra që qarkullohen e riqarkullohen, e riqarkullohen.
Miqtë e mi, ju e keni parë prej ditës së parë kam vendosur që mos të bëjë simetrinë e t’i përgjigjesha çdo gënjeshtra ashtu siç meritonte t’i përgjigjej. Por sot dy fjalë do t’i them: Nuk mund të ketë dy të vërteta, ose siç e ka thënë vet Sali Berisha, Edi Ramës i duhen 3 jetë për të bërë atë që kam bërë unë me ndihmën e demokratëve, me demokratët, për demokratët dhe për shqiptarët, ose unë jam tradhtar dhe besëprerë. Ajo që i ndan këto dy deklarata nga i njëjti person është 9 shtatori. 9 shtatori është dita kur unë kam vendosur pas muajsh të tërë përpjekjesh, ta ndaj të shkuarën nga e ardhmja. Kam vendosur ta mbaj Partinë Demokratike në krah të SHBA-së dhe SHBA-të në krah të Partisë Demokratike. Kam vendosur pra të mbroj Partinë Demokratike, investimin e demokratëve, të gjithë ju që jeni në këtë sallë , atyre që janë jashtë kësaj salle, dhe të qindra të tjerëve që nuk janë mes nesh sepse janë në emigracion, apo dhe të atyre që nuk jetojnë më por te cilave iu kemi borxh ta mbajmë Partinë Demokratike të fortë, ta mbajmë të madhe, ta mbajmë të bashkuar deh ta bëjmë një orë e më parë drejtuese të fateve të vendit.
Dhe përveç atyre që luftojnë për karriget e tyre dhe atyre që janë ende fatkeqësisht të verbuar nga emocionet dhe nuk arrijnë ende të vendosin interesin e përgjithshëm të demokratëve dhe të shqiptarëve, mbi interesat e një personi, të gjithë të tjetër po e kuptojnë, se fitorja që Partia Demokratike dhe Shqipëria meriton, është sot më pranë. Se pengesat që kemi pasur janë më të kapërcyeshme dhe se aleancat tona janë më të forta dhe vizioni i ynë më i qartë për të larguar regjimin dhe për të sjell Partinë Demokratike në pushtet.
Kjo e ardhme ka trajtat e demokratëve të sakrificës, jo e atyre privilegjeve. Të themeluesve që kurrë nuk u ndanë në asnjë betejë, të të rinjve demokrat që me vetëdije vendosën që Partia Demokratike nuk duhet t’i braktis vlerat e saj pro perëndimore. Që Partia Demokratike nuk është dhe do të jetë pronë private e askujt, por pasuri e të gjithë demokratëve, pasuri e shqiptarëve, pasuri kombëtare. Jemi shumë më shumë se kaq. Jemi instrumenti për të ndryshuar Shqipërinë, jemi instrumente për të përmbysur këtë të keqe. Jemi instrumenti për të larguar atë, për ta çrrënjosur nga Bashkia e Dibrës, në atë të Sarandës dhe mbi të gjitha në Tiranë. Dhe që ky instrument të jetë 100% i fokusuar në detyrën e madhe kombëtare që ka përpara, tani është momenti t’i themi ndal çdo retorike përçarëse. E kam thënë kudo ku më kanë pyetur dhe duhet ta përsëris edhe sot, demokratët nuk janë të përçarë. Ne ndajmë një qëllim: Largimin e Edi Ramës. Retorika përçarëse është ajo që jep përshtypjen që ka një përçarje në radhët tona, por jam i sigurt se po t’i pyes, jo vetëm ju që jeni në këtë sallë por të gjithë demokratët e Dibrës, gjithë demokratët e Shqipërisë, të gjithë ata demokratë të sakrificës, që japin e do të japin pa pyetur se çdo të marrin në këmbim por sepse besojnë tek Partia Demokratike, besojnë tek liria, besojnë tek demokracia, besojnë tek Shqipëria. Dhe po ti pyesim të gjithë, po ti pyesim të gjithë këta demokratë të sakrificës , jo ata pak të kolltukëve , jo ata pak të karrigeve , jo ata pak të pazareve të dukshme e të padukshme me pushtetin . Po ti pyesim të gjithë së bashku a kemi vetëm një qëllim? A kemi vetëm një mision? Atëherë përgjigja është pa ekuivok, po.
Qëllimi ynë është të shpëtojmë Shqipërinë , misioni ynë është ta bëjmë Shqipërinë europiane, të jetueshëm, të zhvilluar e ti mundësojmë bijve dhe bijave tanë të jetojnë këtu me dinjitet e duke patur të njëjtin qëllim e të njëjtin mision, duke patur të njëjtin kundërshtar, detyra e parë dhe kryesore që lind jo vetëm nga lidershipi I partisë por nga çdo anëtar I Partisë Demokratike është ta jetësojmë këtë dhe që ta jetësojmë duhet të hedhim hapat e parë në drejtim të atyre, zemërimi I ligjshëm I të cilëve është përdorur për ti hutuar e çuar në rrugën e gabuar, siç tha njëra nga parafolëset. Askush nuk është I tepërt në Partinë Demokratike. Kam marrë, por kam vendosur mos ti publikoj, qindra, mijëra mesazhe nga demokratët që ndiheshin se ishin mashtruar, që ndiheshin se ishin zhgënjyer për faktin se SHBA nuk bashkëpunon me një parti që nuk distancohet nga një non grata. Që ndiheshin se ishin zhgënjyer dhe ishin gënjyer dhe se qëllimi I SHBA ishte shkatërrimi I Partisë Demokratike.
Në fakt keni dëgjuar nga zyrtarët e lartë amerikanë të kundërtën, keni dëgjuar qartë se ata nuk bashkëpunojnë dhe nuk do të bashkëpunojnë me asnjë parti politike e cila drejtohet nga një non grata apo nga një I mbështetur nga non grata. Keni dëgjuar tashmë se janë pa ekuivok në krahun e Partisë Demokratike dhe presin, presin me padurim ditën që të festojnë fitoren e Partisë Demokratike , por që të ndodhë kjo ne duhet që ti heqim Edi Ramës alibinë se nuk ka shpresë , se nuk ka alternativë. Është kjo alibi që sot për fat të keq bashkon Edi Ramën me Sali Berishën. Ne duhet ti japim fund dhe do ti japim fund kësaj alibie. Ka shpresë, ka alternativë, quhet Partia Demokratike e Shqipërisë , është e bashkuar dhe është e vendosur ndaj çdo demokrati dhe demokrateje ju them jo vetëm nuk jeni të tepërt , por jeni të mirëpritur, jeni të mirëpritur me të gjithë mendimet tuaja, jeni të mirëpritur me kritikat tuaja, për të cilat jam I gatshëm që ti dëgjoj e ti zbatoj me një qëllim, jo për ta dobësuar por për ta forcuar dhe për ta bërë një orë e më parë Partinë Demokratike gati për betejën që na pret.
Kjo vlen për të gjithë demokratët e sakrificave , kjo vlen për demokratët e qëndresave, kjo vlen për të rinjtë dhe të rejat, vlen për të gjithë përveç një grushti njerëzish që ju I njihni fare mirë , që kanë abuzuar me pushtetin e fituar përmes sakrificave të demokratëve dhe që sot janë gati ti përplasin demokratët me forcë men njëri tjetrin, të shkatërrojnë Partinë Demokratike për karriget e tyre, për interesat e tyre personale. Ata që duan ta përdorin Partine Demokratike si mburojë të interesave të tyre, të paprekshmërisë së tyre ju them ndal, nuk do t’iu lejojmë. Demokratët nuk do të hidhen kundër njëri tjetrit , demokratët do të jenë në krah të njëri tjetrit dhe në krah të njëri tjetrit e në krah me shumicën dërrmuese të shqiptarëve do të jemi përballë, deri në fitore, deri në mundjen e regjimit. Prandaj pas qëndresës që bëmë bashkë e di që s’ka qenë e lehtë për të mbrojtur identitetin e familjes tonë të përbashkët vjen edhe momenti i bashkimit me këdo që mund të ketë patur kënaqësi, pakënaqësitë e tyre legjitime.
