Blog

·        Agim Kajmaku është pasqyra me kë qeveris Rama. Është poshtërim për shqiptarët dhe socialistët. Zgjidhja e vetme janë zgjedhjet e parakohshme.

DEKLARATË E KRYETARIT TË PARTISË DEMOKRATIKE, LULZIM BASHA

Agim Kajmaku është fytyra e Edi Ramës, është pasqyra e radhës se me kë qeveris ai. Është  një poshtërim për Partinë Socialiste në radhë të parë, nga e cila nuk nxjerr dot kandidatë të padënuar, të painkriminuar, të pazhytur, të pakorruptuar, por nxjerr llumin e llumit. Por është edhe një poshtërim për të gjithë shqiptarët të cilët shkëlqejnë kudo në botë, por në vendin e tyre qeverisen nga kriminelë, nga trafikantë, nga hajdutë, nga të korruptuar që e kanë vendin në burg dhe jo në qeverisje.

Për këdo që ka patur dyshime apo ka menduar se 2013, 2015, 2016, 2017, 2019 janë rastësi, tani i ka të gjitha. Ka qenë një skemë e mirëmenduar e Edi Ramës për t’i dorëzuar pushtetin krimit, prandaj qeveris me krimin dhe e mban pushtetin me krimin.

Zgjidhja e vetme është që t’ia kthejmë qeverisjen shqiptarëve, T’ia kthejmë parlamentin shqiptarëve me zgjedhje të parakohshme parlamentare me një qeveri kujdestare që do të garantojë votën e tyre.

Ju faleminderit!

·        Edi Rama tregon se antiligji është modeli i tij i qeverisjes, pasi vazhdon të mbrojë Agim Kajmakun edhe pasi prokuroria verifikoi zyrtarisht se ai ka shkelur ligjin e dekriminalizimit.

DEKLARATË E PARTISË DEMOKRATIKE, DHURATA ÇUPI

Sot bëhen 3 ditë që Edi Rama është zyrtarisht në mbrojtje të Agim Kajmakut, i cili fshehu me qëllim arrestimin e tij në Greqi disa vjet më parë me emrin Jorgo Toto.

Edi Rama duhet ta kishte shkarkuar Agim Kajmakun që në momentin, kur prokuroria verifikoi zyrtarisht se ai kishte shkelur ligjin e dekriminalizimit, duke fshehur krimin për të cilin ishte arrestuar dhe ishte në kërkim në Greqi dhe në kërkim europian deri pak kohë më parë.

Duke mbajtur në detyrë një funksionar të lartë publik që shkel ligjin, që kryen vepra të rënda penale dhe mashtron qytetarët, Edi Rama tregon se antiligji është modeli i tij i qeverisjes.

Gjatë gjithë kësaj kohe, Edi Rama ka qenë në mbrojtje të Agim Kajmakut, edhe pse e dinte se ai ishte subjekt i ligjit të dekriminalizimit. 3 javë më parë, Edi Rama e mbrojti atë edhe publikisht.

(RAMA SINKRON)

Qendrimi i Edi Ramës në mbrojtje të një funksionari publik që e ka vendin në burg dhe jo në krye të një bashkie, tregon se Edi Rama dhe Agim Kajmaku ndajnë të njëjtin moral. Për ta ligji nuk ka vlerë, kur cënon pushtetin e tyre.

Duke kandiduar persona me të kaluar kriminale, si në Shkodër, Vorë apo Vaun e Dejës, Edi Rama dëshmon se nuk ka ndërmend të marrë seriozisht plotësimin e 9 kushteve të Bundestagut, që është e vetmja rrugë për të hapur derën e mbyllur të Europës për të katërtën herë radhazi.

Marrja në mbrojtje e Agim Kajmakut, siç ka bërë më çdo kriminel tjetër që ka futur në politikë, dëshmon, gjithashtu, se Edi Rama as nuk ka bërë ndonjëherë shtet, as nuk ka ndërmend të respektojë shtetin ligjor. Në shtetin e Edi Ramës ligji nuk është I barabartë për të gjithë. Njësoj si në “Fermën e kafshëve” të Orëellit, kriminelët e Edi Ramës, janë më të barabartë se qytetarët e zakonshëm. Ata janë të paprekshëm, veçanërisht nëse janë politikonë apo klientë biznesi të Edi Ramës.

