Blog

Kryetari i Partisë Demokratike ishte sot në qytetin e Laçit ku u takua me qytetarë të papunë dhe biznese që po vuajnë pasojat e rënda të krizës. Qytetarët janë hequr nga puna jo vetëm për shkak të rënies së xhiros së bizneseve, por edhe nga institucionet shtetërore. Bashkia, ujësjellësi dhe ndërmarrjet publike janë shndërruar në hambarë për militantë që nuk shkojnë asnjë ditë në punë.

Veçanërisht i rëndë është konstatimi i qytetarëve se shumë banesa në gjendje shumë të mirë po shemben pa asnjë paralajmërim nga shteti. Kjo aferë korruptive – tha Z. Basha – bëhet për t’i dhënë këto troje për ndërtime shumëkatëshe për sponsorët e regjimit. Duke iu referuar statistikave të të papunëve, Z. Basha paralajmëroi pushtetin se 40% e shqiptarëve pritet t’i shtohen listës së të papunëve, nëse shteti nuk zbaton urgjentisht planin e rimëkëmbjes me 5 pika të Partisë Demokratike.

Kryetari Basha sqaroi qytetarët dhe sipërmarrësit e vegjël se 5 pikat e Planit të Rimëkëmbjes synojnë pikërisht rikthimin në punë të bizneseve dhe rimarrjen në punë të qytetarëve që kanë humbur vendin e punës gjatë pandemisë:

• Çeku prej 1,000 euro për biznesin e vogël për të lehtësuar barrën e pagesave dhe shpenzimeve të papërballueshme për 6 muajt e ardhshëm;
• Pagesa mujore prej 160 mijë lekësh të vjetra për ata që kanë humbur vendin e punës, si minimum konsumi për 6 muajt e ardhshëm;
• Pagesa mujore prej 200 mijë lekësh për çdo punonjës që biznesi rikthen në punë gjatë 6 muajve të ardhshëm;
• Shtesa mujore prej 20 mijë lekësh për pensionistët për shpenzimet shëndetësore shtesë gjatë 6 muajve të ardhshëm;

Basha u tha qytetarëve dhe sipërmarrësve në qytetin e Laçit se fondet për këtë plan 300 milion eurosh janë në buxhet dhe për fat të keq sot u jepen një grushti miqsh të regjimit të Edi Ramës.

Prioriteti numër 1 sot – u shpreh Z. Basha – është të shpëtojmë buxhetin e familjeve nga falimentimi deri më 25 prill. Pas 25 prillit, rikthimin e ekonomisë në binarët e rritjes dhe zgjerimin e fuqizimin e klasës së mesme do ta bëjmë bashkë me programin ekonomik të qeverisë së Partisë Demokratike. Pjesë e këtij programi është edhe plani i mbështetjes për bujqësinë që është sektori që punëson më shumë shqiptarë – deklaroi Z. Basha.

• Taksistët janë një nga kategoritë më të prekura të krizës nga pandemia me një xhiro që ka rënë deri në 30%.

• Trajtimi monopolist, taksa “Rama” për karburantin, trafiku i rënduar, problemet kryesore për tregun e taksive.

• Plani me 5 pika i PD ndihmon edhe taksistët. Po të heqë dorë nga aferat korruptive, qeveria ka mundësi të ndihmojë njerëzit.

• Për 7 vite nuk pati rritje pagash. Para një bilanci negativ, Rama nuk ka rrugëdalje, por përsërit të njëjtat premtime të pambajtura.

• Shqiptarët nuk presin të dëgjojnë premtime të tjera nga dikush që nuk i mban ato. Shqiptarët presin ndryshim për t’u larguar nga rruga e rrezikshme e krizës dhe e izolimit.

KOMUNIKIMI I KRYETARIT LULZIM BASHA ME GAZËTARËT PAS TAKIMIT ME TAKSISTËT NË TIRANË

Pyetje: Cilat ishin shqetësimet kryesore që iu shprehën taksistët?

Lulzim Basha: Problemi kryesor që taksistët kanë është thellimi i krizës ekonomike që reflektohet në një rënie të madhe të numrit të pasagjerëve, pra të xhiros, u përmend një mesatare prej 30% e xhiros që kanë pasur përpara.

Pra, në përgjithësi këto ditë kam parë shumicën e bizneseve që kam vizituar, ka një rënie prej 50% të xhiros. Taksistët janë ndër sektorët më të goditur, edhe në kuptimin e turizmit që morën një goditje, por edhe në kuptimin e zbrazjes së xhepave të njerëzve që edhe kur kanë nevoja ekstreme, nevojën për të shkuar në spital apo kudo tjetër e kanë të pamundur të marrin taksinë.

E dyta, është një problem i vjetër i shkaktuar nga kjo qeveri, që është rritja e çmimit të naftës dhe të benzinës që është 240 lekë/litër, për shkak të vendosjes së një takse të padrejtë nga kjo qeveri prej 240 lekësh për çdo litër karburant.

Këtu i njoha me zotimin tim që është pjesë e planit tonë ekonomik, eliminimin e taksës “Rama” mbi karburantin e cila do të bëjë të mundur që karburanti shqiptar të vijë në nivele të ngjashme të çmimit të karburantit në vendet fqinj. Dhe kjo do të ndihmojë jo vetëm taksistët dhe transportin por do të ndihmojë në tërësi ekonominë sepse karburanti është gjaku i ekonomisë.

Taksistët e Tiranës kanë edhe një problem tjetër të jashtëzakonshëm që sa vjen e rritet që është  trafiku. Natyrisht, ky është problemi i çdo qytetari të Tiranës dhe problemi juaj, është problemi i çdokujt.

Dhe në këtë kuadër përmendëm disa probleme që janë thelluar, siç është për shembull ajo që e konsiderojnë si shtimi i korsive të biçikletave, që sjell edhe rrezik për transportin edhe ngushton edhe arteriet e trafikut, Është problem edhe për biznesin sepse nuk kanë ku të parkojnë makinat dhe  e kanë shumë të vështirë klientët potencialë që të parkojnë dhe të shkojnë në sipërmarrje.

Ajo që ngrejnë dhe që e dëgjoj kudo është se numri i përdoruesve i këtyre korsive të biçikletave është shumë i ulët, pra ka një përfitim të ulët dhe një kosto shumë të madhe qoftë për trafikun, qoftë për sipërmarrjen, qoftë për mungesën e parkimeve në kryeqytet.

Por problemi kryesor dhe më i madh që kanë është trajtimi i padrejtë që iu bëhet.

Ka një diferencim midis taksistëve që janë pronar të makinave të tyre dhe një trajtimi monopolist që iu bëhet disa faktorëve të tjerë në treg; kjo, çmimi i karburantit, trafiku i shtuar në qytet dhe fakti që iu është dashur të paguajnë detyrimet kokërr më kokërr, iu shkojnë 1.5-1.6 milionë lekë të vjetra në vit, ndërkohë që konsumi ka rënë i ka shtyrë në kufijtë e mbijetesës. Në kufijtë e mbijetesës do të thotë që mezi ia arrijnë të nxjerrin të ardhura në muaj mesatarisht sa një pagë minimale.

Këto probleme të taksistëve sot janë në fakt problem i gjithë sipërmarrjes së vogël. Ndaj dhe propozimi dhe plani ynë me 5 pika për këtë sektor, sektorin e biznesit të vogël parashikon një çek prej 1000 eurosh për 6 muajt e ardhshëm.

Nuk është një shumë marramendëse që nuk përballohet dot  nga buxheti i shtetit, në qoftë se hiqet dorë nga vjedhja dhe shpërdorimi që vazhdon dhe sot që flasim me afera korruptive të përditshme edhe sipërmarrja mund të ndihmohet, edhe njerëzit që kanë humbur vendin e punës mund të ndihmohen me 160 mijë lek në muaj, edhe ata që rimerren në punë mund të ndihmohen duke i dhënë punëmarrësit që i rimerr në punë 200 mijë lek pëe t’i rimarrë në punë ata që është detyruar t’i heqë gjatë pandemisë, edhe pensionisti mund të përfitojë atë 20 mijë lekësh për të bërë shpenzimet shtesë të pandemisë.

Plani ynë me pesë pika për këto gjashtë muaj bën të mundur që para që sot shkojnë në xhepat e një grushti oligarkësh dhe në kontot bankare të tyre dhe i qeveritarëve që i ndajnë me ta të nxirren dhe të ridrejtohen aty ku ka nevojë sot më shumë shqiptari dhe ekonomia shqiptare.

Tek të papunët, tek sipërmarrja e vogël, tek biznesi në tërësi që është në krizë në tërësi, tek pensionistët dhe tek familjet në ndihmë ekonomike për të cilët kemi propozuar dyfishimin e dihmës ekonomike për gjashtë muajt e ardhshme.

