Blog

“I gjithë pushteti sovjetëve”. PD: Rama bën gati të marrë KLSH, institucionin e fundit të pakapur

DEKLARATE E PARTISE DEMOKRATIKE, JORIDA TABAKU 

Kjo ka qenë motoja bolshevike që Rama dhe oligarkia ka adaptuar në Shqipëri që nga shtatori 2013. Kanë punuar kundër kushtetutës, shqiptarëve dhe Shqipërisë duke uzurpuar çdo pushtet dhe institucion të pavarur.

Luajtën te gjithë gurët që drejtësinë ta kontrollojnë përmes 7 ligjeve antikushtetuese të vettingut dhe artificave të tjera. Pasta iu vërsulën prokurorisë duke emëruar një agjent partiak, të njëjtën gjë donin ta bënin dhe me Gjykatën Kushtetuese madje dhe me pronat e shqiptarëve. Vazhduan me anetarët e këshillit mbikeqyrjes të BSH, agjensinë e mbikqyrjes financiare, autoritetin e konkurencës, AMA e çdo institucion që deri dje ruante balancën dhe kontrollin mbi ekzekutivin.

Së fundmi, Rama i ka hedhur sytë nga KLSH, një institucioni të pavarur që i ka treguar shqiptarëve dhe mbarë botës vjedhjet prej 7.2 mld euro të qeverisë Rama. I vetmi institucion qe ka folur dhe ka faktuar qartazi abuzimet dhe vjedhjet nga krimi ekonomik me CEZ tek tenderat, që ka treguar se taksat e rritura janë vjedhur, se korrupsioni sot ka kapur nivele alarmente dhe na rendit në vendet me korrupsionin më të lartë.

Projektligji i ri që i merr kompetencat presidentit duke ia kaluar qeverisë dhe parlamentit (pra, Ramës) duke qenë në shkelje të qartë të kushtetutës dhe uzuprim i kompetencave të Presidentit. Po kthemi pas në standartet e para 1990 në çdo drejtim.

Ato kanë frikë nga qytetarët dhe mendojnë se do e ndalojnë mërinë e tyre karshi vjedhjes dhe abuzimit., Sado të lodhen nuk do ia arrijnë! Me zgjedhje të lira e të ndershme e me programin e qartë ekonomik do t’i rikthejmë njerëzve institucionet, shpresën dhe besimin.

• Përdhunimi i 15 vjeçares në shkollë dhe heshtja e qeverisë, të rinjtë demokratë protestë tek Ministria e Arsimit. Kërkohet dorëheqja e Besa Shahinit.

FORUMI RINOR I PARTISË DEMOKRATIKE PROTESTË TEK MINISTRIA E ARSIMIT. KËRKOHET DORËHEQJA E BESA SHAHINIT

Forumi Rinor i Partisë Demokratike kërkoi dorëheqjen e Ministres së Arsimit, Besa Shahini, e cila vazhdon të heshtë për ngjarjen monstruoze të përdhunimit dhe keqtrajtimit më pas të një vajze të vogël në shkollë nga roja i shkollës. Disa të rinj protestuan para Ministrisë së Arsimit me foton e Ministres Shahini dhe me slloganin “Heshtja është abuzim për së dyti”.

Ajo mbahet përgjegjëse për braktisjen sistemit arsimor dhe rritjen e pasigurisë për fëmijët në shkolla. FRPD vlerëson se, për shkak të politizimit të skajshëm të drejtorëve dhe shumë mësuesve dhe mbrojtjes së tyre nga partia në pushtet, shkollat janë shndërruar në strehë e bullizmit, abuzimeve, paligjshmërisë dhe papërgjeshmërisë. Zinxhiri përgjegjës, që nga drejtori dhe deri tek policia ka dështuar, sepse ata japin llogari përpara partisë në pushtet, e cila synon fshehjen e fenomeneve të rënda në sistemin arsimor.

Drejtuesit arsimorë janë të fokusuar tek tenderat dhe nuk mbajnë asnjë përgjegjësi para qytetarëve për ngjarjet skandaloze që po ndodhin në shkollat tona. Sot, prindërit dhe nxënësit janë të braktisur nga kjo qeveri, e cila, sa herë përballet me llogaridhënien hesht dhe shmanget.

