Blog

• Basha arrin marrëveshje me KASH: Ndryshimi ka marrë formë konkrete në programin tonë. 25 prilli, instrumenti i vetëm për ndryshim. Ne po marrim përgjegjësitë tona. Merrni edhe ju përgjegjësitë me votë masive për nr.9.

• “Përmasat e etjes për ndryshim janë kombëtare.” Basha nënshkruan marrëveshje me KASH: Ndryshimi është në dorën e qytetarëve. 100 milion euro subvencione për fermerët. Votoni 9!

NJOFTIMI PËR MARRËVESHJEN E PARTISË DEMOKRATIKE ME KËSHILLIN E AGROBIZNESIT SHQIPTAR

Kryetari i Partisë Demokratike Lulzim Basha, ka nënshkruar marrëveshjen me Këshillin e Agrobiznesit Shqiptar. Gjatë fjalës së tij, Basha u shpreh se pas 8 vitesh ngecje në vendnumëro në shumë fusha, ku përfshin dhe sektorin e bujqësisë, ka ardhur koha që fermerët dhe agro-përpunuesit shqiptar të mbështeten me programe serioze. Sipas kreut të opozitës, ky është sektori më jetik për ekonominë kombëtare dhe ndryshimi më 25 prill shihet në këto marrëveshje që janë garancia e qeverisë së ardhshme që do t’i shërbejë fuqizimit të bujqësisë dhe fermerit shqiptar. Lideri i opozitës gjithashtu tha se me nxitjen përmes programeve për shumëfishimin e ndihmës nga IPARD-i dhe hapja e negociatave brenda 100 ditëve të para të qeverisjes, do të krijojnë mundësi për subvencione direkte për bujqësinë shqiptare.

Më poshtë fjala e plotë e kryetarit të Partisë Demokratike dhe përfaqësuesve të Këshillit të Agrobiznesit Shqiptar.

Lulzim Basha:
I nderuar zoti Rrapaj, kryetar i këshillit të Agrobiznesit shqiptar, zonja Shena, drejtore ekzekutive, profesor Binaj Drejtor i Këshillit të Ekspertëve të Agrobiznesit, zoti Shehi, kryetar i shoqatës së prodhuesit e verës familjare, profesor Mavromati kryetar i shoqatës “Shëndeti i Kafshëve dhe Mjedisi”, zoti Gjoka, kryetar i Shoqatës së Industrisë së Bimëve Mjekësore dhe Aromatike, zoti Kasa, kryetar i Unionit Turistik Shqiptar!
Takohemi për herë të dytë në një hark kohor të shkurtër. Është kënaqësi t’ju mirëpres si përfaqësues të 25 shoqatave kombëtare dhe 12 këshillave rajonale të agrobiznesit që përbëjnë Këshillin e Agrobiznesit Shqiptar. Jemi këtu, pra, për të finalizuar një marrëveshje që vjen pas 8 vitesh bashkëbisedim të hapur, që ka ndodhur në ambientet e tuaja të punës, në arat dhe serat e fermerëve, në stallat e blegtorëve, në molet e peshkatarëve, në impiantet e përpunimit të industrisë, të agrobiznesit. 8 vite në të cilat ne kemi prekur dhe ndjerë nga afër shqetësimet dhe hallet, problemet e shtuara dhe ngecjen në vendnumëro e shpeshherë falimentimin dhe ecjen prapa të një sektori jetik për ekonominë kombëtare. Pothuajse 50% e popullsisë varet nga ky sektor, ndonëse kontributi ekonominë kombëtare nuk i përgjigjet të njëjtave shifra. Ndonëse, kontributi në ekonominë kombëtare është afër 22% prapë se prapë 1 në 2 shqiptarë varet nga aktiviteti i bujqësisë, blegtorisë, agro-përpunimit dhe degëve të tjera dhe kështu pra, kemi një detyrim të jashtëzakonshëm për t’i dhënë fund mbetjes në vendnumëro dhe për të ecur përpara. Ne kemi vëzhguar së bashku diagnozën, problemet që kanë shkaktuar këtë kolaps në bujqësinë shqiptare. Ne kemi evituar së bashku potencialin e vërtetë të këtij sektori dhe të gjithë nënsektorët e tij. Ne kemi parë po kështu mundësitë e shtetit shqiptar, mundësitë reale jo tullumbacet elektorale për të ndihmuar fermerin shqiptar, blegtorin shqiptar, agro-përpunuesin shqiptar. Ne kemi bërë krahasime me modele të suksesshme dhe nuk na është dashur të fluturojmë larg por mjafton të hedhim vështrimin përtej kufirit në Republikën e Maqedonisë së Veriut, në Kosovë dhe të shikojmë ndryshimin bardh e zi që si ata kanë ecur përpara duke mbështetur fermerin, duke mbështetur infrastrukturën rurale, duke i kushtuar rëndësi të veçantë ushqimit, sigurisë, industrisë ushqimore dhe po kështu duke i parë ato si një pjesë e pandarë e ekonomisë kombëtare, jo vetëm turizmit por dhe degëve të tjera të ekonomisë e në veçanti si një potencial krejtësisht i pashfrytëzuar për eksportin shqiptar. Bashkë kemi formuluar zgjidhjet. Me shoqatat e fermerëve i kemi diskutuar këto dhe tashmë po i bëjmë pjesë të planit tonë të punës, planit të punës që qeveria e ardhshme është e gatshme ta zbatojë pas 25 Prillit.
Të nderuar përfaqësues të Këshillit të Agrobiznesit Shqiptar!
Ne jemi këtu sot për ta finalizuar këtë marrëveshje pasi jemi të bindur se ndryshimi është i domosdoshëm, jetik. Se pas 8 vitesh mbetje në vendnumëro dhe ecje prapa në shumë fusha as fermeri shqiptar, as agro-përpunuesi shqiptar, as konsumatori shqiptar nuk mund të vazhdojë më tej as 4 javë të tjera kështu. Ndryshimi ka marrë një formë konkrete përmes angazhimeve të programit tonë. Ky program nuk vjen si rezultat i dy muajve punë para fushate. Ju e dini fare mirë, puna ka nisur vite e vite më përpara por unë jam i nderuar dhe i privilegjuar të ndaj me ju faktin se programi në vetvete është produkt i ekspertëve të fushës, është produkt i bashkëpunimit të dialogut dhe sugjerimeve tuaja dhe dhjetëra përfaqësuesve të tjerë me të cilët kemi dialoguar gjatë kësaj kohe, është produkt i kontrollit disafish të praktikave më të mira europiane në këtë fushë sepse në fund të fundit synimi ynë mbetet anëtarësimi i vendit në Bashkimin Europian. Ne e dimë fare mirë që nga njëra anë procesi i anëtarësimit në Bashkimin Europian do t’i mundësojë këtij sektori, sektorit të bujqësisë, të ushqimit, të konsumit, një mbështetje që i ka munguar deri më sot apo që është keqpërdorur: IPARD-i ka mundësinë të shumëfishohet përmes programeve të tjerat të shumta të Bashkimit Europian për të ndihmuar fermerët, agrobiznesin, turizmin dhe të gjithë degët e tjera të ekonomisë të lidhura me të. Pra, procesi i anëtarësimit në Bashkimin Europian është jetik por kjo rrugë ka 8 vite që është bllokuar. Negociatat janë premtuar në 2013 se do të hapeshin pas një viti dhe mbeten akoma larg. Përmes angazhimit tonë për t’i hapur negociatat brenda 100 ditëve të para të qeverisjes tonë ne e kemi të qartë se nuk bëhet fjalë vetëm për një firmë që unë do të hedh në Bruksel por bëhet fjalë për hapjen e mundësive që sot fermerët e vendeve të tjera të rajonit i gëzojnë. Në këtë mënyrë për çdo euro që qeveria e re shqiptare do të çojë tek fermeri shqiptar, do të kemi të paktën 1 euro ose më shumë nga Bashkimi Europian. Në këtë mënyrë do të arrijmë të subvencionojmë fermerin shqiptar në mënyrë të drejtpërdrejtë, mbështetja do të jetë direkte tek fermeri, pa burokraci, duke përdorur modelet më të avancuara për të shmangur abuzivizmin dhe kontaktin me administratën. Në këtë mënyrë do të bëjmë të mundur që prodhimet tona cilësore, që janë krenaria jonë e duhet të jenë krenaria e ekonomisë tonë, të përbëjnë një bekim edhe për konsumatorin në kuptimin e cilësisë dhe çmimit, edhe për prodhuesin në kuptimin që në vend që të zhytet siç është sot në fakt, në borxhe, të krijojnë mirëqenie personale, familjare, ta kthejnë në një sipërmarrje aktivitetin e tyre si fermerë edhe për industrinë e lidhur me të. Pra, në një bekim për ekonominë shqiptare. Një zgjim kombëtar të ekonomisë shqiptare, të energjive pozitive të këtij sektori, nuk mund ta arrijmë pa bërë të mundur që një sektor kyç, siç është ai i bujqësisë, të marrë të paktën, të njëjtën mbështetje që merr ai në Maqedoninë e Veriut apo në Kosovë. Pra, nuk jemi këtu për të nënshkruar mrekullira, por partneritet të sinqertë dhe të drejtpërdrejtë për një qëllim të përbashkët të cilit i shërbejmë nga pozita të ndryshme që është fuqizimi i bujqësisë, fuqizimi i fermerit shqiptar, mirëqenia e fermerit shqiptar dhe mundësia që ky sektor të rrisë kontributin në ekonominë kombëtare, të rrisë eksportin dhe të kurojë apo të ndihmojë në kurimin e disa plagëve të mëdha që na janë hapur, siç është emigracioni masiv i të rinjve: të rinjtë e zonave rurale dhe jo vetëm, që shkojnë si mëditës, punëtorë me mëditje në Maqedoninë e Veriut apo në Greqi apo diku tjetër. Me këtë program ata do të kenë instrumentet që në tokat e tyre, në asetet e tyre bashkë me prindërit e tyre, të krijojnë mjaftueshëm mirëqenie, jo për mbijetesë por për të jetuar me dinjitet e për të siguruar e garantuar dhe planifikuar jo thjesht të nesërmen por të ardhmen e tyre. Ndryshimi është imperativ, tashmë këtë e di çdo shqiptar dhe jo vetëm. Është e qartë që nuk mund të ecim drejt Bashkimit Europian pa bërë të mundur ndryshimin. Për ne, ndryshimi përkthehet në punë konkrete për të zbatuar këto angazhime konkrete, në sektorin tuaj dhe në çdo sektor tjetër të ekonomisë. Kjo është përgjegjësia jonë, kjo është përgjegjësia e çdo force politike e cila kërkon t’i shërbejë vendit dhe qytetarëve. Të bëjë analizën e qartë të problemit, diagnozën dhe të sjellë zgjidhje realiste dhe të angazhohet seriozisht dhe me përgjegjësi për t’i bërë këto zgjidhje realitet. Ky është angazhimi im, i ekipit tim, i Partisë Demokratike dhe i Aleancës për Ndryshim, para jush, para të gjithë atyre që ju përfaqësoni në këtë marrëveshje. Kjo është përgjegjësia jonë. Thënë kjo, përgjegjësinë për ndryshim e kanë qytetarët. Dita kur kjo mundësi paraqitet është 25 prilli dhe instrumenti i vetëm për ndryshim, mundësia e vetme për ndryshim, është vota. Ne po marrim përgjegjësitë tona. Unë kam një ftesë, në këtë nënshkrim të marrëveshjes, me ju dhe përfaqësuesit e shoqatave të tjera, të cilët po kështu, janë të përfshirë në këtë marrëveshje të negociuar tashmë prej shumë kohësh. Unë kam një thirrje për ju, që të merrni përgjegjësitë me votë, në 25 prill! Me të gjithë sektorët, me të gjithë fermerët, me të gjithë agro-përpunuesit, me familjarët, me shokët, me miqtë! Përmasat e dëshirës për ndryshim, janë kombëtare! Ato tejkalojnë ndarjet partiake, si asnjëherë etja për ndryshim duket kudo por ndryshimi është në dorën e qytetarëve. Secili ka përgjegjësinë ta shprehë atë me votë, ndaj që të na mundësoni zbatimin e kësaj që nënshkruajmë sot, zotim që e marrim, angazhim që e marrim publikisht, haptazi dhe me transparencë, ju kërkoj që masivisht t’u drejtoheni kutive të votimit dhe të votoni për ndryshimin! Të votoni për Partinë Demokratike, për Aleancën për Ndryshim dhe të na mundësoni që zotimet që sot marrim përsipër, nesër t’i keni realitet! Na mundësoni po kështu, që pas 25 prillit, të themelojmë një kulturë të re politike në vend sepse unë dua ta përsëris sot, atë që kam thënë kudo, nëse zotimet nuk përmbushen, unë nuk do të kërkoj një mandat tjetër! Ky duhet të jetë themeli i politikës europiane, me të cilën duam të ndërtojmë Shqipërinë Europiane, sepse kështu funksionon Europa, kërkon votën, merr përgjegjësi! Tetë vite kanë kaluar, ku vota është kërkuar me premtime të shumta që nuk janë mbajtur! Tani po vjen koha të mbyllim derën e politikës që premton, nuk bën asgjë dhe pastaj ripremton në prag të votimeve. Andaj, zotohem para jush, këto angazhime, të cilat sot i firmosim bashkërisht, do të përbëjnë edhe testin e provës për katër vitet e ardhshme! Natyrisht, ne do të takohemi vazhdimisht, nuk do ta lëmë për ditën e fundit por jam i bindur se bujqësia shqiptare, fermeri shqiptar, industria agro-përpunuese shqiptare, përmes masave që do të marrim, përmes një qeverie që do të jetë në krahun e tyre dhe jo kundër tyre, do të përjetojë një ndryshim të thellë ekonomik. Një rritje të prodhimit, një rritje të eksportit dhe një rritje të mirëqenies për të gjithë fermerët shqiptarë, familjet e tyre dhe gjithë punonjësit e sektorit të agro-përpunimit, të biznesit dhe sektorëve të tjerë, të cilët ndërlidhen me të, siç është sektori i turizmit. Ju faleminderit!

