Me kë tallet akoma ky? Për 8 vjet Rama i ka shërbyer vetëm vetes, miqve të tij, ortakëve të tij, por jo shqiptarëve. Për 8 vjet shqiptarët kanë humbur, Rama dhe miqtë e tij kanë fituar. Shqiptarët duan ndryshim. Ndaj me 25 prill Shqipëria fiton dhe Rama humb.
NJOFTIMI PËR TAKIMIN E KRYETARIT TË PD, LULZIM BASHA, ME PËRFAQËSUES TË SHOQATËS SË FASONËVE
Kryetari i Partisë Demokratike, Lulzim Basha, gjatë një takimi në selinë e PD, iu shpjegoi përfaqësuesve të Shoqatës së Fasonëve, Programin Ekonomik të PD, #Shqipëria Fiton.
Basha tha se programi i propozuar nuk është një paketë premtimesh, por angazhime që merr qeveria e dalë nga zgjedhjet e 25 prillit. Shefi i opozitës tha se ky program nuk është program mrekullish, por program normalizimi dhe rimëkëmbje të ekonomisë dhe me të fiton Shqipëria.
“Pa pikë diskutimi sektori i fasonëve është një nga sektorët kyç të ekonomisë shqiptare, për arsyen që sapo thatë, numrin e madh të personave që punësoni. Në shumë raste këta janë edhe personat e vetëm që sjellin të ardhura në familjet e tyre. Po kështu zhvillimet e viteve të fundit, duke përfshirë edhe zhvillimet e pandemisë, nga njëra anë ju kanë dëmtuar, ju kanë goditur rëndë. Mbi 15 mijë veta kanë humbur vendin e punës vetëm në sektorin tuaj, ky është lajmi i keq. Lajmi i mirë është që si pasojë e zhvillimeve globale, tregjet kryesore ku ju çoni produktin tuaj po mendojnë të zhvendosin apo të fuqizojnë zinxhirin e furnizimit që do të thotë që në qoftë se Shqipëria njësoj si vendet e tjera të rajonit tonë janë gati kontratat tuaja mund të rriten, mund të shumëfishohen dhe aftësia juaj për të punësuar më shumë njerëz dhe për t’i paguar më mirë mund të rritet. Natyrisht për këtë ju duhet të keni në krah shtetin. Ajo që kemi prezantuar nuk është program mrekullish, është program normalizimi dhe rimëkëmbje ekonomike. Ato nuk janë premtime, janë angazhime. Propozimet tona janë të qarta dhe janë të provuara që funksionojnë. Taksa e sheshtë 9% është një ulje jashtëzakonisht e madhe krahasuar me taksën 15% që ju paguani. Çmimi i naftës 240 lekë të vjetra për litër karburant i shtuar në këto 8 vite. Çdo litër naftë prej ditës së parë të qeverisë të dalë nga ota e 25 Prillit do të jetë 240 lekë më i lirë. Dhe kjo pa diskutim do të reflektohet edh në vlerën e koston e prodhimit tuaj dhe në aftësinë tuaj për të konkurruar me ofertën tuaj ne tregun Europian dhe më gjerë. Për biznesin prodhues e njëjta masë do të merret me energjinë elektrike. Dhe një pikë tjetër që dua të përmend para se të vazhdojmë diskutimit është rimbursimi i TVSH-së. Rimbursimi i TVSH-së me të gjithë sektorët e ekonomisë është kthyer në një ankth të paparë dhe padiskutim në një kohë krize detyra e qeverisë, detyra e parë e qeverisë është të mos ta vonojë rimbursimin e TVSH-së. Ky është një nga angazhimet kryesore që kemi marrë përpara sipërmarrjes në tërësi dhe para sipërmarrjes si e juaja në veçanti. Me dy fjalë, nuk janë premtime, por janë pjesë e një plani konkret. Janë angazhime me të cilat ne e nisim që në ditën e parë të punës, t’ju vijmë në ndihmuar ju njerëzve të punës që të ndihmoni të punësuarit tuaj që të punësoni të tjerë dhe të përmirësoni standardin e jetës së tyre, natyrisht duke bërë të mundur që të përcillni një pjesë të fitimeve që do të vijnë si rezultat i këtyre masave edhe në objektivat që kemi në raport me rritjen e mirëqenies dhe rritjen e pagave për punonjësit shqiptare”, – u shpreh Basha.
Gjergj Gjika një nga përfaqësuesit kryesorë të sektorit fason në Shqipëri, tha se ky sektor i rëndësishëm i ekonomisë është ofruesi më i madh i vendeve të punës, por nuk shikohet si i tillë nga institucionet ndërkohë që prej qeverisë së ardhëshme ai tha se pret të mundshmen, jo premtime të pamundshme për tu mbajtur.
Gjergj Gjika: Ne i mirëkuptojmë sepse vështirësi natyrore mundet të ndodhin edhe në të ardhmen. Problemi është i përcjelljes, ne sot ndodhemi në një gjendje shumë të vështirë. Ne duam të përcaktojmë bashkërisht të mundshmen, siç thatë ju, angazhimet dhe ne duam angazhimet e qeverisë së ardhshme, të mundshme sepse u bënë kaq vite që ne dëgjojmë vetëm llafe të bukura, dëgjojmë vetëm premtime dhe në fund të fundit ne vemi vetëm me rezultate negative apo me, të themi spostime mbrapsht. Ne sot vërtetë jemi në këtë fazë shumë të goditur por ju e keni obligim që do të merrni qeverinë nesër që e para, e para është që të na shëroni biznesin shqiptar në përgjithësi dhe sektorin tonë në veçanti. E dyta të krijoni mundësinë që ky të eci pasi të shërohet me këmbët e veta. Dhe e treta të shohim për tregjet që ju i lançuat me të drejtë në të ardhmen, pra me vizionin afatgjatë të këtij biznesi i cili s’ka për tu mbyllur kurrë sepse njerëzimi që kur lind e derisa vdes ka nevojë për tu veshur e për tu mbathur.
Hëna Hoxha, anëtare e kryesisë së shoqatës tha se fasoneria rrezikon të hyjë në krizë të thellë.
“Konkretisht në momentin që flas unë mbaroj punë të hënën dhe nuk e di se çfarë do ndodhi për minimum 2 muajt e ardhshëm.
Lulzim Basha: Në ç’kuptim mbaroni të hënën?
Sipërmarrësja: Që s’ka asnjë lloj kontrate për sezonin që fillojmë. Klientët me emal-e zyrtare kanë komunikuar që deri në mesin e Prillit nuk ka as edhe njëlloj kontrate.*
Gjatë bisedës përfaqësuesit e fasonëve thanë se kjo situatë krize po çon bizneset drejt mbyllje.
“Shoqata jonë me sa di unë bëri një anketim të shumë bizneseve tona ku nga anketimi doli që afërsisht mbi gjysma e sipërmarrësve si ne donin të shisnin bizneset, pra kjo do të thotë që është detyra juaj si kryeministër i ardhshëm ti ktheni besimin dhe entuziazmin sipërmarrjes së lirë”
Kryetari i PD, tha politika e premtimeve të pambajtura ka dështuar dhe pikërisht për këtë arsye, kjo politikë e premtimeve boshe sulmon programin që Shqipëria fiton.
Lulzim Basha: Vështirësitë tuaja kanë qenë para tërmetit dhe para pandemisë. Këto vetëm janë thelluar. Prandaj dhe ju thashë që nuk kemi asnjë iluzion por radhën e punëve. Stabilizim pra normalizim dhe masat e para këto synojnë stabilizimin e normalizimin e situatës tuaj. Në qoftë se ju vazhdoni dhe humbni mijëra vende pune në javë, dhjetëra mijëra vende pune në muaj atëherë nuk ka asnjë kuptim të flasim për të ardhmen, se s’ka më të ardhme. Pra gjëja e parë është të ndalëm largimin e forcës punëtore apo paaftësinë tuaj për të vazhduar për të mbajtur forcën punëtore për shkak të gjithë problematikave që diskutuam deri tani. E dyta dhe që është po kaq e rëndësishme është rimëkëmbja e industrisë në tërësi. Dhe ne besojmë që me masat që kemi prezantuar, jo vetëm për sektorin tuaj, por edhe me masat specifike për sektorin tuaj rimëkëmbja e industrisë së fasonëve në Shqipëri është plotësisht e mundur brenda 12-18 muajve të parë. Kjo kohë nuk ka pse të humbet, por gjatë kësaj kohe ne mund të ndërtojmë së bashku vizionin jo thjesht për të mbajtur por për të zgjeruar dhe kapur tregjet e reja që mund dhe do të na ofrohen me lëshimet që po ndodhin si rezultat i ndryshimit të zinxhirit të furnizimit të Europës Perëndimore që është dhe tregu kryesor i fasonëve shqiptarë. Pra, të treja këto objektiva janë të gërshetuara. Stabilizim, rimëkëmbje dhe pastaj zgjerim në bazë të një vizioni të përbashkët. Nga shpalosja e planit, plani po sulmohet, po sulmohet nga ata q nuk bënë asgjë, po sulmohet për një arsye të thjeshtë. Njësoj si ju edhe sektorët e tjerë të ekonomisë edhe shqiptari më i thjeshtë duan ndryshim dhe ky plan është ndryshimi që ata dështuan ta sjellin për 8 vite me rrallë. Unë nuk kam ndërmend të harxhoj as një sekond kohë me sulmet e tyre, sulmet e tyre janë çertifikata e dështimit të tyre 8 vjeçar. Por mbi të gjitha janë një mësim për të gjithë politikën Shqiptare se ku përfundon politika e cila premton botën dhe nuk sjell asgjë dhe ku duhet të përfundojë çdo qeveri që mendon për vete, të rrëmbejë gjithçka për vete dhe harron njerëzit duke nisur nga njerëzit e thjeshtë e deri tek ju që jeni përgjegjës jo thjeshtë dhe vetëm për familjet e tuaja po për mijëra familjet e shqiptarëve të cilët u jepni rrogën u jepni bukën. Me këtë program fiton Shqipëria, nuk fiton vetëm partia demokratike, nuk fiton vetëm koalicioni ynë qeveritar. Fiton Shqipëria do të thotë fitoni ju, do të thotë fitojnë ato familje që mbani ju me bukë. Problemet që keni shtruar i kam të gjitha përpara këtu, përgjigjet që u kemi dhënë me planin i keni të gjithë besoj të qarta. Angazhimi i përbashkët është rruga për ta nxjerr industrinë tuaj nga kriza, pra për ta stabilizuar, për ta rimëkëmbur. Me këtë plan ne do të bëjmë të mundur jo më të humbni vende pune por të mbani forcën punëtore, të përmirësoni kushtet dhe pagesat e tyre, të rrisni fitimin tuaj, të shtoni forcën punëtore, diversifikoni prodhimin dhe ta kthejmë Shqipërinë prapë lider për sa i përket industrisë së rieksportimit apo fasonëve siç i njeh gjithë Shqipëri, – u shpreh kryetari i PD, Lulzim Basha, gjatë takimit me përfaqësuesit e fasonëve.
