Blog

•             Korça në varfëri si kurrë më parë. “Njerëzit marrin ushqim me lista ose duke lënë pengje”. Bizneset Bashës: Xhiro ka rënë me 70%.

•             Basha: Ramavirusi është pandemia e varfërisë dhe e krizës, që po shkatërron vendet e punës. Prioriteti ynë nr. 1 është të ringrejmë ekonominë, të rrisim punësimin dhe mirëqenien.

•             Basha: Situata është keq e më keq. Ne do të çlirojmë biznesin nga ankthi i terrorit të taksidarëve, duke futur në karantinë 1 vjeçare inspektoriatet.

•             Basha: Sistem konkurues taksash për rajonin. Për biznesin e vogël deri në 140 milionë lekë, do të jetë vetëm 1 taksë, 0.5% e xhiros vjetore. Çdo taksë apo tarifë tjetër, do të zhduket.

•             Basha: Për  biznesin e madh, taksa e sheshtë 9 %, për më shumë vende pune dhe investime. Kjo sjell zinxhir pozitiv për ekonominë, më shumë konsum dhe më shumë para në xhepat e biznesit dhe qytetarëve. ​

NJOFTIMI PËR TAKIMET E KRYETARIT BASHA ME BIZNESIN

Korça është një nga zonat më të mirëqena në vend, por kriza ekonomike ka depërtuar edhe aty. Pronarët e bizneseve të vogla i thanë kreut të opozitës Lulzim Basha se gjendja është përkeqësuar shumë, njerëzit blejnë me lista ose lënë pengje në këmbim të ushqimit.

“Punët janë si mos më keq, jam drejt mbylljes së biznesit, të cilin e kam prej 20 vjetësh”- thotë Luani. Ai tregoi i revoltuar se me ushqimoren e tij modeste po paguan taksa si biznes i madh, megjithëse, siç tha ai, premtimi i kryeministrit ishte ndryshe.

“Kryeministri ka kopjuar programin e Partisë Demokratike, por nuk e kupton, kështu që mos iu refero fare atij.”- iu përgjigj kreu i opozitës, duke theksuar se në krizë të thellë janë si biznesi i vogël, edhe ai i madh. Për të vënë dukje gjendjen e rëndë ekonomike të qytetarëve, pronari i ushqimores i tregoi zotit Basha bllokun me listat e ushqimeve të marra nga qytetarët dhe të papaguara.

“Këtu janë 5-6 milionë lekë pa u mbledhur. Njerëzit nuk kanë.  Korça eshte e mbaruar, njerëzit po ikin. Konsumi ka rënë, të rinjtë janë pa punë”- u shpreh Luani, ndërsa Besjani, që ka një pikë shpërmdarje të ushqimeve në të gjithë Korçën, tregoi për një tjetër fakt të rëndë, që po vihet re në disa qytete.

“Njerëzit lënë pengje për të blerë ushqime, edhe mobilje lënë pengje. Unë furnizoj gjithë qarkun dhe mund të them se ka rënie 70 % të xhiros”- u shpreh ai, duke kërkuar nga zoti Basha që qeveria e tij të marrë masa për të rritur konsumin, për të punësuar të rinjtë dhe për të rritur mirëqenien.

MESAZHI I PLOTË I KRYETARIT TË PARTISË DEMOKRATIKE, LULZIM BASHA.

Këtu në Korçë jam me dy përfaqësues të biznesit korçar, sipërmarrja e vogël, sipërmarrja e madhe, siç e shikoni nuk është se ka ndonjë të re apo diçka ndryshe nga qytetet e tjera. Konsumi ka rënë 70 përqind, -thotë Besjani, i cili është një sipërmarrës i ri i një pike shpërndarjeje, ndërsa Luani, i cili operon këtë dyqan, të cilin e kanë klasifikuar si biznes të madh, e patë vetë nga brenda se çfarë lloj biznesi i madh është, ka një stok pa paguar prej 5 apo 6 milionë lekësh të vjetra.

Gjendja është e tillë në Korçë. Në një nga qytetet do të thoja që nuk dallohet për varfëri, por një nga qytetet me më shumë mirëqenie në Shqipëri. Bashkë kemi qënë përmes kamerës së këtij telefoni dhe Facebook-ut, me sipërmarrës në qytete dhe fshatra të tjera të vendit dhe e keni parë se situata është keq e më keq.