Agim Rrapaj: Faleminderit, zoti Kryetar! E vlerësojmë të rëndësishme këtë marrëveshje për arsye se po hidhet një hap tjetër në drejtimin e besimit për ato çka thuhen në një fushatë elektorale. Ky hap i domosdoshëm në këtë marrëveshje pasqyrohet realisht tek ajo çka në brendësi marrëveshja. Unë dua të vlerësoj edhe procesin që ne kemi negociuar dhe grupin e punës i cili ka qenë tek zyrat e Kashit me një pjesëmarrje më të gjerë, të them të drejtën kemi debatuar gjatë deri sa arritëm këtë marrëveshje që do të nënshkruajmë sot. Është shumë e rëndësishme për të shpjeguar edhe qëllimin përse ne e kemi këtë marrëveshje. Jemi përqendruar në një qëllim kryesor që ato çka themi sot ti realizojmë në praktikë dhe të jemi të besueshëm nesër për të bërë atë çka kërkon vetë fermeri. Objekti i marrëveshjes është mjaft i gjerë, por mbledh brenda vetes katër shtylla kryesore. Shtyllën e parë është procesi i kooperimit dhe koordinimit që është një ndër plagët e patrajtuara siç duhet deri më sot ne kemi të formalizuara vetëm 17% sot të fermerëve dhe 83% janë të paformalizuar. Fakti që ne po e vlerësojmë këtë proces të formalizmit të fermerëve është shumë i rëndësishëm për të gjithë proceset në vijim. Elementi i dytë i rëndësishëm ka të bëjë me inovacionin, me mekanizimin dhe me digjitalizimin. Është element shumë i rëndësishëm dhe edhe kjo është një plagë që ne po vendosim përsëri gishtin për ta realizuar në të ardhmen. Elementi tretë i rëndësishëm ka të bëjë me çështje në financimit dhe disbursimit të fondeve grant. Ne kemi mirëpritur ofertën e bërë nga Partia Demokratike për 100 milion grant dhe 50 milion investime në infrastrukturë. Është shumë e rëndësishme vendosja e shifrës, por akoma më e rëndësishme është vënia e kësaj shifre në proces. Ne besojmë se do të shpërndahet ashtu siç duhet . Element tjetër i rëndësishëm i kësaj marrëveshje është tek përmirësimet ligjore. Kemi ligje që nga 2012 që nuk janë prekur me dorë dhe nuk janë formalizuar apo nuk janë nxjerrë amendamentet e duhura. Ky është mjaft i rëndësishëm. Përmenda këto katër shtylla të marrëveshjes se mbi bazën e këtyre shtyllave në themi të kemi një impakt të jashtëzakonshëm për sa i përket në vijimësi. Është e rëndësishme që ne këto katër shtylla t’i konkretizojmë në një afat sa më të shkurtër në mënyrë që të bëjmë realitet të gjitha angazhimet e tjera. Unë ju falënderoj shumë për këtë marrëveshje që do të nënshkruajmë sepse kjo do të na forcojë më shumë besimin në të ardhmen. Faleminderit!

Lulzim Basha: Faleminderit zoti kryetar i Këshillit të Agrobiznesit Shqiptar! Ju ftoj atëherë të nënshkruani marrëveshjen, të finalizojmë një punë disavjeçare dhe të marrim këtë zotim publik dhe transparent para gjithë fermerëve shqiptarë dhe sektorit të agro-përpunimit. Ju uroj punë të mbarë dhe mbarësi! Në këto ditë të mbetura që na ndajnë nga dita e votimit, ju uroj përgjegjshmërinë maksimale për vendimet që do të merrni dhe ju kërkoj të votoni për ndryshimin, të votoni për numrin 9, në mënyrë që zotimet e mara të bëhen realitet duke filluar nga dita e parë e qeverisjes së ardhshme. Faleminderit shumë!

Basha nga Selenica: E keqja, korrupsioni, mashtrimi e dështimi largohet me votë. Ne do dalim të gjithë të votojmë numrin 9 dhe të sjellim ndryshimin që shqiptarët kanë nevojë.

NJOFTIMI PËR TAKIMIN E KRYETARIT TË PD, LULZIM BASHA, NË SELENICË

Destinacioni i radhës i fushatës përmbyllëse të kryetarit të Partisë Demokratike, Lulzim Basha, ishte Selenica. Në fjalën e tij para qytetarëve, Basha tha se e keqja largohet me votë, korrupsioni largohet me votë, mashtrimi e dështimi largohet me votë. Për këtë, kreu i opozitës u shpreh se vota për numrin 9 është shkon për infrastrukturën, për fermerët, për subvencionet, dhe mbi të gjitha për dinjitetin.

Më poshtë fjala e plotë e kryetarit të PD para qytetarëve në Selenicë.

Lulzim Basha:
Mirëmbrëma vëllezër dhe motra, zonja dhe zotërinj, rinia e Selenicës. Mirë se ju gjej ju medaljon i trimërisë, i fisnikërisë, i bujarisë dhe i historisë së lavdishme të Vlorës dhe të Shqipërisë. Për mua është një emocion i papërmbajtshëm të ndodhem këtu përsëri në mesin tuaj dhe të shoh në këtë ore të vonë të mbrëmjes dhe të shoh dritën e shpresës, të besimit dhe të fitores dhe të dëgjoj nga Devolli në Durrës, nga Saranda në Tropojë këngën e fitores për çdo shqiptar. Fitoren e Vlorës dhe Labërisë, fitoren e Sarandën, fitores për Selenicën, fitores më të madhe dhe më të thellë. Përmes pjesëmarrjes më të madhe që ka njohur ndonjëherë Vlora dhe Shqipëria, sepse e madhe ka qenë barra këto tetë vite në familjet tuaja, në vatrat tuaja. Në gjokset e prindërve, në lotët e nënave, nga një njeri që erdhi, premtoi dhe tani vjen përsëri pa pikë trupi ju kërkon për herë të tretë votën dhe fjalën. Tetë vite nuk e mbaroi rrugën e premtuar, tetë vite zvarriti, tetë vite mashtrime për fermerët, tetë vite duhet të marrin fund për tre ditë e dy orë.
E keqja largohet me votë, korrupsioni largohet me votë, mashtrimi e dështimi largohet me votë. Duke u bërë të gjithë bashkë dhe duke votuar ditën e diel numrin 9. 9 për Selenicën, 9 për Vlorën, 9 për Labërinë, 9 për Shqipërinë. S’ka bërë asgjë për ju. Kjo është shtëpia juaj, kjo është Selenica juaj, e selenicarëve punëtorë dhe fisnikë. Dhe ju jap planin e qeverisë së ardhshme, se ne do ta bëjmë realitet. E kam parë Selenicën, e kam parë me sy, e kam parë me sy sa afër është. Vëllezër dhe motra, është kaq afër dhe kaq larg por ne jemi njerëzit e rrugës së kombit, ne jemi njerëzit e tunelit të Elbasanit. Ju jap fjalën, ne do ta bëjmë urën realitet brenda dy viteve të para dhe Selenica nuk do të jetë më një ishull i izoluar por një qendër e fuqishme që lidh bashkë krahinat më krenare të jugut, Mallakastrën, Vlorën, gjithë këto fshatra të bukura me prodhime të jashtëzakonshme. Dhe po kështu këtë rrugë që zgjati 5 herë më shumë seç duhet të zgjaste, të premtuar dhe të stërpremtuar, dhe po kështu lotët e premtuara përsëri tani pas 8 viteve nga njeriu që bredh me 3D nën sqetull, me thesin e renave në shpinë, në 25 Prill Selenica ndahet nga 8 vite dështim. Selenica do të votojë ndryshimin, do të votojë numrin 9. Për infrastrukturën, për fermerët, për subvencionet, për lotin e 4 dhe urën dhe mbi të gjitha për dinjitetin, për prindërit tanë, për rininë e mrekullueshme të Selenicës. 3 ditë vendimtare në të cilat nuk është fati i partive politike, por është fati i çdo familje, i çdo familje shqiptare, i çdo prindi shqiptar, i nënave shqiptare, i bijave dhe bijve tanë, i fëmijëve të këtij vendi. Prandaj jemi të gjithë bashkë dhe bashkë do të sjellim ndryshimin për Selenicën. Bashkë për ndryshimin! Votoni numrin 9! Dhe kështu Selenica fiton! Shqipëria Fiton!

Donald Tusk një mik i vërtetë i shqiptarëve. Mesazhi i qartë Presidentit të PPE: Shqipërisë i duhet ndryshimi! Lulzim Basha do të realizojë integrimin në Bashkimin Europian.

Basha me 100 ekspertë: Gati për 100 ditët e para të qeverisjes

Basha: Ne kemi planet më të mira të punës, ne kemi ekspertët më të mirë, ne kemi listën më të mirë

NJOFTIMI PËR TAKIMIN E KRYETARIT BASHA ME EKSPERTË TË FUSHAVE TË NDRYSHME

Lulzim Basha: Të dashur zonja dhe zotërinj, të nderuar profesorë, përfaqësues të sipërmarrjes, ekspertë të të gjitha fushave: ky është një takim i veçantë sepse nis javën e fundit drejt 25 prillit, ditës së zgjedhjeve parlamentare më të rëndësishme në 30 vite. Ne kemi gati planet më të mira të punës, ne kemi ekspertët më të mirë, ne kemi listën më të mirë dhe përfaqësuese, kemi mbështetjen më të madhe në historinë e vendit dhe tani fjala është për ju. Po e nisim me ekonominë, profesor Selami Xhepa.

Selami Xhepa: Së pari, doja të përshëndes të gjithë grupin e ekspertëve të Partisë Demokratike, të cilët kanë punuar për të hartuar një program që në gjykimin tim simbolizon dy prioritetet thelbësore që ka sot Shqipëria në fushën e ekonomisë. Në radhë të parë, një lloj programi emergjencë për shërimin e ekonomisë për shkak të dy goditjeve shumë serioze dhe negative që ka ndërmarrë dhe shpresoj që kjo përfshin edhe 100 ditët e para. Së dyti, një program të rëndësishëm reformash të cilat kanë të bëjnë me rivendosjen e ekonomisë së vendit në atë trajektoren e vet të rritjes potenciale, në rrugën e rritjes së shëndetshme të saj. Tani reformat janë shumë problematike për Shqipërinë dhe ndoshta moria e reformave që kanë targetuar ekspertët e Partisë Demokratike, në gjykimin tim janë absolutisht të mirëgjetura. Reforma themelore, unë gjykoj se fillon me ndryshimin e qeverisjes, sepse në fakt problemet e ekonomisë nuk janë problemet e ekonomisë si e tillë, janë probleme që kanë të bëjnë me cilësinë e qeverisjes së një vendi dhe unë mendoj se janë pikërisht këto ato që e kanë agravuar gjendjen e ekonomisë. Flasim për ekonomi tregu dhe s’kemi treg dhe arsyeja kryesore se pse nuk funksionon ekonomia është pikërisht mungesa e tregjeve, është kapja e tregjeve. Flasim për financat publike modeste dhe ndërkohë ne i shpërdorojmë, sepse praktikat e përdorimit të fondeve publike, janë gjerësisht të diskredituara. Flasim për një bollëk të pasurive që ka Shqipëria dhe kemi një mungesë të theksuar transparence për mënyrën se si shfrytëzohen këto pasuri, sa përfiton ekonomia e Shqipërisë. Flasim për një shoqëri demokratike dhe ligjbërja nuk bëhet si pjesë e konsultimit dhe dakordësimit në unison të interesave të të gjithë aktorëve shoqëror, por kemi një politikbërje thellësisht të kapur. Raportet e fundit të botuara, janë realisht shumë shqetësuese. Unë mendoj që mesazhet që përcjell programi i Partisë Demokratike dhe në veçanti filozofia e qeverisjes që përcjell me një qeverisje të vogël dhe efektive. Kur themi qeverisje të vogël, nuk nënkuptojmë tërheqjen e shtetit nga detyrimet e tij. Nënkuptojmë që shteti të lërë në vijë të parë ata që mund të bëjnë më shumë dhe më mirë se ai. Së dyti, transparenca e qeverisjes, llogaridhënia, ato që janë elementët thelbësorë që e dallojnë një sistem realisht demokratik funksional nga një sistem autokratik, qëndrojnë pikërisht në këto lloj principesh. Unë mendoj që rikthimi i Shqipërisë në traditën e vet, megjithëse modeste dhe të brishtë për demokracinë, unë mendoj që do të ishte kontributi më i rëndësishëm dhe thelbësor që mund të ofrojë Partia Demokratike në qeverisjen e saj të ardhshme.

