Blog

• Dokumentat zyrtarë, një vjedhje e re me kontratat sekrete. Respiratorët e oksigjenit u blenë me dyfishin e çmimit të tregut. Vazhdon heshtja fajtore e Ramës dhe Manastirliut.

• Kompania fituese shkeli kontratën, solli 5 respiratorë në vend të 54, por qeveria nuk mori asnjë masë. Në 6 vjet e njëjta kompani ka marrë 11 milionë euro nga qeveria Rama.

• Prokuroria të dalë nga karantina dhe të hetojë vjedhjen e shqiptarëve me kontratat sekrete. Hajdutët e qeverisë duhet të shkojnë para drejtësisë.

DEKLARATA E PARTISË DEMOKRATIKE, ALBANA VOKSHI

Kontratat sekrete për pajisjet spitalore antiCOVID janë përdorur nga qeveria si një mënyrë për të vjedhur shqiptarët dhe jo për të siguruar shëndetin e tyre.

Nga 4 kontratat që mbahen të fshehta, ne kemi zbuluar vjedhje skandaloze në 3 prej tyre, për testimet, për maskat e mjete të tjera mbrojtëse dhe sot do të publikojmë faktet për vjedhjen me respiratorët dhe fituesin e paracaktuar dhe të preferuar të qeverisë.

Kemi provuar se kitet për një testim janë blerë nga qeveria me 4 fishin e çmimit të tregut tek O.E.S. Distribution, por ministja e shëndetësisë dhe shefi i saj Edi Rama heshtin për këtë skandal.

Kemi zbuluar se maskat mbrojtëse dhe mjetet e tjera spitalore janë blerë nga qeveria me 2, 3 dhe 4fishin e çmimit të tregut. Se një maskë qeveria e ka blerë me 8 mijë lekë të vjetra tek Farmanet dhe Euromed, ndërsa qytetarët mund ta blejnë me 4 mijë lekë në çdo farmaci. Ogerta Manastirliu hesht, bashkë me Edi Ramën.

Për turpin e tij, Edi Rama e mbylli gojën e tij te shthurur, dhe kur emisioni Boom zbuloi se maskat që përdoren në spitalin Infektiv nga stafi spitalor janë të skaduara dhe se ato i siguroi e njëjta kompani që fitoi tenderin sekret.

Të gjithë bëjnë sikur nuk ka ndodhur asgjë, megjithëse miliona nga paratë e shqiptarëve po vidhen ditën për diell, duke vënë në rrezik jetën e mjekëve dhe infermierëve.

Sot ne do të tregojmë dokumenta zyrtarë që provojnë se qeveria ka vjedhur edhe me tenderin e respiratorëve. Kjo është aparatura që mban në jetë me oksigjen personat në gjendje të rënduar nga sulmi i virusit në mushkëri.

Gati një muaj pas shpërthimit të epidemisë, qeveria porositi më 3 prill, 54 copë respiratorë, një fakt që tregon sesa e papërgatitur ishte për situatën.

Kushti kryesor i tenderit ishte koha e shpejtë e sjelljes së respiratorëve. Kompania fituese duhet të sillte 20 respiratorë brenda 7 ditëve dhe të tjerat më vonë. Por kjo nuk ndodhi. Kontrata u shkel në mënyrë flagrante.

Dokumentat qe ne kemi siguruar tregojnë se kompania TBS 96 ka sjellë vetëm 5 respiratorë nga 54. Megjithatë qeveria nuk e ka prishur kontratën me të, siç e detyrin ligjinnë raste të tillla.

Ka vetëm një arsye që mund të çojë një zyrtar të mos zbatojë ligjin dhe ky është rryshfeti, korrupsioni, vjedhja. Shifrat e kontratës e faktojnë këtë. Një respirator është blerë nga qeveria me gati dyfishin e çmimit të tregut.

Një respirator është zhdoganuar me 7.7milionë lekë dhe është blerë nga qeveria me 14 milionë lekë, pra me çmim gati 2 herë më të lartë.

Janë këto çmime stratosferike dhe abuzive arsyeja pse Edi Rama i mban këta tendera sekret, duke paguar qindra milionë lekë më shumë klientët e tij në kohën më të vështirë për qytetarët. Vetëm kompanisë TBS 96, që ka shkelur kontratën për respiratorët, qeveria e Edi Ramës i ka paguar nga paratë e shqiptarëve 11 milionë euro në 6 vjet.

Me siguri Edi Rama do të heshtë edhe sot në përpjekje për t’u fshehur nga skandali që i ka plasur në dorë me kontratat e tij sekrete. Por faktet janë aty. Ai bleu respiratirë me dyfishin e çmimit, bleu testimet me 4 fishin e çmimit, bleu maskat dhe mjetet e tjera mbrojtëse me 2-3fishin e çmimit të tregut dhe u dha mjekëve të infektivit maska të skaduara.

Qytetarët nuk po vuajnë vetëm nga virusi, por edhe nga një qeveri e korruptuar dhe një kryeministër i dështuar.

Prokuroria duhet të dalë nga karantina, ku e mban qeveria. SPAK ka mjaftueshëm fakte të çojë para drejtësisë hajdutët e qeverisë që bëjnë që pasurohen si të babëzitur, kur shëndeti dhe puna e qytetarëve janë në rrezik.

“QEVERIA E PAAFTË PËR T’U PËRBALLUR ME KRIZËN”, BASHA: KURBA E INFEKSIONEVE NJËSOJ E DESTABILIZUAR SI KRYEMINISTRI

Lulzim Basha: Ka një paradoks të jashtëzakonshëm me atë që ka ndodhur sot. Sot ka zyrtarisht ka 29 të infektuar kaq sa ishin edhe me 4 prill. Pra, ndërkohë që 6 javë i është kërkuar shqiptarëve sakrificë duket se kurba e infeksioneve jo vetëm që është po aq e destabilizuar sa gjuha dhe veprimet e çoroditura, sa gjuha dhe veprimet e qeverisë dhe kryeministrit, por karantina dhe vet-izolimi, distancimi social që qytetarët ç’është e vërteta e kanë respektuar me rigorozitet të lartë nuk po jep frytet. Pse?! Sepse qeveria nuk po bën detyrat. Sepse nga njëra anë lihen bombat me sahat që kemi 1 muaj që i paralajmërojmë, si fasoneritë të cilët shpërthejnë dhe pastaj përhapin infeksione në territore të tëra. Kruja, Kurbini, janë dy territore që janë shtuar në numra të frikshëm të infektuarish, pse?! Sepse qeveria nuk e zgjidhi qesen për të paguar një minimum jetik për punonjëset, për nënat, për vajzat e këtyre fasonerive. Sepse e ka mendjen që këto para të vazhdojë të ja japë oligarkëve. Ku janë lekët e shqiptarëve se këto nuk janë lekët e Edi Ramës?! Këto janë lekët e taksave të shqiptarëve. Si asnjë popull tjetër në Ballkan, shqiptarët në 7 vite të qeverisje së Edi Ramës kanë parë tu rriten taksat nga viti në vit, kanë parë faturat tu rriten nga viti në vit. Tani që kanë nevojë për këto para që janë paratë e tyre, tani që kanë nevojë për ndihmën e shtetit, tani shteti zhduket apo bën vetëm propagandë dhe pastaj bëjnë zgjatje të gjendjes së emergjencës. Çfarë bëri këto 6 javë?! Çfarë bëri këto 4-5 javë kur ishim në gjendjen e emergjencës?! Recitime nga Facebooku?! Tjetër gjë thotë e tjetër gjë bën. Absolutisht kjo është një përpjekje për të fshehur dështimin  dhe tregon qartë që qeveria ka dështuar. Pse? Sepse është e paaftë për t’u përballur me këtë krizë. Sepse kjo krizë, njësoj si kriza e tërmetit, na nxjerr në pah një shtet kartoni të rrënuar nga korrupsioni e megjithatë edhe në këtë situatë po të donte, në qoftë se do të vendoste interesat e shqiptarëve mbi interesat e veta apo të një grushti klientësh, do të bënte atë që kemi thënë prej fillimit. Pse nuk anulohen këto koncesione? Pse mbeten akoma 100 milion euro në duart e 10 oligarkëve dhe lihen mijëra nëna e vajza si ato në Shkodër në mes të katër rrugëve? Dëgjojeni klithmën e atyre. Nuk kam asgjë, – thotë, – as borxh nuk marr dot më.

“SITUATA E INFEKSIONIT, SHUMË MË E RËNDË SESA TREGOHET NGA QEVERIA”, BASHA: SHQIPËRIA BËN 5 HERË MË PAK TESTE SE MAQEDONIA, PASI NUK U PËRGATIT NË KOHË PËR SITUATËN.

