Blog

•             Banorët dhe bizneset në Kamëz në ditët më të zeza të tyre. Varfëria dhe ulja e konsumit pas pandemisë vetëm sa është rritur.

•             “Marrin ushqime me listë, vijnë e i lajnë në fund të muajit”, bizneset në Kamëz ankohen për krizën që i ka kapluar.

•             Basha: Mundësitë janë por qeveria e ka mendjen tek 5 oligarkë. Të bëhemi bashkë dhe ta ndërtojmë Shqipërinë.

KOMUNIKIMI I KRYETARIT TË PARTISË DEMOKRATIKE, LULZIM BASHA, ME BIZNESET NË KAMËZ

Banorët dhe bizneset në Bashkinë e Kamzës janë ndër më të prekurit nga pasojat e krizës ekonomike pas pandemisë. Gjatë takimeve me kryetarin e opozitës, Lulzim Basha, ata pohuan se ose nuk kanë marrë asnjë ndihmë nga qeveria, ose ajo është fare e pamjaftueshme, duke i lënë në mëshirë të fatit.  Bizneset dhe qytetarët treguan se varfëria është rritur, numri i atyre që marrin ushqime me listë është rritur dhe se konsumi ka rënë.

“Tani s’kanë mundësi njerëzit, se janë varfëruar. Leku ka rënë”- tha një tregtar mishi në dyqanin pa klientë, ndërsa një tregtar tjetër e shikon problemin tek faturat e larta. “Nuk blejnë njerëzit, sepse të thonë që nuk kanë lekë, “lashë 80-100 mijë lekë drita thotë. Lekët e bukës, lekët e mishit i le për dritat.” E njëjta situatë pa klientë ishte edhe në bizneset e tjera të vogla, me të cilët u takua zoti Basha. “Janë shtuar ata që vijnë e marrin me listë ushqimet, vajin, sheqerin, orizin. Ka raste dhe bananet I marrin me listë me shpresën se do t’i paguajnë kur të marrin rrogën ose pensionin” ‘. “80 mijë lekë paguaj dritat, kam edhe qera, ai na dha vetëm 400 mijë lekë. Po a jetohet 4 vetëm me 400 mijë lekë për 4 muaj?”- shpreh një tregtar.

Duke pohuar se xhiro ka rënë shumë dhe se njerëzit nuk blejnë më si më parë, një zonjë nxori papunësinë tek të rinjtë si një nga problemet madhore. “Kam 3 vajza me nga 2 diploma, me mesatare të mirë, por janë pa punë.”- tha ajo. Edhe një i ri që Kryetari Basha takoi në rrugë, gjatë bashkëbisedimit me të, tregoi padurim se kur do të ndryshojë kjo situatë.

“Qytetari: A ekziston ndonjë fije shprese që të rrimë këtu, të punojmë këtu, të jetojmë këtu?

Lulzim Basha: Shqipëria i ka të gjitha mundësitë për të gjithë të rinjtë shqiptarë, madje për të marrë edhe ata që janë larguar. Ajo që duhet është që burimet e vendit, pasuritë e vendit dhe taksat tuaja dhe të prindërve tuaj të shkojnë për ekonominë dhe të shkojnë për t’ju ndihmuar juve, sepse sot gjithçka po punon për 5 veta

Qytetari: Qytetarët janë lodhur! Pritja ka shkuar aty ku s’mban më. Të gjithë e kanë mendjen për të ikur.

Lulzim Basha: E di, por nuk duhet të ikni. Duhet të bëhemi të gjithë bashkë e të ndryshojmë këtu, se kudo që të ikësh, më mirë se këtu në vendin tënd nuk ka. Problemi nuk është Shqipëria, problem është qeveria, është qeverisja e keqe.

Qytetari: Atë e dimë të gjithë po edhe sa duhet? Edhe sa do të presim ne dhe ta durojmë këtë qeveri?

Lulzim Basha: Një orë e më parë. Zullumit po i vjen fundi. Veç të bëhemi të gjithë bashkë dhe t’ia kthejmë Shqipërinë shqiptarëve. Institucionet, taksat, buxhetin, ekonominë t’ua kthejmë shqiptarëve. Dhe të jesh i sigurt, kur ta bëjmë këtë, do të ketë shanse për rininë dhe për këdo tjetër. Shanse për punësim, shanse për mirëqenie.”- theksoi kreu i opozitës.

• Vendimi i KQZ në ikje për të mos shkarkuar kryebashkiakun ilegjtim të Matit provon aleancën e Edi Ramës me krimin. PD do ta ankimojë këtë vendim politik dhe të paligjshem.

DEKLARATË E PARTISË DEMOKRATIKE, ÇLIRIM GJATA, SEKRETAR PËR ÇËSHTJET LIGJORE

Sot shqiptarët duhet të kishin një kryebashkiak më pak të lidhur me krimin, por Edi Rama vendosi ndryshe me KQZ-në e tij në largim.

Në këto 7 vjet të drejtimit të vendit, Edi Rama u provua si Kryeministri që promovoi në politikë dhe në administratën publike më shumë se 600 persona me precedentë kriminalë, nga vrasësit dhe përdhunuesit, tek trafikantët e drogës dhe trafikantët e grave dhe vajzave. Sot ai vendosi të dalë mbi ligjin e dekriminalizimit dhe të mbrojë kryebashkiakun ilegjitim të Matit.

Ligji është shumë i qartë. Agron Malaj është dënuar me burgim për armëmbajtje pa leje. Ligji i dekriminalizimit e ndalon përjetë që ai të kandidojë apo të zgjidhet në një funksion publik.

Neni 2 i ligjit të dekriminalizimit parashikon se nuk mund të kandidojnë dhe as të zgjidhen kryetarë bashkie personat, të cilët janë dënuar me burgim me vendim të formës së prerë, brenda apo jashtë territorit të Republikës së Shqipërisë, për kryerjen e veprimeve apo mosveprimeve që përbëjnë vepër penale, sipas nenit 278 paragrafi i pestë i Kodit Penal, pra për mbajtjen e armëve në mjedise publike pa lejen e organeve kompetente shtetërore.

Për dënimin për këtë vepër penale, ndalimi sipas nenit 4 të ligjit është përjetë. Agron Malaj është dënuar për këtë krim.

Sot Komisioni Qendror i Zgjedhjeve duhet të kishte vendosur për mbarimin e menjëhershëm të mandatit të tij, por iu nënshtrua urdhrave politikë, duke shpërdoruar detyrën dhe besimin e qytetarëve. Për këtë arsye, Partia Demokratike do të kallëzojë penalisht 5 anëtarët e Komisionit Qendror të Zgjedhjeve për shpërdorim të detyrës dhe do të ankimojë në gjykatë vendimin e paligjshëm të KQZ-së.

Vendimi i sotëm provon qartë se Edi Rama nuk e ka dashur kurrë dekriminalizimin, pasi krimi është aleati i vetëm për pushtetin e tij thellësisht të korruptuar dhe të kalbur nga bashkëqeverisja me krimin.