Me këtë protestë për dorëheqjen e Ministres së Arsimit të rinjtë demokratë tregojnë solidaritetin menxënësit dhe studentët për të denoncuar së bashku gjendjen katastrofike të sistemit arsimor.

·      Basha: U ofrojmë pronarëve ekspertët tanë më të mirë për perfaqësim ligjor dhe hartimin e ligjit të ri të pronave.

Në kuadër të finalizimit të alternativës qeverisëse të Partisë Demokratike, kryetari i Partisë Demokratike, Lulzim Basha, priti në një takim pune një përfaqësi nga shoqata e pronarëve, të cilët janë shumë të shqetësuar nga qëndrimi dhe lobimi negativ i qeverisë së Ramës për çështjen e pronave.

“Qeveria Rama ka interes vetëm një grusht individësh që përfitojnë në kurrizin e pronarëve. Ne besojmë se e drejta e pronës nuk mund të zhbëhet me një kompensim qesharak. Interesi i kësaj Qeverie janë oligarkët, PPP dhe koncesionet me miliarda euro në kurriz të shqiptarëve.” – u shpreh Basha.

Duke pranuar përgjegjësitë e PD-së në të kaluarën, kryetari Basha ka garantuar përfaqësuesit e shoqatave të pronarëve se qeveria e tij do të mundësojë një zgjidhje përfundimtare sipas standarteve europiane për pronarët në konsultim me ta.

“Duke patur parasysh edhe të metat tona në raport me pronën dhe pronarët gjatë qeverisjes së PD, kemi vendosur që t’i ofrojmë pronarëve ndihmën tonë ligjore përmes ekspertëve në trajtimin e çështjeve të tyre në aulat gjyqësore ndërkombëtare. Gjithashtu, së bashku me ta, u dakordësuam për të hartuar një projekt të qartë dhe gjithashtu piketat kyçe të një pakete ligjore që do të zëvendësojë korpusin kriminal të projektligjeve në lidhje me pronën të miratuar nga qeveritë Rama.” – garantoi zoti Basha përfaqësinë e shoqatave të pronarëve.

Procesi, që do të koordinohet përmes zonjës Ledina Mandia, synon që, në bashkëpunim me shoqatën e pronarëve të jepet zgjidhja e duhur ligjore për pronën në Shqipëri.

Në takim u theksua se politikat e ndjekura nga qeveria Rama janë në kundërshti me të drejtën themeltare të njeriut për të zotëruar dhe gëzuar pronën. “I gjithë korpusi ligjor dhe veprimet e qeverisë Rama kanë qënë kundër pronës private dhe në sherbim të planeve korruptive të biznesmenëve te lidhur me të, pjesë e të cilit është edhe ligji i investimeve strategjike në vitin 2015, ligji për tokën apo ligji i ri i Pronave. Ai e trajton pronën private të individit si një mall në shportën e Oligarkut pa pasur respekt për shenjtërinë e pronës dhe zotëruesit të saj.” – theksoi zoti Basha

Kreu i opozitës garantoi pronarët se PD do të përfshijë në programin e saj propozimin e përbashkët “PD-Pronarë” për çështjen e pronës në mënyrë që të trajtohet me drejtësi procesin e kthimit dhe kompensimit të pronave, si një nga të drejtat themelore të njeriut.

“Edi Rama dhe Ardi Veliu janë një”. Enkelejd Alibeaj publikon dokumentin: Drejtori që Rama i ngriti lapidar i implikuar në veprimtari të paligjshme në vitin 2002-2003

Kush ka patur ndonjë shpresë sado të vogël se Edi Rama do të distancohej nga drejtori i tij i policisë, sot e ka kuptuar se Ardi Veliu dhe Edi Rama janë një.

“Integriteti” i Ardi Veliut, të cilit Edi Rama i ngriti lapidar sot, sqarohet në dokumentin e shërbimit sekret, që gjendet në dosjen e vetingut të Ardi Veliut. Skeda e policit që Rama dashuron, është si me poshtë:

“Në vitin 2002-2003, kur shërbente më policinë e Vlorës, ka qenë i implikuar në veprimtari të paligjshme. Ka qenë i implikuar në lëvizjet klandestine. Ka favorizuar kontrabandën e naftës. Ka ndihmuar një polic për pasaporta fallco”.

