Blog

·        90% e gënjeshtrës për financim të paligjshëm dhe para ruse është çmontuar para shqiptarëve. Atë 10%, që ka mbetur nga fabrikimi i gënjeshtrës prej prokurorisë, nën presionin e Edi Ramës, do ta çmontojmë në gjykatë.

KOMUNIKIMI ME GAZETARËT I KRYETARIT TË PD, LULZIM BASHA, PAS TAKIMIT ME TË RINJTË NË KRUJË.

Sot 90% e gënjeshtrës u rrëzua dhe 10% do të rrëzohet në gjykatë. Pra, sot dolën provat që prokuroria ishte përdorur nga Edi Rama për të fabrikuar gënjeshtra që as vetë nuk i beson dhe u detyrua të tërhiqej nga gënjeshtrat, me të cilat operoi për dy vite me radhë.

1.     Tha që kishte prova për pastrim parash vetëm për të hequr vëmendjen nga skandalet e dosjes “339”, që publikoi gazeta “Bild”. Vetëm për këtë arsye fabrikoi këtë akuzë.

2.     Tha që kishte dokumente për para ruse dhe e vetmja gjë që prodhoi ishte tërheqja me turp nga këto akuza. Nuk prodhoi asnjë dokument për këtë akuzë qesharake dhe të turpshme, me të cilën u detyrua të gënjente opinionin publik për dy vite me radhë.

3.     Tha që kishte dokumente hetimi kundër PD dhe i vetmi dokument hetimi është dokumenti i Bilalit.

Prandaj, e vetmja gjë që mund të them sot është se 90% e gënjeshtrës sot është çmontuar para gjithë shqiptarëve. Prokuroria është detyruar të pranojë gënjeshtrat, të cilat i fabrikoi për shkak të presionit politik të Edi Ramës dhe atë 10%, me të cilën ka çuar dosjen në Gjykatë, do të çmontojmë në gjykatë.

Pyetje: Si zoti Basha? Ju akuzojnë si fallsifikatorë.

Lulzim Basha: Vetëm përmes të vërtetës. Ky është minimumi, na akuzuan për agjentë rusë, na akuzuan për pastrim parash, na akuzuan për gjithçka që u duhej. Për çdo skandal që u plaste nxirrnin nga një akuzë. Pra, e vetmja gjë që na solli deri këtu është qëndresa për të vërtetën dhe e vërteta do të çmontojë plotësisht edhe këtë 10% që ka mbetur. 90% ka rënë edhe 10% do ta çmontojmë në gjykatë.

Pyetje: Lidhjet me rusët?

Basha: Lidhjet me rusët i ka vëllai i Presidentit më të dashur të Putinit në Ballkan. Këtë gjeagjëzë zbërthejeni vetë se besoj i keni informacionet se kush është.​

“Rrugëtimi për Shqipërinë” në Krujë, Basha: Shpërblimi im më i madh, rinia shqiptare të ketë shanse të barabarta me rininë europiane.

Bashkëbisedimi i Kryetarit të PD, Lulzim Basha, me të rinjtë në Krujë u përqendrua tek nevoja që ka vendi për të garantuar zgjedhje të lira e të ndershme, si çelësi për të siguruar që qeveria të punojë për qytetarët dhe të sig​urohet konkurrenca e ndershme dhe barazia para ligjit. “Kjo qeveri ka vrarë shpresën duke detyruar dhjetëra mijëra të rinj të largohen në emigracion. Oferta e Edi Ramës për rininë krutane është ose si Artur Bushi, trafikant, ose emigracion. Ju jap fjalën se nuk do të zgjidhni më midis të dyjave, por do të keni dinjitetin, punën, kushtet të mira të jetës, arsim cilësor, këtu në Krujën tuaj.”- u shpreh kreu i opozitës në turin e nisur prej disa ditësh “Rrugëtimi për Shqipërinë”.

“Lekët që marrin sot oligarkët dhe klientët e Ramës, do të shkojnë në prioritetet e vërteta të vendit – arsimim i rinisë, punësim i rinisë.”

“Duhet të kthejmë në vend besimin e biznesit. Duhet të rikthejmë investimet, të krijojmë një klimë pozitive për punësim, për mirëqenie. Asgjë nuk na mungon si vend dhe si popull, jemi të talentuar. Mungon vetëm një qeveri që ju ka prioritet, ju, ekonominë tuaj, punësimin tuaj, mirëqenien tuaj.’ – tha zoti Basha

Në bashkëbisedimin me të rinjtë, që kërkonin të dinin çfarë do të bëjë PD për punësimin, për të ndalur emigracionin, për një arsim më të mirë, zoti Basha u shpreh se ajo që garanton PD është gara, konkurrenca, kushtet e barabarta. “Kush punon më shumë, do të ecë më shumë. Ajo që në synojmë të bëjmë është të sigurojmë që, së pari, rinia të dalë nga cikli arsimor e përgatitur për t’u futur në tregun e punës dhe, së dyti, të krijojmë treg pune. Për këtë, në programin tonë planifikojmë kualifikimin e rinisë nëpërmjet financimit të rritur të arsimit të lartë. Do të subvencionojmë tarifat për studentët dhe do të mbështesim universitetet me laboratorë dhe programe zhvillimi. Qëllimi ynë është të modernizojmë procesin mësimor, që të formojmë profesionistë. Modeli ynë është modeli dual gjerman, ku student e kalon gjysmën e kohës në universitet dhe gjysmën në një kompani publike apo private. Në fund të shkollës, 10 mijë më të mirët do të bëjnë stazh një vit të paguar nga shteti. Rëndësi ka që të kapim edhe në deri në 90 përqind punësim të atyre që mbarojnë shkollën e lartë. Kjo do të kërkojë investime, por lekët që marrin sot oligarkët dhe klientët e Ramë, do të shkojnë në prioritetët e vërteta të vendit. Për PD këto prioritete janë arsimim i rinisë, punësim i rinisë.