NJOFTIMI PËR TAKIMIN E KRYETARIT TË PD, LULZIM BASHA, ME NJË ÇIFT PENSIONISTËSH NË TIRANË
Kryetari i Partisë Demokratike, Lulzim Basha, ishte në familjen e çiftit Lili e Lulzim Sula në Tiranë ku gjatë një bisede të lirë u shpjegoi atyre dhe pensionistëve shqiptarë efektet që do të sjellë programi ekonomik i PD.
Basha sqaroi planin e tij duke u ndalur në veçanti tek programi për rritjen e pensioneve.
BASHKËBISEDIMI I PLOTË I KRYETARIT BASHA ME ÇIFTIN SULA
Lili Sula: Gëzohem që të shoh!
Lulzim Basha: Faleminderit Shumë!
Gëzim Sula: Të shohim në televizor.
Lulzim Basha: Ju falënderoj shumë për mikpritjen sot!
Gëzim Sula: Është kënaqësi e madhe!
Lulzim Basha: Ju keni qenë të dy pedagogë, arsimtar?
Gëzim Sula: Ne të dy jemi të matematikës, mësues te shkollat e mesme.
Lulzim Basha: A e ndoqët ndopak programin që filluam të shpalosim dje?
Lili Sula: E dëgjuam.
Gëzim Sula: E dëgjuam, normal.
Lulzim Basha: Nevoja më e madhe është për t’iu ardhur në ndihmë njerëzve, sepse ekonomia ka qenë e shkatërruar edhe më shuma. Askush nuk e ndjen këtë më shumë në xhepa dhe në tavolinë sesa ju vet pensionistët. Unë i kam të dy prindërit pensionist. Nënën e kam arsimtare me pension njësoj si ju. Rritja e pensioneve me programin tonë, është jo më pak se 5%. Dyfishimi, domethënë rritja sa dyfishi i inflacionit, por jo më pak se 5% në çdo rast. Tani ju vet i bëni llogaritë, sa merrni dhe çfarë do të thotë kjo për pensionit tuaj mujor. Me këtë lloj rritje ne shpresojmë që brenda një kohe jo të gjatë, pensionet shqiptare në tërësi mesatarja e tyre të kap dhe të dal mbi mesataren e pensioneve të rajonit. Pra, një sërë masash të cilat kanë për synim në radhë të parë të stabilizojnë, të normalizojnë dhe të rimëkëmbin ekonominë. Por duhet me fillu me atë pjesë të popullsisë e cila është më e goditura, që jeni ju. Se përllogaritet që janë afro 650 mijë pensionist. Pensionet shumica prej tyre i kanë në nivelin e mbijetesës.
Lili Sula: Shumë të ulëta.
Gëzim Sula: Është e vërtetë.
Lulzim Basha: Pra, paguajnë dritat, paguajnë ujin, paguajnë atë pjesë të ilaçeve që nuk iu rimbursohet. Çfarë do mbetet?
Gëzim Sula: Ne të dy kalojmë, jemi me pensione mesatare, të dy. Dhe me këto, të themi të drejtën, nevojat, atë minimumin jetik me zi e arrijmë. Pjesët e tjera është patjetër kontribut i fëmijëve. Me ata. Me këto pensione ne nuk mund të arrijmë, sepse janë ilaçet, janë faturat që janë detyrimet një herë të parat. Ditën që do të marr pensioni, puna e parë që do të mendoj është shlyerja e detyrimeve. Mbasi i shlyej ato bëj hesapet e tjera se si duhet të jetë racioni ditor për të mbyllur muajin, RPT deri në pensionin tjetër.
Lili Sula: Se ne ndihmohemi.
Gezim Sula: Pra është ne jemi dy të sëmurë sot që marrim mjekime, mjekime tё përhershme.
Lulzim Basha: Keni fatura të përmuajshme të ilaçeve?
Gёzim Sula: Po, fatura të përmuajshme ilaçeve është për të dy, për familjen tonë është 8 mijë lekë të reja, 80 mijë lekë të vjetra në muaj, duke filluar se unë marrë ato mjekime se kam kaluar një infarkt me atë kam vendosur stendat.
Lulzim Basha: Si je tani? Si ndihesh?
Gëzim Sula: Mirë, mirë. Kanë u bënë 8 vjet që jam kështu, por mjekimi është i përhershëm.
Lulzim Basha: Sigurisht. I përditshëm.
Gëzim Sula: I përditshëm. Dhe ky mjekim po kështu kurojmë tensionin, kurojmë, ato marrim..
Lulzim Basha: Kolesterolin, holluesin e gjakut.
Gëzim Sula: Po. Të gjitha.
Lulzim Basha: E kam parasysh se diagnoza që ka grupmosha juaj është pak a shumë e njëjta.
Gëzim Sula: Dhe mendo t’i shtosh kësaj, t’i shtojmë faturën e energjisë shkojnë mesatarisht mbi 50 mijë lekë në muaj. Fatura e ujit shkon nga 15 deri në 20. Këto detyrime ti kryesh pastaj edhe jetesa e përditshme.
Lulzim Basha: Normal.
Gëzim Sula: Po njeriu ka nevojë dhe për gjëra të tjera. Jeta ka. Ato të tjerat plotësohen edhe për ndonjë ditë pushimi.
Lulzim Basha: Sigurisht.
Gëzim Sula: Në vit.
Lulzim Basha: Sigurisht.
Gëzim Sula: Edhe kjo bëhet nëpërmjet atyre. Po ato kanë familjet e tyre sot.
Lulzim Basha: S’ka diskutim.
Gëzim Sula: Ata ndoshta e kanë për krenari të na ndihmojnë po në fund të fundit..
Lulzim Basha: Kanë fëmijët e tyre, kanë barrën e tyre financiare.
Gëzim Sula: Kanë fëmijët. Dhe ne, kemi dhënë kontribut gjithë jetën tonë dhe sot duhet të jesh njëçikë më dinjitoz, më kjo është…
Lili Sula: Kam një shoqe të ngushtë, mosha ime, e ka zënë COVID-i. Dhe ajo më tregoi se ajo në shtëpi, ka vajzën shyqyr në një punë të mirë.
Lulzim Basha: Bashkëmoshatarja juaj, pensioniste?
Gëzim Sula: Po, po, po.
Lili Sula: Është në shtëpi me gjithë të shoqin. Bën bombolën e oksigjenit, mo po doktorin, me të njohur kuptohet.
Gëzim Sula: Deri te injeksionet.
Lili Sula: Një injeksion 25 mijë lekë, flas me të vjetra unë. 50 mijë lekë dita vetëm gjilpërat që bëjnë.
Lulzim Basha: Po si ja dalin ?
Lili Sula: Po ilaçet
Gëzim Sula: Me ndihmën e fëmijëve.
Lili Sula: Ja pra thamë shyqyr ka vajzën.
Gëzim Sula: S’ka zgjidhje tjetër, nuk ka.
Lili Sula: Mblidhen, konsumojnë pak, mbledhin një farë leku të gjithë për një ditë të keqe tani do shkonte të bënte atë skanerin..
Lulzim Basha: Skanerin e mushkërive
Liliz Sula: Sepse kishte qenë me 39 dje.
Gëzim Sula: Po analizat. Se analizat përgjithësisht shkojmë të privati se të shkosh në shtet do të sorollatesh edhe nuk e zgjidh problemin, nuk e zgjidh.
Lili Sula: Për shkurt i bie aty, por privati do lekun se i bëjnë ato.
Lulzim Basha: Prandaj ne kemi ardhur me këtë plan pune se vështirësitë i dimë edhe e mira është ti qajmë hallet por nga ana tjetër duhet ti japim njerëzve shpresë që me 25 prill gjërat do të ndryshojnë, jo thjesht qeveria por do të ndryshojmë gjërat për të gjithë, jo thjesht të fitojë një parti apo një koalicion por të fitojnë të gjithë shqiptarët. Me këtë plan fitojnë gjithë shqiptarët. Ata që s’kanë bërë asgjë e keni parë sa e shpalosëm planin filluan ta sulmojnë. Pse e sulmojnë se kishin tetë vite s’bënë asgjë madje pensionet nuk i rritën as sa norma e inflacionit se ju thashë i kam të dy prindërit pensionistë, as sa norma e inflacionit nuk i ka rritur pensionet, nuk menduan për ju.
Gëzim Sula: Po i bie shkurt.
Lulzim Basha: Po!