Ndaj dua të theksoj edhe njëherë masat stabilizuese urgjente që ne do të ndërmarrim ditën tonë të parë në pushtet.

Së pari, do të çlirojmë biznesin nga ankthi, nga klima e tmerrshme e biznesit, në të cilën është zhvendosur për shkak të terrorit qeveritar dhe të administratës, duke futur në karantinë inspektoriatet. Një vit karantinë për inspektoriatet, në mënyrë që këta njerëz të mos përballen nga mëngjesi deri në darkë, sa ngrini qenat-ulni qepenat, me inspektorë, me tatimorë, me lloj-lloj harbutësh, që vijnë sa për xhepat e tyre edhe për xhepat e pushtetarëve.

Së dyti, duke vendosur një sistem taksash konkurues për rajonin. Sa i përket biznesit të vogël siç është Luani, 140 milionë lekë e poshtë, do të kenë një taksë 0.5% e xhiros vjetore. Çdo taksë tjetër lokale apo qëndrore çdo tatim tjetër, çdo lloj tjetër formë tarifimi do të zhduket. Do të ketë vetëm një taksë dhe asnjë tarifë dhe asnjë taksë tjetër. Së dyti, për biznesin e madh ne do të vendosim taksën e sheshtë 9% e cila do të synojë që më shumë para të mbeten për investime për hapje vende pune të cilat natyrisht, për çdo vend të ri pune, do të thotë më shumë konsum. Dhe më shumë konsum, do të thotë edhe më shumë mundësi, edhe më shumë të ardhura në xhepat e njerëzve edhe më shumë xhiro për sipërmarrjen, do të thotë nisje e një zinxhiri pozitiv për ekonominë shqiptare. Pa këto masa, ekonomia shqiptare do të vazhdojë të hidhet drejt një gropë gjithmonë e më të thellë, siç është hedhur këto 7 vite.

Pa diskutim, në këtë kohë të vështirë të koronavirusit, në majën e gjuhës të çdo shqiptari është një rrezik tjetër, po kaq i madh, madje edhe më i madh që tanimë njihet si Ramavirusi, që është pandemia e varfërisë, pandemia e krizës ekonomike, pandemia e krizës sociale, e cila po shkatërron ditë për ditë mirëqenien familjare, vendet e punës dhe po shkakton një stres të jashtëzakonshëm në shoqëri dhe në familjet shqiptare.

Ju përshëndes nga Korça, nga kjo e dielë e trishtë për biznesin, e trishtë për qytetarët, por plot me besim se me masat e duhura, në kohën e duhur, pa humbur asnjë ditë dhe duke u dhënë njerëzve atë që meritojnë, jo lëmoshë por drejtësi mbështetje nga taksat e tyre do t’ia dalim ta ringremë biznesin e vogël, ta fuqizojmë atë, të ngremë konsumin dhe të ngremë sipërmarrjen shqiptare, së bashku me fermerët shqiptarë.

Ky është prioriteti numër 1 i Partisë Demokratike, i programit tonë ekonomik, ky është prioriteti numër 1 i qeverisë që do të dalë nga zgjedhjet e ardhshme dhe ky është prioriteti im i parë dhe kryesor, ekonomia juaj, punësimi dhe mirëqenia. Ju përshëndes dhe ju uroj një të diel sa më të paqtë!

·         “20 arka me dardha i ktheva prapë, nuk u shitën”, fermerët në Pogradec prej 7 vitesh të braktisur nga shteti.

·         “Punojmë natë e ditë kot, asnjë subvencion nga shteti”, fermerët në Pogradec me ankesa të pafundme.

·         Basha fermerëve të Pogradecit: I vetmi vend që nuk jep subvencione, nafta më e lartë. Kjo është t’i vesh shkelmin prodhimit shqiptar.

KOMUNIKIMI I KRYETARIT TË PARTISË DEMOKRATIKE, LULZIM BASHA, ME FERMERËT POGRADEC

Fermerët shqiptarë vuajnë prej 7 vitesh tashmë prej braktisjes së qeverisë, kostove të rritura dhe mungesën e infrastrukturës. Kryetari i Partisë Demokratike, Lulzim Basha, ishte sot në Pogradec, i cili dëgjoi nga afër problematikat e fermerëve që ishin të shumta. Shqetësimi i tyre, si i të gjithë fermerëve shqiptar, ishte mungesa e tregut dhe e subvencioneve nga shteti që i ka lënë në haresë.

