Blog

• “Mjaft u tallët me demokratët”, Gazment Bardhi: Hallet dhe problemet personale secili t’i mbajë në shtëpinë e tij, jo në shtëpinë e demokratëve.

KOMUNIKIMI I PLOTË ME GAZETARËT I SEKRETARIT TË PËRGJITHSHËM GAZMENT BARDHI

Mirëdita të gjithëve!

Jam sot edhe një herë përpara jush për të shprehur shqetësimin e thellë me vijimin e talljes me demokratët dhe me shqiptarët. Ju sot keni qenë dhe jeni bërë besoj pa dëshirën tuaj dëshmitarë se si po vijohet me një proces të talljes dhe të fyerjes të çdo anëtari të Partisë Demokratik. Dua të ripërsëris apelin tim drejtuar cilitdo që gjykon dhe vlerëson se do të duhet të mblidhet, Kuvendi Kombëtar i Partisë Demokratike dhe që pretendon se ka arritur të sigurojë kuorumin e nevojshëm për fillimin e proceduarave për mbledhjen e Kuvendit Kombëtar, të ndjek procedurat sipas statutit të partisë. Sot, në fakt nuk janë fyer vetëm çdo anëtarë i Partisë Demokratike, sot më së shumti është fyer dhe është tallur edhe me atë pakicë që kanë besuar tek lëvizja e zotit Berisha. Edhe se kurë siç në fakt janë të gjitha të dhënat tona të jetë arritur të sigurohet 1/8 apo 1/10 e firmave të anëtarëve të Kuvendit, vullneti i tyre nuk mbyllet dot në kasafortë dhe nuk bëhet shoë me vullnetin e atyre demokratëve.

Edhe zëri i pakicës së pakicës, do të duhet të dëgjohet. Edhe nëse 1/10 e delegatëve të Kuvendit kanë nënshkruar për thirrjen e Kuvendit, zëri i tyre do të duhet të dëgjohet nga institucionet e partisë. Prandaj do të dua sinqerisht edhe një herë të ripërsëris thirrjen time si sekretar i përgjithshëm i Partisë Demokratike që nxirri firmat nga kasaforta, mos bëni shoë me gazetarë që nuk janë në gjendje të verifikojnë jo vetëm nëse janë apo jo nënshkruesit e formularëve anëtarë të Kuvendit Kombëtar, po nuk kanë mundësinë të dinë janë apo nuk janë demokratë, janë apo nuk janë gjallë, apo janë apo nuk janë në territorin e Republikës së Shqipërisë.

Dorëzoni kërkesën në protokollin e Partisë Demokratike, respektoni institucionet e Partisë Demokratike, dhe jepuni mundësinë demokratëve të shprehin në transparencë të plotë vullnetin e tyre të lirë siç kanë bërë në fakt gjatë gjithë këtyre 30 viteve.

Unë dje iu kam shpjeguar procedurën statutore dhe nuk është proces, apo procedurë, janë rregulla se si funksionon një institucion që nuk vepron në ilegalitet. Kjo parti është krenari e demokratëve, ne nuk fshihemi dhe nuk veprojmë në ilegalitet. Është krenari e Shqipërisë e Shqipërisë Partia Demokratike dhe nuk mund të tallet askush as me demokratët, as me Partinë Demokratike.

Rregullat janë të qarta, kërkesa do të duhet të dorëzohet zyrtarisht në protokollin e Partisë Demokratike, do të duhet të mblidhen institucionet për të shqyrtuar kërkesën dhe padyshim do të duhet të dëgjohet zëri i çdo demokrati, qoftë ky edhe zëri i pakicës së pakicës. Dje iu kam bërë një thirrje për t’i verifikuar qëndrimin e para një jave apo 10 ditëve të po themi zërit përfaqësues të kësaj lëvizjeje, i cili kishte shpjeguar në një studio televizive, një javë përpara depozitimit të firmave apo 10 ditë, ekzaktësisht kish thënë atë që thash unë dje.

Dhe ju do duhet t’i drejtoni mikrofonin dhe ta pyesni pse pas një jave ndryshoi mendim? Sepse përgjigjja është e qartë. Në atë datë ku shpjegoheshin siç duhej procedura ishte besimi se do të mblidheshin ¼ e firmave të anëtarëve të kuvendit dhe në skadim të afatit, u provua që nuk u arrit dot të mblidheshin firmat e ¼ së anëtarëve të Kuvendit dhe u shpikën rregulla të reja, u ble një kasafortë dhe u mbyll vullneti i qoftë edhe një pakice shumë të vogël të anëtarëve të Kuvendit Kombëtarë në kasafortë dhe me të po bëhet shoë, tallje dhe po fyhet edhe vullneti i atyre që kanë firmosur sado qoftë numri i tyre dhe kam besuar realisht te kjo procedurë.
Më lejoni, ky është Flamur Noka në datën 29 tetor: (Video)

Flamur Noka: “Momentin që ¼ e delegatëve, e atij numri të deklaruar publikisht dhe të dokumentuar të delegateve depozitohen tek selia qendrore, ka një zyrë që protokollen shkresat, Kryetari, së bashku me Kryesinë, që nuk është mbledhur kurrë, kanë detyrë të operojnë, të thërrasin Kuvendin.”

Kjo është procedura që do të duhet të ndiqet sipas statutit të Partisë Demokratike, sipas rregullave të funksionimit të Partisë Demokratike. Ta dëgjojmë dhe një herë dhe e ftoj të ndjekin ekzaktësisht procedurën jo që ka shpjeguar dje sekretari i Përgjithshëm i Partisë Demokratike, po procedurën që ka thënë në 29 tetor zoti Flamur Noka. Ta ndjekim dhe një herë ju lutem. (Video)

Ju lutem, depozitoni kërkesën në protokollin e Partisë Demokratike.

Jepuni mundësinë institucioneve të Partisë Demokratike të ndjekin procesin dhe tëmble4dhim Kuvendin Kombëtar të Partisë Demokratike. Zyrtarët e Partisë Demokratike, funksionarët e Partisë Demokratike, anëtarët e Kuvendit Kombëtar të Partisë Demokratike janë njerëz të lirë, me vullnet të lirë dhe që kanë vlerësimin dhe mendimin e tyre i cili do të duhet të dëgjohet.

Pyetje: Në një kohë që nuk ka marrëveshje me palët tjetër, pse nuk ngrini një komision?

Gazment Bardhi: Nuk ka palë në Partinë Demokratike. Nuk do të duhet të ketë palë në Partinë Demokratike. Partia Demokratike është një, është e demokratëve, është pronë e demokratëve. Cilido që për një interes momental personal apo për një hall personal synon të përçajë Partinë Demokratike, synon të krijojë palë në Partinë Demokratike, nuk i bën shërbim demokratëve, i bën shërbim regjimit të Edi Ramës. Ne kemi një interes të përbashkët, rrëzimin një orë e më parë të regjimit të Edi Ramës. Ky duhet të jetë fokusi jonë. E kam thënë edhe dje dhe dua ta përsëris. Hallet dhe problemet personale secili t’i mbajë në shtëpinë e tij, jo në shtëpinë e demokratëve. Kjo është shtëpia e demokratëve, nuk është shtëpia e askujt tjetër.

Pyetje: A mund të ngrihet një komision për ta verifikuar këtë?

Gazment Bardhi: Patjetër që do të ndiqet e gjithë procedura, por fillimisht do të duhet të ketë një kërkesë. Në momentin që flasim nuk ka një kërkesë për thirrjen e Kuvendit Kombëtar. E ripërsëris, të ndjekin jo procedurën që thotë Sekretari i Përgjithshëm i partisë, të ndjekim procedurën që ka deklaruar në datën 29 tetor zoti Flamur Noka. Në 29 tetor PD-ja kishte një zyrë protokolli ku dorëzoheshin kërkesa, kishte Kryesi, kishte kryetar, kishte sekretariat partie, kishte Këshill Kombëtar, sot ka vetëm kasafortë. Jo, nuk është kështu. Kasafortë mund të ketë kushdo për çështje të tij personale, mund të blejë kasafortë për çështje të tij personale. Partia Demokratike nuk është kasafortë, as bunker. Partia është institucion, e përsëris është krenari e demokratëve Partia Demokratike, është krenari e Shqipërisë Partia Demokratike. Nuk jemi celulë ilegale ne, jemi strukturë që veprojmë në përputhje me Kushtetutën e Shqipërisë, në përputhje me legjislacionin shqiptar, në përputhje me rregullat e miratuara nga organet statutore të Partisë Demokratike. Nëse dikush ka vendosur të veprojë si celulë apo si strukturë ilegale është i lirë ta bëjë. Por këtë nuk mund ta bëjë në emër të demokratëve, nuk mund ta bëjë në emër të Partisë Demokratike. Është në lirinë e tij të veprojë padiskutim. Në ilegalitet, por jo në emër të demokratëve, jo në emër të Partisë Demokratike.

Pyetje: Kur është mbledhur kryesia e Partisë Demokratike për t’i propozuar LSI-së listën e përbashkët? Në cilën ditë dhe në cilën orë?

Gazment Bardhi: Nuk është mbledhur sepse nuk ka patur një dakordësi nga kryetarja e Lëvizjes Socialiste për Integrim dhe Lëvizja Socialiste për Integrim për të patur mundësi që t’i propozoheshe kryesisë së partisë hyrja me një listë të përbashkët. Qëndrimi konstant edhe publik i Lëvizjes Socialiste për Integrim ka qenë që do të duhet të dilnim në dy lista të veçanta pavarësisht qëndrimit tonë se aksioni opozitar apo vullneti opozitar të maksimizohej. Nëse do të përfshiheshim në një listë qëndrimi dhe vlerësimi krejt normal i Lëvizjes Socialiste për Integrim sipas vlerësimeve të tyre ishte që ata do të maksimizonin votën duke hyrë në dy lista të veçanta. Besoj i kujtoni deklaratat publike të zonjës Kryemadhi që me ndryshimet e njëanshme të kodit dhe të Kushtetutës nga Edi Rama përfitonte Lëvizja Socialiste për Integrim sepse nga 19 mandate që kishte marrë në 2017 do të arrinte të merrte nëse s’gaboj ka thënë më shumë se 40 mandate me ndryshimet e njëanshme që kishte bërë Edi Rama në Kodin Zgjedhor dhe në Kushtetutën e Republikës së Shqipërisë. Ku besoj në fakt biem dakord të gjithë që ato ndryshime të njëanshme dhe ai veprim akti i paprecedent i regjimit i Edi Ramës ishte një dhunim flagrant jo vetëm i mundësisë që e gjithë opozita të garonte sipas rregullave të njohura paraprakisht, por ishte edhe një nga shkaqet që nuk u përkthye në mandate i gjithë vullneti i popullit opozitar.