Rasti i Agron Malajt dëshmon edhe njëherë se Edi Rama ka marrë në mbrojtje krimin, duke e promovuar në politikëe dhe në administratën publike, pasi me krimin e ka më të lehtë të vjedhë taksat dhe pasuritë e shqiptarëve dhe t;I rrënojë ata ekonomikisht.

Akti rutinë i një kryeministri normal do të ishte shkarkimi i kandidatëve të tij kriminelë, por Edi Rama, i cili përgojon gjithkënd dhe flet për gjithçka, nuk ka gjetur akoma asnjë moment për të mbajtur qendrim për kriminelët e tij në bashki.

Edi Rama vazhdon të bëjë sikur nuk dëgjon dhe nuk shikon që kandidatët që u ofroi shqiptarëve më 30 Qershor, janë kontigjent burgjesh dhe, njësoj si ai vetë, janë përfaqësues të padenjë për një shoqëri që kërkon të zhvillojë vlerat dhe standardet europiane.

Veglat e tij të inkriminuara në pushtetin lokal, në qeveri, në institucione të tjera gjoja të pavarura nuk do ta shpëtojnë Edi Ramën nga ndëshkimi i qytetarëve të ndershëm të këtij vendi.

Aleanca e krimit ka tashmë përballë qytetarët shqiptarë, që duan institucione të çliruara nga krimi dhe korrupsioni.

• Basha takon bizneset në Njësinë Nr. 1, Tiranë. Tatimorët gjobëvënës, rënia drastike e xhiros dhe fuqisë blerëse, marrja e ushqimeve me listë, mungesa e ndihmës nga qeveria, problemet kryesore për biznesin e vogël.

• Prioriteti i kryeministrit edhe në kohën e krizës, ishin oligarkët, jo biznesi. Shpërndau për oligarkët gati të njëjtën shumë që dha për shqiptarët pas shpërthimit të pandemisë.

• Sulmi ndaj bizneseve që thonë të vërtetën nuk është sjellje e një burri shteti, por e një regjimi në ikje, e një njeriu të obsesuar pas pushtetit dhe pasurisë të tij personale, e një shërbëtori të mjerë të 5 oligarkëve.

• Kjo gjendje do të marrë fund. Buxheti do të shkojë për shqiptarët. Bizneset e vogla do të paguajnë vetëm një taksë, 0.5% të xhiros vjetore, Asnjë taksë tjetër lokale e qendrore. Moratorium 1 vjeçar për tatimorët.

• Jam i shqetësuar nga situata aktuale, por jam optimist se me një bashkim të madh, me një program që do të nxisë punësimin, ekonomia do të dalë nga kriza dhe ndryshimi do të vijë. Do t’i japim fund marrjes peng të qeverisjes nga një grusht oligarkësh dhe kryeministri aktual.

DEKLARATA E KRYETARIT TË PARTISË DEMOKRATIKE, LULZIM BASHA, PAS TAKIMEVE ME BIZNESET E VOGLA TEK NJËSIA Nr.1, TIRANË.

Përshëndetje të dashur miq!

Ju përshëndes nga qendra e Tiranës, ku kam më shumë se një orë e gjysëm në takime me sipërmarrësit e vegjël, me bizneset e vogla, me qytetarë. në çdo cep të Tiranës ku kam qenë këto ditë dhe këto javë kam hasur një listë të gjatë problemesh, ankesash, hallesh që kanë pllakosur biznesin e vogël, sipërmarrjen e vogël, kanë pllakosur njerëzit, qytetarët në lagjet e Tiranës në qendër të Tiranës.

Shumë prej problemeve të sipërmarrjes janë të njëjta: është prania e pafund e inspektorëve tatimorë, e njerëzve që sillen si banda edhe jo si shtet, ku në këto kohë të vështira mendjen e kanë si e si të gjobisin e të nxjerrin edhe lekun e fundit nga xhepat e lodhur të sipërmarrësve të vegjël shqiptarë.

Problemi tjetër shumë i madh është rënia drastike e xhiros. Imagjinoni në dyqanet e bukës, dyqanet e ushqimoreve, tek dyqanet e mishit ka një rënie ëe tmerrshme të xhiros. Ndërsa të tjerët që e mbajnë dyqanin hapur sa për të thënë, më kanë treguar këto ditë, edhe sot, se e mbyllin gjithë ditën pa asnjë klient, mbyllin gjithë javën me 30-40-50 mijë lekë të vjetra xhiro, xhiro tërësisht e pamjaftueshme për të larë qeratë, jo më për të mbajtur familjen apo për të mbajtur fëmijët me bukë.

Kjo është gjendja e sipërmarrjes së vogël shqiptare që është 70 % e sipërmarrjes së ekonomisë në tërësi. 7 në 10 njësi të ekonomisë shqiptare përbëhen nga sipërmarrja e vogël. Dhe në ato raste ku kanë marrë atë ndihmë simbolike dhe totalisht të pamjaftueshme, totalisht të pakrahasueshme me dëmin që u ka shkaktuar mbyllja e biznesit gjatë periudhës së karantinës, ato para siç i kanë marrë i kanë çuar drejtpërdrejt për të paguar qeratë, për të paguar faturat e energjisë që edhe kur i kanë pasur qepenat e mbyllur, u kanë ardhur me faturë afrofe.

Problem tjetër i madh dhe problem kryesor është rënia totale e fuqisë blerëse. Në këto ushqimore dhe ushqimore të tjera kam parë lista të cilat janë dyfishuar gjatë këtyre 2 muajve të fundit, lista të cilat kanë qënë të mëdha edhe më përpara, por që tashmë po kthehen në problemin kryesor.

Siç e kemi paralajmëruar, mungesa e ndihmës për njerëzit mungesa e ndihmës për konsumatorët, për familjarët shqiptarë u përkthye drejtpërdrejt në një problem që u transmetua në gjithë zinxhirët e ekonomisë. Kur nuk kanë para njerëzit për të blerë ushqimet për të blerë bukën e gojës, kjo reflektohet, natyrisht edhe te sipërmarrja e vogël, reflektohet tek gjithë zinxhiri i furnizimit, reflektohet pastaj dhe tek ata sektorë të prodhimit që punësojnë një pjesë.

Me këtë sjellje kjo qeveri dhe ky kryeministër kanë provuar katërcipërisht se prioritet edhe në kohën e tmerrshme të krizës nuk kanë patur shqiptarët, nuk kanë patur sipërmarrja, nuk kanë patur njerëzit, por kanë pasur oligarkët. Shikoni pagesat nga thesari, pothuajse po aq para sa ç’kanë dhënë për shqiptarët, për ekonominë, për konsumin që është një fraksion i asaj që ka paguar Kosova apo Maqedonia e Veriut, po kaq para i kanë dhënë dhe një grupi oligarkësh gjatë këtyre muajve të pandemisë.

Kjo është skandaloze.

Kjo është kriminale.

