Blog

DEKLARATË E PD, JORIDA TABAKU

Rama thotë që shteti është i varfër për të ndihmuar qytetarët dhe biznesin e vogël në këto ditë të vështira?

🔵 Vetëm për këtë vit qeveria do paguajë për  koncensionet 120 mln euro (14 mld lek) nga buxheti i shtetit dhe përbën 3.3 për qind të totalit të të ardhurave tatimore të pritshme të vitit 2019.

🔵 Koncesionet me pagesën më të madhe vetëm për këtë vit do të jenë : koncesioni i Laboratorëve me vlerë 13.6 mln euro, koncesioni i rrugës së Arbrit 21 mln euro, koncesioni i tre inceneratorëve që do t’i kushtojë buxhetit 18 mln euro.

🔵 Plani i djeshëm i qeverisë prek 1.3% të GDP së vendit ndërsa ai i PPP-ve në Shqipëri është sa 12% e GDP-së së vitit 2019.

🔵 Rama i propozon biznesit të vogël të marrë kredi për të mbuluar shpenzimet. Ndërkohë oligarkët e tij marrin 14 mld lek këtë vit nga buxheti i shtetit.

🔵 Kontratat koncesionare për vitin e vështirë financiar 2020 janë rritur me 16% në raport me një vit më parë.

🔵 Buxheti i shtetit ka parà. Kontratat koncesionare të pezulluara mund të rialokohen fare mirë në nevojat dhe domosdoshmëritë për shpenzimet e shtuara spitalore, njerëzit dhe bizneset e vogla në nevojë urgjente për ndihmë nga shteti.

🔵 Vetëm 2 javët e fundit janë zhvilluar  50 mln euro tendera. Vlerë kjo që mund të shkojë direkt për blerjen e tamponëve për testin e COVID 19.

🔵 Qeveria mund të ndhmojë bizesin e vogël duke e shpëtuar nga taksat duke i anuluar  parapegesën e taksave që është e padobishme në kushtet aktuale kur 100% e bizneseve të vogla dhe të mesme janë mbyllur.

🔵 Qeveria nuk ka asnjë plan për 500 mijë punonjësve që punojnë në sektorin privat dhe as për punëdhënsit e tyre.

🔵 Bizneset e vogla do të marrin 400$ kompensim në total nga qeveria, ndërsa oligarkët marrin 330 mijë euro në ditë.

DEKLARATË E KRYETARIT TË PARTISË DEMOKRATIKE, LULZIM BASHA

Çdo ditë që kalon biznesi dhe qytetarët përjetojnë vështirësi të dyfishta. Gjendjes së jashtëzakonshme diktuar nga Covid 19 i shtohet dhe pamundësia e bizneseve për të mbijetuar  dhe e një shumice qytetarësh për të siguruar ushqim në pamundësi për të punuar.

Për këtë arsye përshëndes vendimin e Kryetares së Bashkisë së Shkodër Voltana Ademi për tu gjendur në krah të qytetarëve dhe bizneseve.

Ky është standarti i Partisë Demokratike. Çdo propozim i yni është i zbatueshëm dhe çdo vendim të propozuar do ta kisha marrë pa hezitim në qeverisje, për t’u shërbyer njerëzve dhe vendit.

Uroj dhe bëj thirrje që pa humbur kohë të bëhet shqyrtimi dhe miratimi i  propozimit të Kryebashkiakes Ademi për përjashtimin nga detyrimet vendore për individët, familjet,  personat fizikë dhe juridikë, dhe që çdo bashki tjetër të adoptojë të njëjtat masa në mbrojtje të interesave të qytetarëve.

A:  Të përjashtohen  nga taksa e pronës dhe tarifat vendore (pastrim, gjelbrim, ndriçim publik) për një periudhë 3-mujore viti 2020,  për të gjitha kategoritë e taksapaguesve.

B: Të përjashtohen nga kamatvonesat e detyrimeve  vendore dhe gjobave për të gjitha kategoritë e taksapaguesve.

Bashkëngjitur projekt vendimi i kryetares se Bashkisë Shkodër: 

DEKLARATË E PARTISË DEMOKRATIKE, ENKELED ALIBEAJ

Kompanitë e preferuara të Ramës marrin tendera edhe në javën e ferrit të Coronavirus.

Ndërsa shqiptarët janë vendosur në karantinë për t’i bërë ballë COVID-19, kur bizneset kanë mbyllur dyert dhe po luftojnë një luftë ndaj CORONAVIRUS, Edi Rama dhe Erion Veliaj kanë vazhduar të tenderojnë projektet për betonimin e Tiranës. Pjesa e Parkut të Liqenit, ku aktualisht ndodhet godina e Gardës së Shqipërisë, është shpallur si i hapur në garën e Bashkisë të publikuar këto ditë karantinimi.

Sipas të dhënave të publikuara, Bashkia Tiranë ka hapur tenderin për ndërtim tek Garda, në mushkërinë e vetme të qytetit të Tiranës. Të dhënat tregojnë se Bashkia e TIranës po tenderon këtë projekt me një vlerë prej 1.8 milionë euro, duke shtyrë ditën e aplikimit deri në 27 mars 2020.

Ndërsa qytetarët janë vendosur në karantim dhe në ankthin për të shpëtuar nga Coronavirusi, virusi i betonimit vazhdon të kafshojë shqiptarët dhe veçanërisht Tiranën.

Bashkia Tiranë vazhdon të ketë prioritet pagesat për klientët e saj, duke paguar 700 mijë euro për kompaninë offshore të inceneratorit.

Pak ditë më pas, edhe kompania tjetër e inceneratorëve të Elbasanit, zotëruar nga Klodian Zoto,  Albtech Energy, ka marrë në 12 mars 2020 nga buxheti i Ministrisë së Infrastrukturës dhe Energjisë dy këste me vlerë totale 800 mijë euro.

Por inceneratorët nuk janë të vetmit që kanë përfituar në këto kohë karantinimi. Buletini i tenderave dhe koncesioneve është i pasur.

Kompania FUSHA shpk e përfshirë në ndërtimin e kullave aty ku sot ndodhet Teatri Kombëtar ka marrë në 12 mars 2020 173 mijë euro (21 mln lekë) nga taksat e shqiptarëve. Kompania e policisë private të Sandër Lleshaj, Illyrian Guard ka shpenzuar nga buxheti i shtetit 62 mijë euro (8 mln lekë).

Kompania Salillari shpk ka përfituar në mars 218 mijë euro (26 mln lekë) duke qenë ofertë e vetme, njësoj siç ka përfituar edhe 16 mijë miku i afërt i Ramës, Alban Eftimi, dhe një tjetër tender me vlerë 418 mijë euro (50 mln lekë) të paguar në mars 2020.