Pyetje: Pas deklaratave të mbrëmshme, doni t’i ktheni një përgjigje Elona Gurit?

Gazment Bardhi: Nuk e njoh fare kush është zonja. Unë kam dhënë me dhjetëra konferenca për shtyp. Ju jeni dëshmitarë, konferencat e mia janë publike, ato që u fshehën dhe nuk erdhën një ditë në qarkun e Elbasanit edhe pse drejtuan qarkun e Elbasanit, janë arsyeja e vetme se Lëvizja Socialiste për Integrim nuk arriti dot të merrte asnjë mandat për fat të keq në qarkun e Elbasanit. Besoj ju e dini që Lëvizja Socialiste për Integrim nuk ka zhvilluar fushatë në qarkun e Elbasanit.

Pyetje: Zoti Bardhi, cila është marrëdhënia e Partisë Demokratike me Lëvizjen Socialiste për Integrim?

Gazment Bardhi: Nuk kam dal sot këtu për të vlerësuar marrëdhënien me Lëvizjen socialiste për Integrim. Iu përgjigja në respekt pyetjes duke qenë se ka një deklaratë të pakuptimtë të kryetares së Lëvizjes Socialiste për Integrim ndaj një deklarate krejt normale dhe të vërtetë të bërë nga ana ime, një fakti publik të njohur edhe nga opinioni publik që Partia Demokratike ka patur për të dalë me një listë të përbashkët me LSI, me qëllim maksimizimin e vullnetit opozitar, dhe qëndrimin koherent të LSI për të hyrë në dy lista të veçanta.

Kjo deklaratë e imja ka përbërë një shqetësim ndaj zyrtarëve të LSI. Nuk e kuptoj arsyen pse. Sepse ky është një fakt publik. Unë kam pohuar një fakt që është pohuar edhe nga znj. Kryemadhi.

Pyetje: Keni të dhëna që ka patur presione në bazë apo se firmat nuk janë dhënë me vullnet të plotë të Kuvendit?

Gazment Bardhi: Sigurisht që unë kam të dhënat e mia por unë nuk dua të paragjykoj askënd. Ajo që unë e them dhe kam tre ditë që e kërkoj ën cilësinë dhe autoritetin që më jep Statuti i Partisë që duke qenë se kemi dëgjuar nga mediat që disa anëtarë të Kuvendit Kombëtar kërkojnë të jenë pjesë e Kuvendit Kombëtar po i lus, kam tre ditë, të ndjekin procedurën.

Të dorëzojnë kërkesën në Protokollin e Partisë Demokratike dhe t’i japin mundësi institucioneve dhe organeve statuore të PD për të thirrur Kuvendin Kombëtar. Nëse kanë interes për të thirrur Kuvendin Kombëtar të PD dhe nëse këto dy muaj nuk janë tallur me demokratët apo secilin prej tyre që mund të ketë besuar apo ka besuar realisht që e gjithë lëvizja e z. Berisha, ka qenë një lëvizje për të demokratizuar Partinë Demokratike.

Fakti është në fakt publik, që lindi si e tillë pra si një betejë për Statutin e Partisë. Besoj e mbani mend për këtë lindi, betejë për Statutin e Partisë, për funksionimin e organeve të partisë?! Dhe tani ka përfunduar si betejë për ta shndërruar PD në celulë ilegale, që mbyllet në kasaforta dhe në dollapë. Ndërkohë që demokratët janë njerëz të lirë, me vullnet të lirë, e kam thënë ditën e parë nuk i ka mbyll dot në kasafortë, në dollap dhe në shishe Edi Rama, nuk mund t’i mbylli dot demokratët askush në kasafortë.

Ndiqni procedurat, sillni kërkesat në Protokoll. Të mblidhen organet e partisë ta shqyrtojnë kërkesën e secilit, qoftë edhe një anëtar i vetëm ka të drejtë të dëgjohet nga organet e partisë. Por nuk mund të dëgjohen demokratët duke i mbyllur në “kasafortë” dhe duke ardhur dhe duke ju ftuar ju, “hajde t’i nxjerrim letrat përpara tek tavolina dhe të bëjmë sikur po verifikojmë letrat që janë mbi tavolinë!”. Se po t’i hapni ndoshta ato letra mund të gjejmë edhe emrin tuaj aty. Por ju nuk jeniu delegatë të Kuvendit Kombëtar të PD, apo jo?!

Sikundër PD nuk ka 4200 anëtarë partie, ka më shumë se 100 mijë anëtarë partie. Prandaj do të duhet të ndiqet procesi statuor për të mos bërë kakofoni shifrat, për të mos e shndërruar pakicën në shumicë të rreme e për t’u tall dhe për të fyer demokratët, e për të tollovitur e shfokusuar betejën e PD ndaj regjimit të Edi Ramës.

Pyetje: Z.Paloka tha që nuk ka zyrë Protokolli në PD?

Gazment Bardhi: Kjo është një gënjeshtër. Dhe ju jeni dëshmitar sepse rrini njëlloj sa unë në selinë qendrore të PD, ka një zyrë Protokolli ku protokollohet çdo shkresë që hyn apo del nga PD. Ju ftoj t’i referoheni shkresave tona drejtuar institucionit, ku secila prej tyre ka një numër protokolli dhe një datë.

Nuk besoj se i protokollon roja tek dera apo jo?! I protokollon zyra e Protokollit në PD dhe këtë e dinë shumë mirë z. Paloka sepse ka ushtruar funksione dhe ushtron funksione shumë të larta në PD. Nuk e dija që z. Paloka i ka dhënë vetes të drejta për të qenë zyra e Protokollit në PD. E ka një zyrë protokolli PD.

Kryetari i Këshillit Kombëtar është një zyrtar i lartë i Partisë Demokratike, një funksion statutor shumë i rëndësishëm. Nuk është as mbajtës i çelësave të kasafortës, as roja e kasafortës.

Është Kryetar i Këshillit Kombëtar të Partisë Demokratike, drejton dhe moderon mbledhjen e Këshillit Kombëtar.

Pyetje: Z. Bardhi, ju keni cituar një rregullore të vitit 2010 por Statuti është i ndryshuar. A vlen kjo Rregullore, a është e ligjshme edhe për Statutin aktual?

Gazment Bardhi: Patjetër. Çdo rregull, deri në momentin kur nuk janë miratuar akte të tjera nën-statutore, çdo rregull i këtij akti statutor që nuk bie ndesh me Statutin aktual të partisë, është i zbatueshëm.

Unë prandaj ju lexova rregullin e Statutit të 2009-ës, për mbledhjen e Kuvendit Kombëtar. Është identik i njëjti rregull me atë që është sot në fuqi. Që nënkupton rregullat nën-statutore, që kanë dalë në zbatim të këtij rregulli statutor, janë sot të aplikueshme.

Dhe procesi është i qartë.

Dorëzohet kërkesa me shkrim dhe kjo kërkesë e ¼ të anëtarëve të Kuvendit Kombëtar, shqyrtohet dhe kryesia e merr në shqyrtim për të përcaktuar vendin, datën dhe orën e mbledhjes së Kuvendit Kombëtar.

Besoj jeni të qartë se unë jam Sekretar i Përgjithshëm i Partisë Demokratike, dhe nuk ka asnjë njoftim për mbledhje të Kuvendit Kombëtar të Partisë Demokratike.

Mund të ketë në datën 11 një miting, është e drejtë e kujtdo të organizojë mitingje, të organizojë foltore, por Kuvend Kombëtar të Partisë Demokratike, ka kur atë e thërret Kryesia e Partisë, apo Këshilli Kombëtar, me kërkesë të Kryetarit të Partisë, ¼ së anëtarëve të Kuvendit Kombëtar, ose ¼ të anëtarëve të partisë.

Kjo është procedura e thirrjes së Kuvendit Kombëtar të Partisë Demokratike.

Pyetje: Në rast se kjo kërkesë nuk depozitohet zyrtarisht për thirrjen e Kuvendit, ju do t’i bëni publike faktet apo të dhënat se thoni se keni, se nuk janë siguruar këto firma apo janë siguruar me forcë?

Gazment Bardhi: Unë nuk jam institucion që do të duhet t’i provoj dikujt diçka. Ka një pretendim që janë siguruar firma për thirrjen e Kuvendit Kombëtar. Deri dje bërtitej me të madhe, duhej të mblidhet Kuvendi Kombëtar, dhe tani që është dita për të mbledhur dhe për të sjellë kërkesën për të mbledhur Kuvendin Kombëtar, nuk sillet kërkesa por mbyllet në kasafortë.

Apeli im është do të ishin ¼ e firmave të ndiqet procedura sipas Statutit.

Por edhe tani që nuk janë ¼ e firmave, mund të jenë 1/8 apo 1/10, edhe zëri i këtyre demokratëve do të duhet të dëgjohet në institucionet e partisë.

Nuk mund të mbyllet në kasafortë.

Edhe nëse janë 1/10 e anëtarëve apo delegatëve të Kuvendit Kombëtar në atë kasafortën e zyrës së z. Paloka, të dalin nga aty, të protokollohen, dhe t’i dërgohen kryesisë së partisë, për të vlerësuar shqetësimin e kësaj pakice.

Është krejt legjitime të dëgjohet edhe mendimi, shqetësimi apo vlerësimi i pakicës, por nuk dëgjohen dot demokratët duke i mbyllë në kasafortë.

Demokratët dëgjohen duke i nxjerrë nga kasaforta, duke i respektuar, duke mos i fyer dhe duke e çuar zërin e tyre tek institucionet e partisë.

Dhe institucion nuk është kasaforta. Kasaforta është mjet personal, që secili ta ketë në zyrën e tij nëse i duhet.

Unë nuk kam kasafortë në zyrën time se s’kam çfarë të fsheh në zyrën time, por cilido është i lirë të ketë kasafortë në zyrën e tij, por jo të mbyllim demokratët në kasafortë.

Mund të mbyllim halle personale në kasafortë, por jo demokratët.

