Demokratët Euroatlantikë - Partia Demokratike

06 Qer

0

Kulluri: Rama dhe Berisha koordinim perfekt për të fshirë Rai 3, rikthejnë luftën me SHBA, Britaninë dhe SPAK

by PD in Lajmi fundit

Sekretari për Marrëdhëniet me Publikun në PD, Edvin Kulluri, shprehet se lufta e Rithemelimit nuk është me Ramën, por me SPAK, SHBA dhe Britaninë e Madhe. Në një reagim në Facebook, Kulluri shkruan se në ditën kur kryeministrit i kanë plasur skandalet në mediat e huaja, Rithemelimi zhvilloi protestë duke e hequr tërësisht vëmendjen. Ai gjithashtu thotë që ky është një koordinim mes Berishës dhe Ramës.

Postimi i plotë:

Lufta e rithemelimit nuk eshte me Ramen por me SPAK, SHBA dhe Britanine Madhe.

Thirren demokratet per te luftuar Ramen dhe si gjithmone i sherbyen duke e hequr teresisht vemendjen nga skandalet e tij. Kjo nuk eshte rastesi por nje kordinim mes tyre ashtu sic beme me amnistine dhe me deshtimin e komisionit zgjedhore.

Pyetja eshte e thjeshte. Pse pikerisht sot ne diten qe e gjithe vemendja ishte tek Edi Rama e skandalet e tij ne mediat e huaja,
rinxjerrin ne skene Sali Berishen?

Si mund te pretendosh se po lufton korrupsionin dhe kordinon me partneret dhe kerkon te ribesh pjese te grupit parlamentar njeriun e shpallur non grata per korrupsion madhor dhe minim te demokracise nga SHBA dhe Mbreteria e Bashkuar? Si mund te pretendosh se je aleat i besueshem kur ndjek te njejtin skenar si Vuçiç me perfshirjen e non grata-ve në qeveri?!

Si mund ti kerkosh SPAK te vere para drejtesise Edi Ramen dhe nga ana tjeter e konsideron grup kriminal?

A nuk eshte ky sherbimi me i mire qe mund ti behej Edi Rames?! Natyrisht keto jane levizje te deshperuara te mirekordinuara mes Rames dhe Berishes

E qe ta bejne me te thjesht kordinimin dhe pazarin mes tyre, nuk u “duhen neper kembe” ata qe u zberthyen skenarin per te kapur SPAK, pazarin per amnistine dhe per reformen zgjedhore.

06 Qer

0

“Programi i PD vendos drejtësi tatimore”, Xhepa: Taksa e sheshtë prej 9%, është më e mirë për biznesin

by PD in Lajmi fundit

Profesor Selami Xhepa, në një bisedë të drejtpërdrejtë me RTSH-24, lidhur me diskutimin e programit të Partisë Demokratike, tha se oferta e paraqitur nga PD-ja korrekton dështime serioze të sistemit tonë ekonomik që janë ngjizur në këto 30 vite.

Sipas tij, realizimi i këtij programi është në radhë të parë çështje e një bindje të thellë politike dhe çështje e vendosjes së prioriteteve strategjike që adreson një forcë politike.
Dhe në këtë kuptim, ai tha se e quan një program të realizueshëm.

Eksperti Xhepa shprehu mbështetje për taksën e sheshtë 9%, pasi sipas tij i vjen në ndihmë bizneseve dhe ulë evazionin.

“Taksa e sheshtë nuk është një risi për shqiptarët. Shqipëria për pak vite e ka zbatuar taksën e sheshtë por fatkeqësisht ne ishim vend I fundit i ekonomive në tranzicionin që aplikuam këtë taks por të parët që u tërhoqëm, ndërkohë vendet e tjera vazhdojnë të anëtarësojnë. Për mendimin tim është zbatuar dhe ka qenë me shumë sukses” u shpreh ai.