“Dërgova 20 arka me dardha në treg dhe i ktheva prapë, nuk u shitën. Nuk po shesim dot prodhimin. Na ka rënë prodhimi në tokë ka mbetur aty. Asnjë subvencion asnjë lloj gjëje nga shteti. Me 1 mijë lekë të vjetra e shisja edhe nuk e merrnin. Po me gjithë këto shpenzime që kemi me marrë ilaçe nuk dalin, ilaçet janë shumë të shtrenjta”- u shpreh një nga fermerët.

Një problematik tjetër për ta, është edhe nafta e cila është shumë e shtrenjtë. Meqënëse shteti shqiptar nuk u ka ardhur në ndihmë as për këtë shqetësim, ata si zgjidhje detyrohen të shkojnë në Maqedoninë fqinje të marrin naftën për të punuar tokat, pasi është shumë më e lirë se në Shqipëri.

“Shkojmë në Maqedoni që të marrim naftë sepse është shumë më e lirë se në Shqipëri. 1 mijë lekë është në Maqedoni, 1 mijë e 500 është këtu, edhe nuk e di është shumë, shumë e vështirë, jemi drejt falementimt për çdo gjë”- tha fermeri.

Mos shitja e prodhimeve për të nxjerr fitimet ua bën të pamundur pronarëve për të punësuar të rinjtë e zonës. Kjo gjë, për këta të fundit përkthehet në një arsye më tepër për t’u larguar në emigrim.

“Edhe të duash të gjeshë punëtorë nuk gjen, se i ka marrë Greqia punëtorët. Çuna nga 30 vjeç e të mos punosh tokën tënde edhe të vesh të punosh tokën e grekut është turp ore”- u shpreh njëri i ri, duke theksuar paradoksin që po ndodhë Shqipëri.

Kryetari Basha u shpreh se qeverisja e Partisë Demokratike do të fokusohet te fermerët dhe nevojat e tyre. Ai tha se plani i PD-së mbështetet në tre shtylla kryesore, të cilat do t’i japin frymën e duhur bujqësisë në Shqipëri.

“E para, 100 milion euro do të keni në vit subvencione që do t’i jepen fermerit në bazë të prodhmit dhe do të jenë subvencione për të ulur koston e prodhimit, koston e pesticideve, koston e farërave, të inputeve bujqësore. E dyta, atë taksën që vuri Rama vit pas viti 240 lekë për liter, do ta heqim për të gjithë, për të gjithë. Dhe me subvencion do të synojmë që ju në veçanti fermerët t’ju ulet edhe më shumë çmimi i naftës. Është turp që ju të shkoni të bleni naftën në Maqedoni. Dhe e treat që ju jap fjalën është që do të keni akses të lirë në trgë. Nuk do keni tregje që i kontrollojnë monopolistët, që t’jua masin kokën me pe dhe për një arkë prodhim t’ju marrin më shumë sesa ju ka kushtuar ta rrisni në tokën tuaj. Këto tre gjëra që j’ua them sot, këto tre gjëra do të jenë shtyllat kryesore që do ta nxjerrin fshatin dhe bujqësinë shqiptare nga kriza”- tha Basha.

·       “Iku një Enver, erdhi një Edver, bizneset në Velipojë të revoltuar nga braktisja dhe diskriminimi i qeverisë me shkatërrimin e fadromave në nisje të sezonit turistik.

·       Bizneset: Xhiroja ka rënë gjysëm për gjysëm, turistë nuk ka. Basha: Diskutime me kryeministrin e Kosovës për të hequr çdo pengesë për rritjen e numrit të turistëve.

·       Basha: Ne qeverinë tonë do të heqim dy pengesat e mëdha për turizmin, taksën “Rama” nga Rruga Kombit dhe taksën “Rama”, 240 lekë/litër tek karburantet.

