Blog

• PD dorëzon në SPAK padinë për koncesionin e ri 100 milionë euro të karburanteve, PD: Vendimi i Ramës vjedh shqiptarët. Kryeministri në panik nga humbja e pushtetit. Rama e di që fundi i tij ka filluar.

Përfaqësuesit e PD, Agron Shehaj dhe Sekretari për Çështjet Ligjore, Çlirim Gjata dorëzuan në SPAK padinë për koncesionine ri të qeverisë Rama në fushën e hidrokarbureve, duke kryer të paktën 3 vepra penale. Më poshtë deklarata e përfaqësuesit të PD, Agron Shehaj:

Sot, dorëzuam në Prokurorinë e Posaçme Antikorrupsion një nga vendimet më korruptive të qeverisë Rama përpara largimit. Në ditët e fundit të pushtetit, Edi Rama ka vendosur të japë një koncesion të fshehtë, në fushën e karburanteve, i cili do t’u kushtojë shqiptarëve 100 milionë euro.

Pa asnjë studim, pa transparencë, gjithçka në errësirë dhe me nxitim, qeveria ka paracaktuar që tre klientë të saj të gjurmojnë transaksionet financiare në fushën e hidrokarburëve.

Ky vendim, në fushatë zgjedhore shkel rregullat e zgjedhjeve, mbyll tregun në tre duar dhe, mbi të gjitha, fut duart në xhepat e qytetarëve, duke e bërë karburantin akoma më të shtrenjtë.

Pazari që Edi Rama ka bërë me 3 klientët e tij pak përara largimit nga qeveria duhet të hetohet nga SPAK. Nuk ka asnjë dyshim se kjo është një aferë e rëndë korruptive, e cila, nëse hetohet siç duhet, do ta çojë drejtësinë tek Edi Rama.

Rama po bën marrëveshje të ndyra dhe të korruptuara që do të rrisin çmimet e karburantit në Shqipëri, në mënyrë që miqtë e Ramës të bëjnë miliona në kurriz tonë.

Asnjë tjetër, përvec Edi Ramës, nuk ka pushtetin që të vendosë për dhënien e 100 milionë eurove në vetëm 3 duar, të cilat, mund të rezultojnë edhe një dorë e vetme.

Ky vendim i pistë i Edi Ramës, që dënon shqiptarët me një vjedhje të re dhe me rritjen e çmimit të karburantit nuk do të njihet nga Partia Demokratike.

Është vendimi i një kryeministri në panik nga humbja e pushtetit. Edi Rama është në panik, sepse e kupton që fundi i tij ka filluar.

Koha e Edi Ramës ka mbaruar! Është koha për ndryshim! Është përgjegjësi e Partosë Demokratike ndaj qytetarëve që me planin tonë konkret të sjellim ndryshim në të gjitha fushat ku Edi Rama ka dështuar: në ekonomi, shëndetësi, arsim, imigrim, infrastrukturë.

Ne do të sjellim ndryshimin dhe shpresë për Shqipërinë!

• “Nuk ka për të marrë një mandat tjetër”, PD i përgjigjet Ramës: Shqipëria ka ngecur me Edi Ramën. Në 25 Prill votohet për ndryshim.

DEKLARATË E PARTISË DEMOKRATIKE, ALBANA VOKSHI

Edi Rama, i cili ka dështuar në 8 vite në çdo fushë, nuk do të mund të marrë një mandat tjetër nga qytetarët.

Këto 8 vite, Shqipëria ka ngecur me Edi Ramën, ndërsa vende të tjera, të ngjashme me ne, kanë bërë progres dhe zhvillim të jashtëzakonshëm.

Shqipëria nuk ka bërë progres në asnjë fushë, as në ekonomi, as në arsim, as në infrastrukturë.

Edi Rama mund të tregojë përralla në shëtitjet e tij propagandistike elektorale, por njerëzit e vuajnë në lëkurë dështimin e tij 8 vjeçar dhe premtimet e pambajtura.

Edi Rama nuk ka një bilanc pune në shërbim të qytetarëve. Me qindra mijëra shqiptarë ose janë larguar nga vendi, ose janë varfëruar nën drejtimin e Edi Ramës.

Të rinjtë janë pa punë, pa perspektivë me Edi Ramën, sepse për 8 vjet ai punoi për vete dhe për një grusht klientësh.

Puna e vetme që kryeministri më i dështuar në historinë 30 vjeçare të pluralizmit nuk do që të lërë përgjysëm është shumëfishimi i pasurisë së tij dhe i ministrave. Në 8 vjet, dokumentat zyrtare tregojnë se qeveritarët e Edi Ramës e trefishuan pasurinë e deklaruar.

Sa më shumë flet për një mandat të tretë, aq më shumë i gënjen shqiptarët. Kjo duhet dhe do të marrë fund në 25 Prill! Boll më me kohë të humbur! Humbëm 8 vjet të çmuar me Edi Ramën!

Vendit i duhet ndryshim! Shqiptarët duan ndryshim!

Në 25 Prill Rama do të humbasë, Shqipëria do të fitojë dhe ne do të nisim të punojmë për qytetarët shqiptarë!

NJOFTIMI PËR VIZITËN E KRYETARIT TË PD, LULZIM BASHA NË NJË BIZNES TË MADH NË DURRËS

*Kryetari i PD dhe njëkohësisht kandidati për kryeministër i Opozitës së Bashkuar, Lulzim Basha, gjatë vizitës në një biznes të madh prodhues në Durrës, iu tregoi sipërmarrësve shqiptarë se si do të ndryshojë për mirë situata e tyre pas 25 prillit me zbatimin e Programit #ShqipëriaFiton për Energjinë.

Gjatë bisedës me pronarin e një fabrike në qytetin bregdetar, Basha shpalosi në detaje angazhimet e tij dhe planin për të kthyer ekonominë dhe biznesin në rrugën e normalitetit dhe të rimëkëmbjes.*

Lulzim Basha: 1 mijë zyrtarë të shtetit që rrinë me vula në xhep. Turp i zotit. As në kohët e Tanzimatit s’ka qenë kështu.  As në kohët e, ç’të them ?! As në Mesjetë nuk ka qenë  që  1 mijë zyrtarë të shtetit, funksionarë të shtetit  mbajnë vula në xhep, që me çdo hap që hedh , me çdo frymë që merr, me çdo lugë që fut në gojë , thotë shteti prit. Prit këtu, prit aty. Lëre këtë autorizim aty. Gjëja e parë që do bëjmë  është thjeshtimi i kësaj. E dyta: Energjia është prioritet. Energjia ka qenë prioritet prej dekadash, për çdo ekonomi  që ka bërë përpara dhe çdo ekonomi që  duhej të bëjë përpara, energjinë duhet ta ketë  a , b , c-në. Duhet ta ketë bazament. Në qoftë se ti energjinë e ke në kolaps siç e kemi sot ne, harroje që mund të ecim përpara. Dhe ne kemi kolaps pikërisht  për shkak të këtij mentaliteti dhe korrupsionit që dikton ky mentalitet. Saqë të thonë hajde të gjithë falu aty, nuk thonë kot. E dimë fare mirë. Eliminimi i këtyre lejeve , këtyre autorizimeve, i këtyre zyrtarëve anonim që vijnë vërdallë dhe ju pengojnë punën tuaj do jetë hapi jonë i parë në kuptimin e reformës shtetërore administrative. Hapi i dytë është që ne do të subvencionojmë qoftë përmes lehtësirave fiskale por edhe subvencionime të drejt për drejta në mënyrë që kjo energji diellore të na kthehet në energji elektrike dhe të komplementoj energjinë hidrike. Kush do jen përfituesit? Përfituesi i parë do jetë vet shteti që është akoma pronari i KESH-it, i OSHE, i OST, i gjithë sistemit aktual të prodhim distibuimit. Pse? Kjo do na japë mundësin ne që energjinë e prodhuar nga uji ta shesim në kuotën më të lartë mundësisht në eksport.

Sipërmarrësi: Shumë e drejtë.

Lulzim Basha: Dhe këto janë para të cilat vijnë tek arka e shtetit dhe nesër paguhen mësuesit, doktorët, të papunët. Nesër ulen sigurimet e punonjësve të tu shkojnë në 18%, ulet taksa  jote shkon në 9%, zerohet absolutisht gjithçka që ka të bëjë me ngritjen e linjave të prodhimit. Pra i pari që përfiton drejt për drejt është vet shteti.

Sipërmarrësi: E qartë, e qartë.

Lulzim Basha Po kështu përfiton konsumatori shqiptar, sepse në momentin që ti diversifikon prodhimin, gjëja e parë që përfitojnë është  do ulet çmimi i energjisë dhe e treta është përfitimi i atyre që do punësohen në këtë sektor, qoftë sa i përket ca do të përdoren brenda, qoftë sa i përket se çfarë do të eksportohet dhe ky vend ka mundësi të eksportojë, të eksportojë energjinë, të eksportojë dhe panelet e energjisë. Ne kemi për qëllim që të jeni konkurrentë, të jeni konkurrente dhe të shisni, ti më the ke treg Italinë apo jo.

Përfaqësuesit e biznesit iu ankuan Bashës për centralizimin në çdo aspekt të ekonomisë duke kërkuar ndryshimin e kësaj situate në qeverisjen e ardhshme.