Gëzim Sula: Në vitin 2003 dola në pension, së bashku me time shoqe. Nga 2003 në 2005, në kohën e qeverisë së Foatos Nanos.
Lulzim Basha: Po.
Gëzim Sula: Na u rrit pensioni 1400 lek të reja, ose 14 mijë lek të vjetra. Në periudhën nga 2005 në 2013, na është rritur pensioni 100 mijë lek të vjetra ose 10 mijë lek të reja. Në periudhën nga 2013-ta deri sot që flasim, pensioni ynë është rritur 3 mijë lekë të rreja. Kjo është hesapi, edhe kam arritur me atë pension që kam sot 25 mijë lek të reja, 27 merr ime shoqe.
Lulzim Basha: Domethënë në 8 vite.
Gëzim Sula: Në 8 vite 3 mijë lekë.
Lulzim Basha: Domethënë në 8 vite nuk i rriten as sa inflacioni.
Gëzim Sula: Në 8 vite as sa inflacioni nuk është rritur.
Lulzim Basha: As sa inflacioni. Më i lartë ka qenë inflacioni këto 8 vite sesa kompensimi që po bën kjo qeveri.
Gëzim Sula: Po, sesa ato. E drejtë. Shumë e drejtë
Lulzim Basha: Në momentin që ne kemi dalë me këtë plan njerëzit e kanë kuptuar fare mirë që bëhet fjalë për një plan të realizueshëm. Sepse ne nuk erdhëm t’ju themi që do bëjmë mrekullira, ama kjo ishte plotësisht e mundshme. Dhe po të shikoni kanë dy ditë, që kur kemi nxjerrë planin, që e sulmojnë planin. Pse?
Gëzim Sula: Patjetër
Lulzim Basha: Sepse plani ju kujton njerëzve që për 8 vite, siç e thatë dhe ju, këta nuk bënë asgjë. Ju lanë në baltë. 650 mijë pensionistë i lanë në baltë. Pensionet nuk I rritën as sa inflacioni. Çmimin e energjisë që premtuan që do ta ulnin j’ua rritën.
Gëzim Sula: Po, po.
Lulzim Basha: Koston e ushqimeve bazë ju premtuan që do tjua ulnin, ka shkuar 40% më lart. Çmimin e naftës, i treti më i larti në botë. Prandaj këta kanë dështuar në çdo aspekt dhe këtë e di çdo shqiptar. Tani ne kemi dalë me një plan. Jo me premtime. Me një plan konkret. Me angazhime. Angazhime të mia, i marrë para jush, para ju të dyve që ju kam si prindërit e mi.
Gëzim Sula: Faleminderit!
Lulzim Basha: Nënën e kam tamam arsimtare dhe i marrë para gjithë pensionistëve, para gjithë shqiptarëve. Me këtë plan fiton Shqipëria. Fitoni ju, fitojnë njerëzit.
Gëzim Sula: E drejtë.
Lulzim Basha: Për 2 vjet, për një koncept, për një plan që të ju përgjigjet nevojave të tuaja, por njëkohësisht të jetë i zbatueshëm. Ky është plani që ju përgjigjet nevojave tuaja dhe është i zbatueshëm dhe bën të mundur që jeta juaj të jetë pak më e mirë dhe qeveria të jetë në krahun tuaj. Qeveria të mendojë për ju, të jetë në krahun tuaj, mos të jetë pa rrugë ,por të jetë më shumë lekë në xhepat tuaj, më shumë ushqime në tavolinën tuaj dhe pak më shumë siguri dhe vendin që meritoni të keni në shoqëri, për të gjithë atë sakrificë që keni bërë. Na keni rritur brezin tim , jeni shembull për ne që jemi prind tashmë që të bëjmë edhe ne të paktën të njëjtën sakrificë dhe të njëjtën devotshmëri me fëmijët tanë. Me 25 Prill kjo do jetë zgjedhja.
Lili Sula: Ishallah.
Lulzim Basha: Qeveria që mendon vetëm për vete, apo një qeveri që mendon për njerëzit?
Lili Sula: Ja, kështu duhet ta mendojë çdo njeri. Nuk duhet…
Lulzim Basha:Me të parën e kemi parë këto 8 vite. Fiton Rama, humbin shqiptarët, humbet Shqipëria. Me të dytën fiton Shqipëria. Fitojnë shqiptarët. Fitojnë njerëzit.
Lili Sula: Fitojnë të gjithë. Kështu është.
Gëzim Sula: Normal.
DEKLARATË E PARTISË DEMOKRATIKE, ALBANA VOKSHI NGA “SHKOLLA JERONIM DE RADA”
Jam sot këtu para shkollës 9 -vjeçare “Jeronim De Rada” në Tiranë. Të gjithë e mbajnë mend që në 13 shtator kryetari i Bashkisë, Erion Veliaj, nxitoi që të inauguronte me bujë rikonstruksionin e kësaj shkolle me fondet e vendit mik, të Katarit.
Kushtetuta e Shqipërisë në nenin 57, pika 5 përcakton se “Arsimi i detyruar dhe arsimi i mesëm në shkollat publike në Shqipëri është falas”.
Por a është vërtetë falas ky arsim në Shqipëri?
Le ta nisim me atë që ne, qytetarët e Tiranës, paguajmë çdo muaj, taksën për infrastrukturën e arsimit. Çdo familjar, çdo prind paguan çdo muaj bashkë me faturën e ujit 1500 lekë. Çdo biznes, që nga biznesi i vogël, i mesëm apo biznes i madh paguan nga 40 mijë deri në 370 mijë lekë për infrastrukturën arsimore të shkollave. Pra, deri më sot, në 5 vite janë mbledhur deri në 50 milionë dollarë për infrastrukturën shkollore e cila duhet të ishte e dedikuar për ndërtimin e 17 shkollave të reja, në mënyrë që fëmijët të mos mësonin me 2, 3 apo 4 turne, apo për përmirësimin e infrastrukturës dhe sigurimin e kushteve të përshtatshme për mësimin e nxënësve në shkollat e Bashkisë së Tiranës.
Janë mbledhur 30 milionë dollarë, por sot kur jemi në semestrin e dytë të vitit shkollor 2020-2021, nxënësit mësojnë ende me 2, 3 apo 4 turne. Shumica e shkollave në Tiranë nuk kanë sistem të përshtatshëm ngrohjeje.
Ku kanë shkuar pra 30 milionë dollarë që janë mbledhur nga Bashkia Tiranë?
Dhe nuk mjaftohen me kaq, çdo ditë kërkojnë të fusin duart në xhepin e prindërve, të fusin duart në buxhetin e familjeve.
Unë këtu kam disa mesazhe që drejtoresha e shkollës “Jeronim De Rada”, iu ka dërguar një grupi prindërish ku shpjegon se cilat janë nevojat emergjente të shkollës në mënyrë që të sigurohet, sikurse drejtoresha e përcakton në mesazhin e saj, “për zhvillimin sa më të mirë të procesit mësimor ashtu edhe mbi nevojat e shkollës.”
Çfarë kërkon drejtoresha?
Drejtoresha thotë që “Departamenti i Matematikës ka nevojë imediate për mjetet didaktike në ndihmë të mësimdhënies; për raportor, kompas”. “Departamenti i Gjuhës Shqipe ka nevojë për tabelat bazë të Gramatikës dhe të Gjuhës Shqipe”. “Departamenti i Historisë dhe Gjeografikë ka nevoja për harta si dhe mjete bazë për mësimin”. “Departamenti i Fiskulturës ka nevojë për topa dhe për mjete të tjera sportive”.
Ai i shkencave ka nevojë për mjete laboratorike dhe didaktike. Secila klasë duhet të ketë në këndin e saj të veçantë lidhur me ekspozimin e projekteve dhe punëve të nxënësve.
Departamenti i arsimit fillor, ka nevojë për magnetofon, videoprojektorë që lidhen me zhvillimin e orëve të ndryshme muzikore, si gjuhës së huaj, muzikës etj.
Projektet ndër lëndore sipas dapartamenteve të cilat kanë lidhje me bazën materiale që do të përdoret, printime, foto, korniza etj, biblioteka e shkollës që ka nevojë për etiketa, për skedat e librave dhe kartelat e anëtarësisë, libër inventari si edhe vulë për librat.
Shkolla ka nevojë për printer.
Sikurse e shihni, këto nevoja bazike për një mësimdhënie cilësore nuk i siguron qeveria por duhet që t’i sigurojnë prindërit.
Para ka në buxhetin e shtetit për plotësimin e të gjitha këtyre nevojave dhe për sigurimin e infrastrukturës së përshtatshme, por paratë vidhen, ato shkojnë në parajsa fiskale, ato shkojnë për një turizëm luksoz me mish floriri në restorantet më të shtrenjta në Dubai dhe nuk merret asnjë masë të kenë kushte të përshtatshme, të ngrohta për të bërë mësim.
Asnjë qindarkë investime nga qeveria për fëmijët, asnjë masë e marrë për të mbrojtur mësuesit.
Të braktisur, të keqtrajtuar, të keqshfrytëzuar, dhjetëra orë të papaguara në javë dhe për më tepër të mashtruar për gjoja rritje të pagave nga kryeministri Edi Rama.
Por kur është boll, është boll. Kësaj duhet t’i jepet fund një herë e mirë.
Shqipëria nuk ka nevojë për një kryeministër të lidhur me bandat, për një kryeministër të lidhur me mafian dhe krimin.
Shqiptarët dhe Shqipëria kanë nevojë për një kryeministër të dijes, për një kryeministër të arsimit.
Pas 25 prillit Partia Demokratike do ta shndërrojë arsimin në prioritet të prioriteteve.
Në fund të mandatit të PD-së, çdo shkollë në të gjithë Shqipërinë do të ketë kushte të përshtatshme dhe infrastrukturë moderne të standardizuar integruese me standarde ndërkombëtare të aksesueshme për çdo fëmi.