Pyetje: Qeveria shprehet se sasitë e testimeve bëhen në bazë të rekomandimeve të OBSH-së. Keni një koment?

Lulzim Basha: Është gënjeshtër, është e pavërtetë dhe këtë e kanë kuptuar të gjithë. Pse rekomandimet e OBSH-së në Shqipëri u zbatokan 5 herë më pak se në Maqedoninë e Veriut?! Jo, jo. E para e punës kjo ndodh sepse këta nuk kanë mjaftueshëm kite testimi dhe kjo është arsyeja, përse prej 2-3 javësh unë i kam kërkuar për tjerëve ndërkombëtare dhe në veçanti SHBA, BE por edhe OBSH – se të na ndihmojnë në këto sektorë prioritare, në veçanti tek testimi. Këta akoma nuk mjaftueshëm kite testime. Shpresoj se me ndihmën e partnereve tanë të arrijmë, por këta s’kanë bere asgjë në këtë drejtim. Kjo qeveri nuk ka ndërmarrë asnjë masë dhe ka gënjyer se tha i kam ndërmarrë masat.

E dyta, në qoftë se do të bëhej testim i mjaftueshëm, sa më shumë testohet, aq më shumë të infektuar dalin. Aty ku rritet testimi, rritet edhe numri i zbulimeve. Por kjo do të tregonte, do të nxirrte në pah atë që çdo shqiptar e di, që situata nuk është siç do ta paraqesë kryeministri, nuk është siç do ta paraqesë qeveria, por është shumë më e rëndë, është më e rëndë në përmasat e përhapjes së infeksioni dhe është dhjetëra herë më e rëndë në katastrofën ekonomike dhe sociale me të cilën përballet shumica e familjeve shqiptare sot sepse nuk kanë marrë mbështetje. Mbështetje e premtuar ka shkuar më pikatore dhe mbështetja në letër nuk mbulon as 1/10 e nevojave të shqiptarëve. Pse, nuk ka para?! Jo, nuk është e vërtetë. Paratë janë por Rama ka vendosur që këto para të vazhdojë tua lërë në duar, në xhepa dhe në konto bankare 10 oligarkëve me afera dhe koncesione dhe ti trajtoj ato jo si leket e buxhetit, të taksave por si leket e veta. Ky është problemi. Ndodhemi sot me 23 prill me një situatë që nuk ka të ngjarë me asnjë vend tjetër të rajonit, as me Kosovën,  as me Maqedoninë e Veriut, as me Malin e Zi. Shqipëria është vendi ku qeveria nuk ka ngritur as gishti me të vogël për të ndihmuar familjet, për te ndihmuar bizneset por i ushqen me luge bosh dhe i ushqen me të dhëna të rreme. Pse?! Pikërisht për te fshehur dështimin e saj total ne përballimin e kësaj krize.

QEVERIA E DËSHTUAR, BASHA: NGA LUKSI NË SURREL ËSHTË E VËSHTIRË TË NUMËROSH TË VARFRIT DHE TË PAPUNËT

Pyetje: Do të doja t’ju sillja në vëmendje një reagim të fundit të kryeministrit Rama lidhur me deklaratën e koalicionit opozitar ku është shprehur para epidemisë kishim vetëm të papunë tani paskemi punëtorë të varfër që duhen paguar dhe po t’i mbledhësh siç i numëron Partia Demokratike bëhen 2 milionë, nuk paska ikur kush nga Shqipëria.  Dhe diçka tjetër, nëse nuk reagon qeveria në thirrjen që ju i bëni, që opozita i bën vazhdimisht çfarë do të bëni në vijim zoti Basha?

Lulzim Basha: Nga Surreli është e vështirë të numërosh të varfrit apo të ndjesh dhimbjen e tyre. Kur e ke mendjen te mbrosh paratë e oligarkëve, kur e ke mendjen te vjedhësh me tenderat e shëndetësisë, e ke shumë te vështirë të ndjesh dhimbjen e njerëzve. Në fakt mjafton të hapë ekranet dhe të dëgjojë sot ato zonjat e fasonerisë në Korçë, mjafton të shohë sesi, për shkak të dështimit të tij, për shkak të vendimit të tij për të mos mbyllur fasoneritë. Kam katër javë që ia kërkoj në çdo formë dhe mënyrë, edhe në mbledhjen e Këshillit të Sigurisë Kombëtare. Sot ka dy bashki që i janë shtuar hartës së infeksionit dhe ku infeksioni ka marrë përmasa gjigande brenda 72 orëve. Dhe pse nuk i mbyllin? Sepse 15 milionë euro, që do të mjaftonin për të paguar rrogën, se shumica prej tyre marrin pagë minimale nga këto zonja dhe vajza, vazhdon t’ua japë një grushti oligarkësh. Prandaj, them që nga Surreli e ka të vështirë të flasë për varfërinë, e ka të vështirë të ndjejë dhimbjen e njerëzve. Mjafton të hapësh pak sytë, të hapësh pak veshët. Mjafton të zhvendosë paratë nga oligarkët, nga koncensionet tek qytetarët dhe do ta kuptojë sa mbrapa jemi dhe sa e ngutshme është nevoja për t’ju ardhur në ndihmë njerëzve, për t’u ardhur në ndihmë grave dhe nënave  nëpër  fasoneri, për t’u ardhur në ndihmë kryefamiljarëve që i shohim ditë për ditë në ekrane  me sytë nga qielli  se s’dinë çfarë t’u çojnë fëmijëve në darkë. Për t’u ardhur në ndihmë bizneseve. S’mund t’i ngopësh as me premtim bosh, as me skema kreditimi kur vetë shteti është debitor para këtyre bizneseve. Pra jemi jo një por qindra hapa pas  në raport me atë që duhet bërë. Jemi prapa çdo vendi tjetër të rajonit. Pse? Sepse  kemi një qeveri të dështuar, të pa përgjegjshme që tani po bën gjithçka për të fshehur dhe mbuluar dështimin.

DENONCIMI I FORTË I KREUT TË OPOZITËS, BASHA: PREJ TRE DITËSH PO PUNOHET PËR TË FALSIFIKUAR DOKUMENTET E TENDERAVE SEKRETË. PROKURORIA TË DALË NGA KARANTINA

Pyetje: Të ndalemi pak tek tenderat që opozita aq shumë i denoncon përmes deklaratave të përditshme nga selia e PD. Tenderat sekrete të qeverisë të cilat nënshkruan në këtë kohë të epidemisë a janë të ligjshëm dhe pse bëhen tani?

Lulzim Basha: Për ne është fare e qartë. U bënë sekrete, e para për të mbuluar dështimin dhe gënjeshtrën e qeverisë që tha  “jemi në rregull, kemi marrë të gjitha masat”. Ja pra që s’i kanë marrë masat. Kjo është vetëm për të fshehur mënyrën se si blihen këto pajisje, për të fshehur çmimin, për të fshehur sasinë dhe vetëm falë hulumtimit të disa gazetarëve dhe të ndërgjegjes së disa punonjësve të sektorit publik që ne kemi arritur të shtimë në dorë disa të dhëna që tregojnë se shumë prej këtyre pajisjeve janë zhdoganuar, pra, janë futur në Shqipëri, me ¼ (një të katërtën) të çmimit që pastaj janë shitur. Pra janë shitur 4 herë më shumë sesa  çmimi i tregut. Vura re që ka paqartësi edhe në mes gazetarëve apo analistëve për këtë. Nuk është problemi pse është bërë tenderi me procedurë të përshpejtuar se gjendja e fatkeqësisë natyrore ia lejon këtë qeverisë, por e para e punës pse është bërë sekret? Ku është sekreti shtetëror këtu? Ky nuk po blenë as raketa e as mitraloza, po blen medikamente për t’u ardhur në ndihmë qytetarëve. Dhe e dyta, nuk është problemi që në botë ky ishte çmimi dhe ne e blemë me këtë çmim. Ne e blemë me 4 herë çmimin e tregut. Kjo e ka një emër dhe jam i sigurt që ju dhe kushdo që na ndjek ja vë emrin se çfarë është kjo. Kjo është vjedhje. Kjo është arsyeja. Ndërkohë nuk marrim përgjigje. Na është premtuar publikisht; pyesni dhe do të merrni përgjigje. Ku është përgjigja për këtë?! Informacionet janë që në Ministrinë e Shëndetësisë, në institucionet e tjera dhe në katet e fundit të kryeministrisë ka tre ditë që punohet ethshëm për të falsifikuar shifrat, për të falsifikuar ofertat. Dhe ky është momenti që prokuroria të dalë nga karantina sepse karantina e prokurorisë është shumë e dëmshme për shëndetin e qytetarëve. Le të hetojë e të çojë deri në fund të gjithë këta tendera sekretë dhe gjithë këto abuzime sepse me këto para që po vidhen mund të ndihmoheshin mijëra familje që sot janë lënë në mes të katër rrugëve.