Sipërmarrësi: Gjithçka është e centralizuar. Taksimi është i çuditshëm për faktin që paralizon prodhuesit. Në kuptimin që unë mallin që importoj duhet ta zhdoganoj dhe duhet të paguaj taksë doganore.

Lulzim Basha: Për lëndën e parë?

Sipërmarrësi: Po. Ndërkohë që përveç celulës gjithë lëndët e tjera kanë taksë doganore. Ndërkohë që vetëm me marr panelin e gatshëm nuk paguaj taksë doganore. Është paradoks se unë po atë panel nxjerr si ta marr të gatshëm si ta bëj vetë.

Lulzim Basha: Më shumë se paradoks. Kjo është vrastare për ekonominë. Një masë e tillë favorizon importin dhe ndëshkon eksportin shqiptar.

Qytetari: Po, absolutisht.

Lulzim Basha: Dhe ta themi me dy fjalë, favorizon që punonjësit të jenë në Kinë apo ku e di unë ku tjetër dhe ndëshkon punonjësit shqiptarë. Dhe gjëja e parë që do bëhet është që kjo jo vetëm do ndalet por do bëhet reversë. Ne tarifën do ia vëmë atij që e sjell të gatshme dhe do heqim çdo taksë për lëndën e parë, jo vetëm për panelet diellore por për gjithçka që prodhohet në Shqipëri. Çfarë prodhohet në Shqipëri do të ketë taksë zero lënda e parë që hyn brenda. Interesi jonë është që ti mos ta kesh në kyç atë magazinë, por ta kesh të mbushur deri në tavan dhe mos pushojnë kamionit duke ardhur duke marr e duke çuar qoftë për instalime në Shqipëri qoftë për eksport. Për eksport do të keni mbështetje, për instalime do të keni subvencione dhe kemi një fat shumë të madh që 99% të energjisë e prodhojmë nga uji. Kemi një fat të dytë të madh që jemi në zemër të Mesdheut me klimë edhe në shkurt dielli shndrit edhe ka vende ku edhe me diellin pas reve ata arrijnë të përfitojnë nga energjia diellore për të përfituar energji elektrike. Ky është prioritet absolut i planit tonë për energjinë që ne kemi shpalosur para disa ditësh. Ca do të thotë prioritet absolut? Nuk është slogan. Do të thotë: lehtësira fiskale dhe subvencionim për industrinë dhe për privatin dhe për familjet shqiptare.

Qytetari: Kjo është shumë e rëndësishme.

Lulzim Basha: Dhe lehtësirat administrative që ti të shkosh, paska vetëm një pikë në Shqipëri ku duhet të shkosh të falesh t’i për të bërë diçka kur në fakt duhet të të lutet shteti ty që të sjellësh energjinë e rinovueshme diellore, ta bësh pjesë të sistemit, të korpusit, të sistemit energjitik shqiptar, ky është paradoks i jashtëzakonshëm. Unë të garantoj që kjo do të marrë fund, për ty dhe për këdo tjetër që do t’i futet kësaj pune apo që i është futur kësaj pune. Ju nuk do të keni nevojë të shkoni por do t’ju vijnë këtu, madje as nuk kanë nevojë të vijnë, do ta bëjnë në mënyrë automatike që ju të jeni në gjendje që energjinë e prodhuar ta shisni menjëherë. Domethënë, energjinë e prodhuar nga panelet diellore, panelet diellore, instalimin e tyre ta bëni menjëherë.

Basha u angazhua që situata e vështirë në të cilën ndodhet biznesi do të ndryshojë dhe me qeverinë e re, biznesi do të trajtohet si partner i rëndësishëm ku shteti do ketë rol mbështetës që ekonomia të zhvillohet dhe të krijohen hapsira për punësimin e shqiptarëve në vendin e tyre dhe jo të marrin rrugën e emigracionit për të gjetur mundësi jetese.

Lulzim Basha: Kjo qeveri e ka mendjen me vjedh fondet e juaja në vend që të marri fondet e BE-se dhe t’ju ndihmojë ju. Të garantoj që këtu ndryshimi do të jetë shumë i shpejtë sepse është interes i të tre palëve. Është interesi yt si sipërmarrës, është i padiskutueshëm e the vetë, është interesi i qytetarëve shqiptarë sepse hap vende pune dhe ul çmimin e energjisë. Është interesi po kështu i industrisë shqiptare se jo vetëm që nuk do t’i taksojmë, por do t’i ndihmojmë që të fillojmë të instalojmë panelet diellore dhe të ndërthurim prodhimin e energjisë përmes paneleve diellore me  prodhimin e energjisë dhe furnizimin me rrjetin energjetik. Është leverdia e shtetit qoftë sa i përket shitjes së energjisë që prodhon vetë shteti, qoftë sa i përket eksportit. Pra, në qoftë se ka një fushë ku realisht fitojmë të gjithë pa përjashtim dhe kjo fushë dhe kjo është arsyeja pse e kemi vendosur në planin tonë të energjisë si prioritetin numër një dhe do të keni mbështetje të plotë çfarëdo vështirësish të keni kaluar. 2 muaj deri në 25 Prill mos u dorëzoni.

Sipërmarrësi: Do mbijetojmë.

Lulzim Basha: Të garantoj që në qoftë se ke arritur sa ke arritur deri tani pa asnjë ndihmë nga shteti madje me shtetin kundër, që ngriheni në mëngjes e shkoni në darkë në shtëpi vetëm duke u marrë me shtetin, me inspektorët e shtetit imagjinoni se çfarë do të arrijmë bashkë kur të më kesh në krah, mua, qeverinë e re që do dalë pas 25 Prillit dhe gjithë politikat dhe gjithë planet që kemi shpallur publikisht. Imagjinoni se çfarë do të arrijmë bashkë. Ti si sipërmarrës dhe pastaj kjo do plotësojë edhe misioni tonë se misioni jonë ka të bëjë me njerëzit. Nuk do jemi ortakë do jemi aleatë për të ndihmuar njerëzit, për të përfituar shqiptarët, për të fituar Shqipëria. Po për këtë gjë e para që duhet të ndodhë është ndryshimi me 25 prill dhe këtë do ta ndjeni në çdo aspekt të veprimtarisë suaj, të bilancit tuaj, të mbështetjes që do të keni. Nuk do t’i shikoni asnjëherë zyrtarët e shtetit t’ju vijnë t’ju shohin nga xhepat e nga duart. Po i patë do ti shikoni për të ardh për t’ju ndihmuar dhe do të keni minimumi ndihmën që jep sot rajoni, po të garantoj edhe më shumë sepse është një nga fushat që ne e konsiderojmë prioritete mos them njësoj si turizmi për të nxitur prodhimin, për të nxitur punësimin dhe për të nxitur rritjen e rrogave kjo është një fushë që mund të punësoje 10-tra mijëra shqiptarë me rroga 2-3 fish rrogën minimale. Jam i saktë apo jo?

Sipërmarrësi: pa diskutim, shumë preciz.

Lulzim Basha: kështu që për këtë na duhet të bashkohemi ngushtë si aleatë, ju nga roli juaj si biznes, ne nga roli jonë si qeveri. Ti japim fund ngecjes në vend numëro apo pengesave të shumta që ju ka bërë deri më sot politikat e gabuara të kësaj qeverie dhe në 25 prill të sjellim ndryshimin edhe për këtë sektor.

Sipërmarrësi: Shpresojmë. Faleminderit.

Lulzim Basha: E kemi dhe ne energjinë . Kështu e kemi si energji diellore. Edhe vullnetin, edhe vendosmërinë për ti bërë realitet ato angazhime që kemi marrë në planin tonë për energjetikën.

PREZANTIMI I PROGRAMIT PËR ENERGJINË, ENTELA SHEHAJ

Gjate 8 viteve të fundit, ashtu sikurse gjithë sektorët e tjerë të ekonomisë shqiptare, edhe sektori i Energjisë ndodhet në një situatë shumë të vështirë në të gjithë përbërësit e tij, energjinë elektrike, gazin natyror, sektorin mineral dhe atë të naftës.

Ndonese energjia eshte sektor strategjik per vendin, gjate ketyre 8 viteve sektori është tërhequr zvarrë nen shenjen e korrupsionit dhe paaftesise dhe sot rezulton të jetë në gjendje kolapsi, ku nevoja për reforma të thella dhe investime është domosdoshmëri.

Pikerisht ky plan reformash te thella e te domosdoshme do te prezontohet sot nga zt. Basha. Eshte nje plan reformash konkrete, te prekshme, te arritshme, te studiuara mire nga profesionistet me te mire te ketij sektori.

Eshte nje plan i cili do te sjelle jo vetem zhvillimin e sektorit, por edhe qindra e mijera vende pune te hapura, cmime te energjise te perballueshme per familjaret dhe konkurrese per biznesin, investime te shumta vendase dhe te huaja si dhe kontribut thelbesor te sektorit ne rritjen e ekonomise shqiptare. Eshte nje plan qe do te realizohet dhe do t`ia shnderroje faqen per mbare Shqiperise.