Basha ju flisni pëfr mungesë masash nga qeveria por ndërkohë j9o më larg se dje Kryeministri vendosi për rritjen e pagave të mjekëve dhe arsimarëve.

Lulzim Basha: Premtime të pambajtura të këtij kryeministri dhe të kësaj qeverie për shtatë vite kenio kaq shumë sa që po ti vini në sinkron do t’ju duhet 10 orë për të përsëritur premtimet e pambajtura në 7 vjet të 0-pushtetit.

Të gjithë e kuptojnë se i gjendur përballë një bilanci shumë negativ që rëndon në tavolinat dhe xhepat e shqiptarëve ky njeri nuk ka asnjë rrugëdalje tjetër përveçse të përsërisë të njëjtat premtime të pambajtura.

300 mijë vende pune, ka çuar 500 mijë shqiptarë jashtë vendit.

Shëndetësia falas, shëndetësia për faqe të zezë.

Ndërsa për 7 vite me rradhë nuk pati asnjë rritje pagash, madje mund të themi që indeksimi mbi inflacionin ishte më i ulët se sa vetë inflacioni.

Prandaj nuk mendoj se shqiptarët sot presin të dëgjojnë premtime të tjera nga dikush që ka shtatë vjet që nuk i mban premtimet e tij.

Shqiptarët presin ndryshim dhe ndryshimi është i domosdoshëm për t’u larguar nga kjo rrugë e rrezikshme ku është futur vendi, rruga e krizës ekonomike, rruga e varfërisë, rruga e papunësisë dhe rruga e izolimit të vendit nga bota dhe Europa.

Pyetje: Z. Basha, keni një koment për Raportin e publikuar një ditë më parë nga Komisioni Europian?

Lulzim Basha: Do të kem një takim sot me Komisionerin.

Pyetje: Çfarë qëndrimi do të shprehni përpara Komisionerit?

Lulzim Basha: Ta bëjmë takimin një herë pastaj të flasim për qëndrimin.

Pyetje: Ai ka parashikuar të zbresë në terren siç tha, pasi i ka shqetësim koalicionet?

Lulzim Basha: Të bëj takimin, pastaj t’ju them për qëndrimin nqse jemi dakord.

Falemnderit dhe ditë të mbarë!

Basha, takime me biznesin e taksive në Tiranë.

Kryetari i Partisë Demokratike, Z. Lulzim Basha zhvilloi sot një varg takimesh me bizneset e taksive në qytetin e Tiranës.

Taksistët janë kategoria më e goditur nga karantina 3 mujore, ndërsa masat e distancimit fizik kanë dekurajuar kërkesën për këtë shërbim.

Vetëm në qytetin e Tiranës më shumë se 2000 taksistë paguajnë çmimin më të lartë të karburantit në kontinent, tarifa të larta të liçensimit dhe kosto të rritura nga burokracitë e panevojshme.

Kërkesat kryesore të qytetarëve të vetëpunësuar në këtë sektor ishin po ato urgjenca që programi ekonomik i Partisë Demokratike parashikon të zgjidhë.

Basha u prezantoi taksistëve planin e tij për përgjysmimin e taksës së qarkullimit. Ky përgjysmim i taksës – tha Z. Basha – do të ulë kostot për të gjithë sektorët e ekonomisë.

Më shumë para në xhepat e sipërmarrësve dhe qytetarëve do të thotë konkurrencë më e madhe për shërbime më cilësore dhe ekonomi më të madhe.

Problemet kryesore – tha Z. Basha – mund të përmblidhen në çmimin e lartë të karburantit për shkak të taksave të larta, konkurrencën e pandershme dhe monopolin në sektorin e taksive. Regjimi ka bllokuar me monopolet e oborrit të tij edhe këtë segment të biznesit të vogël dhe vetëpunësimit.

Plani ynë i Rimëkëmbjes me 5 pika është një ndihmë shpëtimtare veçanërisht për biznesin e taksive në 6 muajt e ardhshëm:

Çeku prej 1000 eurosh për gjashtë muajt e ardhshëm mbulon kostot e larta të liçencës, taksave lokale dhe shërbimeve teknike shtesë, që taksistët kanë vite që s’i përballojnë dot;

Pagesa mujore shtesë prej 160 mijë lekësh pë rata që kanë humbur punën, shtesa prej 20 mijë lekësh për të gjithë pensionistët dhe nxitja e ripunësimit duke ndihmuar me 20 mijë lekë në muaj bizneset për çdo ripunësim;

E gjithë paketa do të ndihmojë konsumin me mbi 300 milion euro dhe do të zbusë ngërçin e konsumit në tërësi.

Basha u angazhua, në fund të këtij takimi, se programi i Partisë Demokratike do të ulë taksat, do të luftojë monopolet dhe rikthejë konkurrencën në këtë sektor si në të gjithë sektorët e ekonomisë.

• Mbledhja e kartave të identitetit stafit spitalor në Peshkopi, skemë kriminale e paligjshme. PD: Paditen në prokurori drejtori i spitalit dhe vëllai i Ulsi Manjës. Përpjekjet e Edi Ramës kanë për të dështuar.

DEKLARATË E PARTISË DEMOKRATIKE, ENKELEJD ALIBEAJ

6 muaj përpara largimit me votë plebishitare, Edi Rama po bën çdo gjë për të deformuar vullnetin e shqiptarëve në zgjedhje. Është kapur sërish në flagrancë duke shkelur ligjin. Dhe sërish në Peshkopi, aty ku ndodhi “tërmeti” i vjedhjes së votave, që të gjithë e kanë parë përmes dosjes 189.

Emisioni investigativ “STOP” ka sjellë fakte të pakundërshtueshme se krimi elektoral është kryer në spitalin e Peshkopisë. Me urdhër të drejtorit Artan Bitri, stafit spitalor i janë mbledhur kartat e identitetit. Arsyen tani e ka marrë vesh i madh dhe i vogël: duan të pengojnë njerëzit të votojnë në zgjedhje ose të devijojnë votën e tyre.

Një pjesë nga investigimi i “Stop”-it tregon skemën kriminale të Partisë Socialiste në Peshkopi.

VIDEO

Skema e mbledhjes së kartave të identitetit, duke kërcënuar nënat, gratë, kryefamiljarët me bukën e fëmijëve është kriminale. Ajo ka për të dështuar. Njësoj siç dështoi në mënyrë spektakolare skema për ndryshimin e qendrave të votimit të mijëra e mijëra votuesve në të gjithë vendin, pas denoncimit në emisionin tjetër investigativ “Boom”.

Edi Rama, që sot flet për rritje pagash, për ulje taksash, për investime dhe vende pune e ka provuar veten në këto 7 vjet që është një mashtrues i rëndomtë dhe një politikan i pabesë. Ai nuk ka për të mbajtur asnjë premtim, siç nuk mbajti premtimin për hapjen e 300 mijë vendeve të punës, premtimin për shëndetësinë falas, për legalizimet falas, për uljen e taksave dhe rritjen e pagave dhe pensioneve këto 8 vjet.

E vetmja strategji elektorale e tij është mashtrimi, kërcënimi i administratës, bashkëpunimi me kriminelët.

E ka të kotë! Asnjë nga këto nuk ka për t’i ecur. As makinacionet e tij në parlament, as shpërndarja e formularëve te administrata, as mbledhja e kartave të identitetit.

Si fillim, Drejtori i Spitalit të Peshkopisë, Artan Bitri, do të dërgohet menjëherë për ndjekje penale. Vëllai i Ulsi Manjës gjithashtu, Hasan Manja, i Kujdesit Shëndetësor do të kallëzohet në prokurori për shkeljen e ligjit.

Vëllai i Kryetarit të Komisionit të Ligjeve ka shpërndarë formularin e Partisë Socialiste tek mjekët, infermierët dhe stafi shëndetësor në Dibër, duke i detyruar të gjejnë njerëz për të votuar për Edi Ramën. Kjo është plotësisht e ndaluar nga ligji dhe këta të dy do të përballen me drejtësinë.

Çdo person tjetër që do t’i bindet këtij pushteti të kalbur për të ndryshuar vullnetin e shqiptarëve ne zgjedhje nuk ka për t’i shpëtuar drejtësisë. Në 26 prill, Edi Rama nuk do të ketë fuqi të mbrojë askënd!

•              Kredia e bizneseve me qëllim për të paguar rrogat e punonjësve dhe për të ruajtur vendet e punës duhet të subvencionohet nga shteti.

•              Kushtet e garancisë sovrane për biznesin të rishikohen që të përfitojnë të gjithë, jo vetëm një grusht oligarkësh.

•              Plani me 5 pika i PD nuk është një mrekulli, por është një plan konkret për të stabilizuar dhe normalizuar një situatë krize të thellë ekonomike dhe sociale.