Fahehja pas vendimit të Komisionit Qendror të Zgjedhjeve është një qendrim prej burracaku i EdI Ramës. Ai e di shumë mirë se, siç thotë Zëri I Amerikës, për Agim Kajmakun nuk ka shpëtim.

Edi Rama e di, po aq mirë, se shumë shpejt do t’i vijë rradha edhe atij!​

• Me raporterët e Këshillit të Europës biseduam për zgjidhjen e krizës politike dhe gatishmërinë e opozitës për të dhënë kontributin e saj për një reformë të vërtetë zgjedhore që garanton zgjedhje të lita e të ndershme.

• Është koha për të vendosur interesin e vendit mbi interesin e forcave politike. Është koha që edhe pala tjetër ta kuptojë se është në një kurs problematik me interesin publik të shqiptarëve. Nuk mund të vazhdojë më gjatë kështu.

• Kjo situatë duhet të marrë fund. Rivendosja e barazisë para ligjit, e shtetit së të drejtës, rivendosja e demokracisë janë jetike për të garantuar një jetë normale dhe shanse e mundësi dhe mirëqenie për çdo shqiptar.

• Në Shqipëri opozita përfaqëson interesin e shumicës së shqiptarëve. Ajo ka dorëzuar pushtet për t’i shërbyer interesit publik dhe është e vendosur për rrugën përpara, që duhet të jetë rruga e ndryshimit.

• Rruga përpara është e zgjedhjeve të parakohshme për t’i rikthyer Shqipërisë normalitetin dhe mundësinë që çdo qytetar të krijojë mirëqënie. Shqipëria është në gjendje të prodhojë mirëqenie, shpresë, zhvillim. Kjo është rruga e vetme dhe e shpejtë e ndryshimit që po vjen.

KOMUNIKIMI ME GAZETARËT I KRYETARIT TË PARTISË DEMOKRATIKE, LULZIM BASHA, PAS TAKIMIT ME RAPORTERËT E KËSHILLIT TË EUROPËS.

Pyetje: Zoti Basha ku u fokusua diskutimi me raporterët e Këshillit të Europës?

Lulzim Basha: Tek zgjidhja e krizës politike, gatishmëria e opozitës për të dhënë kontributin e saj për një reformë të vërtetë zgjedhore që do t’ia kthejë sovranitetin qytetarëve, do t’ua kthejë votën qytetarëve dhe do të mundësojë, përmes zgjedhjeve të parakohshme parlamentare, një parlament legjitim, një qeveri legjitime, sundimin e ligjit, demokracinë, si kushte për një bashkëjetesë demokratike, për mirëqenie, për punësim, për ekonominë dhe punësimin që duan të gjithë qytetarët dhe, po kështu, për hapjen e rrugës së bllokuar drejt anëtarësimit në Bashkimin Europian.

Pyetje: Kur mendoni që do të mbahen zgjedhje të parakohshme parlamentare?

Lulzim Basha: Kjo nuk është një çështje mendimi apo dëshire. Është një çështje vullneti e të gjitha palëve. Partia Demokratike dhe opozita e bashkuar kanë prezantuar një plan të qartë prej 5 pikash për të përshpejtuar fazën e parë, atë të reformës zgjedhore dhe, pastaj, duke u garantuar qytetarëve shqiptarë lirinë e votës, duke u garantuar qytetarëve shqiptarë të gjitha kushtet për zgjedhje të lira dhe të ndershme mbajtjen sa më parë të zgjedhjeve të parakohshme parlamentare. E kam thënë dhe dua ta përsëris që në Shqipëri janë përvijuar qartësisht dy qëndrime; qëndrimi i një shumicë absolute, jo thjesht dhe vetëm i opozitës por edhe i socialistëve që kështu nuk mund të vazhdohet më, që kjo situatë është e paqëndrueshme, e pambajtshme, e padurueshme, duhet një zgjidhje. Dhe qëndrimi i një pakice absolute që nuk do ndryshim, do ta mbajë Shqipërinë në këtë gjendje, sepse nga kjo gjendje vazhdojnë të përfitojnë përmes korrupsionit, veprimtarisë kriminale, qindra milionë euro, një grusht njerëzish vazhdojnë të përfitojnë në kurriz të të gjithë shqiptarëve. Dështimet e njëpasnjëshme të kësaj qeverie duke përfshirë dështimin me hapjen e negociatave i paguajnë shqiptarët.  Dështimin me ekonominë e paguajnë shqiptarët. Dështimin me shëndetësinë, me arsimin, me punësimin e paguajnë shqiptarët. Prandaj është koha për të marrë vendimet e duhura për vendin. Është koha për të vendosur interesin e vendit mbi interesin e forcave politike. Është koha që edhe pala tjetër ta kuptojë se është në një kurs problematik me interesin publik të shqiptarëve. Nuk mund të vazhdojë më gjatë kështu.