Erion Dasho: Prej një viti tashmë, kur dëgjojmë shëndetësinë, kryefjala është pandemia. Jo pa qëllim, pandemia tashmë ka prekur të gjithë botën , por ne na ka prekur veçanërisht rëndë. Por pandemia bëri dhe diçka tjetër. Pandemia ishte pika e fundit në atë gotën e zullumeve që derdhi gotën e zullumeve të “Rilindjes2 në Shëndetësi. Pra, ishte një sistem shëndetësor që unë nuk e gjykoj të dëmtuar, ne të gjithë e kemi analizuar, programi i Partisë Demokratike, ka analizuar shumë mirë në detaje, është i shkatërruar. Sistemi shëndetësor tashmë është i shkatërruar. Vetëm nga 2013 deri më sot, ka qenë 7.9 dhe është 10.3 për 1 mijë lindje të gjallë. Vdekshmëria foshnjore rritet vetëm në vendet në luftë. Supercentralizimi bëhet për të vjedhur. Pra, kudo ku ka supërcentralizim, shteti mundohet të diktojë përdorimin e burimeve dhe faktet janë, janë PPP abuzive, janë tenderët e fshehtë, të cilët e kanë asfiksuar shëndetësinë dhe kanë… mjekët më moral kanë humbur atë… dhe prandaj kemi 1 mijë mjekë vetëm në këto 8 vite që kanë ikur dhe do kishin ikur dhe më shumë, po vitin e fundit nuk i lejuam për shkak të pandemisë. Të gjitha premtimet e Partisë Socialiste dështuan. Shëndetësia falas u përkthye në Shëndetësi të “Tires”. Vetëm kaq mjafton, mos t’i hyjmë tek sistemi i anglez e të gjitha ato të tjerat. Kush është vizioni dhe kush duhet të jetë vizioni ynë? Në radhë të parë ne duhet të pushojmë atë eksperimentin e dështuar me sistemin anglez dhe t’i rikthehemi sistemit Bismark, të cilin po e zhvillonim për 23 vite, ku më mirë dhe ku më ngadalë por të paktën ishte një sistem që po jepte rezultatet e para. Centralizimi duhet menjëherë t’i lërë vendin decentralizimit funksional, asaj që ne e quajmë autonomi, për të krijuar mundësinë që spitalet, mjekët e familjes të angazhohen dhe të jenë ata që do të shtyjnë shëndetësinë përpara dhe jo shteti që nuk e bën dot një gjë të tillë. Burimet njerëzore. Ne po trashëgojmë sot një shëndetësi me  burime të thara njerëzore. Unë e quaj modeli Saharjan, model i tharë. Ne krahasohemi tani vetëm me Afrikën dhe me Azinë, me vendet e varfëra për burime njerëzore. Programi ynë për ta vendosur pagën e mjekut minimalisht në 1200  euro, të infermieres minimalisht 700 euro, të specializantit minimalisht 900-950 euro. Është një synim që i rikthen dinjitetin mjekut, infermierit, specializantit dhe të gjithë punonjësve të kujdesit shëndetësor dhe këto janë minimale pasi në momentin që ne do të fusim pagesën sipas performancës këto pagesa do të shkojnë edhe më tepër. Në momentin që do të futen diarxhit aty ku krijohet më tepër volum, aty ke edhe më tepër shpërblime. Ne mund të shikojmë çfarë bëjnë fqinjët në Kroaci që është një vend jo shumë i pasur i  Bashkimit Europian. Bashkitë që kanë mungesa mjekësh arrijnë t’i ofrojnë edhe shtëpi falas mjekëve kur  arrin të punojë për një kohë të caktuar. Ose kur kalojnë 5 vjet punë në një vend të largët jepet një bonus që  mund të jetë një përqindje e konsiderueshme e pagës që ka marrë mjeku. Pra të gjitha këto metoda stimulimi ne duhet t’i përdorim sepse mjekët, bluzat e bardha janë ajo pjesa më vitale. Çdo gjë bëhet në shëndetësi por pa mjekë dhe infermierë  nuk bëhet dot. . Nuk mund ta lë pa përmendur digjitalizimin. Ne po trashëgojmë sot një shëndetësi primitive në raport me digjitalizimin. Pretendohet se kemi E-albania, pretendohet se kemi një sistem digjital por të gjithë ne që jemi mjekë e dimë që të gjithë mjekët dhe infermieri ende shkuan me letër, me laps dhe me letër. Kjo është e patolerueshme në shekullin e 21. Në qoftë se nuk do të kemi digjitalizim nuk do të kemi as modernizim dhe nuk do të kemi as elementë të tjerë. Shumë shpejt ne duhet të mendojmë patjetër edhe për të krijuar një fond investimi në infrastrukturë, sepse kemi një infrastrukturë të shkatërruar të cilën vetëm e kanë lyer gjatë kësaj kohe, vetëm lyerje është bërë dhe asnjë gjë tjetër. Kemi spitalet të trashëguara para viteve ’90 të cilat nuk janë funksionale për kujdesin shëndetësor që ofrohet në shekullin e XXI. Pra ka shumë punë për të bërë sepse ne po trashëgojmë një shëndetësi në gjendje zero, pra në gjendje të shkatërruar por duke punuar në 100 ditët e para me 2 objektiva madhorë, të arrijmë sa më shpejt të kufizojmë pasojat e pandemisë. Mirëpo po shantazhohet populli shqiptar tani nga kryeministri duke thënë që po ika unë do të ndërpritet vaksinimi. Nuk do të ndërpritet vaksinimi, do të bëhet më i mirë dhe vaksinimi me vaksina kineze ne e dimë të gjithë, me doktor Ali Mehmetin po bisedonim pak më parë, nuk arrihet imuniteti i grupit sepse duhet të arrijmë 80%, vaksina kineze maksimumi ofron 50%. Pra ne do i sigurojmë vaksinën cilësore, Pfizer, Moderna që ta garantojmë imunitetin e grupit. Do të kujdesemi edhe atë testo-gjurmo-trajto. Do të kujdesemi për të gjithë aspektet e tjera të pandemisë dhe  njëkohësisht do të punojmë për të vendosur bazat për rimëkëmbjen e sistemit shëndetësor. Këto do të jenë 100 ditët e para, sfiduese por plotësisht të mundshme për tu realizuar. Më falni që u zgjata! Faleminderit!

Lulzim Basha: Faleminderit doktor Dasho! Sfida tjetër dhe dështimi i radhës i kësaj qeverisje dhe një nga problemet e mëdha që do të lerë pas ky kryeministër është çështja e rindërtimit, për të cilën zotimet tona janë të qarta dhe burojnë nga një program i studiuar nga urbanistë, arkitektët, inxhinierët dhe administratorët më të zotë të vendit të sprovuar dhe të trajnuar në të gjithë Europën ku prioritetet tona janë të deklaruara. Vlerësim real i dëmit, sepse kemi të bëjmë me një keqvlerësim, diskriminim, me një vlerësim abuziv të dëmeve që i kanë shkaktuar mijëra familjeve nga tërmeti, rindërtim me rritmë të shpejta dhe përmbyllje në një kohë sa më të shkurtër e procesit të rindërtimit dhe kjo përmes transparencës duke dhënë fund çdo abuzimi që ka të bëjë me zhvendosjen e padrejtë të banorëve në zonat urbane apo katandisje e banorëve në zonat rurale në burokracira pa fund ku në fakt me propozimet tona para një viti procesi i rindërtimit sot për ta do të kishte përfunduar. Për këtë dua ti jap fjalën kreut të ekspertëve që ka punuar për planin tonë për rindërtimin, zotit Besnik Aliaj.

Besnik Aliaj: Ai që dua të nënvizoj është momenti i parë, reagimi i opozitës. Ka qenë një thirrje që zoti Basha i ka bërë të gjithë ekspertëve pa dallim politik që të vinin dhe të ofroheshin pranë opozitës dhe të jepnim menjëherë mendime. U kërkua që mos të politizohej nga opozita ky rast por nga ana tjetër  garantohej  qëllimi kryesor ku qytetarët janë të parët, me parimin qytetarët janë të parët. Në kuadër të kësaj me insistimin e zotit Basha u kërkua që të mblidhesh një grup ekspertësh i cili tani siç u tha u shndërrua në një komitet ekspertësh dhe ka kohë që i jep mendime zoti Basha dhe rekomandime opozitës në tërësi për qeverisjen e ardhshme. Dua të theksoj së pari që ka një propagandë ashtu sikurse dhe në rastin e pandemisë që në rast se do të vij në pushtet opozita dhe Partia Demokratike dhe procesi i rindërtimit do të ngadalësohet, do të ngrij ose do bllokohet. Unë dua ti jap absolutisht  mendimin që dhe bindjen time  që procesi jo vetëm që nuk do të ngadalësohet apo bllokohet por do të përshpejtohet edhe madje do të rritet transparenca dhe informimi i publikut i cili ka munguar dhe në këto kushte ne kemi qenë të detyruar që të marrim mënyrë të drejtpërdrejtë kontakte me donatorët dhe drejtpërdrejtë nëpërmjet strukturave e opozitës në terren me njerëzit e familjet dëmtuara. Cila do të jenë tre apo katër hapat kryesorë në 100 ditët e para siç e tha edhe zoti Basha, i pari do të jetë përqendrimi te procesi i animimit i cili ka një numër shumë të madh, përmbledh një numër shumë të madh ankesash nga njerëzit do të kalohet me shpejtësi në rimbursimin i menjëhershëm të atyre familjeve të cilat kanë pranuar atë zgjidhjen që është ofruar, e gjykojnë që zgjidhja është e ndershme dhe përfshi edhe këta të cilët do të sqarohen për të mos humbur më asnjë ditë dhe për të kaluar në procesin e rindërtimit. Gjithashtu një fenomen tjetër që është vënë re është fenomeni i bllokimit të atyre të cilët kanë rënë dakord që vlerësimet dhe me asistencën që ju jepet dhe nuk u jepet për arsyet më të çuditshme leje nga pushteti lokal. Edhe në këtë rast do të bëhet përpjekja maksimale për të ndërtuar një urë komunikimi mes pushtetin lokal dhe në rast se kjo nuk funksionon do të përdoren të gjithë instrumentet që parashikon kushtetuta edhe qeverisja vendore për ta zgjidhur përfundimisht këtë lloj bllokimi. Një çështje tjetër që është vënë re dhe që është jo pak e rëndësishme se në pamje të parë rindërtimi duket sikur është një proces krejtësisht fizik, është asistenca intensive psikosociale ndaj familjeve të dëmtuara, familjeve që kanë humbur familjarët e tyre nga tërmeti, që kanë humbur të gjithë investimin e jetës së tyre dhe të cilët po përballen ndër të tjera dhe me atë shokun pas tërmetit, sidomos në rastet e zvarritjes dhe moszgjidhjes së problemit. Asistenca e tyre për vazhdimin e strehimit deri në zgjidhjen finale , por mbi të gjitha asistenca ndaj fëmijëve, ndaj të cilëve duhet të kemi kujdes të veçantë, për arsye se ka të bëjë me formimin e tyre për të ardhmen. Është shumë e rëndësishme që të zbulojmë të vërtetën se çfarë ka ndodhur sidomos në metropolin Tiranë-Durrës. Ka një tendencë për ta fshehur realitetin. Ka një tendencë të fshihemi mbas zbukurimeve, fasadës, heshtjes, mos bërjes publike të gjërave. Në këtë rast ilaçi më i mirë është ti drejtohemi shkencës, si në rastin e pandemisë dhe ngritjen e një grupi ekspertësh. Ky është rekomandimi jonë për Zotin Basha dhe qeverisjen e ardhshme të PD-së dhe të Opozitës, të cilët do të jenë ekspertë të pavarur që do të vijnë nga institucione publike dhe institucionet akademike të fushës dhe do të bëjnë një vlerësim, sidomos në zonën e qarqeve Tiranë dhe Durrës dhe në qytete të tjera që janë goditur së fundi më shumë, duke e klasifikuar gjithë stokun e ndërtimeve në Shqipëri në bazë të periudhës kur është ndërtuar, tipologjisë së ndërtimit, kohës dhe administratës kur janë dhënë lejet dhe kur është bërë ky procesi i marrjes në dorëzim, në mënyrë që të kuptojmë se çfarë ka ndodhur në të vërtetë, dëmin që ka ndeshur sepse dy vitet e fundit i kanë lodhur lodhur strukturat. Qëndrueshmëria e tyre  është në diskutim. Këtu nuk është vendi për të shkaktuar panik, por  për të zbuluar në mënyrë shkencore  nëpërmjet një simple sa më shkencor rastësor  dhe aspak të politizuar realitetin dhe për të dhënë  rekomandime për qeverisjen e ardhshme  se cilat do të jenë masat që do të marr çdo familje, çdo  bashkëpronësi dhe  roli që do të ketë në mënyrë të veçantë pushteti lokal.