Është burimi i krizës së thellë kriminale që ne e paralajmëruam edhe para disa muajsh. kur i kërkuam qeverisë që të ndërpriste çdo pagesë dhe çdo tender korruptiv e të ndërpriste çdo aferë si ajo e inceneratorëve, e cila edhe javën e kaluar i kushtoi taksapaguesve shqiptarë miliona, qindra miliona, ndërkohë që me 15 Qershor që jemi sot, një pjesë e madhe e atyre që, sipas vendimeve të qeverisë e meritonin mbështetjen, nuk arritën dot të merrnin asgjë.

E pra, gjendja po vjen e po përkeqësohet dhe e vetmja përgjigje që ka kjo qeveri dhe ky kryeministër është më shumë propagandë, më shumë gënjeshtra, më shumë mashtrime.

Shikoni si e shpenzon kohën duke gjurmuar si një hajdut i vogël, si një spiun i vogël dhe duke u rënë nga mbrapa bizneseve për t’i intimiduar, për t’i frikësuar sepse thonë të vërtetën. Këto nuk janë sjelljet e një kryeministri të përgjegjshëm, këto nuk janë sjelljet e një burri shteti, por këto janë sjellje të një regjimi në ikje, të një njeriu të obsesuar pas pushtetit dhe pasurisë të tij personale, të një shërbëtori të mjerë të 5 oligarkëve, me të cilët punon dhe për të cilët ka vënë të punojë gjithë Shqipërinë.

Epo kjo situatë nuk mund të vazhdojë më kështu dhe nuk do të vazhdojë më kështu! Ne do ta çlirojmë Shqipërinë nga ky ankth, nga ky makth i gjatë. Shqipëria nuk do të jetë më vetëm e 5 oligarkëve. Shqipëria është dhe do të jetë e shqiptarëve dhe kjo do të thotë që buxheti dhe taksat, në radhë të parë, duhet të shkojnë tek shqiptarët, duhet të shkojnë te njerëzit që janë në nevojë, duhet të shkojnë tek ata që janë këputur në mes nga kriza dhe nuk kanë para për të blerë bukën e gojës, pra tek rritja, stimulimi e nxitja e konsumit, siç e kanë bërë vendet fqinje, siç e ka bërë Kosova, siç e ka bërë Maqedonia e Veriut, nuk po shkoj më tutje. Do të shkojnë për të mbështetur biznesin e vogël jo thjesht dhe vetëm me një mbështetje të fuqishme, me një paketë fiskale si ajo që kemi propozuar me 0.5% të xhiros vjetore, e vetmja taksë, asnjë taksë tjetër lokale e qendrore, po, mbi të gjitha, duke i çliruar nga makthi i tatimorëve, duke i futur tatimorët në garnizon përmes një moratoriumi në vitin e parë të qeverisjes e pas kësaj, asnjë kontakt fizik midis inspektorëve të shtetit dhe biznesit të vogël apo biznesit në tërësi.

Do të shkojë pra me një frymë të hapjes të konkurrencës, pozitivitetit që do të ndihmojë ekonominë tonë të dalë nga kjo gjendje makthi, do të ndihmojmë rritjen e konsumit, do të ndihmojmë mbi të gjitha rritjen e punësimit, pa të cilin ekonomia nuk ka dhe nuk mund të ketë të ardhme.

Për këtë na duhet një qeveri që mendon për njerëzit, na duhet një qeveri që buxhetin e shtetit, buxhetin taksat e qytetarëve shqiptarë i çon tek shqiptarët, nuk i çon tek 5 oligarkë. Na duhet një qeveri e çliruar nga pengmarrja për interesat e errëta korruptive të oligarkëve dhe kriminelëve. Kjo është qeveria që meritojnë shqiptarët e, bashkë me këtë, meritojnë mbështetje, jo lëmoshë.

Qeveria detyrohet te marrë masa si ato gjatë Covid-it dhe shkakton dëm ekonomik, është detyrë e qeverisë t’i dëmshpërblejë, nuk mund t’i trajtojë si lëmoshë, as si bamirësi, nuk i ka dëmshpërblyer, i ka lënë në mes të rrugës, i ka braktisur dhe pasojat sot po ndjen çdokush.

Të gjithë jetojmë me pasigurinë sesi do jetë e nesërmja, të gjithë kërkojmë një ndryshim të shpejtë dhe të thellë dhe dua t’ju them sot nga qendra e Tiranës se unë jam po kaq i shqetësuar dhe i brengosur nga situata, por jam po kështu optimist se me një bashkim të madh e të fuqishëm, me një program i cili do të ndihmojë njerëzit, do të ndihmojë konsumatorin shqiptar, do të nxisë punësimin, do ndihmojë biznesin e vogël, biznesin prodhues, ekonomia shqiptare do të dalë nga kriza.

Por, së pari na duhet që, të gjithë së bashku, të sjellim ndryshimin, të kemi një qeveri nga njerëzit të njerëzit dhe për njerëzit dhe t’i japim fund marrjes peng të qeverisjes nga një grusht oligarkësh dhe kryeministri aktual.

Ju përshëndes dhe njëherë këtu nga qendra e Tiranës dhe ju uroj një ditë dhe një javë sa më të mbarë.

• Për bizneset në zonën Ali Demi, në Tiranë, rënia e xhiros dhe falimentimi janë kryefjala pas pandemisë.

• “Këtu ka rënë gjithçka, është për të ikur fare, s’ka ku të shkojë më keq”, bizneset në zonën Ali Demi në Tiranë drejt falimentimit.

• “Ne do ta çlirojmë Shqipërinë nga ky makth i gjatë”, Basha bizneseve: Vetëm me një tatim 0.5%, do të shpëtojmë 70% të biznesit.

KOMUNIKIMI I KRYETARIT TË PARTISË DEMOKRATIKE, LULZIM BASHA, ME BIZNESET NË NJËSINË NR. 1 TIRANË

Në zonën e Ali Demit në Tiranë gjendja e bizneseve është përkeqësuar. Rënia e xhiros dhe rënia e fuqisë blerëse janë dy nga problemet që bizneset i shprehën kryetarit të Partisë Demokratike, Lulzim Basha.

Situata e rëndë ishte pa tërmet, ra tërmeti, tani është shumë më e rëndë prej Covid-it. Si do të shkojë s’e dimë! Gjithë javën 30 mijë lekë xhiro”- i tha një tregtar kreut të opozitës. “Sot nuk kam bërë asnjë lek”- u shpreh një zonjë tjetër, që foli për vështirësitë e mbajtjes me bukë së familjes së saj me 4 persona të tjerë të papunë. “Kam 37 vjet tregti dhe është turp të diskutoj unë për bukë. Është shumë e vështirë! – u shpreh ajo. “Po punojmë me pikatore”- tha një tregtar tjetër, ndërsa dikush që shiste gjëra të përdorura tha se “vetëm sa nxjerr bukën e gojës”.