Pyetje: Zoti Basha, kush do të jetë kryebashkiaku i rradhës i lidhur me krimin që do të denoncohet nga Partia Demokratike?

Lulzim Basha: Kur ta denoncojë, do ta keni edhe ju emrin.

Pyetje: Ka emra të tjerë?

Lulzim Basha: E rëndësishme është që të fokusohemi se përse nuk zbatohet ligji. Pse Kajmaku i Vorës apo Babani i Vaut të Dejës mbahen akoma në detyrë. Këto janë pyetje që duhet t’i drejtoni Edi Ramës. Këto janë pyetje që duhet t’i drejtoni institucioneve të kapura, të cilat zbulojnë një të vërtetë të thjeshtë: që në Shqipëri nuk ka shtet ligjor, që ligji nuk është i barabartë për të gjithë. Që një nënë nga fshatrat e Tiranës merret dhe keqtrajtohet, sepse shet një tufë sallatë, speca, apo domate në rrugët e Tiranës, që një baba burgoset për 3 mijë lekë të reja ne diskorkodancë totale me faturat e energjisë, ndërkohë që, pushtetarëve të kapur në afera korruptive, të lidhur me krimin, apo në shkelje të ligjit të Dekriminalizimit, nuk u hyn gjemb në këmbë. Kjo situatë duhet të marrë fund. Rivendosja e barazisë para ligjit, e shtetit së të drejtës, rivendosja e demokracisë janë jetike për të garantuar një jetë normale dhe shanse e mundësi dhe mirëqenie për çdo shqiptar.

Pyetje: Zoti Basha ju po punoni aktualisht mbi reformën zgjedhore. Deri tani janë zhvilluar dy mbledhje të grupeve të punës. E sheh si mundësi Partia Demokratike, opozita e bashkuar që, pasi të ketë finalizuar paketën e saj për reformën zgjedhore të thërrasë një tryezë të gjerë ku të ftojë edhe maxhorancën? Ky ka qenë edhe një nga propozimet që ka dhënë edhe aleati juaj z. Fatmir Mediu, i cili thotë që pasi të jetë finalizuar produkti, ndoshta duhet ftuar edhe maxhoranca dhe t’i diskutoni këto çështje ballë për ballë.

Lulzim Basha: Ne jemi të hapur për të gjithë instrumentat që garantojnë rrugën përpara, rrugën që kalon përmes miratimit të reformës zgjedhore, garantimit të vullnetit politik, më e rëndësishmja për zgjedhje të lira dhe të ndershme dhe zgjedhjeve të parakohshme parlamentare dhe zgjedhjeve vendore kushtetuese të mbajtura në një ditë.

Ajo që ka rëndësi sot është që kemi një opozitë që përfaqëson interesin e shumicës së shqiptarëve, që ka dorëzuar pushtet për t’i shërbyer interesit publik dhe që është e gatshme, e qartë dhe e vendosur për rrugën përpara, që duhet të jetë rruga e ndryshimit. Kështu nuk mund të vazhdohet më. Kemi një kryeministër që nuk ka më asnjë ide, asnjë vullnet, asnjë ofertë për të nxjerrë vendin nga kjo krizë dhe është kapur me thonj pas pushtetit. Shikoni shembullin e Maqedonisë së Veriut, shembulli i përgjegjësisë politike. Një vend që, në fund të fundit, u bë viktimë e problemeve që Shqipëria paraqiti në Këshillin Europian e, megjithatë, ishte e para që ndërmori hapin normal, u ktheu mandatin qytetarëve që të vendosin qytetarët për rrugën përpara. Ky është shembulli i një politike të përgjegjshme që vendos interesin e njerëzve mbi interesat e veta, që vendos interesin e kombit, të atdheut, të qytetarëve, të vogëlushëve, mbi interesat personale të pushtetit. Nuk është kurrë vonë për të reflektuar ndaj dhe thirrja ime ndaj PS-së është të reflektojë sa nuk është vonë. Natyrisht, kjo nuk është një situatë që mund të vazhdojë pa fund, ndërkohë që ne përgatisim ofertën tonë, jo vetëm për Reformën Elektorale, por për të nxjerrë vendin nga kjo krizë, të jeni të sigurt që edhe durimit të njerëzve po i vjen fundi dhe as Edi Rama dhe as kushdo tjetër nuk mund të mendojë se do të vazhdojë ta trajtojë Shqipërinë si çifligun e vetëdhe shqiptarët si bujkërobërit e vet. Ka ardhur koha të ndërtojmë një demokraci ku çdo shqiptar të ndjehet aksionar dhe pjesëtar i përfshirë dhe i përfaqësuar në këtë demokraci, institucione që nuk i takojnë botës së krimit dhe oligarkëve dhe u shërbejnë botës së krimit dhe oligarkëve, por institucionet që u takojnë të gjithë shqiptarëve. Kjo rrugë është rruga e zgjedhjeve të parakohshme, parlamentit legjitim, qeverisë që përgjigjet para këtij parlamenti dhe para qytetarëve dhe institucioneve që e zbatojnë ligjin njësoj për të gjithë.

