Blog

DEKLARATË E PARTISË DEMOKRATIKE, ZËDHËNSJA INA ZHUPA

Bashkia e Tiranës po na vjedh përsëri edhe me tenderat e rindërtimit të shkollave e Tiranës.

Erjon veliaj ka tenderuar 30 milionë Euro për të ndëetuar 14 objekte arsimore, ndërkohë që BE me standardet e tyre europiane, tenderon 15 milionë Euro për të ndërtuar 22 objekte arsimore.

Konkretisht duke iu referuar të dhënave që japin Agjensia e Prokurimit Publik dhe institucionet përkatëse të cilat kanë ndërmarrë fonde për të rindërtuar shkolla, ne vëmë re që kostoja e Bashkisë Tiranë është tre apo katër fishuar nga kosto që paraqet BE.

Me fondet e BE-së me 158 milionë Euro ndërtohen 22 shkolla, me Fondin Shqiptar të Zhvillimit, me 34 milionë Euro po ndërtohen 45 shkolla.

E bukura është që vetë Bashkia Tiranë në tenderin që ka bërë në Prill, parashikonte që me 10 milionë Euro të ndërtonte 8 shkolla.

Me tenderin e ribërë në Gusht parashikon që me 30 milionë Euro të bëjë 14 shkolla.

Konkretisht çfarë do të thotë që BE, një shkollë me standardet europiane e ndërton me 6810 mijë Euro, një shkollë Fondi Shqiptar i Zhvillimit, po me standarde europiane e ndërton me 760 mijë Euro, ndërsa Bashkia e Tiranës e ndërton sot një shkollë me 2.2 milionë Euro duke tejkaluar edhe veten katër muaj më parë që thoshte që mund ta ndërtojë me 1.3 milionë Euro.

Ka tre apo katër fishuar paratë që paguhen nga taksapaguesit e Tiranës për të ndërtuar shkollat që u shkatërruan nga tërmeti.

Ky është skandali i rindërtimit me shkollat e Tiranës, ku përfitojnë nga fatkeqësia që u ra qytetarëve të Tiranës, nxënësve të Tiranës, prindërve të Tiranës, për të vjedhur sa më shumë para nga fondet e rindërtimit. Kjo është arsyeja se përse vonohet procesi i rindërtimit sepse i shtyjnë tenderat pa fund derisa të arrijnë që të marrin maksimumin e vjedhjes me kostot më të larta që nuk i ka parë as BE. ky është i njëjti model i rilindjes, është modeli me të cilën ata bëjnë edhe rrugët. Po të shikosh rrugët, parashikimet se sa janë fondet për të ndërtuar km katror është e njëjta skemë.

3 apo 4 fish më të mëdha se sa ato të BE-së.

Por ndërkohë që Veliaj dhe Rama mendojnë të vjedhin, qeveria dhe Bashkia mendojnë si të përfitojnë nga fonder e rindërtimit, në Tiranë janë 13 mijë fëmijë të cilët duan të dinë se ku do të shkojnë, nuk kanë kushtet e tyre maksimale të sigurisë, ndërkohë që përballen me Covid-19.

Ne e dimë që klasat në Tiranë edhe para se të ndodhte tërmeti ishin të mbipopulluara, që kishte mungesë të ujit nëpër tualete, nuk kishte kushte maksimale për të garantuar siguri për shëndetin dhe për mirëqënien e fëmijëve tanë.

Tani imagjinoni në kushtet kur shumë nga shkollat janë shëmbur dhe numri i nxënësve është rritur që duhet të frekuentojnë të njëjtat shkolla në Tiranë.

Mbipopullimi është një problem i madh që nuk kam lidhje me atë që thotë Ministria e Shëndetësisë dhe protokolli i Covid 19, distancën sociale, si do të ruhet distanca në klasat e mbipopulluara të Tiranës?

Erjon Veliaj dhe Besa Shahini prej tre javësh para se të nisë viti i ri shkollor nuk kanë marrë asnjë masë për shkollat e Tiranës, nuk kanë marrë asnjë masë për shëndetin e fëmijëve të Tiranës, përkundrazi bëjnë çështë e mundur që të vjedhin sa më shumë nga fondet e Rindërtimit të shkollave të fëmijëve të Tiranës.

E gjithë vëmendja është përqëndruar se si të vidhet sa më shumë nga fondet e rindërtimit dhe jo standardet që duhet të plotësojnë dhe mekanizmat që duhet të ndërtojnë për të siguruar fëmijët tanë një shkollim cilësor dhe që nuk e cënon shëndetin e tyre nga Covid-19.

• Gjimnazi “Sami Frashëri” i rrënuar pak ditë para nisjes së vitit të ri shkollor, Grida Duma: Fshihet një aferë e pastër korruptive. Nxënësit nuk janë eksperiment, duhet strategji e qartë se si do të zhvillohet mësimi.

Grida Duma: Jemi në gjimnazin “Sami Frashëri”, një nga shkollat më të mëdhaja të Shqipërisë dhe një nga shkollat më të mëdhaja të Tiranës, sigurisht. Kam afër dhe me kënaqësi, një nxënës të Vitit të II të shkollës “Sami Frashëri”, i cili do të shqetësimet e veta që ka që nga ai moment dhe deri tani që shkolla nuk funksionon më.

