Blog

• 20 milionë euro për inceneratorin e Fierit, por ai nuk ekziston. Albana Vokshi denoncim nga Mbrostari: Qeveria vjedh njerëzit, paratë shkojnë në parajsa fiskale

 

DEKLARATË E PARTISË DEMOKRATIKE, ALBANA VOKSHI

 

Në çdo dalje të tij, Edi Rama pretendon që nuk ka para mjaftueshëm në buxhetin e shtetit për t’u ardhur në ndihmë qytetarëve shqiptarë pavarësisht se gjithësecili prej tyre po kalon në kushte shumë të vështira të pandemisë Covid 19.

 

Askush nuk e beson këtë mashtrim të Edi Ramës.

 

Para ka në buxhetin e shtetit por ato shkojnë për llogari të 5 oligarkëve.

 

Para ka në buxhetin e shtetit, por ato vidhen dhe shkojnë në parajsat fiskale.

 

Vetëm para pak ditësh qeveria ka kaluar 2 milionë Euro për llogari të dy inceneratorëve, inceneratorit të Fierit dhe dhe inceneratorit të Tiranës, duke e çuar kështu totalin e fondeve për llogari të këtyre dy inceneratorëve në 75 milionë euro.

 

Ku shkojnë këto para’?

 

Unë sot jam në Mbrostar. Jam në vendin ku duhet të grumbullohen e më tej, të përpunohen nga inceneratori të mbetjeve kryesisht të Qarkut Fier.

 

Përllogaritet që janë mbi 60 mijë ton mbetje në një vit që duhet të grumbullohen  këtu e më tej të përpunohen.

 

Në fakt, ajo çka ka ndodhur, është se mbetjet vazhdojnë të grumbullohen por ato nuk përpunohen pasi inceneratori nuk është funksional. Vazhdojnë të grumbullohen duke e shndërruar këtë vend këtu në një katastrofë ekologjike, në një bombë ekologjike e cila po cënon edhe shëndetin e banorëve përreth.

 

Pra para ka, por paratë vidhen dhe shkojnë në inceneratorë jofunksionalë.

 

Pra para ka, por paratë vidhen dhe shkojnë në xhepat e oligarkëve të Edi Ramës.

 

Nëse paratë do të shkonin në interes të publikut, në interes të shqiptarëve, me 2 milionë euro mund të ishin siguruar maska për 1 milionë qytetarë shqiptarë për të gjithë sezonin e dimrit.

 

Maska për pensionistët, për fëmijët, për mësuesit dhe për të papunët që nuk mund t’i sigurojnë dot ato.

 

Me 2 milionë Euro që Edi Rama ia kaluar inceneratorit të Fierit dhe të Tiranës, që në fakt nuk funksionojnë, pas të cilëve janë kompani fantazëm, klientë të Edi Ramës, me 2 milionë eurot mund të ishte siguruar testimi për të gjithë mësuesit në të gjithë Shqipërinë. Testimi serologjik dhe ai me tampon. Madje mund t’u ishte siguruar mësuesve një shpërblim dinjitoz për punën e palodhur në kushte kaq të vështira mësimdhënie, në kushtet e Pandemisë Covid 19.

 

Nëse 2 milionë euro do të kishin shkuar për interes të publikut mund të ishin shpëtuar më shumë se 2 mijë biznese të vogla nëpërmjet çekut 1 mijë euro të propozuar nga Kryetari i Opozitës z. Lulzim Basha kur prezantoi planin prej 5 pikash për Rimëbkëmbjen e vendit.

 

Pra, para ka por ato vidhen  dhe shkojnë për parajsa fiskale.

 

Para ka, por ato shkojnë në kompani fantazëm të inceneratorëve që nuk funksionojnë.

 

PD e konsideron këtë kriminale dhe kjo duhet të marrë fund menjëherë.

 

Pas 25 prillit, PD do të bëjë gjithçka që t’i jepet fund pandëshkueshmërisë.

 

PD do të bëjë gjithçka që të çojë përpara drejtësisë çdo abuzues të taksave të shqiptarëve duke filluar me shkaktarin kryesor të krizës në vend, me Edi Ramën.

 

Faleminderit.

Read More

• Tallja e Ramës me fermerët, PD: Në 7 vjet u mori fermerëve mbi 100 milionë euro për karburantin vetëm nga rritja e taksës së qarkullimit.

DEKLARATË E PARTISË DEMOKRATIKE, DREJTORI I KABINETIT NË PD, DORIAN TELITI

Të dashur qytetarë!

Sot ishte një ditë e keqe për ju! Kryeministri në ikje tentoi t’ju mashtronte sërish para zgjedhjeve dhe nuk mori asnjë vendim që ju lehtëson nga vështirësitë ekonomike.

Edi Rama refuzoi të firmosë çekun 1 mjë euro për mbi 100 mijë familje që mbahen me biznesin e vogël. Refuzoi të firmosë çekun 20 mijë lekë për pensionistët, refuzoi të japë një ndihmë minimale për të papunët.

Ajo çfarë bëri Kryeministri në ikje ishte një tallje me shqiptarët dhe veçanërisht me fermerët, shtresa më e goditur nga pandemia dhe më e braktisur nga keqqeverisja e tij 7 vjeçare.

Çfarë bëri Edi Rama për bujqësinë në 7 vjet? Vetëm 1 gjë! Rriti taksat për karburantin. A mund t’i besohet dikujt që për 7 vjet vetëm rrit taksat dhe kur do vota thotë se do ta ulë çmimin?

Rritja e çmimit të naftës, duke vendosur taksën 240 lekë për litër pëë qarkullimi , ishte ndër aktet e para të qeverisë së Edi Ramës, prandaj sot ai është i pabesueshëm. Për taksë “Rama” të qarkullimit, fermerët kanë paguar këto 7 vjet më shumë se 100 milionë euro.

Edi Rama sot bëri atë që kemi paralajmëruar prej kohësh. I lodhur, i vjetër dhe pa ide të reja për zhvillimin e vendit, kopjoi edhe një tjetër një pjesë nga programi ynë për bujqësinë për uljen e çmimit të naftës.

Të nderuar fermerë!

Mos i besoni Edi Ramës! Është mashtrimi i radhës para zgjedhjeve. Ky është personi i parë përgjegjës pse sot prodhimet kalben në fushë, pse fermerët janë të varfër, pse të rinjtë ikin nga fshati.

Një kryeministër që u zhvat fermerëve 100 milionë euro vetëm nga taksa e naftës, nuk ka për të punuar asnjëherë në interes të tyre për të ulur vërtet çmimin e naftës.

Deri në 25 prill, nga Edi Rama do të dëgjohen çudira, por vetëm një gjë ka rëndësi. Tani, të gjithë e dinë se deri në 25 prill vendi drejtohet nga kryeninistër mashtrues.

Read More

• Basha: Shqipëria e papërgatitur për valën e parë të pandemisë, pasojat i paguajnë qytetarët dhe ekonomia. E gjithë përgjigja e Ramës për pandeminë është “Vini maskë!”, të marrë masa për jetën e njerëzve.

 

• Basha: Sistemi shëndetësor është në kolaps. Kapacitetet e spitaleve “Covid 1” dhe “Covid 2” kanë shteruar, vendet në spitale janë plotësuar 100%. Numri i të infektuarve është rritur me 30% në 10 ditë. Paralajmërimet tona ranë në vesh të shurdhër.

 

• Basha: I bëj thirrje të lërë dërdëllitjet si Robert Çamçakëzi në të njëjtin kantier, por të marrë masat që i kemi kërkuar. Zgjidhja është plani ynë me 5 pika i cili ka qëllim: të parandalojë kolapsin e sistemit shëndetësor dhe falimentimin e ekonomisë.

 

• Basha: U bëj thirrje edhe mjekëve dhe ekspertëve që kanë vënë fytyrën e tij si garanci, të mos heshtin, ndryshe janë bashkëpunëtorë. Testimi i personelit mjekësor i lënë në mëshirë të fatit.

 

• Basha: Duhet urgjent sigurimi i vaksinës antigrip për të gjithë popullsinë, falas. Buxheti i shtetit ka mundësi. Numri i pacientëve në risk të lartë është 500 mijë, ndërsa këta thonë se kanë marrë vetëm 200 mijë vaksina për gripin.

 

• Basha: Çdo viktimë e kësaj pandemie nuk është më viktimë e sëmundjes, por e korrupsionit dhe dështimit qeveritar.

 

• Basha: Drejtësia është e kapur nga PS, Reforma në Drejtësi nuk rezultoi në atë që votuam ne. Drejtësia u korruptua nga politika dhe sa kohë që ka një qeveri të korruptuar, nuk do të ketë drejtësi në vend. Nesër, me largimin e kësaj qeverie do t’i drejtoj vetëm një kërkesë drejtësisë. Të vendosë çdo politikan dhe çdo zyrtar të korruptuar përpara ligjit. 

 

KONFERENCA PËR SHTYP E KRYETARIT TË PARTISË DEMOKRATIKE LULZIM BASHA

 

Mirdita!

Konferenca e sotme për shtyp do të nis me një lajm të publikuar dje nga Zëri i Amerikës seksioni shqip, i cili tregon precipitimin e rëndë të situatës sa i përket situatës së pandemisë, infeksioneve. Gjithë besoj e keni parë këtë lajmë i cili raporton një rritje prej 15% të infeksioneve, ndërkohë që numri i testimeve ka rënë.

Ashtu siç kemi paralajmëruar prej korrikut, shtatori dhe tetori do të përkonin me një përballje edhe më agresive me pandeminë COVID. Shqipëria u gjen e papërgatitur në periudhën e parë të përballjes dhe pasojat i paguajnë njerëzit, personeli shëndetësor dhe ekonomia.

Por koha e kaluar që nga ai moment deri më sot nuk ka shërbyer asnjë grimcë që qeveria dhe kryeministri të nxjerrin mësimet e duhura dhe të përgatiteshin seriozisht për situatën që po precipiton. Sot që flasim nga burimet e brendshme të COVID-1 dhe COVID-2, dy spitaleve, kapacitetet e tyre për të trajtuar të infektuarit me COVID janë efektivisht të shteruara. Që do të thotë që numri total i të infektuarve me COVID që mund të merren me trajtim në këto dy spitale, është i barabartë me kapacitetet që këto spitale kanë për të trajtuar.

E mbani mend të gjithë besoj inaugurimin me bujë të spitali COVID-3 çfarë po bëhet me COVID-3?

Ka shkuar ndonjëra prej mediave tuaja të xhirojë atje? Në qoftë se po, keni parë që s’ka absolutisht asnjë investim? Nuk ka COVID 3 por vetëm propagandë. Ndërkohë numri total i të infektuarve krahasuar me 101 ditë para sipas ekspertëve dhe punonjësve të shëndetit publik është rritur mbi 10%.

Vetëm në 10 ditë. Pra ajo që kemi paralajmëruara para 2 javësh që sistemi shëndetësor po shkon drejtë një kolapsi tashmë po ndodh. Në këtë moment që flasim tashmë kolapsi i sistemit shëndetësor në raport me aftësitë për të përballuar të infektuarit me COVID  që shtrohen në spital është realitet.

Nuk është më paralajmërim si ai që kemi bërë prej afro 3 muajsh me radhë, e në veçanti që prej publikimit të planit tonë me 5 pika, ku pika e parë ka të bëjë pikërisht me parandalimin e një situate të tillë.

Dje kemi folur gjerësisht për ekonominë. Kemi folur për një krizë të rëndë që ka përfshirë çdo sektor të ekonomisë dhe që po rëndon mbi jetën dhe mirëqenien e familjeve shqiptare. Që i ka bërë të vuajnë të varfrit të mjerë, që e ka bërë shtresën e mesme të varfër, që ka goditur në palcë të gjithë strukturën ekonomike shqiptare.

Sot, po flas për diçka edhe më akute. Sot po flasim për shëndetin, po flasim për faktin që, ndërkohë që e gjithë bota, Europa, rajoni, vendet fqinje, i kanë kaluar javët dhe muajt e qershorit, korrikut, gushtit, për t’u përgatitur për një përballje të dytë, i vetmi që nuk ka marrë asnjë masë, asnjë masë, për këtë situatë që tashmë ka trokitur në derë, është Edi Rama.

E keni parë që është rikthyer ritualit të dërdëllitjeve pafund në televizor dhe në facebook, por sa i përket COVID-it ka vetëm një fjalë, vini maskën!

Maskën që një në tre shqiptar nuk ka lekë ta paguaj sepse është ose i papunë, ose paratë që merr nuk mjaftojnë për të mbuluar shpenzimet bazë për familjet. Ky thotë vini maskën, ose ju vura gjobë.

Nuk ka asnjë zgjidhje, asnjë masë, asnjë plan. Ka njoftuar paketën e tretë, nuk ka paketë të tretë.

Ndërkohë që vendet e tjera kanë filluar zbatimin e paketës së katërt. Por mbi të gjitha ka braktisur shëndetësinë, ka braktisur mjekët dhe infermierët, ka braktisur detyrën elementare të qeverisë për të mbrojtur shëndetin e njerëzve. Na ka rënë goja këto 6 muaj duke kërkuar të merren masa për testime masive. Ju të gjithë jeni dëshmitar, mund ta kemi thënë me qindra, jo me dhjetëra herë.

Testime, testime, testime, testime, gjurmime, izolim, dhe sot është Zëri i Amerikës që e thotë se infektimet janë rritur me 15%, testimet kanë rënë. Kjo është neglizhencë kriminale. Kjo është për ndjekje penale. Por do të ketë kohë për këtë.

Dhe nuk do të ketë gjyqtar e prokuror që t’ju bëjë presion Edi Rama. Sot për sot, ajo që ka rëndësi maksimale për jetën dhe shëndetin publik të njerëzve është të lërë gër-vërret dhe dërdëllitjet dhe bredhjet si robet çamçakëzi, në të njëjtin kantier apo konferencat fiktive për shtyp, dhe të marrë urgjentisht masa për shëndetin parësor. I gjithë personeli shëndetësor duhet të angazhohet në këtë betejë, i gjithë personeli shëndetësor duhet të pajiset me masa mbrojtëse.

I gjithë personeli shëndetësor duhet të stimulohet me bonusin 1 mijë euro për mjekët, 500 euro për infermierët. Do të thotë që të arrihet urgjentisht në 2500 testime në ditë, për t’I paraprirë situatës që tashmë ka arritur pikën e ngopjes në spitalet COVID.

Ndodhemi përpara një tjetër rritje të frikshme të kurbës. Kjo tashmë nuk është thjeshtë ndodhi, kjo është përgjegjësi e Edi Ramës personalisht dhe e kukullave të tij që kur vjen puna për tendera sekret në kohë të pandemisë, janë të parët për të vjedhur. Kur vjen puna për të mbrojtur shëndetin e mjekëve, të infermierëve dhe të pacientëve, zhduken.

Dhe mjaftohen me masat, mbaj maskën se të vura gjobën. Fuqizimi I mjekut të familjes, dhënia e një roli si pikë e parë e kontaktit me pacientin që do të thotë dhe pajisja e mjekut të familjes me masa mbrojtëse, mjete pune, si dhe protokolle mjekimi për trajtimin dhe monitorimin e pacientëve ambulatorë.

Është kërkesa e përsëritur e grupit të ekspertëve të Partisë Demokratike, dhe sot me përgjegjësinë që e kam trajtuar këtë çështje prej ditës së parë nuk dua thjeshtë të tregojë se kush është përgjegjësi, por dua të përsërisë sot kërkesat, të paktën pë rata profesionist që punojnë akoma për këtë qeveri të korruptuar dhe për këtë palaço kryeministër. Të ngrejw zërin, siç e ngrenë zërin kolegët e tyre dhe të kërkojnë tani që po ngrihet kurba e infeksioneve, urgjentisht, nisjen e protokollit të parë, para se të shtohet numri i viktimave, të vdekurve, të infektuarve.

Përfshirja e mjekut të familjes është një nga rrugët më efikase në gjendjen ku ndodhet shëndetësia shqiptare. Përfshirja e mjekut të familjes do të thotë që ky ta zgjidhi qesen dhe t’I japi lekë për mjekun e familjes. Të ketë të paktën pajisjen mbrojtëse, si dhe pajisjet e tjera që kanë nevojë për të zbatuar protokollin e mjekimit dhe trajtimit dhe monitorimit të pacientëve ambulatorë. Se dy COVID-et i ka plotë.

Spitalet rajonale i ka jashtë loje. Ça do të bëjë ky?

Do presë të infektohen të gjithë shqiptarët? E do vazhdojë të thotë veni maskën osë përndryshe të vura gjobën? Kjo është kriminale. Nuk ka absolutisht asnjë iluzion për një njeri që sillet si kriminel me popullin e tij.

Por i kërkoj mjekëve edhe atyre fytyrave të njohur, të njohura që i kanë vënë fytyrën pandemisë dhe përpjekjes së qeveritar të pandemisë tani mos të heshtin, përndryshe do të jenë bashkëpërgjegjës për këtë masakër të heshtur që ka njw përgjegjës dhe një autor, njeriun që ndryshe nga çdo kryeministër tjetër i rajonit s’ka marrë asnjë masë edhe pse është paralajmëruar se kjo po vinte dhe tani ka ardhur.

E dyta, duke qenë COVID-3 deri tani ka mbetur iluzion , mashtrim premtim i pambajtur si çdo premtim tjetër dhe derisa të bëhet gati COVID-3, nëse bëhet gati dhe kur bëhet gati COVID-3, duhet urgjentisht duhet përgatitja për përkujdesje nga spitalet apo rajonal për pacientët duke investuar në pajisjet laboratorike diagnostikuese dhe trajtuese.

Mjekët tanë I kanë kapacitetet, e kanë trajnimin, e kanë pasionin edhe pse ky i ka gënjyer, dhe s’ju ka dhënë lekët që u ka premtuar. Por siç thanë përfaqësuesit e delegacionit të mjekëve irakian në korrik, nuk bëhet fjalë për keqmenaxhim, bëhet fjalë për mosmenaxhim, por behët fjalë për anti-menxhim.

A thua se objektivi është të rritet numri i të infektuarve e jo të mbahet nën kontroll. Dhe kjo është arsyeja se pse spitalet rajonale janë jashtë loje dhe gjithë këto muaj kanë humbur, ndërkohë që mund të ishin blerë pajisjet laboratorike, do të ishte trajnuar personeli me protokollet e trajtimit të COVID-it dhe sot mund ta trajtonin në Shkodër, në spitalin e Shkodrës, apo në spitalin e Durrësit, apo në spitalin e Fierit, apo spitalin e Vlorës.

Në vend që të mbingopet e të kolapsojë infrastruktura e pakët dhe e pamjaftueshme në spitalet e COVID-it në Tiranë. Testimi i personelit mjekësor që është lënë në mëshirë të fatit, me qëllim që tq paktën zonat ku përplasen pacientët me COVID të jenë zona të sigurta me rrezik zero infektimi nga personeli shëndetësor.

Ky personel shëndetësor është në kontakt me pacientin, nëse personeli shëndetësor nuk mbrohet, atëherë kthehet jo thjesht rrezikohet vet, por kthehet si transmetues i COVID-it, dhe kjo është ajo që po ndodh.

Kemi kërkuar prej korrikut sigurimin e vaksinës së COVID. Për të gjithë popullsinë. Se buxheti I ka të gjitha mundësitë ta blejë dhe ta administrojë për çdo qytetar të Republikës së Shqipërisë vaksinën anti-grip.

Janë mjaftuar vetëm me një deklaratë që kemi blerë 200 mijë vaksina dhe dëgjoj ditë për ditë njerëz këtu në Tiranë, në qendër të Tiranës që shkojnë të kërkojnë vaksinën, të bjnë vaksinën, të moshuar apo të ekspozuar deri dhe polic, dhe I sjellin vërdallë e nuk ju bëjnë vaksinën.

Leje një herë është e pamjaftueshme, është një sasi e pamjaftueshme, sepse vetëm kategoria e personave në risk të lartë, pot ë marrim vetëm shifrat e pensioneve është mbi 500 mijë, 600 mijë, ata kanë marrë 200 mijë gjithsej. Se nuk e kishin mendjen në korrik të bënin atë që bënin në çdo vend normal për vaksinën e gripit, por kishin mendjen të bënin të tjera tendera, të bënin të tjera pagesa korruptive nga thesari.

Ndërkohë që vendet e tjera po përfitojnë nga dalja e teknologjive të shpejta për trajtimin, testeve të shpejta molekulare dhe serologjike për Covid-in, Shqipëria vazhdon të jetë vendi me numrin më të ulët të testimeve për banorë  dhe kjo  është drejtpërdrejt  përgjegjësi, neglizhencë dhe dështim i qeverisë.

Ne  e kemi ngritur me dhjetëra herë këtë problem.

E kanë ngritur ekspertët ,e dhjetëra herë. Sot dua t’u drejtohem të gjithë atyre  që punojnë në sektorin publik, ta ngrenë zërin e tyre. Të gjithë mjekëve dhe infermierëve , të ngrenë zërin e tyre. Ata janë vetë të ekspozuar, ata i shikojnë më sytë e tyre  se si po plas, po shpërthen sistemi nga pamundësia për  të trajtuar numrin në rritje dhe po ta marrim me mend se ku do të jemi sot një javë, me këto ritme ku vetëm në 10 ditët e fundit sipas vetë këtyre ekspertëve  është rritur me 30% numri i të infektuarve me Covid.