“Nuk punoj për historinë”, Basha: Shpërblimi im më i madh, rinia shqiptare të ketë shanse të barabarta me rininë europiane.

“Njerëzit që punojnë për të hyrë në histori, në përgjithësi, janë njerëz të tmerrshëm, o diktatorë, o psikopatë, u shkaktojnë shumë vuajtje popujve të vet, ose janë kaq shumë në dashuri me veten, sa nuk duan njëri tjetër. Prandaj, mos më kërko të jem kryeministër që bëj gjithçka për të mbetur në histori. Rama, ndryshe nga sa thua ti, mendoj se do të hyjë në histori për shumë të këqija që i ka bërë vendit.  Neroni ka ngelur në histori se dogji Romën, ky është Neroni i Shqipërisë, vetëm se nuk ia ka vënë flakën në kuptimin fizik dhe nuk do ta lëmë, por ka djegur shumë.

Meqë përmende BE, Macron në një intervistë që i dha The Economist, Makron tha ekzaktësisht atë që u thashë unë shqiptarëve para 4 javëve. Ai duhet t’i thotë faleminderit Makronit sena shpëtoi nderin. Macron tha se nuk do ta ndajmë Shqipërinë nga Maqedonia e Veriut, sepse gjysma e vendeve ishin për ta ndarë Shqipërinë. Pse? Është rinia e Maqedonisë së Veriut më e zonja se rinia jonë?! Ishte ndëshkim për Edi Ramën, që na ndëshkon ne. Ishte dështim i tij që na ndëshkon ne.

Shpërblimi më i madh për mua nuk është të mbetem në histori, por t’i shoh shqiptarët, veçanërisht rininë, të kenë të njëjtat shanse dhe mundësi si rinia Europiane, kam jetuar në Europë, kam qenë student dhe një nga gjërat që më ka motivuar tek çështje publike, politika pra, ishte se jo vetëm nuk kishim asnjë inferioritet prej hollandezëve, por në shumë fusha ne garonim dhe dilnim të parët. Shqiptarit, po i dhe mundësi, nuk ka kufi në suksesin e vet.

“Nuk kam ndërmend të lë në baltë rininë dhe shqiptarët”, Basha: Mjerë ata që do të guxojnë të prekin votën e shqiptarëve!

I pyetur për ndotjen e ambjentit nga fabrikat e çimentos, Basha kujtoi premtimin e pambajtur të Edi Ramës për guroret dhe ndotësit e tjerë të mjedisit atje.

“Fatkeqësisht asnjë masë nuk është marrë. Ju e shikoni, bëhen aksione propagandistike, goditen disa që nuk paguajnë rryshfetet dhe gjobat, ndërkohë që ambjenti mbetet i ndotur. Teknologjia për ta ndalur ndotjen ekziston. Kjo ka një kosto, por zyrtarët marrin rryshfet. Këtë nga përvoja ime në Elbasan dhe qytetarët vazhdojnë të helmohen. Problemi i ndotjes është problem korrupsioni. Nëse fabrikat e Krujës dhe të Shqipërisë aplikojnë të njëjtat masa siç merren në Perëndimm, atëherë nuk ka pse të ndotet ajri, por ata paguajnë një kosto më të lartë se mbrojtja e ambjentit, që është rryshfeti i qeveritarëve. Këtë duhet të ndalim! Cili është mekanizimi për ta ndalur? Nëse qeveritari premton se do ta ndalë ndotjen dhe nuk e ndal, ju të keni fuqi ta shkarkoni. Pikërisht, këtë mekanizëm ka shkatërruar Edi Rama se nuk jua ka dhënë fuqinë ju, por ia ka dhënë kriminelëve, ia ka dhënë Tur Bushëve me shokë, ia ka dhënë Rrajave dhe ata bëjnë ligjin. Ata marrin rryshfetet, bëjnë proteksionin, bëjnë gjithçka dhe kur vjen dita e zgjedhjeve, del ai bukuroshi atje dhe thotë “ta shohë Lulzim Basha, kur të vijnë zgjedhjet”. Dua t’i them sot: Do ta shohësh ti dhe gjithë soji e sorollopi i gangsterëve. Sepse kjo betejë nuk bëhet për Lul Bashën apo PD. Kjo betejë bëhet për gjithë shqiptarët. Unë nuk kam ndërmend të lë në baltë krutanët, nuk kam ndërmend të lë në baltë shqiptarët, nuk kam ndërmend ta lë në baltë rininë. Ne në zgjedhje do të shkojmë, do të përballemi dhe mjerë ata që do të guxojnë të prekin votën e shqiptarëve! Mjerë ata! Kjo do të jetë garancia për ju siç është garancia në çdo vend normal. Nëse nuk mban premtimet, ik në shtëpi. Kështu funskionon Europa, kështu do të funskionojë edhe Shqipëria, se këtë meritojnë shqiptarët.

“Shqiptarëve, po u dhe mundësinë, janë të pandalshëm në sukses”. Basha ndan me të rinjtë përvojën studentore të fitimtarit në një garë të vështirë.