Skedës së integritetit të policit ideal të Ramës, i mungon edhe funksionimi si shofer i trafikantit të drogës Klement Balili apo bashkëpunimi me trafikantin tjetër ndërkombëtar të drogës, Agron Xhafaj, prej të cilit mban sot edhe detyrën më të lartë në policinë e shtetit.

Mbrojtja e Ardi Veliut nuk është risi për Edi Ramën. Kështu ka bërë me të gjithë ata që i shërbejnë për pasurimin dhe pushtetin e tij të paligjshëm, nga Vangjush Dako, tek Elvis Roshi, Mark Frroku, Arben Ndoka e deri tek Agim Kajmaku e Valdrin Pjetri.

• PD dorëzon në SPAK padinë për shembjen e paligjshme të Teatrit. PD: Nëse SPAK vepron si i pavarur, Edi Rama dhe Erion Veliaj shkojnë në burg. Lista me veprat penale dhe të akuzuarit.

DEKLARATAT E PËRFAQËSUESVE TË PARTISË DEMOKRATIKE, ALBANA VOKSHI, ÇLIRIM GJATA DHE LEDIO BRAHO PAS DORËZIMIT TË PADISË NË SPAK

ALBANA VOKSHI, PËRFAQËSUESE E PD

Ne e dorëzuam padinë për shembjen e paligjshme të teatrit në SPAK, sepse besojmë se dikush duhet të shkojë në burg për krimin e kryer. Përveç shërbëtorëve që kanë hedhur firmat në vendime të paligjshme, Edi Rama dhe Erion Veliaj duhet të ndëshkohen nga drejtësia, sepse kanë vepruar me Teatrin si një organizatë kriminale.

Ata kanë shkelur çdo ligj për të çuar përpara projektin e grabitjes së tokës publike të Teatrit dhe pas Teatrit. Një drejtësi e pavarur e ka shumë të thjeshtë të faktojë këtë të vërtetë dhe t’i vërë prangat Edi Ramës dhe Erion Veliajt.

Një vendimmarrje e tillë nuk është në kompetencën e këshillit Bashkiak të Tiranës.

Ne kemi kërkuar nga prokuroria që të vendosë sekuestro preventive për truallin e kaluar në pronësi të bashkisë me vendim qeverie. Kjo do të ndalë çdo akt tjetër, si ndërtimin e një projekti të paligjshëm, ashtu edhe grabitjen e truallit për të ngritur atje kullat e oligarkëve të Edi Ramës dhe Erion Veliajt.

Partia Demokratike e konsideron çështjen e shëmebjes së paligjshme të Teatrit Kombëtar një provë për funksionimin e pavarur të SPAK-ut. Me apatinë e deritanishme, SPAK ka zhgënjyer këdo që ka besuar se ky institucion do të ndëshkojë qeveritarët e korruptuar dhe bandat e krimit të organizuar.

SPAK i ka aty të gjitha faktet. Mjafton që prokurorët të bëhen shërbëtorë të politikës dhe kjo çështje çon pas hekurave Edi Ramën dhe Erion Veliajn.

Edi Rama në bashkëpunimin kriminal me Erion Veliajn ka zgjedhur vetë projektin fitues, pa hapur më parë garën për konkurs sipas përcaktimeve të Ligjit për Prokurimet Publike. Këtë e pohuan edhe pas shembjes barbare të Teatrit, siç e cilësoi Le Monde, apo pas vendimit me stil hitlerian, siç shkroi der Standard. Është Edi Rama që ka zgjedhur arkitektin Bjarke Ingels për këtë projekt që 1 vit e gjysmë përpara se kompania Fusha ta paguante atë, si projekt privat.

Nëse SPAK-u ka vullnet për të zbatuar ligjin, faktet janë të plota për ta ndëshkuar këtë korrupsion kriminal të Edi Ramës dhe Erion Veliajt me Teatrin Kombëtar.