Pyetje: Thatë se nuk ka edhe shumë kohë. Edhe sa kohë pret Partia Demokratike zoti Basha?

Lulzim Basha: Nuk është çështja se sa kohë pret Partia Demokratike, çështja është se  Shqipëria ka humbur katër herë për shkak të këtij kryeministri rrugën drejt Europës. Dera është mbyllur katër herë dhe mbyllja për herë të pestë do të ishte fatale. Ndaj, të mos humbasim asnjë orë më, por të ecim në një rrugë të qartë që tashmë është shënuar edhe nga institucionet europiane siç është Bundestag-u, atë të nëntë kushteve dhe zgjedhjeve të parakohshme parlamentare në një ditë me zgjedhjet kushtetuese vendore, për t’u rikthyer qytetarëve institucioneve legjitime, për t’i rikthyer Shqipërisë normalitetin dhe mundësinë për çdo qytetar që të jetojë me djersën e ballin, me barazi përpara ligjit dhe të krijojë mirëqënie për veten dhe familjen.

Pyetje: Kryeministri nuk e ka shkarkuar z. Kajmaku edhe pse prokuroria faktoi inkriminimin e tij. A keni një koment?

Lulzim Basha: Shteti që është ndërtuar këtu, nuk është shteti i shqiptarëve, është shteti i një grushti oligarkësh dhe kriminelësh, të cilët janë mbi ligjin dhe përtej ligjit dhe, ndërkohë, institucionet që duhet të mbrojnë ligjin, godasin qytetarët e pambrojtur, i burgosin ata për hiçgjë, i deprivojnë nga aktiviteti më jetik, për bukën e gojës, ndërkohë politikanët e lidhur me krimin, politikanët e korruptuar, banditët që pastrojnë paratë e drogës, oligarkët që vjedhin nga mëngjesi në darkë, nuk u hyn asnjë gjemb në këmbë. E gjitha kjo është rezultat i një demokracie të rënë, i një parlamenti të kapur nga vota e krimit dhe i një qeverie që nuk i shërben qytetarëve, por i shërben këtyre dhjetë pashallarëve. Ndaj, rruga përpara është e zgjedhjeve të parakohshme që u rikthejnë qytetarëve mundësinë për të zgjedhur parlamentin e tyre, që u rikthejnë qytetarëve mundësinë që të jenë ata zotër të institucioneve të vendit, për të qenë ata zotër në shtëpinë e tyre dhe të mos ndjehen të përjashtuar nga këto institucione, të mos ndjehen të përjashtuar nga vendi i tyre, të mos shohin largimin si e vetmja mënyrë për të mbijetuar, sepse ky është një vend me mundësi të jashtëzakonshme. Nëqoftëse ne hedhim këtë hap, që jam i bindur që do ta hedhim, Shqipëria është në gjendje të prodhojë mirëqenie, shpresë, zhvillim për çdo shqiptar dhe jam i bindur që kjo është rruga e vetme dhe e shpejtë e ndryshimit që po vjen.

Partia Demokratike i ka kërkuar Komisionit Qendror të Zgjedhjeve të vendosë pa vonesë për shkarkimin e Kryetarit të Bashkisë së Vorës Agim Kajmaku. Pas denoncimit të PD-së, ai u verifikua nga prokuroria se ka fallsifikuar Formularin e Dekriminalizimit, duke fshehur arrestimin dhe hetimin në Greqi për veprën penale të përdorimit të parave fallco, si dhe duke fshehur identitetin e rremë të përdorur në Greqi për prindërit e tij.