“Kam jetuar në Europë, kam qenë student, nuk kam qenë emigrant, kam qenë student. Një nga gjërat që më ka motivuar dhe më ka tërhequr politika, sepse ne ishim disa shokë, jo vetëm që nuk kishim asnjë inferioritet krahasim e atë që kishim aty, holandezët, por ne në shumë fusha garonim dhe dilnim të parët. Shqiptari po i dhe mundësinë nuk ka kufij në përpjekjet dhe mundësinë e vet. Unë studiova Juridik. Ka disa konkurse ndërkombëtare ku, zakonisht, zgjidhen jo më shumë se 4 studentë në vit për çdo Fakultet Drejtësie, që garojnë në radhë të parë mes fakulteteve brenda vendit. Më pas, ekipi më i mirë prej katër vetash garon në nivel botëror, kryesisht për të Drejtën Publike Ndërkombëtare. Universiteti ku studioja unë kishte një garë të vjetër 25 vjeçare me një tjetër universitet. Më përzgjodhën që të jem pjesë e kësaj katërshe që do të përfaqësonte universitetin, kjo sigurisht ishte nder i jashtëzakonshëm sepse universiteti kishte mbi 30 mijë studentë dhe vetëm Fakulteti Juridik kishte 5 mijë studentë, shumica prej tyre holandez. Dhe më përzgjodhën mua, ishte nder dhe krenari për mua. Fituam brenda Holandës dhe unë isha një nga katër veta që përfaqësuam Holandën. Në SHBA në nivel botëror, kapëm vendin e 8-të, rekord që nuk e ka kapur asnjë universitet më. Sigurisht gara është shumë e fortë.  Shqiptarëve, po u dhe mundësinë, janë të pandalshëm në sukses. Ne nuk na mungon asgjë për të qenë të suksesshëm. Çfarë duhet të bëjmë? Duhet thjesht të rregullojmë disa gjëra që na ka lënë trashëgimi komunizmi; që vriste garën, që promovonte antivlerat, që godiste të aftin, godiste pronën, dinjitetit e njeriut. Për këtë kemi demokracinë, e cila duhet të garantojë zgjedhje të lira, barazi para ligjit, me institucione që i takojnë të gjithëve.”

• Buxheti nuk ka rritje pagash, nuk ka rritje pensionesh, nuk ka rritje të investimeve publike, por rritje të PPP-ve duke pasuruar akoma më shumë oligarkët e qeverisë së Edi Ramës.

DEKLARATË E PARTISË DEMOKRATIKE, DREJTORI I KABINETIT TË PD, DORIAN TELITI

Buxheti 2020 i qeverisë së Edi Ramës nuk është buxheti që rrit mirëqenien e qytetarëve, por është buxheti që pasuron akoma më shumë oligarkët dhe klientët e qeverisë së Edi Ramës.

Buxheti nuk ka rritje pagash, nuk ka rritje pensionesh, nuk ka rritje të investimeve publike. Bashkë me paketën fiskale, ky është buxheti që rëndon shqiptarët me taksa të larta, me të cilat do të paguhen miqtë, klientët, financuesit dhe oligarkët e Edi Ramës.

Propaganda e qeverisë me buxhetin nuk mund ta fshehë kolapsin ekonomik. Buxheti 2020 është pasqyra e paaftësisë së kësaj qeverie, e krizës ku e ka zhytur ekonominë e shumicës së familjeve dhe e mungesës së vullnetit për të punuar për qytetarët.

Mund te quhet buxheti i mashtrimit, pasi nga njëra ane  pretendohet rritje ekonomike prej 4.1%, por nga ana tjetër të ardhurat nga TVSH, që është treguesi kryesor i konsumit të popullatës, parashikohet me rënie reale.

1. Pa asnjë dyshim, ky buxhet mund të quhet buxheti i varfërimit, pasi asnjë qindarkë nuk parashikohet për rritje rrogash për mjekët, infermierët, arsimtarët dhe punonjësit e administratës publike.
2. Asnjë qindarkë për shpërblimin e pensionistëve dhe familjeve në nevojë.
3. Ulen me 10% fondet për dëmshperblimin e ish pronarëve.
4. Ulen fondet për dëmshpërblimin e ish të përndjekurve politikë, duke e çuar në 3 dekada afatin kohor të shlyerjes së plotë të faturës financiare për këtë shtresë të përvuajtur të shoqërisë.

Me rënie planifikohen edhe investimet publike, ku rënien më të madhe e kanë projektet në rrugë dhe ujësjellësa.

E ndërsa nuk ka asnjë qindarkë për rritje pagash, si lum vërshojnë fondet buxhetore për të paguar PPP e klientëve të qeverisë.

120 milionë euro apo 30 milione euro më shumë sesa viti aktual, do të shkojnë për të paguar 12 kontrata PPP – të gjithë këta miq dhe klientë të Kryeministrit.

Është hera e parë në 30 vjet, madje rast unik në histori, që një projekt-buxhet ndërtohet duke patur prioritet absolut vetëm një grusht oligarkësh.

Sikur të mos mjaftonin të gjithë këto, këtë vit nuk kemi as edhe një paketë të duhur fiskale.

Politika fiskale është në shërbim të një koncesioni të vetëm, atë të fiskalizimit, i cili ka kosto të fshehura prej të paktën 500 euro në vit për 120 000 bizneset e vogla e të mesme.