Demokratët kanë vetëm një hall. Halli i tyre është rrëzimi një orë e më parë i regjimit të Edi Ramës.

Ju falemnderit.

Read More

· Gazment Bardhi: Nismëtarët për Kuvendin, tallje me demokratët. Nuk kanë 1/4 e firmave për mbledhjen e Kuvendit. Ja ftesa për nismëtarët.

· Deklarata e fortë e nr 2 të PD: Suel Çela në Elbasan i angazhuar për mbledhjen e firmave për Kuvendin e PD. Gazment Bardhi: Flamur Noka është në dijeni.

· “Ka ndryshuar Berisha, jo statuti për mbledhjen e Kuvendit”, Gazment Bardhi publikon statutin dhe rregulloren 2009 për mbledhjen e Kuvendit: “Kohën, vendin dhe rendin e ditës së mbledhjes së Kuvendit Kombëtar e njofton Kryesia e PDSH-së…”

 

KONFERENCA E PLOTË PËR SHTYP E SEKRETARIT TË PËRGJITHSHËM TË PARTISË DEMOKRATIKE, GAZMENT BARDHI

 

Mirëdita të gjithëve,

 

Për fat të keq dhe dua të shpreh keqardhjen time, tallja me anëtarët e Partisë Demokratike vijon edhe sot. Dua të konfirmoj edhe një herë që Partia Demokratike është institucion. Respekti ndaj institucioneve është primar në çdo demokraci.

 

Ne nuk jemi një organizatë që veprojmë në ilegalitet.

 

Nuk kemi halle apo probleme për sa i përket zbatimit të ligjit. E në funksionimin tonë të brendshëm, kemi përgjegjësinë dhe detyrimin në raport me demokratët, për të zbatuar rregullat e brendshme të Partisë Demokratike, Statutin e Partisë Demokratike.

 

Dua të konfirmoj për çdo demokrat, se në Partinë Demokratike nuk ka ardhur deri në këtë moment që ne flasim, asnjë kërkesë e qoftë edhe të një anëtari të vetëm të Kuvendit Kombëtar për mbledhjen e Kuvendit Kombëtar.

 

Ajo që shqiptarët, por veçanërisht mbështetësit e Partisë Demokratike kanë parë gjatë këtyre dy muajve, ka qenë një blof i madh, një kakofoni shifrash, një tallje me sakrificën dhe mundin e demokratëve për halle dhe probleme personale, sepse nuk u arrit që pas dy muajsh kontakti me demokratët të siguroheshin ¼ e firmave të anëtarëve të Kuvendit Kombëtar apo ¼ të firmave të anëtarëve të partisë që të mundësonin nisjen e proçedurës për thirrjen e Kuvendit Kombëtar.

 

Ka më shumë se dy muaj që bërtitet në çdo studio që do të duhet të mblidhet Kuvendi Kombëtar i PD-së, sepse ka një problematikë, ish-kryetari z. Berisha, ka një çështje të tij që do të duhet ta shtrojë për diskutim dhe në momentin ku skadon afati, jo vetëm nuk depozitohen firmat, por bëhet një show dhe një tallje ndaj demokratëve dhe i themi atyre, firmat i kemi, madje kemi edhe shumicën, por nuk i tregojmë, do t’i mbyllim në kasafortë.

 

Nëse i kanë firmat, ripërsëris ftesën time në emër të Partisë Demokratike, t’i depozitojnë në protokollin e Partisë Demokratike.

 

Çdo institucion i partisë ka përgjegjësinë për të respektuar vullnetin e demokratëve. Ka përgjegjësinë për të ndjekur çdo procedurë që lidhet me thirrjen e organeve të partisë, qoftë ky Kuvendi Kombëtar, Këshilli Kombëtar, apo Kryesia e partisë.

 

Por, besoj jeni edhe ju dëshmitarë që deri në këtë moment në Partinë Demokratike, në zyrën e protokollit, ka punonjës administratat e Partisë Demokratike, e përsëris, nuk jemi institucion në ilegalitet. Nuk kemi asnjë hall me ligjin, asnjë shqetësim, asnjë problem. I vetmi hall i Partisë Demokratike, janë hallet e demokratëve.

 

I vetmi hall i demokratëve në këtë moment është largimi i një orë e më parë i regjimit të Edi Ramës.

 

Prandaj rikonfirmoj, për çdo anëtar të Kuvendit të Partisë Demokratike, që jo vetëm nuk janë depozituar ¼ e firmave që të na jepte mundësinë për të ndjekur procedurën për thirrjen e Kuvendit Kombëtar, por në momentin që flasim, nuk ka një firmë të depozituar.

 

Unë nuk e kuptoj ku qëndron problemi i mosdepozitimit, ose më saktë, bëj sikur nuk e kuptoj, sepse unë e di se ku qëndron problemi i mosdepozitimit zyrtar të firmave në protokollin e Partisë Demokratike.

 

Ju jeni dëshmitarë, ka një punonjës, ka një shef zyre protokolli në Partinë Demokratike.

 

Ka një keqkuptim me sa kam kuptuar.

 

Nuk vijnë firmat në zyrën e Sekretarit të Përgjithshëm, vijnë protokollin e Partisë Demokratike.

 

Regjistrohet dhe protokollohet çdo kërkesë e cilitdo, aq më tepër kur bëhet fjalë për 25% të anëtarëve të organit më të lartë vendimmarrës të partisë, siç është Kuvendi i Partisë.

 

Protokollohet çdo kërkesë. Me datë dhe orë.

 

Prandaj, nëse këto firma do të ekzistonin, nëse këto firma do të ishin të delegatëve të Kuvendit Kombëtar, të jeni të sigurt që do të ishin depozituar dje, siç ju njoftuam paraprakisht ju, dhe unë mora masa që punonjësit e administratës të Partisë Demokratike të qëndronin në punë edhe pas orarit të tyre zyrtar, duke qenë se media ishte njoftuar se këto firma do të depozitoheshin në orën 17.00, apo jo?

 

Punonjësit e zyrës së protokollit të Partisë Demokratike kanë qenë në pritje të këtij procesi dhe të kësaj proçedure.

 

Nuk sillen firmat nga dera prapa qoftë edhe në shoqërinë e kamerave, me kuti të mbyllura, futen ne kasafortë në një zyrë që dua ta sqaroj, nuk ështe Kryetarit të Këshillit Kombëtar.

 

Z. Paloka e disponon zyrën si ish-nënkryetar partie. Nuk e ka dorëzuar në mirëkuptim edhe me administratën e partisë. Nuk ka zyrë Kryetari i Këshillit Kombëtar sepse është një funksion honorifik.

 

Drejton dhe moderon mbledhjet e Këshillit Kombëtar.

 

Nuk ka as administratë, as staf në varësinë e tij për të kryer asnjë lloj procesi.

 

Tani na thuhet do të duhet të shkojmë të hyjmë tek kasaforta e z. Paloka, për t’i parë janë apo s’janë firmat.

 

Madje sot na u tha që, vetëverifikohen.

 

Pran X-i do të vetëverifikojë firmën e X-it.

 

Pra, secili prej atyre që kanë firmosur vetëverifikon firmën e vetë. Me kë tallen këta? Me kë tallen? Apo do verifikojnë firmat e njëri-tjetrit?

 

Kjo parti e ripërsëris, është institucion dhe do të duhet të respektohet si sinstitucion, aq më tepër kur bëhet fjalë për ish-drejtues të lartë të kësaj partie që e dinë shumë se si janë rregullat e funskionimit të PD-së, por blofin me demokratët, këta të fundit nuk ia kanë borxh askujt, madje secili rpej nesh që ka ushtruar apo ushtron përgjegjësi në emër të demokratëve, është në borxh me demokratët.

 

I hapur për pyetje dhe për sqarime nga secili prej jush.

 

Pyetje: Ju në fund të muajit gusht jeni emëruar si Sekretar i Përgjithshëm i PD, ku sipas Statutit, Neni 44, pika 6, gërma A, theksohet se “Ju duhet të zgjidheni dhe votojeni në mënyrë të fshehtë”. Përse duhet që t’ju besojmë ju këto formularë kur i mëshoni kaq shumë Statutit?

 

Gazment Bardhi: Së pari, nuk do të duhet të mi besojnë mua. Do të duhet t’i besojnë institucioneve të partisë Demokratike. Dhe unë dua këtu të jap edhe një sqarim. Shpesh për shkak të tollovisë që krijohet e stërzgjatje e stërzgjatje për halle personale të një çështje që nuk është çështje mes demokratësh. Është çështje mes Sali Berishës dhe Shteteve të Bashkuara të Amerikës. Nuk është çështje e demokratëve kjo.

Se e gjithë kjo tollovi është krijuar për shkak të këtij raporti, të marrëdhënies së Sali Berishës me SHBA-të. Ne nuk mund ta harrojmë këtë. Ky është motivi dhe arsyeja. Dhe me këtë nuk kanë të bëjnë hallet dhe problemet e demokratëve. Ajo që unë kam shpjeguar dje dhe e ripërsëris sot është procedura se si mblidhet Kuvendi Kombëtar.

Unë jam zgjedhur Sekretari i Përgjithshëm i Partisë Demokratike. Unë jam zgjedhur sekretar.

Ndërhyn gazetari: Jeni emëruar.

 

Gazment Bardhi: Jo jam zgjedhur edhe me votë të Sali Berishës, madje.

Ndërhyn gazetari: Jeni emëruar në gusht të këtij viti.

 

Gazment Bardhi: Jam zgjedhur edhe me votë të Sali Berishës.

Ndërhyn gazetari: Ju mbaroi mandati.

 

Gazment Bardhi: Mund t’iu sjell televizionit tuaj se ndoshta i keni fshirë pamjet e para 30 gushtit.

Ndërhyn gazetari: Jo, nuk i kemi fshirë, por ju jeni emëruar në fund të muajit gusht.

 

Gazment Bardhi: Ekzaktësisht votën personale të Sali Berishës për kandidaturën e Gazment Bardhin si sekretar i Përgjithshëm i Partisë Demokratike.

Ndërhyn gazetari: Në fund të muajit gusht të këtij viti.

 

Gazment Bardhi: Të lutëm se nuk do ta bëj debat. Unë të respektova në pyetje. E mora pyetjen. E kuptoj që keni nervozizëm por ju lutem më lejoni. Tregohuni etik në radhë të parë dhe më lejoni të jap përgjigjen. Nëse nuk ju pëlqen përgjigjja ime keni mundësinë të më bëni një pyetje të dytë, të tretë sa ju të dëshironi. Por ju lutem më lini të jap përgjigjen.

