Blog

Dokumenti/PD: Mijëra refuzime për pagën e luftës

DEKLARATE E PARTISË DEMOKRATIKE, JORIDA TABAKU

Prej disa ditësh, shumë prej bizneseve që kanë aplikuar për fondin që ka vendosur qeveria për ekonominë kanë treguar se si po skualifikohen pa të drejtë nga marrja e pagesës. Në PD kane ardhur me qindra ankesa dhe denoncime për trajtim të padrejtë dhe refuzim të pagesës nga qeveria që ka vendosur fonde të pamjaftueshme për numrin e të vetë-punësuarve dhe bizneseve në nevojë. Ata thonë se kërkesat e tyre kanë rënë në vesh te shurdhër.

Fatkeqësisht kanë të drejtë. Në VKM-në e miratuar specifikohej se përfitonin të gjithë bizneset e vogla të mbyllura në bazë të listë-pagesave deri në janar 2020.  Qeveria e vonoi një muaj të VKM-në ndërsa bizneset janë detyruar të ndërpresin kontratat për mijëra punëtorë.

Rezultati sot është tragjik. Mijëra shqiptarë, kryefamiljarë dhe prindër fëmijësh, janë të papunë, pa rrogë, pa të ardhura ndërsa qeveria vazhdon të furnizojë PPP-të me milionat e zakonshëm sikur asgjë mos të ketë ndodhur.

Akoma më keq, qeveria po vështirëson pagesat duke seleksionuar mes bizneseve dhe qytetarëve. Sot mijëra biznese e punonjës janë duke u përjashtuar padrejtësisht nga mbështetja!

I gjithë buxheti i shtetit dhe çdo burim duhet të jetë në dispozicion të shëndetësisë, të ndihmës sociale dhe të ekonomisë.

Diskriminimi për bukën e gojës është i pafalshëm, kushton jetë dhe shëndet.

Qeveria duhet URGJENTISHT ti japë fund DISKRIMINIMIT të familjeve dhe shqiptarëve në nevojë për të mbrojtur favoret dhe paratë e  oligarkëve.

Të gjithë ata që kanë mbetur pa pune dhe pa të ardhura duhet të marrin mbështetjen minimale për ekzistenca. Dhe për këtë mjafton që kryeministri të zgjedhë 3 milionë shqiptarë përpara 10 oligarkëve.

•             Kushtet e qeverisë që biznesi të përfitojë nga kredia me garanci sovrane e vështirësojnë marrjen e kredisë për pagat e punonjësve.

•             Vendimi ka vendosur më shumë kufizime sesa lehtësi dhe ka të njëjtat kushte si kreditë tregtare.

•             Edi Rama duhet të sakrifikojë koncesionet dhe PPP për te ndihmuar biznesin që të mos mbyllë vendet e punës.

DEKLARATË E PARTISË DEMOKRATIKE, DORIAN TELITI

Vendimet e qeverisë nuk e  ndihmojnë biznesin e madh që të mos mbyllë vendet e punës dhe të vazhdojë të paguajë punonjësit.

Vendimi i fundit që përcakton kushtet për të përfituar nga kredia me garancinë e qeverisë e bëjnë ose shumë të vështirë ose të pamundur marrjen e kësaj kredie nga bizneset, në mënyrë që të paguajnë punonjësit.

Nëse kushtet e kredisë me garancinë sovrane të qeverisë janë identike me kushtet e çdo kredie tregtare, atëherë çfarë ndihme i jep qeveria biznesit?

Vendimi i Qeverisë ka vendosur me shumë kufizime sesa lehtësi. Të kërkosh që biznesi të ketë të njëjtën aftësi ripaguese si përpara pandemisë për kreditë e marra si kusht për të përfituar kredinë e re, praktikisht ke pamundësuar marrjen e saj nga pjesa dërrmuese e biznesit.

Marrja e kredisë nga bizneset nuk është lehtësi për ta. Është një borxh më shumë që duhet paguar, është një sakrificë e madhe, ndërkohë që qeveria nuk bën asnjë të tillë.

Pamundësia për të paguar pagat nuk do t’i nxisë bizneset drejt marrjes së kredive, por drejt aktit të shkurtimit të numrit të punonjësve, gjë që do të rrisë ndjeshëm papunësinë dhe do të ketë impakt tejet negativ në ekonomi.

Qeveria bën shurdhin ndaj sipërmarrjeve prodhuese, shitjet e të cilave janë përgjysmuar gjatë muajit mars dhe mbi 70% e tyre kanë paralajmëruar shkurtim të numrit të punonjësve, pasi 1 ne 5 biznese nuk ia ka dalë dot të paguajë as rrogat e marsit.

Është koha që Edi Rama të sakrifikojë diçka për të ndihmuar ekonominë që të mos lëngojë nga virusi i papunësisë.

Duhen sakrifikuar koncesionet dhe PPP-të korruptive! Paratë për të ndihmuar biznesin, për të paguar pagat e punonjësve janë në buxhet. Në vend që të shkojnë për 10 klientë të Edi Ramës, në vend qe të shkojë për rregullime zyrash e fasadash, ato duhet të vendosen menjëherë për të shpëtuar punën e mijëra shqiptarëve.

Vendimet e qeverisë nuk e  ndihmojnë biznesin e madh që të mos mbyllë vendet e punës dhe të vazhdojë të paguajë punonjësit.