Në kërkesën e firmosur prej Sekretarit të Përgjithshëm të PD-së, Gazment Bardhi, Partia Demokratike kujton se për këtë vepër të kryer nga Agim Kajmaku, ligji parashikon humbjen e menjëhershme të mandatit dhe dënimin e tij me deri në 4 vjet burg.

 “Fakti që në Formularin e Vetëdeklarimit, nuk është pasqyruar asnjë e dhënë e përcjellë në lidhje me arrestimin dhe hetimet përkatëse në shtetin grek, si dhe indentitetin e rremë të përdorur nga vetë ai, bën që Agim Kajmaku të përfshihet në kushtet e ndalimit të ushtrimit të funksionit publik si Kryetar i Bashkisë. Kjo pasjell përjashtimin e menjëhershëm dhe në çdo kohë nga funksioni publik që mban” – shprehet në kërkesën e tij Gazment Bardhi.

Në këtë kërkesë, drejtuar Kryetarit të KQZ, Klement Zguri dhe që i është dërguar për dijeni Ambasadës së SHBA dhe BE në Tiranë, theksohet qëndrimi i mëparshëm që KQZ-ja ka mbajtur në rastet e heqjes së mandatit të deputetëve Gledion Rahovica dhe Aqif Rakipi, raste këto që janë identike me atë të Agim Kajmakut.

“Për prokurorinë është e provuar se Agim Kajmaku ka patur dijeni të plotë në lidhje me faktin që ka qenë në hetim penal në Greqi dhe se ndaj tij kishte një proces gjyqësor penal në zhvillim. Ai ka kryer veprime konkrete për fshehjen e këtij fakti para autoriteteve shqiptare.”- thuhet në kërkesën e PD për KQZ-në.

Kërkesa e PD ka një sërë detajimesh juridike për t’i kujtuar KQZ-së se zbatimi i ligjit të dekriminalizimit për një funksionar si Agim Kajmaku, i cili ishte në kërkim europian në kohën e kandidimit dhe marrjes së mandatit, është shumë i rëndësishëm për besimin e publikut tek institucionet demokratike.

Në këtë rast, anëtarët e KQZ-së duhet të zbatojnë ligjin dhe të mos i nënshtrohen urdhrave politikë të Edi Ramës, pavarësisht se ai është personi që ka emëruar në detyrë edhe Agim Kajmakun, edhe 4 nga 5 anëtarët e KQZ-së.”-përfundon kërkesa e Partisë Demokratike për mbledhjen e menjëhershme të KQZ-së dhe shkarkimin e Agim Kajmakut nga detyra e Kryetarit të Bashkisë së Vorës.

• Edi Rama e ka lidhur fatin e tij politik me krimin, prandaj nuk zbaton Kushtetutën për të shkarkuar kryetarin e tij të Bashkisë Vorë, të kapur në shkelje të rëndë të ligjit të dekriminalizimit.

DEKLARATË E SEKRETARIT PËR ÇËSHTJET LIGJORE, ÇLIRIM GJATA

Prej 24 orësh në krye të Bashkisë së Vorës po qëndron një person, i cili duhet të ishte në burg për fallsifikim të Formularit të Dekriminalizimit. Agim Kajmaku vazhdon të jetë në detyrën e kryebashkiakut me mbrojtjen e Edi Ramës, megjithëse prokuroria vërtetoi çdo akuzë të bërë nga Partia Demokratike dy muajt e fundit.

Agim Kajmaku gënjeu qytetarët shqiptarë dhe votuesit e Bashkisë së Vorës për të kaluarën e tij kriminale në Greqi. E vërteta, siç u provua nga prokuroria, është se Edi Rama kandidoi në 30 Qershor një të arratisur nga drejtësia, me urdhër kërkimi në Greqi dhe në Europë deri 6 javë më parë.

Përpjekja e Edi Ramës për të mbrojtur një zyrtar të lartë që ka shkelur rëndë Kushtetutën dhe ligjin nuk ka mbaruar. Agim Kajmaku qëndron në detyrë dhe akoma nuk është shkarkuar nga Edi Rama, njeriu që i dha mbështetje politike, duke e kandiduar për Bashkinë e Vorës.