Së dyti u shpreh Xhepa, ulja e barrës tatimore dhe zgjerimi I sistemit tatimor është një kërkesë e hershme jo vetëm nga praktikat më të mira por dhe nga FMN. Vetëm ky institucion në mënyrë të përsëritur ka kërkuar që baza tatimore të zgjerohet , përjashtimet të eliminohen, dhe kjo krijon mundësi për të bërë politika më të mira dhe të shëndetshme fiskale.

Nga kjo pikëpamje, vazhdon eksperti I ekonomisë, heqim të gjitha përjashtimet tatimore , mos harrojmë që ka shumë sektor të ekonomisë që paguajnë 5% taks, tatim fitimi.

“Kemi sektor që janë përjashtuar fare, kemi përjashtime nga tatimi I vlerës së shtuar. Në qofse ne sistemit ja heqim këto përjashtime dhe ulim barrën tatimore unë mendoj se kjo është një çlirim të ekonomisë duke vendosur një drejtësi tatimore”
Sot kemi një konflikt të madh me profesionet e lira, nënvizoi ai, ku sot paguhen dy nivele taksimi, 15% dhe 25%, duke u bërë dhe niveli më I lartë I taksës që paguhet në Shqipëri.
Sepse edhe të punësuarit, shtoi Xhepa, nivelin më të lartë të taksimit e ka 23% ndërsa profesionet e lira 25%.

“Ky lloj I diferencimit të madh që ka ndodhur midis grupeve të caktuara shoqërore krijon padrejtësi. Ndaj vendosja e taksës proporcionale , pra taksës të sheshtë është një takst progressive. Sepse ai që fiton më shumë do të paguaj më shumë dhe nga kjo pikëpamje vendoset drejtësia tatimore.
Në përfundim Profesori i ekonomisë Xhepa e vuri theksin se ky program është i realizueshëm sepse është edhe i testueshëm.

“Së treti, do të thoja që programi korrekton disa dështime serioze të sistemit tonë ekonomik që janë ngjizur në këto 30 vite të tranzicionit. Me këtë dua të them që edhe pse shpesh reformat kanë synuar që të zgjerojnë lirinë ekonomike, kanë synuar që të rrisin konkurrencën e tregut, fatkeqësisht është në natyrën e ekonomisë politike të reformave që sapo krijohet një grup përfituesish, ata bëhen barrierë dhe nuk lejojnë më që reformat të jenë një gjetje në çlirimin e hapësirave për zhvillim dhe sipërmarrje të lirë”, u shpreh ai.

06 Qer

0

Kreshnik Çollaku paralajmëron padi në SPAK për rrugën e Arbrit: Ky Koncesion merr miliona euro dhe është rrezik për banorët e qarkut Dibër

by PD in Lajmi fundit

Nënkrytari i Partisë Demokratike, Kreshnik Çollaku, paralajmëron se PD shumë shpejt do të çojë në SPAK një padi për Koncesionin e rrugës së Arbrit. Në një një postim në Facebook, Çollaku shkruan se kjo rrugë e cila po gllabëron miliona euro dhe që nuk po mbaron kurrë, është një rrezik për jetën e qyetatëve të qarkut Dibër.

Postimi i nënkryetarit të PD, Keshnik Çollaku:

Nga Rruga e Arbrit, rruga qe gllaberon milona euro e qe nuk mbaron kurre.
Rruga qe rrezikon jeten e qindra e mijra matjaneve,dibraneve e bulqizakeve qe kalojne cdo dite.
Koncesionin e Rruges se Arberit shume shpejt bashke me pafundesine e shkeljeve qe kemi gjetur ne te, do ta cojme ne SPAK.
Cdo abuzues e hajdut do te shkoje prapa hekurave.

06 Qer

0

“Profesionet e lira taksën më të lartë historike”/Basha shpërndan videon e gazetares së ekonomisë: Përgëzoj PD për taksën e sheshtë, është efiçente

by PD in Lajmi fundit

Kryetari i Partisë Demokratike, Lulzim Basha, ka shpërndarë në rrjetet e tij sociale fjalën e gazetares së ekonomisë Ola Xama, e cila mori pjesë në tryezën e organizuar nga selia blu me ekspertët e ekonomisë.
Në fjalën e saj gazetarja përshëndeti propozimin e Bashës për taksën e sheshtë 9% për profesionet e lira, ndërkohë që vendosi theksin te problemet të ndryshme të ekonomisë, që vijnë si pasojë e mungesës së konkurrencës dhe klientelizmit.

