Blog

Me zgjatjen e gjendjes së jashtëzakonshme edhe për 3 muaj të tjerë, qeveria nuk i shërben qytetarëve të prekur nga tërmeti, por axhendës politike të Edi Ramës.

Për një qeveri, e cila nuk ka si prioritet përfitimet politike dhe financiare nga fatkeqësia e mijëra njerëzve, 30 ditë janë të mjaftueshme për t’u rikthyer qytetarëve sigurinë për banesat, për të bërë planin për strehimin e përkohshëm të të gjithë të prekurve dhe planin për rindërtimin e banesave, shkollave dhe spitaleve të dëmtuar.

Këtë afat Edi Rama e përdori për show dhe jo për ofrimin e zgjidhjeve në dobi të qytetarëve të prekur nga tërmeti. Asnjë plan i prezantuar, asnjë masë konkrete e marrë, vetëm fjalë boshe, identike me fjalët boshe pas tërmetit të Qershorit 2019 në zonën e Korçës dhe tërmetit të 21 Shtatorit.

Fakti që kjo qeveri nuk është e aftë që brenda afatit kushtetues 30 ditor të bëjë planin e nevojshëm për marrjen e masave që përballojnë fatkeqësinë natyrore, është treguesi më i qartë i dështimit dhe paaftësisë së Edi Ramës për t’u shërbyer në kohë qytetarëve.

Propozimi i Edi Ramës që gjendja e fatkeqësisë natyrore të zgjasë deri në Mars 2020 nënkupton që qytetarët do të mbahen peng dhe deri atëherë Qeveria nuk do t’i ofrojë asnjë zgjidhje. Qytetarët e prekur nga tërmeti i 26 Nëntorit 2019, kanë nevojë urgjente për zgjidhje. Për Partinë Demokratike është e rëndësishme që qytetarët të qartësohen sa më parë, që Qeveria të prezantojë menjëherë masat për menjanimin e pasojave të fatkeqësisë natyrore, që Qeveria të mos shtyjë zgjidhjen e situatës, por të planifikojë fondet e mjaftueshme financiare për t’i dhënë zgjidhje qytetarëve. Kjo duhet të bëhet tani, pa asnjë shtyrje, pa asnjë zgjatje.

Zgjatja e fatkeqësisë natyrore nuk është e justifikuar, pasi ajo nuk u shërben qytetarëve. Duke shtyrë me 3 muaj gjendjen e fatkeqësisë natyrore, Edi Rama kërkon të fshehë krizën e rëndë politike në vend, duke keqpërdorur krizën pas tërmetit, të shkaktuar, në një masë të madhe, nga korrupsioni shtetëror dhe paaftësia për të menaxhuar situatën. Duke shtyrë edhe me 3 muaj gjendjen e jashtëzakonshme, Edi Rama synon të pengojë implementimin e Reformës Zgjedhore dhe zgjidhjen e krizës politike, siç Bundestagu kërkon, përmes zgjedhjeve të parakohshme, të përgjithshme dhe vendore, pasi Kushtetuta i ndalon ato, përsa kohë vendi është në një situatë të tillë.​

·         Rruga e Shqipërisë në Europë kalon nga zgjedhjet e lira e të ndershme. Kushtet e Bundestagut, udhërrëfyesi i vetëm për Shqipërinë

·         Beteja jonë,  beteja e çdo shqiptari për votën e lirë është jetike për mirëqenien e qytetarëve, por dhe avancimin e Shqipërisë në rrugën drejt integrimit në BE

·         Garantimi votës së lirë është kryesori dhe kjo nuk mund te realizohet pa ndëshkuar politikanët që, në bashkpunim me krimin, blenë votat dhe shkatërruan proceset zgjedhore të 2016 dhe 2017-ës.

·         Kjo qeveri i ka vjedhur popullit shqiptar 6 vite për të avancuar projektin tonë për Shqipërinë si Europa. Pranverën tjetër shpresojmë që një tjetër shans t’i jepet Shqipërisë.

·         Shqipëria, do të duhet të përmbushë detyrimet e saj. Kushtet e Bundestagut janë udhërrëfyesi ynë. Koha nuk pret. Është dëshmuar tashmë se me propagandë dhe show nuk ua hedh dot liderëve europianë.

·         Nëpërmjet programit tonë për rininë do bëjmë gjithçka që të rinjtë të ndërtojnë të ardhmen në Shqipëri, të arsimohen dhe të punojnë në vendin e tyre.

·         Parashikojmë një shtesë prej 75 milion dollarë në vit, në dispozicion për Arsimin e Lartë dhe Kërkimin Shkencor nga të cilat 38 milion dollarë do të shkojnë për të financuar tarifat e Bachelor dhe Master.

·         Subvencionim 100% të tarifave të Bachelor dhe Master, për studentët që vijnë nga familje me më pak se 64 mijë lekë të ardhura në muaj. Subvencionim në masën 50% për studentët që vijnë nga familje me të ardhura mbi 64 mijë në lekë.

·         Ne do ta nisim planin tonë duke çliruar energjitë dhe financat e marra peng nga një grusht oligarkësh dhe klientë të kryeministrit aktual.

·         Do ta nisim me anulimin e koncesioneve dhe PPP korruptive,- dhe paratë do të shkojnë për rritjen ekonomike, për nxitjen e punësimit dhe për arsimin.

·         Qeveria dy ligje si shpallje lufte ndaj medias. Paketa anti fjalë e lirë i duhet Ramës për të penguar daljen në dritë të korrupsionit dhe hajdutërisë.

·         Nismat ligjore për të penguar lirinë e shprehjes kanë vetëm një qëllim: të manipulojnë, të mbajnë të fshehura të vërtetat e gjendjes ku e ka katandisur kjo qeverisje vendin.

FJALA E KRYETARIT TË PD LULZIM BASHA NË AKADEMINË POLITIKE TË FRPD

Mirë se ju gjej të dashur të rinj dhe të reja,

Përfaqësues të Forumit Rinor të Partisë Demokratike,

I dashur doktor Berisha,

Më lejoni ta nis me një përshëndetje, mirëseardhje për miqtë tanë, për Florian …. mikun tonë që mbulon Shqipërinë dhe gjithë rajonin nga Berlini, për Natalinë përfaqësuesen e partisë tonë simotër, Kristian Demokratëve të Angela Merkel dhe po kështu për mikun tonë të shtrenjtë që na vjen për herë të dytë dhe që ka premtuar se do të vijë edhe për herë të tretë, në një Shqipëri ndryshe, në një Shqipëri të ndryshuar për shkak të pasionit, patriotizmit dhe europianizmit të rinisë demokrate dhe rinisë shqiptare, zv.sekretarit të Përgjithshëm të Partisë Popullore Europiane, Christian Kremer. Diku në mes është edhe Tobias Ruttershof drejtori i Fondacionit Konrad Adenauer për Shqipërinë, edhe mik i huaj, edhe mikpritës, edhe bashkëorganizator në emër të KAS të Tiranës. Faleminderit për të gjithë punën që jep Forumit Rinor dhe Partisë Demokratike.

Të dashur të rinj dhe të reja, të dashur zonja dhe zotërinj, kjo Akademi Politike po zhvillohet në një moment shumë të vështirë për Shqipërinë. Tërmeti që goditi Shqipërinë me 26 Nëntor dhe mori 51 jetë njerëzish,  ka vënë në vështirësi mijëra familje, dhjetëra-mijëra bashkëqytetarë tanë, mijëra vogëlush, fëmijë dhe të rinj. Ka goditur rëndë ekonominë kombëtare, duke goditur rëndë ekonomitë e qytetarëve të rëndësishme të  qyteteve si Tirana, Durrësi e Lezha.

Kjo fatkeqësi tregoi nga njëra anë solidaritetin që karakterizon shqiptarët në raste të tilla, por po kështu nxori në pah fytyrën e fshehur lehtë pas makijazhit të propagandës të një shtetit kartoni, të rrëzuar kohë më parë, nga një tjetër termet, tërmeti i babëzisë, tërmeti i korrupsionit që ka penetruar  çdo qelizë nga nivelet më të ulëta deri në nivelin më të lartë.