Po flasim vetëm për Covid-in. Nuk po flasim për sëmundjet e tjera respiratore të cilat rëndohen për shkak të gripit sezonal.  Edhe njëherë për t’u mos u mjaftuar me  revoltën e ligjshme të çdo mjeku  të cilës i jap zë sot dhe çdo qytetari që  e shikon me sytë e vet sesi i trajtohet i afërmi me Covid. Hapi i parë që duhet të ndërmerret urgjentisht është zgjerimi i korpusit që do të përballet me Covid-in.

Angazhimi i të gjithë mjekëve të familjes. Angazhimi i spitaleve rajonale  është tashmë urdhër me urgjencë absolute. Kurba ka nisur rritjen vertikale.

Numri i të infektuarve shumë i lartë sesa ai që raportohet po rritet sumë më shpëjt seç raportohet.

Ccdo viktimë që humb jetën  për shkak të kësaj situate nuk është  më thjesht viktimë e një pandemie.

Është viktimë e një  korrupsioni, dështimi dhe papërgjegjshmërie të Edi Ramës dhe të gjithë njerëzve  që kanë sot përgjegjësinë për t’i trajtuar shqiptarët e sëmurë me Covid.  Ndërkohë situata ekonomike  ka arritur po ashtu pikën e ngopjes.

Sot patë ngjarjet e përsëritura në  Ballsh të cilat nga njëra anë tregojnë  braktisjen totale të mijëra familjeve  të gënjyera, të nëpërkëmbura, të vjedhura nga ky kryeministër dhe  bashibuzukwt e tij të mafias të naftës.

Dhe nga ana tjetër  shohim një heshtje totale   për t’ju përgjigjur  kërkesave  të tyre të drejta, për t’ju përgjigjur kërkesës minimale njerëzore  për të siguruar bukën e gojës së fëmijëve të tyre.

Ajo që shikoni në Ballsh, ajo po ndodh kudo.

Ajo po ndodh  në qendër të Tiranës, ajo po ndodh në fshatrat e Tiranës, ajo po ndodh në Shkodër, në Vlorë, në Korçë, në Durrës. Numri i njerëzve të cilët kanë arritur de fakto  gjendjen e falimentit financiar, po rritet me shpejtësi. Rënia e konsumit e tregon këtë.

Mjafton të shikon dyqanet e lagjes, të pyesësh pronarët apo punonjësit brenda dhe e kupton nga shifrat e rënies së konsumit se si po thellohet mjerimi i familjeve shqiptare. Mjafton të veni kamerën në një lagje të Tiranës, nuk ka nevojë të dilni në qytete të tjera ku sidomos situata është edhe më keq, dhe të shikoni se ccçfarë blen një familje mesatare shqiptare në ditë.

Të shikoni se ccçfarë blejnë dhe sa prej tyre arrijnë ti blejnë me lekë apo sa vazhdojnë t’i shënojnë në listat e dyqaneve për të kuptuar që hiq një grup qeveritarësh të korruptuar që vjedhin buxhetin e shtetit dhe një grup trafikantësh që lajnë e pastrojnë paratë e pista të tyre dhe pjesa tjetër e popullsisë ka arritur në nivelin e shterimit të lekëve të xhepit.

Nëse flasim për nëj kolaps të sistemit shëndetësor, pasoja e dytë është katastrofa ekonomike që e shoqëron.

Ndaj i gjithë plani ynë me 5 pika, ka vetëm këtë dhe vetëm këtë qëllim, t’i paraprijë këtij kolapsi duke injektuar paratë e taksave të shqiptarëve në rritjen e konsumit, në ndaljen e falimentimit masiv të biznesit të vogël që do të thotë shpunësim, sepse po falimentoi do të thotë i vuri kyçin, i shtohet ushtrisë të papunëve.

Në goditjen që po i jepet biznesit  të madh dhe biznesit punëdhënës, dhe e shikoni që cikli bëhet i mbyllur, sa më shumë papunë të ketë, më pak të ardhura do të kenë për familjet, e aq më shumë bie konsumi.

Ka një rrugë dhe vetëm një rrugë për t’i dalë përpara kësaj.

Paketa e ndihmës që kemi propozuar prej dy javësh: 160 mijë lekë të vjetra për këdo që ka humbur vendin e punës; 200 mijë lekë për këdo biznes që rimerr në punë ata që është detyruar t’i largojë, dyfishimin e ndihmës ekonomike, një çek prej 1 mijë euro për biznesin e vogël si dhe 20 mijë lekë të vjetra për çdo pensionist për një periudhë 6 mujore.

Këto janë në ekonominë shqiptare një shifër prej afro 300 milion euro e cila e marrë në total për të dy vitet buxhetore është plotësisht e përballueshme.

Një vit buxhetor ka afërsisht 4 ose 4.5 miliard euro shpenzime po kërkojmë për të dyja vitet buxhetore për tetor, nëntor, dhjetor.

Në janar, shkurt, mars, një shifër totale prej 300 milionë euro që po t’i vihet fre’ hajdutërisë që po t’i vihet fre shpenzimet të lluksit, po t’i vihet fre’ tenderave korruptivë, pagesave korruptive, është plotësisht e mundur.

Mosmarrja e këtyre masave rrezikon jetën, shëndetin edhe paqen sociale, mos marrja e këtyre masave do të thotë të lësh miliona shqiptarë pa bukën e gojës edhe pa asnjë alternativë tjetër.

Mosmarrja e këtyre masave do të thotë të lesh miliona shqiptarë pa bukën e gojës dhe pa asnjë alternativë tjetër.

Dje e patë se si një njeri që kurrë nuk ka pasur sy, mendje dhe zemër për shqiptarët dhe është tallur me hallet e tyre, e tradhëtoi vendin e tij.

E kishte ndjekur konferencën tonë për shembull dhe ishte marrë me lapsusin tim.

Herë tjetër kur të bëj lapsus do ta nxjerr unë i pari që të mos ketë kohë të merret me këtë, por të bëjë detyrën për të cilën është akoma aty.

Nuk ka rëndësi nëse bëj një apo dy lapsuse në 4 vjet unë. Ato lapsuset e mia nuk i kushtojnë asgjë shqiptarëve, asnjë lek, asnjë qindarkë. Ajo që u kushton shqiptarëve është e vërteta.

Ajo shifër që thashë dje unë ishte lapsus, 6 nga 4, është 6 në 10 dhe është shifra e Bankës Botërore, por kujt t’ia thuash, kujt t’ia thuash…

Dhe është shifra e Bankës Botërore, po kujt t’ia thuash?

Kujt t’ia thuash?

6 në 10 biznese, 61% e bizneseve thotë Banka Botërore.

E dini të gjithë sepse shumica e mediave e kanë publikuar raportin.

61% e bizneseve janë në gjendje, që para 4 apo 5 muajsh që nuk nxjerrin fitim. Ja pra që i dëgjoka fjalët e mia por jo për t’u ardhur në ndihmë shqiptarëve, jo për të zgjidhur qesen dhe për t’iu dhënë lekët shqiptarëve, por për të vazhduar vjedhjen e lekëve të shqiptarëve dhe pastaj për ta mbushur hapësirën mediatike me gomarllwqe të tilla që tregojnë që kemi përpara jo vetëm një njeri që nuk ka përgjegjshmëri minimale për të qenë kryeministër i vendit por që ka cinizmin kriminal mos t’i përgjigjet as kërkesave më elementare dhe më të justifikuara për t’u ardhur në ndihmë atyre.

Ndaj meqë e dëgjon konferencën për shtyp, po ia përsëris edhe një herë sot planin e rimëkëmbjes me 5 hapa kundër krizës, dhe po i them t’i verë gishtin kokës dhe mos  të merret me cic-mice e gër-vërre, e kuptoj janë pjesë e reumatizmës politike që e ka zënë, por të kujtohet që përgjegjesia që ka si kryeministri i vendit edhe për këto kohë që e ka, nuk është vetëm përgjegjësi vendim marrëse por është edhe përgjegjsi penale. Se çdo jetë që kushton neglizhenca për t’i ardhur në ndihmë sistemit shëndetësor, e pacientëve të Covid-it, e pacientëve të tjerë që e  pësojnë për shkak të kolapsit të sistemit shëndetësor, e njerëzve që humbin  vendin e punës, e shëndetit që përkeqësohet,  e fëmijëve, të prindërve, të moshuarve.

Për shkak të mungesës së ndihmës elementare për ta është në fakt një vepër penale, është një krim i vetëdijshëm i një njeriu që  ka paratë, i ka mundësitë për t’i ndihmuar, por ka zgjedhur që këto para t’ia japi klientëve e oligarkëve e tij ndaj me ta në mënyrën më të babëzitur dhe të korruptuar që ka njohur ndanjëherë ky vend në mesin e pandemisë.

Edhe njëherë pika e parë  e planit është mbështetja dhe përgatitja e sistemit  shëndetësor. E kemi kërkuar prej muajsh, e kemi zyrtarizuar prej  dy javësh. Rritja e numrit të testimeve  për Covid-19 me 2500 testime në ditë.

Rimbursimi i plotë  për marrjen e mjekimit ambulatorë kundër Covid-it  sepse e përsëris çdo pacient që  nuk trajtohet në spital paguajnë 600 mijë lekë  minimum gjatë kohës që I duhet të trajtohen në shtëpi.

Sigurimin e pajisjeve mbrojtëse për të gjithë  personelin shëndetësor duke filluar me mjekun e familjes siç e thashë më parë  dhe duke vazhduar me spitalet rajonale me klinikat  pa diskutim edhe spitalet Covid në mënyrë që të rriten kapacitetet shëndetësore dhe spitalore të përballjes me atë që qartësisht është një kurbë në rritje e infektimeve përballë të cilave nuk ka asnjë masë, asnjë plan, asnjë përgjigje nga Edi Rama dhe shpura e tij e korruptuar e tenderave sekretë.

Dhe së fundmi të mbajë premtimin për 1000 euro bonus për mjekët, 500 euro për  çdo infermier  për 6 muajt e ardhshëm për të  gjithë mjekët dhe infermierët shqiptarë.  Së dyti për shkollat dhe Europa përcakton protokollet më të rrepta nëse zbulohet infeksioni. Të nisë me testimin periodik të mësuesve dhe stafit ndihmës të mos presë rastet e infektimit masiv siç po ndodh kudo.

Të përmirësojë urgjentisht kushtet sanitare në shkolla duke filluar duke përfshirë furnizimin me ujë, pajisjen me maska mbrojtëse dhe  dezinfektimin e rregullt të ambienteve mësimore dhe të investojë urgjentisht në teknologji nëse kurba aktuale e infeksioneve do të bëjë të  pamundur vazhdimin e  regjimit aktual duke përfshirë këtu edhe blerjen, sigurimin e tabletave për familjet në nevojë në mënyrë që asnjë fëmijë të mos  mbetet pa mësuar.

Paketa ekonomike e përsëris.

Asnjë shqiptar të mos lihet pas dore. Të mbështeten të gjithë shqiptarët që kanë humbur vendin e punës. Çdo individ të përfitojë një çek mujor prej 60 mijë lekësh të reja në muaj për një periudhë  prej 6 muajsh.

Të krijohet fondi i punësimit në mbështetje të bizneseve ku çdo biznes që rimerr në punë dikë që e ka larguar nga puna të përfitojë një pagesë prej  200 mijë lekë të vjetra në muaj në mënyrë që të nxiten bizneset të  rimarrin në punë ata që  kanë larguar. Të dyfishohet ndihma ekonomike për çdo familje dhe çdo pensionist të përfitojë për 6 muajt e ardhshëm një çek prej 2 mijë lekë në muaj apo 20 mijë lekë të  vjetra në muaj për përballimin e kostove shtesë të pandemisë.

Katër, ndihma për  biznesin e vogël ku rrezikohet falimentimi masiv i  tyre. 6 në 10 siç e thotë Banka Botërore janë tashmë në kushtet afër falimentimit. Propozojmë dhe kërkojmë një çek prej 1 mijë euro për të gjithë periudhën 6-muajore për çdo biznes të vogël.

Së pesti mbështetje për biznesin prodhuues dhe punëdhënësit e mëdhenj për 6-muajt e ardhshëm subvencionim   50% i qerasë për ambientetet e  punës ose heqje taksës së pronës për bizneset pronare të ambienteve të punës që këto para të dedikohen për të mbajtur në punë, për të mos larguar  nga puna njerëzit  që kanë  në punë dhe  shtrirjen në kohë  dhe bërjen të aksesueshme  për çdo biznes  jo vetëm për klientët e Edi Ramës  të përfitimit nga skemat e garancisë sovrane duke përfshirë këtu subvencionimin e interesit mbi 2% për ato kredi që merren për investime kapitale dhe për shpenzime operative dhe duke mbajtur 0 kredi-marrjen për të paguar rrogat e punëtorëve.

Nuk do të lodhem ta përsëris këtë ditë për ditë  sikur nuk do të lodhem duke paralajmëruar Edi Ramën se çdo jetë   që do të humbet për shkak  të neglizhencës së tij  dhe çdo vuajtje që do t’u  shtohet shqiptarëve  përmes papunësisë, pamundësisë, bukës së gojës, për shkak të  korrupsionit, babëzisë dhe hajdutërisë së tij unë  si kryetar i opozitës dhe i Partisë Demokratike, e konsideroj vepër penale dhe do ta  ndjek me të gjitha format dhe mënyrat sot  dhe nesër, deri sa ta vë para përgjegjësisë.

 

Pyetje: A do të kallëzojë Partia Demokratike penalisht Kryeministrin apo Ministren e Shëndetësisë për mënyrën e menaxhimit të pandemisë?

Lulzim Basha: Le të ikim nga sensacioni i momentit, se bëhet fjalë sot që flasim, mjekët më thonë  nga brenda dy spitaleve Covid -1 dhe Covid-2 se nuk ka më kapacitete, është mbushur komplet. Kapaciteti i dy spitaleve Covid-1 dhe Covid -2 është tërësisht i ezauruar.

Se meriton shumë më shumë sesa kallëzimi penal, por nuk është ky lajmi dhe nuk është kjo çështja. Kjo është vetëm për të ilustruar përgjegjësinë që ka ky njeri, në një vend ku mbahet përgjegjësi. Dhe të jesh i sigurt që nëse jo sot,  nesër në Shqipëri do të mbahet përgjegjësi. Po, kjo është përgjigja ime. Por kjo nuk e zgjidh problemin. Shqiptarët  kanë nevojë sot për ndihmë, prandaj ju lus të bëni gjithçka që iu takon si fëmijë të prindërve, si prindër për ata që kanë fëmijë, si bashkëqytetarë për ata që nuk kanë zë dhe nuk dëgjohen, dhe t’i bini fort kambanave të alarmit, siç i kam rënë unë sepse situata ka kaluar në kolaps.

Ajo që kemi paralajmëruar në këtë moment po ndodh, po rritet me shpejtësi numri i të infektuarve sepse nuk ka marrë asnjë masë, sepse shëndetësia është në kolaps, sepse mjekët janë jashtë loje.

Dhe bashkë me këtë sa është e mundur tu tregoni shqiptarëve dhe të ushtroni presionin tuaj si media që ka një rrugëdalje,  ka një mënyrë për tu përballur me këtë.

Dhe po ua përsëris edhe një herë:

Shtimi urgjent i testimeve me të paktën 2500 testime në ditë.

Sigurimi i pajisjeve mbrojtëse për të gjithë personelin shëndetësor dhe rritjen e kapaciteteve spitalore, që do të thotë futjen në lojë të mjekut të familjes, shton radhët e ushtrisë që merret me këtë përballje.

Do të thotë të investosh tek ta, do të thotë t’i pajisësh me pajisje të tjera për diagnostikimin e tyre, të të sëmurëve dhe për trajtimin, sepse sot trajtohen vetëm në dy spitalet Covid.

Dhe e njëjta gjë edhe për spitalet rajonale, do të thotë të rimbursosh çdo pacient dhe familjen e çdo pacienti që shpenzon minimalisht 600 mijë lekë për trajtimin e Covid, që shkon deri edhe në 1 milionë e gjysëm.

Do të thotë bonusi prej 1 mijë eurosh për çdo mjek dhe 500 euro për çdo infermier, të përfshirë në këtë betejë.

Ju lus që  ju si media të bëni detyrën tuaj dhe ta tregoni për këtë aspekt të përballjes, që Shqipëria i ka mundësitë të përballet, por Edi Rama ka zgjedhur të mos përballet me pandeminë, të mos marrë masa për të ndihmuar njerëzit por të vazhdojë vjedhjen, batërdinë, gënjeshtrat, talljet me shqiptarët.

Sa më shumë t’i bini kësaj kambanë si fëmijë prindërish, si prindër, si bashkëshort, si qytetar dhe pastaj si gazetarë ju dhe mediat tuaja, aq më shumë do të rritet presioni që ta ndalim këtë çmenduri, këtë papërgjegjshmëri, këtë hajdutëri, këtë babëzi, që në këtë moment që po flasim po na kushton më shumë, po na kushton jetë dhe shëndet njerëzish.

Sa për ndjekje penale është bërë prej kohësh ajo, jo për një, por për qindra ndjekje penale, por nuk zgjidh problemin ajo sot.

Sot dhe patjetër që do të përballet me përgjegjësi. Sot është e rëndësishme të ushtrojmë të gjithë presionin maksimal. Nuk është thesi i tij i parave, nuk është qesja e tij e parave; janë paratë tuaja, ju më ju i keni paguar, taksa, TVSH. Sa paguani gjithsecili prej jush dhe shqiptarët që na ndjekin. Janë paratë tuaja,  nuk mund t’i marrë dhe t’ia çojë inceneratorëve, nuk mund t’i marrë dhe t’ia çojë me 5-fishin e çmimit kontraktorëve të rrugëve. Nuk mund t’i vjedhë në këtë mënyrë sot që ka kaq shumë nevojë shqiptari për ndihmë, shëndetësia për ndihmë.

Ti vetëdijësojmë të gjithë se çfarë po ndodh, se i gjithë ky përkeqësim sot nuk po ndodh si dorë e Zotit apo si shkak të virusit, por për shkak  të një virusi shumë më të madh që është një papërgjegjshmëri kriminale e njeriut që ka qesen e parave dhe përgjegjësinë me të cilin e ka ngarkuar ligji dhe që këto para t’ia japë njerëzve.  Ndaj zgjidh qesen që t’ua japë paratë njerëzve, jo një grushti hajdutësh me të cilët ndan kontratat e korruptuara.

Pyetje: Z.Basha çfarë vendi zë figura e policit dhe ushtarakut në programin ekonomik të Partisë Demokratike? Pasi duhet thënë se janë ndër më të papaguarit në rajon dhe nuk janë të trajtuar as për orët shtesë që policët kanë bërë këto dy vitet e fundit.

Lulzim Basha: Kur nuk bën pagesën e premtuar për mjekët mos prisni që të paguajë të tjerët. E mban mend në kohën e pandemisë kur kërkova që të përfshihet një pagesë shtesë për Policinë e Shtetit, për shkak të angazhimit të tyre në kushtet e karantimit. Dhe nuk ia vunë veshin.

Kështu që, sot për sot të gjitha burimet financiare të shtetit duhet të drejtohen tek ato sektorë që kanë të bëjnë drejtpërdrejtë me jetën dhe shëndetin e shqiptarëve, dhe këto sektor janë shëndetësia, janë mjekët dhe infermierët, janë spitalet rajonale, është mjeku i familjes, janë pajisjet mbrojtëse, diagnostikuese, janë pajisjet trajtuese, është rimbursimi i paketës covid, është marrja e masave për të sëmurët e tjerë kronik dhe të sëmurët e tjera, se nuk ka vetëm të sëmurë me covid, ka edhe sëmundje të tjera; janë mësuesit, janë fëmijët, janë ata që kanë humbur vendin e punës, janë familjet në ndihmë ekonomike, janë pensionistët, janë biznesi i vogël dhe sipërmarrja punëdhënëse.

Këto janë prioritetet këtu, sipas këtij plani duhet të shkojnë urgjentisht paratë e shqiptarëve.

Pyetje: Z.Basha përtej diskutimeve për pandeminë, që padiskutim është shumë e rëndësishme dhe pasojave që ajo ka ekonomi, një tjetër interes është edhe taktika që opozita e bashkuar përdor në zgjedhjet e 25 prillit. Pra, si do të dilni në zgjedhje z. Basha?

Lulzim Basha: Do t’ju jap një intervistë ekskluzive ju dhe kujtdo tjetër që e kërkon, ose një konferencë për shtyp ku të jeni të gjithë bashkë.

Pyetje: Z.Basha ditën e djeshme e prekët problemin e naftëtarëve. Sot është zhvilluar një tjetër protestë ku ka patur përplasje me policinë. Ndërsa naftëtarët, teksa ju kanë falënderuar për vizitën që keni zhvilluar disa ditë më parë, ju bënë thirrje që të ngrini zërin. Pas pak z.Rama ka një konferencë për çështjet ekonomike. Keni një apel për z.Rama sa i takon kësaj çështje?

Lulzim Basha:  Është e njëjta kërkesë që naftëtarët ia kanë kërkuar “të lërë gënjeshtrat! Të lërë mashtrimet!”

Ka dy vite që i gënjen dhe i  mashtron. I ka mashtruar para dy vitesh me videokonferencë dhe ka dy vjet që nuk bën asgjë nga ato që ka premtuar.

Dhe paratë që iu ka vjedhur bashkë me mafien e naftës, t’ua kthejë urgjentisht këto 16 rroga të prapambetura, sikundër të sigurojë që deri të paktën sa të dorëzojë çelësat e pushtetit, për sa kohë që naftëtarët dhe qytetarët kanë akoma fatkeqësinë që ta kenë në atë vend ku është akoma, të mos vërë dorë mbi pasurinë e tyre, mbi të ardhmen e tyre dhe mbi shanset për të rivënë këtë pasuri në funksion të naftëtarëve dhe gjithë shqiptarëve.