·       Basha: Biznesi i vogël do të paguajë vetëm 1 taksë. Nuk ka më taksë tabele, taksë gjelbërimi, taksë pastrimi. Vetëm 0.5% e xhiros do të jetë tatimi i vetëm që do të paguajë biznesi i vogël.

·       Basha: Goditja në Velipojë ishte selektive dhe u bë për interesa korruptive. Mafia e ndërtimit me paratë e pista është një nga arsyet pse prishen objektet e njerëzve pa mbrojtje. Lirohet tokë që të ndërtojë mafia e lidhur me pushtetin.

·       Basha: Çdo vendim merret për të ndihmuar oligarkët dhe banditët. Pronat e tyre nuk preken, pasi aty pastrohen paratë e drogës, ata hanë e punë me pushtetin dhe ndajnë paratë, tenderat dhe koncesionet me pushtetin.

·       Basha: Si kryeministër, me ndarjen totale nga krimi, me një ministër të brendshëm, të pastër nga lidhjet me krimin, gjëja e parë që do të vendosim është ligji dhe rendi njësoj për të gjithë. Krimi nuk do të diktojë më qeverinë.

KOMUNIKIMI I KRYETARIT TË PARTISË DEMOKRATIKE, LULZIM BASHA, NGA VELIPOJA 

Kryetari i Partisë Demokratike, Lulzim Basha, vizitoi Velipojën, ku u njoh me gjendjen e rëndë të biznesit, rënien e madhe të blerjeve nga qytetarët dhe numrin shumë të ulët të pushuesve. “Në krahasim me vitet e tjera, 50 përqind e xhiros është deri tani. Është dobët, nuk ka turistë. Këtu puna varet te turistët”,- u shpreh Pal Preka, pronari i një ushqimoreje në Velipojë.

Kreu i opozitës u shpreh se çështja e turizmit, heqja e pengesave për të të do të jetë një nga temat kryesore në takimin e pritshëm me kryeministrin e Kosovës, Abdullah Hoti. “Natyrisht, pengesat më të mëdha janë në këtë anë, po, në çdo rast, të bëjmë të mundur që qytetarët nga Kosova ta kenë sa më të lehtë për të ardhur në plazhet e Shqipërisë.”- tha zoti Basha, i cili theksoi 2 të këqijat më të mëdha për turizmin tani, përveç frikës nga koronavirusi.

“Ka viruse të tjera që duhen larguar. Për të udhëtuar nga Kosova në Shqipëri ka dy pengesa të mëdha, çmimi i naftës që është më i lartë se në Kosovë dhe taksa e Rrugës së Kombit. Këto janë dy çeshtjet që sot, ndoshta, nuk zgjidhen dot, po nesër, në qeverisjen tonë do të zgjidhen. 240 lekë taksa që është vendosur mbi karburantin gjatë këtyre 7 viteve do të hiqet dhe taksa e Rrugës së Kombit do të hiqet, siç e kam premtuar. Kjo, pa diskutim, që do ta ulë dhe koston për turistët nga Kosova, do të bëjë të mundur që më shumë qytetarë të Kosovës t’i drejtohen bukurive të plazheve të Velipojës, plazheve të Shëngjinit dhe plazheve të tjera të Shqipërisë, në Sarandë, Dhërmi e kudo.”- tha zoti Basha.

Pronari i ushqimores ndau me zotin Basha shqetësimin për taksat e larta që paguan, si taksat kombëtare, edhe ato lokale, të tabelës, pastrimit. Kreu i opozitës e njohu me programin e PD për të lehtësuar biznesin nga taksat.

“Në planin tonë ekonomik, 140 milionë lekë të vjetra e poshtë do të jenë të gjithë biznes i vogël. Dhe biznesi i vogël do të paguajë vetëm 1 taksë, vetëm 1 detyrim, 0.5% të xhiros. Do të thotë as taksë tabele, as taksë gjelbërimi, as taksë pastrimi, 0.5% e xhiros do të jetë tatimi i vetëm që do të paguajë biznesi i vogël. Këto para natyrisht do t’i shkojnë pushtetit vendor. Ndihma ndaj sipërmarrjes, ndihma ndaj biznesit të vogël është dhe ndihmë ndaj punësimit, është ndihmë ndaj mirëqenies, ndihmë ndaj konsumit.”- u shpreh zoti Basha.