Miqte e mi,

Shqiptaret sot paguajne çmimin më të lartë të energjisë elektrike në vendet e Ballkanit Perëndimor pas Mali të Zi, dhe Shqiperia renditet e 21-ta në Europë për çmimin e lartë të energjisë duke lënë pas edhe vende të tjera të zhvilluara, si Franca, Holanda, Suedia, Anglia etj.

Në studime të kryera nga institucione ndërkombëtare, si ‘Enterprise Survey 2019’ i kryer nga Banka Boterore, 43% e kompanive në Shqiperi e identifikojnë furnizimin me energji elektrike si problemin kryesor. Rreth 59% e tyre deklarojnë se u ndërpritet energjia në mënyrë periodike, e ndërsa afërsisht gjysma e kompanive të pyetura deklaruan se mbajnë e përdorin një gjenerator. Sipas ketij studimi, biznesi në Shqipëri humb rreth 2% të produktit të tij vjetor, ose rreth 180 milionë euro, kjo për shkak të shkëputjes së energjisë elektrike dhe dëmtimit të proçesit të prodhimit.

Eshte e qarte tashme per te gjithe se gjate ketyre tete viteve, qeveria nuk ka dashur, pavarësisht detyrimeve ligjore e angazhimeve zyrtare, te implementoje qofte edhe mimimumin e reformave në sektorin e energjisë elektrike.

Kjo ka penguar bërjen funksionale të bursës të energjisë e për pasojë moskrijimin e një tregu funksional e të liberalizuar të energjisë. Deri më sot hapja e tregut te energjise ka qënë e papërfillshme. Për më tepër mungesa e reformave po pengon komercializimin e kompanisë më të madhe prodhuese në vend, KESH sh.a, duke e penguar atë të kryejë investime në burime të tjera të prodhimit të energjisë elektrike.

Nga ana tjetër, pavarësisht propagandës qeveritare e dajakut qeveritar mbi qytetarët e bizneset, performanca e Operatorit të Shperndarjes se Energjise Elektrike, OSHEE sh.a., është tejet problematike për shkak të korrupsionit masiv, investimeve të munguara apo të dështuara si dhe nepotizmit rilindas. Gjithashtu, kompanitë më të mëdha, që janë kompanitë shtetërore në pronësi të qeverise, KESH, OST dhe OSHEE, janë të zhytura në një zinxhir borxhesh të ndërsjellta që vazhdon të rritet, e kjo për po të njejtat shkaqe, korrupsionit, paaftësisë dhe mungesës së vullnetit politik për ti zgjidhur ato.

Në tregun e energjisë elektrike nuk ka konkurrueshmeri. Cdo investim, shtetëror apo privat, është i paracaktuar nga Qeveria. Kjo është arsyeja që edhe kontratat e PPP-të, edhe pse të qepura e të ujdisura nga ‘mjeshtrat’ e rilindjes, nuk zbatohen, sepse nuk bien dakord për ndarjen e pjesëve. Klima e biznesit është mbytëse. Korrupsioni gjithashtu. Qeveria i ka vendosur investitoret dhe gjeneruesit privatë, që perbejne pjesë të rëndësishme dhe vitale të sistemit, në vështirësi të medha për shkak të ndryshimit të shpeshtë të kontratave, Kjo gjë ka krijuar pasiguri dhe dekurajon investimet private në sektor.

Aspak me e mire eshte situata ne sektorine Gazit Natyror.

Në 31 Dhjetor 2020, TAP, një prej projekteve energjitike madhore në nivel global që qeveria e PD me sukses e ka sjellë në Shqipëri, njoftoi zyrtarisht fillimin e operacioneve komerciale.

Marreveshja e TAP me Shtetin Shqiptar ka krijuar të gjitha kushtet që Shqipëria të përfitojë nga TAP që prej ditës se parë të fillimit të operacioneve. Por, për shkak të neglizhencës së qeverisë aktuale, ende nuk ka asnjë zhvillim konkret për ndërtimin të paktën të tubacionit të lidhjes së TEC-it Vlorë me TAP e aq me pak për zhvillimin e rrjetit të gazit në vend e në rajon. Nëse TEC Vlora do të ishte operacional, kostua e energjisë elektrike në vend do të ishte sot më e ulët.

Qeveria aktuale nuk ka ditur po ashtu të përfitojë as nga konjuktura shumë e favorshme dhe avantazhet e pozitës gjeografike të vendit tonë, për të tërhequr investime në LNG dhe stacione rigazifikimi, ndërkohë që kjo gjë po bëhet aktualisht nga fqinjët tanë (Mali i Zi dhe Kroacia).

Sektori Minerar vuan gjithashtu nga problematika të theksuara negative, që kushtëzohen nga mungesa e zbatimit të ligjit dhe korrupsioni i administratës. Kuadri rregullator i këtij sektori të rëndësishëm ka pësuar ndryshime të shpeshta, si p.sh. në paketën fiskale me rritje të menjëhershme të taksave, të pamenduara, e të pakonsultuara. Keto problematika kane përkeqësuar ndjeshem klimen e biznesit duke sjellë ulje të investimeve private, vendase dhe të huaja.

Politika e qeverisjes rilindase për këtë sektor ka bllokuar investimet zhvillimore. Rritja e ketyre investimeve do te nxiste prodhimin minerar, rritjen e rezervave minerare, punësimin, dhe të ardhurat e sektorit të cilat janë në nivele shumë të ulta. Sektori gjithashtu vuan ekzistencën e informalitetit sidomos të produkteve që përdoren brenda vendit, të cilat po të merren në konsideratë në raportet zyrtare, do të rrisnin kontributin e këtij sektori me të paktën mbi 20 % të asaj që deklarohet.

Sektori i Naftës është gjithashtu një sektor mjaft i rëndësishëm për ekonominë shqiptare, një pasuri kombëtare e cila vecanërisht këto vite të qeverisjes së majtë, ka vuajtur dhe vazhdon të vuajë korrupsion të lartë, kontrabandë, shpërdorim të pasurisë publike, monopolizim “de facto” te segmenteve të tregut, cmime të larta dhe cilësi të ulët të produktit fundor.

Ky sektor në vitet e fundit është duke vuajtuar një klimë aspak miqësore të biznesit në Shqipëri, një kuadër rregullator konfuz dhe një administratë jo profesionale, të paaftë dhe të korruptuar. Gjithashtu, siguria juridike, si nje faktor shumë i rëndësishëm për investitorët e huaj veçanërisht në këtë sektor, është goditur rëndë vitet e fundit.

Te nderuar Miq,

Ne kemi punuar sebashku me Lulzim Bashen per te formuluar nje plan real, konkret dhe te arrritshem te reformave te thella ne sektorin e energjise.

Ne jemi besimplote qe do ta ndryshojme kete sektor dhe gjithe Shqiperine, per te miren tone te perbashket.

PREZANTIMI I PROGRAMIT PËR ENERGJINË, ENO BOZDO

Shqiperia sot ka nje plan te mirefillte per energjine, kete sektor kaq jetik per ekonomine dhe mireqenien e shqiptareve. Plani qe zt. Basha sapo prezantoi eshte konkret dhe i jep zgjidhje te gjitha problemeve kryesore qe vuan sot sektori. Ky plan i prekshem do te realizohet qe nga dita e pare e punes se qeverise se zt. Basha. Per here te pare pas tete vitesh, nuk do kemi me fjale dhe premtime boshe, por nje plan te detajuar reformash per tu ndermarre.

Plani i z. Basha per energjine ndihmon shqiptaret dhe ekonomine e tyre familjare, mbeshtet fort biznesin per te qene konkurrues, hap vende te reja pune duke mundesuar investime vendase dhe te huaja, aq te domosdoshme per ekonomine tone. Per kete arsye une sot dua ritheksoj me ju disa nga pikat krysore te ketij plani.

Persa i perket sektorit te energjise elektrike, objektivi yne do te jete se pari liberalizimin e sektorit, me fokus cmonopolizimin e tij. Cmonopolizimi i sektorit do te ndermerret sa me pare per t`i dhene frymemarrje hapjes se tregut dhe konkurences se lire, nepermjet:

Liberalizimit të tregut të furnizimit me pakicë – të gjithë klientët e lidhur në tensionin e mesëm do të furnizohen në treg të lirë;

Liberalizimit te tregut me shumicë, krijimi dhe funksionimi i nje burse energjie (APEX), duke terhequr operator ekonomik me reputacion dhe me eksperience ne kete fushe, si dhe krijimin dhe funksionimin e tregut të balancimit dhe shërbimeve ndihmëse, përfshirë opsionet per manaxhimin së kërkesës.

Komercializimi i KESH sh.a. – energjia e prodhuar nga KESH do të përdoret kryesisht për të mbuluar kërkesën në pik me kosto tregu, ku çmimi më i lartë do ta lejoje KESH te zgjeroje portofolin e burimeve gjeneruese te energjise.

