Demokratët Euroatlantikë - Partia Demokratike

22 Kor

0

“Eksporti më i madh i Ramës, rinia shqiptare”, Basha: Trajnime, stazhe të paguara dhe 4 kampuse kombëtare për teknologjinë e informacinit, një ekonomi të re për brezin e ri

by PD in Lajmi fundit

Kreu i Demokratëve Euroatlantikë, Lulzim Basha, ka prezantuar ofertën e forcës së tij politike për rininë shqiptare.

NextGen është pjesë e programit të Partisë Demokratike për zgjedhjet e ardhshme, i cili parashikon trajnime dhe praktikë punë të paguar 1 vjeçare për të marrë një profesion per 10 mijë të rinj pas shkollës së mesme, për ata që nuk vazhdojne universitetin, por edhe për student të sapo diplomuar, si urë lidhëse mes shkollës dhe tregut të punës.

Një tjetër pjesë e rëndësishme e programit parashikon ngritjen e 4 Kampuseve kombëtare, ku do të trajnohen 25 mijë te rinj në fusha prioritare të teknologjisë së informacionit dhe programimit, duke i dhënë hov një ekonomie të re për brezin e ri, që sipas Bashës kanë qenë eksporti më i madh i qeverisë Rama.

“Eksporti më i madh i Edi Ramës është rinia shqiptare. Me programin e demokratëve euroatlantikë, do nxisim një ekonomi të re për brezat e rinj. Një urë lidhëse midis botës së punës dhe arsimit, ku asnjë i ri dhe e re nuk do të mbetet pa studiuar për shkak të pamundësive ekonomike. Ky është plani ynë NextGen për rininë shqiptare, e cila meriton më shumë”- shkruan Basha.

Në videon e shpërndarë nga kreu i Demokratëve Euroatlantikë, Basha shprehet se asnjë i ri dhe e re shqiptare nuk do të mbetet pa studiuar për shkak të pamundësive ekonomike.

“Një komb që nuk garanton rininë vdes. Kombi shqiptar do të përparojë e do të zhvillohet përmes zhvillimit dhe përparimit të rinisë shqiptare. Asnjë i ri dhe e re shqiptare nuk do të mbetet pa studiuar, për shkak të pamundësive ekonomike të familjes së tij, apo të saj. 10 000 të rinj do të përfitojnë stazhe me pagesë pas përfundimit të shkollës së lartë, si një urë mes shkollës dhe tregut të punës. Angazhimi ynë është që rinia shqiptare të ketë të drejtën dhe mundësinë të arsimohet të marrë profesione konkurruese në një treg të zhvilluar dhe të garantojë një jetë të mirë për veten e tyre, familjet e tyre dhe mbarë shoqërinë” – u shpreh Basha.

21 Kor

0

Basha: Me taksën e sheshtë 9% i japim fund tiranisë mbi shtresën e mesme dhe sipërmarrjen, sigurojmë mirëqenie për familjet shqiptare

by PD in Lajmi fundit

Kreu i Demokratëve Euroaltantikë, Lulzim Basha, ka rikonfirmuar angazhimin e bërë publik në Kuvendin Programor të 1 qershorit për taksën e sheshtë. Plani ekonomik i demokratëve euroatlantikë, parashikon taksën e sheshtë 9%, tatim fitimi 9%, tatim për të ardhuart personale 9%, dividendi me taksën e sheshtë 9% edhe për profesionet e lira, që sipas Lulzim Bashës fuqizon sipërmarrjen dhe profesionet e lira, duke sjellë mirëqenie dhe zhvillim ekonomik për familjet shqiptare.

“Kostot e papërballueshme të jetesës, taksat e larta, arbitrariteti i qeverisë, klientelizmi që vret konkurrencën, korrupsioni që pamundëson zhvillimin ekonomik, janë problemet reale që prekin jetën e çdo shqiptari. Prandaj dhe përkushtimi ynë shkon i gjithë për zgjidhjen e tyre, përmes një programi ambicioz, me të cilin synojmë rritjen e mirëqenies dhe krijimin e mundësive për të gjithë shqiptarët pa dallim.

