Blog

• Kryetari i Partisë Demokratike hap fushatën elektorale: Jemi këtu të gjithë bashkë dhe jam mes jush sepse ju keni marrë një vendim shumë të rëndësishëm ti japim së bashku fund tranzicionit shqiptar dhe të hapim një faqe të re të historisë moderne dhe europiane të Shqipërisë.

• Të mundësojmë që më të mirët, më të ndershmit të drejtojnë fatet e vendit sepse familja jonë e madhe Shqipëria ka nevojë sot më shumë se kurrë për punë, nder dhe ndryshim rrënjësorë. Sepse ne sot më shumë se kurrë duhet të mbrojmë e të vendosim në vendin e duhur krenarinë tonë të kahershme kombëtare si shqiptarë

• Ne po luftojmë kundër një grushti njerëzish që janë gati të bëjnë gjithçka vetëm për të mbajtur karriget e tyre por në të vërtetë ata nuk na qeverisin por ju shërbejnë vetes dhe ortakëve të tyre që po rrëmbejnë përmes akteve grabitqare gjithçka që ky vend ka, pasuritë tuaj, pasuritë e kombit.

• Ky vend meriton më shumë, shqiptarët meritojnë më shumë dhe prandaj ne jemi sot këtu para jush që tua bëjmë të qartë të gjithëve, ne shqiptarët meritojmë më shumë dhe mundemi të bëjmë më shumë dhe do të bëjmë më shumë.

• Çdo gjë e mirë që i ka ndodhur këtij vendi, gjithçka që ka ndryshuar për mirë në këtë vend mban vulën e rinisë, ka fytyrën e saj. Ndaj edhe kësaj herë vendi ka nevojë për rininë, ndryshimi kërkon mbështetjen e saj që është derdhur në këtë shesh e anembanë Shqipërisë

• Unë vi para jush për të shpallur një tjetër synim, një detyrë, një mision që i përgjigjet dëshirës së çdo shqiptari ndaj të cilit dhe ndaj të cilës angazhohem: Kur të më zgjidhni kryeministër detyra e parë madhore, misioni im hyjnor, misioni ynë hyjnor është futja e Shqipërisë në Bashkimin Europian.

• Të qëndrojmë bashkë sa më afër, të bisedojmë ditë për ditë me njeri tjetrin, të bindim këdo që është në kërkim të shpresës se po punoj për një qëllim të lartë, se po punojmë për një qëllim fisnik, po punojmë për të garantuar një ndryshim të thellë, të vërtet e të pakthyeshëm për bijtë e shqipes. E që ky ndryshim të bëhet realitet secili nga ne duhet ti bashkohet kësaj përpjekjet.

• Unë besoj tek ju, unë jam krenar për ju bashkëqytetarët e mi dhe ndjehem i nderuar për misionin e lartë që më keni besuar. E di që së bashku dhe vetëm së bashku ne do të kapërcejmë çdo pengesë dhe do të përmbushim çdo ëndërr.

• Dashuria për fëmijët, për familjet, për njeri-tjetrin, dashuria për Shqipërinë është forca që na mbush zemrat dhe na ushqen mendjen. Dhe dua që këtë dashuri të mos e përflasë në erë, por t’jua dëshmoj duke u shërbyer drejt rrugës së ndryshimit.

• Ndryshimi që ka filluar që ka zbritur sonte në këtë shesh siç ka zbritur në mendjet dhe zemrat e shqiptarëve kudo ku janë. Bashkë për ndryshimin, bashkë për Shqipërinë i sigurt që së bashku do të fitojmë, Shqipëria do të fitojë.

FJALA E KRYETARIT TË PD, LULZIM BASHA NË HAPJEN E FUSHATËS ELEKTORALE

Mirëmbrëma Shqipëri!
Përshëndetje ju motra dhe vëllezër që keni mbushur këtë shesh. Ju motra dhe vëllezër shqiptar kudo që ndodheni në këtë mbrëmje hyjnore të bashkimit tonë për ndryshim me të cilin do të fitojë Shqipëria dhe çdo shqiptar.
Mirëmbrëma kandidatëve të Partisë Demokratike të Shqipërisë, aleatëve tanë të koalicioni, ekipit tonë të fitores dhe ndryshimit për çdo shqiptar. Edhe 31 ditë. Vetëm 31 ditë për të nisur së bashku rrugën e ndryshimit të Shqipërisë, rrugën e zhvillimit, të punësimit, të mirëqenies dhe të integrimit të saj në familjen tonë europiane. Jemi këtu të gjithë bashkë dhe jam mes jush sepse ju keni marrë një vendim shumë të rëndësishëm ti japim së bashku fund tranzicionit shqiptar dhe të hapim një faqe të re të historisë moderne dhe europiane të Shqipërisë. Të mundësojmë që më të mirët, më të ndershmit të drejtojnë fatet e vendit sepse familja jonë e madhe Shqipëria ka nevojë sot më shumë se kurrë për punë, nder dhe ndryshim rrënjësorë. Sepse ne sot më shumë se kurrë duhet të mbrojmë e të vendosim në vendin e duhur krenarinë tonë të kahershme kombëtare si shqiptarë, sepse duhet të ndalojmë një orë e më parë këtë varfërim dhe këtë zbrazje që po i ndodh sot Shqipërisë, sepse nënat dhe motrat tona duhet të kursen nga dhimbja që shkakton braktisja e vatrave të familjes, që si pasojë sjell braktisjen e madhe që ka pllakosur sot mbarë vendin, sepse Shqipëria gjithmonë ka qenë kryelartë në shekujt e trazuar të historisë së vet. Dhe ne jemi sot këtu si përgjigje e thirrjes së saj për të ndalur dorën që zhvat pasuritë e kombit, dorën që vret shpresën e shqiptarëve dhe mendjen e errët që kërkon të mbjellë frikën dhe dyshimin në zemrat e bashkatdhetarëve tanë. U bënë më shumë se një vit që filluam këtë marshim, këtë rrugëtim për të ndryshuar vendin tonë. Është një rrugëtim i vështirë por të cilin ne e kryejmë me përgjegjësi dhe me një gëzim të brendshëm sepse ne jemi të vetëdijshëm se puna jonë është një përkushtim dhe sakrificë për vendin, për shqiptarët, për Shqipërinë, për kombin sepse po shkulim dhe çrrënjosim nga damarët e tokës tonë një kast, një grusht, një të keqe që ka vendosur të shterojë dhe të përvetësojë për interesat e veta të gjitha pasuritë dhe burimet që Zoti kaq bujarisht ia ka falur Shqipërisë. Dhe po luftojmë kundër një grushti njerëzish që janë gati të bëjnë gjithçka vetëm për të mbajtur karriget e tyre por në të vërtetë ata nuk na qeverisin por ju shërbejnë vetes dhe ortakëve të tyre që po rrëmbejnë përmes akteve grabitqare gjithçka që ky vend ka, pasuritë tuaj, pasuritë e kombit. Por vëllezër dhe motra ne po zhvillojmë edhe një betejë tjetër, një betejë brenda vetes. Unë e di se pas 8 vitesh zhgënjime, mashtrime shumëkujt i ka humbur besimi e shumëkush mendon se ky vend nuk ndryshon. Për të gjithë ata që kështu mendojnë unë kam një pyetje për ju. A është kjo ajo që ne meritojmë? A janë varfëria dhe kostoja e jetës që rritet çdo ditë e më shumë ajo që ne meritojmë? A është mungesa e vendeve të punës, papunësia dhe mjerimi ajo që meritojmë? A është largimi nga sytë këmbët i rinisë, i këtij populli të talentuar, ajo që meritojmë? A është ky fati i shkruar për secilin prej nesh? Jo, nuk ka gënjeshtër më të madhe se kjo. Ky vend meriton më shumë, shqiptarët meritojnë më shumë dhe prandaj ne jemi sot këtu para jush që tua bëjmë të qartë të gjithëve, ne shqiptarët meritojmë më shumë dhe mundemi të bëjmë më shumë dhe do të bëjmë shumë më shumë për njëri-tjetrin dhe për Shqipërinë. Për muaj të tërë ditë pas dite kam shkuar në çdo qytet, në çdo cep, në çdo kënd të Shqipërisë kam ndjerë etjen për ndryshim, kam prekur me duart e mia shpresën, kam marrë përqafimet e ngrohta shpresëdhënëse kudo nga jugu në veri. Kam folur dhe kam shpjeguar se gjërat mund të shkojnë më ndryshe dhe më mirë dhe kam njoftuar në çdo derë dhe familje shqiptare që më ka hapur derën se ndryshimi po vjen, se ndryshimi do ta sjellim, se Shqipëria do të ndryshojë. Kam lexuar në sytë tuaj një nxitje dhe një forcë të papërsëritshme, një frymëzim për të ecur përpara që vetëm një popull i vuajtur por i vendosur për t’i dhënë fund vuajtjes di si ta japë dhe po ju zbuloj sot, çfarë më kanë thënë shqiptarët anë e kënd Shqipërisë. Jemi gati për një ndryshim të madh por na e hiqni këtë peshë të rëndë që kemi mbi supe. Këta qeveritarë që vetëm na zhvasin, që nuk na zgjidhin asgjë, që pasi kanë zhvatur gjithçka duan të na vrasin dhe shpresën dhe besimin. Dhe ne të gjithë së bashku me 25 prill do t’ja heqim popullit tonë këtë barrë të rëndë nga supet, do të clirojmë oksigjen dhe energji pozitive për çdo shqiptar. Pse nuk mund të jetojmë më mirë, pse fëmijët tanë duhet të shkojë nën shtete të tjera për të bërë të shquar, për të shkëlqyer, për tu punësuar, për tu shkolluar dhe për tu përparuar. Pse mos të marrin pagat që meritojnë në vendin tonë, pse kaq shumë prindër e të rinj nuk gjejnë punën e përshtatshme për talentin e tyre për aftësitë edhe prirjet e tyre këtu në Shqipëri por vetëm jashtë saj. Sot shqiptarët e kuptojnë më mirë se meritojnë më shumë se vendi ka nevojë të ndryshojë, njerëzit tanë e kuptojnë se meritojnë më shumë vende pune dhe se Shqipëria e ka të mundur t’ju japë më shumë vende pune dhe se Shqipëria e ka të mundur t’ju jap më shumë vende punë, se meritojnë një qeveri më të mirë, një qeveri që do të punoj për ta dhe jo për veten e saj. Ndaj me ekipin tonë të mrekullueshëm me qindra ekspert të vendit dhe të huaj kemi përgatitur dhe kemi gati për zbatim plane serioze pune të cilat do të ndryshojnë jetën e familjeve shqiptare, të rinis shqiptare, të grave shqiptare, të çdo kujt që dëshiron të punoj e të jetoj me djersën e ballit, pra të gjithë shoqërisë së drejt e të ndershme shqiptare. Sepse ne do të sjellim një qeveri që do të kujdeset për ju, një qeveri që kujdeset për Shqipërinë tonë. Thirrja ime nga ky shesh është për ty që kërkon një mundësi për të ikur nga ky vend, për ty që ndoshta po mbledh para borxh për të paguar kamionin për Angli duke rrezikuar jetën tënde, mos ik, qëndro, lufto, lufto me mua, lufto me ne. ky vend mund dhe do të bëhet dhe ti do ta ndërtosh jetën tënde këtu. Thirrja ime është për ty nënë, motër, që punon pa pushim, e që mezi siguron ushqim për fëmijët e tu, mos e lër dhimbjen ta mbush shpirtin tënd, ki besim, ditë më të mira po vijnë për ty dhe të dashurit e zemrës. Thirrja ime është për ty fermerë, që punon gjithë ditën e në fund prodhimet I gropos, mos u dëshpëro, mos u dorëzo, së shpejti do të kesh në krahë dhe jo kundër qeverinë që meriton, mundi e djersa jote nuk do të shkojë më dëm. Thirrja ime është për ju mijëra familje që pandemia ju ka zhytur në borxhe për të blerë ilaçe, mos u dëshpëroni, nuk do të jeni më të braktisur. Ndryshimi po vjen. Ne do t’ju ndihmojmë. Thirrja ime është për ty sipërmarrës që e mbylle apo që po të falimenton biznesi, mos u dorëzo, qëndro. Shumë shpejt dot të arrish të ringrihesh dhe të shijosh frytet e punës me shumë të ardhura për ty, për familjen tënde, për të punësuarit, me një qeveri në krahun tënd. Për ty është thirrja ime sot kryefamiljar që ke humbur venin e punës dhe sot nuk ke mundësi të kujdesesh për familjen tënde. Nesër do kujdesemi bashkë si një familje e madhe për ty, ekonominë dhe mbarë Shqipërinë. Thirrja ime është për ju gjyshe dhe gjyshër, nëna dhe baballarë që me pensione sot nuk paguani dot as ujë e drita e ilaçe! Nesër do të jetë ndryshe! Dita e dinjitetit dhe mirënjohjes dhe kujdesit për ju, po afron! Që ju të keni më shumë mundësi dhe vendin që meritoni në familjet tona dhe në shoqërinë tonë! Sepse për të gjitha këto dhe shumë më shumë, Shqipëria i ka mundësitë, i ka resurset dhe ne do t’i vëmë në shërbimin tuaj! Miqtë e mi, të rinj dhe të reja studentë dhe studente, lulja e kombit tonë, energjia shpirti dhe forca e këtij vendi, bij dhe bija të Shqipërisë mbushini zemrat me shpresë, bashkohuni me ne për të ndryshuar këtë vend dhe për ta bërë atë si gjithë Europa. Rini shqiptare, çdo gjë e mirë që i ka ndodhur këtij vendi, gjithçka që ka ndryshuar për mirë në këtë vend mban vulën tuaj, ka fytyrën tuaj. Ndaj edhe kësaj herë vendi ka nevojë ju, ndryshimi kërkon mbështetjen tuaj që e keni derdhur në këtë shesh e anembanë Shqipërisë. Për 8 vitet e fundit Shqipëria i është larguar Bashkimit Europian për faj të qeverisjes dhe kryeministrit në ikje. Shëndetësia jonë tregtia jonë, arsimi ynë, shëndetësia, gjithçka vazhdojnë të jenë në krizë, të preken, të varfërohen thellësisht nga fakti që Shqipëria është larg pranimit në Bashkimin Europian. Jetët tona do të jenë shumë më të mira në çdo drejtim ku Shqipëria të plotësojë ëndrrën e saj dhe të bëhet pjesë e Bashkimit europian dhe unë e di se si arrihet kjo. E mbani mend si thonin ishte e pamundur që Shqipëria të hynte në NATO por ne caktuam një pikësynim, punuam fort dhe ia dolëm, sot Shqipëria është falë nesh anëtare e NATO-s. Mbani mend si të gjithë thonin se nuk mund të arrihej marrëveshja për lëvizjen e lirë pa viza, se ishte e pamundur, se s’kishte asnjë shpresë që shqiptarët të lëviznin të lirë, pa viza, me pasaportat e tyre. Por ne caktuam një pikë synim . Ne punuam fort dhe ia dolëm. Sot vij para jush për të shpallur një tjetër synim, një detyrë, një mision që i përgjigjet dëshirës së çdo shqiptari ndaj të cilit dhe ndaj të cilës angazhohem: Kur të më zgjidhni kryeministër detyra e parë madhore, misioni im hyjnor, misioni ynë hyjnor është futja e Shqipërisë në Bashkimin Europian. Që Shqipëria të jetë e fortë, e përparuar, e mirë për të gjithë, na duhet urgjentisht t’i lëmë pas 8 vite ngecje, 8 vite hapa prapa, 8 vite larg Europës dhe të nisim marshimin tonë të pandalshëm deri në anëtarësimin e plotë të kombit të shqipeve, në familjen tonë europiane! Vëllezër dhe motra, qytetarë dhe qytetare për të arritur këtë çlirim dhe këtë ndryshim, për të arritur këtë aspiratë që sapo ju fola ne, ky ekip që shihni sot dhe unë kam nevojë për ndihmën tuaj sepse pa ju ëndrrat më të bukura, planet më serioze shndërrohen në përralla dhe në pluhur. Pa ju, pa ndihmën e mbështetjen tuaj qëllimet tona për ndryshimin e madh që na pret mbeten thjeshtë ide dhe jo një udhëzues drejt një jete më të mirë. Në javët e ardhme le të qëndrojmë bashkë sa më afër, të bisedojmë dit për dit me njeri tjetrin, të bindim këdo që është në kërkim të shpresës se po punoj për një qëllim të lartë, se po punojmë për një qëllim fisnik, po punojmë për të garantuar një ndryshim të thellë, të vërtet e të pakthyeshëm për bijtë e shqipes. E që ky ndryshim të bëhet realitet secili nga ne duhet ti bashkohet kësaj përpjekjet. Bashkë për ndryshim Shqipëria fiton. Sepse nuk mund tua fsheh forca e vërtetë e ndryshimit jeni vetëm ju. Unë jam këtu në mesin tuaj si lajmëtarë, si një udhërrëfyes për të marrë rrugën dhe shtegun e duhur. Kam pra nevojë për ju, për ndihmën tuaj, për forcën tuaj ndaj ju kërkoj sot të më bashkoheni në përpjekjet e fundit e fundit të këtij rrugëtimi për t’i sjellë ndryshim Shqipërisë. Unë besoj tek ju, unë jam krenar për ju bashkëqytetarët e mi dhe ndjehem i nderuar për misionin e lartë që më keni besuar. E di që së bashku dhe vetëm së bashku ne do të kapërcejmë çdo pengesë dhe do të përmbushim çdo ëndërr. Dashuria për fëmijët, për familjet, për njeri-tjetrin, dashuria për Shqipërinë është forca që na mbush zemrat dhe na ushqen mendjen. Dhe dua që këtë dashuri të mos e përflasë në erë, por t’jua dëshmoj duke u shërbyer drejt rrugës së ndryshimit. Ndryshimi që ka filluar që ka zbritur sonte në këtë shesh siç ka zbritur në mendjet dhe zemrat e shqiptarëve kudo ku janë. Bashkë për ndryshimin, bashkë për Shqipërinë i sigurt që së bashku do të fitojmë, Shqipëria do të fitojë. Ju faleminderit shumë! Zoti e bekoftë Shqipërinë!