Vendimi i fundit që përcakton kushtet për të përfituar nga kredia me garancinë e qeverisë e bëjnë ose shumë të vështirë osë të pamundur marrjen e kësaj kredie nga bizneset, në mënyrë që të paguajnë punonjësit.

Nëse kushtet e kredisë me garancinë sovrane të qeverisë janë identike me kushtet e çdo kredie tregtare, atëherë çfarë ndihme i jep qeveria biznesit?

Vendimi i Qeverisë ka vendosur me shumë kufizime sesa lehtësi. Të kërkosh që biznesi të ketë të njëjtën aftësi ripaguese si përpara pandemisë për kreditë e marra si kusht për të përfituar kredinë e re, praktikisht ke pamundësuar marrjen e saj nga pjesa dërrmuese e biznesit.

Marrja e kredisë nga bizneset nuk është lehtësi për ta. Është një borxh më shumë që duhet paguar, është një sakrificë e madhe, ndërkohë që qeveria nuk bën asnjë të tillë.

Pamundësia për të paguar pagat nuk do t’i nxisë bizneset drejt marrjes së kredive, por drejt aktit të shkurtimit të numrit të punonjësve, gjë që do të rrisë ndjeshëm papunësinë dhe do të ketë impakt tejet negativ në ekonomi.

Qeveria bën shurdhin ndaj sipërmarrjeve prodhuese, shitjet e të cilave janë përgjysmuar gjatë muajit mars dhe mbi 70% e tyre kanë paralajmëruar shkurtim të numrit të punonjësve, pasi 1 ne 5 biznese nuk ia ka dalë dot të paguajë as rrogat e marsit.

Është koha që Edi Rama të sakrifikojë diçka për të ndihmuar ekonominë që të mos lëngojë nga virusi i papunësisë.

Duhen sakrifikuar koncesionet dhe PPP-të korruptive! Paratë për të ndihmuar biznesin, për të paguar pagat e punonjësve janë në buxhet. Në vend që të shkojnë për 10 klientë të Edi Ramës, në vend qe të shkojë për rregullime zyrash e fasadash, ato duhet të vendosen menjëherë për të shpëtuar punën e mijëra shqiptarëve.

•             Shqipëria ka sot vetëm 2 mijë kite për testime.

•             Edi Rama gënjeu kur deklaroi se Shqipëria mund të kryejë 2 mijë testime në ditë.

•             Numri i ulët i testimeve fsheh realitetin e përhapjes së virusit.

DEKLARATË E PARTISË DEMOKRATIKE, BARDH SPAHIA

Sot bëhet një muaj që kur në Shqipëri u zbulua rasti i parë me COVID 19.  Ky muaj i vështirë ka provuar në mënyrë të përsëritur se qeveria ishte e papërgatitur për të përballuar krizën e krijuar nga koronavirusi.

Shqipëria kishte pak kite për të testuar sa më shumë të dyshuar, sepse qeveria veproi me shumë vonesë për t’i siguruar, pavarësisht thirrjeve tona të hershme. Në përpjekje për të mbuluar dështimin në furnizimin e mjaftueshëm me kite për teste, Edi Rama e mbajti sekret sasinë e tyre dhe, kur u detyrua të fliste, ai gënjeu.

Deklarata e tij se ne jemi të gatshëm të bëjmë 2 mijë teste në ditë, u përgënjeshtrua nga Ministrja e Shëndetësisë dhe nga vetë Komiteti i Ekspertëve të Edi Ramës. Të ndjekim për disa sekonda me zë dhe me figurë këtë mashtrim të rrezikshëm të Edi Ramës.

MATERIALI VIDEO

(Teskt: Edi Rama gënjen për testet e Shqipërisë për AntiCovid- 19.

Edi Rama në Twitter: Nëse Komiteti Teknik do të thoshte 2000 teste në ditë, do të kishte 2000 teste në ditë!

Tekst: 2 mijë teste në ditë? Gënjeshtër!

Pyetje: Manastirliu, sa teste kemi konkretisht? A keni një shifër?

Ogerta Manastirliu: Janë 2 mijë. 4 mijë është lidhur kontrata për të ardhur, 10 mijë që po bëhet procedura, 20 mijë nga OBSH-ja.

Tekst: A ka Shqipëria kapacitet për 2 mijë teste në ditë? Ekspertët e Ramës zbulojnë mashtrimin.

Albana Fico, Komiteti AntiCovid: Desha t’ju siguroja për nivelin e kapaciteteve. 200 deri në 500 kite çdo ditë kemi siguruar.

Teskt: Gënjeshtrat e Ramës fshehin përhapjen reale të virusit. Gënjeshtrat e Edi Ramës rrezikojnë jetë!

VIJIM I DEKLARATËS

•             Pra, e vërteta është se ne na kanë mbetur vetëm 2 mijë teste, se furnizimet i kemi kërkuar me vonesë, pas shpërthimit të virusit në vend dhe se na kanë gënjyer gjatë gjithë kohës për gjoja marrjen e masave.

•             E vërteta është se Shqipëria jo vetëm nuk ka një sasi të tillë për të kryer 2 mijë teste në ditë, siç thotë Edi Rama, por, për shkak të centralizimit nga qeveria në një laborator të vetëm, nuk ka as kapacitetet teknike për të bërë më shumë se 500 teste në ditë.