Se dyti, nje rregullator i forte dhe reforme strukturale e kompanive publike në sektorin e energjisë elektrike, me qellim mirëadministrimin e tyre, nëpërmjet:

Rritja e pavaresisë së rregullatorit-ERE, fuqizimi i tij me njerëz profesionistë dhe pavaresisë së plotë të politikave financiare të tij, në përputhje me direktivat e BE;

Reforma ne kompanite shteterore te sektorit energjetik do te perqendrohet ne:
Lufte kunder korrupsionit nepermjet transparencës se plote në manaxhimit të fondeve si dhe lufte nepotizmit politik nepermjet vendosjes se manaxherëve me nivel të lartë professional, duke vendosur objektiva te qarte ne administrimin e kompanise,

Në veçanti, reformim thelbesor i OSHEE nëpërmjet:
Implementimit te ndarjes funksionale dhe operative te Operatorit te Sistemit te Shperndarjes nga

Furnizuesi i Sherbimit Universal. Pavaresisht angazhimeve te qeverise kundrejt Komisionit Evropian dhe Sekretariatit te Energjise, nje reforme e tille nuk eshte perfunduar.
Ritjes së investimeve efikase në rrjetin e shpërndarjes – kjo do të sjellë një përmirësim të ndjeshëm në humbjet teknike dhe joteknike të shpërndarjes duke ulur gradualisht peshën që zë kosto e shpërndarjes në tarifën fundore të energjisë elektrike;

Persa i perket sektorit te Gazit Natyror

Sektori i gazit natyror do të konsiderohet një sektor strategjik dhe do të mbështetet me politika qeveritare zhvillimi. Ne kete kuader, objektivat tona qe do te jene ne mbeshtetje te plote te strategjise se BE per pavaresine energjetike dhe nxitjen e energjive te pastra, do te synojne:
Gazifikimi e Shqiperise duke filluar nga gazifikimi i Zonave Industriale;
Ndertimin e te pakten 600 MW kapacitet te impianteve TEC qe furnizohen me gazin natyror;
Ndertimin e projekteve prioritare si ai Magjistrali Jon Adriatik dhe Magjistralin Shqiperi Kosove;
Ndertimin e nje stacioni Rigazifikues Gazi te Lengeshem (LNG) me synimin per ta kthyer Shqiperin ne nje hub te rendesishem te LNG dhe porte hyrese ne Evrope;
Terheqjen e investitoreve te huaj (Kapital dhe Kwon How) ne realizimin dhe perfundimin e ketyre prioriteteve;

Ne sektorin minerar, objektivat strategjike te qeverisjes do te mundesojne:
Nderhyrje drastike per permiresimin e klimes se biznesit ne kete sektor dhe rritje ne vlere prej 150% te Investimeve te Huaja Direkte, nepermjet:
ofrimit me “gare” te objekteve minerare sipas konceptit te planifikimit te territorit duke shmangur klientelizmin, monopolin, rritur transparencen, dhe ofruar informacionin e plote gjeologjik,
ofrimit te zonave te hapura sipas parimit “I pari ne kohe, i pari ne te drejta” per veprimtarite e kerkim zbulimit, duke shmangur subjektivizmin dhe nxitur pjesemarrjen per rivleresim te burimeve egzistuese
Dyfishim te kontributit ne PBB te sektorit minerar duke orientuar biznesin drejt:
shfrytezimit te burimeve minerale, per rritje te prodhimit të mineraleve tradicionale dhe diversifikimit te produkteve minerare, bazuar ne projektet e reja ne: nikel, krom, baker, bitum e rera bituminoze
promovimit dhe zgjerimit te gamës së mineraleve qe mund te futen ne qarkullim ekonomik si titan-magnetiteve-vanad-mbajtës, mineraleve te rralle, platinit, plumb-zinkun (bazaltet, fosforitet, anhidritet, olivinitet, xhamit vullkanik, baritit, albitofireve, talkut, gureve dekorative), etj;
Ne sektorin e naftës.

Siguria juridike, faktor shume i rendesishem per investitoret e huaj vecanerisht ne sektorin e naftes, kerkon domosdoshmerisht nje koherence midis ligjeve dhe institucioneve qe kjo industri administrohet. Legjislacioni ekzistues shqiptar ka nje amulli ne kete drejtim. Ligji i Sektorit te Naftes dhe Ligji Fiskal si dhe aktet e tyre nenligjore kane shume mbivendosje dhe kundershti midis njeri tjetrit, Kjo amulli do te qartesohet ne kuadrin ligjor, nenligjor dhe te procedurave administrative te institucioneve te ndryshme. Reforma do te perqendrohet:

Siguri juridike dhe nje sistem fiskal mikprites per investitoret e huaj, nje administrate profesionale dhe e pergjegjeshme per zhvillimin normal afatgjate te aktivitetit te kerkim-prodhimit te hidrokarbureve ndaj ndryshimeve ligjore qe ndikojne ne kete aktivitet.

Permiresimi i imazhit te Shqiperise si nje vend mikprites per investimet ne sektorin e kerkim-prodhimit te hidrokarbureve dhe mbeshtetje per investitoret qe kerkojne te investojne ne aktivitetin e kerkim-prodhimit te hidrokarbureve;
Reformim i kuadrit ligjor qe mbulon aktivitetin e kerkim-prodhimit te hidrokarbureve, duke synuar eliminimin e kostove shtese te panevojshme, pershpejtimin e procedurave gjate zhvillimit te aktivitetit dhe mbeshtetjen me masa lehtesuese ne kohe krizash. Gjithashtu reformim i organizimit insitucional dhe rregullator qe monitoron aktivitetin e kerkim-prodhimit te hidrokarbureve;
Percaktimi i nje politike te qarte dhe te sakte per furnizimin e tregut vendas me nafte bruto te prodhuar ne vend;

Te dashur Miq,

Pas tete viteve te qeverisjes se Rames, te gjithe jane te bindur qe deshtimi i tij eshte perfundimtar. Ai duhet dhe do te largohet. Por edhe pse ky eshte hapi i duhur, ne kemi nevoje per nje lidership te vertete, per reforma te verteta dhe angazhime konkrete.

Dhe e vetmja rruge per te sheruar dhe shendoshur sektorin e energjse, apo ekonomine, shendetesine dhe arsimin, si dhe te gjithe sektoret e tjere jetike te vendit, jane planet e detajuar sot e ditet me pare nga Lulzim Basha.

Une jam besimplote qe sebashku dhe me Lulzim Bashen,
ne do t`ia dalim
Faleminderit

•             Ne do të ulim faturën e energjisë elektrike për 70% të familjeve shqiptare duke ngritur një sistem faturimi me dy fasha dhe duke ulur çmimin e energjisë për ata që konsumojnë deri në 300 kv/orë në muaj.

•             Ne do të liberalizojmë tregun e energjisë elektrike, duke u dhënë konsumatorëve mundësinë të zgjedhin vetë se te cili operator do ta blejnë energjinë. Në funksion të kësaj, angazhimi ynë kyç është ngritja e bursës së energjisë.

•             Biznesi do te furnizohet më lirë dhe më mirë, duke rritur kështu konkurrueshmërinë e tij dhe mundësitë për të gjeneruar punësim.

•             Ne do te zhdukim nga qarkullimi gjeneratorët, sepse është skandal për ekonominë shqiptare që në vitin 2021, nga vetë të dhënat e Bankës Botërore, gati gjysma e bizneseve deklarojnë se përdorin gjeneratorin për furnizim.

•             Unë angazhohem për bashkimin e tregjeve të energjisë me Kosovën duke kombinuar prodhimin nga TEC-et në Kosovë për energji elektrike bazë ndërsa ajo e prodhuar në Shqipëri do të përdoret për të mbuluar kërkesën në kohën e pikut.

•             Do të marrin fund ditët e nëpërkëmbjes dhe pagesave korruptive që i kërkohen investitorëve dhe sipërmarrjes nga kjo administratë.

•             Ne do të ulim çmimin dhe do të rrisim cilësinë e karburantit për qytetarët, përmes politikave fiskale, ku veçoj heqjen e taksës Rama prej 240 lekë për litër karburanti dhe duke hapur tregun e duke zhbërë dhe çmontuar monopolet që ekzistojnë sot.

•             Ne do të nxisim fuqishëm prodhimin e energjisë nga burime të gjelbërta dhe të pastra me fokusi energjinë hidrike dhe atë të erës. Do të nxisim ndërtimin e kapaciteteve të reja të mëdha si energji të pastër në bazë, ndërsa rezervat hidrike të KESH do t`i përdorim për energjinë e balancimit apo energjinë në pik.

•             Ne do të lidhim gazsjellësin TAP me TEC-in e Vlorës, do të gazifikojmë zonat industriale dhe do të aplikojmë projektin e magjistralit Jon-Adriatik, duke siguruar një lidhje me magjistralin e gazit me Kosovën.

•             Menjëherë pas zgjedhjeve, unë do të përqendroj të gjithë fuqinë e shtetit në dy detyra të tjera kryesore: zgjidhja e problemeve të përmbytjeve të qyteteve tona dhe përfundimin me shpejtësi i riparimit dhe rehabilitimit të të gjitha dëmeve të tërmetit.

•             Ne kemi marrë angazhimin e institucioneve prestigjioze që kanë punuar krah për krah me NATO-n dhe Bashkimin Europian për një zgjidhje reale dhe të qëndrueshme të problemit të përmbytjeve në veçanti dhe erozionit dhe ndotjes në tërësi.