Nxënësi: Unë jam nxënës i shkollës “Sami Frashëri”, vitin e II e kam kryer këtu dhe pas tërmetit shkolla u rikonstruktua dhe dukej mirë, më pas sa hap e mbyll sytë shkolla u prish dhe ne këtë nuk e kuptuam. Pastaj viti i II-III jemi vendosur tek shkolla “Çajupi”, më pas erdhi edhe viti i I dhe u bëmë shumë nxënës dhe nuk kishte mundësi për asnjë lloj aktiviteti, shkolla ishte shumë e mbushur.

Për këtë arsye unë shqetësohem sepse nuk kemi marrë asnjë informacion për këtë vit shkollor se çfarë do të ndodhë: Ku do të zhvendosemi? Si do të zhvillohet mësimi? Sa do të jemi nëpër klasa? Për këtë arsye jam shumë i shqetësuar.

Grida Duma: Tek “Çajupi” u zhvendosëm disa prej jush?

Nxënësi: Fillimisht u zhvendosëm viti i II-III.

Grida Duma: Sa veta ishit në klasë tek “Çajupi”?

Nxënësi: Tek “Çajupi” ishim 30 -35 veta në klasë. Kishte edhe klasa me më shumë.

Grida Duma: Ju sot nuk keni asnjë informacion se ku do të shkoni në cilën shkollë? Do të vazhdoni ose jo tek “Çajupi”?

Nxënësi: Asnjë informacion, nuk e dimë se çfarë do të ndodhë fare, fare.

Grida Duma: Keni grupe informacioni, shokët çfarë thonë?

Nxënësi: Kemi grupe informacioni por nuk është marrë asnjë lloj lajmërimi.

Grida Duma: Ti si ndjehesh?

Nxënësi: Unë ndihem i konfuzuar sepse nuk e di se çfarë do të ndodhë.  Shtatori po vjen, shkolla po afrohet dhe nuk e di çfarë shkolle do të jem. Do të jem paradite apo pasdite, nuk e kam idenë.

Grida Duma: Si ishte mësimi online?

Nxënësi: Mësimi online ishte… nuk më vjen mirë ta them por ishte thjesht një kaos.

Grida Duma: Tani është akoma më kaos në kohën e pandemisë apo si ndjeheni?

Nxënësi: Mësimi online shumica nuk futeshin në mësim, fare. Nuk merrte pjesë fare në mësim për këtë arsye edhe provimet disa nga nxënësit nuk i zhvillonin.

Grida Duma: Pra ju e kuptoni që online është më shumë një dështim, nuk është marrje mësimi dhe jeni të shqetësuar nëse zhvillohet përsëri online.

Nxënësi: Po jam mjaft i shqetësuar sepse jam në Maturë sivjet dhe mendoj se është një diçka e madhe për mua dhe të ardhmen time.

Grida Duma: Është e rrezikshme kjo mënyrë kaotike. Padyshim që “Sami Frashëri”, është një nga rastet më të jashtëzakonshme të aferave të korrupsionit. Një tender prej 10 milionësh nga bashkia e Tiranës u nis dhe u anulua pa asnjë lloj transparence. Është rritur fondi dhe është bërë 30 milionë dhe nga ana tjetër nuk dihet.

DEKLARATË E PARTISË DEMOKRATIKE, GRIDA DUMA, NGA GJIMNAZI “SAMI FRASHËRI”.

Pa dyshim që Sami Frashëri është një nbgta rastet më të jashtëzakonshme të aferave të korrupsionit. Një tender prej 10 milionësh nga Bashkia e Tiranës u nis dhe u anulua pa asnjë lloj transparence. Është ngritur fondi dhe është bërë 30 milionë dhe nga ana tjetër nuk dihet nëse godinat ose numri i objekteve është rritur madje dihet që nuk ka rritje.

Pa dyshim kjo është një aferë abuzive, dhe kjo nuk është një çështje tërmeti, këtu është tërmeti i tenderave të shkollave të Tiranës dhe i Bashkisë së Tiranës.

Sot shëndeti i nxënësve dhe edukimi i tyre paralelisht janë prioritetet më të mëdha për të cilat ne diskutojmë dhe ngremë shqetësimin e madh për të ngritur përgjegjshmërinë.

Duhet të jemi të qartë për një gjë.

Nxënësit, fëmijët tanë, fëmijët e shqiptarëve nuk janë eksperiment.

Nuk mund të nisim një vit shkollor i cili ka tre alternativa, me tre skenarë sikur janë seriale dhe këto skenarë i lihen në përgjegjësi shkollave pa asnjë buxhet fin anciar ndihmës, ku dihet se në kohën e pandemisë duhet të ketë një buxhet që të ndihmojë në përballimin e pandemisë dhe kushteve të tjera që është shëndeti i fëmijëve.

Nga ana tjetër, pa dyshim, që kjo uk duhet të nisë si një eksperiment që të rrezikojmë sërish mbylljen. Pa dyshim që hapja e shkollave është prioritet sepse edukimi është e ardhmja e tyre dhe nuk mund të rrezikojmë as edukimin, as të ardhmen dhe as ekonominë e këtij vendi që varet e gjitha nga kjo.

Nga ana tjetër shëndeti është i pari dhe nuk mund të hyjmë me eksperimente tye cilat sot hapin shkollën, pastaj, le ta projmë një herë se ç’ndodh dhe nëse ka pandemi e cila zgjerohet si pasojë e një kaosi, i një mungese alternative, i një mungese plani, i një mungese trategjie, të rrezikojmë sërish që të rimbyllne shkollat dhe pastaj do të rimbyllen edhe me krizën sghëndetësore.