•             E vërteta është se numri i pamjaftueshëm i testeve na ka detyruar që, deri javën e kaluar, të bëjmë mesatarisht,  50 teste në ditë, duke ulur në minimum mundësitë për të zbuluar raste apo vatra të reja infeksioni.

Gënjeshtrat e Edi Ramës janë të rrezikshme. Numri i vogël i testimeve fsheh përhapjen reale të virusit. Sa më pak testime, aq më e pakët mundësia për të izoluar virusin dhe për të ndërprerë zinxhirin e përhapjes së tij.

Me urimin që sasia e re e furnizimit me kite testuese të vijë sa më shpejt dhe duke falenderuar partnerët tanë për ndihmën e madhe që po na japin, Partia Demokratike i bën thirrje qeverisë të rrisë numrin e testimeve mes qytetarëve. Kështu do të dimë përmasën reale të dëmit të shkaktuar, të papenguar nga gënjeshtrat e kryeministrit dhe do të kuptojmë më mirë se kur mund të kthehemi në normalitet.

Bashkëngjitur video e publikuar gjate deklarates se Bardh Spahise:

https://we.tl/t-jqAx7FZVST

•             Qeveria duhet të lejojë ekspertët të kryejnë testim të zgjeruar. Përvojat më të mira botërore konfirmojnë se testimi i zgjeruar është thelbësor për të mbajtur nën kontroll COVID 19.

DEKLARATË E PARTISË DEMOKRATIKE, DR. MIRELA TABAKU

Në emër të Partisë Demokratike, fillimisht, dua të shpreh vlerësimin dhe nderimin për gjithë punën dhe sakrificat e mjekëve, infermierëve, laborantëve, imazheristëve, sanitarëve, ekspertëve, stafeve mbështetëse qe punojnë në çdo sektor të shërbimit shëndetësor kudo në vend.

Të dashur bashkëqytetarë,

Në stadin epidemiologjik ku është Shqipëria, për të mos çuar dëm sakrificën e qytetarëve, por edhe stafit shëndetësor, merr peshë të madhe testimi më i zgjeruar.

Kjo masë është e domosdoshme për të ditur situatën reale ku ndodhet vendi, për të realizuar me efikasitet procesin e gjurmimit e me pas izolim dhe trajtim, por edhe si do të veprojmë për të parashikuar dhe llogaritur masat shëndetësore, ekonomike, sociale etj. që nevojiten për të përballuar këtë situatë.

Pa dashur të ripërsëris argumentet shkencore për këtë fakt dhe faktet e vendeve me eksperiencat më të mira në këtë pandemi për testimin,  theksoj se Organizata Botërore e Shëndetësisë dhe Qendra Europiane për Kontrollin dhe Parandalimin e Sëmundjeve (ECDC) kanë theksuar se testimi i zgjeruar është thelbësor për të mbajtur nën kontroll COVID 19, për të reduktuar transmetimin e tij, si dhe për të zvogëluar impaktin e tij negativ ne ekonomi, shëndet publik dhe aspektin social.

Është momenti që Qeveria të vlerësojë me seriozitet dhe përgjegjshmëri që sa më shumë të zgjasë periudha e testimeve të ulëta, aq më të mëdha do të jenë pasojat në shëndetin e qytetarëve, pasojat ekonomike dhe sociale, që gjithashtu sjellin pasoja ne shëndetin mendor dhe fizik te popullatës.

Me keqardhje, edhe si mjeke në kontakt të vazhdueshëm me kolegët e mi, më duhet të pohoj se kemi humbur shumë kohë duke e mbajtur në minimum numrin e testimeve.  Masat e distancimit social janë të domosdoshme për të ngadalësuar përhapjen, por vlera e mbylljes në shtëpi bie, nëse nuk e dimë se kush është i infektuar.

Gjurmimi i të gjitha kontakteve të personave të konfirmuar me COVID-19 dhe testimi i tyre, testimi i stafeve shëndetësore dhe punonjësve të tjerë që janë në kontakt të përditshëm me qytetarët duhet të jetë prioritet. Pushteti lokal, institucionet e shëndetit publik në zonë, mjekët e familjes duhet të përfshihen në këtë gjurmim, pasi janë shumë më afër qytetarëve dhe njohjet janë më të mëdha.

Ndaj ripërsërisim kërkesën ndaj Qeverisë që t’u mundësojë ekspertëve numrin e mjaftueshëm të testimeve, që ata të jenë në gjendje të bëjnë detyrën e tyre.

Qeveria duhet të ketë një strategji të qartë dhe transparente, jo vetëm për rritjen e numrit të testimeve, por edhe për llojet e testeve dhe zgjerimin e kategorisë së personave që e kryejnë testin, bazuar plotësisht në udhëzuesit e Organizatës Botërore të Shëndetësisë dhe Qendrës Europiane për Kontrollin dhe Parandalimin e Sëmundjeve.

Çdo ditë që kalon pa testime masive është një ditë që ndihmon përhapjen e virusit!

•             Qeveria hesht për aktin antiligjor të shpalljes sekret të 4 tenderave të Ministrisë së Shëndetësisë.

•             Edi Rama duhet t’u thotë shqiptarëve sa lekë u shpenzuan,  dhe çfarë po fsheh me vendimin për të klasifikuar këto tendera si sekret shtetëror.

•             Një kompani antenash televizive, pa përvojë në fushën e shëndetësisë, është një nga fituesit e tenderave të shpallur sekret.