Në postimin shoqërues të fjalës së gazetares, kryetari Basha theksoi se programi i PD çliron tregun nga aktorët abuziv dhe mbështet sipërmarrjen e ndershme, si dhe përsiërit angazhimin e demokratëve për një taksë 9% edhe për profesionet e lira, që aktualisht kanë “taksat më të larta në histori,

Postimi i Bashës:

Kënaqësi të dëgjoja diskutimin e gazetares së mirënjohur të ekonomisë Ola Xama.
“Taksat më të larta historike” për profesionet e lira, monopolet që dëmtojnë tregun e lirë si dhe ligjet me porosi, janë nyje në fytyn e ekonomisë sonë. Shqipëria meriton më shumë!

Përmes programit të Partisë Demokratike do ta çlirojmë tregun nga aktorët abuziv dhe klientët e korruptuar të qeverisë, duke mbështetur qytetarin dhe sipërmarrësin e ndershëm, do hapim vende të reja pune, për t’i dhënë mundësinë rinisë shqiptare të qëndrojë këtu.

Liria e tregut është ylli ynë Polar, mirëqeverisja angazhimi ynë, dhe përmese taksave të ulëta, taksën e sheshtë 9% edhe për profesionet e lira, do të ulim varfërinë dhe do të fuqizojmë shtresën e mesme.

Fjala e Ola Xamës:

“Në fakt kemi disa javë që jemi duke biseduar me profesionet e lira dhe nëse ka sot një problem në Shqipëri, jo vetëm për profesionet e lira që sot kanë taksën më të lartë historike, prej 15 dhe 23%, që përbëjnë edhe shtresën e mesme të popullsisë, por edhe nga komuniteti i biznesit, vendas dhe i huaj, është ndryshimi i shpeshtë i legjislacionit tatimor. Dhe mbase për publikun e thjesht kjo fjalë mund të tingullojë si një gjuhë teknike, porn ë fakt ajo ndikon si në ecurinë e një biznesi, si në ecurinë e pagave të atij biznesi, si në pagesën e kësteve të kredisë, si në qëndrueshmërinë e tyre. Rastësisht po më kontaktonte një gazetar i huaj për problemet që ka Shqipëria lidhur me sistemin fiskal dhe më tha si e mendoni taksë? Nuk e kisha parë programin tuajm taksa më e mirë është 9% aq saç e ka dhe rajoni. Nëse ka një model që taton njëlloj për të gjithë, shmang evazionin dhe bëhet edhe me efiçent për administratën tatimore është taksa e sheshtë. Është një ide që më plqen dhe ju përgëzoj si Parti Demokratike.

Nga pikpamja tjetër, ajo që unë kam konstatuar se është sëmundja dhe kanceri i ekonomisë shqiptarem është tregu i lirë. Dhe tregu i lirë jo duke u fshehur, por tregui lirë duke u dal përballë bizneseve që kanë deformuar. Flasim për tregun e deformuar në tregun e industrisë bankare, në tregun e karburanteve dhe të naftës. Ndërkohë që kemi qenë një vend shumë optimal për të patur dhe çmime më të lira të naftës dhe një industri prodhuese e cila degradoi dhe sot nuk ekziston më nga konkurrenca. Kemi mungesë të konkurrencës në tregti, kemi një monopolizim të aksesit tek shërbimet qeveritare, për çdo gjë duhet të marrësh një leje. Dhe shteti është ai që ka në dorë nëse dikush është i suksesshëm ose jo. Është fragmentarizimi i ekonomisë apo i disa bizneseve që kanë në dorë nëse duan të ndihmojnë dikë ose jo. Është dhe një korrupsion tjetër për të cilin flitet shumë rrallë, dhe është korrupsioni te kompanitë private. Sot po dëgjoj se si shumë biznese janë në garë të korruptojnë njerëz të rëndësishëm që të marrin punë private dhe të jenë nënkontraktorë. Pra, kaq shumë është përqendruar ekonomia sa shpresa e vetme është të braktisësh Shqipërinë, ose të tentosh të pasurohesh shpejt, ose duke u korruptuar ose duke u përfshirë me krimin e organizuar jashtë vendit.