PREZANTIMI I PROGRAMIT PËR ENERGJINË, KRYETARI I PD, LULZIM BASHA

I dashur prind dhe kryefamiljar,

Kur e ke pyetur veten për të fundit herë: pse më vjen kaq e shtrenjtë fatura e dritave?

Jam i sigurt që kjo pyetje ju mundon çdo muaj. Kjo pyetje mundon shumicën e familjeve shqiptare. Dhe a e dini pse?

Sepse çmimi energjisë elektrike në Shqipëri është shumë i lartë.

Po pyetjen “pse janë në gjendje kaq të keqe rrugët e Shqipërisë” kur e ke bërë për herë të fundit? Pse qytetet tona përmbyten çdo dimër? Pse ca reshje bore të paralajmëruara paralizojnë të gjithë akset tona kombëtare?

Jam i sigurtë që të gjithë e dimë përgjigjen.

Të gjithë tashmë e dinë se Shqipëria ka ngecur në vendnumëro me Ramën këto 8 vite, ndaj nuk kemi përparim në asnjë drejtim: as në ekonomi, as në shëndetësi, as në turizëm, dhe as në integrim.

Shqipëria nuk mund të mbetet edhe 4 vite të tjera në vendnumëro me Ramën. Ka ardhur koha të ndryshojmë, sepse ata që e lanë këtë vend në baltë nuk mund ta çojnë atë drejt suksesit.

Gjatë 8 viteve të dështimit të Ramës, na thanë se çmimi i energjisë nuk mund të ulet.

Por ja që është e mundur! Dhe kjo varet vetëm prej nesh. Nëse duam ndryshim, duhet të heqim qafe Ramën dhe të ulim çmimet.

Ndaj kemi punuar prej muajsh mbi një plan pune efikas, që do të çojë në uljen e çmimit të energjisë dhe do të përmirësojë gjendjen ekonomike në Shqipëri.

Sot jam i lumtur t’ju prezantoj disa nga pikat kryesore të këtij plani. Ta fillojmë me energjinë. Thelbi është të krijojmë konkurrencë, e cila do të sjellë uljen e çmimeve.

Edhe për këtë plan ne i qëndrojmë parimit: nëse nuk do ta zbatojmë, nuk do të kërkojmë një mandat tjetër.

Ja edhe pikat kryesore të planit tonë Shqipëria Fiton Energjinë:

Ne do të ulim faturën e energjisë elektrike për 70% të familjeve shqiptare duke ngritur një sistem faturimi me dy fasha dhe duke ulur çmimin e energjisë për ata që konsumojnë deri në 300 kv/orë në muaj.

Ne do të LIBERALIZOJMË tregun e energjisë elektrike, duke u dhënë konsumatorëve MUNDËSINË të zgjedhin vetë se te cili operator do ta blejnë energjinë.

Në funksion të kësaj, angazhimi ynë kyç është ngritja e bursës së energjisë.

Biznesi do te furnizohet më lirë dhe më mirë, duke rritur kështu konkurrueshmërinë e tij dhe mundlësitë për të gjeneruar punësim.

Ne do te zhdukim nga qarkullimi gjeneratorët, sepse është skandal për ekonominë shqiptare që në vitin 2021, siç e degjuam edhe nga vetë të dhënat e Bankës Botërore, gati gjysma e bizneseve deklarojnë se përdorin gjeneratorin për furnizim.

Investimet në rrjetin e shpërdarjes do të shkojnë atje ku duhet, dhe jo ne xhepat e administratoreve të korruptuar. Kompanitë publike do t`i kthejmë në ekonomikisht të qëndrueshme, me fokus kryesor mirëadministrimi i OSHE-së.

Unë angazhohem për bashkimin e tregjeve të energjisë me Kosovën duke kombinuar prodhimin nga TEC-et në Kosovë për energji eletrike bazë ndërsa ajo e prodhuar në Shqipëri do të përdoret për të mbuluar kërkesën në kohën e pikut.

Do të marrin fund ditët e nëpërkëmbëmjes dhe pagesave korruptive që i kërkohen investitorëve dhe sipërmarrjes nga kjo administratë.

Ne do të ulim çmimin dhe do të rrisim cilësinë e karburantit për qytetarët, përmes politikave fiskale, ku veçoj heqjen e taksës Rama prej 240 lekë për litër karburanti dhe duke hapur tregun e duke zhbërë dhe çmontuar monopolet që ekzistojnë sot.

Jo vetëm që do të kurseni para, po edhe Shqipëria do të jetë më e gjelbër, më e shëndetshme dhe më e pastër.

Ne do të rrisim sigurinë e furnizimit me energji në vend, përmes investimeve në burime energjie të gjelbra e të pastra: Shqipëria do të përfitojë nga pozicioni i saj i shkëlqyer gjeografik, duke u kthyer në një qendër për furnizimin e mbarë Ballkanit, po edhe më përtej, me gaz natyror, i cili është më i pastër, më i pakushtueshëm dhe do të forcojë ekonominë tonë.

Ne do të nxisim fuqishëm prodhimin e energjisë nga burime të gjelbërta dhe të pastra me fokusi energjinë hidrike dhe atë të erës. Do të nxisim ndërtimin e kapaciteteve të reja të mëdha si energji të pastër në bazë, ndërsa rezervat hidrike të KESH do t`i përdorim për energjinë e balancimit apo energjinë në pik.

Përparësi reformave tona në këtë sektor do të jetë lufta pa kompromis ndaj korrupsionit, evazionit dhe kontrabandës që sot ka kapur sektorin. Ky fenomen, sot po rrënon pasurinë kombëtare dhe po dëmton rëndë konsumatorët.

Ne do të zhdukim monopolet dominuese në tregun hidrokarbur, si dhe do të forcojmë luftën ndaj evazionit fiskal e do të mundësojmë dyfishimin e investimeve private në sektorin e naftës, i cili vitet e fundit po vuan rënien e ndjeshme të këtyre investimeve për kërkim-zbulim-prodhimin e naftës.

Kontrolli i rreptë i cilësisë së karburanteve do të jetë një tjetër prioritet absolut dhe angazhim i qeverisë tonë. Cilësia e karburantit për përdorim industrial apo familjar do të arrijë standardin europian brenda 180 ditëve të para të qeverisjes sonë. Ky është angazhimi që marrim përpara jush sot.

Ne do të lidhim gazsjellësin TAP me TEC-in e Vlorës, do të gazifikojmë zonat industriale dhe do të aplikojmë projektin e magjistralit Jon-Adriatik, duke siguruar një lidhje me magjistralin e gazit me Kosovën.

Në sektorin minerar, ne angazhohemi për të rritur 150% Investimet e Huaja Direkte dhe do të dyfishojmë kontributin e këtij sektori në ekonomi. Kjo do sjellë punësimin direkt dhe indirekt për mijëra shqiptarë, në veçanti në zonat malore dhe të varfëra. Kjo do të arrihet përmes përmirësimit të ndjeshëm të klimës së biznesit në vend, qartësisë së lidheve dhe rregullave, luftës kundër korrupsionit dhe shmangies së mbivendosjeve së kompetencave të agjencive të ndryshme qeveritare. Ne do ta çlirojmë sektorin minerar nga korrupsioni i administratës dhe do t’i japim fund përdorimit të pasurive kombëtare pa taksa dhe në mënyrë të pandershme.

Ne jemi gati të shqyrtojmë në bashkepunim me shoqatat e minatorëve, çdo përfitim të veçantë për minatorët, për sakrificat që ata bëjnë dhe që shoqëria ua ka borxh, përfshirë ketu përfitimet sipas një statusi dinjitoz për punë të vështirë si dhe për t’u lehtësuar sadopak pleqërinë me pensione po ashtu dinjitoze.

Menjëherë pas zgjedhjeve, unë do të përqendroj të gjithë fuqinë e shtetit në dy detyra të tjera kryesore: zgjidhja e problemeve të përmbytjeve të qyteteve tona dhe përfundimin me shpejtësi i riparimit dhe rehabilitimit të të gjitha dëmeve të tërmetit.

Nuk është aspak për t’u habitur që Rama nuk bëri asgjë për këto dy çështje jetike.

Ndërkohë akoma pa ardhur në qeverisje, ne kemi marrë angazhimin e institucioneve prestigjioze që kanë punuar krah për krah me NATO-n dhe Bashkimin Europian për një zgjidhje reale dhe të qëndrueshme të problemit të përmbytjeve në veçanti dhe erozionit dhe ndotjes në tërësi.

Të dashur bashkëqytetar, të gjitha këto mund dhe do të arrihen duke larguar Ramën dhe duke i dhënë fund transferimit kolosal të parave tuaja, të parave publike që ai j’ua çuar dhe vazhdon t’ua çojë miqve të tij. Ne do të garantojmë që këto para të shkojnë atje ku ju keni nevojë.

Të dashur qytetarë shqiptarë,

Ndryshimi është i mundur. Ne mund dhe do ta arrijmë atë.

Kjo varet e gjitha nga ne. Bashkë do të sjellim ndryshim dhe do ta bëjmë një vend tonë më të mirë për të jetuar për të gjithë shqiptarët.

Ju falemnderit!

·         Basha prezanton programin e biznesit dhe anti-korrupsionit: Objektivi ynë është ta fusim Shqipërinë mes 30 vendeve më të mira për të bërë biznes.