Zef Preçi: E kam ndjek me vëmendje dhe simpati gjithë  fushatën tuaj dhe mënyrën sesi  problematika e ekonomisë  është skrinuar, është analizuar, dhe është pasqyruar në vizionimin e së ardhmes dhe në hartimin e  ideve. Tashmë nëse  në planin politik dhe  kushtetues kemi një  fshirje të  ndarjes modeste të pushteteve të ndërtuara  përgjatë  2 dekadave e gjysmë, në planin e ekonomisë viktima e këtij miksimi të institucioneve dhe kontrolli nga një dorë e vetme është konkurrenca. Vendi është më pak tërheqës për investitorët e huaja direkte dhe njëkohësisht konkurrenca dhe rregullatorët e saj, tashmë janë jo funksional dhe për fat të keq ekonomia vazhdon të vuajë pikërisht këtë lloj ngërçi apo ngurtësimi. Kam ndjekur dhe retorikën tuaj politike, idetë që keni sa i takon partneriteteve publike private. Personalisht, e gjej me vend duke sqaruar që as Partia Demokratike dhe as ndokush tjetër nuk i ka shpallë dhe nuk i shpall luftë biznesit privat por cilido që në aktivitetin e tij ekonomik është pasuruar duke shfrytëzuar reputacionin politik duhet të jetë subjekt i ndëshkimit dhe ju e keni artikuluar këtu qartë edhe unë e gjej plotësisht me vend dhe duhet vazhduar. Nëse në opinionin publik qarkullon një lloj perceptimi që jo, janë të gjithë njësoj etj. Uroj dhe shpresoj që elita e re që ju do të sillni në drejtimin e Shqipërisë nuk është më elita thjeshtë post komuniste. Përkundrazi, është lindur dhe rritur pas kësaj periudhe dhe kuptohet që do të sjellë ide të reja, vizion perëndimor, edhe përgjegjshmëri të madhe, duke filluar me ndarjen e pushteteve. Sa i takon disa angazhimeve që keni marrë për prishjen e kontratave koncensionare, partneriteti publik-privat, ndoshta është vendi për ta ritheksuar, edhe ju e keni thënë po thjesht për opinionin që kuptohet bëhet fjalë për shqyrtim procedurash për mungesë transparence, për pasoja negative pasurore në ekonomi, e të tjerë, dhe në këtë këndvështrim, normalja e një akti të posaçëm, që ju e keni përmendur javën e shkuar për përgjegjësinë personale të personave juridikë, titullarëve politikë, administrativë, e të tjerë. Kur me veprimet dhe mosveprimet e tyre, i shkaktojnë dëm pasuror ekonomisë kombëtare, do ta sillte vendin një standard më të ri. Ky kuadër ligjor ekziston në vendet nordike, si për shembull, dhe në disa vende të tjera dhe në këtë mënyrë, nuk do të kemi më një ushtri nëpunësish, të cilët firmosin për shefat e tyre dhe shefat e tyre nuk e gjejnë firmën e tyre asgjëkundi. Ndëshkimi bëhet përherë e më i vështirë. Ndërkohë pёr sa i takon prioriteteve qё ekologu Selami përmendi këtu dhe unё i shoh me vend, do tё ishte shumë e dëshirueshme qё atё qё keni arritur nё fushatën elektorale ku propaganda politike e kësaj periudhe pёr sa i takon portretizimit tё kësaj problematike qё kanё qytetarët nё vizionimin e sё ardhmes t’i përmbaheni dhe njëkohësisht t’i evitoni inflacioni i premtimeve, por tё merret rast pas rasti. Ideja e njё programi pёr 100 ditët ёshtё mënyra mё e mirё pёr tё krijuar njё raport tё ri midis qeveritarëve dhe tё qeverisurve dhe pёr tё ringjallur jo thjesht pjesëmarrjen qytetare qё unё besoj, dhe shpresoj qё nё këto zgjedhje do tё jetë vërtet si asnjё herё tjetër por edhe llogaridhënien e munguar qё ka qenё dhe njё handikap edhe mё i madh i sistemit tonё demokratik pas vitit 1990. Unё i uroj suksese dhe uroj e shpresoj qё tё ketë vërtet pjesëmarrje tё lart dhe njëkohësisht Partia Demokratike tё ketë, tё ofroj ndryshimin e premtuar gjatë kësaj fushate. Faleminderit!

Ilir Alimehmeti: Faleminderit për fjalën, për mbledhjen! Jam shumë i nderuar të jem pranë jush. Po të shohim në retrospektivë, mund të shohim një mosvëmendje sistematike ndaj dy elementëve: burimeve njerëzore, pra, personelit shëndetësor dhe pacientit. Duke parë dhe elementin e tretë, në fakt është një pranim indirekt për paaftësi kur themi vetëm përmes koncensioneve mund të bëjmë diçka të caktuar. Pra, vetëm partneriteti me privatin e bëkemi dot. Pra, publiku nuk e paska këtë kapacitet. Rikthimi përmes programit në këtë treshen e konsoliduar, të cilat mbrojnë dhe vënë para sfidës dy palë të tjera gjithmonë, është gjëja më e shëndetshme që mund të na ndodhë. Pra, të mbështesim personelin shëndetësor përmes të ofrimit të ofertës të punës dinjitoze, pagesës së ndershme për punë të ndershme. Nga krahu tjetër, kjo ofrohet pёrmes pacientit i cili me moton paraja ndjek pacientin ёshtё pacienti qё ndjek performancën e njё sistemi e njё mjeku nё veçanti e me radhë. Pra jep feedback-un nga personi me mё pak konflikt interesi, vet pacienti. E nga krahu tjetër, kujtojmë njё nga ndoshta koncesionet, pёr tё marrё vetёm njё shembull ndoshta Check-Up qё ka 5-6 vite qё funksionon qё aq shumё do na duhej tё dinim sot se ku janё sëmundjet bashkëshoqëruese nё Shqipëri pёr tё bёrё njё ponderim tё situatës mbi rrethe dhe mosha tё ndryshme qoftë dhe nё prioritizimin e vaksinёs dhe vaksinimit e megjithatë nё 5-6 vite nuk kemi njё raport publik dhe nuk kemi disa tё dhëna publike me tё cilat mund tё punojmë pёr tё na ardhur nё ndihmë, duke qenё se janё shpenzuar para publike. Këto janë tre pikat kyçe. Programi i mbulon gjerësisht dhe dashtë Zoti sa më shpejt ky program vihet në punë në këtë drejtim por do kthejmë edhe pak kokën mbrapa sepse ka disa njerëz që u rrënuan ekonomikisht gjatë vitit të kaluar për shkak të pandemisë. Pra duhet shikuar a mund të mbështeten njësoj siç ishte katastrofë tërmeti po ashtu kujtojmë që ka katastrofa në mënyrë të vazhdueshme, përmbytjet janë më të shpeshta në Shqipëri që shkaktojë dëme të mëdha. Njësoj duhet konsideruar dhe sëmundja nga ky aspekt. Kështu që, e di që është në plan edhe kjo pikë që shpresoj të realizohet sa më shpejt. Duke mos dashur të përsëris të gjitha pika e tjera urime dhe suksese.

Lulzim Basha: Faleminderit! Ju falënderoj të gjithëve për pjesëmarrjen! Dua të them që rrallë herë ndonjë forcë politike ka patur privilegjin e burimeve të tilla njerëzore të kualifikuara me një aparat analitik kritik i cili është i aftë të përpunojë të dhënat e realitetit ashtu siç janë, të analizojë dhe të sjellë potencialet e vërteta të zhvillimit ashtu siç janë në mënyrë që të formulojë zgjidhje të duhura në ndihmë të njerëzve, por po kështu zgjidhje të zbatueshme dhe jo tullumbace elektorale. Vendi nuk ka më kohë për të humbur. Shqiptarët nuk kanë më asnjë çast për të humbur. Ndaj, ky takim i sotëm, i cili është brenduar si “100 ekspertë për 100 ditët e para”, të na shërbejë që me të vërtet 100 ditët e para të qeverisjes së ardhshme që do të burojë nga vota masive për ndryshim e shqiptarëve, të jenë 100 ditë që do të shtrojnë rrugën e një ndryshimi pa kthim. Kjo do të thotë që ne duhet të marrim përgjegjësitë që çdo 24 orë të këtyre 100 ditëve, të marrim vendimet e rëndësishme mbi të cilat do të ngrihen pastaj planet e zhvillimit në çdo sektor. Pa pikë diskutimi, stabilizimi ekonomik është emergjenca, së bashku me shëndetin dhe stabilizimin shëndetësor dhe për një segment të caktuar të popullsisë çështja e strehës, pra, e rindërtimit. Ndaj në funksion të kësaj, disa nga masat më emergjente do të jenë ato të bërjes së përballueshme të kostos së mbijetesës, përmes risjelljes së Shqipërisë në nivelet të konkurrueshmërisë së rajonit për sa i përket, fjala bie çmimit të naftës, çmimit të energjisë për familjet, por po kështu për ekonominë, për zinxhirin prodhues të ekonomisë, për biznesin e vogël dhe të mesëm. Do të jetë ndihmë ekonomike për të pamundurit, ata që nuk konkurrojnë dot në tregun e lirë, do të jetë investimi i menjëhershëm në stabilizimin e gjendjes së sistemit shëndetësor përmes rritjes së menjëhershme të pagave të mjekëve, infermierëve, mjekëve specializantë, për të ndalur hemorragjinë e tyre që po e lë vendin pa mjekë dhe pa mundësi për të kuruar pacientët, qoftë të pandemisë, qoftë të valës së fshehur të sëmundjeve kronike, do të jetë po kështu hapi i menjëhershëm në drejtim të stabilizimit dhe të ringritjes së arsimit në të dy komponentët e tij: universitarit ku tashmë kemi një projekt të qartë, bashkëfirmosur me Aleancën Europiane të Universiteteve dhe me ndihmën e Komisionit Europian për reformën e universiteteve në drejtim të trajtimit dual, profesional, edhe kjo nuk mund të presë, por duket si diçka afatmesme afatgjatë. Nuk pret dot asnjë ditë më, pas 8 vite humbjesh të cilat na kanë humbur mijëra e mijëra të rinj çdo muaj, plagë që duhet ë ndalet menjëherë, duhet të jetë po kështu edhe një lëvizje e menjëhershme e atyre në arsimin para universitarë, i cili ndodhet ndoshta në krizën më të thellë si rezultat i shumë faktorëve duke përfshirë këtu edhe braktisjen, dorëzimin e arsimit parauniversitar në kushtet më të këqija në rajon. Pa harruar sektorët e tjerë  të ekonomisë, fermeri shqiptar që përbën gjysmën e popullsisë ku jemi angazhuar që nga ky vit në rishikimin e buxhetit për të bërë realitet zotimet tona 100 milionë euro subvencione çdo vit buxhetor dhe 50 milionë euro mbështetje infrastrukturore për fermerin shqiptar, për fshatin shqiptar, ku 50% të shoqërisë ka natyrisht një impakt të drejtpërdrejtë tek e gjithë shoqëria, tek të gjithë konsumatorët, tek ushqimi dhe tek mirëqenia e shqiptarëve. Ekonomia, punësimi, pagat e larta mbeten prioriteti afatmesëm i këtij programi. Ekonomia, punësimi, mirëqenia janë po kështu prioriteti absolut i 100 ditëve të para së bashku me shëndetin në tërësi dhe përballimin me sukses në tejkalimin e pandemisë në veçanti dhe përmbylljen me shpejtësi të procesit të rindërtimit. Kjo mund të arrihet vetëm duke rivendosur sundimin e ligjit kundër sundimit të njësh-it. Kjo mund të arrihet vetëm duke rivendosur institucionet në funksion të qytetarëve dhe shtetin në shërbim të qytetarëve. Jam i bindur që këtë do ta arrijmë të gjithë së bashku. Një javë na ndan nga e diela dhe votën për koalicionin për ndryshim, për Aleancën për Ndryshim, për Partinë Demokratike, për numrin 9. Do të hapim së bashku rrugën dhe do të marrim përgjegjësi për 4 vite punë të palodhshme në shërbim të qytetarëve, të cilët me patjetër do të sjellin ndryshimin që kërkon dhe meriton çdo shqiptar, duke nisur me 100 ditët e para të qeverisjes, të cilat do të jenë 100 ditë intensive, të vështira por pa diskutim një sfidë që do ta kapërcejmë me sukses, për t’i dhënë shqiptarëve atë që meritojnë, shpresën, besimin, mundësinë për të ndërtuar jetën e tyre në një Shqipëri që ecën përpara, një Shqipëri që po kështu ecën drejt integrimit europian. Sepse një nga zotimet tona të 100 ditëve të para mbetet hapja  e negociatave me BE-në. Edhe një herë faleminderit nga zemra për këtë mundësi, për mbështetjen tuaj të vazhdueshme, për angazhimin tuaj! Mund ta them me gojën plot se jo vetëm ne si forcë politike dhe koalicioni jonë, por edhe Shqipëria është e bekuar me përkushtimin dhe angazhimin tuaj dhe të qindra profesionistëve brenda dhe jashtë vendit dhe miqve tanë europian dhe euroatlantikë që na kanë qëndruar pranë në hartimin e programit dhe do na qëndrojnë pranë e do na ndihmojnë në zbatimin e tij. Faleminderit! Dhe mos harroni 25 prilli po afron, vota për numrin 9-të. Shqipëria fiton! Faleminderit!