Kreu i opozitës vizitoi edhe zonën e shkatërruar nga fadromat pak ditë më parë, kryesisht biznese të vogla që punonin në kohën e sezonit turistik. Qytetarët u shprehën të revoltuar për trajtimin diskriminues nga qeveria, e cila godet ata që nuk kanë mbështetje dhe mbron biznese me të ardhura të dyshimta. “Na mbyti mor, Enver iku, Enver erdhi.”- u shpreh një qytetar, të cilit zoti Basha iu përgjigj “Nuk kemi për ta lënë. Do të bëhemi bashkë e do ta ndryshojmë.”

MESAZHI I KRYETARIT TË PARTISË DEMOKRATIKE, LULZIM BASHA NGA VELIPOJA

“Të kthehemi tek problemi tjetër që përjetohet kudo në bregdet nga Velipoja në Dhërmi, në veccanti targetohen zona, të cilat perceptohen se ka edhe kundërshtarë politikë të kësaj qeverie, që është një nga rekordet më të zeza: të diskriminosh njerëzit mbi bazën e bindjeve politike në këto kohë, nuk është thjesht kriminale, është e neveritshme, është primitive.

Le të themi, për një moment, se disa prej këtyre objekteve që u shkatërruan, si t’i ketë shkatërruar pushtuesi në një zonë lufte, në mes të pandemisë, me gaz lotsjellës, me dhunë brutale ndaj grave, le ta zemë se disa prej tyre mund të kenë pasur problem me letrat, por kjo është rruga? Pse në këtë moment? Pse u vendos të ndërhyhej në mes të pandemisë, pse u vendos të ndërhyhej para se të fillonte sezoni turistik, në qoftë se mund ta quajmë sezon turistik këtë gjendje të mjerë të bregdetit, e cila ka qenë kritike dhe është bërë edhe më kritike për shkak të virusit. Atëherë pse?

Padiskutim që këtu prapë ka interesa korruptive, interesa korruptive, sepse edhe goditja është bërë selektive, është bërë selektive për të favorizuar një grup njerëzish.

Dihet që Velipoja prej kohësh vuan nga thundra e krimit të organizuar, njerëz që vendosin se kush merr lejet e ndërtimit, kujt duhet t’i prishet prona që të lirohet toka, që t’i marrin ata prapë lejet e ndërtimit, emra të njohur tashmë jo thjesht për Policinë Shqiptare që rri duarkryq e nuk i prek dot se janë ortakë politikë të pushtetarëve, të partisë në pushtet në Shkodër dhe në Tiranë, por emra të njohur edhe për Europolin edhe për Interpolin.

Mafia e ndërtimit me paratë e trafiqeve të paligjshme është një nga arsyet kryesore pse prishen këto objekte në këtë mënyrë, pse goditen njerëzit e pafajshëm e të mbrojtur në këtë mënyrë ndërkohë që të pushtetshmit ndërtojnë pa leje kat përmbi kat, pa i pyetur askush se çfarë parash kanë, me çfarë parash po ndërtojnë, paratë e çfarë trafiqesh po pastrojnë. Dhe siç e thashë më kriminalja e të gjithave është që zgjidhet kjo për t’i bërë mu në prag të fillimit të sezonit turistik për t’i deprivuar, për t’u hequr edhe bukën e gojës.

Jua kam thënë atë ditë kur pamjet e dhunës ndaj njerëzve tronditën gjithë Shqipërinë, të dhunës ndaj grave të gazit lotsjellës dhe dua t’jua përsëris edhe sot këtu nga terreni: se çdo kush që ka ushtruar dhunë të paligjshme ndaj grave ndaj baballarëve, ndaj fëmijëve si, në aksionin e terrorit këtu në Velipojë, edhe kudo tjetër, do të përgjigjet para ligjit. Do të përgjigjet se nuk kanë vepruar për hesap të ligjit, e kanë përdorur ligjin si alibi për të goditur njerëz të pafajshëm për hesap të oligarkëve dhe bandave të krimit të organizuar që bëjnë ligjin sot në Velipojë si kudo në vijën bregdetare të Shqipërisë .