Basha poton fotot nga takimet me qytetaret ne njesine 5: Shqipëria kërkon ndryshim, Shqipëria ka nevojë për ndryshim dhe koha është tani. Në 25 prill Shqipëria fiton.

Sot u takova me shumë qytetarë në njësinë 5 në Tiranë. Tek të gjithë pashë dëshirën e madhe për ndryshim
Shqipëria kërkon ndryshim, Shqipëria ka nevojë për ndryshim dhe koha është tani. Njerëzit që do ta sjellin ndryshimin janë këta qytetarë të vetëdijshëm për gjendjen e vendit, këta të rinj që duan të ndërtojnë jetën këtu,në vendin tonë. Ne jemi angazhuar me planet tona ambicioze të shkollimit, trajnimit, punësimit dhe mbështetjes financiare.

Së bashku për ndryshim.
Në 25 prill Shqipëria fiton

• PD: Plotësimi i listës së deputetëve, fitorja e parë. Jemi në anën e ligjit dhe interesit publik. Beteja më e madhe në 25 Prill.

DEKLARATË E PARTISË DEMOKRATIKE, SEKRETAR PËR ÇËSHTJET ZGJEDHORE IVI KASO

Vendimi i sotëm i Komisionit të Apelimit konfirmoi qendrimin e drejtē të Partisë Demokratike pēr listën e përfaqësimit në zgjedhjet politike të 25 Prillit.

Si gjithmonë, ne jemi në anën e ligjit dhe vendosim të parin interesin publik, përfaqësimin sa më të plotë dhe dinjitoz të të gjitha shtresave të shoqërisë.

Vendimi i mëparshëm i KQZ-së për të mos regjistruar listat e plota të koalicionit ishte një vendim i padrejtë dhe i paligjshëm, diktuar nga interesat politike të shumicës.

Pas ndryshimit të rregullave të lojës në mënyrë të njëanshme, shumica synoi të vendoste rregulla të tjera, të cilat parandaluan përfaqësimin e plotë dhe të drejtë të të gjitha partive përbërëse të koalicionit tonë.

Tani, koalicioni ynë po konkuron në potencialin e tij të plotë, njerëzor dhe programatik. Por përfaqësimi i koalicionit PD në zgjedhjet e 25 Prillit me listat e plota është vetëm beteja e parë e fituar.

Beteja më e madhe është ajo e ditës së zgjedhjeve, 25 Prill.

Qytetarët e dinë që këto zgjedhje nuk janë për Ramën apo Bashën: Këto zgjedhje janë për të ardhmen e fëmijëve dhe familjeve të tyre. Kēto zgjedhje vendosin nēse Shqipëria do tē perparojē drejt Bashkimit Evropian.

Njerëzit e dinë që kjo nuk mund të bëhet nga Edi Rama, i cili dështoi për 8 vjet dhe na la mbrapa të gjitha vendeve tē tjera. Njerëzit do të votojnë për Lulzim Bashën, misioni i të cilit është të ndërtojë në Shqipëri një qeveri evropiane, të përgjegjshme dhe me një fytyrë njerëzore.

Asgjë nuk do të na ndalojë të sjellim ndryshimin në Shqipëri me njerëzit tanë të mrekullueshëm, të cilët kanë nevojë dhe e duan kaq shumë ndryshimin! Ne do ta bëjmë të mundur këtë në 25 Prill me ndihmën e të gjithë shqiptarëve.

• Komisonerja Gabriel: Arsimi kërkon një qasje vizionare dhe bashkëpunim më të thellë në nivelin europian.

• Komisionerja Gabriel për planin Basha: Kjo iniciativë me aleancat universitare është një nga më të rëndësishmet

• Basha: 5 gjuhë të huaja falas për çdo shqiptar, kudo ku jeton

• Basha: Kemi një plan konkret pune që ofron trajnim të dyfishtë profesional në mbi 20 disiplina të ndryshme

• Basha: Qëllimi ynë, për të ndërtuar dhe mbështetur një klasë të mesme të trajnuar mirë dhe të paguar mire

• Basha: Për të sjellë këtë ndryshim të vërtetë; ne duhet të fillojmë një rrugë të sigurt drejt BE-së

• Basha: Ne duam të jemi të parët dhe jo në bisht sic kemi qënë gjatë këtyre 8 viteve.

• Basha: Është privilegj që të kem në krahun tim universitet europiane, qendrat e ekselences

NJOFTIM I TRYEZËS SË DISKUTIMIT TË KRYETARIT LULZIM BASHA ME KOMISIONEREN E BE-SË MARIYA GABRIEL DHE PËRFAQËSUES TË UNIVERSITETIT MODUL TË VJENËS.

Basha: 5 gjuhë të huaja falas për çdo shqiptar, kudo ku jeton

Në kuadër të programit SHQIPËRIA FITON ARSIMIN, kryetari i Partisë Demokratike z. Lulzim Basha dhe ekipi i tij i ekspertëve prezantuan platformen e arsimit online që përfshin 5 gjuhë të huaja falas dhe trajnimin e dyfishtë professional në 20 disiplina të ndryshme për shqiptarët. Prezantimi u bë ne nje takim online te organizuar nga ambjentet e universitetit Modul të Vienës, me pjemarrjen e Komisioneres së BE-së për Inovacionin, Arsimin dhe Rininë, Mariya Gabriela, dhe të rektorëve nga universitetet më të mëdha austriake si dhe perfaqësues dhe eskpertë shqiptarë dhe të huaj në këto fusha.
Basha shtoi: “Ne e dimë problemin. Ne kemi ndërtuar zgjidhjen. Ne kemi aftësitë dhe vendosmërinë për ta zbatuar atë dhe kemi edhe partnerët dhe miqtë e duhur për ta realizuar atë sa më shpejt”.
Unë dua t’iu falënderoj ju dhe kolegët tuaj për organizimin e kësaj ngjarje. Falënderime dhe mirënjohje të posaçme për Komisioneren Maria Gabriel për praninë e saj dhe prezantimin e saj sot, për mbështetjen e saj të fortë për Ballkanin Perëndimor dhe të Rinisë, dhe Dixhitalizimin, Inovacionin, Agjendën e Kërkimit Shkencor në Evropë dhe Ballkanin Perëndimor.
Unë do të doja të filloja atje ku përfundoi Komisioneria Gabriel, për të pasur një politikë të mirë duhet të keni një diagnozë të mirë të problemit dhe më pas të kemi vendosmërinë për ta zgjidhur atë me zgjidhjet e duhura. Ne e dimë se ku qëndrojnë problemet në vendin tonë. Të rinjtë po largohen nga Shqipëria me një ritëm të paparë për 30 vitet e fundit, madje me një ritëm më të shpejtë krahasuar me vendet e tjera të Ballkanit. Po t’I krahasojmë, për çdo të ri serb që po largohet nga Serbia, 12 është numri i të rinjve shqiptarë që largohen nga Shqipëria. Shumica e tyre po largohen drejt Bashkimit Evropian. Ne po humbasim me një ritëm shumë të shpejtë njerëzit që na duhen më shumë, në mënyrë që të ndërtojmë ekonominë tonë, në mënyrë që të ecim përpara, në mënyrë që të bëjmë të mundur që Shqipëria të përqafojë mundësitë dhe standardet e Bashkimit Evropian. Si ta zgjidhim këtë problem? Sigurisht që ne jemi dhe kemi qenë ato të cilët kemi mudesuar lëvizjen e lirë. Partia Demokratike ishte në qeverisje dhe unë isha Ministri i brendshem kur arritëm të fitojmë Liberalizimin e Vizave që bëri të mundur që të rinjtë të lëviznin lirshëm. Unë vetë jam produkt i lirisë për të shkuar në Evropën Perëndimore dhe për të marrë një arsimim atje. Pra, kjo nuk është diçka që duam ta përdorim si dekurajim. Përkundrazi, kjo është diçka që ne duam të inkurajojmë dhe unë jam I lumtur sot kur dëgjoj se për herë të parë në histori, falë Komisioneres Gabriel dhe Komisionerit Evropian, ne kemi një rekord historik në një buxhet prej 26 miliardë Euro, komisionere, unë mendoj që ju thatë se kjo do t’i kushtohet kësaj axhende dixhitalizimi vetëm për sa i përket Ballkanit Perëndimor dhe gati 100 miliardë euro për Bashkimin Evropian në tërësi.