•             KLSH dhe SPAK duhet të verifikojnë, të hetojnë dhe të çojnë para drejtësisë këdo që vjedh paratë e shqiptarëve ne ditën më të vështirë.

DEKLARATË E PARTISË DEMOKRATIKE, ENKELEJD ALIBEAJ

Sa herë qeveria kapet në shkelje të ligjit, ajo fshihet pas heshtjes apo sulmeve politike. Nga Ministria e Shëndetësisë nuk ka asnjë reagim për 4 tenderat e klasifikuar “sekret” në kundërshtim me ligjin.

Këta tendera nuk kanë lidhje me sigurinë kombëtare.

Blerja e mjeteve mbrojtëse për mjekët, pasi u zbulua skandali i maskave të skaduar, e aparateve respiratorë dhe e kiteve për testim gati 1 muaj pas identifikimit të rastit të parë me COVID 19 është bërë me procedure sekrete. Duket e pabesueshme por me procedurë “sekret shtetëror” është bërë edhe tenderi për trajtimin e mbetjeve spitalore.

Pse janë klasifikuar sekret shtetëror këto tendera? Cfarë fshihet pas tyre? Në vend që të bëjë transparencë, qeveria hesht.

Edi Rama ka urdhëruar të mbahet sekret informacioni se sa lekë u harxhuan për tenderat urgjentë të Ministrisë së Shëndetësisë, si u përzgjodhën kompanitë fituese apo çfarë ofertash bënë ato.

Shqiptarët kanë të drejtë të dinë sesi po i përdor qeveria paratë e tyre, nëse këto para po përdoren mirë apo nëse me to po abuzohet.

Pyetjet që kërkojnë përgjigje nga Edi Rama janë pyetje që i bën çdo qytetar që kërkon transparencë nga qeveria e tij.

1.            Pse Edi Rama nuk lejon të bëhen transparente procedurat për 4 tenderat e Ministrisë së Shëndetësisë?

2.            Sa është vlera e tenderave të shpallur sekret dhe kush ka paraqitur oferta?

3.            Ku e cënon sigurinë kombëtare transparenca për blerjen e respiratorëve, të kiteve për testim, të mjeteve mbrojtëse për stafin shëndetësor apo kush do të trajtojë mbetjet spitalore.

Shpallja sekret e 4 tenderave të Ministrisë së Shëndetësisë është e paligjshme. Shqiptarët kanë të drejtë të dinë çfarë fshihet pas procedurave që, padrejtësisht, mbahen sekret.

Ajo që tërheq vëmendjen nga shpallja e fituesve është se kompani pa përvojë paracaktohen për të përfituar nga epidemia.

Njësoj si në rastin e kompanisë maqedonase të kompjuterave që mori tenderin e ushqimeve të Ministrisë së Mbrojtjes, edhe në tenderin e klasifikuar sekret të Ministrisë së Shëndetësië ka fituar një kompani antenash televizive.

“TBS 96” është e njëjta kompani që u përdor për shitjen e dekoderave për qytetarët me përkrahje sociale dhe që vetëm para pak kohësh ka shtuar si aktivitet të saj materialet dhe pajisjet mjekësore.

Nëse qeveria këmbëngul të mbajë sekret një aferë duke mos lejuar transparencën, Kontrolli i Lartë i Shtetit dhe SPAK-u e kanë për detyrë të bëjnë transparencë. Ato duhet të verifikojnë, të hetojnë dhe të çojnë para drejtësisë këdo që vjedh paratë e shqiptarëve në ditën më të vështirë.

Për SPAK-un e sapokrijuar për të luftuar korrupsionin është e pafalshme heshtja apo infektimi nga virusi i kontrollit prej kryeminisrit.

•             Qeveria klasifikon si sekret shtetëror në mënyrë antiligjore tenderat urgjentë të Ministrisë së Shëndetësisë për luftën anti-COVID.

•             Qeveria po fsheh sa lekë u shpenzuan, si u përzgjodhën kompanitë dhe çfarë ofertash bënë

•             KLSH dhe SPAK të verifikojnë procedurat dhe të vendosin përpara përgjegjësisë ligjore abuzuesi​t me paratë e shqiptarëve

DEKLARATË E PARTISË DEMOKRATIKE, ENKELEJD ALIBEAJ

Qeveria shqiptare ka përdorur situatën e epidemisë për të fshehur paratë që ka shpenzuar për të blerë disa pajisje mjekësore.

Ministria e Shëndetësisë ka klasifikuar si sekret shtetëror 4 tendera të kryer me urgjencë për blerjen e këtyre pajisjeve.

Në datën 21 Mars dhe 3 prill, Ministria e Shëndetësisë ka kërkuar që me tender sekret 24 orësh:

•             të furnizohet me mjete mbrojtëse për stafet shëndetësore

•             të blejë kite për laboratorin e QSUT-së,

•             të trajtojë mbetjet spitalore të pacientëve me COVID 19,

•             të blejë respiratorë për të rritur dhe fëmijë.

Per te gjitha këto, Partia Demokratike kishte kërkuar që në muajin shkurt të merreshin masa, por qeveria bëri të vetmen gjë që di të bëjë mirë:  Kryeministri në fillim u tall dhe pastaj gënjeu se kishte gjithçka duhej për përballimin e situatës.