Megjithatë fjalët e para dhe mirënjohja më e thellë është sot për solidaritetin e jashtëzakonshëm, për gatishmërinë për t’ju gjendur pranë njerëzve në nevojë, njerëzve të goditur më rëndë nga kjo fatkeqësi. Shumë prej jush këtu në këtë sallë dua t’i falënderoj sepse kanë qenë në terren pranë njerëzve dhe sonte ndodhen këtu pranë kësaj Akademie Politike. Djemve dhe vajzave të FRPD, të rinisë shqiptare që punuan e po punojnë natë e ditë  për t’iu gjendur qytetareve në vështirësi të rinisë sonë, djemve dhe vajzave që u mobilizuan dhe punuan natë e ditë për t’iu gjendur pranë qytetareve që mbeten të pastrehë dhe pa bukë e pa shpresë.

Nuk kam fjalë për t’ju shprehur mirënjohjen, gjithsecilit prej jush, mirënjohje rinisë shqiptare që ka udhëhequr me shembullin e saj, e në veçanti FRPD. Jam krenarë për ju, ne demokratët jemi krenarë për ju, ne shqiptarët jemi krenarë për ju! Vazhdoni të bëni atë që bëni më mirë, të jeni pranë njerëzve në nevojë me shpirtin tuaj të sakrificës, me pasionin tuaj për të ndihmuar, me pathyeshmërinë e vlerave tona si demokratë.

Ky është një moment që konfirmon atë që kam besuar dhe besoj prej kohësh, se në Shqipëri ka tashmë një brez të ri, të  gatshëm për të marrë në dorë fatin e saj me përgjegjshmëri maksimale.

Detyra ime, detyra jonë është tu japim ju tu japim të rinjve mundësinë, tu krijojmë kushtet për këtë stafetë të përgjegjshmërisë por po kështu së bashku të punojmë për një Shqipëri që ofron një mundësi krejtësisht tjetër për arsim dhe punësim për rininë shqiptare.

Në turin e bashkëbisedimit me të rinjtë unë dëgjova shume ide, mendime e sugjerime të vlefshme nga ju në Tiranë, në Durrës, Krujë, Korçë, e kudo në Shqipëri. Të gjitha këto ide dhe mendime janë duke u përpunuar nga ekspertet e PD-së, njerëzit profesionistë për të sjellë para jush një program të plotë, të detajuar që reflekton nevojat për Shqipërinë e vërtetë dhe jo atë të propagandës dhe gënjeshtrave të përditshme e të përnatshme.

Disa piketa janë vendosur në programin tonë me ndihmën e çmuar të ekspertëve të CDU, që unë dua t’i ndaj me ju sot dhe që gjatë akademisë me kontributin tuaj do të mund t’i çojmë edhe me tej, jo vetëm në arsim por në të gjitha fushat.

Ne kemi nisur punën për një Ligj të ri për Arsimin e Lartë me kontributin e pedagogëve dhe studentëve.

Financimi në nivele rajonale dhe më pas europiane, autonomia, decentralizimi dhe bashkëqeverisja mes studentëve dhe të pedagogëve janë në themel të një ligji bashkëkohor për një ligj të ri për Arsimin e Lartë.  Parashikojmë një shtesë prej 75 milion dollarë në vit, në dispozicion për Arsimin e Lartë dhe Kërkimin Shkencor nga të cilat 38 milion dollarë do të shkojnë për të financuar tarifat e Bachelor dhe Master. Unë mbetem i vendosur që të çoj deri në fund përkushtimin që kam marrë një vit më parë para jush, subvencionim 100% të tarifave të Bachelor dhe Master, për studentët që vijnë nga familje me më pak se 64 mijë lekë të ardhura në muaj. Subvencionim në masën 50% për studentët që vijnë nga familje me të ardhura mbi 64 mijë në lekë.

Stazhe të paguara në masën 30 mijë lekë të reja në muaj, për 10 mijë studentë, çdo vit.

Do të fokusohemi tek orientimi i studentëve në degët për të cilat ka nevojë tregu i punës.

Fokus i veçantë tek teknologjia e informacionit, ekonomi dhe administrim biznesi, inxhinieri, mjekësi, agro dhe veterinari, turizëm etj.

Ne po punojmë që të kemi gati ashtu siç ju e keni kërkuar, një paketë lehtësirash financiare për bizneset që punësojnë të rinj dhe bizneset e themeluara nga të rinj.

Ne do ta nisim planin tonë duke çliruar energjitë dhe financat e marra peng nga një grusht oligarkësh dhe klientë të kryeministrit aktual, ne do ta nisim me anulimin e koncesioneve dhe PPP korruptive,- dhe paratë do të shkojnë për rritjen ekonomike, për nxitjen e punësimit dhe për arsimin

Ne do të bejmë gjithçka që tu krijojme mundesi te rinjëve të kenë mundësi të rrinë këtu, të kenë mundësi për punësim në Shqipëri dhe kushte për të ndërtuar jetën e tyre këtu me cilësi, vlera dhe standarde europiane.

Ashtu sikurse z.Kremer e preku pak më parë, në vend të zgjidhjes së problemeve që e mbajtën peng Shqipërinë, vetëm tre javë më parë dhe ndëshkuan padrejtësisht edhe Maqedoninë e Veriut,  kjo qeveri është e vendosur për të vazhduar kursin e përplasjes totale me vlerat që përbëjnë identitetin perëndimor të demokracive europiane. Nuk ka demokraci pa liri fjale. Nuk ka liri politike pa liri fjale. Kjo qeveri dhe ky kryeministër këtë të mërkurë do të paraqesin në Parlament dy projektligje që janë asgjë më pak se shpallje lufte ndaj fjalës së lirë. Asgjë nuk është e rastësishme, asgjë nuk po ndodh në mënyrë të befasishme.

Për vite me radhë Shqipëria ka rënë poshtë në indeksin e botëror të lirisë së medias. Vetëm vitin e kaluar, rënia është nga vendi 75 në 82 në Indeksin Botëror të Lirisë së Medias të botuar nga “Reporterët pa Kufij”.

Organizata prestigjioze botërore e gazetarëve “Reporterët pa Kufij” ka raportuar se Shqipëria gjatë vitit të kaluar një përkeqësim me 7 vende në Indeksin Botëror të Lirisë së Medias duke u pozicionuar në vendin e 82-të, menjëherë pas Salvadorit, Butanit, Panamasë dhe Lezotos. Duket qartë që kjo qeveria  do të fshehë e maskojë dështimet dhe abuzimet e saj nëpërmjet pengimit të lirisë së fjalës dhe censurimit të mediave.

Ja pse i duhet e ashtëquajtura paketa “Antishpifje” por në fakt “Antifjalë e lirë”.  Sepse vetëm tre vitet e fundit Shqipëria ka pësuar rënie nga viti 2016 në vitin 2019 në Indeksin e Perceptimit të Korrupsionit të Transparency International duke rënë nga vendi i 83-të në vendin e 91-të dhe pastaj në vendin e 99-të në këtë indesk.

Ja pse i duhet qeverisë Rama paketa ligjore “Anti-Fjalës së Lirë”, për të penguar daljen në shesh të korrupsionit dhe hajdutërisë  masive qeveritare, që po shtohet në Shqipëri edhe në këto ditë të emergjencës civile.

Në mesin e 180 shteteve të marra në shqyrtim për nivelin e integritetit, Shqipëria renditet në vendin e 99-të, në të njëjtin nivel së bashku me Kolumbinë, Filipinet, Tajlandën dhe Tanzaninë.

Raporti i të “Bërit Biznes”, i Bankës Botërore, përkeqësim nga vendi i 63-të në në vitin 2019 në vendin 82 në raportin e vitit 2020. Keq-qeverisja e Edi Ramës e karakterizuar nga shtimi i korrupsionit, nga kriminalizimi, nga neglizhenca dhe paaftësia totale me çdo politikë të shpallur e të pashpallur, kanë bërë që gjatë vitit të fundit vendi ynë të bëj 19 vende prapa në raportin përvitshëm të “Të Bërit Biznes” të nxjerrë nga Banka Botërore. Mes 190 shteteve të marra në analizë raporti i fundit e nxjerr Shqipërinë në vendin e 82-të për sa i përketë lehtësimit të të bërit biznes dhe tërheqjes së investimeve të huaja, menjëherë pas Mongolisë dhe Kirgizstanit. Kjo qeveri sjell vetëm varfëri, papunësi dhe emigracion dhe kjo është e vërteta e hidhur që Edi Rama dhe qeveria e tij do të mbulojë dhe shtrembërojë nëpërmjet paketës ligjore kundër fjalës së lirë.