Komisonerja Gabriel: Arsimi kërkon një qasje vizionare dhe bashkëpunim më të thellë në Nivelin Europian

Faleminderit shumë, Dr. Basha, i dashur president i Universitetit, të dashur rektorë dhe zëvendës rektorë. Zonja dhe zotërinj, së pari, jam e kënaqur që ju bashkohem sot. Urime për zgjedhjen e shkëlqyeshme të temës së diskutimit tuaj, edukimin. Unë mendoj se e ndajmë plotësisht mendimin se arsimi është çelësi për të tashmen tonë, për të ardhmen tonë dhe kjo është arsyeja pse unë e mirëpres shumë këtë diskutim. Unë do të filloja duke thënë se arsimi cilësor dhe gjithëpërfshirës është themeli për përmbushjen personale dhe qytetarinë aktive. Ndihmon të rinjtë të gjejnë vendin e tyre në shoqëri dhe ekonomi dhe u jep atyre kompetenca, aftësi, njohuri të nevojshme për të lulëzuar në jetë.
Arsimi cilësor dhe gjithëpërfshirës siguron edhe më shumë se kaq. Do të zvogëlojë ikjen jashtë vendit të trurit. Kjo do t’u japë bizneseve një fuqi punëtore të aftë dhe ekonomive kombëtare dhe rajonale një shans më të mirë për të qenë konkurrues. Tani, më shumë se kurrë arsimi duhet të vendoset lart në axhendën tonë politike. Kërkon vëmendje të veçantë, një qasje vizionare dhe bashkëpunim më të thellë në Nivelin Evropian kombëtar. Ne duhet të ndërtojmë një sinergji të fortë midis kërkimit arsimor dhe Inovacionit. Një sinergji e tillë është e domosdoshme nëse duam ta mbajmë Evropën të fortë, duke përfshirë këtu edhe fazën e sfidave globale, mposhtjen e një pandemie apo tranzicion të gjelbër dhe dixhital. bashkëpunimi I fortë me Ballkanin Perëndimor me Shqipërinë ka qenë gjithmonë në thelbin e punës sonë dhe punën time personale. Unë kërkoj punë për forcimin e mëtejshëm të këtij bashkëpunimi dhe për t’i dhënë atij vrullin e ri në fusha të reja të portofolit tim, duke përfshirë arsimin, kërkimin dhe inovacionin. Sot do të doja të ndaja me ju se si synoj ta arrij këtë.
Së pari, në fushën e transformimit dixhital. Axhenda do të inkurajojë zhvillimin dhe zbatimin e strategjive arsimore dixhitale në rajon dhe mbështet trajnimin e mësuesve. Ne do të vazhdojmë me iniciativa të tilla si mundësia dixhitale e praktikave. Ne kemi nevojë që të rinjtë tanë të kenë këtë përvojë e cila do të vazhdojë t’u japë studentëve të të gjitha disiplinave, mundësinë për të zhvilluar praktikën që u nevojitet për të pasur përvojën dixhitale të kërkuar nga tregu. Do të nxisë zhvillimin e qendrave rajonale të inovacionit dixhital, diçka që unë e fillova kur isha Komisionere për Dixhitalizimin dhe ajo që do të doja të bëja është të lidhë qendrat e inovacionit dixhital me qendrat e shkencës dhe teknologjisë, për të parë se si Instituti Evropian i Inovacionit dhe Teknologjisë, komunitetet e njohurive dhe Inovacionit mund të punojnë së bashku. Axhenda gjithashtu do të sigurojë një mundësi për pjesëmarrje më aktive të rajonit në fushën e arsimit evropian dhe bazuar në nismën e universiteteve evropiane, shpresojmë që të frymëzojë transformimin e sektorit të arsimit të lartë.

Komisionerja Gabriel për planin Basha: Kjo iniciativë me aleancat universitare është një nga më të rëndësishmet

Të gjithë e dini se çfarë dua të them, por për ne, kjo iniciativë me aleancat universitare, është një nga më të rëndësishmet, nëse dëshironi të arrini fushën arsimore evropiane. Kështu që, unë vetëm mund të inkurajoj bashkëpunimin, krijimin e një platforme të përbashkët për shkëmbim midis universiteteve në Shqipëri dhe universiteteve si ju sot, sepse ky është një sinjal shumë i fortë. Unë do të doja të përmend këtu rëndësinë e një sektori tjetër. Dhe unë po flas këtu për arsimin dhe aftësimin profesional. Ne të gjithë e dimë që do të ketë nevojë për njerëz me këto aftësi, ne duhet të riaftësojmë dhe tu përmirësojmë aftësitë disa prej tyre, kështu që unë mendoj se këtu do të vazhdojnë në njërën anë tashmë veprimet tona për të mbështetur sektorin, por ajo që është e mirë është patjetër forcimi i kësaj gjëje. Më lejoni vetëm këtu të përmend që me buxhetin e ri të programit tonë, Erasmus +, 26 miliardë Euro për periudhën e ardhshme, do të ketë shumë më shumë mundësi për këtë dhe natyrisht kjo do të thotë më shumë mundësi për Shqipërinë dhe rajonin e Ballkanit Perëndimor. Pra, për ne, kjo pyetje është absolutisht e rëndësishme. Ajo që është e mirë është që ne duhet të vazhdojmë të mbështesim të rinjtë tanë, të cilët kanë lënë arsimin dhe janë joaktivë. Ne gjithashtu duhet të mendojmë për ta sepse gjithmonë flasim për talentet tona, mendjet tona të ndritshme, por duhet të respektojmë vërtet ato që po themi kur i referohemi “Askush nuk mbetet pas”. Pra, kjo do të thotë që nga ana jonë me ndihmën tonë para anëtarësimit, do të mbështesim skemat e garantimit të të rinjve në Ballkanin Perëndimor dhe ne po punojmë gjithnjë e më shumë me Komisioner Schmit mbi këtë.
Elementi i dytë, është e rëndësishme të dini se studiuesit nga Ballkani Perëndimor janë tashmë të integruar mirë në komunitetin shkencor evropian. Dhe këtu do të doja të inkurajoja të gjithë Universitetet Shqiptare, studiuesit, ndërmarrjet, organizatat kërkimore, për të rritur përfshirjen e tyre në Programin tonë Primar Evropian për Trajnimin dhe Zhvillimin e Karrierës së Studiuesve. Duke filluar tashmë këtë vit, në 2021, Programi i parë i Punës Horizont do të përfshijë masa konkrete për Ballkanin Perëndimor, për të nxitur bashkëpunimin dhe për të forcuar kapacitetet e Institucioneve Kërkimore në rajon.
Më në fund, përpjekjet tona do të jenë të suksesshme vetëm kur Evropa mund të përfitojë nga potenciali i të gjithë talenteve të saj. Kjo është arsyeja pse duhet të nxisim edhe barazinë gjinore në arsim, kërkim dhe inovacion.
Në Shqipëri, shifrat paraprake tregojnë në të vërtetë një përqindje shumë më të lartë të grave në mesin e të diplomuarve të doktoratës mbi 16% dhe shkallën më të lartë të rritjes në të gjitha vendet anëtare dhe vendet e treta në vitet e fundit, gjë e cila është shumë inkurajuese. Dhe unë mendoj se në këtë rast mund të ndaj iniciativën time të fundit, ajo është Ëomen Tech EU, ajo që ne do të dëshironim është të mbështesim kompanitë e menaxhuara nga femra, duke siguruar këshillime, dhe trainime gjithashtu. Kështu që, mendoj se kur flasim për mënyrën se si të shtyjmë të rinjtë për t’u dhënë atyre mundësinë të zgjedhin të qëndrojnë në vendin e tyre, sigurisht që është ajo mundësi që u jepet nga teknologjitë e reja. Kjo është arsyeja pse unë insistova në këto shembuj. Kështu që, Zonja dhe zotërinj, unë do të doja të them përsëri se shumë politika të suksesshme kërkojnë një kuptim të mirë të sfidave dhe gatishmërinë për të vepruar me vendosmëri. Dhe unë mendoj se kjo është pikërisht ajo që ne shohim sot me këtë ngjarje. Sfidat aktuale kërkojnë një investim të fortë në njohuri si një parakusht strategjik për suksesin ekonomik dhe shoqëror. Kështu që Komisioni Evropian është këtu për t’ju ndihmuar, për të mbështetur Shqipërinë, rajonet e Ballkanit Perëndimor. Nga ana ime ju siguroj që, ne do të përdorim të gjitha mjetet dhe iniciativat në dispozicion përfshirë agjendën e ardhshme – Agjenda e Ballkanit Perëndimor në Inovacion/Zhvillim e sipër, Kërkim Shkencor, Kulturë, Arsim dhe Rini për të avancuar bashkëpunimin tonë dhe për të rritur rimëkëmbjen socio-ekonomike dhe konvergjencën me BE.

Basha: kemi një plan konkret pune që ofron trajnim të dyfishtë profesional në mbi 20 disiplina të ndryshme

Si mund ta ndalojmë largimin e talenteve të saj? Si mund t’i bëjmë investitorët e huaj të kthejnë shikimin e tyre drejt një vendi që ka një potencial kaq të madh dhe një rini të mrekullueshme? Si mund të bëjmë të mundur që të kemi këtë bashkëpunim midis sektorit privat, si investitorëve vendas dhe të huaj ndërkombëtarë, universiteteve dhe sektorit të kërkimit,. Kjo është një pyetje që na shqetëson që prej shumë vitesh. Pëe këtë arsye së bashku me ekipin më të shkëlqyer të ekspertëve shqiptarë dhe ekspertëve të huaj, ku unë do të doja të theksoja ekspertët nga Konrad Adenauer Stiftung, si dhe institucione të tjera politikëbërëse, Instituti Robert Schuman, kemi ardhur me një strategji që tani është bërë një plan.
Një plan i cili është gati të nisë dhe që fillon me një hap shumë të thjeshtë, por të nevojshëm. Hapi ynë i parë do të jetë ofrimi i kurseve në internet të gjuhëve të huaja falas për të rinjtë shqiptarë dhe për individët shqiptarë deri në 35 vjeç. Do të ofrohen 5 gjuhë të huaja: anglisht, frëngjisht, gjermanisht, italisht dhe spanjisht. Kjo mundësi e jashtëzakonshme do t’i ofrohet kujtdo, qoftë ky banor i kryeqytetit apo që jeton në skajet më të largëta të vendit tonë. Qeveria Shqiptare, pas zgjedhjeve të 25 Prillit, nuk do të kursejë asnjë përpjekje për të bërë që kjo të mos ndodhë thjesht formalisht, i cili është një program tashmë, një platformë që është gati të nisë, por edhe për ta bërë atë reale, të arritshme nga çdo i ri, çdo person nën moshën e 35, që dëshiron. Gjithashtu kemi një plan konkret pune që ofron trajnim të dyfishtë profesional në mbi 20 disiplina të ndryshme.
Së pari, kjo do të arrihet përmes arsimit online, që është akredituar, nëse dikush dëshiron të vazhdojë studimet Bachelor ose Master, dhe kjo është dicka e jashtëzakonshme. Konsiderohet e tillë sepse një nga fushat me të cilat Evropa po bën përparim, vende të caktuara si Gjermania, si Austria janë duke bërë përparim të jashtëzakonshëm duke përqafuar mundësinë e formimit të dyfishtë profesional për të sjellë të rinjtë në frontin kryesor të zhvillimit ekonomik dhe mundësive ekonomike. Dhe ky është një shembull që duhet të ndjekim. Kjo është arsyeja pse tani planifikojmë të progresojmë me këtë trajnim të dyfishtë profesional në njëzet lëndë që përqendrohen në disa nga përparësitë e vendit, ndërsa unë nuk mund të ndalem së nënvizuari, dhe theksuari rëndësinë e agjendës dixhitale që përmendi komisioneria Gabriel. Kjo është një përparësi kryesore sepse është një mundësi e jashtëzakonshme.

Basha: Qëllimi ynë, për të ndërtuar dhe mbështetur një klasë të mesme të trajnuar mirë dhe të paguar mirë

Trajnimi i të rinjve tanë në fushën e inovacionit, të komunikimit dhe teknologjisë së informacionit, përgatitja e të rinjve tanë, për mundësitë e punësimit në një sektor që ka nevojë ndërkohë që flasim aktualisht, duke parë disa statistika evropiane, janë 500.000 vende të lira pune vetëm në këtë fushë. Kjo do të jetë një shtytje e jashtëzakonshme për të rinjtë dhe për qëllimin tonë për të ndërtuar dhe mbështetur një klasë të mesme të trajnuar mirë dhe të paguar mirë, sepse përparësia e trajnimit në këtë fushë në veçanti është se ata do të marrin aftësi të larta që aktualisht i marrin vetëm përmes emigracionit, do të kenë mundësi të punësohen, pasi punësimi është një arsye për të cilin ata po largohen masivisht nga vendi dhe do të marrin rimbursim dinjitoz, paga që do të sigurojnë mirëqenien e të rinjve dhe problemet e të rinjve që krijojnë një familje. Por tani jo duke braktisur vendin e tyre, por duke qëndruar aty, në qytetet e dhe komunitetet e tyre. Kjo është arsyeja pse dixhitalizimi dhe në veçanti, tërheqja e investimeve në fushën e teknologjisë së informacionit dhe komunikimit dhe Inovacioni është një përparësi kryesore që do të jetë e mjaft e pranishme në këtë program të dyfishtë të trajnimit profesional dhe në disiplinat e ndryshme që do të ofrojë ky program i dyfishtë profesional.