Prindërit nuk do të kenë më shqetësimin se ku do të mësojnë fëmijët e tyre pasi shkollat do të jenë vënde të sigurta të dijes, argëtimit, pushimit të fëmijës, duke përfshirë këtu edhe një vakt ngrënie.
PD do t’i japë vendin që meriton me respekt dhe dinjitet që meritojnë të gjithë mësuesit, duke filluar që nga rritja reale e pagave.
Do të rriten pagat e mësuesve 60%.
Me pjesëmarrjen më të lartë ndonjëherë në historinë e vendit më 25 prill ne do të çlirohemi një herë e mirë nga kjo qeverisje e keqe, e dështuar, e korruptuar, për të sjellë në vend shpresë dhe ndryshim.
Së bashku ne do ta sjellim këtë ndryshim.
Falemnderit.
PREZANTIMI NGA ALFRED RRUSHAJ I PROGRAMIT TË PD PËR BUXHETIN E FAMILJES SHQIPTARE
Programi i Partisë Demokratike ka në qendër të tij FAMILJEN dhe Ekonominë Familjare. Për herë të parë një parti politike i jep prioritet masave që kanë vetëm një qëllim; rritjen e mirëqënies së familjes.
Investimi kryesor i një familje të re, është strehimi i cili është kthyer në pamundësi për shumë shqiptare që po largohen. Prandaj do te jemi në krah të familjeve të reja; do të financojmë 100% interesat e kredive që të rinjtë do të marrin për të blerë shtëpinë e tyre. Do të jenë së paku 20 mijë familje të reja që do të përfitojnë nga kjo masë.
Jo vetëm kaq, por ne jemi largpamës e do marrim masa që Shqipëria të mos plaket. Për këtë arsye ne do mbështesim me të gjithë mënyrat familjet dhe prindërit që lindin fëmijë.
Për çdo fëmijë të lindur, ne do të japim 3 mijë lekë në muaj për 5 vite. Rreth 30 mijë familjeve të reja do tu gjendemi në krah me këtë masë.
Shqetësimi i çdo prindi, është arsimimi i fëmijëve dhe cilësia e këtij arsimimi. Familjet shqiptare sakrifikojnë çdo gjë për të arsimuar fëmijet e tyre.
Të rinj që shkëlqejmë nëpër botë nëse i’u jepet mundësia të shpalosin talentin, këtu ua kanë bllokuar mundësitë. Këtë duhet ta ndryshojmë dhe e kemi vetë në dorë.
Prandaj rreth 90 % e studenteve do të mbështeten financiarisht nga qeveria për të paguar tarifat e arsimit.
Por ne nuk mund ta rrisim cilësinë e arsimit nëse nuk rrisim vlerësimin e punës së arsimtarëve. Pranda pagat e tyre do ti rrisim me 60%.
Ky plan do të prekë familjet e së paku 36 mijë arsimtarë të cilët do të jenë më të motivuar në punën e tyre, si dhe çdo familje shqiptare që ka femijët në shkollë.
Pas dështimeve të njëpasnjëshme të Ramës për 8 vjet me radhë, nuk ke ç’pret më prej tij. Rama ka shkatërruar ekonominë tonë, ka rritur papunësinë dhe koston e jetesës.
Pjesën më të madhe të të ardhurave familjet shqiptare e shpenzojnë për mbijetese. Kostoja po rritet çdo ditë më shumë. Qeveria ka rritur kostot e ushqimeve, kostot e energjisë, kostot e karburanttit, I ka detyruar familjet shqiptare që të paguajnë më shumë për edukimin e fëmijëve të tyre, u ka rritur kostot për shëndetësinë.
Rama i ka harruar njerëzit, Ministrat e tij trefishojnë pasuritë e tyre, ndërsa ekonomia e Shqipërisë shkatërrohet. Ata bëjnë pazare me mafien, në vend që të sjellin investues me vende pune për shqiptarët. Hanë vakte luksoze në Dubai, ndërsa vendi është nën ujë.
Gjatë muajve të fundit kemi punuar bashkë me Lulzim Bashën të krijonim një plan pune, që ta vëmë në zbatim për të ndryshuar jetën e secilit prej jush.
Ne kemi një plan të qartë, jo premtime boshe, as përralla para fushatës, por veprime konkrete që do kenë një ndikim të drejtpërdejtë në jetën e çdo familje shqiptare.
Nga ulja e tatimit mbi të ardhurat nga paga, dhe ulja e sigurimeve shoqërore do të perfitojë çdo person i punësuar. Të gjithë do kenë mundësi të çojnë më shumë para në shtëpitë e tyre.
Do ulim çmimin e energjisë për konsumin deri në 300 kËh dhe një familje e thjeshtë do kursejë rreth 8500 lekë në vit. Kjo masë do të lehtësojë ndjeshëm shpenzimet e së paku 710 mijë familjeve.
Një fokus të veçante do ketë edhe shtresa e mesme. Të punësuarit me pagë mbi 60 mijë lekë do të përfitojnë thuajse një gjysëm page shtesë nga ulja e tatimeve. Në këtë mënyrë do i japim fund barrës së rëndë të taksimit që qeveria iu ka vënë njerëzve më të talentuar, të kualifikuar apo më të suksesshëm në vend.
Për NE me rëndësi të madhe është respekti për të moshuarit dhe nevoja për solidaritetin mes brezave. Prandaj do të rrisim çdo vit pensionet për rreth 650 mijë pensionistë, sa dyfishi i inflacionit vjetor, por në çdo rast jo me pak se 5% ne vit. Ne do bëjmë çmos që ata të trajtohen me sa më shumë dinjitet e konsideratë për kontributin e çmuar që kanë dhënë për Shqipërinë.
Por njëherazi qeveria e Partisë Demokratike kurrsesi nuk nuk do të lere anash më nevojtarët. Sepse do te dyfishojmë ndihmën ekonomike për 60 – 70 mijë familje.
Partia Demokratike vlerëson shume punën dhe përkushtimin e jashtëzakonshëm të punonjësve shëndetësor, te cilët jane lënë në kushte të vështira.
Prandaj ne do të bëjmë të pamundurën që mjekëve dhe infermiereve t’ju japim dinjitetin që meritojnë. Paga e një mjeku do të shkojë 1200 Euro dhe paga e infermierëve do të shkojë në 700 Euro. Janë 4500 mjekë dhe 14 mijë infermierë.
Këto janë vetëm disa prej përfitimeve të drejtpërdrejta që do të kenë qytetarët falë modelit të ri të qeverisjes që ne do të aplikojmë.
Ka ardhur koha të ndryshojmë. Ka ardhur koha për një qeveri që kujdeset për familjet shqiptare dhe jo vetem per interesin e vet.
Prandaj eshte koha per te votuar Lulzim Bashën dhe PD, është koha që Shqipëria të fitojë.
PREZANTIMI NGA FLORION MIMA I PROGRAMIT TË PD PËR MBESHTETJEN E BIZNESIT
Gjatë 8 viteve u imponuan politika fiskale të korruptuara, amatore, çfilitëse për masën e tatimpaguesve të ndershëm, dhe, puthadorëse, për klientët e qeverisë. Sistemi tatimor po shkon në prag të kolapsit për shkak të këtyre politikave dhe të një administrimi skandaloz që lidhje nuk ka me administrimin fiscal perëndimor. PD ka një plan të qartë sesi dilet nga kjo gropë e zezë. Sipas këtij plani, qysh në ditën e parë në zyrë, puna kryesore e Lulzim Bashës dhe ekipit të tij do të fokusohet në bërjen realitet sa më parë të zotimeve të mëposhtme:
• Thjeshtimi I bazes ligjore duke e bëre atë të qartë, të thjeshtë e të kuptueshme nga cilido tatimpagues. Mijëra faqe ligje, akte nënligjore, udhëzime, forma, deklarata, totalisht të panevojshme, do të zëvendësohen me një kuader ligjor të thjeshtë, të shkurtër, të qartë, të kuptueshëm për t’u zbatuar. Ky kuadër i thjeshtuar do të jetë premisë kryesore në ndihmë të tatimpaguesit për të kuptuar legjislacionin dhe të drejtat që burojnë prej tij si edhe për të përmbushur në mënyrë vullnetare të gjitha detyrimet respektive.
• Kuadri ligjor i premtuar dhe i miratuar nuk do të ndryshojë përgjatë gjithë mandatit qeverisës, përvecse kur ndryshimi shkon në të mirë të tatimpaguesit shqiptar. Në 8 vite kemi me qindra amendime, ndryshime, korrigjime etj, që vetëm kanë kontribuar në shtimin e paqartësisë dhe në konfuzionin e përgjithshëm që ekziston në rregullat e të bërit biznes. PD zotohet që kuadri ligjor i miratuar qe ne fillim te mandatit do te ngelet ne fuqi per gjate gjithe kohezgjatjes se mandatit duke rikthyer parashikueshmërinë dhe duke ndihmur në marrjen e vendimeve të duhura nga ana e tatimpaguesve, por edhe e investitorëve të huaj të cilët me tjetër kuadër ligjor bëjne studimet për të ardhur e investuar në Shqipëri dhe me tjetër kuadër ndeshen kur vijnë këtu.
• Ulja e shkallëve tatimore duke lëne gjithnjë e më shumë fonde në duart e tatimpaguesve, të provuar tashmë si menaxhere më të mirë se burokratët publikë; Ne kemi një trashëgimi që na kujton se përmbushja vullnetare e detyrimeve nga ana e tatimpaguësve rritet sa herë shkallët tatimore ulen. Njëkohësisht,më shumë para në duar të biznesit do të thotë më shumë punësim, më shumë investime, më shumë eksporte dhe rrjedhimisht edhe më shumë të hyra për arkën e përbashkët.