Niveli i konkurrueshmërisë globale sipas raportit të përvitshëm të Ëorld Economic Forum të Davosit.

Në vitin 2017-75; në vitin 2018—76; 2019—81; kjo rënie në pikiatë i nivelit të konkurrueshmërisë e cila shkon dorë më dorë me largimin e investimeve të huaja, mbylljen e vendeve të punës që godet më rëndë se këdo rininë e Shqipërisë, e në veçanti rininë e kualifikuar, rininë që del nga dyert e universitetit. Kjo rënie është edhe një nga arsyet më të forta për të goditur lirinë e fjalës dhe të mediave. Sepse është bërë pothuaj e pamundur që të fshihet, kamuflohet apo manipulohet realiteti i prapambetjes ekonomike së vendit tonë nën këtë qeverisje të korruptuar dhe të dështuar. Raporti Global i Konkurrencës sivjet e ka nxjerrë Shqipërinë në vendin e 81-të, menjëherë pas Xhamajkas, Trinidad Tobago si dhe Republikës Dominikane.

Nismat ligjore për të penguar lirinë e shprehjes kanë vetëm një qëllim: të manipulojnë, të mbajnë të fshehura të vërtetat e gjendjes ku e ka katandisur kjo qeverisje vendin.

Indeksi i demokracisë i përpunuar nga njësia e inteligjencës e revistës prestigjioze “The Economist”, e ka nxjerrë sivjet Shqipërinë, “Regjim hibrid” edhe pse po mbushen tre dekada nga regjimi i diktaturës komuniste dhe tranzicionit të një shoqërie të hapur pluraliste. Sipas këtij raporti “Regjim hibrid konsiderohet kategoria e tretë e renditjes, pas “Demokracisë së plotë”, “Demokracisë me probleme” dhe para kategorisë së katërt dhe të fundit të “Të regjimit autoritar”, apo diktaturës.

Kjo analizë tregon se klasifikimi i Shqipërisë si një “Regjimi hibrid”, ndodh për shkak të mungesës së një qeverie funksionale, parregullsive të proceseve zgjedhore, niveleve të larta të korrupsionit, sundimit të dobët të ligjit dhe mungesës së një sistemi të pavarur të drejtësisë. Vlen të theksohet se treguesi ku vendi ynë merr më pak pikë është ai i funksionimit të qeverisë me 4.71 pikë si dhe që media shqiptare karakterizohet vetëm si “pjesërisht e lirë”.

Të dashur të rinj, dhëmb shifra e tmerrshme që tregon se vetëm nga emigraconi, për vitin 2018, humbja për ekonominë është 560 milionë euro, ndërkohë që në spitalet tona s’ka me mjek dhe infermier.

Prandaj në programin tonë ne parashikojmë të rrisim pagat e mjekëve deri në 1200 euro, ndërsa infermierëve në 700 euro. Vetëm në këtë mënyrë ne do te arrijmë të ndalim këtë katastrofë, të përmbushim nevojat e vendit me staf mjekësore dhe për tu dhënë shërbime kudo ku jetojnë bashkëqytetarët tanë.

Por, të dashur të rinj e të reja, nëse nuk arrijmë të sigurojmë votën e lirë, t’i japim fuqinë e vendimmarrjes dhe kontrollit, ndëshkimit dhe vlerësimit përmes votës qytetarëve, asnjëherë nuk do të mund të kemi një qeveri të përgjegjshme, që premtimet me të cilat merr votat, t’i bëjë realitet ose të largohet.

Prandaj, beteja jonë, beteja juaj, beteja e çdo shqiptari për votën e lirë është jetike për mirëqenien e qytetarëve, por dhe avancimin e Shqipërisë në rrugën drejt integrimit në BE.

Në kushtet e vendosura për Shqipërinë, garantimi votës së lirë është kryesori dhe kjo nuk mund te realizohet pa ndëshkuar politikanët që, në bashkpunim me krimin, blenë votat dhe shkatërruan proceset zgjedhore të 2016 dhe 2017-ës.

Ne kemi bërë propozimet tona, ne kemi ofruar bashkëpunimin tonë për reformën zgjedhore prej 4 muajsh, me një qëllim, për t’i hapur rrugë zgjedhjeve të lira dhe të ndershme, të parakohshme parlamentare dhe kushtetuese vendore në një ditë. .

Sot, në këtë ditë të përvjetorit të nëntë të lëvizjes së lirë është koha për të thënë qartë se ne kemi humbur shumë mundësi. Përveç miliardave, kjo qeveri i ka vjedhur popullit shqiptar 6 vite për të avancuar projektin tonë për Shqipërinë si Europa. Pranverën tjetër shpresojmë që një tjetër shans t’i jepet Shqipërisë. Deri ateherë, ne, Shqipëria, do të duhet të përmbushë detyrimet e saj. Kushtet e Bundestagut janë udhërrëfyesi ynë. Koha nuk pret. Është dëshmuar tashmë se me propagandë dhe shoë nuk ua hedh dot liderëve europianë. Nuk  ia hedh dot as Angela Merkelit, as Makronit, as Komisionit Europian. Rruga drejt Europës nuk kalon nga mashtrim, as nga propaganda e përditshme, por kalon nga reformat e vërteta, nga serioziteti dhe përkushtimi europian.

Pranda, është urgjent të nisë puna sa më parë, pasi koha në dispozicion është e shkurtër për zbatimin e kushteve të Bundestagut, ku prova kryesore janë zgjedhjet e lira dhe të ndershme.

Unë kam bindjen se këtë borxh që ua kemi shqiptarëve, këtë borxh që ia kemi rinisë sonë të mrekullueshme, dp të dimë ta shlyejmë së bashku, duke ecur përpara në betejën që nap ret, betejën për fjalën e lirë, betejën për Shqipërinë Europiane, betejën për zgjedhje të ira e të ndershme, që patjetër dhe me çdo kusht, do t’i fitojë rinia europiane, Shqipëria europiane.

Zoti e bekoftë Shqipërinë!

Zoti e bekoftë rininë!

Deklarata e fortë e zv. Sekretarit të PPE, Christian Kremer: Krimi i organizuar në Shqipëri ushqehet nga politika. PPE mbështet programin e PD

I ftuar për të dytin vit rradhazi në Akademinë Politike të FRPD, Christian Kremer,  zv/sekretar i Pergjithshëm i Unionit të Partive Popullore Europianeë ka vënë gishtin mbi plagën e krizës politike në Shqipëri që sipas tij është lidhja e krimi të organizuar me politikën.

Gjatë fjalës së tij në Tiranë, Kremer tha se krimi i organizuar për fat të keq vazhdon të ushqehet nga politika.

“Konstatoj për fat të keq që problemet janë të njëjta, sepse ne në Bruksel i dimë fare mirë problemet në vend. Për shembull çështja e ndarjes së krimit të organizuar nga politika, largimi i personave me rekorde kriminale nga postet publike. Megjithëse këto kanë qenë probleme madhore, kemi parë që asgjë nuk është zgjidhur deri tani. Krimi i organizuar ende ushqehet nga politika dhe jeta shoqërore dhe janë qytetarët e thjeshtë dhe të ndershëm që paguajë  këtë faturë. Prandaj PPE ka qenë e qartë, BE dhe komuniteti ndërkombëtar duhet të vazhdojë të ushtrojë presion në mënyrë që krimi i organizuar të luftohen Shqipëri.  Çështjet që kanë të bëjnë me drejtësinë vazhdojnë dhe problem të tjera të reja kanë dalë së fundmi për median”, – deklaroi Kremerë duke apeluar BE-në të ushtrojë presion ndaj Tiranës që të luftohet krimi.

Zv.sekretari i PPE preku edhe çeshtjen e hapjes së negociatave, duke garantuar mbështetjen e plotë të organizatës më të madhe politike në Europë.