Pyetje: Lidhur me denoncimet dhe konkretisht sa i takon tenderave z. Basha, a është PD e zhgënjyer nga SPAK, nga institucionet e drejtësisë?

Lulzim Basha: Sapo ju thashë, karantina e prokurorisë është shumë e rrezikshme për shëndetin, jetën  dhe mirëqenien e qytetarëve shqiptarë. Ndaj Prokuroria urgjentisht duhet të dalë nga përgjumja dhe nga karantina. Dhe me transparence; transparenca është gjithmonë shumë e nevojshme dhe në veçanti tani, t’u deklarojë qytetarëve se çfarë hapash po merr për të hetuar me objektivitet dhe me shpejtësi të gjitha këto denoncime që janë bere dhe që tregojnë përmasat dhe tiparet e një regjimi, se s’kam si ta quajtur tjetër.

BASHA: ËSHTË KOHA QË QEVERIA TË LËSHOJË 10 OLIGARKËT DHE MILIONAT E TYRE T’UA JAPË QYTETARËVE

Pyetje: A ka Partia Demokratike një strategji ekonomike për daljen nga kriza?

Lulzim Basha: Po, dhe e kemi shpalosur prej ditës së parë. E kemi përditësuar edhe në raport me zhvillimet në vend, edhe në raport me thellimin e krizës nga dështimet e qeverisë, edhe në raport me përvojat e fituara nga disa prej vendeve rreth nesh apo vendeve të tjera që po luftojnë pandeminë dhe krizën ekonomike.

Së pari dhe më kryesorja është që ne ta kuptojmë fare qartë që kjo nuk është koha për të vazhduar për t’u mbajtur tek xhaketat e 10 oligarkëve. Kjo është koha për t’i lëshuar këta 10 oligarkë, për t’ua hequr ato kontrata abuzive dhe për t’i kaluar këto qindra miliona tek qytetarët.

Se dyti, është momenti që çdo

kush të marre ndihmën që i takon, e jo me letër siç është bërë deri tani me 10 apo 15% të goditur, e ne fakt as 3 apo 5% e tyre nuk i kanë marrë akoma. Por që të kemi këtë duhet që në radhë të parë të kemi një qeveri të përgjegjshme, e cila mendon për njerëzit. Dhe kjo është arsyeja, s’kemi absolutisht asnjë objektiv dhe asnjë qellim tjetër; edhe për propozimet, edhe për kritikën, edhe për denoncimet përveçse t’i tregojmë kësaj qeverie që, për fat të keq, është kjo në krye të vendit se çfarë detyrash ka dhe se si neglizhimi i këtyre  detyrave demton jetën, shëndetin dhe ekonominë e shqiptarëve.

e qeverisë, edhe në raport me përvojat e fituara nga disa prej vendeve rreth nesh apo vendeve të tjera që po luftojnë pandeminë dhe krizën ekonomike.

Së pari dhe më kryesorja është që ne ta kuptojmë fare qartë që kjo nuk është koha për të vazhduar për t’u mbajtur tek xhaketat e 10 oligarkëve. Kjo është koha për t’i lëshuar këta 10 oligarkë, për t’ua hequr ato kontrata abuzive dhe për t’i kaluar këto qindra miliona tek qytetarët.

Se dyti, është momenti që çdo

kush të marre ndihmën që i takon, e jo me letër siç është bërë deri tani me 10 apo 15% të goditur, e ne fakt as 3 apo 5% e tyre nuk i kanë marrë akoma. Por që të kemi këtë duhet që në radhë të parë të kemi një qeveri të përgjegjshme, e cila mendon për njerëzit. Dhe kjo është arsyeja, s’kemi absolutisht asnjë objektiv dhe asnjë qellim tjetër; edhe për propozimet, edhe për kritikën, edhe për denoncimet përveçse t’i tregojmë kësaj qeverie që, për fat të keq, është kjo në krye të vendit se çfarë detyrash ka dhe se si neglizhimi i këtyre  detyrave dëmton jetën, shëndetin dhe ekonominë e shqiptarëve.

DEKLARATË E KOALICIONIT OPOZITAR

Në këto ditë të vështira për çdo shqiptar dhe në kushtet e një krizë të paprecedentë shëndetësore dhe ekonomike, shteti duhet të jetë pa asnjë vonesë dhe asnjë mëdyshje në krah dhe në funksion të shëndetit dhe të mirëqënies së njerëzve kudo ku ata ndodhen.

Me shqetësimin më të madh për sigurinë, shëndetin dhe mirëqenien e qytetarëve shqiptarë, për ne është e papranueshme që 6 javë pas shpërthimit të epidemisë, qeveria:

1. Ka bërë mesatarisht vetëm 110 teste në ditë, për mbi 2,6 milionë banorë.
2.Ka lënë jashtë ndihmës financiare mbi 750 mijë qytetarë dhe nuk ka shpërndarë ndihmën e premtuar për mijëra të tjerë.
3. Nuk ka akorduar fonde të mjaftueshme për përballimin e krizës, duke e renditur Shqipërinë të fundit në rajon.

Koalicioni opozitar vlerëson se qeveria është treguar e paaftë dhe ka dështuar për të menaxhuar në mënyrën e duhur situatën e krijuar nga koronavirusi.

Të gjitha faktet tregojnë se qeveria po improvizon dhe se nuk ka asnjë strategji për daljen nga kriza. Regjimi i facebook-it ka suprimuar çdo vendimarrje përmes institucioneve.

Gjatë 6 javëve, qeveria kërkoi sakrifica vetëm nga qytetarët, por nuk ka marrë asnjë përgjegjësi për vete.

Lufta e qeverisë duhet të jetë me virusin dhe pasojat e tij dhe jo me qytetarët. Por deri më sot prioritet i qeverisë ka qenë gjobitja e qytetarëve dhe jo testimi, kufizimi kaotik i lëvizjes dhe jo transparenca, kërcënimi me burg dhe jo bashkëpunimi, braktisja e njerëzve në nevojë dhe jo ndihma për ta.

6 javë pas nisjes së emergjencës, numri zyrtar i të infektuarve të sotëm mbetet i lartë si në ditët e para të pandemisë. Qeveria refuzoi mbylljen e fasonerive dhe bizneseve të tjera me risk të lartë infektimi dhe i ktheu ato në vatra përhapje, siç vërtetojnë rastet në Krujë, Kurbin, Kamëz dhe Shkodër.

Kjo krizë e rëndë konfirmoi se për kryeministrin prioritet janë një grusht klientësh, me të cilët grabit taksat e shqiptarëve. Në vend që të financojë ekonominë për të mos mbyllur vendet e punës, Edi Rama zgjedh të vazhdojë pagesat prej mbi 100 milonë euro për disa koncesione korruptive.

Koalicioni opozitar bën thirrje për rishikimin urgjent të paketave gjysmake ekonomike, në mënyrë që askush që është prekur nga kriza, të mos përjashtohet nga ndihma si dhe për anullimin e menjëhershëm të koncesioneve.

Koalicioni opozitar kërkon transparencë për çdo qindarkë të shpenzuar për përballimin e krizës dhe kërkon hetimin urgjent të rasteve të korrupsionit të bëra publike. I bëjmë thirrje qeverisë të bëjë publike kontratat e klasifikuara sekret, dhe i kërkojmë Prokurorisë të nisë hetimin urgjent të rasteve të korrupsionit të bëra publike gjatë emergjencës. Qytetarët shqiptarë kanë të drejtë të dinë sesi po shpenzohen paratë e taksave të tyre për të cilat kanë aq nevojë sot.

Edi Rama përdor gjendjen e fatkeqësisë për të vjedhur me tenderin e rindërtimit 76.4 milionë euro. Me procedurë të kufizuar antiligjore paracakton me kë do të ndajë paratë.

DEKLARATË E PARTISË DEMOKRATIKE, DHURATA ÇUPI

Programi i rindërtimit të shtëpive dhe shkollave të dëmtuara nga tërmeti është infektuar nga virusi më i keq i qeverisë shqiptare, korrupsioni.

Janë 76.4 milionë euro për të cilat Edi Rama ka vendosur të paracaktojë se kush do t’i fusë në xhep dhe me kë do t’i ndajë, duke kufizuar pjesëmarrjen në tender të kompanive shqiptare dhe të huaja.

Nga të dhënat e Open Data Albania u mësua se menjë procedurë të kufizuar, antiligjore, kompanitë ndërkombëtare janë përjashtuar de fakto nga gara, por edhe kompanive shqiptare nuk u është lënë kohë e mjaftueshme në dispozicion për të përgatitur dokumentacionin.