Plani i demokratëve euroatlantikë për ekonominë, me taksa të ulta, miradministrim dhe transparencë, çliron potencialin e vendit, zhvillon sipërmarrjen, nxit punësimin, forcon shtresën e mesme, rrit të ardhurat dhe fuqinë blerëse të familjeve shqiptare. Shqipëria meriton më shumë”- shkruan Basha.

Në videon që ka shpërndarë, një inxhenier i ri tregon barrën e rëndë fiskale që dëmton shtresën e mesme. Për Bashën kjo është një tirani e qeverisë ndaj shtresës së mesme që do t’i jepet fund shumë shpejt.

“Ne do t’i japim fund tiranisë mbi shtresën e mesme dhe sipërmarrjen shqiptare. Me 9% taksën e sheshtë mbi tatim fitimin dhe mbi tatimin mbi të ardhurat personale, ne do të garantojmë fuqizimin e sipërmarrjes shqiptare dhe të profesioneve të lira. Kjo do të sjellë mirëqenie ekonomike dhe zhvillim ekonomik për familjet shqiptare dhe për Shqipërinë” – tha Basha.

21 Kor

0

Atentati me tre viktima në Memaliaj/ Myzafer Elezi: Kjo ngjarje tregon se qytetarët nuk mund të jenë të sigurt në jetën e përditshme, është e papranueshme

by PD in Lajmi fundit

Atëtari i Kryesisë së Demokratëve Euroatlantikë, ka reaguar për ngjarjen e rëndë në Memaliaj ku humbën jetë tre qytetarë. Me anë të një postimi në facebook, Elezi shprehet se kjo ngjarje është një tjetër tregues i dështimit të qeverisë dhe Ministrisë së Brendshme për të garantuar sigurinë e qytetarëve të saj.

Ai gjithashtu shprehet se krimi ka marrë në dorë situatën e rendit në vend, ndërsa qeveria tregon paaftësi të plotë për të siguruar rendin dhe qetësinë për qytetarët. Sipas Elezit, ngjarje të tilla tregojnë se qytetarët nuk mund të ndihen të sigurt në jetën e përditshme, dhe kjo është e papranueshme.

Më poshtë postimi i plotë:

Të nderuar qytetarë,
Sot u zgjuam me lajmin e rëndë të një ngjarjeje tragjike të ndodhur në Memaliaj, ku tre persona janë vrarë dhe një tjetër është plagosur në një lokal në qendër të qytetit nga persona të paidentifikuar. Kjo është një ngjarje që trondit të gjithë qytetarët dhe kërkon një reagim të menjëhershëm dhe të vendosur nga institucionet përgjegjëse.

Në radhë të parë, shpreh ngushëllimet e mia më të sinqerta për familjet e viktimave dhe uroj shërim të shpejtë për të plagosurin.
Por ngushëllimet nuk mjaftojnë.

Kjo ngjarje është një tjetër tregues i dështimit të qeverisë dhe Ministrisë së Brendshme për të garantuar sigurinë e qytetarëve të saj.
Krimi ka marrë në dorë situatën e rendit në vend, ndërsa qeveria tregon paaftësi të plotë për të siguruar rendin dhe qetësinë për qytetarët. Në 11 vite qeverisje, kjo qeveri është treguar e paaftë për të ofruar rend dhe siguri publike.

Ngjarje të tilla tregojnë se qytetarët nuk mund të ndihen të sigurt në jetën e përditshme, dhe kjo është e papranueshme.
Është ironike që vetëm ditën e djeshme, Ministri i Brendshëm prezantoi ndryshimet e ligjit për Policinë e Shtetit, një veprim që u kritikua gjerësisht nga opozita dhe shoqëria civile. Në vend që të përmirësojë sigurinë e qytetarëve, ky ndryshim ligjor duket se ka për qëllim rritjen e kontrollit të qeverisë mbi policinë, duke e larguar më tej nga misioni i saj kryesor – mbrojtja e jetës dhe pronës së qytetarëve.

* Pse nuk janë marrë masa të mjaftueshme për të parandaluar këto krime të tmerrshme?
* Ku janë patrullat policore që duhet të sigurojnë rendin dhe qetësinë në komunitet?
* Pse duhet të jetojmë me frikë për jetën tonë dhe të afërmve tanë?