Një problem tjetër që unë jam shumë e ndjeshme është pjesa e ligjeve me porosi, e cila nuk ka munguar në Shqipëri përgjatë 30 viteve të fundit. Kontrata koncensionare të miratuara me ligje të veçanta, kemi deformime të aksesit si në leje ndërtimi si në resorte, si në dhënien e tokave publike dhe nëse sot ka një tjetër aferë që po ndodh është dhënia e tokave publike me një euro, është dhënia e tokave publike falas, është hapja e dhjetra kompanive shtetërore që do të merren me menaxhimin e pronave që t’i jepen privatëve dhe miratimi i ligjeve me procedurë të përshpejtuar siç ishte ai i zonave të mbrojtura apo futja e ndryshimeve ligjore në seancat e komisioneve apo në seancat plenare që të ndryshojnë ligjet për dhënien e tokës publike, ku ndërkohë ligji është shumë i përcaktuar për çdo tokë publike që zhvillohet me ankand, bëhet me një përfitueshmëri sa merr publiku, sa merr privati. Gjithë kjo artileri unë mendoj që një herë në dy vite, ose në katër vite përdoret, pra si paratë e krimit, si paratë e korrupsionit, si ndikimi në akses për të deformuar votën dhe për të bërë sistemin që të degradojë. Kështu që sugjeroj që pjesën e konkurrencës së tregut dhe pjesën e ndalimit të ligjeve të tilla, të qepura që quhen, t’i keni pjesë kryesore të programit ashtu siç keni edhe taksën e sheshtë.”

05 Qer

0

Basha shpërndan momente nga takimi me eskpertët e ekonomisë: Programi i PD nxjerrë Shqipërinë nga kriza, forcon shtresen e mesme

by PD in Lajmi fundit

Kryetari i PD, Lulzim Basha, ka ndarë në Facebook momente nga tryeza e sotme me ekspertët e ekonomisë. Basha shkruan se programi i PD do nxjerrë Shqipërinë nga kriza dhe do forcojë shtresën e mesme.

Postimi i plotë:

Ashtu siç kishim premtuar, vijuam sot me diskutimin e programit ekonomik të Partisë Demokratike në nivel ekspertësh të fushës. Programi ynë nuk është vetëm ambicioz, por ai është premtues dhe e nxjerr Shqipërinë nga kriza e thellë ekonomike në të cilën e ka futur papërgjegjshmëria politike dhe korrupsioni i madh në radhët e qeverisë. Një Shqipëri e jetueshme bëhet vetëm me forcimin e ekonomisë familjare dhe forcimin e shtresës së mesme. Programi ekonomik i PD-së e siguron këtë gjë, sepse ekonomia shqiptare meriton më shumë!

05 Qer

0

“Ftoj qytetarët të bëhen pjesë e debatit për programin e PD”, Basha: Mjaftojnë paratë e aferës së inceneratorëve dhe vjedhjet me tenderat publik për ta realizuar

by PD in Lajmi fundit

Në përmbyllje të tryezës së diskutimeve për programin ekonomik, kreu i PD, Lulzim Basha, u bëri thirrje qytetarëve për të debatuar për programin, pasi sipas tij, me këtë ofertë PD merr përsipër të ndryshojë në mënyrë themelore mirëqenien e qytetarëve dhe mirëqenien e shoqërisë në tërrësi.