Këtë lloj përgjegjësie të jenë të sigurt që nuk mund t’ia lejojmë që ta mbajnë ndaj duhet të jenë të përgjegjshëm që që sot të ketë një plan masash për këtë situatë dhe nxënësit si në Shkollën “Sami Frashëri”, që është një aferë e madhe por në të 14 shkollat e tjera të mbyllura, rreth 8500 nxënës në Tiranë, nuk dihet se ku do të shkojnë, si do të studiojnë dhe në cilat kushtet. Kjo është situata sot në Tiranë, përgjegjës nga pushteti lokal, por pa dyshim Ministria e Arsimit e cila ka deleguar përgjegjësinë dhe po thotë që po bëj atë që prindërit duan, mjafton që të lëshojë përgjegjësinë kudo.

Shteti është për të bërë planifikimin, për të bërë strategjinë dhe për të ruajtur shëndetin, jetën dhe pastaj të sigurojë shërbimin e edukimit për të cilën shqiptarët paguajnë.

• Tenderat në kohë pandemie, Blendi Gonxhja kampion i abuzimeve dhe luksit, harxhoi mbi 2 milionë euro për fasada dhe zyra.

DEKLARATË E PARTISË DEMOKRATIKE, ZËDHËNËSJA INA ZHUPA

Qeveria e Edi Ramës nuk do t’ia dijë për qytetarët, pavarësisht vështirësive që ata kanë. Bie tërmet? Tenderat zhvatës nuk ndalojnë. Goditemi nga pandemia, bizneset mbyllen, mbi 120 mijë vende pune zhduken? Tenderat për fasada vazhdojnë si të mos ketë ndodhur asgjë.

Shembulli më tipik i shpërfilljes së hallit të qytetarëve dhe abuzimit me paratë në kohën më të keqe për ta është drejtori i transportit rrugor, Blendi Gonxhe. Ai është modeli i zyrtarit të kësaj qeverie që shpik tendera dhe përqendron çdo fond në duart e veta, duke abuzuar dhe duke i çuar paratë për fasada dhe luks në zyrat e veta.

Prej një viti e gjysëm në detyrën e Drejtorit të Transportit Rrugor të Shqipërisë, Blendi Gonxhja ka tenderuar rreth 8 milion euro, pjesën më të madhe të të cilave vetëm për fasada dhe rikonstruksione zyrash.

Të dhënat zyrtare tregojnë se Blendi Gonxhe nuk i ka ndalur tenderat e fasadave dhe luksit as në kulmin e pandemisë.

Kur qytetarët ishin të mbyllur në shtëpi, kur bizneset u mbyllën dhe mijëra njerez humbën punën, Blendi Gonxhe ka zhvilluar 8 tendera për fasadat e godinave dhe riskintruksione zyrash.

Janë rreth 1.7 milionë euro të shpenzuara për luks nga Blendi Gonxhe, kur bizneset në karantinë detyroheshin të paguanin faturat afrofe të ujit dhe dritave, që qeverisë së Edi Ramës të mos i mungonin paratë për luks.

Nëse prokuroria do të bënte detyrën dhe do t’i hetonte këto tendera, do të gjente abuzime dhe shkelje ligji. Do të gjente se shumica është me garë fiktive, se fituesi është i paracaktuar dhe shpesh me ofertën më të lartë.

Më herët, Partia Demokratike ka bërë publike të dhëna dhe dokumenta zyrtarë që provojnë se Drejtori i Transportit Rrugor, Blendi Gonxhja, në konflikt interesi me postin që mban, ka përfituar për kompaninë e tij private të transporteve, mbi 220 milionë lekë para publike.

Prokuroria heshti për këtë skemë vjedhjeve, njësoj siç hesht dhe për skemën gjigande të korrupsionit me patentat, të denoncuar vazhdimisht nga qytetarët dhe media.

Tenderat abuzivë për fasada dhe luks zyrash në kohë pandemie, përfitimi në konflikt të hapur interesi dhe në shkelje e ligjit e 220 milionë lekëve me kompaninë private, tregojnë babëzinë e kësaj qeverie dhe të drejtorëve të saj si  Blendi Gonxhe.

Miqësia me Edi Ramën dhe Belinda Ballukun mund ta shpëtojë tani, por shkeljet janë aty dhe një ditë do të përgjigjet para drejtësisë.

• Bizneset në gjendje të vështirë, energjia elektrike 30-40% më shtrenjtë. PD: Ulja e çmimit të energjisë për familjet dhe bizneset pikë kryesore e planit për rimëkëmbjen

Energjia elektrike është një nga faturat që rëndon më shumë biznesin. “Energjia është shtrenjtuar 30-40% më shumë”- i tha përfaqësuesit të PD, Eno Bozdo pronari i një dyqani mishi, që punon gjithë kohës me strukturë frigoriferike. Fatura me çmimin e rritur të energjisë, tani po ndjehet edhe më shumë, për shkak të rënies drastike të xhiros. Në planin e PD për rimëkëmbjen ulja e çmimit të energjisë për familjet dhe biznesin është një nga pikat kryesore.

DEKLARATA E PËRFAQËSUESIT TË PARTISË DEMOKRATIKE, ENO BOZDO

Në vitin 2013-të Edi Rama erdhi në pushtet me premtimin se do të ulte çmimin e energjisë elektrike për konsumatorët familjarë dhe për biznesin. Në 2015-ën, ai realizoi rritjen më të madhe të çmimit të energjisë elektrike për të dy kategoritë. Sot Shqipëria ka çmimin më të lartë të energjisë elektrike në rajon, me përjashtim të Malit të Zi. Në raport me fuqinë blerëse, Shqipëria renditet e 21-ta në Europë, duke lënë mbrapa, pra duke patur çmim më të shtrenjtë të energjisë elektrike, vende të zhvilluara të BE si Gjermania, Franca, Hollanda, Suedia, Anglia etj.