Veçanërisht në sezonin e verës, kur vendi ynë pret një numër të madh turistësh, ngjarje të tilla janë një goditje e rëndë për imazhin e Shqipërisë. Turistët vijnë për të shijuar bukuritë natyrore dhe kulturën tonë, por në vend të kësaj, ata përballen me terror dhe pasiguri. Kjo është e papranueshme dhe tregon një dështim të plotë të qeverisë për të ofruar siguri.
Një qeveri e korruptuar, me ministra dhe ish-ministra në burg, nuk mund të jetë e besueshme për qytetarët dhe as e aftë për të vendosur rend dhe për të luftuar krimin.
Korrupsioni në nivelet më të larta të qeverisjes është një tjetër tregues i dështimit të kësaj qeverie për të mbrojtur qytetarët dhe për të ofruar një mjedis të sigurt dhe të drejtë për të gjithë.

Në emër të Partisë Demokratike – Demokratët Euroatlantikë kërkojmë një hetim të plotë dhe të pavarur mbi këtë ngjarje, dhe kapjen e menjëhershme të autorëve të këtij krimi të rëndë. Po ashtu, kërkoj që të rishikohen dhe forcohen politikat e sigurisë për të siguruar që ngjarje të tilla të mos përsëriten më kurrë.
Qeveria dhe Ministria e Brendshme duhet të mbajnë përgjegjësi për këtë gjendje alarmante dhe të ndërmarrin masa të menjëhershme për të përmirësuar situatën e sigurisë publike. Ndryshimet ligjore që janë bërë duhet të rishikohen dhe të sigurohet që çdo veprim i marrë është në interesin e mbrojtjes së qytetarëve, dhe jo për qëllime politike.
Mjaft më me propagandë dhe premtime boshe.

20 Kor

0

Stuhia shkatërroi serat në Berat/ Basha apel Ministrisë së Bujqësisë: Nisni menjëherë raportin e dëmeve dhe kompensoni fermerët

by PD in Lajmi fundit

Kreu i Demokratëve Euroatlantikë, Lulzim Basha, ka shpërndarë një video në facebook nga dëmet që ka shkaktuar stuhia e djeshme në sera dhe të mbjella në qarkun e Beratit. Ai shkruan se dëmet nga fatkeqësitë natyrore që përsëriten çdo vit, ndërsa ndihma është zero.

Basha i bën apel Ministrisë së Buqësisë që në këto orë kritike të nisë menjëherë një raportim të dëmeve dhe të shqyrtojë të gjitha mundësitë për të kompensuar dëmet e pësuara nga fermerët.

Postimi i plotë i Bashës:

Këto janë orë të vështira për fermerët e Qarkut të Beratit, pasi stuhia e djeshme shkaktoi dëme të konsiderueshme në serat e tyre, me pasoja të rënda edhe për të mbjellat, që janë fryt i punës dhe sakrificës së mijëra familjeve fermere.

Dëmet nga fatkeqësitë natyrore përsëriten çdo vit, ndërsa ndihma është zero.

Bujqësia jep 20% të prodhimit të brendshëm, por fermerët janë pa rrugëzgjidhje, në mëshirë të fatit, sepse prioriteti i qeverisë Rama është korrupsioni, që ka arritur deri në grabitjen e fondeve të BE-së për fermerët.

Në këto orë kritike, apeli im urgjent është për Ministrinë e Bujqësisë, e cila ka për detyrë të nisë menjëherë një raportim të dëmeve dhe të shqyrtojë të gjitha mundësitë për të kompensuar dëmet e pësuara nga fermerët.

20 Kor

0

No Title

by PD in Lajmi fundit

Basha shpalos programin e Demokratëve Euroatalntikë për bujqësinë: Qeveria Rama vodhi fondet e BE për fermerët. 100 milionë euro subvencione për të dalë nga kriza

Kreu i Demokratëve Euroatlantikë, Lulzim Basha, ka shpalosur programin për bujqësinë përmes një videomesazhi në të cilin konfirmon angazhimet e bëra publike në 1 qershor, në Kuvendin Programor të Partisë Demokratike.