Një bashkim që ndodh përmes vlerave dhe jo përmes pazareve, një bashkim që rrezaton forcën tonë dhe vizionin tonë për të ardhmen, sepse siç e thashë në Kuvendin Kombëtar siç është Partia demokratike sot do të jetë Shqipëria nesër dhe Shqipëria ka sot nevojë për një Parti Demokratike më të fortë dhe e çliruar nga e shkuara. Zoti i ka falur Dibrës dhe gjithë Shqipërisë pasuri të jashtëzakonshme, mundësi të mëdha për zhvillim. I ka falur kaq shumë bekime sa do t’ia kishte dhe ja ka zili dhe na e kanë patur zili ndër shekuj fqinjët dhe jo vetëm. Por për shkak të kapjes së shtetit , për shkak të të korruptuarve sot jemi vendi më i varfër në rajon. Në shumë fusha, në shumicën e fushave na e kalon edhe shteti më i ri i rajonit, vëllezërit dhe motrat tona në republikën e Kosovës. Dhe këtë e dini ju Dibranët më mirë se çdokush tjetër, se është një trevë e bekuar me pasuri të jashtëzakonshme , por jetoni në një nga qarqet më të varfëra të vendit.
Gjatë gjithë këtyre viteve të sundimit të Edi Ramës është evidentuar qartë se problemi kryesor është korrupsioni. Korrupsioni dhe mosndëshkimi I korrupsionit na kanë sjellë këtu. 134 e pa hetuar na ka sjellë këtu, fakti që Dionis Ymeri duhej të ishte prapa hekurave dhe jo në parlamentin e Shqipërisë, na ka sjellë këtu. Fakti që bashkia duhet të ishte në duart e shumicës dhe jo të pakicës na ka sjellë këtu . Fakti që është ndërtuar ky sistem, pra që ia u merr taksat ju gjoja për të ndërtuar një bashki që do ju shërbente qytetarëve , por ka ndërtuar një sistem patronazhi, ku siç e dini mirë paguhen me rroga fiktive , njerëz të cilët ruhen vetëm për ditën e votës, ato na kanë sjellë këtu. E pra shteti që duhet të ishte mbrojtësi I të dhënave, I cili I ka dërguar ato patronazhistëve dhe përmes këtij dorëzimi të të dhënave na ka shfaqur haptazi tablonë e korrupsionit. Është arsyeja pse ndodhemi në këtë gjendje.
Tani e dimë të gjithë çfarë kemi patur përballë me 25 prill dhe tani që s’ka asnjë dyshim se çfarë kemi patur përpara me 25 prill , dyfish është mirënjohja dhe falënderimi për të gjithë ju që ishit në betejë që nuk u stepët në asnjë çast dhe që mundësuat përkundër masakrës zgjedhore, që zemrat e pastra dibrane të korrnin fitore në këtë qark, ndonëse të pamjaftueshme, për të rrëzuar rezultatin e masakrës zgjedhore në nivel kombëtar. Miqtë e mi ne duhet të bëjmë detyrën tonë, ndaj çdo demokrati I them sot, nesër dhe pasnesër këto tre ditë të fundit të këtij viti I cili duhej të ishte një vit bekimi dhe ndarje nga e shkuara, por që në fakt erdhi me shumë sfida dhe vështirësi. Dhe në veçanti prej ditës së parë të vitit të ardhshëm, për të gjithë ju demokratë dhe demokrate të Dibrës dhe mbarë Shqipërisë, ne duhet të bëjmë detyrën tonë.
Shqipëria kurrë më parë nuk ka patur nevojë për detyrën e demokratëve dhe detyra jonë e parë është të flakim tutje çdo thirrje për përçarje, çdo thirrje për ti hedhur demokratët përballë njëri tjetrit, detyra jonë e parë është të rikonfirmojmë para shqiptarëve se në jemi ata të cilët nisëm udhëtimin 31 vite më parë , njerëzit e vlerave, njerëzit që duan sundimin e ligjit, jo sundimin e njëshit, njerëzit që duan demokracinë e vërtetë dhe jo shitblerjen e votës, njerëzit që duan një Shqipëri ku pasuritë e panumërta të këtij vendi ti gëzojnë të gjithë shqiptarët dhe jo një grusht oligarkësh.
Këto janë alternativat që do ta nxjerrin vendin nga kriza, këto janë alternativat që do t’ia kthejnë pasuritë e Dibrës dibranëve, këto janë alternativat që do t’ia kthejnë mirëqenien shqiptarëve, por në fillim na pret beteja dhe beteja do të jetë e ashpër, ajo pakicë ka shumë për të humbur, një pjesë prej tyre kanë gjithçka për të humbur, sepse gjithçka që kanë nuk e kanë me meritë , por jua kanë vjedhur shqiptarëve, ndaj do të përdorin çdo mjet, do të përdorin shtetin e kapur nga pushtetarët e korruptuar me në krye Edi Ramën. Do të përdorin siç po përdorin mediat e kapura dhe të blera me paratë e korrupsionit. Do të përpiqen të përdorin ata brenda nesh, një pakicë e vogël njerëzish të cilët për pasuritë e tyre dhe interesat e tyre e ndjejnë veten e tyre më pranë këtij grushti njerëzish sesa shumicës absolute të demokratëve.
E pra unë jam këtu për t’iu thënë sot se ne nuk do ta pranojmë këtë, se ne nuk do ta lejojmë këtë. Unë e kuptoj që detyra ime e parë është ti japim fund çdo kakofonie brenda familjes tonë, ti hapim krahët dhe të mirëpresim të gjithë ata që kishin humbur rrugën dhe sot e dinë se përmes bashkimit vjen fuqia dhe fuqia e demokratëve të bashkuar është e papërballueshme nga Edi Rama dhe çirakët e tij. Një thirrje të veçantë e kam për rininë, për rininë shqiptare, natyrisht për rininë dibrane. Ëndrrat më të bukura, ëndrrat për një Shqipëri më të mirë, për një Shqipëri normale, janë guri I themelit mbi të cilën ne ngritëm shtëpinë tonë të lirisë 31 vite më parë. Ishin ëndrrat e studentëve të dhjetorit, edhe sot të rinjtë dhe të rejat kanë energjinë, kanë vizionin për ta bërë këtë të mundur ndaj ju kërkoj strukturave të Partisë Demokratike, drejtuesve të Partisë Demokratike, themeluesve dhe qëndrestarëve t’u japim hapësirën rinisë demokrate dhe rinisë shqiptare. Me 18 dhjetor Kuvendi Kombëtar i të gjithë demokratëve zgjodhi të ardhmen, tani është në dorën tonë ta bëjmë gati Partinë Demokratike për ti prirë betejës për të ardhmen.
Kjo është një betejë pa kompromis me të keqen, kjo është një betejë në përballje totale dhe frontale me të keqen sado i gjerë dhe sado i gjatë të jetë ky front sepse pavarësisht kë kemi përballë, haptazi apo fshehurazi ata nuk mund të jenë kurrë më të fortë se sa bashkimi i pasionit të zemrave të njerëzve të drejtë, të atyre që kanë dhënë dhe që japin gjithçka për demokracinë, të atyre që e dinë që përpos nesh nuk ka shpresë tjetër për ndryshim, të atyre që e dinë se ndryshimi po vjen dhe është i pashmangshëm kur demokratët janë bashkë të vendosur dhe në ballë të betejës. Ndaj ju falënderoj nga zemra për ftesën këtu në Dibër, Ju falënderoj dyfish sepse me të vërtetë ndodhem këtu dhe më keni mirëpritur në shtrëngimin e duarve, në fjalët përshëndetëse, në fjalët që më thatë kur u takuam dhe po kështu me mesazhet që keni vendosur në bulevardin qendror të Peshkopisë si birin tuaj dhe në fakt biri juaj jam.
Por ka një ndryshim meqë po flasim për të ardhmen, ka një ndryshim që dua ta them me dy fjalë. Unë nuk vij këtu të kapërdisem para jush apo para demokratëve apo para shqiptarëve me atë që ju përfaqësoni. Nuk vij këtu që t’ju them që ja ku i kam demokratët e Dibrës në shërbimin tim por vij t’ju them se jam në shërbim të demokratëve të Dibrës dhe të gjithë Shqipërisë. Në shërbim të demokratëve të Kukësit, në shërbim të demokratëve të Shkodrës dhe të Lezhës, në shërbim të demokratëve të Korçës dhe të Elbasanit, në shërbim të demokratëve të Beratit dhe të Gjirokastrës, të Vlorës dhe të Tiranës, të Fierit dhe të mbarë Shqipërisë. Zoti e bekoftë Partinë Demokratike. Zoti e bekoftë Dibrën. Zoti e bekoftë Shqipërinë.