“Vendet e punës ndahen nga shtabi elektoral i Ramës dhe Veliajt”, Albana Vokshi sjell fakte të punësimeve elektorale: Qytetarët refuzojnë shitjen e votës! Edi Rama është humbës! Tirana i prin ndryshimit!

DEKLARATË E PARTISË DEMOKRATIKE, ALBANA VOKSHI

Kur dëgjoni Edi Ramën apo Erion Veliajn të flasin për shtet ligjor apo zhvillim, ju duhet ta dini, të dashur qytetarë, se kjo është vetëm
fasada e propagandës. Në të vërtetë, ata po krijojnë një parti – shtet, ku njerëzit ndahen në votues të Edi Ramës dhe kundërshtarë të tij.

Ky diskriminim skandaloz, që shkel të drejtat e njeriut, që synon të përçajë shqiptarët në funksion të pushtetit është bërë më i theksuar në këtë fushatë.

Vendet e punës kalojnë përmes shtabeve elektorale të Partisë Socialiste.

Nuk ka garë! Nuk ka meritë! Ka vetëm përpjekje për blerje votash edhe me vende pune, që nuk i paguajnë Edi Rama dhe Erion Veliaj nga xhepi i tyre, por i paguajnë shqiptarët me taksat e rritura dhe pastaj të vjedhura!

Rasti më i ri është një komunikim i orëve të fundit nga Bashka e Tiranës me shtabet elektorale të Partisë Socialiste të Tiranës.

Drejtori i Përgjithshëm i Rrugëve dhe i Ndriçimit, Herion Rrapaj, u ka dërguar informacion shtabeve të partisë për vende pune që duhen mbushur me njerëz të partisë. Punësimi elektoral është urgjent dhe vartësi i Erion Veliajt në Bashki, u kërkon shtabeve elektorale të Tiranës që të dorëzojnë propozimet e tyre deri ditën e diel, 1 javë para zgjedhjeve.

Çdo gjë të këtij shteti që ne e mbajmë në këmbë me taksat tona, Edi Rama dhe Erion Veliaj e kanë vënë në shërbim të pushtetit të tyre.

Ata shesin për 1 votë edhe vendin e pastrueses tek materniteti i vjetër. Hapin vende të përkohshme pune për të gënjyer njerëzit që të votojnë për ta.

Ja ku është një pjesë e listës që u dërgohet shtabeve të Partisë Socialiste nga Bashkia e Erion Veliajt.

Janë vende pune si specialist auditi, recepsionist në poliklinikë, magazinier tek materniteti, inxhinier elektronik, sanitare tek materniteti, inspektor tek Instituti i Shëndetit. Pra nuk janë vende pune të Bashkisë, janë vende pune të strukturave të ndryshme, që përqendrohen tek Erion Veliaj si drejtues i fushatës së Edi Ramës në Tiranë dhe u shpërndahen strukturave të Partisë Socialiste.

Shpërdorimi i detyrës nga Erion Veliaj dhe vartësit e tij është vepra më e pakët penale që ata kanë konsumuar në ketë rast. Prokuroria mund të vazhdojë të heshtë, siç ka bërë deri tani, por ne do të bëjmë detyrën tonë. Do të çojmë kallëzim penal në prokurori edhe për këtë rast flagrant të vendosjes së shtetit në shërbim të partisë në pushtet 1 javë para zgjedhjeve.

10 mijë vende të reja pune janë hapur deri tani, me qëllim për të shpëtuar lëkurën e Edi Ramës dhe për t’i ruajtur karrigen e pushtetit. Por e kanë të kotë. Këto manovra të paligjshme nuk do ta shpëtojnë.

Edi Rama është humbës, sepse shumica e qytetarëve të Tiranës refuzon të blihet dhe të shitet për një vend të përkohshëm pune, për një çertifikatë elektorale legalizimi që nuk dihet a është e vlefshme apo jo. Qytetarët e Tiranës dhe të Shqipërisë refuzojnë të shesin të ardhmen e tyre në duart e një kryeministri të dështuar, që ua bëri jetën keq e më keq në këto 8 vjet.

Tirana do të jetë surpriza e madhe e zgjedhjeve të dielën. Tirana do t’i prijë ndryshimit të madh me një rezultat spektakolar, sepse e para nuk është partia dhe pushteti i Edi Ramës, por e para është familja, janë fëmijët tanë!

Të dashur qytetarë! Na ndajnë vetëm 6 ditë nga zgjedhjet. Vendimi i duhur për një të ardhme më të mirë është vota juaj për numrin 9. Lulzim Basha do të jetë kryeministri i të gjithë qytetarëve për të sjellë një të ardhme më të mirë për të gjithë ne.

Ndryshimi është në dorën tuaj! Të gjithë bashkë, demokratë, socialistë, pa parti ne mund dhe do ta sjellim ndryshimin për te cilin kanë nevojë fëmijët tanë.

Është vetëm çështje ditësh! Të dielën, të dalim dhe të votojmë masivisht numrin 9, të votojmë Partinë Demokratike!

• Kryetarja e konservatorëve të kryeministrit Johnson dhe Daniel John Hannan në krah të Bashës: Ju urojmë fitoren dhe ju mirëpresim si kryeministër në Londër. Basha: “Po u kthejmë shqiptarëve shpresën dhe besimin tek vendi.”

• Kryetarja e Partisë Konservatore britanike të kryeministrit Johnson dhe Daniel John Hannan, Bashës: Ju urojmë fitoren dhe ju mirëpresim si kryeministër në Londër. Basha: Duam investime britanike, investime europiane.

• “Ju urojmë fitoren dhe ju mirëpresim si kryeministër në Londër”, kryetarja e konservatorëve britanikë dhe Daniel John Hannan Bashës: Fitorja juaj do të shënojë edhe fillimin e një ringjallje të jashtëzakonshëm për një vend që deri më tani ka mbetur mbrapa. Basha: Pa largimin e Ramës nuk ka ndryshim.

NJOFTIM PËR BISEDËN E KRYETARIT TË PD, LULZIM BASHA, ME KEYETAREN E PARTISË KONSERVATORE BRITANIKE AMANDA MILLING DHE KËSHILLTARIN E BORDIT TË TREGTISË NË BRITANI, DANIEL JOHN HANNAN

Keryetari i Partisë Demokratike, Lulzim Basha, ka zhvilluar një bisedë me kryetaren e Partisë Konservatore Britanike të kryeministrit Johnson dhe këshilltarin e bordit të tregtisë në Britani, Daniel John Hannan.

Basha tha se Partia Demokratike ka filluar një fushatë e cila përqëndrohet në problemet e shumta që ka sot vendi, pas 8 viteve keqqeverisje dhe ngecje në vendnumëro. Kreu i opozitës u shpreh se motoja e PD në fushat bazohet tek nevoja për ndryshim, përmes së cilës Shqipëria të jetë në gjendje të garantojmë rritje ekonomike dhe të ecim të sigurt drejt anëtarësimit në BE.

“Ne kemi marrë që nga fillimi vendimin për të filluar një fushatë pozitive që përqendrohet në problemet e vendit dhe në zgjidhjet e këtyre problemeve. Pas 8 viteve të qeverisjes socialiste që ka premtuar shumë por nuk ka bërë asgjë dhe e ka lënë vendin në vendnmëro në çdo fushë, te gjithë kerkojnë ndryshim. Dhe kjo është bërë motoja jonë: nevoja për ndryshim, bashkimi për ndryshim përmes së cilës ne do të jemi në gjendje të garantojmë rritje ekonomike, prosperitet dhe të ecim të sigurt drejt anëtarësimit në BE. Ju po përballeni në Britaninë e Madhe me numrin më të madh të shqiptarëve që emigrojnë në MB në 8 vitet e fundit. Kemi humbur gjatë 8 viteve të fundit rreth gjysmë milioni bashkëqytarë në një vend me 3 milion, kjo është absolutisht katastrofë” – tha Basha.

Kryedemokrati gjithashtu u shpjegoi të pranishmëve planin e Partisë Demokratike, i cili në thelb përmban përmirësimi e klimës së biznesit, taksa e sheshtë 9%, ulja e taksave për të gjithë njerëzit dhe bizneset që do të ndikoj në veçanti te ndërmarrjet e vogla dhe të mesme. Sipas Bashës, garantimi i sundimit të ligjit, aftësia konkurruese, klima miqësore e biznesit, taksa e sheshtë dhe trajnimi i të rinjve shqiptarë, do të bëj të mundur që investitorët perëndimor të gjejnë mundësi për të bërë investime në Shqipëri dhe të rinjtë shqiptarë të krijojnë të ardhmen në vendin tonë.

“Dhe për këtë ne kemi përgatitur një plan të detajuar me ekspertët më të mirë të vendit dhe me shumë ndihmë nga ekspertët perëndimorë duke përfshirë ekspertë tuaj. Në thelb të këtij plani është përmirësimi i klimës së biznesit, taksa e sheshtë 9%, ulja e taksave për të gjithë njerëzit dhe bizneset, çka do të ndikojë në veçanti te ndërmarrjet e vogla dhe të mesme që janë shumica dërrmuese e ndërmarrjeve në Shqipëri. Ato janë palca e ekonomisë shqiptare për të ndihmuar gjithashtu krijimin e një klime që do të sjellë investime në Shqipëri dhe ne jemi shumë të interesuar të krijojmë një klimë pozitive, të sjellim investime në Shqipëri dhe natyrisht të përqendrohemi në një arsimim më të mirë për të rinjtë. Sepse në mënyrë që investimet të vijnë këtu, ata duhet të kenë një klimë biznesi konkuruese, të favorshme dhe taksa të ulëta por gjithashtu një forcë pune profesionale dhe të trajnuar mirë. Ne po i japim shumë rëndësi në planin tonë trajnimeve ose kualifikimeve profesionale për të rinjtë tanë, në ato zona ku ne i shohim mundësi. Sundimi i ligjit, aftësia konkurruese, klima miqësore e biznesit, taksa e sheshtë dhe më e rëndësishmja trajnimi i të rinjve tanë në mënyrë që të bashkohen, të harmonizohen, për të bërë të mundur që investitorët perëndimor të gjejnë mundësi për të bërë investime këtu në Shqipëri dhe për të rinjtë shqiptarë të gjejnë mundësi në vendin tonë, të qëndrojnë këtu, të kenë një punë të denjë me paga të mira dhe të jenë në gjendje të krijojnë familjet e tyre dhe të jetojnë jetën e tyre në vendin tonë të bukur, sepse është një vend i bukur dhe meriton shumë më mirë” – tha Basha.

Kryetarja e konservatorëve të kryeministrit Johnson, Amanda Milling, shprehu gatishmërinë për bashkëpunim  dhe i uroi kryetarit Basha fitoren më 25 prill.

“Jam shumë e kënaqur që dëgjoj se bashkëpunimi ynë midis partive tona ka mundësuar marrëdhënie më të mira mes nesh dhe ka patur një impakt pozitiv për vendin tuaj. Unë e mirëpres gjithmonë shkëmbimin e eksperiencave midis nesh, pasi kemi mundësi të mësojmë nga njëri-tjetri. Të urojmë fitoren dhe të presim si kryeministër në Londër” – Amanda Milling.

Ndërsa këshilltari bordit të tregtisë në Britani, Daniel John Hannan tha se është i vetëdijshëm që Shqipëria ka potencial zhvillimi, por që e ka penguar keqmenaxhimi. Ai gjithashtu uroi kreun e opozitës për fitore më 25 prill, në mënyrë që Shqipëria të rimar orientimin perëndimor.

“Jam shumë i inkurajuar nga optimizmi juaj, sepse u binda edhe vetë herën e fundit që isha në në Tiranë se Shqipëria është një vend me një potencial shumë të madh, i cili thjesht është menaxhuar keq për një kohë të gjatë. Ti e the vërtet shumë bukur. Më lejoni që ta shfrytëzoj këtë moment për t’ju uruar gjithë suksesin e mundshëm. Dhe do të thosha mezi pres të të shoh përsëri në Shqipëri, por edhe më shumë se kaq. Pres me padurim t’ju mirëpresim në Londër si kryeministër i një Shqipërie të lire, me ekonomi të lirë dhe me me një orientimin perëndimor. Ndaj për të gjithë ju, forca deri në 25 prill dhe gjthë suksesin e mundshëm” – u shpreh Daniel John Hannan.