Ligji për Prokurimin Publik e detyron qeverinë shqiptare të kryejë konkurs ndërkombëtar për projektin e Teatrit të ri. Por kryeministri ka shkelur ligjin duke eliminuar garën dhe duke diktuar vetë projektin dhe koston e lartë të tij, 30 milionë euro.

SPAK e ka për detyrë të ndalë jo vetëm grabitjen e truallit të teatrit dhe tokës publike, por edhe të 30 milionë eurove që do të merren borxh për të mbuluar pastrimin e parave të pista me projektin kriminal të Edi Ramës për teatrin dhe Kullat që do ta rrethojnë atë.

Në një kohë kur shqiptarët po vuajnë pasojat e keqqeverisjes nga Edi Rama, të ortakërisë së tij kriminale me një grusht njerëzish me të cilët po vjedh Shqipërinë, 30 milionë euro borxh janë një gur i rëndë edhe mbi shpinën e fëmijëve të prokurorëve të SPAK-ut.

Gjatë gjithë këtyre 22 viteve në politikë, në postet më të larta drejtuese si ministër, kryetar bashkie dhe kryeministër, Edi Rama ka patur si qëllim vetëm pasurimin e paligjshëm.

SPAK ka në dorë një çështje historike që ndan dy kohë. Koha kur drejtësinë e bën politika duhet të marrë fund me vendosjen e drejtësisë për Teatrin. Kjo është koha kur qeveritarët e korruptuar duhet të shkojnë në burg!

ÇLIRIM GJATA, SEKRETAR PËR ÇESHTJET LIGJORE PD

Kjo mund të ishte bërë që para dy javësh, por ne pritëm që SPAK ta fillonte kryesisht. Pritëm një shenjë, një hetim nga SPAK-u, prandaj e sollëm vetë kallëzimin. Kallëzimi ka ardhur me vepra penale që i takojnë kompetencës lëndore të SPAK, me emra që i takojnë kompetencës lëndore të SPAK dhe është i detyruar të fillojë një hetim. Hetimin nuk e fillon as me thirrje as me pyetje, por veprimi i parë që duhet të bëjë, duhet të bllokojë dokumentacionin, sekuestron e dokumentacionit. Në qoftë se nuk merren e madje shumë shpejt, a ka mundësi që sot, a ka mundësi që nesër në pikë të mëngjesit, të merren këto veprime, po su bënë këto! Ne po presim qoftë edhe si një shenjë, si një dritë në fund të tunelit që SPAK-u të tregojë se kjo reformë në drejtësi ia ka vlejtur, që ky institucion që u bë me aq mund dhe sakrificë ia ka vlejtur. Këtë po presim!

LEDIO BRAHO, JURIST PD

Është vetë hierarkia e shtetit që shpjegon më qartë se kush është hierarkia e kësaj organizate kriminale. Po të vini re në kallzim ka nga kryeministri, kryetari i bashkisë dhe vijon deri tek nëpunësit e tjerë të administratës së bashkisë apo institucioneve të tjera të bashkisë. Vetë shteti ka një strukturë dhe e gjithë kjo strukturë është shndërruar në strukturë të një organizate kriminale për të arritur tek qëllimi i paligjshëm që është shembja e godinës së Teatrit Kombëtar. Duhet të kemi parasysh se paligjshmëria fillon që nga projektimi, kjo e provuar edhe me deklarata publike si nga arkitekti Bjarke Ingels e deri tek kryeministri apo kryetari i bashkisë, ka filluar nga projektimi dhe ka vazhduar deri tek shembja. Vetë fakti që vetë organet që kanë marrë vendimin nuk kanë pritur që këto vendime të marrin formë të prerë, tregon se ka qenë një qëllim imediat për të shfrytëzuar kohën e pandemisë dhe për të mos u lënë mundësi palëve që të kërkonin pezullim në gjykata sa i përket shembjes. Dhe sekuestro preventive pikërisht për këtë kërkohet që të shmanget dhe afera prej 30 milion eurosh, në mënyrë që të mos jepen leje për sa i përket kësaj godine. Duhet të kemi parasysh diçka tjetër: Në momentin që është dhënë leja e prishjes nuk mund të jepet kur do të ndërtohet një godinë e re në truallin e një godine ekzistuese, leja e prishjes është pjesë e lejes së ndërtimit. Ndërkohë që këtu nuk është kryer në këtë mënyrë dhe po ashtu është shmangur Këshilli Kombëtar i Territorit dhe të gjitha janë veprime të paligjshme dhe janë përfshirë kaq shumë aktorë dhe faktorë sa që është e pamundur që të shmanget organizata kriminale dhe kryerja e veprave penale në kuadër të kësaj organizate.