Sipas Bashës fermerët shqiptarë janë më të diskriminuarit në Ballkan, jo vetëm për shkak të korrupsionit me fondet e BE-së për bujqësinë, por edhe prej mungesës së mbështetjes dhe prioriteteve të gabuara të qeverisë Rama.

Programi i Demokratëve Euroatlantikë parashikon subvencione të drejtpërdrejta çdo vit në shumë e 100 milionë eurove, si dhe investime për infrastrukturën në zonat rurale prej 50 milionë eurosh, përmes të cilave synohet nxjerrja e sektorit nga kriza në të cilën ndodhet.

Postimi i Bashës:

Fermerët shqiptarë janë më të diskriminuarit në Ballkan, jo vetëm për shkak të korrupsionit të qeverisë Rama, e cila ka vjedhur edhe fondet e Bashkimit Europian për fermerët, por edhe prej mungesës së mbështetjes dhe prioriteteve të gabuara në sektorin që punëson 33% të shqiptarëve.
Bujqësia meriton më shumë, fermerët meritojnë më shumë dhe përmes programit të demokratëve euroatlantikë do të kenë mbështetjen që meritojnë. 100 milionë euro subvencione të drejtpërdrejta çdo vit, si dhe 50 milionë euro për zhvillim infrastrukture për fermat dhe zhvillimin rural, do rrisin prodhimin dhe mirëqenien e 150 mijë familje fermere.
Shqipëria meriton më shumë!

Në komentin mbi problematikën e prezantuar nga fermeri, Basha deklaron se me alternativën e Demokratëve Euroatlantikë, fermerët do të kenë akses të garantuar në tregjet e brendshme dhe ndërkombëtare.

“Fermerët shqiptarë janë më të diskriminuarit në Ballkan. Me planin tonë, kjo merr fund. Me subvencione të drejtpërdrejta për fermerët – 100 milionë euro. Me investime për infrastrukturën në zonat rurale prej 50 milionë eurosh. Dhe me aksesin e garantuar në tregjet e brendshme dhe tregjet ndërkombëtare fermeri shqiptar do ta ngrerë kokën. Toka dhe puna e tij do të kthehet në mirëqenie për qindra e mijëra fermerë, familjet e tyre dhe ekonominë e Shqipërisë.”

19 Kor

0

Basha reagon ndaj akuzave të Berishës: Riciklimi i akuzave sot, për të hequr vëmendjen nga pazari për vulën e PD-së, që u vërtetua sot

by PD in Lajmi fundit

Kreu i Demokratëve Euroatlantikë, Lulzim Basha, ka reaguar në lidhje me akuzat e Sali Berishës i cili e akuzoi se ka dprë në “non grate-n” nga Britania e Madhe. Me anë të një postimi në facebook, Basha tha se mashtrimet që riciklohen nga kati i 8-të janë dallaveret e rradhës për të fshehur pazarin me Ramën për mbylljen e listave dhe me vendimin e 11 qershorit.

Sipas tij, këto akuza vijnë kur Gjykata ka dhënë argumentin më qesharak për skandalin e vendimit të 11 qershorit, ai mundohet të riciklojë shpifje për të fshehur këtë pazar të ndyrë me Edi Ramën dhe oligarkët e përbashkët.

Basha më tej shprehet se akuzat e lodhura të cilat janë hedhur poshtë edhe me vendim Gjykate në Britani të Madhe, nuk davarisin dot duhmën që lëshon marrëveshja e tij me Edi Ramën, që kundërmon brenda dhe jashtë vendit.