88% e familjeve shqiptare dhe 100% e bizneseve, sot paguajnë më shumë për energjinë elektrike. Një familje shqiptare paguan mesatarisht 64 mijë lekë të vjetra në vit më shumë. Bizneseve u është rritur çmimi me mesatarisht 20%. Fashat të caktuara të biznesit shkojnë në rritje të çmimit nga 35 deri në 40%.

Sipas raportit të fundit të Bankës Botërore, anketimit mbi ndërmarrjet, 43% e kompanive që operojnë në Shqipëri e cilësojnë furnizimin me energji elektrike si pengesën kryesore të të bërit biznes. Kjo shifër 7 vite më parë ishte vetëm 20%.

52% e kompanive deklarojnë që kanë një gjenerator, sepse vuajnë nga ndërprerjet e shpeshta dhe tensioni i ulët i energjisë elektrike. 18.6 ditë i duhet një biznesi për t’u lidhur në rrjet, ndërkohë që 7 vjet më parë kjo shifër ishte vetëm 10 ditë.

Biznesi shqiptar vuan nga sistemi i energjisë elektrike. Sot përllogaritet, sipas raportit të BB, që 2% e prodhimit të ekonomisë shqiptare humbet si pasojë e ndërprerjes së furnizimit me energji elektrike. Është afërsisht një shifër 200 milion euro në vit, një shifër e stërmadhe po të mendojnë se vetëm 100 milion euro qeveria shqiptare ka dhënë ndihmë reale për biznesin këtë vit për t’u përballur me pandeminë.

Pra e ashtuquajtura reformë në sistemin e energjisë elektrike, propaganduar me forcë nga Edi Rama dhe maxhoranca, ka dështuar totalisht.

Partia Demokratike, Lulzim Basha, e konsideron sektorin e energjisë elektrike jetik dhe strategjik. Ne kemi një plan të detajuar për rimëkëmbjen ekonomike.

Plani ynë do të sjellë jo vetëm uljen e ndjeshme e të menjëhershme të çmimit për konsumatorët familjarë dhe për bizneset, por do të realizojë mirëmenaxhimin e të tre kompanive që operojnë në këtë sektor, duke çrrënjosur përfundimisht nepotizmin dhe veçanërisht megakorrupsionin që ka kapur sektorin si tipar dallues i qeverisjes Rama.

• Rikthimi në Bashkinë e Durrësit i “drejtorit halabak” të shkarkuar live nga Rama dhe i arrestuar për tjetërsim pronash, PD: Në Shqipërinë e Ramës nuk sundon ligji, por dosja “339”.

• Kryetari i degës së PD Durrës, Ferdinand Xhaferri, denoncoi emërimin e Drejtorit të Shërbimeve në Bashkinë e Durrësit sit ë motivuar politikisht dhe që tregon degradimin e pushtetit të Edi Ramës. Ardian Iljazaj, u cilësua nga kryeministri në ikje në janar 2019 si “drejtori halabak” i Kadastrës së Durrësit. Ai u shkarkua nga detyra dhe u arrestua për pak kohë për tjetërsim pronash në Kepin e Rodonit. Tani, halabaku i Ramës do të menaxhojë fondet publike të Bashkisë së Durrësit në prag të zgjedhjeve

DEKLARATË E KRYETARIT TË DEGËS SË PD DURRËS, FERDINAND XHAFERRAJ

Të nderuar gazetarë, personi që qartazi përcaktohet nga kryeministri si halabak, para tre ditësh është emëruar drejtor i Shërbimeve në Bashkinë e Durrësit. Besoj se nuk ka nevojë për koment për papërgjegjshmërinë, për arrogancën dhe nëpërkëmbjen që Edi Rama i bën qytetarëve të Durrësit dhe gjithë Shqipërisë.

Por nuk është vetëm kaq, përditë shikojmë qytet që vetëm shkatërrohet, përditë shohim qytet që rrënohet sepse nuk i shërbehet qytetit por korrupsionit.

Shikoni delegimet e papërgjegjshme në tabelën këtu:

• Ish drejtoresha e Shërbimeve, Emirjana Sako delegohet nënkryetare bashkie dhe më tej delegohet si kryetare Bashkie.
• Pse nënkryetari i bashkisë mban edhe funksionin e drejtorit Juridik?
• Pse përgjegjësja e sektorit të Burimeve Njerëzore është edhe drejtoreshë e Burimeve Njerëzore?
• Pse përgjegjësja e sektorit të Politikave të Territorit është edhe drejtoreshë e Politikave të Territorit?
• Pse drejtori Ekonomik është edhe drejtori i Përgjithshëm Ekonomik?
• Pse halabaku u emërua drejtor Shërbimesh, ndërsa tek drejtoria e Politikave të Zhvillimit të Turizmit nuk kemi drejtor, aktualisht në kulmin e sezonit turistik, një sezon ky krejt ndryshe për bizneset dhe turizmin e Durrësit, ku vjen pas tërmetit dhe pandemisë, ku bashkia duhet të ishte shumë pranë bizneseve.