“Me lejoni të them diçka në lidhje me pranimin në Bashkimin Europian. Lista e gjatë e problemeve të pazgjidhura nga kjo qeveri nuk ka ndihmuar në diskutimet tona në Brukselë por qëndrimi i PPE është  dhe ka qenë shumë i qartë. Megjithëse ka shumë probleme, ne e konsiderojmë një gabim të madh historik mos nisjen e bisedimeve me Maqedoninë e Veriut dhe Shqipërinë. Bashkimi Europian nuk është i plotësuar pa Ballkanin Perëndimor dhe pa Shqipërinë. Ju mund të mbështetni në solidaritetin tonë edhe në muajt në vijimë kur të trajtohet çështja e hapjes së negociatave me Bashkimin Europian”, – tha Kremer.

Duke folur në emër të Unionit të djathtë europianë Kremer  garantoi mbështetje totale për programin e Partisë Demokratike.

“PPE mbështet plotësisht propozimet PD për të zhvilluar ekonominë, për të krijuar vende pune dhe për të sjellë prosperitet ekonomik në mënyrë që ju si brez i ri të keni prosperitet në të ardhmen”, – deklaroi zv.sekretari i PPE.

Zv.sekretar i Pergjithshem i Unionit të Partive Popullore Europianeë Christina Kremer, në krye të fjalës së tij shprehu  dhimbjen dhe solidaritetin  për viktimat dhe të plagosur nga tërmeti i 26 nëntorit.

Apeli ndaj të rinjve i Ish-Kryeministrit Sali Berisha: Të ngrihemi fuqishëm. Emergjent një mision faktbledhës i  PPE për ngjarjet që ndodhin në Shqipëri. Tërmeti një fatkeqesi natyrore, Edi Rama fatkeqësi kombëtare.

Ish-Kryeminisri Sali Berisha i ftuar në Akademinë Politike të FRPD iu referua neglizhencës totale që qeveria po tregon në menaxhimin e situatës pas tërmetit me banorët e demtuar. Z. Berisha publikoi shifrën që qeveria ka akorduar për këë situatë dramatike, prej 60 mijë eurosh, një vlere qesharake, pasi fondi është përdorur vetëm për luks qeveritar.

Z. Berisha kërkoi nga Partia Popullore Europiane të sjellë deputetët e tyre në një mision faktmbledhës duke e konsideruar këtë emergjencë dhe shumë të rëndësishme për Shqipërinë si një vend ku zhvillimet shkojne jashtë ccdo imagjinate.

Berisha citoi Norbert Lammert, presidenti i Findacionit Conrad Adenauer dhe 12 vite kryetar i Bundestag, se “Demokracia është  rikthyeshme”.

“Ai solli shembuj, ju jeni të rinj, por për ata që kanë lexuar për Republikën e Vajmarit, për shkarjen e demokracisë gjermane në diktatutë, dhe mënyrën sesi ndodhi, fjala e prof.dr. Norbert lamert, ishte nje apel për ccdo të ri dhe ccdo shqiptar, sepse këtu-demokracia po rrëshket në kakistokraci, në një regjim që është vështirë të imagjinohet.

Nëse u them miqve të huaj që janë këtu se njeriu që kryeson ekzekutivin shqiptar vetëm javën e fudnit u është drejtuar mediave të vendit pse u tregojnë shqiptarëve të vërtetën për tëmetin dhe u drejtohet si qenefe televizive, unë po ikinnë Londer , u thotë qytetarëve, por ju hiqni sytë nga ato qenefe, u drejtohet gazetarëve si kazanë dhe hale, I thotë qenit që leh, mbylle atë analist, më thoni a ekziston diku ky standard në Europë apo OSBE? Druaj se përvecc Koresë së Veriut dhe Venezuelës një standard i tillë nuk ekziston. Ky person do të marrë në  1 janar kryesnë e OSBE-së. Ju jeni të rinj dhe ju utoj të mos keni armiq. John Kennedy thoshte dikur se tre janë armiqtë kryesorë të njeriut, tirania, sëmundja dhe varfëria. Nuk duhet të jemi iluzivë. Nëse më pyesini mua, armiku më i egër i njeriut është ai që dhunon fjalën e lirë. Ai është i aftë të kryejë ccdo krim. Ai nis me fjalën dhe mund të vazhdojë më ccdo gjë. Dhe ky në Shqipëri është Edi Ra. Ky është kthyer në genet e të atit. Nuk mbaj përgjegjës djalin për babën, por  kur djali manifeston në mënyrë identike paternëne  të atit, I ati i tij firmoste varjen në litar të poetit disident Havzi Nela në gusht të vitit 1988. I biti i tij në 2019 do të varë në litar portalet, mediat. Ka ccuar në parlament ligjin me të cilin sillet si xhelat ndaj fjalës së lirë. Ky është emergjencë kombëtare, aq sa është edhe tërmeti. Është emergjëncë për ta përmbysur sa më parë. Shumë mirënjohës për rezolutën që votoi Partia Popullore në Zagreb, por e konsideroj shumë emergjente të rëndësishme një mision faktmbledhës të deputetëve të Partisë Popullore sepse këtu ka zhvillime jashtë ccdo imagjinate, kur t’i njihni mirë, do të mund të na ndihmoni edhe më shumë.

​U jemi shumë mirënjohës deputetëve të Bundestag-ut, që kanë dhënë kontribut të jashtëzakonshëm në paraqitjen e ndershme dhe objektive të realitetit shqiptar, por duam që edhe nga grupi i Partive Popullore të vijnë, të shohin sesi një narkos, një njëeri që ka ndërtuar narkoshtet, se si bën spastrim etnik të Shqipërisë, se si ky njeri zbon dhe përzë të rinjtë shqiptarë nga Shqipëria me të gjitha mënyrat dhe është i lumtur që largohen.

Kam një grafik që tregon se nga 2008 deri në 2014 popullata në Shqipëri u rrit, dhe jo të bjerë, sepse këtu kishte shpresë. Sepse rruga për në Europë nuk u bllokua ndonjëherë kurse ky ka bllokuar rrugën për në Europë.

Nuk zbaton asnjë parim, asnjë standard. Ky pret që ju ta përmbysni një orë e më parë dhë misioni juaj duhet të jetë vetëm ky.

Ky po tuallet në mënyrën më cinike me mijëra shqiptarë që po vuajnë nga tërmeti.

Kur një qeveri vendos për gjendje të jashtëzakonshme, merr dy vendime, vendimi i parë janë forcat që ajo mobilizon për të mbrojtur qytetarët e vetë, vendimi i dytë janë paratë që ajo mobilizon, cakton nga buxheti për të plotësuar nevojat.

Ky ka caktuar gjithësej 62 mijë euro në 3 javë. Ky ëhstë kriminel, meriton të dërgohet menjëherë në gjykatë për talljen që bën.

Përulem përpara vullnetarizmit tuaj për të mbështetur qyetarët në nevojë

Një qeveri që në tre javë shpenzon për një gjendje të tillë dramatike gjithsej 60 mijë euro është një qeveri që kryen një krim të shëmtuar para popullit të vet.

Pse? Sepse fondin rezervë e ka përdur për luks dhe orgji.

Një pjesë e vrasjeve të tërmetit janë vrasje shtetërore. Sepse pallatet e Thukanës ishin të pabanueshme nga tërmeti i 21 Shtatorit. Ishin të pabanueshme dhe ata banorë, nëse sipas përcaktimjt të vetë qeverisë, do të ishin strehuar në një vend tjetër, do të ishin gjallë të 24-t.

E patë rasti e një gruaje të moshuar të cilës i biri i kishte blerë një shtëpi të vogel, e kishte tërhequr nga pallati duke e shpëtuar nga vdekja.

Kështu ishin një pjesë e pallateve në Durrës, kështu ishte konvaleshenca e policisë, ndërsa Rama, kalon në djetëra orë në ekan me sulme kundër mediave për të fshehur veprat e tij penale.

E kemi këtë emergjencë. Duhet të bëjmë gjithccka për të lehtësuar dhimbjet e mijëra shqiptarëve të goditur nga tërmeti.

Janë mijëra fëmijë që flenë në ccadra. E keni dëgjuar ndonjëherë të flasë për këtë problem?