Reagimi i plotë i Bashës:

Mashtrimet që riciklohen nga kati i 8-të nuk janë gjë tjetër veçse dallaveret e rradhës për të fshehur pazarin me Ramën për mbylljen e listave dhe vendimin e 11 qershorit.
Në ditën kur Gjykata ka dhënë argumentin më qesharak për skandalin e vendimit të 11 qershorit, ai mundohet të riciklojë shpifje për të fshehur këtë pazar të ndyrë me Edi Ramën dhe oligarkët e përbashkët.
Pazari për Amnistinë, pazari skandaloz për vulën dhe sabotimi i Reformës Zgjedhore janë gjyle në këmbën e shqiptarëve dhe demokratëve, që duan drejtësi dhe një Reformë Zgjedhore të vërtetë.
Akuzat e lodhura të cilat janë hedhur poshtë edhe me vendim Gjykate në Britani të Madhe, nuk davarisin dot duhmën që lëshon marrëveshja e tij me Edi Ramën, që kundërmon brenda dhe jashtë vendit.

19 Kor

0

Zbardhja e vendimit nga Gjykata e Apelit, reagon Basha: Rekurs të menjëhershëm në GJL, nuk e pranojmë padrejtësinë

by PD in Lajmi fundit

Kreu i Demokratëve Euroatlantikë, Lulzim Basha, ka reaguar pas zbardhjes së vendimit për vulën nga Gjykata e Apelit. Në një postim në facebook, Basha shprehet se vendimi i hap rrugë rekursit tonë të menjëhershëm në Gjykatë të Lartë.

Reagimi i plotë i Bashës:

Zbardhja e vendimit skandaloz të 11 qershorit, i hapë rrugë rekursit tonë të menjëhershëm në Gjykatë të Lartë.
Ne nuk e pranojmë padrejtësinë.
Shqipëria meriton më shumë.

19 Kor

0

“Popullsia ulet, administrata fryhet”, Mirela Karabina: Qeveria përdor të punësuarit vendorë si armatë elektorale për vota

by PD in Lajmi fundit

Zëdhënësja e Demokratëve Euroatlantikë, Mirela Karabina, në një deklaratë për emdiat është shprehur se rezultati i Reformës Teritoriale që u bë me pretekstin se do të rriste efikasitetin duke ulur numrin e njësive, nga ana tjetër u bë e kundërta e asaj që synohej.

Karabina shprehet se në vitin 2015 numri i të punësuarve buxhetorë në njësitë e qeverisjes vendore ishte vetëm 20 mijë, ndërsa në vitin 2023 është rritur në 37 mijë. Dhe kjo rritje sipas saj, vjen në një kohë kur vendi po shpopullohet për shkak të korrupsionit të qeverisë dhe qytetet janë zbrasur, numri i të punësuarve në pushtetin vendor vazhdon e rritet.

Karabina më tej thotë se ky raport jo proporcional i largimit nga vendi dhe rritjes së të punësuarve ka vetëm një shpjegim të qartë, përdorim nga qeveria të të punësuarve vendorë si armatë elektorale për vota për të ruajtur pushtetin.

DEKLARATA E ZËDHËNËSES SË DEMOKRATËVE EUROATLANTIKË, MIRELA KARABINA

Investime të munguara dhe rritje dramatike të numrit të punonjësve në bashkitë e vendit.

Ky është rezultati i Reformës Territoriale të dështuar të Edi Ramës të ndërmarrë dhjetë vite më parë. Reforma u bë me pretekstin e rritjes së efikasitetit administrativ përmes uljes së numrit të njësive dhe çlirimit të fondeve për përmirësim të shërbimeve të pushtetit vendor, ndërkohë që u bë pikërisht e kundërta e asaj që synohej.

Para reformës së vitit 2015 numri i të punësuarve buxhetorë në njësitë e qeverisjes vendore ishte vetëm 20 mijë, ndërsa në vitin 2023 është rritur në 37 mijë. Numri i punonjësve u rrit me 12% më 2023 kundrejt vitit 2019, dhe me një rritje gati prej 90% në krahasim me vitin 2015.

Në një kohë që vendi po shpopullohet për shkak të korrupsionit qeverisës dhe qytetet janë zbrasur, numri i të punësuarve në pushtetin vendor, është rritur.

Ky raport jo proporcional i largimit nga vendi dhe rritjes së të punësuarve ka një shpjegim të qartë, përdorim nga qeveria të të punësuarve vendorë si armatë elektorale për vota për të ruajtur pushtetin.