Në një kohë kur bota po ushtron presion dhe po çliron shuma të mëdha në ndihmë të ekonomisë, Edi Rama u hedh paratë e shqiptarëve të karantinuar miqve të tij. Përfshirë edhe mbi 6 mijë euro fonde të kaluara për kompaninë e Ilir Beqjes brenda datës 17 mars 2020.

Në total vlerat e hetuara deri më tani kapin shumën e 51,5 mln eurove dhe që po u shkojnë ose kompanive që kanë pasur një ofertë të vetme apo dhe miqve të qeverisë.

Ndërkohë  Bashkia Tiranë vazhdon planin betonues të kryeqytetit sidomos tani gjatë karantinimit dhe shmangies së vëmendjes.

Është jetike që këto shuma të ishin alokuar për një rishikim buxheti në ndihmë të familjeve që janë në kushte ekstreme varfërie dhe për një frymë-marrje të domosdoshme për ekonominë. Por duket se zëri i tyre bie në veshin e shurdhët të një Edi Rame që mes halleve të njerëzve dhe xhepave të tij dhe miqve të tij ka zgjedhur edhe në kohë pandemie të vjedhë dhe shpërdorojë paratë e shqiptarëve.

DEKLARATË E PARTISË DEMOKRATIKE TË SHQIPËRISË

Dje në emisionin Open është dërguar një mesazh i sajuar me pyetje drejtuar Edi Ramës nga gjoja numri i telefonit të Kryetarit të Partisë Demokratike, Lulzim Basha. Ky mesazh i sajuar në mënyrë të paligjshme është një akt i turpshëm i atyre që duan të fshehin keqmenaxhimin e krizës.

Ata që sajojnë mesazhe në emër të kryetarit të opozitës, duke ndërhyrë në mënyrë të paligjshme në telefonin e gazetarëve, mund ta bëjnë këtë akt të rrezikshëm me çdo qytetar. Ne do t’u kërkojmë organeve përgjegjëse të zbardhin këtë skandal kriminal për të zbuluar me prova autorët dhe për ti ndëshkuar ata sipas ligjit.

Edi Rama duhet të ndalë menjëherë lojërat e pista dhe luftën politike me mesazhe fallso, njerëz fallso dhe propagandë të skaduar kundër opozitës. Ai duhet t’u kthejë sot shqiptarëve lekët e taksave për të përballuar krizën e bukës që po thellohet nga mbyllja e vendeve të punës.

Thirrja jonë për Edi Ramën është: Mirato urgjentisht paketën e ndihmës! Shqiptarët kërcënohen nga rreziqe të mëdha. Ndal sulmet politike, fillo bëj punën për të cilën paguhesh!

BASHA: MASAT SHTRËNGUESE TË DOMOSDOSHME PËR NGADALËSIMIN E PËRHAPJES SË COVID-19. DISA JANË KONTRADIKTORE, POR SOT NUK ËSHTË KOHA TË KËRKOJMË LLOGARI. SOT ËSHTË KOHË PËR PAKETËN SOCIALE DHE EKONOMIKE

 Pyetje: Si e vlerësoni situatën dhe masat shtrënguese të marra nga qeveria në kuadër të mospërhapjes së COVID-2019?

 Lulzim Basha: Rreziku që  kanoset shqiptarëve është në fakt një rrezik zinxhir. Fillon me përballimin e pandemisë, ku masa kryesore është distancimi social, të cilën padyshim e kemi mbështetur, e kemi kërkuar shumë më përpara. Më mirë vonë se sa kurrë. Nuk dua të bëj sot asnjë aludim për një debat politik, sespe sot nuk është një çështje midis meje dhe zotit Rama apo mes opozitës dhe qeverisë. Sot çeshtja kryesore dhe e vetme që më preokupon mua, PD dhe opozitën, është shëndeti, siguria, është mirëqenia e shqiptarëve. Mënyra më e mirë e njohur deri tani është distancimi social, kufizimi i aktiviteteve në grup, por padyshim ky është fillimi i një zinxhiri pasojash, sepse kjo shkakton pasoja në ekonominë e vendit në tërësi dhe në ekonominë individuale të familjeve. Atë që jemi përpjekur këto ditë të bëjmë, është të fokusohemi në dy drejtime kryesore: shëndetin që nis me personelin shëndetësor, ku siguria e tyre është kyçe për të garantuar sigurinë e popullsisë. Mbrojtja e tyre është shumë e rëndësishme për mbrojtjen e të gjithëve pastaj. Komponenti i dytë është ekonomia për të zbutur sado pak pasojat në menaxhimin e ekonomisë.

 Pyetje: A janë të mjaftueshme masat shtrënguese të marra nga qeveria? Në këndvështrimin tuaj duhet bërë më shumë, po të kemi parasysh se, nga njëra anë, ka karantinë, kufizim të lëvizjes së qytetarëve, nga ana tjetër lejohen ndërmarrje me risk të lartë si në call center apo fason?

 Lulzim Basha: Qëndrimin tonë e kemi shprehur. Ne besojmë se ato ndërmarrje ku distancimi social është i pamundur apo i vështirë, duhet të procedohet me mbylljen e tyre. Ky nuk është vetëm konkluzion i ekspertëve tanë, por është edhe një kërkesë e përfaqësuesve të këtyre bizneseve, me të cilët kam qenë në kontakt gjatë gjithë kësaj kohe. Me përfaqësues të biznesit fason, call center, dhomat e tregtisë, ku ka një shqetësim të madh për pamundësinë reale të distancimit social atje. Mbyllja e tyre ka qene një nga kërkesat që ne e kemi mbështetur. Përkundër masave shtrënguese, frikësuese apo represive, nganjëherë edhe kontradiktore, për të cilat ne do të kërkojmë llogari, por jo sot, në kohën e duhur, sepse sot nuk është koha për të treguar me gisht. Masat që kërkojmë ne janë masa përmbajtjesore, jo në formë, janë masa zgjidhje dhe menaxhimi. Filozofia jonë është zgjidhja – menaxhimi i krizës, nuk është propaganda. Këtu spikasin propozimet tona për kujdesin social, për njerëzit në moshë, për njerëzit e sëmurë, për ata në pamundësi ekonomike. Propozimet tona për kujdesin shëndetësor dhe kujdesin ekonomik, sepse zinxhiri i rrezikut nis me shëndetësinë dhe i përcillet ekonomisë, ekonomisë kombëtare dhe asaj familjare.

