Blog

• Historia tronditëse e invalidit në Tiranë. Qeveria e përjashtoi nga kempi, i pret dritat dhe ujin. Albana Vokshi: Kjo sjellje kriminale merr fund në 25 prill.

Flamur Zaçe është një invalid, me një këmbë të prerë dhe tjetrën gati të gangrenizuar, por qeveria e Edi Ramës nuk i jep kempin. “Me thanë nuk ta jep ligji”- i tha plot dhimbje Flamuri Albana Vokshit, e cila shkoi ta vizitojë për të treguar jetën e vështirë që bëjnë invalidët me këtë qeveri.

Flamuri është një nga rastet që të lë pa shumë fjalë për shkak të keqtrajtimit shtetëror. Qeveria jo vetëm e ka përjashtuar nga kempi, por i ka prerë edhe dritat dhe ujin, duke e futur në listën e debitorëve. “Nuk kam me çfarë të paguaj, edhe ilaçet m’i falin, shpesh herë i pi pa ushqime. Nuk kam asgjë, më ndihmojnë miq e komshij”- thotë Flamuri.

Ai është një votues i rregullt i PS, por thotë se këtë herë zgjedh PD. “Me karrocë do të shkoj të votoj, zvarrë, le të rrëzohem, do të më ngrejnë, zvarrë do të shkoj e do të votoj”- u shpreh Flamur Zaçe, shtëpia e të cilit është dëmtuar nga tërmeti, por askush nuk e ka në listat e dëmshpërblimit.

“I kanë mbushur listat me militantët e PS dhe u shpërndajmë parà para zgjedhjeve bashkë me Ministren e Shëndetësisë, e cila në vend t’i sigurojë Flamurit dhe qytetarëve shërbim shëndetësor, i ka kthyer zyrat e Ministrisë në zyra të PS”- theksoi Albana Vokshi, e prekur dhe e revoltuar nga braktisja totale e Flamur Zaçes në mes të Tiranës.

Zonja Vokshi garantoi Flamurin dhe të gjithë si ai se pas 25 Prillit do të kenë një qeveri që kujdeset për ta nën udhëheqjen e Lulzim Bashës.

Ujë paguajnë e ujë s’ka!

Banorët e 9 pallateve pranë ish Fabrikës së Qelqit në “Kombinat” paguajnë detyrimin mujor të ujit të pijshëm, por ujë të pijshëm nuk kanë. Furnizohen me ujë pusi që mund të përdoret vetëm për shkarkim, por e paguajnë për ujë të pijshëm. Ky problem që prej vitit 2016. Për të gatuar dhe për të pirë blejnë ujë në dyqan, gjë që është shpenzim i dyfishtë për ta.

Për të parë nga afër situatën problematike shkoi Belind Këlliçi, kandidat i PD për deputet në këtë zonë zgjedhore.
Gramozi, një nga banorët e lagjes, i tregoi Këlliçit pusin prej nga furnizohen ai dhe rreth 1000 familje fqinje.

“Nuk kemi fare ujë nga UKT, e kemi nga pusi”, shprehet prerazi banori, i cili tregon se pas një ndërprerjeje 3-vjeçare,
pikërisht në Mars të vitit 2016, kryebashkiaku Erion Veliaj nëpërmjet ndërmarrjes së ujësjellësit që ka në varësi, i faturon çdo muaj. “Ujë pusi me TVSH vetëm ne paguajmë”, tregon ai, duke shtuar se e kanë me detyrim-përcaktim furnizimin me ujë pusi.

Këta banorë të Tiranës ndonëse nuk marrin asnjë shërbim nga UKT, faturohen rregullisht, ku përveç ujit, Bashkia Tiranë mbledh taksat vendore për arsimin, pastrim-gjelbërimin, etj. Një situatë e ngjashme paraqitet edhe në Pallatet Çabej, ku kandidati demokrat Belind Këlliçi zhvilloi takimin e radhës.