Nuk kam çfarë t’i shtoj unë  kërkesave të naftëtarëve. Dua vetëm tu them se kanë mbështetjen time të plotë siç e kanë patur prej ditës së parë dhe pas 25 prillit do ta kenë me vepra, siç ua kam thënë edhe kur i vizitova para disa ditësh grevistët e urisë.

Sikundër dua të përsëris që edhe për këtë çështje njerëzit e përfshirë do ta paguajnë. Do ta paguajnë me paratë që u kanë vjedhur, që siç ua thash atyre do ta nxjerrim ku t’i kenë, do t’ua zbulojmë dhe do ta nxjerrin ku t’i kenë. Do ta paguajnë edhe me përgjegjësitë penale që kanë për zhvatjen e kësaj pasurie të madhe kombëtare, që prodhon vetëm fatkeqësi dhe varfëri për ballshiotët, për mallakastriotët dhe Fierakët dhe për gjithë shqiptarët; kur në fakt duhet të prodhojë mirëqenie, stabilitet dhe siguri ekonomike.

Pyetje: Ju përmendët disa herë përgjegjësinë penale, si në rastin e Ballshit ashtu edhe për menaxhimin e pandemisë, ndani të njëjtin mendim si kryeministri se koka e korrupsionit janë gjyqtarët dhe jo politikanët? Kjo është arsyeja përse i keni lënë për një moment të dytë këto padi penale?

Lulzim Basha: Qartë fare se nuk ka shqiptar që nuk e kupton që këtë e thotë një hajdut që i trembet drejtësisë. E dëgjuan njerëzit këtë që pyeti gazetarja?

Po është e qartë se drejtësinë e korruptoi politika. Një politikan i korruptuar ka interes që gjyqtari dhe prokurori të mos e ndjekë dhe të mos e çojë në burg.

Drejtësia u korruptua nga politika dhe sa kohë që ka një qeveri të korruptuar, nuk do të ketë drejtësi në vend, është iluzion.

Prisni peshkun e madh?

Sa kohë të jetë Edi Rama kryeministër, sa kohë të ketë një qeveri të korruptuar, nuk do të ketë drejtësi. Drejtësi do të ketë vetëm atëherë kur ka një qeveri dhe një kryeministër që nuk i bën presion drejtësisë.

Dhe po jua edhe një herë që ju kam thënë ambasadorëve, që drejtësia është e kapur nga PS, që Reforma në Drejtësi nuk rezultoi në atë që deshëm ne dhe votuam ne, këtë nuk ka fëmi që nuk e ka kuptuar në Shqipëri.

Por pozitivja është që nesër, me largimin e kësaj qeverie, të paktën askush nuk do të thotë që kjo drejtësi është në duart e qeverisë që do të vijë.

Dhe ky është hapi i parë për kontrollin dhe balancën e pushteteve.

Dhe kësaj drejtësie unë nesër do t’i drejtoj vetëm një kërkesë. Të vendosë çdo politikan dhe çdo zyrtar të korruptuar përpara ligjit. Mos t’i mbrojë, por t’i ndëshkojë. Duke nisur me qeverinë time të ardhshme e duke vazhduar me këdo që ka futur duart dhe ka zhvatur pasuritë e shqiptarëve në këto vite. Por që është fare e qartë që drejtësinë e korruptoi politika dhe që Reforma në Drejtësi, progresin dhe suksesin e saj e mban peng një kryeministër që ka frikë drejtësinë, këtë nuk ka shqiptar që nuk e ka kuptuar. Mjafton të shohësh rastet, Tahiri, Dako, Gjiknuri e të kuptosh se çfarë tmerri ka Edi Rama nga drejtësia e pavarur.

Jua thash edhe dje, po shumica e mediave, e redaktorëve tuaj, nuk e panë të arsyeshme ta transmetonin. Përse e mban Dakon në kryesi ai? Se ka sinjal më të fortë se Departamenti i Shtetit ta vërë në listën e zezë? Përse nuk bën zgjedhje në parti? Nuk bën zgjedhje për të mbajtur Dakon në kryesi. Çfarë është ky Dako, veza e artë është? Jo more jo. Ky është dëshmitari, i penduari, që nqse Edi Rama e lëshon, del dhe dëshmon vjedhjet, badërdisjen, shkeljen e ligjit që ka bërë me urdhër të Edi Ramës dhe e njëjta gjë edhe me të tjerët.

Prandaj ka një dhe vetëm një shkaktar, që Reforma në Drejtësi akoma nuk po jep rezultatet e veta dhe ky është Edi Rama që ka tmerr gjyqtarët dhe prokurorët e pavarur.

Prandaj për të gjithë ata që kanë investuar dhe shpresuar tek Reforma në Drejtësi, edhe ata që bëjnë sikur janë të gëzuar dhe kur e dinë fare mirë se u ka dështuar investimi i tyre deri tani, ka vetëm një lajm të mjirë, një qeveri e cila nuk do të kontrollojë drejtësinë, është garancia e vetme që investimi në Reformën në Drejtësi të fillojë të japë frytet e para. Një arsye më shumë që 25 prilli të jetë një ditë triumfi dhe bashkimi, sepse është shansi i vetëm që Reforma në Drejtësi të fillojë të japë rezultate. Me këtë qeveri nuk ka për të patur drejtësi. Me këtë kryeministër do të vazhdojn ë të mbrojnë çdo zyrtar dhe politikan të korruoptuar dhe do të vazhdojnë të sabotojnë çdo aspekt të Reformës në Drejtësi siç kanë bërë deri më sot.

Falemnderit.

Mirë u takofshim.

 

 

 

Read More

• Ekonomia po zhytet në krizë, papunësia po rritet në mënyrë gjeometrike. Bizneset, qytetarët nuk kanë asnjë mjet për të tejkaluar këtë krizë të thellë

 

• Qeveria nuk dëgjon bizneset, nuk dëgjon mjekët, mësuesit, të rinjtë që lënë Shqipërinë nga terminali i autobusëve. Edi Rama dëgjon vetëm zërin e oligarkëve të tij që kërkojnë para për inceneratorët.

 

• Plani ynë me 5 pika nuk është kinematografi me regji qëndrore, nuk janë cic-mice, por rrugëdalje nga kriza. I vetmi shqiptar që nuk ka dëgjuar për planin e PD, është i pari i qeverisë. Të gjithë shqiptarët e tjerë e dinë.

 

• Plani me 5 pika, ofrimi i mbështetjes për të mbrojtur mjekët, trefishimi i numrit të testimeve, 1000 euro shtesë mujore për çdo mjek, 500 euro për çdo infermier.

 

• Plani me 5 pika, pajisja e shkollave me pajisje dhe materiale sanitare, testimi i të gjithë e mësuesve, 160 mijë lek/muaj për çdo të papunë, 20 mijë lek/muaj për çdo rimarrje në punë nga biznesi.

 

• Plani me 5 pika, çek 1000 € për biznesin e vogël, 20 mijë lek/muaj shtesë të gjithë pensionistëve, zgjerim i kategorive të bizneseve që përfitojnë nga garancia sovrane, zgjatje të afatit.

 

• Afera e inceneratorëve, pastrim i parave të pista, përpos vjedhjes së parave të qytetarëve. Afera e inceneratorëve do të jetë një test kyç i institucioneve të reja të drejtësisë.

 

 

KOMUNIKIMI ME GAZETARËT I KRYETARIT TË PARTISË DEMOKRATIKE, LULZIM BASHA.

 

 

Ditët kalojnë, njerëzit nuk marrin asnjë ndihmë dhe asnjë zotim nga qeveria për t’i ndihmuar… Javët kalojnë, kriza bëhet gjithnjë e më e thellë. Sot kemi marrë të tjera të dhëna tronditëse, të cilat tregojnë se ekonomia po zhytet ditë për ditë. Se numri i të papunëve po shtohet jo më me dhjetëra, por me qindra në ditë. Se numri i bizneseve që po largojnë njerëz nga puna, sepse nuk ia dalin dot t’i paguajnë dhe numri i bizneseve që po mbyllen, sepse nuk ia dalin dot të paguajnë as detyrimet ndaj shtetit, po rritet krahasuar me muajt e tjerë të këtij viti. Shëndetësia është në kufijtë e kolapsit, ndërsa i gjithë personeli shëndetësor ka arritur në pikën më të ulët, sa i përket aftësive për të përballuar rritjen e numrit të infeksioneve nga Covid-i dhe efektet që kjo ka tek aftësia e mjekëve dhe infermierëve  shqiptarë për t’u përballur jo vetëm me pandeminë, por edhe me sëmundjet e tjera dhe pacientë te  tjerë shqiptarë.  Siguria e fëmijëve dhe e mësuesve në shkolla është lënë në mëshirë të fatit. Qeveria dhe kryeministri nuk kanë marrë asnjë masë, ndërkohë që kanë kaluar javë nga hapja e shkollave. Po afrohet muaji për të korrigjuar problemet e mëdha, që nga furnizimi me ujë për të larë duart, e deri tek mundësia për t’i pajisuar ata me maska, me dezinfektantë apo dezinfektimi i ambienteve mësimore. Kjo është gjendja sot, përkeqësim i thellë në të gjitha aspektet e jetës, të ekonomisë dhe të shëndetit të shqiptarëve. Ndërkohë pyetjes tuaj sot paradite, nëse ka ndërmend ta zbatojë planin me 5 pika, që ne kemi shpalosur prej dy javësh, Edi Rama i është përgjigjur se nuk ka dëgjuar për këtë plan. Në fakt unë e besoj. Megjithëse askush prej jush këtu nuk e beson. Jam I bindur, shumica dërrmuese e shqiptarëve nuk e besojnë, unë zgjedh ta besoj që ai nuk e ka dëgjuar këtë plan. Sepse nuk ka ditë, por ka javë, muaj, vite që Edi Rama nuk dëgjon. Nuk dëgjon njerëzit, nuk dëgjon prindërit që kanë humbur vendin e punës dhe që nuk iu ka mbetur asnjë alternativë për të ushqyer fëmijët e tyre apo për   t’ju blerë mjetet elementare për të shkuar në shkollë. Nuk dëgjon biznesin, sipërmarrjen që ka vite që lufton për mbijetesë, e tani po i dorëzohet një nga një falimentimit.  Nuk dëgjon mjekët që kanë javë që kërkojnë atë që u është premtuar, mbështetjen minimale për t’u përballur me një situatë shëndetësore të cilën edhe vendi më i varfër në Ballkan, arrin ta përballojë shumë më mirë se Tirana dhe dy spitalet Covid, të cilat janë në pikën e thyerjes. Nuk dëgjon mësuesit, të cilët ditë për ditë, marrim qindra mesazhe nga ata për gjendjen katastrofike të higjenës në shkolla, me pasojën që pastaj disa media i raportojnë fare qartë, që është infektim masiv dhe detyrim për të mbyllur insituticionet arsimore. Nuk dëgjon shqiptarët, që ditë për ditë tek terminali i autobusave ndërkombëtarë, mbushin autobusat, e në veçanti të rinjtë. Se as të rinjtë nuk i dëgjon, siç nuk i dëgjoi para dy vjetësh gjatë protestave të studentëve, nuk i dëgjon as sot. E ku nuk dëgjon asnjë shqiptar, natyrisht që nuk dëgjon as planin tonë, rrugëdaljen për t’u përballur me këtë krizë.  Prandaj, ndoshta duke rrezikuar të jemi i vetmi në Shqipëri sot. Po ua përsëris edhe njëherë, e besoj që nuk e ka dëgjuar planin, ndonëse nuk ka mbetur shqiptar pa e dëgjuar falë edhe raportimit tuaj si media.  Por unë nuk do të lodhem ta përsëris edhe njëherë planin tonë me 5 pika. Sot me ndihmën tuaj, sepse ajo që ka më shumë rëndësi për njerëzit, për shqiptarët sot nuk janë batutat e lodhura. Nuk janë xhirimet me regji qëndrore të të njëjtit kantier ku shkon çdo javë për të shitur dështimin e tij si sukses. Nuk janë cic-micet dhe grindjet politike që i provokon me një qëllim: t’ju heqë shqiptarëve nga mendja mjerimin ku e ka zhytur vendin për shkak të premtimeve të pambajtura. Premtimeve të pambajtura për 7 vite.  Premtimeve të pambajtura edhe gjatë përballjes me tërmetin. Premtimeve të pambajtura edhe gjatë kohës së pandemisë. Ka folur për paketë të tretë, vendet e tjera po japin paketën e katërt. Nuk i dëgjon as planet tona për rimëkëmbjen dhe daljen nga kriza, as zërin e qytetarëve. Por dikë dëgjon Edi Rama? Edi Rama dëgjon ata, të cilëve u jep paratë e shqiptarëve për inceneratorët dhe nuk kthen asnjë përgjigje për përgjegjësinë e tij politike dhe do të thoja edhe kriminale. Sesi në këtë kohë ku njerëzit kanë kaq shumë njevojë për ndihmë, lekët që jua mbledh me pikatore familjeve në nevojë, bizneseve në faliment, ia jep me lopatë incerneratorëve. 2 milionë euro vetëm javën e kaluar apo aferave të tjera korruptive dhe ka çuar kilomentrin e rrugës Korçë-Leskovik 5 milionë euro, ndërkohë që kilometrat e tjerë të asaj rrugë janë ndërtuar më 1 milionë.  Prandaj nuk I dëgjon shqiptarët, sepse ka vendosur të dëgjojë vetëm ata me të cilët vjedh paratë e shqiptarëve edhe në kohën e pandemisë. Dhe ja ku janë rezultatet. I vetmi vend ku qindra, mijëra që kanë humbur vendin e punës, nuk kanë asnjë përgjigje. Nuk ka marrë asnjë masë për ta, asnjë masë. Pagesat e fundit me vonësë janë kryer para 3 apo 4 muajsh. Me çfarë hanë këta njerëz? Me çfarë i ushqejnë fëmijët? Si i mbajnë dyqanet hapur ata që japin me lista apo farmacitë? Si arrijnë t’i paguajnë punëtorët ata që nuk nxjerrin dot fitim?  Për ta kujtohet vetëm kur u çon taksidarin për t’i mbledhur taksat, se vetëm ato mblidhen kokërr më kokërr.  Para disa ditësh vizitova një tjetër familje në çadër, në Fushë-Milot, familjen e Viktor Gjonit dhe besoj shumica prej jush e kanë transmetuar dëshminë e tij që të ngjesh mishin. Atë ditë me shi ai, familja e tij, dhjetëra, qindra familje si ajo vazhdojnë të jenë në çadër. Po afron me shpejtësi 26 nëntori, 1-vjetori i tërmetit, njerëzit vazhdojnë të jenë në çadra apo në kushte të mjerueshme, vazhdojnë të jetojnë në shtëpi të cilat janë të pasigurta dhe mund t’ju shemben mbi kokë me një shi apo me një tronditje tjetër të lehtë, sepse Edi Rama nuk i dëgjon. Se veshët e Edi Ramës, sytë e Edi Ramës, mendja e Edi Ramës punon vetëm për ata të cilëve çon javë për javë miliona euro të taksapaguesve shqiptarë. Ja ku është plani ynë me 5 pika edhe njëherë për të vetmin njeri në Shqipëri që se ka dëgjuar.

Pika e parë, mbështetje dhe përgatitje e sistemit shëndetësor për t’i paraprisë shpërthimit tjetër të infeksionit COVID-19. Duke ndërmarrë këto hapa: Rritur numrin e testimeve për COVID në 2500 testime në ditë. B. Rimbursim i plotë për marrjen e mjekimit ambulator kundër COVID-19, sepse çdo familje me një të sëmurë, e di që të mjekohet në shtëpi, do t’i kushtojë minimalisht 600 mijë lekë. Minimumi i minimumit është 600 mijë lekë. Imagjinoni për ato familje që kanë muaj pa punë dhe pa të ardhura. c. Sigurimin e paisjeve mbrojtëse për të gjithë personelin shëndetësor. Për të gjithë do të thotë edhe për mjekët e familjes, edhe për sanitaret, edhe për infermierët, edhe për spitalet rajonale, për të gjithë pa përjashtim, sepse të gjithë përballen me të infektuarit dhe në këtë mënyrë të gjithë mund të angazhohen në betejën kundër infeksionit. Si dhe rritjen e kapaciteteve spitalore që kanë mbetur me dy spitale, të cilat tashmë, siç e thashë dhe më parë nga vetë dëshmitë e mjekëve, janë kthyer në pikë të rrezikshme, jo të kurimit, por të shpërndarjes së COVID-it. Dhe së fundi, premtimin me bujë për një bonus 1000 Euro për çdo mjek dhe 500 euro për çdo infermier, ta bëjë realitet për të gjithë mjekët dhe infermierët shqiptar. 1 mijë euro për çdo mjek dhe 500 euro për çdo infermier për 6 muajt e ardhshëm, për të përgatitur një ushtri të rraskapitur, të lodhur, të tradhtuar, të papajisur, të sëmurë, të infektuar, të keqtrajtuar, që t’ju shërbejnë njerëzve. Atyre që skanë mundësi, si disa, t’ia mbathin nëpër spitale jashtë shtetit të afërmit e tyre, jeta dhe shëndeti i të cilëve vihet në tehun e rrezikut për shkak të mundësisë osë pamundësisë së personelit shëndetësor për t’ju shërbyer. Pika dy, sigurimi i ambjenteve të shkollave pas hapjes së tyre. Të garantohet që fëmijët dhe mësuesit në shkollë të jenë të sigurt. Duke marrë këto tre masa të menjëhershme, përmirësimin e kushteve sanitare në shkolla që përfshjinë furnizimin me ujë. Është i vetmi vend ku i pari i qeverisë bën thirrje për të larë duart dhe nuk siguron ujin, ujin e rrjedhshëm në shkollat e vendit. Paisjen me maska mbrojtëse dhe dezinfektimin e rregult të ambienteve mësimore, si detyrim shtetëror. Jo detyrim i individëve edhe kërcënimeve me gjobë, por si detyrim i shtetit ndaj mësuesve, ndaj stafit pedagogjik, ndaj stafit ndihmës dhe ndaj fëmijëve. Se fëmijëve të familjeve që kanë humbur vendin e punës, që kanë humbur të ardhurat minimale, nuk mund t’I kërkosh të shkojë me maskë apo të gjobiten, por e ke për detyrë t’ju sigurosh të paktën mjetet për të blerë maskat mbrojtëse. E dyta, testim periodik i mësuesve dhe stafit ndihmës. Për t’i paraprirq së të keqes dhe jo për të bredhur përpara së keqes. E treta, investimin tani në teknologji për rastin ku mund të kërkohet të rikthehet mësimi në distancë, duke përfshirë pajisjen me tabletë për fëmijët e familjeve në nevojë dhe me ardhura të ulta, në mënyrë që asnjë fëmijë mos të mbetet pa mësuar, në qoftë se detyrohet të shkohet drejt këtij skenari. Tre, asnjë shqiptar të mos lihet pas dore. Të mbështeten në radhë të parë ata që kanë humbur vendin e punës. Çdo individ që ka humbur vendin e punës nga pandemia gjatë këtij viti, të përfitojë një çek mujor prej 16 mijë lekësh të reja në muaj, përpos pagesës ligjore për papunësinë, për një periudhë prej 6 muajsh. Krijimin e një fondi punësimi në mbështetje të bizneseve që të rimarrin në punë ata që janë detyruar t’I largojnë gjatë pandemisë, duke u alokuar çdo punëdhënësi një shumë prej 20 mijë lekë të reja në muaj për një periudhe 6 mujore, për çdo punonjës të larguar që e rimarrin në punë. Dyfishimi i ndihmës ekonomike për familjet me ndihmë ekonomike dhe ata në nevojë. Si dhe një çek prej 2 mijë lekësh të reja në muaj për çdo pensionist shqiptar, për përballimin e kostove shtesë në 6 muajt e ardhshëm. Katër, ndihmë për biznesin e vogël, tani, jo kur të jetë shuajtur: Çek prej 1000 euro për çdo biznes të vogël, për të mbuluar kostot shtesë, për t’u përballur me rënien dramatike të të ardhurave, ku siç po raportohet 4 në 6 biznese nuk nxjerrin dot fitim dhe po dalin me humbje. Dhe mbyllja masive e bizneseve të vogla do të thotë kolaps total i ekonomisë. 1 mijë euro në total për 6 muajt e ardhshëm, një çek prej 1 mijë euro në total për 6 muajt e ardhshëm nuk është, nuk do bëjë mrekullira, është plotësisht e përballueshme nga buxheti i shtetit. Por do të jetë një ndihmë për biznesin e vogël, për t’i përballuqr të gjitha shpenzimet që nuk i përballon dot në kohën kur ka rënë konsumi, ka rënë ekonomia, por po kështu dhe tregues që një herë të vetme nuk e kanë qeverinë kundër, por e kanë në krah për t’u përballur me këtë situatë. Dhe së pesti, mbështetje për biznesin prodhues dhe punëdhënësit e mëdhenj. U kemi kërkuar që për 6 muajt e ardhshëm qeveria të subvencionojë 50% të qirave të ambienteve për ata që i kanë me qira, dhe të mos vjelë taksën e pronës për ata që kanë pronat e tyre, në mënyrë që këto para të dedikohen për prioritetet më të ngutshme, ku kryesorja është mos të heqin njerëz nga puna. Me këto para të mbajnë njerëz në punë. Dhe pika e dytë, shtrirja në kohë, rikonceptimi i kërkesave për të përfituar nga garancia sovrane, në mënyrë që të përfitojnë të gjithë dhe jo vetëm një grusht njerëzish, si dhe përcaktimi i një tavani prej 2% të normës së interesit për biznesin, duke subvencionuar çdo përqindje mbi këtë vlerë në kredimarrjen për investime dhe shpenzime operative dhe mbajtja në 0 përqind, kur kredia destinohet për të mbajtur njerëzit në punë. Ky është plani me 5 pika, që tanimë e di çdo shqiptar, dhe ivetmi shqiptar që nuk e di është njeriu përgjegjës për këtë situatë, i cili ka humbur dhe 2 javë kyçe në luftën kundër pandemisë dhe në luftën kundër krizës ekonomike, duke mos dëgjuar shqiptarët, duke mos parë hallet e tyre, duke mos u vënë veshin një plani që ne e kemi vënë, jo për fushatë por për të ndihmuar njerëzit. Është një plan, i cili ndihmon njerëzit këto 6 muaj, se 25 prilli, është larg për ta. Me këtë shpalosje të sotme të planit, jam i bindur që shumica dërmuese e atyre që presin dhe meritojnë ndihmën e shtetit nuk kanë ndonjë surprizë. Por sot bie çdo alibi që qeveria dhe i pari i qeverisë, nuk e kanë dëgjuar planin tim, planin e Partisë Demokratike për 5 hapat kundër krizës. Dhe del zbuluar ajo që thashë në fillim, ata kanë zgjedhur që paratë e shqiptarëve mos t’i çojnë tek shqiptarët në nevojë, por vazhdojnë të vjedhin sa të mundin këto javë e muaj që ju kanë mbetur dhe t’i çojnë te një grusht njerëzish me të cilët i bashkëndajnë këto para.