Në shkelje të hapur të ligjit, qeveria u ka dhënë kompanive gjysmën e kohës që parashikon ligji për t’u bërë pjesë e tenderit më të madh të kryer për këtë vit. Janë vetëm 10 ditë, kur në ligj përcaktohet shprehimisht se për procedurën e kufizuar, të vendosur nga qeveria, duhen minimalisht 20 ditë.

Po të kishte zgjedhur tenderin e hapur ndërkombëtar, pa asnjë kufizim dhe ngut, qeveria do të ishte e detyruar t’u linte kompanive 52 ditë kohë. Duke patur më shumë kohë, mund të bëhet një projekt më i mire, mund të ketë më shumë oferta, mund të kursehen më shumë para. Por ky nuk është prioriteti i Edi Ramës.

Duke zgjedhur procedurën e kufizuar në vend të tenderit të hapur ndërkombëtar, qeveria shqiptare arrin dy gjëra:
1. Largon nga gara kompanitë e huaja
2. Ngushton zgjedhjen tek një grusht kompanish vendase kliente të kryeministrit, me të cilat ka ndarë çdo projekt dhe koncesion korruptiv me vlerën më të lartë të mundshme.

Janë të tilla manovra të pista, që vijnë era vjedhje arsyeja kryesore pse Edi Rama shtyn pa kriter dhe kundër përcaktimeve kushtetuese afatin e gjendjes së fatkeqësisë natyrore.

Është kriminale që një kohë kaq kritike për shqiptarët po përdoret nga qeveria për të vjedhur paratë e tyre dhe për t’I ndarë me klientët e perhershëm.

Një tender si ky, 76.4 milionë euro e bën shumë të qartë panoramën. Qytetarët nuk po vuajnë vetëm nga virusi, por edhe nga një qeveri e korruptuar dhe një kryeministër i dështuar.

•             Pajisja e stafit mjekësor me maska të skaduara nga e njëjta firmë që fitoi tenderin sekret është kriminale.

•             Dokumentat e publikuara nga “Boom” provojnë se maskat që po përdoren në infektiv, kanë skaduar 6 vjet më parë.

•             Megjithë heshtjen e qeverisë, Prokuroria duhet të nisë hetimet pa vonesë. Lekët e vjedhura të shqiptarëve sot kushtojnë jetë!

DEKLARATË PARTIA DEMOKRATIKE, ALBANA VOKSHI

Partia Demokratike ka denoncuar ditët e fundit me fakte dhe prova, tenderat sekretë të qeverisë, nëpërmjet të cilave kemi zbuluar abuzime skandaloze me paratë e shqiptarëve në ditët e tyre më të vështira.

Kur gati një milion njerëz janë pa punë ose në pasiguri për punën dhe shëndetin e tyre, qeveria e Edi Ramës mendon të vjedhë me tendera sekretë dhe të mos japë llogari. Qytetarët shqiptarë nuk po vuajnë vetëm nga virusi, por dhe nga një qeveri e korruptuar dhe një kryeministër i dështuar.

Deri tani nuk ka asnjë shpjegim pse bleu mbi 200 mijë maska dhe mjete të tjera mbrojtëse mjekësore me çmim 2-3 fish më të lartë sesa çmimi i tregut.

Nuk ka asnjë shpjegim pse qeveria blen me tender sekret një maskë 8 mijë lekë me shumicë tek kompanitë “FARMA NET dhe EUROMED”, ndërsa qytetari e ble me 4 mijë lekë me pakicë në çdo farmaci.

Qeveria që bën propagandë me çdo gjë dhe në çdo kohë, nuk ka dhënë asnjë shpjegim pse ka blerë me 4 fishin e çmimit të tregut me tender sekret, në bashkëpunim me kompaninë O.E.S. Distrimed kitet për testim.

Duke i shpallur keto kontrata sekrete, qeveria i ndalon qytetarët informohen sa dhe si janë blerë mjetet mbrojtëse spitalore. Megjithatë, si çdo gjë tjetër, edhe vjedhjet nuk mund të fshihen përgjithmonë!

Emisioni investigativ “Boom”, ka zbuluar edhe një anë tjetër skandaloze të këtyre kontratave sekrete. Maskat me të cilat qeveria ka pajisur mjekët dhe infermierët e spitalit infektiv, në frontin e parë të luftës, janë të skaduara që në vitin 2014.

Kushdo mund të pyesë ku i gjeti Ministria e Shëmdetësisë kē maska të skaduara. Përgjigja është tronditëse. Ato janë siguruar nga e njējta kompani që fitoi tenderin e maskave me çmim dy herë më të lartë se tregu. A jane maskat e skaduara ato që qeveria i bleu me tender sekret 8 mijë lekë copa? Ne akoma nuk e dimë këtë.

Sidoqë të jetë, Partia Demokratike e konsideron këtë një krim, që vë në rrezik jetën e personelit mjekësor. Ne e dinë se deri tani janë prekur nga virusi rreth 40 mjekë dhe infermierë, shumë prej të cilëve tek Spitali Infektiv. A ka mundësi që infektimi të jetë shkaktuar nga keto maska që emisioni Boom zbuloi se ishin të skaduara? Me shumë mundësi po.

Edi Rama dhe Ogerta Manastirliu, që kujdesen për të poziar me mjekët dhe infermierët e vënë në rrezik nuk mund të heshtin! Mbi ta rëndon përgjegjësia kriminale e furnizimit me maska të skaduara të personelit mjekësor të Spitalit Infektiv.

Dokumentat e publikuara nga “Boom” nuk lënë vend për asnjë dyshim. Kompania franceze ka deklaruar qartë se maskat që po përdoren në infektiv, kanë kodin e kësaj firme dhe janë të skaduara prej 6 vjetësh.

Është në zgjedhjen e Edi Ramës të flasë apo të heshtë, por është në detyrën e prokurorisë të veprojë sa më shpejt!

Prokuroria dhe SPAK nuk mund të bëjnë pushim, kur marrin informacione se qeveria po vjedh apo se u ka shpërndarë mjekëve maska të skaduara.

Prokuroria e ka për detyrë të zbulojë pa vonesë edhe nëse këto maska të skaduara janë të njëjtat qe qeveria ka blerë me çmim 4 herë më të lartë se tregu.

Në këto kohë krize, Prokuroria duhet të jetë edhe më vigjilente, sepse lekët e vjedhura të shqiptarëve sot kushtojnë jetë!

Përkeqësimi i situatës me fasoneritë, dështim i  qeverisë. Mbyllja e fasonerive dhe mbështetja financiare masa e duhur për ndalimin e përhapjes së virusit.

DEKLARATË E PARTISË DEMOKRATIKE, ORJOLA PAMPURI

Të dhënat zyrtare konfirmojnë shqetësimin e Partisë Demokratike se mbajtja hapur me kokëfortësi e fasonerive i ka kthyer ato në vatra të rrezikshme të përhapjes së infeksionit.

Në Krujë, sot ka më shumë të infektuar se dje. Janë 18 persona të tjerë që kanë rezultuar pozitiv. Të gjithë punonjës fasonerie, kryesisht gra dhe vajza. Urojmë që të dhënat të pasqyrojnë realitetin dhe virusi të mos jetë përhapur akoma më shumë, por edhe kaq sa është, kemi një situatë shumë problematike.

Brenda pak ditësh, një person i vetëm ka kontaminuar 86 të tjerë, duke na faktuar 3 gjëra të rëndësishme:

1. Se virusi ka aftësinë të përhapet me shpejtësi

2. Se fasoneritë, si vend me perqëndrim të lartë, janë vendi ideal për përhapjen e virusit.

3. Se qeveria është përgjegjësja kryesore për situatën e krijuar.

Qeveria duhet të kishte mbyllur fasoneritë që në momentin e parë të shpërthimit të epidemisë. Ne ia kërkuam këtë, bizneset kanë mbajtur të njëjtin qëndrim, por Edi Rama ka kundërshtuar me kokëfortësi, pa dhënë asnjë argument.

Rezultati i kësaj vendimmarrje të gabuar është 86 persona të infektuar me koronavirus vetëm nga një kontakt që punon në një fasoneri në Krujë.

Ne ishim atje, kemi parë kushtet, kemi biseduar me sipërmarrësit dhe me punonjësit. Është e pamundur që në një mjedis të tillë aq të vogël të ruhet distanca sociale dhe të respektohen standardet e kërkuara.

Gjobat ndaj bizneseve të fasonerive, që punësojnë rreth 70 mijë gra e vajza është mënyra e gabuar për të menaxhuar situatën. Duhet mbyllja e tyre, e shoqëruar me një mbështetje financiare. Sa më shpejt, aq më mirë!