NJOFTIMI PËR VIZITËN E KRYETARIT TË PD, LULZIM BASHA, NË TREGUN E GJIROKASTRËS

Gjatë vizitës së tij në qytetin e Gjirokastrës, kryetari i Partisë Demokratike, ka vizituar disa biznese në pazarin e Gjirokastrës, ku ka dëgjuar problemet e tyre për shkak të pandemisë dhe krizës ekonomike. Ata u shprehën se turizmi në Gjirokastër është vetëm në verë, ndërsa gjatë dimrit e mbajnë hapur vetëm për mbijetesë.

“Qytetari: Mua më vjen shumë keq që pas 30 vjet demokraci akoma ka biznese të pa regjistruara.

Lulzim Basha: Sepse nuk ka gjë më të keqe kur i ndan në të nënës dhe të njerkës. Kur nuk i trajton njësoj para ligjit. Kjo shkatërron konkurrencën.

Qytetari: Kam shumë koleg që në këtë kuptim që në këtë profesion dhe më godasin në çmime, pa ndershmërisht. Konkurrenca është në kapitalizëm do ta pranoj por e ndershme.

Lulzim Basha: E ndershme, të barabartë para ligjit. Konkurrencë e ndershme.

Qytetari: Se imagjinoj dot pas 30 vitesh të paregjistruar. Se kam qenë dhe në emigrim. Jam kthyer me shpresën se …

Lulzim Bash: Në Greqi ke qenë?

Qytetari: Kam qenë në Greqi. Dhe atje jam mësuar me disa rregulla europiane, kam hapur dyqan dhe atje po atje merresha me gjera të tjera jo me këto gjera këtu. Se këtu kemi të bëjmë me turizmin , kemi të bëjmë me gjithë botën. Vizitorët vijnë nga të gjithë, më kultura të ndryshme dhe unë jam vënë lëvizje nga ana kreative që të krijoj duke u bazuar dhe te tradita që kemi këtë në Gjirokastër. Se Gjirokastra është e gurit por është edhe e drurit. Kështu që kjo konkurrenca e pandershme është…

Lulzim Basha: E vret e demotivon ekonominë, politikën mungesa e garës. Duhet të kemi garë.

Qytetari: Ne e kemi thënë në shumë hallka të tjera ne periudhën e dimrit e kemi mbijetesë. Sikur një subvencion i vogël në këtë periudhë sa të bëhet turizmi gjithë vjetor në Gjirokastër se fatkeqësisht është akoma sezonal. Them sezonal sepse veror, në verë vetëm. Presim gjithmonë vizitor nga

Saranda. Ç’është në dorën ton do ta bëjmë pastaj në dorën e shtetit qëndrojnë shumë gjera.”

“Qytetarja: Vështirë ka qenë kjo fushë, po akoma e më vështirë. Faktorë, aktorë të tjerë të ndryshëm, ne mundohemi me thonj!”

“Qytetari: Ne kemi mësuar nga ndërmarrja fizike që ka funksionuar në Gjirokastër dhe ka nxjerrë një brez gdhendësish, nga 90 gdhendësa sot punojnë 2 ose 3. Dhe problemi më i madh është që brezi i ri nuk e merr mundimin të vij këtu sepse nuk do që të jetë shok më fukarallëkun. Sepse kjo është punë që të hash bukë deri këtu, kaq!
Lulzim Basha: Të mbijetosh?
Qytetari: Edhe nuk duan, nuk qaset brezi ri dhe kjo do të ketë pasoja të ardhmen.
Lulzim Basha: Në Europë është një nga punët më të mirëpaguara, do të fillojmë me subvencione, por do të fillojmë edhe me shkollë.”

Duke vënë në dukje krizën e biznesit në të gjithë Shqipërinë, Basha tha se artizani është një nga profesionet që i përket traditës shqiptare dhe që duhet ruajtur. Për këtë ai tha se qeveria e dal nga vota e 25 prillit, do të mbështes me subvencione këtë profesion, por edhe do të investoj në qytetin e Gjirokastrës për të tërhequr turistët në çdo sezon.