I bindur se ky është buxheti i tij i fundit, Edi Rama  e ka shndërruar këtë në buxhetin KÇK- (Kap Ça t’Kapësh) nga taksat e rritura të shqiptarëve, nga mundi dhe djersa e tyre.

Për të kapërcyer këtë gjendje ku është zhytur vendi, nevojitet vizion, gjithëpërfshirje dhe menaxhim me dorë të hekurt ndaj çdo abuzimi.

PD e ka programin e saj të nxjerrjes së vendit nga kolapsi, të rikthimit të shpresës në vend, ku secili të ketë mundësi të barabarta. Bashkë me shqiptarët, pasi të kemi siguruar zgjedhje të lira e të ndershme, ne do ta zbatojmë këtë plan që rimëkëmb dhe zhvillom ekonominë dhe prodhon mirëqenie për shqiptarët.

• Qëndrim i Sekretarit të Përgjithshëm të PD Gazment Bardhi

Në vijim të kërkesës së disa mediave për reagim lidhur me propozimin e PS që administrimin e zgjedhjeve ta bëjnë punonjësit e administratës publike, më poshtë gjeni qëndrimin e Sekretarit të Përgjithshëm të PD Gazment Bardhi, që drejton Grupin e Punës së Opozitës së Bashkuar për Reformën Zgjedhore:

“Edi Rama nuk ka ndërmend të bëjë një reformë zgjedhore që garanton lirinë e votës, por vetëm të tallet me OSBE/ODIHR, me Bundetsgun, me shqiptarët. Ai synon të sanksionojë me ligj standardin e 30 Qershorit, ku administroi i vetëm procesin. Këtë qëllim ka edhe propozimi i PS që administrimin e zgjedhjeve ta bëjnë punonjësit nën varësinë e Edi Ramës.

Administrata publike është e pabesueshme për të administruar një proces zgjedhor me standarde europiane. Raporti i ODIHR-it ka provuar se punonjësit e administratës janë nën presion politik, si dhe është bërë e qartë se ajo është e mbushur me militantë të Partisë Socialiste.

Përgjimet e dosjes 339 në Durrës dhe 184 në Dibër kanë sjellë fakte të pamohueshme se administrata, në kundërshtim me ligjin, është në shërbim të Edi Ramës, në përmbushje të objektivit për të vjedhur zgjedhjet.

Propozimi i Edi Ramës që zgjedhjet t’i administrojnë vartësit e Edi Ramës në shërbimin publik, do të thotë që zgjedhjet të lihen në dorë të Arben Keshit, i cili u përfshi në masakrën elektorale në Dibër, ndërsa ishte Drejtor në Ministrinë e Brendshme; në dorën e Ivo Docit, përgjegjësit të Ujësjellësit, i cili urdhërohej nga Avdylajt për të identifikuar punonjësit që votonin për PD dhe t’i kërcënonte ata me largim nga puna. Lista bëhet e gjatë me dhjetëra e qindra raste të identifikuar edhe nga OSBE/ODIHR, që provojnë se kjo është një administratë thellësisht e politizuar.

Makinacionet e Edi Ramës që bëjnë sikur depolitizojnë trupën që administron zgjedhjet, por në të vërtetë, ruajnë kontrollin e plotë të kryeministrit ne proces, janë të papranueshme. Ato janë kundër interesit publik për zgjedhje të lira e të ndershme.”

“Rrugëtimi për Shqipërinë”, Basha u përgjigjet të rinjve në Vlorë për cilësitë që do ta bëjnë një kryeministër të mirë: “Nuk jam i lidhur me krimin dhe oligarkinë”.

Në turin “Rrugëtimi i Shqipërisë”, që sot kishte stacionin e rradhës në Vlorë, të rinjtë i shprehën kryetarit të Partisë Demokratike, Lulzim Basha, dëshirën e tyre për të ndërtuar jetën në Shqipëri, nëse vendi ata do të drejtoheshin nga një qeveri që punon për interesin e tyre. Rreth këtyre mundësive u zhvillua, pothuajse i gjithë bashkëbisedimi me të rinjtë e Vlorës, të cilët shprehën shqetësimet e tyre për cilësinë e ulët të arsimit, papunësinë e lartë dhe degradimin e mëtejshëm të ekonomisë, që i detyron të largohen. Kreu i opozitës i inkurajoi të rinjtë të mos e humbin shpresën, por të punojnë, të gjithë së bashku, për ndryshimin e vërtetë.

“Rinia po vuan pasojat e një braktisje totale nga qeveria. Nga të gjitha shtresat shoqërore rinia është dështimi më i madh i kësaj qeverie dhe këtij kryeministri.  Kjo qeveri ua vret shpresën, liritë dhe ju lë vetëm një rrugë: emigracionin. Ne do të krijojmë mundësi për kushte më të mira jetese, me paga dinjitoze. Sigurisht asgjë nuk do të bjerë nga qielli, gjithçka kërkon punë dhe kërkon vullnet.  Zotimi im kryesor para jush sot dhe para shqiptarëve është që përmes një klime të favorshme për biznesin dhe përmes investimeve të kthejmë shpresën më një jetë më të mirë në Shqipëri.  Zotimi im është që t’i japim fund largimit të shqiptarëve dhe të rinisë dhe ju, me vullnet të lirë, të zgjidhni të qëndroni në në Shqipëri, të punoni dhe të keni një cilësi jete me paga, kushte dhe standarde europiane.”- tha zoti Basha.