Ligji i dekriminalizimit shprehet fare qartë se një funksionuar i lartë publik, i cili kapet në fallsifikim të formularit të dekriminalizimit, humbet mandatin dhe dënohet deri në 4 vjet burg.

Sjellja e Edi Ramës në mbrojtje të kriminelëve që përfshiu në politikë, nuk është e papritur. Edi Rama e ka lidhur fatin e tij politik me krimin, prandaj nuk zbaton Kushtetutën për të shkarkuar kryetarin e tij të Bashkisë Vorë, të kapur në shkelje të rëndë të ligjit të dekriminalizimit.

Bashkëqeverisja e tij me krimin dhe më të fortët që blejnë vota për të, pa u dënuar nga drejtësia, është arsyeja pse dera e Europës vazhdon të qëndrojë e mbyllur për Shqipërinë.

Sjellja me rastin e Agim Kajmakut, duke e mbrojtur, edhe pas verifikimit zyrtar të Prokurorisë, është tregues se Edi Rama nuk ka ndërmend të marrë seriozisht as kushtet e vendosura nga Bundestagu gjerman, ku zbatimi i ligjit, lufta kundër krimit, ndëshkimi i zyrtarëve të lartë dhe i kujtdo që ka vjedhur zgjedhjet janë rruga për të çuar Shqipërinë drejt hapjes së bisedimeve për anëtarësim në Bashkimin Europian.

Agim Kajmaku dhe Edi Rama nuk ndryshojnë nga njëri-tjetri. Ata e sfidojnë shtetin ligjor, gënjejnë qytetarët në mënyrë të paturpshme dhe përdorin çdo mjet për të qëndruar në pushtet kundër interesit publik.

·         Provohet zyrtarisht denoncimi i PD se Agim Kajmaku është Jorgo Toto, i arrestuar në Greqi dhe në kërkim ndërkombëtar deri në shtator 2019.

·         Me mbrojtjen e Edi Ramës, Agim Kajmaku fshehu të vërtetën. Ligji i dekriminalizimit e skualifikon menjëherë nga detyra.

·         Edi Rama ka detyrimin kushtetues dhe ligjor të shkarkojë menjëherë nga detyra kryetarin e Bashkisë së Vorës, i cili gënjeu me formularin e dekriminalizimit.

DEKLARATË E SEKRETARIT TË PËRGJITHSHËM TË PARTISË DEMOKRATIKE, GAZMENT BARDHI

Në datë 20 gusht 2019 Partia Demokratike solli fakte se Agim Kajmaku, kandidati i Edi Ramës për Bashkinë e Vorës ishte një person që ishte i arrestuar në flagrancë, në kërkim ndërkombëtar në shtetin fqinj, në Greqi.

Me ndihmën e Edi Ramës, Agim Kajmaku u përpoq të vijonte mashtrimin e opinionit publik se në fakt Jordo Toto ishte një person i ndryshëm dhe nuk ishte Agim Kajmaku, kandidati i Edi Ramës në bashkinë e Vorës.

Partia Demokratike asokohe solli fakte të pakundërshtueshme se në fakt Jordo Toto i arrestuar në flagrancë në Greqi ishte pikërisht Agim Kajmaku, kandidati i Edi Ramës për bashkinë e Vorës.

Sot denoncimi i Partisë Demokratike është provuar zyrtarisht nga Prokuroria e cila me shkresën e datës 28 tetor 2019 ka provuar si tërësisht të vërtetë denoncimin e kryer nga Partia Demokratike.

Në vendimin e Prokurorisë i mbërritur vetëm pak minuta më parë zyrtarisht në Partinë Demokratike, rezulton se zyra Qendrore e Kombëtare e INTERPOL Tiranës, me shkresën Nr. 10709/6, datë 24/09/2019; ka sqaruar se nga informacioni i marrë nga zyra homologe INTERPOL Athinë rezulton se nga krahasimi i gjurmëve të gishtërinjve të shtetasit Agim Kajmaku, me gjurmët e gishtërinjve që ndodhen në databazen e të dhënave kriminale në Greqi ka përputhshmëri të plotë me ato të shtetasit Jorgo Toto.

Më tej, Prokuroria ka sqaruar se shtetasi Agim Kajmaku kandidati i Edi Ramës në bashkinë e Vorës, nga verifikimet e kryera është provuar se Agim Kajmaku dhe shtetasi Jorgo Toto, është i njëjti person. Ky fakt konfirmohet nga të dhënat e sistemit TIMS, konfirmohet nga fakti që gjurmët e shtetasit Agim Kajmaku dhe shtetasit Jorgo Toto janë i njëjti person.