Unë jam zgjedhur sekretar i Përgjithshëm i Partisë Demokratike, për herë të parë në janar të vitit 2019 me një mandat 4 vjeçar, i cili si rregull skadon në 2023.

Ka patur një riformatim të të gjithë strukturës së partisë në gusht.

Ka nisur një proces në fakt për zgjedhjen e kryetarit, siç ka ndodhur rregullisht në qershor është zgjedhur Këshilli i ri Kombëtar nga Kuvendi i Partisë në korrik. Dhe është zgjedhur e gjithë struktura drejtuese e partisë në mbledhjen e Këshillit Kombëtar të Partisë Demokratike në 30 gusht.

Dhe nëse doni ju të jeni të ndershëm, atë që u tha sot se “që duhet të ketë kandidatura alternative, votim të fshehtë”, e me radhë është për kryetarin e Këshillit Kombëtar dhe jo për Sekretarin e Përgjithshëm. Kështu që nuk mund të ngremë stuhi kot për një çështje që nuk është çështje. Jam krenar që në mbledhjen e Këshillit Kombëtar, për të ushtruar detyrën e Sekretarit të Përgjithshëm, kam marrë edhe votën e Sali Berishës. Jam shumë mirënjohës për votën e tij në mbledhjen e Këshillit Kombëtar për të më zgjedhur mua sekretar të Përgjithshëm të Partisë Demorkatike.

 

Pyetje: Sa i takon firmave të delegatëve të Kuvendit Kombëtar. Çfarë ju pengon që të shkoni dhe t’i shikoni së bashku me z.Paloka?

 

Gazment Bardhi: Ju mund të më kërkoni që të vij t’i verifikoj formularët edhe në ambientet e televizionit tuaj. Unë këtë nuk e bëj dot. Edhe një herë po përsëris procedurën dhe dua t’ju sqaroj.

E mbani mend kush ka qenë kryetar partie në 2010-ën?

 

Ka qenë Sali Berisha, s’ka qenë Lulzim Basha. As Gazment Bardhi s’ka qenë Sekretar i Përgjithshëm.

 

Ky është Statuti i Partisë Demokratike, miratuar nga Kuvendi Kombëtar në vitin 2009.

 

Në nenin 34 pika 6 ku rregullohet Kuvendi Kombëtar, thuhet ekzaktësisht ajo që thuhet edhe sot për mbledhjen e Kuvendit.

 

Do duhet t’ia kujtojmë demokratëve. Kur është Sali Berisha kryetar partie, kemi një interpretim Statuti. Kur nuk është kryetar partie Sali Berisha dhe nuk i interesojnë rregullat e Statutit, shpikim rregulla që nuk gjendjen askund.

 

Neni 34 pika 6 i këtij Statuti të 2009-ës përcakton se: “Vendimin për mbledhjen e Kuvendit Kombëtar e merr Këshilli Kombëtar ose Kryesia qëndrore me propozim të kryetar të PD-së”.

 

Është i njëjti rregull që është edhe sot, apo jo.

 

“Kuvendi mund të mblidhet edhe kur e kërkon ¼ e anëtarëve të PDSH-së, ose ¼ e Kuvendit Kombëtar”.

 

Është i njëjti rregull që është edhe sot, apo jo?

 

Pas këtij Kuvendi Kombëtar që ka miratuar këtë Statut, që unë e nxora nga protokolli i Partisë Demokratike. Ka protokoll, jemi institucion, nuk shpikim gjëra sa herë kemi një hall personal.

 

Kjo parti ka historinë e vetë 30 vjeçare prandaj ka edhe protokoll se ruhen aktet.

 

Pas këtij Kuvendi, është mbledhur Këshilli dhe ka miratuar tre rregullore.

 

Ka tre rregullore të miratuara.

 

“Rregullore pune të organeve qëndrore të Partisë Demokratike të Shqipërisë”, miratuar në vitin 2010.

 

“Rregullore e funksionimit të Komisionit të Apelimit të PDSH-së”.

 

“Rregullore për kontributin financiar të PDSH-së”.

 

Çfarë thotë Neni 3 i Rregullores, ka bërë interpretimin e Statutit të 2009-ës kur Kryetar ishte Sali Berisha, me shumë gjasa, nëse nuk ngatërroj periudhën, Sekretar Organizativ do të duhet të ketë qenë vetë z. Flamur Noka.

 

Ka bërë interpretimin e Statutit dhe në Nenin 3 çfarë thotë?

 

“Kohën, vendin dhe rendin e ditës së mbledhjes së Kuvendit Kombëtar e njofton Kryesia e PDSH-së, mbi bazën e kërkesave siç parashikohet në Nenin 34 të Statutit”

 

Pra qoftë kur e kërkon Kryetari i Partisë, qoftë kur e kërkon ¼ e anëtarëve të Partisë, qoftë kur e kërkon ¼ e anëtarëve të Këshillit Kombëtar, është Kryesia e partisë që bën njoftimin e kohës, vendit dhe rendit të ditës së mbledhjes së Kuvendit Kombëtar.

 

Vazhdojmë më tej.

 

Çfarë thotë Neni 5 i Rregullores?

 

Kërkesat për thirrjen e Kuvendit Kombëtar të partisë, duhet t’i dërgohen Kryesisë me shkrim.

 

E dini përse. Sepse nuk njoftohen me facebook delegatët. Se kështu thotë formulari që kanë publikuar për thirrjen e Kuvendit Kombëtar.

 

Kuvendi Kombëtar do të mbahet në ambientet që do të përcaktohet në njoftimin publik që do të kryhet për këtë qëllim nga anëtari i Këshillit Kombëtar Sali Berisha.

 

Çfarë është ky institucion këtu? Ka rregulla institucioni. Po marr një shprehje që tha kolegu im i nderuar, z. Strazimiri. Puç, tha, është kur shkel rregullat dhe kur partia nuk funksionon me rregulla.

 

Rregullat janë këto që unë sapo lexova. Këto kanë qenë rregulla jo të miratuara nga Lulzim Basha, jo nga Gazment Bardhi, por nga vetë Sali Berisha.

 

Ka ndryshuar mendje, e lexon ndryshe tani Statutin?

 

Statuti një interpretim ka, prandaj ka një praktikë të tërë se si mblidhet Kuvendi e se si verifikohen mandatet, e se kush i lëshon mandatet, e kush është detyra e Komisionit të verifikimit të mandateve që e keni në nenin 9 të rregullores së vitit 2010, në kohën kur drejtues dhe kryetar i Partisë Demokratike ishte Sali Berisha.

 

Nuk bën verifikim firmash Kuvendi Kombëtar.

 

Nëse nuk verifikohen firmat përpara se të shkojmë në Kuvend, kush e ka thirrur Kuvendin? Kasaforta? Kasaforta thërret Kuvendin Kombëtar të Partisë Demokratike?

 

Jo.

 

Kuvendin Kombëtar të Partisë Demokratike e thërret të paktën ¼ së anëtarëve të Kuvendit Kombëtar që kanë emër dhe mbiemër.

 

Si mund të thuash janë sekret të dhënat e anëtarëve të Kuvendit Kombëtar, janë konfidenciale, nuk ia japim organeve të partisë.

 

Unë jam përgjegjës për organizimin e partisë. E kam strukturën e partisë emër, mbiemër, atësi, amësi, kartë identiteti, numër tel, të dhënat për punësimin. Nuk janë njerëz anonimë ata. Ata janë zyrtarë të Partisë Demokratike. Gjysma e përbërjes së Kuvendit Kombëtar është publike në faqen zyrtare të Partisë Demokratike.

 

Anëtarët e Këshillit Kombëtar janë atje, anëtarët e degëve janë atje, ish-kryetarët apo kryetarët e bashkive që konsiderohen prej nesh janë atje, Grupi Parlamentar është aty, Kryesia është aty, janë publike.

 

Çfarë të dhënash janë këto konfidenciale dhe kujt ia mbajnë këto të dhëna konfidenciale.

 

Të dhënat mbahen konfidenciale sepse nuk janë firmat.

 

Se po të ishin firmat, do të ishin depozituar sipas rregullave, do të ishin shqyrtuar rendi i ditës, data, ora, vendi, nga Kryesia e partisë dhe do të ishte thirrur Kuvendi Kombëtar i partisë.

 

A duan Kuvend të Partisë Demokratike? Të sjellin firmat. Të ndjekin procedurën statutore për mbledhjen e Kuvendit Kombëtar. Por ne nuk mbledhim organe partish me shpikje personale për halle personale.

 

Se nuk veprojmë këtu si parti personale. Kjo është parti e demokratëve. Ka 30 vjet që mban sakrificën e tyre, mundin e tyre, kontributin e tyre dhe nuk ka të drejtë askush të tallet as me sakrificën, as me mundin e tyre për halle që janë personale.

 

I ndjejmë secili prej nesh për shkak të respektit të jashtëzakonshëm, dhe në këtë rast flas personalisht që kam ndaj liderit historik të Partisë Demokratike, e kam thënë edhe më parë. Jam rritur me foton e tij në shtëpinë time. Vij nga një qytet që është bastion i Partisë Demokratike dhe jam rritur me foton e Sali Berishës në shtëpi. Por kjo nuk më pengon që kur unë shikoj që ngatërrohet interesi i demokratëve me interesin ngushtësisht personal, padyshim në pozicionin që kam do të duhet të mbroj interesin e demokratëve, interesin e Partisë Demokratike. Dhe si mbrohet interesi i demokratëve dhe interesi i Partisë Demokratike? Duke tollovitur demokratët me baltë dhe shpifje nga mëngjesi në darkë ndaj drejtuesve të partisë për inate personale?

 

Hallet e demokratëve nuk janë çështje të hallit personal. As inateve personale. E ripërsëris, e kam thënë mbi 10 herë. Nëse duhet të mbahet Kuvend i Partisë Demokratike, gjykohet prej numrin të caktuar të anëtarëve se ka nevojë për t’u mbledhur Kuvendi Kombëtar, ju lutem depozitoni firmat sipas proçedurës së parashikuar nga statuti i partisë, të interpretuar nga rregullorja e miratuar në 2010-ën nga Këshilli Kombëtar i Partisë Demokratike, kohë në të cilën këtë parti për fat e drejtonte vetë njeriu që sot është protagonisti kryesor i këtij zhvillimi, lideri historik i partisë, z. Berisha.