Kryetari Basha ka takuar gjatë këtyre ditëve biznese të vogla në shumë lagje të Tiranës, por në zonën “Ali Demi”, gjendja duket më e keqe. Tregtarët thonë se njerëzit janë pa punë, nuk kanë mundësi të blejnë, xhiro nuk ka, ndihmë nga qeveria jo, gjobat janë pa pushim, duke përkeqësuar situatën e të gjithëve në një reaksion zinxhir.

“Me një vit më parë, nuk bëhet fjalë fare, shumë dobët. Po rrimë me shpresën se po ndryshon”- u shpreh një tregtar. “Tani është jashtëzakonisht dobët, pothuajse po rrimë gjithë kot dhe nuk e dimë sa do të vazhdojë kështu.” – tha një tjetër. “Ja shiheni, ja ku e keni, bosh! Këmbë robi! Po thonë që bëhet nami me gjoba, po s’kanë ardhur nga lagjja jonë akoma.”- tha një tregtar, i cili tregoi se kishte bërë një xhiro prej vetëm 4 mijë lekësh të vjetra.

Kreu i opozitës pati rastin të shpjegojë 2 nga masat e planit të opozitës për të rimëkëmbur biznesin e vogël, i cili përbën 70% të ekonomisë shqiptare.

“E para, biznesit të vogël ne do t’i lëmë vetëm një tatim. Do t’ia heqim edhe taksat lokale, gjelbërim, tabelat, të gjitha. Vetëm një tatim 0.5% e xhiros vjetore, atë do t’ia çojmë pushtetit lokal që të kujdeset për infrastrukturën. E dyta, inspektor me sy s’keni për të parë më. Me një pullë tek dera aty, u fut inspektori Brenda, ndëshkohet inspektori, sepse po arritëm këtë, do të çlirojmë 70% të biznesit që është biznes i vogël. Problem kryesor pas taksave dhe rënies së konsumit është klima që krijohet. I gjithë biznesi që takoj kudo, nga Shkodra në Vlorë nga Korça në Durrës, edhe në Tiranë flet për klimë terrori!  Po si mund të jetojë biznesi me klimë terrori sikur po bën faj. Biznesi po mban Shqipërinë në këmbë. “– theksoi Kryetari i Partisë Demokratike, Lulzim Basha, gjatë takimit me tregtarë dhe biznese të vogla në zonën e Ali Demit.

• Amnistia Fiskale e Edi Ramës do ta shndërrojë Shqipërinë në lavatriçen më të madhe të parave të pista të krimit të organizuar dhe korrupsionit në Europë!

DEKLARATE PD, JORIDA TABAKU

Këmbëngulja e qeverisë për Amnistinë Fiskale, ndërsa vendi është futur në spiralen e një krize që do ta çojë vendin në një rënie ekonomike sa 9% e PBB-së, tregon se prioriteti i Edi Ramës nuk është  shërbimi për qytetarët, por pasurimi i okigarkëve pastrimi i parave të pista, siç ka bërë gjithmonë në këto 7 vjet.

Ligji në fjalë është ideuar jo për t’i shërbyen shqiptarëve që kanë emigruar dhe u duhet të deklarojnë pasurinë. Jo! Synimi parësor i ligjit është që të ndihmojë të inkriminuarit dhe organizatat kriminale që të pastrojnë pasuritë dhe paratë e tyre në mënyrë të paligjshme.

Së dyti, ligji në fjalë është tentativa e radhës për ta shndërruar Shqipërinë në Panamanë e Europës dhe Ballkanit. Në nenin 5 pika 1 ligji evidenton se përfitues të këtij ligji janë edhe individë “rezidentë tatimorë në Republikën e Shqipërisë, pavarësisht shtetësisë së tyre”.

Pra, me pak fjalë, nëse në Shqipëri është rezident një individ, i cili nuk deklaron pasurinë e tij në një shtet të BE-së apo SHBA-së, ky qytetar përfiton nga kjo amnisti dhe, gjithashtu, mund t’i shpëtojë hetimit të kësaj pasurie nga qeveria shqiptare. Kjo në fakt është një tentativë e radhës e qeverisë Rama e cila disa muaj më parë iu drejtua Londrës në një konferencë për të shitur pasaportën shqiptare tek kushdo i ashtuquajtur “investitor” i huaj.

Pikërisht, këto dy grupe do të përfitojnë nga kjo amnisti totale, duke shpëtuar edhe nga hetimi për burimin e pasurisë. Draftligji parashikon jo vetëm ruajtjen e konfidencialitetit, por edhe mos hetim për ato individë të huaj apo vendas që do të përfitojë nga amnistia.

Për të lehtësuar pastrimin e parave të pista, qeveria ka vendosur pagesën e një takse të ulët, që shkon 5% deri maksimalisht 10% e vlerës së deklaruar. Ndërkohë qeveria e Edi Ramës detyron qytetarët e vendit, përgjithësisht shtresën e mesme dhe biznesin e ndershëm të paguajë taksa deri në 23%.

Nuk ka asnjë arsye financiare që një vend ku bankat kanë likuiditet të lartë, ku kreditë nuk po jepen jo si pasojë e mungesës së likuiditetit nga bankat, por si pasojë e krizës së besimit në ekonomi, shteti dhe qeveria të paraqesë një amnisti fiskale dhe penale.

Ky ligj është i dëmshëm për ekonominë, është nxitës për paranë e krimit dhe të korrupsionit.

Qeveria e ka lidhur amnistinë edhe  me ligjin e kriptomonedhave, që konsiderohen si një tjetër rrezik i lartë për pastrimin e parave.

Me një buxhet të lodhur, të vjedhur, të korruptuar, me dështim në çdo fushë te ekonominë, me informalitet të lartë si rezultatet i rritjes së taksave e favorizimit, duan të sjellin të ardhura që vetë i kanë vjedhur. Duan të zhdukin punën e ndershme të qindra mijëra shqiptarëve dhe të mbështesin dhe një herë ato dy kategori që kanë mbështetur në këto 7 vite, kriminelët dhe oligarkët.

Me pak fjalë, Edi Rama po e kthen Shqipërinë në Panamanë e Ballkanit. Vendi jonë do të shikohet si lavatriçja më e madhe e parave të pista në Ballkan dhe Europë.

Do të kthehet në regjistrin kontabël të të inkriminuarve që do të hiqen si investitorë, të mafiozëve që do të hiqen si biznesmenë.

Ky është vizioni për Shqipërinë 2030 që kryeministri në ikje ka për vendin. Një çmenduri që nuk duhet lejuar në asnjë moment dhe luftuar pa asnjë kompromis. Një akt që bie në kundërshtim me çdo parim dhe me interesin kombëtar. Shqipëria ka nevojë të promovojë punën e ndershme, jo paratë e pista.

• Pastrimi i parave të mafias italiane nga kompania publike e pastrimit të Tiranës, Erion Veliaj dhe Edi Rama duhen hetuar nga SPAK

• Erion Veliaj dhe Edi Rama që sollën në Tiranë kompaninë që pastron paratë e Ndraghetës po heshtin për të mbuluar të vërtetën.