Është e pandershme nga ana e Edi Ramës që  përdor dy standarde të ndryshme për të njëjtën situatë. Për sigurinë e vetes, të familjes dhe bashkëpunëtoreve të tij, Rama përdor komunikimin online, ndërsa mijëra gra e vajza, si dhe familjet e tyre i ka lënë nën terrorin psikologjik të infeksionit në vendet e punës.

Ka vetëm një arsye pse Edi Rama është i gatshëm të luajë bixhoz me jetën dhe shëndetin e 70 mijë nënave dhe motrave. Ai nuk do që të sakrifikojë nga paratë që ndan me një grusht oligarkësh për disa koncesione korruptive. Anullimi i pagesave për inceneratorët,  Tiranës, Fierit dhe Elbasanit mbulon koston e pagesës minimale për 70 mijë gra e vajza të fasonerive.

Ndihmon që virusi të mos përhapet dhe biznesi të mos falimentojë.

Ne nuk do të lodhemi duke e përsëritur këtë gjë. Për ne është e rëndësishme që të ndërpritet zinxhiri i infektimeve. Që 18 personat e infektuar në Krujë, në Kurbin, në Shkodër, në Durrës e  kudo ku ka fasoneri të mos bëhen 28, 48 apo 248.

Shqiptarët nuk e meritojnë ta paguajnë kaq shtrenjtë dështimin spektakolar të një qeverie dhe një kryeministri që kujdesen vetëm si të ruajnë paratë e vjedhura me koncesione dhe tendera sekrete.

Partia Demorkatike do të ketë më vonë një  denoncim tjetër ku sjell fakte të një skandali të madh e të rrezikshëm për shëndetin me tenderat sekretë.

BASHA: NËSE ZGJEDHJET DO TË ISHIN NESËR, PËR SHKAK TË EDI RAMËS, PS DO TË KISHTE DISFATËN MË TË RËNDË TË KËTYRE 30 VITEVE

Kryetari i Partisë Demokratike Lulzim Basha foli për përkeqësimin e situatës nga pandemia për shkak të keqmenaxhimit nga qeveria. “Ka shumë fjalë, shumë pak veprim nga autoritet”- tha zoti Basha, i cili vuri në dukje se 5 javë pas nisjes së karantinës, numri i atyre që janë në pamundësi reale ekonomike është shtuar me të paktën 20-30 përqind. Në një bisedë në emisionin “Abc e mëngjesit”, zoti Basha rrëzoi të pavërtetë një sondazh të qeverisë për përparësinë elektorale të Ramës në këtë situatë. “Është një nga ato raste, kur del para pasqyrës dhe i thua vetes se jam mirë, madje porosit dhe një kor që ta përsërisin këtë”- tha kreu i opozitës.

“Kjo qeveri prej kohësh ka humbur legjitimitetin, sepse ka ardhur nga një proces i manipuluar zgjedhor Nesër, nëse do të kishte zgjedhje, do të kishte disfatën më të thellë që ka pësuar ndonjë parti politike në 30 vite në Shqipëri. E gjithë strategjia e Edi Ramës në këto vite është bazuar në shiblerjen e votës dhe nuk ka gjë më mirë që e tregon këtë sesa tërheqja me turp nga padia që bënë me tam-tame ndaj gazetës Bild, e cila ekspozoi se si ka ardhur në pushtet Edi Rama. Gjithë shqiptarët kanë dëgjuar kriminelë duke folur me politikanët për blerje të votës. Nuk ka asnjë shans. Në qoftë se zgjedhjet bëhen nesër apo të dielën e ardhshme është e qartë se Partia Socialiste do të ketë një katastrofë elektorale të paprecedentë në 30 vite dhe të merituar do të thoja, për shkak të Edi Ramës, për shkak të mosmbajtjes së premtimeve, për shkak të kaosit dhe kolapsit ekonomik ku e ka futur vendin, edhe para pandemisë, për shkak të keqmenaxhimit të gjithçkaje, edhe të tërmetit. Por kjo nuk është tema sot. Një qeveri ka për detyrë t’i vijë në ndihmë njerëzve, detyrë në të cilën kjo qeveri ka dështuar në mënyrën më spektakolare, por këtë dështim e paguajnë qytetarët”

BASHA I PËRGJIGJET SHQETËSIMIT: OPOZITA I DHA FUND FASADËS 1 VIT MË PARË. DOKUMENTIN E BE PËR ZGJEDHJE TË LIRA NUK E ZË DOT KORONAVIRUSI

Pyetje: Me shpalljen e gjendjes së jashtëzakonshme Shqipëria tërhiqet nga disa nene të Kartës Europiane të Mbrojtjes së të Drejtave të Njeriut, privatësia, prona dhe protesta. Deri dje këtë veprim e kanë bërë Shqipëria, Moldavia dhe disa vende të republikave të brishta. Sot të gjithë thonë se po montohet një diktaturë dhe lajmi i keq është se kjo diktaturë po montohet duke patur një opozitë,  ju rrezikoni t’ju përdorin si fasadë?

Lulzim Basha: Është një shqetësim i tejkaluar, fasada mori fund në momentin që opozita i dha fund legjitimitetit të një parlamenti që, siç e pamë, doli nga një proces zgjedhor i manipuluar. Ndërkohë,  kemi një dokument europian për daljen nga kriza politike dhe kushtetuese ku e zhyti vendin Edi Rama para pandemisë dhe këtë dokument nuk e zë koronavirusi. Dokumenti është i qartë, reforma zgjedhore, zbatimi i reformës zgjedhore, miratimi i standardeve zgjedhore, zgjedhjet parlamentare dhe zgjedhjet legjitime vendore janë disa nga pikat kryesore të cilat duhet t’u paraprijnë me dënimin e atyre që kanë vjedhur dhe blerë votat e shqiptarëve. Pra, këtu nuk ka asnjë ndryshim. Fati i mirë i Shqipërisë është që  ndodhet në zemër të Europës. Fati i mirë i Shqipërisë është që, edhe për shkak të betejës opozitare, ne nuk kemi lejuar që opozita të kthehet në fasadë dhe që hap pas hapi ia kemi dalë të tregojmë se Edi Rama është një one man show dhe se nën drejtimin e tij shteti shqiptar është kthyer në një shtet kartoni, i paaftë as në minimumin që do të bënte një shtet tjetër ballkanik, qoftë me krizën e tërmetit, qoftë me krizën e pandemisë.

Në këtë moment, ne si opozitë, po bëjmë gjithçka për të mbrojtur jetën dhe shëndetin e qytetarëve. Shqiptarët e kanë kuptuar se taktika e ngopjes me lugë bosh nuk funksionon. Nuk funksionon me veçanti në kohë krize. Kur xhepat janë bosh dhe barku i fëmijëve është bosh, fjalët e Edi Ramës nuk mjaftojnë.

BASHA: TENDERAT SEKRETË, RAST I PASTËR I ABUZIMIT ME PUSHTETIN. QEVERIA NUK DHA ASNJËHERË PËRGJIGJE OSE BLEU ME ÇMIM 2-4FISH MË TË LARTË

Ne duhet të shohim faktet dhe faktet janë që pajisjet e testimit që kanë blerë tani janë me katërfish çmimin. Këtu qartësisht është keqpërdorur pushteti. Është një rast i pastër i abuzimit me pushtetin. Ligji ia njeh këtë të drejtë qeverisë për të tjera kategori prokurimesh.

Pyetje: Zoti Basha i dispononi këto kontrata? Do t’i bëni publike këto kontrata si dokumente?

Lulzim Basha: Janë bërë publike faktet. Ato që kemi pasur i kemi bërë publike dhe natyrisht është detyrë edhe e medias të shkojë edhe më tej për të kërkuar transparencë. Megjithatë ajo që duhet t’u themi sot qytetarëve që na ndjekin, është që pyetja “pse i keni klasifikuar sekret këto tendera”, ka mbetur pa përgjigje. Pyetja se “pse i ke blerë katërfish nga çmimi i zhdoganimit”, ka mbetur pa përgjigje. Pyetja “pse i ke blerë dy apo trefish pajisjet mbrojtëse për mjekët”, ka mbetur pa përgjigje.

Pyetje: Rama është përgjigjur, qeveria ka thënë që nuk është e vërtetë. Ka folur ministria e Shëndetësisë me një deklaratë dhe Rama në një prononcim dhe kanë thënë që asgjë nga këto nuk është e vërtetë?