KALLËZIMI ËSHTË PËR KRYERJEN E 9 VEPRAVE PENALE TË MËPOSHTME:

1. “Shkatërrimi i pronës”, parashikuar nga neni 150 i K.Penal,
2. “Shkatërrimi i pronës me mjete të tjera”, parashikuar nga neni 154 i K.Penal, “Shkatërrimi i veprave kulturore”, parashikuar nga neni 160 i K.Penal,
3. “Shpërdorimi i detyrës”, parashikuar nga neni 248 i K.Penal,
4. “Shkelja e barazise se pjesëmarrësve ne tendera apo ankande publike”, parashikuar nga neni 258 i K.Penal,
5. “Korrupsioni pasiv i personave qe ushtrojnë funksione publike”, parashikuar nga
6. neni 259 i K.Penal,
7. “Korrupsioni pasiv i funksionareve te lartë shtetërorë ose i te zgjedhurve vendore”, parashikuar nga neni 260 i K.Penal,
8. “Organizata kriminale”, parashikuar nga neni 333 i K.Penal
9. “Kryerja e veprave penale nga organizata kriminale dhe grupi i strukturuar kriminal”, parashikuar nga neni 334 i K.Penal.

KALLËZIMI DREJTOHET KUNDËR:

Edi Rama, Kryeministër i Republikës së Shqipërisë;

Erjon Veliaj, Kryetar i Bashkisë Tirane;

Arbjan Mazniku, Alban Dokushi, Taulant Tusha, Erindi Bejko, Jonida Halili, Julinda Dhame, Ditjon Baboci, Dhimitraq Furxhi, Frida Pashako, Berta Piro, Laura Deliu, Elena Jaupaj, Jetmir Hasa, në cilësinë e nëpunësve civilë pranë Bashkisë Tiranë dhe propozues për shembjen e Teatrit Kombëtar;

Toni Gogu, Kryetar i Këshillit Bashkiak Tiranë;

Ing. Agron Hysenlliu, Ing. Afrim Cenga, Ing. Artur Hasantare, Ing. Olsi Nunaj, Ing. Elbarina Nunaj, në cilësinë e funksionarëve të Institutit të Ndërtimit.

Dallëndyshe Bici, Kryeinspektor i Inspektoratit Kombëtar të Mbrojtjes së Territorit.

• “Lekët e taksave do të shkojnë për qytetarët, jo për oligarkët”, angazhimi i Bashës me bizneset në prag falimenti dhe banorët e braktisur në Kombinat.

TAKIMI I KRYETARIT TË PARTISË DEMOKRATIKE, LULZIM BASHA ME BIZNESIN E VOGËL, NË KOMBINAT, TIRANË

Kryetari i Partisë Demokratike, Lulzim Basha, u takua në Kombinat me biznese që tregojnë sesa shumë është përkeqësuar gjendja ekonomike si pasojë e mungesës së ndihmës nga qeveria.

“Sektori farmaceutik në pikiatë. Kemi stoqe, problem skadence, ulje e fuqisë blerëse. Edhe kufizimi i orareve ka ndikuar” – i tha një farmaciste kreut të opozitës. Edhe një tjetër farmacist pohon të njëjtën gjendje të vështirë. “Xhiro ka rënë, në fillim ishte interesi për maska, doreza, tani nuk blejnë thuajse asgjë. Ka ditë që xhiro bie edhe 100 %, vetëm sa e mbajmë hapur “- u shpreh ai.

Pronari i një biznesi me materiale ndërtimi pohoi rënien e madhe të konsumit dhe tregoi se pagesa e qeverisë, nuk i mjafton as për të paguar qeranë e tre muajve.  “Xhiro është përgjysmuar, nuk arrijmë të paguajmë as qeranë me këto të ardhura. Kam marrë 400 mijë lekë, ndërsa qeranë e kam 150 mijë lekë në muaj”.