 

Pyetje: Zoti Basha në nisje të konferencës ju folët për të dhëna të reja që ka Partia Demokratike për përkeqësimin e ekonomisë dhe rritjen e papunësisë. A mund ta dimë se cilat janë ato dhe kujt i referoheni për këto të dhëna?

 

Lulzim Basha: Numri i njerëzve që po humbin vendin e punës, numri i bizneseve që po mbyllen çdo ditë po shtohet në krahasim me javët dhe muajt e kaluar.

 

Një pjesë e këtyre të dhënave burojnë drejtpërdrejtë nga statistikat zyrtare, të cilat siç e dini manipulohen, por prapë nuk e fshehin dot rënien e ekonomisë në kolaps.

 

Një pjesë e të dhënave përpilohen nga shoqatat e biznesit, me të cilat ne jemi në kontakt të vazhdueshëm; Shoqata e Biznesit të Vogël, Shoqata e Bizneseve Prodhuese, Shoqata e Fasonëve, Shoqata e Operatorëve Turistikë, Shoqata e Transportit, edhe Urdhri i Farmacistëve me të cilët u takova para disa ditësh, të gjitha Shoqatat e Investitorëve të Huaj, të dhënat e tyre të cilat përpilohen përmes metodave të sakta të anketimit të anëtarësisë së tyre, përputhen me të dhënat të cilat ka prodhuar Banka Botërore, Banka Europiane për Rindërtim dhe Zhvillim, Fondi Monetar Ndërkombëtar, dhe që tregojnë një përkeqësim galopant të ekonomisë shqiptare.

 

Pyetje: Keni deklaruar se pasi të vini në pushtet do të marrë fund pandëshkueshmëria si dhe do të anulohen inceneratorët. Por nëse drejtuesit e këtyre inceneratorëve kanë kryer procedura ligjore me qeverinë, nuk mendoni se më pas ata do t’i drejtohen gjykatës dhe do të jeni ju që do të humbisni?

 

Lulzim Basha: Pa diskutim që ata që bashkë me pushtetarët janë pjesë e kësaj afere në gjykatë do të përfundojnë. Kjo s’ka diskutim. Por jo për atë që ua merr mendja ju sot, kjo nuk është thjesht dhe vetëm një aferë korruptive e ndëshkueshme nga Kodi Penal i Republikës së Shqipërisë, është një aferë edhe më kriminale. Afera e inceneratorëve është aferë e pastrimit të parave të pista, përpos vjedhjes së parave të qytetarëve.

 

Ky është një nga testet më madhore për drejtësinë e dalë nga reforma. Dhe kalimi i këtij testi do të jetë përcaktues për organet e reja të drejtësisë. Shumë prej tyre sot, si shumica dërrmuese e medias janë në presion për të mos vepruar.

 

Pas 25 prillit do të jenë të çliruar edhe ata nga presioni politik për të mos vënë para drejtësisë njerëzit e pushtetit aktual dhe partnerët e tyre në këtë biznes të ndyrë, që kanë vjedhur paratë e shqiptarëve edhe në kohë pandemie, edhe në kohë tërmeti dhe nuk janë mjaftuar me kaq, por përmes skemave të dyshimta, të cilat do të hetohen një më një, janë përfshirë edhe në skemat e pastrimit të parave të pista.

 

Kolegët tuaja të gazetarisë investigative me mbështetje edhe të donatorëve amerikanë dhe të Bashkimit Europian kanë prodhuar mjaftueshëm investigime për aferën e pisët të inceneratorëve.

 

Shqetësimi im, siç iu thash edhe para dy ditëve, është heshtja dhe fikja e shumë ekraneve mediatike sa herë që kjo aferë përmendet.

 

Por kjo aferë nuk do të harrohet dhe as nuk do të lihet në heshtje, ne do t’i shkojmë asaj deri në fund dhe drejtësia do të bëhet.

 

Paratë e shqiptarëve që kanë shkuar për këtë aferë të tmerrshme korruptive do të gjurmohen kudo ku kanë shkuar dhe do t’u kthehen shqiptarëve.

 

Sa për realitetin, mjafton të çoni kamerat sot në Fier, ua thash edhe ditën e shtunë, dhe do të shikoni se aty ku janë derdhur 25 milionë euro të taksa paguesve shqiptarë se çfarë inceneratori ka aty. Shikoni gardhin e mjeruar që rrethon lëndinën. Shkoni skeletin e një ndërtese që duket sikur i ka rënë bomba. Dhe do ta kuptoni që kjo është një nga aferat më të zeza në 30 vite.

 

Ajo që dua të them sot është se ajo që e bën edhe më kriminale këtë aferë është që këto qindra miliona euro të dedikuara për inceneratorët, 75 milionë euro të paguara deri tani dhe dhjetëra milionë të paguara qëkur ka filluar pandemia, do të kishin mjaftuar për të ndihmuar, mbështetur, çliruar mijëra familje shqiptare nga dhimbja, nga vuajtja dhe nga efektet shkatërrimtare të krizës ekonomike.

 

Pyetje: Z.Basha ju prezantuat sërish sot planin e rimëkëmbjes nga kriza ekonomike. Ndërkohë që prej 15 ditësh në Ballsh naftëtarët vijojnë protestën, teksa pak ditë më parë ju i vizituat ata edhe personalisht. Ndërkohë që nuk kemi ende një zgjidhje të çështjes së tyre. Cili është qëndrimi i Partisë Demokratike dhe a keni ju një thirrje për qeverinë për ata naftëtarë të cilët tashmë janë ngujuar atje?

 

Lulzim Basha: Unë i qëndroj fjalë për fjalë asaj që kam thënë gjatë takimit që pata me naftëtarët në grevë urie. Sikundër ata janë të qartë sepse e thanë vetë me gojën e tyre dhe besoj se ju e transmetuat të gjithë: “nuk ka, nuk presim më zgjidhje”. Ata janë gënjyer, janë mashtruar vazhdimisht nga Edi Rama dhe nga partnerët e tij në këtë zhvatje.

 

Po të shikoni një material të publikuar nga z.Alibeaj sot, do të shikoni se çfarë thoshte për naftëtarët para dy vitesh e të krahasoni me atë që thotë sot. Do ta shikoni qartë se Edi Rama është kokë e këmbë i përfshirë në aferat e rafinerisë dhe në aferat që kanë të bëjnë me naftën.

 

Ndaj, zgjidhja e këtij problemi është plotësisht e realizueshme por kërkon mbi të gjitha një kryeministër dhe një qeveri që nuk është pjesë e aferave korruptive me Ballshin dhe me naftën në tërësi. Dhe kjo është ajo që naftëtarët e Ballshit, familjet e tyre, e gjithë zona e Patos Marinzës, i gjithë Qarku i Fierit do të kenë në dorë të vendosin me 25 prill.

 

Sa për ne, prioritet janë të qarta:

 

Së pari, heqja me urgjencë e taksës “Rama” mbi karburantin prej 240 lekësh për litër.

 

Kontrolli rigoroz i karburanteve, që po shkatërron automjetet e shqiptarëve dhe ekonominë e Shqipërisë, qofshin automjete private apo të transportit.

 

Dhe rikthimi në arkën e shtetit të një shume, prej të paktën 50 milionë eurosh në vit, të evazionit që i bëhet arkës së shqiptarëve nga ky sektor.

 

Me këto masa, ne do të mundësojmë që edhe uzina të rivihet në punë edhe nafta të prodhojë mirëqenie për të gjithë naftëtarët dhe gjithë fierakët, dhe gjithë shqiptarët dhe jo vetëm për një grusht njerëzish të lidhur me Edi Ramën, që janë shkaktarët e vërtetë të situatës së përsëritur në Rafinerinë e Ballshit dhe kudo në zonën naftëmbajtëse të Shqipërisë. Por që të njëjtën situatë kemi edhe në zona të tjera minerale që nga Bulqiza e deri në Pogradec, e kudo tjetër nëpër Shqipëri.

 

Pyetje: Nëse kryeministri Rama edhe pas rikujtesës së sotme nuk do të vendosë në zbatim planin tuaj me 5 pika, cila është forma që iu sugjeroni shqiptarëve për të mbrojtur veten dhe ekonominë e tyre duke qenë se shëndeti nga kjo e enjte do ta mbrojnë përmes maskës e cila do të jetë e detyrueshme?

 

Lulzim Basha: Asgjë nuk mund ta justifikojë apo shpëtojë Edi Ramën nga përgjegjësia që ka këto ditë, këto javë, por edhe muajt që kaluan për keqmenaxhimin e krizës së pandemisë, për mosmbajtjen e premtimeve në raport me shëndetësinë, për tenderat sekretë përmes të cilave vodhi paratë, ndërkohë që këto para duhet të shkonin tek sektori i shëndetësisë dhe tek njerëzit që ishin në nevojë. Të njëjtën gjë bëri edhe me tërmetin. Po jua them edhe njëherë; ndërkohë që jashtë bie shi, familje në të gjithë zonën e goditur nga tërmeti vazhdojnë të qëndrojnë në çadra. Vazhdojnë të qëndrojnë në çadra! Asgjë nuk mund të justifikojë dhe të shpëtojë Edi Ramën nga përgjegjësia e qytetarëve se pse jemi i vetmi vend në rajon që në kohë sfidash ekonomike, edhe për shkak të pandemisë, paratë e shqiptarëve i merr, por nuk i çon tek shqiptarët, por vazhdon ti çojë tek një grusht njerëzish. Ndërkohë që Kosova, Maqedonia e Veriut ecin me paketën e katërt, ky mirë që nuk dëgjoka dhe nuk dika planin e opozitës për të dalë nga kriza, po ky nuk dëgjon as shqiptarët. Ndërsa në kushtet kur ndodhet para një krimi të përsëritur, sepse edhe me 11 mars, edhe me 25 prill, të njëjtën gjë kemi bërë: i kemi vendosur përpara një plan dhe po ta kishte zbatuar nuk do të ishte gjendja e ekonomisë këtu ku është sot. Nuk do të ishte gjendja e shëndetësisë ku është sot. Në kushtet kur edhe njëherë i parashtrojmë një plan me 5 pika për qytetarët jo për të, nuk na ha meraku për të por për qytetarët, dhe që e ka për detyrë. Kjo nuk është opsionale, e ka për detyrë. Qeveria ekziston për të ndihmuar njerëzit. Pse ekziston qeveria? Për të ndihmuar njerëzit. E ka për detyrë ta zbatojë. në kushtet e neglizhencës, shpërfilljes, siç e tha vetë, mos dëgjimit të zërit të njerëzve që kërkojnë ndihmë, qytetarëve të revoltuar, të nënave të dëshpëruara, të prindërve dhe kryefamiljarëve në pikën e fundit ku u ka ardhur aty ku s’mban më, atëherë ju siguroj që përgjegjësia që do të ketë nuk do të jetë thjeshtë dhe vetëm përgjegjësi politike të cilën do ta mbajë një më një, por do të jetë edhe përgjegjegjësi penale. Këtë mund të ju garantoj sot.

 

Pyetje: Një tjetër pikë diskutimi që ndan Partinë Demokratike dhe Partinë Socialiste është edhe përzgjedhja e kandidatëve. Zoti Rama e ka ironizuar procesin e përzgjedhjes së kandidatëve nga selia blu. Ju vetë si e keni parë, duke patur parasysh që ka patur të përjashtuar ish-deputetë dhe ish-kryebashkiakë? A është një përgjigje që anëtarësia ju ka dhënë ju zoti Basha për vendime politike të gabuara?

 

Lulzim Basha: Është puna më e vështirë të krahasosh të pakrahasueshmen. Pyetja është shumë e drejtë dhe do të marrë përgjigje. Janë dy modele të ndryshme: është modeli i një njeriu që nuk bën zgjedhje në parti. Nuk bën zgjedhje në parti dhe nuk bën zgjedhje në Shqipëri, sepse ka tmerr nga zgjedhjet. Nuk do të dëgjojë as zërin e anëtarësisë së tij dhe kjo është arsyeja pse hodhi poshtë propozimin tonë për lista të hapura me renditje alfabetike. Sepse ai ka tmerr edhe nga vota e socialistëve. Prandaj ka ngjitur kudo që është pakicë e pakicës, sepse ai sot është pakicë edhe brenda socialistëve. Po të mos kishte frikë nga vota e Partisë Socialiste do të lejonte socialistët të renditnin kandidaturat e Partisë Socialiste. Jo nuk e bën. Pasi e ka shtyrë dhjetë herë Asamblenë për të zgjedhur kryesinë e shtyu edhe një vit kryesinë, vetëm e vetëm për të mbajtur në listë Vangjush Dakon e listës së zezë të Departamentit të Shtetit. tani pyetja është se pse e bën këtë?! Se këtë e ka kuptuar i madh e i vogël. Pse e bën?! Sepse po lëshoi Dakon, lëshoi veten. Sepse votat në Shijak nuk i vodhi Dako. I vodhi Rama përmes Dakos dhe bandave të Shijakut. Votat në Dibër nuk i vodhi Gjiknuri. I vodhi Rama përmes Gjiknurit, për llogari të Ramës. E kështu anembanë Shqipërisë. Dhe kodi mafioz dikton se po lëshove dikë, lëshove vetën tënde. Ky është taksirati i Partisë Socialiste deri më 25 prill: E ngushtuar elita e Partisë Socialiste në një grusht njerëzish që vetëm mbushin xhepat, drekojnë e darkojnë me kriminelë dhe kanë hall se ku do ti çojnë milionat e zhvatura këtij populli. Por unë jam i bindur, sepse këtu në këtë sallë ku flasim sot kam qenë kështu ballë për ballë me drejtues të organizatave socialiste të Tiranës, të cilët nuk do të vijnë këtu të bëhen anëtarë të PD, por do ti shërbejnë Partisë Socialiste duke ndërmarrë atë hap të guximshëm që ndërmerr çdo parti kur i kalçifikohet dhe i kriminalizohet drejtimi duke i dhënë një mesazh të fuqishëm me 25 prill dhe duke ia rikthyer Partinë Socialiste, socialistëve të ndershëm. Duke i hequr njollën e një partie të kriminalizuar deri në palcë dhe që e ka mendjen vetëm të vjedhë, të poshtërojë dhe të thyejë premtimet e dhënë dhe vetë socialistëve. Se edhe socialistët vidhen sot, nuk vidhen vetëm demokratët apo pjesa e tjetër e shqiptarëve. Vetë socialistët vidhen sot. Mos kujtoni se ka një mekanizëm ai që socialistëve të sëmurë me COVID ia rimburson. Jo, jo. Janë me dhjetëra, me qindra raste që i kanë shkruar që nuk paguajnë dot ilaçet e COVID dhe s’kanë marrë përgjigje. E shumë e shumë të tjera, sepse takime ka zgjatur me orë të tëra. Ndërsa Partia Demokratike është e vendosur të ecë në një model të ri që është parakusht për ndryshimin që do të sjellim për të gjithë shqiptarët, një model që fillon duke dëgjuar njerëzit brenda bazës tonë. Kjo është arsyeja pse kemi adoptuar një model të evidentimit të kandidatëve me ndihmën dhe përvojën e vendeve perëndimore ku zëri i anëtarësisë dëgjohet në propozime dhe vota e anëtarësisë dikton në vendimmarrje. Kjo është arsyeja pse ky proces ka patur një pjesëmarrje rekord dhe një vëmendje rekord nga qytetarët dhe nga media. Dhe unë jam i lumtur që ky proces është një gur themeli i një mënyre të re dhe një qasje të re të vendimmarrjes, sot politike dhe nesër qeverisëse për shqiptarët.

 

 

Pa diskutim, vota e anëtarësisë është ajo që ka vendosur dhe do të respektohet.

 

Pyetje: Edhe pse Kryeministri nuk e ka dëgjuar planin ekonomik, për çështjen e Kodit Zgjedhor duket se ka qenë i ndjeshëm. Madje sot ka prerë çdo shans për kompromis të fundit duke deklaruar se nuk do të ndryshojë Kodin Zgjedhor edhe në rast se Presidenti nuk e dekreton atë.

 

Lulzim Basha: Një njeri që është vendosur në kurs përplasje me shqiptarët, një njeri që i heq bukën e gojës fëmijëve të shqiptarëve për t’ia dhënë inceneratorëve, që i heq bukën e gojës shqiptarëve për t’ia dhënë me pesë fish çmimin kontraktorit të tij të përzgjedhur të rrugëve, një njeri që milionat e eurove të shqiptarëve, në kulmin e krizës ekonomike, i vjedh dhe i shpërdoron me një grusht njerëzish, pa diskutim, që ka bërë dhe është gati të bëjë gjithçka për pushtetin e tij. S’ka diskutim për këtë.

 

Por rrethi po ngushtohet dhe laku po shtrëngohet dhe nuk ka formulë në botë ta fshehë, që Edi Rama po sakrifikon integrimim europian të shqiptarëve, po i jep një goditje Integrimit Europian të shqiptarëve, po izolon përsëri shqipërinë si para 30 vitesh, për shkak të tmerrit që ka nga zgjedhjet, në të njëjtën mënyrë si po sakrifikon paratë e shqiptarëve që kanë nevojë më shumë se kurrë sot për ndihmën e shtetit, për të mbushur xhepat me një grusht hajdutësh.

 

Nuk ka për t’ia dalë.

 

Jë qeveritar që abuzon dhe shpërdoron në këto nivele. Që shkel Kushtetutë dhe Ligj. Që shkatërron konsensusin. Që mbyll dyert e Europës për Shqipërinë, të jeni të sigurt që do të marrë një përgjigje ekzemplare nga shqiptarët.

 

I ka bërë llogaritë gabim.

 

Pyetje: Ju z.Basha gjatë fjalës suaj deklaruat disa herë edhe problemet që hasin familjet e prekura nga tërmeti. Disa ditë më parë kur prezantuat planin me pesë pika, bëtë me dije se do të ketë edhe një platformë edhe për këto familje. Kur do të keni një prezantim të kësaj platforme dhe a ka opozita një ekip në terren duke parë se edhe shiu ka nisur dhe këto familje janë në vështirësi?

 

Lulzim Basha: Për çështjen e pandemisë shumë prej këtyre masave do të ndihmojnë në mënyrë të drejtpërdrejtë familjet e prekura nga tërmeti.

 

Sa i përket platformës sonë për t’i ardhur në ndihmë këtyre familjeve ne e kemi prezantuar tash e katër muaj, ku kemi kërkuar se familjeve individuale t’u jepej menjëherë ndihma, në vend se të kalonin në procedura, në rryshfete e në lloj-lloj alibirash.

 

Këto janë plane të shpalosura nga ana jonë, natyrisht nuk i ka dëgjuar sepse veshët, sytë dhe mendjen, nuk i ka tek shqiptarët, i ka tek xhepat e tij dhe xhepat e njerëzve me të cilët ndan paratë e shqiptarëve dhe paratë e donatorëve për shqiptarët.

 

Pa diskutim që jemi afër tyre, jemi afër tyre në mënyrë të përditshme.

 

Nuk i jemi ndarë asnjë çast terrenit dhe ju e shikoni që shumica e informacionit që vjen nga terreni, vjet drejtpërdrejtë nga familjarët të cilët flasin haptazi, pa dorashka dhe ne ku është e mundur e mundësojmë që zëri i tyre të dëgjohet dhe të përcillet realiteti edhe përmes mediave të cilat dua t’i falënderoj për të gjitha ato raste, ku përkundër presionit qeveritar, nuk kanë pranuar t’i censurojnë këto raportime nga terreni, ku flasin ata, nuk kemi nevojë të flasim ne, flasin ata.

 

Sot jemi pranë tyre edhe për të evidentuar gjendjen, edhe për t’i dhënë zë vuajtjeve, kërkesave, zemëreimit të tyre, por në të njëjtën kohë, plani që kemi parashikuar për ta dhe që nuk është zbatuar nga kjo qeveri përbën edhe bazën e një përqasje të re pas 25 prillit.