Lulzim Basha: Edhe njëherë, të thuash nuk është e vërtetë dhe të mos tregosh dokumente, do të thotë të vazhdosh të gënjesh, do të thotë të vazhdosh vjedhjen. Nuk njoh unë hajdut që të jetë kapur në vjedhje dhe të thotë “është e vërtetë”. Gjëja e parë që thonë, kur kapen duke vjedhur thonë që “nuk është e vërtetë”. Problemi më i madh është qeveria na tha para 4 javësh apo 6 javësh, kur ne e ngritëm çështjen e përgatitjes për pandeminë, që i kemi marrë të gjitha masat. Ja pra ku rezultoi se masat nuk ishin marrë. Qeveria fliste me gjuhë të ndryshme. Na thuhej se po të duhej bëheshin 2 mijë testime në ditë, pastaj dilte që kapacitetet tona testuese ishin 200 në ditë. Dilte që stoku i kiteve të testimit ishte edhe më i ulët. Pra prej fillimit kemi të bëjmë me monopolizim të të dhënave, me shtrembërim të të dhënave dhe në funksion të kësaj është dhe fakti që Shqipëria ka sot numrin më të ulët të testimeve, ndër më të ulëtat në Europë, qartësisht më të ulët se vendet fqinje. Nuk ka asnjë arsye tjetër që ne të jemi në nivel me testimet dy herë më pak se sa Maqedonia.

“PROCES I IMPROVIZUAR DHE KUTURU”, BASHA PËR MASAT E HAPJES: S’MUND TË JEM KURRSESI DAKORD ME NJË QEVERI QË VEPRON NË KUSHTET E NJË REGJIMI

Pyetje: Pyetja ime ka të bëjë në fakt me lirimin e këtyre masave të cilat duket se po paralajmërohen tashmë nga qeveria. Po me këtë hapje graduale edhe pse nuk ka diçka të shkruar dhe konkrete por që paralajmërohet javë pas jave nga kryeministri për kategori të reja biznesesh që hapen apo rikulifikim të lejeve për qytetarët me automjet dhe pa automjet, me orare të ndryshme. Ju jeni parimisht dakord me këtë hapje?

Lulzim Basha: I gjithë procesi është një proces kuturu, i improvizuar, s’mund të jem kurrsesi dakord me një qeveri që vepron në kushtet e një regjimi. Sepse vetëm në një regjim fshihen të dhënat, monopolizohen të dhënat. Vetëm një regjim në kohë pandemie bërtet për arkivole dhe iu thotë qytetarëve do të shkoni për mish qeni, i terrorizon për të fshehur mungesën e masave, masat e pamjaftueshme për ti mbrojtur ata, për të mbrojtur mjekët apo për të paguar atë që ka për detyrim për ti paguar njerëzve që iu ka thënë rrini në shtëpi. Dhe në të njëjtën mënyrë si I ka trajtuar këto 5 javë në të njëjtën mënyrë kërkon ta shtyjë edhe më tej. Ti çfarë plani ke për ti nxjerrë njerëzit nga kjo situatë, në qoftë se iu thua do të rrini edhe 4 javë, 5 javë nëpër shtëpi? Çfarë plani ke që hap pas hapi të fillosh të hapesh duke reduktuar rrezikun e kontaminimit, të infektimit, ke ndonjë plan për këtë? Keni dëgjuar ju ndonjë plan për këtë? A I keni kërkuar kryeministrit të shpalosë ndonjë plan?

Pyetje: Jo çdo gjë mund të parashikohet.

Lulzim Basha: Askujt nuk I kemi kërkuar parashikim ne. Por të fshehësh pas fjalësh është një art bajat në Shqipërinë e qeverisë së Edi Ramës. Ka 7 vjet që fshihet pas fjalëve. Kush i ka kërkuar që të parashikojë? I kemi kërkuar një plan dhe ka folur për një plan A, B dhe C. Kush është plani A? Kush është plani B? Kush është plani C? Kush e di?! E dini ju?

Pyetje: Jo, nuk ka asgjë publike!

Lulzim Basha: Askush nuk e di. E pra, kjo është e pafalshme, kjo ndodh vetëm në regjime. Kjo ndodh vetëm në vende ku të dhënat në vend që të bëhen transparente dhe të ndahen me publikun, monopolizohen, manipulohen në mënyrë që të justifikojnë dështimet dhe mospërmbushjen e detyrimeve që qeveria ka. Se nuk kanë vetëm qytetarët detyrime në rast pandemie, ka edhe qeveria. Për çdo propozim qeveria ka detyrim me ligjet e Shqipërisë t’i përgjigjet financiarisht. Pra, absolutisht, nëse ka një plan ky duhet bërë publikë. Në mungesë të një plani ne kemi propozuar një plan. Ne kemi propozuar një plan dhe ia kam propozuar edhe në mbledhjen e Këshillit të Sigurisë Kombëtare, një plan me 5 pika me anë të së cilës të shtrohet rruga për normalizimin e situatës sa është e mundur. Sepse, siç e thashë, askush nuk mund të parashikojë asgjë.

ZBULIMI I NJË SKANDALI TË RI ME MASKAT E SKADUARA, BASHA: EMISIONI INVESTIGATIV BOOM PROVOI SE TEK INFEKTIVI PËRDOREN MASKA TË SKADUARA QË NË 2014-ËN

Emisioni investigativ “Boom”, tek Ora Neës ka zbuluar maska të skaduara tek Infektivi. Këto maska të skaduara në vitin 2014 dhe të konfirmuara nga autoritetet. Tani kjo është virale, është fakt publik. Gazetarët, kolegë tuaj të këtij emisioni investigativ, kanë bërë publik një tjetër fakt tronditës. Mirë që ato maskat e para që i kishte të skaduara prej 10 vitesh, Rama tha që nuk i kam për mjekët e vijës së parë, po këto që u ka dhënë mjekëve të Infektivi, që i ka të skaduara prej 2014-ës, kush mban përgjegjësi për këto?

Pyetje: Nëse është e vërtetë kjo është një skandal, të dalin të japin një përgjigje, patjetër.

Lulzim Basha: Kush mban përgjegjësi që këtej flet për arkivole dhe për njerëzit si mish qeni dhe këtej nga ana tjetër ua merr kitet e testimit me 4 herë më të lartë çmimin?! Me këto para mund të ishin blerë 4 herë më shumë kite, mund të ishin testuar 4 herë më shumë qytetarë. Pra, për ne është e pafalshme që në kohë pandemie terrorizohen qytetarët për të fshehur paaftësinë e qeverisë dhe për të fshehur vjedhjen me tendera sekret. Tenderat sekretë në shëndetësi janë haptazi një instrument për të fshehur papërgatitjen e shtetit, papërgatitjen e qeverisë për të mbështetur shëndetësinë dhe më e tmerrshmja vjedhin dhe abuzojnë në këto kohë. Me paratë e vjedhura vetëm nga pajisjeve që u denoncua të shtunën mund të paguheshin 9 mijë pensione në qytet, 16 mijë pensione në fshat, mund të jepej ndihma ekonomike për 30 mijë familje ose pagesa e papunësisë për 12 mijë individë, vetëm me tenderin e denoncuar të shtunën dhe ende s’ka asnjë përgjigje. Kërkesa ime përmes emisionit tuaj ndaj çdo media është që të mos heshtë! Sepse në çdo moment kjo është e rëndë në një vend sado pak normal apo që aspiron të jetë normal, por në kohë pandemie nuk është thjesht vjedhje, kjo është kriminale, sepse kjo lidhet drejtpërdrejtë me shëndetin dhe me jetën e qytetarëve.

“1 PERSON INFEKTOI 67 TË TJERË”, BASHA: ËSHTË HIPOKRITE TË DUARTROKASIM SI NË KORE TË VERIUT PLANET E UDHËHEQËSIT, SEPSE NUK KA PLAN DHE KËTË PO E PAGUAJMË TANI

Pyetje: Sipas jush a duhet të lirohen masat që janë shtrënguar deri më sot, me këtë strategji të lirimit juve a jeni dakord, hapjen e bizneseve të ndryshme dhe lirimin? 

Lulzim Basha: Nuk ka strategji lirimi, ka njoftime që ndryshojnë nga mëngjesi në drekë dhe në darkë. Në qoftë se ne nuk u themi shqiptarëve të vërtetën për këtë, bëhemi bashkëfajtorë. Edi Rama nuk ka asnjë strategji lirimi. Sot thotë diçka nesër thotë diçka tjetër. Të premten thotë karantinë, pastaj çohet në darkë apo në mëngjes dhe thotë do të dalin nënat me fëmijë, do të dalin pensionistët. Në Kolumbi ndodh kjo dhe në Shqipëri. Janë sjellje tipike të një regjimi që mundohet të fshehë mungesën e planit, paaftësi, mungesën e përgatitjes.

Pyetje: Në fakt një plan të shpallur nuk e ka asnjë vend i botës sot, projeksione, hamendësime në media, nuk ka gjë zyrtare në vendet kryesore të paktën.

Lulzim Basha: E keni gabim. Çdo vend europian ka adoptuar një plan apo strategji dalje, i cili rrotullohet pak a shumë rreth tre katër pikave kryesore.