 

Pyetje: Me Statutin aktual, jo Statutin e vitit 2010…

 

Gazment Bardhi: Është identike prandaj jua lexova…

 

Pyetje:… Ju duhej të ishin zgjedhur me votim të fshehtë përballë kandidatëve të tjerë. Cilët ishin rivalët tuaj në garën për Sekretar të Përgjithshëm të Partisë Demokratike?

 

Gazment Bardhi: Në janar të 2019-ës jam zgjedhur me mandat katër vjeçar duke patur përballë një koleg të nderuar, z. Dorian Teliti. Ka qenë një votim i fshehtë, siç ju e mbani mend, dhe jam zgjedhur Sekretar i Përgjithshëm.

 

Gazment Bardhi: Në rikonfirmimin e bërë në 30 Gusht të 2021, Këshilli Kombëtar siç parashikon procedura, ¼ ose më saktë 15% e anëtarëve të Këshillit Kombëtar nuk kanë gjykuar që do të duhej të kishte një kandidaturë alternative. Por e përsëris, nuk ka detyrim të Statutit të Partisë që për Sekretarin e Përgjithshëm dhe për nënkryetarin e partisë të këtë kandidatura alternative.

Ky detyrim ekziston vetëm për kryetarin e Këshillit Kombëtar.

Konkretisht, pika 4 e Nenit 44, parashikon qartë se “Kryetari i Këshillit drejtohet nga Këshilli Kombëtar i cili zgjidhet në mbledhjen e parë të konstituimit të Këshillit Kombëtar mes të paktën dy kandidaturave alternative.”

Duke qenë se askush nuk preferoi të kandidonte përballë z. Paloka, asokohe në Këshillin Kombëtar, z. Paloka është zgjedhur kryetar. Ku ka votuar, e përsëris, edhe z. Sali Berisha, për kryetar të Këshillit Kombëtar, në përputhje të plotë me statutin e partisë, siç janë zgjedhur të gjitha organet drejtuese të Partisë Demokratike.

Ndërhyn gazetarja: Neni 44, pika 6, gërma A thotë që ju duhet të zgjidheshit me votim të fshehtë.

Bardhi: Nuk kishte kandidaturë alternativë. Në momentin që nuk ka kandidaturë alternative nuk mund të ndiqet një proces formal, sa kohë Këshilli Kombëtar shpreh vullnetin për të zgjedhur, rikonfirmuar, emëruar apo shkarkuar në çfarëdolloj forme secilin prej funksionarëve të partisë që ka në kompetencë sipas Statutit.

Pyetje: Z.Bardhi a e parashikon Statuti i PD, verifikimin e firmave nga një komisioni i posaçëm që do të ngrihet në Kuvendin Kombëtar?

Gazment Bardhi: Jo, nuk parashikon Statuti i partisë asnjë procedurë verifikimi të firmave nga një komision që ngrihet në Kuvendin Kombëtar. Komisioni i Verifkimit të Mandateve ka përgjegjësinë për të marrë mandatin me të cilin secili prej anëtarëve pajisjet paraprakisht nga sekretariati i partisë. E kam treguar dje kartën, nëse doni t’ua tregoj e bëj prapë, por besoj e mbani mend që në çdo Kuvend Kombëtar bëhen mandate për anëtarët e Kuvendit. Secili prej tyre, ditën e Kuvendit Kombëtar do të duhet të paraqitet me këtë kartë apo mandat pranë komisionit posaçëm, komisioni bën regjistrimin e delegatit që është paraqitur në Kuvend dhe i raporton në fillim të mbledhjes, ju ftoj t’i riktheheni kronikave për mbledhjen e Kuvendit Kombëtar të PD-së, drejtuesit të Komisionit Drejtues të Punimeve të Kuvendit nëse ka apo nuk ka kuorum për të vazhduar mbledhjen e Kuvendit. Kjo është detyra e Komisionit trë Verifikimit të Mandatit. Nuk bën verifikim firmash. Është e pamundur fizikisht që të verifikohen 4 mijë, 5 mijë apo 6 mijë mandate firma apo nënshkrime në 1 orë sa c’është afati i veprimtarisë së këtij komisioni verifikimi, se do të duhet të verifikohet vullneti i secilit prej tyre.

Në rastin konkret ka edhe një procedurë shtesë paraprake verifikimi që të shkojmë tek thirrja e Kuvendit, që është “Ka kërkuar thirrjen ¼ apo jo e Kuvendit Kombëtar”. Pa u dorëzuar firmat e e këtyre delegatëve është e pamundur të verifikohet. Dhe kjo nuk verifikohet ditën kur është njoftuar mbajtja e Kuvendit Kombëtar sepse që të shkojmë tek Kuvendi do të duhet të ketë një thirrje sipas rregullave të Statutit.

Tani çfarë na u tha?! “Ejani atë dite”,- u tha ju-, “dhe verifikojeni ju.”

Po nga e dini ju kush janë delegatët e Partisë Demokratike?

Kjo është të tallesh. Kjo është të tallesh. Bëjmë një listë shokësh, në emër na jepej edhe Qifja që ta fusim aty, se do dal edhe aty, na jep emra që të mbushim sallën edhe e quajmë Kuvendin e Partisë Demokratike.

Se kështu dëgjova dje, ky grupi nismëtar që ishte tek reshti i parë, do të bënte verifikimin e mandateve. Dhe në rresht të parë ju e dini se kush ishte?! Në resht të parë ishte shefi i Shtabit të Orlando Rakipit në zgjedhjet e 25 prillit. E ka pasur përballë Flamur Noka në fakt, nuk e kam pasur unë. E ka pasur përballë Flamur Noka.

Dhe ky, shefi i Shtabit të Orlando Rakipit do të verifikojë mandatet e anëtarëve të Kuvendit të Partisë Demokratike?!

Pse çfarë kemi ndërmend të bëjmë ne, t’i dorëzojmë karriget Qifes?

E ka bërë një herë atë gabim Partia Demokratike në vitin 2013 dhe janë dëshmitar demokratët e qarkut të Elbasanit. I morën votat e PD dhe i çuan tek PDIU-s, i hoqën mandatin e 5-të PD-së që t’i shkonte mandati Qifes. Nuk ndodh më kjo! Dhe s’ka për të ndodhur më kurrë! Sepse nuk tallet askush me sakrificën dhe djersën e demokratëve. Dhe jemi ne pengjet e Edi Ramës.

Pra, kur kemi shefin e Shtabit organizator të “Foltores” dhe mbledhës të firmave në rresht të parë që solli dhe mbajti në pushtet Edi Ramën, quhet se po lufton Edi Ramën.

Ndërsa ne që e denoncojmë këtë, ne jemi pengje të Edi Ramës?!

Tallje më të madhe me demokratët sesa këtë nuk mund të ketë.

Pyetje: Z.Bardhi pse jeni i bindur që nuk janë mbledhur firmat e nevojshme për të thirrur Kuvendin Kombëtar? A nuk është organ legjitim Këshilli Kombëtar, kryetari i të cilit ka marrë në dorëzim firmat?

Gazment Bardhi: Do të duhej t’i kishim parë po të ishin. Kryetari i Këshilli Kombëtar as në dorëzim nuk i ka marrë. Ua deklaroi ju dje. “I sollën”, tha, “dhe i kanë mbyllur në kasafortë”. Pra, e trajtojnë Kryetarin e Këshilli Kombëtar, një nga organet më të rëndësishme të partisë si rojën e partisë apo si specialisti i protokollit të partisë. Nuk është ky roli i kryetarit të Këshillit Kombëtar. Nuk është roje kryetari i Këshillit Kombëtar. Nuk është as specialist i zyrës së Protokollit. Është kryetar i nderuar i një prej organeve të nderuara të Partisë Demokratike, siç është Këshilli Kombëtar.

Firmat dhe kërkesa, siç ua lexova, depozitohen në Protokollin e Partisë deh përcillet Kryesisë së Partisë, nuk ka lidhje kryetari i Këshillit Kombëtar, aq më tepër t’i mbyllësh në kasafortë.

Si u mbyllkan, a pretendon se ke firmat?! Silli pra!

Pse qenkan firmat sekret ndaj kryetarit të Partisë? Ndaj sekretarit të Përgjithshëm të Partisë? A mund të më thoni ju lutem, kush më ka njoftuar mua? Jam sekretari i Përgjithshëm i Partisë Demokratike kush më ka njoftuar mua për Kuvend Kombëtar? Mund të ma shpjegojë dikush prej jush? Apo unë duhet të ndjek facebook-un që të marrë vesh që mblidhen organ i partisë ku jam Sekretar i Përgjithshëm? A mund të ndodhi kjo? Dhe të pretendosh që ke nisur një lëvizje për të demokratizuar partinë!

Këtë procedurë që shpjegoj unë, njëri prej tyre që bërtet sot më fort që “nuk është kështu procesi,” e ka thënë me zë dhe me figurë jo më larg se një javë më parë.

Po iu lë 24 orë kohë që ta gjeni vetë dhe pas 24 orë do ta publikoj unë.

Pra, shpjegon procedurën i njëjti individ që sot bërtet dhe thotë që “nuk është kështu procesi siç e shpjegon zyrtarisht PD dhe sekretari i Përgjithshëm i Partisë Demokratike”, ndërkohë që ka thënë të njëjtën gjë që po them unë sot.

Skadoi afati, u pa që nuk ishin firmat, shpikën një procedurë të re. Firmat nuk i tregojmë, i kemi sekrete, i mbyllim në kasafortë. Ky është fakti.

Pra, procedurën që po ju shpjegoj unë sot me zë dhe me figurë në RTSH, e ka thënë njëri prej këtyre që bërtet sot më fortë, në televizion publik. Identik siç po e shpjegoj unë, pa asnjë dallim. Por ishte para një jave.

 

Ishin 90 % të firmave të mbledhura, pastaj të nesërmen shkuan 110% ku panë se kishin zbritur 60%, por në fakt nuk kishin as 10% se ky është realiteti, shpikën procedurë. S’ka proces, vetë verifikohemi, vetë mblidhemi, vetë numërojmë, vetë votojmë, vetë propozojmë, pra shpikim një gjë që ka vetëm vetë përpara dhe i bëjmë të gjitha vetë.