“Natyrisht që diskutimet nuk shterojnë këtu. Këtu sapo kanë nisur. E në veçanti në çështjet më të mprehta të programit që janë aspektet e modelit ekonomik që promovojmë, nxisim dhe do të jetësojmë me iniciativat tona. Në këtë këndvështrim duhet parë si një mundësi e shumëpritur çdo shprehje kritike apo skepticizmi sepse ne jo vetëm që e mirëpresim debatin, por ne e nxisim dhe e ftojmë debatin me të gjithë. Në rradhë të parë me ata që janë qëllimi i këtij programi, me shqiptarët me shumicën e shqiptarëve që kërkon ndryshim, pavarësisht nga pozitat shoqërore dhe ekonomike ku ndodhen. Dhe së dyti po kaq e nxisim dhe e kërkojmë këtë debat me kundërshtarët tanë dhe në veçanti me ata kundërshtarë që janë dhe përgjegjësit për këtë situatë. Sepse kemi në dorë një program ekonomik me të cilin marrim përsipër të ndryshojmë në mënyrë themelore mirëqenien e qytetarëve dhe mirëqenien e shoqërisë në tërrësi” – u shpreh Basha.

Basha gjithashtu përsëriti se taksa e sheshtë 9%, thjeshtimi i burokracive, lufa kundër korrupsionit, është një model ekonomik që do të krijojë hapësira sot të përpira nga inefiçenca qeveritare.

“Modeli ynë jo vetëm i taksës sheshtë, i taksës së ulët 9%, por i thjeshtimit të burokracive, i luftës kundër korrupsionit, është një model ekonomik që do të krijojë hapësira sot të përpira nga inefiçenca qeveritare, nga korrupsioni i pushtetarëve dhe natyrisht nga efektet shkatërruese që kjo ka tek të gjithë faktorët ekonomik. Është një model ekonomik i cili do të nxis rritje të lartë ekonomike. Është nje model i cili do të luftojë evazionin fiskal që është një nga gangrenat jo thjesht të arkës së publikut, të arkës së shtetit, por është po kështu një nga arsyet kryesore të moskonkurrueshmërisë, sepse dihet fare mirë që një pjesë e operatorëve ekonomik që njihen edhe si oligark operoejnë në kushte të favoreve qeveritare. Ndërsa pjesa tjetër, jo vetëm nuk përballet me një trajtim të mirë dhe të barabartë dhe të drejtë, por goditet për të kompensuar humbjet e jashtëzakonshme që i sjellin arkës së shtetit, buxhetit të shqiptarëve monopolet dhe favoret ndaj monompoleve që natyrisht janë monopole të përbashkëta të pushtettarëve me oligarkët.” – tha Basha.

Më tej Basha tha se për të realizuar këto iniiativa, mjaftojnë vetëm paratë që shkojnë për aferën e inceneratorëve dhe vjedhjet që bëhen me tenderat publik.

“Dhe së treti që lidhet pikërisht me luftën kundër evazionit fiskal dhe rezultatet e pritshme në luftën kundër evazionit fiskal. Po nuk është vetëm evazioni fiskal, janë produktet e ligjeve të porositura, janë inceneratorët që me një të rënë të lapsit janë të barabartë me 10 vite bonus për fëmijën e tretë me rritmet aktuale të familjes shqiptare. Janë vjedhjet që i bëhen sektorit publik me tendera që arrijnë vetëm vitin e kaluar mbi 1.6 miliardë euro. Është zhvatja sistemike nga paratë e shqiptarëve nga xhepat e drejtpërdrejtë të tyre dhe nga taksat e tyre që i bëjnë OSHEE dhe KESH në veçanti me rezultatet e viteve të fundit ku kanë arritur të konkurojnë sa i takon dëmit ekonomik që i bëjnë shqiptarëve edhe me vet aferat më të mëdha siç është afera e inceneratorëve. Pra, një model ekonomik rritjeje, luftë evazionit dhe informalitetit, luftë ndaj korrupsionit dalin dhe teprojnë për të gjithë faturën e shpenzimeve që propozon programi ynë. Por nuk janë thjesht shpenzime, janë investime për nxjerrjen e ekonomisë ekzistuese nga dara e korrupsionit dhe mungesës së konkurrencës, janë investime që dhe Shqipëria të marrë pjesën që i takon në ekonominë e re, në veçanti në inovacion, në teknologjinë e informacionit dhe gjithçka tjetër që vjen me këto” – tha Basha.