DEKLARATË E GRUPIT TË PUNËS PËR ORGANIZIMIN E ZGJEDHJEVE NË LIDHJEN DEMOKRATIKE TË GRUAS SË PD

Jemi sot për të bërë një komunikim në përgjigje të transparencës dhe të vijueshmërisë të punës që do të kryhet për zgjedhjen në Lidhjen Demokratike të Gruas. Jam këtu me dy kolege, mikesha të nderuara që janë pjesë e grupit qendror të Lidhjes Demokratike të Gruas sa i përket zgjedhjes në këtë forum për t’ju komunikuar në mënyrë të hapur dhe transparente atë çka do të jetë vijimi i punës pas një parapërgatitjeje e cila ka qenë  një fazë shumë e rëndësishme e dizenjimit të strategjisë, e marrjes përsipër të disa  përgjegjësive shumë të rëndësishme për të ndërtuar  një forum të Lidhjes Demokratike të Gruas i cili realisht t’i përgjigjet më në fund normave demokratike dhe të meritokracisë dhe të garës dhe jam këtu me dy koleget e mia, pjesë e grupit të punës për t’ju komunikuar atë që është faza vijuese e kalendarit që do të definohet dhe do të mbarojë me datën 19 shkurt me zgjedhjen e kryetares së Lidhjes Demokratike të Gruas si një zgjedhje që do të vijë nga një përshkallëzim i garës, platformës, primare por mbi të gjithëa si një përshkallëzim i një analize dhe i një  performance të mirë dhe të përgjegjshme të grupit të punës i cili do të vijojë me grupe të tjera të punës nëpër degët e Partisë Demokratike dhe Lidhjes Demokratike të Gruas në Shqipëri. Është e nevojshme ta bëjmë këtë komunikim me publikun dhe  sidomos me zonjat demokrate dhe ato të Lidhjes Demokratike të Gruas për shkak se kjo është fillesa e një sistemi i cili siguron meritën dhe garën. Padyshim Lidhja Demokratike e Gruas ka një histori suksesi dhe përgjatë viteve ka pasur personalitete dhe figura të shquara të gruas shqiptare në profesione dhe politikë. Disa prej tyre që le të themi janë emblemat e Lidhjes Demokratike të Gruas ndër vite dhe në profesionet e tyre dhe jemi të nderuar dhe krenarë që i kemi, kanë qenë pjesë e konsultave të brendshme të grupit të punës i cili përbëhet kryesisht nga zonja deputete siç është bërë e ditur dhe 2-3 zonja të tjera të cilat e njohin  dhe i kanë respektuar strukturat e gruas në disa qarqe të cilat duhet ta themi në çastin e parë ne të gjitha si grup i punës, të gjitha zonjat jemi të përjashtuara nga gara për Lidhjen Demokratike të Gruas. Ky është hapi  i parë që provon se si ky proces nis jashtë çdo konflikti interesi, se si ky proces do të udhëhiqet nga një trup dhe nga një bord drejtues që nuk ka asnjë interes për të influencuar apo për të çekuilibruar çdo normë të garës dhe të votës. Është e rëndësishme të themi që nisi në datën 5 janar ngritjen e grupeve në degët e Lidhjes Demokratike të Gruas dhe për një periudhë që vijon nga data 5 janar rreth 3 javore procesi më i rëndësishëm për Lidhjen Demokratike të Gruas dhe zgjedhjet që do të vijohen në të, është ai që ka të bëjë me analizën dhe performancën dhe anëtarësimet e reja. Analizë dhe performancë për një arsye madhore. Lidhja Demokratike e Gruas, pavarësisht se në shumë vite ka munguar garën dhe konkurrencën, ka munguar ekzistenca e shumë strukturave drejtuese që do të realizonin atë që quhet kontrolli dhe balanca dhe transparenca dhe sidomos meritën dhe për t’i dhënë kontributin atyre që kanë qenë më të sakrifikuara dhe më aktive në jetën e Lidhjes Demokratike të Gruas. Pavarësisht kësaj, ka pasur gra kryetare të Lidhjes Demokratike të Gruas të cilat pavarësisht të mungesës së rregullave të lojës, kanë ditur të qëndrojnë aty dhe të jenë luajale, të jenë kontributore të mëdha, kryetare degësh të Lidhjes Demokratike të Gruas në të gjithë Shqipërinë që pavarësisht të gjitha vështirësive që kanë pasur, do të gjejnë mbështetjen dhe promovimin për shumë elementë të kontributit dhe sakrificës së tyre që ndoshta herë pas here, megjithëse mund të kenë qenë kryetare të Gruas në degët respektive, përsëri e kanë bërë këtë me shumë sakrificë dhe me pak mbështetje. I jemi mirënjohëse kujtdo që në kushte të vështira ka ditur të mbaj atë që është parimi demokracisë, kontributit dhe besnikërisë ndaj besimeve të së djathtës dhe Partisë Demokratike. Mbetet me vlerë të komunikojmë më tej kalendarin. Pas 3 javëve të analizës së performancës dhe hapjes së anëtarësimeve dhe databaz-it i cili do të rikonfirmohet për anëtarësinë e Lidhjes Demokratike të Gruas, do të nisim zgjedhjet në nivel dege të cilat do të bazohen në platforma që