 

Askush tjetër nuk duhet të dimë gjë, se mbyllemi vetë tek kasaforta dhe rrimë në kasafortë se s’kemi shpjegim, përse ndryshuam mendje një javë më vonë.

 

Shpjegimin e kam dhënë disa herë gjatë kësaj konference, është një dhe I vetëm.

 

Nuk u arrit të mblidheshin firmat e ¼ të anëtarëve të Kuvendit për të vënë në lëvizje procedurën për të thirrur Kuvendin Kombëtar.

 

Unë do të vazhdoj të jem në selinë qëndrore, punonjësit e e protokollit i kam ngarkuar që do të qëndrojnë në punë. Të sjellin kërkesën sipas proçedurave, të mbledhim Kuvendin Kombëtar të Partisë Demokratike. A kanë dy muaj që janë tre orë në secilin prej televizioneve tuaja dhe thonë duam të mbledhim Kuvendin Kombëtar të Partisë Demokratike.

 

E mbledhim pra, Kuvendin Kombëtar të Partisë Demokratike.

 

Kush janë çështjet që duhet të shqyrtohen sipas vlerësimit të secilit, mund ketë kryesia e partisë një çështje, dy çështje shtesë.

 

Nuk do të bëjmë Kuvend çdo javë.

 

Kryesia e Partisë mund të ketë çështje për t’i futur në shqyrtim në Kuvend Kombëtar.

 

Prandaj ka një organ ku shqyrtohen kërkesat. Mund të ketë kryetari i partisë një çështje për t’u shqyrtuar në Kuvend Kombëtar dhe detyrimi është që rendi i ditës nuk njoftohet atë ditë. Rendi I ditës do të duhej të njoftohej një muaj përpara, prandaj të gjitha kërkesat shkojnë në një organ të partisë e cila është Kryesia e Partisë, që miraton të gjithë rendin e ditës, mund të ketë kërkesë në rend dite ¼-a në mbledhje kryesie mund të ketë kryesia e partisë propozime për të shtuar në rend dite dhe mund të miratohen, mund të ketë kryetari I partisë çështje për t’i futur në rend dite dhe del Kuvendi Kombëtar me një rend dite.

 

Kjo është proçedura dhe nuk ka nevojë as për të lexuar Statutin se keni dy muaj, është kthyer Statuti i Partisë Demokratike në temën më të rëndësishme në Shqipëri.

 

Është tema më e rëndësishme në Shqipëri. Besoj edhe Kushtetutën e Republikës së Shqipërisë nuk e ka shfletuar njeri kaq shumë sa ç‘është shfletuar Statuti i Partisë Demokratike gjatë këtyre dy muajve.

 

Shumë mirë është bërë që është shfletuar, por kur të shfletohet do të duhet të jemi koherent në leximin e Statutit. Jo ta lexojmë, një herë po, një herë jo. Dhe kur nuk na intereson as po-ja dhe as jo-ja, themi ndoshta.

 

Statuti është ky që është. Është publik dhe është i qartë. Është kristal.

 

Dhe ka një praktikë se si është zbatuar.

 

Unë ju mora shembullin e vitit 2010, por ju jeni dëshmitarë që kështu siç unë e shpjegoj sot statutin, kështu ka qenë procedura e mbledhjes së Kuvendit Kombëtar, verifikimit të mandateve, pajisjes me mandate. Kush i njofton degët e partisë për mbledhjen e Kuvendit? Syri Televizion? Apo ndonjë television tjetër? Kush do ti njoftojë? Apo facebook-u?Apo twitter-i? Edi Rama qeveris me facebook dhe twitter, por jo Partia Demokratike. Ne kemi rregulla. Kjo parti funksionon me rregulla dhe nuk marrin njoftim degët e partisë në facebook. A po, mund të marrin njoftim për të bërë foltore, për të bërë miting, siç me gjasa do të ndodhë me 11 dhjetor. Nuk është asnjë problem, çdo deputet i PD mund të mbledhë 2 mijë, 3 mijë, 5 mijë apo 10 mijë vetë në një sallë. Nuk është fare problem kjo. Kjo parti ka 650 mijë mbështetës dhe nuk është fare çudi që secili deputet të mbledhë 4 mijë, 5 mijë mbështetës apo votues të PD në një sallë. Aq më tepër kur e ndihmon edhe Qifja. Këtë që po them mund të shkoni ta verifikoni sot që flasim në Elbasan, këtë dhe shumë ngjarje më të rënda se sa kjo për të cilën nuk dua të ndalem sot. Këtë që po them unë e ngjarje akoma më të rënda se sa kjo. Po kuvend me njerëz të Qifes e me qifen e me shefin e shtabit të Qifes në Partinë Demokratike nuk ka për të pasur, sepse nuk i lirojmë, e përsëris, karrigen Qifes. E thashë njëherë: Dash Sula në 2013-ën, ja hoqën mandatin e pestë PD dhe i tranferuan votat e i dhanë mandatin Qifes. Nuk ndodh më ajo. Qifja është sot një prej elementëve që mban Edi Ramën në pushtet. E kemi denoncuar të gjithë bashkë. Tani kemi një hall personal, kemi harruar denoncimin dhe jemi bërë aleatë. Është zgjedhje! Por s’ka lidhje me Partinë Demokratike. Nuk ka lidhje kjo me demokratët. Kjo ka lidhje me hallet e përbashkëta që mund të ketë Qifja me një tjetër .

 

Pyetje: Z, Bardhi, sot kryetari i Partisë Demokratike, foli për një puç që po bëhet nga ana e Sali Berishës dhe Edi Ramës brenda PD-së. Keni të dhëna që pjesë e këtij puçi janë edhe deputetë që mbështesin Berishën dhe nëse po cilat do të jenë masat ndëshkimore ndaj tyre?

 

Gazment Bardhi: Unë nuk jam këtu për të komentuar kolegët. Jam shumë i shqetësuar për talljen që gjatë këtyre 24 orëve I është bërë demokratëve, siç jeni secili prej jush në dijeni, unë nuk kam mbajtur asnjë pozicion deri ditën e djeshme. Nuk kam bërë asnjë deklaratë, nuk kam dhënë asnjë mendim apo opinion timin sepse për mua vullneti i demokratëve është mbi gjithçka. Edhe pse e dija dhe jam në dijeni të plotë të arsyeve se pse po bëhet kjo që po bëhet, kam zgjedhur të jem i tërhequr vetëm me një qëllim: për të respektuar vullnetin e demokratëve.

 

Dhe po e përsëris: nëse 1\4 e anëtarëve të Kuvendit Kombëtar do të kishin depozituar zyrtarisht dhe sipas rregullave të statutit të partisë kërkesë për thirrje të Kuvendit Kombëtar, cilido qoftë opinion i kujtdo në këtë godinë, unë do të kërkoja mbledhjen e kryesisë së PD nën autoritetin që më jep statute për organizimin e partisë.

 

Sot na doli se pot ë jesh përgjegjës për organizimin e partisë, nuk je përgjegjës për organet e partisë a thua organet e partisë janë jashtë partie! Pra unë organizoj nuk e di se çfarë, sa kohë që nuk organizoj strukturat e partisë që nisin nga seksioni deri tek organi më i lartë i partisë, nuk di se çfarë organizon apo për çfarë është përgjegjës në organizim, Sekretari i Përgjithshëm. Aq më tepër që anëtarët e këtij Kuvendi janë pikërisht strukturat e partisë: kryetarët e seksioneve, grupseksioneve, kryesia, Këshilli Kombëtar, deputetët e me rradhë.

 

Unë kam dalë për të sqaruar këtë, nuk kam dalë për të komentuar dhe nuk komentoj asnjë prej kolegëve deputetë ose jo, nëse secili prej tyre ka një mendim të ndryshëm nga imi. Secili ka lirinë e tij të mendimit. Ama duhet të jemi koherent. Nuk mund të bërtasim: demokratizim, demokratizim, pastaj ta shndërrojmë bunkerizim, bunkerizim. Pastaj nga bunkerizimi i gjithë partisë, tentativa, se s’ka për të ndodhur të jeni të sigurt, nga bunkerizimi i të gjithë partisë shkojmë tek futja në kasafortë e gjoja “kuvendit kombëtar”. Të jeni të sigurt që pas ca kohësh do të vijnë e do të thonë: të fusim Këshillin Kombëtar në dollap e pastaj do thonë kryesinë do e fusim tek shishja.

 

Pyetje: Pyetja ime konsistonte në faktin nëse do të ketë përjashtime të deputetëve që kanë marrë pjesë në këtë nismë?

 

Gazment Bardhi: Kjo është një çështje që e rregullon Statuti i partisë, nuk është çështje përgjegjësie e Sekretarit të Përgjithshëm. Ka një statut partia, ka rregulla, ka edhe raste se kur merren masa disiplinore ndaj një anëtari të partisë. Unë jam i bindur që institucionet përgjegjëse që mbulojnë këto çështje, do të jenë gjithmonë syhapur për të parë dhe për të respektuar statutin e Partisë Demokratike. E përsëris: këtu nuk bëhet fjalë për diferenca në mendim. Diferencat në mendim janë dhe kanë qenë gjithmonë pjesë e kësaj partie, kështu kemi lindur. Secili prej nesh ka mendimin e tij. E rëndësishme është që me veprimet tona most ë dëmtojmë interesin e PD, interesin e demokratëve.

 

Pyetje: Për sa i përket firmave të delegatëve të depozituara ditën e djeshme, a keni informacion nëse formularët, firmat e delegatëve janë ato origjinalet apo janë depozituar kopjet?

 

Gazment Bardhi: Nuk kam hyrë te kasaforta e zotit Paloka. Aq më tepër që zyra po të shkoni tani është e mbyllur. Nuk kam hyrë në kasafortë se nuk kam asnjë arsye për të hyrë në kasafortë. Nuk ka asnjë depozitim në parti. Kopjet apo origjinalet si rregull do të duhet të depozitohen origjinalet , pra formularët origjinalë apo nënshkrimet origjinale, depozitohen dhe protokollohen një më një në protokollin e PD. Nuk mbyllen me kuti, bëjmë show, madje dhe një detaj, njëri prej tyre që mbante kutinë më fort, më fort prej tyre dhe që ka filluar dhe bërtet fort, janë dëshmitarët demokratë të njësisë 4 që ka qenë anëtar i shtabit të Edmond Haxhinastos.