Zgjedhjet e lira na çojnë tek modeli europian i zhvillimit, ku qeveria punon për qytetarët dhe jo për bandat. 

Pushteti është marrë e ndihmën e faktorëve jodemokratikë. Në vend që pushteti të merret me votën e qytetarëve dhe t’u jepte llogari atyre, pushteti është marrë me ndihmën e faktorëve të krimit dhe prandaj e ka të lidhur fatin me krimin. Prandaj ndodhin përplasje mes bandave dhe në të dyja anët e bandave janë figura kryesorë të pushtetit, siç është ajo që ndodhi në Durrës. Nga njëra anë është një bandë, që ka ndihmuar këtë qeveri të vjedhë vota në Sukth, banda e Rrumit, nga ana tjetër është banda e Rrajave që ka ndihmuar qeverinë të vjedhe votat në Krujë. Prandaj themi që është luftë mes bandave. Një qeveri që nuk përfaqëson interesin e qytetarëve, por përfaqëson interesin e bandave, nuk mund të sjellë përmirësim. Si ta pamundësojmë këtë në të ardhmen?

Duhët te këmi zgjedhje të lira e të ndershme. Gjithë beteja dhe vendimet tona kanë patur këtë qëllim. Që jut ë jeni gjendje të votoni qeverinë që doni, kryebahskiakun që doni, t’i emëroni me votë, t’i shkarkoni me votë. Kjo është demokraci, jo autokraci. Rikthimi tek modeli europian do të na japë mundësi të ndërtojmë standard europiane.

Nuk shkohet në Europë me qeveri të dalë nga krimi, nuk shkohet në Europë me qeveri që përfaqëson luftën mes bandave. Nuk shkohet në Europë me një qeveri që paratë e universiteteve ua jep 10 oligarkëve. Nuk shkohet në Europë me një qeveri që ka arritur rekordet botërore të korrupsionit. 36.2% është niveli më i lartë i korrupsionit në Europë, siç del nga të dhënat e fundit të raportit të BB. Është 2-3 herë më i lartë sesa kur morën pushtetin. Gjithë ky korrupsion ka këtë shkak-kjo qeveri nuk ka frikë askënd, nuk ka kontroll. Nuk funksionojnë gjykatat, nuk funksionon prokuroria dhe nuk funksionon demokracia. Prandaj, na duhet ndihma juaj, demokratë e socialistë, i duhet ndihma e rinisë për të sjellë modelin e demokracisë, transparencës, meritokracisë, që të ecet përpara me barazi para ligjit, ku secili ka mundësi të barabartë për ta ndërtuar jetën sipas talentit, aftësisë dhe punës së vet.  Modeli është gjithçka.

“I palidhur me krimin dhe oligarkinë”. Basha u përgjigjet të rinjve në Vlorë për cilësitë që do ta bëjnë një kryeministër të mirë.

“Çfarë kam unë ndryshe? Është e vështirë të flasësh për veten, por e kam për detyrë ta shpjegoj, përderisa e kërkoj këtë përgjegjësi. E kam për detyrë t’ju them se, ndryshe nga ky që qeveris sot, unë nuk kam lidhje me asnjë kriminel dhe nuk jam mbështetur kurrë tek kriminelët për pushtetin tim apo të partisë sime. Përkundrazi! Ne kemi bërë një betejë 6 vjeçare kundër krimit dhe kemi fituar disa segmente të kësaj beteje, si ç’është përshembull ligji për dekriminalizimin, që ka nxjerrë shumë pushtetarë nga parlamenti, nga bashkitë. I fundit ishte ky i Vorës.

Unë nuk kam asnjë lidhje me oligarkinë.  Përkundrazi! Unë dhe partia ime kemi një plan për ta çarmatosur oligarkinë nga instrumentat, me të cilat kap shtetin dhe pushtetin dhe, pastaj, vjedh dhe grabit pasuritë e shqiptarëve, sikundër kemi një plan për t’u marrë çdo qindarkë që i kanë marrë nga taksat tuaja dhe për t’jua rikthyer ju.”- u shpreh zoti Basha, i cili i lidhi këto cilësi të tij edhe me ato të PD-në, kur të rinjtë kërkuan të dinë shtyllat kryesore të planit për të qeverisur vendin

Shtyllat kryesore të planit të PD për rimëkëmbjen e ekonomisë dhe zhvillimin e arsimit cilësor.

“Përfaqësoj një parti të palidhur me krimin, që i ka shpallur luftë krimit. Përfaqësoj dhe drejtoj një parti të palidhur me oligarkinë, që i ka shpallur luftë oligarkisë dhe që lufton vetëm për interesin publik. Ne kemi një plan për ta nxjerrë vendin nga kjo krizë. Nuk kemi vetëm dëshirën. Ky plan përbëhet nga dy pjesë kryesore.

Së pari, pjesa represive, ku nesër në qeveri do të marrim masa konkrete për ta sprapsur krimin, për t’i çuar kriminelët në qeli, aty ku e kanë vendin dhe jo në parlament e në krye të institucioneve të vendit. Për t’i treguar vendin oligarkisë dhe për t’u dhënë mundësi të gjithë faktorëve ekonomikë, që të konkurojnë në mënyrë të ndershme. Që jo vetëm 5 njerëz të bëjnë biznes dhe 500 mijë të tjerë të bëjnë sehir.