 

Për fat të keq, deri në 25 prill ka një dhe vetëm një rrugë, denoncimi i problematikës dhe kërkesa ultimative që të heqë dorë nga sjellja kriminale dhe të hapë veshët e sytë për shqiptarët që po vuajnë. Për të gjithë shqiptarët. Ata që janë goditur nga tërmeti, ata që ja goditur nga pandemia dhe në tërësi vendin dhe ekonominë që është goditur nga papërgjegjshmëria, nga keqmenaxhimi, keqqeverisja dhe padërdisja e buxhetit të shtetit, në kohë pandemie nga kjo qeveri.

 

Pyetje: Z. Basha, përpara vitit 2013 Partia Socialiste atëherë në opozitë ka ngritur mjaft akuza për afera korruptive ndaj PD-së në qeveri. Por të gjithë jemi dëshmitarë që momentin që erdhi në pushtet askush nuk shkoi përpara drejtësisë, ose në gjykatë për ato akuza. Sot, por jo vetëm sot, ju si kryetar i PD-së keni bërë akuza të ndryshme dhe në momentin që do të vini në qeveri të gjitha këto afera korruptive, koncesione të ndryshme, PPP, do të shkojnë për ndjekje penale. Z. Basha do ta mbani ju këtë fjalë, sepse çdo qeveri në Shqipëri çdo gjë që ka bërë asnjëherë nuk ka mbajtur përgjegjësi për kohën që ka qenë në qeverisje. Falemnderit.

 

Lulzim Basha: Një nga ndryshimet kryesore që duhet të ndodhin, që shqiptarët meritojnë dhe pa të cilin asnjë qeveri pas 25 prillit nuk do të arrijë dot të plotësojë asnjë premtim, është dhënia fund e kësaj kulture pandëshkueshmërie. Përse e them kësaj rradhe më shumë se çdo herë tjetër? Sepse nga kjo lidhet ngushtë aftësia e qeverisë për të dedikuar taksat e shqiptarëve për politikat siç kemi ne taksën 9%, minimumin jetik për njerëzit që kanë humbur vendet e punës, platformën tonë për bujqësinë, për sipërmarrjen, etj… të gjithë politikat tona, do të pamundësohen nëse nuk arrijmë dot që 2.2 miliardë Euro kontrata të korrupsionit me PPP, koncesione dhe tendera të zhbëhen dhe përgjegjësi të vendoset përpara ligjit.

 

Dhe për këtë arsye po ju them, se, sikur asgjë tjetër, javët dhe muajt e parë të kësaj qeverie, me institucione të posatshme ekzekutive, me përvojën më të mirë dhe ndihmën më të specializuar të partnerëve tanë strategjikë me të cilët kam qenë në kontakt prej majit të vitit të kaluar, ne do të bëjmë diçka shumë të thjeshtë, i dashur z. Stafa. Ne do të ndjekim paranë brenda dhe jashtë Shqipërisë. Ku e kanë çuar pushtetarët e korruptuar dhe ortakët e tyre në këto afera korruptive. Ne do të ndjekim paranë qoftë kjo e ngurtësuar, qoftë në ndërtime luksoze në Tiranë apo e pastruar në inceneratorë apo sektorë të tjerë të ekonomisë, apo e çuar në banka offshore apo e futur në dhe’ në stilin e Eskobarit, kudo që të jenë, paraja do të ndiqet dhe ata që i kanë shkaktuar shqiptarëve kaq shumë vuajtje dhe dhimbje para pandemisë, gjatë pandemisë dhe tani në vijim, do të japin llogari një më një. Nëse këto para sot do të shpenzoheshin për njerëzit, Shqipëria do të kishte mundësi që të paktën të kishte një paketë si e Kosovës. Të paktën si e Kosovës. Përse jo, si e Maqedonisë së Veriut? Përgjegjësia e Edi Ramës për këtë situatë është përgjegjësi politike por edhe penale. Ai ka vendosur që paratë të mos shkojnë tek njerëzit. Prandaj thotë se nuk e dëgjoj planin, sepse e ka vendosur tashmë që nuk do t’ia çojë njerëzve lekët. Ose do t’ua japë me pikatore siç ia dha ato dy muaj. Që siç ua dha më një dorë, ua mori me dorën tjetër. Bashkë kemi qenë tek “Myslym Shyri”, kur na i thonin bizneset: “Siç na i jepnin lekët, ashtu do i paguanim”. Prandaj të garantoj se këtu nuk bëhet fjalë as për premtime elektorale, as për fjalë thjeshtë dhe vetëm për konferencë për shtyp. Bëhet fjalë për një çështje jetike nëse do të ketë apo nuk do të ketë nesër një qeveri në gjendje të përballet me krizën. Dhe A-ja e përballjes me krizën është vendosja para përgjegjësisë e çdokujt të përfshirë në këto afera kriminale, ndjekja, gjurmimi dhe rikuperimi i parave me parimin Antimafia, “Ndiq paranë”.

 

Falemnderit, ju uroj një pasdite të mbarë!

Read More

• Rruga Korçë – Ersekë, tender i paracaktuar me 5 – fishin e çmimit. PD paralajmëroi 10 ditë me parë fituesin mik të Ramës.

DEKLARATË E PARTISË DEMOKRATIKE, ERVIN MINAROLLI

Pak ditë më parë paralajmëruam një vjedhje flagrante të kësaj qeverie me rrugët.

Bëhet fjalë për një segment 4 kilometra të rrugës Korçë-Ersekë, e cila është tenderuar me gati 5 – fishin e kostos dhe është fituar nga miqtë e Edi Ramës, Ndue dhe Agim Kola.

Ndodhi siç e parashikuam ne, fituesi ishte i paracaktuar, tenderi ishte fiktiv. 4 kilometra rrugë do të kushtojnë 20 milionë euro, në vend që të kushtonin 4 milionë euro.

Është një vjedhje e pastër, si në çdo rrugë që ka tenderuar kjo qeveri. Nuk ka në Shqipëri qoftë edhe 1 kilometër rrugë, ku këta të mos kenë vjedhur miliona euro.

Rrisin koston në mënyrë artificiale, me qëllim që pjesa e vjedhur, të jetë sa më e lartë.

Në rastin e rrugës Korçë-Ersekë, 1 kilometër rrugë do të kushtojë gati 5 milionë euro, me një kosto 5 herë më të lartë sesa segmentet e tjerë të po kësaj rruge.

Kompania me lidhje direkte me Edi Ramën, e ka fituar këtë tender pothuajse me vlerën maksimale të fondit të shpallur, thënë ndryshe me 98% të fondit limit.

Skema e korrupsionit është fare e qartë.

Qeveria hap tenderin 20 milionë euro 4 kilometra. Miqtë e kryeministrit marrin pjesë në garë, paraqesin ofertën më të lartë dhe fitojnë në një garë fiktive, pasi kompanitë e tjera pjesëmarrëse kanë mungesë dokumentacioni.

Kjo është një praktikë korruptive, e kthyer ne norme nga kjo qeveri. Tenderi paracaktohet dhe kompanitë e tjera garojnë në mënyrë fiktive.

Me Edi Ramën kryeministër gara për tendera nuk ekziston. Gjithçka është e paracaktuar përmes korrupsionit.

Segmenti i parë i rrugës Korçë – Ersekë ka nisur ndërtimin që në vitin 2012. E gjithë rruga ishte projektuar me 1 milionë euro kilometri, por në muajt e fundit në pushtet, qytetarët po zhvaten me babëzinë më të madhe dhe 4 kilometra kushtojnë 20 milionë euro. Me kaq shumë parà, mund të ndërtohej e gjithë pjesa e mbetur e rrugës.

Kusuret e kësaj afere do t’i paguajnë , të parët, banorët e zonës, të cilët duhet të presin të largohet Edi Rama që kjo rrugë të përfundojë. Pas tyre, të gjithë shqiptarët që po vidhen çdo ditë nga kjo qeveri plaçkitësish.

Partia Demokratike e ka bërë të qartë për çdo kompani që bashkëpunon me qeverinë në vjedhjen e qytetarëve gjatë këtyre muajve të fundit të qeverisë.

Ata do të mbahen njësoj përgjegjës si ortaku i tyre në krim, kryeministri në ikje Edi Rama.

Read More

• Edi Rama, në kulmin e krizës vendos prioritet incenratorët dhe jo shqiptarët në krizë të thellë. 2 milion euro me një dorë për inceneratorin e Fierit dhe të Tiranës, asnjë qindarkë për qytetarët e papunë dhe bizneset e mbyllura

DEKLARATË E PARTISË DEMOKRATIKE, GRIDA DUMA

Vetëm pak ditë më parë Edi Rama, qeveria, ka paguar 2 (dy) milionë euro për inceneratorin e Fierit dhe të Tiranës.
Deri sot janë paguar plot 75 (shtatëdhjetë e pesë) milion euro për të ashtuquajturët inceneratorë që as nuk ekzistojnë.

Dy 2 milion euro, në këto ditë të vështira, ditë të zeza për shpenzimet e shqiptarëve, ku seicili ka nevojë për ndihmë financiare të drejtëpërdrejtë, ndërsa Edi Rama çirret e ulëret se s’ka para, para paska për çfarë, për inceneratorët.

Para ka, po para ka, por ato vidhen.
Vidhen dhe më pas i nxjerrin jashtë Shqipërisë e i fshehin në parajsa fiskale.

Pas muajsh pandemie dhe pas vitesh krize ekonomike, shqiptarët meritojnë më shumë se cdo moment ti jepen para nga taksat e tyre, që mos falimentojnë plotësisht.
Cfarë bën Edi Rama?! Jep 2 milion euro për inceneratorët.

Ky është prioriteti, inceneratorët?!!

Ky është proriteti kur mjekët gënjehen se do merrnin shpërblimn e pandemisë dhe marrin thuajse asgjë në raport me punën,
Ky është prioriteti inceneratorët?! Kur mësuesit punojnë me tre turne dhe nxënësit shpenzojnë përditë për maska e mjete mbrojtëse ndërsa bëjnë vetëm dy oër mësim.

Ky është prioriteti? Kur pensionistët që s’blejnë dot as ilaçet, tani shpenzojnë edhe më shumë për të dalë në rrugë të mbrojtur nga pandemia.

Prioritet është të sigurohen maska per gjithe dimrin për 1(një) milionë shqiptarë, dhe këtë duhet të bënte qeveria.

Prioritet është të japësh bonus prej 1000 euro 2 mijë biznese të vogla dhe këtë mund të bënte me 2 milion euro.

Prioritet është ushqimi i 2500 familjeve që kanë humbur vendin e punës, të cilët mund të marrin nga 16 mijë lekë (të reja) në muaj për 6-muajt e ardhshëm.

Me 2 milion euro mund të jepej bonusi mujor prej 2 mijë lekësh (të reja) për më shumë se 20 mijë pensionistë

Këto do të bëntë çdo qeveri që qeveris në të mirë të vendit të vet. Vetëm këtë nuk bën e smund të bëjë asnjëherë Edi Rama.

Për ne, për Partinë Demokratike, vendimi i Edi Rames për të çuar paratë e taksave të rritura jo tek shqiptarët, por tek 5 njerëz, është kriminal.

25 Prilli do të shënojë fillimin e fundit të pandëshkueshmërisë, duke nisur në krye të radhës me pergjegjesin e parë të krizës, Edi Ramën.

Read More

• Gjithë plani im me 5 pika ka vetëm këtë qëllim: të ndalë rrokullisjen, ku të mos ndodhë që e vetmja masë që merret është gjoba, nëse qytetari nuk vë maskë. Ky është mjerimi i një qeverie të kapitulluar, që ka braktisur çdo detyrë sa i përket pandemisë dhe ekonomisë. Po bën vetëm një gjë vjedhjen dhe batërdisjen e buxhetit në ditët e fundit të saj.

 

• 100 mijë shqiptarë kanë humbur vendet e punës gjatë këtij viti. 61% e bizneseve rezultojnë pa fitim, një pjesë e madhe deklarojnë humbje, por qeveria nuk bën asgjë, përvec tenderave korruptivë. Situata ekonomike në vend po përkeqësohet me shpejtësi dhe kriza po thellohet. Plani me 5 pika parashikon që qytetarët ta marrin ndihmën sot, se nesër është shumë vonë dhe 25 Prilli është larg.

 

• Qeveria ka burime financiare, por nuk i ka për njerëzit. Vetëm 4 ditët e fundit ka paguar 2 milion euro për inceneratorët. Në vend të çekut për biznesin dhe qytetarët paguan veten, Ahmetajn, Mërtitin, bandën e Ludshnjës dhe ndonjë drejtues mediash që përfitojnë nga inceneratorët. Paratë janë, por paratë po vidhen.

 

• Moszbatimi i planit e ngarkon Edi Ramën dhe ministrat e tij me përgjegjësi jo vetëm politike, por penale. T’u marësh lekët qytetarëve, të mos ua kthesh kur kanë më shumë nevojë, por të vazhdosh t’i vjedhësh me një grusht oligarkësh, nuk është thjesht keqmenaxhim, keqqeverisje, korrupsion, por është një krim i rëndë që duhet ndëshkuar dhe sot zotohem që do të bëj gjithçka për ta ndëshkuar.

 

• Rama e di çfarë e pret pas 25 prillit. 25 prilli nuk do të jetë thjesht dhe vetëm fillimi i një ndryshimi, por do të jetë fundi i pandëshkueshmërisë. Kush ka vënë dorë në interesin publik të shqiptarëve, mbi pasuritë, mbi taksat e shqiptarëve do të marrë ndëshkimin e merituar me ligj

 

• Nevoja ulëritësë për ndryshim nuk ka qenë kurrë më e qartë. Sfida e vetme që kam unë dhe PD është t’u tregojmë shqiptarëve në mënyrë bindëse se Shqipëria i ka mundësitë për të dalë nga kjo krizë dhe forca e bashkimit për ndryshim është e pandalshme nga një pakicë e pakicës së pakicës, ditët e së cilës janë të numëruara.

 

 

KONFERENCA PËR SHTYP E KRYETARIT TË PARTISË DEMOKRATIKE LULZIM BASHA

 

 

Mirë se vini në selinë e Partisë Demokratike! Para dy javësh nga kjo sallë, së bashku me ju, kemi prezantuar një plan me 5 pika për rimëkëmbjen dhe për masat kundër pandemisë. Që nga ajo ditë siç më keni ndjekur unë kam qenë në një tur në qytete të ndryshme dhe në fshatra të Shqipërisë. Ashtu siç e keni transmetuar, ashtu siç e di çdo shqiptar, situata po përkeqësohet me shpejtësi.

 

Kriza sa vjen dhe thellohet dhe të dhënat zyrtare të institucioneve ndërkombëtare tregojnë atë që çdo shqiptar dhe çdo familje shqiptare e ndjen nën lëkurë.

 

100 mijë shqiptarë kanë humbur vendet e punës gjatë këtij viti.

 

61% e bizneseve rezultojnë pa fitim, ndërkohë që në muajt e fundit një pjesë edhe më e madhe e tyre deklarojnë humbje.

 

Situata po vazhdon përkeqësimin, qeveria nuk bën asgjë. Përkundrazi ka vazhduar me tendera dhe konçesione korruptive dhe pagesa nga thesari për këto tendera dhe konçesione korruptive.

 

Kosova, Maqedonia e Veriut kanë prezantuar paketën e katërt, për t’i ardhur në ndihmë njerëzve. Këtu opozita, pas një pune pas më shumë se 6 javësh të studimit të situatës në terren dhe të praktive më të mira dhe mundësive të buxhetit shqiptar, prezantoi një plan me 5 pika, qeveria nuk e vë ujin në zjarr.

 

Nga mosmarrja e masave nga Edi Rama për të ndihmuar ekonominë, Banka Botërore dha këtë javë një parashikim se 45% e popullsisë, në më pak se 5.5 dollarë në ditë, do të zhyten edhe më thellë në varfëri dhe kjo nuk është një statistikë, kjo është një dhimbje e thellë që e ndjen çdo shqiptar, e ndjen çdo kryefamiljar dhe fëmijët e tyre. Për këtë arsye, kërkuam në planin tonë me 5 pika të merreshin të gjitha masat për të ndihmuar në rradhë të parë njerëzit që kanë humbur vendet e punës, familjet me ndihmë ekonomike, pensionistët që përballen me shpenzime të shtuara për shkak të pandemisë. Sipërmarrjen e vogël, që është ajo që e vuan e para dhe më thellë krizën ekonomike, si dhe në tërësi sipërmarrjen prodhuese dhe punëdhënësit e mëdhenj.

 

Pa diskutim, që hapi i parë dhe më kryesor që duhet të ndodhte ishte ndihma për sektorin shëndetësor, për mjekët, për inferimerët, për mbrojtjen e tyre, për pajisjen e të gjithë kapaciteteve shëndetësore.

 

Nga mjeku i familjes tek spitalet me mjetet dhe medikamentet e duhura për t’u përballur me numrat në rritje të infektimeve, si dhe një ndihmë e veçantë për shkollat, hapja e të cilave ka vendosur para një rreziku të shumëfishuar pedagogët, mësuesit, stafin mbështetës dhe përmes mundësive transmetuese të nxënësve edhe ata dhe familjet e tyre.

 

Për fat të keq, asgjë deri tani. E keni parë, sepse më keni ndjekur edhe me kamerat tuaja live në terren, ku njerëzit pyesin, dhe kjo më shkakton një dhimbje të jashtëzakonshme mua sikundër çdo shqiptari, sikundër dhe ju që më keni ndjekur në terren; “Çfarë do bëhet me ne. S’kemi asnjë të ardhur. Kam mbyllur dyqanin”.

 

5 dyqane të vogla në mes të Tiranës. I gjashti siç e patë vet aty, tha kam një muaj që nuk shkel njeri. Taksat i kam paguar, jam zhytur në borxh për t’i paguar taksat, nuk vjen njeri sepse ka rënë konsumi.

 

25 prilli për këta qytetarë dhe për familjet e tyre, është një ditë e largët. Ata duan të dinë çdo të bëhet sot. Si do t’ia dalin deri sot, të blejnë bukën e gojës, ushqimet bazë, ilaçet për të sëmurët?!

 

Për këtë arsye, plani me 5 pika ka parashikuar që ata të marrin sot, jo nesër, se nesër është shumë vonë, mbështetje direkte nga shteti, mbështetje direkte nga buxheti që nuk është i Edi Ramës.

 

Nuk është i qeverisë, por është i qytetarëve, sepse përbëhet nga taksat e qytetarëve. Kur do të shkojnë këto taksa tek njerëzit, nëqoftëse jo sot?!

 

Për këtë arsye kemi propozuar që biznesi të mos falimentojë e të mbyllë dyert e të largojë të punësuarit, apo edhe të vetëpunësuarit. Kemi propozuar që pensionistët të marrin atë çek prej 20 mijë lekë të vjetra në muaj që të paguajnë për shpenzimet shtesë që nga maska, dizifektantët apo ilaçet shtesë që mund t’ju duhen.

 

E patë, nga “Myslym Shyri” tek “Rruga e Durrësit” gjendjen.

 

E patë dje në Lushnjë gjendjen edhe të fermerëve edhe të industrisë agropërpunuese. Për këtë arsye mbështetja për ta që kemi propozuar në planin me 5 pika është urgjente, e domosdoshme dhe plotësisht e mundur. Situata shëndetësore vazhdon të përkeqësohet ditë pas dite.

 

Sado të fshihen shifrat e të infektuarve, qytetarët që janë të sëmurë dhe që po shtohen, kudo nuk fshihen dot. Dje tek po diskutoja me përfaqësues të sektorit farmaceutikës, m’u konfirmua ajo që pashë edhe në Durrës edhe në Elbasan.

 

Lista në Farmaci! Lista në farmaci sot është rregulli dhe jo përjashtimi. Numri i njerëzve që shkojnë në farmaci, për të marrë me listë po shtohet në mënyrë të frikshme.

 

Vetë ishit kur thanë që kërkojnë të hapin kutinë e të nxjerrin 1 kokërr ilaç apo dy kokrra, dy tableta ilaç medikamente sepse nuk arrijnë dot të blejnë asnjë tabak, jo më kutinë.

 

“80% e kutive i kam të hapura”, tha një farmacist. Për t’i dhënë pjesë – pjesë dhe ato me lista. Prandaj kemi propozuar rimbursimin e plotë të paketës së trajtimit Anti-COVID për të gjithë pacientët që trajtohen në shtëpi.

 

Apo siç njihen pacientët ambulatorë, sepse kjo kosto shkon në 600 mijë lekë minimumi. Minimumi 600 mijë lekë. Shkon deri në 1.5 milion lekë të vjetra. Ku do t’i gjejnë paratë? Ku do t’i gjejnë paratë të infektuarit që kanë humbur vendin e punës? Ku do t’i gjejnë paratë pensionistët për të paguar një faturë të tillë, të kripur? Ndaj kemi propozuar në planin tonë me 5 pika rimbursimin e këtyre shpenzimeve të diktuara nga pandemia. Të gjitha institucionet ndërkombëtare që merren me ekonominë, me financat kanë parashikuar rënie edhe më të madhe ekonomike për këtë vit dhe një situatë shumë të rënë ekonomike për vitin që vjen.

 

Sipas rishikimit ekonomik që ka bërë Banka Botërore të vjeshtës, është ulur ndjeshëm parashikimi për ekonominë shqiptare që pritet të shënojë një rënie  prej 8.4% nga 5% që ishte parashikimi i mëparshëm edhe siç e keni vënë re, rënia është edhe më e thellë sesa parashikimet e deritanishme. Ndërkohë borxhi publik po rritet, domethënë qeveria po vazhdon të marrë borxh, por këto para’ nuk i çon tek njerëzit, nuk i çon tek qytetarët.