Katër persona mbajnë tetë pozicione, kur kemi me dhjetëra e qindra të rinj durrsakë që janë shkolluar përmes shumë sakrificave këtu dhe jashtë vendit, dhe na kontaktojnë çdo ditë duke shprehur zhgënjimin e tyre.

Përgjigjen fatkeqësisht e dimë të gjithë: sepse në Shqipërinë e Ramës nuk i shërbehet qytetarit, por i shërbehet korrupsionit, sepse në Shqipërinë e Ramës nuk drejton ligji, por dosja “339”.

Zgjidhja është e thjeshtë dhe e ka shprehur vazhdimisht lideri i opozitës, z.Lulzim Basha, një ekonomi normale, një administratë normale, një Durrës normal, një Shqipëri normale.

Faleminderit!

Pyetje: Z. Xhaferri, mendoni se drejtorin e Shërbimeve e ka emëruar z.Rama në bashkinë e Durrësit?

Ferdinand Xhaferri: Unë do të thoja sikurse u shpreha shumë qartë, se zoti Rama e ka përcaktuar një vit më parë si “halabak” dhe me këtë unë dua të them që nëse z.Rama para se të vinte në pushtet e tha qartazi me zë dhe më figurë, “të mbledhim të gjithë qelbësirat”, tani disa muaj para zgjedhjeve po e thotë qartazi me zë dhe me figurë “të mbajmë me emërime të gjithë halabakët”, pra, të mbajmë pushtetin me halabakët.

• Shkelje e rëndë e ligjit me vetingun në polici. Numri 2 i Policisë, Gjovalin Loka, operativ i Sigurimit të Shtetit. Loka duhet të dëbohej nga policia edhe sepse fshehu të kaluarën nga formulari i vetëdeklarimit.

• Enkelejd Alibeaj zbulon dokumentin, Drejtori i Përgjithshëm i Policisë së Shtetit Ardi Veliu shkeli ligjin për të mbrojtur Lokën dhe mbi 500 sigurisma të tjerë në Policinë e Shtetit.

DEKLARATË E PARTISË DEMOKRATIKE, ENKELEJD ALIBEAJ

Konfirmimi në detyrë i numrit 2 të Policisë operativit të Sigurimit të Shtetit, Gjovalin Loka, është një shembull flagrant i kriminalizimit të Policisë nën drejtimin e Edi Ramës.

Shkelja e rëndë e ligjit për të mbajtur dhe promovuar në Polici njerëzit e Sigurimit është tregues i shndërrimit të policisë në një organizatë në shërbim të partisë shtet dhe jo të qytetarëve.

Me mbajtjen në krye të policisë të Gjovalin Lokës kundër ligjit të vetingut, Policia e Shtetit i është dorëzuar pa kushte organit që mbajti nën terror vendin për 45 vjet. Mënyra armiqësore në sjelljen me qytetarët, metodat që përdor për të shtypur, dhunuar, rrahur, e nëpërkëmbur qytetarët janë tregues i zaptimit të Policisë nga ish sigurimsat.

Numri 2 i Policisë së Shtetit do të duhej të dëbohej nga Policia, së paku për arsyen se ligji i vetingut në polici, shkruan e bardha mbi të zezë, në nenin 38 pika “g” se qenia “anëtar i ish-sigurimit të shtetit” përbën kusht skualifikues.

Një fakt i tillë është i dokumentuar zyrtarisht nga Autoriteti i Dosjeve.

Jo vetëm kaq! Numri 2 i Policisë së Shtetit do të duhej të dëbohej edhe për faktin, se e fshehu një fakt të tillë në formularët e vetëdeklarimit.  Neni 62 i ligjit të vetingut në polici përcakton, shprehimisht, se mospasqyrimi i të dhënave përbën në vetvete shkak për shkarkim nga detyra.

Për të mbrojtur një anëtar të Sigurimit të Shtetit, në shkelje të rëndë të ligjit, Drejtori i Përgjithshëm i Policisë, Ardi Veliaj ka mashtruar publikisht duke shpërdoruar detyrën. Ne disponojmë dokumentat e plotë që e provojnë këtë mashtrim.

Instituti i Studimit të Krimeve dhe Pasojave të Komunizmit i ka kërkuar informacion Ardi Veliut për të dhënat mbi anëtarët e ish-Sigurimit të Shtetit, të cilët janë ende në radhët e Policisë së Shtetit.

Ky është dokumenti, në të cilin Drejtori i Përgjithshëm ka guxuar të mashtrojë dhe të mohojë me shkresë zyrtare ekzistencën e ish sigurimsave në Policinë e Shtetit, kur zëvendësi i tij, Gjovalin Loka jo vetëm ka kryer Shkollën e Sigurimit, por edhe ka punuar operativ i Sigurimit të Shtetit të diktaturës komuniste.

E vërteta është se ekspertët llogarisin se në këto 7 vjet e gjysëm, janë më shumë se 500 sigurimsa të tjerë që janë rifutur dhe punojnë në nivele të larta të strukturës së Policisë së Shtetit.

Tallja me ligjin, kompromentimi kriminal i Policisë së Shtetit duke ringjallur jo vetëm në metoda, por edhe në personel njerëzor ish-Sigurimin e Shtetit është një këmbanë alarmi se projekti politik i Edi Ramës nuk ka lidhje me demokracinë dhe shtetin ligjor.

Kjo është një arsye më shumë përse shqiptarët, në rastin më të parë, do ta rrëzojnë me votë këtë regjim autokratik, duke i dhënë vetes një shans real për të zgjedhur një qeveri dhe kryeministër normal, që ka të parin interesin e qytetarëve.