BASHA: MASAVE KUFIZUESE DUHET T’U JEPET FORMA E DUHUR LIGJORE. TË MOS MBETEN MASA FACEBOOK-U. SAKRIFICA E QYTETARËVE DUHET TË MBËSHTETET MENJËHERË ME PAKETË MBËSHTETËSE SOCIALE DHE EKONOMIKE

  Padyshim edhe masat e marrë deri tani të kufizimit dhe distancimit social, kanë një rol shumë të rëndësishëm. Ndonëse disa prej tyre u morën pas një periudhe vonese dhe nënvleftësimit të situatës, siç thashë, gjykimet për vendimet e vonuara apo vendimet e gabuar do i takojnë një kohe tjetër. Sot unë dua të jem në mbështetje totale të këtyre masave, të cilave duhet t’u jepet edhe forma e duhur ligjore, nuk duhet të mbeten masa facebook-u, sepse ne kemi një kuadër ligjor, të cilin i kërkoj qeverisë ta plotësojë dhe ta shpallë ashtu siç duhet. Ka një ligj për emergjencat. Ka një ligj për fatkeqësitë natyrore. Ka parashikime të qarta, të mbështetura në legjislacionin shqiptar edhe për njoftimin, edhe për rregullimin e gjithçkaje. Këto janë çështje të cilat duhet të trajtohen në mënyrë shtetërore, në mënyrë qeveritare, jo në mënyrë spontane. Asgjë nuk është në mëshirën apo moralin e qeverisë. Legjislacioni shqiptar e parashikon qartë, që kur shpallet gjendja e fatkeqësisë natyror, shteti I lindin detyrime për të ndihmuar qytetarët dhe, natyrisht, qytetarëve u lindin detyrime që shteti duhet t’i kontrollojë që të zbatohen. Masat kufizime, pa dyshim, I kam mbështetur dhe I mbështes këto masa. Dhe përsërsi thirrjen për qytetarët që të tregojnë kujdesin makismal për distancimin social. Por, në të njëjtën kohë, kur u kërkon qytetarëve të marrin këto sakrifica ekstreme, kur i imponon këto kufizime e masa ekstreme me të drejtë, të cilat i mbështesim, i mbështes plotësisht, atëherë duhet të kemi dhe masa mbështetëse për qytetarët, për shëndetin e tyre, për ekonominë dhe, në veçanti, për shtresat në nevojë.

BASHA: ËSHTË KOHA TË RISHIKOHET BUXHETI 2020 ME PLANIN REALIST TË OFRUAR NGA PD. BATUTAT DHE DEBATI POLITIK NUK ÇOJNË BUKË NË FAMILJET SHQIPTARE, NUK JAPIN ZGJIDHJE PËR SHËNDETËSINË DHE EKONOMINË

Është koha të rishikohet buxheti i shtetit 2020, të rishikohet pa vonesa të mëtejshme, të aplikohen këto fonde në 3 fronte kryesore të betejës:

1. Shëndetësia, me theks mbrojtja e personelit shëndetësor dhe sigurimi i pajisjeve
2. Shtresat në nevojë, të gjithë ata që janë në pamundësi totale ekonomike, duke përfshirë këtu edhe ata që janë në pamundësi të marrjes së pagës, për shkak të masave shtrënguese ndaj ndërmarrjeve apo për shkak se janë të punësuar në biznese të vogla që goditen nga këto masa.
3. Masat lehtësuese ekonomike.

Tani është koha që të hidhen hapa dhe Shqipëria të mos vazhdojë të mbetet mbrapa çdo vendi tjetër që po i hedh këto hapa. Kjo është thirrja ime. Nuk është vetëm thirrje, është edhe një paketë konkrete masash e detajuar, e kostuar, e llogaritur për mundësitë e Shqipërisë sot. Do të uroja shumë që në vend të debatit politik, në vend të batutave, që nuk sjellin as ushqim për shqiptarët, nuk sjellin as zgjidhje për ekonominë, as pajisje për shëndetësinë, të fokusohemi në këto zgjidhje realiste. Padyshim, ekspertiza jonë mbetet në dispozicion të qeverisë për t’i orientuar, për të parë sesi realizohen këto masa, që nuk janë asgjë tjetër përveçse paketa e masave standard që po merr sot bota, e përshtatur për kushtet e Shqipërisë, për t’i ardhur në ndihmë nevojave të sipërmarrjes për t’i dhënë frymëmarrje ekonomisë. Për t’i dhënë minimumin jetik qytetarëve në nevojë dhe shëndetësisë pajisjet e nevojshme për t’u përballur me këtë epidemi.  Plani ynë i masave është plotësisht i zbatueshëm, nëse ka mirëmenaxhim, nëse ka transparencë dhe vullnet për t’i çuar paratë aty ku duhet. Për të mos hapur një diskutim tani se çfarë është më e rëndësishme sot, shëndeti, mirëqenia e 3 milionë shqiptarëve apo kontratat e 12 koncesioneve. Nuk dua të jap asnjë çast as përshtypjen më të vogël se këto propozime po i bëjmë për të vënë në vështirësi qeverinë apo për të nxjerrë zbuluar të parin e qeverisë. Pa diskutim është për të vënë në presion të parin e qeverisë, por nuk bëhen as për të fituar ndonjë palë zgjedhje, as për të fituar kredo personale. Bëhet për diçka që shkon përtej PD dhe PS, përtej Edi Ramës dhe Lulzim Bashës. Kur vjen fjala tek jeta dhe shëndeti i qytetarëve, politika në kuptimin e debatit të përditshëm, ndalet. Vlera e vetme është çfarë mund të bëjmë së bashku, çfarë mund të bëjë secili nga përgjegjësitë e veta. Dhe përgjegjësitë e qeverisë padiskutim janë shumë të mëdha, opozita ka përgjegjësitë e veta, çfarë mund të bëjmë së bashku që t’ia dalim mbanë me sa më pak pasoja për bashkëqytetarët, të afërmit, familjarët, vendin tonë.

BASHA FLET PËR TENDERIN URGJENT TË APARATEVE TË FRYMËMARRJES: NUK E SULMOJ KËTË VENDI TË VONUAR. MË MIRË VONË SE KURRË!

Opozita është në lartësinë e rolit të saj dhe të përgjegjësive që ka. Detyra e opozitës është të kërkojë transparencë. Pa transparencë nuk mund të kemi një përballje të suksesshme as me pandeminë, as me krizën e gjithanshme që kjo provokon. Transparenca është miku ynë më i mirë kundër panikut. Sa më shumë të dinë qytetarët, sa më të informuar të jenë, aq më pak pasiguri ka, aq më pak mundësi ka për abuzim dhe për lajme të rreme. Së dyti llogaridhënia dhe presioni publik do të bëjë të mundur që qeveria të kryejë detyrat e veta sa më shpejt dhe sa më mirë. Së treti, propozime. Mendoj se kemi bërë detyrën tonë dhe do të vazhdojmë ta bëjmë në raport me këto tre përgjegjësitë që opozita ka. Secili ka detyrat e veta, secili duhet të bëjë detyrat e veta. Dhe këtu, thirrja ime për qeverinë është të mos vonojë asnjë çast paketën elementare të shëndetësisë. Sot, p.sh u hap tenderi?! E përshëndes. E kanë sulmuar mediat që është hapur një javë e gjysëm pas nisjes së masave kufizuese. Nuk dua të bëj komente për këtë, është një shqetësim i drejtë, por nuk dua ta sulmoj vendimin. Më mirë vonë sesa kurrë. Sigurisht, tani ka vështirësi, sepse e gjithë bota i kërkon këto pajisje. Uroj dhe shpresoj që këto pajisje të mos vonojnë. Infektivi dhe qendrat e tjera ku do të trajtohen të sëmurët t’i kenë këto pajisje shtesë, sepse kjo është diçka e domosdoshme për shëndetin e qytetarëve.