05 Qer

0

Ola Xama për programin e PD: Taksa e sheshtë prej 9%, është taksa më e mirë për biznesin

by PD in Lajmi fundit

E ftuar në tryezën e Programit Ekonomik të PD-së ishte edhe gazetarja e ekonomisë Ola Xama. Gjatë fjalës së saj Xama u shpreh se sot një ndër problemet e mëdha të ekonomisë është taksa që qeveria vendosi për profesionet e lira, e cila i merr frymën shtresës së mesme dhe e dekurajon ekonominë vendase. Xama u shpreh se taksa që propozon PD prej 9% është më e mira, sepse ajo “taton njëlloj për të gjithë, shmang evazionin dhe bëhet edhe me eficent për administratën tatimore”.

“Nëse ka sot një problem në Shqipëri, jo vetëm për profesionet e lira që sot kanë taksën më të lartë historike, prej 15 dhe 23%, që përbëjnë edhe shtresën e mesme të popullsisë, por edhe nga komuniteti i biznesit, vendas dhe i huaj, është ndryshimi i shpeshtë i legjislacionit tatimor. Taksa më e mirë është 9%. Nëse ka një model që taton njëlloj për të gjithë, shmang evazionin dhe bëhet edhe me eficent për administratën tatimore është taksa e sheshtë. Është një ide që më plqen dhe ju përgëzoj si Parti Demokratike.” – u shpreh ajo.

Më tej Xama foli edhe për problematikën e ligjeve me porosi, të cilat deformojnë konkurrencën e tregut, duke i kërkuar PD-së ndalimin e ligjeve të tilla.

“Një problem tjetër që unë jam shumë e ndjeshme është pjesa e ligjeve me porosi, e cila nuk ka munguar në Shqipëri përgjatë 30 viteve të fundit. Kontrata koncensionare të miratuara me ligje të veçanta, kemi deformime të aksesit si në leje ndërtimi si në resorte, si në dhënien e tokave publike dhe nëse sot ka një tjetër aferë që po ndodh është dhënia e tokave publike me një euro, është dhënia e tokave publike falas, është hapja e dhjetra kompanive shtetërore që do të merren me menaxhimin e pronave që t’i jepen privatëve dhe miratimi i ligjeve me procedurë të përshpejtuar siç ishte ai i zonave të mbrojtura apo futja e ndryshimeve ligjore në seancat e komisioneve apo në seancat plenare që të ndryshojnë ligjet për dhënien e tokës publike, ku ndërkohë ligji është shumë i përcaktuar për çdo tokë publike që zhvillohet. Sugjeroj që pjesën e konkurrencës së tregut dhe pjesën e ndalimit të ligjeve të tilla, të qepura, t’i keni pjesë kryesore të programit ashtu siç keni edhe taksën e sheshtë.” – vijoi Xama.

05 Qer

0

“Taksa 9% ndihmë për biznesin”, Zef Preci për programin ekonomik të PD: Mbrrojtja e konkurrencës e rëndësishme edhe për dekurajimin e emigrimit

by PD in Lajmi fundit

Eksperti i ekonomisë, Zef Preçi, i cili ishte pjesë e tavolinës për diskutimin e programit ekonomik të PD, shprehu mbështetje për taksën e sheshtë 9%, pasi sipas tij i vjen në ndihmë bizneseve dhe ulë evazionin. Ai gjithashtu tha se mbrojtja e konkurrencës që është parashikuar në program, është shumë i rëndësishëm edhe për dekurajimin e emigrimit masiv të shqiptarëve.