•          Rihapja e shkollave, qeveria e papërgatitur dhe ngelëse. Grida Duma: Nuk ka asnjë plan për sigurinë e shëndetit të fëmijëve dhe arsim cilësor në kushtet e pandemisë.

DEKLARATË E PARTISË DEMOKRATIKE, GRIDA DUMA

Kur kanë mbetur vetëm 3 javë nga nisja e vitit të ri shkollor,  qeveria nuk ka marrë asnjë masë, nuk ka publikuar asnjë udhëzim dhe asnjë protokoll sigurie që ruajnë jetën dhe shëndetin e fëmijëve dhe mësuesve.

Edhe shpalljen e vendimit për rihapjen e shkollave e bënë nën presionin e drejtë të Partisë Demokratike.

Nga vetë deklaratat e Ministrisë së Arsimit, vendimi për hapjen e shkollave është marrë pa asnjë përgatitje. Gjithë çfarë Ministria deklaron është që ende po detajojnë një plan. Pra, vetëdeklarojnë se kanë marrë vendimin pa pasur një plan.

Vendimi i marrë para hartimit të një plani të mirëmenduar sipas kushteve dhe mundësive me shkollat tona është një rrezik mbarëkombëtar.

Sot qeveria nuk deklaron asnjë plan masash, sepse nuk e ka!  Pikërisht sepse nuk ka një plan apo strategji, ka gjetur mënyrën keqdashëse ta hedhë përgjegjësinë tek prindërit duke spekuluar që gjoja “po bën atë që deshën shqiptarët”, sepse “kështu doli sondazhi”.

Qeveritë nuk qeverisin me sondazhe dhe sondazhet nuk janë vendime qeverie. Nëse do të ishte kështu, bënin mirë të kryenin një sondazh mbi çfarë donin shqiptarët në kohën e karantinës; apo çfarë donin shqiptarët, kur mbyllja pa plan u shkatërroi ekonominë dhe punën.

Për më shumë, qeveria ka vendosur pikërisht të kundërtën e asaj që duan shqiptarët.  Shqiptarët në çdo sondazh zgjedhin të arsimojmë fëmijët në kushte sigurie jete. Shqiptarët në çdo sondazh vënë shëndetin dhe jetën si prioritet themelor.

Pikërisht për këtë qeveria duhet të na thotë qartë dhe me përgjegjësi të plotë:

– Çfarë ka ndryshuar në kapacitetet dhe  përgatitjet për mbrojtjen nga infektimi nga  koha kur shkollat u mbyllën, ndërsa kishte vetëm 5-15 të infektuar në ditë.

-Çfarë kapacitetesh më të specializuara ka sot qeveria  kur deklarohen edhe 150 të infektuar në ditë?

Problemet që nuk kanë marrë një zgjidhje dhe që ndikojnë negativisht në sigurinë shëndetësore në shkolla janë disa.

•          Shumë shkolla në Tiranë dhe Durrës, edhe para pandemisë, bënin mësimin me turne. Tani nuk dihet se me çfarë kapaciteti do të punojnë. Qeveria nuk ka akoma një përgjigje.

•          Qeveria nuk ka zgjidhur akoma çështjen e nxënësve dhe mësuesve të shkollave të shembura nga tërmeti i Nëntorit të kaluar.

•          Për shkak të mungesës së një plani, qeveria nuk ka përgjigje për programin 6 orësh mësimor. Çfarë do të bëhet me të? I alternuar mes mësimit në klasë dhe online, ngarkesa shkon edhe 12 orë.

•          Qeveria nuk thotë se çfarë do të bëhet me oraret e mësimit, në mënyrë që prindërit të gjejnë një mundësi për përshtatjen e orareve të tyre.

•          Shkollat nuk janë pastruar dhe higjienizuar.

Vetëm tre javë nga fillimi i mësimit dhe për asnjë nga këto probleme të mëdha nuk ka asnjë strategji të qartë përballimi.

Qeveria duhet të jetë e qartë që fëmijët në shkolla dhe siguria e tyre janë përgjegjësi e saj prioritare, shumë më tepër se çdo pjesë tjetër e popullatës.

Fëmijët e shqiptarëve mund të nisin jetën shkollore vetëm pasi të qartësohen plotësisht për mënyrën dhe masat e plota të ruajtjes së standardeve të distancës, higjienës, sjelljes mbrojtëse, në të gjithë ambientin shkollor.

Vendimi i derisotëm për hapjen e shkollave është një vendim “ngelës”, i papërgatitur, i cili  në mungesë të njohjes dhe llogaritjes së kapaciteteve, kohës, organizimit të të gjitha mjeteve, rrezikon shëndetin e fëmijëve së pari dhe gjithë zinxhirit të mëtejshëm pas tyre.

Partia Demokratike kërkon informimin dhe transparencën e plotë të shqiptarëve  mbi hapat, mjetet dhe mundësitë e përllogaritura për të nisur një vit shkollor që i shërben arsimimit dhe forcimit dhe jo rrezikut të shëndetit dhe jetës.

DEKLARATË E KRYETARIT TË PARTISË DEMOKRATIKE, LULZIM BASHA

Të gjithë e kemi të qartë se vaksina që po përgatitet në kohë rekord në laboratorë të ndryshëm të botës mbetet mjeti më efikas për ndalimin e pandemisë covid-19. Synimi është që ashtu si jemi vaksinuar kundër fruthit, rubeolës, hepatitit apo edhe virusit të gripit stinor, të mund që të vaksinohemi edhe kundër virusit covid-19 sapo të jetë gati vaksina.