Por disa javë më vinë  qeveria urdhëroi blerjet urgjente dhe i klasifikoi ata si sekret shtetëror.

Kjo do të thotë se opinioni publik nuk duhet të dijë, nëse qeveria i ka shpenzuar paratë e tyre në mënyrë të ndershme apo jo.

Duke klasifikuar tenderat e Ministrisë së Shëndetësisë për COVID 19 si sekret, mungesa e transparencës është skandaloze:

•             Ka zero të dhëna si u përzgjodhën kompanitë fituese.

•             Ka zero informacion për ofertat e kompanive.

•             Ka zero informacion për kriterete cilësisë së mallit të blerë.

Urdhri i Edi Ramës për klasifikimin sekret të tenderave të Ministrisë së Shëndetësisë do të thotë se shqiptarët nuk lejohet të dinë sa lekë kushtuan 3 kontratat e miratuara më datë 3 Prill. Duke ndaluar çdo informacion për këto tendera askush nuk llogarit dot sa kushtuan gënjeshtrat e Edi Ramës në muajin shkurt dhe mars se Shqipëria ishte e mirëpajisur dhe e përgatitur për epideminë.

Edi Rama ka sot rastin të përgjigjet për disa pyetje të thjeshta:

1.            Pse nuk lejon të bëhen transparente procedurat për 4 tenderat e Ministrisë së Shëndetësisë?

2.            Sa është vlera e tenderave të shpallur sekret dhe kush ka paraqitur oferta?

3.            Ku e cënon sigurinë kombëtare transparenca për blerjen e respiratorëve, të kiteve për testim, të mjeteve mbrojtëse për stafin shëndetësor apo kush do të trajtojë mbetjet spitalore.

Sigurisë kombëtare nuk i vjen asnjë rrezik nga transparenca. Antivirusi më i mirë për vjedhjen e lekëve të shqiptarëve është transparenca!

Partia Demokratike i bën thirrje Qeverisë të bëjë menjëherë publike dosjet e prokurimit të këtyre 4 tenderave dhe të bëjë transparencë para qytetarëve për milionat e eurove që po fshihen si kontrata sekrete.

Kontrolli i Lartë i Shtetit dhe Prokuroria e Posaçme Antikorrupsion SPAK duhet urgjentisht të verifikojnë këto procedura prokurimi dhe të vendosin përpara përgjegjësisë ligjore këdo që abuzon me paratë e shqiptarëve, që janë sot edhe më të varfër për shkak të krizës së rëndë të shkaktuar nga pandemia e koronavirusit.

Të dashur bashkëqytetarë,

Të abuzosh me tenderat apo të paracaktosh fituesit e tyre është krim në çdo kohë. Por ta bësh këtë në kohën kur rrezikohet shëndeti, jeta dhe puna e qytetarëve kjo është më shumë se kriminale. Është antinjerëzore.

Testim masiv për të fituar mbi virusin. Numri i ulët i testimeve fsheh të vërtetën për nivelin real të përhapjes së virusit.

DEKLARATË E PARTISË DEMOKRATIKE, GAZMEND KODUZI

Këto ditë e gjithë bota flet për një mënyrë efikase për të fituar mbi virusin. Testimi masiv i qytetarëve është rruga e duhur, por qeveria e Shqipërisë refuzon të flasë për këtë çështje.

3 javë pas identifikimit të rastit të parë me COVID 19, është provuar statistikisht se sa më shumë testime bëhen, aq më shumë rritet zbulimi i personave të infektuar.

Masat e distancimit social janë të domosdoshme për të ngadalësuar përhapjen, por vlera e mbylljes në shtëpi bie, nëse nuk e dimë se kush është i infektuar.

Numri i ulët i testimeve fsheh të vërtetën dhe kushton jetë! Në mënyrë të përsëritur, Partia Demokratike I ka kërkuar qeverisë t’u shpjegojë shqiptarëve:

o             Pse vazhdon të mbajë të ulët numrin e testimeve?

o             Pse ne e dimë sa testime dhe pajisje të tjera testuese ka Kosova, Maqedonia e Veriut apo Serbia dhe nuk e dimë çfarë kapaciteti ka Shqipëria për të testuar qytetarët e saj?

o             Pse në Shqipëri qeveria e ka përqendruar analizën për virusin vetëm tek një laborator i kontrolluar prej saj?

Refuzimi i qeverisë për të bërë transparencë, për të informuar qytetarët shqiptarë dhe për të rritur numrin e testimeve lë vend vetëm për dy alternativa:

             ose qeveria nuk u përgatit për të marrë teste, që kur ne e paralajmëruar gati dy muaj më parë,

             ose numri i ulët i testimeve është strategji e saj për të fshehur gjendjen reale të përhapjes së virusit.

Nëse e para është paaftësi, e dyta është një akt kriminal dhe i dënueshëm, që vë mbi të gjitha interesin politik të kryeministrit dhe jo interesin publik të qytetarëve

Me keqardhje, edhe si mjek në kontakt të vazhdueshëm me kolegët e mi, më duhet të pohoj se kemi humbur shumë kohë duke e mbajtur në minimum numrin e testimeve.

Gjurmimi i të gjitha kontakteve të personave të konfirmuar me COVID-19 dhe testimi i tyre, testimi i stafeve shëndetësore dhe punonjësve të tjerë që janë në kontakt të përditshëm me qytetarët duhet të jetë prioritet.