Në një dyqan për perde, pronarja e tij foli për gjendjen e rënduar të biznesit. “Kemi vite që e kemi hapur, por situata është shumë keq. Mundohemi me shumë vështirësi ta mbajmë”- tha ajo, ndërsa në një kafe, pronari i tij tregoi karriget bosh për të përshkruar sesa keq është biznesi dhe qytetarët. “Shumë shumë dobët. Jashtëzakonisht dobët. Kam paguar edhe siguracione për dy të punësuarit nga xhepi, që të mos ua merrja nga 260 mijë lekëshi. Njerëzit nuk kanë, bari është bosh gjithë kohës”- u shpreh ai .

Bashkë me kreun e opozitës, bizneset e identifikojnë përgjegjësin kryesor tek menaxhimi i keq që qeveria i bëri krizës së pandemisë, duke shkaktuar papunësi masive dhe thellim të varfërisë.

“Këto kohë pandemie, kur duhet të kishin vëmendjen tek ju, lekët e taksave i kanë çuar tek 4-5 oligarkë. Biznesin e kanë lënë në ditën më të zezë. Kam qenë kudo. Është gjendja shumë e keqe në çdo cep të Shqipërisë. Varfëri, papunësi dhe biznese që mbyllen.”- u shpreh kreu i opozitës, i cili u takua edhe me banorë të Kombinatit. Ata i treguan zotit Basha se shumica jetojnë me punë ditore, pension, pagesa invaliditeti, të cilin mezi e marrin në radhët e gjata dhe se nuk kanë marrë asnjë ndihmë.

“Ju jap fjalën që lekët e taksave tuaja do të vijnë tek ju, nuk do të shkojnë më as tek oligarkët, as për udhëtime luksi. Kur merr avionin privat dhe kalon fundjavën në Paris, kur u jep qindra mijëra euro oligarkëve, nuk të shkon mendja tek ata që janë pa bukë”- theksoi Lulzim Basha, duke iu referuar ngjarjeve të fundit të denoncuara nga opozita dhe për të cilat Edi Rama nuk ka dhënë akoma një përgjigje për arsyen e vizitës me avion privat në Francë.

• Alarmi i Bankës Botërore, mungesa e ndihmës nga qeveria po përhap varfërinë tek gjysma e shqiptarëve, duke e kthyer vendin 15 vjet pas. PD: Shpëtimi i vetëm, largimi i qeverisë së korruptuar dhe të paaftë të Edi Ramës.

DEKLARATË E PARTISË DEMOKRATIKE, JORIDA TABAKU

Në 7 vite Shqipëria është bërë një vend më i varfër, më i korruptuar, me taksat më të larta në rajon. Investimet e huaja, punësimi dhe zhvillimi ekonomik nuk janë prioritet i qeverisë, ndërsa qytetarët po vuajtur gjithnjë e më shumë pasojat e krizës ekonomike.

Për shkak të paaftësisë dhe korrupsionit gjigand të qeverisë së Edi Ramës, parashikimet e Bankës Botërore për ekonominë tregojnë për përkeqësimin të situatës.

Shqipëria do të kthehet 15 vjet mbrapa, duke përhapur varfërinë tek gati gjysma e popullsisë. Banka Botërore thotë se goditjen më të madhe në vend do ta marrin qytetet dhe shtresa e mesme, pasi varfëria pritet të shkojë rreth 48% duke arritur në nivelet e vitit 2005.

Banka Botërore parashikon se   gati 1/3 e të punësuarve në Shqipëri, të cilët janë të vetëpunësuar, rrezikojnë të humbasin biznesin dhe të ardhurat e tyre.

 Për shkak se qeveria nuk mori masat e duhura dhe lejoi që kriza ekonomike të shndërrohej në epidemi të papunësisë, Banka Botërore paralajmëron edhe rënien e të ardhurave për familjet shqiptare me rreth 12%.

Kategoria më e prekur nga braktisja e qeverisë janë të rinjtë, të cilët shikohen si potencial për emigrim të paligjshëm në vendet e zhvilluara europiane.