Së pari dhe më kryesorja,  është të kemi mjaftueshëm të dhëna realiste. Dhe për këtë duhen testime prandaj insiston çdokush në Europë që numri i testimeve të rritet kudo. Prandaj, Gjermania që ka marrë numrin më të lartë të testimeve vazhdon të menaxhojë situatën më mirë. Prandaj dhe brenda Italisë Lombardia pati një situatë katastrofike dhe rajoni i Venetos pati një situatë krejt tjetër, kjo është e vërteta. Brenda Italisë vetë patëm dy situata të ndryshme, aty ku u rriten testimet u bënë shumë më shpejt dhe shumë më shumë testime, situata u mbajt nën kontroll. Aty ku nuk pati testime situata doli jashtë kontrolli. Testimet do na tregojnë se çfarë gjendje infeksioni ndodhemi.

E dyta, në bazë të testimeve duhet të bëjmë gjurmimin dhe izolimin e rasteve. Në qoftë se një zonjë e vetme, e infektuar nuk do të kishte shkuar në atë fasoneri, sepse fasoneria do të ishte mbyllur apo në qoftë se një pronar restoranti nuk do të kishte shkuar tek restoranti ku më pas shkuar katër- pesë të tjerë dhe e përhapen kudo në Shkodër, atëherë situata do të ishte menaxhuar shumë më mirë, por nuk ka ndodhur kjo. Një person i vetëm në një fasoneri të Krujës ka infektuar 67 persona për katër ditë. Dhe kush do të mbajë përgjegjësi për këtë? Kemi katër javë që e paralajmërojmë. Një person i vetëm ka infektuar 67 të tjerë dhe e ka shpërndarë infeksionin ne Krujë dhe Kurbin. Kështu që mendoj që është pak herët dhe hipokrite që të duartrokasim si në Kore të Veriut planet e udhëheqësit, sepse nuk ka plan dhe këtë po e paguajmë tani.

Ama në qoftë se ka testime, në qoftë se ka gjurmime, në qoftë se ka izolime të rasteve atëherë qeveria e para thotë “shiko, situatën gjeografikisht në këto zona e kam me të lehtë, në këto zona e kam më të vështirë, në këto zona urbane e kam më të komplikuar, në këto e kam pak më të lehtë, në këto biznese e kam më të sigurt, në këto pak më të pasigurt” dhe vazhdimi i testimeve i jep mundësinë qeverisë të mbajë situatën siç është, të mos e  shtrëngojë ose ta lirojë.

Së treti, shëndetësia, çfarë ka ndodhur me respiratoret? Pse kanë ardhur vetëm pesë respiratorë, kur do të bëheshin 50? Cilat janë kapacitetet tona të vërteta në qoftë se kemi një kurbë rritëse aktuale apo një rikthim me kurbë rritëse, siç po u ndodh dhe vendeve me organizim të hekurt siç është edhe Singapori, mesa lexova sot?!

“KONTRATA E LOBIMIT E PD NË SHBA ËSHTË TRANSPARENTE”, BASHA: QEVERIA PAGOI 720 MIJË EURO ME TENDER SEKRET PËR LOBIM KUNDËR OPOZITËS

Pyetje: Kryetari i Grupit të PS, Taulant Balla ka akuzuar sot Partinë Demokratike se në kohën kur vendi është në kushte pandemie ju harxhoni 60 mijë dollarë dhe po citoj: për lobim në Shtetet e Bashkuara të Amerikës. Balla ka publikuar një dokument ku thuhet se kontrata është firmosur në datën 10 mars nga zoti Bardhi. A ka të vërtetë në këto akuza?

Lulzim Basha: E para, nuk bëhet fjalë për asgjë të re. Kjo është kontratë në vazhdim që Partia Demokratike e ka prej 2 vjetësh, një pagesë prej 10 mijë dollarësh në muaj, qëllimi i së cilës, siç dallohet qartë në dokumentet e publikuar, sepse janë transparente në Departamentin Amerikan të Shtetit, ka qenë pikërisht për të luftuar krimin dhe korrupsionin, për të marrë ndihmën e Shteteve të Bashkuara të Amerikës në luftë kundër krimit dhe korrupsionit. Ajo që është vërtetuar është që, falë bashkëpunimit me autoritetet amerikane, për fat të keq për Shqipërinë, në raportet Departamentit të Shtetit dhe raportet e tjera të luftës kundër krimit, drogës dhe korrupsionit, kanë treguar se Shqipëria po zhytet thellë e më thellë në një regjim autokratik me probleme të thella korrupsioni dhe krimi. Pra kjo është një kontratë transparente që ekziston prej shumë kohësh dhe që rinovohet në mënyrë periodike. Nuk përbën asnjë lajm. Atëherë pyetja është: pse e nxori sot Taulant Balla?!

Pyetje: Mund ta thoni se cili është qëllimi i kësaj kontrate, qëllimi i këtij bashkëpunimi?

Lulzim Basha: Për një arsye shumë të thjeshtë. Qëllimi i këtij bashkëpunimi, sapo ju shpjegova, është pikërisht kërkimi i ndihmës së Shteteve të Bashkuara të Amerikës për të mbështetur Shqipërinë në luftë kundër krimit të organizuar, trafikut të drogës dhe korrupsionit si dhe për të bërë të mundur që Shqipëria të përfitojë sa të jetë e mundur nga ndihma e institucioneve dhe ndihma financiare e SHBA në këto fusha dhe pastaj në përmirësimin e kësaj situate edhe në fusha të tjera që kanë të bëjnë me investimet ekonomike dhe me programet e ndërsjellta që ndihmojnë në marrëdhëniet mes dy vendeve. Edhe njëherë: është një kontratë që vazhdon të paktën prej 2 vitesh. Pra këtu nuk ka asgjë të re. Pyetja që shtrohet është: pse u kujtua sot Taulant Balla të nxjerrë një dokument transparent që është botuar dhe botohet në mënyrë periodike nga Departamenti i Shtetit? Cila është arsyeja? Pse sot?Sepse sot është denoncuar edhe njëherë tenderi për kitet. Sepse nuk duan të përgjigjen për tenderët sekretë që kanë bërë për shëndetësinë, ndërkohë që po sot media ka denoncuar diçka tjetër: një kontratë me një VKM sekrete të qeverisë për 720 mijë euro apo 900 mijë dollarë të taksapaguesve shqiptarë që qeveria i ka marrë për lobim. Tani, këto janë paratë e qeverisë që i përdor Partia Socialiste për të lobuar kundër kundërshtarëve politikë, kundër opozitës. Pra edhe njëherë, në këtë kontratë nuk ka asgjë të re. Është një kontratë që ekziston prej dy vjetësh, rinovohet në mënyrë periodike. Qëllimi është ndihma amerikane për të luftuar trafikun e drogës, krimin e organizuar dhe penetrimin e krimit dhe korrupsionit në qeveri dhe në organet e shtetit.

Pyetje: Por, sipas zotit Balla, kompania është e njëjta që lobon për Maduron e Venezuelës..

Lulzim Basha: Po kompania që ka marrë qeveria dhe që e paguan me lekët e shqiptarëve për të lobuar kundër opozitës që ka Nursulltanin, çfarë domethënë kjo?! Kompanitë marrin klientët që marrin. Është fare normale që partitë politike të bëjnë aktivitet lobimi. Dy gjëra ama; nuk duhet të përdorë paratë e shtetit dhe Partia Socialiste ka përdorur pushtetin, 720 mijë euro për kontratën e publikuar sot nga media dhe nuk mund ta bëjnë për të luftuar opozitën. Në qoftë se doni lajm, ky është lajmi. Ndërsa në kontratën e Partisë Demokratike gjithçka është transparente, nuk është diçka e re, ka 2 vjet kjo kontratë dhe është e publikuar në faqen zyrtare të Departamentit të Shtetit. Nuk përbën absolutisht asnjë lajm. Qëllimi është për të ndihmuar Shqipërinë, për të ndihmuar shqiptarët pikërisht që të mos ndodhin këto gjëra. Që të mos klasifikohen sekret kontratat e shëndetësisë e të vidhet me një dorë mjaftueshëm para për të paguar siç ju thashë 9 mijë pensione në qytet apo për të paguar 16 mijë pensione në fshat dhe kjo sigurisht i shqetëson ata që janë të përfshirë në korrupsion.

Vokshi: Fasoneritë janë si bomba me sahat dhe ato duhen çaktivizuar. Qeveria,  përgjegjëse për përkeqësimin e situatës në Krujë.

Vokshi: Rezultati i kokëfortësisë së Edi Ramës është 67 persona të prekur brenda 3 ditëve vetëm nga fasoneritë e Krujës.