 

Të njëjtën gjë ka thënë edhe FMN që rishikoi me ulje vlerësimin ekonomik nga m  -5 deri në -7,5%.

 

Banka Europiane për Rindërtim  edhe Zhvillim, e uli ndjeshëm parashikimin për rimëkëmbje në 2021-shin dhe e veçoi Shqipërinë nga të gjithë vendet e tjera të rajonit dhe nga vendet që mbulon si instuticion. Pse?

 

Pse Shqipëria do të ketë një krizë më të thellë edhe shanse më të pakëta për rikuperim, është fare e qartë, sepse ndryshe nga Kosova, ndryshe nga Maqedonia e Veriut, ndryshe nga Mali i Zi, për të mos shkuar tek të tjerët por tek tre fqinjët kufitarë tokësorë, jo anëtarë të Bashkimit Europian.

 

Këtu u fol për paketën e tretë edhe s’u dha asgjë ndërkohë ata kanë kaluar tek paketa e katërt e mbështetjes për qytetarët dhe për biznesin.

 

Cilat janë dy problemet kryesore që shkakton për ekonominë kjo krizë, rënien e konsumit dhe falimentin e biznesit.

 

Falimentimi i biznesit rrit papunësinë, papunësia ul edhe më shumë konsumin, një rreth vicioz, një spirale që vjen duke rënë, duke rënë e duke rënë dhe këtu duhet dora e shtetit.

 

Sot duhet ndërhyrja e shtetit, sot duhen paratë e qeverisë të mbledhura me taksat e rritura për të shkuar te njerëzit e jo te të dyshuarit e zakonshëm, klientët e zakonshëm të qeverisë, çfarë po bëjnë këta?

 

Pikërisht të kundërtën, thotë “nuk kam burime financiare”, “nuk kam burime financiare për t’i siguruar bukën e gojës njerëzve që kanë humbur vëndet e punës edhe fëmijëve të tyre”, këtë thotë, e tha edhe sot, “nuk kam burime financiare për të mbuluar shpenzimet për maska dhe për dezifektantë për pensionistët”, se kollaj t’i thuash njerëzve mbani maskë, por maska duhet të blihet, se maska kushton para’, po ata që s’kanë për të blerë bukën e gojës, ata që shkojnë e marrin dy tableta në farmaci edhe atë thonë “ma regjistro në listë”, me çfarë do ta blejnë maskën?

 

Po nuk i shkon në mend për ta, ja për kë i ka shkuar në mend Edi Ramës edhe javën e kaluar.

 

Kjo këtu është tabelë e pagesave të Thesarit të Shtetit të javës që po lëmë pas të kësaj jave.

 

Është një e dhënë e hapur që tregon dhe e aksesueshme nga ju përveçse ta bllokojnë pas kësaj konference për shtyp që tregon se në vetëm katër ditët e fundit janë paguar 2 milion euro për inceneratorët.

 

1.8 milionë euro  për inceneratorin e Fierit dhe 250 mijë euro për incerneratorin e Tiranës.

 

Shkoni pak në Fier edhe shikoni ku është inceneratori.

 

Nuk ka incenerator në Fier. Ka një lëndinë të rrethuar nga një gardh dhe një kabinë sikur e ka bombarduar NATO.

 

Dhe për atë mënxyrë që është aty, ju, prindërit tuaj, gjithë shqiptarët kanë paguar deri më sot 24 milionë euro.

 

Para’ të taksave të tuaja që u janë dhënë kompanive fantazëm, të regjistruara si kompani guackë.

 

Plotë 24 milionë euro për diçka që as ekziston, as funksionon.

 

“Kam burime financiare të limituara” – tha sot. “Nuk paguaj dot pensionistët. Nuk jap dot 160 mijë lekëshin që propozon Lul Basha për të papunët. Nuk jap dot  çekun 1 milionë euro për biznesin e vogël”, që mos të falimentojë edhe ta dyfishojë ushtrinë e të papunëve sepse paratë Edi Rama  i ka për  Klod Mërtirin, anëtarin e bandës së Lushnjes   që bashkë më Edi Ramën Arben Ahmetajn, Erion Veliajn dhe ndonjë drejtues mediash  janë  aksionerët dhe përfituesit  e kësaj   afere  të tmerrshme  korruptive.

 

Po nuk është vetëm Fieri, është edhe Tirana, është edhe Elbasani. A e dini sesa para janë paguar në total? Plot 74 milionë euro.

 

Çfarë mund të ishin bërë me këto 74 milionë euro që Edi Rama ia ka dhënë  inceneratorëve?

 

Për pensionistët, për të gjithë pensionistët shqiptarë.

 

Paketa jonë për 6 muaj ka një kosto totale prej 60 milionë euro, pak më e ulët se totali i pagesave për inceneratorët, që është 74 milionë euro.

 

74 mijë biznese janë pothuajse 2/3 e bizneseve të vogla aktive në vend, do të kishin përfituar bonusin prej 1 mijë euro.

 

Llogaritet që në Shqipëri aktualisht të ketë më shumë se 100 mijë biznese të vogla aktive. 74 mijë prej tyre do të kishin marrë bonusin 1 mijë euro për të mbajtur kokën mbi ujë këto 6 muaj.

 

Afro 100 mijë të papunë do kishin patur mundësinë të paguheshin me 16 mijë lekë të reja ose 160 mijë lekë të vjetra ne muaj.

 

Në vend që këto para të përfitohen nga një shumicë dërrmuese e shqiptarëve që po vuajnë efektet e krizës ekonomike, këto para’ Edi Rama vazhdon t’ua japë paratë tuaja, paratë e taksapaguesve, vazhdon t’ua japë inceneratorëve. Nuk ndalon këtu.

 

Një nga kompanitë më të përfolura për aferat korruptive me rrugët, merr një kontratë në kulmin e pandemisë për të ndërtuar 4 km të Rrugës Korçë-Leskovik me një kosto prej 5 milionë Euro kilometri. Nuk dua të ndalem më gjatë por qeveria dhe Edi Rama po shpenzojnë çdo ditë miliona Euro të taksave të shqiptarëve për t’i ndarë ato me klientët dhe oligarkët e zakonshëm.

 

Paratë janë, por paratë po vidhen. Kriza aktuale dhe që po thellohet nuk përballohet me llafe, kriza aktuale dhe pandemia nuk përballohet me gërr – vërre dhe gënjeshtra, as me konferenca për shtyp dhe as me theatro të dala mode.

 

I kam propozuar një plan konkret duke nisur nga mbështetja për shëndetësinë, rritja e testimeve, siguria për shkollat e deri te ndihma ekonomike për njerëzit e bizneset, ky nuk e bën, nuk i nxjerr lekët nga buxheti, nuk anullon asnjë koncesion, përkundrazi vazhdon t’i paguajë dhe në kulmin e pandemisë.

 

A është kjo diçka e re? Ju pyes ju si gazetarë, i pyes dhe qytetarët?

 

Absolutisht jo, është e vetmja qeveri në botë që dhe në situatën si ajo e tërmetin të 26 Nëntorin nuk ndalon vjedhjen.  U ngrit gjithë bota të na ndihmonte me çfarë kishin mundësi dhe me fonde dhe qeveria e vendit ku kishte ndodhur fatkeqësia, vazhdonte vjedhjen dhe vazhdon vjedhjen, me fondet e tërmetit.

 

Shqiptarët janë akoma në çadra, ishim para disa ditësh bashkë dhe i pamë në Kurbin apo dhe në Bashkinë e Durrësit, akoma në çadra, me shiun që u futet brenda, pa asnjë ndihmë, as ndihmë ushqimore prej muajsh.

 

Pandemia, edhe qeveritë me mundësitë më të vogla në botë, edhe qeveria e Kosovës me buxhet sa gjysma e buxhetit tonë i dedikoi të gjitha fondet për pandeminë.

 

Çfarë bëri ky, ndonse i paraqitëm më 11 mars një plan masash të ngjashëm me këtë që paraqesim sot?

 

Ky i bëri tendera sekretë për të vjedhur në mes të pandemisë.

 

Kanë kaluar 6 muaj që kemi bërë kallëzimin penal dhe akoma nuk lëviz asgjë atje, është çështje tjetër.

 

Sot 2 javë pasi kemi shpalosur planin tonë me 5 pika për rimëkëmbjen dhe për t’i dalë përpara krizës që po thellohet, mund të thuhet me gojën plot se kemi një kryeministër dhe një qeveri që është e vendosur të injorojë interesin dhe nevojat akute të shqiptarëve dhe të vazhdojë vjedhjen.

 

Të dashur miq, të dashur qytetarë,

 

Ky është një problem jetik për vendin për të cilin unë zotohem dhe kërkoj një bashkim të madh shqiptarësh për ta zgjidhur me 25 prill.

 

Por dua të përsëris ato që kam dëgjuar me veshët e mi nga prindërit pa të ardhura, nga të papunët nga farmacistët, nga fermerët, nga sipërmarrësit.

 

Nuk pret koha deri në 25 Prill ndaj nëse këto 2 javë janë drejtuar me civilitet por me vendosmëri që të marrë planin dhe ta zbatojë, sot po i them që moszbatimi i planit me 5 pika që nuk është gjë tjetër veçse përgjigja e duhur në kushtet aktuale të Shqipërisë për të ndihmuar qytetarët.

 

Mos zbatimi i këtij plani e ngarkon Edi Ramën dhe ministrat e tij me përgjegjësi jo thjeshtë politike, por penale.

 

Dhe se çdo dëm i shkaktuar në jetë, në shëndet, dhe në ekonominë e vendit nesër, nuk do të jetë thjeshtë dhe vetëm një problem i madh për qytetarët, nuk do të jetë thjeshtë dhe vetëm përgjegjësi politike e këtyre që kemi akoma dhe për 6 muaj në drejtim të vendit, por ju siguroj që do të ndiqet me të gjitha format dhe mënyrat si përgjegjësi penale.

 

T’u marësh lekët qytetarëve, të mos ua kthesh atyre që kanë më shumë nevojë, në kohën kur kanë më shumë nevojë, por të vazhdosh t’i vjedhësh me një grusht oligarkësh, nuk është thjesht keqmenaxhim, nuk është thjesht keqqeverisje, nuk është thjesht korrupsion por është një krim i rëndë që duhet ndëshkuar, dhe sot zotohem që do të bëj gjithçka për ta ndëshkuar.

 

Por bëj thirrje dhe njëherë t’i verë gishtin kokës, të lerë llafet, planin me 5 pika e ka gati ta zbatojë, le ta marrë ta zbatojë, t’ia ndryshojë ngjyrat, fjalët, s’ka pikë rëndësie për mua, të ndalë menjëherë pagesat korruptive nga Thesari i Shtetit dhe paratë t’i çojë urgjentisht tek njerëzit në nevojë.

 

Shteti ka mundësitë, Shqipëria i ka mundësitë, Shqipëria është një vend që ka mundësi ta përballojë këtë krizë po me aq dinjitet dhe mundesi për qytetarët sa Kosova dhe Maqedonia.

 

Shqipëria nuk është një vend i varfër por është një vend i vjedhur dhe i keqqeverisur.

 

Si gjatë dhe pas tërmetit, si gjatë pandemisë po ashtu dhe tani, ç’do vend tjetër po mëson nga gabimet, vetëm ky po vjedh sikur e nesërmja nuk do të gdhi më.

 

Dhe i bëj thirrje çdo qytetari, të ngrihet e të kërkojë të drejtën e tij.

 

Nuk është lëmoshë 160 mijë lekëshi për të papunët, është detyrim.

 

Nuk është lëmoshë 20 mijë lekëshi për pensionistët, është detyrim.

 

Nuk është lëmoshë të merren masat për të mbrojtur stafin shëndetësor, personelin shëndetësor, mjekët, infermierët, është detyrim, nuk është lëmoshë.

 

Paketa e rimbursimit 100% për ilaçet Anti Covid të atyre që i marrin në shtëpi minimum 600 mijë lekë për person është detyrim.

 

Nuk po i kërkojmë të bëjë asnjë nder por të paktën në këtë moment krize të thellë të bëjë detyrimet minimale para shqiptarëve të paktën në këto muaj krize të thellë të ndalë vjedhjen, batërdisjen dhe korrupsionin që për 7 vite e ka sjellë Shqipërinë në këtë gjendje dhe që është shkaku kryesor pse ekonomia jonë është më keq se ekonomia e çdo vendi tjetër të rajonit dhe pse mundësitë e ekonomisë për tu ripërtërirë me këta në krye janë 3, 4 herë më të vogla se sa të çdo vendi tjetër të rajonit duke nisur me vendet kufitare.

 

 

Pyetje: Pak më parë Kryeministri ka prezantuar se duke filluar nga dita e hënë do të hëhet e detyrueshme mbajtja e maskave edhe në ambientet e hapur edhe në rrugë, dhe në rast të kundërt qytetarët do të gjobiten. Si e shihni ju këtë masë të vendosur nga kryeministri? Pyetja e dytë. Ndryshimet në Kodin Zgjedhor tanimë janë votuar nga parlamenti dhe koalicionet nuk do të funksionojnë më siç kanë funksionuar deri tani. A ka një plan opozita se si do të organizohet koalicioni i opozitës së bashkuar në zgjedhjet e ardhshme? Do të dilni me një listë? Me dy lista? Cilat janë opsionet që keni në tryezë?

 

Lulzim Basha: Dua ta mbaj të gjithë vëmendjen tek pyetja e parë për të cilën jemi mbledhur sot. Për tjetrën jam shprehur dhe nuk i heq asnjë presje asaj që kam thënë. Është diçka që është kontestuar dhe do të kontestohet nga PD dhe opozita e bashkuar, por nuk ka formulë që ta shpëtojë Edi Ramën nga ndëshkimi i merituar që e pret me votë.

 

Tani të kthehemi tek çështja e parë që shtrova.

 

Dy javë më parë kemi kërkuar që qeveria të marrë masa për valën e dytë të pandemisë. Ka dalë me dhjetëra herë në ekran dhe ka sulmuar opozitën, Partinë Demokratike dhe mua personalisht në vend që t’i vinte gishtin kokës, t’i vinte veshin propozimeve tona mqse vetë është pa ide dhe pa pikë motivimi për t’i shërbyer njerëzve, por e ka të gjithë mendjen në këtë kohë të mbushë xhepat e tij dhe të klientëve të tij dhe t’i dilte përpara të keqes. Kaq ishte e gjitha. Dili përpara të keqes. Po t’i kishte vënë veshin më 11 mars propozimit tonë, nuk të kishim qenë në këtë ditë që jemi nga pikëpamja ekonomike dhe nga pikëpamja e shthurjes totale të sistemit shëndetësor. E rraskapitjes së personelit shëndetësor. E infektimit masiv të personelit shëndetësor. Të njëjtën gjë i thamë edhe para dy javësh nga kjo sallë, ku isha bashkë me ekipin që kontribuoi në hartimin e planit me 5 pika për rimëkëmbjen. Dhe pika e parë e planit, nqse ju kujtohet, t’i marrim me rradhë mqse më pyetët;

 

• Mbështetja dhe përgatitja e sistemit shëndetësor. Përgatitja për një shpërthim tjetër të infeksionit të Covid 19 duke rritur numrin e testimeve për Covid 19 me 2500 testime në ditë.
• Rimbursimin e plotë për marrjen e mjekimit ambulator kundër Covid 19.
• Sigurimin e pajisjeve mbrojtëse për të gjithë personelin shëndetësor dhe rritjen e kapaciteteve spitalore.

 

Ja ku e ke, dy javë më parë ia kemi kërkuar.

 

Bonusi prej 1 mijë eurosh për çdo mjek dhe 500 euro për infermier për 6 muajt e ardhshëm.

 

Për të gjithë, sepse të gjithë po përballen dhe duhet të përballen dhe të jenë pjesë e përballjes me pandeminë.

 

Ja ku e ke pikën e tretë; Sigurimin e pajisjeve mbrojtëse. Çfarë ka bërë? Më thuaj i nderuar, përfaqësues i Euroneës Albania, çfarë ka bërë? Ju e ndiqni. Të gjithë ju e ndiqni. Çfarë ka bërë dy javë që kur e kemi bërë këtë kërkesë? Dhe del sot dhe thotë; Do mbani maska se ndryshe do ju gjobis? Po ata që s’kanë para për të blerë bukën e fëmijëve, me çfarë do t’i blejnë maskat? Përse s’i ke marrë masat në rradhë të parë për maskat për personelin shëndetësor pastaj për maskat për mësuesit dhe për fëmijët, falas, t’i paguajë shtetit.

 

Ja ku e ke përgjigjen.

 

Se shuma që do të mjaftonte, do të të tepronte për të blerë maska për të gjithë ata që nuk kanë lek për bukë. Vetëm këtë javë i ka shkuar 2 milionë euro inceneratorëve. Live jemi? Live jemi apo jo? Se mos ndodh ndonjë gjë, në ndonjë studio, i këputen këmbët dhe i bie leva ndonjë televizioni? Se nuk i japin në lajme inceneratorët me ndonjë përjashtim, dhe turp të kenë. Ja ku e keni. 2 milionë euro. Me këto para mund të ishin siguruar mjaftueshëm maska mbrojtëse për një numër shumë të madh personash me rrezik të lartë, duke filluar me pensionistët, personelin shëndetësor, me mësuesit dhe fëmijët.

 

Pika e dytë.

 

Fëmijët të arsimohen të sigurtë. Të garantojnë që fëmijët dhe mësuesit në shkollë të jenë të sigurtë duke përmirësuar kushtet sanitare në shkolla, 70% e të cilave akoma nuk kanë ujë të rrjedhshëm. Me çfarë do t’i lajnë duart? Duke përfshirë furnizimin me ujë, pajisjen me maska mbrojtëse dhe dezinfektimin e rregullt të ambienteve mësimore.

 

E mban mend që u shpalos këtu me një ekran të madh që ta shikonin të gjithë shqiptarët. Por vetëm ai mbyll sytë. Dy javë më parë e kam kërkuar këtë dhe del sot dhe thotë: Vendos maskën ose do të të gjobis. Po ata që nuk kanë para’ për t’u blerë maskën fëmijëve? Për çfarë u duhet qeveria nqse në këtë ditë nuk jep ndihmën që kemi propozuar, midis të tjerave edhe për të pajisur me maskat mbrojtëse apo dezinfektantë për të larë duartm, sepse një shishe dezinfektant për 3 mijë lek, për 2 bën 6 mijë lek. Po ai që ka 50 mijë lek ndihmë ekonomike, po ai që ka humbur çdo të ardhur dhe ka 4-5 muaj që jeton me borxhe, e kupton. S’e kupton, sigurisht se çfarë do të thotë mos të kesh mundësi t’i blesh bukën e jo më maskën apo dezinfektantin.

 

Kryerjen e testimit periodik për mësuesit dhe stafin ndihmës. “Jo, nuk duhet”…. Kosova e bën. Se ata janë “budallenj”, këta të “mençurit” këtu, “nuk duhet” dhe e keni parë se si ka shpërthyer nëpër shkolla.Kemi kërkuar investimin në tekonologji për raste ku mund të aplikohet mësimi në distancë, sepse situata mund të çojë edhe në vendet më të zhvilluara, drejt nevojës për të ndërmarrë masa drastike dhe këtu kemi kërkuar që për familjet me të ardhura të ulta të blihen tableta për fëmijët e tyre që të mos kenë shkëputje dhe ta kenë të mundur mësimin në distancë.

 

Pika tre e planit me 5 pika që kemi propozuar prej dy javësh.

 

Asnjë shqiptar të mos lihet pas dore. Të mbështesim ata që kanë humbur vendet e punës. Çdo individ që ka humbur vendin e punës nga pandemia gjatë këtij viti të përfitojë një çek mujor prej 16 mijë lekësh të reja në muaj përpos pagesës ligjore për papunësinë për një periudhë prej 6 muajsh.

 

Krijimi i një fondi punësimi në mbështetje të bizneseve për të rimarrë në punë të larguarit gjatë pandemisë duke i alokuar çdo punëdhënësi që punëson çdo individ që ka humbur vendin e punës një shumë mujore prej 20 mijë lekësh të reja në muaj për një periudhë gjashtë mujore.

 

Bashkë ishim tek Myslym Shyri, e mbani mend, kur më tha një nga pronarët e biznesit se: “I hoqa, kisha dy të punësuar, i hoqa, s’ia dal dot”. E pyet veten kryeministri se me çfarë jetojnë ata që dy që u hoqën nga puna dhe qindra mijëra të tillë anembanë vendit? Jo. Ja ku e ka propozimin, 20 mijë lek për çdo punëmarrës që të rimarrë në punë atë që ka hequr nga puna.

 

Dyfishimin e ndihmës ekonomike për çdo familje që trajtohet me ndihmë ekonomike, që prapë nuk mjafton. Por të paktën për këto shpenzimet shtesë mqse do bëhet edhe maska me detyrim dhe po s’e vure do të të vërë gjobë Ed Rama. Se për gjoba është i vetmi.

 

Çdo pensionist të përfitojë një çek mujor prej 2 mijë lekësh të reja në muaj për përballimin e kostove shtesë të pandemisë për gjashtë muaj. Ja ku e ka propozimin. Dhe po ta bënte këtë realitet, mund të thoja që me këtë 20 mijë lekësh edhe një pensionist mund ta blejë një maskë, por tani ku pensionisti e ka lakun në fyt dhe pensioni nuk i del pas ilaçeve dhe faturës së energjisë dhe nuk i del as për të ngrënë bukë. Ti çfarë bën? Ti i thua, do të të gjobis po dole pa maskë? Po siguroja maskën.