 

Këta do të bëjnë Kuvendin e PD?!

 

Do të verifikojnë mandatet e anëtareve të PD?!

 

Po këta s’kanë votuar Partinë Demokratike me 25 prill. Këta nuk kanë lëvizur një gur që PD dhe demokratët të vinin në pushtet me 25 prill. Dhe këta tani kanë autoritetin, I japin vetes autoritetin, të verifikojnë delegatët e Kuvendit të PD. Të shkojnë të verifikojnë delegatët e Edmond Haxhinastos e të partisë së tij, por jo delegatët e Partisë Demokratike. PD ka organe, ka institucione. Janë funksionale, janë në detyrë dhe janë në mision, në të vetmin mision që kemi: beteja me regjimin e Edi Ramës.

 

Pyetje: Zoti Bardhi, pak më herët përsëritet disa herë për një kryetar të shtabit të një kandidati të PS, pra që është angazhuar në zgjedhjet për kandidatin e PS. Mund ta dinë qytetarët se për cilin bëhet fjalë?

 

Gazment Bardhi: Unë besoj që ti e di, por pyetjen ma bën për qytetarët dhe unë për qytetarët do ta them. Ish deputeti i Partisë Demokratike, Kruja, ka qenë shef i shtabit të Orlando Rakipit. E ka pasur përballë Flamur Noka në Vorë, nuk e kam pasur unë. Unë kam qenë në Elbasan, nuk ka qenë në Elbasan. Dhe për fat të keq, për herë të parë pas shumë vitesh ne në Vorë kemi marrë rezultatin më të dobët historik si Parti Demokratike. Kemi marrë rezultat edhe më të dobët se në 2017-ën. Në Vorë! Dhe vora është bashkia që ka nxjerrë deputet Orlando Rakipin. Analizën e bëjnë demokratët vetë, nuk bëj unë analizë sot këtu. Sigurisht që analizën do ta bëj, por fakti është ky. PD në Vorë ku ka punuar si shef shtabi zotëria që do të verifikojë mandatet e anëtarëve dhe delegatëve të Partisë Demokratike, ka votuar 12-të dhe demokratët e dinë që 12 nuk ka qenë numri i PD, ka qenë numri i PS, Edi Rama. Kështu lexonte në fletë dhe 30 nëse nuk gaboj që ishte numri i Orlando Rakipit. Dhe këtë e dini ju, këtë e di çdo demokrat i Vorës. Këtë e di çdo demokrat i Tiranës. E kanë patur përballë. Ai duke I shërbyer regjimit të Edi Ramës, dhe demokratët duke luftuar që PD të vinte në pushtet. Ky është fakt. I fshihemi dhe nuk e themi është gjë tjetër, unë nuk kam ndërmend të fshihem. As më shantazhon kush, as më tremb e as më frikëson dot askush. Ky është fakt, e dinë demokratët. Nuk ka nevojë. Se po ti hyjmë në analizë edhe disa të tjerëve, ju siguroj se do na duket më shumë sikur po mblidhet kongresi i PS, se sa Kuvendi Kombëtar apo tentativa për organet e PD.

 

Pyetje: Nëse dekretohen zgjedhje të parakohshme vendore në bashkitë ku ka vakanca, PD është gati për tu future në zgjedhje?

 

Gazment Bardhi: Sigurisht që do të pritet vendimi i Gjykatës Kushtetuese. Unë dua të siguroj që PD do ti nënshtrohet Kushtetutës të Republikës së Shqipërisë.

 

Pyetje: Meqë mbrëmë dhe sot jeni marrë me Syri TV…

 

Gazment Bardhi: Jo nuk kam marrë me Syri TV, Syri TV ka mbi 2 muaj që merret me mua. Madje ka arritur deri aty sat ë akuzojë Sekretarin e Përgjithshëm të PD, drejtuesi i TV tuaj, që unë flas në telefon me Sule Çelën. Ai e di shumë mirë që unë nuk flas në telefon me Suel Çelën. E kam pasur përballë në fushatën e 25 prillit dhe sot Suel Çela punon për atë që bën tifo ai zotëria që drejton TV tuaj. Nuk jam marrë unë. Jeni marrë ju me shpifje dhe baltë ndaj Sekretarit të Përgjithshëm të PD me gjëra që çdo demokrat i Elbasanit qesh dhe tallet kur i dëgjon. Dhe sot ky individi që e kemi pasur përballë në zgjedhjet e 25 prillit thërret drejtues të PD në Elbasan dhe i vendos përpara formularin për nënshkrim. E di dhe Flamur Noka se ka qenë para dy ditësh i thirrur nga ata që kanë besuar te demokratizimi i Partisë Demokratike, pikërisht për këtë çështje, se nuk të pranojnë demokratët e Elbasanit të ja mbledhin Kuvendin Kombëtar të PD, Suel Çela. Nuk e pranojnë kurrë do apo nuk do Syri TV.

 

Pyetje: A po bën gabim Syri Televizion që po i jep zë anëtarëve të PD…

 

Gazment Bardhi: Po bën shumë mirë.

 

Pyetje: Meqënëse ngritët akuza…

 

Gazment Bardhi: Nuk ngrita akuza, ju keni ngritur akuza. Unë po ju jap fakte. Ju ftoj të shkoni nesër në Elbasan dhe të verifikoni këtë që po them unë.

 

Pyetje: Meqë më thatë edhe më parë që nuk ju kemi ftuar, jeni të ftuar në Syri TV, sot, nesër, kur të keni mundësi.

 

Gazment Bardhi: Patjetër. Kur të dëshironi ju, unë jam i hapur siç kam qenë i hapur për tju përgjigjur çdo pyetje tuajën, por ndryshe nga televizioni juaj apo drejtues të televizionit tuaj, sepse nuk kam asgjë me ju, ju kërkoj shumë ndjesë, por sinqerisht akuza krejtësisht të pavërteta bëra në drejtimin tim, siç në fakt ka nja 2 muaj që bëhen ndaj meje, ndaj kryetarit të partisë, ndaj nënkryetarëve të partisë, ndaj cilitdo që mendon ndryshe nga Çim Peka, dhe është e drejta jonë të mendojmë ndryshe nga Çim Peka, është e drejta jonë, siç ka një mendim ai, kam dhe unë një mendim dhe ka çdo demokrat një vendim, sulmohet, anatemohet me shpifje nga më të ulëtat. Të më akuzosh mua që flas në telefon me Suel Çelën, ose duhet të jesh për diku tjetër jo për në TV, ose je duke mbuluar siç në fakt rezulton, atë që je duke bërë vet. Dhe për këtë që unë sapo thashë, mbaj përgjegjësi të plotë, sikundër për këtë që unë thashë, janë në dijeni të gjithë demokratët e qytetit të Elbasanit që janë thirrur një më një dhe I janë vendosur formularët përballë. Nuk thërret, harrojeni se thërret banda dhe krimi i organizuar Kuvend Kombëtar të Partisë Demokratike. Harrojeni.

 

Faleminderit​

Read More

Pyetje: Cilat ishin çështjet që u prekën në takimin me përfaqësuesit e SHBA-së?

Lulzim Basha: Përfaqësuesit e lartë të Kongresit Amerikan me një delegacion të kryesuar nga senatorja republikane Ernst dhe me praninë e dy anëtarëve të Kongresit Amerikan, po kështu të partisë republikane, Valadau dhe Terner dhe një zonjë të Kongresit Amerikan, të Partisë Demokratike amerikane zonja Sotkin, së bashku me zyrtarë të lartë të sigurisë kombëtare vizituan Partinë Demokratike dhe na dhanë mundësinë për të shkëmbyer mendime mbi gjendjen politike në Shqipëri, në rajon dhe mbi perspektivën e bashkëpunimit strategjik midis Shqipërisë dhe Shteteve të Bashkuara të Amerikës. Në prioritetin e parë për Shqipërinë, natyrisht rendita domosdoshmërinë e rikthimit të vendit në shinat demokratike të zgjedhjeve të lira dhe të ndershme dhe rolin e veçantë që ka për qëllim lufta kundër korrupsionit, lufta kundër krimit të organizuar, bashkëpunimit të politikës dhe krimit të organizuar ku shfaqin një interes të veçantë për iniciativat tona politike siç është ai i vettingut të politikanëve dhe natyrisht siç është interesi më madhor i Partisë Demokratike dhe i shqiptarëve , zgjedhjet e lira dhe të ndershme . Folëm po kështu për rëndësinë që ka jo vetëm për sigurinë dhe për paqen dhe stabilitetin, po kështu edhe për demokracinë , lufta kundër korrupsionit, por edhe për faktin që i gjithë rajoni sot po përjeton një nevojë të ngutshme për të rikthyer shoqëritë e Ballkanit perëndimor në shinat e legjitimitetit demokratik, sepse kjo situatë që po cenon paqen dhe stabilitetin në rajonin e Ballkanit perëndimor është produkt i drejtpërdrejtë i autokratëve të Ballkanit, të cilët për hir të pushtetit të tyre kanë shkatërruar bazat e bashkëjetesës demokratike siç janë: zgjedhjet e lira dhe të ndershme, duke cituar në veçanti shkatërrimin e zgjedhjeve të 25 prillit dhe raportin e OSBE-ODIHR i cili në qoftë se nuk do të kishte emrin e Shqipërisë, do të ishte i denjë për Bjellorusinë e Lukashenkos dhe duke treguar vendosmërinë tonë për të mos ju ndarë asnjë çast kauzës kryesore të shqiptarëve që është të kenë politikanë të pastër, që ju shërbejnë interesave të qytetarëve dhe jo interesave të tyre dhe një grushti të ngushtë përfaqësuesish të krimit të organizuar dhe oligarkësh. Këtu po kështu pata mundësinë t’iu shpjegoj se si përmes iniciativës tonë për vettingun e politikanëve ne do të mundësojmë atë deficit që çdo shqiptar e ndjen. Faktin që deri më sot drejtësia, edhe pse kanë kaluar 5 vjet nga reforma në drejtësi, nuk ka qenë në gjendje të çojë përpara përgjegjësisë asnjë politikan të nivelit të lartë për korrupsion dhe asnjë bos të krimit të organizuar dhe kjo padiskutim është në themel të manipulimit të zgjedhjeve siç ndodhi dhe më 25 Prill, të masakrës zgjedhore të 25 Prillit. Ndaj, vetting-u i politikanëve, si një iniciativë që ndihmon për ta bërë aktiv dhe për të hequr çdo alibi SPAK-ut, PKH-së dhe instancave të tjera, ishte në fokus të bisedës dhe të interesit të thellë që treguan të gjithë anëtarët e delegacionit të lartë të kongresit dhe senatit të Shteteve të Bashkuara të Amerikës. Dua ti falenderojë për praninë e tyre. Ishte, sigurisht, një delegacion bipartizan, ndonëse me dominancë nga Partia Republikane, që është një parti simotër e Partisë Demokratike të Shqipërisë, që jemi së bashku anëtarë në Unionin Ndërkombëtar Demokrat, por e rëndësishme është që pavarësisht prej natyrës të ndryshme, bipartizane pra të delegacionit, ne u pamë sy më sy mbi shqetësimet dhe prioritetet kryesore të partisë Demokratike dhe të miat në funksion të zgjidhjes së krizës së rëndë që ka pllakosur Shqipërinë.