Po, të bëjë poza me fëmijë në televizor ccdo ditë, po për ata që flenë në acar, e në ccfarë ccadrash, të improvizuara me lecka.

Nuk thotë një fjalë të vetme. S’paska Shqipëria kapacitete hoteliere për t’i sistemuar ata fëmijë kudo ku janë, me nënat e tyre në hotel derisa të dalë dimri?

Ai është shpirt katran, ai ccdo gjë që e bën, e bën për shou.

Të ngrihemi fuqishëm.

Tërmerti ishte fatjeqësi natyrore, Edi Rama është fatkeqësi kombëtare, sociale, politike, natyrore e të gjitha llojeve.”

Tobias Ruttershof drejtori i Fondacionit Konrad Adenauer per Shqiperinë: Ka një përceptim negative për të ardhmen, 80 % e të rinjve duan të ikin nga vendi

Tobias Ruttershof drejtori i Fondacionit Konrad Adenauer per Shqiperinë, duke folur në Akademinë Politike të Forumit Rinor të Partisë Demokratike, dha alarmin se 80 përqind e të rinjëve shqiptarë duan të ikin nga Shqipëria.

“Përceptimi negativ i realitetit është shumë domethënës dhe karakterizon shpresen për të ardhmen. Në bazë të anketave të ndryshme 80 përqind e të rinjëve shqiptarë kanë shprehur dëshirnë për tu larguar nga vëndi” , – u shpreh drejtori i KAS.

Ruttershof u bëri apel të injëve që mendojnë për të ardhmen dhe të besojnë në fuqinë e tyre.

“Ju keni fuqinë të ndryshoni diçka. Duhet të mendoni edhe për brezat e ardhshëm dhe përveç zgjedhjeve të ardhshme. Është një prej qellimeve tona për të mbështetur të rinjtë, sepse të rinjtë nuk janë vetëm të neveritur nga politika, por nuk kanë mundësinë të marrin pjesë në politikë”, – nxiti të rinjtë kreu i Konrad Adenhauer në Shqipëri. Ndërkohë që riktheu edhe njëherë çeshtjen e premtimeve të parealizuara të qeverisë për studentët që një vit më parë, kur zhvillohej kjo akademi ishin në protesta madhështore.

“Kur ishte vjet, ishin protestat dhe pamë sesi studentët mund të ndryshojne situaten. Qeveria e qetësoi vrullin e protestave, duke pranuar një pjesë të gjërave, por duhet të pyesim a janë vënë në jetë ato premtime. Prandaj nuk duhet të trembeni, të vazhdoni punën, që gjërat që ju janë premtuar të zbatohen”, – tha Tobias Ruttershof.

A:i premtoi mbështetjen e KAS, të CDU-së gjermane dhe Partive Popullore Europiane për Forumin Rinor të PD, të cilin e cilësoi alternativa që të rinjtë mos ta braktisin vendin.

“KAS, e jep kontributin e vet duke mbështetur para së gjithash Forumin Rinor të PD. Ju paraqisni një alternative që të rinjtë të mos bratisin vendin.  Kemi mbeshtetjen e CDU nga Gjermania dhe të EPP nga Brukseli”, – garantoi Drejtori i KAS, Tobias Ruttershof

Nathalie Herberger, në emër të sekretariatit te Marrëdhënieve me Jashtë të CDU:  Ju mbështesim në programin ekonomik për Shqipërinë

Duke folur në emër të Sekretarit për Mardhëniet me Jashtë në CDU, Nathalie Herberger nga Akademia Politike e FRPD, i bëri apel të rinjëve që të punojnë fort për të ardhmen e Shqipërisë, ndërsa deklaroi mbështetje totale për programin ekonomik dhe social të PD nga ana e CDU.

“Për CDU e rëndësishme të kemi marrëdhënie me Shqipërinë dhe me PD.  Ju keni vullnetin për të formuar të ardhmen e vendit tuaj. Partia ime ju mbështet dhe synon e dëshiron t’ju mbështesë edhe në të ardhmen. Të vazhdohet të thellohet procesi i demokratizimit jo vetëm në Shqipëri por edhe në Europë. Ju keni treguar me vepra se dëshironi ta afroni vendin tuaj me Europën. Ju jeni duke punuar për një program ekonomik dhe dua t’ju inkurajoj ta çoni përpara këtë. Ne të forumit rinor të CDU e shohim veten si motorin e partisë mëm, CDU dhe i japim forcë. Ju keni miq në Europë, keni miq në Bruksel dhe gjithashtu edhe në Gjermani dhe ne do të japim më të mirën për t’ju mbështetur ju që të mundësohet integrimi i Shqipërisë në BE në të ardhmen.  Në këto javë të vështira pas tërmetit, sesa keni kontribuar dhe qenë pranë personave në nevojë. Ju lutem vazhdoni punë, kontribuoni, trokisni tek ne nëse ju duhet ndihmë. Gjithmonë mund të mbështeteni dhe të keni shpresë për ndihmë nga CDU dhe Forumi Rinor i saj.”

Ikja e trurit, Kreu i FRPD, Belind Këlliçi jep alarmin: “Brain drain”, ikja e trurit te te rinjve e rendit Shqiperine ne vendin e pare ne Europe. 

Kryetari i Forumit Rinor të Partisë Demokratike, Belind Këlliçi, në cilësinë e organizatorit të Akademisë Politike, gjatë fjalës së tij të hapjes, vuri theksin tek situata emergjente me ikjen e të rinjëve nga Shqipëria. Sipas tij vendi ynë renditet në vendin e parë në Europë për ikjen e trurit të të rinjëve.

“Dua ta nis fjalen time me nje falenderim te madh per te gjithe te rinjte e te rejat antare te FRPD, nje pjese e mire e tyre studente te kesaj Akademie Politike, te cilet qe prej termetit te 26 nentorit, jane ne terren duke u ardhur ne ndihme banoreve me ushqime, veshmbathje, ilace dhe suport konstant njerezor. Natyrisht nevojat e tyre te medha pasi kane humbur gjithcka nuk i permbushim dot, por ama i kemi treguar se jemi me ta, jemi prane tyre duke u mundesuar qe te pakten te kene ushqim e nje batanije per te larguar ethet e te ftohtit. Per kete solidaritet meritoni mirenjohje nga cdo i ri sot ne vend.

Sic e permenda pak me lart, shume prej te rinjve aktive e non stop ne terren jane studente e maturante, nje pjese prej te cileve jane dhe ketu me ne sot ne kete Akademi Politike.

E mesa duket dhjetoret jane nje sfide e madhe per rinine Shqiptare, nga dhjetori 90 ku nisi renia e regjimit komunist, tek dhjetori 2018 ku rinia i dha nje goditje per fat te keq jo perfundimtare regjimit korruptiv dhe klientelist te Edi Rames dhe ketij dhjetori te sproves se madhe per cdo Shqiptar.

Te rinjte ishin padyshim ne lartesine e misionit te tyre!

Rinia ashtu si e gjithe shoqeria jone, po kalon prej vitesh momente shume te veshtira, probleme te cilat sa vine dhe shtohen.

“Brain drain”, ikja e trurit te te rinjve e rendit Shqiperine ne vendin e pare ne Europe.  35% e studenteve me nje diplome Bachelor dhe 30% e studenteve ne pergjithesi synojne te ikin jashte vendit, nderkohe qe niveli i gjendjes ekonomike te studenteve shqiptare eshte serish ne permasa alarmante krahasuar me vendet e tjera. Sipas raportit te Gallup mbi 79% e te rinjve ne Shqiperi deshironin te largoheshin ne 2018 per shkak te varferise, papunesise, perjashtimit social dhe korrupsionit.

Qeveria ne vend qe te adresoje kete fenomen shqetesues mundohet te manipuloje shifrat. Pershembull, per vitin 2019 niveli i papunesise tek te rinjte Sipas INSTAT eshte 20.9% , sipas ILO-s (Organizata Boterore e Punes), ky nivel eshte  32.8%, nderkohe qe sipas Anketes Kombetare “Rinia ne Shqiperi 2019”, 73% e te rinjve te intervistuar e kane adresuar papunesine si problemin e tyre me shqetesues dhe paresor.

Shume e shume te rinj kane mbetur pa shkolle pasi nuk jane ne gjendje te paguajne tarifat e shkollimit.