 

Ndihma për biznesin e vogël. Mbështetja e drejtpërdrejt për të gjithë bizneset e vogla të prekura nga pandemia, me një çek prej 1 mijë euro për çdo biznes të vogël aktiv, për të gjithë periudhën gjashtë mujore, 1 çek, vetëm një herë, 1 mijë euro. Nuk do bëjmë mrekulli, por do të jetë një farë suporti. Se taksat ka shkuar dhe ia ka marrë kokërr më kokërr siç e dëgjuat nga bizneset e Tiranës. Dhe ato pagat e luftës që iu dha, i kanë dorëzuar si pagesa të sigurimeve apo taksa lokale. Të paktën të mos falimentojnë, të mos i shtohen ushtrisë së të papunëve.

 

Pika e pestë:

 

Mbështetja për biznesin prodhues dhe punëdhënësit e mëdhenj që konsiston nga dy propozime:

 

Për gjaashtë muajt e ardhshëm subvencionimin 50% të qerasë për ambientet e punës ose heqjen e taksës së pronës për ata që janë pronarë të ambienteve të punës, që këto para t’i mbajnë për t’u dhënë rrogat në vend që t’i heqin nga puna ata që kanë në punë, dhe shtrirja në kohë dhe rikonceptimi i kritereve të përfitimit gat ë dy skemat e garancisë sovrane për ta bërë më të përballueshme dhe më të aksesueshme kredimarrjen nga biznesi ku kemi kërkuar një tavan prej 2% të normës së interesit për biznesin dhe subvencionimin e çdo përqindje mbi këtë vlerë sa i përket kredimarrjes për investime dhe për shpenzime operative dhe mbajtjen me zero përqind të interesit për ata që duan të shkojnë në bankë të marrin lekët për të paguar punëtorët e tyre. Në fakt është hapi i parafundit para mbylljes së biznesit.

 

Ky propozim ka dy javë mbi tavolinë, ka dy javë që siç e keni parë e kanë mësuar edhe shqiptarët kudo ku kemi shkuar planin me 5 pika.

 

I vetmi që nuk ia ka vënë veshin dhe që na del sot dhe thotë “vëre maskën përndryshe të vura gjobën” është njeriu që paratë që dalin e teprojnë për këto 5 masa ua jep ditë për ditë klientëve të tij.

 

Pyetje: Ju thatë që kriza nuk kalohet me konferenca për shtyp.

 

A keni komunikuar ju me z. Rama për tu ulur për të komunikuar planin tuaj me 5 pika, meqë e keni gati dhe për të zgjidhur këtë krizë? Pasi ai është shprehur për t’ju dëgjuar, madje jo vetëm kaq por edhe për t’ju shpëtuar nga LSI-ja.

 

Pyetje: Nëse Partia Socialiste, z. Rama ju propozon që të qeverisni bashkë pas 25 prillit, do të pranonit?

 

Lulzim Basha: Ne duhet ta kemi të qartë dhe të tregojmë minimumin e të kuptuarit të politikës, siç e kupton çdo qytetarë, që llafet kot i merr era.

Ky plan është publik.

 

Ky plan nuk është sekret.

 

Po të ishte Edi Rama në vendin tim, do të fërkonte duart dhe do të thoshte “le të shtrihen barkas njerëzit”, “le të mbushen spitalet”, “keq e më keq të shkojë puna se ishalla po vij në pushtet”. Ky është Edi Rama.

 

Ndërsa kjo nuk është përpjekja ime e parë për të korrigjuar diçka; për interesin e njerëzve, jo për interesat e mia, për interesat e shqiptarëve, për interesat e atyre që kanë mbetur pa një kacidhe për shkak të krizës.

 

Siç e kupton e nderuar znj. Beleshi këto janë dy përqasje krejtësisht të papajtueshme. Ai e po përdor pushtetin për të dëmtuar shqiptarët dhe për të pasuruar klientët e tij.

 

Ndërsa kërkesa ime ultimative është të ndalë këtë sjellje kriminale dhe paratë e shqiptarëve të mos ua japë oligarkëve por t’ua kthejë shqiptarëve, se sot kanë nevojë më shumë se kurrë, se kjo nuk pret për 25 prill.

 

Sa për 25 prillin e di farë mirë se ç’e pret dhe po ta përsëris ty dhe kujtdo që e kanë merak apo atyre që e qarkullojnë javë pas jave.

 

Pas 25 prillit Edi Ramën nuk e pret asgjë tjetër përpos gjykimit qytetar dhe vendosmërisë time për të bërë të mundur që drejtësia të bëjë punën e saj dhe ta ndëshkojë për çdo krim dhe aferë korruptive që ua ka nxirë jetën këto 7 vite.

 

Kjo dhe vetëm kjo është shpëtimi i Shqipërisë, jo vetëm nga përgjegjësi për këtë situatë por edhe nga kushdo tjetër që mund të mendojë pas tij se mund të bëjë çfarë ka bërë ai me shqiptarët dhe t’ia hedh pa lagur. Jo, 25 prilli nuk do të jetë thjesht dhe vetëm fillimi i një ndryshimi, por do të jetë fundi i pandëshkueshmërisë.

 

Pushtetet janë ndërruar edhe më parë por pandëshkueshmëria ka vazhduar dhe për këtë pa diskutim përgjegjës jemi edhe ne.

 

Unë po ju përsëris diçka për të cilën jam zotuar para shqiptarëve, më 25 prill merr fund jo vetëm një regjim i korruptuar që ua ka bërë jetën ferr shqiptarëve, që nuk ka mbajtur asnjë premtim, i ka varfëruar, i ka shpunësuar, i ka kthyer të dytët pas sirianëve si azilantë në Europë, por më 25 prill merr fund edhe kultura e pandëshkueshmërisë.

 

Kush ka vënë dorë në interesin publik të shqiptarëve, në pasuritë e shqiptarëve, në taksat e shqiptarëve dhe ka cenuar rëndë jetën, shëndetin, punësimin dhe shpresën e tyre do të marrë ndëshkimin e merituar me ligj.

 

Pyetje: Ju dhe përfaqësuesit e Partisë Demokratike prej kohësh keni qenë në terren duke publikuar dhe shqetësimet e qytetarëve, ndërkohë për maxchorancën këto shqetësime janë të inskenuara. Rasti konkret është një video e publikuar nga zëdhënësja e Partisë Demokratike ku publikon qytetaren në Njësinë Nr.4 që tregon edhe problematikat e saj pasi është dëmtuar nga tërmeti. Sipas bashkisë zonja nuk ka as emrin e njëjtë siç është publikuar në videon e PD. Të njëjtën gjë ka bërë edhe Kryeministri, pas vizitës tuaj në një thertore në Lushnje, ku sipas tij kompleksi i tregtimit të kafshëve ka marrë një financim prej 300 mijë euro, duke përgënjeshtruar atë që thatë ju në vizitë atje. Si qëndron e vërteta, kë duhet të besojnë qytetarët?

 

Lulzim Basha: Ju keni një mundësi që nuk e kanë shumica e njerëzve, të shkoni të investigoni si qëndron e vërteta. Por mendoj se një qeveri që harxhon gjysmën e kohës duke ndjekur pas kryetarin e opozitës dhe duke montuar, duke bërë montazh të videove për të treguar shqiptarëve që; ne jetojmë në një vend me rritje ekonomike, me 300 mijë vende pune, me shëndetësi falas, me fermerë të lumtur nga subvencionet, flet vetë dhe s’ka nevojë për komentet e mia. Kjo tregon që kjo është një qeverie mbaruar, në çdo kuptim.

 

Të vërtetat nuk fshihen dot, as nuk manipulohen dot nga ekipet e montazhit dhe të propagandës së Edi Ramës.

 

Të vërtetat janë aty, siç kam shkuar unë mund të shkoni edhe ju t’i vini mikrofonin atyre dhe gjithë të tjerëve që ta kuptoni që e vërteta e flluskës së Edi Ramës ku ndodhet bashkë me një grusht servilësh, klientësh dhe oligarkësh, kriminelësh nuk ka asgjë të përbashkët me realitetin ku jetojnë shqiptarët, të cilin ne po e tregojmë ditë për ditë me fakte dhe me prova, ku siç e sheh flasin ata nuk ka nevojë të flas unë. E vërteta flet vetë.

 

Pyetje: Z. Basha kryeministri Rama sot në konferencë nuk e përjashtoi mundësinë e një mbylljeje të dytë nëse qytetarët nuk do të respektojnë masat dhe situata do të përkeqësohet. Cilat do të ishin pasojat e një skenari të ri për tu rimbyllur?

 

Lulzim Basha: E gjithë përpjekja jonë ka qenë për të shmangur diçka të tillë. Të gjitha propozimet tona edhe plani me 5 pika është për të shmangur diçka të tillë.

 

Kur ti nuk bën asgjë, nuk merr asnjë masë, ndërkohë që vendet e tjera kanë paketën e katërt të ndihmës, po e them edhe një herë, jo vetëm që je fajtor për situatën, por je përgjegjës për situatën, je ti që e ke bërë të vijë puna deri këtu.

 

Në qoftë se ti nuk merr masa për të ndihmuar dhe mbrojtur personelin shëndetësor, nëse ti nuk merr masa për të ndjekur siç është e duhur përmes testimeve ecurinë e vërtetë të epidemisë por e cakton në zyrë shifrat dhe numrat që do të shpallësh, ndonëse e vërteta ulëret kudo.

 

Në qoftë se ti nuk merr masa për të mbrojtur ekonominë nga kolapsi total, aq më shumë kur ta kemi kërkuar publikisht, opozita e vendit ta ka kërkuar publikisht dhe jo thjesht ta ka kërkuar por të ka treguar si ta bësh. Dhe ti nuk e ke marrë, nuk e ke bërë jo sepse nuk ke mundësi, por sepse ke bërë këtë, sepse lekët ia ke dhënë inceneratorëve, ia ke dhënë kontratave me 5-fish çmimin, të ndërtuesve fantazëm me të cilët ndan paratë.

 

Shqiptarët kanë nevojë për bukë, ti tallesh me ta dhe thua “do tu bëj aeroport në çdo qytet”. Kësaj i thonë ‘fluturon gomari’. Po gomari i Ramës mund të fluturojë por shqiptarët e kuptojnë shumë mirë nuk janë budallenj. Ka vetëm një përgjegjës për situatën ku ndodhemi. Ka vetëm një përgjegjës në qoftë se shkojmë një kolapsi edhe më të thellë.

 

Gjithë propozimet e mia, gjithë plani im me 5 pika ka patur dhe ka vetëm këtë qëllim: të ndalë rrokullisjen në atë situatë ku tani ky del dhe na e profetizon dhe e vetmja masë që merr është të thotë “të vë gjobën por nuk vure maskën”.

 

Ky është mjerimi i një qeverie të kapitulluar që ka braktisur çdo detyrë sa i përket pandemisë dhe

ekonomisë. Dhe po bën vetëm një gjë: vjedhjen dhe batërdisjen e buxhetit të shtetit në ditët e fundit të kësaj qeverie.

 

Pyetje: Pyetje e dytë lidhet me faktin që ju si kryetar opozite keni vlerësuar një situatë kritike që na pret 6 muajt e ardhshëm. Si e keni lexuar një konflikt me një retorikë gati banale midis presidentit dhe kryeministrit ditët e fundit, përballë një situate të tillë?

 

Lulzim Basha: Shqetësimi im kryesor është fati i shqiptarit të thjeshtë. Shqetësimi im kryesor është fakti që 90 përqind e shqiptarëve sot janë të kërcënuar në të ardhurat e tyre minimale. 45 përqind e shqiptarëve janë të kërcënuar tek buka e fëmijëve, tek buka e gojës. Shqetësimi im është që 70 përqind e biznesve nuk dalim më as fit e fit, por shkojnë drejt humbjes. Shqetësimi im janë 100 mijë të papunë që po shtohen e do të shtohen dita ditës. Shqetësimi im është shëndetësia në kolpas dhe rraskapitja e mjekëve dhe infermierë, heronjve tanë që nuk trajtohen si heronj, por trajtohen si argatë nga një qeveri që nuk mban fjalën, nuk mban premtimet. Këto janë shqetësimet e mija. Të tjerat, jo vetëm që nuk ndihmojnë në zgjidhjen e këtyre problemeve, por përdoren si një alibi për të tërhequr vëmendjen nga hallet e vërteta të shqiptarëve. Këto janë hallet e vërteta dhe unë nuk e kam as luksin dhe as moralin të merrem me diçka tjetër.

 

Pyetje: Paratë e korrupsionit siç edhe ju e denonconi, me shumë gjasë mund të përdorën për zgjedhjet, ndërkohë për herë të parë ndoshta pas 20 vitesh është bërë një kod i njëanshëm elektoral, gjithashtu ka një ndarje kaotike të votuesve. Me të gjitha të dhënat ju po shkoni në një palë zgjedhje që mund të mos plotësojnë standardet ndërkombëtare të zgjedhjeve të lira e të ndershme, çfarë ju bën optimist zoti Basha se do të dilni fitues me 25 prill?

 

Lulzim Basha: Për të gjitha problemet që shprehet do të keni komunikim të rregullt, duke filluar besoj nga java e ardhshme, ndoshta edhe ditë për ditë, nga grupi i punës që është ngritur nga PD dhe Opozita e Bashkuar për këto çështje. Ndërsa nevoja ulëritëse për ndryshim kurrë nuk ka qenë më e qartë. Sfida e vetme që kam unë dhe Partia Demokratike, është që tu tregojmë shqiptarëve në mënyrë bindëse se Shqipëria i ka mundësitë për të dalë nga kjo krizë, se rruga që ne propozojmë i bën këto mundësi realitet dhe se forca e bashkimit për ndryshim është e pandalshme nga një pakicë e pakicës së pakicës, ditët e së cilës janë të numëruara.

 

Pyetje: Në kushtet kur plani me 5 pika i propozuar dy javë më parë nga ju, mund të mos merret në konsideratë nga kryeministri Edi Rama, cila është lëvizja e rradhës së opozitës pasi gjatë konferencës për shtyp pashë që iu drejtuat me një thirrje qytetarëve nga të cilët kërkuat që të bëjnë atë që u takon. Keni bërë thirrje për protestë, për kryengritje popullore, për ta kuptuar më qartë?

 

Lulzim Basha: Pa diskutim që çdo formë reagimi është legjitime ndaj një qeverie që ka braktisur detyrën e saj, dhe në kohën e pandemisë dhe të krizës vazhdon të bëjë të vetmen gjë që ka bërë këto vite dhe që është arsyeja se pse kemi ardhur këtu: të shkelë premtime, të mbushë xhepat, dhe paratë e taksave të shqiptarëve që kanë sot më shumë nevojë se kurrë, sot, sot, jo pas 25 prillit sepse pas 25 prillit kemi planë të tjera, këto para vazhdon ti vjedhë e ti shpërdorojë në vend që ti çojë aty ku ka nevojë. Tani dua tju kujtoj diçka elementare që ndoshta edhe në mënyrë të investuar harrohet edhe nga njerëzit: opozita fjalën ka për të denoncuar, fjalën për të paraqitur alternativen dhe si asnjë opozitë tjetër në Ballkan dhe pak opozita në Europë, fjalën për ti dhënë një qeverie pa ide, pa vizion, pa motivim, të lodhur dhe të zhytur deri në fyt në reumatizëm politik, në korrupsion dhe në vjedhje, një plan për të mos e lënë vendin të rrëshqasë në kolaps total. Të tjerat për fatin e keq të shqiptarëve nuk janë në dorën tonë deri kur shqiptarët të na besojnë me votë, atëherë përgjegjësia e jonë nuk është fjala, por është vepra.

 

Pyetje: Zoti Rama ju ka quajtur pasagjer VIP në një tren të udhëhequr apo që ka timonier zotin Ilir Meta. Pse mendoni se e ka bërë këtë paralelizëm dhe a mendoni se zhvendosja e betejës politike në arenën Rama-Meta po e zbeh rolin tuaj si lider i opozitës së bashkuar?

 

Lulzim Basha: Nëse Edi Rama do ti kushtonte një të dhjetën e kohës dhe energjive që harxhon për të menduar batuta të lodhura, gërr-vërre bajate me të cilat mbush ekranet, për të ndihmuar njerëzit, as ti, as familja jote, as të afërmit e tu, as komshinjtë e tu dhe as shqiptarët në nevojë nuk do ti ndjenin pasojat e krizës kaq thellë. Nëse do të harxhonte një të dhjetën e kohës duke bërë detyrën e tij, edhe pa ide, edhe pa vizion, në qoftë se do të ndiqte propozimet tona që nuk i kemi shpikur ne por i kemi nxjerrë nga përvojat më të mira të rajonit dhe të Europës, të aplikuara për kushtet e Shqipërisë, sot shumë prej problemeve që kanë dalë jashtë kontrollit do të ishin nën kontroll. 100 mijë të papunë! Çfarë përgjigje ka Edi Rama?! Pensionistë që pasi paguajnë dritat dhe ilaçet nuk kanë më para për të blerë bukën e gojës, jo më maska. Çfarë përgjigje ka Edi Rama për këta?! Sipërmarrja e vogël që shkon kokëposhtë drejt falimentimit, çfarë masash ka marrë Edi Rama për këtë?! Konsumi që bie ditë për ditë, njerëz që me lista shkojnë blejnë gjysëm buke, një domate dhe një shishe dhallë për një familje me 4 veta. Çfarë përgjigje ka Edi Rama për këtë?! Këto janë përgjegjësitë e Edi Ramës, se përgjegjësitë e një klouni cirku janë të tjera. Atij po, jo vetëm i lejohet por e ka për punë të bëjë klounin që të zbavisë fëmijët. Ky nuk zbavit dot as fëmijët e vet me batutat e lodhura dhe me gërr vërret, dhe në asnjë mënyrë, harroje ti se mbulon këto të vërteta apo iu heq vëmendjen shqiptarëve nga vuajtja dhe dhimbja e përditshme që është ulur këmbëkryq në shtëpitë e tyre.

 

Pyetje: Ju zoti Basha keni prezantuar planin me 5 pika për 6 muajt e ardhshëm që ende nuk është marrë parasysh nga Rama, ndërsa nga ana tjetër deklaroni se me 25 prill do të largohet qeveria Rama. Kur do ti prezantoni drejtuesit e qarqeve të cilët kanë një rol mjaft të rëndësishëm për zgjedhjet?

 

Lulzim Basha: Për të gjitha çështjet që kanë të bëjnë me organizimin e PD dhe me procesin zgjedhor do të kemi një komunikim të përditshëm me mua dhe me të gjithë të tjerët që janë përgjegjës për këtë çështje. Sot kemi diçka tjetër si temë kryesore dhe kërkoj mirëkuptimin tuaj.

 

Ju faleminderit! Punë të mbarë!

 

 

 

 

 

Read More

• Votimi nga anëtarësia e PD është një sjellje e re dhe një model i ri në politikë. Demokracia nis nga brenda shtëpisë. Është parathënie e asaj që do të vijë pas 25 Prillit, një qeverisje për shqiptarët.

 

• Shqiptarët duan dhe presin ndryshim dhe ndryshimi fillon nga vota. Jo thjesht dhe vetëm një rotacion dhe ndryshim karrigesh, por një ndryshim real në modelin e përfaqësimit dhe në modelin e qeverisjes nesër.

 

• Është një proçes në të cilin vendos anëtarësia. Mbi votën e anëtarësisë nuk ka asgjë. Nga procesi nuk ka të përjashtuar dhe nuk ka të humbur. Kush është skualifikuar, do të jetë pjesë e burimeve njerëzore të PD për të drejtuar nesër qeverisjen e vendit.

 

• Mos prisni nga Rama të lavdërojë një proces demokratik si ky i PD. Për 22 vite gjatë karrierës së tij politike, ai refuzon t’i bindet rregullave të garës. Qëllimi i djeshëm ishte mbajtja e Vangjush Dakos në kryesi.

 

 

 

DEKLARATË E KRYETARIT TË PARTISË DEMOKRATIKE PAS VOTIMIT NË DEGËN 8

 

 

Sot kam ushtruar edhe unë të drejtën time si anëtar, në një proces që bëhet për herë të parë në Shqipëri dhe në rajon, votën e anëtarësisë, e cila vendos për përfaqësuesit politikë të Partisë Demokratike.

 

Siç e keni ndjekur gjatë këtyre ditëve, ky proces është zhvilluar në të gjithë Shqipërinë dhe sot kulmon dhe përfundon në Tiranë.

 

Pjesëmarrja masive e demokratëve në këtë proces është tregues i qartë i pjekurisë politike dhe i vendosmërisë tonë që sot të bëjmë realitet brenda radhëve tona atë që do të bëjmë realitet nesër për të gjithë shqiptarët.

 

Shqiptarët duan dhe presin ndryshim dhe ndryshimi fillon nga vota. Ndaj dhe jam shumë i lumtur dhe dua të falënderoj të gjithë demokratët që janë bërë pjesë e këtij procesi.

 

Dua të falënderoj partnerët tanë që nga Kristiandemokratët gjermanë, Konservatorët britanikë, Republikanët amerikanë që na ndihmuan për të hedhur këtë hap, i cili nuk është vetëm një risi për Partinë Demokratike dhe për partitë politike në tërësi, por është një risi dhe një model për gjithë Rajonin.

 

Demokracia nis nga brenda shtëpisë.

 

Dhe jam shumë i lumtur që një proces, i cili bëhet për herë të parë dhe ka natyrisht edhe vështirësitë dhe sfidat e veta, po shkon drejt përfundimit duke mbajtur zotimin e dhënë, ku zëri dhe vota e anëtarëve të Partisë Demokratike do të kenë rolin e tyre vendimtar për përcaktimin e përfaqësuesve të lartë politik të Partisë Demokratike.