Basha: Për të sjellë këtë ndryshim të vërtetë; ne duhet të fillojmë një rrugë të sigurt drejt BE-së

Ne do të të bëjmë gjithçka këtu në Shqipëri, për t’u siguruar që vullneti ynë politik, paratë e taksapaguesve tanë, aftësitë e Universitetit Evropian dhe trajnerët dhe studiuesit më të mirë të universiteteve evropiane, me të cilat ne po bëjmë partneritet, do të justifikojnë Investimin e Fondeve Evropiane, të parave të taksapaguesve Evropianë.
Kjo është arsyeja pse duhet të ecim përpara me integrimin e Shqipërisë në BE. Kjo është arsyeja pse ndryshimi në Shqipëri mund të vijë dhe do të vijë vetëm kur Shqipëria shkon përpara drejt anëtarësimit të plotë dhe kjo është arsyeja pse është angazhimi ynë për të përmbushur 15 kushtet, parakushtet për të hapur negociatat në mënyrë që të sigurohemi që ne ta shfrytëzojmë këtë mundësi të jashtëzakonshme që do të ofrojë procesi, që platforma juaj zonja Komisionere do të ofrojë për të trajnuar të rinjtë shqiptarë.
Paralelisht me këtë, ne po diskutojmë mundësinë e një kampusi miks të pazëvendësueshëm, duke kombinuar pesë ose gjashtë universitete të ndryshme që duhet t’u japin njerëzve tanë mundësinë të qëndrojnë në Shqipëri dhe të përfundojnë si programin Bachelor ashtu edhe atë Master. Kjo, për të tërheur studentët nga rajoni në mënyrë që të përmirësohet ndërlidhja. Kjo mundësi tjetër, gjithashtu kërkon mbështetje jo vetëm nga universitetet, por edhe nga Komisioni Evropian.
Për një plan të tillë ne kemi nevojë për mbështetje dhe kjo është ajo që na bashkon. Për një plan të tillë duhet të hapim një kapitull të ri në Shqipëri dhe për këtë duhet të rikthejmë shpresën dhe besimin në një të ardhme shprese për brezin e ri. Ne jemi një vend i shkëlqyeshëm, kemi njerëz të shkëlqyeshëm. Ne thjesht duhet t’u japim atyre mundësitë për të qëndruar këtu dhe për ta kthyer këtë potencial në mundësi që iu ofrohen atyre dhe të gjithë e dinë deri në momentin që flasim f se këto ndryshime janë të nevojshme. Të gjithë janë duke kërkuar që të ndodhë ky ndryshim. Ne jemi të përkushtuar për të sjellë këtë ndryshim të vërtetë; ne duhet të fillojmë një rrugë të sigurt drejt BE-së. Ne kemi bërë hapa progresues në të kaluarën. Përsëri kemi bërë të mundur që Shqipëria të lëvizë pa viza. Ne bëmë të mundur që Shqipëria të bëhet anëtare e NATO-s. Ne mund ta kishim bërë pa mbështetjen e miqve tanë.
Ju e dini që ishte një dramë e madhe, vendi ishte i izoluar, kështu që tani unë jam plot shpresë se ajo që duket si një sfidë e madhe, dhe kjo është një sfidë e madhe, një dëshirë, me ndihmën e të gjithë juve dhe me një platformë të ofruar nga Bashkimi Evropian të jetë në fund fati ynë.
Me platformën e ofruar nga komisioneri evropian nën udhëheqjen e komisionerit Gabriel, të bëhet e mundur që synimet tona të jenë impiante konkrete të krijuar së bashku, për të ofruar kurse falas në pesë gjuhët e huaja, trajnim i dyfishtë profesional në 20 disiplina të ndryshme, për të filluar realizimin e rezultateve të dëshiruara. Ne e dimë problemin. Ne kemi ndërtuar zgjidhjen. Ne kemi aftësitë dhe vendosmërinë për ta zbatuar atë dhe kemi edhe partnerët dhe miqtë e duhur për ta realizuar atë sa më shpejt të jetë e mundur, faleminderit shumë!
Unë jam shumë mirënjohës për punën tuaj dhe për angazhimin tuaj në veçanti për ju komisioneri Gabriel dhe shpresoj shumë t’ju mirëpres në Shqipëri së shpejti të fillojmë punën për ta zbatuar këtë program, që do të transformojë vendin tonë dhe shpresojmë të sigurojë një shembuj të mirë të udhëheqjes nga Ballkani Perëndimor se si ta transformojmë vendin tonë dhe ta rritim punësim për të rinjtë dhe gratë. Faleminderit shumë!

Selami Xhepa: Të ndërtojme një kulturë të re

Shpesh here ne e shohim problemin vetem ne terma financiare. Por ajo eshte njesoj si te futesh ajer ne nje gome biciklete të prishur. Pra nuk funskionon. Nga ndonjehere keshtu ndodh dhe me arsimin. Ns rast se hedh para ne dicka qe nuk funskionon nuk mund ti ndryshosh gjerat. Ne menyre te vecante dixhitalizimi une mendoj se po tregon se me cfare sfidash te medha po ballafaqohemi ne institucionet e arsimit te larte. Dhe keto nuk jane vetem sfidat teknologjike, sepse kjo do te ishte me e pakta. Une mendoj se po flasim per ndryshime kulturore. Une mendoj se ne duhet te ndërtojme nje kulture te re ne vendet tona e cila do ti korrespodonte realiteteve te reja ne shoqerite tona te reja. Te dy projektet qe une degjova sot mendoj se ofrojne nje kontribut shume te madh ne njeren prej mangesive kyce te sistemit tone te edukimit qe eshte internacionalizimi i arsimit.
Nje nga sygjerimet e mira do te ishte qe duke qene se ne kemi 1 mln shqiptare jashte vendit, na duhet te tagetojme shqiptaret qe jetojne ne vendet e tjera. Dhe mendoj qe ky eshte nje potencial I jashtzakonshem persa I perket tregjeve qe ne mund te targetojme ne te ardhmen. Dhe nje dicka tjeter qe ne mund ta synojme ne te ardhmen permes platfomrave online te arsimit mund te ofrojne kontribute thelbesore, vecanerisht per komunitete shqiptare qe jetone jashte dhe me kohe ne mund ti shtrijme keto programe per femijet shqiptare, sepse ne na duhet gjithashtu qe ti mbajme ata ne kontakt me gjuhen e tyre kulturen e tyre dhe me fonde te vogla financiare mund te ofrojme kontribute te konsiderueshme per ta ruajtur shqiptarizmin ne te gjithe komunitetin shqiptare ne te gjitha anet e botes.

Basha: Ne duam të jemi të parët dhe jo në bisht sic kemi qënë gjatë këtyre 8 viteve.
Une dua te perseris angazhimin tim se kjo platforme do te lancohet ne shtator duke ofruar kurse ne anglisht, frengjisht, italisht, gjermanisht dhe spanisht falas per te gjithe shqiptaret nen moshen 35 vjec. Dua te falenderoj shume te gjithe ata qe u angzhuan ne kete perpjekje te jashtzakonshme dhe do te thoja unike qe po perpiqemi te ndermarrim ne Ballkan. Ne duam te jemi te paret jo ne bisht sic kemi qene gjate ketyre 8 viteve. Une dua tju falenderoj qe na ndihmuat ne pergatitjen dhe lancimin ne te njejten kohe te platformes te trajnimit te dyfisht profesional online per 20 profesione te ndryshme per 20 disiplina. Sic e thate ju, sic dhe komisionerja me siguroj gjate bashkbisedimit perpara kesaj Konference online shume shpejt BE do te levize me njohjen e kredencialeve se pari per te gjitha universitetet nepermjet aleances se universiteteve europane, dhe e dyta nepermjet sipermarrjes. Deshiroj te shpreh kenaqesine qe shoh se perfaqesues te te njejtit sector ne kete ane te ekranit ne Austri dhe ne anen tjeter te ekranit ne Shqiperi bien dakort per te bashkuar perpjekjet, pra sektori privat, sektori akademik dhe qeveria. Kemi ketu nje shembull te jashtzakonshem se si funskionon. Univesritetin Modul, pjeserisht financohet nga dhoma e tregtise e Vjenes dhe ky eshte lloji i simbiozes qe ne deshirojme te nxisim edhe ketu. Ky eshte ai lloj triniteti qe ne deshirojme te jape rezutate konkrete.

Basha: Është privilegj që të kem në krahun tim universitet europiane, qendrat e ekselences
Kur nje qeveri e pergjegjshme dhe vizionare eshte e vendosur qe ta ktheje vizionin e saj ne plane konkrete pune, I bashkon duart ne nje menyre transparente dhe efikase me sektorin privat dhe univesritetet eshte e pamundur qe te mos kemi sukses. Jemi te detyruar te kemi suksese sepse nevojat jane aty, oferta eshte aty dhe ajo qe na duhet eshte te bashkohemi dhe ta bejme ate realitet. Dhe eshte pikerisht kjo ajo qe une kam ndermend te bej kur te marr drejtimin e qeverise pas 25 prillit. Dhe ne e kemi provuar vazhdimisht se kur vullneti politik, vizioni dhe vendosmeria per te impementura dhe ekzekutuar plane egziston nuk ka pengese qe nuk kapercehet. Keshtu ishte rasti I levizjes se lire pa viza, ishte rasti I berjes se Shqiperise vend antare te Natos, ky do te jete rasti I berjes se Shqiperise vend antare te BE. Dhe ne kete rruge qe eshte plot sfida por edhe me mundesi eshte privilegj qe te kem ne krahun tim universitet europiane, qendrat e ekselences si keto qe kishim te pranishme ne kete takim.

Açka: Libri i Bashës, një traktat për Shqipërinë sot që duhet ta lexoje çdo shqiptar.

Açka: Ta kthejmë më në fund timonin sepse na ka shkuar Shqipëria në drejtim të paditur

Basha: Ky 22 mars, një ditë me emocion për mua. Libri im është një letër e hapur drejtuar gjithë shqiptarëve

Basha: Kishim ëndërr të bënim gjithçka për një jetë normale, për një Shqipëri normale, për një Shqipëri Europiane

Basha: Jam ndër të parët që e kuptoj fare mirë hidhërimin zhgënjimin me politikën

Basha: Një politikë me fytyrë njerëzorë është garancia.

Basha: Ky libër është një ftesë për ti dhënë fund plogështisë, për ta gjetur brenda vetes tuaj forcën e bijave dhe bijve të shqipes

Basha: Kur jemi përpjekur të gjithë bashkë si shoqëri, kemi arritur të bejme realitet ëndrra

BASHKËBISEDIMI I KRYETARIT TË PARTISË DEMOKRATIKE LULZIM BASHA ME TË RINJTË NË PREZANTIMIN E LIBRIT “MISIONI IM”.

Flutura Acka: Libri i Bashës, një traktat për Shqipërinë sot që duhet ta lexoje çdo shqiptar.

Flutura Açka: Përshëndetje! Më vjen mirë që takohemi në një ditë kaq të rëndësishme dhe pikërisht për një gjë të rëndësishme. Unë jam mësuar të promovoj libra shpesh me autorë shqiptarë edhe të huaj kështu që është rutinë për mua të prezantoj libra. Por sigurisht ky është një libër i veçantë dhe është një ditë e veçantë kështu që do të më duhet edhe mua të përmbaj një lloj emocioni për shkak të veçantisë që ka ky libër. Falënderoj edhe studentët që janë sot këtu. Do të donim të ishin shumë e më shumë por ju jeni zëri që e përçoni edhe tek ata kështu që ata janë të pranishëm përmes jush padiskutim sidomos në një shesh të tillë ku unë kam kaluar katër vite shumë të rëndësishme. Kur kam mbaruar fakultetin, dy vite më vonë ky shesh ishte qendra e demokracisë, por ama edhe atje ku ishim, unë që isha në Elbasan valët erdhën dhe ka qenë një gjë që na bën të mblidhemi sot, që na bën  ta trajtojmë si agor këtë ditë sot, na bën të trajtojmë si agor këtë debat publik. Fillon me këtë libër, kanë qenë edhe libra të tjerë përpara, do të vazhdojë me libra të tjerë. Kështu që, debati publik, debati politik është një gjë shumë e shëndetshme për demokracinë dhe mendoj se ky libër është një ftesë për një debat publik dhe secili prej nesh është i pranishëm. Askush prej nesh qoftë ekonomist, qoftë edhe inxhinier, qoftë mjek, çfarëdo profesioni të ketë është pjesë e këtij debati publik shoqëror  që  është shumë i rëndësishëm. Nuk duhet t’ia lëmë në dorë vetëm politikës sepse flasin politikanët dhe ia zënë vendin në agor, ia zënë vendin njerëzve të tjerë. Para shoqërisë dhe para demokracisë jemi që të gjithë të barabartë. Mendoj se ky libër e ka këtë ftesë publike. Para se të flas diçka për librin dhe do t’ia lë fjalën sigurisht  zotit Basha të shpjegojë idetë e tij, qasjet e tij në këtë libër që janë të shumta që kanë të bëjnë me të gjitha fushat edhe ka edhe gjëra personale që janë shumë të rëndësishme megjithëse është treguar shumë i kursyer. Për shembull po të më kishte pyetur mua unë do të kisha dashur të fliste më shumë për veten, por ndoshta e ka lënë për një moment të dytë të hyjë më në thelbin e tij për gjëra më personale. Por ky është në formën e një, zoti Basha e ka quajtur letër e  hapur shqiptareve, në fakt është një traktat për sot, për Shqipërinë sot që duhet ta lexoje çdo shqiptar i cili do të gjejë veten në të gjitha format që ai mendon qasjen e tij në ekonomi, në politikë, në debat publik, në raport me Kosovën. Pra kemi kaq shumë çështje për të diskutuar në këtë agor që na thërret të gjithëve  të jemi të pranishëm. Pra se të flas diçka për librin do të doja t’ju falënderoja zoti Basha! Ne jemi takuar për disa arsye edhe në Elbasan për Ditën e Verës si elbasanase, edhe si zonjë në ditën e zonjave, jemi takuar sot edhe si botuese. Do të thotë që ndoshta edhe unë jam natyrë që merrem me shumë gjëra bashkë, por këtu jam në rolin e botueses edhe doja edhe në këtë rol t’ju falënderoja për besimin që më keni dhënë të përfaqësoj dhe të jem e pranishme në Elbasan, në një qytet ku kam lindur dhe aq i dashur, shumë determinant në jetën time, është jeta ime, Elbasani është jeta ime sepse dola nga Elbasani e bërë. Çfarëdo të ketë ndodhur më pas në jetën time vetëm ka qenë një konfigurim më i plotë, por në fakt unë jam Elbasani në një farë mënyre. Kështu që ju falënderoj shumë edhe shpresoj ta justifikoj me punë. Me korrektesë. E kam thënë edhe në bisedat  e mia të përditshme me njerëz të zakonshëm ndoshta unë nuk e njoh politikën nga brenda, ndoshta unë  nuk jam politikane  e prerë për të dhënë  premtime dhe  gjëra të kësaj natyre që kanë të bëjnë me gjëra të mëdha ose qoftë më të vogla të mikroklimës  shqiptare, por unë di të them që  unë di të dëgjoj dhe unë ju kam thënë që unë mund të  dëgjoj dhe shikoj se shqiptarët para së gjithash kanë nevojë që të dëgjohen dhe këtë gjë besoj se do ta bëj, të paktën këtë gjë do ta bëj mirë që është prapë pjesë e këtij debati për të cilin po flas. Kështu që ju falënderoj shumë për besim dhe shpresoj që ta justifikoj para së gjithash për elbasanasit. Për tu kthyer tek libri juaj në fakt dua t’ju shpjegoj diçka si botuese.