Renia e demokracise, mungesa e zgjedhjeve te lira dhe te ndershme, fenomeni i shitblerjes se votes, bashkepunimi i krimit me politiken, nje sistem drejtesie teresisht ne funksion te pushtetareve, cenimi i lirise se fjales, jane fenomene qe kane bere qe vendi yne te beje hapa pas, duke nxitur edhe me shume emigrimin e te rinjve dhe intelektualeve, fatkeqesisht dhe shtreses se mesme!

Por ne kete dhjetor te 2019 une jam shpreseplote se do te dime te jemi ne lartesine e misionit tone per ta shembur murin qe na ka rrethuar dhe per tu kthyer shqiptareve mundesite per te jetuar me mire, mundesine per arsim, per shendetesi cilesore, e mbi te gjitha per te ringritur demokracine mbi themele shume te forta, qe te mos kete termet korruptiv ta lekunde!

Shqiperise i duhet tashme nje lidership i ri, nje lidership ndryshe. E provuam keto vite modelin qe ofroi kjo qeveri dhe rezultatet i njihni ju edhe me mire se une. Kjo sprove, kjo sfide e ky besim i madh bie mbi ju Kryetar! Keto te rinj e mijra te rinj te tjere ne te gjithe Shqiperine, e kane humbur besimin tek lidershipi aktual i qeverise shqiptare dhe tek propaganda qe na ka mare frymen e shpresen.

Ndaj jam i bindur se ne programin qeverises te PD, shqetesimet dhe problemet e te rinjve do te zene nje vend kryesor, duke mundesuar keshtu si fillim rikthimin e normaliteti ne vend dhe mundesine qe te riflasim per programet “Brain gain”, e te rikthejme me te miret ne Shqiperi, pasi ky vend potencialin me te madh ka rinine e tij.”

 “Diskriminim, papërgjegjshmëri dhe dështim total”, Basha takohet me banorë të revoltuar në Laç. Banori rom rrëzon propagandën dhe spektaklin e Edi Ramës me të pastrehët nga tërmeti.

Banorët në Laç kanë denoncuar tek Kryetari i Partisë Demokratike diskriminimin e tyre nga qeveria dhe bashkia, duke i lënë ata pa strehim, pa ndihma dhe pa bonus qeraje. Shumë banorë të Laçit po ndihmohen nga Kisha e Laçit. “Me çuan në Shëngjin, por atje nuk kishte dhoma dhe më thanë rri në oborr jashtë” u shpreh një zonjë e moshuar, e cila, bashkë me një tjetër, pohon se bamirësja e vetme është Kisha.

Vetë objekti i kultit në Laç ka pësuar disa dëmtime, por askush nuk i është gjendur për të verifikuar situatën apo për të marrë në mbrojtje objektin 100 vjeçar. “Ekspertët e kanë parë pak, por thonë që nuk ka lekë. Ne na intereson më shumë të mos prishet dhe të zërë njerëzit brenda, se lekët”- thotë padre Ndue Toplana, në kishën e të cilit strehohen dhe ushqehen shumë banorë.

Edhe një banor i Shullazit dëshmoi për braktisjen nga shteti. “nuk ka organizim fare nga Bashkia, nuk na parë askush”- u shpreh ai, ndërsa një zonjë tjetër në moshë thotë se nuk jeton më në banesë e saj të dëmtuar, por nuk ka marrë akoma një vërtetim me shkrim për sigurinë e banesës.

Në Laç, kreu i opozitës takoi edhe një banor të komunitteit rom, të cilit Edi Rama, i premtoi dy ditë më parë se do t’i jepte zgjidhje problemit të tij me bonusin e qerasë. Ferdinand Rexhepi, i tregoi zoti Basha se problemi i tij vazhdonte të mbetej i pazgjidhur, megjithë premtimin e Ramës. “Deri dje kryeministri tha se do të të paguajmë qeran, bëra edhe takim me të, por asgjë. Mbase nuk duan t’ia dinë për romët, por të na largojnë, të paktën, na nxirrni jashtë shtetit”- u shpreh banori i revoltuar.

“Ti je shqiptar si gjithë shqiptarët e tjerë dhe shteti ka ndaj teje çdo detyrim që ka ndaj çdo shqiptari tjetër. Ajo që thua se “jam rom”, nuk ka të bëjë. Kjo që po të ndodh ty, po i ndodh të gjithëve në laç. Kam takuarmbi 50 vetë deri tani, asnjëri nuk ka marrë ndihmë nga shteti. Nuk ka lidhje rom apo jo rom. Këtu ka diskriminim ndaj Laçit, në tërësi dhe ka papërgjegjshmëri dhe dështim total. Prandaj kam ardhur. Të shoh gjendjen, të ngre zërin për ju dhe të bëj ç’është e mundur të ndryshojë situata sa më parë”- u shpreh zoti Basha.

• N/kryetari i PD Edi Paloka reagon pas urdhërarresteve: Rama e nxorri Gjushin prapë “akullore”.​ Në Durrës e di dhe qytetari më i fundit se Vangjush Dako është kryepergjegjës për këtë situatë.

REAGIM I N/KRYETARIT TË PARTISË DEMOKRATIKE, EDI PALOKA

Rama e nxorri Gjushin  prape “akullore”…!!!

Sipas drejtuesve te policise dhe prokurorise ne Durres ; pas “nje pune intensive, dy javore” u gjenden dhe “fajtoret” e katastrofes. Plot 17 urdher ndalime…

“Fajtoret” rezultokan  disa inspektore lagjesh, ndonje “ndertues informal” e me siguri do dalin dhe bojaxhinjte e pallateve!

Gjushit nuk i del emri kurrekund!!!

Ne Durres e di dhe qytetari me i fundit se Vangjush Dako eshte kryepergjegjes per kete situate, jo vetem se ka mbi dhjete vjet qe drejton si kryetar bashkie, por edhe sepse privatisht ka qene i implikuar direkt, me firmen e tij “3D” , ne ndertimin e shumices se pallateve te demtuara. Kete fakt e kane denoncuar dhe keto dite me dhjetra qytetare durrsak. Gjushi jepte lejet, Gjushi supervizonte, Gjushi jepte betonin e firmes se tij, Gjushi edhe ndertonte me firmen e tij !

Po pse atehere emri i Gjushit nuk del ne listen e polico-prokurorise se Durresit?!

Shume e thjeshte dhe e qarte per kedo; Gjushi ka mbrojtjen direkte te Rames i cili gjate gjithe kesaj kohe po kujdeset personalisht qe mos preken pergjegjesit e vertete, po si ne gjithe rastet e tjera, te mbyllen skandalet me ca “koka turku” nga rradhet e ushtareve.

Rama po kerkon ta nxjerre dhe nje here Gjushin “akullore” dhe kjo ben sens. Gjushin deri dje ne Durres e quanin “Bankomati i Rames” ! Ne fakt tanime eshte me prova se Gjushi e ka PAGUAR ( me kuptimin me te pare te fjales) imunitetin e tij, prandaj ne vend qe te ishte ne qeli, eshte rikthyer me urdher te Rames ne zyren e bashkise per te rregulluar “ATO LETRAT”

DEKLARATE E PARTISE DEMOKRATIKE

SKANDAL! Provohet abuzimi i qeverisë me bonuset e qerave për tërmetin. Militantët socialistë marrin qera të shumëfishta.

Bashkia e Durrësit publikoi pak ditë më parë familjet që përfitojnë bonuset e qerasë për shkak të dëmtimeve të shtëpive të tyre pas tërmetit të 26 nëntorit.

Në media janë publikuar shpesh herë akuzat e banorëve të Durrësit dhe zonave përreth, më të godituart ga tërmeti, se qeveria po i diskriminon ata banorë që njihen si kundërshtarë politikë, duke favorizuar deri në abuzim militantët e saj.

Një rast i tillë është provuar me Manzën. Ajo është një nga zonat më të godituar nga tërmeti, por shumë banorë vazhdojnë të flenë në çadra, ndërsa drejtuesit socialistë zhvasin bonuset e qerasë që nuk u takojnë.