• Shfuqëzimi i shumicës së taksave vendore e kombëtare dhe konsolidimin e një liste të shkurtër të aplikueshme sipas praktikës më të mire botërore. Ku është e mundur, do të synohet bashkimi i dy a me shumë tatimeve e taksave në një të vetme për të ulur kostot e përmbushjes vullnetare nga tatimpaguesit.
Pushteti vendor do të vjelë tatimet dhe taksat e mëposhtme:
• Tatimi i Biznesit të Vogël, Tatimi mbi Pasurinë, Rentën e Republikës. Pushteti Vendor nuk do të ketë të drejtën e prezantimit të taksave të përkohshme a për një qëllim të caktuar. Ai do te ketë të drejtë të kërkojë aplikimin e tarifave për shërbimet që ofron, pasi të ketë kostuar më parë të gjitha kostot që kryhen për ofrimin e shërbimit.
Pushteti qëndor do të vjelë tatimet dhe taksat e mëposhtme:
• Tatimi mbi Vlerën e Shtuar; Tatimi mbi të ardhurat do të përfshijë taksimin e të ardhurave të individit dhe të organizatave biznesore me një shkallë tatimore prej 9%; Akcizat, do të jenë të aplikueshme vetëm për nënproduktet e naftës, alkoolit dhe duhaneve në shkallë tatimore që shkojnë në linjë me praktikën më të mirë evropiane; Kontributi i sigurimit pensional do të jetë në masën 9% të të ardhurave nga paga për punëmarrësin dhe 9% për punëdhëneësin.
PD do të punojë fort që ditën e parë në pushtet për të vendosur tatimpaguesin shqiptar në piedestal të sistemit dhe kthimin e inspektorëve dhe trupave të tjera që merren me administrimin e të hyrave publike, në shërbëtorë, në ndihmës, në mbështetës të tatimpaguesit shqiptar. Pas 30 vitesh të një historiku me ulje e ngritje, tatimpaguesi shqiptar meriton mirënjohje, respekt dhe trajtim me dinjitet për tërë kontributin me miliarda euro për ta bere Shqiperinë një vend më të mirë e më të begatë. PD është e zotuar për ta bërë këtë.
I gjithë organizimi funksional dhe territorial i Administratës Tatimore, Administratës Doganore dhe Institutit të Sigurimeve Shoqërore do të rishikohet me fokus:
• Ofrimin e shërbimit atje ku, dhe atëherë kur e kërkon tatimpaguesi.
• Deklarimi dhe pagesa online e detyrimeve tatimore do të forcohet për të shmangur dhe ku është e mundur, për të ndaluar fare, kontaktet fizike mes inspektorëve dhe tatimpaguesve.
• Funksione të përbashkëta si IT, Edukimi i Tatimpaguesve, Investigimi Kriminal, Apelimi, Mbledhja me Forcë e detyrimeve të papaguara etj, do të bashkohen duke i paraprirë krijimit në një fazë të dytë të Administratës së të Hyrave Publike.
• Kontrolli Fiskal do të merret vetëm me verifikimin e masës së tatimit të deklaruar dhe atij që duhej deklaruar dhe përzgjedhja e deklaratave për kontroll do të bëhet vetëm nga sistemi kompjuterik dhe vetëm kur ka indicie nga metoda indirekte a informacione nga palë të treta..
• I gjithë sistemi i gjobave e ndëshkimeve do të rishikohet duke e thjeshtësuar e lehtësuar atë duke ndjekur me fanatizëm parimin e ndëshkimit proporcional dhe shkurajimin e tatimpaguesve që me vullnet vendosin të fusin dorën në arkën e popullit.
• I gjithë sistemi i lëshimit të kuponëve, faturave, librave e regjistrimeve kontabël, deklaratat, formularet etj, do të thjeshtohen me të vetmin synim: reduktimin e kostove burokratike të përmbushjes vullnetare, uljen e kohës së përgatitjes së secilit dokument dhe çlirimin e vëmendjes së tatimpaguesit nga mbajtja e librave e regjistrimeve pa vlerë, në arritjen dhe realizimin e sa më shumë fitimi.
• Gangrenë e stërgjatur e rimbursimeve të TVSH do të marrë fund duke prezantuar rimbursimin automatik në momentin e kërkesës dhe shpërnguljen e verifikimeve nga para në pas kryerjes së rimbursimit;
• Kasat fiskale do të përdoren vetëm për qëllimin e mirëmenaxhimit të biznesit dhe vetëm neëse lind nevoja, shteti të konsultohet me të dhënat e ruajtura në memorien e kasës. Të gjitha transferimet periodike të të dhënave, shpesh të panevojshme dhe që pengojnë biznesin, drejt databazave të shtetit do të marrin fund. Vetëdeklarata do të jetë i vetmi dokument digital sintetik me anë te të cilit biznesi do të komunikojë nën betim me entet publike.
• Të gjitha ligjet tatimore dhe aktet respektive nënligjore do të përmblidhen në një Kod Tatimor dhe Dispozita Zbatuese, të ngjashëm me Kodin Doganor. Të dy këto kode, ne një fazë të dytë do të përmblidhen në Kodin e të Hyrave Publike të Shqipërisë. Gjithçka do të arrihet nëpërmjet një bashkëpunimi me opozitën për t’i dhënë besueshmeri dhe qëndrueshmëri sistemit tatimor shqiptar dhe për të shmangur futjet e duarve të politikës.
• Në bashkëpunim me organizatat e tatimpaguesve do të reformohet thelbësisht sistemi ankimor duke ngritur Tribunalin Tatimor, një trupë paragjyqësore, e cila do të bashkëkryesohet edhe nga përfaqesues që vijnë nga radhët e tatimpaguesve shqiptarë. Po ashtu të gjithë trupat konsultative qeveritaro-biznesorë, do të bashkëkryesohen nga përfaqësues që vijnë nga radhët e biznesit.
PREZANTIMI I PLANIT EKONOMIK TË PARTISË DEMOKRATIKE NGA KRYETARI LULZIM BASHA
Të nderuar miq që na ndiqni përmes televizioneve.
Të dashur pjesëmarrës direkt në këtë takim të kufizuar edhe nga pandemia.
Të nderuar ekspertë, miq, aktivistë të Partisë Demokratike, të opozitës së bashkuar, të organizatave jo qeveritare që na ndiqni përmes zoom apo aplikacioneve të tjera në internet.
Të dashur bashkëqytetarë!
Jam shumë i lumtur që sot jam para jush, për të filluar serinë e prezantimeve të vizionit tonë për Shqipërinë dhe shqiptarët, të programit tonë qeverisës SHQIPËRIA FITON.
Për muaj të tërë, së bashku kemi punuar me ekspertët më të mire të vendit, me ndihmë të jashtëzakonshme nga ekspertët më të mirë të ekonomisë, të financave, turizmit, të arsimit, të shëndetësisë, çështjeve sociale, por po kështu edhe me ndihmën e institucioneve ndërkombëtare, partive tona simotra, instituteve dhe fondacioneve, nga Gjermania deri në Shtetet e Bashkuara të Amerikës, nga Britania e Madhe në Itali, në Greqi e kudo. Kemi punuar për t’i sjellë Shqipërisë një plan serioz zhvillimi, që do të rimëkëmbë dhe do ta gjallërojë ekonominë tonë dhe që do t’ua kthejë Shqipërinë shqiptarëve.
I kemi kushtuar shumë kohë, themi muaj po në fakt po mbushen dy vite. Sepse këtë herë duam të sjellim para jush një program pune, një program qeverisjeje, një program të zbatueshëm që do t’u shërbejë shqiptarëve dhe Shqipërisë, dhe jo thjesht një partie politike apo një fushate elektorale.
Ky është një program që do ta çojë Shqipërinë përpara, menjëherë pas fitores së zgjedhjeve të 25 prillit.
Megjithatë jam i vetëdijshëm se çfarë ju shkon ndërmend shumë prej jush dhe çfarë po ju kujtohet tani. Keni dëgjuar kaq shumë premtime këto tetë vite, jeni lodhur nga ata që ju premtojnë botën dhe nuk ju japin asgjë. Ndodhi me kryeministrin në ikje i cili premtoi qindra, mijëra vende pune, por në fakt me të dhe nën të, radhët e të papunëve u shtuan dhe mijërave të pamundurve për punë iu hoq edhe buka e gojës, ndihma sociale.
Premtoi të ulte koston e jetës për 97% të shqiptarëve, por me të kostoja e jetës për shqiptarët është rritur në shifra rekord. 40% gjatë viteve të sundimit të tij. Premtoi ta bënte më të fortë ekonominë tonë, por ekonomia jonë është në kolaps dhe krizë totale dhe është tërësisht e shkatërruar dhe e paaftë të përballet me sfidat e përditshme të shqiptarit. Premtoi ta bënte më të fortë ekonominë tonë, por ekonomia u shkatërrua dhe shqiptarët po e paguajnë ditë për ditë në xhepat e tavolinat e tyre të zbrazura. Kjo do të marrë fund.
Kjo kulturë e premtimeve pa doganë dhe pastaj braktisjes së tyre totale do të marrë fund. Ndaj nuk kam dalë sot para jush të premtoj gjëra që nuk bëhen kurrë realitet. Planet që po nisim të shpalosim sot dhe javët në vijim nuk janë premtime. Janë angazhime të padiskutueshme të miat si kryeministër dhe të ekipit tim përpara jush, përpara çdo shqiptari dhe si të tilla do të përmbushen.