Lulzim Basha: Kështu që ju garantoj që do bëjë gjithçka, në veçanti për të mbështetur ato sektorë që janë domethënës për turizmin siç është sektori juaj. Artizanati kudo në botë subvencionohet se është një punë e para e punës që ruan traditën dhe ruajtja e traditës nuk është diçka që mësohet thjeshtë në shkollë ka nevojë për përcjellje brez pas brezi. Dhe e dyta është diçka që krijon gjera autentike dhe unike. Këto nuk bëhen me makineri bëhen me dorë. Këtu derdhet shpirti i njeriut.
Qytete si Gjirokastra, si Berati, si Shkodra, si Korça, nuk mund të mbijetojnë në qoftë se nuk mbijeton dhe nuk prosperon sektori juaj. Prandaj, për këtë arsye do të keni jo thjeshtë ndihmë dhe lehtësime por do të keni subvencione. Ju e dini, ata vijnë këtu dhe mahniten nga punë dore të cilat mund të kenë dekada që në vendet e tyre janë zhdukur. Ne do të mësojmë nga ky gabim dhe s’duhet të lejojmë të përsëritet. Kështu që, artizanati kudo në Shqipëri do të ketë mbështetje direkte financiare, njësoj siç do bëjmë për disa profesione të tjera, për fermerët e për të tjerët. Do të mbështesim me subvencione që e para punës mos të humbasë tradita. E dyta, jeni dhe një shkollë që do të përcillni brenda familjes apo brenda komunitetit dhe e treta, po nuk ju ruajtëm ju ne i japim një dëm turizmit në Gjirokastër dhe në të gjithë Shqipërinë. Për këtë do të keni, mbështetjen financiare të drejtpërdrejtë nga buxheti i shtetit me bindjen se çdo qindarkë, çdo lekë, çdo euro që do të investojmë, edhe nga Bashkimi Europian edhe ato kanë programe për të mbështetur trashëgiminë kulturore dhe artizanatin. Dhe çdo euro që do investojmë tek ju do t’i kthehet 10-fish, 100-fish ekonomisë së qytetit dhe ekonomisë kombëtare. Kështu që, e di që keni kaluar kohë të vështira por nuk jeni dorëzuar. Mos u dorëzoni deri me 25 prill. Paratë e buxhetit që kanë shkuar në një grusht njerëzish do të fillojnë të funksionojnë dhe të japin rezultat për njerëzit e punës dhe për ekonominë e çdo shqiptari. Për këtë të garantoj.Turizmi do të zhvillohet atëherë kur qeveria të fillojë të financojë në turizëm. Atëherë kur sezoni mos të jetë 2 muaj në breg, por të jetë gjatë gjithë vitit. Kemi një plan, kemi vendosmërinë, edhe ekspertizën për ta bërë të mundur zbatimin e këtij plani. Na duhet vetëm që të jemi të gjithë bashkë më 25 prill në kutitë e votimit. 8 vite e keni parë vet si shkoi, tani duhet me votën tuaj të përcaktoni ndryshimin që dëshironi.

NJOFTIMI PËR VIZITËN E KRYETARIT TË PD, LULZIM BASHA, NË SHTËPINË MUZE TË MUSINE KOKALARI DHE BISEDA ME MBESËN ARJETA KOKALARI

Kryetari i Partisë Demokratike, Lulzim Basha, ndodhet në qytetin e Gjirokastrës i cili ka vizituar shtëpinë muze të Musine Kokalari. Ai zhvilluar një bisedë me mbesën e Musine Kokalarit, Arjeta Kokalari. Ajo u shpreh se i gjithë restaurimi i shtëpisë është bërë me kontributin e saj dhe të bashkëshortit të saj, pasi për shumë vite shtëpia ka qenë e panjohur për vizitorët. Sipas saj, edhe pse kryeministri vjen shpesh në Gjirokastër, ai nuk e ka vizuar asnjëherë këtë shtëpi.