Në vend të rritjes abuzive të numrit të punonjësve për interesa pushteti, duhet të investohet në shërbime për qytetarët: në ujësjellësa me qëllim sigurimin e ujit 24 orë; investime në kanalizime që qytetetet mos përmbyten me një gisht ujë; në pastrim dhe mirëmbajtje të qytetit; në menaxhim dhe përpunim të mbetjeve që djegia e tyre mos ndotë ambjentin dhe të vë në rrezik jetën e qytetarëve, investime në çerdhe, kopshte, shkolla me parametra jetikë të hapsirës, ajrit, ngrohjes dhe kushteve normale të mësimit e shumë shërbime të tjera, funksione të pushtetit vendor.

Por qeveria e korruptuar si kjo e Edi Ramës nuk mund ta bëj këtë shërbim për qytetarët, pasi qëllimi i saj është përfitimi në kurriz të tyre.

Skemat mafioze të vjedhjes së fondeve publike përmes korrupsionit të incerenatoëve apo kompanive 5D janë dëshmi e qartë e babëzisë për të vjedhur dhe plaçkitur qytetarët dhe gjithë burimet e mundshme.

Ҫdo ditë që kalon nën qeverisjen e Edi Ramës, është një kosto e lartë për qytetarët dhe vendin.

Qytetarët meritojnë shërbime për një jetë të mirë, të sigurtë dhe dinjitoze.

Alterantiva jonë për të adresuar problemin dhe zgjidhur atë, do të kthejë vendin në normalitet dhe do t’i hapë rrugë zhvillimit.

Qytetarët meritojnë më shumë.

Shqipëria meriton më shumë.

19 Kor

0

Programi i Demokratëve Euroaltantikë/ Basha: Fondi për Mirëqenie ndihmon familjen shqiptare për të përballuar kostot e rritura të jetesës

by PD in Lajmi fundit

Kreu i Demokratëve Euroatlantikë, Lulzim Basha, ka shpërndarë një pjesë të programit të prezantuar në 1 qershor, në Kuvendin Programor të Partisë Demokratike. Përmes një videomesazhi, Basha ka shpalosur pikat e programit të dedikuara familjes shqiptare, përmes atij që tashmë njihet si “Fondi për Mirëqenien e Familjes”, i cili përmban propozime konkrete që adresojnë problematikat bushtit të shoqërisë.

Në programin e hartuar nga mbi 100 ekspertë vendas e të huaj, të revizionuar nga ekspertët gjermanë të CDU-së, parashikohet subvencionimi i interesave të kredisë për blerejn e banesës së parë për çiftet e reja, bonusin e bebes, 2000 euro për fëmijën e parë e të dytë dhe 20.000 euro për fëmijën e tretë, shkollë gjatë gjithë ditës për fëmijët dhe drekë shtetërore dhe propozime të tjera që lehtësojnë në ndërtimin e familjes dhe zhvillimin e saj.

Fjala e kreut të Demokratëve Euroatlantikë:

“Familja shqiptare është në qendër të programit tonë qeverisës. Me Fondin për Mirëqenien e Familjes, ne do të subvencionojmë plotësisht interesat e huasë për 30 000 çifte të reja, në blerjen e banesës së tyre të parë dhe themelimin e familjes së tyre. 2 000 euro bonus për fëmijën e parë dhe të dytë, 20 000 euro për fëmijën e tretë. Dhe shkollë gjatë gjithë ditës për fëmijët e shqiptarëve, me drekë shtetërore të paguar. Dhe me kurse për teknologjinë e informacionit, gjuhët e huaja, artin dhe sportin deri në përfundimin e orarit të punës së prindërve të tyre. Ky është Fondi për Mirëqenien e Familjeve. Angazhimi ynë kryesor për një Shqipëri që meriton më shumë”.

19 Kor

0

Raporti i DASH/ Basha: Korrupsioni, PPP-të, konkurrenca e pandershme, pastrimi i parave, vjedhjet me 5D, tendera, inceneratorë e me fonde të BE, radiografia fatale e një qeverie të korruptuar!

by PD in Lajmi fundit

Kreu i Demokratëve Euroatlantikë, Lulzim Basha, ka reaguar në lidhje me raportin e Departamentit Amerikan të Shtetit për Klimën e Investimeve, i cili ngre shqetësimin se Shqipëria vuan nga korrupsioni i lartë, PPP-të, konkurrencën e pandershme, pastrimin e parave, ndryshimet e shpeshta në legjislacionin fiskal duke goditur sipërmarrjen dhe pengojnë investimet e huaja.