Një kryeministër që nuk është i aftë t’i përmbushë angazhimet që merr përsipër duhet të largohet. Unë sot marr këtë barrë të përgjegjësisë para jush. Jo pas 8 vitesh por direkt në katër vitet e para sipas një plani të detajuar muaj pas muaji, javë pas jave, ditë pas dite. Ka ardhur koha për ndryshim. Ka ardhur koha ta ndryshojmë Shqipërinë. Ka ardhur koha ta largojmë këtë qeveri e të sjellim një qeveri që kujdeset për njerëzit dhe jo për veten e saj.
Edhe unë sot nga kjo foltore mund t’ju premtoj 500 mijë vende pune, pagën minimale 500 euro, por ky do të ishte manipulim dhe unë nuk kam ndërmend të fitoj besimin tuaj me gënjeshtra. Koha e matrapazëve politikë që shesin shpresa boshe për të blerë pushtet për vete ka mbaruar.
I keni parë çfarë kanë bërë për ju dhe çfarë kanë rrëmbyer për vete, por para se të shpalos angazhimet e qeverisë së re, dua të flas për objektivat e planit tonë që do t’i arrijmë përmes këtij programi dhe kur them objektivat, e kam fjalën për objektivat e Shqipërisë. Objektiva nga të cilat do të përfitojmë të gjithë, të gjitha familjet tona. Dyfishimi i të ardhurave për frymë është objektivi ynë parësor, pasi kjo prek dhe përmirëson jetët e të gjithë shqiptarëve, të çdo familjeje, të çdo shtëpie, të çdo fëmije, prindi, gjyshi e gjysheje. Koalicioni ynë qeverisës angazhohet përmes programit tonë që shënjestron sektorë të caktuar të dyfishojmë të ardhurat për frymë.
Ne angazhohemi ta zhdukim varfërinë ekstreme. Nuk do të ketë më familje shqiptare që do të vuajnë për bukën e gojës, ujë dhe drita. Kjo plagë e tmerrshme është zmadhuar dhe dhëmbë sot më shumë se kurrë më parë.
Nuk do të kemi më ministra që shumëfishojnë pasuritë si në administratën e Ramës, por do të punojmë fortë për të zhdukur mjerimin, varfërinë ekstreme në familjet shqiptare, dhe hapi i parë do të jetë dyfishimi i ndihmës ekonomike për të gjitha familjet në nevojë. Për të gjitha familjet në nevojë, shumë prej të cilave sot janë jashtë skemës së ndihmës ekonomike.
Me zbatimin e programit tonë varfëria në tërësi do të ulet brenda mandatit tonë të parë me 50% ndërsa të gjithë treguesit e varfërisë do të përmirësohen me masat tona konkrete dhe të prekshme. Javët në vijim shpalosja e ofertës tonë do të bëjë qartë kategori për kategori, familje për familje për çdo trevë shqiptare, për çdo fasho të të ardhurave të çdo individi apo familje, profesione, moshë, benefitet direkte të këtij programi për ju dhe familjet tuaja.
Shtresa e mesme është motorri i zhvillimit, sepse nxit transformimin e shoqërisë, nxit inovacionin dhe ecjen përpara të ekonomisë. Një shtresë e mesme e fortë është po kështu garante e stabilitetit ekonomik dhe politik të vendit. Një shtresë e mesme e fortë është faktor kyç për nxitjen e rritjes ekonomike. Rritja e mirëqenieve të familjeve shqiptare nuk është slogan sepse mirëqenia lidhet direkt me shëndetësinë, me shëndetin, pra me jetëgjatësinë dhe me gjithçka që ka të bëjë me të përditshmen e shqiptarëve, ndaj dhe programi ynë do ta bëjë Shqipërinë një vend ku zhvillimi të marrë hov në çdo fushë, dhe përfitimi të ndihet nga çdo shqiptar. Një Shqipëri e të gjithë shqiptarëve, jo vetëm e 10 vetëve siç është sot. Familja është në qendër të politikave tona.
Familja shqiptare është qendra, shtylla e politikave tona. Shqipëria do të fitojë me familje më të arsimuara, ma familje me të ardhura të sigurta, me familje që marrin mbështetje nga shteti dhe që paguajnë taksa të ulëta, të cilat do të ulin shpenzimet familjare dhe do të rrisin mirëqenien.
Rinia ka qenë është dhe do të jetë në këtë program fokusi kryesor i imi personal dhe i politikave tona.
Rinia shqiptare është fokusi i këtij programi dhe e ardhmja e vendit, çdo masë, reformave fiskale, taksave, fushës së arsimit, politikat e nxitjes së investimeve të punësimit kanë për qëllim kryesor promovimin e të talentuarve dhe të aftëve dhe thithjen e talenteve të reja.
Largimi i të rinjve, largimi i potencialeve njerëzore është një katastrofë kombëtare dhe ndoshta çështja më e rëndësishme që do të ndikojë në të ardhmen tonë. Kjo qeveri jo vetëm e la këtë çështje në harresë të plotë, por nxiti emigrimin më masiv ndër dekada, si rezultat çdo familje shqiptare është prekur nga ky fat, çdo prind pyet çdo ditë, si do t’ja bëjmë me fëmijët? Si do të mundësojmë që ata të ndërtojnë një jetë të mirë dhe normale në Shqipëri.
Zgjidhjet e planit tonë i japin përgjigje këtyre dilemave jetike, të çdo prindi, të çdo familje shqiptare dhe tani ë lejoni të ndaj me ju disa prej çështjeve kryesore të planit tonë, të cilin do ta vëmë në zbatim së bashku duke nisur nga dita e parë e punës si kryeministri juaj. Angazhimi i parë i programit tonë është minimumi 110 mijë vende të reja pune për shqiptarët, përmes përmirësimit klimës së biznesit, dhe tërheqjes së investimeve të huaja.
Në shpalosjen e këtij programi, sot dhe në ditët në vazhdim ne do të shpjegojmë ofertën tonë në të gjitha rrafshet, do të përmirësoj klimën e biznesit për biznesin dhe sipërmarrjen shqiptare, por po kështu për investitorët e huaj. Krijimi i vendeve të punës është jetik për stabilitetin ekonomik dhe çelësi që njerëzit të investojnë tek vetja e tyre dhe fëmijët e tyre.
Unë angazhohem të rris pagën minimale dhe ta çojë atë në 36 mijë lek të reja në muaj, zotimi im i para 2 viteve para bashkimit të sindikatave shqiptare, është sot pjesë e planit tonë ekonomik. Rritja e pagës do të bëhet duke krijuar lehtësira për biznesin, duke e mbështetur atë, që jo vetëm të rritet paga minimale, por edhe numri i të punësuarve dhe jo siç ndodh sot, ku për shkak të kostove, taksave, gjobave, biznesi detyrohet të shkurtojë vende pune.
Në qofte se biznesi shkurton vende pune nuk ka asnjë vlerë rritja e pagës minimale, ndaj qeveria jonë do të mbështesë dhe do të mbrojë të gjithë punonjësit dhe të vetpunësuarit, sepse kjo është detyrë bazë e qeverisë të mbrojë interesat e njerëzve, por njëkohësisht përmes masave tona fiskale dhe ekonomike qeveria do të garantojë konkurrueshmërinë e të gjithë punëdhënësve, të cilët jo vetëm nuk do të humbin, por do të përfitojnë nga masat e planit tonë ekonomik, duke bërë të mundur që të gjithë të dalin të fituar nga ky plan.
Për 8 vite Rama jua rriti taksat shqiptarëve dhe i varfëroi ata, unë angazhohem t’i ul taksat mbi të ardhurat personale në 9%, duke ruajtur fashën mbrojtëse ekzistuese prej 30 mijë lekësh, dhe po kështu të vendosim taksën 9% të fitimit mbi të gjitha sipërmarrjet shqiptare me një xhiro vjetore mbi 14 milionë lekë të reja. Unë angazhohem të ul sigurimet shoqërore në vlerën 18%.
Totali i taksave dhe tarifave vendore i bizneseve të vogla e të mesme nuk do të jetë më i lartë se 0.5% e xhiros. Ky është angazhimi im dhe i qeverisë sime për biznesin e vogël e të mesëm. Dua ta përsëris fare qartë sot në nisje të prezantimeve tona, se një nga vendimet e para të qeverisë të dalë nga vota e 25 prillit do të jetë anullimi i taksës Rama prej 24 lekë të reja për litër mbi karburantin.
Për të gjithë operatorët e transportit shqiptar, për çdo pronar automjeti, nga më i riu tek më i vjetri, për të gjithë ata që nuk kanë një automjet po e ndiejnë pickimin në lëkurën e tyre sa herë ju duhet të udhëtojnë brenda qytetit, nga një qytet në tjetrin, për këdo që e di apo e mëson sot se karburanti është pjesë e çmimit të gjithçkaje që blejnë në treg dua tua them fare qartë se prej ditës së parë të qeverisë së re të dalë nga vota juaj më 25 prill çdo litër karburant do t’ju kushtojë 240 lekë më pak të vjetra sesa ju kushton sot.
Taksa Rama mbi karburantin do të eliminohet. Këto nuk janë thjesht shifra. Ky është një ndryshim që do të prekë çdo shtëpi, çdo familje, çdo individ. Këto janë paratë tuaja për të cilat punoni dhe këto para do të jenë tashmë në xhepat tuaja dhe në duart tuaja, nga Vermoshi në Konispol, dhe kjo do të bëjë të mundur që çdo qytetar shqiptar me qeverinë e dalë nga vota e 25 prillit të ketë më shumë lekë në xhepat e tij, në duart e tij se sa ka sot. Më shumë para për veten tuaj dhe jo për të shumëfishuar pasuritë e qeveritarëve të Ramës.