Nga verifikimet e kryera, – citoj, shprehet prokuroria, konfirmohet se subjekti Agim Kajmaku ka pasur dijeni të plotë në lidhje me faktin që ka qenë në hetim penal në Greqi dhe se ndaj tij kishte një proces gjyqësor penal në zhvillim. Kjo, sepse ai është arrestuar, – shprehet prokuroria, në flagrancë dhe ka dalë para gjykatës greke ku është bërë e ditur e gjithë procedura që do të ndiqej ndaj tij.

Nga ana tjetër, shprehet prokuroria, rezulton se subjekti ka kryer veprime konkrete për fshehjen e këtij fakti përpara autoriteteve shqiptare, jo vetëm duke ndryshuar emrin dhe mbiemrin, por dhe duke mos e deklaruar këtë fakt në formularin e dekriminalizimit.

Në konkluzion, organi i prokurorisë ka konfirmuar se shtetasi Agim Ymer Kajmaku, kandidati i Edi Ramës për bashkinë Vorë, përfshihet në përcaktimin e pikës 3, germa ç, kreu 3, të vendimit 17-2016-të të Kuvendit të Shqipërisë.

Citojmë: Pasqyrimi i të dhënave të pavërteta, të pa plota dhe të pa sakta në këtë formular, pas sjell skualifikimin e menjëhershëm nga ushtrimi i mëtejshëm i funksionit publik.

Pas këtij vendimi të organit të prokurorisë, tashmë çdo alibi e krijuar nga Edi Rama dhe përfaqësuesi i tij në bashkinë e Vorës, është rrëzuar.

Ne e kemi të qartë se Edi Rama nuk ka vullnet për ta luftuar krimin dhe se pushtetin e tij e ka të lidhur me krimin. Mirëpo, shkarkimi i menjëhershëm nga detyra i Agim Kajmakut, tashmë nuk është më një çështje vullneti në dorë të Edi Ramës.

Edi Rama ka detyrimin kushtetues dhe ligjor të shkarkojë menjëherë nga detyra kryetarin e bashkisë së Vorës, Agim Kajmaku, i cili është arrestuar dhe ka qenë në kërkim ndërkombëtar deri në shtator të vitit 2019-të, për një vepër penale të rëndë të kryer në shtetin grek, për të cilën do të duhej të ishte dënuar deri në 10 vjet burg.

Ndëshkimi i zyrtarëve të lartë është dhe një nga kushtet e Bundestagut gjerman për hapjen e negociatave me Bashkimin Europian.

Kjo është një tjetër provë nëse Edi Rama do të vijojë  të mbajë peng Shqipërinë, duke bashkëqeverisur me krimin, apo do të duhet të hapë krahun për ti hapur rrugë Shqipërisë si gjithë Europa.

Bashkengjitur faksimile te pergjigjes se Prokurorise, foto dhe deklarata e plote e zotit Bardhi:     

Partia Demokratike e Shqipërisë po ndjek me shqetësim të madh prej gjashtë muajsh sulmet e vazhdueshme, shpifjet, linçimin publik dhe kërcënimet e përsëritura me vdekje, që i bëhen Drejtorit Ekzekutiv të Institutit të Studimeve të Krimeve dhe Pasojave të Komunizmit, z. Agron Tufa, avokatit të tij dhe kolegëve të tij që punojnë për zbardhjen e krimeve të komunizmit.

Kjo atmosferë shantazhi dhe frikësimi publik bëhet për shkak të detyrës, që ky institucion i pavarur ushtron ndaj trashëgimtarëve të diktaturës përmes zbardhjes dhe informimit të publikut me të vërtetat e panjohura të gjenocidit 45 vjeçar ndaj qytetarëve shqiptarë.  Krijon shqetësim, sepse personazhet e errët të këtyre krimeve gëzojnë sot poste të larta drejtuese në krye të shtetit dhe institucioneve të larta të tij.

Kjo atmosferë shantazhi dhe frikësimi, këto kërcënime të përsëritura me vdekje në adresë të z. Tufa dhe kolegëve të tij, janë një nga format e vjetra të presionit për t’i detyruar ata të heqin dorë dhe të mbyllin gojën përpara të vërtetës.