Pjesë nga fjala e Zef Preçit:

Ajo çka unë shoh me interes në programin që keni shpallur, është mirë të demistifikohet, do të thotë të përkthehet për qytetarin, të përkthehet për atë që ka angazhime të tjera dhe lufton të sigurojë mjetet e domosdoshme të jetesës, të përkthehet për atë që është i lodhur nga retorika e vetëm denoncimeve, vetëm e konstatimit se sa i errët është mjedisi social ekonomik, politik e shoqëror përreth. Por të synojë që bashkë me demistifikimin e asaj çfarë premtohet të identifikohen dhe prioritete. E përmendi Selamiu e shoh dhe unë si nevojë që jo thjesht të korrigjohet situata e sotme, por të ofrohen dhe ide. Përshembull kthimi në fushën fiskale tek taksa e sheshtë. Unë nuk mendoj se është e rëndësishme të bëhet debati 9 apo 10 sa ka qenë. Sepse ne duhet të kuptojmë që mbajtja në këmbë e shtetit bazohet në taksa, ska ndonjë mënyrë tjetër, por të synohet që të kuptohet që pse shtrohet ky problem. Unë e kam mbështetur edhe publikisht edhe kur është bërë për herë të parë eksperimenti dhe praktikisht zbatimi i taksës së shesht, sepse i vendos biznesit në të njëjtën pozitë starti, si ai që ka 20 vite në treg si ai që futet sot. Nga ana tjetër jep mundësinë për të ulur natyrshëm pa kosto për administratën fiskale evazionin. Sepse ne na ndodh që sa më shumë fraksionohen apo përshkallzohen bizneset, biznesi i vogël lind dhe vdes i vogël, i mesmi po kështu, i madhi po kështu, pra nuk ka rritje të tyre.
Viktiama e keqqeverisjes ka qenë dhe mbetet, e përmendi dhe zoti Basha, është konkurrenca në tregje. Nëse nuk mbështetet me të gjitha mjetet konkurrenca, nëse nuk shihet si motori i ekonomisë së tregut, i kapitalizmit që ëndërrojmë të funksionojmë më mirë, është e vështirë të mendohet që do dekurajohet braktisja e vendit dhe Shqipëria do shndërohet në atdheun e përbashkët të atyre që janë sot këtu dhe atyre që kanë marrë rrugët e botës.

05 Qer

0

“Program qeverisës”, Profesor Selami Xhepa për ofertën e PD: Korrekton dështime serioze të sistemit tonë ekonomik që janë ngjizur në këto 30 vite

by PD in Lajmi fundit

Profesor Selami Xhepa, i pranishëm në tryezën e parë të organizuar lidhur me diskutimin e programit të Partisë Demokratike, tha se oferta e paraqitur korrekton dështime serioze të sistemit tonë ekonomik që janë ngjizur në këto 30 vite.

Xhepa, një nga ekspertët më të mirë të ekonomisë në vend, tha se programi i PD-së është parimor, që mbështetet mbi principe.

“Ky program mbështetet edhe mbi principet e një të djathte konservatore, sepse merret me pronën, merret me madhësinë e shtetit, sa i madh duhet të jetë shteti dhe sa duhet të jetë raporti i shtetit me individin, merret me familjen dhe këto janë principet themelore të një force të djathtë politike konservatore. Dhe unë personalisht i gjej këto element të mishëruar më së miri në këtë program. Së dyti, është pikëpyetje e përhershme a është i realizueshëm dhe madje shpesh herë dhe në bisedat e analistëve që bëhen darkave, është që “jo është program i mirë por nuk është i realizueshëm, se këtej kemi ulje taksash, këtej kemi rritje shpenzimesh””, tha Xhepa.

Sipas tij, realizimi i një programi është në rradhë të parë çështje e një bindje të thellë politike dhe çështje e vendosjes së prioriteteve strategjike që adreson një forcë politike. Dhe në këtë kuptim, Xhepa tha se e quan një program të realizueshëm.