BASHA TREGON FATURËN E PAKETËS SOCIAL EKONOMIKE: PAKETË REALISTE DHE E PËRBALLUESHME NGA BUXHETI

 Ne nuk mund te ngelemi ne nivelin e 3,5 milione eurove. Qartësisht kjo është e pamjaftueshme. Dhe thirrja jone ka qene qe keto masa te adoptohen pa humbur kohe. Sepse koha ne kete rast realisht kushton jete, kushton shëndet, kushton ekonomi.

Shume thjesht dua t’ju them se secila prej masave tona kushton e kostuar dhe e perputhur me mundësitë reale te buxhetit te shtetit.

Do t’ju jap nje shembull kur flasim per ndihmën qe i duhet dhene biznesit, sipërmarrjes ne vecanti biznesit te vogel dhe ndihmen qe i duhet dhene te punesuarve te cilet mund te mos kene mundesi te marrin pagen nese qëndrojnë ne shtëpi për shkak te pamundësive ekonomike, larg abuzivizmit te atyre qe i kane marre ne pune.

Çfarë kemi propozuar eshte qe te gjithe te vetepunesuarve te biznesit te vogel qeveria t’ju dedikoje nje subvencion apo nje mbeshtetje prej 300 eurosh ne muaj apo per cdo muaj qe ato do ta kene te mbyllur aktivitetin e tyre. Kostoja e kesaj mase eshte përllogaritur, mbi te dhenat statistikore te Shqiperise 20-25 milionë euro ne muaj. Eshte nje kosto e perballueshme po te kesh parasysh qe vetem nje km rruge ne zonën e Astirit kushton 20 milione euro. Ta leme ate km rruge, te mos e bejme sot, ta shtyjme dhe keto para t’i dedikojme per te mbështetur dhjetëra mijera, pothuajse 100 mije persona qe do te perfitojne drejtperdrejte nga kjo mase.

Pervec te vetepunesuarve dhe biznesit te vogel, nje kujdes i vecante duhet te kemi edhe per ata qe punojne ne operator ekonomike qe jane prekur me se shumti nga masat e marra sic jane fasonet, operatoret call center, operatoret turistike etj. Per keto kemi propozuar qe per te gjitha bizneset qe jane detyruar t’i lene punonjesit ne shtepi dhe qe jane ne pamundesi pagese, qeveria duhet te perballoje dhe te mbuloje te pakten pagen minimale.

Ky eshte propozimi yne i kostuar me nje kosto prej 25 maksimumi 30 milione euro ne muaj. Pra, vetem kostoja e mbeshtetjes ekonomike do te shkoje diku tek 45-50 milione euro ne muaj.

 Nderkohe qe pjesen tjeter te fondeve ne kemi planifikuar dhe kemi kostuar ne mbeshtetje te shtresave ne nevoje, te familjeve me te goditura nga kjo fatkeqesi, te moshurave, familjeve ne nevoje ekonomike, te atyre qe jane pamundesi ekonomike, ne veçanti te nje komuniteti goxha te madh qe i goditi termeti dhe jane akoma ne çadra dhe per keto mendojmë se shume prej 50-60 milionë euro do te ishte mese e mjaftueshme per te perballuar koston ne nje periudhe mujore.

Po te shikoni kjo eshte nje kosto e barabarte me 120 milionë euro qe sot jane planifikuar per t’u marre nga 10 oligarke dhe nje pjese prej tyre kane filluar tashme te marrin pagesat.

 Ndaj propozimi yne eshte fare i qarte, menjëherë te veprohet. Çdo kontrate ka klauzola pezullimi ne rast te tilla, siç është rasti i pandemisë. Pezullohen keto kontrata me afat te pacaktuar dhe ne mënyrë te menjëhershme te ribuxhetohen me nje rishikim te buxhetit te shtetit ne mbeshtetje te këtyre tre kategorive; shendetesise, ndihma sociale dhe ekonomisë shqiptare. Natyrisht ne sot e kemi te pamundur te parashikojme sa mund te zgjase kjo situate, mund te kerkoje sakrifica te tjera, por s’mund te kerkohen sakrifica vetem shqiptareve dhe shtreses se mesme dhe te varferve.

BASHA: JEMI TË GJITHË NË NJË VARKË. QEVERIA NUK DUHET TË VONOJË ZBATIMIN E PROPOZIMEVE TONA. SHËNDETËSIA, PAKETA SOCIALE, BIZNESI, 3 PRIORITET E NDIHMËS

Pyetje: Zoti Basha ju keni qenë aktiv dhe keni ofruar edhe propozime konkrete për situatën, por a janë bërë kalkulimet se ku do të gjenden paratë, a ka para?

Lulzim Basha: Propozimi ynë është i plotë dhe i kalkuluar. Dua t’i përsëris thirrjen kryeministrit që, pa humbur kohë, të adoptojë masat e propozuara, të cilat nuk janë shpikje të Partisë Demokratike, por janë të bazuara në përvojat e vendeve të tjera, sigurisht brenda mundësive të Shqipërisë. Ne jemi të vetëdijshëm për mundësitë e Shqipërisë, por jemi , po kështu, të vetëdijshëm se në këtë kohë sakrifica nuk mund t’u kërkohet vetëm qytetarëve të thjeshtë. Kemi një planifikim prej 120 milion euro për 10 oligarkë dhe për 12 koncesione. Këto para duhet të zhvendosen menjëherë nga këto kontrata dhe t’u vendosen qytetarëve në ato tre prioritete që janë; personeli shëndetësor, shëndetësia në përgjithësi. Janë kitet testuese dhe përgatitja për të trajtuar të infektuarit më spitale. Së dyti paketa sociale, njerëzit në nevojë, familjet në nevojë, të moshuarit, ata që janë të papunë. Ato mijëra familje që janë ende në çadra dhe janë të harruar. 50 përqind e popullsisë është në kushte të vështira. Një në dhjetë shqiptarë ushqehet vetëm një herë në ditë. Duhet menjëherë të merren masa për t’u ardhur në ndihmë këtyre njerëzve. Dhe së treti çështja e ekonomisë. Pa diskutim edhe në Shqipëri, si kudo tjetër, kjo do të ketë pasoja ekonomike. Duhet t’i dilet para, nuk duhet të reagojmë pas. Duhet t’i dilet para me masa të cilat ndihmojnë ekonominë, japin besim për operatorët ekonomikë. Para disa ditësh Banka e Shqipërisë adoptoi një prej masave duke bërë shtyrjen e kësteve të kredive për ato biznese që janë goditur nga epidemia dhe unë e përshëndeta këtë vendim të BSH dhe kam besim se bankat e nivelit të dytë do të veprojnë me vetëdije, sepse në fund të fundit këtu askush nuk mund të rrijë në një degë të veçantë. Të gjithë jemi bashkë në këtë varkë dhe të gjithë duhet të bëjmë gjithçka që të dalim shëndosh e mirë.