Pampuri: I padrejtë standardi i dyfishtë i Ramës për të ruajtur veten me mbledhje online, ndërsa gratë e fasonerive detyrohen të shkojnë në punë.

Pampuri: Le të sakrifikojë Rama një vjedhje më pak dhe të mos lërë në mëshirë të virusit 70 mijë gratë dhe vajzat e fasonerive.

DEKLARATË PARTIA DEMOKRATIKE, ALBANA VOKSHI DHE ORJOLA PAMPURI NGA NJË FASONERI NË KRUJË

ALBANA VOKSHI

Fasoneritë janë bomba me sahat. Brenda pak ditëve janë 40 të infektuar në Krujë, 27 në Laç.

Vatrat e infeksionit janë fasoneritë dhe më të prekurat janë vajzat dhe gratë.

Vajzat dhe gratë që punojnë në fasoneri janë më të pambrojturat. Arsyeja e vetme është se qeveria nuk do që t’ia dijë për to.

Për Edi Ramën ka rëndësi që të mos i mërziten klientët me të cilët vjedh dhe pasurohet vetë, jo shëndeti i mbi 70 mijë vajzave dhe grave që punojnë në fasoneri.

Është jetike që qeveria të mbyllë menjëherë këto biznese që janë vatra të rrezikshme për përhapjen e shpejtë të infeksionit.

Kemi 5 javë që ia themi Edi Ramës, por ai vepron me kokëfortësi. Rezultati i kokëfortësisë së Edi Ramës është 67 persona të prekur brenda 3 ditëve vetëm nga fasoneritë e Krujës.

Shëndeti i grave dhe i vajzave duhet të jetë prioritet i qeverisë. Edi Rama duhet të hapë sytë dhe të vendosë për më të mirën e grave. Gratë dhe vajzat nuk janë mish për top që ai t’i përdorë si statistika kur i duhen politikisht. Ato janë nëna fëmijësh që për shkak të vendimeve të gabuara të qeverisë së Edi Ramës, po infektojnë edhe fëmijët e tyre.

Gjendja është e rëndë. Nuk duhet të presim që të hyjnë të gjitha gratë në karantinë që të mbyllen fasoneritë. Vendimi duhet marrë sot. Po sot duhet marrë edhe vendimi për mbështetjen financiare të ketij biznesi. Asgjë nuk i kushton qeverisë të shpëtojë nga rreziku jetën e mbi 70 mijë grave dhe vajzave duke anulluar 3 koncesionet e inceneratorëve. Me paratë e tyre, e përballon fare mirë pagën për keto gra dhe vajza që shkojnë në punë me frikë dhe jetojnë me tmerrin e virusit.

ORJOLA PAMPURI

U informuam se gjendja është shumë e rënduar. Ditë më parë unë kam biseduar me disa prej vajzave dhe grave që punojnë në fasoneri. Erinda, njëra prej tyre më tregoi stresin e jashtëzakonshëm dhe presionin e jashtëzakonshëm në të cilin punon.

Është e padrejtë që qeveria të vendosë me mijëra gra dhe vajza nën presionin e përballjes me sëmundjen 10 orë në ditë pa pushim. Mund të them se ky është një veprim armiqësor ndaj grave dhe vajzave, pasi me stresin e Erindës punojnë të gjitha gratë në Krujë dhe në çdo fasoneri.

Në fasoneritë shqiptare është e pamundur që të krijohen kushtet e duhura për distancimin social, për shkak të mjediseve të vogla. Jo vetëm në Krujë, por në të gjithë Shqipërinë, situata është e njëjtë. Sado që punëdhënësit përpiqen të krijojnë kushtet, kjo është e pamundur. Vetëm një vendim i qeverisë për mbylljen dhe pagesën e tyre e zgjidh problemin.

Të dhënat nxjerrin në pah sesa larg realitetit është qeveria e Edi Ramës dhe sa pak kujdeset ajo për shtresat me të pambrojtura. Duhet theksuar se gratë dhe vajzat në fasoneri punojnë me një pagë minimale. Ato nuk e meritojnë që të diskriminohen nga qeveria.

Pse Edi Eama duhet ta ruajë veten, familjen e tij, gratë e qeverisë së tij, deputetet e tij duke bërë mbledhje online, ndërsa grave dhe vajzave që punojnë në fasoneri u thotë me arrogancë që duhet të shkoni në punë dhe të përballeni me virusin?

Në zonën e Krujës janë në punë 20 fasoneri. Të gjitha bomba me sahat. Duhen mbyllur sot. Aty punojnë rreth 5 mijë gra e vajza nga zonat përreth, prandaj virusi është përhapur me shpejtësi edhe në Kurbin. 60 të prekur brenda pak ditësh është katastrofë.

Vendimi për mbylljen e tyre duhet marrë sa nuk është vonë. Le të sakrifikojë Rama një vjedhje më pak, një favor më pak për klientët e tij. Gratë, vajzat dhe familjet e tyre nuk duhen lënë në dorë të fatit.

DEKLARATË E KRYETARIT TE PARTISË DEMOKRATIKE, LULZIM BASHA

Të dashur bashkëqytetarë!

Ju jam mirënjohës për këtë sakrificë të madhe që po bëni sot e 5 javë.

Këtë sakrificë e bëjmë në emër të jetës dhe të dashurisë njerëzore për njëri-tjetrin.

Por ndërkohë që ju keni sakrifikuar kaq shumë, fatkeqësisht ndihma dhe mbështetja që duhet të merrni nga shteti ju ka munguar.

Gjendja në vend po rëndohet çdo ditë. Ekonomia po shkatërrohet, fasoneritë kanë nisur të preken masivisht nga Covid-19, mijëra qytetarë kanë humbur vendet e punës dhe bukën e tyre të përditshme. Dhjetëra mijëra biznese rrezikojnë falimentimin.

Me bindjen se asgjë nuk është më e rëndësishme se shëndeti dhe jeta e qytetarëve, ne jemi angazhuar fuqimisht që prej ditës së parë duke propozuar ide dhe zgjidhje si për emergjencën shëndetësore ashtu edhe për emergjencën ekonomike.

Por sot, 5 javë prej fillimit të karantinës, është e qartë se qeveria s’ka as plan, as strategji dhe se ajo ka dështuar në përballimin e situatës.

Qytetarët u urdhëruan të rrinë në shtëpi dhe bizneset të mbyllen, por nuk u mor asnjë masë që ata të mbështeteshin financiarisht për këtë sakrificë. Disa hapa gjysmakë dhe me shumë vonesë që u shpallën, ende sot e kësaj dite nuk janë zbatuar, dhe njerëzit nuk i kanë marrë akoma lekët e tyre.

Sot duhej të shpërndahej paketa e dytë e ndihmës, por edhe ky ishte vetëm një premtim tjetër bosh.

Qytetarët që tani ju duhet të paguajnë faturat e rritura të dritave e ujit, janë ende sot pa asnjë të ardhur.

Bizneset po mbyllin mijëra vende pune sepse nuk kanë asnjë mbështetje.

Masat që janë marrë në ndihmë të njerëzve dhe ekipeve shëndetësore janë të vonuara dhe të pamjaftueshme.

Kështu u neglizhuan masat për sigurimin në kohë të mjeteve të nevojshme shëndetësore, dhe pastaj me pretekstin e urgjencës, u bënë tendera sekretë dhe korruptivë.

Këto 5 javë janë rënduar shkeljet ligjore dhe kushtetuese me urdhra që vijnë nga facebook-u, ku kryeministri ka marrë përsipër të gjitha funksionet në shtet, nga polici tek doktori.

Shqiptarët kanë paguar nën qeverisjen Rama taksa, akciza dhe tarifa ndër më të lartat. Sot këto taksa duhet t’ju shkojnë në ndihmë atyre!

Njerëzit nuk kërkojnë lëmoshë — në këto kohë emergjence kombëtare atyre iu takon të marrin ndihmën financiare nga buxheti i shtetit!

Paratë janë. Por Rama zgjedh që ato të shkojnë për tendera korruptivë dhe koncesione, dhe jo për qytetarët.

Qytetarët duhet të marrin menjëherë ndihmën financiare që ju takon!

Bizneset duhet të mbështeten që të mos falimentojnë dhe të largojnë njerëzit nga puna!

Ekonomia duhet të ndihmohet me të gjitha mënyrat që të mos bjerë në humnerë!

Duhet të rriten urgjentisht testimet si garancia e vetme për të ecur përpara të sigurtë!

Sa më shumë vonohen këto masa dhe mbështetja financiare për qytetarët dhe bizneset, aq më shumë thellohet kriza dhe papunësia.

Koha nuk pret!

https://we.tl/t-Fwus6tV6cm

https://www.facebook.com/lulzimbasha.al/videos/2633967660173613/?vh=e&d=n