“Është i realizueshëm sepse është edhe i testueshëm. Së treti, do të thoja që programi korrekton disa dështime serioze të sistemit tonë ekonomik që janë ngjizur në këto 30 vite të tranzicionit. Me këtë dua të them që edhe pse shpesh reformat kanë synuar që të zgjerojnë lirinë ekonomike, kanë synuar që të rrisin konkurrencën e tregut, fatkeqësisht është në natyrën e ekonomisë politike të reformave që sapo krijohet një grup përfituesish, ata bëhen barierë dhe nuk lejojnë më që reformat të jenë një gjetje në çlirimin e hapësirave për zhvillim dhe sipërmarrje të lirë”, u shpreh ai.

05 Qer

0

Basha me ekspertët e ekonomisë/ Nisim një debat kombëtar që programi i PD të jetë program i gjithë shqiptarëve

by PD in Lajmi fundit

Kryetari i PD, Lulzim Basha, ka zhvilluar ditën e sotme një tryezë diskutimi për programin e PD, ku të pranishëm ishin ekspertë të fushës. Në fjalën e tij Basha tha se sot PD nis një debat kombëtar për një program që do të jetë it ë gjithë shqiptarëve.

“Të nderuar zonja dhe zotërinj, miq të ftuar, të pranishëm, të dashur bashkëqytetar, kjo është tryeza e parë që organizojmë pas shpalosjes të programit të Partisë demokratike ditën e shtunë, dhe është stacioni i parë , padiskutim na sjell tek ekonomia në të gjithë kuptimet e saj, tek klima e biznesit, tek taksat, tek çmimet, tek kostoja e jetesës, tek punësimi dhe shpunësimi, tek e ardhmja e rinisë në raport me tregun e punës dhe me investimet e huaja dhe të brendshme në vend, për të cilën kam kënaqësinë e madhe të falënderojë për pjesëmarrjen të gjithë ekspertët e ftuar që ndodhen sot të pranishëm këtu. Njerëz të kontributeve të veçanta publike, akademike dhe padiskutim figura me një reputacion të padiskutueshëm sa i takon ekonomisë dhe çështjeve ekonomike, të cilët kanë ndarë kohën për të qenë në këtë tryezë për të debatuar, për të diskutuar, për të nisur pra një udhëtim të përbashkët me një këndvështrim mbi ofertën e Partisë Demokratike, sepse synimi ynë është dhe mbetet, atë që kemi shpalosur si ofertë të Partisë Demokratike si program të Partisë Demokratike ta kthejmë së bashku me shqiptarët në një program për shqiptarët” – tha Basha.

Basha gjithashtu tha se korrupsioni galopant është gangrenë për ekonominë. Sipas tij, programi i PD sjell një tjetër kulturë politike si dhe nxit mirëqenien.

“Synimi është një dhe vetëem një: asnjë pjesë e programit dhe ofertës tonë të mos mbetet në hije, asgjë të mos i mbetet rastësisë. Një kulturë e re politike kërkon që oferta e cdo formacioni politik të jetë transparente. Oferta e çdo partie politike që mëton të qeverisë nesër vendin siç është Partia Demokratike e Shqipërisë, të mos jetë një pusi për elektoratin, për votuesin por të kenë shansin të njihen me të, ta debatojnë atë, ku është e mundur dhe e nevojshme pse jo ta përmirësojnë atë. Zonja dhe zotërinj, ekonomia shqiptare vuan në një lëngatë të shumëfishtë. Vuan nga njëra anë për shkak të korrupsionit galopant, një sëmundje shoqëruese e tranzicionit shqiptar, por që nuk ka pasur kurrë nivele të tilla si në këtë dekadë dhe në këtë mënyrë është kthyer jo thjesht një pengesë, por një gangrenë për rritjen ekonomike, është kthyer në kontribuesin kryesor për mosmirëqenien e shqiptarëve, për varfërinë e tyre, për ankthin që ka kapluar si faktorët ekonomik ashtu edhe tregun e punës, që i është përcjell familjes shqiptare, i është përcjellë në veçanti rinisë shqiptare me pasojat të rënda, mpakjen e vendit, shpopullimin e vendit” – u shpreh Basha.

Blog