Botuesja Acka: Ta kthejmë më në fund timonin sepse na ka shkuar Shqipëria në drejtim të paditur

Ky libër më ka rënë në dorë kur unë nuk isha kandidate prandaj  dua ta them këtë gjë se është shumë e rëndësishme. Unë jam e hapur për çfarëdo politikani. Madje ka disa politikanë tani nuk dua t’i them emrat të cilëve u kam sugjeruar si botuese që t’i shkruajnë jetët e tyre që kanë dalë nga politika, që janë në politikë sepse shoh siç jua thashë, një pjesë e debatit publik shumë të rëndësishëm që është i domosdoshëm për demokracinë dhe që në Evropën e sotme është gjëja më normale. Që çdo politikan, ai që e ndjen të nevojshme pikëpamjet e tij t’i bëjë publike, t’i thotë dhe të debatojë publikisht është gjëja më normale në Evropën e sotme dhe me këtë lloj gjuhe publike duhet të mësohemi, jo të shajmë njëri-tjetrin, por të debatojmë me argumenta për ato që ne na dhëmbin të gjithëve, për ato që u dhembin njerëzve për të cilët ne mendojmë se do t’i përfaqësojmë. Kështu që në këtë libër jam e hapur edhe për atë që mund të quhet kundërshtari politik që më sheh si kundërshtar politik. Absolutisht unë jam botuese dhe do të vazhdoj se kjo është ndjesia ime, kjo është jeta ime. Do ta vazhdoj edhe do të jem e hapur edhe për kundërshtarin në qoftë se ai ka pikëpamje që kanë të bëjnë me debatin publik larg sharjeve, larg fyerjeve, larg trajtimit të tjetrit si armik. Ne nuk jemi armiq, ne të gjithë bashkë jemi vetëm për një gjë: Ta kthejmë më në fund timonin sepse na ka shkuar Shqipëria në drejtim të paditur. Dhe ky libër është një kërkesë pikërisht për këtë gjë: Hajde ta kthejmë Shqipërinë në normalitet. Po të citoj një mikun tim opinionist që thoshte “ Hajde të mblidhemi qelbësira dhe të heqim Sali Berishën”, unë them hajde të mblidhemi 5 njerëz, 10 njerëz, 100 njerëz të mençur dhe ta kthejmë Shqipërinë në binarë të vërtetë. Kaq! Jo për të sharë këtë e për të sharë këtë, por për të menduar më në fund për një debat të shëndoshë publik shoqëror dhe më në fund njerëzit të ndjehen mirë në demokracinë e tyre, mos të ndjehen të frustruar, të mos ndjehen të fyer, të përjashtuar. Kjo është thirrja që ka ky libër. Ejani të mendojmë bukur se më në fund jemi lodhur nga sharjet, nga fyerjet. Sidomos një nga gjërat më të rëndësishme në këtë libër që mua më ka pëlqyer dhe  kam dëshirë t’jua them publikisht zoti Basha. Është trajtimi që ju premtoni se do t’i bëni opozitës. Ka shumë rëndësi. Opozita është pjesë e demokracisë, nuk mund ta fyesh. Nuk ka të drejtë askush që është në pushtet ta bëjë. As zoti Basha nesër pasnesër nuk ka të drejtë ta bëjë politike. Opozita është pjesë shumë e fortë e demokracisë që na mëson ne ku i kemi gabimet për t’i bërë punët më mirë. Kështu që ju komplimentoj pikërisht për këtë gjë se kjo është një frymë evropiane që ne na duhet ta çimentojmë, jo ta sjellim, ta çimentojmë më në fund në Shqipëri. Kështu  që unë ju përgëzoj për librin, ju përgëzoj edhe për këtë debat publik që hapni edhe do të vazhdohet besoj edhe nga politikanë të tjerë që kanë dëshirë të jenë pjesë e këtij debati publik. Edhe unë sigurisht si “Skanderbeg Book”, jam e nderuar që botoj një traktat të kësaj natyre dhe që besoj se do të vazhdojë edhe të jetë ndoshta një mundësi për të debatuar edhe më gjerë. Faleminderit!

Basha: Ky 22 mars, një ditë me emocion për mua

Basha: Libri im është një letër e hapur drejtuar gjithë shqiptarëve

Lulzim Basha: Faleminderit zonja Açka. Faleminderit Flutura. Në politikë të jepe mundësia të përballesh me lloj-lloj përvojash dhe kjo të fal shumë emocione, të fal shumë adrenalinë e natyrisht të pajis me një përvojë të rrallë do të thoja por për mua kjo është hera e parë, nuk kam patur një përvojë të tillë përpara. Sigurisht kam ndjekur nganjëherë edhe nga afër  siç kemi sot audiencë studentësh këtu në Qytetin Studenti prezantime librash apo monografisë por nuk kam qenë kurrë i ulur krah këtij botuesi duke prezantuar një libër të timin. Sigurisht do isha i pa sinqertë t’ju thoja që nuk e kam menduar, në fakt e kam menduar që 10 vjeç. Dëshira e parë ka qenë të shkruaja dhe ky frymëzim vinte edhe nga anëtarë të rrethit të ngushtë familjarë që janë shkrimtarë apo ishin shkrimtarë sepse janë ndarë nga jeta dhe dashuria ime për letërsinë, për librin është…daton që nga fëmijëria e hershme,  në mendimin e parë duhet ta kem lexuar diku në moshën pesë apo gjashtë vjeç dhe bashkë me të mu hap një botë e tërë e cila ma ngacmonte dhe ma ngacmon fantazinë, imagjinatën si asnjë art tjetër i lëvruar. Shpeshherë debatoj me miq, apo debatonim se gjerat kanë ndryshuar tani me angazhimin politik, nëse një pjesë teatrale apo realizim kinematografik do të arrij ndonjëherë të përmbush nivelet e letërsisë dhe me ndonjë përjashtim të rrallë të gjithë biem dakord që libri është gjithmonë superior. Pse? Sepse libri bënë të mundur që autonomia, individualiteti, autenticiteti i individit ti japë përmes përmasave të fantazisë çdo libri një interpretim unik. Nejse thjesht dhe shkurt po i bie rreth e qark për të thënë që është një dit me emocion për mua. Një emocion të disa-fisht. Së pari sepse ndodhem këtu me një libër përpara që ka autorësinë time dhe që sot po e prezantojmë. E dyta ka të bëj me të sotmen është 22 marsi. Është 22 marsi 29 vjet pas fitores së demokracisë. Një ditë e cila më kujtohet në detaje pothuajse orë për or dhe ju betohem që nganjëherë ndodhë që edhe ça ka ndodh 3 apo 4 ditësh ke vështirësi ta kujtosh në detaje por 22 marsin e 92 unë e kujtoj or për or. Jam përpjekur një pjesë të kësaj ta shpjegoj edhe në këtë libër. Pse dhe nga cilat pozita e kam parë 22 marsin e 92. Ditën e fitores së demokracisë, ditën kur edhe Shqipëria ju bashkua vendeve të tjera të ish Lindjes komuniste që hodhën tej diktaturën dhe nisën rrugëtimin drejt pluralizmit, drejt hapjes, drejt respektit për njeriun, për individin, për dinjitetin individual. Pra është 22 marsi dhe jemi në Qyteti Studenti ku nisi rrugëtimi që çoj drejt 22 marsit. Ndaj nuk ka vend më të mirë dhe audiencë më të mirë për ta nisur prezantimin e këtij libri se sa këtu te Qyteti Studenti me studentët e 21. Duke ju kujtuar se ishin studentët e 90 ata që i dhanë jetë lëvizjes dhe më vonë Partisë Demokratike dhe 22 marsit 92’ ku Partia Demokratike bashkë me aleatët e saj i dha fund monopolit të diktaturës dhe hapi një sipar, hapi një rrugëtim tashmë 30 vjeçar të Shqipërisë drejtë asaj që përbënte në mënyrë të natyrshme edhe thelbin, esencën e asaj që na ngriti në këmbë, ta bëjmë Shqipërinë si gjithë Europa. Një thirrje që askush nuk na e diktoi, “E duam Shqipërinë si gjithë Europa”. Askush sot nuk është në gjendje të na thotë kush e tha për herë të parë. Si buçoi kjo thirrje ? E cila vazhdon të jetë një amanet i papërmbushur por edhe një dëshirë që na bashkon si Shqiptarë pavarësisht prej moshë, bindjeve politike, prejardhjes ekonomike apo sociale. Pra, për mua është një emocion i trefishtë. E para, që jam këtu në një pozitë të pazakontë, unike për mua deri tani ndërkohë që përvoja politike e këtyre viteve ka lënë pak gjëra pa provuar ose pothuajse aspak në kuptimin e angazhimit publik. Së dyti, data dhe se treti, vendi ku po e bëjmë këtë prezantim. Dua me dy fjalë t’ju them që libri është një letër e hapur në thelb. Nuk është një rrëfim autobiografik siç e tha Flutura me të drejtë ndoshta mund të kishte qenë edhe më i pasur me detaje personale. Ndonëse në këndvështrimin tim edhe natyrën time, ka goxha bile në një moment tjetër do thoja ka më shumë se ç’ duhet duke patur parasysh natyrën time. Por nuk është një rrëfim autobiografik, nuk është as thjeshtë një përkthim i programit tonë politik, i planit tonë për ta nxjerrë Shqipërinë nga kriza sepse edhe për faktin e thjeshtë se libri ka nisur të avizohet kohë përpara nxehjes së motorëve elektoral por është një letër e hapur drejtuar shqiptarëve, në veçanti rinisë për një angazhim të drejtpërdrejtë në politikë, për një pjesëmarrje në publiken në jetën publike si rruga e vetme për të siguruar ndryshimin, si rruga e vetme  për të siguruar atë që duam.

Basha: Çfarë kemi ndryshe ne? Çfarë na ka penguar të jemi si ata?

Në fakt ideja për të shkruar diçka mbi këtë temë daton 5 apo 6 ndoshta dhe një dekadë më parë. Ka grishur gjithmonë raporti i individit me shtetin sepse nuk kam qene tepër i vogël, përkundrazi e mbaj mend  fare mire raportin e diktaturës me individin. Sikundër kam patur fatin e rrallë në atë kohë, sot e kanë shumë të rinj. Pastaj të jetoj e të studioj në një nga vendet me demokraci të konsoliduar dhe me liri të bollshme, siç është Hollanda dhe gjithmonë ka preokupuar më ka kreshtuar, më ka intriguar. Çfarë na bën të ndryshëm? Kur shoh individin, qytetarin shqiptarë, vajzën shqiptare, djalin shqiptarë, studenten, studentin shqiptarë, inxhinierin, inxhinieren shqiptare, artistin shqiptarë, pensionistin shqiptarë dhe e krahasoja dhe me atë kohë ku ne sapo kishim nisur rrugëtimin tonë drejt lirisë me miqtë, me studentët me ata që njihja në Hollandë, thoja; çfarë kemi ndryshe? Çfarë na ka penguar të jemi si ta? Çfarë na pengon të arrijmë nëse jo standardin ekonomik, i cili me siguri kërkon kohën e vet, vende të cilat kanë një shekull e më shumë që e ndërtojnë, po të paktën standardin shoqëror, të lirisë, të respektit, të raportit me njëri-tjetrin dhe të raportit me vendimmarrjen. Me thënë të drejtën, vendimmarrja e parë ka qenë pikërisht një reflektim mbi atë që e bën Europën, Europë. Dinjitetin individual, dinjitetin e gjithsecilit, faktin e pamohueshëm që gjithsecili prej nesh është unik dhe gjithsecili prej nesh mundet në një moment të caktuar të japi një kontribut vendimtar për të gjithë ne. Kjo e bën perëndimin perëndim, kjo e bën Europën Europë, kjo e bën Amerikën Amerikë. Nga ana tjetër kemi një përqasje tjetër që njerëzit janë turma. Turma, të cilat nuk kanë nevojë të respektohen, të kuptojnë, të mirëkuptohen por mjafton t’i marrësh e t’i çosh atje ku ke qejf ti, aty ku do ti e t’i trajtosh si turma! Jo njerëz me identitetin e tyre, me individualitetin e tyre por si turma në funksion të interesave politike. Besoj që kjo është një ndarje e madhe mes qytetërimeve sot. Kur unë isha në përfundim të studimeve të mia, dy filozofë të ndryshëm në përqasje, botuan dy pamflete të ndryshme politike. Francis Fukujama botoi të famshmen “Fundi i Historisë” dhe “Njeriu i Fundit” ku argumentonte se demokracia liberale perëndimore ishte stacioni përfundimtar i njerëzimit, ku çdo njeri do të kishte mundësinë përmes lirisë dhe mundësive që ofron liria të garantonte mirëqenien personale, në rrafshin material, shpirtëror, mendor dhe se kjo në fund të fundit ishte formula që triumfoi pas fundit të Luftës së Ftohtë, dhe dalëngadalë do pushtonte gjithë botën edhe Rusinë, edhe Kinën, edhe shumë vende të tjera ku sundonin diktatura apo teokratura. Një tjetër libër i cili me thënë të drejtën më goditi, më shqetësoi, Samuel Huntington “Përplasja e Qytetërimeve”, i cili argumentonte se Lufta e Ftohtë do ti linte vendin përplasjes së qytetërimeve. Edhe sot nuk bie dakord me përkufizimin e përplasjes apo të qytetërimeve në kuptimin teologjik të fjalës, që Huntington ka në qendër të librit por diçka mbeti dhe ajo që mbeti është se qytetërimet ndahen nga mënyra si e trajtojnë individin, si e trajtojnë familjen. Dhe kjo pastaj përcakton në mënyrë pothuajse vendimtare kursin e asaj shoqërie, të atij shteti. Kjo më ka ngacmuar. Me ka ngacmuar në kontekstin shqiptar, nëse mund ta lëvroja pak më shumë këtë ide në kontekstin shqiptar, mbaj mend orët e protestave të studentëve këtu jashtë, nga ky shesh. Mbaj mend kur hidhje sytë përtej ishte një kurorë pemësh të larta në horizont që shtrihej andej pothuajse zhbiriloja me sy çfarë ka pas atij horizonti, çfarë vjen pas kësaj. Ndaj në ’92-in, në 22 Mars si sot 29 vjet më parë mbaj mend entuziazmin është pak ta thuash, rrëqethem kur e kujtoj këtë uragan shprese në zemrat e njerëzve.