Pushteti lokal, institucionet e shendetit publik në zonë, mjekët e familjes duhet të përfshihen në këtë gjurmim, pasi janë shumë më afër qytetarëve dhe njohjet janë më të mëdha.

Çdo ditë që kalon pa testime masive është një ditë që ndihmon përhapjen e virusit!

11 vjet nga anëtarësimi në NATO, Basha kujton arritjen historike: Përkushtimi ynë u shpërblye. Bashkë do t’ia dalim!

DEKLARATË E KRYETARIT TË PARTISË DEMOKRATIKE, LULZIM BASHA

Të dashur bashkëqytetarë,

Sot u mbushën 11 vite nga anëtarësimi i Shqipërisë në NATO. Unë kujtoj me krenari punën dhe përkushtimin e jashtëzakonshëm të qeverisë në ato vite për këtë arritje historike për të giithë ne shqiptarët.

Puna, përkushtimi dhe ndershmëria shpërblehen gjithmonë! Ndonëse sot po kalojmë ditë të vështira, ne nuk jemi vetëm. Bashkë do t’ia dalim!  E keqja do të kalojë dhe ne do të ngrihemi më të fortë! #ËeAreNato #ditemetemira

Bashkëngjitur video dhe foto:

https://we.tl/t-eL8QHe0zrd

https://www.facebook.com/166424440075412/posts/3066192420098585/?vh=e&d=n

“Të sëmurë me simptoma nuk testohen”, Basha: Të mobilizohet çdo resurs për testim masiv për të mos çuar dëm sakrificën e qytetarëve

Lulzim Basha: Duhet të kuptojmë se testimi është i lidhur shumë ngushtë me frenimin e infektimit. Ne mund ta frenojmë infektimin jo thjesht duke qëndruar në shtëpi, jo thjesht duke qenë të izoluar, por duke evidentuar sa më mirë e sa më shpejt të infektuarit, duke marrë masa për t’i izoluar ata apo për t’i kuruar sipas nevojave. Sa më pak të testosh, aq më pak do të dish. Pra testimi ka të bëjë drejtpërdrejtë me aftësinë tonë për të ndërprerë zinxhirin e infektimit. Nëse testojmë mund t’i bëjmë qejfin vetes që kemi më pak të infektuar, që kemi më pak të shtruar, por e vërteta është krejt ndryshe dhe për fat të keq shumica e specialistëve, ekspertëve, kanë tashmë një konsensus, bien dakord që kjo që shohim në shifrat zyrtare në fakt është maja e ajsbergut. Për këtë arsye me të njëjtin intensitet gjatë këtyre ditëve, njësoj si herën e fundit që kemi qenë bashkë në këtë ekran i bëj thirrje qeverisë të ndryshojë urgjentisht dhe kryekëput strategjinë dhe për këtë duhet në radhë të parë të sigurojmë kite, të sigurojmë mjaftueshëm pajisje testimi, laboratorë testimi. Të mobilizohet çdo resurs i gjindshëm në Shqipëri dhe jo të bëhen absurditete që të ngrihemi kundër testimeve apo kapaciteteve testuese. Hapi i parë do të ishte testimi i menjëhershëm i të gjithë atyre që kanë simptoma sepse informacionet janë dramatike. Ka informacione që njerëz me simptoma nuk testohen. Nuk testohen!

Pyetje: Ta sqarojmë, informacione që njerëz që kanë simptoma nuk testohen?

Lulzim Basha: Nuk testohen.

Pyetje: Nuk duan të testohen apo nuk testohen?

Lulzim Basha: Jo,jo. Nuk u bëhet testi. Pra, informacionet që na kanë ardhur, në zona të veçanta numri i testeve është kaq i pakët saqë, nëse çon 4 tamponë në një bashki, nuk po e përmend në cilën, çfarë do te bësh me 4 tamponë? Dhe shikoni se çfarë ndodhi. Në Shkodër u testuan 15 persona dhe dolën 12 të infektuar. Kjo duhet të ishte kambanë alarmi. Prandaj urgjentisht duhet ndryshuar menjëherë përqasja e deritanishme, e cila mund të na japë një iluzion që kemi një numër më të vogël të infektuarish, por është vetëm një iluzion. Dua të them dhe këtë: e gjithë kjo sakrificë do të shkojë kot dhe gjithë kjo mbyllje në shtëpi, karantinimi, izolimi, distancimi social do të shkojë kot, në qoftë se nuk bëjmë testime masive.

“VENDIT I DUHET NJË PAKETË E DYTË EKONOMIKE”, BASHA: QEVERIA KA HUMBUR KOHË. PAKETA E PARË GJYSMAKE E NDIHMËS NUK KA SHKUAR AKOMA TE NJERËZIT

Është humbur më shumë se një muaj e gjysmë kohë që kur plasi epidemia në Kinë, që kur u dhanë sinjalet e para, që kur nisi epidemia në Itali, që kur u bënë kërkesat e para edhe nga opozita dhe tashmë po humbet 1 muaj kohë që kur ne kemi planifikuar, propozuar dhe kërkuar masat ekonomike.

Me 11 mars kemi propozuar paketën tonë të parë të masave ekonomike, iu deshën 2 javë qeverisë të adoptonte një gjysmë pakete, e cila është 1/3 e paketës së Kosovës. I kërkuam menjëherë të bënte një paketë të dytë, e përshëndetëm si hap të parë, thamë që është e pamjaftueshme dhe i kërkuam një paketë të dytë, ndërkohë Kosova e ka njoftuar sot paketën e dytë, ndonëse të parën e ka tre herë më të madhe se Shqipëria.