DEKLARATË E PARTISË DEMOKRATIKE, INA ZHUPA, ZËDHËNËSE E PARTISË DEMOKRATIKE.

Prej shtatë ditësh kemi denoncuar aferën e radhës së Bashkisë Tiranë. Bashkia Tiranë duket se është implikuar në pastrimin e parave të pista të mafies italiane. Kjo na vjen nga indiciet e një hetimi që ka nisur prokuroria italiane, e cila ka akuzuar për pastrim parash të pista pikërisht ortakun e Erion Veliajt, Flavoi Tosi me të cilin ai bëri një marrëveshje bashkëpunimi në emër të Bashkisë Tiranë, duke ndërtuar kompaninë e përbashkët midis Bashkisë Tiranë-Bashkisë Veronës dhe kompanisë AGSM Holding për pastrimin e plehrave në Tiranë e quajtur “Eco Tirana”.

Një nga aksionerët e kësaj kompanie “Eco Tirana” sot është në hetim, ashtu siç edhe Flavio Tosi, ish kryebashkiaku i Veronës sot është nën hetim për pastrim parash.

E vetmja gjë që nuk ka ndodhur është llogaridhënia, hetimi dhe dalja para përgjegjësisë e Erion Veliajt dhe kumbarit të kësaj marrëveshje Edi Ramës, përpara drejtësisë shqiptare, përpara SPAK-ut për të kuptuar deri ku shkon lidhja midis pastrimit të parave të mafies italiane që bëhet nëpërmjet Bashkisë së Veronës me Flavio Tosin dhe Andrea Miglioranzin si një nga aksionerët e “Eco Tiranës”, sesa të përfshirë janë Erion Veliaj dhe Edi Rama  në këtë trafikim, në këtë marrje pjesë të pastrimit të parave të pista të Ndragheta-s, të mafies italiane.

“Eco Tirana”  është një kompani e cila ka hyrë në vitin 2016 në sajë të marrëveshjes që nënshkroi Erion Veliaj bashkë me Flavio Tosin këtu në Bashkinë e Tiranës.

Kjo marrëveshje hyri në fuqi dhe “Eco Tirana” ka marrë sot rreth 4 milionë Euro nga Bashkia e Tiranës me premtimin se do të bënte ndarjen në burim të mbeturinave, se do të bënte diferencimin e tyre, se do të bënte Tiranën si Veronën, qytetin më të pastër sipas Veliaj.

Sot ne nuk kemi një diferencim të mbetjeve, sot ne nuk kemi një ndarje në burim sepse të gjithë i shohim koshat e plehrave në Tiranë.

Sot ne nuk kemi një Tiranë më të pastër, sot kemi një “Eco Tirana” tepër të fuqishme e cila merr për 1 ton mbetje urbane, 35 Euro dhe më shumë për mbetje të tjera, merr për çdo kamion nga 90 mijë lek deri në 125 mijë lek, askush nuk mund të çojë dheun e vetë, nga një objekt në një objekt tjetër pa ia shitur më parë “Eco Tiranës” dhe pa u detyruar ta blejë po te “Eco Tirana” dheun e tij.

Në këtë mënyrë “Eco Tirana” është kthyer në një monopol të fuqishëm të mbetjeve në qytetin e Tiranës me bashkëortakun Erjon Veliaj.

SPAK-u ka detyrimin që t’u tregojë shqiptarëve se hetimet e prokurorisë italiane vlejnë edhe për Shqipërinë, cila është lidhja me Shqipërinë.

Kemi një rast tjetër ku hetoheshin paratë e drogës. Nisi prokuroria italiane hetimin që më pas do të vazhdonte prokuroria shqiptare për Sajmir Tahirin dhe për Edi Ramën.

Në këtë rast nuk kemi paratë e një klani droge, por kemi paratë e pista të mafias italiane dhe përsëri hetimi ka nisur nga prokuroria italiane dhe është detyrim që të vazhdojë nga SPAK, i cili ka tagrin e vetëm për të hetuar institucionet shqiptare, zyrtarët e lartë shqiptarë siç janë Veliaj dhe Rama, për të kuptuar se institucioni që mbahet me taksat tona, institucioni që paraqet qytetarët e Tiranës po përdoret dhe keqpërdoret për pastrimin e parave të pista të mafias italiane.

Erjon Veliaj është i njohur tashmë që punon për një grusht njerëzish, punon për oligarkët e ndërtimit, akuzohet për kullëzimin e Tiranës dhe lidhjen me paratë e pista të drogës. Kësaj rradhe vjen nga Prokuroria italiane. Është një akuzë e rëndë për pastrimin e parave të pista të mafias italiane. Kjo është një akuzë që nuk do ta lëmë pa ndjekur.

SPAK ka detyrimin që ta vazhdojë, Erjon Veliaj ka detyrimin t’ju përgjigjet shqiptarëve, qytetarëve të Tiranës, sesi e ka shndërruar Bashkinë e Tiranës në një lavatriçe të pastrimit të parave të pista të mafias italiane.

•          Turizmi në Vlorë drejt falimentimit pas pandemisë. Mungesa e një pakete ndihme nga qeveria, po i çon drejt mbylljes.

•          Basha: I vetmi kryeministër që nis sezonin me shkatërrim. Sfida jonë është të kthejmë besimin tek ekonomia.

•          “Interesin e qeverisjes tonë të ardhshme duam ta lidhim me interesin tuaj”, angazhimi i Bashës me turizmin e braktisur në Vlorë.

KOMUNIKIMI I KRYETARIT TË PARTISË DEMOKRATIKE, LULZIM BASHA ME BIZNESET DHE HOTELIERËT NË VLORË

Vlora është një nga qytetet e goditur më rëndë nga dështimi i qeverisë me menaxhimin e krizës ekonomike që pasoi pandeminë. Kryetari i opozitës Lulzim Basha u takua me dhjetëra biznese në Vlorë, të cilët shohin se e kanë falimentimin në prag. Dyqanet bosh, hotelet bosh, lokalet bosh janë treguesi i një krize të rëndë, që po përkthehet në largimin e njerëzve nga puna, veçanërisht në sektorin e turizmit.

“Hotelet janë 100% në ditën e tyre më të zezë, restorantet mbahen me këto të qytetit, nuk është se ka të ardhur nga qytetet e tjera apo nga Kosova”- tha pronari i një agjencie turistike, i cili tregoi konkretisht sesa e pamjaftueshme është ndihma e qeverisë. “Na kanë premtuar për dy nga punonjësit atë 40 mijë lekëshin, por ai mbulon vetëm një muaj. Ndërkohë, vajtëm 4 muaj pa punë edhe nuk e dimë akoma sesa do të jemi. Qiranë edhe detyrimet e tjera i kemi paguar një më një.”