THIRRJA E BASHËS PËR RAMËN: VEPRO PA KOMPLEKSE, MIRATO TË PLOTË PAKETËN E MASAVE TË PD. NUK JANË PROPOZIME ELEKTORALE, JANË PËR SHQIPTARËT

Roli i qeverisë është të marrë masa, të mos vonohet në marrjen e masave, të ketë një plan të qartë, ta menaxhojë situatën,  të mos i lërë t’i dalë nga duart dhe pastaj t’i shkojë nga pas. Roli ynë është të bëjmë tranparencën, të kërkojmë llogari dhe të bëjmë propozime. Këto kemi bërë gjatë këtyre ditëve. Siç e thashë, pavarësisht prej retorikës politike, që refuzoj të bëhem pjesë, një pjesë pozitive është që shumë prej propozimeve  tona, tani janë adoptuar nga qeveria. Njëra prej tyre është marrë nga Banka e Shqipërisë. Sot, kam një dhe vetëm një thirrje për kryeministrin Rama dhe për qeverinë. Të mos ketë asnjë kompleks. Propozimet nuk po i bëjmë as për fushatë, as për kapital politik. Po i bëjmë për diçka shumë më të madhe sesa PD dhe PS, se ego i atij apo e imja. Po e bëjmë për të shpëtuar sa më shumë jetë njerëzish, po e bëjmë për t’ia bërë sa më të lehtë shqiptarëve këtë kohë me shumë vështirësi dhe akoma me shumë të panjohura.

“TRANSPARENCË NË ÇDO HAP, VEPRIM  NË KOHË”, BASHA: PROPOZINET TONA REALISTE, VENDI KA MUNDËSI TA PËRBALLOJË KRIZËN, NËSE PEZULLOHEN KONCESIONET

Disa prej propozimeve janë adoptuar nga qeveria, pavarësisht prej toneve luftarake dhe për fat të keq prej debatit politik, ose më mirë të themi sulmeve politike ndaj opozitës, prapë se prapë disa prej propozimeve tona tashmë janë adoptuar në letër.

Pyetje: Ju thoni se i ka sulmuar qeveria, por sot në një Twitter kryeministri i ka quajtur fantastike propozimet tuaja. Çfarë komenti për qëndrimin që ka mbajtur kryetari i qeverisë ndaj propozimeve tuaja?

Lulzim Basha: Refuzoj të përfshihem në debat politik, sepse nuk i vlen askujt debati politik dhe ai Twitter apo twittera të tjerë, janë në fakt harxhim i kotë i kohës së njeriut që drejton qeverinë. I bëj thirrje mos të merret me opozitën. Do të ketë kohë të merret me opozitën dhe opozita të merret me të. Ta fokusojë gjithë energjinë e tij, gjithë kohën e tij tek zgjidhja e problemeve të njerëzve. Është kohë e humbur të sulmosh opozitën në këtë kohë. Beteja sot është për shëndetin e njerëzve. Të ishte për politikë, rrija dhe unë. Prisja të shihja çfarë shkon dhe çfarë nuk shkon, gjurmoja, prisja dështimin e tij dhe nuk bëja asnjë propozim. Por po flasim për jetë njerëzish. Po flasim për shëndetin e njerëzve. Nuk ka këtu kuptim beteja politike. Asgjë nuk vlen më shumë se jeta. Politikanët, kryeministrat shkojnë e vijnë, qytetarët janë gjeja më e rëndësishme. Prandaj i kemi bërë propozimet që do t’i ndërmerrnim vetë po të ishim në qeverisje të vendit, pasi them se janë zgjidhja e duhur dhe plotësisht e mundshme. Mjafton që të ketë mirëmenaxhim, të ketë transparencë. Ka nevojë për transparencë edhe për të qetësuar njerëzit. Nuk mjafton të thuash “E di unë. Prisni se do të bëhet si të them unë” Transparenca është aleati më i mirë kundër panikut, kundër frikës. Ndaj dhe ftesa e thirrja ime është që të ketë transparencë për çdo hap dhe të veprohet më mirë një ditë më parë se një ditë më vonë. Shqipëria nuk ka mundësitë e Italisë apo vendeve të Europës, por ka mundësi. Vetëm fatura e koncesioneve është 120 milion euro. Vetëm para disa ditësh janë paguar 700 mijë euro për inceneratorin e Tiranës. Fatura në total ka shkuar 23 milion euro vetëm për inceneratorin e Tiranës. Po ju jap vetëm një shembull: vetëm një kilometër rrugë bën 20 milion euro. Ajo që po kërkojmë është jo vetëm e arsyeshme, por e domosdoshme. Ndalimin e këtyre kontratave, pezullimin apo ngrirjen e këtyre kontratave dhe devijimin e këtyre fondeve për familjet në nevojë.

BASHA TREGON ÇFARË DO TË BËJË NËSE RAMA MIRATON PROPOZIMET E PD PËR EKONOMINË DHE SHËNDETËSINË

Pyetje: Zoti Basha, vetë si po e përbloni këtë sitiatë me COVID-19? Drugeni për te afermit, për famjratë? Keni frikë?