Gjithçka bëhet pra për të ndihmuar oligarkët, për të ndihmuar banditët, jo për t’i shërbyer ligjit. Janë sebepe të tjerat. Vetëm sebepe sepse ka edhe të tjera ndërtime të paligjshme që hedhin shtat këtu në Shkodër, në Durrës edhe në bregun e Jugut, por ato nuk preken se ato janë pronë të krimit të organizuar, pastrohen paratë e drogës dhe është në ortakëri me pushtetin.

Ato janë pronë të oligarkëve që, po kështu, hanë e pinë me pushtetarët dhe ndajnë me ta aferat e pista korruptive, PPP-të dhe koncesionet.

E pra kjo do të marrë fund. Kjo është gjëja e parë që ne do të vendosim. Unë jam i vendosur ta bëj realitet.

Me forcën e ligjit dhe ligjshmërinë më absolute – dhe ju e njihni sepse e kam demonstruar edhe kur kam qenë ministër i brendshëm dhe pa të cilën s’do të kishim të mundur dot të hiqnim vizat për qytetarët shqiptarë- sot jua premtoj se nesër,  si kryeministër, me të njëjtën vendosmëri, me ndarjen totale nga krimi, me një ministër të brendshëm, po kështu të pastër nga lidhjet me krimin, gjëja e parë që do të vendosim është ligji dhe rendi njësoj për të gjithë.

Nuk do të ketë më një grusht horrash, kriminelësh që diktojnë nga Divjaka në Velipojë e kudo në Jug se kujt i prishet objekti apo biznesi e kush ndërton me leje të marrë në mënyrë klienteliste apo edhe pa leje.

Bashkë me të do të hedhim edhe hapat e tjerë atë që kam prezantuar gjatë gjithë kësaj jave, platformë taksash të ulëta, taksën e sheshtë 9%, uljen e çmimit të karburantit, me taksën 0.5%  për biznesin e vogël. Investimet që do të bëjmë me këto para, nuk do të jenë investime fasadash për të mbushur xhepat e kontraktorëve të miqve pushtetarëve, por dhe investimet që do të ndihmojnë vetë ekonominë, në rastin e turizmit, rrugë aksesi, ujësjellës kanalizime, rindërtim të rrjetit elektrik, se nuk mund të ketë turizëm, ku nuk ka rrugë, kur qelben kanalet me ujërat e zeza, do të jenë investime që me të vërtetë do ndihmojnë ekonominë. Në rastin e turizmit rrugë aksesi, ujësjellës, kanalizime, rindërtim të rrjetit elektrik.

7 vjet të humbura. 800 milion euro të harxhuara vetëm me rilindje urbane dhe Tirana s’ka ujë 24 orë. Kemi sheshe, në pamje të parë me pllaka të reja kudo, po qytetet ku ndodhen këto sheshe nuk kanë ujë, rrjeti i kanalizimeve është pothuajse inekzistent, energjia elektrike dhe rrjeti i energjisë elektrike është i amortizuar dhe tashmë ka filluar të amortizohet edhe rrjeti rrugor, sepse paratë shkojnë për investime fasadë. Kësaj do t’i japim fund.

Paratë e taksave të shqiptarëve, taksave të ulëta që do të paguajnë dhe nuk do të paguajnë vetëm ata që s’kanë akses te pushteti, por do t’i paguajnë të gjithë njësoj, do të shkojnë për investime që ndihmojnë shqiptarët, në veçanti, që ndihmojnë ekonominë.

Dhe e treta që gjej rastin të përsëris, Velipoja, por jo vetëm Velipoja, e gjithë vija bregdetare shqiptare duhet të ndjejë në këtë kohë të vështirë të pandemisë të paktën një mbështetje nga bashkëpunimi me Kosovën. Përtej gjithë problematikës politike me të cilën po përballet Kosova, të cilën do ta trajtoj edhe gjtë takimit sot pasdite me Kryeministrin Hoti, një gjë nuk mund të mos jetë prioritet absolut për Tiranën dhe Prishtinën, do të bëjmë gjithçka që është e mundur që pushuesit nga Kosova ta kenë sa më të lehtë, qoftë në kuptimin e lëvizjes, qoftë në kuptimin e kostos për të ardhur në plazhet shqiptare, për të qëndruar ne hotelet shqiptare, për të qëndruar ne restorantet e vijës bregdetare të Shqipërisë që është  edhe vijë bregdetare e Kosovës, vija jonë bregdetare, në këto muaj të nxehtë dhe për ta bërë sa më të mundur që nga njëra anë njerëzit të kenë mundësi të relaksohen pak nga stresi i jashtëzakonshëm i pandemisë.