Me këto masa shqiptarët do të kenë, por edhe do të shpenzojnë më shumë për veten e tyre dhe për familjen e tyre, për arsim më të mirë, për kushte më të mira jete, për shëndet më të mirë për çdo shqiptar. E përsëris janë paratë tuaja të cilat sot padrejtësisht vidhen dhe shpërdorohen, paratë për të cilat punoni dhe rropateni dhe nesër këto para do të jenë në dorën tuaj, do të jenë në xhepat tuaja, për veten tuaj, për familjen tuaj.
Angazhohem se do të risim pensionet me të paktën dyfishin e normës së inflacionit dhe në çdo rast jo më pak se 5% në vit me synimin që në fund të mandatit tonë të parë pensionet mesatare shqiptare të kenë kaluar pensionet mesatare të rajonit. Kudo në Shqipëri takoj njerëz, bashkëmoshatarë apo më të rinj që ndajnë të njëjtën brengë, pamundësinë e prindërve pensionistë për të mbyllur muajin. Kush nuk e di këtë brengë, kush nuk e njeh këtë brengë. Edhe ata që mundohen ta fshehin duke kontribuar nga të ardhurat e veta të pakta , qindra e mijëra prej vëllezërve e motrave, kushërinjve që kemi në emigracion që janë shpresa e vetme, filli i vetëm që i mban prindërit e tyre pensionistë në këmbë.
Boll më!
Boll më!
Ka ardhur koha t’ju garantojmë që të moshuarit tanë të jetojnë me respektin dhe dinjitetin që meritojnë. Dhe ne do të garantojmë që të moshuarit tanë të jetojnë me respekt, që tu plotësohen nevojat bazë, që çdo gjyshe dhe çdo gjysh të jetë i sigurt dhe të ketë vendin e vetë në shoqërinë tonë.
Angazhohem të ul çmimin e energjisë elektrike dhe çmimin e karburante, çka padyshim do të ndihmojë jo vetëm klimën e biznesit por dhe familjet shqiptare. Do t’ju vijmë në ndihmë të gjitha familjeve shqiptare dhe sidomos çifteve të reja pa përjashtuar askënd.
Ne do të mbulojmë shpenzimet arsimore për tarifat universitare për 90% të studentëve që vijnë nga familje me të ardhura me pak se 640 mijë lekë të vjetra në muaj. Arsimimi, dija, kultura. Shqipëria ka nevojë për një qeveri e një kryeministër të ekonomisë, Shqipëria do të ketë pas 25 prillit një qeveri e një kryeministër të ekonomisë por Shqipëria ka po kaq nevojë për një kryeministër e qeveri të dijes.
Arsimi është gjithçka për mirëqenien dhe të ardhmen e çdo fëmije. Suksesi dhe fatin e çdo të riu, për të ardhmen e shoqërisë dhe të kombit. Arsimi është ajo nga e cila përfitojmë të gjithë. Përmes programit, Shqipëria fiton nga arsimi.
Ne do t’iu japim fëmijëve të kenë mundësinë të kenë programe pas-shkollore edukative dhe do t’iu ofrojmë atyre ushqim në shkollë për orët shtesë. Kështu do ti mbajmë fëmijët tanë të sigurt dhe larg rrugëve. Tekstet shkollore do të jenë falas për të gjithë ciklin parauniversitar. Arsimi dija, përgatitja e brezit të ri. Ne do të investojmë që çdo fëmije ti jepet mundësi e barabartë për të pasur sukses. Familjet shqiptare po vuajnë prej kohësh dhe kjo qeveri vetëm i ka shpërfillur vuajtjet, sakrificat e tyre të dhimbshme për arsimimin e fëmijëve të Shqipërisë.
Ne do të mbështesim familjet shqiptare. Çdo familje do të përfitoj për të porsalindurit një pagesë mujore prej 3 mijë lekë të reja për pesë vitet e para të jetës. Çdo vit të qeverisjes time 5 mijë çifte dhe familje të reja do të përfitojnë nga subvencionimi I plotë I interesave të kredive për strehim, çka do të thotë për ju të sapomartuar apo të sapofejuar apo që doni të hidhni këtë hap në jetë por që nuk keni asnjë mundësi as ta çoni nëpër mend blerjen e një banese, se pas 25 prillit qeveria juaj do të paguaj 100% interesat bankare për çdo kredi që do të merrni për të blerë një apartament apo një banesë.
Në fund të mandatit tonë të pare, do të jenë 20 mijë çifte dhe familje të reja që do të kenë siguruar strehim përmes kësaj skeme të subvencionimit të interesave.
Ne do të japim një financim rekord nga buxheti i shtetit për fermerët dhe kjo është diçka unë kam pasur mundësinë ta diskutoj me ta nga jugu në veri, nga lindja në perëndim. Për herë të parë, me qeverinë e dal nga vota e 245 prillit fermeri shqiptar do të ketë të njëjtën mbështetje si fermerët e vendeve fqinje. 100 milionë euro mbështetje direkte, si dhe sigurimin e fondeve për çdo kulturë bujqësore ose blegtorale.
Fermerët janë zemra punëtore e Shqipërisë. Prodhimet e tyre duhet e do të jenë krenaria jonë. Ne do të zhvillojmë dhe investojmë në bujqësi, ushqim dhe blegtori që Shqipëria të përparojë me thithjen e teknologjive të avancuara.
Këto janë vetëm disa nga objektivat kryesore të planit tonë të punës për Shqipërinë.
Me këtë plan fiton Shqipëria.
Me këtë plan fitojnë shqiptarët.
Me këtë plan fitoni Ju.
Dhe Shqipëria do të fitojë!
Shqipëria do të fitojë vetëm me vullnetin dhe votën tuaj.
Shqipëria do fitojë pas 8 vitesh premtime të pambajtura.
Dhe po jua them edhe një herë:
Kjo nuk është më një “fushatë elektorale”
Këto nuk janë më premtim-mashtrimet që aq shumë ju kanë zhgënjyer.
Ky është plani ynë i punës, ky është programi ynë qeverisës!
Së bashku do ta zbatojmë dhe do të bëjmë të mundur një të ardhme më të mirë për të gjithë.
Ku Shqipëria Fiton dhe çdo shqiptar fiton.
Ju faleminderit!
PREZANTIMI I PROGRAMIT PËR RRITJEN EKONOMIKE NGA JORIDA TABAKU
– Ekonomia e Shqipërisë është në situatë emergjente në të gjitha drejtimet. Gjatë 8 viteve të fundit, Shqipëria është shkatërruar. Rënia ekonomike për vitin 2020 pritet të jetë, 7.5%. Kjo do të thotë një ekonomi më e dobët për shqiptarët, për familjet dhe bizneset. Vendi jonë ka të ardhurat për frymë më të ulëtin në rajon, 4900$/frymë, duke e bërë Shqipërinë një nga vendet më të varfra.
– Shqipëria fiton, kur ekonomia rritet, shqiptarët fitojnë kur ekonomia jonë përformon mirë, jo kur shifrat manipulohen për të prodhuar më shumë propagandë. Motori i ekonomisë shqiptare është shuar, rritja ekonomike në 8 vite të qeverisjes ka qenë mesatarisht 1.4%. Pra, më pak të ardhura dhe mundësi punësimi për shqiptarët dhe familjet e tyre. Nuk mund të kemi shqiptarë me mirëqenie të lartë kur kemi një Shqipëri të varfër.
– Ekonomia është shkatërruar, kostoja e jetesës është rritur, ashtu si ditë pas dite, edhe papunësia. Më shumë se 100 mijë të papunë për vitin e fundit.
– Shqipëria fiton, kur borxhi i marrë është i kujdesshëm dhe kur investohet në infrastrukturë rrugore, shkolla më të mira apo investime strategjike që prodhojnë rritje ekonomike. Familjet shqiptare përfitojnë kur taksat e tyre i kthehen pas në investime. Fatkeqësisht sot Shqipëria ka nivelin më të lartë të Borxhit Publik, i llogaritur pa PPP-të ai shkon në 83.5% të PBB. Kjo padrejtësi po i kushton Shqiptarëve një borxh më të lartë, një të ardhme më të pasigurt dhe taksa më të larta.
– Shqipëria fiton, kur resurset ekonomike të vendit vendosen në dispozicion të talenteve dhe punës. Në 8 vite synimi i qeverisë ka qenë për të mbështetur bizneset që kanë fituar PPP. Çdo vit mbi 120 mln euro kanë shkuar në mënyrë abuzive në xhepat e pak klientëve, borxhi publik që paguhet nga taksat tona ka shkuar në portofolin e oligarkëve që kanë përfituar PPP, pa prodhuar rritje ekonomike.
– Shqipëria fiton, kur investimet e huaja direkte prodhojnë punësimin dhe rritjen ekonomike. Shqipëria ka 0 investime të huaja të reja, niveli i investimeve në Shqipëri është i ngjashëm me atë të para 8 viteve.
– Shqipëria fiton, ditën kur qeveria është aleate dhe jo armike e biznesit. Sot biznesi ka një mjedis armiqësor, të pasigurtë ku në tetë vite kanë ndodhur 60 ndryshime ligjore dhe 170 vendime ministrash.
– Shqipëria renditet e 82 mes 190 vendeve në raportin e fundit të “Doing Business”.
– Shqipëria fiton, kur ekonomia e tregut funksionon, jo kur monopolet sundojnë. Fatkeqësisht favorizimi ka shkatërruar konkurrencën dhe tregun e lirë. Në një sistem të korruptuar nuk mund të fitojë më i miri dhe më i zoti.
– Shqipëria fiton kur administrata tatimore nuk sillet si gjobaxhie në kurriz të biznesit dhe sipërmarrjes. 93.2% e bizneseve shqiptare ankohen se vizitohen nga tatimorët që kërkojnë ryshfetin ose vendosin gjobën.