Për këtë arsye gjithë vëmendja e qeverive anembanë botës sot është fokusuar tek sigurimi i vaksinës anti-Covid si mënyra e vetme për të ndalur virusin që po merr çdo ditë jetë njerëzish. BE, SHBA, por edhe vendet fqinje me Shqipërinë kanë para porositur, rezervuar apo kanë ndarë fonde të veçanta për blerjen e saj, duke qenë se kërkesa për vaksinën anti-Covid është globale dhe kapacitetet prodhuese nuk mundësojnë dot një shpërndarje të njëtrajtshme të saj.

Kjo është e vetmja qeveri që nuk ka thënë ende asnjë fjalë dhe nuk ka bërë publik asnjë plan për sigurimin e vaksinës.

Është urgjente të përcaktohen fondet e nevojshme për vaksinën anti-Covid dhe të nisin bisedimet me BE dhe SHBA në mënyrë që edhe qytetarët shqiptarë të kenë mundësi të vaksinohen kundër covid19 sapo vaksina e re të jetë gati. Pa asnjë vonesë!

Shqiptarëve vazhdon t’ju mungojë informacioni se si është situata në spitale, sa teste janë siguruar, sa shtretër, sa aparate respiratore dhe medikamente janë në dispozicion për njerëzit në nevojë. Qytetarët ende nuk kanë mundësi të testohen edhe kur kanë patur kontakt me persona të infektuar.

Nuk mund të vazhdohet më kështu! Pasojat e kësaj neglizhence do të jenë fatkeqësisht shumë të rënda, si për shëndetin ashtu edhe për ekonominë e shqiptarëve.

Ndaj pa humbur më asnjë ditë, duhet që qytetarët të informohen me përgjegjësi dhe transparencë: sa vaksina kundër gripit sezonal ka siguruar qeveria, sa do të jetë fondi në dispozicion për vaksinën anti-Covid dhe çfarë protokollesh do të ndiqen për bërjen e kësaj vaksine me qëllim që tu sigurohet mundësia të gjithë shqiptarëve sipas radhës së përcaktuar nga niveli i rrezikut të ekspozimit.

Edhe njëherë përsëris thirrjen që qytetarët të kujdesen për shëndetin e tyre dhe të afërmve të tyre, të respektojnë distancimin social, të mbajnë maskat dhe të zbatojnë të gjitha protokollet shëndetësore të OBSH-së. Virusi është mes nesh dhe derisa të kemi vaksinën, kujdesi dhe masat e gjithsecilit prej nesh janë jetike për t’u mbrojtur prej tij.

• Rihapja e shkollave, qeveria nuk ka asnjë plan për sigurinë e nxënësve dhe programin mësimor.

• Qeveria nuk shton asnjë qindarkë për arsimin pas rihapjes. Ja 5 problemet madhore për shkollat.

DEKLARATË E PARTISË DEMOKRATIKE, ALBANA VOKSHI

Vendimi i qeverisë për rihapjen e shkollave pa marrë asnjë masë paraprake dhe pa shtuar asnjë qindarkë në fondin e buxhetit  të arsimit është sa i papërgjegjshëm, aq edhe i rrezikshëm dhe ka sjellë shqetësimin e qindra mësuesve dhe mijëra prindërve të cilët ditët e fundit i janë drejtuar Partisë Demokratike. Ata e kanë kuptuar se për këtë problem jetik, qeveria nuk ka asnjë plan dhe asnjë një veprim te mirëmenduar, por vetëm reagime nervoze, të nxitura ndaj kërkesave të përsëritura, të përditshme të Partisë Demokratike.

Njësoj si me pandeminë, qeveria nuk ka plan dhe strategji për të rihapur dyert e shkollave në mënyrë të sigurt për nxënësit dhe mësuesit.

Ndonëse kanë mbetur më pak se 4 javë nga nisja e shkollave në vitin e ri shkollor 2020-2021, qeveria nuk ka ende një udhëzim të detajuar, nuk ka një plan masash, nuk ka protokolle të sigurisë për mjediset dhe ambientet  e shkollave. Nuk ka as buxhet shtesë, nuk ka as investime për ujë të rrjedhshëm në çdo shkollë, as masa për dezinfektim të rregullt ditor, as masa për distancim dhe mësim me turne.

Jemi shumë prapa Kosovës, ku ministri, homologu i ministres Shahini ku prej javësh ka bërë publikë udhëzuesin e detajuar, planin e masave, ka bërë disa dëgjesa, ka miratuar buxhet shtesë për të përballuar situatën e COVID-19 në shkollat në Kosovë.

Gjatë komunikimit tonë të vazhdueshëm me mësues dhe prindër, priten përgjigje për këto problematika kryesore,  për të cilat qeveria as nuk ka marrë dhe as nuk ka dhënë asnjë informacion.

1. Me sa turne do të zhvillohet shkolla dhe sa të gjata do të jenë orët e mësimit? Prindërit duhet ta dinë që tani këtë informacion për të marrë masa për kujdesin ndaj fëmijëve, ndërkohë që ata janë në punë. Aktualisht, në Tiranë dhe në Durrës, shumë prej shkollave kanë mësim me 2 turne. Është e rëndësishme të dihet çfarë do të bëhet me programin e dështuar mësimor 3 lëndë në 6 orë.