Lënia e qytetarëve në mëshirë të fatit nga Edi Rama tregohet fare qartë nga paketat që ajo vuri në dispozicion për ekonominë.

Duke qenë se paratë me të cilat duhet të siguronte vendet e punës dhe të ruante të ardhura të vazhdueshme për qytetarët, Edi Rama i çoi tek një grusht oligarkësh dhe për tendera luksi, Shqipëria është vendi me ndihmën më të vogël ekonomike në rajon. Tani që flasim, 3 muaj pas shpërthimit të pandemisë, as kjo ndihmë qesharake nuk është shpërndarë plotësisht.

Në kontrast me realitetin, ku mijëra biznese po mbyllen dhe mijëra të tjerë janë në prag falimentimi, Edi Rama kalon fundjavat në Francë me avion privat, duke bërë jetën luksoze të një politikani të korruptuar, që mendon vetëm si të vjedhë dhe të pasurohet.

E ardhmja për shtresën e mesme në Shqipëri, që për 7 vjet u masakrua nga taksat e Ramës, është gjithnjë e më e zymtë. Profesionistët e lirë, shtresa e mesme rrezikon të shndërrohet edhe më e varfër si pasojë e taksave të larta dhe krizës ekonomike. Edi Rama edhe në kohë krize përdori pandeminë për të shpërndarë qokat tek 4-5 oligarkë.

 Shqipëria varfërohet nga RAMAVIRUSI, ndërsa ai vjedh përditë taksat dhe pronën e shqiptarëve. Vendi ka shtatë vite që tkurret duke u larguar gjithnjë e më shumë qytetarë, ndërsa kryeministri tallet dhe përbuz shqiptarët.

 Ka vetëm një rrugë për të rikthyer shpresën – të largohet Rama përmes zgjedhjes dhe votës së lirë.

Ka vetëm një rrugë për t’i ikur duarve të hajdutit, për t’i ikur taksave të larta dhe kriminale, vjedhjes së pronës dhe sundimit të oligarkëve.

Për çdo qytetar që liritë e tij ngushtohen dita ditës, që biznesi i tij ul qepenin, që punën e tij e humbet pasi kriza ka goditur vendin e tij të punës, zgjidhja është e thjeshtë – largimi i RAMAVIRUSIT dhe Oligarkisë nga qeveria si dhe mbajtja e përgjegjësisë për çdo vendim të tyre.

URIMI I KRYETARIT TE PARTISE DEMOKRATIKE, LULZIM BASHA, PER 1 QERSHORIN

Buzëqeshja në fytyrat e fëmijëve tanë është gëzimi dhe motivimi ynë për të bërë gjithçka që ata të kenë një jetë sa më të lumtur. Është forca për të tejkaluar sfidat në këto kohë të vështira dhe për të ecur përpara për ditë më të mira e për tu dhënë të gjithë prindërve sa më shumë mundësi për të plotësuar dëshirat e tyre.

Le të jetë dashuria dhe mirësia që na dhurojnë çdo ditë fëmijët tanë shtysa, shpresa dhe besimi për të bërë gjithçka që e ardhmja e tyre në Shqipëri të jetë më e mirë, dhe ata të rriten me mundësi si gjithë fëmijët e tjerë europianë!#Gëzuar1Qershorin #Ditëmëtëmira.

• PD: Rama nuk mund të fshihet. Duhet të tregojë pse ishte në Francë me charter privat.

Deklaratë e Partisë Demokratike

E turpshme është që Edi Rama të harxhojë me mijëra euro për luksin personal, kur shqiptarët i ka lënë në pikë të hallit. E turpshme është që Edi Rama te udhëtojë si hajdut me charter personal dhe ta mbajë të fshehtë arsyen. E turpshme është të justifikosh luksin dhe vjedhjen e Ramës, duke akuzuar opozitën që zbuloi të vërtetën e udhëtimit në fundjavë prej 100 mijë euro me avion privat. Edi Rama nuk mund të fshihet. Ai ka udhëtuar me avion privat në fundjavë në Francë. Pse?