DEKLARATA E KRYETARIT TË PARTISË DEMOKRATIKE, LULZIM BASHA, PAS TAKIMEVE ME BIZNESIN E MADH

Në planin tonë që ka të bëjë me këto gjashtë muaj është e domosdoshme që sipërmarrja në tërësi të mbështetet.

Dhe për mbështetjen e sipërmarrjes ne kemi dy masa të veçanta, për biznesin e vogël një çek prej 1 mijë eurosh për gjashtë muajt e ardhshëm për të paguar shpenzimet e taksave, energjisë dhe shpenzime të tjera dhe për të mbajtur kokën mbi ujë, sepse jam shumë i brengosur nga numri i madh i bizneseve që po falimentojnë përditë, jo përjavë, bëhet fjalë për dhjetëra biznese që falimentojnë përditë. Njerëz që dalin nga puna, të vetëpunësuar që humbin të ardhurat me të cilat ushqejnë veten e tyre dhe familjen e tyre.

Sa i përket sipërmarrjes punëdhënëse siç është kjo ku jemi sot e të tilla ka shumë edhe në zonën e Niklës dhe kudo në Shqipëri, është e domosdoshme që të kenë mundësi që të përfitojnë nga kredia me garanci sovrane, pra kredia me interes të ulët.

Dhe në planin tonë me 5 pika parashikojmë që interesi mbi 2% të subvencionohet nga shteti, pra të jenë në gjendje ta marrin kredinë jo më shumë se 2 % kur bëhet fjalë për kredinë për shpenzime operative apo për investime kapitale.

Kredia që u duhet, siç u duhet disave, për fat të keq, për të paguar rrogat e punonjësve, sepse nuk i paguajnë dot, sepse nuk shesin dot, duhet të jetë me zero interes dhe duhet të subvencionohet tërësisht nga shteti.

Në letër këto gjëra janë thënë, në praktikë nuk janë bërë dhe kanë përfituar shumë pak njerëz, kanë përfituar një grusht njerëzish që populli i quan oligarkë.

Prandaj është e domosdoshme për sipërmarrjen të Niklës dhe të gjithë Shqipërisë që garancia sovrane për biznesin dhe për sipërmarrjen punëdhënëse dhe që ka shumë punonjës, të funksionojë, kushtet të rishikohet, të jenë në gjendje të shkojnë në banka dhe t’i marrin me interes të ulët kredie sepse imagjinoni larg qoftë, mbyllja e një biznesi të tillë do të thotë automatikisht 50 familje humbasin bukën e gojës.

Përsa i përket masave të tjera për njerëzit, ne kemi propozuar në planin me 5 pika, që të gjithë ata që humbën vendin e punës për shkak të situatës gjatë këtij viti të marrin një cek prej 160 mijë lekësh të vjetra çdo muaj për 6 muajt e ardhshëm. Dhe për këdo që ka humbur vendin e punës dhe e rimerr në punë, punëdhënësit i jepet një çek prej 200 mijë lekësh të vjetra në muaj me kusht që ta rimarrë në punë atë që është detyruar ta largoja nga puna për shkak të pandemisë.

Dhe së fundi edhe për pensionistët të cilët edhe nga mosha, edhe nga pensionet që janë tërësisht të ulëta dhe nuk përballojnë dot koston e jetesës, në veçanti në pandemi ku kanë kosto shtesë një çek prej 20 mijë lekësh të vjetra në muaj për 6 muajt e ardhshëm për çdo pensionist për të përballuar kostot shtesë. Është një plan konkret, nuk është një mrekulli, por është një përpjekje për të stabilizuar dhe normalizuar një situatë krize të thellë ekonomike dhe sociale. Ky është plani me 5 pika i Partisë Demokratike.

• Rrëzohet teza e Edi Ramës për “modelin shqiptar te koalicioneve”, Bylykbashi dhe Vasili tregojnë ku përdoret ky model në BE

• Ndryshimet e njëanshme te Edi Rames me rregullat e zgjedhjeve kanë për qëllim të reduktojnë humbjen e Edi Ramës në 25 Prill.

• Asnjë truk dhe asnjë tentativë e Edi Ramës nuk do te ndale fundin politik të kësaj maxhorance në 25 prill dhe fitoren e opozitës në zgjedhje

• Ndryshimet e njëanshme jo vetëm nuk sigurojnë lista të hapura, por u heqin të drejtën partive politike të garojnë të lira në një koalicion, i cili, megjithatë, do ta mundë Edi Ramën në të 12 qarqet e Shqipërisë

• Kandidimi i kryetareve ne 4 qarqe, PD: Ndryshimet e njëanshme kundër rekomandimeve te OSBE/ODIHR për zgjedhje të lira e të ndershme. E mundim Ramën në 12 qarqe

DEKLARATA E PLOTË E OERD BYLYKBASHIT NË KONFERENCËN PËR MEDIAN

Oerd Bylykbashi: Përshëndetje! Jemi në këtë komunikim me ju të nderuar gazetarë, në lidhje me reformën zgjedhore dhe  gjendjen ku është reforma zgjedhore në prag të votimit të nesërm të parlamentit.

Është një reformë zgjedhore e cila u ngrit mbi bazën e një Marrëveshje, ajo e 14 Janarit, e cila kishte si mekanizëm të reformës konsensusin midis partive politike, jo vetëm midis maxhorancës në Parlament, por edhe mes maxhorancës dhe opozitës të bashkuar, si i vetmi instrument që legjitimon një reformë konsensuale, siç kërkohet nga BE.

Ju e dini që reforma konsensuale është një nga 15 kushtet për hapjen e negociatave të Shqipërisë.

14 Janari shtoi bazat për atë që ishte 5 Qershori, marrëveshja e cila konkludoi të gjitha parametrat mbi të cilat Këshilli Politik i cili funksionon mbi mekanizmin e konsensusit, miratoi më 30 qershor tekstin integral, konsensual për reformën zgjedhore.

Është ky tekst i cili më datë 23 korrik u miratua nga Parlamenti, siç ishte rënë dakord në marrëveshjen e 14 Janarit, pa asnjë ndryshim.

Është kjo reformë zgjedhore konsensuale në Këshillin Politik që garantoi konsensus për të rritur standardin e zgjedhjeve të vitit 2021. Është një reformë zgjedhore e cila solli instrumente shtesë për të garantuar që zgjedhjet e 2021 të kenë sa më pak probleme dhe t’i priten duart ndërhyrjes së partisë në pushtet për të transformuar rezultatin e zgjedhjeve siç ka bërë në të shkuarën.

Me votimin e nesërm të bazuar në votimin e njëanshëm të ndryshimeve kushtetuese, Edi Rama shkatërron pikërisht marrëveshjen e 14 Janarit, shkatërron konsensusin që ndërtoi Këshillin Politik, shkatërron marrëveshjen e 5 Qershorit dhe produktin konsensual të kësaj marrëveshje.

 Duke ndërhyrë drejtpërdrejtë në elementë që u dakordësuan në 5 Qershor, u miratuan në aspektin teknik në 30 qershor dhe parlamenti i kaloi dhe i bëri ligj konsensual më datë 23 korrik të këtij viti.

Ndërhyrjet e nesërme do të krijojnë konfuzion në mënyrën se si do të funksionoi sistemi zgjedhor dhe e gjithë kjo bëhet vetëm për një qëllim, sesi Edi Rama të reduktojë sa më shumë që të ketë mundësi humbjen e tij në zgjedhjet e ardhshme.

Në çdo rast, asnjë truk dhe asnjë tentativë e Edi Ramës për të ndërhyrë në sistemin zgjedhor nuk do të ndalë atë që në 25 prill do të jetë fundi politik i kësaj maxhorance dhe fitorja e opozitës.

Në të gjithë përpjekjen e tij për të thënë që procesi i reformës, që ai po përmbyll në një mënyrë të njëanshme, nuk është gjë tjetër veçse ishte një përpjekje për të përdorur Këshillin Politik, por pa sukses që të legjitimonte njëanshmërinë e ndryshimeve kushtetuese që jo vetëm nuk iu garantuan zgjedhësve shqiptarë listat e hapura, por nga ana tjetër po heq mundësinë që partitë politike të garojnë të lira në një koalicion i cili do ta mundë Edi Ramën në të 12-të qarqet e Shqipërisë.