• Basha me familjet në nevojë ekonomike në Kamëz: Ndryshimi është jetik për familjet shqiptare. Dilni dhe votoni 9 masivisht më 25 prill.

•Basha në familjen socialiste. Shqiptarët pa dallim do të votojnë për ndryshimin. Do të jem kryeministër i të gjjthë qytetarëve

NJOFTIMI PËR VIZITËN E KRYETARIT TË PD, LULZIM BASHA, NË DY FAMILJE NË KAMËZ

Kryetari i Partisë Demokratike, Lulzim Basha, ka vizituar dy familje në Bathore të Kamzës për të parë dhe dëgjuar nga afër problemet e tyre.
Ramadan Allaraj i cili ka dy invalid në shtëpi e ka të pamundur ta përballoj jetën me të ardhurat që merr. Për shkak të dy sëmurëve, ai është detyruar të jetoj tek vajza tjetër e tij, Valbona, e cila vet është dhe e papunë dhe me shtëpinë e shkatërruar nga tërmeti. Ai gjithashtu u shpreh se ka qenë anëtar i Partisë Socialiste, por që është zhgënjyer nga qeverisja e 8 viteve të fundit.

Lulzim Basha: Zonja si është?
Ramadan Allaraj: Vallahi siç ka qenë, e sëmurë, brenda.
Lulim Basha: Me invaliditet?
Ramadan Allaraj: Invalide.
Lulim Basha: Sa vite ka këtë gjendje?
Ramadan Allaraj: 10 vite. Që 10 vite e kanë nxjerr kemp-in, ja kanë dhënë nja 80 mijë lekë. Vajza që 30 e ca sëmundje ka. I dhanë një herë një pension. Shoqërimin ja hoqën në 2014-ën. Shkova tani ta marrë pensioni, para një muaji, ja kishin heq edhe 100 mijë lekëshin tjetër. Merr 70 mijë lekë.

Valbona Allaraj: Është problem tani, se i kam marrë unë përsipër të gjitha këto.
Lulim Basha: Valbona ti punon diku?
Valbona Allaraj: Ka një vit që jam detyruar të lë punën që të kujdesem për këta të dy. Se kjo është shtëpia ime.
Lulim Basha: Domethënë prindërit edhe motra rrinë në shtëpinë tuaj?
Valbona Allaraj: Po!
Lulim Basha: Nuk kanë banesë tjetër. U përmbyt, pas përmbytjes ishte totalisht e shkatërruar, pastaj u shemb e gjitha rasti i tërmetit. Asnjë ndihmë më të vogël! Asnjë ndihmë më të vogël!
Valbona Allaraj: Asnjë ndihmë më e vogla, asnjë ndihmë më e vogla ta thuash. Ajo ka nevojë tani 2-3 qind mijë, 400 mijë në muaj i do ilaçe. Katër matje diabeti në ditë i do, që e ka diabetin e lartë.
Lulzim Basha: Me ato fishat?
Valbona Allaraj: Po fishat. 4 copë i do në ditë se s’bën. Me 4 insulina. Është çdo gjë me letra. Pastaj është motra invalide. Është invalide e lindur, t’ia heqë shoqërimin. E ka patur deri në 2014 e ka pasur.
Lulzim Basha: E ka pasur. Pastaj ja hoqën?
Valbona Allaraj: Po, po. Deri në 2014 ka qenë me shoqërim. Në 2014 e këtej
Lulzim Basha: 22 vjet mekanik, traktorist. Kur solli 98 mijë lekë më nxorën pension.
Valbona Allaraj: Edhe atë me gjykatë.
Ramadan Allaraj: Me gjyq. 2 milion e gjysmë i kam paguar edhe i mora se mi hoqën prapë. Unë realisht socialist i tërbuar kam qenë
Lulzim Basha: Anëtar i Partisë Socialiste apo votues?
Ramadan Allaraj: Anëtar.
Lulzim Basha: Anëtar?
Ramadan Allaraj: Po! Ma dëgjo një llaf. Kur kam shkuar për të marrë lekët e vajzës. Kam vajzën timen invalide që është 38 vjeçe, 37 vjeçe është, ja kanë hequr, unë nuk kam më besim, harroje!

Ndërsa banori Sefer Tanushi tha se tërmeti i ka lënë pasoja të mëdha tek shtëpia e tij dhe që ai nuk ka parë ndihmën më të vogël nga qeveria. Ai jeton me 62 mijë lekë të vjetra pension të cilat nuk i dalin as për të blerë ilaçet, ndërsa fëmijët i ka të papunë.

Lulzim Basha: Si e ke gjendjen?
Sefer Tanushi: Gjendja ime mos e pyet, 62 mijë lekë të vjetra marr pension, vetë i sëmurë, gruan e sëmurë. Tërmeti ka bërë kredinë, askush nuk më ka parë, për sytë e ballit nga bashkia. Urdhëro këtu jeton Sefer Tanushi. Kjo është shtëpia ime, këtu jetoj është çarë tarraca përgjysmë nga tërmeti, askush mbrapa s’më ka ardhur për këtë punë!
Lulzim Basha: Asnjë bonus, asnjë ndihmë, asnjë gjë. Këtu fle, këtu jeton?
Sefer Tanushi: Po, po, veç këtu.
Lulzim Basha: Veç këtë dhomë ke? Ajo është e dëmtuar?
Sefer Tanushi: Jo janë shtëpitë e shokëve që kanë marrë lekët. Në këtë krah, në këtë krah kanë marrë lekët, mua jo në mes.
Lulzim Basha: Diskriminim.
Sefer Tanushi: Diskriminim tamam diskriminim.
Lulzim Basha: Me çfarë jeton Sefer?
Sefer Tanushi: 62 mijë lekë pension marr, fatura e ilaçeve me i marrë çdo muaj jam i detyruar ti marr.
Lulzim Basha: Sa të shkojnë ilaçet, sa paguan për ilaçet?
Sefer Tanushi: 220 mijë të vjetra. Tmerr ore tmerr.
Lulzim Basha: Fëmijë sa ke?
Sefer Tanushi: Kam 3 fëmijë.
Lulzim Basha: Ku i ke?
Sefer Tanushi: Në shtëpi, pa punë janë të gjithë.

Basha tha se për 8 vite qeveria ka qenë inekzistente edhe pa qenë tërmeti dhe pandemia. Ai u kërkoi familjeve që më datë 25 prill të votojnë për ndryshimin që t’u hapet rruga programeve të Partisë Demokratike. Ai u zotua se masat që do marrë qeveria e ardhshme për familjet në nevojë, do të jetë dyfishimi i ndihmës ekonomike, uljen e energjisë elektrike ku për familjet në nevojë pagesa do të merret përsipër nga shteti dhe rimbursimin i ilaçeve.

“Këto halle janë bërë kapicë. Edhe pa qenë pandemia, edhe pa qenë tërmeti, pandemia, kanë qenë kapicë. Se 8 vite nuk është kujtuar një ditë për njerëzit. Tani ju thatë në dorë të zotit dhe në dorë të zotit jemi të gjithë por me 25 prill është veç në dorën tuaj. Ajo është dita kur ju e keni në dorë. Ose për të vazhduar edhe katër vite siç tha Seferi ose me e ndryshuar. Tani ne kemi ardhur tek ju jo thjeshtë për të kërkuar votën as për të premtuar kur vjen fjala te familjet në nevojë ekonomike. Ne çfarë kemi hartuar si plan, e para është me e përmbledhur me një fjali, asnjë familje pa bukë, pa ujë, pa drita. Çfarë domethënë kjo? Dyfishim i ndihmës ekonomike. 300 kë/h për muaj me çmim minimal dhe për familjet që janë në nevojë ekonomike, ndihmë ekonomike, pagesa merret përsipër nga shteti. E treta, që lidhet drejtpërdrejt me një nga kostot më të mëdha që ka mosha e tretë që janë ilaçet. Rimbursimi i ilaçeve do të bëhet sipas diagnozës. I ka mundësitë shteti t’i përballojë këto kosto. Pra, nuk është çështje që nuk ka lekë, s’ka patur vullnet, s’ka pasur vëmendje, s’ka pasur dëshirë për t’ju ndihmuar. Me 25 prill, me planin tonë kjo ndryshon. Ka vetëm një mundësi për ndryshim dhe ndryshimi është jetik për Shqipërinë, ndryshimi është jetik për Shqipërinë. E vetmja mundësi për ndryshim është të shkoni të votoni numrin 9, të votoni Partinë Demokratike, Aleancën për Ndryshim dhe programin tonë” – tha Basha.

•Basha me zv.Presidetin e KE: Brenda 100 ditëve nisim negociatat. Schinas: Jini krenar për rolin që luajtët për liberalizimin e vizave. Vlerëson normalizimin e gjuhës politike dhe fokusin tek integrimi.

•“Mos jini shumë modest për rolin tuaj në liberalizimin e vizave”.  Zv. Presidenti i KE, Schinas bisedë me Bashën. Basha: Kthej normalitetin në kulturën tonë politike.

•Zv. Presidenti i KE, Margaritis Schinas bisedon me Bashën: Negociatat pas zgjedhjeve. Keni shumë arsye për t’u krenuar për rolin në liberalizimin e vizave. Basha: Zgjedhjet duhet të jenë të lira.

NJOFTIM PËR BISEDËN E KRYETARIT TË PD, Z. LULZIM BASHA ME ZV.PRESIDENTIN E KOMISIONIT EUROPIAN, NJËHERËSH KOMISIONER PËR MËNYRËN EUROPIANE TË JETESËS

Kryetari i Partisë Demokratike z. Lulzim Basha, ka zhvilluar një bisedë online më zv.Presidentin e Komisionit Europian, njëkohësisht Komisioner për Mënyrën Europiane të jetesës, z. Margaritis Schinas. Biseda është përqendruar në shkëmbimin e pikëpamjeve mbi të ardhmen e procesit të integrimit europian të Shqipërisë, përpjekjeve që duhet të bëjë vendi për t’u anëtarësuar në Union dhe vizionin e kryeopozitarit mbi këtë proces.
Lideri i opozitës Basha ka theksuar se “pa integrimin europian të Shqipërisë nuk do të jemi në gjendje të sigurojmë standardet e jetesës” sdhe vlerësoi se arritjet kryesore për Shqipërinë janë shënuar në duke punuar së bashku me partnerët. Ai u shpreh i bindur se ai dhe ekipi i tij janë në gjendje ta realizojnë anëtarësimin e plotë të vendit në Bashkimin Europian.
Për kryedemokratin, integrim në BE do të thotë ndihmë për ekonominë që të dalë nga kriza, rritje pagash dhe investime publike. Prandaj, Basha u angazhua që “brenda 100 ditëve të para të qeverisë sime ta bëjmë të mundur hapjen e negociatave.”
Temë e bisedës ishte edhe pandemia dhe çështja e vaksinimit. Basha e konsideroi përparësi kryesore transparencën dhe bashkëpunimin me BE për të sjellë në Shqipëri vaksina të çertifikuara nga unioni.
Për Bashën, Shqipërinë e pret një e ardhme e ndritur. Të rinjtë shqiptarë do të trajnohen në teknologji dhe profesione të tjera që të sigurojnë paga të larta nga investimet europiane që do të vijnë dhe do të hapin vende të reja pune të mirëpaguara. Ai u shpreh se Shqipëria ka “nevojë për ndihmën tuaj, kemi nevojë për udhëzimin tuaj dhe unë mund t’ju siguroj që kemi ekipin më të mirë së bashku, kemi një projekt dhe vizion shumë të qartë.” 8 vitet në vendnumëro, nënvizoi Basha, e kanë lënë Shqipërinë pas çdo vendi në rajon, prandaj nuk duhet të humbasim më shumë kohë.
Komisioneri Schinas u shpreh i kënaqur me entuziazmin dhe përkushtimin e z. Basha ndaj Europës. Ai e vlerësoi si krejtësisht të mundur hapjen e negociatave pas zgjedhjeve të 25 prillit dhe e nxiti z. Basha që të çojë përpara mesazhin e ringjalljes ekonomike. Schinas vlerësoi veçanërisht rolin e z. Basha në arritjet e mëparshme të vendit në fushën e integrimit europian. “Ju personalisht si ish-Ministër i Brendshëm, keni shumë arsye për t’u krenuar me atë që është bërë tashmë dhe natyrisht ky liberalizim i vizave nuk është një gjë e lehtë dhe nuk ishte e sigurtë. Ju e dini sa komplekse ishte dhe këshilla ime është të mos tregoheni shumë modestë në lidhje me të. Kjo është diçka që ju, si udhëheqës dhe si individ, duhet ta tregoni më shumë, si diçka në politikë që ka ndryshuar gjërat për mirë.”
Zv.Presidenti Schinas e falënderoi z. Basha për angazhimin e tij në Europë dhe u shpreh se ky është ligjërimi në Europë: një domosdoshmëri për një lloj normalizimi i politikës dhe nxitje e njerëzve që të shohin se mund të ecet përpara.
Nga ana e tij kryetari Basha nënvizoi angazhimin e tij për të kthyer normalitetin në kulturën politike shqiptare. Këto zgjedhje – u shpreh ai – kanë të bëjnë më njerëzit, të ardhmen e tyre. Prandaj është e domosdoshme që të shkojmë tek njerëzit me propozime realiste – tha Basha.
“Ne propozojme një taksë të sheshtë prej 9%, barazinë para ligjit ku të gjithë trajtohen njësoj dhe jo ku një pjesë e njerëzve po gllabërojnë buxhetin, pronat , pasuritë publike të vendit dhe të gjithë të tjerët vuajnë. Këto zgjedhje kanë të bëjnë me ecjen përpara drejt të ardhmes në BE ose për të vazhduar qëndrimin në vendnumëro si ne keto tetë vjet. Këto zgjedhje nuk jane  një luftë personale midis meje dhe kundërshtarit tim. Por ato duhet të jenë të lira dhe të ndershëm siç kanë nënvizuar dhe vazhdojne të nënvizojnë çdo ditë komisioni dhe këshilli dhe partnerët tanë strategjikë të SHBA” – përfundoi z. Basha.