Basha: të bënim gjithçka për një jetë normale, për një Shqipëri normale, për një Shqipëri Europiane

Edhe mbaj mend diçka që në fakt edhe mund ta kisha shkruajtur në këtë libër por se kam shkruajtur, po, po e ndaj sot me ju. Kemi qenë bashkë me disa shokë të gjimnazit dhe bashkë me atë që më vonë u bë bashkëshortja ime, me Aurelën dhe një moment ndërkohë që njerëzit brohorisnin iu përlotën sytë. I thashë çfarë ke, njerëzit po gëzojnë, çfarë ke kemi fituar. Kam frikë tha dhe na u kujtua ’91-shi, ngjarjet e ’91-it, ku pas fitores te PPSH-së pati turbullira, pati viktima mes tyre të rinj. I thashë çfarë frike, kjo ka mbaruar, fituam. Jo, jo tha, kam frikë nga gjithë ky gëzim i njerëzve. Thashë pse ke frikë nga ky gëzim i njerëzve. Kam frikë tha sepse kam frikë mos zhgënjehem. Më ka mbetur në mendje kjo thënia dhe më ushtoi nga brenda si një thirrje që s’më la asnjëherë në subkoshiencë. Më është kujtuar kur përfunduam librin, kur libri ishte gati dhe e çuam për print më është kujtuar dhe e ndava me të, i thashë të kujtohet kjo, mbeti dhe tha po më kujtohet si ka mundësi e mban mend diçka që ka ndodhur kaq kohë përpara. E mbaj mend i thashë sepse është ndoshta një nga motivet që më shtyu të përfshihesha, mos ti zhgënjenim më njerëzit, të bënim gjithçka që shpresat e tyre për një jetë normale, për një Shqipëri normale, për një Shqipëri Europiane, të mos zhgënjeheshin. Dhe ky ka qenë motivi kryesor i futjes në politikë, ky ka qenë motivi kryesor që nuk më ka shkëputur në asnjë moment interesin nga politika në Shqipëria ndonëse kam jetuar për pothuajse 11 vjet larg saj. Së pari në Hollandë me studime dhe pastaj për afro katër vjet e gjysmë në Kosovë me misionin e OKB-së. Ideja që ky vend e meriton.

Basha: Jam ndër të parët që e kuptoj fare mirë hidhërimin zhgënjimin me politikën

Këta njerëz, njerëzit e mijë, shqiptarët e meritojnë dhe nuk na mungo asgjë për të siguruar kushtet e bashkëjetesës njësoj si në çdo shoqëri europiane dhe këtu se kam thjeshtë fjalën tek një nivel material i ekzistencës e kam fjalën në radhë të parë tek fytyra njerëzore e politikës, te politika si instrument shërbimi, te politika si i vetmi instrument ndryshimi. Kjo është bërë edhe më akute në këto tetë vitet e fundit ku nga njëra anë kemi parë de instutionalizimin e republikës pra rënien e institucioneve por përqendrimin pushtetit në duart e individëve ose më mirë të jem fare i qartë të një individi nga njëra anë dhe nga ana tjetër një sulm frontal ndaj politikës si e keqa. Natyrisht që unë e kuptoj njerëz. Jam ndër të parët që e kuptoj fare mirë hidhërimin zhgënjimin me politikën nga qytetarët por ka një investim diabolik, djallëzor, satanik do të thoja unë pikërisht nga pushteti që ka shkatërruar institucionet dhe j’ua ka hequr fytyrën njerëzore, ka mbyllur portat e tyre për njerëzit  që të thotë tani që nuk është politika zgjidhja, po cila është zgjidhja atëherë, diktatura. Diktatura e njëshit. Sigurisht që politika është zgjedhja dhe institucionet e politikës, partitë politike janë zgjidhje ndaj reforma e tyre, reformimi i tyre i vazhdueshëm dhe mbi të gjitha përthithja e njerëzve me dinjitet me integritet dhe me dëshirën për të shërbyer është e duhet të jetë misioni i përhershëm i partive politike, ky ka qenë objektivi kryesor që i kam vënë vetes që ditën e parë që mora mbi supe peshën e rëndë të drejtimit të Partisë Demokratike.

Basha: Një politikë me fytyrë njerëzorë është garancia …

Dhe e kam për nder që sot ndodhem në krah të Flutura Açkës e cila është kandidate në qarkun e Elbasanit por që nuk vjen nga politika, vjen nga një jetë plot aritje në fushën e letërsisë, artit, kulturës, vjen nga një jetë sfiduese, një grua e fortë që i ka qëndruar edhe fatkeqësive shumë të mëdha. Vjen si njëra prej nënave shqiptare, njëra prej grave shqiptare, njëra prej zonjave shqiptare për të dhënë një kontribut njerëzor në politikë. Një politikë me fytyrë njerëzorë është garancia për t’ja kthyer institucionet qytetarëve. Fytyra njerëzorë kërkon një fytyrë të pastër. Jeta të mbush me sfida, me probleme të cilat shpeshherë shtresëzohen brenda shpirtit dhe është sfidë në vetvete që mos t’i lësh të të tjetërsojnë. Në këto vite, pika e fundit para se ti drejtohem 2 apo 3 paragrafëve që kanë të bëjnë me ju, kanë të bëjnë me rininë. Shpirti më i pastër është shpirti rinor, më i çlirët dhe nuk është aspak rastësi që të gjitha ndryshimet e mëdha në Shqipëri janë paraprirë nga rinia. Kështu ishte 90-ta, kështu ishin protestat e studentëve në 2018-tën, kështu është, kështu e ndjej do të jetë dhe  25 prilli i këtij viti. Shpirti më idealist më i pastër, më i pakorruptuar që kërkon të mirën e vërtetë, që hapet tej nevojës personale, egos personale, që e shtrin vështrimin drejt atij horizonti me kërshëri që përtej ndodhet një e ardhme më e mirë , ditë më të mira, shpirti pozitiv. Mirë po ka një sfidë shumë të madhe që ky investim 8 vjeçar që shqiptarët ta humbin shpresën te politika si instrument ndryshimi, që shqiptarët të dyshojnë gjithçka edhe veten e tyre, që të kenë frikë të çohen në këmbë po të rijnë aty në errësirë se po u çuan mund të përplasen me të panjohurën, ka sjellë plogështi, ka sjell mos besim se ne mund të jemi ndryshe. E pra në qoftë se do të ishte kështu atëherë gjasat do të ishin shumë të mëdha që sot të ishim në të njëjtin nivel që është Kuba apo Koreja e Veriut po nuk ishte kështu në 90 dhe ishte kjo që e solli hapjen e Shqipërisë bashkë me arritjet e pa mohueshme të këtyre 30 viteve.

Basha: ky libër është një ftesë për ti dhënë fund plogështisë, për ta gjetur brenda vetes tuaj forcën e bijave dhe bijve të shqipes

Ndaj për ta përfunduar ky libër është një ftes për ti dhënë fund plogështisë, për ta gjetur brenda vetes tonë, brenda vetes tuaj forcën e bijave dhe bijve të shqipes, kurajën për tu çuar dhe për ta flakur tutje të pa pranueshmen. Kurajon për ta bërë realitet ose për të filluar për ta bërë realitet ëndrrën tuaj më të bukur por ama këtu në Shqipëri. Prandaj është një ftes  në radhë të parë për rinin por jo vetëm ti japim fund pezmatimit, ti japim fund mosbesimit tek vetja jon, tek njeri tjetri, tek vendi. “O ky vend s’bëhet” se është shërbimi më i madh që mund t’ju bëjmë atyre që e kanë kapur vendin peng. Është një vend i mrekullueshëm  me potenciale të jashtë zakonshme, i mahnitshëm me atë që mund të prodhoj për sot dhe për brezat që vijnë. Nëse mund më lejoni në fund të kësaj ti referohem vetëm tre paragrafëve që kanë të bëjnë kryesisht me këtë aspekt. Dhe me këtë ftes ju bëj të rinjve mes kësaj letre të hapur, ftesën sigurisht ua bëj të gjithëve nuk ua bëj vetëm të rinjve, por këtu jemi me të rinjtë, jemi më 22 mars, jemi në qytet studenti, në faqen 11 të  librit i referohem idesë time për politikën, të cilën ndoshta e keni parë pak edhe në qasjen time edhe jam kritikuar pak se është pak i ftohtë ky Luli, është një farë.. patjetër që dua ta them sot, jam përkrahës i shkollës (stoike)  kam diçka kundër pietizmit, kam frikë nga patetizmi nga teatralja, kam frikë se teatralja, patetizmi ishin pjesë e pandashme e diktaturës, deri në neveri, në çdo gjë që bënin, në çdo gjë, që nga emisionet e lajmeve, tek fjalimet, tek autokritikat, patetizmi, patetizmi politik, për mua është shprehje e defiçencës, e hipokrizisë, e gënjeshtrës, e mashtrimit dhe njeriu nuk i ikën dot asaj që është. Nga reagimi im personal ndaj patetizmit të  diktaturës ka qenë në qoftë se mund ta them kështu ka qenë një farë stoicizmi, i cili mund të merret për ftohtësi , nganjëherë mund të merret dhe për mendjemadhësi , por nuk është e tillë, është një përpjekje për ta racionalizuar politikbërjen, roli ynë nuk është të bëjmë teatër me njerëzit, roli ynë nuk është të shesim sapunin për djathë. Ne nuk jemi shoëman ne nuk duhet të bëhemi shoëman, ne duhet ti mbështesim artistët. Arti, artistët frymëzojnë përmes shfaqjes, përmes kinematografisë, përmes teatrit, përmes të gjithë formave të kulturës. Politika është diçka serioze, është diçka që ka në dorë fatet e njerëzve, jetët e njerëzve, jetët e njerëzve. Ndaj, politika e mirë i zgjidh problemet pa teatër, politika e keqe ka nevojë për teatër për të fshehur pikërisht këtë, të keqen. Dhe këtë kam thënë në një nga paragrafët e parë të këtij libri, po them ose mund ta citoj, “Dua të ndaj me ju qasjen time për politikën shqiptare dhe statusin e saj në shoqërinë tonë”. Në radhë të parë, sot, po e shtoj tani, ajo është shumë zhurmëmadhe. Projekton një vend shumë të gjerë dhe të tepruar për veten dhe jetën e njerëzve. Politika shqiptare hyn në mënyrë të dhunshme në jetën e qytetarëve duke ju imponuar atyre ritmin dhe amullinë e saj si mënyrë të jetuari. Shqiptarët janë të detyruar të jetojnë çdo ditë nën trysninë e kinse lajmeve që vijnë prej saj të cilat në shumicën e rasteve nuk përkthehen veçse ngërçet e këtij mjedisi konfliktual dhe asgjë të re për problemet e jetës së qytetarëve apo në dobi të mirëqenies së familjeve të tyre. Politika më e mirë sipas meje është ajo që ndikon jetën e njerëzve në mënyrë të përditshme por pa i bezdisur ata, pa e çuar shoqërinë në gjendje të pandërprerë ankthi, pasigurie, pa protagonizëm agresiv të saj me zë dhe me figurë. Politika e mirë i zgjidh problemet pa teatër përmes vendimmarrjes së mençur, të drejtë, të përgjegjshme dhe largpamëse si një mision që vetëm ajo mund ta kryejë. Si një mision. Politika s’mund të jetë profesion! Është një mision! Është një nga gjërat e para që kam thënë, që në ditët e para kur jam angazhua aktivisht në vitin 2005 në politik, që unë e shoh si mision, jo si profesion. Kemi patur dhe një debat madje, çfarë i shërben më shumë një vendi, politikanët profesionist apo politikanët si mision. Një debat që vazhdon akoma edhe në Europë, kudo. E dyta që dua t’i rikthehem, është plogështia. Nuk ka gjë më të keqe sesa zemërimi, zhgënjimi, mllefi, dufi, është plogështia. Dorëzimi që s’kemi çfarë të bëjmë, këtu jemi s’kemi çfarë të bëjmë, kështu e ka kjo punë, kështu e ka Shqipëria. Nuk është vërtetë! Nuk është e vërtetë, është investimi më tinëzarë i atyre që duan të mbajnë status quo-n, gjendjen aktuale. I atyre që përfitojnë nga gjendja aktuale. Hendeku midis atyre dhe gjithë ne, është thelluar më shumë se kurrë në këtij 30 vite! Ata janë një grusht njerëzish, një dyzinë, madje ndoshta një gjysmë dyzinë. Pra, 12 apo 6 njerëz që mbajnë peng një popull të tërë! Që e kanë kthyer parlamentin dhe qeverinë në një instrument të pasurimit të tyre, të pushtetit të tyre dhe që përmes pasurimit dhe pushtetit të tyre diktojnë gjithçka në sferën publike. Mundohen të marrin peng median dhe të shuajnë çdo zë të pavarur. Dhe ata investojnë tek plogështia, tek mpirja që gjërat kështu janë, nuk mund të ndryshojnë. Më besoni, është e njëjta situatë si para 90-ës. Kush e mendonte që do të vinte një ditë që ajo diktaturë, ajo mënyrë e ndërtimit të shoqërisë, të hierarkisë të shoqërisë do të përmbysej dukej e pamundur. Natyrisht, përmbysja e parë nuk erdhi nga brenda, erdhi nga jashtë, erdhi nga rënia e murit të Berlinit dhe një pas një ngjarjet që rrodhën.