do të kenë kandidatet pasi ato të regjistrohen sipas kalendarit që do të publikohet, platformave dhe debateve të brendshme në ccdo nivel dege për Lidhjen Demokratike të Gruas. Në datë 6 shkurt 2022, ditë e diel do të zhvillohen zgjedhjet në të gjithë Shqipërinë  për kryetare të LDG në nivel dege e po ashtu pas datës 6 do të hapim një fushatë në nivel qarku për të nisur atë që është gara nëpërmjet primareve, debatit të bukur, konstruktiv, për të shkuar më në fund në datën 19 shkurt që do të kulmojë me zgjedhjen e kryetares së Lidhjes Demokratike të Gruas. Normalisht pasi kemi diskutuar gjatë një gjë ka qenë në sinkron me të gjitha koleget  që është Lidhja Demokratike e Gruas duhet me të vërtetë të konceptohet si një organizatë partnere  ndaj Partisë demokratike, duke zgjeruar kështu konceptin  jo vetëm të anetarësisë por edhe të asaj që ne e kemi quajtur pjesëmarrëse profesioniste në aktivitetet e Lidhjes Demokratike të Gruas . Pra nuk do të kemi vetëm anëtare por do të kemi dhe një tjetër le të themi kontributore , që është koncepti i pjesmarrëseve, sepse patjetër shoqëria dhe Shqipëria pret që politikbërja të zgjerohet gjithmonë e më tepër drejt asaj mase të shoqërisë, e cila jo domosdoshmërisht kërkon të aderojë në një parti politike, apo në një forum të një partie partnere politike, por kërkon, padyshim, që politika të hapet dhe zgjerohet drejt atyre profesionistëve, të cilët e shikojnë politikën si një politikë zhvillimi. Kështu, gra në profesione të nderuara, mjeke, infermjere, avokate, profesioniste të, juriste të ndryshme, arkitekte dhe të mos vijojmë kështu me profesione në të cilat gruaja në fakt në Shqipëri, në këto 10 vitet e fundit ka bërë progres shumë më tepër sesa imagjinohej, mund ta shohin veten në aktivitetet të Lidhjes Demokratike të Gruas, si pjesmarrëse në politikat e zhvillimit, jo vetëm në politikat ideologjike, por në politikat e zhvillimit. Në këtë mënyrë, besoj që ky dimension, jo vetëm i anëtarit, por edhe i pjesëmarrësit do ta bëjë Lidhjen Demokratike të Gruas vërtetë një organizatë partnere me Partinë Demokratike. Është me shumë vend të theksojmë atë që para se ta nisnim këtë deklaratë dhe komunikim për publikun që mendimi kritik i zonjave të cilat aktualisht mund të kenë shumë kritika për Partinë Demokratike, mund të kenë shumë për të thënë për Lidhjen Demokratike të Gruas dhe më gjerë, mund të kenë shumë për të thënë për ato që po kalon Partia Demokratike në këto momente dhe pikërisht sepse është Partia Demokratike mendimi kritik do ta gjejë veten dhe do të ketë mbështetjen tonë absolute të gjithë grupit të punës për të qenë i promovuar dhe për të qenë i mbështetur në  atë që do të jetë gara e vijueshme deri në datën 19 shkurt ku ne presim që një figurë e nderuar më e gjerë sesa thjesht politike të arrijë të kryesojë Lidhjen Demokratike të Gruas duke krijuar partneritetin dhe duke mbështjellë mendimin kritik dhe padyshim duke patur mbështetjen absolute të një bordi zonjash, ndër më të mirat të cilat tanimë e kanë nisur këtë rrugëtim me përgjegjësi dhe jashtë çdo konflikti interesi. Ju falenderojmë për vëmendjen dhe gjithçka tjetër!

https://youtu.be/6jD54PBjTB8

• Bojkoti i PS në Komisionin Hetimor, Jorida Tabaku: Mbrojtje politike për incineratorët.

DEKLARATË E N/KRYETARES SE PD JORIDA TABAKU, NË KRYESINË E KUVENDIT

Sesioni parlamentar është duke vazhduar dhe sot mbledhjet e komisioneve, ndërkohë që flasim, janë duke u zhvilluar.

Është për të ardhur keq që PS bojkoton mbledhjen e Komisionit Hetimor, pikërisht sot që drejtësia i ka dhënë mundësi Parlamentit të Shqipërisë të vazhdojë edhe më tej me planin e hetimit për të zbuluar se kush në të vërtetë arriti që të kryejë korrupsionin më të madh në Shqipëri me 430 mln euro.

PS premtoi që nuk do ketë mbrojtje politike për askënd që është i përfshirë në këtë aferë.

Ndërkohë që sot mbrojtja politike po jepet duke bojkotuar mbledhjet e komisionit.

Qytetarët e kanë të qartë se komisioni hetimor i inceneratorëve nuk flet pa prova dhe fakte, madje ky komision dhe SPAK-u po i afrohen të vërtetës. Dhe ndërkohë që Lefter Koka është vetëm fillimi, është vetëm i pari që duhet të shkojë përpara drejtësisë, PS është rreshtuar haptazi në mbrojtje të interesit korruptiv të Lefter Kokës, të Klodian Zotos që është sot në kërkim, të Stela Gugallias që është sot në kërkim dhe të Mirel Mërtirit.