Lulzim Basha: Personalisht nuk kam frikë. Kam shqetësim, si çdokush tjetër, për anëtarët e familjes, që janë në moshë apo për dikë që nuk është në shëndet të plotë, natyrisht për miqtë dhe për gjithë shqiptarët, te cilët, për shkak te moshës apo shëndetit rrezikojnë më shumë. Prandaj, gjithë qytetarët e tjerë të shëndetshëm, si unë, të bëjmë gjithçka për t’i mbrojtur të afërmit tanë që, janë më të ekspozuar ndaj rrezikut. E gjitha kjo po bëhet për të mbajtur jetë njerëzish, për të shpëtuar jetë njerëzish. Çdo mërzi të momentit, çdo vështirësi të momentit duhet ta shikojmë përmes dritares që shpëton jetë njerëzish. Nuk mjafton vetëm kaq, që vetëm shqiptarët të bëjnë sakrifica. Duhet që për çdo sakrificë që u kërkohet shqiptarëve, të ketë edhe masa mbështetëse brenda mundësive të Shqipërisë. Prandaj, edhe një herë, bëj thirrje që plani ynë social- ekonomik të vihet në veprim. Garantoj se me vënien në veprim të këtij plani as do të rrahim gjoksin, as nuk do të thërrasim fitore. Madje do ta përshëndesim qeverinë dhe do ta urojmë, nëse vendos të veprojë, por duhet të veprojë një orë e më parë. Nuk është koha për të llogaritur se çfarë bën kundërshtari politik. Nuk ka kundërshtar politik në luftën për jetën dhe shëndetin e qytetarëve. E lus zotin Rama të jetë sa më pak nervoz. Në këtë plan, nuk kam asgjë që drejtohet kundër tij. Vërejtjet tona për mosveprimin në kohë qëndrojnë, por jo si sulme politike apo për të bërë lajm, por si shqetësim real për fatin e mijëra qytetarëve.

DEKLARATË E KRYETARIT TË PARTISË DEMOKRATIKE, LULZIM BASHA

Çdo vend ka marrë masa financiare dhe fiskale për përballimin e krizës. Prej një jave edhe ne kemi propozuar masa lehtësuese që u vijnë në ndihmë familjeve në nevojë, sipërmarrësve të vegjël dhe punëtorëve.

Detyra e parë e qeverisë duhet të jetë shëndeti i shqiptarëve dhe po kështu, ndihma për qytetarët dhe për ekonominë. Shëndeti, siguria dhe ekonomia e njerëzve, janë shqetësimi ynë.

Është e papërgjegjshme dhe jo njerëzore të sulmosh ditë e natë opozitën, në një kohë kur të gjitha energjitë duhen fokusuar për tu ardhur në ndihmë njerëzve.

Çdo masë që kemi propozuar është realiste dhe e zbatueshme nëse ka MIRËMENAXHIM, KOMPETENCË dhe TRANSPARENCË.

120 milionë euro që shkojnë dëm me koncesionet e oligarkëve, duhet të angazhohen URGJENTISHT për mbështetje sociale,  për fonde shtesë për shëndetësinë si dhe për mbështetje fiskale dhe financiare për bizneset që sot kanë mbyllur dyert.

Jeta nuk ka çmim, sulmet bajate kundër opozitës nuk ofrojnë asnjë zgjidhje. Me batuta nuk qeveriset vendi, nuk ushqehen njerëz, nuk shpëtohen biznese dhe nuk rimëkëmbet ekonomia.

Ndaj do të vazhdoj pa u lodhur ti bëj thirrje qeverisë, që për hir të të gjithë shqiptarëve, të lërë mënjanë luftën politike, dhe të vërë interesat e njerëzve të parat. Ndiqni më poshtë masat me efekt të menjëhershëm që i bëj thirrje qeverisë ti zbatojë pa humbur më kohë:👇

Bashkengjitur video me 8 pikat e planit dhe linku FB:

https://we.tl/t-Ta7oOLCt3n

https://www.facebook.com/166424440075412/posts/3025392380845256/?vh=e&d=n

DEKLARATË PARTIA DEMOKRATIKE, DR MIRELA TABAKU

Partia Demokratike po ndjek me shqetësim zhvillimin e pandemisë së COVID 19 në Shqipëri. Ajo që kemi vënë re është ulja e numrit të  personave që testohen krahasuar me fillimin e javës së kaluar. Mënyra sesi po vepron Shqipëria shkon në kundërshtim me porositë e dhëna nga Organizata Botërore e Shëndetësisë, e cila këshillon qeveritë për protokollet që duhet të ndjekin për të minimizuar përhapjen e sëmundjes.

Vetëm një ditë më parë, drejtori i përgjithshëm i OBSH dha një mesazh shumë të rëndësishëm: TESTONI! TESTONI! TESTONI!

Po e citoj të plotë mesazhin e tij për të gjithë qeveritë e botës!

“Mënyra më efektive për të parandaluar infeksionet dhe për të shpëtuar jetën është thyerja e zinxhirëve të transmetimit. Për ta bërë atë, ju duhet të testoni dhe izoloni. Ne nuk mund ta ndalojmë këtë pandemi, nëse nuk e dimë se kush është i infektuar.Kemi një mesazh të thjeshtë për të gjitha vendet: TESTONI, TESTONI, TESTONI.”

Cili është realiteti në Shqipëri?

Dy ditë më parë Partia Demokratike, bazuar në numrin e testeve të bëra, e ngriti këtë problematikë me shumë forcë, pasi të dhënat zyrtare të testimeve tregojnë se numri i tyre është ulur  në mënyrë drastike dhe të pashpjegueshme.

Në 10 mars, një ditë pas konfirmimit të rastit të parë, janë kryer 114 teste.

Më 11 mars – 127 teste. Me këtë ritëm është vazhduar deri të premten, kur në 15 mars janë bërë  27 teste, dje vetëm 31 dhe sot u raportua për 42 teste në 24 orët e fundit.

Ajo që po ndodh në Shqipëri është se numri i personave që paraqesin ankesa dhe simptoma rritet, ndërsa numri i të testuarve pakësohet. Pyetja e të gjithëve është: çfarë po ndodh? Mungojnë tamponët, mungojnë kitet për t’i analizuar më pas mostrat që merren?

Shqiptarët kanë të drejtë ta dinë pse veprojmë kundër këshillave të Organizatës Botërore të Shëndetësisë.

Bazuar nga praktikat më të mira të vendeve të përfshirë nga kjo epidemi, bazuar në

atë çfarë OBSH këshillon, duhet që të gjitha marrat e marra, të kombinohen me testime të shtuara.

Duhen shtuar fondet për tampone, fondet per kite të bërjes së testeve!

Duhet nxituar, pasi jemi vonë!

Mosveprimi do të ishte një gabim me pasoja të rënda!

Duhet bërë gjithçka, duhet mobilizuar çdo fond dhe, sëbashku, të bëjmë çdo gjë për të qenë një hap para krizës, për të qenë sa më efikasë.

Nuk ka fjalë më të vlefshme për këtë kohë sesa fjalët e Drejtorit të OBSH-së: Testoni, testoni, testoni!