• Basha me shoqatat e personave me aftësi të kufizuar: Pjesëmarrja e personave me aftësi të kufizuar në vendimmarrje, standard europian.

• Basha nënshkruan marrëveshjen e bashkëpunimit me shoqatat e personave me aftësi të kufizuar: “I rikthejmë fytyrën njerëzore politikës”.

• “Kujdes si çdo qeveri europiane ndaj personave me aftësi të kufizuar”. Basha nënshkruan marrëveshje bashkëpunimi me shoqatat e PAK dhe premton gjithëpërfshirje.

NJOFTIMI PËR MARRËVESHJEN E BASHKËPUNIMIT MES PARTISË DEMOKRATIKE ME PAK

Kryetari i Partisë Demokratike, Lulzim Basha, ka firmosur ditën e sotme marrëveshjen e bashkëpunimit me PAK. Basha tha se kjo marrëveshje është produkt i një dialogu dhe negocimesh prej dy vitesh e cila konkretizon angazhimet dhe zotimet e qeverisjes së ardhshme ndaj mijëra personave me aftësi të kufizuara dhe familjeve të tyre në Shqipëri.

Më poshtë fjala e plotë e kryetarit të PD dhe të pjesëmarrësve të PAK.

Lulzim Basha: Të nderuar zonja dhe zotërinj, përfaqësues të organizatave me aftësi të kufizuara në Shqipëri. Është një nder dhe një kënaqësi për mua dhe Partinë Demokratike, koalicionin tonë që sot të ndodhemi së bashku në këtë takim për të konkluduar përmes marrëveshjes midis bashkimi të organizatave tuaja dhe Partisë Demokratike, një marrëveshje e cila konkretizon angazhimet dhe zotimet e qeverisjes së ardhshme ndaj mijëra personave me aftësi të kufizuara dhe familjeve të tyre në Shqipëri. Kjo marrëveshje është produkt i një dialogu dhe negociate që ka nisur prej më shumë se dy vitesh. Rikthejmë në kujtesë me kënaqësi takimin tonë të fundit në selinë e një prej organizatave tuaja ku ajo që spikati ishte sinqeriteti, ishte fryma konstruktive e diskutimit dhe nuk mund të ishte i tillë pa patur edhe reflektimin vetëkritik për përgjegjësitë tona në të shkuarën që janë edhe një pjesë e rëndësishme e themelit mbi të cilat kemi ngritur angazhimet tona për të nesërmen. Kjo është një marrëveshje e cila është hartuar nga ekspertët tanë më të mirë dhe ekspertët më të mirë të organizatave tuaja që ka për qëllim të vendos një kulturë të re bashkëpunimi midis qeverisë shqiptare dhe përfaqësuesve legjitim të personave me aftësi të kufizuara në Shqipëri. Si e tillё unё do tё thoja se themeli i marrëveshjes nuk janë thjesht angazhimet qeveritare, buxhetore por ёshtё: sё pari vendosja e standardit europian i cili parashikon që nё gjithё vendimmarrjet e rëndësishme qё kanё tё bёjmё me çdo sferë, me çdo aspekt tё jetës, tё sfidave dhe tё pritshmërive tё personave me aftësi tё kufizuara, konsultimi, bashkërendimi, bashkёvendimarrja dhe angazhimi i përbashkët nё zbatimin e detyrimeve qё rrjedhin nga këto vendimmarrje, janë instrumenti qё e çon përpara kauzën e drejt dhe vuajtjet, dhimbjet dhe pritshmëritë e personave me aftësi tё kufizuara. Prandaj jam nё veçanti falënderues dhe mirënjohës, drejtuesve tё organizatave, ekspertëve tuaj por edhe ekipit tonё qё ka insistuar qё ndryshimi i parё tё jetë njё ndryshim nё mentalitet, nё përqasje, siç e thash nё kulturën e re qeverisëse sepse fakti ёshtё qё nё këto 30 vite ky standard i mirëqenë nё Europë i konsultimit, i vendimmarrjes sё përbashkët, i vetadminsitrimit dhe i besimit reciprok e nё veçanti i besimit i qeverisё tek përfaqësuesit legjitim tek organizatat e personave me aftësi tё kufizuara ka njohur uljet e ngritjet e saj. Sot unë do ta ndërmarr këtë angazhim në emër të Partisë Demokratike, të koalicionit tonë, Aleancës për Ndryshim dhe gjithë koalicionit tonë i cili më 25 prill me votën e shqiptarëve do të marrë përsipër barrën e qeverisjes. Dua të kujtojë se fillesat e bashkëpunimit tonë janë shumë më të hershme. Dua të kujtoj dhe të sjell në mendje se nëse bëhet fjalë për një lobim në kuptimin klasik të fjalës, lobi i parë dhe në fakt lobi i vetëm në të cilin kam patur krenarinë të jem anëtarë themelues në debutim tim si parlamentarë, si anëtarë i kuvendit të Shqipërisë ka qenë lobi për personat me aftësi të kufizuara. E kuptoj këtë kohë sepse pozita si deputetë i mazhorancës dhe anëtarë i kabinetit, sillte edhe mundësinë për të ndihmuar sa të ishte e mundur, por edhe sfidën jo të vogël në politikë për t’ju kundërvënë partisë tënde, mazhorancës tënde, apo qeverisë tënde në veçanti në pozitat e drejtimit atëherë kur dukej se vendimmarrja nuk ishte në përputhje me ato standarde dhe me ato angazhime të cilat me të vërtetë do të ndihmonin kauzat e drejta të personave me aftësi të kufizuara. Shumë uji ka rrjedhur që nga ai moment, disa gjëra të mira janë arritur por janë hedhur edhe hapa prapa, në veçanti 8 vitet e fundit si në çdo fushë tjetër të jetës ka njohur një shkallë centralizimi ekstrem, një shkallë denigrimi të organizatave, të shoqërisë civile dhe të grupeve të interesit, e cila nuk ka kursyer marrëdhënien e qeverisë së këtyre 8 viteve me organizatat të personave me aftësi të kufizuar. Dhe për fat të keq gjithmonë ata që e kanë pësuar, ata që kanë vuajtur pasojat e kësaj qasje dhe kësaj sjellje janë mijëra persona me aftësi të kufizuar dhe qindra, mijëra familjarë të tyre. Prandaj e theksoj edhe njëherë se ndryshimi themelor do të vijë përmes kësaj përqasje të re, të re për Shqipërinë, por standard europian për çdo shoqëri europiane dhe për çdo vend dhe për çdo shtet që ne sot e marrin si shembull dhe nesër standardet e këtyre vendeve do t’i kemi po kështu shembuj për t’i përcaktuar në legjislacionin shqiptar dhe për t’i zbatuar së bashku me një dobi, me një interes të madh publik që është shërbimi ndaj kësaj pjese të shoqërisë që përtej të qenarit pjesa më vunerabël është edhe treguar se si shoqëria i trajton, mënyra se si qeveria i trajton, është tregues i shkallës së emancipimit të qytetërimit dhe i natyrës dhe i fytyrës njerëzore të politikës së atij vendi. Nuk dua të zgjatem më shumë, por dua t’ia kaloj fjalën njërit apo disa prej përfaqësuesve tuaj para se të kalojmë në katin përfundimtar të një pune më shumë se 3-vjeçare që është marrëveshja formale që do të nënshkruajmë së bashku dhe që do të përbëjë bazën e detyrimeve të qeverisjes së ardhshme në raport me personat me aftësi të kufizuar.

Sinan Tafaj: I nderuar zoti kryetar. Në cilësinë e presidentit të Bashkimit Shqiptar të Organizatave të Aftësisë së Kufizuar më lejoni që t’ju falënderoj nga zemra në emër të personave me aftësi të kufizuar të Shqipërisë. Pse? Së parim është hera e parë që në 30 vjet një forcë politike si e juaja ofrohet për të ndërtuar partneritet dhe aleancë më këtë komunitet dhe për ta trajtuar kaq seriozisht sa të nënshkruhet një marrëveshje kaq e rëndësishme dhe kaq thelbësore. Për të sqaruar opinionin publik dhe vetë personat me aftësi të kufizuar që në Shqipëria së bashku me kujdestarët e tyre arrijnë afër 170 mijë, ju bëjmë të qartë se kjo marrëveshje është shumë e rëndësishme për faktin se e para. Personat me aftësi të kufizuara do të trajtohen me dinjitetin e tyre për të përfaqësuar vetveten në mënyrë të drejtpërdrejtë dhe nëpërmjet organizatave të tyre përfaqësuese pra që ata të jene partnerë siç e tha dhe zoti kryetar në mbrojtjen e të drejtave të tyre dhe në të gjitha përpjekjet që shoqëria, qeveria do të bëjë për integrimin e tyre. Për hir të së vërtetës në tetë vitet e fundit janë bërë hapa mbrapsht por në vlerësimin tim siç e ka thënë edhe kryetarit në takimin që patëm, ka vend për të hetuar sepse qeveria duke shfrytëzuar përkthimin e gabuar të konventës na hoqi të drejtën për të folur, vendosur për veten tonë nëpërmjet organizatave tona dhe ja transferoi atë kompanive të biznesit të cilat sillen si OJF, si organizata që gjoja na shërbejnë ne, na ndihmojnë edhe na ofrojnë shërbime të tjera. Kjo kthesë tmerrësisht e rrezikshme dhe e rëndë për ne ndodhi në ligjin 93 të viti 2014 kundër të cilit ne protesta fort kundër ministrit të kohës, ministri i Punës që e inicioi sepse më pas “Lëvizja e Aftësisë së Kufizuar”, u dëmtua, u rëndua dhe përfaqësimi i personave me aftësi të kufizuar ishte tejet formal, tek-tuk me organizata, të cilat vetëm ngrinin dorë lepe-peqe, pa kuptuar se për çfarë firmosnin apo për çfarë votonin. Së dyti, që është shumë e rëndësishme për personat me aftësi të kufizuar, të kuptojnë se nëpërmjet kësaj marrëveshjeje, do të kryhet një reformë më bashkëpunimin tonë, që të shkojë haku te i zoti dhe të mos ndodhin më ato dëme që iu janë shkaktuar personave me aftësi të kufizuar nëpërmjet vendimeve të Këshillit të Ministrave që nga 2016, e veçanërisht ai i 5 Qershorit 2019, sipas të cilëve, pagesa për shkak të aftësisë së kufizuar, humbet kuptimin dhe thelbin e saj si një pagesë që jepet për të kompensuar ato pasoja që sjell kufizimi dhe kushtëzohet me pasjen e një pensioni të invaliditetit apo të pleqërisë. Pra, kjo lloj pagese tashmë është dëmtuar, është reduktuar, po anulohet dhe janë prekur të gjitha kategoritë e aftësisë së kufizuar, përveç të verbërve. Unë besoj që ofrimi i bashkëpunimit me zotin Kryetar, është jashtëzakonisht i rëndësishëm dhe garancia për këtë së pari, është e kaluara dhe angazhimi i zotit Basha me aftësinë e kufizuar. Pra, për hir të së vërtetës, ne kemi një histori tejet pozitive dhe të rëndësishme, kemi një sjellje tejet njerëzore të zotit Basha, në cilësinë e deputetit dhe të ministrit dhe deri edhe në një përplasje brenda partisë së tij apo brenda qeverisë, për interesat tona. Së dyti, është edhe kjo marrëveshja, që është e para në 30 vite që do të nënshkruhet mes nesh dhe një force politike për të cilën ne do bëjmë ç’është e mundur që me 25 prill të jetë ajo që i fiton zgjedhjet dhe ne këtë nuk do ta bëjmë sepse ne jemi bërë anëtarë të Partisë Demokratike, jo. Ne jemi një komunitet i pavarur dhe jashtë Partisë Demokratike por ama për interesat tona kemi ndërtuar një aleancë të qëndrueshme dhe shumë serioze dhe ne e kemi jetike në zbatimin e kësaj marrëveshje. Por kjo marrëveshje nuk mund të zbatohet, nuk mund të marrë jetë nëse Partia Demokratike nuk do vijë në pushtet. Prandaj, thirrja ime është për të gjithë personat me aftësi të kufizuar të kuptojnë që askujt nuk i kërkohet të ndërrojë parti apo të bëjë këtë apo të bëjë atë. Thjeshtë i kërkohet që të kuptojnë që interesat e tyre, pagesat e tyre, shërbimet e tyre, të drejtat e tyre, vajtja përsëri nëpër shkolla sepse unë nuk e përmenda ajo quhet e drejta e shkollimit, janë hequr shumë të drejta, janë cenuar shumë të drejta. Rikthimi i gjithë këtyre të drejtave do të vijë vetëm në qoftë se ne si komunitet do përfshihemi dhe do pyetemi nga qeveria e ardhshme sipas kësaj marrëveshje që ne po nënshkruajmë. Në këto rrethana, i nderuar zoti kryetar, në emër të të gjithë personave me aftësi të kufizuar, ju uroj suksese dhe ju garantoj që ne do bëjmë ç’është e mundur në krahun tuaj. Gjithë të mirat.