Arjeta Kokalari: Kemi kontribuar për ta restauruar dhe për ta rehabilituar shtëpinë e Musine Kokalarit e cila ka qenë komplet e panjohur, komplet në hije, komplet jashtë vëmendjes, pothuajse siç është edhe tani, po ndoshta dhe më keq. Sepse sot ka një emër, njihet si shtëpia e Musine Kokalarit, kurse deri pak kohë më para se ne të fillonim ta publikonim, ta restauronim, kjo nuk njihej fare. Madje kur vinin njerëz të interesuar për shtëpinë e Musines, thonin ku është shtëpia, pyesnin për të, titullarët i orientonin tjetërkund sepse as e kishin idenë që kjo këtu është shtëpia e Musine Kokalarit. Musine Kokalari, ka lindur në Adana. Ka ardhur në moshën 2 vjeçare këtu. Kujtimet e saj dhe jetesa në këtë ambient ka ndikuar aq shumë tek ajo, sa që të tre librat artistik, krijimtarinë e saj, ajo e vendos pikërisht në ambientet gjirokastrite. Domethënë janë tre libra dhe që të treja librat kanë dekor jetën gjirokastrite, personazhet janë më së shumti gratë dhe vajzat dhe nuset dhe vjehrrat gjirokastrite. Gjithë dekori në tregimet e saj është pikërisht në këtë shtëpi tradicionale gjirokastrite. Gjatë kohës që ne kemi jetuar këtu, unë kam pas një ndjeshmëri të madhe dhe më dukej që çdo hap që bëja brenda banesës.
Qytetari: Hodhëm tё gjithё djersën tonё familjare, pёr shkak se ajo kabina elektrike qё ёshtё atje tre metra ja dha zjarrin atje nё katin e tretё. U tanё e çfarë nuk u thanё, nuk po bёj politik por ne dolëm nё mes tё katër rrugëve. Nuk ёshtё shtëpia ime, ёshtё shtëpia e Musine Kokalarit.

Arjeta Kokalari: Me qenë se jemi tek ky momenti i vëmendjes, mё lejoni, ndoshta tё gjithё e dinё qё kryeministri i tanishëm sa herё qё vjen nё Gjirokastёr shkon atje tek ajo kodra atje lart dhe kalon gjithmonё pёrpara kёsaj shtёpie dhe asnjёherё nuk ka ndaluar asnjёherё dhe nuk i ka kushtuar asnjёherё asnjё vёmendje, asnjё fjalё, qё kalon pikёrisht kёtu dhe. Kjo ёshtё shtёpi e Musine Kokalarit

Basha tha se shqiptarët e dinë se kush është Musine Kokalari dhe sakfricën e saj. Sipas tij, kjo është edhe arsyeja se pse kjo shtëpi është lënë në harresë nga qeveria dhe nuk vizitohet nga kryeministri. Ai u zotua se me ardhjen në pushtet të Partisë Demokratike, shtëpia do të restaurohet dhe do t’i kthehet në një vlerë qytetit të Gjirokastrës.