Pjesa e dytë e planit ka të bëjë me prioritetet tona të zhvillimit, pasi një qeveri matet nga priotetet dhe prioritetet maten nga buxheti. Në lidhje me rininë, dy janë prioritetet tona kryesore: arsim modern, arsim që kualifikon të rinj në profesione, jo thjesht në një copë letër diplome. Kur të mbaroni universitetin, nuk do të keni mbaruar 4 apo 5 vjet studim, por edhe 2 vjet praktikë dhe do të jeni të gatshëm për tregun e punës. Ky është një model i suksesshëm psh në Gjermani, ku 9 në 10 studentë, nisin menjëherë punë. Natyrsiht, kompanitë që përfshihen në këtë plan do të marrin mbështetje nga shteti, që ta shohin si bashkëpunim tresh-qeverosë-universiteteve dhe sipërmarrjes. Të treja në funksion të një rinie të mirëshkolluar dhe të përgatitur për tregun e punës.

Ne do ta dyfishojmë e buxhetin për universitetet shqiptare. Do të shihni të paktën 300 laboratorë të rinj në gjithë universitetet publike shqiptare që do të nxisin dhe mbajnë kërkuesit shkencorë këtu në Shqipëri. Si mund të nxjerrësh inxhinierë të mirë apo programues të mirë kur kushtet e mësimdhenies janë primitive? Kjo do të ndryshojë. Ne na duhen universitete ku është investuar, ku ka teknologji informacioni, ku ka pedagogë te mirëtrajnuar, ku ka kërkues shkencorë, sepse pa investuar tek kërkuesit shkencorë, tek profesorët, mos prit studentë cilësorë.  10 mijë studentët më të mirë në vit nën qeverisjen tonë do të bëjnë një praktikë të paguar më një pagë minimale, 300 mijë lekë në muaj.

Brenda vitin tonë të pare, paga minimale do të jetë 300 euro

I pyetur nga të rinjtë se çfarë plani ka për të frenuar emigracioni, zoti Basha bëri të njohur planin për rritjen e pagave. “Paga e shqiptarëve në progresion me rritjen ekonomike të vendit të jetë e mjaftueshme që të mos e braktisë vendin. Hapi ynë i parë brenda vitit tonë të parë do të jetë që paga minimale të jetë 300 euro në muaj.” – u shpreh zoti Basha në takimin me student dhe të rinj të Vlorës.

• Biznesi akuzon qeverinë për korrupsion në administratën publike. Banka Botërore publikon shifrat alarmante, 34.6% e biznesit duhet të përgatisë zarfin sa herë që takojnë një ofiqar të shtetit.

DEKLARATË E PARTISË DEMOKRATIKE, JORIDA TABAKU

Sondazhi i fundit i Bankës Botërore është një tjetër këmbanë që i kujton qeverisë shqiptare se si koha e saj në pushtet ka prodhuar korrupsionin më të pamenduar ndër shqiptarë. Janë 36,1% e bizneseve shqiptare që ankohen se korrupsioni është kthyer në oksigjenin e jetës së administratës publike tatimore dhe qeverisëse. Qeveria Rama që erdhi në pushtet me parrullën e luftës kundër korrupsionit sot gjendet në bankën e të akuzuarve të biznesit si qeveria edhe më e korruptuar.

Sipas Bankës Botërore janë 44% e bizneseve shqiptare që ankohen se korrupsioni është kthyer në një pengesë kryesore për punën e tyre ndërkohë që 34.6% e tyre u duhet të përgatisin zarfin sa herë që takojnë një ofiqar të shtetit.

Në të njëjtin raport tregohet se 92,3% e bizneseve ankohen se vizitohen pambarimisht nga tatimet apo thërriten në zyrat e shtetit.

Sondazhi në fjalë i paraqitur më pas si një raport krahasues është një tjetër provë që i shtohet dosjes së madhe të korrupsionit që PD ka nisur të denoncojë që në ditët e para të kryeministrit Rama.

Këto shifra janë tregues kokëfortë që Rama dhe klika e tij në pushtet kanë krijuar një rrjetë merimange të korrupsionit ku çdo biznes i duhet të paguajë për të mbijetuar.

Ndërkohë që kompanitë që ankohen se taksat janë pengesë serioze për zhvillimin e biznesit për vitin 2019 janë 48.8%, kjo vlerë është 3 herë më e lartë se sa viti 2013.

Bizneset që identifikojnë administratën tatimore si pengesë serioze në biznesin e tyre janë 29% një vlerë 2 fish më e lartë se sa në vitin 2013.

Sipas bizneseve shqiptare taksat e larta, informaliteti dhe krahu i pakualifikuar i punës, janë barrierat reale për të përmirësuar ekonominë dhe jetën e tyre.

Qartësisht dhe lehtësisht e kuptueshme për të gjithë; Shqipëria e Ramës është ajo e shtetit kartel që bashkëpunon me oligarkët përmes korrupsionit dhe taksave të larta.

Këto shifra dhe të dhëna në fakt vijnë mbas atyre të Departamentit të Shtetit ku Shqipëria cilësohet si vendi më i korruptuar në Ballkan.

DASH theksoi se sot duhet o të jesh i lidhur me qeverinë dhe me lidhje politike ose të paguash taksën e korrupsionit.

Kjo situatë po bëhet e papërballueshme për bizneset.

Kjo qeverisje ku duhet patjetër o të paguash o mbyllesh, o të paguash ose nuk ekziston duhet të marrë fund.