Basha: Kur jemi përpjekur të gjithë bashkë si shoqëri, kemi arritur të bejme realitet ëndrra

E pra sot ka një përpjekje për të na kthyer në të njëjtën gjendje plogështie, ku nuk ka më individ me mendimet e veta dhe me fuqinë për të ndryshuar fatin e vet dhe fatin e shoqërisë, që gjërat të jenë kështu dhe pikë. Që kjo është më e mira që mund të kemi. E kemi dëgjuar këtë frazë shpesh apo jo: “më mirë se kaq nuk bëhet”, thotë kundërshtari im ditë për ditë. Ne  e dimë që kjo s’është e vërtetë! Ju e dini që kjo s’është e vërtetë, ju e dini edhe më përpara ne kur jemi përpjekur të gjithë bashkë si shoqëri, kemi arritur të bejme realitet ëndrra, më mirë. 8 vite s’kemi hedhur asnjë hap drejt Europës. Por 11 vite më përpara arritëm diçka  që  për shumë Shqiptarë është gjysma e integrimit në Europë që është lëvizja e lirë. Unë e njoh atë proces nga brenda si pak kush sepse e kam drejtuar në dy nivele: niveli politik si Ministër i Jashtëm kur u hap dialogu për heqjen e vizave që ishte një hap politik dhe si ministër i  brendshëm plotësimin  e kushteve dhe sot shqiptarët lëvizin me dinjitet pa viza në Europë. Ja pra e pamundura është  e mundur dhe bëhet e mundur falë bashkimit të vizionit dhe vendosmërinë për  ta kthyer atë vizion  në realitet. Natyrisht nuk mund të jetë detyra e një njeriu të vetëm dhe në raport me këtë kam dua të citoj diçka tjetër nga faqja 60 e cila ka të bëjë pikërisht me bekimin që ne kemi si vend dhe si  komb, diçka që e ndjej thellë. Njoh çdo vend të Ballkanit shumë mirë  dhe të Europës shumicën  prej vendeve po kështu. Sigurisht që e dua Shqipërinë shumë por, nuk besoj se mund të akuzoj njeri mua për ultra nacionalist kështu që këtë e them pa pikë folklorizmi, e them nga zemra sepse  e  besoj. E shoh me kënaqësi që shumë e më shumë shqiptarë e besojnë në veçanti, rinia e beson. Nuk ka gjë më të keqe se plogështia. Ne jemi bekuar me një vend të mrekullueshëm, me bekime natyrore të rralla. Me një pozicion gjeografik për tu pasur zili, në zemër të Europës, me të gjithë potencialet për të njohur dhe shijuar nga  gjithë bota, mbi të gjitha me burime njerëzore vitale dhe të përgatitur për të konkurruar ballëlartë me këdo. Është kështu apo jo?! Sa herë që konkurrojmë shkëlqejmë dhe fitojmë. Po  e shkëpus një sekondë këtu. Ka tre vera, tre sezone verash që hitet kryesore në lokale kryesore të Europës dhe Amerikës janë të artisteve shqiptare dhe të artistëve shqiptar të botës vetëm sepse kanë patur mundësin të shfrytëzojnë lirin, oportunitetin që vjen me lirin për t’i dhënë zë talentit të tyre. Po pse kemi mbetur të fundit? Pse kemi ngecur? A është e justifikuar, e pranueshme kjo bjerrje? A është kjo topit e një konjekture apo është fati ynë i përjetshëm  i të qenit të fundit edhe në rajonin tonë, në Ballkan? Absolutisht jo. Ne mund të bëhemi më mirë, ne mund të ndryshojmë  dhe këtë e kemi vetë në dorë. Nuk është mallkim i zotit. Nuk është e thënë të jetë kështu për ne. E kemi provuar se kur bëhemi bashkë me zemër dhe me forcë  ne kemi arritur maja që të gjithë i shihnim vetëm në ëndërr. Ne jemi bërë anëtar të NATO-s. Ne ndërtuam në dy vjet tunelin më të gjatë të Ballkanit dhe lidhëm Shqipërinë me Kosovën. Ne plotësuam 150 kushte në 18 muaj për lëvizjen e lirë pa viza të qytetarëve shqiptarë në hapësirën Shengen. Ndaj unë e di që është vetëm mania për pushtet i një individi i cili sot kontrollon çdo gjë për interesat e tij, të cilit i intereson që të dëshpëroheni, që të besojmë se kështu është shkruar fati ynë, të braktisim vendin dhe familjen. E mbyll citimin, paskam qenë pak më i ashpër sa ç’u mundova ta shpjegoj, por është e zezë mbi të bardhë, është e printuar dhe keqardhje nuk kam pse…bindjen time të vërtetë kam thënë. Dhe së fundmi, një thirrje për ju, për të rinjtë dhe të rejat e këtij vendi, për gjithë studentet dhe studentët e këtij vendi kudo ku janë, për gjimnazistët. Unë vetë kam qenë gjimnazist kur trazirat filluan. Kam një ftesë për rininë shqiptare. Bota po ndryshon, por më tepër teknologjia dhe pandemia kanë formësuar një shekull të ri. Shumë studiues thonë se shekulli i ri filloi në vitin 2020, ku ne pas pandemisë pamë se di jetët tona ndryshuan përgjithmonë, duke u përshtatur fort. Rinia e mrekullueshme shqiptare që shkëlqen kudo ku e shfaq veten dhe që i është përgjigjur momentit historik të Shqipërisë, sa herë vendi ka pasur nevojë, do ti përgjigjet sot edhe nevojës së ethshme për zgjimin ekonomik shqiptar. Rinia iu përgjigj nevojës për zgjim kombëtar në fillim të shekullit 20 për krijimin e shtetit shqiptar. Rinia shqiptare ia dha shpirtin e saj lufte kundër pushtuesit dhe në vitet 90 ajo zgjoi shoqërinë shqiptare, të kapte trenin e fundit të ndryshimeve demokratike, duke i dhënë fund diktaturës komuniste. Sot koha po e thërret sërish rininë, për ti prirë jetësimit të projektit strategjik të ekonomisë të re që po përvijohet. Dhe këtu e kam fjalën për një oportunitet të jashtëzakonshëm për të cilin jam shprehur edhe gjatë takimeve, është pjesë e planit tonë qeverisjes për faktin se falë ndryshimeve teknologjike dhe falë zhvendosjes së zinxhirit të furnizimit për tregon më të madh që është tregu Europian. Ne kemi mundësinë, shansin e jashtëzakonshëm, unik për një apo më shumë gjenerata që atë që vendet e tjera  e kanë arritur përmes një dekade ta arrijmë përmes disa viteve, ta kthejmë rininë shqiptare të sotme brenda disa viteve në një shtresë të mesme të mirë trajnuar, të mirë punësuar, të mirëpaguar dhe të pavarur financiarisht, pra nga ana ekonomike. Në këtë mënyrë të pavarur edhe mendërisht, edhe shpirtërisht nga qeveria. Qoftë kjo një qeveri e keqe që shpresoj do të marrë fund, jam i bindur do të marrë fund me 25 prill, qoftë kjo qeverisja në vetvete. Rinia dhe të rinjtë shqiptarë si individët, si bashkësia e individëve dhe besim tek vetvetja me të ardhura dhe profesione dinjitoze si gurëthemel i stabilitetit demokratik dhe ekonomik të vendit. Dhe në këtë moment, për mua, ne kemi arritur de fakto Shqipërinë si gjithë Europa. Natyrisht, mbetet dhe pjesa tjetër që është detyrë kryesore e qeverisë së ardhshme dhe misioni im, misioni hyjnor i Partisë Demokratike i papërmbushur pas hyrjes në NATO dhe heqjes së vizave që edhe anëtarësimi de Juro i Shqipërisë në Bashkimin Europian dhe në këtë mënyrë përmbyllja e një cikli mbi 30-vjeçar që nisi nga ky shesh këtu me thirrjen “E duam Shqipërinë si gjithë Europa”. Do më falni se është hera e parë, ndoshta u zgjata shumë!

“Na mashtruan, 8 vite as rrugë, as ujë, vetëm gjoba dhe taksa”, Gazment Bardhi me banorët në Gjinar: Të ndëshkojmë me votë politikanët që gënjejnë

Në Gjinar të Elbasanit, ditën e tregut kuptohet qartë gjenja e vështirë ekonomike. Nëpër tezga pakkush blen, xhiroja krejt e ulët. Gjendja e kësaj pike të njohur është skandaloze. Në baltë e në dhe, asnjë investim prej 8 vitesh. Fermerët nxjerrin aty prodhimin, po nuk shesin gjë, dhe nuk kanë marrë subvencion.
Në fshatin Mlizë dallon disa prej tipareve të qeverisë. Braktisje totale, dhe korrupsion.
Kërkojnë prej 8 vitesh 1 kiometër rrugë, dhe askush nuk e ka nisur punën, edhe pse banorët i kanë besuar votën. Ndërsa kur është puna për të ndërtuar një avlli, apo një shpi, u kërkohet të paguajnë më e pakta 5 milionë lekë.
Tomorr Tahiri thotë se ka votuar dy herë me radhë PS-në, dhe u ka kërkuar edhe djemve, e tani u vjen turp para tyre. Në bisedën me drejtuesin politik, Gazment Bardhi ai shprehet se kësaj radhe është koha për ndryshim.
Qemali është në pension bashkë me gruan. Prej 8 vitesh ai thotë se rritja ka qënë vetëm 2 mijë lekë të vjetra. Ai jeton falë ndihmës së djemve që i ka në emigracion. Edhe pse e premtuan, qeveritarët nuk bënë as rrugën deri në fshat, as nuk sollën ujin.
Aleks Ziu merret me bujqësi, ndërsa i biri në ndërtim kur i jepet mundësia. Donte të rregullonte avllinë, por policia kishte kërkuar para.
Gazment Bardhi u shpreh në takimet me banorët se duhet reflektuar e vendosur standard, se kush nuk mban premtimet dhe gënjen për pushtet, nuk duhet votuar.
“Shteti i këtyre ky është. Vret në mes të Elbsanit nuk i gjen gjë, tenton me ndërtu çatinë apo avllinë këtu, të vijnë 20 policë nëse nuk ke paguar rryshfetin”.
Drejtuesi politik tha se: “Ka edhe arrogancën dhe ta thotë në sy ai. Më jepni votën se këto 4 vite do të punoj për ju. Pra e pranon se 8 vite ka punuar për veten e vet”.

· Pronat dhe legalizimet, 2 dështimet dhe grabitjet e mëdha të qeverisë për 8 vjet. PD: Do të anullojmë ligjin e pronave, finalizojmë për 2 vjet legalizimet.

DEKLARATË E PARTISË DEMOKRATIKE, JORIDA TABAKU

Sot nga ana e qeverisë patëm një deklaratë për çështjen e pronave dhe legalizimeve. Dhe më lejoni t’i sqaroj qytetarët për këto dy elemente shumë të rëndësishme.

Në këto 8 vite ka patur shumë mashtrime, shumë gënjeshtra, shumë premtime të pambajtura, por pronat dhe legalizimet janë thjesht vetëm dy prej tyre.

Sot qeveria foli për ligjin e pronave i cili mund të njihet si ligji më famëkeq në këto 30 vite dhe i ka kthyer pronarët në të njëjtat nivele dhe i ka bërë një dëm pronarëve të njëjtë me atë që i bëri regjimi komunist.

Në programin e PD, e thënë prerë dhe qartë nga kryetari i Partisë Demokratike dhe nga të gjithë ekspertët, thuhet që “Ligji i Pronave aktual do të anulohet”. Jo vetëm me një ligj, por edhe një korpus ligjor prej 10 ligjesh që cenojnë të drejtën e pronës, si Ligji i Investimeve Strategjike, një prej tyre, i cili është duke zaptuar pronat e pronarëve pa të drejtë dhe është duke i konsideruar ato prona publike, do të anulohet bashkë me ligjet e tjerë.

Ne do të rikthejmë në ligj më në fund konceptin e pronës, konceptin e pronarit dhe do të rikthejmë në ligj konceptin e njohjes së pronës.

Sot zyrat e Kadastrës, fatkeqësisht janë kthyer në zyra grabitqare të pronave.

Sot, fatkeqësisht po kryhet një luftë bandash me pronat e ligjshme të qytetarëve shqiptarë.

Sot, fatkeqësisht çështja e pronave po përdoret si plaçkë lufte për çështjet elektorale.