Lulzim Basha: Mua Marjeta nuk mё çudit fakti qё kalon kёtej dhe nuk i hedh as sytё nuk mё çudit. Nuk mё çudit pёr njё arsye tё thjesht. Shqiptarёt e dinё se çfarё pёrfaqёson Musine Kokalari, tashmё. Edhe pёr gjithё atё qё ka bёrё regjimi i mёparshёm edhe pёr atё qё bёnё kjo qeveri nё ikje dhe ky kryeministёr nё ikje pёr tё hedhur pluhurin e harresёs nuk ja kanё dalur dot. E dinё shqiptarёt e di faktori ndёrkombёtarё, vetё e thatё ka ardhur dhe ambasadori Amerikan. Njё grua e virtytit, e artit e kulturёs dhe e qёndresёs . Ёshtё njё simbol jo thjeshtё i frymёzimit qё sjell Gjirokastradhe qё ёshtё shndёrruar nё krijimtari artistike nga Musine Kokalari deri tek Ismail Kadarea dhe veprat e shumë shumë artistëve të tjerë. Por është mbi të gjitha një simbol i qëndresës dhe i papërkulshmërisë sepse vllezërit ja egzekutoj regjimi, social demokratë ishin, me bindje të majta ishin, por ishte një regjim që nuk toleronte mendim ndryshe, nuk toleronte fjalën e lirë. As nuk donte tja dinte për zgjedhje të lira dhe një nga aktet më kurajoze që ka bërë një qytetarë i Shqipërisë në vitet 44-45, ndërkohë që aleatët ishin akoma në Shqipëri, është ndërmarrë nga një grua, nga Mysyne Kokalari që i shkruajti një letër aleatëve dhe u kërkoi të garantonin zgjedhje të lira dhe të ndershme. Domethënë ajo ka qënë një pararendëse e demokracisë dhe shpirtit europian të shqiptarëve në një kohë ku këtu po pllakoste një regjim i egër, një regjim i cili përgjaku, i varfëroi, i mjeroi shqiptarët. Dhe ky simbol që do të ngrihet në piedestal, e para punës për ti treguar shqiptarëve por edhe gjithë botës fuqinë e gruas Shqiptare. E dyta për ti treguar që këtu ka pasur disidencë, ka pasur kundërshti të vërtetë parimore, intelektuale kundra një regjimi që solli vetëm mjerim, vetëm terror, hapi vetëm varfëri, plagë dhe varre në trupin e vendit tonë. Dhe kanë qenë të shumtë, po shkëlqen Musine Kokalari një vajzë, një grua, një shkrimtare, një intelektuale. Edhe sot këto ditë që na ndajnë nga 25 prilli ka një shpirt përçarje, ka një gjuhë urrejtje, ka një përpjekje për të vrarë shpresën e shqiptarëve për ndryshim, në qoftë se Musin Kokalari e kaloi gjithë jetën e saj për ta mbajtur ndezur shpresën dhe ën fund të fundit nuk e pa dot dritën e ndryshimit, mund ta themi me gojën plot se gratë dhe vajzat e Gjirokastrës, të paktën nga kjo pritje e jashtëzakonshme që pashë sot dhe të gjithë Shqipërisë do ta ndezi dritën e shpresës, do ta ndezin nën shembullin e Musine Kokalarit dhe unë ju siguroj që jo vetëm që do ta restaurojmë këtë monument i cili përfaqëson fuqinë e gruas. Ne duhet ta bëjmë me të vërtetë pjesë të intenerarit turisitik, po kjo nuk bëhet me fjalë, kjo bëhet me investime, kjo bëhet me vepra. E gjithë shtëpia jonë e madhe vazhdon të vidhet edhe të grabitet edhe ditët e fundit, javët te fundit, japin koncesione, vjedhin me tendera bëjnë gjithçka për të grabitur deri ditën e fundit. Këta vetëm dinë të grabisin, por kësaj do t’i japim fund me 25 prill se me 25 prill në fund të fundit nuk është një betejë për mua apo për atë që po ikën, është një betejë pikërisht për shtëpitë tuaja, për familjet tuaja, për fëmijët tuaj që t’i mbajmë këtu se Gjirokastra po zbrazet, është një nga qytetet që po zbrazet me shpejtësi të tmerrshme ndërkohë që ka potenciale të jashtëzakonshme turistike.

NJOFTIMI PËR VIZITËN E KRYETARIT TË PD, LULZIM BASHA, NË GJIROKASTËR

Kryetari i Partisë Demokratike, Lulzim Basha, ditën e sotme ndodhet në qytetin e Gjirokastrës, i cili është pritur me entuziazëm nga qytetarët. Në fjalën e tij para gjirokastritëve, Basha falënderoi për pritjen e jashtëzakonshme dhe tha se ndryshimi shihet në sytë e nënave nga Gjirokastra deri në Shkodër.

Lulzim Basha: Të dashur motra dhe vëllezër, të rinj dhe të reja, vajza dhe djem, zonja dhe zotërinj të Gjirokastrës ju falënderoj nga zemra për këtë pritje të jashtëzakonshme. Ndryshimi ka filluar, e shoh në sytë e nënave nga Gjirokastra në Shkodër, nga Durrësi në Korçë. Me 25 prill do ta çlirojmë Gjirokastrën dhe Shqipërinë, nga mjerimi e nga papunësia. Me 25 prill çdo shqiptar e çdo shqiptare do të votojë për ndryshimin, do të votojë për fëmijët e tij dhe të saj, do të votojë për ekonominë, për punësimin, për Evropën dhe për Shqipërinë si gjithë Evropa. Ndaj ju bëj thirrje e para të merrni masa me maska dhe me distancë, kujdesuni për shëndetin tuaj. Dhe e dyta, mos harroni kjo është një betejë për fëmijët tuaj, për familjet tuaja. Është një betejë fitorja e të cilës do të thotë fitore e Gjirokastrës, fitore e Shqipërisë dhe e shqiptarëve pa dallim.