PS me bojkotin e saj në këtë komision po përpiqet që të mbrojë njëkohësisht edhe personat e tjerë politikë të përfshirë në këtë aferë.

Në padinë e dorëzuar në SPAK, por edhe në indicet të Komisionit Hetimor për inceneratorët, ne kemi kërkuar që hetimi të vazhdojë me Edi Ramën si person i lidhur dhe mbrojtësi kryesor i aferës së inceneratorëve;

Me Arben Ahmetajn, ministrin përgjegjës dhe personin që ka njohje me pronarët e inceneratorëve; Me Damian Gjikurin, me atë që ka dhënë inceneratorin e Tiranës, pasi dy të parët u dhanë nga Ministria e Mjedisit, ai i Fierit dhe Elbasanit;

Me Qazim Sejdinin, Armando Subashin dhe sigurisht me Erjon Veliajn.

Pa bërë drejtësi për të gjithë këta persona, SPAK-u dhe Komisioni Hetimor nuk kanë për ta kryer punën e tyre.

Shqiptarët duhet të dinë se ku kanë shkuar 430 milionë euro të aferës së inceneratorëve.

Unë sot e kuptoj se përse institucionet shtetërore refuzojnë që të japin përgjigje dhe i njoftova sot anëtarët e Komisionit, përfaqësuesit e PD-së që kishin ardhur, që ne do të vazhdojmë me padi penale, nëse kjo vazhdon.

Unë e kuptoj se përse sektori bankar me urdhër dhe me një shkresë të Klodian Mërtirit nuk jep të dhëna për personat në hetim. Avokatë mediatikë, avokatë politikë nuk mund ta ndalojnë dot punën e PD dhe të këtij Komisioni hetimor që ka nisur duke denoncuar këtë aferë që nga viti 2016.

Unë e kuptoj sot përse konçesionari nuk jep të dhënat.

Ndërkohë që sot janë publikuar të dhëna sensitive të ardhurat e të gjithë shqiptarëve, pagat e të gjithë shqiptarëve që kanë dalë nga Drejtoria e Tatimeve, shteti refuzon t’i kthejë përgjigje Parlamentit për të ardhurat e shqiptarëve, për fondet e buxhetit shtetëror që janë djegur në aferën e inceneratorëve.

Sipas informacioneve që ka marrë Komisioni Hetimor rreth 40 kompani fiktive janë krijuar, që kanë pasur pagesa për individë pa kryer punë, babai i një deputeti të PS, z. Alqi Bllako është vërtetuar, përveç atyre që janë vërtetuar për z. Lefter Koka.

Partia Demokratike, unë dhe të gjithë anëtarët e Komisionit Hetimor, jemi të angazhuar t’i shkojmë deri në fund këtij grupi të strukturuar kriminal.

I bëj thirrje SPAK-ut të vazhdojë hetimet dhe të shtrihet tek personat me pushtet.

Sot Lefter Koka është pa pushtet dhe pa mandat deputeti.

Ata që janë me pushtet në zyrat e shtetit, ata që janë me mandat deputeti, nuk po hetohen akoma.

Askush nuk është mbi ligjin. Askush nuk ka për ta ndalur punën  e këtij Komisioni.

• Publikimi i pagave të mbi 630 mijë qytetarëve, pjesë e skemës së patronazhimit për blerjen e zgjedhjeve.

• Edi Rama duhet të japë dorëheqjen! Ekspozoi mbi 630 mijë qytetarë para keqbërësve dhe hakerave.

DEKLARATË E N/KRYETARIT TË PARTISË DEMOKRATIKE, ENKELEJD ALIBEAJ

Sot, ne të gjithë jemi ndodhur përballë një skandali të përmasave të jashtëzakonshme. Qeveria e Edi Ramës ka nxjerrë në pazar pagat e mbi 630 mijë qytetarëve, shtetas shqiptarë dhe të huaj që punojnë në Shqipëri.

Të dhënat personale dhe sensitive të mbi 630 mijë qytetarëve gjenden sot të publikuara në rrjetet sociale dhe në duart e çdokujt që përdor aplikacionin e whatsapp-it.

Qeveria e Edi Ramës ka dështuar plotësisht të mbrojë të dhënat personale dhe sensitive për pagat, numrin personal të identifikimit, vendin e punës të mbi 630 mijë qytetarëve.

Partia Demokratike beson se publikimi i të dhënave për pagat e mbi 630 mijë qytetarëve  është pjesë e të njëjtës skemë patronazhimit të përdorur nga Partia Socialiste për blerjen e zgjedhjeve.

Të gjithë e dimë, se pak javë para zgjedhjeve, të dhënat personale të më shumë se 900 mijë qytetarëve, të cilat disponohen vetëm nga qeveria, u keqpërdorën nga kreu i qeverisë Edi Rama për të blerë mandatin e tij të tretë.

Për ne, nuk ka asnjë dyshim se lista e publikuar sot, që i përket pagave të marra të mbi 630 mijë qytetarëve në janar 2021, pak javë para zgjedhjeve, është pjesë e strategjisë së partisë-shtet për përdorimin e informacioneve sensitive për qëllime elektorale.

Sot paga dhe të dhënat sensitive të mbi 630 mijë qytetarëve janë në Pazar për shkak të një shteti të rënë në duart e militantëve partiakë, që Edi Rama i përdor për pushtetin e tij personal.

Sot çdo qytetar i Republikës së Shqipërisë duhet t’i kërkojë Edi Ramës të japë dorëheqjen.

Të dhënat e tyre personale, paga e tyre ka rënë në duart e keqbërësve dhe për këtë përgjegjës është vetëm Edi Rama me etjen e pangopur për pushtet.

Edi Rama duhet të mbajë përgjegjësi për këtë skandal të përmasave të jashtëzakonshme! Si mbrojtësi dhe frymëzuesi kryesor i skemës së paligjshme të patronazhimit për blerjen e pushtetit, qeveria e tij ka ekspozuar ndaj kujtdo të dhënat e qytetarëve, përfshi pagën dhe vendin e tyre të punës.

Edi Rama sot duhet të japë Dorëheqjen! Drejtësia duhet të veprojë sa nuk është vonë! Një pushtet I vjedhur duke keqpërdorur  shtetin nuk duhet dhe nuk mund të mbahet dot gjatë në këmbë!