Pyetje: Zoti Basha pse nuk i lejoni ju deputetët që të flasin në mbledhjen e grupit, i referohem mbledhjes e cila përfundoi pak orë më parë?

Lulzim Basha: Sajesë.

Pyetje: I keni lejuar që të flasin?

Lulzim Basha: Jua dhashë përgjigjen, është sajesë. Nuk mendoj se duhet të konsumojmë kohë me sajesat.

Pyetje: Zoti Basha ju thatë se folët për politikanë të korruptuar. A kërkuat juve shpjegime për liderin historik të Partisë Demokratike, i cili nga Departamenti Amerikan i Shtetit është shpallur si një person i korruptuar?

Lulzim Basha: Prania kaq e lartë e anëtarëve të kongresit të senatit amerikan, siç e thashë bipartizan dhe në veçanti me një shumicë dërmuese Republikane, ishte një mundësi e jashtëzakonshme për të folur për prioritetet tona politike dhe prioriteti ynë politik është ndarja nga e shkuara, ndarja ka korrupsioni endemik që ka shkatërruar jetët e shqiptarëve, i ka varfëruar dhe vazhdon t’i varfërojë ata dhe që po zbraz familjet shqiptare nga rinia, po e zbraz vendin nga njerëzit e aftë që po mësyjnë drejt emigracionit. Në këtë kuadër pa pikë diskutimi detyra ime i kryetar i Partisë Demokratike ishte që aspiratat e demokratëve për t’i prirë një ndryshimi themelor politikës dhe nëpërmjet politikës të Shqipërisë. t’i jepja zë pa asnjë mëdyshje për sa u përket prioriteteve që përmenda më parë. Pra, Partia Demokratike dhe unë nuk jemi dhe nuk mund të bëhemi avokatë personal të askujt, duke filluar nga unë i pari, por ne jemi dhe do të mbetemi avokatë për hallet dhe problemet e shqiptarëve për të cilat sot jam siguruar personalisht nga senatorja Ernst dhe nga anëtarët e Kongresit amerikan se kemi dhe do të kemi mbështetje të plotë të Kongresit dhe të Senatit amerikan në mënyrë bipartizane si nga partia në pushtet edhe nga partia jonë simotër, Partia Republikane

Read More

1. Pyetje: Zoti Basha, jeni gati për zgjedhje të pjesshme lokale?

Lulzim Basha: E para e punës të presim vendimet dhe zbardhjen e tyre. Padiskutim që atentati anti-demokratik i “30 qershorit” është pjesë e skemës së shkatërrimit të demokracisë nga rrëgjimi në fuqi dhe objektivi kryesor i Partisë Demokratike është të rikthejë Shqipërinë në një vend demokratik nga një regjim autokratik në të cilin është kthyer nën sundimin e Edi Ramës.

Pyetje: Zoti Basha, po zgjedhjet në Forumin Rinor të Partisë Demokratike, e morët vendimin për t’u zhvilluar vetëm sepse zoti Belind Këlliçi do marrë pjesë në “Foltoren” e Berishës?

Lulzim Basha: Jo s’është fare e vërtet. Kjo është një sajesë e fabrikuar për interesa personale. Për herë të parë nën drejtimin tim, Forumi Rinor i Partisë Demokratike ka zhvilluar zgjedhje, madje zgjedhje një anëtarë një votë për kryetarin, si dhe zgjedhjen e forumeve drejtuese. Për fat të keq prej dy vitesh mandati i forumeve drejtuese dhe i kryetarit ka skaduar dhe në përputhje me normat demokratike, përsëri me një anëtarë një votë, të rinjtë dhe të rejat demokrate do zgjedhin përfaqësuesit e tyre duke përfshirë dhe kryetarin e ri.

Pyetje: Po pse vendosët në këto momente, sepse duhet pasur parasysh që ju keni edhe zgjedhjet lokale?

 

Lulzim Basha: Ne kemi shumë sfida përpara, por asgjë nuk mund të pengojë Partinë Demokratike që të zbatojë normat statutore të demokracisë dhe aq më pak interesat personale të pengojnë funksionimin e parimeve të tilla siç është zgjedhje një anëtarë një votë, që është një risi për të cilën Partia Demokratike është ballë lartë dhe unë si kryetar i saj, jam krenar.

Pyetje: A ka të drejtë kryetari i Partisë Demokratike për të shpallur zgjedhjet për një organizatë partnere?

Lulzim Basha: Është i njëjti proces që është ndjekur edhe në 2014-ën, ku për herë të parë është ndjekur parimi një anëtar një votë. Por vëmendja juaj sot duhet të përqendrohet edhe në një lajm tjetër që i shtohet vettingut të politikanëve, javën e ardhshme ne do të përparojmë me ligjin e formuluar prej kohësh, draftligjin e formuluar prej kohësh, për të përfshirë në kuadrin ligjor anti-mafia, pra në ligjin anti-mafia, edhe nene kundër oligarkisë. Faleminderit!

Read More

 

• PD dorëzon në Kushtetuese padinë për pengimin e Komisionit “Becchetti”, PD: Rama shkaktar i dëmit 120 milionë euro, ka frikë të hetojë.

 

DEKLARATA PËR MEDIA E N/KRYETARES SË PD GRIDA DUMA DHE SEKRETARIT TË PËRGJITHSHËM TË PD GAZMENT BARDHI TEK GJYKATA KUSHTETUESE

 

Grida Duma: Jemi sot në Gjykatën Kushtetuese sa i përket hapjes dhe miratimit të Komisionit Becchett-i, çështjes “Becchett-i”.

Pa dyshim, fitorja e parë e Partisë Demokratike është fakti që ata treguan publikisht që nuk miratojnë dot një komision hetimor sepse janë të qartë që është një çështje e humbur.

Është e qartë pse?! Sepse në dy dekada është traditë normale që nuk ka nevojë për miratimin e asnjë force politike, komisionet hetimore me ¼ e deputetëve mblidhen dhe kjo mjafton është e legjitimuar për të ngritur komisionin hetimor.

Padyshim, Partia Demokratike nuk kënaqet dhe nuk mundet që të ndalojë thjeshtësisht tek një fitore publike, mediatike dhe e bërë pasi është bërë fare e qartë se Rama ka frikë të hetojë sepse e di që është shkaktar, përgjegjës për 120 mln euro të cilat arsyeja për të cilat Komisioni Hetimor ekziston dhe duhet të ekzistojë.

Megjithëse po vonohet por nuk pengohet dot plotësisht, e sigurt është që Shqipëria është e vonuar në shumë aspekte, por le të përpiqemi që të mos jetë një çështje e penguar dhe harruar.

Dhe ne këtë do të bëjmë sepse 120 mln euro i Arbitrazhit Ndërkombëtar që ndëshkon Shqipërinë që ta paguajnë shqiptarët, ku shkaktar është Rama dhe keqqeverisja, për shkak të faktit të thjeshtë se politika merr hak politikisht ndaj një media, ndaj një investitori etj, etj. pra shkaktar janë ata, duke influencuar edhe tek gjykata shqiptare, të cilat në përfundim marrin vendime që ndëshkohen nga gjykatat ndërkombëtare.

Kjo është çështja dhe 120 milionët ne do të luftojmë deri në fund që të mos ta paguajnë shqiptarët por ta paguajnë shkaktarët, “Rama and company”.

Pyetje: Pse vendosi Partia Demokratike të vihet në lëvizje tani, ndërkohë që vendimi i zbardhur i Gjykatës së Arbitrazhit është bërë që në muajin prill?

Grida Duma: Së pari, jeta parlamentare dhe Komisioni Hetimor Parlamentar nis kur nis zyrtarisht Parlamenti dhe ne nuk mund të nisim në Prill kur jemi në Parlament në shtator. Në këto kushte kemi bërë hapat e parë të Komisionit Hetimor që në fillesën e javës së parë, të dytë, të tretë të Parlamentit. Nuk jemi të vonuar por jemi të shpejtuar. Ndoshta dikush na pyet, përse keni nisur me një axhendë kaq të ngarkuar.

Gazment Bardhi: Asokohe kur vendimi u bë publik Partia Demokratike ka depozituar një kallëzim në SPAK për përgjegjësit e kësaj afere 120 milionë Euro. Këtu bëhet fjalë për një hetim Parlamentar, për të përcaktuar përgjegjësitë administrative secilit prej zyrtarëve publikë dhe për t’i përballur ato me pasojat financiare që sjell ky vendim.

Përsa i përket aksionit tonë, që në Prill kur janë publikuar faktet, kemi depozituar kallëzim penal në SPAK. Kemi ndjekur të gjitha rrugët institucionale qoftë hetimin penal, duke investuar SPAK-un, dhe sigurisht në shtator kur jemi rikthyer në Parlament kemim paraqitur kërkesën për Komision Hetimor.

Pyetje: Po me Komisionin Hetimor për Inceneratorët çfarë po ndodh?

Gazment Bardhi: Siç e dini nuk ka patur bisedime të tjera. Ne kemi depozituar kërkesën në Kuvend. Kanë kërkuar 1 javë kohë për të reflektuar mbi kërkesën dhe besoj të enjten do të jetë për votim. Shpresojmë pa surpriza në seancën e radhës parlamentare. Ne kërkojmë të hetohet afera e inceneratorëve, jo të krijojmë grup pune për mbetjet. Ato i krijon qeveria e cila nuk bën asnjë punë vetëm krijon grupe pune.

Read More