·         Ne do të vendosim një moratorium 1 vjeçar, gjatë të cilit do të ndalohen gjobat nga organet lokale apo qendrore për bizneset dhe do të reformohet tërësisht sistemi i inspektimit.

·         Ne do ta ulim dhe do ta kufizojmë me ligj edhe numrin e inspektimeve dhe kontrolleve ndaj bizneseve. Gjatë një viti nuk do të bëhen më shumë se 10% inspektime apo kontrolle te bizneseve.

·         Ne do të ulim në mënyrë drastike numrin aktual të gjithë licencave dhe lejeve që jepen sot nga shteti. Do të përgjysmojmë afatet ligjore për çdo leje që kërkon vendimmarrje shtetërore, nga 60 ditë për lejet mjedisore të tipit A në vetëm 30 ditë.

·         Do të luftojmë për një ekonomi tregu ku nuk sundon monopoli apo oligopoli. Ne do të fokusohemi jo vetëm në biznesin e madh  por edhe tek biznesi i vogël dhe i mesëm që është motori i ekonomisë shqiptare.

·         Ne besojmë tek shtresa e mesme dhe jemi të bindur që ajo është shtylla e zhvillimit ekonomik por edhe e stabilitetit demokratik. Qeverisja e vogël dhe efektive do të jetë në qendër të vëmendjes sonë.

·         Një Shqipëri që Fiton është ajo ku të gjithë qytetarët janë të barabartë përpara Ligjit njësoj siç janë përpara Zotit. Çdo vendim i qeverisë do të jetë transparent. Unë do të publikoj në 100 ditët e para të punës normën e taksave për 4 vite, duke ofruar parashikueshmërinë fiskale.

·         Do të eliminojmë çdo interpretim ligjesh nga zyrtarët e ministrat duke mbledhur legjislacionin fiskal në një Kod Tatimor të vetëm. Do të eliminoj çdo përjashtim nga ligjet, që sot janë bërë rregull.

·         Unë angazhohem të ngre Bordin e Transparencës Fiskale, i pavarur nga qeveria, me emërim nga Parlamenti, që do të monitorojë zbatimin e të gjitha politikave fiskale.

·         Angazhohem të krijoj mjedisin më favorizues për mbështetjen e biznesin duke eleminuar koston e korrupsionit dhe duke krijuar një sistem të thjeshtë taksash me një nivel, ku në qendër është individi dhe familja dhe shteti ka një rol dytësor.

·         Asnjë kontroll tatimor për biznesin e vogël që demonstron pullën fiskale dhe asnjë zyrtar shteti ne dyer te bizneseve. Nuk do të lejoj asnjë operator off-shore në tendera, gara dhe koncesione.

·         Me një institucion të besueshëm ndërkombëtar do të kalohet në lupë çdo koncesion dhe PPP i dhënë duke përfshirë në një hetim të imtësishëm çdo kontratë të dhënë këto vite. Nuk do të ketë asnjë gare publike me një operator me qëllim që të rrisim konkurrencën në treg.

·         Nuk do të ketë asnjë kontratë të re publike për ato kompani që nuk kanë përfunduar 70% të punës në kontratat ekzistuese, me qëllim të zgjerojmë numrin e kompanive dhe të rrisim konkurrencën.

·         Unë angazhohem në ngritjen e menjëhershme të Agjencisë Kundër Korrupsionit, e cila do të koordinoje përpjekjet tona për të luftuar korrupsionin në çdo qelizë, duke përgatitur dhe dosjet korruptive.

·         Zbatimi i Ligjit Anti-mafia dhe parimeve të tij edhe për aferat korruptive duke zbatuar të njëjtat parime edhe për asetet që janë vendosur nga praktika korruptive.

·         Vendosjen e detyrueshme të kontrollit për çdo kontrate publike koncesionare edhe nga Zyra e Auditit të Brendshëm përveç kontrollit që ushtron institucioni i Kontrollit të Lartë të Shtetit.

·         Angazhohem për të ngritur një sistem që vendos ne qendër individin dhe, familjen, qe ngre pagat dhe rrit pensionet, një sistem që motivon të drejtën, një sistem ku unë si kryeministër nuk do të kem pushtet të pakufizuar, por do të ketë institucione dhe mekanizma që kontrollojnë dhe monitorojnë!

·         Për të gjithë ata që pyesin ku do të gjenden paratë: paratë do të gjenden në buxhetin e shtetit, ku përmes këtyre masave çdo vit shqiptarëve do t’u kursehen kosto të tilla si ajo prej 7,2 miliard euro e korrupsionit në këto 8 vit.

PREZANTIMI I PROGRAMIT PËR BIZNESIN DHE ANTI-KORRUPSIONIN NGA KRYETARI I PD, LULZIM BASHA

Kam kënaqësinë që në këtë prezantim, e hap një nga pedagoget e njohura të Fakultetit të Ekonomisë. Të tillë janë shumica e të pranishmëve në këtë sallë sipas masave anti-COVID dhe qindra të tjerë që na janë bashkëngjitur përmes lidhjes zoom apo aplikacioneve të tjera, ekspert nga më të mirët që ka Shqipëria, disa ekspert të huaj që na kanë ndihmuar po kështu, të cilët dua t’i falënderojë nga zemra për punën e jashtëzakonshme që kanë zhvilluar pothuajse për një vit e gjysmë.

Të dashur qytetarë shqiptarë!

Kemi javë që prezantojmë planet e punës që kemi hartuar pas diskutimesh dhe debatesh, me specialistët, ekspert, grupe të interesit. Janë plane pune, të mirë menduara, të studiuara. Nuk janë premtime boshe.

Janë përgatitur deri në detaje dhe janë gati të zbatohen menjëherë pasi të fitojmë zgjedhjet.

Një kryeministër që nuk i mban angazhimet e tij para qytetarëve nuk ka të drejtën të kërkojë një mandat tjetër.

Ky është angazhimi im ndaj jush.

Në vijim të shpalosjes së programit tonë Shqipëria Fiton, sot kam kënaqësinë t’ju prezantoj disa nga detajet e planeve tona për të nxitur dhe përmirësuar klimën e biznesit në Shqipëri si edhe planin për të luftuar korrupsioni.

Të dyja këto janë të lidhura ngushtë me njëra-tjetrën.

Problemi me kryeministrin në ikje dhe qeverinë e tij, është se ata kanë dështuar në çdo fushë për 8 vite me radhë.

Problemi është se kryeministri në ikje dhe qeveria e tij janë të korruptuar, se për 8 vite janë kujdesur vetëm për veten e tyre dhe një grusht miqsh.

Kryeministri në ikje dhe ministrat e tij shumëfishuan pasurinë e tyre në vitet e fundit, ndërkohë që ekonomia jonë është shkatërruar, ndërkohë që qytetarët shqiptarë janë varfëruar.

Prandaj, për ta kthyer Shqipërinë në rrugën e zhvillimit dhe suksesit, për një ekonomi të fortë, për një vend ku ia vlen të bësh biznes, më së pari duhet të luftojmë korrupsionin.

Dhe këto janë hapat kryesore:

–              Të largojmë Ramën.

–              Të godasim korrupsionin jo me fushata por në mënyrë sistematike.

–              Dhe ta kthejmë Shqipërinë në një vend zhvillimi dhe suksesi për të gjithë.

Pas 8 viteve dështimi të Ramës, unë jam i vetëdijshëm se kjo nuk do të jetë e lehtë, por ne do ta bëjmë, së bashku!

Siç u tha dhe pak më parë, Shqipëria renditet e 82-ta në botë mes 190 vendesh, sipas raportit Doing Business 2020. Një vend ky mjaft i ulët krahasuar me 4 vende të rajonit:

ku Maqedonia e Veriut është e 17-a, Serbia e 44-ta, Mali i Zi i 50-i dhe Kosova e 57-a.

Objektivi ynë është ta fusim Shqipërinë mes 30 vendeve më të mira për raportin “Doing Business”.

Ky është objektivi ynë kombëtar.

Dhe për ta përmbushur këtë, ne do të ndërmarrim hapat e mëtejshëm:

Sot biznesi shqiptar humb shumë kohë, energji, nerva me kontrolle dhe inspektime. Për më tepër,  kontrollet dhe inspektimet nga organet qendrore dhe lokale, janë ndër faktorët kryesorë që mbajnë gjallë dhe rëndojnë faturën korrupsionin. Sot bizneset shpenzojnë ditë të vlefshme pune për këto kontrolle dhe inspektime.

Ne do ta ndryshojmë këtë!

Ne do të vendosim një moratorium 12 muajsh, pra 1 vit të tërë, gjatë të cilit do të ndalohen gjobat nga organet lokale apo qendrore për bizneset dhe do të reformohet tërësisht sistemi i inspektimit.

Ne do ta ulim dhe do ta kufizojmë me ligj edhe numrin e inspektimeve dhe kontrolleve ndaj bizneseve.

Gjatë një viti nuk do të bëhen më shumë se 10% inspektime apo kontrolle te bizneseve. Kjo sipas shembullit dhe praktikave me më të mira europiane.

Ne do të ulim në mënyrë drastike numrin aktual të gjithë licencave dhe lejeve që jepen sot nga shteti.