Më lejoni të theksoj edhe diçka që duhet të jetë në vëmendjen e të gjithë publikut shqiptar. Edi Rama me këto ndryshime që voton nesër ndryshon rregullat themelore të lojës pasi loja ka filluar. Procesi zgjedhor tashmë ka filluar me daljen e dekretit të Presidentit të Republikës, partitë politike kanë fituar të drejtën që të përdorin instrumentat e ligjit sot në fuqi, përfshi koalicionet zgjedhore siç janë sot në fuqi, dhe ndryshimi i rregullave bie ndesh me standardin e Këshillit të Europës dhe OSBE-së që elementët thelbësore nuk ndryshohen kur ka kaluar një vit para datës së zgjedhjeve. Pra, çdo ndryshim i nesërm bie ndesh me standardin dhe është vetmja arsye pse OSBE/ODIHR-i do të ishte garanti i Marrëveshjes së 14 Janarit për mosdakordësi. Në tre javë ne tentuam që t’i drejtohemi ODIHR-it dhe për tre javë rresht PS bllokoi Këshillin Politik për t’iu drejtuar ODIHR-it që të na jepte opinionin e tij në lidhje me përputhshmërinë, me standardet për atë që po bën PS.

Pyetje: Çfarë do të bëjë PD-LSI për të frenuar nesër miratimin e ndryshimeve kushtetuese në Parlament? A keni ju një thirrje 24 orë para votimit për ata të cilët nuk u bindën djegies së mandateve, referohem opozitës parlamentare, të cilët nesër kanë në dorë edhe votimin e këtyre ndryshimeve?

Oerd Bylykbashi: Opozita e bashkuar tashmë ka shpjeguar qartë qëndrimet e saj përsa i përket të gjithë kësaj tentative të Edi Ramës për të ndryshuar rregullat, me një qëllim të vetëm që të mos humbasë zgjedhjet aq thellë sa me rregullat aktuale i humbet.

Ajo që është e qartë është se sido që ta bëjë sistemin opozita fiton zgjedhjet e ardhshme. Dhe angazhimi jonë është që me zgjedhjet e ardhshme rezultati të jetë i tillë, të jetë i thellë që të mos i lërë shteg Edi Ramës që të ndryshojë sistemin, në çdo formë që ai dëshiron.

Të gjitha qëndrimet tona janë bërë jo vetëm publike por janë bërë prezentë faktorit ndërkombëtar, i cili tashmë e ka të qartë shkeljen e çdo standardi për sa i përket zgjedhjeve të ndershme, një komponent thelbësor si për OSBE-në, të cilën z.Rama e pretendon se e drejton, edhe për Këshillin e Europës.

Pra, ndryshimet e nesërme nuk do të pengojnë fitoren e opozitës në asnjë rast. Sigurisht më pas është barra morale për të gjithë ata që i dhanë mundësinë Edi Ramës të ndryshonte Kushtetutën në mënyrë të njëanshme nëpërmjet pazaresh, siç ajo që shohim dhe në tekstin aktual që përpiqen të miratojnë nesër, ku dispozita të caktuara shkojnë drejtpërdrejtë ndeshmë rekomandimet e OSBE/ODIHR-it në të shkuarën të cilat i kemi trajtuar dhe i kishim zgjidhur, rikthehen sërish me shkelje standardesh në lidhje me barazinë e kandidimit dhe mosdiskriminimin e subjekteve zgjedhore.

Pra, është detyrë e atij Parlamenti që nesër të mos kalojë atë draft i cili nuk do të bëjë gjë tjetër veçse do të dërrmojë standardet e zgjedhjeve, por kjo nuk pengon opozitën për të fituar zgjedhjet e ardhshme.

Pyetje: Zoti Bykykbashi ju jeni shprehur vazhdimisht që propozimet e mazhorancës për listat dhe koalicionet janë antikushtetuese. A do ta çoni kodin që të miratohet nesër në Kushtetuese? Ju thatë që Rama tentoi të përdorte Këshillin për të kaluar draftin e tij të njëanshëm! Në çfarë mënyrë ka dashur t’ju përdorë?

Oerd Bylykbashi: Gjykata Kushtetuese nuk ekziston 4 vite pas miratimit të reformës në drejtësi. Është bllokuar në mënyrë të qëllimshme që çështje madhore dhe shkelje themelore të Kushtetutës, askush të mos jetë në gjendje t’i çojë në Gjykatë Kushtetuese.

Modeli që propozon Partia Socialiste është antikushtetues, koalicionet nuk janë të drejtë që të propozojnë kandidatë. Kushtetuta është në përputhje të plotë me Kodin Zgjedhor në fuqi, me modelin e koalicionit që kemi sot, i cili është model që ekziston, është në fuqi. Koalicioni me listë të përbërë që ka Shqipëria është marrë nga modeli italian dhe sot është në fuqi në Itali, ligji zgjedhor italian.

Ju keni Edi Ramën që ka gjithë këto kohë që thotë se “Nuk ekziston askund në Europë ky model”, –“Më jepni një rast të vetëm dhe tërhiqem”.

Ne e kemi marrë nga Italia në vitin 2003, ne e kemi marrë me konsensus në vitin 2003, pra PS-PD e kanë miratuar me konsensus këtë model. Dhe Italia, parlamenti italian e ka miratuar në nëntorin e vitit 2017 ligjin ashtuquajturin ligji “Rosato”, i cili aplikon për zgjedhjet për parlamentin italian, koalicionin me listë të përbërë siç e kemi ne, është sot në fuqi.

Nga viti 1995 Italia aplikon koalicionin me listë të përbërë për të gjitha zgjedhjet në nivel rajonal apo në nivel bashkie.

Modeli me listë të përbërë, pra ky që përfshihet në ligjin “Rosato”, apo në ligjin “Tattarela” në Itail për zgjedhjet administrative, përdoret si me listë të mbyllur edhe me listë të hapur me votim preferencial, gjë që rrëzon tezën e Edi Ramës që  për shkak se hapet lista duhet rrëzuar koalicioni zgjedhor.

Kushtetua e Shqipërisë e 30 korrikut nuk përcakton asnjë model por qartazi ndalon modelin që propozon PS dhe është tërësisht në përputhje me atë që ka sot Kodi Zgjedhor.

Tashmë, për publikun shqiptar ky është një përshkrim i ligjit “Rosato” i cili do të jetë në dispozicioni tuaj. Pra, për publikun shqiptar është edhe vendi i referencës nga e kemi marrë dhe ku përdoret sot e kësaj dite.

Është një model që është përdorë në Francë, në Belgjikë; por nëse doni një model të madh e kemi pranë nesh vendin nga e kemi marrë e përdor sot e kësaj dite. Bie teza e Edi Ramës që ky model nuk ekziston.  Koalicioni me listë të përbërë është në fuqi në një vend, në një nga demokracitë më të mëdha të Bashkimit Europian. Është gjithashtu i mirënjohur si model në institucionet e specializuara për zgjedhjet e përshkruajnë ekzakt siç funksionojnë në Shqipëri. E kemi marrë prej tyre, për rrjedhojë nuk ka asnjë ndryshim. Ajo që propozon Edi Rama është hequr në mënyrë konsensuale si problematike.

Pretendimi se është e pamundur që me listën e hapur të ketë edhe koalicione, me votim preferencial e kemi thënë edhe më herët, që nëpërmjet kësaj flete votimi të bëhet votimi për partinë që preferohet, partinë e koalicionit që preferohet dhe më pas të zgjidhet kandidati, pra numri që i korrespondon kandidatit në listën e partisë së koalicionit.

Në një fletë votimi kaq të vogël, jo më atë librin e trashë apo fletën e votimit çarçaf që pretendon Edi Rama, zgjidhet problemi.

Pra, të jetë e qartë: E gjithë përpjekja e Edi Ramës është që të ndryshojë rregullat e lojës duke futur një koalicion që përpiqet të pengojë opozitën e bashkuar, por kjo është e pamundur, prish standardin, kjo duhet shënuar, por opozita do ta çojë deri në fund këtë betejë dhe në çdo rast zgjedhjet e ardhshme do t’i fitojë.

Për sa i përket Këshillit Politik, u përpoq që ta përdorte Këshillin Politik si justifikues por e pati të pamundur, në tre javë dështoi që ta bënte këtë. E vetmja gjë që bëri pengoi zbatimin e marrëveshjes së 14 Janarit për të dërguar një kërkesë në ODIHR që të na jepte opinionin zyrtar në lidhje me këtë çështje.

Pyetje: Përderisa po hyni në zgjedhje me rregulla loje të njëanshme a do t’i njihni rezultatet e zgjedhjeve?

Oerd Bylykbashi: Reforma nisi me marrëveshjen e 14 Janarit për të plotësuar rekomandimin e OSBE/ODIHR-it, rekomandimin numër një të vitit 2019: një reformë gjithëpërfshirëse dhe konsensuale, siç ka qenë gjithmonë.

Dhe kjo u sanksionua në atë marrëveshje. Pjesëmarrja e opozitës dhe kontributi i saj në këtë reformë konsensuale nëpërmjet Këshillit Politik, ishte i vetmi moment ku opozita kishte një detyrë në lidhje me 15 kushtet e vënë Shqipërisë, në mënyrë specifike kushtin për reformën zgjedhore konsensuale.