Në një reagim në Facebook, Basha shkruan se ditë për ditë shqiptarët përballen me fakte tronditëse se si qeveria e Edi Ramës ka vjedhur me 3D e 5D, me tendera, konçesione, PPP, inceneratorë, e deri te fondet e BE-së, dhe që të gjitha këto janë përkthyer në varfërim të familjeve, të biznesit dhe largim masiv të rinisë.

Sipas tij, raporti i DASH është një tjetër thirrje për një ndryshim rrënjësor, që nis me ndëshkimin me votë të kësaj qeverie në zgjedhjet e ardhshme. Basha më tej shprehet se Partia Demokaratike – Demokratët Euroatlantikë ka hartuar një program që lufton korrupsionin, siguron mirëqeverisjen dhe, përmes një politike fiskale të guximshme, i jep frymëmarrje ekonomisë dhe nxit investimet e huaja.

Postimi i plotë i Lulzim Bashës:

Në 11 vite kemi dëgjuar justifikomet e Ramës për korrupsionin e përhapur në çdo degë të qeverisjes së tij, ku një herë e ka fajin sistemi, një herë individi, e së fundmi Perandoria Osmane.
Ditë për ditë para shqiptarëve shfaqen fakte tronditëse se si qeveria e Edi Ramës e ka vjedhur Shqipërinë, me 3D e 5D, me tendera, konçesione, PPP, inceneratorë. Këta nuk kanë kursyer asgjë, as ilaçet e të sëmurëve, as ndihma për pandeminë dhe tërmetit të kamufluar me tendera sekretë, e së fundi doli se kanë vjedhur edhe fondet e BE-së, të cilat duhet të shkonin tek fermerët.
Biznesi, familjet shqiptare, rinia që largohet dita-ditës, kanë paguar dhe paguajnë kostot e kësaj papërgjegjshmërie të një pushteti që nuk dëgjon, që nuk reflekton, por vetëm thellon paligjshmërinë.
Kjo faktohet edhe nga Raport i përvitshëm i Departamentit Amerikan të Shtetit për Klimën e Investimeve, ku korrupsioni, PPP-të, konkurrenca e pandershme, pastrimi i parave, ndryshimet e shpeshta në legjislacionin fiskal godasin sipërmarrjen dhe pengojnë investimet e huaja.
Një radiografi fatale për një qeveri të korruptuar, që s’ka çfarë t’i japë më Shqipërisë, e cila meriton më shumë luftë ndaj korrupsionit, më shumë mirëqenie, më shumë konkurrencë, e mbi të gjitha një qeveri që punon vetëm për qytetarët, jo për veten dhe klientelën e saj.
Ky raport është një tjetër thirrje për një ndryshim rrënjësor, që nis me ndëshkimin me votë të kësaj qeverie në zgjedhjet e ardhshme. Ku të gjitha formacionet politike dhe forcat e gjalla të shoqërisë, që duan t’i japin fund tranzicionit dhe pandëshkueshmërisë, që bashkëndajnë vlerat dhe parimet euroatlantike, që mbështesin SPAK dhe GJKKO, t’i dalin përballë dhe ta mundin këtë të keqe, që është qeveria më e korruptuar në Europë.
Me përkushtim dhe seriozitet, Partia Demokaratike – Demokratët Euroatlantikë ka hartuar një program që lufton korrupsionin, siguron mirëqeverisjen dhe, përmes një politike fiskale të guximshme, i jep frymëmarrje ekonomisë dhe nxit investimet e huaja. Ne jemi gati ta diskutojmë alternativën tonë me çdo shtresë të shoqërisë, duke e bërë programin tonë programin e shqiptarëve, në mënyrë që të gjithë bashkë t’i japim Shqipërisë të ardhmen që mertion.

Blog