Paketa jonë e parë akoma nuk ka filluar të japë efektet. Sot është data 3 prill, po bëhen më shumë se tre javë që shumica e familjeve shqiptare janë të karantinuara dhe kjo është pa diskutim një masë e domosdoshme për të luftuar epideminë, por karranitmi i tyre, distancimi social, izolimi dhe vetizolimi, mbyllja e bizneseve sjellin një problem shumë të madh për ekonominë, për ekonominë familjare, për të ardhurat e një popullsie të goditur rëndë nga kriza ekonomike edhe para se të vinte kjo epidemi. Ndaj ishte e domosdoshme që java e parë e prillit t’i gjente të gjitha familjet në nevojë me një sasi minimale parash në kontot e tyre bankare të injektuara nga buxheti i shtetit.

“TESTIME MASIVE”, BASHA: NËSE NUK TESTOJMË NË MËNYRË REALISTE, NUK DIMË PËRMASAT REALE. MJEKËT THONË KJO ËSHTË MAJA E AJSBERGUT

Thelbi i propozimit tonë është që buxheti i shtetit urgjentisht të ndërpriste çdolloj aktiviteti tjetër, çdo lloj shpenzimi tjetër dhe të gjitha fondet të shkonin në tre drejtime jetike.

E para jeta e qytetarëve, pa diskutim. Dhe për këtë shëndetësia është prioriteti i parë që duhet financuar. Dhe këtu akoma jemi me mungesa të mëdha.

Maqedonia ka bërë mbi 4 mijë teste. Ne jemi akoma në një numër më pak se gjysma e testeve të Maqedonisë.

Testimi, testimi, testimi nuk është vënë kot theksi tek kjo sepse gjithë sakrifica për të qëndruar në shtëpi, për të qëndruar të izoluar mund të na shkojë kot në qoftë se ne nuk arrijmë të evidentojmë të gjithë ata që janë prekur apo janë infektuar, apo janë mbartës të virusit dhe nuk ka rrugë tjetër për ta bërë këtë, përveçse testimit masiv.

Mungesa e testimit masiv ndëshkon, penalizon të gjithë sakrificën e shqiptarëve.

Ndaj kërkesa numër një që kam sot është urgjentisht të merren masa për të shtrirë testimin masivisht, të bëhen mobilizimi i të gjitha resurseve që në radhë të parë të gjithë ata që janë më të rrezikuarit, i gjithë personeli shëndetësor, nga mjekët, kirurgët, infermierët, sanitarët, shoferët e autoambulancave dhe çdo kush tjetër.

Së dyti, gjithë personeli i Forcave të Rendit, i Forcave të Armatosura, i gjithë personeli i shërbimit administrativ që është në kontakt me njerëzit, të githë ata punonjës të sipërmarrjes private që janë në kontakt me njerëz janë të infektuar,  të kenë mundësinë të dinë një orë e më parë nëse janë të prekur, nëse janë të rrezikuar nga koronavirusi.

Pyetje: Çfarë do të sillte sipas jush testimi në masë i qytetarëve shqiptarë ?

Basha: Do të sillte izolimin dhe përpjekjen për të ndërprerë  zinxhirin të infektimit. Pra, nëse ne qëndrojmë në shtëpi është gjysma e punës. Në qoftë se të infektuarit nuk izolohen edhe brenda familjes apo në ato raste kur kanë nevojë për ndihmë mjekësore nuk mjekohen, atëherë kjo sakrificë shkon dëm.

Ndërprerja e zinxhirit të infektimit si parakusht për të ngaladalësuar përphapjen e mëtejshem dhe agresive të virusit kërkon testim masiv dhe pa diskutim kjo kërkon që testimi të jetë prioritet, siç është në Maqedoni ku siç e thashë, ndonëse ka filluar me vonesë, më vonë se Shqipëria ka më shumë se dyfishin e numrin e të testuarve. Shikoni se çfarë ka ndodhur dje në Shkodër. Është një këmbanë alarmi ajo që ka ndodhur dje në Shkodër.

Pyetje: Kjo që po thoni është shqetësim real apo keni ju të dhëna të tjera edhe nga rrethet për një tjetër numër të prekurish nga COVID-19?

Lulzim Basha:  Pyetja është fare e thjeshtë për çdo shqiptar.  Në qoftë se ne nuk testojmë në mënyrë realiste, si mund ta dimë që kjo është përmasa reale. Edhe vetë mjekët po thonë që kjo është maja e ajsbergut. Dhe merrni shembullin e djeshëm në Shkodër 15 të testuar, 12 të infektuar. Çfarë do të thotë kjo? Kjo do të thotë që Shqiëpria është shumë vonë me testimin.

Pyetje:  Pse nguroni qeveria sipas jush për të kryer testimin e plotë dhe në masë?

Basha:  Nuk dua të hyj në arsyet pse nguron qeveria, sot nuk kam kohë të merrem me analizat e sjelljes, e veprimeve apo mosveprimeve të qeverisë. Detyra kryesore e opozitës dhe e imja si kreu i saj sot është të bëjë presionin maksimal publik që qeveria të hedhë hapat që duhet të hedhë. Prandaj, thirrja ime sot është të braktisë menjëherë politikën e testimeve të ulëta dhe të adoptojë testimin masiv i cili tani kudo edhe në rajon, në Europë duket që është përqasja që ndihmon më shumë në frenimin e virusit.