Për këtë, ne do të aprovojmë me ligj një listë gjithëpërfshirëse të lejeve dhe licensave me qëllimin që asnjë ministër, asnjë zyrtar tjetër i pushtetit qendror opo lokal të mos mund të kërkojë apo të shtojë kërkesa të reja për biznesin.

Unë angazhohem të përgjysmojmë afatet ligjore për çdo leje që kërkon vendimmarrje shtetërore, nga 60 ditë për lejet mjedisore të tipit A në vetëm 30 ditë e kështu me radhë. Duke rritur transparencën, efiçiensën dhe përgjegjshmërinë e institucioneve shtetërore ndaj qytetarëve, duke investuar në digjitalizimin e shërbimeve.

Së dyti, do të luftojmë për një ekonomi tregu ku nuk sundon monopoli apo oligopoli. Partia Demokratike beson se ekonomia e tregut është sistemi i vetëm që mundëson zbatimin e të drejtave themelore të njeriut dhe një ekonomi shkalle dhe prosperitet në vend.

Ne do të fokusohemi jo vetëm në biznesin e madh, që është një faktor i rëndësishëm i ekonomisë, por edhe tek biznesi i vogël dhe i mesëm që është motori i ekonomisë shqiptare.

Tek mbi 100 000 familje të vetëpunësuara në këto biznese që sigurojnë të ardhurat për familjet e tyre në këto sipërmarrje.

Ne besojmë tek shtresa e mesme dhe jemi të bindur që ajo është shtylla e zhvillimit ekonomik por edhe e stabilitetit demokratik të një kombi.

Qeverisja e vogël dhe efektive do të jetë në qendër të vëmendjes sonë. Menaxhues të zotë të taksave të çdo shqiptari për t’i rikthyer atë që meritojnë nga kontributi i tyre në buxhetin e shtetit.

Një Shqipëri që Fiton është ajo ku të gjithë qytetarët janë të barabartë përpara Ligjit njësoj siç janë përpara Zotit.

Prandaj do të zbatojmë praktika të mirënjohura ndërkombëtare, gjyqësore, për të luftuar jo vetëm pandëshkueshmërinë si dhe mungesën e përgjegjësive personale në dëmet që i janë bërë pasurisë publike.

Por siç e përmenda më lart, për t’i përmbushur këto objektiva, ne duhet së pari të godasim në mënyrë sistematike dhe të luftojmë me sukses korrupsionin.

Ndaj për këtë qëllim do të ndërmarrim këto hapa thelbësorë:

1.            Transparenca dhe Mirëmenaxhimi.

–              Çdo vendim i qeverise do jete transparent, dhe çdo databazë shtetërore do te jetë publike. Duke filluar nga garat publike e deri te regjistri i pronës. Transparenca totale dhe digjitalizimi do të bëjë të mundur eleminimin e çdo kontakti të panevojshëm me përfaqësues shtetërorë.

–              Unë do të publikoj në 100 ditët e para të punës normën e taksave për 4 vite, për çdo biznes te huaj e vendas duke ofruar parashikueshmërinë fiskale që gjithë këto vite është shkelur me këmbë dhe ka larguar qindra investitorë dhe mijëra vende pune.

–              Do të eliminoj çdo diskrecion dhe interpretim ligjesh nga zyrtaret e ministrat duke mbledhur legjislacionin fiskal në një Kod Tatimor të vetëm.

–              Do të eliminoj çdo përjashtim nga ligjet, që sot janë bërë rregull dhe e ka çuar korrupsionin në Shqipëri në nivelin e kapjes së shtetit.

–              Unë angazhohem të ngre Bordin e Transparencës Fiskale, një institucion i pavarur nga qeveria, me emërim nga Parlamenti, që do të monitorojë zbatimin e të gjitha politikave fiskale dhe kontrollin e shpenzimeve publike që sot kanë dalë jashtë kontrollit.

2.            Së dyti, beteja për një treg të lirë.

–              Angazhohem të krijoj mjedisin më favorizues për mbështetjen e biznesin duke eleminuar koston e korrupsionit dhe duke krijuar një sistem të thjeshtë taksash me një nivel. Kjo do të jetë baza për një sistem të drejtë, të thjesht ku në qendër është invalidi dhe familja dhe shteti ka një rol dytësor.

–              Asnjë kontroll tatimor për biznesin e vogël që demonstron pullën fiskale dhe asnjë zyrtar shteti ne dyer te bizneseve.

–              Nuk do te lejoj asnjë operator off-shore në tendera, gara dhe koncesione. Duke nisur një betejë për të luftuar jo thjesht korrupsionin përmes këtyre praktikave por edhe luftën ndaj monopolit dhe kontratave abuzive që janë dhënë përmes këtyre skemave.

–              Me një institucion të besueshëm ndërkombëtar do të kalohet në lup çdo koncesion dhe PPP i dhënë duke përfshirë në një hetim të imtësishëm çdo kontratë të dhënë këto vite.

–              Nuk do të ketë asnjë gare publike me një operator me qëllim që të rrisim konkurrencën ne treg.

–              Asnjë kontrate te re publike për ato kompani qe nuk kanë përfunduar 70% të punës në kontratat ekzistuese, me qëllim të zgjerojmë numrin e kompanive dhe të rrisim konkurrencën.

3.            Së treti, sistem anti-korrupsioni si vullnet politik

–              Unë angazhohem në ngritjen e menjëhershme të Agjencisë Kundër Korrupsionit, e cila do të koordinoje përpjekjet tona për të luftuar korrupsionin në çdo qelizë, duke përgatitur dhe dosjet korruptive që do t’u dorëzuar përpara drejtësisë për ato subjekte që janë identifikuar në akte korruptive.

–              Zbatimi i Ligjit Anti-mafia dhe parimeve të tij edhe për aferat korruptive duke zbatuar të njëjtat parime edhe për asetet që janë vendosur nga praktika korruptive.

–              Vendosjen e detyrueshme të kontrollit për çdo kontrate publike koncesionare edhe nga Zyra e Auditit të Brendshëm përveç Kontrollit që ushtron institucioni i Kontrollit të Lartë të Shtetit.

Këto masa kërkojnë vullnet të hekurt, këto masa kërkojnë vullnet politik dhe unë e kam vendosur luftën ndaj korrupsionit në krye të agjendës time dhe angazhohem për të ngritur një sistem që vendos ne qendër individin dhe, familjen, qe ngre pagat dhe rrit pensionet, një sistem që motivon të drejtën, një sistem ku unë si Kryeminsitër nuk do të kem pushtet të pakufizuar, por do të ketë institucione dhe mekanizma që kontrollojnë dhe monitorojnë!

Dhe për të gjithë ata që pyesin ku do të gjenden paratë: paratë do të gjenden në buxhetin e shtetit, ku përmes këtyre masava çdo vit shqiptarëve do t’u kursehen kosto të tilla si ajo prej 7,2 miliard euro e korrupsionit në këto 8 vite. Do të eleminojmë çdo barriere për bizneset, do të krijojnë një treg me konkurrencë të lirë ku nuk ndërhyn shteti, ku barra e shtetit është e papërfillshme, ku parlamenti nuk do miratoje më ligje speciale për miq special të kryeministrit.

Të dashur bashkëqytetarët e mi,

Unë e di që ne mund ta zbatojmë këtë plan, ashtu siç mund të zbatojmë të gjitha planet që kam prezantuar deri tani.

E kemi vetë në dorë dh unë besoj tek fuqia jonë e përvbashkët.

Besoj se së bashku mund të fitojmë dhe se do të fitojmë për të mirën e vendit tonë.

Më 25 prill Rama do të humbë dhe do të fitojë Shqipëria. Ne do të fillojmë menjëherë punën për të sjellë ndryshim e shpresë për të gjithë shqiptarët.

Ju faleminderit shumë!

PREZANTIMI I PROGRAMIT PËR BIZNESIN DHE ANTI-KORRUPSIONIN, AGRON SHEHAJ

Pak kohë më parë, një miku im, sipërmarrës i rëndësishëm italian, po shikonte mundësinë për të transferuar prodhimin jashtë Italisë.

E nxita te vinte ne Shqipëri, dhe e ndihmova të vizitonte Shqipërinë.

Erdhi ne Shqipëri, takoi ministra, takoi investitorë te tjerë te huaj dhe kur u kthye me tha: në Shqipëri ka shume korrupsion dhe nuk konkurron dot ne mënyrë te ndershme.

Miku im vendosi të investonte në Kroaci, pavarësisht se aty ka kosto më të lartë të punës, por në fund i del më lirë dhe më lehtë se në Shqipëri.

Në Shqipëri, suksesi i biznesit varet vetëm nga lidhjet me qeverinë, ministrat dhe oligarkët.

Fatkeqësisht këtu nuk ka rëndësi sa shumë punon, nuk ka rëndësi sa talent ke, nuk ka rëndësi as sa kapital investon. Rëndësi ka sa paguan ministrin, tatimorin apo burokratin. Dhe ata që paguajnë janë klientët e zakonshëm, oligarkët të cilët sot kontrollojnë ekonominë dhe nuk lënë asnjë hapësirë për të tjerët.