BASHA: QEVERIA KA MUNDËSI TË ANULOJË APO PEZULLOJË GJITHA KONCESIONET. SAKRIFICA NUK MUND T’U KËRKOHET VETËM QYTETARËVE

Lulzim Basha: Mbi 50 përqind e popullsisë ka kushte jashtëzakonisht të vështira edhe pa u përballur me këtë epidemi dhe impenjimet dhe kufizimet e tjera që ajo mbivendos mbi gjendjen aktuale ekonomike dhe sociale. Kështu që e them nga zemra që shqiptarët po bëjnë një sakrificë të madhe. Në veçanti një sakrificë të madhe po bëjnë më shumë se gjysma e popullsisë që ndodhet në kushte shumë të vështira ekonomike. Prandaj, thirrja ime është që të sakrifikojmë të gjithë. Nuk mund t’i kërkohet sakrifica vetëm qytetarëve, në veçanti atyre në nevojë, pa patur një plan mbështetës e në veçanti për ata në nevojë.

Pyetje: Ju keni qenë konstruktiv dhe keni bërë propozime konkrete këto kohë, herë pas here, njëherë 11 pastaj 8, sigurisht të ndryshme por të drejtpërdrejta dhe të qarta, e zeza mbi të bardhë. Pasditen e të dielës ju bëtë 8 propozimet e fundit të cilat duhet të përfshiheshin në planin e masave të marra nga qeveria shqiptare për frenimin e përhapjes. Por duket sikur kryeministri ka refuzuar edhe këtë propozim, në mos gaboj e ka quajtur maskaradë në fillim. Ashtu si edhe me tërmetin edhe këtë plan masash tuajin e ka refuzuar. Keni një koment?

Lulzim Basha: Në radhë të parë dua ta bëj të qartë që gjithë shqetësimi, fokusi im, i gjithë Partisë Demokratike dhe i opozitës së bashkuar, sot është siguria, mirëqenia dhe shëndeti i qytetarëve. Ndaj kam refuzuar dhe do të vazhdoj të refuzoj të futem në një debat politik sepse qëllimi është një dhe vetëm një: shëndeti i njerëzve, siguria e njerëzve dhe marrja e të gjitha masave për t’u ardhur në ndihmë atyre. Në këtë kuadër mund të shikojmë dhe anën tjetër të medaljes, që gjatë kësaj jave qeveria dhe Banka e Shqipërisë, kanë adoptuar gjatë këtyre ditëve një pjesë të mirë të propozimeve tona, ndonëse në momente të caktuara, duke përfshirë edhe mbrëmjen e sotme, u duk se i kanë sulmuar ato. P.sh sot, duket se kryeministri ka pranuar një pikë të rëndësishme të propozimit tim të djeshëm, që është krijimi i mundësive fiananciare për të paguar të gjithë ata punonjës të cilët në rast nevoje kur biznesi është në pamundësi financiare nuk mund të marrin rrogën. Pra, është pika e dytë e propozimit të djeshëm. Në rast nevoje kur biznesi shfaq pamundësi financiare, te paguhen nga buxheti i shtetit pagat e punonjësve  per nje periudhe te paktën dy mujore, sipas kritereve te mirepercaktuara per te shmangur abuzimet. Te pakten, nga leximi i asaj qe është zbardhur nga qëndrimi i sotëm duket se qeveria po tregon  nje hapje per ta pranuar kete pike, po tregon nje gatishmeri per ta pranuar kete pike. Sikundër mesa shoh lajmet e fundit, ka pranuar te anulojë nje nga koncesionet me te përfolura per korrupsion, qe eshte koncensioni i check -up-it. Nese lajmi konfirmohet eshte nje lajm shume i mire. Natyrisht eshte vetëm fillimi sepse jane 11 koncesione te tjera per te cilat edhe me ligj qeveria sot ka te gjitha mundesite t’i pezulloje, madje edhe t’i anuloje, ne klauzolat e ketyre kontratave përcaktohet qartësisht se ne momente te tilla anulohen. Pra, eshte nje kohe  kur gjithsecili ka nevoje edhe per pak pozitivitet, eshte kollaj te thuash qe gjuha e perdorur ndaj opozites, ndaj propozimeve te opozites, ka qene e kundërta e konstruktivitetit dhe pozitivitetit tone. Pa diskutim qe ne kemi pasur rezerva per kohen kur jane marre masat, por masat i kemi mbështetur.

BASHA: AXHENDA E VETME E OPOZITËS ËSHTË SHËNDETI, SIGURIA DHE MIRËQENIA E QYTETARËVE. QEVERIA KA ADOPTUAR DISA NGA PROPOZIMET TONA, POR ME VONESË

Koha kur i kanë marrë disa vendime të rëndësishme nuk ka qenë koha e duhur. Kemi më shumë se një muaj që kërkojmë marrjen e shumë masave, por rëndësi ka të merren. Dhe t’i paraprihet krizës. Kjo ka qenë thirrja ime prej fillimit. Kjo është një krizë që duhet t’i dalim para, jo ta ndjekim pas.

Pyetje: Ju jeni dakord për masat drastike?

Lulzim Basha: Ajo që nuk jam dakord është ku ka paqartësi. Kam qenë në kontakt gjatë këtyre ditëve me shumë prej operatorëve ekonomikë dhe shoqatave që përfaqësojnë call center dhe fasonët. Ata janë të tmerruar, pasi afërsia fizike ku ata punojnë mund të jetë jashtëzakonisht e rrezikshme.

Ajo që dua të them është se ne kemi nevojë për pak pozitivitet dhe këtu le ta shohim gotën gjysëm plot. Janë marrë disa nga propozimet tona. Me vonesë, por janë adoptuar.

1.Një nga prindërit që do të qëndrojë në shtëpi, do të paguhet.

2.U pranua nga Banka e Shqipërisë vendimi për të pezulluar këstet e kredive për tre muaj.

3.U pranua propozimi ynë për punonjësit që nuk paguhen dot nga bizneset. Të ketë një fond të veçantë të paguhet dhe askush të mos mbetet pa një minimum të ardhurash në këtë kohë të vështirë.

4.Po kështu, nëse rezulton i vërtetë, edhe anullimi i koncesionit të check up, siç ka dalë në media, është një masë në vijën e propozimeve tona.

Rëndësi ka, që siç po thuhet, po dëgjohet zëri i opozitës. Zëri i opozitës është zëri i qytetarëve, nuk km i asnjë axhendë politike, aq më pak elektorale. Sot axhenda e vetme e imja, e PD dhe e opozitës është siguria e qytetarëve, shëndeti i tyre, mirëqenia e qytetarëve. Këtu besoj se po japim atë që qytetarët kërkojnë. Është roli i opozitës edhe të kërkojë transparencën, edhe të kërkojë llogari, por edhe të jetë alternativë propozuese. Po e bëjmë këtë. Nuk ka vend për nervozitet. Nuk po  e bëjmë për sfidë ndaj qeverisë. E bëjmë për përgjegjshmëri. Nuk kemi asnjë xhelozi, Përkundrazi po e nxisim qeverinë që të ecë.