“Situata si tani nuk ka qenë ndonjëherë! E shikoni, është bosh. Vajti disa vite kështu, por tani pas pandemisë është katastrofike fare.”- tha pronari i një lokali, ndërsa një tjetër iu referua periudhës pas luftës së parë botërore. “Situata këtu në Vlorë është shndërruar si në kohë të Gjermanisë, në 1923, që ndërrohej mall me mall, nga puna e inflacionit të parasë. Tek furra e bukës dikush i ofroi një televizor për një muaj bukë.”

Në një dyqan në rrugën tregtare në Vlorë, pronarja tregoi se konsumi ka rënë në mënyrë drastike. “Xhiroja është skandal. Ja siç e shikon përditë kjo është!”- tha ajo duke i treguar Bashës dyqanin bosh. Edhe një lokal i madh afër detit ishte bosh. “Unë kam 5 të punësuar. Po vazhdoi kështu kjo kohë, s’ka se si të vazhdosh. Nuk ka xhiro, nuk ka gjë!”- shprehet i dëshpëruar pronari i tij, i cili mbështet konstatimin e zotit Basha se në këtë gjendje kishte parë pothuajse të gjithë lokalet e tjerë.

Gjatë qëndrimit në Vlorë, kreu i opozitës u takua me disa operatorë turistikë, të cilët treguan gjendjen e rëndë të turizmit dhe papunësinë në rritje, për shkak të mungesës së ndihmës nga qeveria dhe keqmenaxhimit të situatës së pandemisë.

“Të gjithë që jemi këtu jemi bosh, jo se janë vetëm dyqanet. Situata është alarmante fare, bosh fare. Punëtorët i kemi kthyer. Pagesat e rrogave nuk arrijmë dot t’i bëjmë të gjitha. Po vazhdoi kështu deri në nëntor, duhet të ngremë duart të gjithë. Njerëzit nuk vijnë në hotele, jemi bosh, zero, zero, zero. Menduam fundjavës mos lëvizte, por edhe fundjavat janë shumë të vakëta fare. Zero!” U shpreh njëri nga operatorët turistikë, i cili u pasua nga një tjetër me parashikime pesimiste për të ardhmen. “Problemi është pasiguria për nesër. Pandemia do të kalojë, por çështja është se ne jemi të pasigurt në këtë treg. Tani jemi të falimentuar ne. Është biznes i falimentuar! Jemi të vdekur që marrim frymë.”- tha pronari i një hoteli.

Lideri i opozitës mbështeti kërkesat e operatorëve turistikë për një paketë të veçantë për turizmin, i cili ka marrë një goditje të rëndë nga anulimet e të gjitha rezervimeve. Basha tha se kjo duhej bërë shpejt dhe se nuk është çështje dëshire apo lëmoshe e qeverisë, por e detyrimit ligjor të emergjencës civile.

“Është pak shejtanllëk ajo që thotë “paga e luftës”. Luftë nuk ka, ka pandemi, për shkak të pandemisë ka masa anti-pandemi. Për shkak të masave të anti-pandemisë ka dëm ekonomik, dëmin ekonomik me ligjin në fuqi qeveria është e detyruar ta dëmshpërblejë. Ai e di fare mirë që dëmi është më i madh se 240 mijë lekë për punonjës, është më i madh se 400 mijë lekëshi. Dakord, nuk e shpërblen dot 100%, nuk e lan dot 100%, po të paktën duhet të lash një pjesë të mjaftueshme të dëmit. Brenda mundësive. A janë mundësitë? Absolutisht janë mundësitë. Sepse për të gjithë shqiptarët, sot që flasim, ka paguar nga thesari aq sa ka paguar gjatë kohës së pandemisë për 5 apo 6 veta”. – theksoi kreu i opozitës.

“Jemi shtrënguar sa s’ka më, kemi vajtur te kocka!”- tha një tjetër pronar hoteli duke treguar padrejtësinë e qeverisë në raport me ndihmën e paktë që jep dhe detyrimet e mëdha që kërkon.

Pronari i një biznesi hotelerie u shpreh se kishte të punësuar 200 vetë, por nëse situata do të vazhdojë të jetë si tani, do të detyrohet të largojë nga puna shumicën e tyre. “Me ndihmën sociale të qeverisë nuk ia dilet për asgjë.” – i tha ai zotit Basha, i cili pati rastin të shpjegonte ndryshimin mes tij dhe qeverisë aktuale në trajtimin e biznesit.

“Mirëqenia juaj, prosperiteti juaj si sektor dhe i biznesit në tërësi është interes publik i Shqipërisë. Ata ju shikojnë si taksapagues, për mua jeni punëdhënës, në radhë të parë. Taksa është instrument në funksion të ekonomisë, në funksion të punësimit, nuk është instrument në funksion të rilindjes urbane apo të 10 koncesioneve ku i ka çuar lekët ky.”- u shpreh Basha.

“Në qoftë se s’merren masa nga qeveria për taksat e për detyrimet e tjera, ne jemi të mbyllur. Vetëm t’i vëmë zjarrin se s’ka zgjidhje tjetër.”- I tha kreut të opozitës pronari i një hoteli. “Çdo gjë është anuluar. Prenotimet u fshinë që të gjitha.”- tha një tjetër. “Unë dëgjoj “luftë, luftë, luftë”, duhet të hiqet fjala “luftë”. Duhet të jemi të kujdesshëm këtë gjë e pranojmë. Tani na del kryeministri edhe na thotë që ne do ta mbyllim prapë. Po hajde i mbyllim që të gjithë, sepse s’ka punë, por në fund s’vdes nga virusi, do të vdesim nga uria”.

Kreu i opozitës tha se është e papranueshme që provokohen situata të tilla që demotivojnë turizmin në kulmin e krizës, siç ishte edhe rasti i Velipojës.

“Shqipëria është  i vetmi vend në botë ku kryeministri e fillon sezonin turistik me matrapik, me prishje. Një gjë ju garantoj: nuk ka për të pasur njerëz të privilegjuar se po s’hapëm konkurrencën, po nuk garantuam barazi mes aktorëve në treg, kjo vetëm ekonomi tregu nuk quhet. Të mos të ketë më 4-5 të preferuar dhe të gjithë të tjerët të ulin kokën para tyre.”- theksoi zoti Basha, duke dhënë një mesazh për vlonjatët: “Vlora është e mençur, do të dijë të zgjedhë të vërtetën dhe të drejtën kësaj radhe besoj.

• Erion Veliaj me metoda mafioze kundër medias. Po përdor segmente të caktuara shtetërore për t’i mbyllur gojën RTV Ora.

• Çdo zyrtar i përfshirë nga Veliaj në sulmin kundër gazetarëve dhe pronarit të RTV Ora do të mbajë përgjegjësi.

DEKLARATË E PARTISË DEMOKRATIKE, ALBANA VOKSHI

Erion Veliaj është shndërruar sot në një nga pushtetarët më të rrezikshëm kundër lirisë së medias. Në telefonin e çdo gazetari apo pronari mediash, që është treguar kritik ndaj bashksië së Tiranës, gjendet patjetër një mesazh joshës, intimidues apo kërcënues nga Erion Veliaj.