Për Manzën janë dhënë 7 bonuse qeraje, 3 prej të cilave janë për familjen e Kryetarit të Partisë Socialiste të fshatit Radë, Armand Basha. Ai është njëkohësisht shpërndarës i ndihmave në Manzë dhe pronar i firmës së ndërtimit “Armandi shpk.”

Siç tregon dokumenti, bonus qeraje ka përfituar edhe babai i Kryetarit të PS, Hysni Basha, edhe ky ndërtues dhe gjyshi i Kryetarit të PS, Murat Basha.

Të tre këta jetojnë në një shtëpi, por paratë për qeranë e kanë marrë sikur të jetonin të ndarë për arsyen e vetme se drejtojnë Partinë Socialiste në zonën e manzës.

Mungesa e seriozitetit për vlerësimin e sigurisë së banesave të dëmtuara pas tërmetit është kthyer një nga shqetësimet kryesore në javën e tretë pas tërmetit. Disa banorë në Qerret të Katundit të Ri i treguan kryetarit të PD, Lulzim Basha, rastin e një akt eskpertimi të një shtëpie të verifikuar tre herë me rezultate të ndryshme. Për të shmangur marrjen e bonusit të qerasë, herën e tretë shtëpia ishte nxjerrë e banueshme, megjithëse pamjet tregojnë se mbahet në këmbë nga një shufër hekuri vertikale, e vendosur në kulmin e saj.  I zoti i shtëpisë shprehu shqetësimin për sigurinë e jetës, pasi akt ekspertimi nuk kishte lidhje me gjendjen e vërtetë të shtëpisë së tij.

“Shiko si e kanë bërë.- tha banori duke lexuar akt ekspertimin- Tjegull tulle. A ka tjegull kjo? Kjo është vetëm me soletë. Nuk e di se çfarë kanë qenë ata ekspertë! A kanë qenë çobanë delesh”.

Edhe në një shtëpi tjetër ka ndodhur një fenomen i ngjashëm. Për të mos u dhënë banorëve me shtëpi të dëmtuar rëndë bonusin e qerasë, shtëpia është shpallur e banueshme, pasi ishte verifikuar e pabanueshme më 21 Shtator dhe 26 Nëntor. Banorët ngritën shqetësimin se nuk u është dhënë asnjë akt ekspertimi zyrtar që verifikon gjendjen e sigurisë së shtëpisë, gjë që për kreun e opozitës përbën një akt të papranueshëm dhe të dënueshëm penalisht.

“Më e rënda nga të gjitha, është se në këtë gjendje ku është kjo shtëpia ju thonë të futeni brenda, por letrën nuk jua jep. Me një lëkundje kjo bie dhe ju zë brenda, siç ndodhi në Thumanë. Përfaqësuesit e bashkisë apo qeverisë nuk jua japin as me letër dhe thonë se u futën vetë brenda. Kjo është kriminale. Kjo është t’i vrasësh banorët. Ata që i kanë shpëtuar tërmetit t’i vrasë shteti. Kjo është! Gjëja e parë, ju në asnjë mënyrë nuk do të futeni brenda pa marrë një letër nga shteti. Dhe po morët letër nga shteti, do të vijnë ta vërtetojnë me specialistë, jo me nëpunës. Të vijë inxhinieri dhe ta firmosë. Sepse nuk ka inxhinier ta firmosë shtëpinë në këtë gjendje. Inxhinieri që firmos se kjo është e banueshme, shkon në burg. Dhe njerëzit që ju thonë futuni se është e banueshme, pa firmë, edhe ata do të shkojnë në burg. Edhe ata që ju thonë dhe i mësojnë që t’u thonë banorëve futuni në banesa të shkatërruara, edhe ata duhet të shkojnë në burg, nga i pari tek i fundit.”- u shpreh kreu i opozitës Lulzim Basha.

Në Katundin e Ri, pjesë e Bashkisë së Durrësit, dëmet në pallate dhe shtëpi private janë të mëdha, por edhe bashkia, edhe qeveria janë inekzistente. Banorët i treguan të revoltuar kryetarit të PD-së, Lulzim Basha, se askush nuk do t’ia dijë për ta, megjithëse pallati i tyre me dhjetëra familje rezulton zyrtarisht i pabanueshëm. “Akt konstatimi, 2 dhjetor, pallat i pabanueshëm nga rënia e tërmetit, firmosur nga Zhyljen Varfaj”- lexoi zoti Basha dokumentin zyrtar që i tregojnë banorët, të cilët pohojnë se nuk kanë marrë as bonuse për qeranë, as çadra për strehim. “U bënë kaq ditë nuk erdhi kush të na thotë ku banoni, a jetohet aty. Deri tani është strehuar vetëm 1 familje nga 1 shoqatë fetare.”- thanë banorët, duke pohuar se kanë nisur të futen sërish brenda në pallat dhe në shtëpi të dëmtuara, por të pacertifikuara për shkak të pamundësisë për të qëndruar në të ftohtë dhe shi.

Dukë u kërkuar banorëve të mos vënë në rrezik jetën, zoti Basha vuri në dukje se një sjellje e tillë e papërgjegjshme nga ana e qeverisë dhe bashkisë, mund të çojë në përsëritjen e tragjedisë së Thumanës. “Porosia ime si bashkëqytetar është mos u fusni në objekte të cilat nuk kanë certifikim. E kam parë me sytë e mi se çfarë ndodhi në Thumanë. Ajo që ndodhi në Thumanë ishte plotësisht e shmangshme. Nëse shteti do të kishte bërë detyrën e vet dhe do t’u kishte thënë atyre banorëve “mos u fusni”, ata 24 njerëz nuk do të ishin nën tokë. “- u shpreh Basha i shqetësuar nga situata e krijuar në katundin e Ri për shkak të neglizhencës dhe dështimit të qeverisë për të strehuar banorët.

“Duhet patjetër që çdokush të strehohet. Edhe verë po të ishte jo më në dimër është detyrë e shtetit të strehojë personat që kanë mbetur pa strehë. Jo vetëm që është prishur e rrënuar shtëpia, por edhe ata të cilët shtëpia u është konsideruar e rrezikshme dhe nuk u është dhënë akoma çertifikata e sigurisë. Por që të ndodhë kjo, gjëja e parë që duhet të ndodhë është që shteti të caktojë para’, prandaj është shpallur gjendja e emergjencës. Jo që të bëjë pelivanin nëpër Shqipëri, por të caktojë para dhe me ato para të merret banesa me qera dhe u jepet familjeve që kanë nevojë. Ai që ka në dorë sot buxhetin dhe vendimet, një gjë duhet të bëjë, të ndalë spektaklin mbi vdekjen, sepse ka filluar të bëjë spektakël me vdekjen, dhe t’u vijë në ndihmë njerëzve.”- tha Basha.

Në Katundin e Ri ka edhe një arsye tjetër pse banorët janë të revoltuar me qeverinë. Ata dëshmuan se që pas tërmetit, jetojnë me 2 orë drita në ditë, pasi energjia elektrike u ndërpritet sapo bie nata. “Jemi kthyer në kohën e qiriut”-tha një banor, ndërsa një tjetër, duke ngritur zërin tregoi se i paguante të gjitha taksat dhe faturat dhe nuk meritonte që ai dhe familja e tij të ndëshkohen pa arsye.

Kryetari i PD, Lulzim Basha, deklaroi në takime me biznese të prekura nga tërmeti në Durrës se ata duhet të përfitojnë lehtësi nga qeveria. Në mënyrë që të mos përballen me falimentimin, opozita ka propozuar një plan me 5 pika, që ofron lehtësi fiskale për biznesin, sipas përvojës së ndjekur nga Italia në situatë të njëjtë pas tërmetit në Aqulia.