Këtë detyrë dhe këtë angazhim opozita e kreu 100%, jo vetëm duke nderuar zbatimin e marrëveshjes së 14 Janarit, por me kontribut konsensual, me propozime të vazhdueshme, përfshi edhe një paketë ligjesh përveç Kodit Zgjedhor që i presin duart ose bëjnë të vështirë shitblerjen e votës, krime të tjera zgjedhore. Dhe nëse Prokuroria nuk do të bëjë detyrën, do të jetë e qartë që është pjesë dhe palë me qeverinë në këtë çështje.

Jemi ulur në reformën zgjedhore pa bërë zgjedhje se kush ulet para nesh; Partia Socialiste, lidershipi i saj është i tëri i inkriminuar. Kështu që reforma zgjedhor është një detyrë më vete, ne angazhohemi në maksimumin tonë dhe Kodin Penal duhet të bëjë punën me vete. kushdo që ka përgjegjësi penale, siç kërkon edhe Bashkimi Europian dhe Bundestagu përpara tij, ata që kanë kryer krime zgjedhore duhet të përballen me drejtësinë. Ne bëmë pjesën tonë, drejtësia duhet të bëjë pjesën e vet.

Detyra jonë ishte reforma zgjedhore konsensuale, ne e bëmë këtë deri më 30 qershor për interes të integrimit europian dhe interes të publikut morëm pjesë për të bllokuar Edi Ramën në tentativën për të prishur rregullat. Dhe sot vazhdojmë të denoncojmë këtë dhe rrëzojmë dhe farsën e tij të fundit, që modeli i koalicionit zgjedhor që ka Shqipëria nuk gjendet askund. Pra, është e provuar se vendi nga e kemi marrë e ka sot në fuqi.

Në reformën zgjedhore në 14 Janar hymë për të rritur standardet e zgjedhjeve. Me atë miraton nesër Edi Rama, nëse nuk ndalet në atë farsë në të cilën është kthyer parlamenti, standardet e zgjedhjeve bien, cenohen edhe parimet themelore për zgjedhje të lira dhe të ndershme. Kështu që për sa na përket ne, prova për atë që ishte 2017-a  sot është në sytë e publikut, nuk ka nevojë që t’i provojmë më tej, është në rekomandimet e OSBE/ODIHR-it duke filluar nga ato zgjedhje e më pas, është në sytë e kujtdo që është një pushtet i bazuar në grabitjen e votës së shqiptarëve.

2021 nuk do t’i japë këtë mundësi, çfarëdo që të bëjë nesër Edi Rama nuk do të pengojë humbjen e tij në zgjedhje, mundet vetëm të përpiqet ta zvogëlojë por jo ta ndryshojë.

Pyetje: Pse nuk e prezantuat më herët  modelin italian, por një ditë para votimit të kodit? Dhe e dyta a keni një koment për variantin e kandidimit të kryetarit të partisë në 4 qarqe?

Oerd Bylykbashi: Që në momentin e parë kur ka nisur debati në Këshillin Politik, por edhe në publik, opozita e ka bërë të qartë: Shqipëria ka marrë këtë model koalicioni dhe është një model koalicioni që garanton një lloj liste të hapur të partive politike, që u garanton zgjedhësve të jenë ata që vendosin me votë sa e fuqishme është një parti ose sa e pafuqishme është një parti. Pra nuk e vendosin koalicionet, nuk e vendosin marrëveshjet e kryetarëve. Nëpërmjet kësaj flete votimi (tregon modelin e fletës) i japin ata fuqinë partive. Dhe ne që në fillim kemi thënë se ky model është marrë nga Italia dhe sot ju sjellim provën që rrëzon pretendimin e Edi Ramës që ky model nuk ekziston askund. Në Kodin aktual është në fuqi ekzakt modeli që vendi ynë fqinj Italia përdor prej shumë vitesh, por i rikonfirmuar në vitin 2017-të. E përsëris: Në sistemin zgjedhor italian për të gjitha nivelet e votimit, modeli i koalicionit me listë të përbërë përdoret edhe për votim me listë të mbyllur, siç e kemi pasur ne deri dje, edhe në votim me listë të hapur preferenciale siç do ta kemi në zgjedhjet e ardhshme. Pra, pretendimi që hapja e listës rrëzon koalicionin me listë të përbërë, është zero. Nuk ka asnjë vlerë. Ju do të keni mundësinë të merrni referencat dhe ta dokumentoni këtë falsitet i cili heq edhe pretendimin e fundit në tentativën e Ramës për të ndryshuar rregullat pasi procesi zgjedhor ka filluar.

Në lidhje me pyetjen e fundit, dhënia e të drejtës së kryetarit të partisë që të garojë në shumë se një qark, në 4 qarqe siç është rasti aktual, së pari duhet thënë që është një Pazar i ulët i bërë në parlament për të kaluar këtë që kërkon Edi Rama: heqjen e koalicioneve me listë të përbërë, asgjë tjetër. Nga ana tjetër mashtroi shqiptarët se do të hapte listat e kandidatëve dhe këtë nuk e bëri. Por ajo që duhet theksuar gjithashtu është që ky Pazar për 4 qarqe ku një kryetar mund të kandidojë, bie ndesh drejtpërdrejtë me rekomandimin Nr. 2, të vitit 2009 për zgjedhjet në Shqipëri i cili godiste një të drejtë të njëjtë që kodi zgjedhor i asaj kohe i jepte kryetarëve të partive të garonin në më shumë se në 1 qark. Në atë kohë ODIHR e konsideroi se kjo ishte në kundërshtim me parimet e barazisë dhe të mos diskriminimit në zgjedhje, e për rrjedhojë Shqipëria duhet ta hiqte. Për këtë arsye them që është një Pazar i ulët sepse e çon procesin zgjedhor nën standardet e OSBE-së, vetëm e vetëm që Edi Rama të marrë votat e asaj që e quan vetën opozitë në Parlament, që ti japë mundësinë vetes të ndryshojë koalicionet, sepse e di shumë mirë në të 12 qarqet, koalicioni i Opozitës së Bashkuar e mund në mënyrë të thellë.

Pyetje: Pyetje: Provën e modelit italian pse nuk e paraqitët që në tryezën e këshillit politik kur z.Gjiknuri bëri thirrje edhe në takimin  fundit për të prezantuar një model të ngjashëm? Pse reaguat 2 dit me vonesë për ndryshimet e kodit zgjedhor? Çfarë pritët apo ka një marrëveshje mes Ramës e Bashës për këto ndryshime?

Oerd Bylykbashi: Një gjë shumë të thjeshtë për të, por mbi të gjitha për maxhorancën që pasi ia thamë qartë që këtë model koalicioni që përdoret në Europë e kemi marrë nga Italia ta verifikoni, është shumë e thjeshtë ta kërkoni dhe ta gjejë kushdo.

Kështu që nuk ka asnjë lloj vonesë, por ajo që duhet të jetë e qartë është qëllimi i Edi Ramës që në mënyrë të njëanshme të ndërrojë rregullat e lojës. Vetëm kaq.

Sigurisht nëse do të garojë me listë të përbashkët për koalicionin e tij, mund t’ia shtojë në kundërshtim me Kushtetutën ta provojë dhe ta shtojë me Kodin Zgjedhor. Por ai nuk mund të caktojë rregullat e kundërshtarëve të tij vetëm pse ka frikë nga opozita dhe koalicioni i opozitës së bashkuar.

Vetëm shihni rrotull tij dhe do ta shihni qartë se nuk ka asnjë aleat sepse fatura 7 vjeçare e  keqqeverisjes i ka larguar të gjithë prej Edi Ramës dhe i ka bërë kundërshtarë të tij.

• Xhepat e njerëzve janë boshatisur, për shkak se qeveria nuk nxori një paketë të re ndihme dhe dy paketat e para ishin gjysmake. Batutat pa kripë të Edi Ramës as nuk hahen, as nuk pihen. Njerëzit duan mbështetje konkrete.

• Plani 6 mujor i rimëkëmbjes shpëton biznesin nga falimentimi. Ky plan nuk ka të bëjë me konkurrencën politike mes partive, ka të bëjë me jetën dhe shëndetin e njerëzve.

• Për 6 muaj, çdo i papunë të marrë 160 mijë lekë/muaj, ndihma ekonomike të dyfishohet, pensionistët të marrin çek 20 mijë lekë/muaj, biznesi i vogël çek 1 mijë euro, biznesit të madh t’i jepet për çdo të ripunësuar 200 mijë lekë, ndihmë financiarë për shëndetësinë dhe arsimin.