2. Problemi i dytë lidhet me numrin e nxënësve në një klasë. Ky informacion akoma nuk është dhënë nga qeveria, pasi ajo është e papërgatitur dhe nuk ka akoma një plan për sigurinë e fëmijëve tanë. Pas shembjes së 106 shkollave kanë ngelur pa ambiente mësimore rreth 12 mijë nxënës në Tiranë, Durrës, Krujë, Kavajë dhe Lezhë. Askush nuk di ku do të shkojnë këta nxënës dhe ku do të japin mësim mësuesit e këtyre shkollave. Asnjë mase shtesë nuk është marrë për transportin për të garantuar distancim fizik.

3. Ndarja në turne dhe ulja e numrit të nxënësve në klasë do të kërkojë rritjen e numrit të mësuesve. Por deri tani nuk ka asnjë njoftim për këtë nga qeveria. Si do të përballohet nga mësuesit, në mënyrë që orët e mësimit të mos bëhen shkel e shko dhe fëmijët të marrin më të mirën e mësimit në klasa? Qeveria nuk ka as për këtë një përgjigje.

4. Problemi i katërt madhor është përballimi nga familjet i shkollave në kushtet e pandemisë. Përveç teksteve dhe mjeteve shkollore, shpenzimet shtohen me maskat apo dezinfektantët për fëmijët. A do të marrë përsipër shteti garantimin e tyre falas? Vetë qeveria ka pranuar se janë mbi 10 mijë nxënës që nuk kanë bërë mësim online për shkak të pamundësisë dhe varfërisë. Si do ta përballojnë rihapjen tani, kur vetëm një fëmijë mund të dojë të paktën 10-20 mijë lekë në muaj maska dhe dezinfektantë?

5. Higjiena në shkolla. Masat antiCOVID lidhen së pari me higjienën, por në shkollat tona nuk ka ujë të rrjedhshëm, ndërsa për sapun apo dezinfektantë të tjerë as që bëhet fjalë. Qeveria e ka detyrim t’u thotë prindërve dhe nxënësve si do të sigurojë kushtet higjieno-sanitare, kur për 7 vjet e gjysem nuk ka bërë asnjë investim në këtë drejtim.

Në këtë kohë të rrezikshme për shëndetin dhe jetën, kryeministri në ikje e ka detyrim të rrisë buxhetin për arsimin për të përballuar masat elementare për sigurinë e fëmijëve, në mënyrë që hapja e shkollave të mos rezultojë një katastrofë shëndetësore.

• Të publikojë udhëzuesin e detajuar dhe planin e masave për nisjen e vitit shkollor
• Të publikojë protokollin e sigurisë në shkolla dhe planin për shpërndarjen e teksteve shkollore, për të shmangur grumbullimet.
• Të përmirësojë infrastrukturën higjienosanitare

Boll me fjalë dhe shfaqje. Koha nuk pret.

• Kryebashkiaku narkoman i Bulqizës, hetimet u zvarritën për të pushuar çështjen. Zyrtarët që konsumojnë drogë, modeli i qeverisjes së Edi Ramës.

DEKLARATË E PARTISË DEMOKRATIKE, ÇLIRIM GJATA SEKRETAR I ÇËSHTJEVE LIGJORE

Asnjë surprizë për pushimin e çështjes kundër kryebashkiakut narkoman të Bulqizës, Lefter Alla. Zvarritja e hetimeve kishte për qëllim pushimin e çështjes dhe daljen në përfundimin se kryebashkiaku i zhytur me kokë në kokainë, nuk po konsumonte kokainë.

Video e kryebashkiakut ilegjitim të Edi Ramës që merr kokainë ishte shokuese, kur u bë publike, por për Edi Ramën, ky fakt nuk ekziston. Një përdorues kokaine do të vazhdojë të jetë në krye të Bashkisë, duke mos bërë dallim nga tutori i tij politik në krye të qeverisë.

Një kryebashkiak i droguar apo një kryebashkiak me të kaluar kriminale, që trafikon gra dhe vajza, një kryebashkiak përdhunues apo një kryebashkiak trafikant droge është modeli që ofron Edi Rama në qeverisje. Kryebashkiaku i Bulqizës është pasqyra ku të gjithë mund të shohin Edi Ramën e kokainës.

Ai ka përgjegjësinë politike për përzgjedhjen e këtyre individëve që nuk përfaqësojnë qytetarët shqiptarë. Edi Rama duhet të kishte ushtruar përgjegjësinë ligjore për shkarkimin nga detyra të Lefter Allës dhe jo të zvarriste hetimet e pastaj t’i mbyllte ato, duke bërë njerëzit për të marrë dhe duke u thënë se kryebashkiaku që shikoni në video nuk po konsumon drogë.

Përdorimi i kokainës në ambiente publike nga Edi Rama i Bulqizës provon, për fat të keq,  degradimin e Partisë Socialiste nga një parti politike në një bandë trafikantësh dhe përdoruesish droge.

Ndarja e politikës nga krimi është emergjencë kombëtare!

Largimi i trafikantëve dhe përdoruesve të drogës nga politika është hapi kyç për t’i hapur rrugë një qeverisje normale në Shqipëri dhe për të kthyer besimin tek të rinjtë se merita dhe jo lidhja me krimin janë mundësia për të bërë karrierë.

Kjo ndodh vetëm me largimin e Edi Ramës, njeriut të kokainës që promovoi bashkëqeverisjen me krimin dhe qëndron në pushtet me mbështetjen e krimit.