– Familjet shqiptare dhe sipërmarrësit përfitojnë nëse ka një klimë pozitive biznesi ku barra fiskale nuk është e rritur. Kur çdo biznes paguan atë që i takon! Fatkeqësisht, që nga viti 2014 janë mbyllur mbi 60 biznese në ditë. Taksat e larta dhe mbi të gjitha taksa progresive janë shkaku i falimentit.
– Shqipëria fiton, kur sipërmarrja është motor i ekonomisë. Sipërmarrjet shqiptare paguajnë 38% të të ardhurave të tyre për taksa, niveli më i lartë në Ballkanin Perëndimor. Një mjedis gjithnjë e më pak konkurrues dhe përherë e më shumë i monopolizuar.
– Shqipëria fiton, kur të bërit biznes nuk do të jetë një luftë me shtetin dhe taksat. Shqipëria ka një sistem taksash me 7 nivele duke vështirësuar jetën e biznesit.
– Shqipëria fiton, kur barazia është në themel të bërit biznes dhe ku secili paguan në mënyrë të barabartë dhe të ndershme! Sot 97% e bizneseve paguajnë taksat e rritura prej 3 mld euro në tetë vjet ndërsa 3% i mbetur përfiton të gjitha taksat përmes PPP-ve, ligjeve speciale, koncesioneve speciale.
– Shqipëria fiton, kur qeveria ruan balancat dhe mbështet tregun e lirë. Qeveria ka funksionuar si mbrojtëse e interesave të monopoleve, dhe jo shumicës së bizneseve dhe sipërmarrjeve në vend.
– Monopolet zyrtarizohen dhe tolerohen nga qeveria jo vetëm përmes mungesës së ndershmërisë në taksim por edhe mungesës së konkurrencës gjatë tenderimeve publike, 1 në 3 tendera publik jepen pa garë .
– Shqipëria fiton, kur qytetari ka mundësi të prosperojë, të bëjë përpara, në një mjedis konkurrues, incentivues dhe që vendos në provë dijet e tij. Shqipëria është sot vendi me nivelin më të ulët të konkurencës dhe meritokracisë. 43% e bizneseve shqiptare janë të bindur që do të kenë sukses në biznes nëse kanë njohje politike dhe qeveritare,
– KJO DUHET TË MARRË FUND!!!
– Gjatë vitit të fundit kemi punuar me Bashën kokë më kokë që të sjellim një plan serioz pune, sipas të cilit të ndryshojmë ekonominë dhe t’ua kthejmë njerëzve Shqipërinë!
– Ne besojmë, se Shqipëria fiton atëherë kur familjet shqiptare kanë më shumë të ardhura. Fatkeqësisht punonjësit shqiptarë, profesionistët shqiptarë, shtresa e mesme dhe e mirë studiuar, fermerët e vendit taksohen në mënyrë padrejtë, të pandershme dhe diskriminuese. Shtresa e mesme paguan sot barrën më të rëndë fiskale, taksat e tyre përbëjnë 53% të totalit të të ardhurave që mblidhen nga taksa progresive.
– Shqipëria fiton, kur të punësuarit nuk taksohen padrejtësisht për dijen dhe kontributin e tyre në ekonomi. Sot, në Shqipëri pagat janë më të ulëtat në rajon ndërkohë që shtresa e mesme është më e goditura nga kjo politikë duke paguar mes 23% për të ardhurat e tyre.
– Shqipëria fiton, kur shtresa e mesme ka më shumë mundësi. Paga mesatare prej 429 euro/muaj është më e ulëta në rajon edhe pse shtresa e mesme mbitaksohet për dijen, njohurinë dhe vlerën e shtuar që jep në ekonomi.
– Shqipëria fiton, kur varfëria luftohet përmes rritjes së punësimit, formalizimit dhe ndershmërisë së një sistemi që promovon më të mirin. Mirëpo në harkun kohor të 8 viteve niveli i varfërisë është rritur aq sa 40% e popullsisë kanë më pak se 4.19$/ditë. Familja shqiptare nuk mund të ecë përpara në një situatë të tillë
– Shqipëria fiton, kur sigurohet mobiliteti social që një i varfër mund të ketë mundësi për më mirë. 90% e familjeve shqiptare konsumojnë më pak se sa mesatarja vjetore, pabarazia në vend është rritur në mënyrë të frikshme; sepse qeveria ka inkurajuar atë!
– Shqipëria fiton, kur familjet tona kanë më shumë të ardhura, sot 70% e familjeve shqiptare paguajnë 30% më shumë çmimin e energjisë elektrike.
– Shqipëria fiton, kur shqiptarët ndërtojnë të ardhmen e tyre në vend. Ikja nga Shqipëria ka arritur kulmin, sepse të rinjtë tanë nuk shohin më këtu shpresë. Shqipëria renditet e para në botë për numrin e azilkërkuesve në BE. Mbi 192 mijë shqiptarë kanë kërkuar azil në 8 vjet, nga ku mbi 70% janë të rinj.
– Shqipëria sot është në krizë, ekonomia e shqiptarëve sot është në krizë, sot familjet shqiptare nga shpenzimet e larta dhe të ardhurat gjithnjë e më të pakta. Shqipëria sot po humbet, po ligështohet dhe shkretohet.
– Unë besoj që Shqipëria do të fitojë nën drejtimin e një kryeministri që ka një plan të qartë për të kryer ndërhyrjet e duhura. Familjet tona, shqiptarët sot kanë një mundësi të dëgjojnë prej tij atë çfarë ai ofron si zgjidhje për problemet tona.
– Kemi punuar së bashku, me Lulzim Bashën, për të siguruar një të ardhme më të mirë për Shqipërinë dhe qytetarët.
– Jemi mbledhur të gjejmë zgjidhje për të hapur vende pune, uljen e papunësisë, uljen e kostos së jetesës dhe gjallërimin e ekonomisë.
– Pas një pune të gjatë, pas ditësh të ngarkuara për të përkthyer zgjidhjet në një program politik. Mund të them me besim të plotë se Lulzim Basha do ta udhëheqë vendin drejt një të ardhmeje më të mirë, drejt një ekonomie më të fortë, drejt një Shqipërie që kujdeset për njerëzit e saj.
Në fshatin Gropje të Tiranës, Riza Nozlli jeton së bashku me bashkëshorten dhe vajzën në një shtëpi të shkatërruar tërësisht nga tërmeti i 26 nëntorit.
Shirat kanë rrezikuar shembjen e mureve duke rrezikuar jetën e familjarëve.
Ata thonë se Bashkia i ka skualifikuar nga procesi i rindërtimit dhe nuk i ka dhënë as bonus dhe as ndihma.
Bashkëshortja e Rizait rrëfen se ka shkuar të aplikojë por askush nuk e ka ndihmuar.
“Tërmeti i 26 nëntorit e shkatërroi shtëpinë dhe sa herë që bie tërmet 3 ballë, siç ka rënë, vazhdon dhe bie muri. Bashkia na futi tek DS2 dhe kur e kemi formosur nuk e dinim se na kishin vendosur aty, sepse i vendosnin me laps sipër, e firmosja unë pastaj ata shkruanin. Në Bashki na thanë se jeni të skualifikuar. Nuk kam se ku të rri këtu. Tre anëtarë familje ne rrimë në një dhomë. Shiu binte brenda në shtëpi dhe rrinim zgjuar nga frika se shembej faqja e murit. Nuk kemi marrë bonus dhe as një kg sheqer. Asnjë kokërr oriz, zero”, tha ajo.
“Inxhinieri i Bashkisë tha se është rindërtim pastaj e kthyen. Nuk ka ardhur askush më të na shohë. Ata nuk e dinë se ku e kam shtëpinë. Familja ime nuk ekziston për këtë shtet,” u shpreh Rizai i cili është invalid.
Familja e cila prej 14 muajsh jeton nën mëshirën e fatit, nuk mban më asnjë shpresë tek qeverisja e Edi Ramës.
Ina Zhupa teksa pa nga afër situatën e rëndë në të cilën jeton familja Nozlli theksoi se “Kjo qeveri dhe Bashkia Tiranë kanë dështuar duke e treguar qartë këtë. Pak metra më poshtë qeveria po i rindërton shtëpinë e Lul Agës i cili ka vila tre katëshe. E kam denoncuar këtë fakt në Fortuz. Ndërsa ju këtu që keni nevojë për të futur kokën në një vend të sigurt, nuk ju pranojnë në institucione. Edhe 90 ditë ju kanë mbetur. Me datë 25 prill merr fund dhe e drejta juaj do të shkojë në vend dhe ne do të kthehemi për t’ju dhënë atë që ju takon dhe për t’ju rindërtuar shtëpinë siç ju takon. Qeveria e re do të kujdeset për ju siç e meritoni dhe jo duke ju lënë në mëshirë të fatit. Sepse ata e kanë hequr komplet vëmendjen ndaj qytetarëve dhe ata e kanë vëmendjen tek mafia, tek paratë e veta, të shkojnë të hanë dreka e darka në Dubai dhe e kanë humbur vëmendjen nga qytetarët”, tha Ina Zhupa.
VIDEO/ Gazment Bardhi publikon videon:
Sa herë njerëzit e tij kapen në përgjime në pazar me trafikantët e drogës, duke blerë vota me krimin e organizuar apo duke shitur tendera, koncesione dhe leje ndërtimi, Edi Rama vetëm justifikohet. Ai kurrë nuk di asgjë, gjithmonë sillet sikur i bien në qafë të tjerët.
Shqiptarëve u ka ardhur në majë të hundës dhe janë lodhur duke dëgjuar Ramën dhe justifikimet e tij. Ata e dinë se kjo është qeveria më e keqe dhe më e korruptuar në historinë e Shqipërisë.
Askush nuk e beson më Edi Ramën. Në 25 Prill shqiptarët do t’i tregojnë vendin kësaj qeverie dhe do të votojnë për ndryshimin!