Rasti i televizionit RTV Ora është më flagranti në radhën e gjatë të mediave që Erion Veliaj i kërcënon me qëllim mbylljen e gojës.

Gazetarët e Televizionit Ora janë prej muajsh nën sulmin e pandërprerë të Erion Veliajt. Për shkak të punës së pavarur të gazetarëve, që vënë në dukje abuzimet skandaloze të bashkisë së Tiranës, shkeljen e ligjit në tendera dhe dhënien e lejeve korruptive të ndërtimit, kryetari i Bashkisë së Tiranës Erion Veliaj po përdor çdo mjet për të kërcënuar jo vetëm gazetarët, por edhe pronarin e kësaj mediaje, Ylli Ndroqi.

Mesazhi i Erion Veliajt është i qartë: Televizioni Ora duhet të pushojë kritikat ndaj tij dhe Bashkisë së Tiranës. Nëse nuk pranojnë kronikat e gatshme të Veliajt, duhet të heshtin, të mos investigojnë, të mbyllin gojën përpara padrejtësisë dhe abuzimit me pushtetin nga Kryetari i paligjshëm i Bashkisë së Tiranës.

Në shërbim të këtij mesazhi mafioz, Erion Veliaj ka angazhuar edhe institucione të tjera, përfshirë segmente të Policisë së Shtetit dhe të organeve të tjera ligjzbatuese.

Për Partinë Demokratike këto metoda represive kundër fjalës së lirë janë të papranueshme. Erion Veliaj do të japë llogari për këtë.

Bashkë me kryebanditin e Tiranës, që kërcënon, fyen dhe shantazhon gazetarët, do të japë llogari çdo punonjës i shtetit që zbaton planin mafioz të Erion Veliajt, me miratimin në heshtje të Edi Ramës, për të kërcënuar Televizionin Ora, gazetarët dhe pronarin e tij.

Sulmet mafioze të Erion Veliajt ndaj televizionit Ora, ndaj gazetarëve të saj dhe kundër pronarit të televizionit Ylli Ndroqi nuk kanë të bëjnë thjesht me një person apo me një televizion. Ato janë sulme kundër lirisë së shprehjes, lirisë së medias, kundër lirisë së mendimit dhe lirive politike.

Segmentet e shtetit që Erion Veliaj po i keqpërdor për interesat e tij kriminale duhet të kuptojnë që përgjegjësia është individuale dhe secili do të përgjigjet për çdo veprim kriminal kundër lirisë së medias.

“Prodhimet u hodhën poshtë”, fermerët e Beratit ankohen tek Basha për mungesën e tregut dhe të subvencioneve.

Basha: Mbështetje fermerëve sipas prodhimit, ulja e çmimit të naftës dhe treg të garantuar, janë masat që do të marrim.

Basha fermerëve: Kontrolli i tregut nga monopolet do të marrë fund.

KOMUNIKIMI I KRYETARIT TË PARTISË DEMOKRATIKE, LULZIM BASHA ME FERMERËT NË BERAT

Kryetari i Partisë Demokratike, Lulzim Basha, gjeti në Berat fermerë të revoltuar nga braktisja e qeverisë, nga mungesa e ndihmës dhe e infrastrukturës që nxjerr një kosto të lartë prodhimi. Fermerët i treguan zotit Basha se janë detyruar të hedhin prodhimet në kanal, se nuk kanë marrë kurrë asnjë subvencion nga qeveria.

“U hodhën poshtë sallatorët, humba 100 kuintal. S’kishte kërkesë fare. E hodha në kanal. Humba shumë se nafta ka shumë shpenzime”. – tha një fermer, ndërsa një tjetër tregoi se nuk ka marrë kurrë subvencione. “Unë aq sa e kam, prej 10 vitesh as një diçka nuk kam marrë nga shteti.”- i tha një fermer tjetër kreut të opozitës. “Nuk e mbuloj dot as koston. Jam detyruar të vendos ullinj poshtë, ku kam pemëtari, se s’kemi ç’bëjmë, t’i presim te bëjmë dru nga e keqja. Nuk ia dilet! Plehrat kimike që hedhim ne aty me pikatore, ajo është pikë gjaku për ne, se janë shumë shtrenjtë. Të hash atë domate me 4 mijë- 6 mijë lekë kilen e plehut është tmerr!”- tregoi vështirësitë e mëdha një fermer.

“Dy gjërat kryesore që duhen bërë urgjentisht. E para, mbështetja për çdo fermer në bazë të prodhimit. Siç i mbështet Maqedonia dhe Kosova. S’po them si i mbështet Gjermania, por, të paktën, aq sa ç’bëjnë në Kosovë, do të bëjmë edhe ne për ju. Dhe e dyta ulja e çmimit të naftës që të paktën t’i shikoni hajrin punës, jo ta punoni gjithë sezonin dhe pastaj ta hidhni prodhimin në kanal.
Do të ndërmarrim masa që prekin të gjithë njerëzit ,por që do t’ju ndihmojnë në veçanti ju, siç është ulja e çmimit të karburantit. 240 lekë më lirë do të jetë karburanti, sepse ne do ta heqim taksën e qarkullimit që vuri ky. 2 herë nga 100 lekë plus TVSH, 240 lekë më lirë do ta blini karburantin. Treg i monopolizuar, përfitojnë 5 veta, ndëshkoheni ju që jeni prodhuesit, ndëshkohen dhe konsumatorët. Pse? Sepse fitojnë vetëm 5 veta.”- u shpreh zoti Basha.

Një problem që u ngrit pothuajse të gjithë fermerët ishtë mungesa e linja të energjisë elektrike dhe çmimi i saj i lartë.

“Korenti paguhet 168 lekë, po të vadisësh domatet me 168 lekë korentin. Të paktën të ishte sa i furrës së bukës”- tha një fermer në Berat. “Shteti s’na e bie korrentin këtu. Tërë ato sera këtu, na e sill. Të jap unë atë kontratën. Sa do? 1 milionë. Do ia jap unë kontratën. Një herë ta bëjmë kontratën, edhe paguaj detyrimet që më takojnë.”- u shpreh një fermer, ndërsa një tjetër iu bashkua kreut të opozitës në domosdoshmërinë e bashkimit pëe të bërë betejën që qeveria të mbrojë interesin e qytetarëve.

Fermeri: Të vijë ajo energjia këtu do të jetë gjë e madhe.

Basha: Duhet të keni shtetin në krahun tuaj si fillim. Nuk kërkoni lëmoshë, ju thjesht kërkoni mundësitë për të punuar. Na pret një betejë për ta bërë këtë.
Fermeri: Pse mos ta bëjmë?