• Kam një dhe vetëm një kërkesë, ky plan me 5 pika të nisë të zbatohet një orë e më parë, jo për qejfin tim, as për inatin e Edi Ramës, por për të ndihmuar afro 1 milionë shqiptarë, të cilët, për shkak të krizës sot rrezikojnë bukën e gojës dhe shëndetin e tyre.

• Ekonomia dhe rruga pa krye ku ka futur vendin Edi Rama këto 7 vjet, është arsyeja kryesore e largimit të të rinjve nga Elbasani dhe Shqipëria. Thirrja ime është: të bashkohemi për të nisur së bashku një rrugë tjetër.

• Rruga tjetër është ajo e bashkimit të shqiptarëve rreth parimeve që sjellin shpresë dhe normalitet për ekonominë dhe qeverisjen. Për të ndryshuar menjëherë kursin përqëndrimit të pushtetit dhe shkatërrimit të shtetit dhe të ekonomisë.

• Zgjidhja kryesore për situatën e krimit në Elbasan është shkëputja e lidhjeve të krimit me pushtetin. Ky është një nga zotimet e mia të para. Kjo do të jetë pa diskutim një nga arritjet e mia të para për qytetin e Elbasanit dhe për të gjithë Shqipërinë.

KOMUNIKIMI ME GAZETARËT NË ELBASAN I KRYETARIT TË PARTISË DEMOKRATIKE, LULZIM BASHA

Po futem në biznese të ndryshme apo para dyerve të mbyllura të shumë bizneseve, në një nga rrugët kryesore të qytetit të Elbasanit.Kam qenë në dyqane buke, ku më kanë thënë se ka rënë gjysëm për gjysëm konsumi, ka rënë gjysëm për gjysëm xhiro, sepse njerëzit nuk kanë lekë të blejnë bukë. Ta themi shkoqur edhe shkurt: S’kanë lekë të blejnë bukë.

Jemi para një dyqani të mbyllur që është “Linja 1500”, që do të thotë që çdo gjë blihet me 1500 lekë të vjetra. Ka falimentuar.

Isha në farmaci dhe me tha “vijnë e më kërkojnë një kokërr paracetamol”, “80% e kutive të ilaçeve i kam të hapura”,-më tha- “sepse askush nuk blen dot një kuti të plotë”. Hapet kutia e ilaçeve dhe jepet një blister ilaçe, ndërkohë lista në farmacitë e vendit vazhdon të rritet. Të njëjtën gjë më thanë edhe në Durrës.

Në veçanti, në dyjavëshin e fundit të shtatorit konsumi ka rënë në pikiatë, që do të thotë se xhepat e njerëzve janë boshatisur. Janë boshatisur, sepse është i vetmi vend nga të gjithë vendet e rajonit, që jo vetëm nuk pati paketë të tretë e paketë të katërt, siç po japin vendet e rajonit, por edhe dy të parat ishin paketa gjysmake dhe ato para që shpërndau kanë mbaruar.

Ke 100 mijë njerëz që kanë dalë të papunë. Kush kujdeset për ta? Kush mendon për ta? Çfarë përgjigje ka për ta qeveria? Çfarë ndihme do të japë për ta Edi Rama?

Nga mëngjesi deri në darkë del dhe bën batuta pa kripë, por ato as nuk hahen, as nuk pihen, me ato as nuk blen bukë, as nuk blen ilaçe, as  nuk ushqen fëmijët e qindra familjeve shqiptare që janë pa bukë.

Pyetje: Z. Basha sa i përket Kodit Zgjedhor….

Lulzim Basha: Nuk kam ardhur për Kodin Zgjedhor këtu, kam ardhur për diçka që ka të bëjë me jetën e përditshme të banorëve në Elbasanit dhe të gjithë Shqipërisë. Dhe kam ardhur t’ju them se plani me 5 pika që kemi shpalosur është zgjidhje për këto 6 muaj, se njerëzit nuk presin dot. Ne kemi padiskutim një program për ta nxjerrë Shqipërinë nga kriza pas 25 prillit, por me të drejtë njerëzit thonë “Sot çfarë do të bëhet?”. Sot biznesi ka nevojë për ndihmë se po falimenton. Sot qindra familje, mijëra familje, anembanë vendit, nuk kanë të ardhura për të blerë bukën, për të blerë ushqimet. Sot që po flasim, mijëra mjekë dhe infermierë janë pothuajse të dorëzuar para kushteve të vështira dhe punës me rrezik vdekjeprurës para së cilës ekspozohen për shkak të COVID-it.

Pyetje: Po ua merr planin Edi Rama?

Lulzim Basha: Le ta marrë. E lus sot nga Elbasani që t’i lerë broçkullat dhe gërrverret dhe të marrë planin që kemi përgatitur pasi kemi studiuar situatën.

Pyetje: Jeni të gatshëm t’ia jepni?

Lulzim Basha: Po e kemi bërë publike dhe ditë për ditë i themi “merre këtë plan dhe zbatoje”. Se ky plan nuk ka të bëjë me konkurencën politike mes partive, ka të bëjë me jetën dhe shëndetin e njerëzve.

Sot çfarë do të bëjnë këta njerëz? Si mund t’u thuash “ti prit të vijë 25 prilli dhe nëse voton për mua, pastaj shohim se çfarë do të bëjë”. Ajo është çështje tjetër. Do të ketë kohë për t’i marrë përgjegjësitë çdokush dhe, në veçanti, ai që ka sjellë vendin në këtë situatë për 8 vite.

Sot po flasim për 6 muaj midis tetorit dhe prillit, ku njerëzit janë në pikë të hallit. Prandaj po e përsëris edhe një herë, planin e kemi bërë bashkë me ekspertët pikërisht që ta zbatojë qeveria, sepse ata e kanë në dorë ta zbatojnë dhe plani është plotësisht i zbatueshëm.

5 pikat e planit tonë mund të mos japin mrekulli, pro një falë lehtësimi do ta japin.

• Çdo i papunë do të marrë 160 mijë lek në muaj për 6 muaj, që është minimumi jetik.

• Familjeve në ndihmë ekonomike do t’u dyfishohet ndihma.

• Pensionistët do të marrin një çek prej 20 mijë lekësh në muaj për 6 muaj, për ato shpenzime shtesë që kanë të bëjnë me pandeminë.

• Biznesi i vogël që po mbyllet masivisht, do të marrë një çek gjatë këtyre 6 muajve, 1 mijë euro që të paguajë detyrimet, sepse nuk i paguajnë dot.

• Biznesit të madh do t’i jepet për çdo njeri 200 mijë lek të vjetra.

Dhe e gjithë kjo paketë çfarë ka për qëllim? Të ndalë rrokullisjen e ekonomisë në një kolaps total.

Po kështu, vëmendje të veçantë ka për shëndetësinë.

Ku janë ato 1 mijë eurot për mjekët dhe 500 euro për inferierët që janë premtuar? Përse nuk jepen? Sepse ditë për ditë qeveria kalon vendime, Edi Rama kalon vendime për t’u kaluar paratë inceneratorëve, oligarkëve dhe kontratave korruptive.

Prandaj, e nderuar zonja gazetare unë jo vetëm jam i gatshëm, por kam që ditën që kemi shpalosur programin, kam një dhe vetëm një kërkesë, ky plan me 5 pika të nisë të zbatohet një orë e më parë jo për qejfin  tim, as për inatin e Edi Ramës, por për të ndihmuar afro 1 milionë shqiptarë, të cilët, për shkak të krizës, sot rrezikojnë bukën e gojës, rrezikojnë shëndetin e tyre.

Pyetje: Z.Basha, një tjetër problem që ne vërejmë çdo ditë të paktën në qytetin e Elbasanit, por që është konfirmuar zyrtarisht sipas statistikave të INSTAT, Elbasani po boshatiset dita- ditës, pjesa më e madhe e të rinjve po zgjedhin të largohen. Mendoni se janë vetëm shkaqet ekonomike ato që po largohen të rinjtë?

Lulzim Basha: Pa diskutim që ekonomia është arsyeja kryesore. Pa diskutim. Por, arsyeja tjetër është se rruga ku jemi futur në këto 7 vite është një rrugë pa krye. Është një rrugë që nuk na çon kërkund. Prandaj, thirrja ime është, të bashkohemi për të nisur së bashku një rrugë tjetër. Për të ndryshuar menjëherë kurs sepse kjo rrugë e përqëndrimit të pushtetit, e shkatërrimit të institucioneve, ka shkatërruar ekonominë dhe ka shkatërruar të ardhmen e të rinjve.

Një rrugë tjetër është ajo e bashkimit të të gjithë shqiptarëve rreth parimeve që sjellin normalitet për ekonominë, normalitet për qeverisjen dhe shpresë për të gjithë shqiptarët dhe nëveçanti për rininë.

Pyetje: Z. Basha, përveç ekonomisë Elbasani po vuan edhe krimin, si e komentoni?