“ÇFARË DO TË BËNIT NËSE DO TË ISHIT SOT KRYEMINISTËR?”, BASHA TREGON 3 MASAT EMERGJENTE

Sot drejtori i OBSH-së e ka thënë fare qartë se ka një mesazh shumë të qartë për të gjitha vendet: Testim, testim, testim. Testoni çdo të dyshuar. Kjo kërkon angazhim, nuk dua të marr rolin e ekspertit, por nga pikëpamja e politikbërësit, kjo kërkon menjëherë vendosjen e fondeve të mjaftueshme në dispozicion. Fondet e vendosura në dipozicion janë të pamjaftueshme. Ende pa filluar epidemia në Kosovë u vendosën 10 milion. Natyrisht që nuk jemi Franca, as Gjermania. Është e paimagjinueshme që në të vendosim shifra si këto vende, por  e mira është që ato 120 milion euro që shkojnë për 10 oligarkë me  12 koncesione, sot është moment, për t’i anuluar e për t’i vendosur në dispozicion të dy qëllimeve kryesore: Së pari shëndetësisë dhe së dyti masave sociale dhe masave ekonomike. Shëndetësisë sepse duhet të mbrojmë personelin shëndetësor që është shumë i ekspozuar.

Pyetje: Çfarë do të bënit nëse do të ishit sot kryeministër?

Lulzim Basha: Gjëja e parë, do të respektoja një nga parimet bazë të menaxhimit të krizave që e kam zbatuar edhe më parë me sukses të plotë. Është më mirë t’i dalësh përpara, është më mirë të bësh më shumë se sa të bësh më pak. T’i dalësh përpara, pra të parashikosh. T’i dalësh përpara të keqes dhe mos të mendosh sot për sot. Dua të bëj të qartë, fillimisht se kufizimet janë të domosdoshme, absolutisht dhe unë i bëj thirrje qytetarëve t’i respektojnë një më një kufizimet e vendosura. Por kufizimet e forta, masat ekstreme në çdo shoqëri, në veçanti në shoqëri si kjo e jona, kërkojnë masa mbështetëse.

Prandaj tre gjërat kryesore që duhen bërë një orë e më parë:

1. Të sigurojmë vijën e parë mbrojtëse, mjekët. Pra të kemi mjaftueshëm pajisje për të gjithë mjekët, infermierët dhe personelin shëndetësor. Të sigurojmë që të kenë mjaftueshëm pajisje testuese. Të sigurojmë sot, jo në fund të javës, kur do të rritet fluksi apo javën tjetër ku unë shpresoj që jo, mund të rritet edhe më shumë, sot të kemi mjaftueshëm pajisje për të trajtuar të infektuarit. Ky është aspekti i parë, kjo është urgjenca absolute.
2. Kemi 50 përqind të popullsisë, e cila, edhe në kushte normale, mezi ia del. Ata kanë nevojë për ndihmë, kanë nevojë lër një paketë sociale si kjo që kemi propozuar ne, që trajton ketë shtresë dhe pensionistët. Zoti Rama shpalli edhe një tjetër propozim të bërë nga ne, mundësinë për të furnizuar me ushqime të moshuarit që jetojnë vetëm. E mbështes masën që moshat e treta të rrinë në shtëpi. Por duhet një paketë sociale për të gjithë familjet në nevojë, që t’u garantojmë një mi imum absolut.
3. Sot, jo nesër, sot duhet te shpallet paketa për t’i ardhur në ndihmë operatorëve ekonomikë, veçanërisht biznesit të vogël, që është motori, shtylla kurrizore e ekonomisë shqiptare, duhet të nisë që tani në mars pezullimin e detyrimeve të rënda për biznesin që nga deklarimi i TVSH-së, pagesat e kontributeve, pasqyruar financiare, pagesat mujore të tatim fitimit.

Pezullim apo anulim për koncesionin e check up, Basha e sheh gotën gjysmë plot: Rëndësi ka që paratë të mos shkojnë për oligarkët, por për të blerë pajisje për mjekët dhe qytetarët

Pyetje: Zoti Basha kam një lajm te keq për ju. Ne Twitter Ministrja e Shëndetësisë thotë: fake news, check up nuk është anuluar, por pezulluar deri ne rikthimin e normalitetit deri kur njerëzit te kontrollojnë falas gjendjen e tyre shëndetësore?

 Lulzim Basha: Ky nuk është lajm i keq per mua. Ne qofte se është lajm i keq, është lajm i keq per qytetaret. Por pak rëndësi ka se nuk jemi këtu për te bere lojëra fjalësh pezullohet apo anulohet. E rëndësishme është qe paratë te mos te shkojnë për një koncesion shume te perfolur korruptiv.

Pyetje: Por nuk është anuluar është pezulluar a mjafton kjo per ju?

Lulzim Basha: Nuk jam ketu per te bere lojëra fjalesh. E rëndësishme është qe paratë qe shkonin per nje nga keta 10 oligarke te shkojne tani per kontrolle, per te blere kite testuese, per te blere pajisje respiratorë, per te blere pajisje mbrojtëse per mjeket dhe parat e 10 oligarkëve te tjerë apo 9 oligarkëve te tjere te shkojnë per te ndihmuar njerëzit ne nevojë, te shkojnë per t’i dhënë frymëmarrje ekonomisë ne mënyrë qe te mos mbytet ekonomia nen peshën e koronavirusit. Keto jane pra tre masat qe na kërkuat, janë personeli shëndetësor, shtresat ne nevoje dhe ekonomia. Keto jane tre prioritet, ketu duhet te jete gjithë fokusi, gjithë energjia e qeverise dhe këtu janë te gjitha propozimet tona, ketu është e  gjithë alternativa jone,  këtu  është e gjithë ekspertiza dhe vëmendja jone dhe e imja personalisht.

Kryeministër qesharak dhe i rrezikshëm! Deri në orën 18.00 lejon lëvizjen e njerëzve, lëvizjen e makinave, grumbullimet masive ne qendrat e punës (fasoneri dhe call centers), shëtitjet në rrugë, por pas orës 18.00, qytetarët nuk lejohen të dalin në këmbë.  Dalje paradite dhe karantinë pasdite është një tallje e dhimbshme me jetën e shqiptarëve, për faktin e vetëm se Edi Rama nuk do që të prekë lekët e oligarkëve të vet.

Koronavirusi nuk luftohet vetëm me policë dhe me gjoba ndaj qytetarëve. Karantina nuk funksionon part time. Dikush duhet ti thotë në bunkerin ku është izoluar se virusi nuk infekton part time. Zgjidhja është karantinë e plotë, fillimisht për të paktën 14 ditë, rimbursim i bizneseve, rimbursim i pagave, ushqime për të moshuarit dhe më të varfërit.