Basha: Shteti sot në krahun e pesë vetave është. Ju punoni nga mëngjesi deri në darkë në sera, nëpër ara, për të përfituar 5 veta. Kësaj do t’i japim fund. Për këtë ju jap fjalën. 5 veta nuk do të jenë më padronët e Shqipërisë e të djersës tuaj. Ky shtet sillet si bandë me njerëzit, prandaj kemi ardhur këtu ne. Nuk sillet që t’ju mbrojë edhe të promovojë interesat tuaja, t’ju ndihmojë, po ku e ku t’ju vërë shkelmin në fyt. Prandaj duhet të ndryshojë një orë e më parë. Këtë kam ardhur t’ju them, një orë e më parë, që ta keni shtetin në krah e jo ta keni kundër.”- theksoi kreu i opozitës gjatë bashkëbisedimit me fermerët në Berat.

Duke mbështetur plotësisht kërkesat e fermerëve, zoti Basha tha se qeveria e ka për detyrë të ndihmojë gjysmën e pooullsisë dhe jo ta konsiderojë mbështetjen për ta si një lëmoshë.

“Subvencionet një, ulja e çmimit të naftës dy dhe aksesi në treg tre. Këto duhen bërë. Subvencionet sipas prodhimit.”- tha zoti Basha.

Kreu i opozitës siguroi fermerët se bujqësia do të jetë prioritet për qeverinë e tij. “Kjo do të thotë dy gjëra. Në rradhë të parë, do të thotë që për gjithë vendin, do të kemi një buxhet për mbështetjen direkte për fermerët sipas prodhimit. Nuk do të jetë për grumbulluesit, do të jetë për fermerin sipas prodhimit. Do të të njëjtën masë që i ka Kosova dhe Maqedonia. 100 milion Euro për të gjithë vendin sipas prodhimit. Gjysmën e kësaj shume, vit për vit do ta shpenzojmë për infrastrukturën rurale, që nga rrugët e aksesit, tek energjia elektrike, tek vaditja, tek kullimi e çfarë ka nevojë bujqësia”- theksoi zoti Basha.

Kreu i opozitës i kushtoi vëmendje edhe një prej probleme kyçe për fermerët, konkurencës së pandershme.

“Ju e keni më kollaj të dilni pa viza në Europë, sesa të çoni prodhimin tuaj në treg. Kjo do të marrë fund. Kontrolli i tregjeve nga monopolistët dhe nga njerëzit e lidhur me pushtetin do të marrë fund. Ju do të keni akses në treg dhe po kështu prodhimet tuaja do të mbrohen, që do të thotë: “ Prodhimet e fermerit të huaj që përpiqen të hyjnë në tregun tonë, do të barazohen sepse ata që marrin subvencione apo i marrin subvencionet më të larta se ju nuk mund t’iu konkurrojnë ju në mënyrë të pandershme para konsumatorëve tanë dhe ne do bëjmë gjithçka që prodhimi juaj të shitet i pari.” Do të bëjmë gjithçka që prodhimi juaj të shkojë në eksport, jo ta hidhni në kanal, sepse është krim. Të gjitha prodhimet që vijnë nga jashtë, të fermerëve të huaj, të subvencionuar në masë më të madhe se fermerët tanë do të kenë tarifën në doganë. Doganat sot janë bërë problem sepse importuesit, një grusht importuesish sjellin prodhimet, shpeshherë skarco, me cilësi më të dobët se tonat, por me çmime më të ulëta dhe mbushin xhepat një grusht importuesish dhe pushtetarët e lidhur me ta. Ndërkohë që gjysma e popullsisë që jeton me tokën, rrijnë me gisht në gojë. Kjo do marrë fund! Doganat shqiptare do të mbrojnë fermerin shqiptar, jo ta ndëshkojnë fermerin shqiptar.”

Kreu i opozitës i inkurajoi fermerët të rezistojnë me besimin se duke ndryshuar qeverisjen e vendit, do të bëhet më mirë për njerëzit në fshat dhe në qytet. “Po vjen ndryshimi dhe ka për të qenë në gjithë Shqipërinë dhe jo vetëm në Tiranë.”

PD kërkesë KQZ: Të thirret mbledhja dhe t’i hiqet mandati kryebashkiakut të Matit Agron Malaj

Kërkesa për dijeni edhe ambasadorëve të SHBA dhe BE: KQZ të zbatojë ligjin dhe jo urdhrin politik të Edi Ramës.

shkrese KQZ per Agron Malajn

• “Punojmë për mbijetesë”, bizneset në Tiranë ankohen tek Basha për uljen drastike të fuqisë blerëse.

• Basha: Do të keni më shumë sapo të largojmë virusin e madh që ka varfëruar shqiptarët.

KOMUNIKIMI I KRYETARIT TË PARTISË DEMOKRATIKE, LULZIM BASHA, NË NJËSINË NR. 4 NË TIRANË

Në njësinë numër 4 në Tiranë, gjendja e bizneseve të vogla është përkeqësuar me shpejtësi pas pandemisë. Tregtarët i treguan kreut të opozitës, që vizitoi bizneset e zonës se ndihma e qeverisë u përdor për të paguar taksat dhe faturat e dritave dhe të ujit. Të gjithë pohojnë se nuk fitojnë asgjë dhe se konsumi është përgjysmuar.

“Xhiro më ka rënë me 30-40%, vetëm sa mbijetoj.”- tha një tregtar, ndërsa një tjetër vuri në dukje rënien e fitimit nga taksat e larta dhe varfëria që detyron njerëzit të marrin ushqime me listë. “Ne po e vuajmë. Kam këtu 20 vjet dhe tani po punoj me 120 milion lekë mall, por vetëm sa ha bukë! Fitimin e kam, 10%, 8%. Po të m’i shikosh listat…” – tha një tregtar.

Duke iu përgjigjur një tregtari që tregoi se lekët nga paketa e ndihmës ia ktheu mbrapsht qeverisë më taksat e larta dhe faturat afrofe, kreu i opozitës theksoi nevojën urgjente që ka biznesi për mbështetjen e duhur. “Në qoftëse nuk mbështetet biznesi, nëqoftëse nuk mbështetet sipërmarrja, ekonomia do të shkoj drejt një fundi të shpejtë dhe të dhimbshëm. Ju meritoni më shumë dhe do të keni më shumë. Sa të largojmë virusin e madh.”- theksoi Basha.

Mes tregtarëve që takoi kreu i opozitës kishte edhe nga ata që ose nuk kishin bërë xhiro fare, ose ajo që kishin shitur ishte e papërfillshme. Dikush kishte bërë vetëm 8 mijë lekë të vjetra xhiro për 5 orë, dikush tjetër thotë se xhiro është përgjysmuar. “Kur bëhet llogaria e darkës, ose fletorja e mbylljes, sigurisht dalim me humbje.”- u shpreh një tregtar. “Ka rënë ekonomia poshtë! S’kanë klientët, nuk kanë lekë, nuk kanë bukë. Ça do të bëjmë, ku do të shkojmë?! Këta na morën në qafë.”- i nja tjetër kreut të opozitës, duke kërkuar ndryshim dhe duke marrë prej tij premtimin se ndryshimin do të vijë me bashkimin e shqiptarëve.