Sa më shumë njerëz shpresoj ta kenë të mundur këtë, sepse gjendja ekonomike është shumë e vështirë dhe nga ana tjetër industria jonë e turizmit, sipërmarrja jonë, bujqësia, e cila po kështu është e lidhur ngushtësisht me turizmin, të ketë mundësinë të ngrejë pak kokën, të paktën të ketë një injeksion nga turizmi i brendshëm, nga turizmi kombëtar, nga turizmi Kosovar, i shqiptarëve të Maqedonisë e kështu me radhë.

Sot është e premte, pashë disa autobuza që po parkonin, nga Kosova. Disa pushues nga Kosova që po mbërrinin në plazh dhe për fat të mirë, siç e shikoni, plazhi andej është bosh fare, po këtu ka disa pushues. Do të bëjmë gjithçka që ky realitet mos të jetë vetëm në fundjavë, por të jetë gjatë të gjithë javëve deri në fund të sezonit turistik.

Ju përshëndes nga Velipoja, ku do të vazhdoj takimet me sipërmarrjet, me hotelerinë, me restorantet dhe ju uroj një fundjavë sa më të qetë.”

• Milot-Fier, vjedhja më e madhe e qeverisë. Edi Rama dhe Belinda Balluku 6 fishuan koston për të rritur çmimin e kalimit në rrugë.

DEKLARATË E PARTISË DEMOKRATIKE, ERVIN MINAROLLI, SEKRETAR PËR BURIMET NJERËZORE

Rruga Milot-Fier është vepra më e madhe e vjedhjes së qeverisë së Edi Ramës para largimit.

1.2 miliardë euro për 115 kilometra përkthehet si rrugë që kushton, rreth 10 milionë euro për 1 kilometër. Kosto del shumë më e lartë, nëse merret parasysh se 62 kilometra të saj do të kalojnë në rrugët dhe autostradat ekzistuese.

 1.2 miliardë euro për një rrugë që nuk kalon në terren të vështirë dhe kur më shumë se gjysma e saj rezulton e ndërtuar, është një vendim antikombëtar.

Është futje e duarve në xhepat e varfër të qytetarëve, të cilët duhet të paguajnë shumë shtrenjtë kalimin në rrugën e florinjtë të Edi Ramës dhe të Belinda Ballukut.

Ekspertët llogarisin se kostoja e projektit është fryrë, në mënyrë që pagesa e detyruar për qytetarët të jetë sa më e lartë. Ata që do të kalojnë në këtë rrugë, do të nxjerrin nga xhepi, të paktën 17.4 euro për një udhëtim vajtje-ardhje.

Partia Demokratike nuk është kundër zhvillimit të infrastrukturës, pasi ne kemi investuar më shumë se çdo qeveri tjetër që shqiptarët të lidhen me rrugë moderne dhe të shpejta nga veriu në jug, nga lindja në perëndim.

Për ne është e papranueshme që, qeveria të ndërtojë me kosto 6 herë më të lartë se standardi i Bashkimit Europian.

7 vjet më parë ne siguruam fonde nga Banka Europiane për Rindërtim dhe Zhvillim për një rrugë të ngjashme, ndërtimin e bypass-it të Fierit me një kosto prej 1.8 milionë euro për kilometër.

Sot, është e papranueshme që rruga Milot-Fier të ndërtohet me 6 fishin e kostos dhe milionat nga paratë e shqiptarëve të përfundojnë në xhepat e Edi Ramës dhe Belinda Ballukut.

Kush ka ndërmend të bëhet bashkëpunëtor me Edi Ramën në këtë vendim antikombëtar, që vjedh qytetarët në mënyrë skandaloze, ka akoma kohë të tërhiqet.

Partia Demokratike e ka bërë të qartë: Ne nuk do të njohim asnjë vendim të marrë nga kjo qeveri 12 muaj para zgjedhjeve, pa iu nënshtruar më parë ligjshmërisë së vendimit. Në rastin e Milot-Fier gjithçka vjen era korrupsion!