Partia Demokratike do t’u ofrojë bizneseve jo vetëm taksa më të ulëta, por treg të lirë e të konkurueshëm, duke u dhënë mundësinë që kohën e shenjtë të punës dhe biznesit mos ta kalojnë duke llogaritur gjobat për ofiqarët e tatimeve dhe as duke paguar kafet e qeveritarëve për tendera.

Nuk do të ketë më asnjë zyrtar a taksidar në zyrat e biznesit, ku pulla fiskale do të bëjë të mundur që askush të mos i bjerë dyerve të biznesit!

Ne besojmë tek konkurenca e lirë dhe tek tregu i lirë.

Ne besojmë tek puna dhe ka ardhur koha t’i japim frymë biznesit, të heqim çdo barrë e barrierë që kjo qeveri ka vendosur, dhe ta kthejmë Shqipërinë në qendrën e biznesit dhe investimeve.

• Atentati mafioz ndaj prokurorit është prishje pazari mes bandave që sollën dhe mbajnë në pushtet Edi Ramën. Edi Rama duhet të largohet. Ai është kreu i KÇK.

DEKLARATË E PARTISË DEMOKRATIKE, GENT STRAZIMIRI

Atentati mafioz pak ditë më parë ndaj një prokurori dhe atyre që e shoqëronin nuk është thjesht një krim më shumë në statistikat e krimit shqiptar. Atentati është luftë mes bandave që kanë sjellë dhe mbajnë në pushtet Edi Ramën.

Një nga antentatorët e dyshuar, Redjan Rraja, i afërm i deputetit socialist Rrahman Rraja, është ushtar i bandës së Edi Ramës në Fushë Krujë.

Ai ka siguruar vota që Edi Rama të bëhet kryeministër, prandaj ai kishte statusin e të paprekshmit, kur nënkomisar Emiljano Nuhu e denoncoi publikisht, bashkë me djalin e deputetit Rraja, si të përfshirë në çështjen Xhisiela.

Në atë kohë, Edi Rama masakroi me akuza oficerin e policisë dhe mbrojti atentatorin Rraja me gjithë kriminelët e tjerë që i sigurojnë pushtetin.

Të njëjtën gjë bëri Edi Rama edhe në rastin e Dritan Zaganit. Sulmoi personalisht komisarin që kishte denoncuar trafikun e drogës me makinën e ministrit të brendshëm dhe mbajti në qeveri Saimir Tahirin.

Përfshirja e banditëve të Edi Ramës në atentate mafioze pasi ky i ka mbrojtur publikisht ata, fakton se shteti i ngritur prej Edi Ramës është thellësisht i kriminalizuar.

Në narko-shtetin e Edi Ramës trafikantët e drogës shndërrohen në biznesmenë të nderuar, në ndërtues resortesh ne bregdet mbi prona shtetërore të tjetërsuara, dhe kur u prishen pazaret për grabitjen e pasurive të vendit, bandat që sollën dhe mbajnë në pushtet Edi Ramën, godasin njëra-tjetrën në atentate mafioze.

Asnjë plan special të propaganduar nga Edi Rama për luftën kundër krimit të organizuar, nuk ka për të funksionuar, sepse ai është vetë kreu i organizatës kriminale “Kap Ça t’Kapësh”.

Asnjë plan special nuk ka për të funksionuar, përsa kohë ai kalon nga parlamenti i Edi Ramës, Rrahman Rrajës, Jurgis Çyrbjes, Taulant Yarisit dhe dhjetëra deputetëve të tjerë, mandatet e të cilëve janë siguruar nga krimi i organizuar.

Shërimi i vetëm për vendin është clirimi i shtetit nga Edi Rama dhe narko-banda e tij.  Është ndarja e politikës nga krimi. Këtë gjë ka 6 vjet që kërkon Bashkimi Evropian, kete gje kodifikoi edhe Bundestagu gjerman me 9 kushtet për hapjen e negociatave.

• Opozita është e angazhuar 100% për reformën zgjedhore, e cila do të çojë në zgjedhje të lira e të ndershme. Edi Rama e ka provuar se nuk mund të gatantojë lirinë e votës, prandaj vendit i duhet një qeveri që ka vullnet për të zbatuar ligjet dhe për të gatantuar zgjedhjet.

OERD BYLYKBASHI PAS TAKIMIT TE GRUPEVE TË PUNËS SË OPOZITËS

Grupi i punës i ekspertëve të opozitës në lidhje me reformën zgjedhore u mblodh sot për të vazhduar diskutimet që kemi nisur më herët mbi bazën e një plani të qartë, të mirëpërcaktuar, mbi ccështjet që janë prioritare për reformën zgjedhore.

Qëndrimi ynë është i qartë. Reforma Zgjedhore duhet të jetë e vërtetë dhe e plotë.

Sot diskutuam jo vetëm ccështjet e vullnetit politik që kërkojnë vullnet të drejtpërdrejt për zbatimin e ligjit ekzistues.

OSBE/ODHIR  e thotë qartë.

Ligji, Kodi Zgjedhor, legjislacioni, është i mjaftueshëm për të bërë zgjedhje demokratike.

Është e qartë që qeveria ka dështuar në mënyrë të qëllimshme për ta zbatuar atë e për rrjedhojë duhet të gjenden mekanizmat për ta shtruar këtë.

Propozimi i opozitës i kahershëm është që një qeveri tranzitore garanton që zgjedhjet janë të lira dhe të ndershme duke garantuar të gjithë mekanizimin përfshirë ndëshkimin e atyre që shkelin Kodin Zgjedhor, ndëshkimin e atyre që vjedhin apo blejnë votat.