Përshëndetje të nderuara dhe të nderuar mbështetës të Partisë Demokratike dhe të dashur qytetarë, ne jemi të fokusuar tek njerëzit. Fundi i vitit po afron, ndërkohë që një nga skandalet më të mëdha të 31 viteve ka plasur. Ky është skandali i inceneratorëve. Ditën e djeshme është përhapur një lajm sikur Engjëll Agaçi, sekretari i përgjithshëm i kryeministrisë ka dhënë dorëheqjen. Sot, ky lajm nuk konfirmohet. Pavarësisht çfarë kulisash po luhen, fakti është që arrestimi i Lefter Kokës është në vetvete një akt për tu përshëndetur, por krejtësisht i pamjaftueshëm në qoftë se nuk shoqërohet nga një hetim i plotë, i thellë, i shpejtë dhe transparent sa i takon komunikimit me publikun, të pjesëve që mund të komunikohen me publiku. Shqiptarët e dinë që Lefter Koka nuk ka vepruar i vetëm, shqiptarët e dinë që brenda një dite 17 vendime të qeverisë u kaluan me qëllim që të niste puna për 3 inceneratorët, që sot janë skema krimi të sekuestruara nga SPAK. Për më shumë se 4 muaj, Partia Demokratike, ë cila denoncoi dhe bëri të mundur nisjen e hetimeve në nivel të gjyqësorit, ka nisur po kështu edhe përpjekjet për transparencën e plotë parlamentare. Gjëja e parë që dua të them sot, është ti bëj thirrje Ermonela Felaj dhe Edi Ramës, të mos pengojnë seancën e komisionit hetimor për incerneratorët që do të zhvillohet në orën 12, ditën e nesërme, sepse në këtë mënyrë jo vetëm po pengojnë, në mënyrë të jashtëligjshme, antikushtetuese, duke kryer një vepër penale, transparencën parlamentare, por po vetë zbulohen, si autorë dhe bashkë autorë të kësaj afere kriminale. Ditën e nesërme, në orën 12, Komisioni Hetimor për inceneratorët, do të marrë në shqyrtim se si është e mundur, që ditën kur iu vu shiriti skemë krimi inceneratorëve, thesari i shtetit pagoi mbi 500 mijë Euro. Pra, është bërë mullar me prova, se tek inceneratorët dhe me inceneratorët është e lidhur e gjithë kupola qeveritare. Ndërkohë që ne jemi të fokusuar te ky problem, që ka lidhje drejtpërdrejt me korrupsionin qeveritar, Sali Berisha vërtetoi dhe një herë se misioni i tij i vetëm është të bëhet pengesë për opozitën dhe opozitarizmin dhe të vazhdojë të jetë një tub oksigjeni për një qeverisje ilegjitime dhe në koma, e cila ndonëse ka disa muaj që është betuar, jo vetëm që s’ka bërë asgjë nga ato për të cilat është betuar, por ka bërë keq e më keq këto muaj. Është bërë pengesë edhe për hetimin e inceneratorëve, e cila duhet të ishte sot tema kryesore kombëtare dhe ndërkombëtare, e çdo media, përfshirë atyre që për një kohë të gjatë iu është mbyllur goja, apo errësuar ekrani, për shkak të pagesave që kanë marrë nga inceneratorët, sepse në fund të fundit detyra e tyre e parë është ndaj publikut dhe parave të publikut. Këto janë para të shqiptarëve. E pra në vend që të merremi nga mëngjesi deri në darkë me vjedhjen e shekullit, në vend që të shohim në pranga të gjithë ata anëtarë të kabinetit, që janë pjesë e kësaj afere, në vend që të shohim dorëheqjen e kreut të qeverisë dhe vënien e tij para drejtësisë, se pa të nuk do kishin kaluar 17 vendime brenda ditës, prej Sali Berishës dhe me ndihmën e Sali Berishës, sot po merremi prapë me Sali Berishën, i cili nga dëshpërimi për dështimin e një lëvizje false, personale, po zbrazet mbi dyert dhe korridoret e Partisë Demokratike, i shoqëruar nga eksponentë të krimit të organizuar, siç është Fatjon Dautaj, narkotrafikanti i kërkuar nga Agjensia Kombëtare e Krimit në Britaninë e Madhe, njeriu që shkelmoi dyert e dhomës, një prej dhomave të selisë së Partisë demokratike, të asaj që njihet nga gazetarët si dhoma e mbledhjeve të kryesisë, në praninë e një familjari të tij, ish oficerit Dritan Berisha. Një simbiozë e tmerrshme e narkotrafikantit Fatjon Dautaj, i kërkuar dhe i skeduar nga National Crime Agency e Britanisë së Madhe, NCA. Me këtë rast i bëj thirrje dhe autoriteteve britanike dhe përfaqësuesve të tyre në Tiranë, duke ditur që kanë personelin e mjaftueshëm, që ta shqyrtojnë praninë e tij, ja ku e kanë, e kërkojnë në Angli, por ja ku e kanë, Fatjon Dautaj, në selinë e Partisë Demokratike, duke shkelmuar dyert e Partisë Demokratike. Natyrisht ky informacion do ti përcillet në mënyrë zyrtare, jo vetëm Ambasadës Britanike, por gjithë përfaqësive relevante të komunitetit ndërkombëtar në Tiranë dhe autoriteteve relevante të ligj zbatimit dhe të inteligjencës, me të cilat Partia Demokratike ka një bashkëpunim gjithmonë e më të ngushtë. Hyrja e dhunshme në zyra, vetëm ekspozon dëshpërimin e Sali Berishës, të cilin e lexuan të gjithë, dje. Dëshpërim që vjen nga fakti që e ka kuptuar që nuk është thjesht pakicë, por është një i vetëm, i ndjekur nga një përzierje e çuditshme njerëzish, që e kanë urryer gjithmonë dhe që e urrejnë edhe sot, por që shpresojnë, që përmes tij të kapin diçka, në këtë situatë, dhe nga një pjesë, jo sot, po ditën e djeshme, demokratësh të zhgënjyer, rikthimi i të cilëve brenda familjes sonë, duke i zhveshur nga iluzionet dhe gënjeshtrat e Sali Berishës, është një nga detyrat tona. Por më lejoni ta them fare qartë dhe prerë : Partia Demokratike i ika të gjitha mundësitë të mbrojë integritetin e institucionit të  saj nëse dikush mendon se mund ta përdhosë me banditë të dhunshëm.