Mark Zefi: Faleminderit kryetar! Në radhë të parë, ju uroj suksese dhe fitore. Së dyti, në emër të shoqatës së “Invalidëve të punës të Shqipërisë” që është një grup interesi prej 73,620 invalidë. Ju përshëndes për këtë takim që organizuat me ne persona të aftësisë së kufizuar, për të kristalizuar këtë marrëveshje, ashtu siç e tha edhe profesori, kolegu im, më përpara që kjo nuk ka filluar sot por ka vite që punohet, ashtu siç e thatë ju zoti kryetar, me ekipe, me ekspertë, për të kristalizuar një veprim që neve na mungon. Mendoj dhe kemi besim që Partia Demokratike do ta realizojë, do ta bëjë realitet këtë angazhim të cilin e ka marrë duke i ngarkuar vetes një detyrë që për mendimin tim duhet të na mbështesë dhe në strukturat e saja të qeverisjes së re mendoj që duhet të ketë përfaqësues të aftë, specialistë dhe nga shtresa e personave me aftësi të kufizuara. Jo të trajtohemi si një grup komunitar që të na përbuzin jo nuk ka këmbën, jo nuk ka dorën, e të tjera e të tjera, por jemi të barabartë, mendoj, pavarësisht se nga ana fizike nuk kemi mundësi. Kështu që duke parë dhe lexuar marrëveshjen ne jemi dakord që të bashkëpunojmë dhe të mbështetemi sipas programit dhe problematikës që është shtruar në marrëveshje. Tani që t’i kthehemi viteve të kaluara është një kohë e humbur por të themi realitetin, neve Shoqatës së invalidëve të punës të Shqipërisë na janë mohuar disa të drejta, do me thënë miratohet është në kushtetutë, me VKM miratuar, me udhëzime dhe na vendosën taksa siç është ajo e ndërtesës, e biznesit, e transportit. Nuk zbatohet ligji i njohjes së dëshmisë së invalidit. Janë shumë bashki si Vlora, Shkodra, Durrësi etj., të cilat nuk njohin transportin kur ajo është e përshkruar në kushtetutë, kanë dalë udhëzimet e dikastereve përkatëse, dhe disa pushtetarë vendorë nuk e njohu. Me të vërtetë autonomia vendore, jemi dakord por ne nuk jemi në një pabarazi jashtë konturit ligjor që të dali bashkia ose këshilli bashkiak të paguash taksën e ndërtesës, kur ajo është hequr me ligj, është e përshkruar në kushtetutë te neni 49 e tek të tjera. Prandaj duke pasur besimin ne jemi pro marrëveshjes dhe kërkojmë që Partia Demokratike bashkë me aleancën në programin e saj ti japi një rëndësi të veçantë këtij komuniteti me aftësi të kufizuar sepse është e nevojshme, ka nevojë dhe duhet mbështetur. Ju faleminderit.

Lulzim Basha: Ju faleminderit dhe tani ju ftoj ta kolaudojmë këtë punë siç e thatë jo vetëm disa mujore po disa vjeçare duke nënshkruar sot, duke vendosur nënshkrimin tonë dhe tuajin në këtë marrëveshje dhe duke dhënë në këtë mënyrë mesazhin e qartë dhe të pakthyeshëm se gjithçka kemi rënë dakord, çdo zotim për të cilin jemi angazhuar, na lidh, na përkushton, na detyron që nga dita e parë e qeverisjes jo vetëm të korrigjojmë gabimet e rënda, do thoja fajet e rënda që kanë rënduar mbi kurrizin e dhjetëra mijëra personave me aftësi të kufizuara këto tetë vite, por mbi të gjitha na angazhon që standardin europian, cilësinë europiane të trajtimit të personave me aftësi të kufizuara ta kemi si synimin, objektivin dhe shënjestrën e çdo mase që do të marrim këtej e tutje si një qeveri e përgjegjshme ndaj fatit të çdo qytetari e në veçanti e përgjegjshme dhe e ndjeshme ndaj qytetarëve me vulnerabilitete siç janë personat me aftësi të kufizuar dhe ndaj familjeve të tyre, sakrificës së familjeve shqiptare gjatë këtyre viteve, dhimbjeve dhe vuajtjeve që ka shkaktuar tetë vite krizë, në veçanti në fushën ekonomike dhe sociale. Për familjet tuaja kjo është edhe më e rëndë për shkak të sfidave që paraqet kujdesi dhe kosto që duhet të përballojnë në raport me personat, me anëtarët e familjes me aftësi të kufizuara, ndaj edhe angazhimi ynë do të jetë jo thjesht dhe vetëm ai që materializon, mishëron të njëjtën ndjeshmëri dhe kujdes si çdo qeveri europiane ndaj personave me aftësi të kufizuara por që dhe e kthen këtë në vepra konkrete përmes financimeve publike dhe përmes tërheqjes dhe financimeve të Bashkimit Europian, të vendeve të tjera që na kanë ndihmuar dhe do na ndihmojnë edhe më shumë kur të shohin transparencën, dhembshurinë dhe seriozitetin me të cilin qeveria e re shqiptare do të trajtojë problemet tuaja dhe padiskutim dhe donatorëve të tjerë ku përfshihen shoqata dhe federata të ndryshme që unë e di që janë gati dhe mezi presin të rikthehen në krahun tuaj e t’ju ndihmojnë. Kësaj radhe jo më me një qeveri që ka dëmtuar dhe ka goditur interesat tuaja por me një qeveri që i ka shkrirë vuajtjet, sfidat, pritshmëritë dhe projektet tuaja me projektet e saj duke vepruar kështu me të vërtetë si një entitet i vetëm në shërbim të mirëqenies, të shëndetit dhe integrimit të plotë të çdo qytetari shqiptar, të çdo vajze dhe djali, të ri edhe të reja, të çdo burri dhe gruaje, të çdo të moshuari dhe të moshuare me aftësi të kufizuara në shoqërinë shqiptare në çdo aspekt të jetës dhe të bashkëjetesës sonë të përbashkët. Ju ftoj pra që pas një kohe jo të shkurtër dialogu, negociatash, konsultimesh ta finalizojmë sot me këtë nënshkrim dhe ju garantoj se është hapi i parë që pas 25 Prillit të nisim zbatimin e kësaj marrëveshje, efektet e së cilës do ti ndjejnë të gjithë personat me aftësi të kufizuara, pa diskriminim të asnjë lloji, as klientelist, as nepotik, as politik, as gjeografik dhe të asnjë lloji.

• Dorëzohet dosja në SPAK, Taulant  Balla në krye të një grupi kriminal për blerjen dhe intimidimin e votuesve.

• Gazment Bardhi: Nuk ka më të paprekshëm! Pas 25 prillit, kush ka shkelur ligjin, humb pasurinë e paligjshme dhe shkon në burg.

• Gazment Bardhi: Rikthejmë qetësinë dhe mirëqenien në Elbasan!

DEKLARATË E DREJTUESIT POLITIK TË PD PËR QARKUN ELBASAN, GAZMENT BARDHI 

Edhe 13 ditë na ndajnë nga dita ku secili prej jush do të ushtrojë pushtetin dhe përgjegjësinë e tij për të ardhmen e familjes dhe fëmijëve tuaj.

Që nga dita e parë unë personalisht, ekipi dhe strukturat e Partisë Demokratike, jemi angazhuar për të garantuar vullnetin tuaj të lirë, vendimmarrjen tuaj të pandikuar nga kërcënimet dhe paratë e pista të krimit dhe korrupsionit.

Gjatë javës së fundit, për shkak se kanë kuptuar braktisjen masive nga shumica dërrmuese e qytetarëve të Elbasanit, pasi ja keni thënë në sy vendimin tuaj se në 25 Prill do të votoni për ndryshimin, Taulant Balla ka ngritur një rrjet kriminal për mbledhjen e kartave të identitetit dhe blerjen e votave.

Jam sot në këtë komunikim me ju, për të njoftuar se pas evidentimit të të gjitha rasteve, kemi dorëzuar dosjen e plotë me të dhëna pranë SPAK ndaj disa shtetasve për veprat penale “Grup i Strukturuar Kriminal”, “Pengimi i subjekteve zgjedhore”, “Korrupsioni aktiv në zgjedhje”, “Marrja ose përdormi i paligjshëm i dokumenteve të identifikimit”, dhe “Shpërdorimi i autoritetit policor”.

Disa nga shtetasit e kallëzuar në SPAK, janë:

•         Taulant Balla, organizator i skemës
•         Gjergj Luca në zonën Labinot Fushë dhe Labinot Mal.
•         Aurel Kaja ka ngritur një rrjet personash, që bën shpërndarjen e parave në këmbim të votës për Partinë Socialiste.
•         Ardian Peqini në  Lagjen e “Kinezëve” dhe tek zona e njohur si “Isllat”.
•         Dashamir Myzeqari në lagjen e njohur si “tek Çerdhja”.
•         Artan Firaku, Gëzim Rusi dhe Xhevahir Njelina tek lagja “5 Maji.
•         Ledi Hoti (Ledian) dhe Arben Veseli ne Bradashesh.
•         Arjan Sinani ne zonen e 11 Nëntori dhe zonën e quajtur “Harqet – Firakasit”.
•         Dhurata Mata në lagjen “Emin Matraxhiu”.
•         Gentian Sharra në zonën e Bradasheshit dhe Fushë Mbretit.
•         Themistokli Bebi në lagjen “Clirimi”.
•         Tit Muzhaqi dhe Gent Derzeza në lagjen 11 Nëntori.
•         Arian Ibershimi në lagjën “Dyli Haxhire”.
•         Met Peqini (Meti Tujës) dhe Tit Caka, në lagjen e njohur si “Rruga e re e Trenit”.
•         Shaqir Prroi, Donald Varfi dhe Shyqeri Hoxha, në lagjën “Haxhias”.
•         Afrim Vullnetari, në lagjën “5 Maj”, në lokalin e njohur si “Lokali me Harqe”, që shërben edhe si bazë e shpërndarjes së lëndëve narkotike në qytetin e Elbasanit.
•         Fadil Meta, Gent Sharra, Klement Xhaferri, dhe Durim Sadiku në lagjën “Fushë-Mbret”.

Materialet e plota për këta shtetas dhe shumë të tjerë, në total 43 persona, janë dorëzuar në SPAK. Ne e nxisim organin e akuzës të veprojë më shpejtësi, t’i shërbejë ligjit dhe interesit publik, duke proceduar penalisht personat e përfshirë.

Po sot kam një mesazh për secilin prej tyre.

Nuk ka krim elektoral, sado në errësirë e në fshehtësi të kryhet, që të mos zbulohet dhe ndëshkohet. Cilido prej tyre do të përgjigjet.

Duhet të keni parasysh, se ne do të ndërmarrim çdo nisëm, çdo instrument ligjor, dhe do të nxisim dëshmitarë të drejtësisë që të bëhen pjesë e ndëshkimit shembullor të kujtdo që tenton të blejë qoftë edhe 1 votë të vetme.

Mos kini ansjë iluzion se jeni të paprekshëm. Ata që mendojnë se janë të paprekshëm, do të shohin se pas 26 prillit do të humbin jo vetë privilegjet e paligjshme, por edhe lirinë.

Askush dhe asgjë nuk e ndal dot ndryshimin. Ne do t’i fitojmë zgjedhjet, me shumicën e qytetarëve të ndershëm të Elbasanit. Keqbërësit, banditët, drejtorët, dhe servilët e Taulant Ballës, do të jenë me 26 prill në minorancë.

Në Elbasan do të ketë drejtësi, do të ketë rend, dhe ligji do të bjerë mbi këdo që e ka sfiduar deri tani, dhe që po e sfidon edhe këto pak ditë që kanë ngelur deri në vendimin që do të marrin qytetarët.

Pas 13 ditëve Elbasani do ti kthehet qetësisë, qytetarët do të kenë mundësi për punë e mirëqënie, pa pasur frikë nga asnjë bandit, apo pushtetar të lidhur me ta.