Diskutuam propozimet e ndryshme të cilat do të marrin rrugën e tyre përsa i përket draftimit.

Mesazhi është shumë i qartë.

Opozita është e angazhuar 100% për Reformën Zgjedhore për të bërë propozime që janë në përputhje të plotë me OSBE/ODHIR, për të zgjidhur të gjitha problemet e tjera të cilat janë thelbësore për të garantuar që zgjedhjet janë për zgjedhësin dhe jo për qeverinë dhe jo për partitë.

Dhe kjo në përputhje me prioritetin që përcakton Bundestag-u. Për një reformë zgjedhore e cila do të çojë në zgjedhje të lira dhe të ndershme.

Edi Rama nuk garanton dhe e ka provuar tashmë, se jo vetëm që nuk garanton zgjedhje por vjedh edhe votat e tij.

Pra, puna vazhdon. Gjatë kësaj jave do të ketë rritje të intensitetit, nga ekspertët e opozitës me zgjidhjet për të gjitha problematikat që ka.

Pyetje: Kur do të ketë një produkt final?

Oerd Bylykbashi: Kemi një kalendar të përcvaktuar dhe mbi bazën e platformës që kemi paraqitur më herët të të gjitha ccështjeve prioritare, ccështjeve politike dhe më pas me një qëndrim të plotë të opozitës, gjatë javëve në vijim ne do të konsolidojmë qëndrimet tona për ccështje specifike për të qenë ne që udhëheqim një proces në interes të shqiptarëve, ajo farsë që ndodh sot në Parlamentin e Shqipërisë e cila nuk përfaqëson me askënd, mazhoranca duhet të kuptojë një gjë, që reforma bëhet në mënyrë gjithëapërfshirëse me një instrument që është i besueshëm për shqiptarët dhe jo në një komision i cili është një pasqyrë ku mazhoranca sheh veten e vetë sa e shëmtuar është.

Pyetje: Z. Bylykbashi ju priteni që pas një jave të nxirrni një draft për Reformën Zgjedhore, ndërkohë që nga ana tjetër deklaroi se Komisioni i Reformës Zgjedhore e mazhorancës është ilegjitim, kujt do t’ia propozoni këtë draft?

Oerd Bylykbashi: Nuk përcaktova një afat kohor se kur do të jetë një draft konkret. Ne po punojmë me tre gupe pune për të analizuar të gjitha zgjidhjet e nevojshme. Reforma zgjedhore mund të jetë vetëm konsensuale, gjithëpërfshirëse për të qenë e besueshme dhe për të qenë të besueshme zgjedhjet. Sot historia e zgjedhjeve në Shqipëri ka treguar një gjë. Zgjedhjet ndodhin dhe janë të qeta atëherë kur ka konsensus për t’i bërë zgjedhjet e tilla dhe jo për t’i vjedhur ato.

Dhe Shqipëria ka pasur raste të tilla më parë. Ajo që ne kemi sygjeruar në planin pesë pikësh është, instrumenti i cili do të bëjë bashkë, vullnetin e opozitës së bashkuar dhe atë të mazhorancës qeverisëse në një produkt final, një kod konsensual, sicc kërkon Bundestag-u, SHBA, sicc është interesi i zgjedhësve shqiptarë dhe ky i testuar në zgjedhje. Zgjedhjet e parakoshme janë e vetmja zgjidhje e kësaj krize të thellë politike.

Pyetje: A do të jetë OSBE ura lidhëse mes këtyre dy drafteve z.Bylykbashi?

Oerd Bylykbashi: OSBE si organizatë dhe OSBE/ODHIR në mënyrë të veccantë ka dhënë një ndihmë dhe kontribut të vazhdueshëm jo vetëm ndër vite, por edhe kësaj rradhe.

Raporti i OSBE/ODHIR i 2019-ës është një nga dokumentët më unik përsa i përket zgjedhjeve në Shqipëri, për të na treguar rrugën, duke vënë gishtin në një nga problemet thelbësore.

Partitë duhet të kuptojnë. Zgjedhjet janë për shqiptarët, për votuesit dhe partitët shërbejnë si agjentë përfaqësimi.

Ajo që ndodh sot në Parlament nuk ka lidhje me këtë ccështje.

Ishin ata që ngulën këmbë që zgjedhjet të zhvilloheshin pa marrë në konsideratë interesin e zgjedhësve dhe për rrjedhojë të gjithë si aleatë të opozitës së bashkuar kemi për synim të ndryshojmë qasjen totale në raport me Reformën Zgjedhore dhe zgjedhjet.

Pyetje: Z. Bylykbashi, arritët në përfundimin në lidhje me financimin e partive politike në fushatat zgjedhore në kohën kur edhe PS, z. Balla ka bërë një propozim, për të ndaluar financimet e huaja në fushatë.

Oerd Bylykbashi: Propozimet që vijnë nga PS, nuk kanë lidhje me thelbin e problemit. Duhet t’i garantojmë shqiptarëve një transparencë të plotë e burimeve nga marrin partitë financim, burime të shëndosha, se si ata shpenzojnë. Fushata zgjedhore nuk mund të jetë diçka e shtrenjtë e cila i duket e papranueshme shqiptarëve, transparenca e raportimeve dhe më pas një kontroll efikas se kush ka shkelur ligjin të marrë pasojat përkatëse, sicc ndodh në vendet e Evropës.