 

Natyrisht, kjo është një garë dhe një festë demokracie brenda Partisë Demokratike. Beteja e vërtetë na pret dhe kjo është një betejë për të cilën demokratët shqiptarë janë të vetëdijshëm për pritshmëritë dhe për urgjencën e çdo shqiptari për të sjellë një ndryshim real. Jo thjesht dhe vetëm një rotacion dhe ndryshim karrigesh, por një ndryshim real në modelin e përfaqësimit dhe në modelin e qeverisjes nesër.

 

Ndaj dua të siguroj të gjithë shqiptarët që, procesi që kemi nisur dhe po përfundojmë, i përfshirjes së anëtarësisë së Partisë Demokratike në evidentimin e kandidaturave dhe të përfaqësuesve politikë, demokratizimi i Partisë Demokratike dot do të vazhdojë të jetë nesër, një nga shtyllat kryesore të programit tonë politik, në mënyrë që zëri i çdo qytetari shqiptar dhe vota e çdo qytetari shqiptar, të ketë peshën e saj dhe qeveria e ardhshme të mos jetë peng i një grushti njerëzish, të mos i  shërbejë interesave të caktuara të një grushti njerëzish që janë pasuruar në mënyrë marramendëse, në bashkëpunim me një qeveri që nuk ka dalë nga vota dhe nuk përgjigjet përpara votës dhe e ka frikë votën e shqiptarëve madje edhe votën e vetë socialistëve, por të jetë një qeveri nga e cila të përfitojnë të gjithë shqiptarët.

 

Pyetje: Z.Basha ka patur emra të përjashtuar nga anëtarësia siç ishte rasti i z. Balliu. Keni një koment?

 

Lulzim Basha: Ky është një proces në të cilin vendos anëtarësia. Mbi votën e anëtarësisë nuk ka asgjë. Por ky nuk është një proces ku ka të përjashtuar. Ky është një proces ku nuk ka të humbur. Pa diskutim nga 3600 propozime mund të themi që shumica dërrmuese e tyre posedojnë kualitetet e përfaqësimit politik. Ju e dini fare mirë që s’ka parlament në botë që të ketë 3600 deputetë. Pra vetë procesi është dizejnuar në mënyrë të tillë që një numër i madh prej të propozuarve nuk janë të skualifikuar, nuk janë të humbur, por përbëjnë pjesë të burimeve njerëzore të Partisë Demokratike për të drejtuar nesër qeverisjen e vendit.

 

Pyetje: Zoti Basha, ju ku do të kandidoni?

 

Lulzim Basha: Të gjithë pyetjet e tjera i kemi subjekt të konferencave për shtyp në kohën  e duhur, dhe siç e dini fare mirë, për më pak se një orë ju jeni të ftuar në selinë e Partisë Demokratike për një konferencë për shtyp, e cila ka në qendër atë që shqetëson çdo shqiptar sot, krizën ekonomike dhe problemet e tjera të lidhura me të.

 

Pyetje: Ju e cilësoni një proces demokratik këtë që po ndodh për herë të parë në Partinë Demokratike, por ditët e fundit kemi parë jo pak kryeministrin Rama ta ironizojë garën brenda Partisë Demokratike. Keni një koment për deklaratat e tij?

 

Lulzim Basha: Mos prisni që ai të lavdërojë një proces demokratik. Për 22 vite karriera e tij politike është ngritur mbi parime antidemokratike. Për 22 vite ai refuzon t’i bindet rregullave të garës. Ai nuk organizon garë në PS, ka harruar zgjedhjet. Dje siç e patë, u zhvillua një aktivitet dhe një fjalim tre orësh vetëm për të justifikuar mbajtjen në Kryesi të njerëzve që janë në listën e zezë të departamentit të shtetit, siç është Vangjush Dako. Kështu që mos më kërkoni mua të krahasoj të pakrahasueshmen. Kjo është një ditë me diell, jo thjesht për qytetarët dhe klimën e kësaj të shtune, por është një ditë me diell për atë që po vjen që është një sjellje e re, një model i ri i një partie kryesore në Shqipëri dhe është parathënie e asaj që do të vijë pas 25 Prillit, një sjellje e re, një model i ri qeverisje për qytetarët shqiptarë.

 

Falemnderit.

Read More

• Sektori i bujqësisë dhe i blegtorisë janë më të goditurit nga kriza ekonomike. Paratë e subvencioneve shkojnë për klientët e qeverisë dhe oligarkët.

• Për inceneratorin e Fierit, që nuk ekziston, janë zhdukur 24 milionë euro për llogari të Ramës, Ahmetajt dhe krimit të organizuar.

• Në planin me 5 pika të PD me 24 milionë euro mund të ndihmoheshin 24 mijë biznese më një çek prej 1 mijë euro për 6 muaj, me mijëra fermerë apo mijëra të papunë.

• Me PD në drejtimin e qeverisë, do të kemi, çdo vit, 100 milionë euro subvencione drejtpërdrejt tek fermeri dhe 50 milionë euro për infrastrukturën për bujqësinë.

• Nga pamundësia dhe mbijetesa, fermeri do të kalojë tek mundësia për të krijuar të ardhura mbi 1 milionë lekë, siç është sot fermeri i Kosovës apo Maqedonisë. Fermeri nuk ka pse të jetë skllav si sot, por të jetë shtresë e mesme.

• Plani ynë fuqizon bujqësinë dhe agrobiznesin me qëllim rritjen e punësimit. Shëron plagën e largimit të rinisë nga Shqipëria. Kjo që propozojmë, është një Shqipëri tjetër, ku nuk përfiton vetëm kryeministri me një grusht oligarkësh, por përfitojnë të gjithë.

• Heqja e taksës “Rama” mbi karburantin 240 lekë për litër do të jetë ndihmë e jashtëzakonshme. Karburanti ynë është më i shtrenjti në rajon, duke bërë çdo mall dhe shërbim më të shtrnejtë dhe jo konkurues.

• Brenda 100 ditëve të para do t’i jepet fund naftës pa cilësi në tregun shqiptar. Kjo nuk do të ulë të ardhurat, përkundrëzi. Në vitin e parë do të kemi 50 milionë euro më shumë në buxhet, sepse do t’i japim fund kontrabandës së karburanteve.

• Kjo nuk është betaja e Lulzim Bashës, por betejë e çdo shqiptari. Jetojmë në një vend të bekuar nga Zoti, por të vjedhur dhe të keqqeverisur. Së bashku t’i japim fund të keqes, te ndalim largimin dhe të nisim ndryshimin, se nga ky ndryshim do të përfitojnë të gjithë.

 

DEKLARATË E KRYETARIT LULZIM BASHA PAS TAKIMIT ME AGROBIZNESIN NË LUSHNJE

 

Pyetje: Cila është situata e bizneseve këtu në Lushnje?

Lulzim Basha: Kam ardhur sot të vizitoj disa prej pikave të grumbullimit apo të përpunimit të prodhimeve bujqësore dhe blegtorale. Kjo është një pikë e përpunimit të mishit, thertore dhe përpunimi i mishit.

Në të gjithë Shqipërinë sektori i bujqësisë dhe sektori i blegtorisë janë sektorët më të goditur nga kriza ekonomike.  Arsyeja e kësaj krize nuk është thjesht dhe vetëm pandemia, siç mund të kujtojnë disa, është fakti që prej 7 vitesh fermeri shqiptar është më i braktisuri nga fermerët e rajonit dhe është më i diskriminuari, në raport me çdo qytetar tjetër të Shqipërisë.

Pse e themi këtë?

Sepse prej 7 vitesh fermeri shqiptar nuk ka më, nuk e njeh më mbështetjen direkte, nuk e njeh më subvencionin.

Paratë që duhet të shkojnë për subvencionimin, për mbështetjen direkte, për fermerët, për blegtorët, për infrastrukturën magazinuese, frigoriferët, thertoret; këto para, të cilat janë paratë e taksave të shqiptarëve, sot merren nga qeveritarët dhe shkojnë tek aferat korruptive.

Jemi sot në Lushnje, por që është Qarku i Fierit dhe në Fier në një lëndinë në Fier ka një gardh që rrethon një gjysëm karabina të papërfunduar, ku janë zhdukur deri më sot 24 milionë euro të taksave të fierakëve dhe gjithë shqiptarëve. Kjo ndërtesë quhet inceneratori i Fierit por në fakt nuk ekziston. Është një gropë e zezë korrupsioni ku është përfshirë kryeministri, ministri i ashtuquajtur i rindërtimit dhe figura të krimit të organizuar. Vetëm për inceneratorin e Fierit kanë marrë nga taksat e shqiptarëve 24 milionë euro dhe inceneratorë nuk ka. Për të mos folur që në vetvete është një aferë e dyshimtë korruptive.

Tani imagjinoni përfaqësues të medias, të nderuar gazetarë se çfarë mund të bëheshin me 24 milionë euro.

Me planin tonë që kemi propozuar me 5 pika kundër krizës dhe kundër pandemisë, me 24 milionë euro mund të ndihmoheshin 24 mijë biznese, që do të thotë shumë më shumë biznese të vogla seç ka gjithë Qarku i Fierit me një pagesë prej 1000 eurosh për 6 muajt e ardhshëm, që do të jenë muaj shumë të vështirë për ekonominë e shqiptarëve.

Me 24 milionë euro mund të ndihmoheshin dhjetëra, mijëra familje që kanë humbur bukën e gojës sepse kryefamiljari ka dalë i papunë.

Dhe ne kemi propozuar çdo njeri që ka humbur vendin e punës gjatë këtij viti të bëhet një pagesë 6 mujore prej 160 mijë lekë në muaj.

Mund të paguheshin qindra, mijëra pensionistë me pagesën që kemi propozuar prej 20 mijë lekësh për t’iu ardhur në ndihmë në këto kohë të vështira.

Mund të jepeshin mbështetje direkte, subvencione për mijëra fermerë të Myzeqesë dhe gjithë Shqipërisë, që në vend që të shkojnë drejt falimentit të kenë mundësinë që të paktën të shesin prodhimet e tyre njësoj siç i shet edhe në kohë krize fermeri i Kosovës, fermeri i Maqedonisë së Veriut, fermeri i Malit të Zi, fermeri i Serbisë; për të mos thënë për fermerët e Greqisë dhe Bashkimit Europian.

Ja pra, kemi të gjithë mundësitë që t’iu vijmë në ndihmë fermerëve, t’iu vijmë në ndihmë biznesit të vogël që është në mbijetesë dhe po falimenton ditë për ditë, t’iu vijmë në ndihmë mbi 100 mijë shqiptarëve që kanë humbur vendin e punës këtë vit dhe papunësia vjen e thellohet.

I kemi të gjitha këto mundësi.

Por në vend që t’u vijmë në ndihmë qindra, mijëra shqiptarëve Edi Rama, Arben Ahmetaj dhe Klodian Mërtiri kanë vjedhur 24 milionë euro dhe ndërkohë vazhdojnë dhe planifikojnë vjedhje të tjera.

Me ne kjo do  të marrë fund me hir apo me pahir.

SPAK-u do të detyrohet ta hetojë dhe ta çojë para drejtësisë dhe prapa hekurave dhe të ndëshkojë këdo që është përfshirë në këtë vjedhje masive. Për këtë dua të zotohem sot këtu nga Lushnja.

Ndërsa fermerëve shqiptarë dua t’u them se plani ynë për bujqësinë dhe blegtorinë shqiptare nuk do të bëjë mrekullira por do të bëjë atë që bëjnë vendet e rajonit, atë që bën Maqedonia e Veriut për fermerët e vet, atë që bën Kosova për fermerët e vet.

Vit për vit do të kemi një paketë 100 milionë euro subvencione që do të shkojnë drejtpërdrejtë tek fermeri në bazë të kartës së identitetit.

Vit për vit ne do të kemi 50 milionë euro për të mbështetur infrastrukturën e zhvillimit rural; kanalet kulluese, kanalet vaditëse, energjinë elektrike, rrugët, rrugët e aksesit nëpër ara, por edhe infrastrukturën e agropërpunimit, magazinat, frigoriferët dhe përpunimin e prodhimit bujqësor dhe blegtoral që asgjë të mos hidhet në kanal, asgjë të mos shkojë kot dhe prodhimi i bujkut, i fermerit shqiptar, jo vetëm të konkurojë denjësisht dhe të jetë i preferuar në tregun e brendshëm por po kështu të konkurojë denjësisht e të eksportohet.

Djersa e fermerit shqiptar të mos shkojë kot.

Me këto masa ne do t’ia dalim që fermeri shqiptar të kalojë nga pamundësia dhe mbijetesa tek të ardhura mbi 1 milionë lek. Dhe në momentin që do të kemi fermerin shqiptar me të ardhura mbi q milionë lek siç është sot fermeri i Kosovës, siç është sot fermeri i Maqedonisë, atëherë fermeri shqiptar nuk do të jetë më skllav në mëshirën e pushtetit, nuk do të jetë skllav i tokës, por do të jetë shtresë e mesme shqiptare.

Ky është objektivi i Partisë Demokratike.

Shtresa e mesme që sot me zor bëhen 20 mijë veta dhe e gjithë pjesa tjetër e popullsisë është në varfëri me përjashtim të një grushti oligarkësh, që fermeri shqiptar me këto masa, të ketë mundësinëjo thjeshtë të punojë për mbijetesë e të zhytet në borxh, por të krijojë të ardhura prej mesatarisht 1 milionë lek duke u bërë shtresë e mesme, në kuptimin e pavarësisë financiare, në kuptimin e të ardhurave, në kuptimin e sigurisë për të nesërmen.

Ky është plani ynë.

Dhe me këtë plan ne do të shërojmë edhe një plagë që po bëhet gjithmonë dhe më e madhe që është plaga e largimit nga Shqipëria në veçanti të rinisë që me siguri, nuk ka familje në Lushnje dhe në Fier, si kudo në Shqipëri që nuk e ndjen këtë plagë thellë në mish.

24 dhe 24 vjeçarë që largohen ditë përditë në kërkim të një jete më të mirë sepse ata që duhet t’i marrin ose t’i mbajnë në punë, nuk kanë më të ardhura dhe në rastin më të mirë i nxjerrin paratë nga xhepi për t’i mbajtur në punë, për të mos i hequr nga puna.

Me planin tonë jo vetëm që do të fuqizohet bujqësia, blegtoria, agro – biznesi dhe biznesi në tërësi, por do të rritet mundësia e tyre, jo vetëm për të mbajtur në punë këta që i kanë, por të marrë në punë njerëz të tjerë, për të rritur punësimin me paga dinjitoze.

Kjo është një Shqipëri tjetër, një Shqipëri ku përfitojnë të gjithë, jo vetëm kryeministri, banditët e inceneratorëve, oligarkët dhe klientët e tij.

Kjo është zgjedhja që shtrihet para nesh.

Do të qëndrojmë në këtë rrugë që çon Lushnjen, Fierin dhe të gjithë Shqipërinë drejt shkatërrimit, drejt varfërisë, drejt izolimit, për hir të pasurimit dhe pushtetit dhe një grusht njerëzish, apo do ta braktisim këtë rrugë se e dimë ku na çon, se kemi qenë 30 vjet përpara, rrugën e absolutizmit, dhe do të shkojmë në një rrugë e cila u shërben të gjithë shqiptarëve e në veçanti u shërben njerëzve të punës.

Një nga masat e tjera që do të merren dhe që do të ketë efekt edhe tek bujqësia edhe tek blegtoria është heqja e “Taksës Rama” mbi karburantin.

Në vitin 2014 dhe 2015 përkundër kundërshtive dhe protestave popullore që thirri opozita, Edi Rama e rriti çmimin e karburantit me 240 lek për litër.

Si rezultat i kësaj karburanti në Shqipëri është më i shtrenjti në Ballkan.

Karburanti është gjaku i ekonomisë.

Karburanti më i shtrenjtë do të thotë që prodhimet tona janë më shtrenjta.

Prodhimet bujqësore, blegtorale, industriale, shërbimet tona janë më të shtrenjta, transporti ynë është më i shtrenjtë.

Ne nuk konkurojmë dot me Malin e Zi, ne nuk konkurojmë dot me Kosovën, me Maqedoninë, për shkak edhe të çmimit të naftës.

Heqja e “Taksës Rama” mbi naftën do të jetë një ndihmë e jashtëzakonshme, edhe për fermerët, edhe për biznesin, edhe për qytetarin shqiptar.

Por sot dua të deklaroj se kjo nuk do të jetë hapi i vetëm.

Cilësia e naftës shqiptare është cilësia më e keqe në Ballkan dhe rrjedhimisht edhe në Europë. Sepse nafta e dinë të gjithë, përzihet, e shkatërron automjetet e shqiptarëve, shkatërron automjetet e biznesit, rrit koston e transportit.

Ndaj brenda 100 ditëve të para unë zotohem t’i japim fund përmes një mekanizmi kontrolli, ndëshkimi, dhe vënie para përgjegjësisë, përzierjes së naftës dhe naftës pa cilësi në tregu shqiptar.

E gjitha kjo, përfshirë edhe uljen e taksave, të jeni të sigurtë se jo vetëm nuk do të ndikojë negativisht në buxhetin e shtetit, por dua të deklaroj me përgjegjësi se në vitin e parë do të kemi të paktën 50 milionë Euro më shumë, sepse ne do t’i japim fund kontrabandës dhe evazionit që vjen nga sektori i karburanteve.

Kjo luftë, kjo betejë, që paratë i përfitojnë oligarkët e inceneratorëve, abuzuesit me karburantet, këto para do të destinohen për shqiptarët.

Kjo nuk është beteja e Lulzim Bashës, as beteja e Partisë Demokratike, por është beteja e çdo shqiptari.

Dua t’i them sot të gjithë fermerëve të Lushnjes, të Myzeqesë, të Fierit e të gjithë Shqipërisë e çdo qytetari shqiptar se jetojmë në një vend të bekuar nga Zoti por të vjedhur dhe të keqqeverisur ndaj le ta ndalim kujën dhe vrasjen e shpresës, le ta ndalim largimin, të qëndrojmë së bashku këtu, dhe së bashku t’i japim fund së keqes, dhe të nisim ndryshimin se nga ky ndryshim do të përfitojnë të gjithë, do të përfitojë brezi i ri, do të përfitojnë fermerët, do të përfitojë sipërmarrja, do të përfitojnë të punësuarit dhe të papunët.

Falemnderit.

Read More

• PD publikon fakte të reja të shkeljes së ligjit elektoral nga PS. Luçiano Boçi: Drejtorët e shkollave kanë urdhëruar mësuesit të mbledhin të dhënat personale të prindërve.
• Fushata e pistë e PS: Asnjë skemë dhe asnjë makinacion i paligjshëm, nuk e shpëton Edi Ramën nga humbja. Kush shkel ligjin, e ka vendin para drejtësisë. Ndryshimi është i pandalshëm.

DEKLARATË E PARTISË DEMOKRATIKE, LUÇIANO BOÇI

Këto ditë kanë qenë të mbushura me denoncime nga mediat, të cilat kanë sjellë fakte, dëshmi dhe prova rreth përpjekjes së Partisë Socialiste për të deformuar votën e qytetarëve.

Me urdhër të Edi Ramës është angazhuar çdo hallkë shtetërore në një operacion të paligjshëm që angazhon administratën publike në fushatën e pistë të partisë në pushtet.

Nuk është vetëm përpjekja e dështuar me manipulimin e listave përmes zhvendosjes së votuesve në të gjithë Shqipërinë, nuk është vetëm mbledhja e kartave të identitetit me urdhrat e paligjshëm të drejtorëve të spitaleve, siç pamë në Peshkopi.

Në lojë kanë hyrë edhe drejtorët e shkollave, të cilët janë disa militantë që nuk punojnë për të mirë  e nxënësve, por i shërbejnë partisë shtet.

Drejtorët e shkollave janë urdhëruar të marrin të dhënat personale nga prindërit e nxënësve. Prindërve u është kërkuar në grupet e whatsapp -it që të dërgojnë foto të kartave të identitetit, me justifikimin e teksteve mësimore. Ky është një keqpërdorim skandaloz që u bëhet shkollave, është një politizim i dëmshëm i qendrave të dijes, të cilat po kthehen në organizata partie.

Prandaj ndodhem në shkollën “Onufri” më Elbasan. Drejtori i kësaj shkolle, Ervin Goxhaj, me urdhër politik dhe të paligjshëm u ka kërkuar mësuesve të mbledhin kartat e identitetit të prindërve.

Ky është një grup online i një klase në këtë shkollë, ku, në vend të ndahet shqetësimi për mësimin e cunguar dhe pa kushte, nxënësve u kërkohen kartat e identitetit të prindërve, sepse Edi Ramës dhe Taulant Ballës nuk i dalin llogaritë.

Komunikimet elektronike që provojnë këtë ne i disponojmë dhe Drejtori i kësaj shkolle do të çohet menjëherë për ndjekje penale. Kjo do të ndodhë me këdo që do të guxojë të vjedhë identitetin e votuesve shqiptarë përmes mekanizmash të fëlliqur dhe presionit ndaj mësuesve.

Nga Elbasani, i kërkoj Ministres së  Arsimit të ndërpresë këtë praktikë që, së pari, turpëron atë vetë si pedagoge që ka dhënë mësim në Elbasan.

Të mos u sigurosh nxënësve kushte normale për mësim apo kushtet minimale të sigurisë për shëndetin, por t’u kërkosh më dhunën e pushtetit të dhëna personale për llogari të partisë në pushtet, është kriminale.

Asnjë skemë e tillë, asnjë makinacion nuk e shpëton dot Edi Ramën nga humbja.

Numërimi mbrapsht për të ka filluar.

Read More