Fushata e sulmeve ndaj Tufës dhe kolegëve të Institutit, megjithëse të paralajmëruara, që po bëhen çdo ditë publike, nuk kanë vënë në lëvizje asnjë prej institucioneve ligjzbatuese, përfshi policinë e shtetit dhe Prokurorinë. Këto mosveprime, kjo indiferencë e organeve ligjzbatuese dhe e të gjitha hallkave të shtetit shqiptar, është shenjë e qartë e inkurajimit që kryeministri Rama bashkë me ish-këshilltarin e tij për sigurinë kombetare, deputetin Spartak Braho, u japin kriminelëve të djeshëm në bashkëpunim me strukturat e sotme kriminale, të instaluara në krye të shtetit.

Partia Demokratike u bën apel organeve të ligjit, që nuk janë pjesë e inkriminuar, të fillojnë sa më shpejt hetimet dhe të punojnë për zbardhjen e këtyre akteve mesjetare të kërcënimeve publike me vdekje, me qëllim që autorët e tyre të vihen para drejtësisë.

• Erion Veliaj bëri tender 200 milionë lekë për rikonstruksionin e konvikteve, ku ka rënë tavani dhe janë çarë muret në Qytetin Studenti.

• 10 muaj pas protestës, studentët u mashtruan nga Rama dhe Veliaj. Kushtet nuk janë më të mira, jeta e tyre nuk është e sigurtë.

• Plani i PD për arsim cilësor, kushte më të mira dhe bursë për studentët në pamundësi ekonomike, është alternativa më e mirë për rininë.

DEKLARATË E PARTISË DEMOKRATIKE, ORJOLA PAMPURI

Një ngjarje e rëndë në Qytetin Studenti, e ndodhur, fatmirësisht, në mungesë të studentëve, po u risjell atyre në vëmendje mashtrimin e madh të Edi Ramës dhe Erion Veliajt për përmirësimin e kushteve të jetësës në konvikte.

Rrëzimi i tavaneve në një prej konvikteve që gjoja u rikonsteuktuan pas protestës së studentëve, është treguesi më i qartë i propagandës së rrezikshme të Ramës dhe veliajt.

Në vend që të siguronin punime cilësore, siç studentët e meritojnë, kampionët e vjedhjes në Shqipëri bënë shoë me fasadat e godinave ku jetojnë shumica e studentëve.

ERION VELIAJ: “Dua të falenderoj stafin e qytetit Studenti, që kanë kaluar gjithë verën për t’u siguruar që kushtet janë optimale. Ajo që është bërë, është sagllam. Do të thotë me termoizolim, me nyje higjenosanitare, me bateritë e dusheve, me taraca të rregullta, me hapësira të përbashkëta, me ndriçim led, me rrjet të ri elektrik”

Tani, fasada e Edi Ramës dhe e Erion Veliajt ka rënë dhe vjedhjes me paratë e studentëve i ka dalë boja vetëm 4 muaj pas rikonstruksionit, të inauguruar me zhurmë të përditshme propagandistik nga kampionët e korrupsionit me fasadat.

Dokumentat zyrtare tregojnë se për suvatimin që ka rënë në godinat e studentëve, bashkia e Tiranës ka paguar 200 milionë lekë. Në këtë tender për vetëm 4 godina, si në shumë tendera të Bashkisë së Tiranës, nuk ka fituar oferta më e ulët. Kjo do të thotë se, megjithëse punimet janë kryer me më shumë para, ato janë kryer keq dhe kanë vënë në rrezik studentët.

Me 200 milionë lekë, të hedhur në bojën e propagandës së Edi Ramës dhe Erion Veliajt, jeta e studentëve nuk është bërë më e mirë që nga protesta e 10 muajve më parë.

Përkundrazi! Për hir të pushtetit, është rrezikuar jeta e fëmijëve tanë .

Erjon Veliaj dhe Edi Rama duhet të mbajnë përgjegjësi për këtë!

Studentët nuk e meritojnë të jenë të rrezikuar në strehën që u siguron shteti. Ata nuk meritojnë të jenë të mashtrohen, të tradhëtohen dhe të braktisen sipas modelit të mjerë dhe korruptiv të Edi Ramës dhe Erion Veliajt.

Alternativa më e mirë për studentët dhe për rininë është Partia Demokratike dhe plani i saj për një arsim të lartë cilësor, me kushte të garantuara, ku, të mbështetur me bursë, të rinjve u jepet mundësia të studiojnë, pavarësisht nga gjendja ekonomike.