“Të gjitha bizneset; bizneset e vogla, bizneset e Durrësit duhet të përfitojnë nga masa lehtësuese. Kështu ka ndodhur kudo kur janë goditur ekonomitë lokale nga tërmeti. Durrësi nuk është thjesht ekonomi lokale, është ekonomia e dytë më e madhe pas Tiranës. Po u fut Durrësi në kolaps ekonomik të thellë për shkak të tërmetit, se në kolaps ekonomik kemi qenë edhe përpara tërmetit, atëherë e merr gjithë Shqipërinë me vete. Prandaj kemi propozuar ato 5 masa:

1. Pezullim të faturave të energjisë dhe të ujit.
2. Pezullim të të gjitha taksave vendore, duke përfshirë taksën e pronës,
3. Pezullim dhe shtyrje e pagesës me këste të sigurimeve shoqërore dhe shëndetësore
4. Anulim i çdo takse të tatim-fitimit apo taksa të tjera për të gjithë kohën derisa situata të normalizohet.
5. Përjashtim nga TVSH për lëndët e para dhe materialet që përdoren për rikuperimin e dëmeve. “

Këto pesë pika i japin mundësi biznesit ta mbajë kokën mbi ujë”, – u shpreh zoti Basha.
Duke sjellë në vëmendje rastin e Italisë, kreu i opozitës vuri në dukje se nëse kjo paketë lehtësuese nuk zbatohet nga qeveria, biznesi do të vuajë pasoja të rënda.

“Veprimtaria juaj fiskale duhet pezulluar. Shteti s’mund t’ju marrë asnjë cent, s’mund t’ju tatojë gjatë kohës që ju nuk punoni. Dhe kjo nuk është mëshirë, kjo është normale. Si mund të tatosh një biznes që nuk punon për shkak të një fatkeqësie natyrore?! E dyta duhet të keni mundësinë që të mbështeteni në të njëjtën mënyrë si banorët dhe banesat për rimëkëmbjen e biznesit. Në Itali, ku ra tërmeti i madh para dy vjetësh, bizneset janë mbështetur deri në 100% të vlerës së dëmit, njësoj si banesat.”

Basha tha se në rast se nuk ndihmohet biznesi, atëherë gjërat vijnë zinxhir dhe pasojat e krizës i vuajnë të gjithë.

“Kur themi biznes krijojmë keqkuptime, biznes do të thotë punësim, është një zinxhir i tërë që është pas punës tënde; do të thotë fuqi blerëse, do të thotë punësim, do të thotë edhe buxhet. Në qoftë se nuk arrin dot të mbështesë biznesin do të dëmtosh të gjithë; do të dëmtosh të punësuarit, do të dëmtosh buxhetin e shtetit, do të dëmtosh edhe mundësinë e shtetit për të ardhur në ndihmë”, – deklaroi kreu i opozitës.

Paketa me 5 pika u propozua nga kryetari demokrat gjatë javës së shkuar pasi inspektoi bizneset e Durrësit, Krujës dhe qarkut të Lezhës, të cilët kanë pësuar dëme të mëdha materiale dhe për shkak të ndërprerjes së punës dhe largimit të forcës punëtore.

“Kjo situatë e pasigurisë është e papranueshme, sepse po hyjmë në javën e tretë. Duhet të ketë qartësi se çfarë po ndodh, dhe qartësia fillon me vlerësimin e çdo banese. Pa vlerësuar banesat, ju nuk mund të keni qartësi. Tani këta duhet të transferojnë fondet, se nuk ka gjendje emergjence pa fonde. Të marrin ato 150 milionë dollarë të oligarkëve dhe t’i kalojnë në dispozicion të situatës së tërmetit.

• Ish-deputeti Ervin Salianji pas pretencës së Prokurorisë: Prokuria politike lexoi fiks atë që tha Rama ditën që doli përgjimi për Xhafajn.

• N/kryetari i PD, Edmond Spaho: Akuza e mbrojtur nga prokurorë politikë, shwrbëtorë besnikë të maxhorancës.

DEKLARATA E ISH-DEPUTETIT ERVIN SALIANJI

Ervin Salianji: Në shumë raste që kam dalë në publik, por edhe në shumë raste që kam qenë me ji, shpesh në gjykatë jam bërë edhe unë pothuajse si ju korespondent në gjykata.

Janë sulme tërësisht politike. Nuk pati asnjë fakt, provë të re. Pati vetëm një devijim të çështjes, nga dënimi për trafik ndërkombëtar droge të vëllait të ish-ministrit të Brendshëm Fatmir Xhafaj, drejt një gjasme pretence, ku prokuroria në këtë rast u bë pjesë më llumin.

Por pa diskutim asnjë intrigë, pabesi, tradhti, nuk ia del të fshehë të drejtën dhe të vërtetën. E sigurt është sot që shqiptarët kanë një person të dënuar me 7 vite e 4 muaj që po vuan dëbimin, ish-ministrin, vëllain e vet të larguar nga detyra dhe pa diskutim demaskimin e një prokurorie politike e cila lexoi fiks atë që tha kryeministri ditën që doli përgjimi. Dhe pa diskutim të gjitha ato që ka thënë avokati i Xhafajt.

Edhe sot pala që përfaqësonte Xhafajn, kishte të njëjtin qëndrim me prokurorinë, nuk i hoqi asnjë presje.

Në komunikime të mëtejshme, pa diskutim që do të rikthehem për çdo akt që ka cituar prokuroria politike, duke mos marrë asnjë provë parasysh nga ato që kemi paraqitur, jo vetëm për të çuar para përgjegjësisë penale për trafik ndërkombëtar droge Agron Xhafajn.

Jo vetëm për të çuar për shpërdorim detyre për lehtësimin e veprës penale për trafik droge të Fatmir Xhafajt, por pa diskutim për të arrestuar prokurorët e çështjes, të dy të larguar nga vettingu, prokurorët e parë që janë marrë me këtë çështje, si Gent Osmani, si Përparim Kulluri.

Këta të dy që janë sot, do ta shihni nga vettingu apo nga të dhënat që do të bëjmë ne publike.

Duhet thënë se kjo nuk është drejtësia e re, janë prokurorë të drejtësisë së vjetër të përfshirë në llumin dhe batakun e korrupsionit. Pa diskutim që në fund të ditës do të fitojë e mira dhe e drejta, dhe do të shihni se ajo që kemi publikuar dhe që tani më, janë marrë vendimet e domosdoshme dhe të duhura publike.

Pyetje: Në fund të seancës u kërkua dënimi juaj. Çfarë do të presim në fund të ditës?

Ervin Salianji: Pa diskutim sot nuk u deklarua dënimi im. Dënimi është kërkuar që në momentin kur kam bërë publik këtë rast, por edhe në shumë raste të tjera. Pa diskutim që askush nuk do tja dalë as të më mposhtë dhe as të më frikësojë. Pa diskutim që jo e jo të më izolojë apo të arrijë në konkluzione që nuk bazohet mbi prova, por mbi dëshirat personale të përfaqësuesve të Partisë Socialiste, Ramës, Xhafajt, Ballës apo kujtdo tjetër.

DEKLARATA E N/KRYETARIT TË PD, EDMOND SPAHO, PAS SEANCËS PËR SALIANJIN NË GJYKATËN PENALE

Edmond Spaho: Nuk pati asnjë surprizë nga pretenca e Prokurorisë, të vendosur në qëndrimin e tyre për t’i shkuar linjës së kryeministrit Rama. Një akuzë thellësisht politike, e montuar, madje dhe qesharake.

Nga sa kuptuam nga referimi i Prokurorisë viktima kryesore e këtyre veprimeve paska qenë Fatmir Xhafa, ish ministri i Brendshëm i maxhorancës. Konkluzion të cilin e konfirmoi edhe avokati i tij. Një akuzë e mbrojtur nga prokurorë politikë, veçanërisht nga prokurori Kolë Hysenaj, shërbëtor besnik i maxhorancës i cili mendon të kalojë vetingun duke luftuar ashpër PD dhe drejtuesit e saj.

Kjo prokurori nëse do të kishte një fije integritet, do të duhej të kishte përfunduar hetimin se si u largua trafikanti Geron Xhafa brenda 24 orësh në Itali, do të duhej të kishte hetuar ekspertizën që gjoja bëri Kryeministri i vendit dhe deklaroi që “ishte regjistrim falso”.

Jetojmë në një vend të cilit i kërkohet që të hetojë dhe të vejë pas hekurave lidhjet e krimit të organizuar, trafikantëve në nivelet më të larta qeveritare.

Në fakt me gjyqin e sotëm pamë sesi trafikantët, mafia, krimi i organizuar në bashkëpunim me nivelet më të larta qeveritare përpiqen të dënojnë denoncuesit, ata të cilët sakrifikojnë edhe integritetin personal në interes të vendit dhe të kësaj qeverie.

Faleminderit!