Lulzim Basha: Situata e krimit në Elbasan është rënduar pikërisht për shkak të bashkëpunimit të krimit me pushtetin. Atë që kemi thënë tash 7 vite besoj nuk ka njeri në Elbasan që nuk e ka kuptuar që nuk është e vërtetë. Ndaj, dhe zgjidhja kryesore për situatën e krimit në Elbasan është shkëputja e lidhjeve të krimit me pushtetin dhe ky është një nga zotimet e mia të para dhe kjo do të jetë pa diskutim një nga arritjet e mia të para për qytetin e Elbasanit dhe për të gjithë Shqipërinë.

• Bylykbashi: PS prej dy javësh rezufon t’i drejtohemi ODIHR për çështjen e garimit të partive në koalicione. Kjo dëmton procesin konsensual të Reformës Zgjedhore dhe integrimin e Shqipërisë.

DEKLARATA E OERD BYLYKBASHIT PAS MBLEDHJES SË KËSHILLIT POLITIK

Siç deklaruam në fillim të mbledhjes së sotme, opozita nguli këmbë në mbledhje që e vetmja pikë e axhendës të jetë nënshkrimi i përbashkët në këtë Këshill kërkesës drejtuar ODIHR në lidhje me zbatimin e standardeve ndërkombëtare për ndryshimin e rregullave themelore të sistemit zgjedhor.

Partia Socialiste, z. Gjiknuri refuzoi në mënyrë të vazhdueshme ngulte këmbë që të mbajë të pandryshuar qëndrimin e tij të palogjikshëm që të ndryshojë rregullat, ndërkohë që loja ka filluar.

Opozita kërkon me insistim, kërkoi edhe sot me insistim dhe përsëri u përball me refuzimin e Partisë Socialiste. Pra, opozita kërkoi me insistim që t’i drejtohemi ODIHR si arbitër i rënë dakord në marrëveshjen e 14 janarit.

PS përsëri sot nënvizoi frikën e saj nga përgfjigjia që do të vijë nga ai që të gjithë kemi pranuar që të jetë arbitër jo vetëm i këtij procesi reforme, por edhe i zgjedhjeve në Shqipëri. Ne vazhdojmë të qëndrojmë në këtë pozicion.

Nëse PS nuk ndryshon qëndrim bllokon funksionimin e Këshillit Politik e për rrjedhojë bllokon edhe Reformën Konsensuale Zgjedhore që është kërkesë e BE-së si një nga 15 kushtet për hapjen e negociatave me Shqipërinë.

DEKLARATA PËR MEDIAT E NËNKRYETARIT TË LSI-SË, PETRIT VASILI

Së pari për të qenë të qartë për mënyrën sesi u procedua, kemi qenë në diskutim e sipër dhe zoti Gjiknuri si përfaqësues i Partisë Socialiste e braktisi tavolinën e Këshillit Politik, në mënyrë të njëanshme, duke i bërë shërbim strategjisë së bllokimit të këtij këshilli. Së dyti dua të ndaj me ju një deklarim shumë të rëndë të zotit Gjiknuri sot në mbledhje, i cili deklaroi qartë, haptazi, që duke qenë se jemi në mazhorancë ne miratojmë ligjin që na leverdis. Pra, pohoi qartë që me qenë se jemi mazhorancë, miratojmë ligjin që na leverdis. Kjo shpjegon më së miri për këdo, edhe për qytetarin më të fundit dhe më pak të interesuar për politikën, që këtu kemi të bëjmë me një qëndrim tërësisht të njëanshëm, të diktuar nga frika e qartë e humbjes së zgjedhjeve dhe me qëllimin që të bëjë çdo lloj strategjie që një pakicë të përpiqet të manipulojë rezultatin duke mos qenë shumicë e vendit.

I kemi kërkuar qartë dhe prerë, përse ka frikë Partia Socialiste, që t’i drejtohemi OSBE/ODIHR-it, ku paragrafi i dytë i 14 janarit thotë qartë që për çështjet ku nuk ka dakordësi, aq më tepër që këtu bëhet fjalë për çështje madhore, siç është ndryshimi i njëanshëm dhe i dhunshëm i Kushtetutës. Pra thotë t’i drejtohemi OSBE/ODIHR-it. Është sigurisht e pabesueshme, e jashtëzakonshme, shumë e rëndë për të ardhmen e Shqipërisë, që drejtuesja formale e OSBE/ODIHR-it, pra Shqipëria, ndalon e bllokon Këshillin Politik si një instrument të ndërtuar konsensualisht për t’iu drejtuar OSBE/ODIHR-it e për të marrë opinion. Haptazi dhe qartë, provuan sot edhe njëherë që nuk u intereson që shqiptarët të votojnë atë që ata duan, pra me lista të hapura 100 %. U kanë hequr shqiptarëve dy mundësi: të votojnë kandidatin që duan dhe të votojnë partinë që duan. Asnjë nga ju, edhe ju që na intervistoni, kur shkoni në qendrën e votimit, jo si gazetarë, por si qytetarë, keni dy zgjedhje të cilat do t’i bëni sipas preferencës suaj: të zgjidhni partinë që doni e të zgjidhni edhe kandidatin që ju pëlqen apo ju bind më shumë.

Njëherazi, i përsëritëm edhe njëherë që opozita nuk kërkon asgjë, kërkon vetëm standarde të larta zgjedhore. Nuk ka asnjë pretendim apo favor që i bëhet, një privilegj që i ofrohet asaj, por thjesht dhe vetëm barazi rregullash. Pra futemi në lojë me rregulla saktësisht të barabarta. Partia Socialiste kërkon rregulla, ashtu siç tha me shumë sinqeritet z. Gjiknuri, pra që tha që jemi mazhorancë dhe bëjmë ligjin që na leverdis, përpiqet të bëjë rregulla që të favorizojë vetveten.

Është shumë e qartë që një shumicë e tillë dërrmuese nuk modifikohet dot me asnjë lloj rregulli, por dëmi që po i bën Partia Socialiste, një armike konstante e integrimit europian, dikur ia bënte dëmin për një kryetar qarku në Fier, sot ia bën dëmin me standardet e njëanshme që janë të papranueshme për Europën që ka qenë shumë e qartë në deklarimet e saj. Ajo ka thënë që pa fjalën e OSBE-ODHIR që ky kod i ndryshuar i përputh standardet më të mira ndërkombëtare të mbajtjes të zgjedhjeve, ata nuk e quajnë kusht të realizuar për reformën zgjedhore, e megjithatë PS ngul këmbë. Sepse i pëlqejnë dhe do, qofshin këto standarde të vendeve më antidemokratike në botë që s’kanë asnjë lidhje me Europën, vetëm e vetëm që të mbajë pushtetin dhe paratë që vjedh çdo ditë dhe të ruhet nga pandëshkueshmëria, pra ta ketë në anën e saj. Pra i gjithë qëllimi i saj është politik.

Çështjet që i drejtojmë OSBE-ODHIR janë parimore, të mëdha, që do të thotë që ka zgjedhje të barabarta për të gjithë aktorët në lojë? Janë këto zgjedhje që mund të ndryshohen brenda natës, sepse llogaritë i dalin mangët PS dhe ajo del humbëse? Këto kërkojnë një përgjigje, për të cilat janë të interesuar që ta dinë të gjithë shqiptarët dhe që është themeli i 14 janarit dhe i 5 qershorit. Përvijimi i këtyre ndryshimeve ka pasur vetëm një skenar. 5 qershori të prishë skenarin e PS për të pasur një 30 qershor që vetë votonte, vetë kishte komisionerët nëpër zona dhe vetë numëronte. Meqenëse ai skenar u prish në bashkëpunim me miratimin e një standardi me të drejta të barabarta, iu fut ndryshimeve të njëanshme.

E them sërish, motoja e PS që duhet të mbetet në mendjet tuaja është ajo që Damian Gjiknuri tha haptas në sytë e të gjithë pjesëmarrësve dhe misioneve ndërkombëtare që e ndjekin komisionin nga afër dhe e monitorojnë, pra që jemi mazhorancë dhe bëjmë ligjin që na leverdis. Këtu është fundit i gjithçkaje që Rilindja dhe Edi Rama thotë që në vazhdën e kësaj të gjitha diskutimet e tjera janë pa dobi dhe tregojnë qartë që skenarë ishin vetëm dy, ligji që na leverdis dhe të bllokojmë, ta sabotojmë me çdo mjet Këshillin Politik si një instrument që ndërton konsensus dhe mbi të bazë krijon dhe zgjedhje të lira e të ndershme.

Pyetje: Z. Bylykbashi, z.Gjiknuri tha se do të ishte dakord t’i drejtoheshit ODIHR-it por me  një  produkt konkret, p.sh me propozimin e socialistëve. Pse nuk bini dakord?