Partia Demokratike është e angazhuar së bashku me 8 shoqata pronarësh, që më në fund të rikthejë të drejtën e pronarit, të rikthejë të drejtën e pronës tek i zoti.

Ne jemi angazhuar për këtë proces që në momentin që çuam ligjin në Gjykatën Kushtetuese dhe për ne nuk ka hapa pas dhe nuk ka kthim pas.

Ne do të bëjmë tre elementë kryesore që sot ligji ia mohon pronarëve të drejtë dhe pronarëve të tokës.

I pari do të jetë kthimi i pronave dhe njohja e pronave aty ku ato janë borxh.

I dyti do të jetë kompensimi fizik i cili do të ndodhë. Sepse më të vërtetë, qeveria tha se Shqipëria është 28 mijë km2 dhe kaq është sipërfaqja. Por sot truajt publikë janë dhënë me 1 euro dhe janë zaptuar nga klientët e qeverisë. Të gjitha këto do të vendosen në funksion të kompensimit fizik të pronarëve dhe së treti, kompensimi financiar i cili është në proces që ka dështuar nga ana e qeverisë, do të rikthehet me një fond dy herë më të lartë në vitin e parë dhe tre herë më të lartë në vijim dhe më në fund do t’i japim fund një procesi i cili ndoshta në kohën e PD-së pati problematikat e veta, por kurrë nuk i shkaktoi kaq dëm pronës dhe pronarëve sa ç’ka ndodhur në tetë vitet e fundit.

Përsa i përket çështjes së legalizimeve.

Premtuan tetë vite më parë se do të bëjnë legalizimin falas, si është situata sot?

Sot situata në terren është që pasi qytetarët shqiptarë i kanë paguar buxhetit të shtetit mbi 60 milionë euro për procesin e legalizimit ky është një nga dështimet më të mëdha të qeverisë.

Unë sapo vij nga terreni ku qytetarët më informojnë se për të përfunduar një legalizim sot, i kërkojnë rreth 4 mijë euro për një kat shëpie për t’u paguar si taksë korrupsioni.

Unë e kuptoj që qeveria është në panik pasi janë duke ikur, por këtij procesi që po e trajtojnë si plaçkë lufte, ne do ta përfundojmë brenda dy viteve të para të mandatit qeverisës.

Procesi i lëgalizimeve është një proces i pakthyeshëm që ka nisur me Partinë Demokratike dhe do të përfundojë me Partinë Demokratike.

Ne nuk kishim asnjë dyshim që asnjë nga dy proceset nuk do të përfundonte me qeverisjen e PS-së dhe e kuptoj, ndoshta qindra shqiptarë që mund të jenë gënjyer por sot faktet janë kokëforta dhe tregojnë që në të dy proceset dështuan, i trajtuan pronarët duke i larguar nga pronat dhe trojet e tyre, nga njëra anë, dhe në anën tjetër në procesin e legalizimit realizuan dështimin më të madh.

Këto zgjedhje të dashur qytetarë, nuk janë zgjedhje as për Bashën, as për Ramën, këto zgjedhje janë për familjen dhe për qytetarët. Janë zgjedhje për prcesin e integrimit europian, janë zgjedhje për t’i dhënë përfundimisht një zgjidhje korrekte procesit të kthimit të pronës, por edhe njëkohësisht të legalizimeve. Këto janë zgjedhje për të gjithë shqiptarët. Ne angazhohemi për të gjitha proceset për përfundimin e vënies së të drejtës së të zotit për procesin e pronës dhe nga ana tjetër edhe për procesin e legalizimit. Do t’i shohim me prioritet. Do të jenë pjesë e planit të punës për 100 ditët e para dhe do të fillojëm menjëherë angazhimin dhe të zbatohet që nga janari i vitit së 2022. Ky është një proces që për ne është prioritet, ky është një proces për integrimin europian dhe ne do të bëjmë çdo gjë të mundur për ta realizuar dhe përfunduar atë. ​

​

FJALA E KRYETARIT TË PD, LULZIM BASHA NË AKTIVITETIN PËR PËRKUJITMIN E DITËS SË FITORES SË ZGJEDHJEVE TË 22 MARSIT 1992

Të nderuar zonja dhe zotërinj, demokratë dhe demokrate, themelues, drejtues, fitimtarë të betejave të Partisë Demokratike në vite. Është një kënaqësi e jashtëzakonshme të ndodhemi bashkë sot, ndonëse në këtë realitet diktuar virtualisht nga pandemia për të kujtuar 22 Marsin, ditën e madhe të demokracisë në Shqipëri. Pas një terri të gjatë dhe pas një rrugëtimi në tunel të errët, drita e shpresës shënoi fillimin e udhëtimit tonë drejt Shqipërisë europiane. Fitorja e parë e zgjedhjeve nga Partia Demokratike, është një ditë domethënëse jo vetëm për ne demokratët, po për të gjithë shqiptarët. Ajo ishte ora e ndarjes përfundimtare me diktaturën dhe fillimi i një procesi të ri, vërtet të gjatë dhe të lodhshëm, por të domosdoshëm për një vend që aspiron të bëhet anëtar i Bashkimit Europian. 22 Marsi, kjo ditë e shpresës, ditë e fitores, kthehet sot në një frymëzim dhe angazhim të ri për ne që të japim gjithçka që kemi për ta bërë Shqipërinë një vend më të mirë. Rrugëtimi ynë nuk ka qenë i lehtë. Ka patur dhe padyshim që do të ketë vështirësi edhe në të ardhmen, por ne demokratët kemi treguar që jemi seriozë dhe këmbëngulës në ato që bëjmë. Gjatë qeverisjes tonë, ne iu mundësuam shqiptarëve lëvizjen e lirë dhe pa viza në Europë. Ne e anëtarësuam Shqipërinë në NATO. Ne e afruam vendin edhe më shumë me Bashkimin Europian ku sot për fat të keq e shohim që ky proces ka 8 vite që ka ngecuar në vend për shkak të keqqeverisjes, për shkak të një kryeministri që mendon vetëm për veten dhe për oligarkët e tij. Sot ne bashkohemi të gjithë me një mision të vetëm: ta çlirojmë Shqipërinë nga kjo e keqe që e ka mbërthyer dhe që e mban peng. Sot së bashku me ju, të gjithë që jeni të pranishëm në këtë takim mbi themelet që u ngrit dhe qëndron fort kjo parti me aspiratat tuaja, me fëmijët tuaj, me fëmijët e gjithë Shqipërisë, ne do ta bëjmë realitet këtë ëndërr të shqiptarëve. Ju që jeni sot në këtë takim, jeni dëshmi e gjallë dhe dëshirës për ta bërë Shqipërinë si gjithë Europa, askush nuk na e mësoi, askush nuk j’ua mësoi shprehjen; “e duam Shqipërinë si gjithë Europa”. Ajo lindi dhe u ngrit natyrshëm si një dëshirë e ndrydhur thellë në shpirtin tuaj, si një dëshirë e marrë peng nga një regjim i pashpirt. Më 22 mars 1992, e duam Shqipërinë si gjithë Europa ishte thirrja që i buronte nga shpirti i çdo shqiptari i cili flaku tutje zinxhirët e skllavërisë së diktaturës duke e parë të ardhmen tonë drejt perëndimit, drejt Europës. Sot në këtë takim me pjesëmarrjen tuaj, në sytë tuaj, unë dhe çdo shqiptar lexojmë shpresën dhe dëshirën që t’i afrohemi sa më shumë dhe sa më shpejtë Europës. E di që të gjithë do të donit më shumë se kaq, të gjithë shqiptarët duan që ne ta përmbyllim sa më shpejt këtë mision historik që t’i bëjmë realitet ëndrrat tuaja të kahershme, ëndrrën e të gjithë shqiptarëve. Ky është angazhimi ynë, ky është angazhimi im dhe të gjithë së bashku do t’ia dalim. Ju falënderoj nga zemra për të gjithë angazhimin tuaj që ditët e para të kësaj beteje të pashembullt e cila ka dhe do të ketë vetëm një përfundim: mposhtjen e të keqes dhe fitoren e ëndrrës të shqiptarëve të bashkuar, rinisje në rrugëtimin tonë drejt Europës, fitoren e çdo familjeje Shqiptare dhe të Shqipërisë! Ju faleminderit!

PJESA E DYTË E FJALËS SË KRYETARIT BASHA

Ju falënderoj nga zemra! Dua në emër të të gjithë kandidatëve tanë për deputet por edhe drejtuesve tanë të strukturave, të falënderoj të gjithë ata ish-drejtues, ish-deputet, përfaqësues të lartë të Partisë Demokratike ndër vite, aksionerët e fitores së 22 Marsit për punën e jashtëzakonshme dhe mbështetjes që i jepni çdo ditë fushatës tonë. Vitet kanë kaluar por përvoja juaj e çmuar është sot më e nevojshme e kurrë. Ditë për ditë marrë informacion nga njerëzit tanë në terren, nga drejtuesit tanë me përvojë dhe nga të rinjtë e Partisë Demokratike, që gjendeni pranë tyre, me këshillat tuaja, me informacionet tuaja të vyera, me angazhimin tuaj, me energjinë tuaj duke i drejtuar ata derë më derë në çdo qytet, në çdo lagje, në pallate dhe në banesa, nëpër fshatra dhe nëpër biznese. Dua t’ju them se 22 Marsi i 92’-shit ishte dhe mbetet dita e një bashkimi të jashtëzakonshëm të shqiptarëve, ndërsa me ndihmën tuaj, me kontributin tuaj dhe me punën e gjithsecilit prej nesh, le ta kthejmë 25 Prillin në këtë 29 vjetor të ardhjes të demokracisë së vërtetë në Shqipëri në një ditë ku ëndrra juaj, ëndrra e themeluesve, ëndrra e fitimtarëve të parë të Partisë Demokratike dhe të përfaqësuesve të parë të Partisë Demokratike si forcë qeverisëse në parlamentin shqiptar për Shqipërinë si gjithë Europa, të fillojë të konkretizohet. Ndaj, ju falënderoj nga zemra për kohën që ndatë sot teksa të gjithë së bashku nuk kursyem asnjë minutë, asnjë orë, asnjë ditë nga data e madhe që na ndan dhe që do ta ndajë Shqipërinë njëherë dhe përgjithmonë nga e keqja, nga orientalja, nga sundimtarizimi dhe mbi të gjitha nga mungesa e lirive themelore dhe respektin minimal për të drejtat e njeriut që përfaqësoi për 8 vite kjo qeveri e korruptuar. Kjo është një betejë të dashur miq dhe ne kemi nevojë për ndihmën tuaj! Vitet kanë kaluar dhe ato kanë bërë të vetën, por ju mbeteni në zemrat tona dhe në sytë e opinionit publik mbartësit më të denjë të ëndrrës me të cilën e nisi rrugëtimin kjo forcë politike për Shqipërinë si gjithë Europa. Ndaj, ju falënderoj nga zemra për mbështetjen dhe ju kërkoj të vazhdoni të na mbështesni kudo në terren me mirënjohjen më të thellë në emër të Partisë Demokratike, në emër të përfaqësuesve tanë, të kandidatëve tanë dhe strukturave tona. Zoti e bekoftë Shqipërinë dhe fitore të thellë më 25 Prill! Ju falënderoj nga zemra për pjesëmarrjen në këtë takim!

Në një takim me të rinjtë në fshatin Kuqan, Drejtuesi Politik i PD për Elbasanin u shpreh se një prej dramave më të mëdha në këtë qark, është largimi i pjesës më vitale të shoqërisë. “Problemi më i madh i Elbasanit është largimi i të rinjve, ikja e tyre në emigracion. Dhe kjo prej hallit, prej pamundësisë dhe mungesës së kushteve këtu. Dhe Edi Rama tallet, thotë ca problemi ka që ikin. Ne do t’i japim fund kësaj arrogance, kësaj politike. Bashkimi i të rinjve siç jeni ju këtu do të djellë ndryshimin me 25 prill. Dhe pastaj bashkë, do ta vëmë në jetë këtë ndryshim, do të realizojmë edhe ëndrrën e prindërve tanë, që ishte Shqipëria si gjithë Europa”, u shpreh Bardhi.

Të rinjtë shprehën shqetësimin për politikanët që premtojnë e më pas harrojnë.

“Duhet ndëshkim për ata që nuk mbajnë fjalën. Duke nisur nga unë këtu, që do të vij para jush e të jap llogari. Ne nuk do të bëjmë mrekulli, por do të sjellim normalitet. Nuk ka pse Elbasani të jetë Qarku më i varfër në Shqipëri, ku për 8 vite vuajnë të gjithë dhe pasurohet vetëm Taulant Balla. Unë ju premtoj se ky model do të ndryshojë”, u shpreh Bardhi duke shtuar se plani dhe vizioni i PD është të kthejë vemendjen tek njerëzit e të marrë vendime për ta.

Ndarja administrative është një tjetër problem që i ka rritur vështirësitë.
“Eshtë shtuar stafi në Bashki në Elbasan me 40 përqind, me njerëz që vetëm fusin kartën e marrin rrogën e nuk sjellin asnjë gjë, asnjë shërbim për ju. Eshtë e pafalshme që në këto 8 vite paratë kanë shkuar për propagandë e fasadë, ndrro një pllake e lyej pallate, dhe është larguar vemendja nga fshati. Ne, fshatin e kemi prioritet, dhe me subvencionet e investimet që do të bëjmë, do të mundësojmë që askush në fshat të mos jetë në varfëri”, u shpreh Bardhi, i cili shtoi se ndarja territoriale do të rishikohet dhe disa komuna do të riikrijohen, për të qënë me afër banorëve e për të dhënë llogari para tyre.