• Dy javë nga dhuna dhe shembja e paligjshme e Teatrit, asnjë përgjegjës para drejtësisë. PD dorëzon nesër kallëzimin penal: Drejtësia për Teatrin, provë për SPAK

DEKLARATË E PARTISË DEMOKRATIKE, SEKRETARI PËR ÇËSHTJET LIGJORE, ÇLIRIM GJATA

Sot bëhen dy javë nga akti i paprecedentë për shembjen me dhunë të Teatrit Kombëtar, një akt që për nga barbaria dhe forca e dhunës shokoi shqiptarët pa dallime partiake dhe solli reagimet më të ashpra nga institucionet dhe mediat europiane.

Për këtë krim nuk ka asnjë përgjegjës përpara drejtësisë, as për dhunën e ushtruar, as për aktin e paligjshëm të shembjes së Teatrit.

Të gjithë pamë sesi qindra forca  policore, të pajisur me mjete të operacioneve anti-terror, me armë të rënda zjarri, dhunuan mbrojtësit paqësorë të teatrit, artistët, aktivistët e shoqërisë civile, qytetarët, përfaqësuesit e opozitës së dhe gazetarët që po raportonin shembjen e paligjshme të veprës së shpallur si trashëgimi e kulturës europiane.

Të gjitha  këto janë të provuara me filmime, ku duken policët me helmeta të zeza që parakalojnë me automatikë, madje deri dhe brenda sallës së teatrit, duke nxjerrë jashtë artistët dhe qytetarët me forcën e tytave të armëve të zjarrit.

Akti i shkatërrimit të Teatrit Kombëtar është sa i paligjshëm dhe anikushtetues, aq dhe kriminal dhe antikombëtar. Ky akt i shëmtuar ngrihet kundër trashëgimisë tonë kombëtare, kujtesës historike, kulturës dhe artit shqiptar, por edhe kundër trashëgimisë historike europiane, duke i vënë kështu Shqipërisë një njollë të rëndë në marrëdhëniet me Europën.

Gazetat më të mëdha europiane e cilësuan shembjen e teatrit për llogari të ndërtimit të disa kullave me para të pista,  një akt barbar, një operacion të tipit naziskin hitlerian, një veprim që synon vendosjen e një regjimi autoritarist të Edi Ramës, artistit të dalë boje që vendos interesat e tij financiarë mbi interesin e qytetarëve.

Për këtë akt të paprecedentë dhune nuk ka asnjë veprim nga Prokuroria. Viktimat e drejtpërdrejta të dhunës, përfaqësuesit e Aleancës për Teatrin, kanë depozituar një kallëzim penal dhe SPAK duhet të veprojë pa humbur kohë.

Krimi i kryer është parë prej të gjithëve. Mjafton të ketë vullnet për të bërë drejtësi dhe përgjegjësit është e thjeshtë për t’i gjetur. Ata kanë dalë tani me zë dhe me figurë në mbrojtje të dhunës policore, duke nisur me Edi Ramen, me Sandër Lleshajn, me Ardi Veliun, me Erion Veliajn dhe shërbëtorët e tyre në krim.

Prokuroria duhet të kishte vepruar për arrestimin e të gjithë atyre që kanë shkelur ligjin me shembjen e Teatrit Kombëtar më 17 Maj.

Duke qenë se Prokuroria nuk ka sy të shohë vetë krimet e Edi Ramës, Partia Demokratike do të depozitojë nesër një kallëzim penal për krimet e kryera tek Teatri.

Janë të paktën 9 vepra penale që janë konsumuar me shkeljen e ligjit për shembjen e Teatrit, duke nisur që nga shkatërrimi i pronës, tek shpërdorimi i detyrës apo korrupsioni i zyrtarëve. Në kallëzimin qe do të dorëzohet nesër në SPAK në krye të listës me shumë emra të zyrtarëve që duhen hetuar janë Edi Rama dhe Erion Veliaj.

Vendosja e drejtësisë për Teatrin është një provë e rëndësishme për funksionimin për funksionimin e pavarur të Prokurorisë së Posaçme Antikorrupsion.

Video që u paraqit gjatë deklaratës së Çlirim Gjatës: 

https://we.tl/t-IISx5d24A0