Partia Demokratike i ika të gjitha mundësitë të mbrojë integritetin e institucionit të  saj nëse dikush mendon se mund ta përdhosë me banditë të dhunshëm, ndaj sot në këtë moment që flasim, Partia Demokratike i kërkon prokurorisë të veprojë në flagrancë , të arrestojë Fatjon Dautajn, ta procedojë atë sipas ligjit shqiptar dhe të  nisë menjëherë bashkëpunimin me autoritetet Britanisë së Madhe sa i takon procedimit  të tij penal si narkotrafikant në Britaninë e Madhe. Më vjen keq që jam kaq i drejtpërdrejtë sepse kjo ngjarje në fakt e meritonte të ndodhte tek Partia e drogës dhe e krimit, që është  partia që qeveris vendin që Trekëndëshi i Bermudës shfaqet përsëri. Dje pamë një non grata përpara kryeministrisë dhe një që pritet të shpallet non grata që nuk kishte marrë as masat më të vogla të sigurisë sepse janë në sintoni me njëri tjetrin. Janë në sintoni me njëri tjetrin sepse i lidh halli i tyre personal, ndërsa ne jemi të fokusuar  tek  njerëzit. Dua ti bëj thirrje  Sali Berishës, ish deputetit të Partisë Demokratike dhe tani pa asnjë funksion në organet drejtuese të Partisë Demokratike. Në radhë të parë të lexojë mirë vendimin e Kuvendit të Partisë Demokratik. Në mbështetje të nenit 42 të statutit të Kuvendit Kombëtar të Partisë Demokratike të datës 18.12.2021 në përmbushje të përgjegjësive të veta  dhe statutore si organi më i lartë vendimmarrës i Partisë Demokratike Në funksion të të ardhmes së PD dhe Shqipërisë, të mbrojtjes së vlerave euro atlantike dhe të parimeve themelore të saj, të mbajtjes gjallë të shpresës së të nesërmes dhe të jetësimit të aspiratës mbarë kombëtare për një Shqipëri si Europa, riafirmon fuqimisht se vlerat euro atlantike, parimet e etikës konservatore dhe të moralit politik, marrëdhënia e ngushtë dhe pa ekuivok me SHBAjanë të paprekshme. Duke mbështetur të gjitha vendimmarrjet e deritanishme të Këshillit Kombëtar, të Kryesisë  dhe te kryetarit që nga kuvendi i 17 korrikut 202, duke e parë të ardhmen e vendit në udhëkryq dhe të ardhmen e partisë Demokratike të kërcënuar nga jehona e të shkuarë, nga një frymë revanshiste që kërkon të delëgjitimojë dhe të shkatërrojë opozitën  nga fluks e me frymëzim e me ide anti demokratike kundër vlerave identitare të pro amerikanizmit dhe po europizmit  vendos:
1.Shpallja non grata e SHBA është e papajtueshme me çdo funksion tjetër në Partinë Demokratike të Shqipërisë.
2.Të mbështesë fuqimisht  iniciativën për dekomunistrizimin  e vendimmarrjes dhe përfaqësimit politik në të gjitha institucionet e shtetërore e publike dhe partitë politike. Kuvendi i ngarkon organeve të Partisë Demokratike për zbatimin e këtij vendimi , vendimi hyn në fuqi menjëherë. Dhe ka hyrë në fuqi ditën që është votuar, të shtunën e 18 dhjetorit.
Pra ajo që ka ndodhur sot është që një ish deputet i partisë Demokratike, që nuk është anëtar i asnjë strukture drejtuese  të Partisë Demokratike , është futur me ndihmën e familjarëve të tij dhe kriminelëve të skeduar nga Britania e madhe për të thyer dyert e Partisë Demokratike , për të zhvendosur vëmendjen dhe fokusin e Partisë Demokratike, nga e vetmja detyrë që ne kemi, të fokusohemi tek njerëzit, të mbrojmë njerëzit, ti mbrojmë njerëzit nga korrupsioni i Edi Ramës. Korrupsioni si armiku më i madh i mirëqenies së tyre, korrupsioni që jua ka zbrazur tavolinat , xhepat dhe do ti gjejë me tavolinat më të zbrazura në prag të Vitit të risë ndonjëherë më parë. Dhe po  e vazhdon ta bëjë këtë ditë për ditë sepse e gjithë lufta opozitare, e gjithë përpjekja e Partisë Demokratike në parlament, në media, në publik, me grupet e interesit, në bashkëpunim me faktorët ndërkombëtarë, e gjitha kjo përpjekje për fat të keq sa i takon ekraneve dhe mediave, i duhet të konkurojë me vandalizmin dhe me dëshpërimin që derdhet ne formën e dhunës në korridoret e Partisë Demokratike. Megjithatë ne nuk do të shfokusohemi nga beteja jonë për njerëzit, ne nuk do të shfokusohemi pir do të ecim përpara me betejën tonë për zbardhjen e plotë të aferës së inceneratorëve dhe vendosjes së gjithsecilit prej tyre para përgjegjësisë penale . Ndaj hapi i parë për këtë është thirrja që i drejtoj Edi Ramës  të zhbllokojë komisionin hetimor  dhe mbledhjen e komisionit hetimor nesër në orën 12, të kthejë anëtarët e komisionit  sepse gjithçka tjetër është një provë e drejtëpërdrejtë para shqiptarëve , se Edi Rama nuk është thjeshtë pjesë e aferës së inceneratorëve , por është koka e vërtetë e inceneratorëve.  Së dyti dje ka kaluar një aferë që lidhet me ata të cilëve as Edi Rama, as Sali Berisha  nuk jua përmendin më emrat . Është shtyrë ligji për investimet strategjike , ligji që ju jep oligarkëve shqiptarë të drejtën  të grabisin pronat e pronarëve  të ligjshëm që të ndërtojnë aty resortet turistike , që të pastrojnë aty paratë e drogës , apo të korrupsionit qeveritar. Ligj i kundërshtuar fuqimisht nga Partia Demokratike , ku në fillim u shpall në vitin 2015, i kundërshtuar përsëri në vitin 2018, i kundërshtuar përsëri ditën e djeshme. Shfokusimi nga kjo tjetër betejë është një tjetër shërbim që i bëhet Edi Ramës  sot nga Sali Berisha për hallet e tij personale. Megjithatë ne nuk do të pranojmë që shtyrja me dy vjet e  këtij ligji të kalojë si një akt rutinë. Përmes departamenteve tona duke filluar  nga ai antikorrupsion, ne do të fillojmë transparencën e plotë  përfituesve të vërtetë dhe oligarkëve që bashkëpunojnë me këta përfitues . Kemi denoncuar rastin e DamIan Gjiknurit  në Radhimë, apo më falni në Jalë ku po grabiten pronat e pronarëve për të ndërtuar dhe për të pastruar paratë e korrupsionit. Po kështu po shtohen e po zmadhohen territoret e grabitura pronarëve në Palasë dhe në zonat e tjera të ashtuquajtura të investimeve strategjike, por që në fakt janë të grabitura nga oligarkë si Zamir Mane me shokë. Pra as oligarkët, as mediat  që mund të financohen prej tyre, as Edi Rama, as Sali Berishanuk do të na shfokusojnë dot nga beteja jonë kundër korrupsioni, armikut të mirëqenies së shqiptarëve.