Mungesa e mundësive ekonomike është shkaku kryesor i eksodit të shqiptarëve drejt Perëndimit. Emigrimi ka ulur edhe më shumë potencialin tonë për zhvillim ekonomik dhe shoqëror.

Kjo gjendje duhet të ndryshoje urgjentisht dhe Partia Demokratike dhe Lulëzim Basha do ta ndryshojnë.

Ne do ta bëjmë Shqipërinë një vend ku prosperon sipërmarrja e lirë dhe investimet e huaja.

Ne do të luftojmë korrupsionin, do të rrisim lirinë e tregut dhe do të heqim pengesat e të bërit biznes.

Qëllimi ynë është që Shqipëria të jetë mes 30 vendeve të para në botë për lehtësinë e të bërit biznes.

Ne kemi një plan konkret për këtë qëllim.

— Ne do të vendosim taksen e sheshte 9% që do të stimulojë investimet e brendshme dhe te huaja.

— Ne do të transformojmë administratën tatimore për të garantuar trajtim te drejtë dhe të barabarte të bizneseve.

— Ne do të zbatojmë me rreptësi rimbursimin automatik të TVSH-së, duke ju dhënë fund pengesave dh favorizimeve.

— Ne do të ulim numrin e lejeve, licencave dhe autorizimeve, duke lehtësuar biznesin dhe duke luftuar korrupsionin.

— Ne do të digjitalizojmë qeverisjen dhe do t’i kalojmë online të gjithë procedurat e biznesit.

Dëshiroj t’i shpreh mirënjohjen ekipit që ka punuar mbi këtë program si dhe Lulëzim Bashës për vizionin dhe mbështetjen që ka dhënë në hartimin e planit.

Së bashku, me programin ekonomik dhe programin kundër korrupsionit, ky plan do të sigurojë transformimin total të ekonomisë dhe futjen e saj në rrugën e zhvillimit të shpejtë.

Në Shqipëri ka mundësi të mëdha për biznes, jo vetëm për shkak të burimeve të jashtëzakonshëm natyrore dhe të popullsisë të etur për punë, por edhe për shkak të zhvillimeve ndërkombëtare.

Kriza e COVID-it po detyron shumë kompani të mëdha perëndimore që të rivendosin prodhimin dhe bizneset e tyre nga Azia në Europë. Kjo është një mundësi për Shqipërinë, për t’u rifutur në hartën e vendeve ku kompanitë e mëdha ndërkombëtare investojnë.

Më 25 prill shqiptarët do të votojnë për ata që krijojnë me shume mundësi biznesi për sipërmarrjen e lirë dhe për me shume punësim.

Më 25 prill Shqipëria do të fitojë biznesin.

Më 25 prill do të fitoj Shqipëria.

PREZANTIMI I PROGRAMIT PËR BIZNESIN DHE ANTI-KORRUPSIONIN, MATEO SPAHO

Të nderuar miq,

Jam krenar dhe ka shumë arsye për të qenë krenar që jam këtu me ju sot.

Ne e dëgjuam bashkë Lulzim Bashën! Tani është e qartë dhe për të gjithë qytetarët shqiptarë se Shqipëria e ka një plan më në fund. Është plani i Lulzim Bashës, plani PD-së dhe ky plan synon të sjell një transformim të madh në çdo fushë të jetës në vendin tonë.

Nuk janë premtime të kota, nuk janë utopi që nuk do të realizohen kurrë, por aksione, janë veprime konkrete te sqaruara ne hapa te njëpasnjëshme qe do ta çlirojnë Shqipërinë ne mënyre progresive nga kapja qe i është bërë nga korrupsioni, krimi dhe oligarkia nën regjinë e Rilindjes.

Ky është një plan që do të drejtohet dhe do të vihet në zbatim nga Basha dhe qeveria e tij duke filluar nga data 25 Prillit.

Me lejoni te citoj shkurtimisht disa nga pikat kryesore të planit:

– Rritja e transparencës së veprimtarisë së qeverisë. Nuk do ketë më tendera sekretë, nuk ka oferta të pa kërkuara, nuk ka rritje të vlerës së tenderave në mënyrë të pambështetur mbi projekte të qarta. Do të bëhet Publikimi i të gjitha tenderave në faqen e internetit te qeverisë.

Njëkohësisht do te krijohet Agjencia speciale qeveritare në bashkëpunim me policinë dhe Ministrinë e Drejtësisë dhe partneret ndërkombëtar për të gjurmuar, ndëshkuar dhe penguar korrupsionin.

Ne do të ndërtojmë platformën Kundër Korrupsionit dhe Oligarkisë, duke hetuar të gjitha kontratat koncensionare. Kjo platformë do ketë për detyre transparencën duke mos lejuar qe PPP-at t’u jepen kompanive me seli në parajsa fiskale ku nuk dihet as emri i pronareve të tyre.

Për 8 vite ne kemi pare si Shqipëria ka dështuar të fitoje sfidat e zhvillimit ekonomik dhe ka falimentuar në ndëshkimin e së keqes qe po e mpak dhe po e gërryen atë.

Por ndryshimi nuk është vetëm i mundur – Ndryshimi është i domosdoshëm!

Dhe kjo varet vetëm nga ne.

Krimi i organizuar mund të mposhtet e të shkatërrohet.

Jo me fjale, por me akte konkrete. Ne do ta bëjmë Shqipërinë një vend të frytshëm për të bërë biznes, ku do të krijohen gjitha mundësitë ku qytetarët shqiptar do të jetojnë me dinjitet pa bërë kompromise me krimin dhe korrupsionin.

Miqtë e mi!

Bashkë me Lulëzim Bashën do ta mundësojmë këtë ndryshim. Qeverisja e re e drejtuar nga Basha është mundësia qe i jepet Shqipërisë për të dale nga kriza e vlerave dhe nga kriza e ekonomisë.

Vetëm kështu, Shqipëria fiton!

PREZANTIMI I PROGRAMIT PËR BIZNESIN DHE ANTI-KORRUPSIONIN, OGERTA ELEZI

ËshElezi të e qartë për të gjithë! Për 8 vite, Rami i braktis shqiptarët!

Rama ka rrënuar ekonominë, ka rritur koston e jetesës, ka shtuar papunësinë. Rama ka shkatërruar vendin dhe na ka shuar shpresat.

Por më shumë se gjithçka tjetër, ai ka rrënuar bizneset shqiptare dhe ka vjedhur Shqipërinë.

Një Shqipëri pa biznes, pa investime të huaja dhe e zhytur në korrupsion, është një Shqipëri në të cilën sot është e pamundur të jetosh.

Raporti më prestigjioz i Bankës Botërore në nivel global “Doing Business” vazhdon të konfirmojë plagët e thella që ka hapur kjo qeveri prej vitesh në fushën e biznesit dhe sipërmarrjes. Ne raportin e publikuar për vitin 2020 vendi ynë renditet i 82-ti ndër 190 ekonomi të botës .Ndër 24 vendet e renditura të rajonit të Evropës dhe Azisë Qendrore, Shqipëria është e 20-ta për sa i përket renditjes së saj dhe shumë më poshtë se mesatarja rajonale.

Përkeqësimin më të madh e shënoi në mbrojtjen e investimeve, ne sot renditemi në vendin e 111.

Faktet mbeten fakte dhe asnjë forme propagande nuk e fsheh dot të vërteten e hidhur .

Nuk është rastësi qe Raporti i Departamentit Amerikan të Shtetit e rendit Shqipërinë si vendi më i korruptuar në Ballkanin Perëndimor. Ndërkohë që në raportin e fundit të FMN, kritikohet mënyra se si kjo qeveri menaxhon buxhetin e shtetit dhe tenderit publikë. Ku janë dhënë 11 koncesionet të mëdha të gjitha pa garë me oferte të pakërkuar.

Nga ana tjetër KLSH ka raportuar se abuzimet me tenderit publikë nga qeveria i kanë kushtuar shqiptarëve 7.2 mal euro. Zyra e Adutit BE raporton se 1 në 3 tendera sot jepen pa garë.

Ne të gjithë e kemi ndjekur raportin e Global iniciativë ku shkruhet qarte se 36% e kompanive, kanë paguar të paktën një herë ryshfet që është shifra më lartë në rajonin. Kompanitë sipas raportit kanë paguar 30% të vlerës së çdo tenderi duke e çuar vlerën e ryshfetit në 300 milion euro, para të dala nga xhepat tuaj qytetarë.

Te gjithë shqiptarët e kane te qarte dhe mezi po presin për momentin e kthesës së madhe për të shpëtuar vendin dhe të ardhmen tonë europiane.

Është koha për zgjidhje, është koha për angazhime konkrete dhe një qeveri që punon për shqiptarët dhe për ekonominë.
Ndaj, jam sot këtu të mbështes Lulëzim Bashën dhe Partinë Demokratike, sepse besoj se me angazhimin e tij serioz dhe me një program të qartë e konkret Basha mund të sjellë një ndryshimin e madh për vendin tonë.

Unë kam besim tek ju, z. Lulëzim Basha dhe jam e sigurt se ju nuk do të më zhgënjeni mua apo qytetetarët e Shqipërisë.

Bashkë ne do të fitojmë!

Ju faleminderit!