Basha: Qiramarrësit duhet të subvencionohen nga shteti. Të anulohen koncesionet dhe shpenzimet e tjera të panevojshme.

Zgjidhja është të ndërpresësh çdo lloj shpenzimi, çdo lloj angazhimi tjetër financiar dhe ta çosh të gjithën këtu, njësoj si një familje kur është në hall. Çfarë bëjmë? Një familje kur është në hall ka fjala bie një shpenzim të madh për të bërë apo apo ka një borxh të madh për të larë. Cfarë bëjmë?  Mblidhet edhe shikon çfarë mund të bëjmë, çfarë shpenzimi mund të ndërpresim, çfarë mund të shesim për ta përballur këtë hall. Kjo është ajo që kemi kërkuar për familjen e madhe, për shoqërinë, ku administratori ka për detyrë pikërisht të bëjë këtë: Të ndërpresë çdo lloj shpenzimi tjetër.

Pyetje: Çfarë zgjidhje?

Lulzim Basha: 120 milionë euro kontrata koncensionare. Pse ngurohet? Po hyjmë në muajin e dytë të epidemisë. Pse ngurohet të anulohen këto 120 milionë kontrata koncensionare?

Pyetje: A mund të ndërpriten shërbimet ndaj qytetarëve zoti Basha?

Lulzim Basha: Për çfarë shërbimesh e keni fjalën? E keni fjalën për  kontrata, afera të pastra. Një pjesë e tyre kanë të bëjnë më kontrata ndërtimi 3-fish, 4-fish çmimi. Një pjesë prej tyre ka të bëjë me para që hidhen për gjëra që nuk ekzistojnë. Incerneratori i Fierit nuk ekziston. Pra nuk bëhet fjalë, këto janë justifikime të kota.

Pyetje: Cilat shërbime të tjera duhet të ndërpriten?

Lulzim Basha: Të 12 kontratat koncensionare të 10 oligarkëve, 120 milionë euro për këtë vit  Janë një rezervë e cila duhet të vendoset urgjentisht në  funksion të epidemisë, në funksion të krizës, në funksion të  jetës dhe shëndetit të qytetarëve.  Plus 40 milionë euro shpenzime operative plus 100 milionë euro investime publike të planifikuara këtë vit përbëjnë 260 milionë euro. Por pyetja është fare e thjeshtë. Po Kosova ku e gjen mundësinë që të bëjë një paketë 3 herë më të madhe se Shqipëria kur ka një buxhet 2 herë më të vogël se Shqipëria? Pra buxheti I shtetit të Kosovës, I Republikës se Kosovës është 2 herë më i vogël se Shqipëria. Paketa e parë është 3 herë më e madhe se Shqipëria. Dhe çfarë bën me këtë paketë? Financon 50% të qerave, të atyre bizneseve që janë mbyllur. Ndërsa këtu hidhen  hapa të cilat e heqin përgjegjësinë nga qeveria dhe e kalojnë në hapa që  mund të çojnë në përplasje midis njerëzve.

Padiskutim që qiramarrësit janë në vështirësi,  prandaj kemi propozuar që prej 3 javësh që ata  të financohen, të subvencionohen, të kenë një pagë, një përfitim minimal, për qeranë, për dritat, për ujin. Por në vend që të ndodhë kjo, në vend që të zgjidhet qesja për  qytetarët, vazhdon mbahet e mbyllur qesja e koncesioneve.

Pyetje: Ku do të gjenden këto para?

Lulzim Basha: Sapo ua thashë 120 milionë euro koncesione, 100 milionë euro të investimeve publike. 40 milionë euro shpenzime publike. Si fillim 260 milionë euro. Më falni, ku i gjeti Kosova paratë? Pra paratë janë, por duhet të ketë një vullnet për të ndihmuar qytetarët, për të ndihmuar… kjo është një betejë për jetën. Nuk pyetet për asgjë tjetër. Duhen marrë vendime të mëdha, duhen marrë vendime të shpejta.

Pyetje: A nuk mendoni se anulimi i koncesioneve do të sjellë një gropë në buxhetin e shtetit?

Lulzim Basha: Po si? Si e mendoni gropën? Gropën e kanë sjellë koncesionet. Janë koncesionet ato që e kanë gërmuar gropën, jo tani, kanë 2-3 vjet. Ajo që po them është fare e thjeshtë. Që kur jemi në një kohë lufte për jetën dhe shëndetin e qytetarëve, jo vetëm koncesionet, por çdo lloj shpenzimi tjetër duhet anuluar dhe duhet çuar në drejtim të këtyre 3 prioriteteve: shëndetit, jetës dhe mirëqenies së qytetarëve dhe pa bërë këtë ne do të vazhdojmë si Shqipëri të jemi disa hapa  mbrapa Kosovës. Nuk po krahasohemi me vendet e tjera. Sot Kosova ka njoftuar se do të bëjë një paketë tjetër ndihme, ndërkohë paketa jonë e parë anemike e dobët, që në parim duhet të ndihmojë 1/3 e  shqiptarëve akoma nuk ka filluar të japë efektet e saj.