Lulzim Basha: Ndërsa sa i takon dy çështjeve të tjera shumë të rëndësishme ne do të përgatisim kallëzimet, apo më mirë le të themi ankimet në Gjykatën Kushtetuese. Dhe këto janë, e para, çështja e abuzimit me fondet e tërmetit. Që fondet e tërmetit të vidheshin siç i kanë vjedhur, Edi Rama bashkë me aparatin e tij në kryeministri dhe me kabinetin e tij qeveritar, kanë bërë një sërë manovrash të paligjshme, anti ligjore, me anë të të cilave kanë mundësuar që fondet të cilat duhet të shkonin në drejtim të pasojave të tërmetit, faktikisht të shkojnë në duart e pak njerëzve dhe të përbëjnë një aferë të tmerrshme korruptive, pas asaj të korrupsionit gjatë pandemisë. Gjithçka është e dokumentuar falë edhe punës vetëmohuese të organizatave jo fitimprurëse të cilat tashmë kanë kompiluar në mënyrë të plotë, kanë përgatitur në mënyrë të plotë materialin se si janë keqpërdorur paratë e shqiptarëve, se si janë vjedhur paratë e atyre që qëndrojnë akoma në çadra. Por ndërkohë, Gjykata Kushtetuese, ka gjykuar se pala e paraqitur para tyre nuk është, nuk legjitimohet si palë. Ndaj brenda dhjetorit, Partia Demokratike duke shfrytëzuar hapësirën kushtetuese, përmes 28 deputetëve të saj do të depozitojë, në gjykatën kushtetuese, padinë e plotësuar me fakte shtesë dhe me fakte të reja, sa i takon korrupsionit me tenderat e rindërtimit. Dhe së fundi, objekt tjetër i mbledhjes së sotme, që i shërben qytetarëve dhe jo Sali Berishës dhe as Edi Ramës, është dërgimi në Gjykatën Kushtetuese, i ligjit për rithemelimin e kontrollit,  punëtorët dhe fshatarët e sigurimit të shtetit, i ashtuquajtur ligji për bashkëqeverisjen, që është një krim i dyfishtë. Nga njëra anë është destinimi i miliona, dhjetra-qindra miliona të shqiptarëve, për të krijuar një strukturë, gjoja monitoruese të administratës, por që në fakt janë patronazhistët, patronazhistët që duhet të përgjigjen në një tjetër komision hetimor, atë të masakrës zgjedhore të 15 Prillit. Pra, është shpërdorimi i fondeve publike dhe nga ana tjetër është krijimi i një ushtrie apo një reparti tjetër, të një ushtrie politike të partisë shtet. Ligji për bashkëqeverisjen po kështu do të dërgohet në Gjykatën Kushtetuese. Siç e shikoni kemi shumë punë përpara, në nivel parlamentar, në nivel ligjor, në nivel politik. Partia Demokratike është në krye të detyrës. Për fat të keq, ndërsa ne jemi duke bërë detyrën tonë, Sali Berisha me një grusht familjarësh, me një grusht banditësh të skeduar në Britaninë e Madhe për narkotrafikantë, vjen dhe thyen zyrat. Kjo është një fatkeqësi për demokratët. Por unë i siguroj, se dëshpërimin e një njeriu të vetëm nuk do ta lejoj të marrë peng as aksionin tonë politik dhe as ti zgjasë jetën një tjetri, që pret të njëjtin fat si ky.
Nuk do të lejoj që një i shpallur non grata nga Shtetet e Bashkuara të Amerikës të bëjë gjithçka për ti zgjatur jetën politike dikujt tjetër që pret të shpallet non grata dhe meriton të shpallet non grata. Pavarësisht se sot është ulur në poltronin e kryeministrit të vendit. Ndaj ne do të vazhdojmë punën pa iu përgjigjur provokimeve. Pa provokuar, por duke bashkuar jo vetëm demokratët por të gjithë shqiptarët në këtë betejë që bëhet për njerëzit. E cila ka në fokus njerëzit, shumicën dërrmuese të qytetarëve. Qytetarët dhe qytetaret normale të këtij vendi. Familjet e tyre, fëmijët e tyre, rininë shqiptare, ekonominë shqiptare. Asgjë nuk do të na lëvizë nga vendosmëria e jonë për të vazhduar këtë rrugë. Asgjë nuk do të na pengojë apo intimidojë për ta çuar deri në fund gjithçka që kemi nisur. Asgjë nuk do të na ndalë të bëjmë transparencën e plotë parlamentare të inceneratorëve dhe personave përgjegjës duke i kërkuar njëkohësisht SPAK që mos të mjaftohet me hapin e parë, por që të vazhdojë urgjentisht me hapat e tjerë të hetimit, arrestimit të personave përgjegjës të të gjitha niveleve e në veçanti të politikanëve dhe të pushtetarëve të përfshirë në këtë aferë. Armiku i mirëqenies së shqiptarëve, armiku i bukës së gojës së fëmijëve, korrupsioni dhe aleanca e korrupsionit duhet të marrin goditjen e merituar. Dhe duhet ta dinë mirë se përballë kanë një parti demokratike më të vendosur se kurrë . Të çliruar nga hijet e së shkuarës, të çliruar nga komplekset e së shkuarës. Le ta dinë këtë Edi Rama, Sali Berisha, oligarkët, bosët e krimit të organizuar apo ushtarët e tij që vijnë vërdallë janë nën mbikëqyrjen tonë. Jo vetëm tonën, nuk na intimidojnë dhe nuk i pret fati që u premton Sali Berisha, Edi Rama apo ndokush tjetër nga trekëndëshi i Bermudës që i ka pasur dikur rekrut dhe që mund ti dërgojë si pjesë e skenarëve destabilizues për opozitën dhe për Shqipërinë. Ja ku jemi. Punën do e vazhdojmë, betejën do e vazhdojmë. Ne jemi të vendosur të bëjmë atë që kemi thënë. Të zgjedhim të ardhmen, të luftojmë për të ardhmen dhe e ardhmja e shqiptarëve nuk do të jenë narkotrafikantët në zyrat e PD. Nuk do të jetë nja klan familjar, apo një grusht ish pushtetarësh të korruptuar me bagazhe të kaluarës që i bëjnë fresk Edi Ramës. Teksa mbytet në djersën e maktheve dhe ankthit të merituar si kreu e qeverisë më të korruptuar të Europës. E ardhmja e Shqipërisë dhe e shqiptarëve do të jetë pikërisht një parti e çliruar nga mbetjet e së shkuarës nga mentaliteti i së shkuarës. Nga mbetjet e komunizmit, nga mbetjet e korrupsionit. Një parti e vendosur, plotësisht e pajisur me të gjitha kapacitete njerëzore dhe me vullnet të hekurt politik siç e demonstruam në Kuvendin e 18 Dhjetorit  për ti dalë zot fateve të shqiptarëve dhe fateve të vendit