Bylykbashi: Kërkuan tekst, i kemi dhënë tekst, zyrtarisht  amendamente të cilat garantojnë koalicionin siç është sot në Kodin Zgjedhor, në përputhje me Kushtetutën e ndryshuar më 30 korrik dhe listën e hapur 100%. Të marrë versionin tonë, versionin e vet, t’ia çojmë ODIHR-it së bashku dhe e mbyllim këtë çështje, vazhdojmë diskutimet me çështje të tjera. Pikërisht këtë nuk do z.Gjiknuri, sepse e di që përgjigja që do të vijë  është që: Ajo që po bëni po prek standardet ndërkombëtare për zgjedhjeve të lira dhe të ndershme.

DEKLARATA E OERD BYLYKBASHIT PARA MBLEDHJES SË KËSHILLIT POLITIK

Ka më shumë se dy javë që opozita i ka kërkuar si pikë të parë të rendit të ditës të Këshillit Politik që t’i drejtohemi ODIHR-it, për të kërkuar opinionin e tyre ekspert për çështjen që na ndan në mënyrë thelbësore, çështjen e garimit të lirë të partive politike në koalicione, siç janë sot të caktuara në Kodin Zgjedhor, e cila është në përputhje të plotë me Kushtetutën.

Ka dy javë, më shumë se dy javë, që Partia Socialiste refuzon të dërgojë kërkesën në ODIHR, që është shkelje e drejtpërdrejt e marrëveshjes së 14 Janarit.

Me këtë veprim, Partia Socialiste po pengon dhe po bllokon Këshillin Politik dhe sigurisht, nëse vazhdon me këtë rrugë, nëse vazhdon edhe sot, këto janë veprime që dëmtojnë thellësisht procesin konsensual të Reformës Zgjedhore, dhe vë në rrezik edhe hapjen e  negociatave dhe procesin e integrimit të Shqipërisë në Bashkimin Europian.

LETRA DËRGUAR KËSHILLIT POLITIK

• “Konsensusi, mekanizmi i vetëm për reformën”, Opozita nuk heq dorë, i kërkon PS në Këshillin Politik të pranojë eskpertizën e OSBE/ODIHR: Po rrezikoni negociatat.

Përfaqësuesit e opozitës në Këshillin Politik Oerd Bylykbashi dhe Petrit Vasili i dërguan një letër tjetër PS që OSBE/ODIHR të pranohet si mekanizëm për zgjidhjen e mosmarrëveshjeve. Për këtë palët kanë rënë dakord që në marrëveshjen e 14 Janarit, kur u ngrit Këshilli Politik për të plotësuar 1 nga 15 kushtet e BE, reformën konsensuale zgjedhore. “Është kërkesë e partnerëve ndërkombëtarë që, me qëllim gjetjen e konsensusit në Këshill, mosdakordësia për çështjen themelore të koalicioneve zgjedhore, t’i dërgohet menjëherë e pa vonesë OSBE/ODIHR-it.” – theksojnë përfaqësuesit e opozotës. Në letrën drejtuar Damian Gjiknurit, opozita thekson se qendrimi i deritanishëm refuzues i PS ka bllokuar Këshillin dhe ka minuar zbatimin e Marrëveshjes së 14 Janarit.

LETRA E PLOTË E PËRFAQËSUESVE TË OPOZITËS

1. Gjiknuri,

Këshilli Politik funksinon vetëm mbi tërësinë e rregullave të marrëveshjes politike të 14 janarit 2020 dhe mekanizmi i zgjidhjes së mosmarrëveshjeve duke iu drejtuar OSBE/ODIHR-it është rregull themelor i saj. Pa zbatimin e këtij mekanizmi nuk ka zgjidhje të pranuara siç përcakton marrëveshja dhe pa zgjidhje të pranuara nuk ka konsensus në reformën zgjedhore. Konsensusi është mekanizmi themelor i funksionimit të Këshillit Politik si instrumenti vendimarrës për çdo ndryshim të Kodit Zgjedhor.

Mesazhet e partnerëve ndërkombëtarë kanë qenë të qarta që palët në Këshill të kërkojnë konsensusin në kuadër të Këshillit Politik. Reforma zgjedhore konsensuale është një nga 15 kushtet për hapjen e negociatave për antarësim në BE. Është kërkesë e partnerëve ndërkombëtarë që me qëllim gjetjen e konsensusit në Këshill, mosdakordësia për çështjen themelore të koalicioneve zgjedhore që tashmë është shtruar publikisht dhe zyrtarisht në Këshill nga opozita, t’i dërgohet menjëherë e pa vonesë OSBE/ODIHR-it.

Qëndrimi juaj refuzues i shprehur në të gjitha seancat e Këshillit Politik që nga data 14 shtator e së fundmi me shkresën e datës 29 shtator 2020, është bërë pengesë dhe ka bllokuar funksionimin e Këshillit Politik si dhe ka minuar zbatimin e Marrëveshjes se 14 janarit. Bllokimi nga ana juaj i funksionimit të Këshillit Politik, refuzimi për t’iu drejtuar OSBE/ODIHR-it, si dhe tentativa për ndryshimin e njëanshëm të Kodit Zgjedhor në shkelje të marrëveshjeve të 14 janarit dhe 5 qershorit, po venë në rrezik hapjen e negociatave dhe procesin e integrimit europian të Shqipërisë.

Opozita do të vazhdojë të ngulë këmbë në Këshillin Politik që rregullat e funksionimit të tij të zbatohen të plota, konsensusi të jetë mekanizmi i vetëm. Në këtë kuadër ripërsërisim kërkesën tonë që Këshilli t’i drejtohet si hap i parë, pa asnjë vonesë tjetër, OSBE/ODIHR-it. Kjo do t’i hapë rrugë shqyrtimit të çështjeve të tjera ku rëndësi ka hapja e plotë e listave të kandidatëve.

• Vjedhja e re me rrugët, pesëfishim i kostos për 4 km rrugë Korçë – Ersekë. Ervin Minarolli: 20 milionë euro për 4 kilometra ka fitues të paracaktuar mikun e Edi Ramës.

DEKLARATË E PARTISË DEMOKRATIKE, SEKRETARI I BURIMEVE NJERËZORE, ERVIN MINAROLLI

Vjedhja me rrugët është një nga aktet më të rënda, për të cilat do të mbahet mend keqeverisja e Edi Ramës.

Nuk ka në Shqipëri qoftë edhe 1 kilometër rrugë, ku këta të mos kenë vjedhur miliona euro.

I shumëfishojnë kostot, që të mbushin xhepat e tyre. Kështu ndodhi me Rrugën e Arbrit, kështu tek Unaza e Re, kështu me Milot-Fier, kështu po bëjnë tani me vetëm 4 kilometra të rrugës Korçë Ersekë. Nuk bëjnë asgjë pa siguruar rritjen articolae të kostove, që pjesa ku do të vjedhin, të jetë sa më e lartë.

Në rrugën Korçë-Ersekë vjedhja është e tmerrshme. Do të ndërtojnë 1 kilometër me 5 milionë euro kosto. Është kosto 5 herë më e lartë sesa segmentet e tjerë të së njëjtës rrugë.

Edi Rama ka planifikuar që për vetem 4 kilometra të shpenzojë 20 milionë euro. Me të njëjtën kosto, në të njëjtën rrugë, janë ndërtuar që nga viti 2012 rreth 18 kilometra, me rreth 15 milionë euro. Pra, ne e projektuam me më pak se 1 milionë euro për kilometër, këta, në muajt e fundit të qeverisjes po ndërtojnë me kosto 5 fish më të lartë, që vjedhja dhe pasurimi i paligjshëm të jetë sa më i lartë.

Ka 8 vjet që e zvarrit rrugën, e ka bërë legjendë me premtimet e pamabjtura dhe tani që erdhën zgjedhjet, janë turrur të vjedhin çdo gjë.

Tenderi është i paracaktuar për mikun e Edi Ramës, Ndue Kola. Vetëm për 1 euro, tenderi nuk e kalon kufirin e tenderit ndërkombëtar, me qëllim që të përjashtohen nga gara kompanitë e huaja dhe fituesi, me të cilin ndajnë bashkë paratë e vjedhura, të jetë i sigurtë.

Sipas standardit të Bankës Botërore një rrugë e tillë, kategoria C, nuk kushton më shumë se 1 milionë euro për 1 kilometër, por babëzia për plaçkitjen e fondeve publike e ka pesëfishuar koston.

Partia Demokratike e ka bërë të qartë për çdo kompani që bashkëpunon me qeberinë në vjedhjen e qyteyarëve gjatë këtyre muajve të fundit të qeverisë Ata do të mbahen njësoj përgjegjës si ortaku i tyre në krim, kryeministri në ikje Edi Rama.